Devi Bhagavata Purana — Skandha 5 — Chapter 5
DB 5 5.1
दैत्यसैन्यपराजयः व्यास उवाच इति श्रुत्वा सहस्राक्षः पुनराह बृहस्पतिम् । युद्धोद्योगं करिष्यामि हयारेर्नाशनाय वै
daityasainyaparājayaḥ vyāsa uvāca iti śrutvā sahasrākṣaḥ punarāha bṛhaspatim | yuddhodyogaṃ kariṣyāmi hayārernāśanāya vai
The Defeat of the Demon Army. Vyāsa said: Hearing this, the thousand-eyed one spoke again to Bṛhaspati: "I shall undertake the effort of war for the destruction of the enemy Haya."
AI translation rendered from the Sanskrit, not a published edition
DB 5 5.2
नोद्यमेन विना राज्यं न सुखं न च वै यशः । निरुद्यमं न शंसन्ति कातरा न च सोद्यमाः
nodyamena vinā rājyaṃ na sukhaṃ na ca vai yaśaḥ | nirudyamaṃ na śaṃsanti kātarā na ca sodyamāḥ
Without exertion there is no kingdom, no happiness, and no fame; the timid, who make no exertion, do not commend the man without exertion.
AI translation rendered from the Sanskrit, not a published edition — the model flagged this verse as uncertain
DB 5 5.3
यतीनां भूषणं ज्ञानं सन्तोषो हि द्विजन्मनाम् । उद्यमः शत्रुहननं भूषणं भूतिमिच्छताम्
yatīnāṃ bhūṣaṇaṃ jñānaṃ santoṣo hi dvijanmanām | udyamaḥ śatruhananaṃ bhūṣaṇaṃ bhūtimicchatām
Knowledge is the ornament of ascetics, contentment that of the twice-born; exertion, the slaying of enemies, is the ornament of those who desire prosperity.
AI translation rendered from the Sanskrit, not a published edition
DB 5 5.4
उद्यमेन हतस्त्वाष्ट्रो नमुचिर्बल एव च । तथैनं निहनिष्यामि महिषं मुनिसत्तम
udyamena hatastvāṣṭro namucirbala eva ca | tathainaṃ nihaniṣyāmi mahiṣaṃ munisattama
By exertion Tvāṣṭra was slain, and Namuci, and Bala too; so shall I slay this buffalo, O best of sages.
AI translation rendered from the Sanskrit, not a published edition
DB 5 5.5
बलं देवगुरुस्त्वं मे वज्रमायुधमुत्तमम् । सहायस्तु हरिर्नूनं तथोमापतिरव्ययः पञ्चमस्कन्धे दैत्यसैन्यपराजयो नाम पञ्चमोऽध्यायः
balaṃ devagurustvaṃ me vajramāyudhamuttamam | sahāyastu harirnūnaṃ tathomāpatiravyayaḥ pañcamaskandhe daityasainyaparājayo nāma pañcamo'dhyāyaḥ
You, the gods' preceptor, are my strength; the thunderbolt is my finest weapon; and surely Hari is my helper, and likewise the imperishable husband of Umā. — In the fifth book, the fifth chapter, called "The Defeat of the Demon Army."
AI translation rendered from the Sanskrit, not a published edition
DB 5 5.6
रक्षोघ्नान्पठ मे साधो करोम्यद्य समुद्यमम् । स्वसैन्याभिनिवेशञ्च महिषं प्रति मानद
rakṣoghnānpaṭha me sādho karomyadya samudyamam | svasainyābhiniveśañca mahiṣaṃ prati mānada
Recite for me, good sir, the demon-slaying (verses); today I shall make my effort, and the marshalling of my own army against the buffalo, O giver of honour.
AI translation rendered from the Sanskrit, not a published edition
DB 5 5.7
व्यास उवाच इत्युक्तो देवराजेन वाचस्पतिरुवाच ह । सुरेन्द्रं युद्धसंरक्तं स्मितपूर्वं वचस्तदा
vyāsa uvāca ityukto devarājena vācaspatiruvāca ha | surendraṃ yuddhasaṃraktaṃ smitapūrvaṃ vacastadā
Vyāsa said: Thus addressed by the king of the gods, the lord of speech then spoke these words, with a smile first, to the lord of the gods who was inflamed for battle.
AI translation rendered from the Sanskrit, not a published edition
DB 5 5.8
बृहस्पतिरुवाच प्रेरयामि न चाहं त्वां न च निर्वारयाम्यहम् । सन्दिग्धेऽत्र जये कामं युध्यतश्च पराजये
bṛhaspatiruvāca prerayāmi na cāhaṃ tvāṃ na ca nirvārayāmyaham | sandigdhe'tra jaye kāmaṃ yudhyataśca parājaye
Bṛhaspati said: I neither urge you on nor do I hold you back; here victory is doubtful, and so is defeat for one who fights, as (fate) wills.
AI translation rendered from the Sanskrit, not a published edition — the model flagged this verse as uncertain
DB 5 5.9
न तेऽत्र दूषणं किञ्चिद्भवितव्ये शचीपते । सुखं वा यदि वा दुःखं विहितं च भविष्यति
na te'tra dūṣaṇaṃ kiñcidbhavitavye śacīpate | sukhaṃ vā yadi vā duḥkhaṃ vihitaṃ ca bhaviṣyati
In this you incur no blame at all, O husband of Śacī, since it is a matter of destiny: whether pleasure or pain, whatever is ordained will come to pass.
AI translation rendered from the Sanskrit, not a published edition
DB 5 5.10
न मया तत्परिज्ञातं भावि दुःखं सुखं तथा । यद्भार्याहरणे प्राप्तं पुरा वासव वेत्सि हि
na mayā tatparijñātaṃ bhāvi duḥkhaṃ sukhaṃ tathā | yadbhāryāharaṇe prāptaṃ purā vāsava vetsi hi
I did not foresee the coming pain or pleasure — as happened formerly in the carrying off of my wife, O Vāsava, as you well know.
AI translation rendered from the Sanskrit, not a published edition
DB 5 5.11
शशिना मे हृता भार्या मित्रेणामित्रकर्शन । स्वाश्रमस्थेन सम्प्राप्तं दुःखं सर्वसुखापहम्
śaśinā me hṛtā bhāryā mitreṇāmitrakarśana | svāśramasthena samprāptaṃ duḥkhaṃ sarvasukhāpaham
My wife was carried off by the Moon, by a friend, O tormentor of foes; though I was staying in my own hermitage, a pain befell (me) that took away all happiness.
AI translation rendered from the Sanskrit, not a published edition
DB 5 5.12
बुद्धिमान्सर्वलोकेषु विदितोऽहं सुराधिप । क्व मे गता तदा वुद्धिर्यदा भार्या हृता बलात्
buddhimānsarvalokeṣu vidito'haṃ surādhipa | kva me gatā tadā vuddhiryadā bhāryā hṛtā balāt
"In all the worlds I am known as intelligent, O lord of the gods; where had my intelligence gone then, when my wife was carried off by force?"
AI translation rendered from the Sanskrit, not a published edition
DB 5 5.13
तस्मादुपायः कर्तव्यो बुद्धिमद्भिः सदा नरैः । कार्यसिद्धिः सदा नूनं दैवाधीना सुराधिप
tasmādupāyaḥ kartavyo buddhimadbhiḥ sadā naraiḥ | kāryasiddhiḥ sadā nūnaṃ daivādhīnā surādhipa
"Therefore a stratagem should always be employed by intelligent men; yet the accomplishment of a task is surely always dependent on fate, O lord of the gods."
AI translation rendered from the Sanskrit, not a published edition
DB 5 5.14
व्यास उवाच तच्छ्रुत्वा वचनं सत्यं गुरोः सार्थं शचीपतिः । ब्रह्माणं शरणं गत्वा नत्वा वचनमब्रवीत्
vyāsa uvāca tacchrutvā vacanaṃ satyaṃ guroḥ sārthaṃ śacīpatiḥ | brahmāṇaṃ śaraṇaṃ gatvā natvā vacanamabravīt
Vyāsa said: Hearing that true and purposeful speech of his teacher, the husband of Śacī went for refuge to Brahmā and, bowing, spoke these words.
AI translation rendered from the Sanskrit, not a published edition
DB 5 5.15
पितामह सुराध्यक्ष दैत्यो महिषसंज्ञकः । ग्रहीतुकामः स्वर्गं मे बलोद्योगं करोत्यलम्
pitāmaha surādhyakṣa daityo mahiṣasaṃjñakaḥ | grahītukāmaḥ svargaṃ me balodyogaṃ karotyalam
"Grandfather, overseer of the gods, a demon named Mahiṣa, wishing to seize my heaven, is making a mighty exertion of force."
AI translation rendered from the Sanskrit, not a published edition
DB 5 5.16
अन्ये च दानवाः सर्वे तत्सैन्यं समुपस्थिताः । योद्धुकामा महावीर्याः सर्वे युद्धविशारदाः
anye ca dānavāḥ sarve tatsainyaṃ samupasthitāḥ | yoddhukāmā mahāvīryāḥ sarve yuddhaviśāradāḥ
"And all the other Dānavas have assembled in his army, eager to fight, of great might, all skilled in battle."
AI translation rendered from the Sanskrit, not a published edition
DB 5 5.17
तेनाहं भीतभीतोऽस्मि त्वत्सकाशमिहागतः । सर्वज्ञोऽसि महाप्राज्ञ साहाय्यं कर्तुमर्हसि
tenāhaṃ bhītabhīto'smi tvatsakāśamihāgataḥ | sarvajño'si mahāprājña sāhāyyaṃ kartumarhasi
"Because of him I am utterly terrified, and have come here into your presence; you are all-knowing, greatly wise—you ought to render assistance."
AI translation rendered from the Sanskrit, not a published edition
DB 5 5.18
ब्रह्मोवाच गच्छामः सर्व एवाद्य कैलासं त्वरिता वयम् । शङ्करं पुरतः कृत्वा विष्णुं च बलिनां वरम्
brahmovāca gacchāmaḥ sarva evādya kailāsaṃ tvaritā vayam | śaṅkaraṃ purataḥ kṛtvā viṣṇuṃ ca balināṃ varam
Brahmā said: Let us all go quickly this very day to Kailāsa, putting Śaṅkara in front, and Viṣṇu, the best of the strong.
AI translation rendered from the Sanskrit, not a published edition
DB 5 5.19
ततो युद्धं प्रकर्तव्यं सर्वैः सुरगणैः सह । मिलित्वा मन्त्रमाधाय देशं कालं विचिन्त्य च
tato yuddhaṃ prakartavyaṃ sarvaiḥ suragaṇaiḥ saha | militvā mantramādhāya deśaṃ kālaṃ vicintya ca
Then war must be waged together with all the hosts of gods, after meeting, taking counsel, and considering place and time.
AI translation rendered from the Sanskrit, not a published edition
DB 5 5.20
बलाबलमविज्ञाय विवेकमपहाय च । साहसं तु प्रकुर्वाणो नरः पतनमृच्छति
balābalamavijñāya vivekamapahāya ca | sāhasaṃ tu prakurvāṇo naraḥ patanamṛcchati
Not knowing (his own) strength and weakness, and abandoning discrimination, a man who acts rashly meets with a fall.
AI translation rendered from the Sanskrit, not a published edition
DB 5 5.21
व्यास उवाच तन्निशम्य सहस्राक्षः कैलासं निर्जगाम ह । ब्रह्माणं पुरतः कृत्वा लोकपालसमन्वितः
vyāsa uvāca tanniśamya sahasrākṣaḥ kailāsaṃ nirjagāma ha | brahmāṇaṃ purataḥ kṛtvā lokapālasamanvitaḥ
Vyāsa said: Hearing that, the thousand-eyed one set out for Kailāsa, putting Brahmā in front, accompanied by the guardians of the worlds.
AI translation rendered from the Sanskrit, not a published edition
DB 5 5.22
तुष्टाव शङ्करं गत्वा वेदमन्त्रैर्महेश्वरम् । प्रसन्नं पुरतः कृत्वा ययौ विष्णुपुरं प्रति
tuṣṭāva śaṅkaraṃ gatvā vedamantrairmaheśvaram | prasannaṃ purataḥ kṛtvā yayau viṣṇupuraṃ prati
Having gone (there), he praised Śaṅkara, the great lord, with Vedic mantras; and having made him favourable and placed him in front, he went toward Viṣṇu's city.
AI translation rendered from the Sanskrit, not a published edition
DB 5 5.23
स्तुत्वा तं देवदेवेशं कार्यं प्रोवाच चात्मनः । महिषात्तद्भयं चोग्रं वरदानमदोद्धतात्
stutvā taṃ devadeveśaṃ kāryaṃ provāca cātmanaḥ | mahiṣāttadbhayaṃ cograṃ varadānamadoddhatāt
Having praised that lord of the gods of gods, he told (him) his own business: that terrible fear of his from Mahiṣa, who was insolent with the pride of the boon granted (to him).
AI translation rendered from the Sanskrit, not a published edition
DB 5 5.24
तदाकर्ण्य भयं तस्य विष्णुर्देवानुवाच ह । करिष्यामो वयं युद्धं हनिष्यामस्तु दुर्जयम्
tadākarṇya bhayaṃ tasya viṣṇurdevānuvāca ha | kariṣyāmo vayaṃ yuddhaṃ haniṣyāmastu durjayam
Hearing of his fear, Viṣṇu said to the gods: "We shall make war, and we shall slay the hard-to-conquer one."
AI translation rendered from the Sanskrit, not a published edition
DB 5 5.25
व्यास उवाच इति ते निश्चयं कृत्वा ब्रह्मविष्णुहरीश्वराः । स्वानि स्वानि समारुह्य वाहनानि ययुः सुराः
vyāsa uvāca iti te niścayaṃ kṛtvā brahmaviṣṇuharīśvarāḥ | svāni svāni samāruhya vāhanāni yayuḥ surāḥ
Vyāsa said: Having thus made their decision, Brahmā, Viṣṇu, Hara and Īśvara—the gods—each mounted their own vehicles and set out.
AI translation rendered from the Sanskrit, not a published edition
DB 5 5.26
ब्रह्मा हंससमारूढो विष्णर्गरुडवाहनः । शङ्करो वृषभारूढो वृत्रहा गजसंस्थितः
brahmā haṃsasamārūḍho viṣṇargaruḍavāhanaḥ | śaṅkaro vṛṣabhārūḍho vṛtrahā gajasaṃsthitaḥ
Brahmā mounted on his goose, Viṣṇu with Garuḍa for his vehicle, Śaṅkara riding his bull, and the slayer of Vṛtra seated on his elephant;
AI translation rendered from the Sanskrit, not a published edition
DB 5 5.27
मयूरवाहनः स्कन्दो यमो महिषवाहनः । कृत्वा सैन्यसमायोगं यावत्ते निर्ययुः सुराः
mayūravāhanaḥ skando yamo mahiṣavāhanaḥ | kṛtvā sainyasamāyogaṃ yāvatte niryayuḥ surāḥ
Skanda with the peacock for his vehicle, Yama with the buffalo for his vehicle—having marshalled their army, just as these gods marched out,
AI translation rendered from the Sanskrit, not a published edition
DB 5 5.28
तावद्दैत्यबलं प्राप्तं दृप्तं महिषपालितम् । तत्राभूत्तुमुलं युद्धं देवदानवसैन्ययोः
tāvaddaityabalaṃ prāptaṃ dṛptaṃ mahiṣapālitam | tatrābhūttumulaṃ yuddhaṃ devadānavasainyayoḥ
just then the demon force arrived, arrogant, guarded by Mahiṣa; and there a tumultuous battle took place between the armies of gods and Dānavas.
AI translation rendered from the Sanskrit, not a published edition
DB 5 5.29
बाणैः खड्गैस्तथा प्रासैर्मुसलैश्च परश्वधैः । गदाभिः पट्टिशैः शूलैश्चक्रैश्च शक्तितोमरैः
bāṇaiḥ khaḍgaistathā prāsairmusalaiśca paraśvadhaiḥ | gadābhiḥ paṭṭiśaiḥ śūlaiścakraiśca śaktitomaraiḥ
With arrows, with swords, with spears, with clubs and axes, with maces, with pikes, with tridents, with discuses and with javelins and lances,
AI translation rendered from the Sanskrit, not a published edition
DB 5 5.30
मुद्गरैर्भिन्दिपालैश्च हलैश्चैवातिदारुणैः । अन्यैश्च विविधैरस्त्रैर्निजघ्नुस्ते परस्परम्
mudgarairbhindipālaiśca halaiścaivātidāruṇaiḥ | anyaiśca vividhairastrairnijaghnuste parasparam
with hammers and slings and with most dreadful plough-weapons, and with various other missiles, they struck one another.
AI translation rendered from the Sanskrit, not a published edition
DB 5 5.31
सेनानीश्चिक्षुरस्तस्य गजारूढो महाबलः । मघवन्तं पञ्चभिस्तैः सायकैः समताडयत्
senānīścikṣurastasya gajārūḍho mahābalaḥ | maghavantaṃ pañcabhistaiḥ sāyakaiḥ samatāḍayat
His general Cikṣura, mounted on an elephant, of great strength, struck Maghavan (Indra) with five of those arrows.
AI translation rendered from the Sanskrit, not a published edition
DB 5 5.32
तुराषाडपि तांश्छित्त्वा बाणैर्बाणांस्त्वरान्वितः । हृदये चार्धचन्द्रेण ताडयामास तं कृती
turāṣāḍapi tāṃśchittvā bāṇairbāṇāṃstvarānvitaḥ | hṛdaye cārdhacandreṇa tāḍayāmāsa taṃ kṛtī
Turāṣāṭ (Indra) too, hastening, cut those arrows down with arrows, and, skilled (in arms), struck him in the chest with a crescent-headed shaft.
AI translation rendered from the Sanskrit, not a published edition
DB 5 5.33
बाणाहतस्तु सेनानीः प्राप मूर्च्छां गजोपरि । करिणं वज्रघातेन स जघान करे ततः
bāṇāhatastu senānīḥ prāpa mūrcchāṃ gajopari | kariṇaṃ vajraghātena sa jaghāna kare tataḥ
Struck by the arrow, the general fell into a swoon upon his elephant; then (Indra) smote the elephant on the trunk with a blow of his thunderbolt.
AI translation rendered from the Sanskrit, not a published edition
DB 5 5.34
तद्वज्राभिहतो नागो भग्नः सैन्यं जगाम ह । दृष्ट्वा तं दैत्यराट् कुद्धो बिडालाख्यमथाब्रवीत्
tadvajrābhihato nāgo bhagnaḥ sainyaṃ jagāma ha | dṛṣṭvā taṃ daityarāṭ kuddho biḍālākhyamathābravīt
Struck by that thunderbolt, the elephant, broken, went off into the army. Seeing that, the lord of the Daityas, enraged, then said to the one named Biḍāla:
AI translation rendered from the Sanskrit, not a published edition
DB 5 5.35
गच्छ वीर महाबाहो जहीन्द्रं मदगर्वितम् । वरुणादीन्परान्देवान्हत्वाऽऽगच्छ ममान्तिकम्
gaccha vīra mahābāho jahīndraṃ madagarvitam | varuṇādīnparāndevānhatvā''gaccha mamāntikam
"Go, hero, mighty-armed one; slay Indra, who is puffed up with pride. Having killed Varuṇa and the other enemy gods, come back to me."
AI translation rendered from the Sanskrit, not a published edition
DB 5 5.36
व्यास उवाच तच्छ्रुत्वा वचनं तस्य बिडालाख्यो महाबलः । आरुह्य वारणं मत्तं जगाम त्रिदशाधिपम्
vyāsa uvāca tacchrutvā vacanaṃ tasya biḍālākhyo mahābalaḥ | āruhya vāraṇaṃ mattaṃ jagāma tridaśādhipam
Vyāsa said: Having heard that speech of his, the one named Biḍāla, of great strength, mounted a rutting elephant and went against the lord of the thirty (gods).
AI translation rendered from the Sanskrit, not a published edition
DB 5 5.37
वासवस्तं समायान्तं दृष्ट्वा क्रोधसमन्वितः । जघान विशिखैस्तीक्षौराशीविषसमप्रभैः
vāsavastaṃ samāyāntaṃ dṛṣṭvā krodhasamanvitaḥ | jaghāna viśikhaistīkṣaurāśīviṣasamaprabhaiḥ
Vāsava (Indra), seeing him coming on, filled with anger, struck (him) with sharp arrows whose sheen was like that of venomous snakes.
AI translation rendered from the Sanskrit, not a published edition
DB 5 5.38
स तु छित्त्वा शरांस्तूर्णं स्वशरैश्चापनिःसृतैः । पञ्चाशद्भिर्जघानाशु वासवञ्च शिलीमुखैः
sa tu chittvā śarāṃstūrṇaṃ svaśaraiścāpaniḥsṛtaiḥ | pañcāśadbhirjaghānāśu vāsavañca śilīmukhaiḥ
But he, swiftly cutting the arrows with his own arrows discharged from his bow, at once struck Vāsava too with fifty shafts.
AI translation rendered from the Sanskrit, not a published edition
DB 5 5.39
तथेन्द्रोऽपि च तान्बाणांश्छित्त्वा कोपसमन्वितः । जघान विशिखैस्तीक्ष्णैराशीविषसमप्रभैः
tathendro'pi ca tānbāṇāṃśchittvā kopasamanvitaḥ | jaghāna viśikhaistīkṣṇairāśīviṣasamaprabhaiḥ
So too Indra, cutting down those arrows, filled with wrath, struck (him) with sharp arrows whose sheen was like that of venomous snakes.
AI translation rendered from the Sanskrit, not a published edition
DB 5 5.40
स तु छित्त्वा शरांस्तूर्णं स्वशरैश्चापनिःसृतैः । गदया ताडयामास गजं तस्य करोपरि
sa tu chittvā śarāṃstūrṇaṃ svaśaraiścāpaniḥsṛtaiḥ | gadayā tāḍayāmāsa gajaṃ tasya karopari
But he, swiftly cutting the arrows with his own arrows discharged from his bow, struck his elephant with a mace upon the trunk.
AI translation rendered from the Sanskrit, not a published edition
DB 5 5.41
स्वकरे निहतो नागश्चकारार्तस्वरं मुहुः । परिवृत्य जघानाशु दैत्यसैन्यं भयातुरम्
svakare nihato nāgaścakārārtasvaraṃ muhuḥ | parivṛtya jaghānāśu daityasainyaṃ bhayāturam
The elephant, struck on its own trunk, made cries of pain again and again, and turning about, swiftly assailed the Daitya army, which was stricken with fear.
AI translation rendered from the Sanskrit, not a published edition
DB 5 5.42
दानवस्तु गजं वीक्ष्य परावृत्य गतं रणात् । समाविश्य रथे रम्ये जगामाशु सुरान् रणे
dānavastu gajaṃ vīkṣya parāvṛtya gataṃ raṇāt | samāviśya rathe ramye jagāmāśu surān raṇe
But the Dānava, seeing his elephant turn away and leave the battle, mounted a fine chariot and swiftly went against the gods in the fight.
AI translation rendered from the Sanskrit, not a published edition
DB 5 5.43
तुराषाडपि तं वीक्ष्य रथस्थं पुनरागतम् । अहनद्विशिखैस्तीक्ष्णैराशीविषसमप्रभैः
turāṣāḍapi taṃ vīkṣya rathasthaṃ punarāgatam | ahanadviśikhaistīkṣṇairāśīviṣasamaprabhaiḥ
Turāṣāṭ too, seeing him come again, standing in his chariot, struck (him) with sharp arrows whose sheen was like that of venomous snakes.
AI translation rendered from the Sanskrit, not a published edition
DB 5 5.44
सोऽपि क्रुद्धश्चकारोग्रां बाणवृष्टिं महाबलः । बभूव तुमुलं युद्धं तयोस्तत्र जयैषिणोः
so'pi kruddhaścakārogrāṃ bāṇavṛṣṭiṃ mahābalaḥ | babhūva tumulaṃ yuddhaṃ tayostatra jayaiṣiṇoḥ
He too, enraged, mighty in strength, made a fierce rain of arrows; and there a tumultuous battle took place between those two, each seeking victory.
AI translation rendered from the Sanskrit, not a published edition
DB 5 5.45
इन्द्रस्तु बलिनं दृष्ट्वा कोपेनाकुलितेन्द्रियः । जयन्तमग्रतः कृत्वा युयुधे तेन संयुतः
indrastu balinaṃ dṛṣṭvā kopenākulitendriyaḥ | jayantamagrataḥ kṛtvā yuyudhe tena saṃyutaḥ
But Indra, seeing him strong, his senses agitated with anger, put Jayanta in front and fought together with him (against the demon).
AI translation rendered from the Sanskrit, not a published edition
DB 5 5.46
जयन्तस्तु शितैर्बाणैस्तं जघान स्तनान्तरे । पञ्चभिः प्रबलाकृष्टैरसुरं मदगर्वितम्
jayantastu śitairbāṇaistaṃ jaghāna stanāntare | pañcabhiḥ prabalākṛṣṭairasuraṃ madagarvitam
Jayanta then struck that Asura, puffed up with pride, between the breasts with five whetted arrows drawn with great force.
AI translation rendered from the Sanskrit, not a published edition
DB 5 5.47
स बाणाभिहतस्तावन्निपपात रथोपरि । अतिवाह्य रथं सूतो निर्जगाम रणाजिरात्
sa bāṇābhihatastāvannipapāta rathopari | ativāhya rathaṃ sūto nirjagāma raṇājirāt
Struck by the arrows, he thereupon fell down upon his chariot; and the charioteer, driving the chariot away, went out from the battlefield.
AI translation rendered from the Sanskrit, not a published edition
DB 5 5.48
तस्मिन्विनिर्गते दैत्ये बिडालाख्येऽथ मूर्च्छिते । जयशब्दो महानासीदुन्दुभीनां च निःस्वनः
tasminvinirgate daitye biḍālākhye'tha mūrcchite | jayaśabdo mahānāsīdundubhīnāṃ ca niḥsvanaḥ
When that Daitya named Biḍāla had been carried off and had fallen into a swoon, there was a great shout of victory and the sounding of drums.
AI translation rendered from the Sanskrit, not a published edition
DB 5 5.49
सुराः प्रमुदिताः सर्वे तुष्टुवुस्तं शचीपतिम् । जगुर्गन्धर्वपतयो ननृतुश्चाप्सरोगणाः
surāḥ pramuditāḥ sarve tuṣṭuvustaṃ śacīpatim | jagurgandharvapatayo nanṛtuścāpsarogaṇāḥ
All the gods, delighted, praised that husband of Śacī; the lords of the Gandharvas sang, and the hosts of Apsarases danced.
AI translation rendered from the Sanskrit, not a published edition
DB 5 5.50
चुकोप महिषः श्रुत्वा जयशब्दं सुरैः कृतम् । प्रेषयामास तत्रैव ताम्रं परमदापहम्
cukopa mahiṣaḥ śrutvā jayaśabdaṃ suraiḥ kṛtam | preṣayāmāsa tatraiva tāmraṃ paramadāpaham
The buffalo (demon), hearing the shout of victory raised by the gods, grew angry, and sent to that very place Tāmra, the destroyer of the enemy's pride.
AI translation rendered from the Sanskrit, not a published edition
DB 5 5.51
ताम्रस्तु बहुभिः सार्धं समागम्य रणाजिरे । शरवृष्टिं चकाराशु तडित्वानिव सागरे
tāmrastu bahubhiḥ sārdhaṃ samāgamya raṇājire | śaravṛṣṭiṃ cakārāśu taḍitvāniva sāgare
Tāmra, coming to the battlefield together with many (warriors), swiftly made a rain of arrows, like a thundercloud over the ocean.
AI translation rendered from the Sanskrit, not a published edition
DB 5 5.52
वरुणः पाशमुद्यम्य जगाम त्वरितस्तदा । यमश्च महिषारूढो दण्डमादाय निर्ययौ
varuṇaḥ pāśamudyamya jagāma tvaritastadā | yamaśca mahiṣārūḍho daṇḍamādāya niryayau
Varuṇa, raising his noose, went forth in haste at that moment; and Yama, mounted on his buffalo, took up his rod and set out.
AI translation rendered from the Sanskrit, not a published edition
DB 5 5.53
तत्र युद्धमभूद् घोरं देवदानवयोर्मिथः । बाणैः खड्गैश्च मुसलैः शक्तिभिश्च परश्वधैः
tatra yuddhamabhūd ghoraṃ devadānavayormithaḥ | bāṇaiḥ khaḍgaiśca musalaiḥ śaktibhiśca paraśvadhaiḥ
There a terrible battle took place between the gods and the demons against each other, with arrows and swords and clubs and spears and axes.
AI translation rendered from the Sanskrit, not a published edition
DB 5 5.54
दण्डेन निहतस्ताम्रो यमहस्तोद्यतेन च । न चचाल महाबाहुः संग्रामाङ्गणतस्तदा
daṇḍena nihatastāmro yamahastodyatena ca | na cacāla mahābāhuḥ saṃgrāmāṅgaṇatastadā
Struck by the club raised in Yama's hand, Tāmra, the mighty-armed, did not budge then from the field of battle.
AI translation rendered from the Sanskrit, not a published edition
DB 5 5.55
चापमाकृष्य वेगेन मुक्त्वा तीव्राञ्छिलीमुखान्। इन्द्रादीनहनत्तूर्णं ताम्रस्तस्मिन् रणाजिरे
cāpamākṛṣya vegena muktvā tīvrāñchilīmukhān| indrādīnahanattūrṇaṃ tāmrastasmin raṇājire
Drawing his bow with force and loosing sharp arrows, Tāmra quickly struck Indra and the others on that field of battle.
AI translation rendered from the Sanskrit, not a published edition
DB 5 5.56
तेऽपि देवाः शरैर्दिव्यैर्निशितैश्च शिलाशितैः । निजघ्नुर्दानवान्क्रुद्धास्तिष्ठ तिष्ठेति चुकुशुः
te'pi devāḥ śarairdivyairniśitaiśca śilāśitaiḥ | nijaghnurdānavānkruddhāstiṣṭha tiṣṭheti cukuśuḥ
Those gods too, with divine arrows sharpened and honed on stone, angrily struck down the Dānavas, and shouted "Stand! Stand!"
AI translation rendered from the Sanskrit, not a published edition
DB 5 5.57
निहतस्तैः सुरैर्दैत्यो मूर्च्छामाप रणाङ्गणे । हाहाकारो महानासीद्दैत्यसैन्ये भयातुरे
nihatastaiḥ surairdaityo mūrcchāmāpa raṇāṅgaṇe | hāhākāro mahānāsīddaityasainye bhayāture
Struck down by those gods, the demon fell into a swoon on the battlefield; a great cry of "Alas! Alas!" arose in the demon army, which was stricken with fear.
AI translation rendered from the Sanskrit, not a published edition