Devi Bhagavata Purana — Skandha 4 — Chapter 6
DB 4 6.1
अप्सरां नारायणसमीपे प्रार्थनाकरणम् व्यास उवाच प्रथमं तत्र सम्प्राप्तो वसन्तः पर्वतोत्तमे । पुष्पिताः पादपाः सर्वे द्विरेफालिविराजिताः
apsarāṃ nārāyaṇasamīpe prārthanākaraṇam vyāsa uvāca prathamaṃ tatra samprāpto vasantaḥ parvatottame | puṣpitāḥ pādapāḥ sarve dvirephālivirājitāḥ
The making of a request by the apsarases in the presence of Nārāyaṇa. Vyāsa said: First Spring arrived there on that best of mountains; all the trees were in flower, adorned with swarms of two-winged bees.
AI translation rendered from the Sanskrit, not a published edition
DB 4 6.2
आम्राश्च बकुला रम्यास्तिलकाः किंशुकाः शुभा । सालास्तालास्तमालाश्च मधूकाः पुष्पिता बभुः
āmrāśca bakulā ramyāstilakāḥ kiṃśukāḥ śubhā | sālāstālāstamālāśca madhūkāḥ puṣpitā babhuḥ
Mangoes and lovely bakula trees, tilakas, beautiful kiṃśukas, sālas, palms, tamālas and madhūkas shone forth in bloom.
AI translation rendered from the Sanskrit, not a published edition
DB 4 6.3
बभूवुः कोकिलालापा वृक्षाग्रेषु मनोहराः । वल्ल्योऽपि पुष्पिताः सर्वा आलिलिङ्गुर्नगोत्तमान्
babhūvuḥ kokilālāpā vṛkṣāgreṣu manoharāḥ | vallyo'pi puṣpitāḥ sarvā āliliṅgurnagottamān
Charming calls of cuckoos arose on the treetops; and all the creepers too, in flower, embraced the best of trees.
AI translation rendered from the Sanskrit, not a published edition
DB 4 6.4
प्राणिनः स्वासु भार्यासु प्रेमयुक्ताः स्मरातुराः । बभूवुश्चातिमत्ताश्च क्रीडासक्ताः परस्परम्
prāṇinaḥ svāsu bhāryāsu premayuktāḥ smarāturāḥ | babhūvuścātimattāśca krīḍāsaktāḥ parasparam
Living beings, filled with love for their own wives, afflicted by desire, became utterly intoxicated and clung to play with one another.
AI translation rendered from the Sanskrit, not a published edition
DB 4 6.5
ववुर्मन्दाः सुगन्धाश्च सुस्पर्शा दक्षिणानिलाः । इन्द्रियाणि प्रमाथीनि मुनीनामपि चाभवन्
vavurmandāḥ sugandhāśca susparśā dakṣiṇānilāḥ | indriyāṇi pramāthīni munīnāmapi cābhavan
Southern breezes blew, gentle, sweet-scented and pleasant to the touch, and even the senses of the sages became agitated.
AI translation rendered from the Sanskrit, not a published edition
DB 4 6.6
रतियुक्तस्ततः कामः पूरयन्पञ्चमार्गणान् । चकार त्वरितस्तत्र वासं बदरिकाश्रमे अप्सरसां नारायणसमीपे प्रार्थनाकरणं नाम षष्ठोऽध्यायः
ratiyuktastataḥ kāmaḥ pūrayanpañcamārgaṇān | cakāra tvaritastatra vāsaṃ badarikāśrame apsarasāṃ nārāyaṇasamīpe prārthanākaraṇaṃ nāma ṣaṣṭho'dhyāyaḥ
Then Kāma, together with Rati, fitting his five arrows (to the bow), quickly took up residence there in the Badarikā hermitage. — The sixth chapter, called "The making of a request by the apsarases in the presence of Nārāyaṇa."
AI translation rendered from the Sanskrit, not a published edition
DB 4 6.7
रम्भा तिलोत्तमाद्याश्च गत्वा तत्र वराश्रमे । गानं चकुः सुगीतज्ञाः स्वरतानसमन्वितम्
rambhā tilottamādyāśca gatvā tatra varāśrame | gānaṃ cakuḥ sugītajñāḥ svaratānasamanvitam
Rambhā, Tilottamā and the others, going there to that excellent hermitage, sang a song — skilled singers as they were — furnished with notes and melodic phrases.
AI translation rendered from the Sanskrit, not a published edition
DB 4 6.8
तच्छ्रुत्वा मधुरोद्गीतं कोकिलानाञ्च कूजितम् । भ्रमरालिविरावञ्च प्रबुद्धौ तौ मुनीश्वरौ
tacchrutvā madhurodgītaṃ kokilānāñca kūjitam | bhramarālivirāvañca prabuddhau tau munīśvarau
Hearing that sweetly raised song, and the cooing of the cuckoos, and the humming of swarms of bees, those two lords among sages awoke.
AI translation rendered from the Sanskrit, not a published edition
DB 4 6.9
ऋतुराजमकाले तु दृष्ट्वा तौ पुष्पितं वनम् । जातौ चिन्तापरौ तत्र नरनारायणावृषी
ṛturājamakāle tu dṛṣṭvā tau puṣpitaṃ vanam | jātau cintāparau tatra naranārāyaṇāvṛṣī
But seeing the king of seasons out of season, and the forest in flower, the two sages Nara and Nārāyaṇa there became absorbed in thought:
AI translation rendered from the Sanskrit, not a published edition
DB 4 6.10
किमद्य शिशिरापायः संभृतः समयं विना । प्राणिनो विह्वलाः सर्वे लक्ष्यन्तेऽतिस्मरातुराः
kimadya śiśirāpāyaḥ saṃbhṛtaḥ samayaṃ vinā | prāṇino vihvalāḥ sarve lakṣyante'tismarāturāḥ
"How is it that today the departure of the cool season has come about without its due time? All living beings are seen to be agitated, greatly afflicted by desire.
AI translation rendered from the Sanskrit, not a published edition
DB 4 6.11
कालधर्मविपर्यासः कथमद्य दुरासदः । नरं नारायणः प्राह विस्मयोत्कुल्ललोचनः
kāladharmaviparyāsaḥ kathamadya durāsadaḥ | naraṃ nārāyaṇaḥ prāha vismayotkullalocanaḥ
"How has this hard-to-face reversal of the law of time (come about) today?" Nārāyaṇa, his eyes wide open with astonishment, said to Nara:
AI translation rendered from the Sanskrit, not a published edition
DB 4 6.12
नारायण उवाच पश्य भ्रातरिमे वृक्षाः पुष्पिताः प्रतिभान्ति वै । कोकिलालापसङ्घुष्टा भ्रमरालिविराजिताः
nārāyaṇa uvāca paśya bhrātarime vṛkṣāḥ puṣpitāḥ pratibhānti vai | kokilālāpasaṅghuṣṭā bhramarālivirājitāḥ
Nārāyaṇa said: Look, brother, these trees appear in full bloom, resounding with the calls of cuckoos and adorned with swarms of bees.
AI translation rendered from the Sanskrit, not a published edition
DB 4 6.13
शिशिरं भीममातङ्गं दारयन्स्वखरैर्नखैः । वसन्तकेसरी प्राप्तः पलाशकुसुमैर्मुने
śiśiraṃ bhīmamātaṅgaṃ dārayansvakharairnakhaiḥ | vasantakesarī prāptaḥ palāśakusumairmune
Tearing apart the winter — that terrible elephant — with its own claws and hooves, the lion that is spring has arrived, O sage, with the blossoms of the palāśa (as its claws).
AI translation rendered from the Sanskrit, not a published edition
DB 4 6.14
रक्ताशोककरा तन्वी देवर्षे किंशुकाङ्घ्रिका । नीलाशोककचा श्यामा विकासिकमलानना
raktāśokakarā tanvī devarṣe kiṃśukāṅghrikā | nīlāśokakacā śyāmā vikāsikamalānanā
O divine sage, (she is) a slender woman whose hands are red aśoka flowers, whose feet are kiṃśuka blossoms, whose hair is blue aśoka, dark-hued, her face an opened lotus,
AI translation rendered from the Sanskrit, not a published edition
DB 4 6.15
नीलेन्दीवरनेत्रा सा बिल्ववृक्षफलस्तनी । प्रोस्फुल्लकुन्दरदना मञ्जरीकर्णशोभिता
nīlendīvaranetrā sā bilvavṛkṣaphalastanī | prosphullakundaradanā mañjarīkarṇaśobhitā
her eyes blue water-lilies, her breasts the fruits of the bilva tree, her teeth blossoming kunda flowers, her ears graced with flower-clusters,
AI translation rendered from the Sanskrit, not a published edition
DB 4 6.16
बन्धुजीवाधरा शुभ्रा सिन्धुवारनखोद्भवा । पुंस्कोकिलस्वरा पुण्या कदम्बवसना शुभा
bandhujīvādharā śubhrā sindhuvāranakhodbhavā | puṃskokilasvarā puṇyā kadambavasanā śubhā
her lip the bandhujīva flower, radiant, her nails sprung from the sindhuvāra, her voice the male cuckoo's, holy, her garment the kadamba, lovely,
AI translation rendered from the Sanskrit, not a published edition
DB 4 6.17
बर्हिवृन्दकलापा च सारसस्वननूपुरा । वासन्ती बद्धरशना मत्तहंसगतिस्तथा
barhivṛndakalāpā ca sārasasvananūpurā | vāsantī baddharaśanā mattahaṃsagatistathā
her braid a mass of peacock feathers, her anklets the cries of cranes, the vernal one girt with a belt, moving like an intoxicated goose,
AI translation rendered from the Sanskrit, not a published edition
DB 4 6.18
पुत्रजीवांशुकन्यस्तरोमराजिविराजिता । वसन्तलक्ष्मीः सम्प्राप्ता ब्रह्मन् बदरिकाश्रमे
putrajīvāṃśukanyastaromarājivirājitā | vasantalakṣmīḥ samprāptā brahman badarikāśrame
gleaming with the line of hair laid on by the putrajīva's bright leaves — the Splendour of Spring has arrived, O brahman, at the Badarikā hermitage.
AI translation rendered from the Sanskrit, not a published edition
DB 4 6.19
अकाले किमियं प्राप्ता विस्मयोऽयं ममाधुना । तपोविघ्नकरा नूनं देवर्षे परिचिन्तय
akāle kimiyaṃ prāptā vismayo'yaṃ mamādhunā | tapovighnakarā nūnaṃ devarṣe paricintaya
Why has she come out of season? This now amazes me. Surely she comes to obstruct our austerity, O divine sage — consider it.
AI translation rendered from the Sanskrit, not a published edition
DB 4 6.20
श्रूयते सुरनारीणां गानं ध्यानविनाशनम् । आवयोस्तपिभङ्गाय कृतं मघवता किल
śrūyate suranārīṇāṃ gānaṃ dhyānavināśanam | āvayostapibhaṅgāya kṛtaṃ maghavatā kila
The singing of the women of the gods is heard, destroying meditation; it has surely been arranged by Maghavan to break the two of our austerities.
AI translation rendered from the Sanskrit, not a published edition
DB 4 6.21
ऋतुराडन्यथाकाले प्रीतिं सञ्जनयेत्कथम् । विघ्नोऽयं विहितो भाति भीतेनासुरशत्रुणा
ṛturāḍanyathākāle prītiṃ sañjanayetkatham | vighno'yaṃ vihito bhāti bhītenāsuraśatruṇā
How would the king of seasons produce delight at a time not its own? This appears to be an obstacle contrived by the frightened enemy of the demons (Indra).
AI translation rendered from the Sanskrit, not a published edition
DB 4 6.22
वाताः सुगन्धाः शीताश्च समायान्ति मनोहराः । नान्यत्कारणमस्तीह शतक्रतुकृतिं विना
vātāḥ sugandhāḥ śītāśca samāyānti manoharāḥ | nānyatkāraṇamastīha śatakratukṛtiṃ vinā
Fragrant, cool, delightful breezes come on; there is no other cause here than the doing of him of the hundred sacrifices.
AI translation rendered from the Sanskrit, not a published edition
DB 4 6.23
इति ब्रुवति विप्राग्र्ये देवे नारायणे विभौ । सर्वे दृष्टिपथं प्राप्ता मन्मथप्रमुखास्तदा
iti bruvati viprāgrye deve nārāyaṇe vibhau | sarve dṛṣṭipathaṃ prāptā manmathapramukhāstadā
While the foremost of brahmans, the lord, the divine Nārāyaṇa, was speaking thus, all of them, headed by Manmatha, then came into view.
AI translation rendered from the Sanskrit, not a published edition
DB 4 6.24
ददर्श भगवान्सर्वान्नरो नारायणस्तथा । विस्मयाविष्टमनसौ बभूवतुरुभावपि
dadarśa bhagavānsarvānnaro nārāyaṇastathā | vismayāviṣṭamanasau babhūvaturubhāvapi
The Lord saw them all — Nara and likewise Nārāyaṇa — and both became filled with amazement in mind.
AI translation rendered from the Sanskrit, not a published edition
DB 4 6.25
मन्मथं मेनकां चैव रम्भां चैव तिलोत्तमाम् । पुष्पगन्धां सुकेशीं च महाश्वेतां मनोरमाम्
manmathaṃ menakāṃ caiva rambhāṃ caiva tilottamām | puṣpagandhāṃ sukeśīṃ ca mahāśvetāṃ manoramām
Manmatha, and Menakā, and Rambhā, and Tilottamā, Puṣpagandhā and Sukeśī and the charming Mahāśvetā,
AI translation rendered from the Sanskrit, not a published edition
DB 4 6.26
प्रमद्वरां धृताचीञ्च गीतज्ञां चारुहासिनीम् । चन्द्रप्रभां च सोमां च कोकिलालापमण्डिताम्
pramadvarāṃ dhṛtācīñca gītajñāṃ cāruhāsinīm | candraprabhāṃ ca somāṃ ca kokilālāpamaṇḍitām
Pramadvarā and Dhṛtācī, the one skilled in song, the sweetly smiling one, Candraprabhā and Somā, adorned with the cuckoo's notes,
AI translation rendered from the Sanskrit, not a published edition
DB 4 6.27
विद्युन्मालाम्बुजाक्ष्यौ च तथा काञ्चनमालिनीम्। एताश्चान्या वरारोहा दृष्टास्ताभ्यां तदान्तिके
vidyunmālāmbujākṣyau ca tathā kāñcanamālinīm| etāścānyā varārohā dṛṣṭāstābhyāṃ tadāntike
and Vidyunmālā and Ambujākṣī, and likewise Kāñcanamālinī — these and other fair-hipped women were seen by the two of them nearby.
AI translation rendered from the Sanskrit, not a published edition
DB 4 6.28
तासां द्व्यष्टसहस्राणि पञ्चाशदधिकानि च । वीक्ष्य तौ विस्मितौ जातौ कामसैन्यं सुविस्तरम्
tāsāṃ dvyaṣṭasahasrāṇi pañcāśadadhikāni ca | vīkṣya tau vismitau jātau kāmasainyaṃ suvistaram
Sixteen thousand and fifty of them there were; seeing Kāma's vast army, the two became amazed.
AI translation rendered from the Sanskrit, not a published edition
DB 4 6.29
प्रणम्याग्रे स्थिताः सर्वा देववाराङ्गनास्तदा । दिव्याभरणभूषाढ्या दिव्यमालोपशोभिताः
praṇamyāgre sthitāḥ sarvā devavārāṅganāstadā | divyābharaṇabhūṣāḍhyā divyamālopaśobhitāḥ
Then all those celestial courtesans, having bowed, stood before (them), rich with divine ornaments and adorned with divine garlands.
AI translation rendered from the Sanskrit, not a published edition
DB 4 6.30
जगुश्छलेन ताः सर्वाः पृथिव्यामतिदुर्लभम् । तत्तथावस्थितं दिव्यं मन्मथादिविवर्धनम्
jaguśchalena tāḥ sarvāḥ pṛthivyāmatidurlabham | tattathāvasthitaṃ divyaṃ manmathādivivardhanam
All of them sang, under a pretext, that divine (song) so composed, very hard to find on earth, which increases love and the rest.
AI translation rendered from the Sanskrit, not a published edition — the model flagged this verse as uncertain
DB 4 6.31
शुश्राव भगवान्विष्णुर्नरो नारायणस्तदा । श्रुत्वा प्रोवाच तास्तत्र प्रीत्या नारायणो मुनिः
śuśrāva bhagavānviṣṇurnaro nārāyaṇastadā | śrutvā provāca tāstatra prītyā nārāyaṇo muniḥ
The Lord Viṣṇu — Nara and Nārāyaṇa — then heard it; and having heard, the sage Nārāyaṇa spoke to them there with pleasure.
AI translation rendered from the Sanskrit, not a published edition
DB 4 6.32
आस्यतां सुखमत्रैव करोम्यातिथ्यमद्भुतम् । भवत्योऽतिथिधर्मेण प्राप्ताःस्वर्गात्सुमध्यमाः
āsyatāṃ sukhamatraiva karomyātithyamadbhutam | bhavatyo'tithidharmeṇa prāptāḥsvargātsumadhyamāḥ
"Be seated here in comfort; I shall show (you) wondrous hospitality. You, fair-waisted ones, have arrived from heaven and (are entitled) to the treatment due to guests."
AI translation rendered from the Sanskrit, not a published edition
DB 4 6.33
व्यास उवाच साभिमानस्तु सञ्चातस्तदा नारायणो मुनिः । इन्द्रेण प्रेषिता नूनं तथा विघ्नचिकीर्षया
vyāsa uvāca sābhimānastu sañcātastadā nārāyaṇo muniḥ | indreṇa preṣitā nūnaṃ tathā vighnacikīrṣayā
Vyāsa said: But then pride arose in the sage Nārāyaṇa: "Surely they have been sent by Indra with the wish to make an obstacle (to my austerity)."
AI translation rendered from the Sanskrit, not a published edition
DB 4 6.34
वराक्यः का इमाः सर्वाः सृजाम्यद्य नवाः किल । एताभ्यो दिव्यरूपाश्च दर्शयामि तपोबलम्
varākyaḥ kā imāḥ sarvāḥ sṛjāmyadya navāḥ kila | etābhyo divyarūpāśca darśayāmi tapobalam
"What are these wretched creatures, all of them? Today I shall indeed create new ones, and I shall show these (women) the power of austerity — (women) of divine form."
AI translation rendered from the Sanskrit, not a published edition
DB 4 6.35
इति सञ्चिन्त्य मनसा करेणोरुं प्रताड्य वै । तरसोत्पादयामास नारीं सर्वाङ्गसुन्दरीम्
iti sañcintya manasā kareṇoruṃ pratāḍya vai | tarasotpādayāmāsa nārīṃ sarvāṅgasundarīm
Having thus reflected in his mind, striking his thigh with his hand, he swiftly brought forth a woman beautiful in every limb.
AI translation rendered from the Sanskrit, not a published edition
DB 4 6.36
नारायणोरुसम्भूता ह्युर्वशीति ततः शुभा । ददृशुस्ताः स्थितास्तत्र विस्मयं परमं ययुः
nārāyaṇorusambhūtā hyurvaśīti tataḥ śubhā | dadṛśustāḥ sthitāstatra vismayaṃ paramaṃ yayuḥ
Thus arose from Nārāyaṇa's thigh (uru) the lovely Urvaśī; those (women) standing there saw (her) and were struck with the utmost amazement.
AI translation rendered from the Sanskrit, not a published edition
DB 4 6.37
तासां च परिचर्यार्थं तावतीश्चातिसुन्दरीः । प्रादुश्चकार तरसा तदा मुनिरसम्भ्रमः
tāsāṃ ca paricaryārthaṃ tāvatīścātisundarīḥ | prāduścakāra tarasā tadā munirasambhramaḥ
And for the sake of attending upon her, the sage, unflustered, at once brought forth just as many exceedingly beautiful (women).
AI translation rendered from the Sanskrit, not a published edition
DB 4 6.38
गायन्त्यश्च हसन्त्यश्च नानोपायनपाणयः । प्रणेमुस्ता मुनी सर्वाः स्थिताः कृत्वाञ्जलिं पुरः
gāyantyaśca hasantyaśca nānopāyanapāṇayaḥ | praṇemustā munī sarvāḥ sthitāḥ kṛtvāñjaliṃ puraḥ
Singing and laughing, with various gifts in their hands, they all bowed to the two sages and stood with palms joined before (them).
AI translation rendered from the Sanskrit, not a published edition
DB 4 6.39
तां वीक्ष्य विभ्रमकरीं तपसो विभूतिं ॥ देवाङ्गना हि मुमुहुः प्रविमोहयन्त्यः । ऊचुश्च तौ प्रमुदिताननपद्यशोभा रोमोद्गमोल्लसितचारुनिजाङ्गवल्ल्यः
tāṃ vīkṣya vibhramakarīṃ tapaso vibhūtiṃ || devāṅganā hi mumuhuḥ pravimohayantyaḥ | ūcuśca tau pramuditānanapadyaśobhā romodgamollasitacārunijāṅgavallyaḥ
Seeing her, that glory of austerity, who caused bewilderment, the celestial women — themselves bewitchers — were bewildered; and with the beauty of lotus-like joyful faces and with their own lovely body-vines aglow with rising hair (of thrill), they said to the two:
AI translation rendered from the Sanskrit, not a published edition
DB 4 6.40
कुर्युः कथं स्तुतिमहो तपसो महत्त्वं धैर्यं तथैव भवतामभिवीक्ष्य बालाः । अस्मत्कटाक्षविषदिग्धशरेण दग्धः को वा न तत्र भवतां मनसो व्यथा न
kuryuḥ kathaṃ stutimaho tapaso mahattvaṃ dhairyaṃ tathaiva bhavatāmabhivīkṣya bālāḥ | asmatkaṭākṣaviṣadigdhaśareṇa dagdhaḥ ko vā na tatra bhavatāṃ manaso vyathā na
"How could (mere) girls make praise (of you)? Ah, the greatness of your austerity and likewise your steadfastness, having beheld (them)! Who is there, scorched by the arrow smeared with the poison of our sidelong glances, in whom there is no agitation of mind — yet in you there is none."
AI translation rendered from the Sanskrit, not a published edition — the model flagged this verse as uncertain
DB 4 6.41
ज्ञातौ युवां नरहरेः परमांशभूतौ देवौ मुनी शमदमादिनिधी सदैव । सेवानिमित्तमिह नो गमनं न कामं कार्यं हरेः शतमखस्य विधातुमेव
jñātau yuvāṃ narahareḥ paramāṃśabhūtau devau munī śamadamādinidhī sadaiva | sevānimittamiha no gamanaṃ na kāmaṃ kāryaṃ hareḥ śatamakhasya vidhātumeva
"You two are known to be supreme portions of Nṛhari (Viṣṇu), gods and sages, ever treasuries of calm, self-restraint and the rest. Our coming here was not for the purpose of service, nor from desire, but only to carry out the business of the Lord of a hundred sacrifices (Indra)."
AI translation rendered from the Sanskrit, not a published edition
DB 4 6.42
भाग्येन केन युवयोः किल दर्शनं नः सम्पादितं न विदितं खलु सञ्चितं तत् । चित्तं क्षमं निजजने विहितं युवाभ्या- मस्मद्विधे किल कृतागसि तापमुक्तम्
bhāgyena kena yuvayoḥ kila darśanaṃ naḥ sampāditaṃ na viditaṃ khalu sañcitaṃ tat | cittaṃ kṣamaṃ nijajane vihitaṃ yuvābhyā- masmadvidhe kila kṛtāgasi tāpamuktam
"By what good fortune has the sight of you two been brought about for us? Indeed that store (of merit) was not known (to us). By you two a forgiving mind has been shown toward your own people; toward such as us, who have committed an offence, freedom from suffering (has been granted)."
AI translation rendered from the Sanskrit, not a published edition — the model flagged this verse as uncertain
DB 4 6.43
कुर्वन्ति नैव विबुधास्तपसो व्ययं वै शापेन तुच्छफलदेन महानुभावाः । व्यास उवाच इत्थं निशम्य वचनं सुरकामिनीनां तावूचतुर्मुनिवरौ विनयानतानाम्
kurvanti naiva vibudhāstapaso vyayaṃ vai śāpena tucchaphaladena mahānubhāvāḥ | vyāsa uvāca itthaṃ niśamya vacanaṃ surakāminīnāṃ tāvūcaturmunivarau vinayānatānām
"The wise, of great dignity, do not indeed spend their austerity on a curse, which yields a trifling fruit." Vyāsa said: Having thus heard the speech of the celestial women, bowed down in humility, those two best of sages said to them —
AI translation rendered from the Sanskrit, not a published edition
DB 4 6.44
प्रीतौ प्रसन्नवदनौ जितकामलोभौ धर्मात्मजौ निजतपोरुचिशोभिताङ्गौ । नरनारायणावूचतुः ब्रुवन्तु वाञ्छितान् कामान्ददावस्तुष्टमानसौ
prītau prasannavadanau jitakāmalobhau dharmātmajau nijataporuciśobhitāṅgau | naranārāyaṇāvūcatuḥ bruvantu vāñchitān kāmāndadāvastuṣṭamānasau
— pleased, with serene faces, having conquered desire and greed, the sons of Dharma, their limbs shining with the lustre of their own austerity. Nara and Nārāyaṇa said: "Speak your desired wishes; with contented minds we two shall grant (them)."
AI translation rendered from the Sanskrit, not a published edition
DB 4 6.45
यान्तु स्वर्गं गहीत्वेमामुर्वशीं चारुलोचनाम् । उपायनमियं बाला गच्छत्वद्य मनोहरा
yāntu svargaṃ gahītvemāmurvaśīṃ cārulocanām | upāyanamiyaṃ bālā gacchatvadya manoharā
"Go to heaven, taking this Urvaśī of lovely eyes; let this charming girl go today as a gift."
AI translation rendered from the Sanskrit, not a published edition
DB 4 6.46
दत्तावाभ्यां मघवतः प्रीणनायोरुसम्भवा । स्वस्त्यस्तु सर्वदेवेभ्यो यथेष्टं प्रव्रजन्तु च
dattāvābhyāṃ maghavataḥ prīṇanāyorusambhavā | svastyastu sarvadevebhyo yatheṣṭaṃ pravrajantu ca
"She, born from the thigh, is given by us two to Maghavan (Indra) for his pleasure. Let there be well-being for all the gods, and go as you wish."
AI translation rendered from the Sanskrit, not a published edition
DB 4 6.47
( न कस्यापि तपोविघ्नं प्रकर्तव्यमतः परम् ।) ॥ देव्य ऊचुः क्व गच्छामो महाभाग प्राप्तास्ते पादपङ्कजम् । नारायण सुरश्रेष्ठ भक्त्या परमया मुदा
( na kasyāpi tapovighnaṃ prakartavyamataḥ param |) || devya ūcuḥ kva gacchāmo mahābhāga prāptāste pādapaṅkajam | nārāyaṇa suraśreṣṭha bhaktyā paramayā mudā
("Henceforth no obstruction to anyone's austerity should be made.") The goddesses said: "Where shall we go, greatly fortunate one? We have attained your lotus feet, Nārāyaṇa, best of gods, with supreme devotion and joy."
AI translation rendered from the Sanskrit, not a published edition
DB 4 6.48
वाञ्छितं चेद्वरं नाथ ददासि मधुसूदन । तुष्टः कमलपत्राक्ष ब्रवीमो मनसेप्सितम्
vāñchitaṃ cedvaraṃ nātha dadāsi madhusūdana | tuṣṭaḥ kamalapatrākṣa bravīmo manasepsitam
"If, Lord, Madhusūdana, you grant the boon (we) desire — if you are pleased, lotus-petal-eyed one — we will tell what is wished in our hearts."
AI translation rendered from the Sanskrit, not a published edition
DB 4 6.49
पतिस्त्वं भव देवेश वरमेनं परन्तप । भवामः प्रीतियुक्तास्त्वां सेवितुं जगदीश्वर
patistvaṃ bhava deveśa varamenaṃ parantapa | bhavāmaḥ prītiyuktāstvāṃ sevituṃ jagadīśvara
"Be you our husband, lord of gods — this is the boon, scorcher of foes; filled with love we shall be (here) to serve you, lord of the world."
AI translation rendered from the Sanskrit, not a published edition
DB 4 6.50
त्वया चोत्पादिता नार्यः सन्त्यन्याश्चारुलोचनाः । उर्वश्याद्यास्तथा यान्तु स्वर्गं वै भवदाज्ञया
tvayā cotpāditā nāryaḥ santyanyāścārulocanāḥ | urvaśyādyāstathā yāntu svargaṃ vai bhavadājñayā
"There are other lovely-eyed women produced by you; let Urvaśī and the rest go to heaven by your command."
AI translation rendered from the Sanskrit, not a published edition
DB 4 6.51
स्त्रीणां षोडशसाहस्रं तिष्ठत्वत्र शतार्धकम् । सेवां तेऽत्र करिष्यामो युवयोस्तापसोत्तमौ
strīṇāṃ ṣoḍaśasāhasraṃ tiṣṭhatvatra śatārdhakam | sevāṃ te'tra kariṣyāmo yuvayostāpasottamau
"Let sixteen thousand and fifty of the women remain here; here we shall render service to you two, best of ascetics."
AI translation rendered from the Sanskrit, not a published edition
DB 4 6.52
वाञ्छितं देहि देवेश सत्यवाग्भव माधव । आशाभङ्गो हि नारीणां हिंसनं परिकीर्तितम्
vāñchitaṃ dehi deveśa satyavāgbhava mādhava | āśābhaṅgo hi nārīṇāṃ hiṃsanaṃ parikīrtitam
“Grant (our) desire, lord of the gods; be true of speech, Mādhava! For the breaking of women's hope is declared to be a killing (of them),
AI translation rendered from the Sanskrit, not a published edition
DB 4 6.53
कामार्तानाञ्च मुनिभिर्धर्मज्ञैस्तत्त्वदर्शिभिः । भाग्ययोगादिह प्राप्ताः स्वर्गात्प्रेमपरिप्लुताः
kāmārtānāñca munibhirdharmajñaistattvadarśibhiḥ | bhāgyayogādiha prāptāḥ svargātpremapariplutāḥ
and of those afflicted with desire — (so it is declared) by the sages who know dharma and see the truth. Through the working of (our) fortune we have come here from heaven, overflowing with love.
AI translation rendered from the Sanskrit, not a published edition
DB 4 6.54
त्यक्तुं नार्हसि देवेश समर्थोऽसि जगत्पते । नारायण उवाच पूर्णं वर्षसहस्रं तु तपस्तप्तं मयात्र वै
tyaktuṃ nārhasi deveśa samartho'si jagatpate | nārāyaṇa uvāca pūrṇaṃ varṣasahasraṃ tu tapastaptaṃ mayātra vai
You ought not to abandon (us), lord of the gods; you are able (to grant this), lord of the world!” Nārāyaṇa said: “A full thousand years of austerity has been performed by me here,
AI translation rendered from the Sanskrit, not a published edition
DB 4 6.55
जितेन्द्रियेण चार्वङ्ग्यः कथं भङ्गं करोम्यतः । नेच्छा कामे सुखे काचित्सुखधर्मविनाशके
jitendriyeṇa cārvaṅgyaḥ kathaṃ bhaṅgaṃ karomyataḥ | necchā kāme sukhe kācitsukhadharmavināśake
and (I am one) whose senses are conquered, O fair-limbed ones; how then should I make a breach (of it)? I have no desire at all for the pleasure of sensual love, which destroys pleasure and dharma.
AI translation rendered from the Sanskrit, not a published edition
DB 4 6.56
पशूनामपि साधर्म्ये रमेत मतिमान्कथम् । अप्सरस ऊचुः शब्दादीनां च पञ्चानां मध्ये स्पर्शसुखं वरम्
paśūnāmapi sādharmye rameta matimānkatham | apsarasa ūcuḥ śabdādīnāṃ ca pañcānāṃ madhye sparśasukhaṃ varam
When it is a thing shared even with beasts, how should a wise man take delight in it?” The apsarases said: “Among the five, sound and the rest, the pleasure of touch is the best,
AI translation rendered from the Sanskrit, not a published edition
DB 4 6.57
आनन्दरसमूलं वै नान्यदस्ति सुखं किल । अतोऽस्माकं महाराज वचनं कुरु सर्वथा
ānandarasamūlaṃ vai nānyadasti sukhaṃ kila | ato'smākaṃ mahārāja vacanaṃ kuru sarvathā
for it is the root of the essence of bliss; there is indeed no other pleasure. Therefore, great king, do our bidding in every way.
AI translation rendered from the Sanskrit, not a published edition
DB 4 6.58
निर्भरं सुखमासाद्य चरस्व गन्धमादने । यदि वाञ्छसि नाकत्वं नाधिको गन्धमादनात्
nirbharaṃ sukhamāsādya carasva gandhamādane | yadi vāñchasi nākatvaṃ nādhiko gandhamādanāt
Having attained abundant pleasure, roam upon Gandhamādana; if you desire heaven-hood, there is nothing higher than Gandhamādana.
AI translation rendered from the Sanskrit, not a published edition
DB 4 6.59
रमस्वात्र शुभे स्थाने प्राप्य सर्वाः सुराङ्गनाः
ramasvātra śubhe sthāne prāpya sarvāḥ surāṅganāḥ
Take your delight here in this auspicious place, having obtained all the women of the gods.”
AI translation rendered from the Sanskrit, not a published edition