Devi Bhagavata Purana — Skandha 5 — Chapter 29
DB 5 29.1
देव्यासह युद्धकरणाय निशुम्भप्रयाणम् व्यास उवाच वरदानमिदं तस्य दानवस्य शिवार्पितम् । अत्यद्भुततरं राजञ्छ्रुणु तत्प्रब्रवीम्यहम्
devyāsaha yuddhakaraṇāya niśumbhaprayāṇam vyāsa uvāca varadānamidaṃ tasya dānavasya śivārpitam | atyadbhutataraṃ rājañchruṇu tatprabravīmyaham
[Niśumbha's setting out to do battle with the Devī.] Vyāsa said: Hear, O king, of this granting of a boon to that Dānava, bestowed by Śiva, most exceedingly wondrous; I shall tell it.
AI translation rendered from the Sanskrit, not a published edition
DB 5 29.2
तस्य देहाद्रक्तबिन्दुर्यदा पतति भूतले । समुत्पतन्ति दैतेयास्तद्रूपास्तत्पराक्रमाः
tasya dehādraktabinduryadā patati bhūtale | samutpatanti daiteyāstadrūpāstatparākramāḥ
Whenever a drop of blood from his body falls to the ground, Daityas spring up having his form and his valour.
AI translation rendered from the Sanskrit, not a published edition
DB 5 29.3
असंख्याता महावीर्या दानवा रक्तसम्भवाः । प्रभवन्त्विति रुद्रेण दत्तोऽस्त्यत्यद्भुतो वरः
asaṃkhyātā mahāvīryā dānavā raktasambhavāḥ | prabhavantviti rudreṇa datto'styatyadbhuto varaḥ
"Let countless Dānavas of great valour, born from the blood, arise" — such was the most wondrous boon given by Rudra.
AI translation rendered from the Sanskrit, not a published edition
DB 5 29.4
स तेन वरदानेन दर्पितः क्रोधसंयुतः । अभ्यगात्तरसा संख्ये हन्तुं देवीं सकालिकाम्
sa tena varadānena darpitaḥ krodhasaṃyutaḥ | abhyagāttarasā saṃkhye hantuṃ devīṃ sakālikām
Made proud by that granting of the boon and filled with anger, he rushed swiftly in the battle to kill the Devī together with Kālikā.
AI translation rendered from the Sanskrit, not a published edition
DB 5 29.5
स दृष्ट्वा वैष्णवीं शक्तिं गरुडोपरिसंस्थिताम् । शक्त्या जघान दैत्येन्द्रस्तां वै कमललोचनाम्
sa dṛṣṭvā vaiṣṇavīṃ śaktiṃ garuḍoparisaṃsthitām | śaktyā jaghāna daityendrastāṃ vai kamalalocanām
Seeing the Vaiṣṇavī Śakti seated upon Garuḍa, that lord of the Daityas struck her, the lotus-eyed one, with his spear.
AI translation rendered from the Sanskrit, not a published edition
DB 5 29.6
गदया वारयामास शक्तिः सा शक्तिसंयुता । अताडयच्च चक्रेण रक्तबीजं महासुरम्
gadayā vārayāmāsa śaktiḥ sā śaktisaṃyutā | atāḍayacca cakreṇa raktabījaṃ mahāsuram
That Śakti (Vaiṣṇavī), armed with a spear, warded (the blow) off with her mace, and she struck Raktabīja, the great asura, with her discus.
AI translation rendered from the Sanskrit, not a published edition
DB 5 29.7
रथाङ्गहतदेहात्तु बहु सुस्राव शोणितम् । वज्राहतगिरेः शृङ्गान्निर्झरा इव गैरिका
rathāṅgahatadehāttu bahu susrāva śoṇitam | vajrāhatagireḥ śṛṅgānnirjharā iva gairikā
From his body, struck by the discus, much blood flowed out, like ochre-red cascades from the peak of a mountain struck by a thunderbolt.
AI translation rendered from the Sanskrit, not a published edition
DB 5 29.8
यत्र यत्र यदा भूमौ पतन्ति रक्तबिन्दवः । समुत्तस्थुस्तदाकाराः पुरुषाश्च सहस्रशः
yatra yatra yadā bhūmau patanti raktabindavaḥ | samuttasthustadākārāḥ puruṣāśca sahasraśaḥ
And wherever and whenever the drops of blood fell upon the ground, there arose men of his very form, by the thousand.
AI translation rendered from the Sanskrit, not a published edition
DB 5 29.9
ऐन्द्री तमसुरं घोरं वज्रेणाभिजघान च । रक्तबीजं क्रुधाऽऽविष्टा निःससार च शोणितम्
aindrī tamasuraṃ ghoraṃ vajreṇābhijaghāna ca | raktabījaṃ krudhā''viṣṭā niḥsasāra ca śoṇitam
And Aindrī, filled with fury, struck that dreadful asura Raktabīja with her thunderbolt, and blood poured forth.
AI translation rendered from the Sanskrit, not a published edition
DB 5 29.10
ततस्तत्क्षतजाज्जाता रक्तबीजा ह्यनेकशः । तद्वीर्याश्च तदाकारा सायुधा युद्धदुर्मदाः
tatastatkṣatajājjātā raktabījā hyanekaśaḥ | tadvīryāśca tadākārā sāyudhā yuddhadurmadāḥ
Then from that blood of his were born Raktabījas many times over, of his valour, of his form, bearing weapons, mad with the frenzy of battle.
AI translation rendered from the Sanskrit, not a published edition
DB 5 29.11
ब्रह्माणी ब्रह्मदण्डेन कुपिता ह्यहनद् भृशम् । माहेश्वरी त्रिशूलेन दारयामास दानवम्
brahmāṇī brahmadaṇḍena kupitā hyahanad bhṛśam | māheśvarī triśūlena dārayāmāsa dānavam
Brahmāṇī, enraged, struck (him) hard with the staff of Brahmā; Māheśvarī tore the dānava open with her trident.
AI translation rendered from the Sanskrit, not a published edition
DB 5 29.12
नारसिंही नखाघातैस्तं विव्याध महासुरम् । अहनत्तुण्डघातेन क्रुद्धा तं राक्षसाधमम्
nārasiṃhī nakhāghātaistaṃ vivyādha mahāsuram | ahanattuṇḍaghātena kruddhā taṃ rākṣasādhamam
Nārasiṃhī pierced that great asura with blows of her claws, and in anger she struck that lowest of rākṣasas with a blow of her muzzle.
AI translation rendered from the Sanskrit, not a published edition
DB 5 29.13
कौमारी च तथा शक्त्या वक्षस्येनमताडयत् । सोऽपि क्रुद्धः शरासारैर्बिभेद निशितैश्च ताः
kaumārī ca tathā śaktyā vakṣasyenamatāḍayat | so'pi kruddhaḥ śarāsārairbibheda niśitaiśca tāḥ
And Kaumārī likewise struck him on the chest with her spear; he too, enraged, split them open with showers of sharp arrows.
AI translation rendered from the Sanskrit, not a published edition
DB 5 29.14
गदाशक्तिप्रहारैस्तु मातॄः सर्वाः पृथक्पृथक् । शक्तयस्तं शराघातैर्विव्यधुस्तत्प्रकोपिताः
gadāśaktiprahāraistu mātṝḥ sarvāḥ pṛthakpṛthak | śaktayastaṃ śarāghātairvivyadhustatprakopitāḥ
And with blows of mace and spear (he struck) all the Mothers one by one; the Śaktis, made furious by that, pierced him with strikes of arrows.
AI translation rendered from the Sanskrit, not a published edition
DB 5 29.15
तस्य शस्त्राणि चिच्छेद चण्डिका स्वशरैः शितैः । जघानान्यैश्च विशिखैस्तं देवी कुपिता भृशम्
tasya śastrāṇi ciccheda caṇḍikā svaśaraiḥ śitaiḥ | jaghānānyaiśca viśikhaistaṃ devī kupitā bhṛśam
Caṇḍikā cut his weapons to pieces with her own sharp arrows, and the goddess, greatly enraged, struck him with still other shafts.
AI translation rendered from the Sanskrit, not a published edition
DB 5 29.16
तस्य देहाच्च सुस्राव रुधिरं बहुधा तु यत् । तस्मात्तत्सदृशाः शूराः प्रादुरासन्सहस्रशः
tasya dehācca susrāva rudhiraṃ bahudhā tu yat | tasmāttatsadṛśāḥ śūrāḥ prādurāsansahasraśaḥ
And from his body the blood that flowed in many streams — from that arose heroes like him by the thousand.
AI translation rendered from the Sanskrit, not a published edition
DB 5 29.17
रक्तबीजैर्जगद्व्याप्तं रुधिरौघसमुद्भवैः । सन्नद्धैः सायुधैः कामं कुर्वद्भिर्युद्धमद्भुतम्
raktabījairjagadvyāptaṃ rudhiraughasamudbhavaiḥ | sannaddhaiḥ sāyudhaiḥ kāmaṃ kurvadbhiryuddhamadbhutam
The world was filled with Raktabījas sprung from the flood of blood, armoured and armed, waging a wondrous battle at will.
AI translation rendered from the Sanskrit, not a published edition
DB 5 29.18
प्रहरन्तश्च तान्दृष्ट्वा रक्तबीजाननेकशः । भयभीताः सुरास्त्रेसुर्विषण्णाः शोककर्षिताः
praharantaśca tāndṛṣṭvā raktabījānanekaśaḥ | bhayabhītāḥ surāstresurviṣaṇṇāḥ śokakarṣitāḥ
And seeing those Raktabījas, many times multiplied, striking blows, the gods were terrified and trembled, dejected, worn down by grief.
AI translation rendered from the Sanskrit, not a published edition
DB 5 29.19
कथमद्य क्षयं दैत्या गमिष्यन्ति सहस्रशः । महाकाया महावीर्या दानवा रक्तसम्भवाः
kathamadya kṣayaṃ daityā gamiṣyanti sahasraśaḥ | mahākāyā mahāvīryā dānavā raktasambhavāḥ
"How now shall these daityas by the thousand come to destruction — dānavas of huge bodies and great valour, born from blood?"
AI translation rendered from the Sanskrit, not a published edition
DB 5 29.20
एकैव चण्डिकात्रास्ति तथा काली च मातरः । एताभिर्दानवाः सर्वे जेतव्याः कष्टमेव तत्
ekaiva caṇḍikātrāsti tathā kālī ca mātaraḥ | etābhirdānavāḥ sarve jetavyāḥ kaṣṭameva tat
"Here there is but one Caṇḍikā, and Kālī, and the Mothers; by these all the dānavas must be conquered — that indeed is a hard thing."
AI translation rendered from the Sanskrit, not a published edition
DB 5 29.21
निशुम्भो वाथ शुम्भो वा सहसा बलसंवृतः । आगमिष्यति संग्रामे ततोऽनर्थो महान्भवेत्
niśumbho vātha śumbho vā sahasā balasaṃvṛtaḥ | āgamiṣyati saṃgrāme tato'nartho mahānbhavet
"And if Niśumbha, or else Śumbha, surrounded by his army, comes suddenly to the battle, then there will be great calamity."
AI translation rendered from the Sanskrit, not a published edition
DB 5 29.22
व्यास उवाच एवं देवा भयोद्विग्नाश्चिन्तामापुर्महत्तराम् । यदा तदाम्बिका प्राह कालीं कमललोचनाम्
vyāsa uvāca evaṃ devā bhayodvignāścintāmāpurmahattarām | yadā tadāmbikā prāha kālīṃ kamalalocanām
Vyāsa said: When the gods, agitated by fear, had thus fallen into ever greater anxiety, then Ambikā spoke to the lotus-eyed Kālī:
AI translation rendered from the Sanskrit, not a published edition
DB 5 29.23
चामुण्डे कुरु विस्तीर्णं वदनं त्वरिता भृशम् । मच्छस्त्रपातसम्भूतं रुधिरं पिब सत्वरा
cāmuṇḍe kuru vistīrṇaṃ vadanaṃ tvaritā bhṛśam | macchastrapātasambhūtaṃ rudhiraṃ piba satvarā
"Cāmuṇḍā, open your mouth wide, in great haste, and quickly drink the blood produced by the fall of my weapons.
AI translation rendered from the Sanskrit, not a published edition
DB 5 29.24
भक्षयन्ती चर रणे दानवानद्य कामतः । हनिष्यामि शरैस्तीक्ष्णैर्गदासिमुसलैस्तथा
bhakṣayantī cara raṇe dānavānadya kāmataḥ | haniṣyāmi śaraistīkṣṇairgadāsimusalaistathā
Range about the battlefield devouring the dānavas today as you please; I shall slay (them) with sharp arrows, and with mace, sword and club.
AI translation rendered from the Sanskrit, not a published edition
DB 5 29.25
तथा कुरु विशालाक्षि पानं तद्रुधिरस्य च । बिन्दुमात्रं यथा भूम्यां न पतेदपि साम्प्रतम्
tathā kuru viśālākṣi pānaṃ tadrudhirasya ca | bindumātraṃ yathā bhūmyāṃ na patedapi sāmpratam
Do so, wide-eyed one, and drink that blood, so that now not even a mere drop falls upon the ground."
AI translation rendered from the Sanskrit, not a published edition
DB 5 29.26
भक्ष्यमाणास्तदा दैत्या न चोत्पत्स्यन्ति चापरे । एवमेषां क्षयो नूनं भविष्यति न चान्यथा
bhakṣyamāṇāstadā daityā na cotpatsyanti cāpare | evameṣāṃ kṣayo nūnaṃ bhaviṣyati na cānyathā
Then the demons, being devoured, will not arise again as others; thus their destruction will surely come about, and not otherwise.
AI translation rendered from the Sanskrit, not a published edition
DB 5 29.27
घातयिष्याम्यहं दैत्यं त्वं भक्षय च सत्वरा । पिबन्ती क्षतजं सर्वं यतमानारिसंक्षये
ghātayiṣyāmyahaṃ daityaṃ tvaṃ bhakṣaya ca satvarā | pibantī kṣatajaṃ sarvaṃ yatamānārisaṃkṣaye
I shall strike down the demon, and you devour (him) quickly, drinking up all the blood, striving for the annihilation of the enemy.
AI translation rendered from the Sanskrit, not a published edition
DB 5 29.28
इत्थं दैत्यक्षयं कृत्वा दत्त्वा राज्यं सुरालयम् । इन्द्राय सुस्थिरं सर्वं गमिष्यामो यथासुखम्
itthaṃ daityakṣayaṃ kṛtvā dattvā rājyaṃ surālayam | indrāya susthiraṃ sarvaṃ gamiṣyāmo yathāsukham
Having thus accomplished the destruction of the demons and given the kingdom, the abode of the gods, to Indra, all secure, we shall go as we please.
AI translation rendered from the Sanskrit, not a published edition
DB 5 29.29
व्यास उवाच इत्युक्ताम्बिकया देवी चामुण्डा चण्डविक्रमा । पपौ च क्षतजं सर्वं रक्तबीजशरीरजम् देव्यासह युद्धकरणाय निशुम्भप्रयाणं नामकोनत्रिंशोऽध्यायः
vyāsa uvāca ityuktāmbikayā devī cāmuṇḍā caṇḍavikramā | papau ca kṣatajaṃ sarvaṃ raktabījaśarīrajam devyāsaha yuddhakaraṇāya niśumbhaprayāṇaṃ nāmakonatriṃśo'dhyāyaḥ
Vyāsa said: Thus addressed by Ambikā, the goddess Cāmuṇḍā of fierce valour drank up all the blood arising from Raktabīja's body. — (Here ends) the twenty-ninth chapter, named "Niśumbha's Marching Out to Do Battle with the Goddess."
AI translation rendered from the Sanskrit, not a published edition
DB 5 29.30
अम्बिका तं जघानाशु खड्गेन मुसलेन च । चखाद देहशकलांश्चामुण्डा तान्कृशोदरी
ambikā taṃ jaghānāśu khaḍgena musalena ca | cakhāda dehaśakalāṃścāmuṇḍā tānkṛśodarī
Ambikā struck him at once with sword and with club, and Cāmuṇḍā of the lean belly devoured those pieces of (his) body.
AI translation rendered from the Sanskrit, not a published edition
DB 5 29.31
सोऽपि क्रुद्धो गदाघातैश्चामुण्डां समघातयत् । तथापि सा पपावाशु क्षतजं तमभक्षयत्
so'pi kruddho gadāghātaiścāmuṇḍāṃ samaghātayat | tathāpi sā papāvāśu kṣatajaṃ tamabhakṣayat
He too, enraged, struck Cāmuṇḍā with blows of his mace; even so she quickly drank (his) blood and devoured him.
AI translation rendered from the Sanskrit, not a published edition
DB 5 29.32
येऽन्ये रुधिरजाः क्रूरा रक्तबीजा महाबलाः । तेऽपि निष्पातिताः सर्वे भक्षिता गतशोणिताः
ye'nye rudhirajāḥ krūrā raktabījā mahābalāḥ | te'pi niṣpātitāḥ sarve bhakṣitā gataśoṇitāḥ
The other cruel, mighty Raktabījas born from the blood — they too were all felled and, drained of blood, devoured.
AI translation rendered from the Sanskrit, not a published edition
DB 5 29.33
कृत्रिमा भक्षिताः सर्वे यस्तु स्वाभाविकोऽसुरः । सोऽपि प्रपातितो हत्वा खड्गेनातिविखण्डितः
kṛtrimā bhakṣitāḥ sarve yastu svābhāviko'suraḥ | so'pi prapātito hatvā khaḍgenātivikhaṇḍitaḥ
All the artificial (ones) were devoured; and the demon who was the original one, he too was felled, slain, cut utterly to pieces by the sword.
AI translation rendered from the Sanskrit, not a published edition
DB 5 29.34
रक्तबीजे हते रौद्रे ये चान्ये दानवा रणे । पलायनं ततः कृत्वा गतास्ते भयकम्पिताः
raktabīje hate raudre ye cānye dānavā raṇe | palāyanaṃ tataḥ kṛtvā gatāste bhayakampitāḥ
When the terrible Raktabīja was slain, the other Dānavas in the battle then took to flight and went off, trembling with fear.
AI translation rendered from the Sanskrit, not a published edition
DB 5 29.35
हाहेति विब्रुवन्तस्ते शुम्भं प्रोचुः सविह्वलाः । रुथिरारक्तदेहाश्च विगतास्त्रा विचेतसः
hāheti vibruvantaste śumbhaṃ procuḥ savihvalāḥ | ruthirāraktadehāśca vigatāstrā vicetasaḥ
Crying "Alas, alas!", agitated, their bodies red with blood, their weapons gone, out of their senses, they spoke to Śumbha:
AI translation rendered from the Sanskrit, not a published edition
DB 5 29.36
राजन्नम्बिकया रक्तबीजोऽसौ विनिपातितः । चामुण्डा तस्य देहात्तु पपौ सर्वं च शोणितम्
rājannambikayā raktabījo'sau vinipātitaḥ | cāmuṇḍā tasya dehāttu papau sarvaṃ ca śoṇitam
"O king, that Raktabīja has been struck down by Ambikā, and Cāmuṇḍā drank all the blood from his body.
AI translation rendered from the Sanskrit, not a published edition
DB 5 29.37
ये चान्ये दानवाः शूरा वाहनेनातिरंहसा । सिंहेन निहताः सर्वे काल्या च भक्षिताः परे
ye cānye dānavāḥ śūrā vāhanenātiraṃhasā | siṃhena nihatāḥ sarve kālyā ca bhakṣitāḥ pare
The other valiant Dānavas were all slain by (her) exceedingly swift mount, the lion, and the rest were devoured by Kālī.
AI translation rendered from the Sanskrit, not a published edition
DB 5 29.38
वयं त्वां कथितुं राजन्नागता युद्धचेष्टितम् । चरितञ्च तथा देव्याः संग्रामे परमाद्भुतम्
vayaṃ tvāṃ kathituṃ rājannāgatā yuddhaceṣṭitam | caritañca tathā devyāḥ saṃgrāme paramādbhutam
We have come, O king, to tell you of the doings of the battle, and also of the utterly marvellous deeds of the Goddess in the fight.
AI translation rendered from the Sanskrit, not a published edition
DB 5 29.39
अजेयेयं महाराज सर्वथा दैत्यदानवैः । गन्धर्वासुरयक्षैश्च पन्नगोरगराक्षसैः
ajeyeyaṃ mahārāja sarvathā daityadānavaiḥ | gandharvāsurayakṣaiśca pannagoragarākṣasaiḥ
She is unconquerable, great king, in every way, by Daityas and Dānavas, by Gandharvas, Asuras and Yakṣas, by serpents, snakes and Rākṣasas.
AI translation rendered from the Sanskrit, not a published edition
DB 5 29.40
अन्यास्तत्रागता देव्य इन्द्राणीप्रमुखा भृशम् । युध्यमाना महाराज वाहनैरायुधैर्युताः
anyāstatrāgatā devya indrāṇīpramukhā bhṛśam | yudhyamānā mahārāja vāhanairāyudhairyutāḥ
Other goddesses too came there, headed by Indrāṇī, fighting fiercely, O great king, provided with mounts and weapons.
AI translation rendered from the Sanskrit, not a published edition
DB 5 29.41
ताभिः सर्वं हतं सैन्यं दानवानां वरायुधैः । रक्तबीजोऽपि राजेन्द्र तरसा विनिपातितः
tābhiḥ sarvaṃ hataṃ sainyaṃ dānavānāṃ varāyudhaiḥ | raktabījo'pi rājendra tarasā vinipātitaḥ
By them the whole army of the Dānavas was slain with excellent weapons; and Raktabīja too, O lord of kings, was swiftly struck down.
AI translation rendered from the Sanskrit, not a published edition
DB 5 29.42
एकापि दुःसहा देवी किं पुनस्ताभिरन्विता । सिंहोऽपि हन्ति संग्रामे राक्षसानमितप्रभः
ekāpi duḥsahā devī kiṃ punastābhiranvitā | siṃho'pi hanti saṃgrāme rākṣasānamitaprabhaḥ
Even alone the Goddess is unbearable — how much more when accompanied by them! The lion too, of measureless splendour, slays the Rākṣasas in battle.
AI translation rendered from the Sanskrit, not a published edition
DB 5 29.43
अतो विचार्य सचिवैर्यद्युक्तं तद्विधीयताम् । न वैरमनया युक्तं सन्धिरेव सुखप्रदः
ato vicārya sacivairyadyuktaṃ tadvidhīyatām | na vairamanayā yuktaṃ sandhireva sukhapradaḥ
Therefore, having deliberated with the ministers, let what is fitting be done: enmity with her is not fitting; peace alone brings ease.
AI translation rendered from the Sanskrit, not a published edition
DB 5 29.44
आश्चर्यमेतदखिलं यन्नारी हन्ति राक्षसान् । रक्तबीजोऽपि निहतः पीतं तस्यापि शोणितम्
āścaryametadakhilaṃ yannārī hanti rākṣasān | raktabījo'pi nihataḥ pītaṃ tasyāpi śoṇitam
All this is a wonder, that a woman slays Rākṣasas; even Raktabīja has been slain, and his blood drunk.
AI translation rendered from the Sanskrit, not a published edition
DB 5 29.45
अन्ये निपातिता दैत्याः संग्रामेऽम्बिकया नृप । चामुण्डया च मांसं वै भक्षितं सकलं रणे
anye nipātitā daityāḥ saṃgrāme'mbikayā nṛpa | cāmuṇḍayā ca māṃsaṃ vai bhakṣitaṃ sakalaṃ raṇe
Other demons were felled in the battle by Ambikā, O king, and by Cāmuṇḍā all their flesh was eaten in the fight.
AI translation rendered from the Sanskrit, not a published edition
DB 5 29.46
वरं पातालगमनं तस्याः सेवाथवा वरा । न तु युद्धं महाराज कार्यमम्बिकया सह
varaṃ pātālagamanaṃ tasyāḥ sevāthavā varā | na tu yuddhaṃ mahārāja kāryamambikayā saha
Better to go down to Pātāla, or better still to serve her; but war, great king, is not to be waged with Ambikā.
AI translation rendered from the Sanskrit, not a published edition
DB 5 29.47
न नारी प्राकृता ह्येषा देवकार्यार्थसाधिनी । मायेयं प्रबला देवी क्षपयन्तीयमुत्थिता
na nārī prākṛtā hyeṣā devakāryārthasādhinī | māyeyaṃ prabalā devī kṣapayantīyamutthitā
For she is no ordinary woman: she accomplishes the purpose of the gods' work. She is Māyā, a mighty goddess, who has arisen to destroy (us).
AI translation rendered from the Sanskrit, not a published edition
DB 5 29.48
व्यास उवाच इति तेषां वचस्तथ्यं श्रुत्वा कालविमोहितः । मुमूर्षुः प्रत्युवाचेदं शुम्भः प्रस्फुरिताधरः
vyāsa uvāca iti teṣāṃ vacastathyaṃ śrutvā kālavimohitaḥ | mumūrṣuḥ pratyuvācedaṃ śumbhaḥ prasphuritādharaḥ
Vyāsa said: Hearing these true words of theirs, Śumbha, deluded by Time (fate) and about to die, replied thus, his lip quivering.
AI translation rendered from the Sanskrit, not a published edition
DB 5 29.49
शुम्भ उवाच यूयं गच्छत पातालं शरणं वा भयातुराः । हनिष्याम्यहमद्यैव ताञ्च ताश्च समुद्यतः
śumbha uvāca yūyaṃ gacchata pātālaṃ śaraṇaṃ vā bhayāturāḥ | haniṣyāmyahamadyaiva tāñca tāśca samudyataḥ
Śumbha said: You go to Pātāla, or (seek) refuge, stricken with fear; but I this very day, having risen up, shall slay both those men and those women.
AI translation rendered from the Sanskrit, not a published edition
DB 5 29.50
जित्वा सर्वान्सुरानाजौ कृत्वा राज्यं सुपुष्कलम् । कथं नारीभयोद्विग्नः पातालं प्रविशाम्यहम्
jitvā sarvānsurānājau kṛtvā rājyaṃ supuṣkalam | kathaṃ nārībhayodvignaḥ pātālaṃ praviśāmyaham
Having conquered all the gods in battle and won an abundant kingdom, how shall I, alarmed by fear of a woman, enter Pātāla?
AI translation rendered from the Sanskrit, not a published edition
DB 5 29.51
निहत्य पार्षदान्सर्वान् रक्तबीजमुखान् रणे । प्राणत्राणाय गच्छामि हित्वा किं विपुलं यशः
nihatya pārṣadānsarvān raktabījamukhān raṇe | prāṇatrāṇāya gacchāmi hitvā kiṃ vipulaṃ yaśaḥ
After all my attendants headed by Raktabīja have been slain in battle, shall I go to save my life, abandoning my vast fame — for what?
AI translation rendered from the Sanskrit, not a published edition
DB 5 29.52
मरणं त्वनिवार्यं वै प्राणिनां कालकल्पितम् । तद्भयं जन्मनोपात्तं त्यजेत्को दुर्लभं यशः
maraṇaṃ tvanivāryaṃ vai prāṇināṃ kālakalpitam | tadbhayaṃ janmanopāttaṃ tyajetko durlabhaṃ yaśaḥ
Death for living beings is unavoidable, ordained by Time; that fear is acquired along with birth. Who would give up hard-won fame?
AI translation rendered from the Sanskrit, not a published edition
DB 5 29.53
निशुम्भाहं गमिष्यामि रथारूढो रणाजिरे । हत्वा तामागमिष्यामि नागमिष्यामि चान्यथा
niśumbhāhaṃ gamiṣyāmi rathārūḍho raṇājire | hatvā tāmāgamiṣyāmi nāgamiṣyāmi cānyathā
Niśumbha, I shall go, mounted on my chariot, to the battlefield; having killed her I shall return, and otherwise I shall not return.
AI translation rendered from the Sanskrit, not a published edition
DB 5 29.54
त्वं तु सेनायुतो वीर पार्ष्णिग्राहो भवस्व मे । तरसा तां शरैस्तीक्ष्णैर्नारीं नय यमालये
tvaṃ tu senāyuto vīra pārṣṇigrāho bhavasva me | tarasā tāṃ śaraistīkṣṇairnārīṃ naya yamālaye
But you, hero, together with the army, be my rear-guard; swiftly send that woman to Yama's abode with sharp arrows.
AI translation rendered from the Sanskrit, not a published edition
DB 5 29.55
निशुम्भ उवाच अहमद्य हनिष्यामि गत्वा दुष्टाञ्च कालिकाम् । आगमिष्याम्यहं शीघ्रं गृहीत्वा तामथाम्बिकाम्
niśumbha uvāca ahamadya haniṣyāmi gatvā duṣṭāñca kālikām | āgamiṣyāmyahaṃ śīghraṃ gṛhītvā tāmathāmbikām
Niśumbha said: I shall go today and kill the wicked Kālikā, and I shall quickly return, having seized that Ambikā.
AI translation rendered from the Sanskrit, not a published edition
DB 5 29.56
मा चिन्तां कुरु राजेन्द्र वराकायास्तु कारणे । क्वैषा बाला क्व मे बाहुवीर्यं विश्ववशङ्करम्
mā cintāṃ kuru rājendra varākāyāstu kāraṇe | kvaiṣā bālā kva me bāhuvīryaṃ viśvavaśaṅkaram
Do not worry, lord of kings, on account of a wretched woman. What is this girl, and what my arm's strength that brings the world under control?
AI translation rendered from the Sanskrit, not a published edition
DB 5 29.57
त्यक्त्वाऽऽर्तिं विपुलां भ्रातर्भुंक्ष भोगाननुत्तमान् । आनयिष्याम्यहं कामं मानिनीं मानसंयुताम्
tyaktvā''rtiṃ vipulāṃ bhrātarbhuṃkṣa bhogānanuttamān | ānayiṣyāmyahaṃ kāmaṃ māninīṃ mānasaṃyutām
Abandoning your great distress, brother, enjoy the finest pleasures; I shall bring, as you wish, that proud woman full of pride.
AI translation rendered from the Sanskrit, not a published edition
DB 5 29.58
मयि तिष्ठति ते राजन्न युक्तं गमनं रणे । गत्वाहमानयिष्यामि तवार्थे वै जयश्रियम्
mayi tiṣṭhati te rājanna yuktaṃ gamanaṃ raṇe | gatvāhamānayiṣyāmi tavārthe vai jayaśriyam
While I stand (ready), O king, it is not fitting that you go to battle; I shall go and bring for your sake the glory of victory.
AI translation rendered from the Sanskrit, not a published edition
DB 5 29.59
व्यास उवाच इत्युक्त्वा भ्रातरं ज्येष्ठं कनीयान्बलगर्वितः । रथमास्थाय विपुलं सन्नद्धः स्वबलावृतः
vyāsa uvāca ityuktvā bhrātaraṃ jyeṣṭhaṃ kanīyānbalagarvitaḥ | rathamāsthāya vipulaṃ sannaddhaḥ svabalāvṛtaḥ
Vyāsa said: Having spoken thus to his elder brother, the younger, proud of his strength, mounted a great chariot, armoured and surrounded by his own forces,
AI translation rendered from the Sanskrit, not a published edition
DB 5 29.60
जगाम तरसा तूर्णं सङ्गरे कृतमङ्गलः । संस्तुतो बन्दिसूतैश्च सायुधः सपरिष्करः
jagāma tarasā tūrṇaṃ saṅgare kṛtamaṅgalaḥ | saṃstuto bandisūtaiśca sāyudhaḥ sapariṣkaraḥ
and went swiftly and at once to the battle, having had the auspicious rites performed, praised by bards and heralds, with his weapons and equipment.
AI translation rendered from the Sanskrit, not a published edition