Devi Bhagavata Purana — Skandha 12 — Chapter 12
DB 12 12.1
मणिद्वीपवर्णनम् व्यास उवाच तदेव देवीसदनं मध्यभागे विराजते । सहस्रस्तम्भसंयुक्ताश्चत्वारस्तेषु मण्डपाः
maṇidvīpavarṇanam vyāsa uvāca tadeva devīsadanaṃ madhyabhāge virājate | sahasrastambhasaṃyuktāścatvārasteṣu maṇḍapāḥ
The description of the Isle of Gems. Vyāsa said: That very abode of the Goddess shines in the middle region; in it are four pavilions furnished with a thousand pillars.
AI translation rendered from the Sanskrit, not a published edition
DB 12 12.2
शृङ्गारमण्डपश्चैको मुक्तिमण्डप एव च । ज्ञानमण्डपसंज्ञस्तु तृतीयः परिकीर्तितः
śṛṅgāramaṇḍapaścaiko muktimaṇḍapa eva ca | jñānamaṇḍapasaṃjñastu tṛtīyaḥ parikīrtitaḥ
One is the Pavilion of Adornment, and one indeed the Pavilion of Liberation; the third is declared to be named the Pavilion of Knowledge,
AI translation rendered from the Sanskrit, not a published edition
DB 12 12.3
एकान्तमण्डपश्चैव चतुर्थः परिकीर्तितः । नानावितानसंयुक्ता नानाधूपैस्तु धूपिताः
ekāntamaṇḍapaścaiva caturthaḥ parikīrtitaḥ | nānāvitānasaṃyuktā nānādhūpaistu dhūpitāḥ
and the fourth is declared to be the Pavilion of Solitude. They are furnished with manifold canopies and perfumed with manifold incenses.
AI translation rendered from the Sanskrit, not a published edition
DB 12 12.4
कोटिसूर्यसमाः कान्त्या भ्राजन्ते मण्डपाः शुभाः । तन्मण्डपानां परितः काश्मीरवनिका स्मृता
koṭisūryasamāḥ kāntyā bhrājante maṇḍapāḥ śubhāḥ | tanmaṇḍapānāṃ paritaḥ kāśmīravanikā smṛtā
Equal in beauty to ten million suns, the lovely pavilions shine. Around those pavilions there is said to be a grove of saffron,
AI translation rendered from the Sanskrit, not a published edition
DB 12 12.5
मल्लिकाकुन्दवनिका यत्र पुष्कलकाः स्थिताः । असंख्याता मृगमदैः पूरितास्तत्स्रवा नृप
mallikākundavanikā yatra puṣkalakāḥ sthitāḥ | asaṃkhyātā mṛgamadaiḥ pūritāstatsravā nṛpa
and a grove of jasmine and kunda flowers, where musk-deer stand, uncountable, O king, their streams filled with musk.
AI translation rendered from the Sanskrit, not a published edition — the model flagged this verse as uncertain
DB 12 12.6
महापद्माटवी तद्वद्रत्नसोपाननिर्मिता । सुधारसेन सम्पूर्णा गुञ्जन्मत्तमधुव्रता
mahāpadmāṭavī tadvadratnasopānanirmitā | sudhārasena sampūrṇā guñjanmattamadhuvratā
Likewise there is a great lotus-forest, built with jeweled steps, filled with nectar-juice, humming with intoxicated bees,
AI translation rendered from the Sanskrit, not a published edition
DB 12 12.7
हंसकारण्डवाकीर्णा गन्धपूरितदिक्तटा । वनिकानां सुगन्धैस्तु मणिद्वीपं सुवासितम्
haṃsakāraṇḍavākīrṇā gandhapūritadiktaṭā | vanikānāṃ sugandhaistu maṇidvīpaṃ suvāsitam
strewn with geese and kāraṇḍava-ducks, the quarters and banks filled with its fragrance. By the sweet scents of the groves the Isle of Gems is well perfumed.
AI translation rendered from the Sanskrit, not a published edition
DB 12 12.8
शृङ्गारमण्डपे देव्यो गायन्ति विविधैः स्वरैः । सभासदो देववरा मध्ये श्रीजगदम्बिका
śṛṅgāramaṇḍape devyo gāyanti vividhaiḥ svaraiḥ | sabhāsado devavarā madhye śrījagadambikā
In the Pavilion of Adornment the goddesses sing with various notes; the assembly-members are the foremost of gods, and in the midst is the blessed Mother of the world.
AI translation rendered from the Sanskrit, not a published edition
DB 12 12.9
मुक्तिमण्डपमध्ये तु मोचयत्यनिशं शिवा । ज्ञानोपदेशं कुरुते तृतीये नृप मण्डपे
muktimaṇḍapamadhye tu mocayatyaniśaṃ śivā | jñānopadeśaṃ kurute tṛtīye nṛpa maṇḍape
But in the middle of the Pavilion of Liberation the auspicious one grants release unceasingly; in the third pavilion, O king, she gives instruction in knowledge.
AI translation rendered from the Sanskrit, not a published edition
DB 12 12.10
चतुर्थमण्डपे चैव जगद्रक्षाविचिन्तनम् । मन्त्रिणीसहिता नित्यं करोति जगदम्बिका
caturthamaṇḍape caiva jagadrakṣāvicintanam | mantriṇīsahitā nityaṃ karoti jagadambikā
And in the fourth pavilion the Mother of the world, together with her (female) counsellors, constantly carries out deliberation on the protection of the world.
AI translation rendered from the Sanskrit, not a published edition
DB 12 12.11
चिन्तामणिगृहे राजञ्छक्तितत्त्वात्मकैः परैः । सोपानैर्दशभिर्युक्तो मञ्चकोऽप्यधिराजते
cintāmaṇigṛhe rājañchaktitattvātmakaiḥ paraiḥ | sopānairdaśabhiryukto mañcako'pyadhirājate
In the house of the wish-granting gem, O king, a couch also shines forth, provided with ten steps consisting of the supreme principles (tattvas) of Śakti.
AI translation rendered from the Sanskrit, not a published edition
DB 12 12.12
ब्रह्मा विष्णुश्च रुद्रश्च ईश्वरश्च सदाशिवः । एते मञ्चखुराः प्रोक्ताः फलकस्तु सदाशिवः
brahmā viṣṇuśca rudraśca īśvaraśca sadāśivaḥ | ete mañcakhurāḥ proktāḥ phalakastu sadāśivaḥ
Brahmā, Viṣṇu, Rudra, Īśvara and Sadāśiva — these are said to be the legs of the couch; and the plank is Sadāśiva.
AI translation rendered from the Sanskrit, not a published edition
DB 12 12.13
तस्योपरि महादेवो भुवनेशो विराजते । या देवी निजलीलार्थं द्विधाभूता बभूव ह
tasyopari mahādevo bhuvaneśo virājate | yā devī nijalīlārthaṃ dvidhābhūtā babhūva ha
Upon it shines the great god, the Lord of the worlds. The Goddess who, for the sake of her own play, became twofold —
AI translation rendered from the Sanskrit, not a published edition
DB 12 12.14
सृष्ट्यादौ तु स एवायं तदर्धाङ्गो महेश्वरः । कन्दर्पदर्पनाशोद्यत्कोटिकन्दर्पसुन्दरः
sṛṣṭyādau tu sa evāyaṃ tadardhāṅgo maheśvaraḥ | kandarpadarpanāśodyatkoṭikandarpasundaraḥ
at the beginning of creation, this very Maheśvara is that half of her body — beautiful as ten million Kāmas, ready to destroy the pride of Kāma,
AI translation rendered from the Sanskrit, not a published edition
DB 12 12.15
पञ्चवक्त्रस्त्रिनेत्रश्च मणिभूषणभूषितः । हरिणाभीतिपरशून् वरं च निजबाहुभिः
pañcavaktrastrinetraśca maṇibhūṣaṇabhūṣitaḥ | hariṇābhītiparaśūn varaṃ ca nijabāhubhiḥ
five-faced and three-eyed, adorned with jeweled ornaments, (holding) a deer, the axe, and with his own hands the gestures of fearlessness and of boon-giving—
AI translation rendered from the Sanskrit, not a published edition
DB 12 12.16
दधानः षोडशाब्दोऽसौ देवः सर्वेश्वरो महान् । कोटिसूर्यप्रतीकाशश्चन्द्रकोटिसुशीतलः
dadhānaḥ ṣoḍaśābdo'sau devaḥ sarveśvaro mahān | koṭisūryapratīkāśaścandrakoṭisuśītalaḥ
bearing (these), that god, sixteen years of age, the great Lord of all, resembling ten million suns, cool as ten million moons,
AI translation rendered from the Sanskrit, not a published edition
DB 12 12.17
शुद्धस्फटिकसंकाशस्त्रिनेत्रः शीतलद्युतिः । वामाङ्गे सन्निषण्णास्य देवी श्रीभुवनेश्वरी
śuddhasphaṭikasaṃkāśastrinetraḥ śītaladyutiḥ | vāmāṅge sanniṣaṇṇāsya devī śrībhuvaneśvarī
like pure crystal, three-eyed, of cool radiance. Seated on his left side is the goddess, the blessed Bhuvaneśvarī,
AI translation rendered from the Sanskrit, not a published edition
DB 12 12.18
नवरत्नगणाकीर्णकाञ्चीदामविराजिता । तप्तकाञ्चनसन्नद्धवैदूर्याङ्गदभूषणा
navaratnagaṇākīrṇakāñcīdāmavirājitā | taptakāñcanasannaddhavaidūryāṅgadabhūṣaṇā
resplendent with a girdle-string strewn with the array of nine gems, ornamented with armlets of beryl set in molten gold,
AI translation rendered from the Sanskrit, not a published edition
DB 12 12.19
कनच्छ्रीचक्रताटङ्कविटङ्कवदनाम्बुजा । ललाटकान्तिविभवविजितार्थसुधाकरा
kanacchrīcakratāṭaṅkaviṭaṅkavadanāmbujā | lalāṭakāntivibhavavijitārthasudhākarā
Her lotus-face is lovely with gleaming śrī-cakra earrings; by the splendour of her forehead's radiance she has vanquished the half moon.
AI translation rendered from the Sanskrit, not a published edition
DB 12 12.20
बिम्बकान्तितिरस्कारिरदच्छदविराजिता । लसत्कुङ्कुमकस्तुरीतिलकोद्भासितानना
bimbakāntitiraskāriradacchadavirājitā | lasatkuṅkumakasturītilakodbhāsitānanā
She shines with lips that surpass the beauty of the bimba fruit; her face is illumined by a glistening mark of saffron and musk.
AI translation rendered from the Sanskrit, not a published edition
DB 12 12.21
दिव्यचूडामणिस्फारचञ्चच्चन्द्रकसूर्यका । उद्यत्कविसमस्वच्छनासाभरणभासुरा
divyacūḍāmaṇisphāracañcaccandrakasūryakā | udyatkavisamasvacchanāsābharaṇabhāsurā
She has a divine crest-jewel, with a broad, glittering moon-ornament and sun-ornament; she is radiant with a nose-ornament as clear as the rising (star) Kavi (Venus).
AI translation rendered from the Sanskrit, not a published edition — the model flagged this verse as uncertain
DB 12 12.22
चिन्ताकलम्बितस्वच्छमुक्तागुच्छविराजिता । पाटीरपङ्ककर्पूरकुङ्कुमालङ्कृतस्तनी
cintākalambitasvacchamuktāgucchavirājitā | pāṭīrapaṅkakarpūrakuṅkumālaṅkṛtastanī
She shines with a cluster of clear pearls hanging from the forehead-ornament (cintāka); her breasts are adorned with sandal paste, camphor and saffron.
AI translation rendered from the Sanskrit, not a published edition
DB 12 12.23
विचित्रविविधाकल्पा कम्बुसंकाशकन्धरा । दाडिमीफलबीजाभदन्तपङ्क्तिविराजिता
vicitravividhākalpā kambusaṃkāśakandharā | dāḍimīphalabījābhadantapaṅktivirājitā
Her attire and ornaments are of many wondrous kinds; her neck resembles a conch; she shines with a row of teeth like pomegranate seeds.
AI translation rendered from the Sanskrit, not a published edition
DB 12 12.24
अनर्घ्यरत्नघटितमुकुटाञ्चितमस्तका । मत्तालिमालाविलसदलकाढ्यमुखाम्बुजा
anarghyaratnaghaṭitamukuṭāñcitamastakā | mattālimālāvilasadalakāḍhyamukhāmbujā
Her head is graced with a crown wrought of priceless gems; her lotus-face is rich with curls that gleam like a swarm of intoxicated bees.
AI translation rendered from the Sanskrit, not a published edition
DB 12 12.25
कलङ्ककार्श्यनिर्मुक्तशरच्चन्द्रनिभानना । जाह्नवीसलिलावर्तशोभिनाभिविभूषिता
kalaṅkakārśyanirmuktaśaraccandranibhānanā | jāhnavīsalilāvartaśobhinābhivibhūṣitā
Her face is like the autumn moon freed from spot and from waning; she is adorned with a navel lovely as a whirlpool in the Gaṅgā's water.
AI translation rendered from the Sanskrit, not a published edition
DB 12 12.26
माणिक्यशकलाबद्धमुद्रिकाङ्गुलिभूषिता । पुण्डरीकदलाकारनयनत्रयसुन्दरी
māṇikyaśakalābaddhamudrikāṅgulibhūṣitā | puṇḍarīkadalākāranayanatrayasundarī
Her fingers are adorned with a ring set with a piece of ruby; she is beautiful with three eyes shaped like white-lotus petals.
AI translation rendered from the Sanskrit, not a published edition
DB 12 12.27
कल्पिताच्छमहारागपद्मरागोज्ज्वलप्रभा । रत्नकिङ्किणिकायुक्तरत्नकङ्कणशोभिता
kalpitācchamahārāgapadmarāgojjvalaprabhā | ratnakiṅkiṇikāyuktaratnakaṅkaṇaśobhitā
Her brilliance blazes with clear, deeply-hued rubies (well) set; she is graced with jewelled bracelets fitted with jewelled bells.
AI translation rendered from the Sanskrit, not a published edition
DB 12 12.28
मणिमुक्तासरापारलसत्पदकसन्ततिः । रत्नाङ्गुलिप्रविततप्रभाजाललसत्करा
maṇimuktāsarāpāralasatpadakasantatiḥ | ratnāṅgulipravitataprabhājālalasatkarā
She has a boundless succession of pendants gleaming on strands of gems and pearls; her hands shine with a net of radiance spreading from her jewelled fingers (rings).
AI translation rendered from the Sanskrit, not a published edition
DB 12 12.29
कञ्चुकीगुम्फितापारनानारत्नततिद्युतिः । मल्लिकामोदिधम्मिल्लमल्लिकालिसरावृता
kañcukīgumphitāpāranānāratnatatidyutiḥ | mallikāmodidhammillamallikālisarāvṛtā
There is the sparkle of the boundless mass of various gems strung upon her bodice; her braid, fragrant with jasmine, is encircled by garlands of jasmine and by bees.
AI translation rendered from the Sanskrit, not a published edition
DB 12 12.30
सुवृत्तनिबिडोत्तुङ्गकुचभारालसा शिवा । वरपाशाङ्कुशाभीतिलसद्बाहुचतुष्टया
suvṛttanibiḍottuṅgakucabhārālasā śivā | varapāśāṅkuśābhītilasadbāhucatuṣṭayā
Śivā, languid with the weight of her well-rounded, firm, high breasts, with her four arms gleaming with the boon-gesture, the noose, the goad and the (gesture of) fearlessness.
AI translation rendered from the Sanskrit, not a published edition
DB 12 12.31
सर्वशृङ्गारवेषाढ्या सुकुमाराङ्गवल्लरी । सौन्दर्यधारासर्वस्वा निर्व्याजकरुणामयी
sarvaśṛṅgāraveṣāḍhyā sukumārāṅgavallarī | saundaryadhārāsarvasvā nirvyājakaruṇāmayī
Rich in every amorous adornment and dress, her body a tender creeper, the whole treasure of the stream of beauty, full of compassion without pretext.
AI translation rendered from the Sanskrit, not a published edition
DB 12 12.32
निजसंलापमाधुर्यविनिर्भर्त्सितकच्छपी । कोटिकोटिरवीन्दूनां कान्तिं या बिभ्रती परा
nijasaṃlāpamādhuryavinirbhartsitakacchapī | koṭikoṭiravīndūnāṃ kāntiṃ yā bibhratī parā
She who by the sweetness of her speech puts the lute to shame, the supreme one bearing the radiance of ten million times ten million suns and moons.
AI translation rendered from the Sanskrit, not a published edition
DB 12 12.33
नानासखीभिर्दासीभिस्तथा देवाङ्गनादिभिः । सर्वाभिर्देवताभिस्तु समन्तात्परिवेष्टिता
nānāsakhībhirdāsībhistathā devāṅganādibhiḥ | sarvābhirdevatābhistu samantātpariveṣṭitā
Surrounded on every side by her various companions and maidservants, and by the women of the gods and the rest, and indeed by all the goddesses.
AI translation rendered from the Sanskrit, not a published edition
DB 12 12.34
इच्छाशक्त्या ज्ञानशक्त्या क्रियाशक्त्या समन्विता । लज्जा तुष्टिस्तथा पुष्टिः कीर्तिः कान्तिः क्षमा दया
icchāśaktyā jñānaśaktyā kriyāśaktyā samanvitā | lajjā tuṣṭistathā puṣṭiḥ kīrtiḥ kāntiḥ kṣamā dayā
Attended by the power of will, the power of knowledge and the power of action; Modesty, Contentment, and Nourishment, Fame, Beauty, Patience, Compassion,
AI translation rendered from the Sanskrit, not a published edition
DB 12 12.35
बुद्धिर्मेधा स्मृतिर्लक्ष्मीर्मूर्तिमत्योऽङ्गनाः स्मृताः । जया च विजया चैवाप्यजिता चापराजिता
buddhirmedhā smṛtirlakṣmīrmūrtimatyo'ṅganāḥ smṛtāḥ | jayā ca vijayā caivāpyajitā cāparājitā
Intelligence, Wisdom, Memory, Prosperity — these are known as women in bodily form; and Jayā and Vijayā, and Ajitā and Aparājitā,
AI translation rendered from the Sanskrit, not a published edition
DB 12 12.36
नित्या विलासिनी दोग्ध्री त्वघोरा मङ्गला नव । पीठशक्तय एतास्तु सेवन्ते यां पराम्बिकाम्
nityā vilāsinī dogdhrī tvaghorā maṅgalā nava | pīṭhaśaktaya etāstu sevante yāṃ parāmbikām
Nityā, Vilāsinī, Dogdhrī, and Aghorā, Maṅgalā — these nine are the powers of the seat, who serve that supreme Mother.
AI translation rendered from the Sanskrit, not a published edition
DB 12 12.37
यस्यास्तु पार्श्वभागे स्तो निधी तौ शङ्खपद्मकौ । नवरत्नवहा नद्यस्तथा वै काञ्चनस्रवाः
yasyāstu pārśvabhāge sto nidhī tau śaṅkhapadmakau | navaratnavahā nadyastathā vai kāñcanasravāḥ
At whose side stand the two treasures, Śaṅkha and Padma; and rivers bearing the nine gems, and likewise streams flowing with gold,
AI translation rendered from the Sanskrit, not a published edition
DB 12 12.38
सप्तधातुवहा नद्यो निधिभ्यां तु विनिर्गताः । सुधासिन्ध्वन्तगामिन्यस्ताः सर्वा नृपसत्तम
saptadhātuvahā nadyo nidhibhyāṃ tu vinirgatāḥ | sudhāsindhvantagāminyastāḥ sarvā nṛpasattama
and rivers bearing the seven metals, issued forth from the two treasures — all of them, O best of kings, run down into the ocean of nectar.
AI translation rendered from the Sanskrit, not a published edition
DB 12 12.39
सा देवी भुवनेशानी तद्वामाङ्के विराजते । सर्वेशत्वं महेशस्य यत्सङ्गादेव नान्यथा
sā devī bhuvaneśānī tadvāmāṅke virājate | sarveśatvaṃ maheśasya yatsaṅgādeva nānyathā
That Goddess, the ruler of the worlds, shines on his left lap; the lordship over all that Maheśa (has) is from union with her alone, not otherwise.
AI translation rendered from the Sanskrit, not a published edition
DB 12 12.40
चिन्तामणिगृहस्यास्य प्रमाणं शृणु भूमिप । सहस्रयोजनायामं महान्तस्तत्प्रचक्षते
cintāmaṇigṛhasyāsya pramāṇaṃ śṛṇu bhūmipa | sahasrayojanāyāmaṃ mahāntastatpracakṣate
Hear the measure of this house of wish-granting gems, O king: the great ones declare its length to be a thousand yojanas.
AI translation rendered from the Sanskrit, not a published edition
DB 12 12.41
तदुत्तरे महाशालाः पूर्वस्माद्द्विगुणाः स्मृताः । अन्तरिक्षगतं त्वेतन्निराधारं विराजते
taduttare mahāśālāḥ pūrvasmāddviguṇāḥ smṛtāḥ | antarikṣagataṃ tvetannirādhāraṃ virājate
To the north of it the great halls are held to be twice (the size of) the previous one; and this stands in mid-air, shining without any support.
AI translation rendered from the Sanskrit, not a published edition
DB 12 12.42
सङ्कोचश्च विकासश्च जायतेऽस्य निरन्तरम् । पटवत्कार्यवशतः प्रलये सर्जने तथा
saṅkocaśca vikāsaśca jāyate'sya nirantaram | paṭavatkāryavaśataḥ pralaye sarjane tathā
Contraction and expansion occur in it ceaselessly, like a cloth, according to the requirement of the task, at dissolution and likewise at creation.
AI translation rendered from the Sanskrit, not a published edition
DB 12 12.43
शालानां चैव सर्वेषां सर्वकान्तिपरावधि । चिन्तामणिगृहं प्रोक्तं यत्र देवी महोमयी
śālānāṃ caiva sarveṣāṃ sarvakāntiparāvadhi | cintāmaṇigṛhaṃ proktaṃ yatra devī mahomayī
And of all the halls it is the utmost limit of all beauty: the house of wish-granting gems is so called, where the Goddess made of radiance (dwells).
AI translation rendered from the Sanskrit, not a published edition
DB 12 12.44
ये ये उपासकाः सन्ति प्रतिब्रह्माण्डवर्तिनः । देवेषु नागलोकेषु मनुष्येष्वितरेषु च
ye ye upāsakāḥ santi pratibrahmāṇḍavartinaḥ | deveṣu nāgalokeṣu manuṣyeṣvitareṣu ca
Whatever worshippers there are dwelling in each several universe—among gods, in the worlds of the nāgas, among men and among others—
AI translation rendered from the Sanskrit, not a published edition
DB 12 12.45
श्रीदेव्यास्ते च सर्वेऽपि व्रजन्त्यत्रैव भूमिप । देवीक्षेत्रे ये त्यजन्ति प्राणान्देव्यर्चने रताः
śrīdevyāste ca sarve'pi vrajantyatraiva bhūmipa | devīkṣetre ye tyajanti prāṇāndevyarcane ratāḥ
they, all of them, worshippers of the glorious Goddess, go to this very place, O king; and those who, devoted to the Goddess's worship, give up their lives in a sacred field of the Goddess,
AI translation rendered from the Sanskrit, not a published edition
DB 12 12.46
ते सर्वे यान्ति तत्रैव यत्र देवी महोत्सवा । घृतकुल्या दुग्धकुल्या दधिकुल्या मधुस्रवाः
te sarve yānti tatraiva yatra devī mahotsavā | ghṛtakulyā dugdhakulyā dadhikulyā madhusravāḥ
all of them go to that very place where the Goddess is (attended) with great festivity. Streams of ghee, streams of milk, streams of curds, flowing with honey—
AI translation rendered from the Sanskrit, not a published edition
DB 12 12.47
स्यन्दन्ति सरितः सर्वास्तथामृतवहाः पराः । द्राक्षारसवहाः काश्चिज्जम्बूरसवहाः पराः
syandanti saritaḥ sarvāstathāmṛtavahāḥ parāḥ | drākṣārasavahāḥ kāścijjambūrasavahāḥ parāḥ
all these rivers flow there, and other excellent ones carrying nectar; some carry grape juice, others carry rose-apple juice.
AI translation rendered from the Sanskrit, not a published edition
DB 12 12.48
आम्रेक्षुरसवाहिन्यो नद्यस्तास्तु सहस्रशः । मनोरथफला वृक्षा वाप्यः कूपास्तथैव च
āmrekṣurasavāhinyo nadyastāstu sahasraśaḥ | manorathaphalā vṛkṣā vāpyaḥ kūpāstathaiva ca
And those rivers flowing with mango and sugar-cane juice are there by the thousand; and there are trees whose fruit is (whatever) one's heart desires, and tanks and wells likewise,
AI translation rendered from the Sanskrit, not a published edition
DB 12 12.49
यथेष्टपानफलदा न न्यूनं किञ्चिदस्ति हि । न रोगपलितं वापि जरा वापि कदाचन
yatheṣṭapānaphaladā na nyūnaṃ kiñcidasti hi | na rogapalitaṃ vāpi jarā vāpi kadācana
yielding drink and fruit as one wishes; nothing at all is lacking there. There is no disease, nor grey hair, nor old age ever.
AI translation rendered from the Sanskrit, not a published edition
DB 12 12.50
न चिन्ता न च मात्सर्यं कामक्रोधादिकं तथा । सर्वे युवानः सस्त्रीका सहस्रादित्यवर्चसः
na cintā na ca mātsaryaṃ kāmakrodhādikaṃ tathā | sarve yuvānaḥ sastrīkā sahasrādityavarcasaḥ
There is no anxiety, no envy, nor lust, anger and the rest; all are young, accompanied by their wives, with the brilliance of a thousand suns.
AI translation rendered from the Sanskrit, not a published edition
DB 12 12.51
भजन्ति सततं देवीं तत्र श्रीभुवनेश्वरीम् । केचित्सलोकतापन्नाः केचित्सामीप्यतां गताः
bhajanti satataṃ devīṃ tatra śrībhuvaneśvarīm | kecitsalokatāpannāḥ kecitsāmīpyatāṃ gatāḥ
There they constantly worship the Goddess, the glorious Bhuvaneśvarī; some have attained (residence in) her world, some have attained nearness (to her),
AI translation rendered from the Sanskrit, not a published edition
DB 12 12.52
सरूपतां गताः केचित्सार्ष्टितां च परे गताः । या यास्तु देवतास्तत्र प्रतिब्रह्माण्डवर्तिनाम्
sarūpatāṃ gatāḥ kecitsārṣṭitāṃ ca pare gatāḥ | yā yāstu devatāstatra pratibrahmāṇḍavartinām
some have attained the same form, and others have attained equal lordship. And whatever deities belong there to (the beings) dwelling in each several universe—
AI translation rendered from the Sanskrit, not a published edition
DB 12 12.53
समष्टयः स्थितास्तास्तु सेवन्ते जगदीश्वरीम् । सप्तकोटिमहामन्त्रा मूर्तिमन्त उपासते
samaṣṭayaḥ sthitāstāstu sevante jagadīśvarīm | saptakoṭimahāmantrā mūrtimanta upāsate
those, standing as collective wholes, serve the Mistress of the world; and the seven crores of great mantras, taking bodily form, worship (her),
AI translation rendered from the Sanskrit, not a published edition
DB 12 12.54
महाविद्याश्च सकलाः साम्यावस्थात्मिकां शिवाम् । कारणब्रह्मरूपां तां मायाशबलविग्रहाम्
mahāvidyāśca sakalāḥ sāmyāvasthātmikāṃ śivām | kāraṇabrahmarūpāṃ tāṃ māyāśabalavigrahām
and all the Mahāvidyās (worship) Śivā, whose nature is the state of equilibrium, who is of the form of the causal Brahman, whose body is variegated with Māyā.
AI translation rendered from the Sanskrit, not a published edition
DB 12 12.55
इत्थं राजन् मया प्रोक्तं मणिद्वीपं महत्तरम् । न सूर्यचन्द्रौ नो विद्युत्कोटयोऽग्निस्तथैव च
itthaṃ rājan mayā proktaṃ maṇidvīpaṃ mahattaram | na sūryacandrau no vidyutkoṭayo'gnistathaiva ca
Thus, O king, the very great Maṇidvīpa has been described by me. Neither sun and moon, nor crores of lightnings, nor fire likewise—
AI translation rendered from the Sanskrit, not a published edition
DB 12 12.56
एतस्य भासा कोट्यंशकोट्यंशेनापि ते समाः । क्यचिद्विद्रुमसकाशं क्वचिन्मरकतच्छवि
etasya bhāsā koṭyaṃśakoṭyaṃśenāpi te samāḥ | kyacidvidrumasakāśaṃ kvacinmarakatacchavi
they are not equal even to a crore-th part of a crore-th part of its radiance. In one place it looks like coral, in another it has the hue of emerald,
AI translation rendered from the Sanskrit, not a published edition
DB 12 12.57
विद्युद्भानुसमच्छायं मध्यसूर्यसमं क्वचित् । विद्युत्कोटिमहाधारा सारकान्तिततं क्वचित्
vidyudbhānusamacchāyaṃ madhyasūryasamaṃ kvacit | vidyutkoṭimahādhārā sārakāntitataṃ kvacit
in one place its sheen equals lightning and the sun, in another it equals the midday sun; in one place it is spread with the lustre of the great streaming essence of a crore of lightnings.
AI translation rendered from the Sanskrit, not a published edition — the model flagged this verse as uncertain
DB 12 12.58
क्वचित्सिन्दूरनीलेन्द्रमाणिक्यसदृशच्छवि । हीरसारमहागर्भधगद्धगितदिक्तटम्
kvacitsindūranīlendramāṇikyasadṛśacchavi | hīrasāramahāgarbhadhagaddhagitadiktaṭam
In one place its hue is like vermilion, sapphire and ruby; its quarters' edges flash and flash with the great interiors of the essence of diamond.
AI translation rendered from the Sanskrit, not a published edition — the model flagged this verse as uncertain
DB 12 12.59
कान्त्या दावानलसमं तप्तकाञ्चनसन्निभम् । क्वचिच्चन्द्रोपलोद्गारं सूर्योद्गारं च कुत्रचित्
kāntyā dāvānalasamaṃ taptakāñcanasannibham | kvaciccandropalodgāraṃ sūryodgāraṃ ca kutracit
In beauty like a forest fire, resembling molten gold; in one place giving forth moonstone (radiance), and in another place sunstone (radiance).
AI translation rendered from the Sanskrit, not a published edition — the model flagged this verse as uncertain
DB 12 12.60
रत्नशृङ्गिसमायुक्तं रत्नप्राकारगोपुरम् । रत्नपत्रै रत्नफलैर्वक्षैश्च परिमण्डितम्
ratnaśṛṅgisamāyuktaṃ ratnaprākāragopuram | ratnapatrai ratnaphalairvakṣaiśca parimaṇḍitam
Furnished with jewelled pinnacles, with jewelled ramparts and gateways, adorned all round with trees having jewels for leaves and jewels for fruits.
AI translation rendered from the Sanskrit, not a published edition
DB 12 12.61
नृत्यन्मयूरसङ्घैश्च कपोतरणितोज्ज्वलम् । कोकिलाकाकलीलापैः शुकलापैश्च शोभितम्
nṛtyanmayūrasaṅghaiśca kapotaraṇitojjvalam | kokilākākalīlāpaiḥ śukalāpaiśca śobhitam
Radiant with flocks of dancing peacocks and with the cooing of pigeons, made lovely by the sweet warbling calls of cuckoos and by the chattering of parrots.
AI translation rendered from the Sanskrit, not a published edition
DB 12 12.62
सुरम्यरमणीयाम्बुलक्षावधिसरोवृतम् । तन्मध्यभागविलसद्विकचद्रत्नपङ्कजैः
suramyaramaṇīyāmbulakṣāvadhisarovṛtam | tanmadhyabhāgavilasadvikacadratnapaṅkajaiḥ
Surrounded by a hundred thousand delightful lakes of lovely water, and by the blossoming jewel-lotuses shining in the midst of them—
AI translation rendered from the Sanskrit, not a published edition — the model flagged this verse as uncertain
DB 12 12.63
सुगन्धिभिः समन्तात्तु वासितं शतयोजनम् । मन्दमारुतसम्भिन्नचलद्द्रुमसमाकुलम्
sugandhibhiḥ samantāttu vāsitaṃ śatayojanam | mandamārutasambhinnacaladdrumasamākulam
—fragrant ones, it is perfumed all around for a hundred yojanas; it is thick with trees stirring, shaken by the gentle wind.
AI translation rendered from the Sanskrit, not a published edition
DB 12 12.64
चिन्तामणिसमूहानां ज्योतिषा वितताम्बरम् । रत्नप्रभाभिरभितो धगद्धगितदिक्तटम्
cintāmaṇisamūhānāṃ jyotiṣā vitatāmbaram | ratnaprabhābhirabhito dhagaddhagitadiktaṭam
Its sky is spread over with the light of masses of wish-granting gems; on every side the quarters glitter and flash with the radiance of jewels.
AI translation rendered from the Sanskrit, not a published edition
DB 12 12.65
वृक्षवातमहागन्धवातवातसुपूरितम् । धूपधूपायितं राजन् मणिदीपायुतोज्ज्वलम्
vṛkṣavātamahāgandhavātavātasupūritam | dhūpadhūpāyitaṃ rājan maṇidīpāyutojjvalam
It is well filled with the wind of the trees, the great fragrance-bearing wind, blowing (everywhere); it is made smoky with incense, O king, and blazes with ten thousand jewel-lamps.
AI translation rendered from the Sanskrit, not a published edition — the model flagged this verse as uncertain
DB 12 12.66
मणिजालकसच्छिद्रतरलोदरकान्तिभिः । दिङ्मोहजनकं चैतद्दर्पणोदरसंयुतम्
maṇijālakasacchidrataralodarakāntibhiḥ | diṅmohajanakaṃ caitaddarpaṇodarasaṃyutam
With the gleams of its trembling interiors, perforated with jewelled lattice-work, this place bewilders (one about) the directions, and is fitted with mirrored interiors.
AI translation rendered from the Sanskrit, not a published edition — the model flagged this verse as uncertain
DB 12 12.67
ऐश्वर्यस्य समग्रस्य शृङ्गारस्याखिलस्य च । सर्वज्ञतायाः सर्वायास्तेजसश्चाखिलस्य वै
aiśvaryasya samagrasya śṛṅgārasyākhilasya ca | sarvajñatāyāḥ sarvāyāstejasaścākhilasya vai
Of sovereignty entire, and of all adornment (erotic charm), of omniscience complete and of all splendour indeed,
AI translation rendered from the Sanskrit, not a published edition
DB 12 12.68
पराक्रमस्य सर्वस्य सर्वोत्तमगुणस्य च ।
parākramasya sarvasya sarvottamaguṇasya ca |
and of all prowess, and of every quality that is highest of all—
AI translation rendered from the Sanskrit, not a published edition — the model flagged this verse as uncertain
DB 12 12.69
राज्ञ आनन्दमारभ्य ब्रह्मलोकान्तभूमिषु । आनन्दा ये स्थिताः सर्वे तेऽत्रैवान्तर्भवन्ति हि
rājña ānandamārabhya brahmalokāntabhūmiṣu | ānandā ye sthitāḥ sarve te'traivāntarbhavanti hi
Beginning with the joy of a king, all the joys that exist in the worlds up to the world of Brahmā—they are all contained right here.
AI translation rendered from the Sanskrit, not a published edition
DB 12 12.70
इति ते वर्णितं राजन् मणिद्वीपं महत्तरम् । महादेव्याः परं स्थानं सर्वलोकोत्तमोत्तमम्
iti te varṇitaṃ rājan maṇidvīpaṃ mahattaram | mahādevyāḥ paraṃ sthānaṃ sarvalokottamottamam
Thus, O king, the most exalted Maṇidvīpa has been described to you—the supreme abode of the Great Goddess, the highest of the high among all worlds.
AI translation rendered from the Sanskrit, not a published edition
DB 12 12.71
एतस्य स्मरणात्सद्यः सर्वं पापं विनश्यति । प्राणोत्क्रमणसन्धौ तु स्मृत्वा तत्रैव गच्छति
etasya smaraṇātsadyaḥ sarvaṃ pāpaṃ vinaśyati | prāṇotkramaṇasandhau tu smṛtvā tatraiva gacchati
From remembering it all sin is at once destroyed; and one who remembers it at the moment when the breaths depart goes to that very place.
AI translation rendered from the Sanskrit, not a published edition
DB 12 12.72
अध्यायपञ्चकं त्वेतत्पठेन्नित्यं समाहितः । भूतप्रेतपिशाचादिबाधा तत्र भवेन्न हि
adhyāyapañcakaṃ tvetatpaṭhennityaṃ samāhitaḥ | bhūtapretapiśācādibādhā tatra bhavenna hi
One should recite these five chapters daily with a collected mind; then there will be no affliction there from ghosts, spirits, goblins and the like.
AI translation rendered from the Sanskrit, not a published edition
DB 12 12.73
नवीनगृहनिर्माणे वास्तुयागे तथैव च । पठितव्यं प्रयत्नेन कल्याणं तेन जायते
navīnagṛhanirmāṇe vāstuyāge tathaiva ca | paṭhitavyaṃ prayatnena kalyāṇaṃ tena jāyate
At the building of a new house, and likewise at the Vāstu sacrifice, it should be recited with care; by that welfare comes about.
AI translation rendered from the Sanskrit, not a published edition