Devi Bhagavata Purana — Skandha 5 — Chapter 34
DB 5 34.1
राजोवाच। भगवन्ब्रूहि मे सम्यक्तस्या आराधने विधिम् । पूजाविधिं च मन्त्रांश्च तथा होमविधिं वद
rājovāca| bhagavanbrūhi me samyaktasyā ārādhane vidhim | pūjāvidhiṃ ca mantrāṃśca tathā homavidhiṃ vada
The king said: Reverend one, tell me fully the rule for worshipping her; declare the mode of worship, the mantras, and likewise the rule of the fire-offering.
AI translation rendered from the Sanskrit, not a published edition
DB 5 34.2
ऋषिरुवाच। शृणु राजन्प्रवक्ष्यामि तस्याः पूजाविधिं शुभम् । कामदं मोक्षदं नॄणां ज्ञानदं दुःखनाशनम्
ṛṣiruvāca| śṛṇu rājanpravakṣyāmi tasyāḥ pūjāvidhiṃ śubham | kāmadaṃ mokṣadaṃ nṝṇāṃ jñānadaṃ duḥkhanāśanam
The seer said: Hear, O king, I shall declare her auspicious mode of worship, which for men grants desires, grants liberation, grants knowledge, and destroys sorrow.
AI translation rendered from the Sanskrit, not a published edition
DB 5 34.3
आदौ स्नानविधिं कृत्वा शुचिः शुक्लांबरो नरः । आचम्य प्रयतः कृत्वा शुभमायतनं निजम्
ādau snānavidhiṃ kṛtvā śuciḥ śuklāṃbaro naraḥ | ācamya prayataḥ kṛtvā śubhamāyatanaṃ nijam
First, having performed the rite of bathing, a man, pure and clothed in white, having sipped water and being self-controlled, having made his own dwelling auspicious,
AI translation rendered from the Sanskrit, not a published edition
DB 5 34.4
ततोऽवलिप्तभूम्यां तु संस्थाप्यासनमुत्तमम् । तत्रोपविश्य विधिवत्त्रिराचम्य मुदान्वितः
tato'valiptabhūmyāṃ tu saṃsthāpyāsanamuttamam | tatropaviśya vidhivattrirācamya mudānvitaḥ
then, having set an excellent seat on ground smeared (with cow dung), having sat down there duly and sipped water three times, filled with joy,
AI translation rendered from the Sanskrit, not a published edition
DB 5 34.5
पूजाद्रव्यं सुसंस्थाप्य यथाशक्त्यनुसारतः । प्राणायामं ततः कृत्वा भूतशुद्धिं विधाय च
pūjādravyaṃ susaṃsthāpya yathāśaktyanusārataḥ | prāṇāyāmaṃ tataḥ kṛtvā bhūtaśuddhiṃ vidhāya ca
having well arranged the materials of worship according to his means, then having performed breath-control and carried out the purification of the elements,
AI translation rendered from the Sanskrit, not a published edition
DB 5 34.6
कुर्यात्प्राणप्रतिष्ठां तु संभारं प्रोक्ष्य मंत्रतः । कालज्ञानं ततः कृत्वा न्यासं कुर्याद्यथाविधि
kuryātprāṇapratiṣṭhāṃ tu saṃbhāraṃ prokṣya maṃtrataḥ | kālajñānaṃ tataḥ kṛtvā nyāsaṃ kuryādyathāvidhi
he should perform the installation of the breath (prāṇa-pratiṣṭhā), sprinkling the equipment with mantras; then, having done the ascertaining of the (proper) time, he should perform the placing (of mantras on the body) as prescribed.
AI translation rendered from the Sanskrit, not a published edition
DB 5 34.7
शुभे ताम्रमये पात्रे चंदनेन सितेन च । षट्कोणं विलिखेद्यंत्रं चाष्टकोणं ततो बहिः
śubhe tāmramaye pātre caṃdanena sitena ca | ṣaṭkoṇaṃ vilikhedyaṃtraṃ cāṣṭakoṇaṃ tato bahiḥ
On an auspicious copper plate, with white sandal paste, he should draw a six-cornered diagram, and outside of it an eight-cornered one;
AI translation rendered from the Sanskrit, not a published edition
DB 5 34.8
नवाक्षरस्य मंत्रस्य बीजानि विलिखेत्ततः । कृत्वा यंत्रप्रतिष्ठां च वेदोक्तां संविधाय च
navākṣarasya maṃtrasya bījāni vilikhettataḥ | kṛtvā yaṃtrapratiṣṭhāṃ ca vedoktāṃ saṃvidhāya ca
then he should write the seed-syllables of the nine-syllabled mantra; and having performed the consecration of the diagram and duly carried out what the Veda enjoins,
AI translation rendered from the Sanskrit, not a published edition
DB 5 34.9
अर्चां वा धातवीं कुर्यात्पूजामंत्रैः शिवोदितैः । पूजनं पृथिवीपाल भगवत्याः प्रयत्नतः
arcāṃ vā dhātavīṃ kuryātpūjāmaṃtraiḥ śivoditaiḥ | pūjanaṃ pṛthivīpāla bhagavatyāḥ prayatnataḥ
or else he may make an image of metal—the worship of the Blessed Goddess (is to be done) diligently, O protector of the earth, with the worship-mantras declared by Śiva;
AI translation rendered from the Sanskrit, not a published edition
DB 5 34.10
कृत्वा वा विधिवत्पूजामागमोक्तां समाहितः । जपेन्नवाक्षरं मंत्रं सततं ध्यानपूर्वकम्
kṛtvā vā vidhivatpūjāmāgamoktāṃ samāhitaḥ | japennavākṣaraṃ maṃtraṃ satataṃ dhyānapūrvakam
or having duly performed the worship stated in the Āgama, collected in mind, he should constantly recite the nine-syllabled mantra, preceded by meditation.
AI translation rendered from the Sanskrit, not a published edition
DB 5 34.11
होमं दशांशतः कुर्याद्दशांशेन च तर्पणम् । भोजनं ब्राह्मणानां च तद्दशांशेन कारयेत्
homaṃ daśāṃśataḥ kuryāddaśāṃśena ca tarpaṇam | bhojanaṃ brāhmaṇānāṃ ca taddaśāṃśena kārayet
He should perform the fire-offering with a tenth part (of the recitations), and the water-libation with a tenth part of that; and he should have the feeding of brahmins done with a tenth part of that.
AI translation rendered from the Sanskrit, not a published edition
DB 5 34.12
चरित्रत्रयपाठं च नित्यं कुर्याद्विसर्जयेत् । नवरात्रव्रतं चैव विधेयं विधिपूर्वकम्
caritratrayapāṭhaṃ ca nityaṃ kuryādvisarjayet | navarātravrataṃ caiva vidheyaṃ vidhipūrvakam
And he should daily do the recitation of the three Caritras, and (then) dismiss (the deity); and the Nine-Nights vow too is to be performed according to rule.
AI translation rendered from the Sanskrit, not a published edition
DB 5 34.13
आश्विने च तथा चैत्रे शुक्ले पक्षे नराधिप । नवरात्रो(त्रा)पवासो वै कर्तव्यः शुभमिच्छता
āśvine ca tathā caitre śukle pakṣe narādhipa | navarātro(trā)pavāso vai kartavyaḥ śubhamicchatā
In the bright fortnight of Āśvina and likewise of Caitra, O ruler of men, the nine-night fast should be undertaken by one who desires good fortune.
AI translation rendered from the Sanskrit, not a published edition
DB 5 34.14
होमः सुविपुल: कार्यो जप्यमंत्रैः सुपायसैः । शर्कराघृतमिश्रैश्च मधुयुक्तैः सुसंस्कृतैः
homaḥ suvipula: kāryo japyamaṃtraiḥ supāyasaiḥ | śarkarāghṛtamiśraiśca madhuyuktaiḥ susaṃskṛtaiḥ
A very abundant fire-offering is to be made with the mantras to be recited, with good milk-rice mixed with sugar and ghee, combined with honey and well prepared,
AI translation rendered from the Sanskrit, not a published edition
DB 5 34.15
छागमांसेन वा कार्यों बिल्वपत्रैस्तथा शुभैः । हयारिकुसुमै रक्तैस्तिलैर्वा शर्करायुतैः
chāgamāṃsena vā kāryoṃ bilvapatraistathā śubhaiḥ | hayārikusumai raktaistilairvā śarkarāyutaiḥ
or it may be done with goat's flesh, and with auspicious bilva leaves, with red hibiscus flowers, or with sesame mixed with sugar.
AI translation rendered from the Sanskrit, not a published edition
DB 5 34.16
अष्टम्यां च चतुर्दश्यां नवम्यां च विशेषतः । कर्तव्यं पूजनं देव्या ब्राह्मणानां च भोजनम्
aṣṭamyāṃ ca caturdaśyāṃ navamyāṃ ca viśeṣataḥ | kartavyaṃ pūjanaṃ devyā brāhmaṇānāṃ ca bhojanam
On the eighth, on the fourteenth, and especially on the ninth day, the worship of the Goddess and the feeding of brahmins are to be performed.
AI translation rendered from the Sanskrit, not a published edition
DB 5 34.17
निर्धनो धनमाप्नोति रोगी रोगात्प्रमुच्यते । अपुत्रो लभते पुत्राञ्छुभांश्च वशवर्तिनः
nirdhano dhanamāpnoti rogī rogātpramucyate | aputro labhate putrāñchubhāṃśca vaśavartinaḥ
The poor man obtains wealth, the sick man is released from disease, the sonless man gains sons, good and obedient to his will.
AI translation rendered from the Sanskrit, not a published edition
DB 5 34.18
राज्यभ्रष्टो नृपो राज्यं प्राप्नोति सार्वभौमिकम् । शत्रुभिः पीडितो हंति रिपुं मायाप्रसादतः
rājyabhraṣṭo nṛpo rājyaṃ prāpnoti sārvabhaumikam | śatrubhiḥ pīḍito haṃti ripuṃ māyāprasādataḥ
A king fallen from his kingdom obtains a kingdom extending over the whole earth; one oppressed by enemies slays his foe by the grace of Māyā.
AI translation rendered from the Sanskrit, not a published edition
DB 5 34.19
विद्यार्थी पूजनं यस्तु करोति नियतेंद्रियः । अनवद्यां शुभां विद्यां विंदते नात्र संशयः
vidyārthī pūjanaṃ yastu karoti niyateṃdriyaḥ | anavadyāṃ śubhāṃ vidyāṃ viṃdate nātra saṃśayaḥ
And the seeker of knowledge who, with senses restrained, performs the worship, gains faultless, auspicious knowledge — of this there is no doubt.
AI translation rendered from the Sanskrit, not a published edition
DB 5 34.20
ब्राह्मणः क्षत्रियो वैश्यः शूद्रो वा भक्तिसंयुतः । पूजयेज्जगतां धात्रीं स सर्वसुखभाग्भवेत्
brāhmaṇaḥ kṣatriyo vaiśyaḥ śūdro vā bhaktisaṃyutaḥ | pūjayejjagatāṃ dhātrīṃ sa sarvasukhabhāgbhavet
Brāhmaṇa, kṣatriya, vaiśya, or śūdra — whoever, endowed with devotion, worships the Sustainer of the worlds, he becomes a partaker of every happiness.
AI translation rendered from the Sanskrit, not a published edition
DB 5 34.21
नवरात्रव्रतं कुर्यान्नरनारीगणश्च यः । वांछितं फलमाप्नोति सर्वदा भक्तितत्परः
navarātravrataṃ kuryānnaranārīgaṇaśca yaḥ | vāṃchitaṃ phalamāpnoti sarvadā bhaktitatparaḥ
And whoever among the throngs of men and women should perform the Navarātra vow, intent always upon devotion, obtains the desired fruit.
AI translation rendered from the Sanskrit, not a published edition
DB 5 34.22
आश्विने शुक्लपक्षे तु नवरात्रव्रतं शुभम् । करोति भावसंयुक्तः सर्वान्कामानवाप्नुयात्
āśvine śuklapakṣe tu navarātravrataṃ śubham | karoti bhāvasaṃyuktaḥ sarvānkāmānavāpnuyāt
But (he who), filled with true feeling, performs the auspicious Navarātra vow in the bright fortnight of Āśvina, would obtain all his desires.
AI translation rendered from the Sanskrit, not a published edition
DB 5 34.23
विधिवन्मंडलं कृत्वा पूजास्थानं प्रकल्पयेत् । कलशं स्थापयेत्तत्र वेदमंत्रविधानतः
vidhivanmaṃḍalaṃ kṛtvā pūjāsthānaṃ prakalpayet | kalaśaṃ sthāpayettatra vedamaṃtravidhānataḥ
Having made a maṇḍala according to rule, he should prepare the place of worship; there he should set up a water-pot in accordance with the Vedic mantras.
AI translation rendered from the Sanskrit, not a published edition
DB 5 34.24
यंत्रं सुरुचिरं कृत्वा स्थापयेत्कलशोपरि । वापयित्वा यवांश्चारून्पार्श्वतः परिवर्तितान्
yaṃtraṃ suruciraṃ kṛtvā sthāpayetkalaśopari | vāpayitvā yavāṃścārūnpārśvataḥ parivartitān
Having made a very lovely diagram (yantra), he should place it upon the pot, after sowing barley grains, sprouted (?), turned about on the sides.
AI translation rendered from the Sanskrit, not a published edition — the model flagged this verse as uncertain
DB 5 34.25
कृत्वोपरि वितानं च पुष्पमालासमावृतम् । धूपदीपसुसंयुक्तं कर्तव्यं चण्डिकागृहम्
kṛtvopari vitānaṃ ca puṣpamālāsamāvṛtam | dhūpadīpasusaṃyuktaṃ kartavyaṃ caṇḍikāgṛham
And having made a canopy above, encircled with flower-garlands, well provided with incense and lamps, a house for Caṇḍikā is to be made.
AI translation rendered from the Sanskrit, not a published edition
DB 5 34.26
त्रिकालं तत्र कर्तव्या पूजा शक्त्यनुसारतः । वित्तशाठ्यं न कर्तव्यं चण्डिकायाश्च पूजने
trikālaṃ tatra kartavyā pūjā śaktyanusārataḥ | vittaśāṭhyaṃ na kartavyaṃ caṇḍikāyāśca pūjane
There worship is to be performed at the three times (of day) according to one's means; and no stinginess with wealth is to be practised in the worship of Caṇḍikā.
AI translation rendered from the Sanskrit, not a published edition
DB 5 34.27
धूपैर्दीपैः सुनैवेद्यैः फलपुष्पैरनेकशः । गीतवाद्यैः स्तोत्रपाठैर्वेदपारायणैस्तथा
dhūpairdīpaiḥ sunaivedyaiḥ phalapuṣpairanekaśaḥ | gītavādyaiḥ stotrapāṭhairvedapārāyaṇaistathā
With incenses, lamps, fine food-offerings, fruits and flowers many times over, with songs and instrumental music, with recitations of hymns, and likewise with complete readings of the Veda —
AI translation rendered from the Sanskrit, not a published edition
DB 5 34.28
उत्सवस्तत्र कर्तव्यो नानावादित्रसंयुतैः । कन्यकानां पूजनं च विधेयं विधिपूर्वकम्
utsavastatra kartavyo nānāvāditrasaṃyutaiḥ | kanyakānāṃ pūjanaṃ ca vidheyaṃ vidhipūrvakam
a festival is to be held there, with various musical instruments; and the worship of maidens is to be carried out in accordance with the rule.
AI translation rendered from the Sanskrit, not a published edition
DB 5 34.29
चन्दनैर्भूषणैर्वस्त्रैर्भक्ष्यैश्च विविधैस्तथा । सुगन्धतैलमाल्यैश्च मनसो रुचिकारकैः
candanairbhūṣaṇairvastrairbhakṣyaiśca vividhaistathā | sugandhatailamālyaiśca manaso rucikārakaiḥ
With sandal-paste, ornaments, garments, and various foods, and with fragrant oils and garlands that give pleasure to the mind —
AI translation rendered from the Sanskrit, not a published edition
DB 5 34.30
एवं सम्पूजनं कृत्वा होमं मन्त्रविधानतः । अष्टम्यां वा नवम्यां वा कारयेद्विधिपूर्वकम्
evaṃ sampūjanaṃ kṛtvā homaṃ mantravidhānataḥ | aṣṭamyāṃ vā navamyāṃ vā kārayedvidhipūrvakam
having thus made the full worship, he should have the fire-offering made according to the prescription of mantras, on the eighth or on the ninth (day), in accordance with the rule.
AI translation rendered from the Sanskrit, not a published edition
DB 5 34.31
ब्राह्मणान्भोजयेत्पश्चात्पारणं दशमीदिने । कर्तव्यं शक्तितो दानं देयं भक्तिपरैर्नृपैः
brāhmaṇānbhojayetpaścātpāraṇaṃ daśamīdine | kartavyaṃ śaktito dānaṃ deyaṃ bhaktiparairnṛpaiḥ
Afterwards he should feed brāhmaṇas; the breaking of the fast is to be done on the tenth day; gifts are to be given according to one's ability by kings devoted (to the Goddess).
AI translation rendered from the Sanskrit, not a published edition
DB 5 34.32
एवं यः कुरुते भक्त्या नवरात्रव्रतं नरः । नारी वा सधवा भक्त्या विधवा वा पतिव्रता
evaṃ yaḥ kurute bhaktyā navarātravrataṃ naraḥ | nārī vā sadhavā bhaktyā vidhavā vā pativratā
Thus whatever man performs the Navarātra vow with devotion, or a woman — a wife with her husband living, with devotion, or a widow faithful to her husband —
AI translation rendered from the Sanskrit, not a published edition
DB 5 34.33
इह लोके सुखं भोगान्प्राप्नोति मनसेप्सितान् । देहान्ते परमं स्थानं प्राप्नोति व्रततत्परः
iha loke sukhaṃ bhogānprāpnoti manasepsitān | dehānte paramaṃ sthānaṃ prāpnoti vratatatparaḥ
in this world he obtains happiness and the enjoyments desired by his mind; and at the end of the body, he who is intent on the vow attains the highest station.
AI translation rendered from the Sanskrit, not a published edition
DB 5 34.34
जन्मान्तरेऽम्बिकाभक्तिर्भवत्यव्यभिचारिणी। जन्मोत्तमकुले प्राप्य सदाचारो भवेद्धि सः
janmāntare'mbikābhaktirbhavatyavyabhicāriṇī| janmottamakule prāpya sadācāro bhaveddhi saḥ
In another birth his devotion to Ambikā becomes unwavering; and gaining birth in an excellent family, he indeed becomes of good conduct.
AI translation rendered from the Sanskrit, not a published edition
DB 5 34.35
नवरात्रव्रतं प्रोक्तं व्रतानामुत्तमं व्रतम् । आराधनं शिवायास्तु सर्वसौख्यकरं परम्
navarātravrataṃ proktaṃ vratānāmuttamaṃ vratam | ārādhanaṃ śivāyāstu sarvasaukhyakaraṃ param
The Navarātra vow has been declared the best vow among vows; the propitiation of Śivā, the supreme, bringing about every happiness.
AI translation rendered from the Sanskrit, not a published edition
DB 5 34.36
अनेन विधिना राजन्समाराधय चण्डिकाम् । जित्वा रिपूनस्खलितं राज्यं प्राप्स्यत्यनुत्तमम्
anena vidhinā rājansamārādhaya caṇḍikām | jitvā ripūnaskhalitaṃ rājyaṃ prāpsyatyanuttamam
By this rule, O king, propitiate Caṇḍikā; having conquered your foes, (you) will obtain an unshakable, unsurpassed kingdom.
AI translation rendered from the Sanskrit, not a published edition
DB 5 34.37
सुखं च परमं भूप देहेऽस्मिन्स्वगृहे पुनः । पुत्रदारान्समासाद्य लप्स्यसे नात्र संशयः
sukhaṃ ca paramaṃ bhūpa dehe'sminsvagṛhe punaḥ | putradārānsamāsādya lapsyase nātra saṃśayaḥ
And supreme happiness, O king, in this body, in your own home again; obtaining sons and wife, you will attain (it) — there is no doubt here.
AI translation rendered from the Sanskrit, not a published edition
DB 5 34.38
वैश्योत्तम त्वमेवाद्य समाराधय कामदाम् । देवीं विश्वेश्वरीं मायां सृष्टिसंहारकारिणीम्
vaiśyottama tvamevādya samārādhaya kāmadām | devīṃ viśveśvarīṃ māyāṃ sṛṣṭisaṃhārakāriṇīm
"Best of vaiśyas, you too, this very day, worship her who grants desires — the goddess, mistress of the universe, Māyā, who brings about creation and dissolution."
AI translation rendered from the Sanskrit, not a published edition
DB 5 34.39
स्वजनानां च मान्यस्त्वं भविष्यसि गृहे गतः । सुखं सांसारिकं प्राप्य यथाभिलषितं पुनः
svajanānāṃ ca mānyastvaṃ bhaviṣyasi gṛhe gataḥ | sukhaṃ sāṃsārikaṃ prāpya yathābhilaṣitaṃ punaḥ
"And you will become honoured among your own people when you have returned home; and having obtained worldly happiness just as you wish, further —"
AI translation rendered from the Sanskrit, not a published edition
DB 5 34.40
देवीलोके शुभे वासो भविता ते न संशयः । नाराधिता भगवती यैस्ते नरकभागिनः
devīloke śubhe vāso bhavitā te na saṃśayaḥ | nārādhitā bhagavatī yaiste narakabhāginaḥ
"— a dwelling in the auspicious world of the Goddess will be yours, there is no doubt. Those by whom the Blessed Lady has not been worshipped have hell for their portion."
AI translation rendered from the Sanskrit, not a published edition
DB 5 34.41
इह लोकेऽतिदुःखार्ता नानारोगैः प्रपीडिताः । भवंति मानवा राजञ्छत्रुभिश्च पराजिताः
iha loke'tiduḥkhārtā nānārogaiḥ prapīḍitāḥ | bhavaṃti mānavā rājañchatrubhiśca parājitāḥ
"In this world men become greatly afflicted with sorrow, tormented by various diseases, O king, and defeated by their enemies —"
AI translation rendered from the Sanskrit, not a published edition
DB 5 34.42
निष्कलत्रा ह्यपुत्राश्च तृष्णार्ताः स्तब्धबुद्धयः । बिल्बीदलैः करवीरैः शतपत्रैश्च चम्पकैः
niṣkalatrā hyaputrāśca tṛṣṇārtāḥ stabdhabuddhayaḥ | bilbīdalaiḥ karavīraiḥ śatapatraiśca campakaiḥ
"— wifeless indeed and sonless, tortured by craving, their minds dull. But those by whom the Sustainer of the worlds has been worshipped with bilva leaves, oleanders, hundred-petalled lotuses and campaka flowers —"
AI translation rendered from the Sanskrit, not a published edition
DB 5 34.43
अर्चिता जगतां धात्री यैस्तेऽतीव विलासिनः । भवंति कृतपुण्यास्ते शक्तिभक्तिपरायणाः
arcitā jagatāṃ dhātrī yaiste'tīva vilāsinaḥ | bhavaṃti kṛtapuṇyāste śaktibhaktiparāyaṇāḥ
"— they are exceedingly full of delight; they have done meritorious deeds and are devoted to devotion to Śakti."
AI translation rendered from the Sanskrit, not a published edition
DB 5 34.44
धनविभवसुखाढ्या मानवा मानवंतः सकलगुणगणानां भाजनं भारतीशाः । निगमपठितमन्त्रैः पूजिता यैर्भवानी नृपतितिलकमुख्यास्ते भवंतीह लोके
dhanavibhavasukhāḍhyā mānavā mānavaṃtaḥ sakalaguṇagaṇānāṃ bhājanaṃ bhāratīśāḥ | nigamapaṭhitamantraiḥ pūjitā yairbhavānī nṛpatitilakamukhyāste bhavaṃtīha loke
"Those by whom Bhavānī has been worshipped with the mantras recited in the Vedas become, in this world, men rich in wealth, power and pleasure, honoured, vessels of the whole host of virtues, masters of speech, and foremost among the ornaments of kings."
AI translation rendered from the Sanskrit, not a published edition