Devi Bhagavata Purana — Skandha 4 — Chapter 23
DB 4 23.1
कंसं प्रति योगमायावाक्यम् व्यास उवाच हतेषु षट्सु पुत्रेषु देवक्या औग्रसेनिना । सप्तमे पतिते गर्भे वचनान्नारदस्य च
kaṃsaṃ prati yogamāyāvākyam vyāsa uvāca hateṣu ṣaṭsu putreṣu devakyā augraseninā | saptame patite garbhe vacanānnāradasya ca
— tr. refused: cyber
DB 4 23.2
अष्टमस्य च गर्भस्य रक्षणार्थमतन्द्रितः । प्रयत्नमकरोद्राजा मरणं स्वं विचिन्तयन्
aṣṭamasya ca garbhasya rakṣaṇārthamatandritaḥ | prayatnamakarodrājā maraṇaṃ svaṃ vicintayan
— tr. refused: cyber
DB 4 23.3
समये देवकीगर्भे प्रवेशमकरोद्धरिः । अंशेन वसुदेवे तु समागत्य यथाक्रमम्
samaye devakīgarbhe praveśamakaroddhariḥ | aṃśena vasudeve tu samāgatya yathākramam
— tr. refused: cyber
DB 4 23.4
तदेयं योगमाया च यशोदायां यथेच्छया । प्रवेशमकरोद्देवी देवकार्यार्थसिद्धये
tadeyaṃ yogamāyā ca yaśodāyāṃ yathecchayā | praveśamakaroddevī devakāryārthasiddhaye
— tr. refused: cyber
DB 4 23.5
रोहिण्यास्तनयो रामो गोकुले समजायत । यतः कंसभयोद्विग्ना संस्थिता सा च कामिनी
rohiṇyāstanayo rāmo gokule samajāyata | yataḥ kaṃsabhayodvignā saṃsthitā sā ca kāminī
— tr. refused: cyber
DB 4 23.6
कारागारे ततः कंसो देवकीं देवसंस्तुताम् । स्थापयामास रक्षार्थं सेवकान्समकल्पयत्
kārāgāre tataḥ kaṃso devakīṃ devasaṃstutām | sthāpayāmāsa rakṣārthaṃ sevakānsamakalpayat
— tr. refused: cyber
DB 4 23.7
वसुदेवस्तु कामिन्याः प्रेमतन्तुनियन्त्रितः । पुत्रोत्पत्तिं च सञ्चिन्त्य प्रविष्टः सह भार्यया
vasudevastu kāminyāḥ prematantuniyantritaḥ | putrotpattiṃ ca sañcintya praviṣṭaḥ saha bhāryayā
— tr. refused: cyber
DB 4 23.8
देवकीगर्भगो विष्णुर्देवकार्यार्थसिद्धये । संस्तुतोऽमरसङ्घैश्च व्यवर्धत यथाक्रमम्
devakīgarbhago viṣṇurdevakāryārthasiddhaye | saṃstuto'marasaṅghaiśca vyavardhata yathākramam
— tr. refused: cyber
DB 4 23.9
सञ्जाते दशमे तत्र मासेऽथ श्रावणे शुभे । प्राजापत्यर्क्षसंयुक्ते कृष्णपक्षेऽष्टमीदिने
sañjāte daśame tatra māse'tha śrāvaṇe śubhe | prājāpatyarkṣasaṃyukte kṛṣṇapakṣe'ṣṭamīdine
— tr. refused: cyber
DB 4 23.10
कंसस्तु दानवान्सर्वानुवाच भयविह्वलः । रक्षणीया भवद्भिश्च देवकी गर्भमन्दिरे
kaṃsastu dānavānsarvānuvāca bhayavihvalaḥ | rakṣaṇīyā bhavadbhiśca devakī garbhamandire
— tr. refused: cyber
DB 4 23.11
अष्टमो देवकीगर्भः शत्रुर्मे प्रभविष्यति । रक्षणीयः प्रयत्नेन मृत्युरूपः स बालकः
aṣṭamo devakīgarbhaḥ śatrurme prabhaviṣyati | rakṣaṇīyaḥ prayatnena mṛtyurūpaḥ sa bālakaḥ
— tr. refused: cyber
DB 4 23.12
हत्वैनं बालकं दैत्याः सुखं स्वप्स्यामि मन्दिरे । निवृत्तिवर्जिते दुःखे नाशिते चाष्टमे सुते
hatvainaṃ bālakaṃ daityāḥ sukhaṃ svapsyāmi mandire | nivṛttivarjite duḥkhe nāśite cāṣṭame sute
— tr. refused: cyber
DB 4 23.13
खड्गप्रासधराः सर्वे तिष्ठन्तु धृतकार्मुकाः । निद्रातन्द्राविहीनाश्च सर्वत्र निहितेक्षणाः
khaḍgaprāsadharāḥ sarve tiṣṭhantu dhṛtakārmukāḥ | nidrātandrāvihīnāśca sarvatra nihitekṣaṇāḥ
— tr. refused: cyber
DB 4 23.14
व्यास उवाच इत्यादिश्यासुरगणान् कृशोऽतिभयविह्वलः । मन्दिरं स्वं जगामाशु न लेभे दानवः सुखम्
vyāsa uvāca ityādiśyāsuragaṇān kṛśo'tibhayavihvalaḥ | mandiraṃ svaṃ jagāmāśu na lebhe dānavaḥ sukham
— tr. refused: cyber
DB 4 23.15
निशीथे देवकी तत्र वसुदेवमुवाच ह । किं करोमि महाराज प्रसवावसरो मम
niśīthe devakī tatra vasudevamuvāca ha | kiṃ karomi mahārāja prasavāvasaro mama
— tr. refused: cyber
DB 4 23.16
बहवो रक्षपालाश्च तिष्ठन्त्यत्र भयानकाः । नन्दपत्न्या मया सार्धं कृतोऽस्ति समयः पुरा
bahavo rakṣapālāśca tiṣṭhantyatra bhayānakāḥ | nandapatnyā mayā sārdhaṃ kṛto'sti samayaḥ purā
— tr. refused: cyber
DB 4 23.17
प्रेषितव्यस्त्वया पुत्रो मन्दिरे मम मानिनि । पालयिष्याम्यहं तत्र तवातिमनसा किल
preṣitavyastvayā putro mandire mama mānini | pālayiṣyāmyahaṃ tatra tavātimanasā kila
"The son must be sent by you to my house, O proud lady; there I shall protect him, indeed, out of great regard for you."
AI translation rendered from the Sanskrit, not a published edition — the model flagged this verse as uncertain
DB 4 23.18
अपत्यं ते प्रदास्यामि कंसस्य प्रत्ययाय वै । किं कर्तव्यं प्रभो चात्र विषमे समुपस्थिते
apatyaṃ te pradāsyāmi kaṃsasya pratyayāya vai | kiṃ kartavyaṃ prabho cātra viṣame samupasthite
"I shall give you a child, to convince Kaṃsa. What is to be done here, O lord, when such a crisis has arrived?"
AI translation rendered from the Sanskrit, not a published edition
DB 4 23.19
व्यत्ययः सन्ततेः शौरे कथं कर्तुं क्षमो भवेः । दूरे तिष्ठस्व कान्ताद्य लज्जा मेऽतिदुरत्यया
vyatyayaḥ santateḥ śaure kathaṃ kartuṃ kṣamo bhaveḥ | dūre tiṣṭhasva kāntādya lajjā me'tiduratyayā
"How would you be able to bring about the exchange of the offspring, O Śauri? Stand at a distance, beloved, today; my shame is very hard for me to get past.
AI translation rendered from the Sanskrit, not a published edition
DB 4 23.20
परावृत्य मुखं स्वामिन्नन्यथा किं करोम्यहम् । इत्युक्त्वा तं महाभागं देवकी देवसम्मतम्
parāvṛtya mukhaṃ svāminnanyathā kiṃ karomyaham | ityuktvā taṃ mahābhāgaṃ devakī devasammatam
"Turn your face away, master; otherwise what am I to do?" Having said this to that greatly blessed one, honoured by the gods, Devakī—
AI translation rendered from the Sanskrit, not a published edition
DB 4 23.21
बालकं सुषुवे तत्र निशीथे परमाद्भुतम् । तं दृष्ट्वा विस्मयं प्राप देवकी बालकं शुभम्
bālakaṃ suṣuve tatra niśīthe paramādbhutam | taṃ dṛṣṭvā vismayaṃ prāpa devakī bālakaṃ śubham
—there at midnight gave birth to a boy, supremely wondrous. Seeing that auspicious boy, Devakī was filled with amazement.
AI translation rendered from the Sanskrit, not a published edition
DB 4 23.22
पतिं प्राह महाभागा हर्षोत्कुल्लकलेवरा । पश्य पुत्रमुखं कान्त दुर्लभं हि तव प्रभो
patiṃ prāha mahābhāgā harṣotkullakalevarā | paśya putramukhaṃ kānta durlabhaṃ hi tava prabho
The greatly blessed lady, her body thrilled with joy, said to her husband: "Look at your son's face, beloved—it is hard to obtain, O lord;
AI translation rendered from the Sanskrit, not a published edition
DB 4 23.23
अद्यैनं कालरूपोऽसौ घातयिष्यति भ्रातृजः । वसुदेवस्तथेत्युक्त्वा तमादाय करे सुतम् चतुर्थस्कन्धे कंसं प्रति योगमायावाक्यं नाम त्रयोविंशोऽध्यायः
adyainaṃ kālarūpo'sau ghātayiṣyati bhrātṛjaḥ | vasudevastathetyuktvā tamādāya kare sutam caturthaskandhe kaṃsaṃ prati yogamāyāvākyaṃ nāma trayoviṃśo'dhyāyaḥ
"today that brother of mine, in the form of Death, will have him killed." Vasudeva, saying "So be it," took the son in his hand. [Here ends] the twenty-third chapter, called "Yogamāyā's speech to Kaṃsa," in the fourth book.
AI translation rendered from the Sanskrit, not a published edition
DB 4 23.24
अपश्यच्चाननं तस्य सुतस्याद्भुतकर्मणः । वीक्ष्य पुत्रमुखं शौरिश्चिन्ताविष्टो बभूव ह
apaśyaccānanaṃ tasya sutasyādbhutakarmaṇaḥ | vīkṣya putramukhaṃ śauriścintāviṣṭo babhūva ha
And he looked at the face of that son of wondrous deeds; having beheld his son's face, Śauri became filled with anxiety.
AI translation rendered from the Sanskrit, not a published edition
DB 4 23.25
किं करोमि कथं न स्याद्दुःखमस्य कृते मम । एवं चिन्तातुरे तस्मिन्वागुवाचाशरीरिणी
kiṃ karomi kathaṃ na syādduḥkhamasya kṛte mama | evaṃ cintāture tasminvāguvācāśarīriṇī
"What shall I do? How may there be no sorrow for me on his account?" While he was thus tormented with worry, a bodiless voice spoke,
AI translation rendered from the Sanskrit, not a published edition
DB 4 23.26
वसुदेवं समाभाष्य गगने विशदाक्षरा । वसुदेव गृहीत्वैनं गोकुलं नय सत्वरः
vasudevaṃ samābhāṣya gagane viśadākṣarā | vasudeva gṛhītvainaṃ gokulaṃ naya satvaraḥ
addressing Vasudeva in the sky with clear syllables: "Vasudeva, take him and carry him quickly to Gokula.
AI translation rendered from the Sanskrit, not a published edition
DB 4 23.27
रक्षपालास्तथा सर्वे मया निद्राविमोहिताः । विवृतानि कृतान्यष्ट कपाटानि च शृङ्खलाः
rakṣapālāstathā sarve mayā nidrāvimohitāḥ | vivṛtāni kṛtānyaṣṭa kapāṭāni ca śṛṅkhalāḥ
"All the guards, likewise, have been stupefied by me with sleep; the eight door-panels and the chains have been made open.
AI translation rendered from the Sanskrit, not a published edition
DB 4 23.28
मुक्त्वैनं नन्दगेहे त्वं योगमायां समानय । श्रुत्वैवं वसुदेवस्तु तस्मिन्कारागृहे गतः
muktvainaṃ nandagehe tvaṃ yogamāyāṃ samānaya | śrutvaivaṃ vasudevastu tasminkārāgṛhe gataḥ
"Leaving him in Nanda's house, bring back Yogamāyā." Hearing this, Vasudeva, there in the prison,
AI translation rendered from the Sanskrit, not a published edition
DB 4 23.29
विवृतं द्वारमालोक्य बभूव तरसा नृप । तमादाय ययावाशु द्वारपालैरलक्षितः
vivṛtaṃ dvāramālokya babhūva tarasā nṛpa | tamādāya yayāvāśu dvārapālairalakṣitaḥ
seeing the door open, quickly set out, O king; taking him he went off at once, unnoticed by the door-keepers.
AI translation rendered from the Sanskrit, not a published edition
DB 4 23.30
कालिन्दीतटमासाद्य पूरं दृष्ट्वा सुनिश्चितम् । तदैव कटिदघ्नी सा बभूवाशु सरिद्वरा
kālindītaṭamāsādya pūraṃ dṛṣṭvā suniścitam | tadaiva kaṭidaghnī sā babhūvāśu saridvarā
Reaching the bank of the Kālindī and seeing the flood quite full, at that very moment that best of rivers became only waist-deep,
AI translation rendered from the Sanskrit, not a published edition
DB 4 23.31
योगमायाप्रभावेण ततारानकदुन्दुभिः । गत्वा तु गोकुलं शौरिर्निशीथे निर्जने पथि
yogamāyāprabhāveṇa tatārānakadundubhiḥ | gatvā tu gokulaṃ śaurirniśīthe nirjane pathi
and by the power of Yogamāyā Ānakadundubhi crossed over. Śauri, going to Gokula at midnight along a deserted road,
AI translation rendered from the Sanskrit, not a published edition
DB 4 23.32
नन्दद्वारे स्थितः पश्यन्विभूतिं पशुसंज्ञिताम् । तदैव तत्र सञ्जाता यशोदा गर्भसम्भवा
nandadvāre sthitaḥ paśyanvibhūtiṃ paśusaṃjñitām | tadaiva tatra sañjātā yaśodā garbhasambhavā
stood at Nanda's door, gazing at the wealth that consisted of cattle. At that very moment Yaśodā there gave birth from her womb
AI translation rendered from the Sanskrit, not a published edition
DB 4 23.33
योगमायांशजा देवी त्रिगुणा दिव्यरूपिणी । जातां तां बालिकां दिव्यां गृहीत्वा करपङ्कजे
yogamāyāṃśajā devī triguṇā divyarūpiṇī | jātāṃ tāṃ bālikāṃ divyāṃ gṛhītvā karapaṅkaje
to a goddess born of a portion of Yogamāyā, made of the three guṇas, of divine form. Taking up that divine girl who had been born in her lotus-hand,
AI translation rendered from the Sanskrit, not a published edition
DB 4 23.34
तत्रागत्य ददौ देवी सैरन्ध्रीरूपधारिणी । वसुदेवः सुतं दत्त्वा सैरन्ध्रीकरपङ्कजे
tatrāgatya dadau devī sairandhrīrūpadhāriṇī | vasudevaḥ sutaṃ dattvā sairandhrīkarapaṅkaje
the goddess, assuming the form of a maidservant, came there and gave (her). Vasudeva, having placed his son in the lotus-hand of the maidservant,
AI translation rendered from the Sanskrit, not a published edition
DB 4 23.35
तामादाय ययौ शीघ्रं बालिकां मुदिताशयः । कारागारे ततो गत्वा देवक्याः शयने सुताम्
tāmādāya yayau śīghraṃ bālikāṃ muditāśayaḥ | kārāgāre tato gatvā devakyāḥ śayane sutām
took the girl and went off swiftly, glad at heart. Then, going to the prison, (he placed) the daughter on Devakī's bed,
AI translation rendered from the Sanskrit, not a published edition
DB 4 23.36
निःक्षिप्य संस्थितः पार्श्वे चिन्ताविष्टो भयातुरः । रुरोद सुस्वरं कन्या तदैवागतसंज्ञकाः
niḥkṣipya saṃsthitaḥ pārśve cintāviṣṭo bhayāturaḥ | ruroda susvaraṃ kanyā tadaivāgatasaṃjñakāḥ
and having set (her) down he stayed at her side, filled with worry and stricken with fear. The girl cried out loudly, and at once those named (the guards) came to,
AI translation rendered from the Sanskrit, not a published edition — the model flagged this verse as uncertain
DB 4 23.37
उत्तस्थुः सेवका राज्ञः श्रुत्वा तद्रुदितं निशि । तमूचुर्भूपतिं गत्वा त्वरितास्तेऽतिविह्वलाः
uttasthuḥ sevakā rājñaḥ śrutvā tadruditaṃ niśi | tamūcurbhūpatiṃ gatvā tvaritāste'tivihvalāḥ
The king's servants got up, having heard that weeping in the night; and greatly agitated they went and hastily said to the king:
AI translation rendered from the Sanskrit, not a published edition
DB 4 23.38
देवक्याश्च सुतो जातः शीघ्रमेहि महामते । तदाकर्ण्य वचस्तेषां शीघ्रं भोजपतिर्ययौ
devakyāśca suto jātaḥ śīghramehi mahāmate | tadākarṇya vacasteṣāṃ śīghraṃ bhojapatiryayau
"A son has been born to Devakī — come quickly, O great-minded one!" Hearing that speech of theirs, the lord of the Bhojas went swiftly.
AI translation rendered from the Sanskrit, not a published edition
DB 4 23.39
प्रावृतं द्वारमालोक्य वसुदेवमथाह्वयत् । कंस उवाच सुतमानय देवक्या वसुदेव महामते
prāvṛtaṃ dvāramālokya vasudevamathāhvayat | kaṃsa uvāca sutamānaya devakyā vasudeva mahāmate
Seeing the door shut, he then called Vasudeva. Kaṃsa said: "Bring the son of Devakī, O great-minded Vasudeva!"
AI translation rendered from the Sanskrit, not a published edition
DB 4 23.40
मृत्युर्मे चाष्टमो गर्भस्तन्निहन्मि रिपुं हरिम् । व्यास उवाच श्रुत्वा कंसवचः शौरिर्भयत्रस्तविलोचनः
mṛtyurme cāṣṭamo garbhastannihanmi ripuṃ harim | vyāsa uvāca śrutvā kaṃsavacaḥ śaurirbhayatrastavilocanaḥ
"The eighth conception is my death; therefore I shall kill that enemy, Hari." Vyāsa said: Hearing Kaṃsa's words, the Śauri (Vasudeva), his eyes trembling with fear,
AI translation rendered from the Sanskrit, not a published edition
DB 4 23.41
तामादाय सुतां पाणौ ददौ चाशु रुदन्निव । दृष्ट्वाथ दारिकां राजा विस्मयं परमं गतः
tāmādāya sutāṃ pāṇau dadau cāśu rudanniva | dṛṣṭvātha dārikāṃ rājā vismayaṃ paramaṃ gataḥ
took that daughter in his hand and quickly handed her over, as if weeping. Then, seeing the little girl, the king fell into the utmost astonishment.
AI translation rendered from the Sanskrit, not a published edition
DB 4 23.42
देववाणी वृथा जाता नारदस्य च भाषितम् । वसुदेवः कथं कुर्यादनृतं सङ्कटे स्थितः
devavāṇī vṛthā jātā nāradasya ca bhāṣitam | vasudevaḥ kathaṃ kuryādanṛtaṃ saṅkaṭe sthitaḥ
"The divine voice has come to nothing, and Nārada's speech too. How could Vasudeva speak an untruth, placed in such a strait?
AI translation rendered from the Sanskrit, not a published edition
DB 4 23.43
रक्षपालाश्च मे सर्वे सावधाना न संशयः । कुतोऽत्र कन्यका कामं क्व गतः स सुतः किल
rakṣapālāśca me sarve sāvadhānā na saṃśayaḥ | kuto'tra kanyakā kāmaṃ kva gataḥ sa sutaḥ kila
And all my guards are vigilant, no doubt of it. Whence a girl here, if you please — and where has that son gone, indeed?
AI translation rendered from the Sanskrit, not a published edition
DB 4 23.44
सन्देहोऽत्र न कर्तव्यः कालस्य विषमा गतिः । इति सञ्चिन्त्य तां बालां गृहीत्वा पादयोः खलः
sandeho'tra na kartavyaḥ kālasya viṣamā gatiḥ | iti sañcintya tāṃ bālāṃ gṛhītvā pādayoḥ khalaḥ
No doubt should be entertained in this matter; the course of time is uneven." Thinking thus, the villain took that child by the two feet
AI translation rendered from the Sanskrit, not a published edition
DB 4 23.45
पोथयामास पाषाणे निर्घृणः कुलपांसनः । सा करान्निःसृता बाला ययावाकाशमण्डलम्
pothayāmāsa pāṣāṇe nirghṛṇaḥ kulapāṃsanaḥ | sā karānniḥsṛtā bālā yayāvākāśamaṇḍalam
and dashed her on a stone, pitiless, a disgrace to his lineage. But that girl slipped from his hand and went to the circle of the sky,
AI translation rendered from the Sanskrit, not a published edition
DB 4 23.46
दिव्यरूपा तदा भूत्वा तमुवाच मृदुस्वना । किं मया हतया पाप जातस्ते बलवान् रिपुः
divyarūpā tadā bhūtvā tamuvāca mṛdusvanā | kiṃ mayā hatayā pāpa jātaste balavān ripuḥ
and then, having become of divine form, she said to him with a soft voice: "What have you gained by killing me, sinner? Your mighty enemy is born.
AI translation rendered from the Sanskrit, not a published edition
DB 4 23.47
हनिष्यति दुराराध्यः सर्वथा त्वां नराधमम् । इत्युक्त्वा सा गता कन्या गगनं कामगा शिवा
haniṣyati durārādhyaḥ sarvathā tvāṃ narādhamam | ityuktvā sā gatā kanyā gaganaṃ kāmagā śivā
Hard to propitiate, he will surely slay you, lowest of men." Having said this, that maiden, going where she wished, the auspicious one, went to the sky.
AI translation rendered from the Sanskrit, not a published edition
DB 4 23.48
कंसस्तु विस्मयाविष्टो गतो निजगृहं तदा । आनाय्य दानवान्सर्वानिदं वचनमब्रवीत्
kaṃsastu vismayāviṣṭo gato nijagṛhaṃ tadā | ānāyya dānavānsarvānidaṃ vacanamabravīt
But Kaṃsa, filled with amazement, then went to his own house; and having summoned all the Dānavas, he spoke this word,
AI translation rendered from the Sanskrit, not a published edition
DB 4 23.49
बकधेनुकवत्सादीन्क्रोधाविष्टो भयातुरः । गच्छन्तु दानवाः सर्वे मम कार्यार्थसिद्धये
bakadhenukavatsādīnkrodhāviṣṭo bhayāturaḥ | gacchantu dānavāḥ sarve mama kāryārthasiddhaye
(summoning) Baka, Dhenuka, Vatsa and the rest — filled with anger, sick with fear: "Let all the Dānavas go, for the accomplishment of my purpose.
AI translation rendered from the Sanskrit, not a published edition
DB 4 23.50
जातमात्राश्च हन्तव्या बालका यत्र कुत्रचित् । पूतनैषा व्रजत्वद्य बालघ्नी नन्दगोकुलम्
jātamātrāśca hantavyā bālakā yatra kutracit | pūtanaiṣā vrajatvadya bālaghnī nandagokulam
And the boys just born are to be slain, wherever they may be. Let this Pūtanā, the child-killer, go today to Nanda's cowherd station,
AI translation rendered from the Sanskrit, not a published edition
DB 4 23.51
जातमात्रान्विनिघ्नन्ती शिशूंस्तत्र ममाज्ञया । धेनुको वत्सकः केशी प्रलम्बो बक एव च
jātamātrānvinighnantī śiśūṃstatra mamājñayā | dhenuko vatsakaḥ keśī pralambo baka eva ca
slaying there the newborn infants by my command. Dhenuka, Vatsaka, Keśī, Pralamba and Baka too —
AI translation rendered from the Sanskrit, not a published edition
DB 4 23.52
सर्वे तिष्ठन्तु तत्रैव मम कार्यचिकीर्षया । इत्याज्ञाप्यासुरान्कंसो ययौ निजगृहं खलः
sarve tiṣṭhantu tatraiva mama kāryacikīrṣayā | ityājñāpyāsurānkaṃso yayau nijagṛhaṃ khalaḥ
let them all stay right there, out of a wish to do my work." Having thus commanded the Asuras, the villain Kaṃsa went to his own house,
AI translation rendered from the Sanskrit, not a published edition
DB 4 23.53
चिन्ताविष्टोऽतिदीनात्मा चिन्तयित्वैव तं पुनः
cintāviṣṭo'tidīnātmā cintayitvaiva taṃ punaḥ
filled with anxiety, most wretched in mind, thinking again and again of him.
AI translation rendered from the Sanskrit, not a published edition