Devi Bhagavata Purana — Skandha 2 — Chapter 12
DB 2 12.1
श्रोतृप्रवक्तृप्रसङ्गः सूत उवाच तच्छ्रुत्वा वचनं तस्य व्यासः सत्यवतीसुतः । उवाच वचनं तत्र सभायां नृपतिं च तम्
śrotṛpravaktṛprasaṅgaḥ sūta uvāca tacchrutvā vacanaṃ tasya vyāsaḥ satyavatīsutaḥ | uvāca vacanaṃ tatra sabhāyāṃ nṛpatiṃ ca tam
(The occasion of hearer and speaker.) The Sūta said: Hearing that speech of his, Vyāsa, the son of Satyavatī, spoke these words there in the assembly, and to that king:
AI translation rendered from the Sanskrit, not a published edition
DB 2 12.2
व्यास उवाच शृणु राजन् प्रवक्ष्यामि पुराणं गुह्यमद्भुतम् । पुण्यं भागवतं नाम नानाख्यानयुतं शिवम्
vyāsa uvāca śṛṇu rājan pravakṣyāmi purāṇaṃ guhyamadbhutam | puṇyaṃ bhāgavataṃ nāma nānākhyānayutaṃ śivam
Vyāsa said: Listen, O king; I shall declare the secret, wondrous Purāṇa, the meritorious one named Bhāgavata, joined with many tales, auspicious,
AI translation rendered from the Sanskrit, not a published edition
DB 2 12.3
अध्यापितं मया पूर्वं शुकायात्मसुताय वै । श्रावयामि नृप त्वां हि रहस्यं परमं मम
adhyāpitaṃ mayā pūrvaṃ śukāyātmasutāya vai | śrāvayāmi nṛpa tvāṃ hi rahasyaṃ paramaṃ mama
which was formerly taught by me to Śuka, my own son. I shall have you hear it, O king — it is my supreme secret,
AI translation rendered from the Sanskrit, not a published edition
DB 2 12.4
धर्मार्थकाममोक्षाणां कारणं श्रवणात्किल । शुभद सुखदं नित्यं सर्वागमसमुद्धृतम्
dharmārthakāmamokṣāṇāṃ kāraṇaṃ śravaṇātkila | śubhada sukhadaṃ nityaṃ sarvāgamasamuddhṛtam
the cause of dharma, wealth, pleasure and liberation, indeed by the mere hearing (of it); giving good fortune, giving happiness ever, drawn out from all the scriptures.
AI translation rendered from the Sanskrit, not a published edition
DB 2 12.5
जनमेजय उवाच आस्तीकोऽयं सुतः कस्य विघ्नार्थं कथमागतः । प्रयोजनं किमत्रास्य सर्पाणां रक्षणे प्रभो
janamejaya uvāca āstīko'yaṃ sutaḥ kasya vighnārthaṃ kathamāgataḥ | prayojanaṃ kimatrāsya sarpāṇāṃ rakṣaṇe prabho
Janamejaya said: Whose son is this Āstīka? How did he come to obstruct (the rite)? What purpose had he here in protecting the serpents, O lord?
AI translation rendered from the Sanskrit, not a published edition
DB 2 12.6
कथयैतन्महाभाग विस्तरेण कथानकम् । पुराणं च तथा सर्वं विस्तराद्वद सुव्रत
kathayaitanmahābhāga vistareṇa kathānakam | purāṇaṃ ca tathā sarvaṃ vistarādvada suvrata
Relate this little story in detail, O greatly fortunate one, and likewise (relate) the whole Purāṇa at length, O you of good vows.
AI translation rendered from the Sanskrit, not a published edition
DB 2 12.7
व्यास उवाच जरत्कारुर्मुनिः शान्तो न चकार गृहाश्रमम् । तेन दृष्टा वने गर्ते लम्बमाना स्वपूर्वजाः
vyāsa uvāca jaratkārurmuniḥ śānto na cakāra gṛhāśramam | tena dṛṣṭā vane garte lambamānā svapūrvajāḥ
Vyāsa said: The sage Jaratkāru, being tranquil, did not undertake the householder's stage; by him were seen in the forest his own ancestors hanging in a pit.
AI translation rendered from the Sanskrit, not a published edition
DB 2 12.8
ततस्तमाहुः कुरु पुत्र दारा- न्यथा च नः स्यात्परमा हि तृप्तिः । स्वर्गे व्रजामः खलु दुःखमुक्ता वयं सदाचारयुते सुते वै
tatastamāhuḥ kuru putra dārā- nyathā ca naḥ syātparamā hi tṛptiḥ | svarge vrajāmaḥ khalu duḥkhamuktā vayaṃ sadācārayute sute vai
Then they said to him: "Take a wife, son, so that there may be supreme satisfaction for us; freed from suffering we shall surely go to heaven, when there is a son endowed with good conduct."
AI translation rendered from the Sanskrit, not a published edition
DB 2 12.9
स तानुवाचाथ लभे समाना- मयाचितां चातिवशानुगां च । तदा गृहारम्भमहं करोमि ब्रवीमि तथ्यं मम पूर्वजा वै
sa tānuvācātha labhe samānā- mayācitāṃ cātivaśānugāṃ ca | tadā gṛhārambhamahaṃ karomi bravīmi tathyaṃ mama pūrvajā vai
Then he said to them: "If I obtain one of like kind, unasked-for, and very obedient (to me), then I shall undertake a household. I speak the truth, O my ancestors."
AI translation rendered from the Sanskrit, not a published edition
DB 2 12.10
इत्युक्त्वा ताञ्जरत्कारुर्गतस्तीर्थान्प्रति द्विजः । तदैव पन्नगाः शप्ता मात्राग्नौ निपतन्त्विति
ityuktvā tāñjaratkārurgatastīrthānprati dvijaḥ | tadaiva pannagāḥ śaptā mātrāgnau nipatantviti
Having said this to them, the brahmin Jaratkāru went off toward the sacred fords; and at that very time the serpents were cursed by their mother: "May they fall into the fire!"
AI translation rendered from the Sanskrit, not a published edition
DB 2 12.11
कश्यपस्य मुनेः पत्न्यौ कद्रूश्च विनता तथा । दृष्ट्वादित्यरथे चाश्वमूचतुश्च परस्परम्
kaśyapasya muneḥ patnyau kadrūśca vinatā tathā | dṛṣṭvādityarathe cāśvamūcatuśca parasparam
The two wives of the sage Kaśyapa, Kadrū and Vinatā, seeing the horse on the Sun's chariot, spoke to each other.
AI translation rendered from the Sanskrit, not a published edition
DB 2 12.12
तं दृष्ट्वा च तदा कद्रूर्विनतामिदमब्रवीत् । किंवर्णोऽयं हयो भद्रे सत्यं प्रब्रूहि माचिरम् द्वितीयस्कन्धे श्रोतृप्रवक्तृप्रसङ्गो नाम द्वादशोऽध्यायः
taṃ dṛṣṭvā ca tadā kadrūrvinatāmidamabravīt | kiṃvarṇo'yaṃ hayo bhadre satyaṃ prabrūhi māciram dvitīyaskandhe śrotṛpravaktṛprasaṅgo nāma dvādaśo'dhyāyaḥ
And then, having seen it, Kadrū said this to Vinatā: "Of what colour is this horse, good lady? Tell the truth, without delay." (End of the twelfth chapter, named "The Occasion of Hearer and Speaker," in the second book.)
AI translation rendered from the Sanskrit, not a published edition
DB 2 12.13
विनतोवाच श्वेत एवाश्वराजोऽयं किं वा त्वं मन्यसे शुभे । ब्रूहि वर्णं त्वमप्यस्य ततस्तु विपणावहे
vinatovāca śveta evāśvarājo'yaṃ kiṃ vā tvaṃ manyase śubhe | brūhi varṇaṃ tvamapyasya tatastu vipaṇāvahe
Vinatā said: "This king of horses is white indeed; or what do you think, O lovely one? You too state its colour, and then let us make a wager."
AI translation rendered from the Sanskrit, not a published edition
DB 2 12.14
कद्रुरुवाच कृष्णवर्णमहं मन्ये हयमेनं शुचिस्मिते । एहि सार्धं मया दिव्यं दासीभावाय भामिनि
kadruruvāca kṛṣṇavarṇamahaṃ manye hayamenaṃ śucismite | ehi sārdhaṃ mayā divyaṃ dāsībhāvāya bhāmini
Kadrū said: "I think this horse is black in colour, O bright-smiling one. Come, (wager) with me a divine (stake), to become a slave, O passionate lady."
AI translation rendered from the Sanskrit, not a published edition
DB 2 12.15
सूत उवाच कद्रूश्च स्वसुतानाह सर्वान्सर्पान्वशे स्थितान् । बालाञ्छ्यामान्प्रकुर्वन्तु यावतोऽश्वशरीरके
sūta uvāca kadrūśca svasutānāha sarvānsarpānvaśe sthitān | bālāñchyāmānprakurvantu yāvato'śvaśarīrake
The Sūta said: And Kadrū said to all her own sons, the serpents who were under her control: "Let them, as many as there are, make (their) hairs black upon the horse's body."
AI translation rendered from the Sanskrit, not a published edition — the model flagged this verse as uncertain
DB 2 12.16
नेति केचन तत्राहुस्तानथासौ शशाप ह । जनमेजयस्य यज्ञे वै गमिष्यथ हुताशनम्
neti kecana tatrāhustānathāsau śaśāpa ha | janamejayasya yajñe vai gamiṣyatha hutāśanam
Some of them there said "No"; and then she cursed them: "You shall go into the fire at Janamejaya's sacrifice."
AI translation rendered from the Sanskrit, not a published edition
DB 2 12.17
अन्ये चक्रुर्हयं सर्पाः कर्बुरं वर्णभोगकैः । वेष्टयित्वास्य पुच्छं तु मातुः प्रियचिकीर्षया
anye cakrurhayaṃ sarpāḥ karburaṃ varṇabhogakaiḥ | veṣṭayitvāsya pucchaṃ tu mātuḥ priyacikīrṣayā
Other serpents made the horse dappled with their coloured hoods, wrapping themselves about its tail, wishing to do what would please their mother.
AI translation rendered from the Sanskrit, not a published edition
DB 2 12.18
भगिन्यौ च सुसंयुक्ते गत्वा ददृशतुर्हयम् । कर्बुरं तं हयं दृष्ट्वा विनता चातिदुःखिता
bhaginyau ca susaṃyukte gatvā dadṛśaturhayam | karburaṃ taṃ hayaṃ dṛṣṭvā vinatā cātiduḥkhitā
And the two sisters, closely joined together, went and looked at the horse; seeing that horse dappled, Vinatā was exceedingly grieved.
AI translation rendered from the Sanskrit, not a published edition
DB 2 12.19
तदाजगाम गरुडः सुतस्तस्या महाबलः । स दृष्ट्वा मातरं दीनामपृच्छत्पन्नगाशनः
tadājagāma garuḍaḥ sutastasyā mahābalaḥ | sa dṛṣṭvā mātaraṃ dīnāmapṛcchatpannagāśanaḥ
Then Garuḍa, her son of great strength, arrived; seeing his mother wretched, the eater of serpents asked (her):
AI translation rendered from the Sanskrit, not a published edition
DB 2 12.20
मातः कथं सुदीनासि रुदितेव विभासि मे । जीवमाने मयि सुते तथान्ये रविसारथौ
mātaḥ kathaṃ sudīnāsi ruditeva vibhāsi me | jīvamāne mayi sute tathānye ravisārathau
"Mother, why are you so wretched? You appear to me as if you had been weeping—while I, your son, am alive, and the other (son) is the sun's charioteer.
AI translation rendered from the Sanskrit, not a published edition
DB 2 12.21
दुःखितासि ततो वां धिग्जीवितं चारुलोचने । किं जातेन सुतेनाथ यदि माता सुदुःखिता
duḥkhitāsi tato vāṃ dhigjīvitaṃ cārulocane | kiṃ jātena sutenātha yadi mātā suduḥkhitā
You are grieved: shame, then, on the life of us two, O lovely-eyed one! What is the use of a son being born, if the mother is deeply grieved?
AI translation rendered from the Sanskrit, not a published edition
DB 2 12.22
शंस मे कारणं मातः करोमि विगतज्वराम् । विनतोवाच सपत्न्या दास्यहं पुत्र किं ब्रवीमि वृथा क्षता
śaṃsa me kāraṇaṃ mātaḥ karomi vigatajvarām | vinatovāca sapatnyā dāsyahaṃ putra kiṃ bravīmi vṛthā kṣatā
Tell me the reason, mother; I will rid you of your distress." Vinatā said: "I am my rival's slave, son. What shall I say? I am wounded to no purpose.
AI translation rendered from the Sanskrit, not a published edition
DB 2 12.23
वह मां सा ब्रवीत्यद्य तेनास्मि दुःखिता सुत । गरुड उवाच वहिष्येऽहं तत्र किल यत्र सा गन्तुमुत्सुका
vaha māṃ sā bravītyadya tenāsmi duḥkhitā suta | garuḍa uvāca vahiṣye'haṃ tatra kila yatra sā gantumutsukā
'Carry me,' she now says; by that I am grieved, son." Garuḍa said: "I will indeed carry her there, wherever she is eager to go.
AI translation rendered from the Sanskrit, not a published edition
DB 2 12.24
मा शोकं कुरु कल्याणि निश्चिन्तां त्वां करोम्यहम् । व्यास उवाच इत्युक्ता सा गता पार्श्वं कद्रोश्च विनता तदा
mā śokaṃ kuru kalyāṇi niścintāṃ tvāṃ karomyaham | vyāsa uvāca ityuktā sā gatā pārśvaṃ kadrośca vinatā tadā
Do not grieve, good lady; I will make you free of care." Vyāsa said: Thus addressed, Vinatā then went to Kadrū's side.
AI translation rendered from the Sanskrit, not a published edition
DB 2 12.25
दासीभावमपाकर्तुं गरुडोऽपि महाबलः । उवाह तां सपुत्रां वै सिन्धोः पारं जगाम ह
dāsībhāvamapākartuṃ garuḍo'pi mahābalaḥ | uvāha tāṃ saputrāṃ vai sindhoḥ pāraṃ jagāma ha
And Garuḍa too, of great strength, in order to remove the state of slavery, carried her together with her sons and went to the far shore of the sea.
AI translation rendered from the Sanskrit, not a published edition
DB 2 12.26
गत्वा तां गरुडः प्राह ब्रूहि मातर्नमोऽस्तु ते । कथं मुच्येत मे माता दासीभावादसंशयम्
gatvā tāṃ garuḍaḥ prāha brūhi mātarnamo'stu te | kathaṃ mucyeta me mātā dāsībhāvādasaṃśayam
Having gone (there), Garuḍa said to her: "Speak, mother—salutation to you! How may my mother be released from slavery for certain?"
AI translation rendered from the Sanskrit, not a published edition
DB 2 12.27
कद्रूरुवाच अमृतं देवलोकात्त्वं बलादानीय मे सुतान् । समर्पय सुताद्याशु मातरं मोचयाबलाम्
kadrūruvāca amṛtaṃ devalokāttvaṃ balādānīya me sutān | samarpaya sutādyāśu mātaraṃ mocayābalām
Kadrū said: "Bring the nectar by force from the world of the gods and hand it over to my sons, O son; quickly release your mother, the helpless woman."
AI translation rendered from the Sanskrit, not a published edition
DB 2 12.28
व्यास उवाच इत्युक्तः प्रययौ शीघ्रमिन्द्रलोकं महाबलः । कृत्वा युद्धं जहाराशु सुधाकुम्भं खगोत्तमः
vyāsa uvāca ityuktaḥ prayayau śīghramindralokaṃ mahābalaḥ | kṛtvā yuddhaṃ jahārāśu sudhākumbhaṃ khagottamaḥ
Vyāsa said: Thus addressed, the mighty one went swiftly to Indra's world; that best of birds gave battle and quickly carried off the jar of nectar.
AI translation rendered from the Sanskrit, not a published edition
DB 2 12.29
समानीयामृतं मात्रे वैनतेयः समर्पयत् । मोचिता विनता तेन दासीभावादसंशयम्
samānīyāmṛtaṃ mātre vainateyaḥ samarpayat | mocitā vinatā tena dāsībhāvādasaṃśayam
Having brought the nectar, the son of Vinatā handed it over for his mother's sake; by that Vinatā was certainly released from slavery.
AI translation rendered from the Sanskrit, not a published edition
DB 2 12.30
अमृतं सञ्जहारेन्द्रः स्नातुं सर्पा यदा गताः । दासीभावाद्विनिर्मुक्ता विनता विपतेर्बलात्
amṛtaṃ sañjahārendraḥ snātuṃ sarpā yadā gatāḥ | dāsībhāvādvinirmuktā vinatā vipaterbalāt
Indra carried the nectar away when the serpents had gone to bathe; and Vinatā was freed from slavery by the strength of the lord of birds.
AI translation rendered from the Sanskrit, not a published edition
DB 2 12.31
तत्रास्तीर्णाः कुशास्तैस्तु लीढाः पन्नगनामकैः । द्विजिह्वास्ते सुसम्पन्नाः कुशाग्रस्पर्शमात्रतः
tatrāstīrṇāḥ kuśāstaistu līḍhāḥ pannaganāmakaiḥ | dvijihvāste susampannāḥ kuśāgrasparśamātrataḥ
The kuśa grasses spread out there were licked by those called serpents; and they came to be well provided with two tongues, merely from touching the tips of the kuśa.
AI translation rendered from the Sanskrit, not a published edition
DB 2 12.32
मात्रा शप्ताश्च ये नागा वासुकिप्रमुखाः शुचा । ब्रह्माणं शरणं गत्वा ते होचुः शापजं भयम्
mātrā śaptāśca ye nāgā vāsukipramukhāḥ śucā | brahmāṇaṃ śaraṇaṃ gatvā te hocuḥ śāpajaṃ bhayam
And the nāgas headed by Vāsuki, who had been cursed by their mother, in grief went to Brahmā for refuge and told (him) of the danger arising from the curse.
AI translation rendered from the Sanskrit, not a published edition
DB 2 12.33
तानाह भगवान्ब्रह्मा जरत्कारुर्महामुनिः । वासुकेर्भगिनीं तस्मै अर्पयध्वं सनामिकाम्
tānāha bhagavānbrahmā jaratkārurmahāmuniḥ | vāsukerbhaginīṃ tasmai arpayadhvaṃ sanāmikām
To them the Lord Brahmā said: "Jaratkāru is a great sage; give to him Vāsuki's sister, who bears the same name (as he)."
AI translation rendered from the Sanskrit, not a published edition
DB 2 12.34
तस्यां यो जायते पुत्रः स वस्त्राता भविष्यति । आस्तीक इति नामासौ भविता नात्र संशयः
tasyāṃ yo jāyate putraḥ sa vastrātā bhaviṣyati | āstīka iti nāmāsau bhavitā nātra saṃśayaḥ
"The son who is born of her will be your protector; he will be named Āstīka—of this there is no doubt."
AI translation rendered from the Sanskrit, not a published edition
DB 2 12.35
वासुकिस्तु तदाकर्ण्य वचनं ब्रह्मणः शिवम् । वनं गत्वा सुतां तस्मै ददौ विनयपूर्वकम्
vāsukistu tadākarṇya vacanaṃ brahmaṇaḥ śivam | vanaṃ gatvā sutāṃ tasmai dadau vinayapūrvakam
But Vāsuki, having heard that auspicious speech of Brahmā, went to the forest and respectfully gave the girl to him.
AI translation rendered from the Sanskrit, not a published edition
DB 2 12.36
सनामां तां मुनिर्ज्ञात्वा जरत्कारुरुवाच तम् । अप्रियं मे यदा कुर्यात्तदा तां सन्त्यजाम्यहम्
sanāmāṃ tāṃ munirjñātvā jaratkāruruvāca tam | apriyaṃ me yadā kuryāttadā tāṃ santyajāmyaham
The sage Jaratkāru, learning that she bore the same name (as himself), said to him: "Whenever she does what is displeasing to me, then I shall abandon her."
AI translation rendered from the Sanskrit, not a published edition
DB 2 12.37
वाग्बन्धं तादृशं कृत्वा मुनिर्जग्राह तां स्वयम् । दत्त्वा च वासुकिः कामं भवनं स्वं जगाम ह
vāgbandhaṃ tādṛśaṃ kṛtvā munirjagrāha tāṃ svayam | dattvā ca vāsukiḥ kāmaṃ bhavanaṃ svaṃ jagāma ha
Having made such a verbal agreement, the sage himself took her; and Vāsuki, having given her willingly, went to his own dwelling.
AI translation rendered from the Sanskrit, not a published edition
DB 2 12.38
कृत्वा पर्णकुटीं शुभ्रां जरत्कारुर्महावने । तया सह सुखं प्राप रममाणः परन्तप
kṛtvā parṇakuṭīṃ śubhrāṃ jaratkārurmahāvane | tayā saha sukhaṃ prāpa ramamāṇaḥ parantapa
Having built a bright hut of leaves in the great forest, Jaratkāru attained happiness with her, taking his pleasure, O scorcher of foes.
AI translation rendered from the Sanskrit, not a published edition
DB 2 12.39
एकदा भोजनं कृत्वा सुप्तोऽसौ मुनिसत्तमः । भगिनी वासुकेस्तत्र संस्थिता वरवर्णिनी
ekadā bhojanaṃ kṛtvā supto'sau munisattamaḥ | bhaginī vāsukestatra saṃsthitā varavarṇinī
Once, having eaten, that best of sages fell asleep; the sister of Vāsuki, of lovely complexion, remained there.
AI translation rendered from the Sanskrit, not a published edition
DB 2 12.40
न सम्बोधयितव्योऽहं त्वया कान्ते कथञ्चन । इत्युक्त्वा तु गतो निद्रां मुनिस्तां सुदतीं तदा
na sambodhayitavyo'haṃ tvayā kānte kathañcana | ityuktvā tu gato nidrāṃ munistāṃ sudatīṃ tadā
"I am not to be awakened by you, my dear, on any account" — having said this to her of fine teeth, the sage then went to sleep.
AI translation rendered from the Sanskrit, not a published edition
DB 2 12.41
रविरस्तगिरिं प्राप्तः सन्ध्याकाल उपस्थिते । किं करोमि न मे शान्तिस्त्यजेन्मां बोधितः पुनः
ravirastagiriṃ prāptaḥ sandhyākāla upasthite | kiṃ karomi na me śāntistyajenmāṃ bodhitaḥ punaḥ
The sun reached the mountain of setting, and when the twilight hour was at hand: "What am I to do? I have no peace. If he is awakened he may again abandon me."
AI translation rendered from the Sanskrit, not a published edition
DB 2 12.42
धर्मलोपभयाद्भीता जरत्कारुरचिन्तयत् । नोचेत्प्रबोथयाम्येनं सन्ध्याकालो वृथा व्रजेत्
dharmalopabhayādbhītā jaratkāruracintayat | nocetprabothayāmyenaṃ sandhyākālo vṛthā vrajet
Frightened by fear of a lapse in duty, Jaratkāru's wife reflected: "If not — if I awaken him — (yet otherwise) the twilight hour will pass in vain."
AI translation rendered from the Sanskrit, not a published edition — the model flagged this verse as uncertain
DB 2 12.43
धर्मनाशाद्वरं त्यागस्तथापि मरणं ध्रुवम् । धर्महानिर्नराणां हि नरकाय भवेत्पुनः
dharmanāśādvaraṃ tyāgastathāpi maraṇaṃ dhruvam | dharmahānirnarāṇāṃ hi narakāya bhavetpunaḥ
"Better abandonment than the destruction of duty, even though death be certain thereby; for the loss of duty leads men on to hell."
AI translation rendered from the Sanskrit, not a published edition
DB 2 12.44
इति सञ्चिन्त्य सा बाला तं मुनिं प्रत्यबोधयत् । सन्ध्याकालोऽपि सञ्जात उत्तिष्ठोत्तिष्ठसुव्रत
iti sañcintya sā bālā taṃ muniṃ pratyabodhayat | sandhyākālo'pi sañjāta uttiṣṭhottiṣṭhasuvrata
Having thought thus, that young woman awakened the sage: "The twilight hour has come. Arise, arise, you of good vows!"
AI translation rendered from the Sanskrit, not a published edition
DB 2 12.45
उत्थितोऽसौ मुनिः कोपात्तामुवाच व्रजाम्यहम् । त्वं तु भ्रातृगृहं याहि निद्राविच्छेदकारिणी
utthito'sau muniḥ kopāttāmuvāca vrajāmyaham | tvaṃ tu bhrātṛgṛhaṃ yāhi nidrāvicchedakāriṇī
That sage, risen, said to her in anger: "I am going. But you, breaker of sleep, go to your brother's house."
AI translation rendered from the Sanskrit, not a published edition
DB 2 12.46
वेपमानाब्रवीद्वाक्यमित्युक्ता मुनिना तदा । भ्रात्रा दत्ता यदर्थं तत्कथं स्यादमितप्रभ
vepamānābravīdvākyamityuktā muninā tadā | bhrātrā dattā yadarthaṃ tatkathaṃ syādamitaprabha
Thus addressed by the sage, trembling, she spoke these words: "The purpose for which I was given by my brother — how shall that come about, O you of measureless splendour?"
AI translation rendered from the Sanskrit, not a published edition
DB 2 12.47
मुनिः प्राह जरत्कारुं तदस्तीति निराकुलः । गता सा मुनिना त्यक्ता वासुकेः सदनं तदा
muniḥ prāha jaratkāruṃ tadastīti nirākulaḥ | gatā sā muninā tyaktā vāsukeḥ sadanaṃ tadā
The sage Jaratkāru said, untroubled, "That exists (i.e. it is there)." Then she, abandoned by the sage, went to Vāsuki's dwelling.
AI translation rendered from the Sanskrit, not a published edition
DB 2 12.48
पृष्टा भ्रात्राब्रवीद्वाक्यं यथोक्तं पतिना तदा । अस्तीत्युक्त्वा च हित्वा मां गतोऽसौ मुनिसत्तमः
pṛṣṭā bhrātrābravīdvākyaṃ yathoktaṃ patinā tadā | astītyuktvā ca hitvā māṃ gato'sau munisattamaḥ
Questioned by her brother, she then repeated the words as spoken by her husband: "Having said 'It exists', and having left me, that best of sages went away."
AI translation rendered from the Sanskrit, not a published edition
DB 2 12.49
वासुकिस्तु तदाकर्ण्य सत्यावाङ्मुनिरित्युत । विश्वासं च परं कृत्वा भगिनीं तां समाश्रयत्
vāsukistu tadākarṇya satyāvāṅmunirityuta | viśvāsaṃ ca paraṃ kṛtvā bhaginīṃ tāṃ samāśrayat
Vāsuki, hearing that, (thought) "the sage is one whose word is true"; and placing the highest trust (in it), he gave shelter to that sister of his.
AI translation rendered from the Sanskrit, not a published edition
DB 2 12.50
ततः कालेन कियता जातोऽसौ मुनिबालकः । आस्तीक इति नामासौ विख्यातः कुरुसत्तम
tataḥ kālena kiyatā jāto'sau munibālakaḥ | āstīka iti nāmāsau vikhyātaḥ kurusattama
Then after some time that sage's child was born; he became renowned by the name Āstīka, O best of the Kurus.
AI translation rendered from the Sanskrit, not a published edition
DB 2 12.51
तेनायं रक्षितो यज्ञस्तव पार्थिवसत्तम । मातृपक्षस्य रक्षार्थं मुनिना भावितात्मना
tenāyaṃ rakṣito yajñastava pārthivasattama | mātṛpakṣasya rakṣārthaṃ muninā bhāvitātmanā
By him this sacrifice of yours was stopped, O best of kings — by that sage of purified soul, for the protection of his mother's side of the family.
AI translation rendered from the Sanskrit, not a published edition
DB 2 12.52
भव्यं कृतं महाराज मानितोऽयं त्वया मुनिः । यायावरकुलोत्पनो वासुकेर्भगिनीसुतः
bhavyaṃ kṛtaṃ mahārāja mānito'yaṃ tvayā muniḥ | yāyāvarakulotpano vāsukerbhaginīsutaḥ
You have done what is fitting, great king: this sage has been honoured by you — born in the Yāyāvara line, the son of Vāsuki's sister.
AI translation rendered from the Sanskrit, not a published edition
DB 2 12.53
स्वस्ति तेऽस्तु महाबाहो भारतं सकलं श्रुतम् । दानानि बहु दत्तानि पूजिता मुनयस्तथा
svasti te'stu mahābāho bhārataṃ sakalaṃ śrutam | dānāni bahu dattāni pūjitā munayastathā
May it be well with you, mighty-armed one: the whole Bhārata has been heard, many gifts have been given, and the sages have been honoured.
AI translation rendered from the Sanskrit, not a published edition
DB 2 12.54
कृतेन सुकृतेनापि न पिता स्वर्गतिं गतः । पावितं न कुलं कृत्स्नं त्वया भूपतिसत्तम
kṛtena sukṛtenāpi na pitā svargatiṃ gataḥ | pāvitaṃ na kulaṃ kṛtsnaṃ tvayā bhūpatisattama
Yet even by the merit you have done, your father has not gone to heaven, nor has your whole lineage been purified by you, O best of kings.
AI translation rendered from the Sanskrit, not a published edition
DB 2 12.55
देव्याश्चायतनं भूप विस्तीर्णं कुरु भक्तितः । येन वै सकला सिद्धिस्तव स्याज्जनमेजय
devyāścāyatanaṃ bhūpa vistīrṇaṃ kuru bhaktitaḥ | yena vai sakalā siddhistava syājjanamejaya
Make a spacious temple for the Goddess, O king, out of devotion, by which indeed complete success will be yours, Janamejaya.
AI translation rendered from the Sanskrit, not a published edition
DB 2 12.56
पूजिता परया भक्त्या शिवा सकलदा सदा । कुलवृद्धिं करोत्येव राज्यं च सुस्थिरं सदा
pūjitā parayā bhaktyā śivā sakaladā sadā | kulavṛddhiṃ karotyeva rājyaṃ ca susthiraṃ sadā
Śivā, the giver of all things, when worshipped always with supreme devotion, surely brings about the increase of the family, and (makes) the kingdom always firmly stable.
AI translation rendered from the Sanskrit, not a published edition
DB 2 12.57
देवीमखं विधानेन कृत्वा पार्थिवसत्तम । श्रीमद्भागवतं नाम पुराणं परमं शृणु
devīmakhaṃ vidhānena kṛtvā pārthivasattama | śrīmadbhāgavataṃ nāma purāṇaṃ paramaṃ śṛṇu
Having performed the Devī's sacrifice according to the prescribed rule, O best of kings, hear the supreme Purāṇa named the Śrīmad Bhāgavata.
AI translation rendered from the Sanskrit, not a published edition
DB 2 12.58
त्वामहं श्रावयिष्यामि कथां परमपावनीम् । संसारतारिणीं दिव्यां नानारससमाहृताम्
tvāmahaṃ śrāvayiṣyāmi kathāṃ paramapāvanīm | saṃsāratāriṇīṃ divyāṃ nānārasasamāhṛtām
I shall have you hear the supremely purifying tale, divine, which carries one across the round of rebirth, gathered together out of many flavours (rasas).
AI translation rendered from the Sanskrit, not a published edition
DB 2 12.59
न श्रोतव्यं परं चास्मात्पुराणाद्विद्यते भुवि । नाराध्यं विद्यते राजन्देवीपादाम्बुजादृते
na śrotavyaṃ paraṃ cāsmātpurāṇādvidyate bhuvi | nārādhyaṃ vidyate rājandevīpādāmbujādṛte
There exists on earth nothing higher than this Purāṇa that ought to be heard, and, O king, there exists nothing to be worshipped apart from the lotus-feet of the Devī.
AI translation rendered from the Sanskrit, not a published edition
DB 2 12.60
ते सभाग्याः कृतप्रज्ञा धन्यास्ते नृपसत्तम । येषां चित्ते सदा देवी वसति प्रेमसंकुले
te sabhāgyāḥ kṛtaprajñā dhanyāste nṛpasattama | yeṣāṃ citte sadā devī vasati premasaṃkule
Fortunate are they, of ripened wisdom, and blessed are they, O best of kings, in whose heart, filled with love, the Devī always dwells.
AI translation rendered from the Sanskrit, not a published edition
DB 2 12.61
सुदुःखितास्ते दृश्यन्ते भुवि भारत भारते । नाराधिता महामाया यैर्जनैश्च सदाम्बिका
suduḥkhitāste dṛśyante bhuvi bhārata bhārate | nārādhitā mahāmāyā yairjanaiśca sadāmbikā
Those people are seen exceedingly wretched on earth, in Bharata's land, O Bhārata, by whom the great Māyā, the Mother, has not always been worshipped.
AI translation rendered from the Sanskrit, not a published edition
DB 2 12.62
ब्रह्मादयः सुराः सर्वे यदाराधनतत्पराः । वर्तन्ते सर्वदा राजंस्तां न सेवेत को जनः
brahmādayaḥ surāḥ sarve yadārādhanatatparāḥ | vartante sarvadā rājaṃstāṃ na seveta ko janaḥ
Brahmā and all the other gods are intent on worshipping her and remain so at all times, O king — who then would not serve her?
AI translation rendered from the Sanskrit, not a published edition
DB 2 12.63
य इदं शृणुयान्नित्यं सर्वान्कामानवाप्नुयात् । भगवत्या समाख्यातं विष्णवे यदनुत्तमम्
ya idaṃ śṛṇuyānnityaṃ sarvānkāmānavāpnuyāt | bhagavatyā samākhyātaṃ viṣṇave yadanuttamam
Whoever hears this constantly obtains all his desires — this unsurpassed (teaching) which was declared by the Bhagavatī to Viṣṇu.
AI translation rendered from the Sanskrit, not a published edition
DB 2 12.64
तेन श्रुतेन ते राजंश्चित्ते शान्तिर्भविष्यति । पितॄणां चाक्षयः स्वर्गः पुराणश्रवणाद्भवेत्
tena śrutena te rājaṃścitte śāntirbhaviṣyati | pitṝṇāṃ cākṣayaḥ svargaḥ purāṇaśravaṇādbhavet
By hearing that, O king, peace will come to be in your heart, and from hearing the Purāṇa there would be imperishable heaven for the ancestors.
AI translation rendered from the Sanskrit, not a published edition