Devi Bhagavata Purana — Skandha 5 — Chapter 30
DB 5 30.1
युद्धात्प्रत्यागतानां रक्षसां शुम्भाय वार्तावर्णनम् व्यास उवाच निशुम्भो निश्चयं कृत्वा मरणाय जयाय वा । सोद्यमः सबलः शूरो रणे देवीमुपाययौ
yuddhātpratyāgatānāṃ rakṣasāṃ śumbhāya vārtāvarṇanam vyāsa uvāca niśumbho niścayaṃ kṛtvā maraṇāya jayāya vā | sodyamaḥ sabalaḥ śūro raṇe devīmupāyayau
The report given to Śumbha by the demons who had returned from the battle. Vyāsa said: Niśumbha, having made his resolve for death or for victory, the hero, with effort and with his army, approached the Goddess in battle.
AI translation rendered from the Sanskrit, not a published edition
DB 5 30.2
तमाजगाम शुम्भोऽपि स्वबलेन समावृतः । प्रेक्षकोऽभूद्रणे राजा संग्रामरसपण्डितः
tamājagāma śumbho'pi svabalena samāvṛtaḥ | prekṣako'bhūdraṇe rājā saṃgrāmarasapaṇḍitaḥ
Śumbha too came there, surrounded by his own force; the king, expert in the relish of battle, became a spectator in the fight.
AI translation rendered from the Sanskrit, not a published edition
DB 5 30.3
गगने संस्थिता देवास्तदाभ्रपटलावृताः । दिदृक्षवस्तु संग्रामे सेन्द्रा यक्षगणास्तथा
gagane saṃsthitā devāstadābhrapaṭalāvṛtāḥ | didṛkṣavastu saṃgrāme sendrā yakṣagaṇāstathā
The gods, then, stationed in the sky and hidden by a cover of clouds, were eager to see the battle, together with Indra, and so too the hosts of Yakṣas.
AI translation rendered from the Sanskrit, not a published edition
DB 5 30.4
निशुम्भोऽथ रणे गत्वा धनुरादाय शार्ङ्गकम् । चकार शरवृष्टिं स भीषयञ्जगदम्बिकाम्
niśumbho'tha raṇe gatvā dhanurādāya śārṅgakam | cakāra śaravṛṣṭiṃ sa bhīṣayañjagadambikām
Then Niśumbha, having gone to the battle and taken up his horn bow, made a rain of arrows, frightening the Mother of the world.
AI translation rendered from the Sanskrit, not a published edition
DB 5 30.5
मुञ्चन्तं शरजालानि निशुम्भं चण्डिका रणे । वीक्ष्यादाय धनुः श्रेष्ठं जहास सुस्वरं मुहुः
muñcantaṃ śarajālāni niśumbhaṃ caṇḍikā raṇe | vīkṣyādāya dhanuḥ śreṣṭhaṃ jahāsa susvaraṃ muhuḥ
Seeing Niśumbha releasing nets of arrows in battle, Caṇḍikā took up her excellent bow and laughed aloud again and again.
AI translation rendered from the Sanskrit, not a published edition
DB 5 30.6
उवाच कालिकां देवी पश्य मूर्खत्वमेतयोः । मरणायागतौ कालि मत्समीपमिहाधुना
uvāca kālikāṃ devī paśya mūrkhatvametayoḥ | maraṇāyāgatau kāli matsamīpamihādhunā
The Goddess said to Kālikā: "See the stupidity of these two! Kāli, they have come here now into my presence to die.
AI translation rendered from the Sanskrit, not a published edition
DB 5 30.7
दृष्ट्वा दैत्यवधं घोरं रक्तबीजात्ययं तथा । जयाशां कुरुतस्त्वेतौ मोहितौ मम मायया
dṛṣṭvā daityavadhaṃ ghoraṃ raktabījātyayaṃ tathā | jayāśāṃ kurutastvetau mohitau mama māyayā
Though they have seen the terrible slaughter of the demons and the destruction of Raktabīja, still these two entertain the hope of victory, deluded by my magic.
AI translation rendered from the Sanskrit, not a published edition
DB 5 30.8
आशा बलवती ह्येषा न जहाति नरं क्वचित् । भग्नं हृतबलं नष्टं गतपक्षं विचेतनम्
āśā balavatī hyeṣā na jahāti naraṃ kvacit | bhagnaṃ hṛtabalaṃ naṣṭaṃ gatapakṣaṃ vicetanam
For this hope is strong; it never abandons a man—broken, robbed of strength, ruined, bereft of supporters, and senseless.
AI translation rendered from the Sanskrit, not a published edition
DB 5 30.9
आशापाशनिबद्धौ द्वौ युद्धाय समुपागतौ । निहन्तव्यौ मया कालि रणे शुम्भनिशुम्भकौ
āśāpāśanibaddhau dvau yuddhāya samupāgatau | nihantavyau mayā kāli raṇe śumbhaniśumbhakau
These two, bound in the noose of hope, have come forward to fight; Śumbha and Niśumbha must be slain by me in battle, O Kāli.
AI translation rendered from the Sanskrit, not a published edition
DB 5 30.10
आसन्नमरणावेतौ सम्प्राप्तौ दैवमोहितौ । पश्यतां सर्वदेवानां हनिष्याम्यहमद्य तौ
āsannamaraṇāvetau samprāptau daivamohitau | paśyatāṃ sarvadevānāṃ haniṣyāmyahamadya tau
These two, whose death is near, have arrived, deluded by fate; before the eyes of all the gods I shall slay them today."
AI translation rendered from the Sanskrit, not a published edition
DB 5 30.11
व्यास उवाच इत्युक्त्वा कालिकां चण्डी कर्णाकृष्टशरोत्करैः । छादयामास तरसा निशुम्भं पुरतः स्थितम्
vyāsa uvāca ityuktvā kālikāṃ caṇḍī karṇākṛṣṭaśarotkaraiḥ | chādayāmāsa tarasā niśumbhaṃ purataḥ sthitam
Vyāsa said: Having spoken thus to Kālikā, Caṇḍī swiftly covered Niśumbha, who stood before her, with masses of arrows drawn back to her ear.
AI translation rendered from the Sanskrit, not a published edition
DB 5 30.12
दानवोऽपि शरांस्तस्याश्चिच्छेद निशितैः शरैः । तयोः परस्परं युद्धं बभूवातिभयानकम्
dānavo'pi śarāṃstasyāściccheda niśitaiḥ śaraiḥ | tayoḥ parasparaṃ yuddhaṃ babhūvātibhayānakam
The Dānava too cut her arrows apart with sharp arrows; the mutual battle between those two became exceedingly terrifying.
AI translation rendered from the Sanskrit, not a published edition
DB 5 30.13
केसरी केशजालानि धुन्वानः सैन्यसागरम् । गाहयामास बलवान्सरसीं वारणो यथा
kesarī keśajālāni dhunvānaḥ sainyasāgaram | gāhayāmāsa balavānsarasīṃ vāraṇo yathā
The mighty lion, shaking the masses of his mane, plunged into the ocean of the army as an elephant into a pond.
AI translation rendered from the Sanskrit, not a published edition
DB 5 30.14
नखैर्दन्तप्रहारैस्तु दानवान्पुरतः स्थितान् । चखाद च विशीर्णाङ्गान् गजानिव मदोत्कटान्
nakhairdantaprahāraistu dānavānpurataḥ sthitān | cakhāda ca viśīrṇāṅgān gajāniva madotkaṭān
And with his claws and with blows of his teeth he devoured the Dānavas standing before him, their limbs torn apart, like elephants frenzied with rut.
AI translation rendered from the Sanskrit, not a published edition
DB 5 30.15
एवं विमथ्यमाने तु सैन्ये केसरिणा तदा । अभ्यधावन्निशुम्भोऽथ विकृष्टवरकार्मुकः
evaṃ vimathyamāne tu sainye kesariṇā tadā | abhyadhāvanniśumbho'tha vikṛṣṭavarakārmukaḥ
While the army was thus being churned up by the lion, Niśumbha then rushed forward, his excellent bow drawn.
AI translation rendered from the Sanskrit, not a published edition
DB 5 30.16
अन्येऽपि क्रुद्धा दैत्येन्द्रा देवीं हन्तुमुपाययुः । सन्दष्टदन्तरसना रक्तनेत्रा ह्यनेकशः
anye'pi kruddhā daityendrā devīṃ hantumupāyayuḥ | sandaṣṭadantarasanā raktanetrā hyanekaśaḥ
Other lords of the Daityas too, enraged, came on in great numbers to kill the Goddess, biting their tongues with their teeth, their eyes red.
AI translation rendered from the Sanskrit, not a published edition
DB 5 30.17
तत्राजगाम तरसा शुम्भः सैन्यसमावृतः । निहत्य कालिकां कोपाद्ग्रहीतुं जगदम्बिकाम्
tatrājagāma tarasā śumbhaḥ sainyasamāvṛtaḥ | nihatya kālikāṃ kopādgrahītuṃ jagadambikām
There Śumbha came swiftly, surrounded by his army, in anger, to kill Kālikā and to seize the Mother of the world.
AI translation rendered from the Sanskrit, not a published edition
DB 5 30.18
तत्रागत्य ददर्शाजावम्बिकाञ्च पुरःस्थिताम् । रौद्ररसयुतां कान्तां शृङ्गाररससंयुताम्
tatrāgatya dadarśājāvambikāñca puraḥsthitām | raudrarasayutāṃ kāntāṃ śṛṅgārarasasaṃyutām
Having come there, in the battle he saw Ambikā standing before him, filled with the rasa of fury, yet lovely and endowed with the rasa of love.
AI translation rendered from the Sanskrit, not a published edition
DB 5 30.19
तां वीक्ष्य विपुलापाङ्गीं त्रैलोक्यवरसुन्दरीम् । सुरक्तनयनां रम्यां क्रोधरक्तेक्षणां तथा
tāṃ vīkṣya vipulāpāṅgīṃ trailokyavarasundarīm | suraktanayanāṃ ramyāṃ krodharaktekṣaṇāṃ tathā
Seeing her with her long outer eye-corners, the fairest beauty of the three worlds, with her deep red eyes, delightful, her gaze reddened with anger,
AI translation rendered from the Sanskrit, not a published edition
DB 5 30.20
विवाहेच्छां परित्यज्य जयाशां दूरतस्तथा । मरणे निश्चयं कृत्वा तस्थावाहितकार्मुकः
vivāhecchāṃ parityajya jayāśāṃ dūratastathā | maraṇe niścayaṃ kṛtvā tasthāvāhitakārmukaḥ
he gave up the wish to marry (her) and put the hope of victory far away, and, having resolved upon death, he stood with his bow taken up.
AI translation rendered from the Sanskrit, not a published edition
DB 5 30.21
तं तथा दानवं देवी स्मितपूर्वमिदं वचः । बभाषे शृण्वतां तेषां दैत्यानां रणमस्तके
taṃ tathā dānavaṃ devī smitapūrvamidaṃ vacaḥ | babhāṣe śṛṇvatāṃ teṣāṃ daityānāṃ raṇamastake
To that Dānava in that state the Goddess, smiling first, spoke these words at the head of the battle, while those Daityas listened:
AI translation rendered from the Sanskrit, not a published edition
DB 5 30.22
गच्छध्वं पामरा यूयं पातालं वा जलार्णवम् । जीविताशां स्थिरां कृत्वा त्यक्त्वात्रैवायुधानि च
gacchadhvaṃ pāmarā yūyaṃ pātālaṃ vā jalārṇavam | jīvitāśāṃ sthirāṃ kṛtvā tyaktvātraivāyudhāni ca
"Go, you base wretches, to Pātāla or to the watery ocean, making firm your hope of life, and leaving your weapons right here;
AI translation rendered from the Sanskrit, not a published edition
DB 5 30.23
अथवा मच्छराघातहतप्राणा रणाजिरे । प्राप्य स्वर्गसुखं सर्वे क्रीडन्तु विगतज्वराः
athavā maccharāghātahataprāṇā raṇājire | prāpya svargasukhaṃ sarve krīḍantu vigatajvarāḥ
or else, with your lives destroyed by the blows of my arrows on the field of battle, let you all attain the joy of heaven and play there free of fever.
AI translation rendered from the Sanskrit, not a published edition
DB 5 30.24
कातरत्वं च शूरत्वं न भवत्येव सर्वथा । ददाम्यभयदानं वै यान्तु सर्वे यथासुखम्
kātaratvaṃ ca śūratvaṃ na bhavatyeva sarvathā | dadāmyabhayadānaṃ vai yāntu sarve yathāsukham
Cowardice and heroism can by no means (coexist); I grant indeed the gift of safety—let all go as they please."
AI translation rendered from the Sanskrit, not a published edition
DB 5 30.25
व्यास उवाच इत्याकर्ण्य वचस्तस्या निशुम्भो मदगर्वितः । निशितं खड्गमादाय चर्म चैवाष्टचन्द्रकम्
vyāsa uvāca ityākarṇya vacastasyā niśumbho madagarvitaḥ | niśitaṃ khaḍgamādāya carma caivāṣṭacandrakam
Vyāsa said: Hearing these words of hers, Niśumbha, puffed up with pride, took up a sharp sword and a shield marked with eight moons,
AI translation rendered from the Sanskrit, not a published edition
DB 5 30.26
धावमानस्तु तरसासिना सिंहं मदोत्कटम् । जघानातिबलान्मूर्ध्नि भ्रामयञ्जगदम्बिकाम्
dhāvamānastu tarasāsinā siṃhaṃ madotkaṭam | jaghānātibalānmūrdhni bhrāmayañjagadambikām
Rushing on with speed, he struck with his sword the lion, wild with rut, on the head with great force, whirling (his weapon) at the Mother of the world.
AI translation rendered from the Sanskrit, not a published edition
DB 5 30.27
ततो देवी स्वगदया वञ्चयित्वासिपातनम् । ताडयामास तं बाहोर्मूले परशुना तदा
tato devī svagadayā vañcayitvāsipātanam | tāḍayāmāsa taṃ bāhormūle paraśunā tadā
Then the Goddess, having foiled the sword-stroke with her own mace, struck him at that time on the root of his arm with her axe.
AI translation rendered from the Sanskrit, not a published edition
DB 5 30.28
खड्गेन निहतः सोऽपि बाहुमूले महामदः । संस्तभ्य वेदनां भूयो जघान चण्डिकां तदा
khaḍgena nihataḥ so'pi bāhumūle mahāmadaḥ | saṃstabhya vedanāṃ bhūyo jaghāna caṇḍikāṃ tadā
Though struck by the sword at the root of his arm, he too, greatly intoxicated, checked the pain and then struck Caṇḍikā again.
AI translation rendered from the Sanskrit, not a published edition
DB 5 30.29
सापि घण्टास्वनं घोरं चकार भयदं नृणाम् । पपौ पुनः पुनः पानं निशुम्भं हन्तुमिच्छती
sāpi ghaṇṭāsvanaṃ ghoraṃ cakāra bhayadaṃ nṛṇām | papau punaḥ punaḥ pānaṃ niśumbhaṃ hantumicchatī
She too made a terrible clanging of her bell, which caused fear in men, and drank the drink again and again, wishing to kill Niśumbha.
AI translation rendered from the Sanskrit, not a published edition
DB 5 30.30
एवं परस्परं युद्धं बभूवातिभयप्रदम् । देवानां दानवानाञ्च परस्परजयैषिणाम् युद्धात्प्रत्यागतानां रक्षसां शुम्भाय वार्तावर्णनं नाम त्रिंशोऽध्यायः
evaṃ parasparaṃ yuddhaṃ babhūvātibhayapradam | devānāṃ dānavānāñca parasparajayaiṣiṇām yuddhātpratyāgatānāṃ rakṣasāṃ śumbhāya vārtāvarṇanaṃ nāma triṃśo'dhyāyaḥ
Thus the mutual fighting between the gods and the Dānavas, each seeking victory over the other, became exceedingly terrifying. [Thirtieth chapter, called "The report given to Śumbha by the demons who returned from the battle."]
AI translation rendered from the Sanskrit, not a published edition
DB 5 30.31
पलादाः पक्षिणः क्रूराः सारमेयाश्च जम्बुकाः । ननृतुश्चातिसन्तुष्टा गृध्राः कङ्काश्च वायसाः
palādāḥ pakṣiṇaḥ krūrāḥ sārameyāśca jambukāḥ | nanṛtuścātisantuṣṭā gṛdhrāḥ kaṅkāśca vāyasāḥ
Flesh-eating birds, cruel dogs and jackals, vultures, herons and crows danced, exceedingly delighted.
AI translation rendered from the Sanskrit, not a published edition
DB 5 30.32
रणभूर्भाति भूयिष्ठपतितासुरवर्ष्मकैः । रुधिरस्रावसंयुक्तैर्गजाश्वदेहसंकुला
raṇabhūrbhāti bhūyiṣṭhapatitāsuravarṣmakaiḥ | rudhirasrāvasaṃyuktairgajāśvadehasaṃkulā
The battlefield shone with the very many fallen bodies of the demons, drenched with flowing blood, crowded with the bodies of elephants and horses.
AI translation rendered from the Sanskrit, not a published edition
DB 5 30.33
पतितान्दानवान्दृष्ट्वा निशुम्भोऽतिरुषान्वितः । प्रययौ चण्डिकां तूर्णं गदामादाय दारुणाम्
patitāndānavāndṛṣṭvā niśumbho'tiruṣānvitaḥ | prayayau caṇḍikāṃ tūrṇaṃ gadāmādāya dāruṇām
Seeing the Dānavas fallen, Niśumbha, filled with great fury, went quickly against Caṇḍikā, taking up his dreadful mace.
AI translation rendered from the Sanskrit, not a published edition
DB 5 30.34
सिंहं जघान गदया मस्तके मदगर्वितः । प्रहृत्य च स्मितं कृत्वा पुनर्देवीमताडयत्
siṃhaṃ jaghāna gadayā mastake madagarvitaḥ | prahṛtya ca smitaṃ kṛtvā punardevīmatāḍayat
Proud with intoxication, he struck the lion on the head with his mace; and having struck it and smiled, he struck the Goddess again.
AI translation rendered from the Sanskrit, not a published edition
DB 5 30.35
सापि तं कुपितातीव निशुम्भं पुरतः स्थितम् । प्रहरन्तं समीक्ष्याथ देवी वचनमब्रवीत्
sāpi taṃ kupitātīva niśumbhaṃ purataḥ sthitam | praharantaṃ samīkṣyātha devī vacanamabravīt
She too, exceedingly angered, seeing that Niśumbha standing before her and striking, the Goddess then spoke these words:
AI translation rendered from the Sanskrit, not a published edition
DB 5 30.36
देव्युवाच तिष्ठ मन्दमते तावद्यावत्खड्गमिदं तव । ग्रीवायां प्रेरयाम्यस्माद् गन्तासि यमसादनम्
devyuvāca tiṣṭha mandamate tāvadyāvatkhaḍgamidaṃ tava | grīvāyāṃ prerayāmyasmād gantāsi yamasādanam
The Goddess said: Stand still, dull-witted one, just so long until I drive this sword of yours into your neck—by that you shall go to Yama's abode.
AI translation rendered from the Sanskrit, not a published edition
DB 5 30.37
व्यास उवाच इत्युक्त्वा तरसा देवी कृपाणेन समाहिता । चिच्छेद मस्तकं तस्य निशुम्भस्याथ चण्डिका
vyāsa uvāca ityuktvā tarasā devī kṛpāṇena samāhitā | ciccheda mastakaṃ tasya niśumbhasyātha caṇḍikā
Vyāsa said: Having spoken thus, the Goddess Caṇḍikā, collected, swiftly cut off with her sword the head of that Niśumbha.
AI translation rendered from the Sanskrit, not a published edition
DB 5 30.38
सच्छिन्नमस्तको देव्या कबन्धोऽतीव दारुणः । बभ्राम च गदापाणिस्त्रासयन्देवतागणान्
sacchinnamastako devyā kabandho'tīva dāruṇaḥ | babhrāma ca gadāpāṇistrāsayandevatāgaṇān
With its head severed by the Goddess, the trunk, exceedingly dreadful, roamed about with mace in hand, terrifying the hosts of gods.
AI translation rendered from the Sanskrit, not a published edition
DB 5 30.39
देवी तस्य शितैर्बाणैश्चिच्छेद चरणौ करौ । पपातोर्व्यां ततः पापी गतासुः पर्वतोपमः
devī tasya śitairbāṇaiściccheda caraṇau karau | papātorvyāṃ tataḥ pāpī gatāsuḥ parvatopamaḥ
With her sharp arrows the Goddess cut off his feet and hands; then the sinner, his life gone, fell to the earth like a mountain.
AI translation rendered from the Sanskrit, not a published edition
DB 5 30.40
तस्मिन्निपतिते दैत्ये निशुम्भे भीमविक्रमे । हाहाकारो महानासीत्तत्सैन्ये भयकम्पिते
tasminnipatite daitye niśumbhe bhīmavikrame | hāhākāro mahānāsīttatsainye bhayakampite
When that demon Niśumbha of terrible valour had fallen, there arose a great cry of woe in his army, which trembled with fear.
AI translation rendered from the Sanskrit, not a published edition
DB 5 30.41
त्यक्त्वाऽऽयुधानि सर्वाणि सैनिकाः क्षतजाप्लुताः । जग्मुर्बुम्बारवं सर्वे कुर्वाणा राजमन्दिरम्
tyaktvā''yudhāni sarvāṇi sainikāḥ kṣatajāplutāḥ | jagmurbumbāravaṃ sarve kurvāṇā rājamandiram
Abandoning all their weapons, the soldiers, bathed in blood, all went to the king's palace, making a confused din.
AI translation rendered from the Sanskrit, not a published edition
DB 5 30.42
तानागतान्सुसम्प्रेक्ष्य शुम्भः शत्रुनिषूदनः । पप्रच्छ क्व निशुम्भोऽसौ कथं भग्नाः पलायिताः
tānāgatānsusamprekṣya śumbhaḥ śatruniṣūdanaḥ | papraccha kva niśumbho'sau kathaṃ bhagnāḥ palāyitāḥ
Looking closely at them as they arrived, Śumbha, the slayer of foes, asked: "Where is that Niśumbha? How is it that you are broken and have fled?"
AI translation rendered from the Sanskrit, not a published edition
DB 5 30.43
तच्छ्रुत्वा वचनं राज्ञस्ते प्रोचुः प्रणता भृशम् । राजंस्ते निहतो भ्राता शेते समरमूर्धनि
tacchrutvā vacanaṃ rājñaste procuḥ praṇatā bhṛśam | rājaṃste nihato bhrātā śete samaramūrdhani
Hearing that speech of the king, they, bowing low, said: "King, your brother has been slain; he lies on the field of battle.
AI translation rendered from the Sanskrit, not a published edition
DB 5 30.44
तया निपातिताः शूरा ये च तेऽप्यनुजानुगाः । वयं त्वां कथितुं सर्वं वृत्तान्तं समुपागताः
tayā nipātitāḥ śūrā ye ca te'pyanujānugāḥ | vayaṃ tvāṃ kathituṃ sarvaṃ vṛttāntaṃ samupāgatāḥ
By her the heroes were struck down, and also those who were your younger brother's followers; we have come to tell you the whole account.
AI translation rendered from the Sanskrit, not a published edition
DB 5 30.45
निशुम्भो निहतस्तत्र तया चण्डिकयाधुना । न हि युद्धस्य कालोऽद्य तव राजन् रणाङ्गणे
niśumbho nihatastatra tayā caṇḍikayādhunā | na hi yuddhasya kālo'dya tava rājan raṇāṅgaṇe
Niśumbha has now been slain there by that Caṇḍikā; today, O king, this is no time for you to fight on the battlefield.
AI translation rendered from the Sanskrit, not a published edition
DB 5 30.46
देवकार्यं समुद्दिश्य कापीयं परमाङ्गना । हन्तुं दैत्यकुलं नूनं प्राप्तेति परिचिन्तय
devakāryaṃ samuddiśya kāpīyaṃ paramāṅganā | hantuṃ daityakulaṃ nūnaṃ prāpteti paricintaya
Consider that this supreme woman is surely some (being) who, having in view the business of the gods, has arrived in order to destroy the race of the Daityas.
AI translation rendered from the Sanskrit, not a published edition
DB 5 30.47
नैषा प्राकृतयोषैव देवी शक्तिरनुत्तमा । अचिन्त्यचरिता क्वापि दुर्ज्ञेया दैवतैरपि
naiṣā prākṛtayoṣaiva devī śaktiranuttamā | acintyacaritā kvāpi durjñeyā daivatairapi
She is no ordinary woman; (she is) the Goddess, the unsurpassed Power, whose deeds are unthinkable, hard to know anywhere even for the gods.
AI translation rendered from the Sanskrit, not a published edition
DB 5 30.48
नानारूपधरातीव मायामूलविशारदा । विचित्रभूषणा देवी सर्वायुधधरा शुभा
nānārūpadharātīva māyāmūlaviśāradā | vicitrabhūṣaṇā devī sarvāyudhadharā śubhā
Assuming manifold forms, exceedingly skilled in the root of illusion, wearing wondrous ornaments, the Goddess, bearing every weapon, auspicious;
AI translation rendered from the Sanskrit, not a published edition
DB 5 30.49
गहना गूढचरिता कालरात्रिरिवापरा । अपारपारगा पूर्णा सर्वलक्षणसंयुता
gahanā gūḍhacaritā kālarātririvāparā | apārapāragā pūrṇā sarvalakṣaṇasaṃyutā
unfathomable, of hidden conduct, like a second Night of Doom, going beyond the shoreless, complete, endowed with all (auspicious) marks.
AI translation rendered from the Sanskrit, not a published edition
DB 5 30.50
अन्तरिक्षस्थिता देवास्तां स्तुवन्त्यकुतोभयाः । देवकार्यञ्च कुर्वाणां श्रीदेवीं परमाद्भुताम्
antarikṣasthitā devāstāṃ stuvantyakutobhayāḥ | devakāryañca kurvāṇāṃ śrīdevīṃ paramādbhutām
The gods standing in the sky, fearing nothing from any quarter, praise her, the most wondrous Śrī-Devī, as she performs the business of the gods.
AI translation rendered from the Sanskrit, not a published edition
DB 5 30.51
पलायनं परो धर्मः सर्वथा देहरक्षणम् । रक्षिते किल देहेस्मिन्कालेऽस्मत्सुखताङ्गते
palāyanaṃ paro dharmaḥ sarvathā deharakṣaṇam | rakṣite kila dehesminkāle'smatsukhatāṅgate
Flight is the higher duty; by all means (there should be) protection of the body. For if this body is preserved, when the time turns to our happiness—
AI translation rendered from the Sanskrit, not a published edition — the model flagged this verse as uncertain
DB 5 30.52
संग्रामे विजयो राजन् भविता ते न संशयः । कालः करोति बलिनं समये निर्बलं क्वचित्
saṃgrāme vijayo rājan bhavitā te na saṃśayaḥ | kālaḥ karoti balinaṃ samaye nirbalaṃ kvacit
—victory in battle will be yours, O king, there is no doubt. Time makes the strong one, at (some other) time, powerless on occasion;
AI translation rendered from the Sanskrit, not a published edition
DB 5 30.53
तं पुनः सबलं कृत्वा जयायोपदधाति हि । दातारं याचकं कालः करोति समये क्वचित्
taṃ punaḥ sabalaṃ kṛtvā jayāyopadadhāti hi | dātāraṃ yācakaṃ kālaḥ karoti samaye kvacit
and again, having made him strong, it sets him up for victory. Time on occasion, at (some) time, makes a giver into a beggar,
AI translation rendered from the Sanskrit, not a published edition
DB 5 30.54
भिक्षुकं धनदातारं करोति समयान्तरे । विष्णुः कालवशे नूनं ब्रह्मा वा पार्वतीपतिः
bhikṣukaṃ dhanadātāraṃ karoti samayāntare | viṣṇuḥ kālavaśe nūnaṃ brahmā vā pārvatīpatiḥ
and at another time it makes a beggar a giver of wealth. Surely Viṣṇu is in the power of Time, or Brahmā, or the husband of Pārvatī,
AI translation rendered from the Sanskrit, not a published edition
DB 5 30.55
इन्द्राद्या निर्जराः सर्वे काल एव प्रभुः स्वयम् । तस्मात्कालं प्रतीक्षस्व विपरीतं तवाधुना
indrādyā nirjarāḥ sarve kāla eva prabhuḥ svayam | tasmātkālaṃ pratīkṣasva viparītaṃ tavādhunā
and Indra and all the other immortals: Time alone is lord by itself. Therefore await (your) time; at present it is adverse for you,
AI translation rendered from the Sanskrit, not a published edition
DB 5 30.56
सम्मुखो देवतानाञ्च दैत्यानां नाशहेतुकः । एकैव च गतिर्नास्ति कालस्य किल भूपते
sammukho devatānāñca daityānāṃ nāśahetukaḥ | ekaiva ca gatirnāsti kālasya kila bhūpate
(but) favourable to the gods and the cause of the destruction of the Daityas. And Time has not just one course, O lord of the earth;
AI translation rendered from the Sanskrit, not a published edition
DB 5 30.57
नानारूपधराप्यस्ति ज्ञातव्यं तस्य चेष्टितम् । कदाचित्सम्भवो नॄणां कदाचित्प्रलयस्तथा
nānārūpadharāpyasti jñātavyaṃ tasya ceṣṭitam | kadācitsambhavo nṝṇāṃ kadācitpralayastathā
it too bears many forms; its workings are to be understood: sometimes there is the coming to be of men, and sometimes their dissolution.
AI translation rendered from the Sanskrit, not a published edition
DB 5 30.58
उत्पत्तिहेतुः कालोऽन्यः क्षयहेतुस्तथापरः । प्रत्यक्षं ते महाराज देवाः सर्वे सवासवाः
utpattihetuḥ kālo'nyaḥ kṣayahetustathāparaḥ | pratyakṣaṃ te mahārāja devāḥ sarve savāsavāḥ
One Time is the cause of origination, and another likewise the cause of destruction. It is plain to you, great king: all the gods together with Vāsava
AI translation rendered from the Sanskrit, not a published edition
DB 5 30.59
करदास्ते कृताः पूर्वं कालेन सम्मुखेन च । तेनैव विमुखेनाद्य बलिनोऽबलयासुराः
karadāste kṛtāḥ pūrvaṃ kālena sammukhena ca | tenaiva vimukhenādya balino'balayāsurāḥ
were formerly made tribute-payers by you, Time being favourable; and today, by that same (Time) turned away, the Asuras, (though) strong, through weakness
AI translation rendered from the Sanskrit, not a published edition
DB 5 30.60
निहता नितरां कालः करोति च शुभाशुभम् । नैवात्र कारणं काली नैव देवाः सनातनाः
nihatā nitarāṃ kālaḥ karoti ca śubhāśubham | naivātra kāraṇaṃ kālī naiva devāḥ sanātanāḥ
have been utterly slain. It is Time that brings about good and ill. Neither Kālī is the cause here, nor the eternal gods.
AI translation rendered from the Sanskrit, not a published edition
DB 5 30.61
यथा ते रोचते राजंस्तथा कुरु विमृश्य च । कालोऽयं नात्र हेतुस्ते दानवानां तथा पुनः
yathā te rocate rājaṃstathā kuru vimṛśya ca | kālo'yaṃ nātra hetuste dānavānāṃ tathā punaḥ
As it pleases you, O king, so do, after reflecting. This is Time; neither you nor the Dānavas are the cause here.
AI translation rendered from the Sanskrit, not a published edition
DB 5 30.62
त्वदग्रतो गतः शक्रो भग्नः संख्ये निरायुधः । तथा विष्णुस्तथा रुद्रो वरुणो धनदो यमः
tvadagrato gataḥ śakro bhagnaḥ saṃkhye nirāyudhaḥ | tathā viṣṇustathā rudro varuṇo dhanado yamaḥ
Śakra went before you and was broken in battle, weaponless; so too Viṣṇu, so Rudra, Varuṇa, the giver of wealth (Kubera), and Yama.
AI translation rendered from the Sanskrit, not a published edition
DB 5 30.63
तथा त्वमपि राजेन्द्र वीक्ष्य कालवशं जगत् । पातालं गच्छ तरसा जीवन्भद्रमवाप्स्यसि
tathā tvamapi rājendra vīkṣya kālavaśaṃ jagat | pātālaṃ gaccha tarasā jīvanbhadramavāpsyasi
So you too, best of kings, seeing that the world is in the power of Time, go swiftly to Pātāla; living, you will obtain good fortune.
AI translation rendered from the Sanskrit, not a published edition
DB 5 30.64
मृते त्वयि महाराज शत्रवस्ते मुदान्विताः । मङ्गलानि प्रगायन्तो विचरिष्यन्ति सर्वतः
mṛte tvayi mahārāja śatravaste mudānvitāḥ | maṅgalāni pragāyanto vicariṣyanti sarvataḥ
But if you die, great king, your enemies, filled with joy, will roam everywhere singing songs of felicity.
AI translation rendered from the Sanskrit, not a published edition