Devi Bhagavata Purana — Skandha 10 — Chapter 13
DB 10 13.1
भ्रामरीचरित्रवर्णनम् श्रीनारायण उवाच अथातः श्रूयतां शेषमनूनां चित्रमुद्भवम् । यस्य स्मरणमात्रेण देवीभक्तिः प्रजायते
bhrāmarīcaritravarṇanam śrīnārāyaṇa uvāca athātaḥ śrūyatāṃ śeṣamanūnāṃ citramudbhavam | yasya smaraṇamātreṇa devībhaktiḥ prajāyate
Description of the deeds of Bhrāmarī. Śrī Nārāyaṇa said: Now then, let the remaining wondrous origin of the Manus be heard, by the mere recollection of which devotion to the Goddess arises.
AI translation rendered from the Sanskrit, not a published edition
DB 10 13.2
आसन्वैवस्वतमनोः पुत्राः षड् विमलोदयाः । करूषश्च पृषध्रश्च नाभागो दिष्ट एव च
āsanvaivasvatamanoḥ putrāḥ ṣaḍ vimalodayāḥ | karūṣaśca pṛṣadhraśca nābhāgo diṣṭa eva ca
Vaivasvata Manu had six sons of pure origin: Karūṣa, Pṛṣadhra, Nābhāga, and Diṣṭa,
AI translation rendered from the Sanskrit, not a published edition
DB 10 13.3
शर्यातिश्च त्रिशङ्कुश्च सर्व एव महाबलाः । ततः षडेव ते गत्वा कालिन्द्यास्तीरमुत्तमम्
śaryātiśca triśaṅkuśca sarva eva mahābalāḥ | tataḥ ṣaḍeva te gatvā kālindyāstīramuttamam
and Śaryāti and Triśaṅku — all of them of great strength. Then those six, having gone to the excellent bank of the Kālindī,
AI translation rendered from the Sanskrit, not a published edition
DB 10 13.4
निराहारा जितश्वासाः पूजां चक्रुस्ततः स्थिताः । देव्या महीमयीं मूर्तिं विनिर्माय पृथक्पृथक्
nirāhārā jitaśvāsāḥ pūjāṃ cakrustataḥ sthitāḥ | devyā mahīmayīṃ mūrtiṃ vinirmāya pṛthakpṛthak
foodless, with breath controlled, remained there and performed worship: having each separately fashioned an earthen image of the Goddess,
AI translation rendered from the Sanskrit, not a published edition
DB 10 13.5
विविधैरुपचारैस्तां पूजयामासुरादृताः । ततश्च सर्व एवैते तपःसारा महाबलाः
vividhairupacāraistāṃ pūjayāmāsurādṛtāḥ | tataśca sarva evaite tapaḥsārā mahābalāḥ
they worshipped her with reverence with various offerings. And then all these mighty ones, whose essence was austerity,
AI translation rendered from the Sanskrit, not a published edition
DB 10 13.6
जीर्णपर्णाशना वायुभक्षणास्तोयजीवनाः । धूम्रपाना रश्मिपानाः क्रमशश्च बहुश्रमाः
jīrṇaparṇāśanā vāyubhakṣaṇāstoyajīvanāḥ | dhūmrapānā raśmipānāḥ kramaśaśca bahuśramāḥ
eating withered leaves, feeding on air, living on water, drinking smoke, drinking the sun's rays — step by step, with much toil.
AI translation rendered from the Sanskrit, not a published edition
DB 10 13.7
ततस्तेषामादरेणाराधनं कुर्वतां सदा । विमला मतिरुत्पन्ना सर्वमोहविनाशिनी
tatasteṣāmādareṇārādhanaṃ kurvatāṃ sadā | vimalā matirutpannā sarvamohavināśinī
Then, as they were constantly performing worship with reverence, a pure understanding arose (in them) that destroys all delusion.
AI translation rendered from the Sanskrit, not a published edition
DB 10 13.8
बभूवुर्मनुपुत्रास्ते देवीपादैकचिन्तनाः । मत्या विमलया तेषामात्मन्येवाखिलं जगत्
babhūvurmanuputrāste devīpādaikacintanāḥ | matyā vimalayā teṣāmātmanyevākhilaṃ jagat
Those sons of Manu came to think of nothing but the Goddess's feet; by their pure understanding the whole world (was seen) as within the self itself.
AI translation rendered from the Sanskrit, not a published edition
DB 10 13.9
दर्शनं सञ्जगामाशु तदद्भुतमिवाभवत् । एवं द्वादशवर्षान्ते तपसा जगदीश्वरी
darśanaṃ sañjagāmāśu tadadbhutamivābhavat | evaṃ dvādaśavarṣānte tapasā jagadīśvarī
The vision came quickly; that was as though a marvel. Thus, at the end of twelve years, by (their) austerity the Mistress of the world,
AI translation rendered from the Sanskrit, not a published edition
DB 10 13.10
प्रादुर्बभूव देवेशी सहस्रार्कसमद्युतिः । तां दृष्ट्वा विमलात्मानो राजपुत्राः षडेव ते
prādurbabhūva deveśī sahasrārkasamadyutiḥ | tāṃ dṛṣṭvā vimalātmāno rājaputrāḥ ṣaḍeva te
the Ruler of the gods, appeared, with radiance equal to a thousand suns. Seeing her, those six pure-souled sons of the king
AI translation rendered from the Sanskrit, not a published edition
DB 10 13.11
तुष्टुवुर्भक्तिनम्रान्तःकरणा भावसंयुताः । राजपुत्रा ऊचुः महेश्वरि जयेशानि परमे करुणालये
tuṣṭuvurbhaktinamrāntaḥkaraṇā bhāvasaṃyutāḥ | rājaputrā ūcuḥ maheśvari jayeśāni parame karuṇālaye
praised (her), their inner faculties bowed with devotion and filled with feeling. The king's sons said: Victory, O Great Goddess, O supreme Mistress, O abode of compassion!
AI translation rendered from the Sanskrit, not a published edition
DB 10 13.12
वाग्भवाराधनप्रीते वाग्भवप्रतिपादिते । क्लींकारविग्रहे देवि क्लींकारप्रीतिदायिनि
vāgbhavārādhanaprīte vāgbhavapratipādite | klīṃkāravigrahe devi klīṃkāraprītidāyini
O you pleased by the worship of the Vāgbhava (seed-syllable), attained through Vāgbhava; O Goddess whose form is the syllable klīṃ, giver of the delight of the syllable klīṃ;
AI translation rendered from the Sanskrit, not a published edition
DB 10 13.13
कामराजमनोमोददायिनीश्वरतोषिणि । महामाये मोदपरे महासाम्राज्यदायिनि दशमस्कन्धे भ्रामरीचरित्रवर्णनं नाम त्रयोदशोऽध्यायः
kāmarājamanomodadāyinīśvaratoṣiṇi | mahāmāye modapare mahāsāmrājyadāyini daśamaskandhe bhrāmarīcaritravarṇanaṃ nāma trayodaśo'dhyāyaḥ
O giver of the mind's delight of the Kāmarāja (syllable), pleaser of the Lord; O Mahāmāyā, supreme in delight, bestower of great sovereignty! [In the tenth book, the thirteenth chapter, called the Description of the Deeds of Bhrāmarī.]
AI translation rendered from the Sanskrit, not a published edition — the model flagged this verse as uncertain
DB 10 13.14
विष्ण्वर्कहरशक्रादिस्वरूपे भोगवर्धिनि । एवं स्तुता भगवती राजपुत्रैर्महात्मभिः
viṣṇvarkaharaśakrādisvarūpe bhogavardhini | evaṃ stutā bhagavatī rājaputrairmahātmabhiḥ
O you whose forms are Viṣṇu, the Sun, Hara, Śakra and the rest, increaser of enjoyments! Thus praised by the great-souled sons of the king, the Blessed Goddess
AI translation rendered from the Sanskrit, not a published edition
DB 10 13.15
प्रसादसुमुखी देवी प्रोवाच वचनं शुभम् । देव्युवाच राजपुत्रा महात्मानो भवन्तस्तपसा युताः
prasādasumukhī devī provāca vacanaṃ śubham | devyuvāca rājaputrā mahātmāno bhavantastapasā yutāḥ
The Goddess, her face gracious with favour, spoke auspicious words. The Goddess said: Princes, great-souled ones, you are endowed with ascetic practice.
AI translation rendered from the Sanskrit, not a published edition
DB 10 13.16
निष्कल्मषाः शुद्धधियो जाता वै मदुपासनात् । वरं मनोगतं सर्वं याचध्वमविलम्बितम्
niṣkalmaṣāḥ śuddhadhiyo jātā vai madupāsanāt | varaṃ manogataṃ sarvaṃ yācadhvamavilambitam
You have become free of stain and pure in mind through worship of me. Ask without delay for every boon that is in your minds.
AI translation rendered from the Sanskrit, not a published edition
DB 10 13.17
प्रसन्नाहं प्रदास्यामि युष्माकं मनसि स्थितम् । राजपुत्रा ऊचुः देवि निष्कण्टकं राज्यं सन्ततिश्चिरजीविनी
prasannāhaṃ pradāsyāmi yuṣmākaṃ manasi sthitam | rājaputrā ūcuḥ devi niṣkaṇṭakaṃ rājyaṃ santatiścirajīvinī
I am pleased; I shall grant what stands in your minds. The princes said: Goddess, (may we have) a kingdom free of thorns, and long-living offspring;
AI translation rendered from the Sanskrit, not a published edition
DB 10 13.18
भोगा अव्याहता कामं यशस्तेजो मतिश्च ह । अकुण्ठितत्वं सर्वेषामेष एव वरो हितः
bhogā avyāhatā kāmaṃ yaśastejo matiśca ha | akuṇṭhitatvaṃ sarveṣāmeṣa eva varo hitaḥ
pleasures unobstructed at will, fame, splendour, and intelligence too; and undiminished vigour for us all — this alone is the boon we wish for.
AI translation rendered from the Sanskrit, not a published edition
DB 10 13.19
देव्युवाच एवमस्तु च सर्वेषां भवतां यन्मनोगतम् । अथान्यदपि मे वाक्यं भूयतामादरादिदम्
devyuvāca evamastu ca sarveṣāṃ bhavatāṃ yanmanogatam | athānyadapi me vākyaṃ bhūyatāmādarādidam
The Goddess said: So let it be, whatever is in the minds of all of you. And now let this further word of mine be heard with respect.
AI translation rendered from the Sanskrit, not a published edition
DB 10 13.20
भवन्तः सर्व एवैते मन्वन्तरपतीश्वराः । सन्तत्या दीर्घया भोगैरनेकैरपि सङ्गमः
bhavantaḥ sarva evaite manvantarapatīśvarāḥ | santatyā dīrghayā bhogairanekairapi saṅgamaḥ
All of you here will be lords, rulers of manvantaras; you will have long-lasting progeny and union with many enjoyments as well.
AI translation rendered from the Sanskrit, not a published edition
DB 10 13.21
अखण्डितबलैश्वर्यं यशस्तेजोविभूतयः । भवितारो मत्प्रसादाद्राजपुत्राः क्रमेण तु
akhaṇḍitabalaiśvaryaṃ yaśastejovibhūtayaḥ | bhavitāro matprasādādrājaputrāḥ krameṇa tu
Unbroken strength and sovereignty, fame, splendour, and abundant powers will come to you, princes, in due order, by my grace.
AI translation rendered from the Sanskrit, not a published edition
DB 10 13.22
श्रीनारायण उवाच एवं तेभ्यो वरान्दत्त्वा भ्रामरी जगदम्बिका । अन्तर्धानं जगामाशु भक्त्या तैः संस्तुता सती
śrīnārāyaṇa uvāca evaṃ tebhyo varāndattvā bhrāmarī jagadambikā | antardhānaṃ jagāmāśu bhaktyā taiḥ saṃstutā satī
Śrī Nārāyaṇa said: Having thus given them boons, Bhrāmarī, the Mother of the world, praised by them with devotion, the true Goddess, swiftly vanished.
AI translation rendered from the Sanskrit, not a published edition
DB 10 13.23
ते राजपुत्राः सर्वेऽपि तस्मिञ्जन्मन्यनुत्तमम् । राज्यं महीगतान्भोगान्बुभुजुश्च महौजसः
te rājaputrāḥ sarve'pi tasmiñjanmanyanuttamam | rājyaṃ mahīgatānbhogānbubhujuśca mahaujasaḥ
And all those princes, men of great vigour, enjoyed in that birth an unsurpassed kingdom and the pleasures obtainable on earth.
AI translation rendered from the Sanskrit, not a published edition
DB 10 13.24
सन्ततिं चाखण्डितां ते समुत्पाद्य महीतले । वंशं संस्थाप्य सर्वेऽपि मनूनां पतयोऽभवन्
santatiṃ cākhaṇḍitāṃ te samutpādya mahītale | vaṃśaṃ saṃsthāpya sarve'pi manūnāṃ patayo'bhavan
And having brought forth unbroken progeny on the surface of the earth and established their lineage, they all became lords of Manus.
AI translation rendered from the Sanskrit, not a published edition
DB 10 13.25
भवान्तरे क्रमेणैव सावर्णिपदभागिनः । प्रथमो दक्षसावर्णिर्नवमो मनुरीरितः
bhavāntare krameṇaiva sāvarṇipadabhāginaḥ | prathamo dakṣasāvarṇirnavamo manurīritaḥ
In another birth, in order, they came to share the rank of the Sāvarṇis: the first, Dakṣasāvarṇi, is declared to be the ninth Manu.
AI translation rendered from the Sanskrit, not a published edition
DB 10 13.26
अव्याहतबलो देव्याः प्रसादादभवद्विभुः । द्वितीयो मेरुसावर्णिर्दशमो मनुरेव च
avyāhatabalo devyāḥ prasādādabhavadvibhuḥ | dvitīyo merusāvarṇirdaśamo manureva ca
By the grace of the Goddess he became a mighty lord of unobstructed power. The second was Merusāvarṇi, indeed the tenth Manu,
AI translation rendered from the Sanskrit, not a published edition
DB 10 13.27
बभूव मन्वन्तरपो महादेवीप्रसादतः । तृतीयो मनुराख्यातः सूर्यसावर्णिनामकः
babhūva manvantarapo mahādevīprasādataḥ | tṛtīyo manurākhyātaḥ sūryasāvarṇināmakaḥ
who became ruler of a manvantara through the favour of the great Goddess. The third Manu is declared to be the one named Sūryasāvarṇi,
AI translation rendered from the Sanskrit, not a published edition
DB 10 13.28
एकादशो महोत्साहस्तपसा स्वेन भावितः । चतुर्थश्चन्द्रसावर्णिर्द्वादशो मनुराड् विभुः
ekādaśo mahotsāhastapasā svena bhāvitaḥ | caturthaścandrasāvarṇirdvādaśo manurāḍ vibhuḥ
the eleventh, of great energy, brought into being by his own austerity. The fourth was Candrasāvarṇi, the twelfth Manu, a mighty king,
AI translation rendered from the Sanskrit, not a published edition
DB 10 13.29
देवीसमाराधनेन जातो मन्वन्तरेश्वरः । पञ्चमो रुद्रसावर्णिस्त्रयोदशमनुः स्मृतः
devīsamārādhanena jāto manvantareśvaraḥ | pañcamo rudrasāvarṇistrayodaśamanuḥ smṛtaḥ
who became lord of a manvantara through the worship of the Goddess. The fifth, Rudrasāvarṇi, is remembered as the thirteenth Manu,
AI translation rendered from the Sanskrit, not a published edition
DB 10 13.30
महाबलो महासत्त्वो बभूव जगदीश्वरः । षष्ठश्च विष्णुसावर्णिश्चतुर्दशमनुः कृती
mahābalo mahāsattvo babhūva jagadīśvaraḥ | ṣaṣṭhaśca viṣṇusāvarṇiścaturdaśamanuḥ kṛtī
who, of great strength and great goodness, became lord of the world. And the sixth was Viṣṇusāvarṇi, the fourteenth Manu, an accomplished one,
AI translation rendered from the Sanskrit, not a published edition
DB 10 13.31
बभूव देवीवरतो जगतां प्रथितः प्रभुः । चतुर्दशैते मनवो महातेजोबलैर्युताः
babhūva devīvarato jagatāṃ prathitaḥ prabhuḥ | caturdaśaite manavo mahātejobalairyutāḥ
who became, by the Goddess's boon, a renowned lord of the worlds. These fourteen Manus, endowed with great splendour and strength,
AI translation rendered from the Sanskrit, not a published edition
DB 10 13.32
देव्याराधनतः पूज्या वन्द्या लोकेषु नित्यशः । महाप्रतापिनः सर्वे भ्रामर्यास्तु प्रसादतः
devyārādhanataḥ pūjyā vandyā lokeṣu nityaśaḥ | mahāpratāpinaḥ sarve bhrāmaryāstu prasādataḥ
through worship of the Goddess became worthy of honour and reverence always in the worlds; all of them were of great majesty by the grace of Bhrāmarī.
AI translation rendered from the Sanskrit, not a published edition
DB 10 13.33
नारद उवाच केयं सा भ्रामरी देवी कथं जाता किमात्मिका । तदाख्यानं वद प्राज्ञ विचित्रं शोकनाशकम्
nārada uvāca keyaṃ sā bhrāmarī devī kathaṃ jātā kimātmikā | tadākhyānaṃ vada prājña vicitraṃ śokanāśakam
Nārada said: Who is that goddess Bhrāmarī? How did she come to be? What is her nature? Tell that wondrous, sorrow-destroying tale, O wise one.
AI translation rendered from the Sanskrit, not a published edition
DB 10 13.34
न तृप्तिमधिगच्छामि पिबन्देवीकथामृतम् । अमृतं पिबतां मृत्युर्नास्य श्रवणतो यतः
na tṛptimadhigacchāmi pibandevīkathāmṛtam | amṛtaṃ pibatāṃ mṛtyurnāsya śravaṇato yataḥ
I find no satisfaction while drinking the nectar of the Goddess's story; for those who drink that nectar there is no death, since (it comes) from hearing it.
AI translation rendered from the Sanskrit, not a published edition — the model flagged this verse as uncertain
DB 10 13.35
श्रीनारायण उवाच शृणु नारद वक्ष्यामि जगन्मातुर्विचेष्टितम् । अचिन्त्याव्यक्तरूपाया विचित्रं मोक्षदायकम्
śrīnārāyaṇa uvāca śṛṇu nārada vakṣyāmi jaganmāturviceṣṭitam | acintyāvyaktarūpāyā vicitraṃ mokṣadāyakam
Śrī Nārāyaṇa said: Listen, Nārada, I shall tell of the doings of the Mother of the world—of her whose form is unthinkable and unmanifest—wondrous doings that bestow liberation.
AI translation rendered from the Sanskrit, not a published edition
DB 10 13.36
यद्यच्चरित्रं श्रीदेव्यास्तत्सर्वं लोकहेतवे । निर्व्याजया करुणया पुत्रे मातुर्यथा तथा
yadyaccaritraṃ śrīdevyāstatsarvaṃ lokahetave | nirvyājayā karuṇayā putre māturyathā tathā
Whatever deeds the Goddess performs, all of them are for the sake of the worlds, out of guileless compassion, as a mother's toward her son.
AI translation rendered from the Sanskrit, not a published edition
DB 10 13.37
पूर्वं दैत्यो महानासीदरुणाख्यो महाबलः । पाताले दैत्यसंस्थाने देवद्वेषी महाखलः
pūrvaṃ daityo mahānāsīdaruṇākhyo mahābalaḥ | pātāle daityasaṃsthāne devadveṣī mahākhalaḥ
Formerly there was a great demon named Aruṇa, of great strength, hater of the gods, exceedingly wicked, (dwelling) in Pātāla in the demons' abode.
AI translation rendered from the Sanskrit, not a published edition
DB 10 13.38
स देवाञ्जेतुकामश्च चकार परमं तपः । पद्मसम्भवमुद्दिश्य स नस्त्राता भविष्यति
sa devāñjetukāmaśca cakāra paramaṃ tapaḥ | padmasambhavamuddiśya sa nastrātā bhaviṣyati
And he, wishing to conquer the gods, performed the highest austerity, directing it toward the Lotus-born (Brahmā): "He will be our protector."
AI translation rendered from the Sanskrit, not a published edition
DB 10 13.39
गत्वा हिमवतः पार्श्वे गङ्गाजलसुशीतले । पक्वपर्णाशनो योगी सन्निरुध्य मरुद्गणम्
gatvā himavataḥ pārśve gaṅgājalasuśītale | pakvaparṇāśano yogī sannirudhya marudgaṇam
Going to the flank of the Himālaya, cool with the water of the Gaṅgā, eating fallen ripe leaves, a yogin, restraining the host of his breaths,
AI translation rendered from the Sanskrit, not a published edition
DB 10 13.40
गायत्रीजपसंसक्तः सकामस्तमसा युतः । दशवर्षसहस्राणि ततो वारिकणाशनः
gāyatrījapasaṃsaktaḥ sakāmastamasā yutaḥ | daśavarṣasahasrāṇi tato vārikaṇāśanaḥ
intent on the muttering of the Gāyatrī, full of desire and joined with darkness (tamas), (he stayed) ten thousand years; then, eating (only) drops of water,
AI translation rendered from the Sanskrit, not a published edition
DB 10 13.41
दशवर्षसहस्राणि ततः पवनभोजनः । दशवर्षसहस्राणि निराहारोऽभवत्ततः
daśavarṣasahasrāṇi tataḥ pavanabhojanaḥ | daśavarṣasahasrāṇi nirāhāro'bhavattataḥ
ten thousand years; then, feeding on air, ten thousand years; then he became foodless (altogether).
AI translation rendered from the Sanskrit, not a published edition
DB 10 13.42
एवं तपस्यतस्तस्य शरीरादुत्थितोऽनलः । ददाह जगतीं सर्वां तदद्भुतमिवाभवत्
evaṃ tapasyatastasya śarīrādutthito'nalaḥ | dadāha jagatīṃ sarvāṃ tadadbhutamivābhavat
As he was thus practising austerity, a fire arose from his body; it burned the whole earth—that was like a marvel.
AI translation rendered from the Sanskrit, not a published edition
DB 10 13.43
किमिदं किमिदं चेति देवाः सर्वे चकम्पिरे । सन्त्रस्ताः सकला लोका ब्रह्माणं शरणं ययुः
kimidaṃ kimidaṃ ceti devāḥ sarve cakampire | santrastāḥ sakalā lokā brahmāṇaṃ śaraṇaṃ yayuḥ
"What is this? What is this?" (they cried), and all the gods trembled; all the worlds, terrified, went to Brahmā for refuge.
AI translation rendered from the Sanskrit, not a published edition
DB 10 13.44
विज्ञापितं देववरैः श्रुत्वा तत्र चतुर्मुखः । गायत्रीसहितो हंससमारूढो ययौ मुदा
vijñāpitaṃ devavaraiḥ śrutvā tatra caturmukhaḥ | gāyatrīsahito haṃsasamārūḍho yayau mudā
Hearing there what was reported by the foremost of the gods, the Four-faced one, together with Gāyatrī, mounted on his goose, went (there) gladly.
AI translation rendered from the Sanskrit, not a published edition
DB 10 13.45
प्राणमात्रावशिष्टं तं धमनीशतसङ्कुलम् । शुष्कोदरं क्षामगात्रं ध्यानमीलितलोचनम्
prāṇamātrāvaśiṣṭaṃ taṃ dhamanīśatasaṅkulam | śuṣkodaraṃ kṣāmagātraṃ dhyānamīlitalocanam
Him, with only his breath left, a mesh of a hundred veins, his belly shrunken, his limbs wasted, his eyes closed in meditation,
AI translation rendered from the Sanskrit, not a published edition
DB 10 13.46
ददर्श तेजसा दीप्तं द्वितीयमिव पावकम् । वरं वरय भद्रं ते वत्स यन्मनसि स्थितम्
dadarśa tejasā dīptaṃ dvitīyamiva pāvakam | varaṃ varaya bhadraṃ te vatsa yanmanasi sthitam
blazing with fiery energy like a second fire—(so) he saw him. "Choose a boon, blessings on you, child—whatever stands in your mind":
AI translation rendered from the Sanskrit, not a published edition
DB 10 13.47
श्रुतिमात्रेण सन्तोषकारकं वाक्यमूचिवान् । श्रुत्वा ब्रह्ममुखाद्वाणीं सुधाधारामिवारुणः
śrutimātreṇa santoṣakārakaṃ vākyamūcivān | śrutvā brahmamukhādvāṇīṃ sudhādhārāmivāruṇaḥ
he (Brahmā) spoke words that gave satisfaction by their mere hearing; and hearing from Brahmā's mouth that speech, like a stream of nectar, Aruṇa,
AI translation rendered from the Sanskrit, not a published edition
DB 10 13.48
उन्मीलिताक्षः पुरतो ददर्श जलजोद्भवम् । गायत्रीसहितं देवं चतुर्वेदसमन्वितम्
unmīlitākṣaḥ purato dadarśa jalajodbhavam | gāyatrīsahitaṃ devaṃ caturvedasamanvitam
his eyes opened, saw before him the water-born (Brahmā), the god together with Gāyatrī, accompanied by the four Vedas,
AI translation rendered from the Sanskrit, not a published edition
DB 10 13.49
अक्षस्रक्कुण्डिकाहस्तं जपन्तं ब्रह्म शाश्वतम् । दृष्ट्वोत्थाय ननामाथ स्तुत्वा च विविधैः स्तवैः
akṣasrakkuṇḍikāhastaṃ japantaṃ brahma śāśvatam | dṛṣṭvotthāya nanāmātha stutvā ca vividhaiḥ stavaiḥ
with rosary and water-pot in his hands, muttering the eternal Brahman; having seen him, he rose and bowed, and praised him with various hymns,
AI translation rendered from the Sanskrit, not a published edition
DB 10 13.50
वरं वव्रे स्वबुद्धिस्थं मा भवेन्मृत्युरित्यपि । श्रुत्वारुणवचो ब्रह्मा बोधयामास सादरम्
varaṃ vavre svabuddhisthaṃ mā bhavenmṛtyurityapi | śrutvāruṇavaco brahmā bodhayāmāsa sādaram
and asked for the boon that stood in his own mind: "May there be no death for me." Hearing Aruṇa's words, Brahmā respectfully instructed him:
AI translation rendered from the Sanskrit, not a published edition
DB 10 13.51
ब्रह्मविष्णुमहेशाद्या मृत्युना कवलीकृताः । तदान्येषां तु का वार्ता मरणे दानवोत्तम
brahmaviṣṇumaheśādyā mṛtyunā kavalīkṛtāḥ | tadānyeṣāṃ tu kā vārtā maraṇe dānavottama
"Brahmā, Viṣṇu, Maheśa and the rest are made a mouthful by Death; then what talk can there be of others' dying, O best of Dānavas?
AI translation rendered from the Sanskrit, not a published edition
DB 10 13.52
वरं योग्यं ततो ब्रूहि दातुं यः शक्यते मया । नात्राग्रहं प्रकुर्वन्ति बुद्धिमन्तो जनाः क्वचित्
varaṃ yogyaṃ tato brūhi dātuṃ yaḥ śakyate mayā | nātrāgrahaṃ prakurvanti buddhimanto janāḥ kvacit
So ask a fitting boon, one which can be granted by me; intelligent people never persist obstinately in this matter."
AI translation rendered from the Sanskrit, not a published edition
DB 10 13.53
इति ब्रह्मवचः श्रुत्वा पुनः प्रोवाच सादरम् । न युद्धे न च शस्त्रास्त्रान्न पुंभ्यो नापि योषितः
iti brahmavacaḥ śrutvā punaḥ provāca sādaram | na yuddhe na ca śastrāstrānna puṃbhyo nāpi yoṣitaḥ
Having heard Brahmā's words thus, he spoke again respectfully: "Not in battle, nor from weapons and missiles, nor from males, nor from a female,
AI translation rendered from the Sanskrit, not a published edition
DB 10 13.54
द्विपाद्भ्यो वा चतुष्पाद्भ्यो नोभयाकारतस्तथा । भवेन्मे मृत्युरित्येवं देव देहि वरं प्रभो
dvipādbhyo vā catuṣpādbhyo nobhayākāratastathā | bhavenme mṛtyurityevaṃ deva dehi varaṃ prabho
nor from two-footed nor from four-footed beings, nor from what has the form of both—may my death not come about: grant me such a boon, O god, O lord."
AI translation rendered from the Sanskrit, not a published edition
DB 10 13.55
बलं च विपुलं देहि येन देवजयो भवेत् । इति तस्य वचः श्रुत्वा तथास्त्विति वचोऽब्रवीत्
balaṃ ca vipulaṃ dehi yena devajayo bhavet | iti tasya vacaḥ śrutvā tathāstviti vaco'bravīt
"And grant (me) vast strength, by which the conquest of the gods may come about." Hearing his words, (Brahmā) spoke the word, "So be it."
AI translation rendered from the Sanskrit, not a published edition
DB 10 13.56
दत्त्वा वरं जगामाशु पद्मजः स्वं निकेतनम् । ततोऽरुणाख्यो दैत्यस्तु पातालात्स्वाश्रयस्थितान्
dattvā varaṃ jagāmāśu padmajaḥ svaṃ niketanam | tato'ruṇākhyo daityastu pātālātsvāśrayasthitān
Having granted the boon, the lotus-born one swiftly went to his own abode. Then the demon named Aruṇa (summoned) from the netherworld those dwelling in their own retreats —
AI translation rendered from the Sanskrit, not a published edition
DB 10 13.57
दैत्यानाकारयामास ब्रह्मणो वरदर्पितः । आगत्य तेऽसुराः सर्वे दैत्येशं तं प्रचक्रिरे
daityānākārayāmāsa brahmaṇo varadarpitaḥ | āgatya te'surāḥ sarve daityeśaṃ taṃ pracakrire
— he summoned the demons, made proud by Brahmā's boon. All those asuras came and made him lord of the demons.
AI translation rendered from the Sanskrit, not a published edition
DB 10 13.58
दूतं च प्रेषयामासुर्युद्धार्थममरावतीम् । दूतवाक्यं तदा श्रुत्वा देवराड् भयकम्पितः
dūtaṃ ca preṣayāmāsuryuddhārthamamarāvatīm | dūtavākyaṃ tadā śrutvā devarāḍ bhayakampitaḥ
And they sent a messenger to Amarāvatī for the sake of battle. Then, hearing the messenger's words, the king of the gods, trembling with fear,
AI translation rendered from the Sanskrit, not a published edition
DB 10 13.59
देवैः सार्धं जगामाशु ब्रह्मणः सदनं प्रति । ब्रह्मविष्णू पुरस्कृत्य जग्मुस्ते शङ्करालयम्
devaiḥ sārdhaṃ jagāmāśu brahmaṇaḥ sadanaṃ prati | brahmaviṣṇū puraskṛtya jagmuste śaṅkarālayam
went swiftly with the gods toward Brahmā's dwelling; and placing Brahmā and Viṣṇu in front, they went to Śaṅkara's abode.
AI translation rendered from the Sanskrit, not a published edition
DB 10 13.60
विचारं चक्रिरे तत्र वधार्थं ते सुरद्रुहाम् । एतस्मिन्समये तत्र दैत्यसेनासमावृतः
vicāraṃ cakrire tatra vadhārthaṃ te suradruhām | etasminsamaye tatra daityasenāsamāvṛtaḥ
There they deliberated on how to kill the enemies of the gods. At this very time, surrounded by the demon army,
AI translation rendered from the Sanskrit, not a published edition
DB 10 13.61
अरुणाख्यो दैत्यराजो जगामाशु त्रिविष्टपम् । सूर्येन्दुयमवह्नीनामधिकारान्पृथक्पृथक्
aruṇākhyo daityarājo jagāmāśu triviṣṭapam | sūryenduyamavahnīnāmadhikārānpṛthakpṛthak
the demon king named Aruṇa swiftly went to heaven; and the offices of the sun, moon, Yama and fire, each separately,
AI translation rendered from the Sanskrit, not a published edition
DB 10 13.62
स्वयं चकार तपसा नानारूपधरो मुने । स्वस्वस्थानच्युताः सर्वे जग्मुः कैलासमण्डलम्
svayaṃ cakāra tapasā nānārūpadharo mune | svasvasthānacyutāḥ sarve jagmuḥ kailāsamaṇḍalam
he took upon himself by (the power of his) austerity, assuming various forms, O sage. All (the gods), fallen from their own stations, went to the region of Kailāsa.
AI translation rendered from the Sanskrit, not a published edition
DB 10 13.63
शशंसुः शङ्करं देवाः स्वस्वदुःखं पृथक्पृथक् । महान् विचारस्तत्रासीत्किं कर्तव्यमतः परम्
śaśaṃsuḥ śaṅkaraṃ devāḥ svasvaduḥkhaṃ pṛthakpṛthak | mahān vicārastatrāsītkiṃ kartavyamataḥ param
The gods reported to Śaṅkara their own sufferings, each in turn. There was great deliberation there: what is to be done after this?
AI translation rendered from the Sanskrit, not a published edition
DB 10 13.64
न युद्धेन च शस्त्रास्त्रैर्न पुंभ्यो नापि योषितः । द्विपाद्भ्यो वा चतुष्पाद्भ्यो नोभयाकारतोऽपि वा
na yuddhena ca śastrāstrairna puṃbhyo nāpi yoṣitaḥ | dvipādbhyo vā catuṣpādbhyo nobhayākārato'pi vā
"Not by battle, nor by weapons and missiles, not from males nor from females, nor from two-footed or four-footed (beings), nor even from one of both forms
AI translation rendered from the Sanskrit, not a published edition
DB 10 13.65
मृत्युर्भवेदिति ब्रह्मा प्रोवाच वचनं यतः । इति चिन्तातुराः सर्वे कर्तुं किञ्चिन्न च क्षमाः
mṛtyurbhavediti brahmā provāca vacanaṃ yataḥ | iti cintāturāḥ sarve kartuṃ kiñcinna ca kṣamāḥ
shall (his) death come about" — since Brahmā had spoken that word. Thus all were afflicted with worry and unable to do anything.
AI translation rendered from the Sanskrit, not a published edition
DB 10 13.66
एतस्मिन्समये तत्र वागभूदशरीरिणी । भजध्वं भुवनेशानीं सा वः कार्यं विधास्यति
etasminsamaye tatra vāgabhūdaśarīriṇī | bhajadhvaṃ bhuvaneśānīṃ sā vaḥ kāryaṃ vidhāsyati
At this time there arose there a bodiless voice: "Worship the Mistress of the worlds; she will accomplish your task.
AI translation rendered from the Sanskrit, not a published edition
DB 10 13.67
गायत्रीजपसंसक्तो दैत्यराड् यदि तां त्यजेत् । मृत्युयोग्यस्तदा भूयादित्युच्चैस्तोषकारिणी
gāyatrījapasaṃsakto daityarāḍ yadi tāṃ tyajet | mṛtyuyogyastadā bhūyādityuccaistoṣakāriṇī
If the demon king, devoted to the recitation of the Gāyatrī, should abandon it, then he would become fit for death" — so (spoke) aloud she who brings satisfaction.
AI translation rendered from the Sanskrit, not a published edition
DB 10 13.68
श्रुत्वा दैवीं तथा वाणीं मन्त्रयामासुरादृताः । बृहस्पतिं समाहूय वचनं प्राह देवराट्
śrutvā daivīṃ tathā vāṇīṃ mantrayāmāsurādṛtāḥ | bṛhaspatiṃ samāhūya vacanaṃ prāha devarāṭ
Having heard that divine speech, they took counsel respectfully. Summoning Bṛhaspati, the king of the gods spoke these words:
AI translation rendered from the Sanskrit, not a published edition
DB 10 13.69
गुरो गच्छ सुराणां तु कार्यार्थमसुरं प्रति । यथा भवेच्च गायत्रीत्यागस्तस्य तथा कुरु
guro gaccha surāṇāṃ tu kāryārthamasuraṃ prati | yathā bhavecca gāyatrītyāgastasya tathā kuru
"O teacher, go to the demon for the sake of the gods' purpose; act in such a way that he abandons the Gāyatrī.
AI translation rendered from the Sanskrit, not a published edition
DB 10 13.70
अस्माभिः परमेशानी सेव्यते ध्यानयोगतः । प्रसन्ना सा भगवती साहाय्यं ते करिष्यति
asmābhiḥ parameśānī sevyate dhyānayogataḥ | prasannā sā bhagavatī sāhāyyaṃ te kariṣyati
By us the supreme Mistress is being served through the practice of meditation; that Bhagavatī, pleased, will render you assistance."
AI translation rendered from the Sanskrit, not a published edition
DB 10 13.71
इत्यादिश्य गुरुं सर्वे जग्मुर्जाम्बूनदेश्वरीम् । सास्मान्दैत्यभयत्रस्तान् पालयिष्यति शोभना
ityādiśya guruṃ sarve jagmurjāmbūnadeśvarīm | sāsmāndaityabhayatrastān pālayiṣyati śobhanā
Having thus instructed the teacher, they all went to the Goddess of Jāmbūnada, (thinking) "That resplendent one will protect us, terrified by fear of the demon."
AI translation rendered from the Sanskrit, not a published edition
DB 10 13.72
तत्र गत्वा तपश्चर्यां चक्रुः सर्वे सुनिष्ठिताः । मायाबीजजपासक्ता देवीमखपरायणाः
tatra gatvā tapaścaryāṃ cakruḥ sarve suniṣṭhitāḥ | māyābījajapāsaktā devīmakhaparāyaṇāḥ
Going there they all performed austerities, well settled (in their vows), intent on the recitation of the Māyā seed-syllable, devoted to the sacrifice to the Goddess.
AI translation rendered from the Sanskrit, not a published edition
DB 10 13.73
बृहस्पतिस्तदा शीघ्रं जगामासुरसन्निधौ । आगतं मुनिवर्यं तं पप्रच्छाथ स दैत्यराट्
bṛhaspatistadā śīghraṃ jagāmāsurasannidhau | āgataṃ munivaryaṃ taṃ papracchātha sa daityarāṭ
Then Bṛhaspati quickly went into the demon's presence. That demon king then asked the best of sages who had come:
AI translation rendered from the Sanskrit, not a published edition
DB 10 13.74
मुने कुत्रागमः कस्मात्किमर्थमिति मे वद । नाहं युष्मत्पक्षपाती प्रत्युतारातिरेव च
mune kutrāgamaḥ kasmātkimarthamiti me vada | nāhaṃ yuṣmatpakṣapātī pratyutārātireva ca
"Sage, where have you come from, from what (cause), for what purpose — tell me. I am no partisan of yours; on the contrary, (I am) an enemy."
AI translation rendered from the Sanskrit, not a published edition
DB 10 13.75
इति तस्य वचः श्रुत्वा प्रोवाच मुनिनायकः । अस्मत्सेव्या च या देवी सा त्वया पूज्यतेऽनिशम्
iti tasya vacaḥ śrutvā provāca munināyakaḥ | asmatsevyā ca yā devī sā tvayā pūjyate'niśam
Hearing his words, the chief of sages said: "The Goddess who is to be served by us — she is worshipped by you unceasingly.
AI translation rendered from the Sanskrit, not a published edition
DB 10 13.76
तस्मादस्मत्पक्षपाती न भवेस्त्वं कथं वद । इति तस्य वचः श्रुत्वा मोहितो देवमायया
tasmādasmatpakṣapātī na bhavestvaṃ kathaṃ vada | iti tasya vacaḥ śrutvā mohito devamāyayā
"Therefore tell (me): how could you not be a partisan of ours?" Hearing his words, (the demon,) deluded by the goddess's illusion,
AI translation rendered from the Sanskrit, not a published edition
DB 10 13.77
तत्याज परमं मन्त्रमभिमानेन सत्तम । गायत्रीत्यागतो दैत्यो निस्तेजस्को बभूव ह
tatyāja paramaṃ mantramabhimānena sattama | gāyatrītyāgato daityo nistejasko babhūva ha
out of pride abandoned the supreme mantra, O best of the good; and the demon, having given up the Gāyatrī, became bereft of splendour.
AI translation rendered from the Sanskrit, not a published edition
DB 10 13.78
कृतकार्यो गुरुस्तस्मात्स्थानान्निर्गतवान्पुनः । ततो वृत्तान्तमखिलं कथयामास वज्रिणे
kṛtakāryo gurustasmātsthānānnirgatavānpunaḥ | tato vṛttāntamakhilaṃ kathayāmāsa vajriṇe
His task accomplished, the preceptor went out again from that place; then he told the whole occurrence to the bearer of the thunderbolt.
AI translation rendered from the Sanskrit, not a published edition
DB 10 13.79
संतुष्टास्ते सुराः सर्वे भेजिरे परमेश्वरीम् । एवं बहुगते काले कस्मिंश्चित्समये मुने
saṃtuṣṭāste surāḥ sarve bhejire parameśvarīm | evaṃ bahugate kāle kasmiṃścitsamaye mune
Satisfied, all those gods resorted to the supreme Goddess. Thus, when much time had passed, at a certain time, O sage,
AI translation rendered from the Sanskrit, not a published edition
DB 10 13.80
प्रादुरासीज्जगन्माता जगन्मङ्गलकारिणी । कोटिसूर्यप्रतीकाशा कोटिकन्दर्पसुन्दरी
prādurāsījjaganmātā jaganmaṅgalakāriṇī | koṭisūryapratīkāśā koṭikandarpasundarī
the Mother of the world appeared, she who works the welfare of the world, resembling ten million suns, more beautiful than ten million Kāmas,
AI translation rendered from the Sanskrit, not a published edition
DB 10 13.81
चित्रानुलेपना देवी चित्रवासोयुगान्विता । विचित्रमाल्याभरणा चित्रभ्रमरमुष्टिका
citrānulepanā devī citravāsoyugānvitā | vicitramālyābharaṇā citrabhramaramuṣṭikā
the Goddess anointed with variegated unguents, clothed in a pair of many-coloured garments, with wondrous garlands and ornaments, holding a bee (in her fist) — bright of hue.
AI translation rendered from the Sanskrit, not a published edition — the model flagged this verse as uncertain
DB 10 13.82
वराभयकरा शान्ता करुणामृतसागरा । नानाभ्रमरसंयुक्तपुष्पमालाविराजिता
varābhayakarā śāntā karuṇāmṛtasāgarā | nānābhramarasaṃyuktapuṣpamālāvirājitā
with the boon-giving and fear-dispelling gestures in her hands, tranquil, an ocean of the nectar of compassion, resplendent with a flower-garland thronged with many bees,
AI translation rendered from the Sanskrit, not a published edition
DB 10 13.83
भ्रामरीभिर्विचित्राभिरसंख्याभिः समावृता । भ्रमरैर्गायमानैश्च ह्रींकारमनुमन्वहम्
bhrāmarībhirvicitrābhirasaṃkhyābhiḥ samāvṛtā | bhramarairgāyamānaiśca hrīṃkāramanumanvaham
surrounded by countless variegated female bees, and by bees ever singing the sound "hrīṃ" day after day,
AI translation rendered from the Sanskrit, not a published edition
DB 10 13.84
समन्ततः परिवृता कोटिकोटिभिरम्बिका । सर्वशृङ्गारवेषाढ्या सर्ववेदप्रशंसिता
samantataḥ parivṛtā koṭikoṭibhirambikā | sarvaśṛṅgāraveṣāḍhyā sarvavedapraśaṃsitā
Ambikā, encircled on all sides by tens of millions upon tens of millions (of them), rich in every adornment and attire, praised by all the Vedas,
AI translation rendered from the Sanskrit, not a published edition
DB 10 13.85
सर्वात्मिका सर्वमयी सर्वमङ्गलरूपिणी । सर्वज्ञा सर्वजननी सर्वा सर्वेश्वरी शिवा
sarvātmikā sarvamayī sarvamaṅgalarūpiṇī | sarvajñā sarvajananī sarvā sarveśvarī śivā
the self of all, consisting of all, embodying all auspiciousness, all-knowing, mother of all, the All, mistress of all, Śivā.
AI translation rendered from the Sanskrit, not a published edition
DB 10 13.86
दृष्ट्वा तां तरलात्मानो देवा ब्रह्मपुरोगमाः । तुष्टुवुर्हृष्टमनसो विष्टरश्रवसां शिवाम्
dṛṣṭvā tāṃ taralātmāno devā brahmapurogamāḥ | tuṣṭuvurhṛṣṭamanaso viṣṭaraśravasāṃ śivām
Seeing her, the gods with Brahmā at their head, their selves trembling, with joyful minds praised the auspicious one (Śivā) of those whose fame is wide-spread.
AI translation rendered from the Sanskrit, not a published edition — the model flagged this verse as uncertain
DB 10 13.87
देवा ऊचुः नमो देवि महाविद्ये सृष्टिस्थित्यन्तकारिणि । नमः कमलपत्राक्षि सर्वाधारे नमोऽस्तु ते
devā ūcuḥ namo devi mahāvidye sṛṣṭisthityantakāriṇi | namaḥ kamalapatrākṣi sarvādhāre namo'stu te
The gods said: Homage, O Goddess, great Wisdom, doer of creation, maintenance and end; homage, O lotus-petal-eyed one, support of all — homage be to you.
AI translation rendered from the Sanskrit, not a published edition
DB 10 13.88
सविश्वतैजसप्राज्ञविराट्सूत्रात्मिके नमः । नमो व्याकृतरूपायै कूटस्थायै नमो नमः
saviśvataijasaprājñavirāṭsūtrātmike namaḥ | namo vyākṛtarūpāyai kūṭasthāyai namo namaḥ
Homage to you whose selves are Viśva, Taijasa, Prājña, Virāṭ and Sūtra; homage to her whose form is the manifested; homage, homage to her who abides unchanging (kūṭastha).
AI translation rendered from the Sanskrit, not a published edition
DB 10 13.89
दुर्गे सर्गादिरहिते दुष्टसंरोधनार्गले । निरर्गलप्रेमगम्ये भर्गे देवि नमोऽस्तु ते
durge sargādirahite duṣṭasaṃrodhanārgale | nirargalapremagamye bharge devi namo'stu te
O Durgā, devoid of creation and the rest, bolt that bars off the wicked, reachable by unimpeded love, O radiance (Bharga), O Goddess, homage be to you.
AI translation rendered from the Sanskrit, not a published edition
DB 10 13.90
नमः श्रीकालिके मातर्नमो नीलसरस्वति । उग्रतारे महोग्रे ते नित्यमेव नमो नमः
namaḥ śrīkālike mātarnamo nīlasarasvati | ugratāre mahogre te nityameva namo namaḥ
Homage, O revered Kālikā, Mother; homage, O blue Sarasvatī; O fierce Tārā, greatly terrible one, homage, homage to you forever.
AI translation rendered from the Sanskrit, not a published edition
DB 10 13.91
नमः पीताम्बरे देवि नमस्त्रिपुरसुन्दरि । नमो भैरवि मातङ्गि धूमावति नमो नमः
namaḥ pītāmbare devi namastripurasundari | namo bhairavi mātaṅgi dhūmāvati namo namaḥ
Homage, O Goddess clad in yellow; homage, O Tripurasundarī; homage, O Bhairavī, Mātaṅgī; O Dhūmāvatī, homage, homage.
AI translation rendered from the Sanskrit, not a published edition
DB 10 13.92
छिन्नमस्ते नमस्तेऽस्तु क्षीरसागरकन्यके । नमः शाकम्भरि शिवे नमस्ते रक्तदन्तिके
chinnamaste namaste'stu kṣīrasāgarakanyake | namaḥ śākambhari śive namaste raktadantike
O severed-headed one, homage be to you; O daughter of the ocean of milk; homage, O Śākambharī, Śivā; homage to you, O Raktadantikā.
AI translation rendered from the Sanskrit, not a published edition
DB 10 13.93
निशुम्भशुम्भदलनि रक्तबीजविनाशिनि । धूम्रलोचननिर्णाशे वृत्रासुरनिबर्हिणि
niśumbhaśumbhadalani raktabījavināśini | dhūmralocananirṇāśe vṛtrāsuranibarhiṇi
O crusher of Niśumbha and Śumbha, destroyer of Raktabīja, annihilator of Dhūmralocana, slayer of the demon Vṛtra,
AI translation rendered from the Sanskrit, not a published edition
DB 10 13.94
चण्डमुण्डप्रमथिनि दानवान्तकरे शिवे । नमस्ते विजये गङ्गे शारदे विकचानने
caṇḍamuṇḍapramathini dānavāntakare śive | namaste vijaye gaṅge śārade vikacānane
O crusher of Caṇḍa and Muṇḍa, maker of the end of the Dānavas, Śivā; homage to you, O Vijayā, Gaṅgā, Śāradā, whose face is in full bloom.
AI translation rendered from the Sanskrit, not a published edition
DB 10 13.95
पृथ्वीरूपे दयारूपे तेजोरूपे नमो नमः । प्राणरूपे महारूपे भूतरूपे नमोऽस्तु ते
pṛthvīrūpe dayārūpe tejorūpe namo namaḥ | prāṇarūpe mahārūpe bhūtarūpe namo'stu te
(You) whose form is the earth, whose form is compassion, whose form is fiery splendour — homage, homage! (You) whose form is breath, whose form is great, whose form is the elements — homage be to you.
AI translation rendered from the Sanskrit, not a published edition
DB 10 13.96
विश्वमूर्ते दयामूर्ते धर्ममूर्ते नमो नमः । देवमूर्ते ज्योतिमूर्ते ज्ञानमूर्ते नमोऽस्तु ते
viśvamūrte dayāmūrte dharmamūrte namo namaḥ | devamūrte jyotimūrte jñānamūrte namo'stu te
(You) whose body is the universe, whose body is compassion, whose body is dharma — homage, homage! (You) whose body is the gods, whose body is light, whose body is knowledge — homage be to you.
AI translation rendered from the Sanskrit, not a published edition
DB 10 13.97
गायत्रि वरदे देवि सावित्रि च सरस्वति । नमः स्वाहे स्वधे मातर्दक्षिणे ते नमो नमः
gāyatri varade devi sāvitri ca sarasvati | namaḥ svāhe svadhe mātardakṣiṇe te namo namaḥ
O Gāyatrī, O goddess granting boons, O Sāvitrī and Sarasvatī, homage! O Svāhā, O Svadhā, O mother, O Dakṣiṇā, homage, homage to you.
AI translation rendered from the Sanskrit, not a published edition
DB 10 13.98
नेति नेतीति वाक्यैर्या बोध्यते सकलागमैः । सर्वप्रत्यक्स्वरूपां तां भजामः परदेवताम्
neti netīti vākyairyā bodhyate sakalāgamaiḥ | sarvapratyaksvarūpāṃ tāṃ bhajāmaḥ paradevatām
She who is made known by all the scriptures with the words "not this, not this" — we worship that supreme deity, whose own nature is the inward self of all.
AI translation rendered from the Sanskrit, not a published edition
DB 10 13.99
भ्रमरैर्वेष्टिता यस्माद् भ्रामरी या ततः स्मृता । तस्यै देव्यै नमो नित्यं नित्यमेव नमो नमः
bhramarairveṣṭitā yasmād bhrāmarī yā tataḥ smṛtā | tasyai devyai namo nityaṃ nityameva namo namaḥ
Since she was surrounded by bees (bhramaras), she is therefore remembered as Bhrāmarī; to that goddess homage always, homage, homage indeed forever.
AI translation rendered from the Sanskrit, not a published edition
DB 10 13.100
नमस्ते पार्श्वयोः पृष्ठे नमस्ते पुरतोऽम्बिके । नम ऊर्ध्वं नमश्चाधः सर्वत्रैव नमो नमः
namaste pārśvayoḥ pṛṣṭhe namaste purato'mbike | nama ūrdhvaṃ namaścādhaḥ sarvatraiva namo namaḥ
Homage to you at (my) two sides, at (my) back; homage to you in front, O Ambikā; homage above and homage below — homage, homage everywhere.
AI translation rendered from the Sanskrit, not a published edition
DB 10 13.101
कृपां कुरु महादेवि मणिद्वीपाधिवासिनि । अनन्तकोटिब्रह्माण्डनायिके जगदम्बिके
kṛpāṃ kuru mahādevi maṇidvīpādhivāsini | anantakoṭibrahmāṇḍanāyike jagadambike
Show mercy, O great goddess, dweller of the Jewel Island, O mistress of endless crores of universes, O mother of the world.
AI translation rendered from the Sanskrit, not a published edition
DB 10 13.102
जय देवि जगन्मातर्जय देवि परात्परे । जय श्रीभुवनेशानि जय सर्वोत्तमोत्तमे
jaya devi jaganmātarjaya devi parātpare | jaya śrībhuvaneśāni jaya sarvottamottame
Victory to you, O goddess, mother of the world! Victory, O goddess, higher than the highest! Victory, O glorious ruler of the worlds! Victory, O best of all the best!
AI translation rendered from the Sanskrit, not a published edition
DB 10 13.103
कल्याणगुणरत्नानामाकरे भुवनेश्वरि । प्रसीद परमेशानि प्रसीद जगतोरणे
kalyāṇaguṇaratnānāmākare bhuvaneśvari | prasīda parameśāni prasīda jagatoraṇe
O mine of the jewels of auspicious qualities, O ruler of the worlds, be gracious, O supreme mistress, be gracious, O refuge of the worlds.
AI translation rendered from the Sanskrit, not a published edition
DB 10 13.104
श्रीनारायण उवाच इति देववचः श्रुत्वा प्रगल्भं मधुरं वचः । उवाच जगदम्बा सा मत्तकोकिलभाषिणी
śrīnārāyaṇa uvāca iti devavacaḥ śrutvā pragalbhaṃ madhuraṃ vacaḥ | uvāca jagadambā sā mattakokilabhāṣiṇī
Śrī Nārāyaṇa said: Having heard this bold and sweet speech of the gods, that mother of the world, speaking like an intoxicated cuckoo, said:
AI translation rendered from the Sanskrit, not a published edition
DB 10 13.105
देव्युवाच प्रसन्नाहं सदा देवा वरदेशशिखामणिः । ब्रुवन्तु विबुधाः सर्वे यदेव स्याच्चिकीर्षितम्
devyuvāca prasannāhaṃ sadā devā varadeśaśikhāmaṇiḥ | bruvantu vibudhāḥ sarve yadeva syāccikīrṣitam
The goddess said: I am pleased, O gods — I who am ever the crest-jewel among boon-givers; let all the gods say whatever it is that they wish done.
AI translation rendered from the Sanskrit, not a published edition
DB 10 13.106
देवीवाक्यं सुराः श्रुत्वा प्रोचुर्दुःखस्य कारणम् । दुष्टदैत्यस्य चरितं जगद्बाधाकरं परम्
devīvākyaṃ surāḥ śrutvā procurduḥkhasya kāraṇam | duṣṭadaityasya caritaṃ jagadbādhākaraṃ param
Having heard the goddess's words, the gods told the cause of their sorrow — the conduct of the wicked demon, which greatly afflicted the world.
AI translation rendered from the Sanskrit, not a published edition
DB 10 13.107
देवब्राह्मणवेदानां हेलनं नाशनं तथा । स्थानभ्रंशं सुराणां च कथयामासुरादृताः
devabrāhmaṇavedānāṃ helanaṃ nāśanaṃ tathā | sthānabhraṃśaṃ surāṇāṃ ca kathayāmāsurādṛtāḥ
They respectfully recounted the contempt shown to the gods, brahmins and Vedas, and their destruction, and the loss of the gods' stations.
AI translation rendered from the Sanskrit, not a published edition
DB 10 13.108
ब्रह्मणो वरदानं च यथावत्ते समूचिरे । श्रुत्वा देवमुखाद्वाणीं महाभगवती तदा
brahmaṇo varadānaṃ ca yathāvatte samūcire | śrutvā devamukhādvāṇīṃ mahābhagavatī tadā
And they told him fully of Brahmā's granting of the boon; then, hearing that speech from the mouths of the gods, the great Bhagavatī
AI translation rendered from the Sanskrit, not a published edition
DB 10 13.109
प्रेरयामास हस्तस्थान्भ्रमरान्भ्रामरी तदा । पार्श्वस्थानग्नभागस्थान्नानारूपधरांस्तथा
prerayāmāsa hastasthānbhramarānbhrāmarī tadā | pārśvasthānagnabhāgasthānnānārūpadharāṃstathā
— then Bhrāmarī sent forth the bees that were on her hands, and those on her sides and those on her limbs, bearing manifold forms;
AI translation rendered from the Sanskrit, not a published edition
DB 10 13.110
जनयामास बहुशो यैर्व्याप्तं भुवनत्रयम् । मटचीयूथवत्तेषां समुदायस्तु निर्गतः
janayāmāsa bahuśo yairvyāptaṃ bhuvanatrayam | maṭacīyūthavatteṣāṃ samudāyastu nirgataḥ
she produced (them) in multitudes, and by them the three worlds were filled; their mass issued forth like a swarm of locusts.
AI translation rendered from the Sanskrit, not a published edition
DB 10 13.111
तदान्तरिक्षं तैर्व्याप्तमन्धकारः क्षितावभूत् । दिवि पर्वतशृङ्गेषु द्रुमेषु विपिनेष्वपि
tadāntarikṣaṃ tairvyāptamandhakāraḥ kṣitāvabhūt | divi parvataśṛṅgeṣu drumeṣu vipineṣvapi
Then the mid-air was filled by them, and darkness fell upon the earth; in the sky, on mountain peaks, on trees and in the forests too,
AI translation rendered from the Sanskrit, not a published edition
DB 10 13.112
भ्रमरा एव सञ्जातास्तदद्भुतमिवाभवत् । ते सर्वे दैत्यवक्षांसि दारयामासुरुद्गताः
bhramarā eva sañjātāstadadbhutamivābhavat | te sarve daityavakṣāṃsi dārayāmāsurudgatāḥ
there came to be nothing but bees — that was like a marvel; rising up, they all tore open the breasts of the demons,
AI translation rendered from the Sanskrit, not a published edition
DB 10 13.113
नरं मधुहरं यद्वन्मक्षिकाः कोपसंयुताः । उपायो न च शस्त्राणां तथास्त्राणां तदाभवत्
naraṃ madhuharaṃ yadvanmakṣikāḥ kopasaṃyutāḥ | upāyo na ca śastrāṇāṃ tathāstrāṇāṃ tadābhavat
as angry bees (attack) a man who steals honey; and then there was no use of weapons nor of missiles.
AI translation rendered from the Sanskrit, not a published edition
DB 10 13.114
न युद्धं न च सम्भाषा केवलं मरणं खलु । यस्मिन्यस्मिन्स्थले ये ये स्थिता दैत्या यथा यथा
na yuddhaṃ na ca sambhāṣā kevalaṃ maraṇaṃ khalu | yasminyasminsthale ye ye sthitā daityā yathā yathā
There was no battle and no parley — only death, indeed; in whatever place whichever demons stood, in whatever way,
AI translation rendered from the Sanskrit, not a published edition
DB 10 13.115
तत्रैव च तथा सर्वे मरणं प्रापुरुत्स्मयाः । परस्परं समाचारो न कस्याप्यभवत्तदा
tatraiva ca tathā sarve maraṇaṃ prāpurutsmayāḥ | parasparaṃ samācāro na kasyāpyabhavattadā
And right there all of them, their smiles gone, met their death; nor did anyone then have any news of another.
AI translation rendered from the Sanskrit, not a published edition — the model flagged this verse as uncertain
DB 10 13.116
क्षणमात्रेण ते सर्वे विनष्टा दैत्यपुङ्गवाः । कृत्वेत्थं भ्रमराः कार्यं देवीनिकटमाययुः
kṣaṇamātreṇa te sarve vinaṣṭā daityapuṅgavāḥ | kṛtvetthaṃ bhramarāḥ kāryaṃ devīnikaṭamāyayuḥ
In a mere instant all those bulls among the Daityas were destroyed; having done the work thus, the bees came near to the Goddess.
AI translation rendered from the Sanskrit, not a published edition
DB 10 13.117
आश्चर्यमेतदाश्चर्यमिति लोकाः समूचिरे । किं चित्रं जगदम्बाया यस्या मायेयमीदृशी
āścaryametadāścaryamiti lokāḥ samūcire | kiṃ citraṃ jagadambāyā yasyā māyeyamīdṛśī
"This is a marvel, a marvel!" the people said together. "What wonder is it for the Mother of the world, whose magic power is of such a kind?"
AI translation rendered from the Sanskrit, not a published edition
DB 10 13.118
ततो देवगणाः सर्वे ब्रह्मविष्णुपुरोगमाः । निमग्ना हर्षजलधौ पूजयामासुरम्बिकाम्
tato devagaṇāḥ sarve brahmaviṣṇupurogamāḥ | nimagnā harṣajaladhau pūjayāmāsurambikām
Then all the hosts of gods, led by Brahmā and Viṣṇu, sunk in an ocean of joy, worshipped Ambikā,
AI translation rendered from the Sanskrit, not a published edition
DB 10 13.119
नानोपचारैर्विविधैर्नानोपायनपाणयः । जयशब्दं प्रकुर्वाणा मुमुचुः सुमनांसि च
nānopacārairvividhairnānopāyanapāṇayaḥ | jayaśabdaṃ prakurvāṇā mumucuḥ sumanāṃsi ca
with manifold and various services, gifts of many kinds in their hands; raising the cry "Victory!" they also released flowers.
AI translation rendered from the Sanskrit, not a published edition
DB 10 13.120
दिवि दुन्दुभयो नेदुर्ननृतुश्चाप्सरोगणाः । पेठुर्वेदान्मुनिश्रेष्ठा गन्धर्वाद्या जगुस्तथा
divi dundubhayo nedurnanṛtuścāpsarogaṇāḥ | peṭhurvedānmuniśreṣṭhā gandharvādyā jagustathā
In heaven the kettledrums resounded, and the throngs of Apsarases danced; the best of sages recited the Vedas, and the Gandharvas and the rest sang.
AI translation rendered from the Sanskrit, not a published edition
DB 10 13.121
मृदङ्गमुरजावीणाढक्काडमरुनिःस्वनैः । घण्टाशङ्खनिनादैश्च व्याप्तमासीज्जगत्त्रयम्
mṛdaṅgamurajāvīṇāḍhakkāḍamaruniḥsvanaiḥ | ghaṇṭāśaṅkhaninādaiśca vyāptamāsījjagattrayam
With the sounds of mṛdaṅgas, murajas, vīṇās, ḍhakkās and ḍamarus, and with the blasts of bells and conches, the three worlds were filled.
AI translation rendered from the Sanskrit, not a published edition
DB 10 13.122
नानास्तोत्रैस्तदा स्तुत्वा मूर्ध्न्याधायाज्जलींस्तथा । जय मातर्जयेशानीत्येवं सर्वे समूचिरे
nānāstotraistadā stutvā mūrdhnyādhāyājjalīṃstathā | jaya mātarjayeśānītyevaṃ sarve samūcire
Then, having praised (her) with many hymns and placed their folded hands upon their heads, all of them said thus: "Victory, Mother! Victory, Īśānī!"
AI translation rendered from the Sanskrit, not a published edition
DB 10 13.123
ततस्तुष्टा महादेवी वरान्दत्त्वा पृथक्पृथक् । स्वस्मिंश्च विपुलां भक्तिं प्रार्थिता तैर्ददौ च ताम्
tatastuṣṭā mahādevī varāndattvā pṛthakpṛthak | svasmiṃśca vipulāṃ bhaktiṃ prārthitā tairdadau ca tām
Then the great Goddess, pleased, granted boons to each one separately; and, being asked by them for abundant devotion to herself, she gave them that too.
AI translation rendered from the Sanskrit, not a published edition
DB 10 13.124
पश्यतामेव देवानामन्तर्धानं गता ततः । इति ते सर्वमाख्यातं भ्रामर्याश्चरितं महत्
paśyatāmeva devānāmantardhānaṃ gatā tataḥ | iti te sarvamākhyātaṃ bhrāmaryāścaritaṃ mahat
Then, while the gods were still looking on, she vanished. Thus the whole great exploit of Bhrāmarī has been told to you—
AI translation rendered from the Sanskrit, not a published edition
DB 10 13.125
पठतां शृण्वतां चैव सर्वपापप्रणाशनम् । श्रुतमाश्चर्यजनकं संसारार्णवतारकम्
paṭhatāṃ śṛṇvatāṃ caiva sarvapāpapraṇāśanam | śrutamāścaryajanakaṃ saṃsārārṇavatārakam
destroying all the sins of those who recite and of those who hear it; what has been heard (here) produces wonder and carries one across the ocean of worldly existence.
AI translation rendered from the Sanskrit, not a published edition
DB 10 13.126
एवं मनूनां सर्वेषां चरितं पापनाशनम् । देवीमाहात्म्यसंयुक्तं पठञ्शृण्वञ्शुभप्रदम्
evaṃ manūnāṃ sarveṣāṃ caritaṃ pāpanāśanam | devīmāhātmyasaṃyuktaṃ paṭhañśṛṇvañśubhapradam
Thus the tale of all the Manus destroys sin; joined with the greatness of the Goddess, it bestows good fortune on him who recites and hears it.
AI translation rendered from the Sanskrit, not a published edition
DB 10 13.127
यश्चैतत्पठते नित्यं शृणुयाद्योऽनिशं नरः । सर्वपापविनिर्मुक्तो देवीसायुज्यमाप्नुयात्
yaścaitatpaṭhate nityaṃ śṛṇuyādyo'niśaṃ naraḥ | sarvapāpavinirmukto devīsāyujyamāpnuyāt
And the man who recites this constantly, or who hears it day and night, freed from all sins, would attain union with the Goddess.
AI translation rendered from the Sanskrit, not a published edition