Devi Bhagavata Purana — Skandha 12 — Chapter 9
DB 12 9.1
ब्राह्मणादीनां गायत्रीभिन्नान्यदेवोपासनाश्रद्धाहेतुनिरूपणम् व्यास उवाच कदाचिदथ काले तु दशपञ्चसमा विभो । प्राणिनां कर्मवशतो न ववर्ष शतक्रतुः
brāhmaṇādīnāṃ gāyatrībhinnānyadevopāsanāśraddhāhetunirūpaṇam vyāsa uvāca kadācidatha kāle tu daśapañcasamā vibho | prāṇināṃ karmavaśato na vavarṣa śatakratuḥ
(Chapter: The setting forth of the reason for brahmins and others having faith in the worship of gods other than the Gāyatrī.) Vyāsa said: Then once upon a time, O lord, for fifteen years, by force of the karma of living beings, the Performer of a Hundred Sacrifices (Indra) did not rain.
AI translation rendered from the Sanskrit, not a published edition
DB 12 9.2
अनावृष्ट्यातिदुर्भिक्षमभवत्क्षयकारकम् । गहे गृहे शवानां तु संख्या कर्तुं न शक्यते
anāvṛṣṭyātidurbhikṣamabhavatkṣayakārakam | gahe gṛhe śavānāṃ tu saṃkhyā kartuṃ na śakyate
From the lack of rain there arose a most severe famine, bringing destruction; in house after house the corpses could not be counted.
AI translation rendered from the Sanskrit, not a published edition
DB 12 9.3
केचिदश्वान्वराहान्वा भक्षयन्ति क्षुधार्दिताः । शवानि च मनुष्याणां भक्षयन्त्यपरे जनाः
kecidaśvānvarāhānvā bhakṣayanti kṣudhārditāḥ | śavāni ca manuṣyāṇāṃ bhakṣayantyapare janāḥ
Some, tormented by hunger, ate horses or pigs; and other people ate the corpses of human beings.
AI translation rendered from the Sanskrit, not a published edition
DB 12 9.4
बालकं बालजननी स्त्रियं पुरुष एव च । भक्षितुं चलिताः सर्वे क्षुधया पीडिता नराः
bālakaṃ bālajananī striyaṃ puruṣa eva ca | bhakṣituṃ calitāḥ sarve kṣudhayā pīḍitā narāḥ
The mother of a child (moved) to eat the child, and a man his wife: all the people, afflicted by hunger, were driven (to this).
AI translation rendered from the Sanskrit, not a published edition
DB 12 9.5
ब्राह्मणा बहवस्तत्र विचारं चक्रुरुत्तमम् । तपोधनो गौतमोऽस्ति स नः खेदं हरिष्यति
brāhmaṇā bahavastatra vicāraṃ cakruruttamam | tapodhano gautamo'sti sa naḥ khedaṃ hariṣyati
Many brahmins there made an excellent deliberation: "There is Gautama, rich in austerity; he will take away our distress.
AI translation rendered from the Sanskrit, not a published edition
DB 12 9.6
सर्वैर्मिलित्वा गन्तव्यं गौतमस्याश्रमेऽधुना । गायत्रीजपसंसक्तगौतमस्याश्रमेऽधुना
sarvairmilitvā gantavyaṃ gautamasyāśrame'dhunā | gāyatrījapasaṃsaktagautamasyāśrame'dhunā
All of us together should go now to Gautama's hermitage — now, to the hermitage of Gautama who is engrossed in the muttering of the Gāyatrī.
AI translation rendered from the Sanskrit, not a published edition
DB 12 9.7
सुभिक्षं श्रूयते तत्र प्राणिनो बहवो गताः । एवं विमृश्य भूदेवाः साग्निहोत्राः कुटुम्बिनः
subhikṣaṃ śrūyate tatra prāṇino bahavo gatāḥ | evaṃ vimṛśya bhūdevāḥ sāgnihotrāḥ kuṭumbinaḥ
There, it is heard, food is plentiful; many living beings have gone (there)." Having thus reflected, those gods on earth, with their fires of oblation and their families,
AI translation rendered from the Sanskrit, not a published edition
DB 12 9.8
सगोधनाः सदासाश्च गौतमस्याश्रमं ययुः । पूर्वदेशाद्ययुः केचित्केचिद्दक्षिणदेशतः
sagodhanāḥ sadāsāśca gautamasyāśramaṃ yayuḥ | pūrvadeśādyayuḥ kecitkeciddakṣiṇadeśataḥ
with their wealth of cattle and with their servants, went to Gautama's hermitage. Some came from the eastern region, some from the southern region,
AI translation rendered from the Sanskrit, not a published edition
DB 12 9.9
पाश्चात्या औत्तराहाश्च नानादिग्भ्यः समाययुः । दृष्ट्वा समाजं विप्राणां प्रणनाम स गौतमः ब्राह्मणादीनां गायत्रीभिन्नान्यदेवोपासनाश्रद्धाहेतुनिरूपणं नाम नवमोऽध्यायः
pāścātyā auttarāhāśca nānādigbhyaḥ samāyayuḥ | dṛṣṭvā samājaṃ viprāṇāṃ praṇanāma sa gautamaḥ brāhmaṇādīnāṃ gāyatrībhinnānyadevopāsanāśraddhāhetunirūpaṇaṃ nāma navamo'dhyāyaḥ
Westerners and northerners came together from the various directions; seeing the assembly of brahmins, that Gautama bowed down. (Here ends) the ninth chapter, called "the determination of the reason for the faith of brahmins and others in the worship of gods other than Gāyatrī."
AI translation rendered from the Sanskrit, not a published edition
DB 12 9.10
आसनाद्युपचारैश्च पूजयामास वाडवान् । चकार कुशलप्रश्नं ततश्चागमकारणम्
āsanādyupacāraiśca pūjayāmāsa vāḍavān | cakāra kuśalapraśnaṃ tataścāgamakāraṇam
And with a seat and other attentions he honoured the brahmins; he asked after their welfare, and then the reason for their coming.
AI translation rendered from the Sanskrit, not a published edition
DB 12 9.11
ते सर्वे स्वस्ववृत्तान्तं कथयामासुरुत्स्मयाः । दृष्ट्वा तान्दुःखितान्विप्रानभयं दत्तवान्मुनिः
te sarve svasvavṛttāntaṃ kathayāmāsurutsmayāḥ | dṛṣṭvā tānduḥkhitānviprānabhayaṃ dattavānmuniḥ
All of them, smiling faintly, told each his own story; seeing those brahmins distressed, the sage granted them safety.
AI translation rendered from the Sanskrit, not a published edition
DB 12 9.12
युष्माकमेतत्सदनं भवद्दासोऽस्मि सर्वथा । का चिन्ता भवतां विप्रा मयि दासे विराजति
yuṣmākametatsadanaṃ bhavaddāso'smi sarvathā | kā cintā bhavatāṃ viprā mayi dāse virājati
"This dwelling is yours; I am in every way your servant. What worry can you brahmins have, when I, your servant, am here?"
AI translation rendered from the Sanskrit, not a published edition
DB 12 9.13
धन्योऽहमस्मिन्समये यूयं सर्वे तपोधनाः । येषां दर्शनमात्रेण दुष्कृतं सुकृतायते
dhanyo'hamasminsamaye yūyaṃ sarve tapodhanāḥ | yeṣāṃ darśanamātreṇa duṣkṛtaṃ sukṛtāyate
"Fortunate am I at this time (that) you are all rich in austerity, by the mere sight of whom evil deeds turn into good deeds."
AI translation rendered from the Sanskrit, not a published edition
DB 12 9.14
ते सर्वे पादरजसा पावयन्ति गृहं मम । को मदन्यो भवेद्धन्यो भवतां समनुग्रहात्
te sarve pādarajasā pāvayanti gṛhaṃ mama | ko madanyo bhaveddhanyo bhavatāṃ samanugrahāt
"All of them purify my house with the dust of their feet. Who other than I would be fortunate, through your full favour?"
AI translation rendered from the Sanskrit, not a published edition
DB 12 9.15
स्थेयं सर्वैः सुखेनैव सन्ध्याजपपरायणैः । व्यास उवाच इति सर्वान्ममाश्वास्य गौतमो मुनिराट् ततः
stheyaṃ sarvaiḥ sukhenaiva sandhyājapaparāyaṇaiḥ | vyāsa uvāca iti sarvānmamāśvāsya gautamo munirāṭ tataḥ
"Let all of you stay here in comfort, devoted to the twilight prayers and recitation." Vyāsa said: Having thus reassured them all, Gautama, the king of sages, then—
AI translation rendered from the Sanskrit, not a published edition
DB 12 9.16
गायत्रीं प्रार्थयामास भक्तिसन्नतकन्धरः । नमो देवि महाविद्ये वेदमातः परात्परे
gāyatrīṃ prārthayāmāsa bhaktisannatakandharaḥ | namo devi mahāvidye vedamātaḥ parātpare
—entreated Gāyatrī, his neck bent in devotion: "Homage, O Goddess, great knowledge, mother of the Vedas, higher than the highest!"
AI translation rendered from the Sanskrit, not a published edition
DB 12 9.17
व्याहृत्यादिमहामन्त्ररूपे प्रणवरूपिणि । साम्यावस्थात्मिके मातर्नमो ह्रींकाररूपिणि
vyāhṛtyādimahāmantrarūpe praṇavarūpiṇi | sāmyāvasthātmike mātarnamo hrīṃkārarūpiṇi
"O you whose form is the great mantra beginning with the utterances (vyāhṛtis), whose form is the praṇava (Om), whose essence is the state of equilibrium—homage, O Mother, whose form is the syllable hrīṃ!"
AI translation rendered from the Sanskrit, not a published edition
DB 12 9.18
स्वाहास्वधास्वरूपे त्वां नमामि सकलार्थदाम् । भक्तकल्पलतां देवीमवस्थात्रयसाक्षिणीम्
svāhāsvadhāsvarūpe tvāṃ namāmi sakalārthadām | bhaktakalpalatāṃ devīmavasthātrayasākṣiṇīm
"O you whose forms are svāhā and svadhā, I bow to you, giver of all things, the wish-granting creeper for devotees, the Goddess, witness of the three states,"
AI translation rendered from the Sanskrit, not a published edition
DB 12 9.19
तुर्यातीतस्वरूपां च सच्चिदानन्दरूपिणीम् । सर्ववेदान्तसंवेद्यां सूर्यमण्डलवासिनीम्
turyātītasvarūpāṃ ca saccidānandarūpiṇīm | sarvavedāntasaṃvedyāṃ sūryamaṇḍalavāsinīm
"and (to her) whose nature is beyond the fourth, whose form is being-consciousness-bliss, who is to be known through all the Vedāntas, who dwells in the orb of the sun,"
AI translation rendered from the Sanskrit, not a published edition
DB 12 9.20
प्रातर्बालां रक्तवर्णां मध्याह्ने युवतीं पराम् । सायाह्ने कृष्णवर्णां तां वृद्धां नित्यं नमाम्यहम्
prātarbālāṃ raktavarṇāṃ madhyāhne yuvatīṃ parām | sāyāhne kṛṣṇavarṇāṃ tāṃ vṛddhāṃ nityaṃ namāmyaham
"a girl at dawn, red in colour, at midday a supreme young woman, at evening black in colour and aged—her I bow to continually."
AI translation rendered from the Sanskrit, not a published edition
DB 12 9.21
सर्वभूतारणे देवि क्षमस्व परमेश्वरि । इति स्तुता जगन्माता प्रत्यक्षं दर्शनं ददौ
sarvabhūtāraṇe devi kṣamasva parameśvari | iti stutā jaganmātā pratyakṣaṃ darśanaṃ dadau
"O Goddess, refuge of all beings, forgive (me), supreme mistress!" Praised thus, the Mother of the world gave a visible vision (of herself).
AI translation rendered from the Sanskrit, not a published edition
DB 12 9.22
पूर्णपात्रं ददौ तस्मै येन स्यात्सर्वपोषणम् । उवाच मुनिमम्बा सा यं यं कामं त्वमिच्छसि
pūrṇapātraṃ dadau tasmai yena syātsarvapoṣaṇam | uvāca munimambā sā yaṃ yaṃ kāmaṃ tvamicchasi
She gave him a full vessel, by which there would be nourishment for all; the Mother said to the sage: "Whatever desire you wish,"
AI translation rendered from the Sanskrit, not a published edition
DB 12 9.23
तस्य पूर्तिकरं पात्रं मया दत्तं भविष्यति । इत्युक्त्वान्तर्दधे देवी गायत्री परमा कला
tasya pūrtikaraṃ pātraṃ mayā dattaṃ bhaviṣyati | ityuktvāntardadhe devī gāyatrī paramā kalā
"the vessel given by me will become the fulfiller of that." Having said this, the Goddess Gāyatrī, the supreme portion (of the divine), vanished.
AI translation rendered from the Sanskrit, not a published edition
DB 12 9.24
अन्नानां राशयस्तस्मानिर्गताः पर्वतोपमाः । षड्रसा विविधा राजंस्तृणानि विविधानि च
annānāṃ rāśayastasmānirgatāḥ parvatopamāḥ | ṣaḍrasā vividhā rājaṃstṛṇāni vividhāni ca
Heaps of food came forth from it, like mountains, of six flavours and of many kinds, O king, and grasses of many kinds,
AI translation rendered from the Sanskrit, not a published edition
DB 12 9.25
भूषणानि च दिव्यानि क्षौमानि वसनानि च । यज्ञानां च समारम्भाः पात्राणि विविधानि च
bhūṣaṇāni ca divyāni kṣaumāni vasanāni ca | yajñānāṃ ca samārambhāḥ pātrāṇi vividhāni ca
and divine ornaments, and linen garments, and the materials for beginning sacrifices, and vessels of many kinds.
AI translation rendered from the Sanskrit, not a published edition
DB 12 9.26
यद्यदिष्टमभूद्राजन् मुनेस्तस्य महात्मनः । तत्सर्वं निर्गतं तस्माद्गायत्रीपूर्णपात्रतः
yadyadiṣṭamabhūdrājan munestasya mahātmanaḥ | tatsarvaṃ nirgataṃ tasmādgāyatrīpūrṇapātrataḥ
Whatever was desired, O king, by that great-souled sage, all of it came forth from that full vessel of Gāyatrī.
AI translation rendered from the Sanskrit, not a published edition
DB 12 9.27
अथाहूय मुनीन्सर्वान्मुनिराड् गौतमस्तदा । धनं धान्यं भूषणानि वसनानि ददौ मुदा
athāhūya munīnsarvānmunirāḍ gautamastadā | dhanaṃ dhānyaṃ bhūṣaṇāni vasanāni dadau mudā
Then Gautama, king of sages, summoning all the sages, gladly gave (them) wealth, grain, ornaments and garments.
AI translation rendered from the Sanskrit, not a published edition
DB 12 9.28
गोमहिष्यादिपशवो निर्गताः पूर्णपात्रतः । निर्गतान्यज्ञसम्भारान्स्रुक्स्रुवप्रभृतीन्ददौ
gomahiṣyādipaśavo nirgatāḥ pūrṇapātrataḥ | nirgatānyajñasambhārānsruksruvaprabhṛtīndadau
Cattle, buffaloes and other animals came forth from the full vessel; he gave (them) the sacrificial materials that had come forth, the ladles, spoons and the rest.
AI translation rendered from the Sanskrit, not a published edition
DB 12 9.29
ते सर्वे मिलिता यज्ञांश्चक्रिरे मुनिवाक्यतः । स्थानं तदेव भूयिष्ठमभवत्स्वर्गसन्निभम्
te sarve militā yajñāṃścakrire munivākyataḥ | sthānaṃ tadeva bhūyiṣṭhamabhavatsvargasannibham
All of them, assembled together, performed sacrifices according to the sage's word; and that very place became most abundant, resembling heaven.
AI translation rendered from the Sanskrit, not a published edition
DB 12 9.30
यत्किञ्चित् त्रिषु लोकेषु सुन्दरं वस्तु दृश्यते । तत्सर्वं तत्र निष्पन्नं गायत्रीदत्तपात्रतः
yatkiñcit triṣu lokeṣu sundaraṃ vastu dṛśyate | tatsarvaṃ tatra niṣpannaṃ gāyatrīdattapātrataḥ
Whatever beautiful thing is seen in the three worlds, all of that was produced there, out of the vessel given by Gāyatrī.
AI translation rendered from the Sanskrit, not a published edition
DB 12 9.31
देवाङ्गनासमा दाराः शोभन्ते भूषणादिभिः । मुनयो देवसदृशा वस्त्रचन्दनभूषणैः
devāṅganāsamā dārāḥ śobhante bhūṣaṇādibhiḥ | munayo devasadṛśā vastracandanabhūṣaṇaiḥ
The wives, like the women of the gods, shone with ornaments and the rest; the sages were like gods with their garments, sandal-paste and ornaments.
AI translation rendered from the Sanskrit, not a published edition
DB 12 9.32
नित्योत्सवः प्रववृते मुनेराश्रममण्डले । न रोगादिभयं किञ्चिन्न च दैत्यभयं क्वचित्
nityotsavaḥ pravavṛte munerāśramamaṇḍale | na rogādibhayaṃ kiñcinna ca daityabhayaṃ kvacit
A perpetual festival went on in the circle of the sage's hermitage; there was no fear at all of disease and the like, nor anywhere any fear of demons.
AI translation rendered from the Sanskrit, not a published edition
DB 12 9.33
स मुनेराश्रमो जातः समन्ताच्छतयोजनः । अन्ये च प्राणिनो येऽपि तेऽपि तत्र समागताः
sa munerāśramo jātaḥ samantācchatayojanaḥ | anye ca prāṇino ye'pi te'pi tatra samāgatāḥ
That hermitage of the sage grew to a hundred leagues all around; and whatever other living creatures there were, they too came together there.
AI translation rendered from the Sanskrit, not a published edition
DB 12 9.34
तांश्च सर्वान्पुपोषायं दत्त्वाभयमथात्मवान् । नानाविधैर्महायज्ञैर्विधिवत्कल्पितैः सुराः
tāṃśca sarvānpupoṣāyaṃ dattvābhayamathātmavān | nānāvidhairmahāyajñairvidhivatkalpitaiḥ surāḥ
And this self-possessed (sage), having granted (them) safety, then nourished all of them; (and) by great sacrifices of many kinds duly arranged, the gods —
AI translation rendered from the Sanskrit, not a published edition
DB 12 9.35
सन्तोषं परमं प्रापुर्मुनेश्चैव जगुर्यशः । सभायां वृत्रहा भूयो जगौ श्लोकं महायशाः
santoṣaṃ paramaṃ prāpurmuneścaiva jaguryaśaḥ | sabhāyāṃ vṛtrahā bhūyo jagau ślokaṃ mahāyaśāḥ
— attained the highest satisfaction, and they sang the fame of the sage; again in the assembly the slayer of Vṛtra, of great renown, sang a verse.
AI translation rendered from the Sanskrit, not a published edition
DB 12 9.36
अहो अयं नः किल कल्पपादपो मनोरथान्पूरयति प्रतिष्ठितः । नोचेदकाण्डे क्व हविर्वपा वा सुदुर्लभा यत्र तु जीवनाशा
aho ayaṃ naḥ kila kalpapādapo manorathānpūrayati pratiṣṭhitaḥ | nocedakāṇḍe kva havirvapā vā sudurlabhā yatra tu jīvanāśā
"Ah, this man, established (here), is truly for us a wish-granting tree that fulfils our desires; otherwise, out of season, where would there be oblation or sacrificial fat, so very hard to obtain where there is (only) despair of living?"
AI translation rendered from the Sanskrit, not a published edition — the model flagged this verse as uncertain
DB 12 9.37
इत्थं द्वादशवर्षाणि पुपोष मुनिपुङ्गवान् । पुत्रवन्मुनिराड् गर्वगन्धेन परिवर्जितः
itthaṃ dvādaśavarṣāṇi pupoṣa munipuṅgavān | putravanmunirāḍ garvagandhena parivarjitaḥ
Thus for twelve years the king of sages nourished the foremost of sages like sons, free from any trace of pride.
AI translation rendered from the Sanskrit, not a published edition
DB 12 9.38
गायत्र्याः परमं स्थानं चकार मुनिसत्तमः । यत्र सर्वैर्मुनिवरैः पूज्यते जगदम्बिका
gāyatryāḥ paramaṃ sthānaṃ cakāra munisattamaḥ | yatra sarvairmunivaraiḥ pūjyate jagadambikā
That best of sages made a supreme abode for Gāyatrī, where the Mother of the world is worshipped by all the best of sages,
AI translation rendered from the Sanskrit, not a published edition
DB 12 9.39
त्रिकालं परया भक्त्या पुरश्चरणकर्मभिः । अद्यापि यत्र देवी सा प्रातर्बाला तु दृश्यते
trikālaṃ parayā bhaktyā puraścaraṇakarmabhiḥ | adyāpi yatra devī sā prātarbālā tu dṛśyate
at the three times (of day), with supreme devotion, with the rites of preliminary observance; where even today that goddess is seen in the morning as a girl,
AI translation rendered from the Sanskrit, not a published edition
DB 12 9.40
मध्याह्ने युवती वृद्धा सायंकाले तु दृश्यते । तत्रैकदा समायातो नारदो मुनिसत्तमः
madhyāhne yuvatī vṛddhā sāyaṃkāle tu dṛśyate | tatraikadā samāyāto nārado munisattamaḥ
at midday as a young woman, and at evening she is seen as an old woman. Once Nārada, the best of sages, came there,
AI translation rendered from the Sanskrit, not a published edition
DB 12 9.41
रणयन्महतीं गायन्गायत्र्याः परमान्गुणान् । निषसाद सभामध्ये मुनीनां भावितात्मनाम्
raṇayanmahatīṃ gāyangāyatryāḥ paramānguṇān | niṣasāda sabhāmadhye munīnāṃ bhāvitātmanām
making his lute resound, singing the supreme qualities of Gāyatrī, and he sat down in the midst of the assembly of the sages whose minds were composed.
AI translation rendered from the Sanskrit, not a published edition
DB 12 9.42
गौतमादिभिरत्युच्चैः पूजितः शान्तमानसः । कथाश्चकार विविधा यशसो गौतमस्य च
gautamādibhiratyuccaiḥ pūjitaḥ śāntamānasaḥ | kathāścakāra vividhā yaśaso gautamasya ca
Highly honoured by Gautama and the others, his mind at peace, he told various tales, and of the fame of Gautama (he said):
AI translation rendered from the Sanskrit, not a published edition
DB 12 9.43
ब्रह्मर्षे देवसदसि देवराट् तव यद्यशः । जगौ बहुविधं स्वच्छं मुनिपोषणजं परम्
brahmarṣe devasadasi devarāṭ tava yadyaśaḥ | jagau bahuvidhaṃ svacchaṃ munipoṣaṇajaṃ param
"O brahmin sage, in the assembly of the gods the king of the gods sang your fame — manifold, spotless, supreme, born of your nourishing of the sages.
AI translation rendered from the Sanskrit, not a published edition
DB 12 9.44
श्रुत्वा शचीपतेर्वाणीं त्वां द्रष्टुमहमागतः । धन्योऽसि त्वं मुनिश्रेष्ठ जगदम्बाप्रसादतः
śrutvā śacīpatervāṇīṃ tvāṃ draṣṭumahamāgataḥ | dhanyo'si tvaṃ muniśreṣṭha jagadambāprasādataḥ
Having heard the speech of Śacī's husband, I have come to see you. You are blessed, O best of sages, by the grace of the Mother of the world."
AI translation rendered from the Sanskrit, not a published edition
DB 12 9.45
इत्युक्त्वा मुनिवर्यं तं गायत्रीसदनं ययौ । ददर्श जगदम्बां तां प्रेमोत्फुल्लविलोचनः
ityuktvā munivaryaṃ taṃ gāyatrīsadanaṃ yayau | dadarśa jagadambāṃ tāṃ premotphullavilocanaḥ
Having said this to that best of sages, he went to the shrine of Gāyatrī; with eyes wide open with love he beheld that Mother of the world.
AI translation rendered from the Sanskrit, not a published edition
DB 12 9.46
तुष्टाव विधिवद्देवीं जगाम त्रिदिवं पुनः । अथ तत्र स्थिता ये ते ब्राह्मणा मुनिपोषिताः
tuṣṭāva vidhivaddevīṃ jagāma tridivaṃ punaḥ | atha tatra sthitā ye te brāhmaṇā munipoṣitāḥ
He praised the goddess according to the rule and went back to heaven. Now those brahmins who were staying there, maintained by the sage,
AI translation rendered from the Sanskrit, not a published edition
DB 12 9.47
उत्कर्षं तु मुनेः श्रुत्वासूयया खेदमागताः । यथास्य न यशो भूयात्कर्तव्यं सर्वथैव हि
utkarṣaṃ tu muneḥ śrutvāsūyayā khedamāgatāḥ | yathāsya na yaśo bhūyātkartavyaṃ sarvathaiva hi
hearing of the sage's eminence, out of envy became distressed: "By all means something must be done so that his fame may not endure —
AI translation rendered from the Sanskrit, not a published edition
DB 12 9.48
काले समागते पश्चादिति सर्वैस्तु निश्चितम् । ततः कालेन कियताप्यभूद्वृष्टिर्धरातले
kāle samāgate paścāditi sarvaistu niścitam | tataḥ kālena kiyatāpyabhūdvṛṣṭirdharātale
afterwards, when the time comes." So it was resolved by all of them. Then after some time there was rain upon the earth,
AI translation rendered from the Sanskrit, not a published edition
DB 12 9.49
सुभिक्षमभवत्सर्वदेशेषु नृपसत्तम । श्रुत्वा वार्तां सुभिक्षस्य मिलिताः सर्ववाडवाः
subhikṣamabhavatsarvadeśeṣu nṛpasattama | śrutvā vārtāṃ subhikṣasya militāḥ sarvavāḍavāḥ
There was plenty of food in all the lands, O best of kings; and hearing the news of the plenty, all the brahmins assembled.
AI translation rendered from the Sanskrit, not a published edition
DB 12 9.50
गौतमं शप्तुमुद्योगं हा हा राजन् प्रचक्रिरे । धन्यौ तेषां च पितरौ ययोरुत्पत्तिरीदृशी
gautamaṃ śaptumudyogaṃ hā hā rājan pracakrire | dhanyau teṣāṃ ca pitarau yayorutpattirīdṛśī
They set about cursing Gautama — alas, alas, O king! And blessed are those parents of theirs, from whom such an offspring arose!
AI translation rendered from the Sanskrit, not a published edition
DB 12 9.51
कालस्य महिमा राजन् वक्तुं केन हि शक्यते । गौर्निर्मिता माययैका मुमूर्षुर्जरती नृप
kālasya mahimā rājan vaktuṃ kena hi śakyate | gaurnirmitā māyayaikā mumūrṣurjaratī nṛpa
O king, by whom can the greatness of Time be told? By magic a single cow was fashioned, aged and about to die, O king.
AI translation rendered from the Sanskrit, not a published edition
DB 12 9.52
जगाम सा च शालायां होमकाले मुनेस्तदा । हुंहुंशब्दैर्वारिता सा प्राणांस्तत्याज तत्क्षणे
jagāma sā ca śālāyāṃ homakāle munestadā | huṃhuṃśabdairvāritā sā prāṇāṃstatyāja tatkṣaṇe
And she went into the sage's hall at the time of the fire-offering; driven off with cries of "hum, hum," she gave up her life-breaths that very instant.
AI translation rendered from the Sanskrit, not a published edition
DB 12 9.53
गौर्हतानेन दुष्टेनेत्येवं ते चुक्रुशुर्द्विजाः । होमं समाप्य मुनिराङ् विस्मयं परमं गतः
gaurhatānena duṣṭenetyevaṃ te cukruśurdvijāḥ | homaṃ samāpya munirāṅ vismayaṃ paramaṃ gataḥ
"A cow has been killed by this wicked man!" — thus those brahmins cried out. Having completed the offering, the sage was struck with the utmost amazement.
AI translation rendered from the Sanskrit, not a published edition
DB 12 9.54
समाधिमीलिताक्षः संश्चिन्तयामास कारणम् । कृतं सर्वं द्विजैरेतदिति ज्ञात्वा तदैव सः
samādhimīlitākṣaḥ saṃścintayāmāsa kāraṇam | kṛtaṃ sarvaṃ dvijairetaditi jñātvā tadaiva saḥ
With eyes closed in meditative absorption, he reflected on the cause; and knowing at once, "All this has been done by the brahmins,"
AI translation rendered from the Sanskrit, not a published edition
DB 12 9.55
दधार कोपं परमं प्रलये रुद्रकोपवत् । शशाप च ऋषीन्सर्वान्कोपसंरक्तलोचनः
dadhāra kopaṃ paramaṃ pralaye rudrakopavat | śaśāpa ca ṛṣīnsarvānkopasaṃraktalocanaḥ
he conceived the utmost wrath, like the wrath of Rudra at the dissolution; and with eyes reddened by anger he cursed all the seers:
AI translation rendered from the Sanskrit, not a published edition
DB 12 9.56
वेदमातरि गायत्र्यां तद्ध्याने तन्मनोर्जपे । भवतानुन्मुखा यूयं सर्वथा ब्राह्मणाधमाः
vedamātari gāyatryāṃ taddhyāne tanmanorjape | bhavatānunmukhā yūyaṃ sarvathā brāhmaṇādhamāḥ
"Toward Gāyatrī, the mother of the Vedas, toward meditation on her and the muttering of her mantra, may you be turned away in every respect, O basest of brahmins!
AI translation rendered from the Sanskrit, not a published edition
DB 12 9.57
वेदे वेदोक्तयज्ञेषु तद्वार्तासु तथैव च । भवतानुन्मुखा यूयं सर्वदा ब्राह्मणाधमाः
vede vedoktayajñeṣu tadvārtāsu tathaiva ca | bhavatānunmukhā yūyaṃ sarvadā brāhmaṇādhamāḥ
Toward the Veda, toward the sacrifices enjoined in the Veda, and likewise toward talk of them, may you be turned away always, O basest of brahmins!
AI translation rendered from the Sanskrit, not a published edition
DB 12 9.58
शिवे शिवस्य मन्त्रे च शिवशास्त्रे तथैव च । भवतानुन्मुखा यूयं सर्वदा ब्राह्मणाधमाः
śive śivasya mantre ca śivaśāstre tathaiva ca | bhavatānunmukhā yūyaṃ sarvadā brāhmaṇādhamāḥ
Toward Śiva, toward Śiva's mantra, and likewise toward Śiva's scripture, may you be turned away always, O basest of brahmins!
AI translation rendered from the Sanskrit, not a published edition
DB 12 9.59
मूलप्रकृत्याः श्रीदेव्यास्तद्ध्याने तत्कथासु च । भवतानुन्मुखा यूयं सर्वदा ब्राह्मणाधमाः
mūlaprakṛtyāḥ śrīdevyāstaddhyāne tatkathāsu ca | bhavatānunmukhā yūyaṃ sarvadā brāhmaṇādhamāḥ
Toward the glorious Goddess, the root Nature, toward meditation on her and stories of her, may you be turned away always, O basest of brahmins!
AI translation rendered from the Sanskrit, not a published edition
DB 12 9.60
देवीमन्त्रे तथा देव्याः स्थानेऽनुष्ठानकर्मणि । भवतानुन्मुखा यूयं सर्वदा ब्राह्मणाधमाः
devīmantre tathā devyāḥ sthāne'nuṣṭhānakarmaṇi | bhavatānunmukhā yūyaṃ sarvadā brāhmaṇādhamāḥ
Toward the Goddess's mantra, and toward her shrine, and toward the performance of her rites, may you be turned away always, O basest of brahmins!
AI translation rendered from the Sanskrit, not a published edition
DB 12 9.61
देव्युत्सवदिदृक्षायां देवीनामानुकीर्तने । भवतानुन्मुखा यूयं सर्वदा ब्राह्मणाधमाः
devyutsavadidṛkṣāyāṃ devīnāmānukīrtane | bhavatānunmukhā yūyaṃ sarvadā brāhmaṇādhamāḥ
Toward the wish to behold the Goddess's festival, toward the recitation of the Goddess's names, may you be turned away always, O basest of brahmins!
AI translation rendered from the Sanskrit, not a published edition
DB 12 9.62
देवीभक्तस्य सान्निध्ये देवीभक्तार्चने तथा । भवतानुन्मुखा यूयं सर्वदा ब्राह्मणाधमाः
devībhaktasya sānnidhye devībhaktārcane tathā | bhavatānunmukhā yūyaṃ sarvadā brāhmaṇādhamāḥ
Toward the presence of a devotee of the Goddess, and likewise toward the honouring of a devotee of the Goddess, may you be turned away always, O basest of brahmins!
AI translation rendered from the Sanskrit, not a published edition
DB 12 9.63
शिवोत्सवदिदृक्षायां शिवभक्तस्य पूजने । भवतानुन्मुखा यूयं सर्वदा ब्राह्मणाधमाः
śivotsavadidṛkṣāyāṃ śivabhaktasya pūjane | bhavatānunmukhā yūyaṃ sarvadā brāhmaṇādhamāḥ
Toward the wish to behold Śiva's festival, toward the worship of a devotee of Śiva, may you be turned away always, O basest of brahmins!
AI translation rendered from the Sanskrit, not a published edition
DB 12 9.64
रुद्राक्षं बिल्वपत्रे च तथा शुद्धे च भस्मनि । भवतानुन्मुखा यूयं सर्वदा ब्राह्मणाधमाः
rudrākṣaṃ bilvapatre ca tathā śuddhe ca bhasmani | bhavatānunmukhā yūyaṃ sarvadā brāhmaṇādhamāḥ
Toward the rudrākṣa bead, the bilva leaf, and likewise toward pure ashes, may you be turned away always, O basest of brahmins!
AI translation rendered from the Sanskrit, not a published edition
DB 12 9.65
श्रौतस्मार्तसदाचारे ज्ञानमार्गे तथैव च । भवतानुन्मुखा यूयं सर्वदा ब्राह्मणाधमाः
śrautasmārtasadācāre jñānamārge tathaiva ca | bhavatānunmukhā yūyaṃ sarvadā brāhmaṇādhamāḥ
Toward good conduct based on śruti and smṛti, and likewise toward the path of knowledge, may you be turned away always, O basest of brahmins!
AI translation rendered from the Sanskrit, not a published edition
DB 12 9.66
अद्वैतज्ञाननिष्ठायां शान्तिदान्त्यादिसाधने । भवतानुन्मुखा यूयं सर्वदा ब्राह्मणाधमाः
advaitajñānaniṣṭhāyāṃ śāntidāntyādisādhane | bhavatānunmukhā yūyaṃ sarvadā brāhmaṇādhamāḥ
Toward steadfastness in the knowledge of non-duality, toward the practice of peace, self-restraint and the rest, may you be turned away always, O basest of brahmins!
AI translation rendered from the Sanskrit, not a published edition
DB 12 9.67
नित्यकर्माद्यनुष्ठानेऽप्यग्निहोत्रादिसाधने । भवतानुन्मुखा यूयं सर्वदा ब्राह्मणाधमाः
nityakarmādyanuṣṭhāne'pyagnihotrādisādhane | bhavatānunmukhā yūyaṃ sarvadā brāhmaṇādhamāḥ
Toward the performance of the obligatory rites and the rest, and toward the practice of the agnihotra and the rest, may you be turned away always, O basest of brahmins!
AI translation rendered from the Sanskrit, not a published edition
DB 12 9.68
स्वाध्यायाध्ययने चैव तथा प्रवचनेऽपि च । भवतानुन्मुखा यूयं सर्वदा ब्राह्मणाधमाः
svādhyāyādhyayane caiva tathā pravacane'pi ca | bhavatānunmukhā yūyaṃ sarvadā brāhmaṇādhamāḥ
Toward the study of one's own recension, and likewise toward the teaching of it, may you be turned away always, O basest of brahmins!
AI translation rendered from the Sanskrit, not a published edition
DB 12 9.69
गोदानादिषु दानेषु पितृश्राद्धेषु चैव हि । भवतानुन्मुखा यूयं सर्वदा ब्राह्मणाधमाः
godānādiṣu dāneṣu pitṛśrāddheṣu caiva hi | bhavatānunmukhā yūyaṃ sarvadā brāhmaṇādhamāḥ
In gifts such as the gift of a cow, and in the śrāddha rites for the ancestors — be you always averse (to them), you basest of brahmins!
AI translation rendered from the Sanskrit, not a published edition
DB 12 9.70
कृच्छ्रचान्द्रायणे चैव प्रायश्चित्ते तथैव च । भवतानुन्मुखा यूयं सर्वदा ब्राह्मणाधमाः
kṛcchracāndrāyaṇe caiva prāyaścitte tathaiva ca | bhavatānunmukhā yūyaṃ sarvadā brāhmaṇādhamāḥ
And in the kṛcchra and cāndrāyaṇa (fasts), and likewise in expiation — be you always averse (to them), you basest of brahmins!
AI translation rendered from the Sanskrit, not a published edition
DB 12 9.71
श्रीदेवीभिन्नदेवेषु श्रद्धाभक्तिसमन्विताः । शङ्खचक्राद्यङ्किताश्च भवत ब्राह्मणाधमाः
śrīdevībhinnadeveṣu śraddhābhaktisamanvitāḥ | śaṅkhacakrādyaṅkitāśca bhavata brāhmaṇādhamāḥ
Become full of faith and devotion toward gods other than the goddess Śrī, and marked with the conch, discus and the rest, you basest of brahmins!
AI translation rendered from the Sanskrit, not a published edition
DB 12 9.72
कापालिकमतासक्ता बौद्धशास्त्ररताः सदा । पाखण्डाचारनिरता भवत ब्राह्मणाधमाः
kāpālikamatāsaktā bauddhaśāstraratāḥ sadā | pākhaṇḍācāraniratā bhavata brāhmaṇādhamāḥ
Become attached to the Kāpālika doctrine, always devoted to the Buddhist scriptures, given over to heretical practice, you basest of brahmins!
AI translation rendered from the Sanskrit, not a published edition
DB 12 9.73
पितृमातृसुताभ्रातृकन्याविक्रयिणस्तथा । भार्याविकयिणस्तद्वद्भवत ब्राह्मणाधमाः
pitṛmātṛsutābhrātṛkanyāvikrayiṇastathā | bhāryāvikayiṇastadvadbhavata brāhmaṇādhamāḥ
And become sellers of your fathers, mothers, sons, brothers and daughters, and likewise sellers of your wives, you basest of brahmins!
AI translation rendered from the Sanskrit, not a published edition
DB 12 9.74
वेदविक्रयिणस्तद्वत्तीर्थविक्रयिणस्तथा । धर्मविक्रयिणस्तद्वद्भवत ब्राह्मणाधमाः
vedavikrayiṇastadvattīrthavikrayiṇastathā | dharmavikrayiṇastadvadbhavata brāhmaṇādhamāḥ
Likewise become sellers of the Veda, sellers of holy places, and sellers of dharma, you basest of brahmins!
AI translation rendered from the Sanskrit, not a published edition
DB 12 9.75
पाञ्चरात्रे कामशास्त्रे तथा कापालिके मते । बौद्धे श्रद्धायुता यूयं भवत ब्राह्मणाधमाः
pāñcarātre kāmaśāstre tathā kāpālike mate | bauddhe śraddhāyutā yūyaṃ bhavata brāhmaṇādhamāḥ
Become endowed with faith in the Pāñcarātra, in the treatise on love, in the Kāpālika doctrine, and in the Buddhist (teaching), you basest of brahmins!
AI translation rendered from the Sanskrit, not a published edition
DB 12 9.76
मातृकन्यागामिनश्च भगिनीगामिनस्तथा । परस्त्रीलम्पटाः सर्वे भवत ब्राह्मणाधमाः
mātṛkanyāgāminaśca bhaginīgāminastathā | parastrīlampaṭāḥ sarve bhavata brāhmaṇādhamāḥ
And become men who go to their mothers and daughters, and who go to their sisters, all of you lechers after others' wives, you basest of brahmins!
AI translation rendered from the Sanskrit, not a published edition
DB 12 9.77
युष्माकं वंशजाताश्च स्त्रियश्च पुरुषास्तथा । मद्दत्तशापदग्धास्ते भविष्यन्ति भवत्समाः
yuṣmākaṃ vaṃśajātāśca striyaśca puruṣāstathā | maddattaśāpadagdhāste bhaviṣyanti bhavatsamāḥ
And those born in your lineage, the women and likewise the men — burned by the curse I have given, they will become just like you.
AI translation rendered from the Sanskrit, not a published edition
DB 12 9.78
किं मया बहुनोक्तेन मूलप्रकृतिरीश्वरी । गायत्री परमा भूयाद्युष्मासु खलु कोपिता
kiṃ mayā bahunoktena mūlaprakṛtirīśvarī | gāyatrī paramā bhūyādyuṣmāsu khalu kopitā
What use in my speaking at length? May Gāyatrī, the root Nature, the supreme sovereign lady, indeed be angered at you!
AI translation rendered from the Sanskrit, not a published edition
DB 12 9.79
अन्धकूपादिकुण्डेषु युष्माकं स्यात्सदा स्थितिः । व्यास उवाच वाग्दण्डमीदृशं कृत्वाप्युपस्पृश्य जलं ततः
andhakūpādikuṇḍeṣu yuṣmākaṃ syātsadā sthitiḥ | vyāsa uvāca vāgdaṇḍamīdṛśaṃ kṛtvāpyupaspṛśya jalaṃ tataḥ
May your abode be forever in blind wells and such pits. Vyāsa said: Having inflicted such a punishment of speech, and then having touched water,
AI translation rendered from the Sanskrit, not a published edition
DB 12 9.80
जगाम दर्शनार्थं च गायत्र्याः परमोस्तुकः । प्रणनाम महादेवीं सापि देवी परात्परा
jagāma darśanārthaṃ ca gāyatryāḥ paramostukaḥ | praṇanāma mahādevīṃ sāpi devī parātparā
he went, exceedingly eager, for the sight of Gāyatrī, and bowed to the great Goddess; and she, the Goddess higher than the highest,
AI translation rendered from the Sanskrit, not a published edition
DB 12 9.81
ब्राह्मणानां कृतिं दृष्ट्वा स्मयं चित्ते चकार ह । अद्यापि तस्या वदनं स्मययुक्तं च दृश्यते
brāhmaṇānāṃ kṛtiṃ dṛṣṭvā smayaṃ citte cakāra ha | adyāpi tasyā vadanaṃ smayayuktaṃ ca dṛśyate
seeing the deed of the brahmins, smiled within her mind; and even today her face is seen to bear a smile.
AI translation rendered from the Sanskrit, not a published edition
DB 12 9.82
उवाच मुनिवर्यं तं स्मयमानमुखाम्बुजा । भुजङ्गायार्पितं दुग्धं विषायैवोपजायते
uvāca munivaryaṃ taṃ smayamānamukhāmbujā | bhujaṅgāyārpitaṃ dugdhaṃ viṣāyaivopajāyate
With her lotus face smiling she spoke to that best of sages: "Milk offered to a serpent turns into nothing but poison.
AI translation rendered from the Sanskrit, not a published edition
DB 12 9.83
शान्तिं कुरु महाभाग कर्मणो गतिरीदृशी । इति देवीं प्रणम्याथ ततोऽगात्स्वाश्रमं प्रति
śāntiṃ kuru mahābhāga karmaṇo gatirīdṛśī | iti devīṃ praṇamyātha tato'gātsvāśramaṃ prati
Make peace, greatly fortunate one; such is the course of action (karma)." Then, having bowed to the Goddess, he went off toward his own hermitage.
AI translation rendered from the Sanskrit, not a published edition
DB 12 9.84
ततो विप्रैः शापदग्धैर्विस्मृता वेदराशयः । गायत्री विस्मृता सर्वैस्तदद्भुतमिवाभवत्
tato vipraiḥ śāpadagdhairvismṛtā vedarāśayaḥ | gāyatrī vismṛtā sarvaistadadbhutamivābhavat
Then the masses of the Vedas were forgotten by the brahmins burned by the curse; the Gāyatrī was forgotten by them all — that was like a marvel.
AI translation rendered from the Sanskrit, not a published edition
DB 12 9.85
ते सर्वेऽथ मिलित्वा तु पश्चात्तापयुतास्तथा । प्रणेमुर्मुनिवर्यं तं दण्डवत्पतिता भुवि
te sarve'tha militvā tu paścāttāpayutāstathā | praṇemurmunivaryaṃ taṃ daṇḍavatpatitā bhuvi
Then all of them, having assembled and being filled with remorse, fell to the ground like staves and bowed to that best of sages.
AI translation rendered from the Sanskrit, not a published edition
DB 12 9.86
नोचुः किञ्चन वाक्यं तु लज्जयाधोमुखाः स्थिताः । प्रसीदेति प्रसीदेति प्रसीदेति पुनः पुनः
nocuḥ kiñcana vākyaṃ tu lajjayādhomukhāḥ sthitāḥ | prasīdeti prasīdeti prasīdeti punaḥ punaḥ
They did not utter a single word, but stood with faces bent down from shame; "Be gracious, be gracious, be gracious," again and again
AI translation rendered from the Sanskrit, not a published edition
DB 12 9.87
प्रार्थयामासुरभितः परिवार्य मुनीश्वरम् । करुणापूर्णहृदयो मुनिस्तान्समुवाच ह
prārthayāmāsurabhitaḥ parivārya munīśvaram | karuṇāpūrṇahṛdayo munistānsamuvāca ha
they entreated on all sides, surrounding the lord of sages. The sage, his heart filled with compassion, spoke to them:
AI translation rendered from the Sanskrit, not a published edition
DB 12 9.88
कृष्णावतारपर्यन्तं कुम्भीपाके भवेत्स्थितिः । न मे वाक्यं मृषा भूयादिति जानीथ सर्वथा
kṛṣṇāvatāraparyantaṃ kumbhīpāke bhavetsthitiḥ | na me vākyaṃ mṛṣā bhūyāditi jānītha sarvathā
"Until the descent of Kṛṣṇa your abode shall be in Kumbhīpāka (hell); know for certain that my word cannot become false.
AI translation rendered from the Sanskrit, not a published edition
DB 12 9.89
ततः परं कलियुगे भुवि जन्म भवेद्धि वाम् । मदुक्तं सर्वमेतत्तु भवेदेव न चान्यथा
tataḥ paraṃ kaliyuge bhuvi janma bhaveddhi vām | maduktaṃ sarvametattu bhavedeva na cānyathā
After that, in the Kali age, your birth shall indeed take place on earth. All this that I have said shall surely come to pass, and not otherwise.
AI translation rendered from the Sanskrit, not a published edition
DB 12 9.90
मच्छापस्य विमोक्षार्थं युष्माकं स्याद्यदीषणा । तर्हि सेव्यं सदा सर्वैर्गायत्रीपदपङ्कजम्
macchāpasya vimokṣārthaṃ yuṣmākaṃ syādyadīṣaṇā | tarhi sevyaṃ sadā sarvairgāyatrīpadapaṅkajam
If you have a wish for release from my curse, then the lotus-feet of Gāyatrī should always be served by all.
AI translation rendered from the Sanskrit, not a published edition
DB 12 9.91
व्यास उवाच इति सर्वान्विसृज्याथ गौतमो मुनिसत्तमः । प्रारब्धामिति मत्वा तु चित्ते शान्तिं जगाम ह
vyāsa uvāca iti sarvānvisṛjyātha gautamo munisattamaḥ | prārabdhāmiti matvā tu citte śāntiṃ jagāma ha
Vyāsa said: Having thus dismissed them all, Gautama, best of sages, reflecting that it was (the working out of) past karma, attained peace in his mind.
AI translation rendered from the Sanskrit, not a published edition
DB 12 9.92
एतस्मात्कारणाद्राजन् गते कृष्णे तु धीमति । कलौ युगे प्रवृत्ते तु कुम्भीपाकात्तु निर्गताः
etasmātkāraṇādrājan gate kṛṣṇe tu dhīmati | kalau yuge pravṛtte tu kumbhīpākāttu nirgatāḥ
For this reason, O king, when the wise Kṛṣṇa had departed, and the Kali age had set in, they came out of the Kumbhīpāka hell.
AI translation rendered from the Sanskrit, not a published edition
DB 12 9.93
भुवि जाता ब्राह्मणाश्च शापदग्धाः पुरा तु ये । सन्ध्यात्रयविहीनाश्च गायत्रीभक्तिवर्जिताः
bhuvi jātā brāhmaṇāśca śāpadagdhāḥ purā tu ye | sandhyātrayavihīnāśca gāyatrībhaktivarjitāḥ
And those brahmins who formerly were burnt by the curse were born on earth, lacking the three (daily) twilight rites and devoid of devotion to Gāyatrī,
AI translation rendered from the Sanskrit, not a published edition
DB 12 9.94
वेदभक्तिविहीनाश्च पाखण्डमतगामिनः । अग्निहोत्रादिसत्कर्मस्वधास्वाहाविवर्जिताः
vedabhaktivihīnāśca pākhaṇḍamatagāminaḥ | agnihotrādisatkarmasvadhāsvāhāvivarjitāḥ
devoid of devotion to the Vedas, following heretical doctrines, abandoning the good rites such as the fire-oblation and the (utterances) svadhā and svāhā,
AI translation rendered from the Sanskrit, not a published edition
DB 12 9.95
मूलप्रकृतिमव्यक्तां नैव जानन्ति कर्हिचित् । तप्तमुद्राङ्किताः केचित्कामाचाररताः परे
mūlaprakṛtimavyaktāṃ naiva jānanti karhicit | taptamudrāṅkitāḥ kecitkāmācāraratāḥ pare
they never at all know the root Nature, the unmanifest; some are marked with branding-stamps, others are given to acting as they please.
AI translation rendered from the Sanskrit, not a published edition
DB 12 9.96
कापालिकाः कौलिकाश्च बौद्धा जैनास्तथापरे । पण्डिता अपि ते सर्वे दुराचारप्रवर्तकाः
kāpālikāḥ kaulikāśca bauddhā jaināstathāpare | paṇḍitā api te sarve durācārapravartakāḥ
Kāpālikas, Kaulikas, and others too, Buddhists and Jains — all of them, though learned, are promoters of bad conduct,
AI translation rendered from the Sanskrit, not a published edition
DB 12 9.97
लम्पटाः परदारेषु दुराचारपरायणाः । कुम्भीपाकं पुनः सर्वे यास्यन्ति निजकर्मभिः
lampaṭāḥ paradāreṣu durācāraparāyaṇāḥ | kumbhīpākaṃ punaḥ sarve yāsyanti nijakarmabhiḥ
lechers after others' wives, devoted to evil conduct: all of them will go again to the Kumbhīpāka hell by their own deeds.
AI translation rendered from the Sanskrit, not a published edition
DB 12 9.98
तस्मात्सर्वात्मना राजन् संसेव्या परमेश्वरी । न विष्णूपासना नित्या न शिवोपासना तथा
tasmātsarvātmanā rājan saṃsevyā parameśvarī | na viṣṇūpāsanā nityā na śivopāsanā tathā
Therefore, O king, the supreme Goddess is to be served with one's whole being. The worship of Viṣṇu is not obligatory, nor likewise the worship of Śiva;
AI translation rendered from the Sanskrit, not a published edition
DB 12 9.99
नित्या चोपासना शक्तेर्यां विना तु पतत्यधः । सर्वमुक्तं समासेन यत्पृष्टं तत्त्वयानघ
nityā copāsanā śakteryāṃ vinā tu patatyadhaḥ | sarvamuktaṃ samāsena yatpṛṣṭaṃ tattvayānagha
but the worship of Śakti is obligatory, without which one falls down. All that you asked, O sinless one, has been told in brief.
AI translation rendered from the Sanskrit, not a published edition
DB 12 9.100
अतः परं मणिद्वीपवर्णनं शृणु सुन्दरम् । यत्परं स्थानमाद्याया भुवनेश्या भवारणेः
ataḥ paraṃ maṇidvīpavarṇanaṃ śṛṇu sundaram | yatparaṃ sthānamādyāyā bhuvaneśyā bhavāraṇeḥ
Now hear next the beautiful description of Maṇidvīpa, which is the supreme abode of the primordial Bhuvaneśvarī, the fire-stick(-kindled fire) that consumes worldly existence.
AI translation rendered from the Sanskrit, not a published edition — the model flagged this verse as uncertain