Devi Bhagavata Purana — Skandha 5 — Chapter 31
DB 5 31.1
व्यास उवाच। इति तेषां वचः श्रुत्वा शुम्भो दैत्यपतिस्तदा । उवाच सैनिकानाशु कोपाकुलितलोचनः
vyāsa uvāca| iti teṣāṃ vacaḥ śrutvā śumbho daityapatistadā | uvāca sainikānāśu kopākulitalocanaḥ
Vyāsa said: Hearing these words of theirs, Śumbha, the lord of the Daityas, then at once spoke to the soldiers, his eyes troubled with anger:
AI translation rendered from the Sanskrit, not a published edition
DB 5 31.3
शुम्भ उवाच। जाल्मा: किं ब्रूत दुर्वाच्यं कृत्वा जीवितुमुत्सहे । निहत्य सचिवान्भ्रातॄन्निर्लज्जो विचरामि किम् २ ॥ कालः कर्ता शुभानां वाऽशुभानां बलवत्तरः । का चिंता मम दुर्वारे तस्मिन्नीशेऽप्यरूपके
śumbha uvāca| jālmā: kiṃ brūta durvācyaṃ kṛtvā jīvitumutsahe | nihatya sacivānbhrātṝnnirlajjo vicarāmi kim 2 || kālaḥ kartā śubhānāṃ vā'śubhānāṃ balavattaraḥ | kā ciṃtā mama durvāre tasminnīśe'pyarūpake
Śumbha said: You wretches! What are you saying? Would I be eager to live after doing what is shameful to speak of? Having killed my ministers and brothers, am I to wander about shameless? (2) Time is the doer of good and evil things, and it is the mightier; what worry have I about that irresistible one, though it is a lord without form?
AI translation rendered from the Sanskrit, not a published edition — the model flagged this verse as uncertain
DB 5 31.4
यद्भवति तद्भवतु यत्करोति करोतु तत् । न मे चिंताऽस्ति कुत्रापि मरणाज्जीवनात्तथा
yadbhavati tadbhavatu yatkaroti karotu tat | na me ciṃtā'sti kutrāpi maraṇājjīvanāttathā
Whatever happens, let it happen; whatever it does, let it do that. I have no worry at all, either about death or about living.
AI translation rendered from the Sanskrit, not a published edition
DB 5 31.5
स कालोऽप्यन्यथा कर्तुं भावितो नेशते क्वचित् । न वर्षति च पर्जन्यः श्रावणे मासि सर्वदा
sa kālo'pyanyathā kartuṃ bhāvito neśate kvacit | na varṣati ca parjanyaḥ śrāvaṇe māsi sarvadā
That Time too, when destined (otherwise), is nowhere able to act otherwise: the rain-cloud does not always rain in the month of Śrāvaṇa.
AI translation rendered from the Sanskrit, not a published edition — the model flagged this verse as uncertain
DB 5 31.6
कदाचिन्मार्गशीर्षे वा पौषे माघेऽथ फाल्गुने । अकाले वर्षतीवाशु तस्मान्मुख्यो न चास्त्ययम्
kadācinmārgaśīrṣe vā pauṣe māghe'tha phālgune | akāle varṣatīvāśu tasmānmukhyo na cāstyayam
Sometimes in Mārgaśīrṣa, or in Pauṣa, in Māgha, or in Phālguna, it rains suddenly out of season; therefore this (Time) is not the chief (cause).
AI translation rendered from the Sanskrit, not a published edition
DB 5 31.7
कालो निमित्तमात्रं तु दैवं हि बलवत्तरम् । दैवेन निर्मितं सर्वं नान्यथा भवतीत्यदः
kālo nimittamātraṃ tu daivaṃ hi balavattaram | daivena nirmitaṃ sarvaṃ nānyathā bhavatītyadaḥ
Time is a mere occasion; fate indeed is the stronger. All is fashioned by fate, and this does not turn out otherwise.
AI translation rendered from the Sanskrit, not a published edition
DB 5 31.8
दैवमेव परं मन्ये धिक्पोरुषमनर्थकम् । जेता यः सर्वदेवानां निशुम्भोऽप्यनया हतः
daivameva paraṃ manye dhikporuṣamanarthakam | jetā yaḥ sarvadevānāṃ niśumbho'pyanayā hataḥ
I consider fate alone supreme; a curse on manly effort, which is useless! Even Niśumbha, who was the conqueror of all the gods, was slain by her.
AI translation rendered from the Sanskrit, not a published edition
DB 5 31.9
रक्तबीजो महाशूरः सोऽपि नाशं गतो यदा । तदाहं कीर्तिमुत्सृज्य जीविताशां करोमि किम्
raktabījo mahāśūraḥ so'pi nāśaṃ gato yadā | tadāhaṃ kīrtimutsṛjya jīvitāśāṃ karomi kim
When even Raktabīja, that great hero, went to destruction, then why should I abandon fame and cling to the hope of living?
AI translation rendered from the Sanskrit, not a published edition
DB 5 31.10
प्राप्ते काले स्वयं ब्रह्मा परार्धद्वयसंमिते । निधनं याति तरसा जगत्कर्ता स्वयं प्रभुः
prāpte kāle svayaṃ brahmā parārdhadvayasaṃmite | nidhanaṃ yāti tarasā jagatkartā svayaṃ prabhuḥ
When the time is reached, measured as twice a parārdha, Brahmā himself, the maker of the world, the lord himself, swiftly goes to his end.
AI translation rendered from the Sanskrit, not a published edition
DB 5 31.11
चतुर्युगसहस्रं तु ब्रह्मणो दिवसे किल । पतंति भवनात्पंच नव चेंद्रास्तथा पुनः
caturyugasahasraṃ tu brahmaṇo divase kila | pataṃti bhavanātpaṃca nava ceṃdrāstathā punaḥ
A thousand groups of four yugas make one day of Brahmā, they say; and in it fourteen Indras fall from their abode, one after another.
AI translation rendered from the Sanskrit, not a published edition — the model flagged this verse as uncertain
DB 5 31.12
तथैव त्रिगुणे विष्णुर्मरणायोपकल्पते । तथैव द्विगुणे काले शंकरः शांतिमेति च
tathaiva triguṇe viṣṇurmaraṇāyopakalpate | tathaiva dviguṇe kāle śaṃkaraḥ śāṃtimeti ca
Likewise, at three times that (span) Viṣṇu is destined for death; and likewise, at twice that time Śaṃkara comes to his quiescence.
AI translation rendered from the Sanskrit, not a published edition
DB 5 31.13
का चिंता मरणे मूढा निश्वले दैवनिर्मिते । मही महीधराणां च नाशः सूर्यशशांकयोः
kā ciṃtā maraṇe mūḍhā niśvale daivanirmite | mahī mahīdharāṇāṃ ca nāśaḥ sūryaśaśāṃkayoḥ
What worry is there about death, you fools, when what is fated is unshakable? There is destruction of the earth and of the mountains, and of the sun and moon.
AI translation rendered from the Sanskrit, not a published edition
DB 5 31.15
जातस्य हि ध्रुवं मृत्युर्ध्रुवं जन्म मृतस्य च । अध्रुवेऽस्मिञ्छरीरे तु रक्षणीयं यशः स्थिरम् १४ ॥ रथो मे कल्प्यतां शीघ्रं गमिष्यामि रणाजिरे । जयो वा मरणं वापि भवत्वद्यैव दैवतः
jātasya hi dhruvaṃ mṛtyurdhruvaṃ janma mṛtasya ca | adhruve'smiñcharīre tu rakṣaṇīyaṃ yaśaḥ sthiram 14 || ratho me kalpyatāṃ śīghraṃ gamiṣyāmi raṇājire | jayo vā maraṇaṃ vāpi bhavatvadyaiva daivataḥ
For one who is born death is certain, and birth is certain for one who has died; but in this impermanent body, lasting fame is what must be guarded. (14) Let my chariot be made ready quickly; I shall go to the battlefield. Let it be either victory or death, this very day, according to fate.
AI translation rendered from the Sanskrit, not a published edition
DB 5 31.16
इत्युक्त्वा सैनिकाञ्छुंभो रथमास्थाय सत्वरः । प्रययावंबिका यत्र संस्थिता तु हिमाचले
ityuktvā sainikāñchuṃbho rathamāsthāya satvaraḥ | prayayāvaṃbikā yatra saṃsthitā tu himācale
Having said this to the soldiers, Śumbha, mounting his chariot in haste, set out for where Ambikā was stationed on the Himālaya.
AI translation rendered from the Sanskrit, not a published edition
DB 5 31.17
सैन्यं प्रचलितं तस्य संगे तत्र चतुर्विधम् । हस्त्यश्वरथपादातिसंयुतं सायुधं बहु
sainyaṃ pracalitaṃ tasya saṃge tatra caturvidham | hastyaśvarathapādātisaṃyutaṃ sāyudhaṃ bahu
His army of four kinds, comprising elephants, horses, chariots and foot-soldiers, well armed and numerous, marched along there with him.
AI translation rendered from the Sanskrit, not a published edition
DB 5 31.18
तत्र गत्वाऽचले शुम्भः संस्थितां जगदम्बिकाम् । त्रैलोक्यमोहिनी कांतामपश्यत्सिंहवाहिनीम्
tatra gatvā'cale śumbhaḥ saṃsthitāṃ jagadambikām | trailokyamohinī kāṃtāmapaśyatsiṃhavāhinīm
Having gone there to the mountain, Śumbha saw the Mother of the world standing (there), the lovely one who bewitches the three worlds, riding a lion.
AI translation rendered from the Sanskrit, not a published edition
DB 5 31.19
सर्वाभरणभूषाढ्यां सर्वलक्षणसंयुताम् । स्तूयमानां सुरैः खस्थैर्गन्धर्वयक्षकिन्नरैः
sarvābharaṇabhūṣāḍhyāṃ sarvalakṣaṇasaṃyutām | stūyamānāṃ suraiḥ khasthairgandharvayakṣakinnaraiḥ
(He saw her) richly adorned with every ornament, endowed with all auspicious marks, praised by the gods stationed in the sky, by gandharvas, yakṣas and kinnaras,
AI translation rendered from the Sanskrit, not a published edition
DB 5 31.20
पुष्पैश्च पूज्यमानां च मंदारपादपोद्भवैः । कुर्वाणां शंखनिनदं घंटानादं मनोहरम्
puṣpaiśca pūjyamānāṃ ca maṃdārapādapodbhavaiḥ | kurvāṇāṃ śaṃkhaninadaṃ ghaṃṭānādaṃ manoharam
and worshipped with flowers grown on the mandāra trees, making the sound of a conch and the delightful sound of a bell.
AI translation rendered from the Sanskrit, not a published edition
DB 5 31.21
दृष्ट्वा तां मोहमगमच्छुंभः कामविमोहितः । पंचबाणाहतः कामं मनसा समचिंतयत्
dṛṣṭvā tāṃ mohamagamacchuṃbhaḥ kāmavimohitaḥ | paṃcabāṇāhataḥ kāmaṃ manasā samaciṃtayat
Seeing her, Śumbha fell into infatuation, deluded by desire; struck by the five-arrowed one, he pondered deeply in his mind.
AI translation rendered from the Sanskrit, not a published edition
DB 5 31.23
अहो रूपमिदं सम्यगहो चातुर्यमद्भुतम् । सुकुमाराऽतितन्वंगी सद्यः प्रकटयौवना । चित्रमेतदसौ बाला कामभावविवर्जिता
aho rūpamidaṃ samyagaho cāturyamadbhutam | sukumārā'titanvaṃgī sadyaḥ prakaṭayauvanā | citrametadasau bālā kāmabhāvavivarjitā
Ah, this beauty is perfect! Ah, her skill is astonishing! Most delicate, with an exceedingly slender body, her youth suddenly manifest — it is a wonder that this girl is devoid of any feeling of desire.
AI translation rendered from the Sanskrit, not a published edition
DB 5 31.24
कामकांतासमा रूपे सर्वलक्षणलक्षिता । अम्बिकेयं किमेतत्तु हंति सर्वान्महाबलान्
kāmakāṃtāsamā rūpe sarvalakṣaṇalakṣitā | ambikeyaṃ kimetattu haṃti sarvānmahābalān
Equal in beauty to Kāma's beloved, marked with all auspicious marks — this Ambikā! But what is this, that she kills all the mighty ones?
AI translation rendered from the Sanskrit, not a published edition
DB 5 31.25
उपायः कोऽत्र कर्तव्यो येन मे वशगा भवेत् । न मंत्रा वा मरालाक्षीसाधने सन्निधौ मम
upāyaḥ ko'tra kartavyo yena me vaśagā bhavet | na maṃtrā vā marālākṣīsādhane sannidhau mama
"What means should be employed here, by which she might come under my power? Nor are there spells at my disposal for winning over this goose-eyed woman."
AI translation rendered from the Sanskrit, not a published edition
DB 5 31.26
सर्वमंत्रमयी ह्येषा मोहिनी मदगर्विता। सुन्दरीयं कथं मे स्याद्वशगा वरवर्णिनी
sarvamaṃtramayī hyeṣā mohinī madagarvitā| sundarīyaṃ kathaṃ me syādvaśagā varavarṇinī
"For she is made of all mantras, a bewitcher, proud with intoxication. How could this beautiful one of fair complexion become subject to me?"
AI translation rendered from the Sanskrit, not a published edition
DB 5 31.27
पातालगमनं मेऽत्र न युक्तं समरांगणात् । सामदानविभेदैश्च नेयं साध्या महाबला
pātālagamanaṃ me'tra na yuktaṃ samarāṃgaṇāt | sāmadānavibhedaiśca neyaṃ sādhyā mahābalā
"For me to go down to Pātāla, away from the battlefield, is not fitting here; nor is this greatly powerful one to be won by conciliation, gifts, or sowing dissension."
AI translation rendered from the Sanskrit, not a published edition
DB 5 31.28
किं कर्तव्यं क्व गंतव्यं विषमे समुपस्थिते । मरणं नोत्तमं चात्र स्त्रीकृतं तु यशोऽपहृत्
kiṃ kartavyaṃ kva gaṃtavyaṃ viṣame samupasthite | maraṇaṃ nottamaṃ cātra strīkṛtaṃ tu yaśo'pahṛt
"What is to be done? Where is one to go, when such a crisis has arrived? And death here is not the best either, for death at a woman's hands robs one of fame."
AI translation rendered from the Sanskrit, not a published edition
DB 5 31.29
मरणं ऋषिभिः प्रोक्तं संगरे मंगलास्पदम् । यत्तत्समानबलयोर्योधयोर्युध्यतोः किल
maraṇaṃ ṛṣibhiḥ proktaṃ saṃgare maṃgalāspadam | yattatsamānabalayoryodhayoryudhyatoḥ kila
"Death in battle has been declared by the sages to be a seat of good fortune — but that (holds) surely for two fighters of equal strength who are contending."
AI translation rendered from the Sanskrit, not a published edition
DB 5 31.30
प्राप्तेयं दैवरचिता नारी नरशतोत्तमा । नाशायास्मत्कुलस्येह सर्वथाऽतिबलाऽबला
prāpteyaṃ daivaracitā nārī naraśatottamā | nāśāyāsmatkulasyeha sarvathā'tibalā'balā
"This woman, fashioned by fate, has come, the best of a hundred men, for the destruction of our family here — a weak woman who is in every way exceedingly strong."
AI translation rendered from the Sanskrit, not a published edition
DB 5 31.31
वृथा किं सामवाक्यानि मया योज्यानि सांप्रतम् । हननायागता ह्येषा किं नु साम्ना प्रसीदति
vṛthā kiṃ sāmavākyāni mayā yojyāni sāṃpratam | hananāyāgatā hyeṣā kiṃ nu sāmnā prasīdati
"Why should conciliatory words be employed by me now in vain? For she has come to kill; will she indeed be appeased by conciliation?"
AI translation rendered from the Sanskrit, not a published edition
DB 5 31.32
न दानैश्चालितुं योग्या नानाशस्त्रविभूषिता । भेदस्तु विफलः कामं सर्वदेववशानुगा
na dānaiścālituṃ yogyā nānāśastravibhūṣitā | bhedastu viphalaḥ kāmaṃ sarvadevavaśānugā
"She cannot be moved by gifts, adorned as she is with manifold weapons; and dissension is quite fruitless, since all the gods are obedient to her."
AI translation rendered from the Sanskrit, not a published edition
DB 5 31.33
तस्मात्तु मरणं श्रेयो न संग्रामे पलायनम् । जयो वा मरणं वाऽद्य भवत्वेव यथाविधि
tasmāttu maraṇaṃ śreyo na saṃgrāme palāyanam | jayo vā maraṇaṃ vā'dya bhavatveva yathāvidhi
"Therefore death is better; fleeing from battle is not. Let it be, this very day, either victory or death, as the rule requires."
AI translation rendered from the Sanskrit, not a published edition
DB 5 31.36
व्यास उवाच। इति संचिंत्यमानः स शुम्भः सत्त्वाश्रितोऽभवत् । युद्धाय सुस्थिरो भूत्वा तामुवाच पुरः स्थिताम् ३४ ॥ देवि युध्यस्व कान्तेऽद्य वृथाऽयं ते परिश्रमः । मूर्खाऽसि किल नारीणां नायं धर्मः कदाचन ३५ ॥ नारीणां लोचने बाणा भ्रुवावेव शरासनम् । हावभावास्तु शस्त्राणि पुमाँल्लक्ष्यं विचक्षणः
vyāsa uvāca| iti saṃciṃtyamānaḥ sa śumbhaḥ sattvāśrito'bhavat | yuddhāya susthiro bhūtvā tāmuvāca puraḥ sthitām 34 || devi yudhyasva kānte'dya vṛthā'yaṃ te pariśramaḥ | mūrkhā'si kila nārīṇāṃ nāyaṃ dharmaḥ kadācana 35 || nārīṇāṃ locane bāṇā bhruvāveva śarāsanam | hāvabhāvāstu śastrāṇi pumā~llakṣyaṃ vicakṣaṇaḥ
Vyāsa said: Thinking thus, that Śumbha took recourse to courage; and becoming firm for battle, he said to her who stood before him: "Goddess, fight then, beloved one, today; this exertion of yours is in vain. You are surely foolish: this is never the duty of women. For women the eyes are the arrows, the brows are the bow, and their coquettish gestures are the weapons; the discerning man is the target."
AI translation rendered from the Sanskrit, not a published edition
DB 5 31.37
सन्नाहश्चांगरागोऽत्र रथश्चापि मनोरथः । मन्दप्रजल्पितं भेरीशब्दो नान्यः कदाचन
sannāhaścāṃgarāgo'tra rathaścāpi manorathaḥ | mandaprajalpitaṃ bherīśabdo nānyaḥ kadācana
"Here the armour is unguent on the limbs, and the chariot is the heart's desire; soft murmuring talk is the sound of the war-drum — never anything else."
AI translation rendered from the Sanskrit, not a published edition
DB 5 31.38
अन्यास्त्रधारणं स्त्रीणां स्त्रीणां विडंबनमसंशयम् । लज्जैव भूषणं कांते न च धार्ष्ट्यं कदाचन
anyāstradhāraṇaṃ strīṇāṃ strīṇāṃ viḍaṃbanamasaṃśayam | lajjaiva bhūṣaṇaṃ kāṃte na ca dhārṣṭyaṃ kadācana
"For women to take up other weapons is, without doubt, a mockery of women. Modesty alone is (their) ornament, beloved, and never insolence."
AI translation rendered from the Sanskrit, not a published edition
DB 5 31.39
युध्यमाना वरा नारी कर्कशेवाभिदृश्यते । स्तनौ संगोपनीयौ वा धनुषः कर्षणे कथम्
yudhyamānā varā nārī karkaśevābhidṛśyate | stanau saṃgopanīyau vā dhanuṣaḥ karṣaṇe katham
"An excellent woman, when fighting, is seen as if she were harsh. Or (rather): the breasts must be kept covered — how then can the bow be drawn?"
AI translation rendered from the Sanskrit, not a published edition
DB 5 31.40
क्व मन्दगमनं कुत्र गदामादाय धावनम् । बुद्धिदा कालिका तेऽत्र चामुंडा परनायिका
kva mandagamanaṃ kutra gadāmādāya dhāvanam | buddhidā kālikā te'tra cāmuṃḍā paranāyikā
"Where is the slow gait, and where the running with a club in hand? Here Kālikā is your counsellor and Cāmuṇḍā the leader of your forces."
AI translation rendered from the Sanskrit, not a published edition
DB 5 31.41
चंडिकामन्त्रमध्यस्था लालनेऽसुस्वरा शिवा । वाहनं मृगराडास्ते सर्वसत्त्वभयंकरः
caṃḍikāmantramadhyasthā lālane'susvarā śivā | vāhanaṃ mṛgarāḍāste sarvasattvabhayaṃkaraḥ
"Standing in the midst of the Caṇḍikā mantra, Śivā, harsh-voiced in caresses; your mount is the lion, terrifying to all creatures."
AI translation rendered from the Sanskrit, not a published edition — the model flagged this verse as uncertain
DB 5 31.42
वीणानादं परित्यज्य घंटानादं करोषि यत् । रूपयौवनयोः सर्वं विरोधि वरवर्णिनि
vīṇānādaṃ parityajya ghaṃṭānādaṃ karoṣi yat | rūpayauvanayoḥ sarvaṃ virodhi varavarṇini
"In that, abandoning the sound of the lute, you make the sound of the bell — all of that is opposed to (your) beauty and youth, O fair-complexioned one."
AI translation rendered from the Sanskrit, not a published edition
DB 5 31.43
यदि ते संगरेच्छाऽस्ति कुरूपा भव भामिनि । लम्बोष्ठी कुनखी क्रूरा ध्वांक्षवर्णा विलोचना
yadi te saṃgarecchā'sti kurūpā bhava bhāmini | lamboṣṭhī kunakhī krūrā dhvāṃkṣavarṇā vilocanā
"If you have a desire for battle, become ugly, O lady: with hanging lips, bad nails, cruel, crow-coloured, wild-eyed,"
AI translation rendered from the Sanskrit, not a published edition
DB 5 31.44
लम्बपादा कुदन्ती च मार्जारनयनाकृतिः । ईदृशं रूपमास्थाय तिष्ठ युद्धे स्थिरा भव
lambapādā kudantī ca mārjāranayanākṛtiḥ | īdṛśaṃ rūpamāsthāya tiṣṭha yuddhe sthirā bhava
"with dangling legs and bad teeth, with the look of a cat's eyes — assuming such a form, stand and be firm in battle."
AI translation rendered from the Sanskrit, not a published edition
DB 5 31.45
कर्कशं वचनं ब्रूहि ततो युद्धं करोम्यहम् । ईदृशीं सुदतीं दृष्ट्वा न मे पाणिः प्रसीदति
karkaśaṃ vacanaṃ brūhi tato yuddhaṃ karomyaham | īdṛśīṃ sudatīṃ dṛṣṭvā na me pāṇiḥ prasīdati
"Speak a harsh word, and then I will do battle. Seeing such a fair-toothed woman, my hand is not willing,"
AI translation rendered from the Sanskrit, not a published edition
DB 5 31.46
हन्तुं त्वां मृगशावाक्षि कामकांतोपमे मृधे । व्यास उवाच। इति ब्रुवाणं कामार्तं वीक्ष्य तं जगदम्बिका
hantuṃ tvāṃ mṛgaśāvākṣi kāmakāṃtopame mṛdhe | vyāsa uvāca| iti bruvāṇaṃ kāmārtaṃ vīkṣya taṃ jagadambikā
"to kill you in combat, O fawn-eyed one, who resemble Kāma's beloved." Vyāsa said: Seeing him speaking thus, afflicted with desire, the Mother of the world
AI translation rendered from the Sanskrit, not a published edition
DB 5 31.47
स्मितपूर्वमिदं वाक्यमुवाच भरतोत्तम । देव्युवाच। किं विषीदसि मन्दात्मन्कामबाणविमोहितः
smitapūrvamidaṃ vākyamuvāca bharatottama | devyuvāca| kiṃ viṣīdasi mandātmankāmabāṇavimohitaḥ
With a smile she spoke this speech, O best of the Bharatas. The Goddess said: Why do you despair, dull-witted one, bewildered by the arrows of desire?
AI translation rendered from the Sanskrit, not a published edition
DB 5 31.48
प्रेक्षिकाऽहं स्थिता मूढ कुरु कालिकया मृधम् । चामुण्डया वा कुर्वेते तव योग्ये रणांगणे
prekṣikā'haṃ sthitā mūḍha kuru kālikayā mṛdham | cāmuṇḍayā vā kurvete tava yogye raṇāṃgaṇe
I stand here as a spectator, fool; do battle with Kālikā, or with Cāmuṇḍā—these two are fit for you on the field of war.
AI translation rendered from the Sanskrit, not a published edition
DB 5 31.49
प्रहरस्व यथाकामं नाहं त्वां योद्धुमुत्सहे । इत्युक्त्वा कालिकां प्राह देवी मधुरया गिरा
praharasva yathākāmaṃ nāhaṃ tvāṃ yoddhumutsahe | ityuktvā kālikāṃ prāha devī madhurayā girā
Strike as you please; I have no wish to fight with you. Having said this, the Goddess spoke to Kālikā in a sweet voice:
AI translation rendered from the Sanskrit, not a published edition
DB 5 31.50
जह्येनं कालिके क्रूरे कुरूपप्रियमाहवे । व्यास उवाच। इत्युक्ता कालिका कालप्रेरिता कालरूपिणी
jahyenaṃ kālike krūre kurūpapriyamāhave | vyāsa uvāca| ityuktā kālikā kālapreritā kālarūpiṇī
"Slay this one, O cruel Kālikā, this lover of the ill-formed, in battle." Vyāsa said: Thus addressed, Kālikā, impelled by Time and having the form of Time,
AI translation rendered from the Sanskrit, not a published edition
DB 5 31.51
गदां प्रगृह्य तरसा तस्थावाजौ कृतोद्यमा । तयोः परस्परं युद्धं बभूवातिभयानकम्
gadāṃ pragṛhya tarasā tasthāvājau kṛtodyamā | tayoḥ parasparaṃ yuddhaṃ babhūvātibhayānakam
seizing her mace, swiftly stood in the battle with effort made; and between the two there arose a fight most terrifying,
AI translation rendered from the Sanskrit, not a published edition
DB 5 31.52
पश्यतां सर्वदेवानां मुनीनां च महात्मनाम् । गदामुद्यम्य शुंभोऽथ जघान कालिकां रणे
paśyatāṃ sarvadevānāṃ munīnāṃ ca mahātmanām | gadāmudyamya śuṃbho'tha jaghāna kālikāṃ raṇe
while all the gods and the great-souled sages looked on. Then Śumbha, raising his mace, struck Kālikā in the battle.
AI translation rendered from the Sanskrit, not a published edition
DB 5 31.53
कालिका दैत्यराजानं गदया न्यहनद्भृशम्। बभंजास्य रथं चंडी गदया कनकोज्ज्वलम्
kālikā daityarājānaṃ gadayā nyahanadbhṛśam| babhaṃjāsya rathaṃ caṃḍī gadayā kanakojjvalam
Kālikā struck the king of the Daityas hard with her mace; and Caṇḍī shattered with her mace his chariot bright with gold,
AI translation rendered from the Sanskrit, not a published edition
DB 5 31.54
खरान्हत्वा जघानाशु दारुकं दारुणस्वना। स पदातिर्गदां गुर्वी समादाय क्रुधान्वितः
kharānhatvā jaghānāśu dārukaṃ dāruṇasvanā| sa padātirgadāṃ gurvī samādāya krudhānvitaḥ
and having killed the mules she at once slew Dāruka, she of dreadful cry. He, now on foot, taking up his heavy mace and filled with rage,
AI translation rendered from the Sanskrit, not a published edition
DB 5 31.55
कालिकाभुजयोर्मध्ये प्रहसन्नहनत्तदा । वंचयित्वा गदाघातं खड्गमादाय सत्वरा
kālikābhujayormadhye prahasannahanattadā | vaṃcayitvā gadāghātaṃ khaḍgamādāya satvarā
laughing, then struck (her) between Kālikā's two arms. Evading the mace-blow, taking her sword swiftly,
AI translation rendered from the Sanskrit, not a published edition
DB 5 31.56
चिच्छेदास्य भुजं सव्यं सायुधं चंदनार्चितम् । स छिन्नबाहुविरथो गदापाणि: परिप्लुतः
cicchedāsya bhujaṃ savyaṃ sāyudhaṃ caṃdanārcitam | sa chinnabāhuviratho gadāpāṇi: pariplutaḥ
she cut off his left arm with its weapon, anointed with sandal paste. He, his arm cut off and chariotless, mace in hand, bathed (in blood),
AI translation rendered from the Sanskrit, not a published edition
DB 5 31.57
अचिरेण समागत्य कालिकामहनत्तदा । काली च करवालेन भुजं तस्याथ दक्षिणम्
acireṇa samāgatya kālikāmahanattadā | kālī ca karavālena bhujaṃ tasyātha dakṣiṇam
in no long time came up and struck Kālikā then. And Kālī with her sword then (cut) his right arm—
AI translation rendered from the Sanskrit, not a published edition
DB 5 31.58
चिच्छेद प्रहसंती सा सगदं किल सांगदम् । कर्तुं पादप्रहारं स कुपितः प्रययौ जवात्
ciccheda prahasaṃtī sā sagadaṃ kila sāṃgadam | kartuṃ pādaprahāraṃ sa kupitaḥ prayayau javāt
she cut it off, laughing, together with its mace and its armlet. Enraged, he rushed swiftly to deliver a kick.
AI translation rendered from the Sanskrit, not a published edition
DB 5 31.59
काली चिच्छेद चरणौ खड्गेनास्य त्वरान्विता । सच्छिन्नकरपादोऽपि तिष्ठ तिष्ठेति च ब्रुवन्
kālī ciccheda caraṇau khaḍgenāsya tvarānvitā | sacchinnakarapādo'pi tiṣṭha tiṣṭheti ca bruvan
Kālī, moving fast, cut off his feet with her sword. Even with hands and feet cut off, crying "Stand! Stand!",
AI translation rendered from the Sanskrit, not a published edition
DB 5 31.60
धावमानो ययावाशु कालिकां भीषयन्निव । तमागच्छंतमालोक्य कालिका कमलोपमम्
dhāvamāno yayāvāśu kālikāṃ bhīṣayanniva | tamāgacchaṃtamālokya kālikā kamalopamam
running he went swiftly at Kālikā as if to frighten her. Seeing him coming, Kālikā (cut off) his head, like a lotus—
AI translation rendered from the Sanskrit, not a published edition
DB 5 31.61
चकर्त मस्तकं कंठाद्रुधिरौघवहं भृशम् । छिन्नेऽसौ मस्तके भूमौ पपात गिरिसन्निभः
cakarta mastakaṃ kaṃṭhādrudhiraughavahaṃ bhṛśam | chinne'sau mastake bhūmau papāta girisannibhaḥ
she severed the head from the neck, streaming a great flood of blood. When his head was cut off he fell to the ground like a mountain,
AI translation rendered from the Sanskrit, not a published edition
DB 5 31.62
प्राणा विनिर्ययुस्तस्य देहादुत्क्रम्य सत्वरम् । गतासुं पतितं दैत्यं दृष्ट्वा देवाः सवासवाः
prāṇā viniryayustasya dehādutkramya satvaram | gatāsuṃ patitaṃ daityaṃ dṛṣṭvā devāḥ savāsavāḥ
and his life-breaths went forth, departing swiftly from his body. Seeing the Daitya fallen with life gone, the gods along with Indra
AI translation rendered from the Sanskrit, not a published edition
DB 5 31.63
तुष्टुवुस्तां तदा देवीं चामुंडां कालिकां तथा । ववुर्वाता: शिवास्तत्र दिशश्च विमला भृशम्
tuṣṭuvustāṃ tadā devīṃ cāmuṃḍāṃ kālikāṃ tathā | vavurvātā: śivāstatra diśaśca vimalā bhṛśam
then praised that Goddess, and Cāmuṇḍā and Kālikā as well. Auspicious winds blew there, and the quarters became wholly clear.
AI translation rendered from the Sanskrit, not a published edition
DB 5 31.64
बभूवुश्चाग्नयो होमे प्रदक्षिणशिखाः शुभाः । हतशेषाश्च ये दैत्याः प्रणम्य जगदंबिकाम्
babhūvuścāgnayo home pradakṣiṇaśikhāḥ śubhāḥ | hataśeṣāśca ye daityāḥ praṇamya jagadaṃbikām
And the fires at the oblation became auspicious, their flames turning rightward. And those Daityas who survived the slaughter, bowing to the Mother of the world,
AI translation rendered from the Sanskrit, not a published edition
DB 5 31.65
त्यक्त्वाऽऽयुधानि ते सर्वे पातालं प्रययुर्नृप । एतत्ते सर्वमाख्यातं देव्याश्चरितमुत्तमम्
tyaktvā''yudhāni te sarve pātālaṃ prayayurnṛpa | etatte sarvamākhyātaṃ devyāścaritamuttamam
abandoning their weapons, all went to the netherworld, O king. All this excellent deed of the Goddess has been told to you,
AI translation rendered from the Sanskrit, not a published edition
DB 5 31.66
शुम्भादीनां वधं चैव सुराणां रक्षणं तथा । एतदाख्यानकं सर्वं पठन्ति भुवि मानवाः
śumbhādīnāṃ vadhaṃ caiva surāṇāṃ rakṣaṇaṃ tathā | etadākhyānakaṃ sarvaṃ paṭhanti bhuvi mānavāḥ
and the slaying of Śumbha and the others, and likewise the protection of the gods. Those men on earth who recite this whole narrative,
AI translation rendered from the Sanskrit, not a published edition
DB 5 31.67
शृण्वन्ति च सदा भक्त्या ते कृतार्था भवंति हि । अपुत्रो लभते पुत्रान्निर्धनश्च धनं बहु
śṛṇvanti ca sadā bhaktyā te kṛtārthā bhavaṃti hi | aputro labhate putrānnirdhanaśca dhanaṃ bahu
And those who always listen (to it) with devotion become fulfilled indeed; the sonless obtains sons, and the poor man much wealth.
AI translation rendered from the Sanskrit, not a published edition
DB 5 31.68
रोगी च मुच्यते रोगात्सर्वान्कामानवाप्नुयात् । शत्रुतो न भयं तस्य य इदं चरितं शुभम् ॥ शृणोति पठते नित्यं मुक्तिमाञ्जायते नरः
rogī ca mucyate rogātsarvānkāmānavāpnuyāt | śatruto na bhayaṃ tasya ya idaṃ caritaṃ śubham || śṛṇoti paṭhate nityaṃ muktimāñjāyate naraḥ
And the sick man is freed from sickness; he would obtain all his desires. He has no fear from an enemy — the man who listens to and constantly recites this auspicious story becomes possessed of liberation.
AI translation rendered from the Sanskrit, not a published edition