Devi Bhagavata Purana — Skandha 5 — Chapter 24
DB 5 24.1
देवीमाहात्म्ये देवीपार्श्वे धूम्रलोचनदूतप्रेषणम् व्यास उवाच देव्यास्तद्वचनं श्रुत्वा स दूतः प्राह विस्मितः । किं ब्रूषे रुचिरापाङ्गि स्त्रीस्वभावाद्धि साहसात्
devīmāhātmye devīpārśve dhūmralocanadūtapreṣaṇam vyāsa uvāca devyāstadvacanaṃ śrutvā sa dūtaḥ prāha vismitaḥ | kiṃ brūṣe rucirāpāṅgi strīsvabhāvāddhi sāhasāt
In the Devīmāhātmya: the sending of the envoy Dhūmralocana to the Devī's presence. Vyāsa said: Hearing that speech of the Devī, the envoy, amazed, said: "What are you saying, O you of lovely eye-corners—out of rashness, from a woman's nature?"
AI translation rendered from the Sanskrit, not a published edition
DB 5 24.2
इन्द्राद्या निर्जिता येन देवा दैत्यास्तथापरे । तं कथं समरे देवि जेतुमिच्छसि भामिनि
indrādyā nirjitā yena devā daityāstathāpare | taṃ kathaṃ samare devi jetumicchasi bhāmini
"He by whom Indra and the other gods were defeated, and likewise other demons—how, O Devī, do you wish to conquer him in battle, O passionate lady?"
AI translation rendered from the Sanskrit, not a published edition
DB 5 24.3
त्रैलोक्ये तादृशो नास्ति यः शुम्भं समरे जयेत् । का त्वं कमलपत्राक्षि तस्याग्रे युधि साम्प्रतम्
trailokye tādṛśo nāsti yaḥ śumbhaṃ samare jayet | kā tvaṃ kamalapatrākṣi tasyāgre yudhi sāmpratam
"In the three worlds there is no such one as could defeat Śumbha in battle. Who are you, O lotus-petal-eyed one, to (stand) before him in fight now?"
AI translation rendered from the Sanskrit, not a published edition
DB 5 24.4
अविचार्य न वक्तव्यं वचनं चापि सुन्दरि । बलं स्वपरयोर्ज्ञात्वा वक्तव्यं समयोचितम्
avicārya na vaktavyaṃ vacanaṃ cāpi sundari | balaṃ svaparayorjñātvā vaktavyaṃ samayocitam
"A word should not be spoken without consideration, O beautiful one; having gauged the strength of oneself and of the other, one should speak what befits the occasion."
AI translation rendered from the Sanskrit, not a published edition
DB 5 24.5
त्रैलोक्याधिपतिः शुम्भस्तव रूपेण मोहितः । त्वाञ्च प्रार्थयते राजा कुरु तस्येप्सितं प्रिये
trailokyādhipatiḥ śumbhastava rūpeṇa mohitaḥ | tvāñca prārthayate rājā kuru tasyepsitaṃ priye
"Śumbha, lord of the three worlds, is infatuated by your beauty, and the king begs for you; fulfil his desire, my dear."
AI translation rendered from the Sanskrit, not a published edition
DB 5 24.6
त्यक्त्वा मूर्खस्वभावं त्वं सम्मान्य वचनं मम । भज शुम्भं निशुम्भं वा हितमेतद् ब्रवीमि ते
tyaktvā mūrkhasvabhāvaṃ tvaṃ sammānya vacanaṃ mama | bhaja śumbhaṃ niśumbhaṃ vā hitametad bravīmi te
"Abandon your foolish disposition, and honouring my word, take Śumbha or Niśumbha; this that I tell you is for your good."
AI translation rendered from the Sanskrit, not a published edition
DB 5 24.7
शृङ्गारः सर्वथा सर्वैः प्राणिभिः परया मुदा । सेवनीयो बुद्धिमद्भिर्नवानामुत्तमो यतः
śṛṅgāraḥ sarvathā sarvaiḥ prāṇibhiḥ parayā mudā | sevanīyo buddhimadbhirnavānāmuttamo yataḥ
"The erotic sentiment should in every way be attended upon with the utmost delight by all living beings, by those who have intelligence, since it is the highest of the nine (sentiments)."
AI translation rendered from the Sanskrit, not a published edition
DB 5 24.8
नागमिष्यसि चेद् बाले संक्रुद्धः पृथिवीपतिः । अन्यानाज्ञाकरान्प्रेष्य बलान्नेष्यति साम्प्रतम्
nāgamiṣyasi ced bāle saṃkruddhaḥ pṛthivīpatiḥ | anyānājñākarānpreṣya balānneṣyati sāmpratam
"If you will not come, O girl, the lord of the earth, enraged, will send other servants of his command and have you brought by force at once."
AI translation rendered from the Sanskrit, not a published edition
DB 5 24.9
केशेष्वाकृष्य ते नूनं दानवा बलदर्पिताः । त्वां नयिष्यन्ति वामोरु तरसा शुम्भसन्तिधौ
keśeṣvākṛṣya te nūnaṃ dānavā baladarpitāḥ | tvāṃ nayiṣyanti vāmoru tarasā śumbhasantidhau
"Surely the dānavas, proud of their strength, dragging you by the hair, O fair-thighed one, will forcibly lead you into Śumbha's presence."
AI translation rendered from the Sanskrit, not a published edition
DB 5 24.10
स्वलज्जां रक्ष तन्वङ्गि साहसं सर्वथा त्यज । मानिता गच्छ तत्पार्श्वे मानपात्रं यतोऽसि वै
svalajjāṃ rakṣa tanvaṅgi sāhasaṃ sarvathā tyaja | mānitā gaccha tatpārśve mānapātraṃ yato'si vai
"Guard your own modesty, O slender-limbed one; give up rashness altogether. Go to his side honoured, since you are indeed worthy of honour."
AI translation rendered from the Sanskrit, not a published edition
DB 5 24.11
क्व युद्धं निशितैर्बाणैः क्व सुखं रतिसङ्गजम् । सारासारं परिच्छेद्य कुरु मे वचनं पटु
kva yuddhaṃ niśitairbāṇaiḥ kva sukhaṃ ratisaṅgajam | sārāsāraṃ paricchedya kuru me vacanaṃ paṭu
"What has battle with sharpened arrows to do with the pleasure that comes of love's union? Discriminating the substantial from the worthless, act on my word skilfully."
AI translation rendered from the Sanskrit, not a published edition
DB 5 24.12
भज शुम्भं निशुम्भं वा लब्धासि परमं सुखम् । देव्युवाच सत्यं दूत महाभाग प्रवक्तुं निपुणो ह्यसि
bhaja śumbhaṃ niśumbhaṃ vā labdhāsi paramaṃ sukham | devyuvāca satyaṃ dūta mahābhāga pravaktuṃ nipuṇo hyasi
"Take Śumbha or Niśumbha, and you will obtain the highest happiness." The Devī said: "True, O envoy, greatly fortunate one, you are indeed skilled in speaking."
AI translation rendered from the Sanskrit, not a published edition
DB 5 24.13
निशुम्भशुम्भौ जानामि बलवन्ताविति ध्रुवम् । प्रतिज्ञा मे कृता बाल्यादन्यथा सा कथं भवेत्
niśumbhaśumbhau jānāmi balavantāviti dhruvam | pratijñā me kṛtā bālyādanyathā sā kathaṃ bhavet
"I know for certain that Niśumbha and Śumbha are mighty. But a vow was made by me from childhood—how could it be otherwise?"
AI translation rendered from the Sanskrit, not a published edition
DB 5 24.14
तस्माद् ब्रूहि निशुम्भञ्च शुम्भं वा बलवत्तरम् । विना युद्धं न मे भर्ता भविता कोऽपि सौष्ठवात्
tasmād brūhi niśumbhañca śumbhaṃ vā balavattaram | vinā yuddhaṃ na me bhartā bhavitā ko'pi sauṣṭhavāt
"Therefore tell Niśumbha, or Śumbha, whichever is the stronger: without a battle no one shall be my husband, by (my) rule of propriety."
AI translation rendered from the Sanskrit, not a published edition — the model flagged this verse as uncertain
DB 5 24.15
जित्वा मां तरसा कामं करं गृह्णातु साम्प्रतम् । युद्धेच्छया समायातां विद्धि मामबलां नृप
jitvā māṃ tarasā kāmaṃ karaṃ gṛhṇātu sāmpratam | yuddhecchayā samāyātāṃ viddhi māmabalāṃ nṛpa
"Having quickly conquered me, let him take my hand at will, here and now. Know me, O king, as a weak woman who has come out of desire for battle."
AI translation rendered from the Sanskrit, not a published edition
DB 5 24.16
युद्धं देहि समर्थोऽसि वीरधर्मं समाचर । बिभेषि मम शूलाच्चेत्पातालं गच्छ मा चिरम्
yuddhaṃ dehi samartho'si vīradharmaṃ samācara | bibheṣi mama śūlāccetpātālaṃ gaccha mā ciram
"Give battle, if you are able; practise the duty of a hero. If you fear my spear, go to Pātāla without delay."
AI translation rendered from the Sanskrit, not a published edition
DB 5 24.17
त्रिदिवं च धरां त्यक्त्वा जीवितेच्छा यदस्ति ते । इति दूत वदाशु त्वं गत्वा स्वपतिमादरात्
tridivaṃ ca dharāṃ tyaktvā jīvitecchā yadasti te | iti dūta vadāśu tvaṃ gatvā svapatimādarāt
"—abandoning heaven and the earth, if you have any wish to live. Speak thus, O envoy, going at once and respectfully, to your own master."
AI translation rendered from the Sanskrit, not a published edition
DB 5 24.18
स विचार्य यथायुक्तं करिष्यति महाबलः । संसारे दूतधर्मोऽयं यत्सत्यं भाषणं किल
sa vicārya yathāyuktaṃ kariṣyati mahābalaḥ | saṃsāre dūtadharmo'yaṃ yatsatyaṃ bhāṣaṇaṃ kila
He, mighty in strength, will consider and do what is fitting. In this world this is the duty of a messenger, namely that he speaks the truth.
AI translation rendered from the Sanskrit, not a published edition
DB 5 24.19
शत्रौ पत्यौ च धर्मज्ञ तथा त्वं कुरु मा चिरम् । व्यास उवाच अथ तद्वचनं श्रुत्वा नीतिमद्बलसंयुतम्
śatrau patyau ca dharmajña tathā tvaṃ kuru mā ciram | vyāsa uvāca atha tadvacanaṃ śrutvā nītimadbalasaṃyutam
To an enemy and to a master alike, O knower of dharma — so act, and do not delay. Vyāsa said: Then, having heard that speech of hers, joined with the force of policy,
AI translation rendered from the Sanskrit, not a published edition
DB 5 24.20
हेतुयुक्तं प्रगल्पञ्च विस्मितः प्रययौ तदा । गत्वा दैत्यपतिं दूतो विचार्य च पुनः पुनः
hetuyuktaṃ pragalpañca vismitaḥ prayayau tadā | gatvā daityapatiṃ dūto vicārya ca punaḥ punaḥ
reasoned and bold, he then went off amazed; and the messenger, going to the lord of the daityas and pondering again and again,
AI translation rendered from the Sanskrit, not a published edition
DB 5 24.21
प्रणम्य पादयोः प्रह्वः प्रत्युवाच नृपञ्ज तम् । राजनीतिकरं वाक्यं मृदुपूर्वं प्रियं वचः
praṇamya pādayoḥ prahvaḥ pratyuvāca nṛpañja tam | rājanītikaraṃ vākyaṃ mṛdupūrvaṃ priyaṃ vacaḥ
bowing low at his feet, replied to that king — a speech framed with royal policy, gentle at the outset, agreeable words.
AI translation rendered from the Sanskrit, not a published edition
DB 5 24.22
दूत उवाच सत्यं प्रियं च वक्तव्यं तेन चिन्तापरो ह्यहम् । सत्यं प्रियं च राजेन्द्र वचनं दुर्लभं किल
dūta uvāca satyaṃ priyaṃ ca vaktavyaṃ tena cintāparo hyaham | satyaṃ priyaṃ ca rājendra vacanaṃ durlabhaṃ kila
The messenger said: What is to be spoken should be true and agreeable — therefore I am full of anxiety; for speech that is both true and agreeable, O lord of kings, is hard to come by.
AI translation rendered from the Sanskrit, not a published edition
DB 5 24.23
अप्रियं वदतां कामं राजा कुप्यति सर्वथा । साक्षात्कुतः समायाता कस्य वा किंबलाबला
apriyaṃ vadatāṃ kāmaṃ rājā kupyati sarvathā | sākṣātkutaḥ samāyātā kasya vā kiṃbalābalā
A king becomes altogether angry, at will, with those who speak what is disagreeable. Whence has she come here in person, and whose is she, and what is her strength or weakness?
AI translation rendered from the Sanskrit, not a published edition
DB 5 24.24
न ज्ञानगोचरं किञ्चित्किं ब्रवीमि विचेष्टितम् । युद्धकामा मया दृष्टा गर्विता कटुभाषिणी देवीमाहात्म्ये देवीपार्श्वे धूम्रलोचनदूतप्रेषणं नाम चतुर्विंशोऽध्यायः
na jñānagocaraṃ kiñcitkiṃ bravīmi viceṣṭitam | yuddhakāmā mayā dṛṣṭā garvitā kaṭubhāṣiṇī devīmāhātmye devīpārśve dhūmralocanadūtapreṣaṇaṃ nāma caturviṃśo'dhyāyaḥ
Nothing of it falls within (my) knowledge; what can I say of her doings? I saw her eager for battle, proud, and harsh of speech. (Colophon: In the Devīmāhātmya, the twenty-fourth chapter, called 'The sending of Dhūmralocana as messenger to the Devī's side.')
AI translation rendered from the Sanskrit, not a published edition
DB 5 24.25
तया यत्कथितं सम्यक् तच्छृणुष्व महामते । मया बाल्यात्प्रतिज्ञेयं कृता पूर्वं विनोदतः
tayā yatkathitaṃ samyak tacchṛṇuṣva mahāmate | mayā bālyātpratijñeyaṃ kṛtā pūrvaṃ vinodataḥ
Hear rightly what was said by her, O greatly wise one: 'Long ago, out of childishness, I made this vow in jest,
AI translation rendered from the Sanskrit, not a published edition
DB 5 24.26
सखीनां पुरतः कामं विवाहं प्रति सर्वथा । यो मां युद्धे जयेदद्धा दर्पञ्च विधुनोति वै
sakhīnāṃ purataḥ kāmaṃ vivāhaṃ prati sarvathā | yo māṃ yuddhe jayedaddhā darpañca vidhunoti vai
freely, before my friends, concerning marriage in every respect: whoever shall truly conquer me in battle and shake down my pride,
AI translation rendered from the Sanskrit, not a published edition
DB 5 24.27
तं वरिष्याम्यहं कामं पतिं समबलं किल । न मे प्रतिज्ञा मिथ्या सा कर्तव्या नृपसत्तम
taṃ variṣyāmyahaṃ kāmaṃ patiṃ samabalaṃ kila | na me pratijñā mithyā sā kartavyā nṛpasattama
him will I choose at will as husband, one equal to me in strength. That vow of mine must not be made false, O best of kings.
AI translation rendered from the Sanskrit, not a published edition
DB 5 24.28
तस्माद्युध्यस्व धर्मज्ञ जित्वा मां स्ववशं कुरु । तयेति व्याहृतं वाक्यं श्रुत्वाहं समुपागतः
tasmādyudhyasva dharmajña jitvā māṃ svavaśaṃ kuru | tayeti vyāhṛtaṃ vākyaṃ śrutvāhaṃ samupāgataḥ
Therefore fight, O knower of dharma; conquer me and make me your own.' Having heard the words thus spoken by her, I have come here.
AI translation rendered from the Sanskrit, not a published edition
DB 5 24.29
यथेच्छसि महाराज तथा कुरु तव प्रियम् । सा युद्धार्थं कृतमतिः सायुधा सिंहगामिनी
yathecchasi mahārāja tathā kuru tava priyam | sā yuddhārthaṃ kṛtamatiḥ sāyudhā siṃhagāminī
As you wish, great king, so do what pleases you. She, her mind made up for battle, armed, moving on a lion,
AI translation rendered from the Sanskrit, not a published edition
DB 5 24.30
निश्चला वर्तते भूप यद्योग्यं तद्विधीयताम् । व्यास उवाच इत्याकर्ण्य वचस्तस्य सुग्रीवस्य नराधिपः
niścalā vartate bhūpa yadyogyaṃ tadvidhīyatām | vyāsa uvāca ityākarṇya vacastasya sugrīvasya narādhipaḥ
stands unwavering, O lord of the earth; let what is fitting be arranged. Vyāsa said: Having heard that speech of his, of Sugrīva, the king
AI translation rendered from the Sanskrit, not a published edition
DB 5 24.31
पप्रच्छ भ्रातरंशूरं समीपस्थं महाबलम् । शुम्भ उवाच भ्रातः किमत्र कर्तव्यं ब्रूहि सत्यं महामते
papraccha bhrātaraṃśūraṃ samīpasthaṃ mahābalam | śumbha uvāca bhrātaḥ kimatra kartavyaṃ brūhi satyaṃ mahāmate
asked his valiant, mighty brother who stood beside him. Śumbha said: Brother, what is to be done here? Tell me truly, O greatly wise one.
AI translation rendered from the Sanskrit, not a published edition
DB 5 24.32
नार्येका योद्धुकामास्ति समाह्वयति साम्प्रतम् । अहं गच्छामि संग्रामे त्वं वा गच्छ बलान्वितः
nāryekā yoddhukāmāsti samāhvayati sāmpratam | ahaṃ gacchāmi saṃgrāme tvaṃ vā gaccha balānvitaḥ
There is a single woman eager to fight, and she now issues a challenge. Either I shall go to the battle, or you go, accompanied by the army.
AI translation rendered from the Sanskrit, not a published edition
DB 5 24.33
यद्रोचते निशुम्भात्र तत्कर्तव्यं मया किल । निशुम्भ उवाच न मया न त्वया वीर गन्तव्यं रणमूर्धनि
yadrocate niśumbhātra tatkartavyaṃ mayā kila | niśumbha uvāca na mayā na tvayā vīra gantavyaṃ raṇamūrdhani
Whatever pleases you here, Niśumbha, that indeed is to be done by me. Niśumbha said: Neither by me nor by you, O hero, should the forefront of battle be gone to.
AI translation rendered from the Sanskrit, not a published edition
DB 5 24.34
प्रेषयस्व महाराज त्वरितं धूम्रलोचनम् । स गत्वा तां रणे जित्वा गृहीत्वा चारुलोचनाम्
preṣayasva mahārāja tvaritaṃ dhūmralocanam | sa gatvā tāṃ raṇe jitvā gṛhītvā cārulocanām
Send Dhūmralocana quickly, great king. He will go, defeat her in battle, and seizing the fair-eyed one
AI translation rendered from the Sanskrit, not a published edition
DB 5 24.35
आगमिष्यति शुम्भात्र विवाहः संविधीयताम् । व्यास उवाच तन्निशम्य वचस्तस्य शुम्भो भ्रातुः कनीयसः
āgamiṣyati śumbhātra vivāhaḥ saṃvidhīyatām | vyāsa uvāca tanniśamya vacastasya śumbho bhrātuḥ kanīyasaḥ
will come (back), Śumbha; let the marriage be arranged here. Vyāsa said: Hearing that speech of his younger brother, Śumbha
AI translation rendered from the Sanskrit, not a published edition
DB 5 24.36
कोपात्सम्प्रेषयामास पार्श्वस्थं धूम्रलोचनम् । शुम्भ उवाच धूम्रलोचन गच्छाशु सैन्येन महताऽऽवृतः
kopātsampreṣayāmāsa pārśvasthaṃ dhūmralocanam | śumbha uvāca dhūmralocana gacchāśu sainyena mahatā''vṛtaḥ
in anger despatched Dhūmralocana, who stood at his side. Śumbha said: Dhūmralocana, go swiftly, surrounded by a great army,
AI translation rendered from the Sanskrit, not a published edition
DB 5 24.37
गृहीत्वाऽऽनय तां मुग्धां स्ववीर्यमदमोहिताम् । देवो वा दानवो वापि मनुष्यो वा महाबलः
gṛhītvā''naya tāṃ mugdhāṃ svavīryamadamohitām | devo vā dānavo vāpi manuṣyo vā mahābalaḥ
and seize and bring that deluded woman, bewildered by the intoxication of her own valour. Whether god, or dānava, or man of great strength
AI translation rendered from the Sanskrit, not a published edition
DB 5 24.38
तत्पार्ष्णिग्राहतां प्राप्तो हन्तव्यस्तरसा त्वया । तत्पार्श्ववर्तिनीं कालीं हत्वा संगृह्य तां पुनः
tatpārṣṇigrāhatāṃ prāpto hantavyastarasā tvayā | tatpārśvavartinīṃ kālīṃ hatvā saṃgṛhya tāṃ punaḥ
Whoever comes to be her flank-guard is to be slain by you swiftly; and having killed Kālī who stands at her side, seize her again,
AI translation rendered from the Sanskrit, not a published edition
DB 5 24.39
शीघ्रमत्र समागच्छ कृत्वा कार्यमनुत्तमम् । रक्षणीया त्वया साध्वी मुञ्चन्ती मृदुमार्गणान्
śīghramatra samāgaccha kṛtvā kāryamanuttamam | rakṣaṇīyā tvayā sādhvī muñcantī mṛdumārgaṇān
and come here quickly, having accomplished the supreme task. That virtuous woman must be protected by you, though she looses soft arrows,
AI translation rendered from the Sanskrit, not a published edition
DB 5 24.40
यत्नेन महता वीर मृदुदेहा कृशोदरी । तत्सहायाश्च हन्तव्या ये रणे शस्त्रपाणयः
yatnena mahatā vīra mṛdudehā kṛśodarī | tatsahāyāśca hantavyā ye raṇe śastrapāṇayaḥ
with great effort, O hero — she of tender body and slender waist. But those companions of hers who stand weapon in hand in the battle are to be slain.
AI translation rendered from the Sanskrit, not a published edition
DB 5 24.41
सर्वथा सा न हन्तव्या रक्षणीया प्रयत्नतः । व्यास उवाच इत्यादिष्टस्तदा राज्ञा तरसा धूम्रलोचनः
sarvathā sā na hantavyā rakṣaṇīyā prayatnataḥ | vyāsa uvāca ityādiṣṭastadā rājñā tarasā dhūmralocanaḥ
In no way is she to be killed; she is to be protected with care. Vyāsa said: Thus instructed then by the king, Dhūmralocana at once,
AI translation rendered from the Sanskrit, not a published edition
DB 5 24.42
प्रणम्य शुम्भं सैन्येन भूतः शीघ्रं ययौ रणे । असाधूनां सहस्राणां षष्ट्या तेषां वृतस्तथा
praṇamya śumbhaṃ sainyena bhūtaḥ śīghraṃ yayau raṇe | asādhūnāṃ sahasrāṇāṃ ṣaṣṭyā teṣāṃ vṛtastathā
bowing to Śumbha, that being went swiftly to the battle with his army, surrounded thus by sixty thousand of those wicked ones,
AI translation rendered from the Sanskrit, not a published edition
DB 5 24.43
स ददर्श ततो देवीं रम्योपवनसंस्थिताम् । दृष्ट्वा तां मृगशावाक्षीं विनयेन समन्वितः
sa dadarśa tato devīṃ ramyopavanasaṃsthitām | dṛṣṭvā tāṃ mṛgaśāvākṣīṃ vinayena samanvitaḥ
Then he saw the Goddess seated in a lovely grove; and seeing her, whose eyes were those of a fawn, he, filled with courtesy,
AI translation rendered from the Sanskrit, not a published edition
DB 5 24.44
उवाच वचनं श्लक्ष्णं हेतुमद्रसभूषितम् । शृणु देवि महाभागे शुम्भस्त्वद्विरहातुरः
uvāca vacanaṃ ślakṣṇaṃ hetumadrasabhūṣitam | śṛṇu devi mahābhāge śumbhastvadvirahāturaḥ
spoke a smooth speech, furnished with reasons and adorned with charm: "Hear, O Goddess, greatly fortunate one — Śumbha is stricken with longing for you;
AI translation rendered from the Sanskrit, not a published edition
DB 5 24.45
दूतं प्रेषितवान्पार्श्वे तव नीतिविशारदः । रसभङ्गभयोद्विग्नः सामपूर्वं त्वयि स्वयम्
dūtaṃ preṣitavānpārśve tava nītiviśāradaḥ | rasabhaṅgabhayodvignaḥ sāmapūrvaṃ tvayi svayam
skilled in statecraft, he sent an envoy to your side, himself first with conciliation toward you, agitated by fear of the breaking of the mood.
AI translation rendered from the Sanskrit, not a published edition
DB 5 24.46
तेनागत्य वचः प्रोक्तं विपरीतं वरानने । वचसा तेन मे भर्ता चिन्ताविष्टमना नृपः
tenāgatya vacaḥ proktaṃ viparītaṃ varānane | vacasā tena me bhartā cintāviṣṭamanā nṛpaḥ
By him, on coming, a contrary speech was reported, O fair-faced one; and by that speech my master the king had his mind filled with worry.
AI translation rendered from the Sanskrit, not a published edition
DB 5 24.47
बभूव रसमार्गज्ञे शुम्भः कामविमोहितः । दूतेन तेन न ज्ञातं हेतुगर्भं वचस्तव
babhūva rasamārgajñe śumbhaḥ kāmavimohitaḥ | dūtena tena na jñātaṃ hetugarbhaṃ vacastava
Śumbha became deluded by desire, O you who know the ways of passion; by that envoy the pregnant purport of your words was not understood.
AI translation rendered from the Sanskrit, not a published edition
DB 5 24.48
यो मां जयति संग्रामे यदुक्तं कठिनं वचः । न ज्ञातस्तेन संग्रामो द्विविधः खलु मानिनि
yo māṃ jayati saṃgrāme yaduktaṃ kaṭhinaṃ vacaḥ | na jñātastena saṃgrāmo dvividhaḥ khalu mānini
That harsh speech which was uttered — "he who conquers me in battle" — by him it was not understood that battle is indeed of two kinds, O proud lady:
AI translation rendered from the Sanskrit, not a published edition
DB 5 24.49
रतिजोऽथोत्साहजश्च पात्रभेदे विवक्षितः । रतिजस्त्वयि वामोरु शत्रोरुत्साहजः स्मृतः
ratijo'thotsāhajaśca pātrabhede vivakṣitaḥ | ratijastvayi vāmoru śatrorutsāhajaḥ smṛtaḥ
that born of love-play and that born of martial ardour — the distinction being intended according to the person concerned; the love-born one applies to you, O fair-thighed one, and the ardour-born one is reckoned the enemy's.
AI translation rendered from the Sanskrit, not a published edition
DB 5 24.50
सुखदः प्रथमः कान्ते दुःखदश्चारिजः स्मृतः । जानाम्यहं वरारोहे भवत्या मानसं किल
sukhadaḥ prathamaḥ kānte duḥkhadaścārijaḥ smṛtaḥ | jānāmyahaṃ varārohe bhavatyā mānasaṃ kila
The first gives pleasure, my dear; the one arising from an enemy is held to give pain. I know, O you of lovely hips, what is surely in your mind:
AI translation rendered from the Sanskrit, not a published edition
DB 5 24.51
रतिसंग्रामभावस्ते हृदये परिवर्तते । इति तज्ज्ञं विदित्वा मां त्वत्सकाशं नराधिपः
ratisaṃgrāmabhāvaste hṛdaye parivartate | iti tajjñaṃ viditvā māṃ tvatsakāśaṃ narādhipaḥ
the inclination toward the battle of love turns about in your heart. Knowing me to be one who understands that, the lord of men, Śumbha,
AI translation rendered from the Sanskrit, not a published edition
DB 5 24.52
प्रेषयामास शुम्भोऽद्य बलेन महताऽऽवृतम् । चतुरासि महाभागे शृणु मे वचनं मृदु
preṣayāmāsa śumbho'dya balena mahatā''vṛtam | caturāsi mahābhāge śṛṇu me vacanaṃ mṛdu
has today sent me, surrounded by a great force. You are clever, greatly fortunate one — hear my gentle words:
AI translation rendered from the Sanskrit, not a published edition
DB 5 24.53
भज शुम्भं त्रिलोकेशं देवदर्पनिबर्हणम् । पट्टराज्ञी प्रिया भूत्वा भुंक्ष्व भोगाननुत्तमान्
bhaja śumbhaṃ trilokeśaṃ devadarpanibarhaṇam | paṭṭarājñī priyā bhūtvā bhuṃkṣva bhogānanuttamān
Take to Śumbha, the lord of the three worlds, the crusher of the gods' pride; becoming his beloved chief queen, enjoy the finest pleasures.
AI translation rendered from the Sanskrit, not a published edition
DB 5 24.54
जेष्यति त्वां महाबाहुः शुम्भः कामबलार्थवित् । विचित्रान्कुरु हावांस्त्वं सोऽपि भावान्करिष्यति
jeṣyati tvāṃ mahābāhuḥ śumbhaḥ kāmabalārthavit | vicitrānkuru hāvāṃstvaṃ so'pi bhāvānkariṣyati
The mighty-armed Śumbha, who knows the power and purpose of love, will conquer you; you make your varied coquettish gestures, and he too will make his amorous displays.
AI translation rendered from the Sanskrit, not a published edition
DB 5 24.55
भविष्यति कालिकेयं तत्र वै नर्मसाक्षिणी । एवं सङ्गरयोगेन पतिर्मे परमार्थवित्
bhaviṣyati kālikeyaṃ tatra vai narmasākṣiṇī | evaṃ saṅgarayogena patirme paramārthavit
This Kālikā shall be there indeed as witness to the dalliance. Thus, by way of that encounter, my master, who knows the highest aim,
AI translation rendered from the Sanskrit, not a published edition
DB 5 24.56
जित्वा त्वां सुखशय्यायां परिश्रान्तां करिष्यति । रक्तदेहां नखाघातैर्दन्तैश्च खण्डिताधराम्
jitvā tvāṃ sukhaśayyāyāṃ pariśrāntāṃ kariṣyati | raktadehāṃ nakhāghātairdantaiśca khaṇḍitādharām
having conquered you, will make you exhausted upon the couch of pleasure — your body reddened by the marks of nails, your lower lip broken by teeth;
AI translation rendered from the Sanskrit, not a published edition
DB 5 24.57
स्वेदक्लिन्नां प्रभग्नां त्वां संविधास्यति भूपतिः । भविता मानसः कामो रतिसंग्रामजस्तव
svedaklinnāṃ prabhagnāṃ tvāṃ saṃvidhāsyati bhūpatiḥ | bhavitā mānasaḥ kāmo ratisaṃgrāmajastava
the king will leave you drenched with sweat and undone. Your desire, born of the battle of love, will come to be in your mind.
AI translation rendered from the Sanskrit, not a published edition
DB 5 24.58
दर्शनाद्वश एवास्ते शुम्भः सर्वात्मना प्रिये । वचनं कुरु मे पथ्यं हितकृच्चापि पेशलम्
darśanādvaśa evāste śumbhaḥ sarvātmanā priye | vacanaṃ kuru me pathyaṃ hitakṛccāpi peśalam
From the mere sight (of you) Śumbha stands wholly in your power, dear one; do the word of mine that is wholesome, beneficial and also pleasing.
AI translation rendered from the Sanskrit, not a published edition
DB 5 24.59
भज शुम्भं गणाध्यक्षं माननीयातिमानिनी । मन्दभाग्याश्च ते नूनं ह्यस्त्रयुद्धप्रियाश्च ये
bhaja śumbhaṃ gaṇādhyakṣaṃ mānanīyātimāninī | mandabhāgyāśca te nūnaṃ hyastrayuddhapriyāśca ye
Serve Śumbha, the lord of hosts, O you who deserve honour yet are excessively proud; and surely those who love the fighting of weapons are of poor fortune.
AI translation rendered from the Sanskrit, not a published edition — the model flagged this verse as uncertain
DB 5 24.60
न तदर्हासि कान्ते त्वं सदा सुरतवल्लभे । अशोकं कुरु राजानं पादाघातविकासितम्
na tadarhāsi kānte tvaṃ sadā suratavallabhe | aśokaṃ kuru rājānaṃ pādāghātavikāsitam
You do not deserve that, O lovely one, ever dear in love-making; make the king free of sorrow, (as) the aśoka tree is made to blossom by the kick of a foot.
AI translation rendered from the Sanskrit, not a published edition — the model flagged this verse as uncertain
DB 5 24.61
बकुलं सीधुसेकेन तथा कुरबकं कुरु
bakulaṃ sīdhusekena tathā kurabakaṃ kuru
Make the bakula, and likewise the kurabaka, (blossom) by a sprinkling of liquor.
AI translation rendered from the Sanskrit, not a published edition — the model flagged this verse as uncertain