Devi Bhagavata Purana — Skandha 2 — Chapter 11
DB 2 11.1
सर्पसत्रवर्णनम् सूत उवाच गतप्राणं तु राजानं बालं पुत्रं समीक्ष्य च । चक्रुश्च मन्त्रिणः सर्वे परलोकस्य सत्क्रियाः
sarpasatravarṇanam sūta uvāca gataprāṇaṃ tu rājānaṃ bālaṃ putraṃ samīkṣya ca | cakruśca mantriṇaḥ sarve paralokasya satkriyāḥ
Description of the snake sacrifice. Sūta said: Seeing the king lifeless and his son a child, all the ministers performed the rites for (his passage to) the other world.
AI translation rendered from the Sanskrit, not a published edition
DB 2 11.2
गङ्गातीरे दग्धदेहं भस्मप्रायं महीपतिम् । अगुरुभिश्चाभियुक्तायां चितायामध्यरोपयन्
gaṅgātīre dagdhadehaṃ bhasmaprāyaṃ mahīpatim | agurubhiścābhiyuktāyāṃ citāyāmadhyaropayan
On the bank of the Ganges they raised the lord of earth, his body burnt and all but ashes, upon a pyre heaped with aguru wood.
AI translation rendered from the Sanskrit, not a published edition
DB 2 11.3
दुर्मरणे मृतस्यास्य चकुश्चैवौर्ध्वदैहिकीम् । क्रियां पुरोहितास्तस्य वेदमन्त्रैर्विधानतः
durmaraṇe mṛtasyāsya cakuścaivaurdhvadaihikīm | kriyāṃ purohitāstasya vedamantrairvidhānataḥ
For him who had died an evil death the household priests performed the rites for the departed, with Vedic mantras, according to the prescribed manner.
AI translation rendered from the Sanskrit, not a published edition
DB 2 11.4
ददुर्दानानि विप्रेभ्यो गाः सुवर्णं यथोचितम् । अन्नं बहुविधं तत्र वस्त्राणि विविधानि च
dadurdānāni viprebhyo gāḥ suvarṇaṃ yathocitam | annaṃ bahuvidhaṃ tatra vastrāṇi vividhāni ca
They gave gifts to the brahmins—cows and gold, as was fitting—and there food of many kinds and garments of various sorts.
AI translation rendered from the Sanskrit, not a published edition
DB 2 11.5
सुमुहूर्ते सुतं बालं प्रजानां प्रीतिवर्धनम् । सिंहासने शुभे तत्र मन्त्रिणः संन्यवेशयन्
sumuhūrte sutaṃ bālaṃ prajānāṃ prītivardhanam | siṃhāsane śubhe tatra mantriṇaḥ saṃnyaveśayan
At an auspicious hour the ministers seated the young son, the increaser of the subjects' joy, there upon the fair lion-throne.
AI translation rendered from the Sanskrit, not a published edition
DB 2 11.6
पौरा जानपदा लोकाश्चक्रुस्तं नृपतिं शिशुम् । जनमेजयनामानं राजलक्षणसंयुतम्
paurā jānapadā lokāścakrustaṃ nṛpatiṃ śiśum | janamejayanāmānaṃ rājalakṣaṇasaṃyutam
The city-folk and the country-folk made that child their king—him who bore the marks of royalty and was named Janamejaya.
AI translation rendered from the Sanskrit, not a published edition
DB 2 11.7
धात्रेयी शिक्षयामास राजचिह्नानि सर्वशः । दिने दिने वर्धमानः स बभूव महामतिः
dhātreyī śikṣayāmāsa rājacihnāni sarvaśaḥ | dine dine vardhamānaḥ sa babhūva mahāmatiḥ
His nurse taught him the marks of kingship in every respect; growing day by day, he became of great understanding.
AI translation rendered from the Sanskrit, not a published edition
DB 2 11.8
प्राप्ते चैकादशे वर्षे तस्मै कुलपुरोहितः । यथोचितां ददौ विद्यां जग्राह स यथोचिताम्
prāpte caikādaśe varṣe tasmai kulapurohitaḥ | yathocitāṃ dadau vidyāṃ jagrāha sa yathocitām
When his eleventh year had come, the family priest gave him such learning as was fitting, and he received what was fitting.
AI translation rendered from the Sanskrit, not a published edition
DB 2 11.9
धनुर्वेदं कृपः पूर्णं ददावस्मै सुसंस्कृतम् । अर्जुनाय यथा द्रोणः कर्णाय भार्गवो यथा
dhanurvedaṃ kṛpaḥ pūrṇaṃ dadāvasmai susaṃskṛtam | arjunāya yathā droṇaḥ karṇāya bhārgavo yathā
Kṛpa gave him the science of archery, complete and well refined, as Droṇa did to Arjuna and as the Bhārgava did to Karṇa.
AI translation rendered from the Sanskrit, not a published edition
DB 2 11.10
सम्प्राप्तविद्यो बलवान्वभूव दुरतिक्रमः । धनुर्वेदे तथा वेदे पारगः परमार्थवित्
samprāptavidyo balavānvabhūva duratikramaḥ | dhanurvede tathā vede pāragaḥ paramārthavit
Having acquired learning, he became strong and hard to withstand, one who had gone to the far shore in archery and likewise in the Veda, a knower of the highest truth.
AI translation rendered from the Sanskrit, not a published edition
DB 2 11.11
धर्मशास्त्रार्थकुशलः सत्यवादी जितेन्द्रियः । चकार राज्यं धर्मात्मा पुरा धर्मसुतो यथा द्वितीयस्कन्धे सर्पसत्रवर्णनं नामैकादशोऽध्यायः
dharmaśāstrārthakuśalaḥ satyavādī jitendriyaḥ | cakāra rājyaṃ dharmātmā purā dharmasuto yathā dvitīyaskandhe sarpasatravarṇanaṃ nāmaikādaśo'dhyāyaḥ
Skilled in the meaning of the law-books, truth-speaking, his senses subdued, that righteous-souled one ruled the kingdom as the son of Dharma did of old. — In the second book, the eleventh chapter, called 'The Description of the Snake Sacrifice.'
AI translation rendered from the Sanskrit, not a published edition
DB 2 11.12
ततः सुवर्णवर्माख्यो राजा काशिपतिः किल । वपुष्टमां शुभा कन्यां ददौ पारीक्षिताय च
tataḥ suvarṇavarmākhyo rājā kāśipatiḥ kila | vapuṣṭamāṃ śubhā kanyāṃ dadau pārīkṣitāya ca
Then the king named Suvarṇavarman, lord of Kāśi, gave his beautiful daughter Vapuṣṭamā to the son of Parīkṣit.
AI translation rendered from the Sanskrit, not a published edition
DB 2 11.13
स तां प्राप्यासितापाङ्गीं मुमुदे जनमेजयः । काशिराजसुतां कान्तां प्राप्य राजा यथा पुरा
sa tāṃ prāpyāsitāpāṅgīṃ mumude janamejayaḥ | kāśirājasutāṃ kāntāṃ prāpya rājā yathā purā
Janamejaya rejoiced on obtaining her of the dark eye-corners, as a king of old rejoiced on obtaining the beloved daughter of the king of Kāśi—
AI translation rendered from the Sanskrit, not a published edition
DB 2 11.14
विचित्रवीर्यो मुमुदे सुभद्रां च यथार्जुनः । विजहार महीपालो वनेषूपवनेषु च
vicitravīryo mumude subhadrāṃ ca yathārjunaḥ | vijahāra mahīpālo vaneṣūpavaneṣu ca
—Vicitravīrya rejoiced, and as Arjuna did over Subhadrā; and the protector of the earth roamed in the forests and pleasure-groves,
AI translation rendered from the Sanskrit, not a published edition
DB 2 11.15
तया कमलपत्राक्ष्या शच्या शतक्रतुर्यथा । प्रजास्तस्य सुसन्तुष्टा बभूवुः सुखलालिताः
tayā kamalapatrākṣyā śacyā śatakraturyathā | prajāstasya susantuṣṭā babhūvuḥ sukhalālitāḥ
with her of the lotus-petal eyes, as Śatakratu with Śacī. His subjects became well content, cherished in comfort.
AI translation rendered from the Sanskrit, not a published edition
DB 2 11.16
मन्त्रिणः कर्मकुशलाश्चक्रुः कार्याणि सर्वशः । एतस्मिन्नेव काले तु मुनिरुत्तङ्कनामकः
mantriṇaḥ karmakuśalāścakruḥ kāryāṇi sarvaśaḥ | etasminneva kāle tu muniruttaṅkanāmakaḥ
The ministers, skilled in their work, carried out all business. Now at just this time a sage named Uttaṅka,
AI translation rendered from the Sanskrit, not a published edition
DB 2 11.17
तक्षकेण परिक्लिष्टो हस्तिनापुरमभ्यगात् । वैरस्यापचितिं कोऽस्य प्रकुर्यादिति चिन्तयन्
takṣakeṇa parikliṣṭo hastināpuramabhyagāt | vairasyāpacitiṃ ko'sya prakuryāditi cintayan
greatly afflicted by Takṣaka, came to Hastināpura, thinking, "Who will exact requital of this enmity?"
AI translation rendered from the Sanskrit, not a published edition
DB 2 11.18
परीक्षितसुतं मत्वा तं नृपं समुपागतः । कार्याकार्यं न जानासि समये नृपसत्तम
parīkṣitasutaṃ matvā taṃ nṛpaṃ samupāgataḥ | kāryākāryaṃ na jānāsi samaye nṛpasattama
Considering him to be Parīkṣit's son, he approached that king (and said): "You do not know, best of kings, what should and should not be done at the proper time.
AI translation rendered from the Sanskrit, not a published edition
DB 2 11.19
अकर्तव्यं करोष्यद्य कर्तव्यं न करोषि वै । किं त्वां सम्प्रार्थयाम्यद्य गतामर्षं निरुद्यमम्
akartavyaṃ karoṣyadya kartavyaṃ na karoṣi vai | kiṃ tvāṃ samprārthayāmyadya gatāmarṣaṃ nirudyamam
Today you do what ought not to be done, and what ought to be done you do not do. Why should I even make request of you today—you who are without indignation and without effort,
AI translation rendered from the Sanskrit, not a published edition
DB 2 11.20
अवैरज्ञमतन्त्रज्ञं बालचेष्टासमन्वितम् । जनमेजय उवाच किं वैरं न मया ज्ञातं न किं प्रतिकृतं मया
avairajñamatantrajñaṃ bālaceṣṭāsamanvitam | janamejaya uvāca kiṃ vairaṃ na mayā jñātaṃ na kiṃ pratikṛtaṃ mayā
who know nothing of the feud, nothing of policy, and are given over to childish behaviour?" Janamejaya said: "What feud is it that I have not known? What is it that I have not requited?
AI translation rendered from the Sanskrit, not a published edition
DB 2 11.21
तद्वद त्वं महाभाग करोमि यदनन्तरम् । उत्तङ्क उवाच पिता ते निहतो भूप तक्षकेण दुरात्मना
tadvada tvaṃ mahābhāga karomi yadanantaram | uttaṅka uvāca pitā te nihato bhūpa takṣakeṇa durātmanā
Tell it, greatly fortunate one, and I will do it forthwith." Uttaṅka said: "Your father, O king, was slain by the evil-souled Takṣaka."
AI translation rendered from the Sanskrit, not a published edition
DB 2 11.22
मन्त्रिणस्त्वं समाहूय पृच्छ स्वपितृनाशनम् । सूत उवाच तच्छ्रुत्वा वचनं राजा पप्रच्छ मन्त्रिसत्तमान्
mantriṇastvaṃ samāhūya pṛccha svapitṛnāśanam | sūta uvāca tacchrutvā vacanaṃ rājā papraccha mantrisattamān
"Summon your ministers and ask about the destruction of your own father." Suta said: Hearing that speech, the king questioned his best ministers.
AI translation rendered from the Sanskrit, not a published edition
DB 2 11.23
ऊचुस्ते द्विजशापेन दष्टः सर्पेण वै मृतः । जनमेजय उवाच शापोऽत्र कारणं राज्ञः शप्तस्य मुनिना किल
ūcuste dvijaśāpena daṣṭaḥ sarpeṇa vai mṛtaḥ | janamejaya uvāca śāpo'tra kāraṇaṃ rājñaḥ śaptasya muninā kila
They said: "Bitten by a serpent through a brahmin's curse, he died." Janamejaya said: "The curse is the cause here, since the king was cursed by a sage."
AI translation rendered from the Sanskrit, not a published edition
DB 2 11.24
तक्षकस्य तु को दोषो ब्रूहि मे मुनिसत्तम । उत्तङ्क उवाच तक्षकेण धनं दत्त्वा कश्यपः सन्निवारितः
takṣakasya tu ko doṣo brūhi me munisattama | uttaṅka uvāca takṣakeṇa dhanaṃ dattvā kaśyapaḥ sannivāritaḥ
"But what is Takshaka's offence? Tell me, best of sages." Uttanka said: "By Takshaka, Kashyapa was turned back, wealth having been given (to him)."
AI translation rendered from the Sanskrit, not a published edition
DB 2 11.25
न स किं तक्षको वैरी पितृहा तव भूपते । भार्या रुरोः पुरा भूप दष्टा सर्पेण सा मृता
na sa kiṃ takṣako vairī pitṛhā tava bhūpate | bhāryā ruroḥ purā bhūpa daṣṭā sarpeṇa sā mṛtā
"Is that Takshaka not then your enemy, the slayer of your father, O king? Formerly, O king, Ruru's wife was bitten by a snake and died.
AI translation rendered from the Sanskrit, not a published edition
DB 2 11.26
अविवाहिता तु मुनिना जीविता च पुनः प्रिया । रुरुणापि कृता तत्र प्रतिज्ञा चातिदारुणा
avivāhitā tu muninā jīvitā ca punaḥ priyā | ruruṇāpi kṛtā tatra pratijñā cātidāruṇā
But the beloved, still unmarried, was brought back to life by a sage; and there Ruru too made a most terrible vow:
AI translation rendered from the Sanskrit, not a published edition
DB 2 11.27
यं यं सर्पं प्रपश्यामि तं तं हन्म्यायुधेन वै । एवं कृत्वा प्रतिज्ञां स शस्त्रपाणी रुरुस्तदा
yaṃ yaṃ sarpaṃ prapaśyāmi taṃ taṃ hanmyāyudhena vai | evaṃ kṛtvā pratijñāṃ sa śastrapāṇī rurustadā
'Whatever snake I see, that one I kill with my weapon.' Having made this vow, Ruru then, weapon in hand,
AI translation rendered from the Sanskrit, not a published edition
DB 2 11.28
व्यचरत्पृथिवीं राजन्निघ्नन्सर्पान्यतस्ततः । एकदा स वने घोरं डुण्डुभं जरसान्वितम्
vyacaratpṛthivīṃ rājannighnansarpānyatastataḥ | ekadā sa vane ghoraṃ ḍuṇḍubhaṃ jarasānvitam
roamed the earth, O king, killing snakes here and there. Once, in a forest, a dreadful ḍuṇḍubha snake stricken with old age
AI translation rendered from the Sanskrit, not a published edition
DB 2 11.29
अपश्यद्दण्डमुद्यम्य हन्तुं तं समुपाययौ । अभ्यहन्रुषितो विप्रस्तमुवाचाथ डुण्डुभः
apaśyaddaṇḍamudyamya hantuṃ taṃ samupāyayau | abhyahanruṣito viprastamuvācātha ḍuṇḍubhaḥ
he saw, and raising his staff he came up to kill it. The enraged brahmin struck it; then the ḍuṇḍubha said to him:
AI translation rendered from the Sanskrit, not a published edition
DB 2 11.30
नापराध्नोमि ते विप्र कस्मान्मामभिहंसि वै । रुरुरुवाच प्राणप्रिया मे दयिता दष्टा सर्पेण सा मृता
nāparādhnomi te vipra kasmānmāmabhihaṃsi vai | rururuvāca prāṇapriyā me dayitā daṣṭā sarpeṇa sā mṛtā
'I do you no wrong, brahmin; why then do you strike me?' Ruru said: 'My beloved, dear as life, was bitten by a snake and died;
AI translation rendered from the Sanskrit, not a published edition
DB 2 11.31
प्रतिज्ञेयं तदा सर्प दुःखितेन मया कृता । डुण्डुभ उवाच नाहं दशामि तेऽन्ये वै ये दशन्ति भुजङ्गमाः
pratijñeyaṃ tadā sarpa duḥkhitena mayā kṛtā | ḍuṇḍubha uvāca nāhaṃ daśāmi te'nye vai ye daśanti bhujaṅgamāḥ
this vow, O snake, was then made by me in grief.' The ḍuṇḍubha said: 'I do not bite; it is other serpents who bite.
AI translation rendered from the Sanskrit, not a published edition
DB 2 11.32
शरीरसमयोगेन न मां हिंसितुमर्हसि । उत्तङ्क उवाच श्रुत्वा तां मानुषीं वाणीं सर्पेणोक्तां मनोहराम्
śarīrasamayogena na māṃ hiṃsitumarhasi | uttaṅka uvāca śrutvā tāṃ mānuṣīṃ vāṇīṃ sarpeṇoktāṃ manoharām
By mere sharing of (their) bodily form you ought not to harm me.' Uttanka said: Hearing that human, pleasing speech uttered by the snake,
AI translation rendered from the Sanskrit, not a published edition
DB 2 11.33
रुरुः पप्रच्छ कोऽसि त्वं कस्माद्डुण्डुभतां गतः । सर्प उवाच ब्राह्मणोऽहं पुरा विप्र सखा मे खगमाभिधः
ruruḥ papraccha ko'si tvaṃ kasmādḍuṇḍubhatāṃ gataḥ | sarpa uvāca brāhmaṇo'haṃ purā vipra sakhā me khagamābhidhaḥ
Ruru asked: 'Who are you? Why have you come to be a ḍuṇḍubha?' The snake said: 'Formerly I was a brahmin, O brahmin; I had a friend named Khagama,
AI translation rendered from the Sanskrit, not a published edition
DB 2 11.34
विप्रो धर्मभृतां श्रेष्ठः सत्यवादी जितेन्द्रियः । स मया वञ्जितो मौर्ख्यात्सर्पं कृत्वा च तार्णकम्
vipro dharmabhṛtāṃ śreṣṭhaḥ satyavādī jitendriyaḥ | sa mayā vañjito maurkhyātsarpaṃ kṛtvā ca tārṇakam
a brahmin, foremost of the upholders of dharma, truthful, his senses subdued. He was deceived by me out of foolishness, when I made a snake of grass
AI translation rendered from the Sanskrit, not a published edition
DB 2 11.35
भयं च प्रापितोऽत्यर्थमग्निहोत्रगृहे स्थितः । तेन भीतेन शप्तोऽहं विह्वलेनातिवेपिना
bhayaṃ ca prāpito'tyarthamagnihotragṛhe sthitaḥ | tena bhītena śapto'haṃ vihvalenātivepinā
and greatly frightened him as he sat in the fire-oblation hall. By him, frightened, distraught and trembling violently, I was cursed:
AI translation rendered from the Sanskrit, not a published edition
DB 2 11.36
भव सर्पो मन्दबुद्धे येनाहं धर्षितस्त्वया । मया प्रसादितोऽत्यर्थं सर्पेणासौ द्विजोत्तमः
bhava sarpo mandabuddhe yenāhaṃ dharṣitastvayā | mayā prasādito'tyarthaṃ sarpeṇāsau dvijottamaḥ
"Become a snake, dull-witted one, since I was assaulted by you." Then, as a snake, I earnestly propitiated that best of twice-born,
AI translation rendered from the Sanskrit, not a published edition
DB 2 11.37
मामुवाचाथ तत्क्रोधात्किञ्चिच्छान्तिमवाप्य च । रुरुस्ते मोचिता शापस्यास्य सर्प भविष्यति
māmuvācātha tatkrodhātkiñcicchāntimavāpya ca | ruruste mocitā śāpasyāsya sarpa bhaviṣyati
and having gained some calming of that anger he said to me: "Ruru shall be your release from this curse, O snake,
AI translation rendered from the Sanskrit, not a published edition
DB 2 11.38
प्रमतेस्तु सुतो नूनमिति मां सोऽब्रवीद्वचः । सोऽहं सर्पो रुरुस्त्वं च शृणु मे परमं वचः
pramatestu suto nūnamiti māṃ so'bravīdvacaḥ | so'haṃ sarpo rurustvaṃ ca śṛṇu me paramaṃ vacaḥ
he indeed the son of Pramati" — such was the word he spoke to me. I am that snake, and you are Ruru; hear my highest word.
AI translation rendered from the Sanskrit, not a published edition
DB 2 11.39
अहिंसा परमो धर्मो विप्राणां नात्र संशयः । दया सर्वत्र कर्तव्या ब्राह्मणेन विजानता
ahiṃsā paramo dharmo viprāṇāṃ nātra saṃśayaḥ | dayā sarvatra kartavyā brāhmaṇena vijānatā
Non-violence is the supreme dharma of brahmins; there is no doubt of this. Compassion must be shown everywhere by a discerning brahmin.
AI translation rendered from the Sanskrit, not a published edition
DB 2 11.40
यज्ञादन्यत्र विप्रेन्द्र न हिंसा याज्ञिको मता । सूत उवाच सर्पयोनेर्विनिर्मुक्तो बाह्मणोऽसौ रुरुस्ततः
yajñādanyatra viprendra na hiṃsā yājñiko matā | sūta uvāca sarpayonervinirmukto bāhmaṇo'sau rurustataḥ
Apart from sacrifice, O chief of brahmins, sacrificial (killing) is not held to be violence." Suta said: That brahmin, freed from the snake-birth, and Ruru thereafter,
AI translation rendered from the Sanskrit, not a published edition — the model flagged this verse as uncertain
DB 2 11.41
कृत्वा तस्य च शापान्तं परित्यक्तं च हिंसनम् । विवाहिता तेन बाला मृता सज्जीविता पुनः
kṛtvā tasya ca śāpāntaṃ parityaktaṃ ca hiṃsanam | vivāhitā tena bālā mṛtā sajjīvitā punaḥ
having brought his curse to an end, also abandoned the killing. By him the girl, who had died and been revived again, was wedded.
AI translation rendered from the Sanskrit, not a published edition
DB 2 11.42
कदनं सर्वसर्पाणां कृतं वैरमनुस्मरन् । त्वं तु वैरं समुत्सृज्य वर्तसे पन्नगेष्वथ
kadanaṃ sarvasarpāṇāṃ kṛtaṃ vairamanusmaran | tvaṃ tu vairaṃ samutsṛjya vartase pannageṣvatha
Remembering the feud, a slaughter of all serpents was carried out; but you, having let the feud go, now behave (mildly) toward the snakes.
AI translation rendered from the Sanskrit, not a published edition
DB 2 11.43
विमन्युर्भरतश्रेष्ठ पितृघातकरेषु वै । अन्तरिक्षे मृतस्तातः स्नानदानविवर्जितः
vimanyurbharataśreṣṭha pitṛghātakareṣu vai | antarikṣe mṛtastātaḥ snānadānavivarjitaḥ
You are free of anger, O best of the Bharatas, toward those who did your father's murder; your father died in mid-air, deprived of (funerary) bathing and gifts.
AI translation rendered from the Sanskrit, not a published edition
DB 2 11.44
तस्योद्धारं च राजेन्द्र कुरु हत्वाथ पन्नगान् । पितुर्वैरं न जानाति जीवन्नेव मृतो हि सः
tasyoddhāraṃ ca rājendra kuru hatvātha pannagān | piturvairaṃ na jānāti jīvanneva mṛto hi saḥ
Bring about his deliverance, O lord of kings, by killing the snakes; he who does not know his father's feud is, even while living, dead.
AI translation rendered from the Sanskrit, not a published edition
DB 2 11.45
दुर्गतिस्ते पितुस्तावद्यावत्तान्न हनिष्यसि । अम्बामखमिषं कृत्वा कुरु यज्ञं नृपोत्तम
durgatiste pitustāvadyāvattānna haniṣyasi | ambāmakhamiṣaṃ kṛtvā kuru yajñaṃ nṛpottama
Your father's wretched state (will last) just so long as you do not kill them. Making the sacrifice to Ambā the pretext, perform the sacrifice, O best of kings,
AI translation rendered from the Sanskrit, not a published edition — the model flagged this verse as uncertain
DB 2 11.46
सर्पसत्रं महाराज पितुर्वैरमनुस्मरन् । सूत उवाच इति तस्य वचः श्रुत्वा राजा जन्मेजयस्तदा
sarpasatraṃ mahārāja piturvairamanusmaran | sūta uvāca iti tasya vacaḥ śrutvā rājā janmejayastadā
the serpent-sacrifice, O great king, remembering your father's feud. Sūta said: Hearing his words, King Janamejaya then
AI translation rendered from the Sanskrit, not a published edition
DB 2 11.47
नेत्राभ्यामश्रुपातं च चकारातीव दुःखितः । धिङ्मामस्तु सुदुर्बुद्धेर्वृथा मानकरस्य वै
netrābhyāmaśrupātaṃ ca cakārātīva duḥkhitaḥ | dhiṅmāmastu sudurbuddhervṛthā mānakarasya vai
shed tears from both eyes, exceedingly grieved: "Shame on me, of very poor understanding, who bear pride in vain,
AI translation rendered from the Sanskrit, not a published edition
DB 2 11.48
पिता यस्य गतिं घोरां प्राप्तः पन्नगपीडितः । अद्याहं मखमारभ्य करोम्यपचितिं पितुः
pitā yasya gatiṃ ghorāṃ prāptaḥ pannagapīḍitaḥ | adyāhaṃ makhamārabhya karomyapacitiṃ pituḥ
whose father, tormented by a snake, attained a dreadful end. Today, beginning the sacrifice, I make requital for my father,
AI translation rendered from the Sanskrit, not a published edition
DB 2 11.49
हत्वा सर्पानसन्दिग्धो दीप्यमाने विभावसौ । आहूय मन्त्रिणः सर्वान् राजा वचनमब्रवीत्
hatvā sarpānasandigdho dīpyamāne vibhāvasau | āhūya mantriṇaḥ sarvān rājā vacanamabravīt
by killing the snakes without doubt in the blazing fire." Summoning all his ministers, the king spoke these words:
AI translation rendered from the Sanskrit, not a published edition
DB 2 11.50
कुर्वन्तु यज्ञसम्भारं यथार्हं मन्त्रिसत्तमाः । गङ्गातीरे शुभां भूमिं मापयित्वा द्विजोत्तमैः
kurvantu yajñasambhāraṃ yathārhaṃ mantrisattamāḥ | gaṅgātīre śubhāṃ bhūmiṃ māpayitvā dvijottamaiḥ
"Let them prepare the sacrificial equipment as is fitting, O best of ministers, having had auspicious ground measured out on the bank of the Ganges by the best of brahmins.
AI translation rendered from the Sanskrit, not a published edition
DB 2 11.51
कुर्वन्तु मण्डपं स्वस्थाः शतस्तम्भं मनोहरम् । वेदी यज्ञस्य कर्तव्या ममाद्य सचिवाः खलु
kurvantu maṇḍapaṃ svasthāḥ śatastambhaṃ manoharam | vedī yajñasya kartavyā mamādya sacivāḥ khalu
Let them, at their ease, make a delightful pavilion with a hundred pillars; the sacrificial altar is to be built for me today, ministers, without fail.
AI translation rendered from the Sanskrit, not a published edition
DB 2 11.52
तदङ्गत्वे विधेयो वै सर्पसत्रः सुविस्तरः । तक्षकस्तु पशुस्तत्र होतोत्तङ्को महामुनिः
tadaṅgatve vidheyo vai sarpasatraḥ suvistaraḥ | takṣakastu paśustatra hotottaṅko mahāmuniḥ
As a part of it a very extensive snake-sacrifice is to be arranged; there Takṣaka is the victim, and the great sage Uttaṅka the offerer.
AI translation rendered from the Sanskrit, not a published edition
DB 2 11.53
शीघ्रमाहूयतां विप्राः सर्वज्ञा वेदपारगाः । सूत उवाच मन्त्रिणस्तु तदा चक्रुर्भूपवाक्यैर्विचक्षणाः
śīghramāhūyatāṃ viprāḥ sarvajñā vedapāragāḥ | sūta uvāca mantriṇastu tadā cakrurbhūpavākyairvicakṣaṇāḥ
Let brahmins be summoned quickly, omniscient and masters of the Veda." Sūta said: Then the discerning ministers made, according to the king's words,
AI translation rendered from the Sanskrit, not a published edition
DB 2 11.54
यज्ञस्य सर्वसम्भारं वेदीं यज्ञस्य विस्तृताम् । हवने वर्तमाने तु सर्पाणां तक्षको गतः
yajñasya sarvasambhāraṃ vedīṃ yajñasya vistṛtām | havane vartamāne tu sarpāṇāṃ takṣako gataḥ
all the equipment of the sacrifice and the broad altar of the sacrifice. But while the offering up of the snakes was going on, Takṣaka went
AI translation rendered from the Sanskrit, not a published edition
DB 2 11.55
इन्द्रं प्रति भयार्तोऽहं त्राहि मामिति चाब्रवीत् । भयभीतं समाश्वास्य स्वासने सन्निवेश्य च
indraṃ prati bhayārto'haṃ trāhi māmiti cābravīt | bhayabhītaṃ samāśvāsya svāsane sanniveśya ca
to Indra, and said, "I am stricken with fear; save me." Having reassured the terrified one and seated him on his own seat,
AI translation rendered from the Sanskrit, not a published edition
DB 2 11.56
ददावभयमत्यर्थं निर्भयो भव पन्नग । तमिन्द्रशरणं ज्ञात्वा मुनिर्दत्ताभयं तथा
dadāvabhayamatyarthaṃ nirbhayo bhava pannaga | tamindraśaraṇaṃ jñātvā munirdattābhayaṃ tathā
(Indra) granted him safety in full measure: "Be free of fear, O serpent." Knowing him to have taken refuge with Indra and to have been granted safety thus,
AI translation rendered from the Sanskrit, not a published edition
DB 2 11.57
उत्तङ्कोऽह्वयदुद्विग्नः सेन्द्रं कृत्वा निमन्त्रणम् । स्मृतस्तदा तक्षकेण यायावरकुलोद्भवः
uttaṅko'hvayadudvignaḥ sendraṃ kṛtvā nimantraṇam | smṛtastadā takṣakeṇa yāyāvarakulodbhavaḥ
Uttaṅka, agitated, summoned him together with Indra, issuing an invitation. Then Takṣaka called to mind the one sprung from the Yāyāvara line,
AI translation rendered from the Sanskrit, not a published edition
DB 2 11.58
आस्तीको नाम धर्मात्मा जरत्कारुसुतो मुनिः । तत्रागत्य मुनेर्बालस्तुष्टाव जनमेजयम्
āstīko nāma dharmātmā jaratkārusuto muniḥ | tatrāgatya munerbālastuṣṭāva janamejayam
the sage named Āstīka, righteous of soul, the son of Jaratkāru. Coming there, the sage's boy praised Janamejaya.
AI translation rendered from the Sanskrit, not a published edition
DB 2 11.59
राजा तमर्चयामास दृष्ट्वा बालं सुपण्डितम् । अर्चयित्वा नृपस्तं तु छन्दयामास वाञ्छितैः
rājā tamarcayāmāsa dṛṣṭvā bālaṃ supaṇḍitam | arcayitvā nṛpastaṃ tu chandayāmāsa vāñchitaiḥ
The king honoured him, seeing the boy so very learned; and having honoured him, the king offered him (whatever he) wished for.
AI translation rendered from the Sanskrit, not a published edition
DB 2 11.60
स तु वव्रे महाभाग यज्ञोऽयं विरमत्विति । सत्यबद्धो नृपस्तेन प्रार्थितश्च पुनस्तथा
sa tu vavre mahābhāga yajño'yaṃ viramatviti | satyabaddho nṛpastena prārthitaśca punastathā
But he chose (this): "O greatly fortunate one, let this sacrifice cease." The king, bound by his own truthfulness and thus entreated by him again,
AI translation rendered from the Sanskrit, not a published edition
DB 2 11.61
होमं निवर्तयामास सर्पाणां मुनिवाक्यतः । भारतं श्रावयामास वैशम्पायन विस्तरात्
homaṃ nivartayāmāsa sarpāṇāṃ munivākyataḥ | bhārataṃ śrāvayāmāsa vaiśampāyana vistarāt
stopped the oblation of the snakes at the sage's word. Vaiśampāyana had the Bhārata recited (to him) at length.
AI translation rendered from the Sanskrit, not a published edition
DB 2 11.62
श्रुत्वापि नृपतिः कामं न शान्तिमभिजग्मिवान् । व्यासं पप्रच्छ भूपालो मम शान्तिः कथं भवेत्
śrutvāpi nṛpatiḥ kāmaṃ na śāntimabhijagmivān | vyāsaṃ papraccha bhūpālo mama śāntiḥ kathaṃ bhavet
Even after hearing (it), the king by no means attained peace; the ruler of the earth asked Vyāsa: "How may peace come to me?"
AI translation rendered from the Sanskrit, not a published edition
DB 2 11.63
मनोऽतिदह्यते कामं किं करोमि वदस्व मे । पिता मे दुर्भगस्यैव मृतः पार्थसुतात्मजः
mano'tidahyate kāmaṃ kiṃ karomi vadasva me | pitā me durbhagasyaiva mṛtaḥ pārthasutātmajaḥ
"My mind burns exceedingly. What am I to do? Tell me. My father, the son of Arjuna's son, died — mine, an unlucky man's (father)."
AI translation rendered from the Sanskrit, not a published edition
DB 2 11.64
क्षत्रियाणां महाभाग सङ्ग्रामे मरणं वरम् । रणे वा मरणं व्यास गृहे वा विधिपूर्वकम्
kṣatriyāṇāṃ mahābhāga saṅgrāme maraṇaṃ varam | raṇe vā maraṇaṃ vyāsa gṛhe vā vidhipūrvakam
"O greatly fortunate one, for kṣatriyas death in battle is best; either death in battle, O Vyāsa, or in the house according to the prescribed rites."
AI translation rendered from the Sanskrit, not a published edition
DB 2 11.65
मरणं न पितुर्मेऽभूदन्तरिक्षे मृतोऽवशः । शान्त्युपायं वदस्वात्र त्वं च सत्यवतीसुत
maraṇaṃ na piturme'bhūdantarikṣe mṛto'vaśaḥ | śāntyupāyaṃ vadasvātra tvaṃ ca satyavatīsuta
"My father's death was not (such); he died helpless in mid-air. Tell me here a means of appeasement, you, O son of Satyavatī,"
AI translation rendered from the Sanskrit, not a published edition
DB 2 11.66
यथा स्वर्गं व्रजेदाशु पिता मे दुर्गतिं गतः
yathā svargaṃ vrajedāśu pitā me durgatiṃ gataḥ
"—so that my father, who has gone to an evil state, may quickly go to heaven."
AI translation rendered from the Sanskrit, not a published edition