Devi Bhagavata Purana — Skandha 10 — Chapter 12
DB 10 12.1
देवीचरित्रसहितं सावर्णिमनुवृतान्तवर्णनम् मुनिरुवाच महिषीगर्भसम्भूतो महाबलपराक्रमः । देवान्सर्वान्पराजित्य महिषोऽभूज्जगत्प्रभुः
devīcaritrasahitaṃ sāvarṇimanuvṛtāntavarṇanam muniruvāca mahiṣīgarbhasambhūto mahābalaparākramaḥ | devānsarvānparājitya mahiṣo'bhūjjagatprabhuḥ
The account of the story of the Sāvarṇi Manu, together with the exploits of the Goddess. The sage said: Born from the womb of a buffalo-cow, of great strength and prowess, Mahiṣa, having conquered all the gods, became lord of the world.
AI translation rendered from the Sanskrit, not a published edition
DB 10 12.2
सर्वेषां लोकपालानामधिकारान्महासुरः । बलानिर्जित्य बुभुजे त्रैलोक्यैश्वर्यमद्भुतम्
sarveṣāṃ lokapālānāmadhikārānmahāsuraḥ | balānirjitya bubhuje trailokyaiśvaryamadbhutam
The great demon, having conquered by force the offices of all the world-guardians, enjoyed the marvellous sovereignty of the three worlds.
AI translation rendered from the Sanskrit, not a published edition
DB 10 12.3
ततः पराजिताः सर्वे देवाः स्वर्गपरिच्युताः । ब्रह्माणं च पुरस्कृत्य ते जग्मुर्लोकमुत्तमम्
tataḥ parājitāḥ sarve devāḥ svargaparicyutāḥ | brahmāṇaṃ ca puraskṛtya te jagmurlokamuttamam
Then all the gods, defeated and fallen from heaven, putting Brahmā in front, went to the highest world,
AI translation rendered from the Sanskrit, not a published edition
DB 10 12.4
यत्रोत्तमौ देवदेवौ संस्थितौ शङ्कराच्युतौ । वृत्तान्तं कथयामासुर्महिषस्य दुरात्मनः
yatrottamau devadevau saṃsthitau śaṅkarācyutau | vṛttāntaṃ kathayāmāsurmahiṣasya durātmanaḥ
where the two supreme gods of gods, Śaṅkara and Acyuta, were staying; (there) they told the tale of the evil-souled Mahiṣa:
AI translation rendered from the Sanskrit, not a published edition
DB 10 12.5
देवानां चैव सर्वेषां स्थानानि तरसासुरः । विनिर्जित्य स्वयं भुङ्क्ते बलवीर्यमदोद्धतः
devānāṃ caiva sarveṣāṃ sthānāni tarasāsuraḥ | vinirjitya svayaṃ bhuṅkte balavīryamadoddhataḥ
"That demon, having swiftly conquered the stations of all the gods, himself enjoys (them), puffed up with the pride of his strength and valour.
AI translation rendered from the Sanskrit, not a published edition
DB 10 12.6
महिषासुरनामासौ दुष्टदैत्योऽमरेश्वरौ । वधोपायश्च तस्याशु चिन्त्यतामसुरार्दनौ
mahiṣāsuranāmāsau duṣṭadaityo'mareśvarau | vadhopāyaśca tasyāśu cintyatāmasurārdanau
He is the wicked demon named Mahiṣāsura, O two lords of the immortals; let a means of his slaying be devised at once, O crushers of demons."
AI translation rendered from the Sanskrit, not a published edition
DB 10 12.7
एवं श्रुत्वा स भगवान्देवानामार्तियुग्वचः । चकार कोपं सुबहुं तथा शङ्करपद्मजौ
evaṃ śrutvā sa bhagavāndevānāmārtiyugvacaḥ | cakāra kopaṃ subahuṃ tathā śaṅkarapadmajau
Hearing thus the anguished words of the gods, that Lord grew exceedingly angry, and so too did Śaṅkara and the lotus-born (Brahmā).
AI translation rendered from the Sanskrit, not a published edition
DB 10 12.8
एवं कोपयुतस्यास्य हरेरास्यान्महीपते । तेजः प्रादुरभूद्दिव्यं सहस्रार्कसमद्युति
evaṃ kopayutasyāsya harerāsyānmahīpate | tejaḥ prādurabhūddivyaṃ sahasrārkasamadyuti
Thus, O lord of the earth, from the mouth of this Hari, filled with wrath, there appeared a divine radiance, blazing like a thousand suns.
AI translation rendered from the Sanskrit, not a published edition
DB 10 12.9
अथानुक्रमतस्तेजः सर्वेषां त्रिदिवौकसाम् । शरीरादुद्भवं प्राप हर्षयद्विबुधाधिपान्
athānukramatastejaḥ sarveṣāṃ tridivaukasām | śarīrādudbhavaṃ prāpa harṣayadvibudhādhipān
Then, in due order, a radiance arose from the bodies of all the dwellers of heaven, gladdening the chiefs of the gods.
AI translation rendered from the Sanskrit, not a published edition
DB 10 12.10
यदभूच्छम्भुजं तेजो मुखमस्योदपद्यत । केशा बभूवुर्याम्येन वैष्णवेन च बाहवः
yadabhūcchambhujaṃ tejo mukhamasyodapadyata | keśā babhūvuryāmyena vaiṣṇavena ca bāhavaḥ
The radiance that came from Śambhu became her face; from Yama's, her hair; and from Viṣṇu's, her arms.
AI translation rendered from the Sanskrit, not a published edition
DB 10 12.11
सौम्येन च स्तनौ जातौ माहेन्द्रेण च मध्यमः । वारुणेन ततो भूप जङ्घोरू सम्बभूवतुः
saumyena ca stanau jātau māhendreṇa ca madhyamaḥ | vāruṇena tato bhūpa jaṅghorū sambabhūvatuḥ
From the Moon's her two breasts were born, and from great Indra's her waist; then, O king, from Varuṇa's her shanks and thighs came into being.
AI translation rendered from the Sanskrit, not a published edition
DB 10 12.12
नितम्बौ तेजसा भूमेः पादौ ब्राह्मेण तेजसा । पादाङ्गुल्यो भानवेन वासवेन कराङ्गुली देवीचरित्रसहितं सावर्णिमनुवृतान्तवर्णनं नाम द्वादशोऽध्यायः देवीचरित्रसहितं सावर्णिमनुवृतान्तवर्णनं नाम द्वादशोऽध्यायः
nitambau tejasā bhūmeḥ pādau brāhmeṇa tejasā | pādāṅgulyo bhānavena vāsavena karāṅgulī devīcaritrasahitaṃ sāvarṇimanuvṛtāntavarṇanaṃ nāma dvādaśo'dhyāyaḥ devīcaritrasahitaṃ sāvarṇimanuvṛtāntavarṇanaṃ nāma dvādaśo'dhyāyaḥ
Her buttocks from the radiance of the Earth, her feet from the radiance of Brahmā; her toes from the Sun's, her fingers from Vāsava's (Indra's).
AI translation rendered from the Sanskrit, not a published edition
DB 10 12.13
कौबेरेण तथा नासा दन्ताः सञ्जज्ञिरे तदा । प्राजापत्येनोत्तमेन तेजसा वसुधाधिप
kaubereṇa tathā nāsā dantāḥ sañjajñire tadā | prājāpatyenottamena tejasā vasudhādhipa
From Kubera's likewise her nose, and her teeth were then born from the excellent radiance of Prajāpati, O lord of the earth.
AI translation rendered from the Sanskrit, not a published edition
DB 10 12.14
पावकेन च सञ्जातं लोचनत्रितयं शुभम् । सान्ध्येन तेजसा जाते भृकुट्यौ तेजसां निधी
pāvakena ca sañjātaṃ locanatritayaṃ śubham | sāndhyena tejasā jāte bhṛkuṭyau tejasāṃ nidhī
From Fire her auspicious three eyes came to be; from the radiance of twilight her two eyebrows were born, O treasury of splendours.
AI translation rendered from the Sanskrit, not a published edition
DB 10 12.15
कर्णौ वायव्यतो जातौ तेजसो मनुजाधिप । सर्वेषां तेजसा देवी जाता महिषमर्दिनी
karṇau vāyavyato jātau tejaso manujādhipa | sarveṣāṃ tejasā devī jātā mahiṣamardinī
Her ears were born from the radiance of Vāyu, O ruler of men; from the radiance of all (the gods) the Goddess, the crusher of Mahiṣa, was born.
AI translation rendered from the Sanskrit, not a published edition
DB 10 12.16
शूलं ददौ शिवो विष्णुश्चक्रं शङ्खं च पाशभृत् । हुताशनो ददौ शक्तिं मारुतश्चापसायकौ
śūlaṃ dadau śivo viṣṇuścakraṃ śaṅkhaṃ ca pāśabhṛt | hutāśano dadau śaktiṃ mārutaścāpasāyakau
Śiva gave a trident, and Viṣṇu a discus; the bearer of the noose (Varuṇa) gave a conch; Fire gave a spear, and the Wind a bow and arrows.
AI translation rendered from the Sanskrit, not a published edition
DB 10 12.17
वज्रं महेन्द्रः प्रददौ घण्टां चैरावताद् गजात् । कालदण्डं यमो ब्रह्मा चाक्षमालाकमण्डलू
vajraṃ mahendraḥ pradadau ghaṇṭāṃ cairāvatād gajāt | kāladaṇḍaṃ yamo brahmā cākṣamālākamaṇḍalū
Great Indra gave a thunderbolt, and a bell from his elephant Airāvata; Yama the staff of Death, and Brahmā a rosary and a water-pot.
AI translation rendered from the Sanskrit, not a published edition
DB 10 12.18
दिवाकरो रश्मिमालां रोमकूपेषु सन्ददौ । कालः खड्गं तथा चर्म निर्मलं वसुधाधिप
divākaro raśmimālāṃ romakūpeṣu sandadau | kālaḥ khaḍgaṃ tathā carma nirmalaṃ vasudhādhipa
The Sun bestowed a garland of rays upon her pores; Kāla gave a sword and a spotless shield, O lord of the earth.
AI translation rendered from the Sanskrit, not a published edition
DB 10 12.19
समुद्रो निर्मलं हारमजरे चाम्बरे नृप । चूडामणिं कुण्डले च कटकानि तथाङ्गदे
samudro nirmalaṃ hāramajare cāmbare nṛpa | cūḍāmaṇiṃ kuṇḍale ca kaṭakāni tathāṅgade
The Ocean (gave) a spotless necklace and two unaging garments, O king, a crest-jewel, a pair of earrings, bracelets, and armlets,
AI translation rendered from the Sanskrit, not a published edition
DB 10 12.20
अर्धचन्द्रं निर्मलं च नूपुराणि तथा ददौ । ग्रैवेयकं भूषणं च तस्यै देव्यै मुदान्वितः
ardhacandraṃ nirmalaṃ ca nūpurāṇi tathā dadau | graiveyakaṃ bhūṣaṇaṃ ca tasyai devyai mudānvitaḥ
and he gave a spotless half-moon and anklets, and a neck-ornament, to that Goddess, filled with joy.
AI translation rendered from the Sanskrit, not a published edition
DB 10 12.21
विश्वकर्मा चोर्मिकाश्च ददौ तस्यै धरापते । हिमवान्वाहनं सिंहं रत्नानि विविधानि च
viśvakarmā cormikāśca dadau tasyai dharāpate | himavānvāhanaṃ siṃhaṃ ratnāni vividhāni ca
And Viśvakarman gave her rings, O lord of the earth; Himavat (gave) a lion as her mount, and jewels of many kinds.
AI translation rendered from the Sanskrit, not a published edition
DB 10 12.22
पानपात्रं सुरापूर्णं ददौ तस्यै धनाधिपः । शेषश्च भगवान्देवो नागहारं ददौ विभुः
pānapātraṃ surāpūrṇaṃ dadau tasyai dhanādhipaḥ | śeṣaśca bhagavāndevo nāgahāraṃ dadau vibhuḥ
The lord of wealth gave her a drinking-cup full of liquor; and Śeṣa, the mighty divine lord, gave a necklace of serpents.
AI translation rendered from the Sanskrit, not a published edition
DB 10 12.23
अन्यैरशेषविबुधैर्मानिता सा जगन्मयी । तां तुष्टुवुर्महादेवीं देवा महिषपीडिताः
anyairaśeṣavibudhairmānitā sā jaganmayī | tāṃ tuṣṭuvurmahādevīṃ devā mahiṣapīḍitāḥ
Honoured by all the other gods without exception, she who is made of the world—the gods, afflicted by Mahiṣa, praised that Great Goddess
AI translation rendered from the Sanskrit, not a published edition
DB 10 12.24
नानास्तोत्रैर्महेशानीं जगदुद्भवकारिणीम् । तेषां निशम्य देवेशी स्तोत्रं विबुधपूजिता
nānāstotrairmaheśānīṃ jagadudbhavakāriṇīm | teṣāṃ niśamya deveśī stotraṃ vibudhapūjitā
with various hymns—the Great Sovereign Lady, the cause of the world's arising. Hearing their hymn, the Ruler of the gods, worshipped by the gods,
AI translation rendered from the Sanskrit, not a published edition
DB 10 12.25
महिषस्य वधार्थाय महानादं चकार ह । तेन नादेन महिषश्चकितोऽभूद्धरापते
mahiṣasya vadhārthāya mahānādaṃ cakāra ha | tena nādena mahiṣaścakito'bhūddharāpate
made a great roar for the sake of slaying Mahiṣa; by that roar Mahiṣa was startled, O lord of the earth.
AI translation rendered from the Sanskrit, not a published edition
DB 10 12.26
आससाद जगद्धात्रीं सर्वसैन्यसमावृतः । ततः स युयुधे देव्या महिषाख्यो महासुरः
āsasāda jagaddhātrīṃ sarvasainyasamāvṛtaḥ | tataḥ sa yuyudhe devyā mahiṣākhyo mahāsuraḥ
Surrounded by all his army, he approached the Sustainer of the world; then that great demon named Mahiṣa fought with the Goddess,
AI translation rendered from the Sanskrit, not a published edition
DB 10 12.27
शस्त्रास्त्रैर्बहुधा क्षिप्तैः पूरयन्नम्बरान्तरम् । चिक्षुरो ग्रामणीः सेनापतिर्दुर्धरदुर्मुखौ
śastrāstrairbahudhā kṣiptaiḥ pūrayannambarāntaram | cikṣuro grāmaṇīḥ senāpatirdurdharadurmukhau
filling the whole expanse of the sky with weapons and missiles hurled in many ways—Cikṣura the troop-leader, the general, and Durdhara and Durmukha,
AI translation rendered from the Sanskrit, not a published edition
DB 10 12.28
बाष्कलस्ताम्रकश्चैव बिडालवदनोऽपरः । एतैश्चान्यैरसंख्यातैः संग्रामान्तकसन्निभैः
bāṣkalastāmrakaścaiva biḍālavadano'paraḥ | etaiścānyairasaṃkhyātaiḥ saṃgrāmāntakasannibhaiḥ
And Bāṣkala and Tāmraka, and another, Biḍālavadana — with these and with other, countless (warriors), resembling the ender of battles (i.e. death),
AI translation rendered from the Sanskrit, not a published edition
DB 10 12.29
योधैः परिवृतो वीरो महिषो दानवोत्तमः । ततः सा कोपताम्राक्षी देवी लोकविमोहिनी
yodhaiḥ parivṛto vīro mahiṣo dānavottamaḥ | tataḥ sā kopatāmrākṣī devī lokavimohinī
— surrounded by (such) warriors was the hero Mahiṣa, the foremost of the Dānavas. Then that Goddess, her eyes copper-red with anger, the bewitcher of the worlds,
AI translation rendered from the Sanskrit, not a published edition
DB 10 12.30
जघान योधान्समरे देवी महिषमाश्रितान् । ततस्तेषु हतेष्वेव स दैत्यो रोषमूर्च्छितः
jaghāna yodhānsamare devī mahiṣamāśritān | tatasteṣu hateṣveva sa daityo roṣamūrcchitaḥ
the Goddess slew in battle the warriors who had taken refuge with (i.e. sided with) Mahiṣa. Then, when they had been slain, that Daitya, stupefied with rage,
AI translation rendered from the Sanskrit, not a published edition
DB 10 12.31
आससाद तदा देवीं तूर्णं मायाविशारदः । रूपान्तराणि सम्भेजे मायया दानवेश्वरः
āsasāda tadā devīṃ tūrṇaṃ māyāviśāradaḥ | rūpāntarāṇi sambheje māyayā dānaveśvaraḥ
then swiftly approached the Goddess, being skilled in illusion; the lord of the Dānavas assumed other forms by his magic.
AI translation rendered from the Sanskrit, not a published edition
DB 10 12.32
तानि तान्यस्य रूपाणि नाशयामास सा तदा । ततोऽन्ते माहिषं रूपं बिभ्राणममरार्दनम्
tāni tānyasya rūpāṇi nāśayāmāsa sā tadā | tato'nte māhiṣaṃ rūpaṃ bibhrāṇamamarārdanam
Those various forms of his she then destroyed; then, at the end, (as he was) bearing the buffalo form, the tormentor of the immortals,
AI translation rendered from the Sanskrit, not a published edition
DB 10 12.33
पाशेन बद्ध्वा सुदृढं छित्त्वा खड्गेन तच्छिरः । पातयामास महिषं देवी देवगणान्तकम्
pāśena baddhvā sudṛḍhaṃ chittvā khaḍgena tacchiraḥ | pātayāmāsa mahiṣaṃ devī devagaṇāntakam
binding him very firmly with a noose and cutting off his head with her sword, the Goddess felled Mahiṣa, the destroyer of the hosts of gods.
AI translation rendered from the Sanskrit, not a published edition
DB 10 12.34
हाहाकृतं ततः शेषं सैन्यं भग्नं दिशो दश । तुष्टुवुर्देवदेवेशीं सर्वे देवाः प्रमोदिताः
hāhākṛtaṃ tataḥ śeṣaṃ sainyaṃ bhagnaṃ diśo daśa | tuṣṭuvurdevadeveśīṃ sarve devāḥ pramoditāḥ
Then the remaining army, crying out 'alas, alas!', was broken (and fled) in the ten directions; all the gods, greatly delighted, praised the Mistress of the gods of gods.
AI translation rendered from the Sanskrit, not a published edition
DB 10 12.35
एवं लक्ष्मीः समुत्पन्ना महिषासुरमर्दिनी । राजञ्छृणु सरस्वत्याः प्रादुर्भावो यथाभवत्
evaṃ lakṣmīḥ samutpannā mahiṣāsuramardinī | rājañchṛṇu sarasvatyāḥ prādurbhāvo yathābhavat
Thus was Lakṣmī brought forth, the crusher of Mahiṣāsura. O king, hear now how the manifestation of Sarasvatī came about.
AI translation rendered from the Sanskrit, not a published edition
DB 10 12.36
एकदा शुम्भनामासीद्दैत्यो मदबलोत्कटः । निशुम्भश्चापि तद्भ्राता महाबलपराक्रमः
ekadā śumbhanāmāsīddaityo madabalotkaṭaḥ | niśumbhaścāpi tadbhrātā mahābalaparākramaḥ
Once there was a Daitya named Śumbha, arrogant with intoxication and strength, and also his brother Niśumbha, of great strength and valour.
AI translation rendered from the Sanskrit, not a published edition
DB 10 12.37
तेन सम्पीडिता देवाः सर्वे भ्रष्टश्रियो नृप । हिमवन्तमथासाद्य देवीं तुष्टुवुरादरात्
tena sampīḍitā devāḥ sarve bhraṣṭaśriyo nṛpa | himavantamathāsādya devīṃ tuṣṭuvurādarāt
Oppressed by him, all the gods, their splendour lost, O king, then went to the Himālaya and praised the Goddess with reverence.
AI translation rendered from the Sanskrit, not a published edition
DB 10 12.38
देवा ऊचुः जय देवेशि भक्तानामार्तिनाशनकोविदे । दानवान्तकरूपे त्वमजरामरणेऽनघे
devā ūcuḥ jaya deveśi bhaktānāmārtināśanakovide | dānavāntakarūpe tvamajarāmaraṇe'naghe
The gods said: Victory to you, O Mistress of the gods, skilled in destroying the distress of your devotees, you whose form is the ender of the Dānavas, free of aging and death, O sinless one!
AI translation rendered from the Sanskrit, not a published edition
DB 10 12.39
देवेशि भक्तिसुलभे महाबलपराक्रमे । विष्णुशङ्करब्रह्मादिस्वरूपेऽनन्तविक्रमे
deveśi bhaktisulabhe mahābalaparākrame | viṣṇuśaṅkarabrahmādisvarūpe'nantavikrame
O Mistress of the gods, easily reached through devotion, of great strength and valour, whose own form is Viṣṇu, Śaṅkara, Brahmā and the rest, of endless might,
AI translation rendered from the Sanskrit, not a published edition
DB 10 12.40
सृष्टिस्थितिकरे नाशकारिके कान्तिदायिनि । महाताण्डवसुप्रीते मोददायिनि माधवि
sṛṣṭisthitikare nāśakārike kāntidāyini | mahātāṇḍavasuprīte modadāyini mādhavi
O maker of creation and preservation, O worker of destruction, O giver of beauty, delighted by the great tāṇḍava dance, O giver of joy, O Mādhavī,
AI translation rendered from the Sanskrit, not a published edition
DB 10 12.41
प्रसीद देवदेवेशि प्रसीद करुणानिधे । निशुम्भशुम्भसम्भूतभयापाराम्बुवारिधे
prasīda devadeveśi prasīda karuṇānidhe | niśumbhaśumbhasambhūtabhayāpārāmbuvāridhe
Be gracious, O Mistress of the gods of gods, be gracious, O treasury of compassion, (to us who are sunk) in the shoreless ocean of fear arisen from Niśumbha and Śumbha.
AI translation rendered from the Sanskrit, not a published edition
DB 10 12.42
उद्धरास्मान् प्रपन्नार्तिनाशिके शरणागतान् । एवं संस्तुवतां तेषां त्रिदशानां धरापते
uddharāsmān prapannārtināśike śaraṇāgatān | evaṃ saṃstuvatāṃ teṣāṃ tridaśānāṃ dharāpate
Lift us up, we who have come for refuge, O destroyer of the distress of those who resort (to you)! While the thirty (gods) were praising her thus, O lord of the earth,
AI translation rendered from the Sanskrit, not a published edition
DB 10 12.43
प्रसन्ना गिरिजा प्राह ब्रूत स्तवनकारणम् । एतस्मिन्नन्तरे यस्याः कोशरूपात्समुत्थिता
prasannā girijā prāha brūta stavanakāraṇam | etasminnantare yasyāḥ kośarūpātsamutthitā
Girijā, pleased, said: "Speak the reason for your praise." At that moment, she who arose from her sheath-form (kośa),
AI translation rendered from the Sanskrit, not a published edition
DB 10 12.44
कौशिकी सा जगत्पूज्या देवान्प्रीत्येदमब्रवीत्। प्रसन्नाहं सुरश्रेष्ठाः स्तवेनोत्तमरूपिणी
kauśikī sā jagatpūjyā devānprītyedamabravīt| prasannāhaṃ suraśreṣṭhāḥ stavenottamarūpiṇī
that Kauśikī, worshipped by the world, said this to the gods with affection: "I am pleased, O best of gods, by (your) praise, I who am of supreme form.
AI translation rendered from the Sanskrit, not a published edition
DB 10 12.45
व्रियतां वर इत्युक्ते देवाः संवव्रिरे वरम् । शुम्भनामावरो भ्राता निशुम्भस्तस्य विश्रुतः
vriyatāṃ vara ityukte devāḥ saṃvavrire varam | śumbhanāmāvaro bhrātā niśumbhastasya viśrutaḥ
Let a boon be chosen." When this was said, the gods chose a boon: "There is one named Śumbha, and his younger brother, the renowned Niśumbha.
AI translation rendered from the Sanskrit, not a published edition
DB 10 12.46
त्रैलोक्यमोजसाक्रान्तं दैत्येन बलशालिना । तद्वधश्चिन्त्यतां देवि दुरात्मा दानवेश्वरः
trailokyamojasākrāntaṃ daityena balaśālinā | tadvadhaścintyatāṃ devi durātmā dānaveśvaraḥ
The three worlds have been overrun by force by that mighty Daitya. Let his slaying be devised, O Goddess; the evil-souled lord of the Dānavas
AI translation rendered from the Sanskrit, not a published edition
DB 10 12.47
बाधते सततं देवि तिरस्कृत्य निजौजसा । देव्युवाच देवशत्रुं पातयिष्ये निशुम्भं शुम्भमेव च
bādhate satataṃ devi tiraskṛtya nijaujasā | devyuvāca devaśatruṃ pātayiṣye niśumbhaṃ śumbhameva ca
constantly torments (us), O Goddess, having humiliated (us) by his own might." The Goddess said: "I shall fell the enemy of the gods, Niśumbha, and Śumbha too.
AI translation rendered from the Sanskrit, not a published edition
DB 10 12.48
स्वस्थास्तिष्ठत भद्रं वः कण्टकं नाशयामि वः । इत्युक्त्वा देवदेवेशी देवान्सेन्द्रान्दयामयी
svasthāstiṣṭhata bhadraṃ vaḥ kaṇṭakaṃ nāśayāmi vaḥ | ityuktvā devadeveśī devānsendrāndayāmayī
"Remain at ease, good fortune to you; I shall destroy the thorn (that troubles) you." Having said this, the compassionate Mistress of the gods of gods (left) the gods together with Indra (and)
AI translation rendered from the Sanskrit, not a published edition
DB 10 12.49
जगामादर्शनं सद्यो मिषतां त्रिदिवौकसाम् । देवाः समागता हृष्टाः सुवर्णाद्रिगुहां शुभाम्
jagāmādarśanaṃ sadyo miṣatāṃ tridivaukasām | devāḥ samāgatā hṛṣṭāḥ suvarṇādriguhāṃ śubhām
passed at once out of sight, while the dwellers of the triple heaven looked on. The gods, gladdened, came together to the fair cave of the golden mountain.
AI translation rendered from the Sanskrit, not a published edition
DB 10 12.50
चण्डमुण्डौ पश्यतःस्म भृत्यौ शुम्भनिशुम्भयोः । दृष्ट्वा तां चारुसर्वाङ्गीं देवीं लोकविमोहिनीम्
caṇḍamuṇḍau paśyataḥsma bhṛtyau śumbhaniśumbhayoḥ | dṛṣṭvā tāṃ cārusarvāṅgīṃ devīṃ lokavimohinīm
Caṇḍa and Muṇḍa, the two servants of Śumbha and Niśumbha, saw (her); and having seen that goddess, lovely in every limb, bewitching the worlds,
AI translation rendered from the Sanskrit, not a published edition
DB 10 12.51
कथयामासतू राज्ञे भृत्यौ तौ चण्डमुण्डकौ । देव सर्वासुरश्रेष्ठ रत्नभोगार्ह मानद
kathayāmāsatū rājñe bhṛtyau tau caṇḍamuṇḍakau | deva sarvāsuraśreṣṭha ratnabhogārha mānada
those two servants, Caṇḍa and Muṇḍa, spoke to the king: "O lord, best of all asuras, worthy of the enjoyment of jewels, bestower of honour,
AI translation rendered from the Sanskrit, not a published edition
DB 10 12.52
अपूर्वा कामिनी दृष्टा चावाभ्यां रिपुमर्दन । तस्याः संभोगयोग्यत्वमस्त्येव तव साम्प्रतम्
apūrvā kāminī dṛṣṭā cāvābhyāṃ ripumardana | tasyāḥ saṃbhogayogyatvamastyeva tava sāmpratam
a woman such as never was before has been seen by us two, O crusher of foes; her fitness for enjoyment belongs to you indeed, right now.
AI translation rendered from the Sanskrit, not a published edition
DB 10 12.53
तां समानय चार्वङ्गीं भुङ्क्ष्व सौख्यसमन्वितः । तादृशी नासुरी नारी न गन्धर्वी न दानवी
tāṃ samānaya cārvaṅgīṃ bhuṅkṣva saukhyasamanvitaḥ | tādṛśī nāsurī nārī na gandharvī na dānavī
Have that fair-limbed one brought, and enjoy her, filled with delight. There is no asura woman like her, no gandharva woman, no dānava woman,
AI translation rendered from the Sanskrit, not a published edition
DB 10 12.54
न मानवी नापि देवी यादृशी सा मनोहरा । एवं भृत्यवचः श्रुत्वा शुम्भः परबलार्दनः
na mānavī nāpi devī yādṛśī sā manoharā | evaṃ bhṛtyavacaḥ śrutvā śumbhaḥ parabalārdanaḥ
no human woman, nor even a goddess, so heart-stealing as she is." Hearing thus the speech of his servants, Śumbha, the crusher of enemy armies,
AI translation rendered from the Sanskrit, not a published edition
DB 10 12.55
दूतं सम्मेषयामास सुग्रीवं नाम दानवम् । स दूतस्त्वरितं गत्वा देव्याः सविधमादरात्
dūtaṃ sammeṣayāmāsa sugrīvaṃ nāma dānavam | sa dūtastvaritaṃ gatvā devyāḥ savidhamādarāt
dispatched a messenger, a dānava named Sugrīva. That messenger, going swiftly and respectfully into the Goddess's presence,
AI translation rendered from the Sanskrit, not a published edition
DB 10 12.56
वृत्तान्तं कथयामास देव्यै शुम्भस्य यद्वचः । देवि शुम्भासुरो नाम त्रैलोक्यविजयी प्रभुः
vṛttāntaṃ kathayāmāsa devyai śumbhasya yadvacaḥ | devi śumbhāsuro nāma trailokyavijayī prabhuḥ
related the matter to the Goddess, (namely) what Śumbha's words were: "O goddess, the asura named Śumbha, the lord who conquers the three worlds,
AI translation rendered from the Sanskrit, not a published edition
DB 10 12.57
सर्वेषां रत्नवस्तूनां भोक्ता मान्यो दिवौकसाम् । तदुक्तं शृणु मे देवि रत्नभोक्ताहमव्ययः
sarveṣāṃ ratnavastūnāṃ bhoktā mānyo divaukasām | taduktaṃ śṛṇu me devi ratnabhoktāhamavyayaḥ
is the enjoyer of all things that are jewels, honoured by the dwellers of heaven. Hear from me what he has said, O goddess: 'I am the imperishable enjoyer of jewels;
AI translation rendered from the Sanskrit, not a published edition
DB 10 12.58
त्वं चापि रत्नभूतासि भज मां चारुलोचने । सर्वेषु यानि रत्नानि देवासुरनरेषु च
tvaṃ cāpi ratnabhūtāsi bhaja māṃ cārulocane | sarveṣu yāni ratnāni devāsuranareṣu ca
and you too are a very jewel — love me, O fair-eyed one. Whatever jewels exist among all beings, gods, asuras and men,
AI translation rendered from the Sanskrit, not a published edition
DB 10 12.59
तानि मय्येव सुभगे भज मां कामजै रसैः । देव्युवाच सत्यं वदसि हे दूत दैत्यराजप्रियङ्करम्
tāni mayyeva subhage bhaja māṃ kāmajai rasaiḥ | devyuvāca satyaṃ vadasi he dūta daityarājapriyaṅkaram
those are in me alone, O fortunate one; love me with the pleasures born of desire.' " The Goddess said: You speak truly, O messenger, who do what pleases the king of the daityas;
AI translation rendered from the Sanskrit, not a published edition
DB 10 12.60
प्रतिज्ञा या मया पूर्वं कृता साप्यनृता कथम् । भवेत्तां शृणु मे दूत या प्रतिज्ञा मया कृता
pratijñā yā mayā pūrvaṃ kṛtā sāpyanṛtā katham | bhavettāṃ śṛṇu me dūta yā pratijñā mayā kṛtā
but the vow that was made by me before — how should that become false? Hear it from me, messenger, the vow that was made by me:
AI translation rendered from the Sanskrit, not a published edition
DB 10 12.61
यो मे दर्पं विधुनुते यो मे बलमपोहति । यो मे प्रतिबलो भूयात्स एव मम भोगभाक्
yo me darpaṃ vidhunute yo me balamapohati | yo me pratibalo bhūyātsa eva mama bhogabhāk
"He who shakes off my pride, he who takes away my strength, he who becomes a match for my strength — he alone shall have the enjoyment of me."
AI translation rendered from the Sanskrit, not a published edition
DB 10 12.62
तत एनां प्रतिज्ञां मे सत्यां कृत्वासुरेश्वरः । गृह्णातु पाणिं तरसा तस्याशक्यं किमत्र हि
tata enāṃ pratijñāṃ me satyāṃ kṛtvāsureśvaraḥ | gṛhṇātu pāṇiṃ tarasā tasyāśakyaṃ kimatra hi
Therefore, let the lord of asuras make this vow of mine true and (then) seize my hand by force; what indeed is impossible for him in this?
AI translation rendered from the Sanskrit, not a published edition
DB 10 12.63
तस्माद् गच्छ महादूत स्वामिनं ब्रूहि चादृतः । प्रतिज्ञां चापि मे सत्यां विधास्यति बलाधिकः
tasmād gaccha mahādūta svāminaṃ brūhi cādṛtaḥ | pratijñāṃ cāpi me satyāṃ vidhāsyati balādhikaḥ
So go, great messenger, and tell your master respectfully: "He who is superior in strength will make my vow true."
AI translation rendered from the Sanskrit, not a published edition
DB 10 12.64
एवं वाक्यं महादेव्याः समाकर्ण्य स दानवः । कथयामास शुम्भाय देव्या वृत्तान्तमादितः
evaṃ vākyaṃ mahādevyāḥ samākarṇya sa dānavaḥ | kathayāmāsa śumbhāya devyā vṛttāntamāditaḥ
Having heard this speech of the great Goddess, that dānava related to Śumbha the Goddess's affair from the beginning.
AI translation rendered from the Sanskrit, not a published edition
DB 10 12.65
तदाप्रियं दूतवाक्यं शुम्भः श्रुत्वा महाबलः । कोपमाहारयामास महान्तं दनुजाधिपः
tadāpriyaṃ dūtavākyaṃ śumbhaḥ śrutvā mahābalaḥ | kopamāhārayāmāsa mahāntaṃ danujādhipaḥ
Then, hearing the messenger's unwelcome speech, Śumbha of great might, the lord of the danu-born, conceived a great rage.
AI translation rendered from the Sanskrit, not a published edition
DB 10 12.66
ततो धूम्राक्षनामानं दैत्यं दैत्यपतिः प्रभुः । आदिदेश शृणु वचो धूम्राक्ष मम चादृतः
tato dhūmrākṣanāmānaṃ daityaṃ daityapatiḥ prabhuḥ | ādideśa śṛṇu vaco dhūmrākṣa mama cādṛtaḥ
Then the mighty lord of the daityas commanded the daitya named Dhūmrākṣa: "Hear my words attentively, Dhūmrākṣa.
AI translation rendered from the Sanskrit, not a published edition
DB 10 12.67
तां दुष्टां केशपाशेषु हत्वाप्यानीयतां मम । समीपमविलम्बेन शीघ्रं गच्छस्व मे पुरः
tāṃ duṣṭāṃ keśapāśeṣu hatvāpyānīyatāṃ mama | samīpamavilambena śīghraṃ gacchasva me puraḥ
Let that wicked woman be struck and brought by her masses of hair into my presence without delay; go quickly forth from before me."
AI translation rendered from the Sanskrit, not a published edition
DB 10 12.68
इत्यादेशं समासाद्य दैत्येशो धूम्रलोचनः । षष्ट्यासुराणां सहितः सहस्राणां महाबलः
ityādeśaṃ samāsādya daityeśo dhūmralocanaḥ | ṣaṣṭyāsurāṇāṃ sahitaḥ sahasrāṇāṃ mahābalaḥ
Having received this command, the lord of the Daityas, Dhūmralocana, of great strength, accompanied by sixty thousand Asuras,
AI translation rendered from the Sanskrit, not a published edition
DB 10 12.69
तुहिनाचलमासाद्य देव्याः सविधमेव सः । उच्चैर्देवीं जगादाशु भज दैत्यपतिं शुभे
tuhinācalamāsādya devyāḥ savidhameva saḥ | uccairdevīṃ jagādāśu bhaja daityapatiṃ śubhe
reaching the Snow Mountain, right into the Goddess's presence, he at once spoke loudly to the Goddess: "Fair one, take the lord of the Daityas as your husband —
AI translation rendered from the Sanskrit, not a published edition
DB 10 12.70
शुम्भं नाम महावीर्यं सर्वभोगानवाप्नुहि । नोचेत्केशान्गृहीत्वा त्वां नेष्ये दैत्यपतिं प्रति
śumbhaṃ nāma mahāvīryaṃ sarvabhogānavāpnuhi | nocetkeśāngṛhītvā tvāṃ neṣye daityapatiṃ prati
Śumbha by name, of great valour; obtain all enjoyments. If not, I will seize you by the hair and lead you to the lord of the Daityas."
AI translation rendered from the Sanskrit, not a published edition
DB 10 12.71
इत्युक्ता सा ततो देवी दैत्येन त्रिदशारिणा । उवाच दैत्य यद् ब्रूषे तत्सत्यं ते महाबल
ityuktā sā tato devī daityena tridaśāriṇā | uvāca daitya yad brūṣe tatsatyaṃ te mahābala
Thus addressed by the Daitya, the enemy of the thirty (gods), the Goddess then said: "Daitya, what you say is true, O you of great strength.
AI translation rendered from the Sanskrit, not a published edition
DB 10 12.72
राजा शुम्भासुरस्त्वं च किं करिष्यसि तद्वद । इत्युक्तो दैत्यपोऽधावत्तूर्णं शस्त्रसमन्वितः
rājā śumbhāsurastvaṃ ca kiṃ kariṣyasi tadvada | ityukto daityapo'dhāvattūrṇaṃ śastrasamanvitaḥ
Śumbha the Asura is king, and you — what will you do? Tell that." Thus addressed, the Daitya lord rushed forward at once, armed with weapons.
AI translation rendered from the Sanskrit, not a published edition
DB 10 12.73
भस्मसात्तं चकाराशु हुङ्कारेण महेश्वरी । ततः सैन्यं वाहनेन देव्या भग्नं महीपते
bhasmasāttaṃ cakārāśu huṅkāreṇa maheśvarī | tataḥ sainyaṃ vāhanena devyā bhagnaṃ mahīpate
The Great Goddess quickly reduced him to ashes with a mere "huṃ" sound. Then, O lord of the earth, the army was broken by the Goddess's mount,
AI translation rendered from the Sanskrit, not a published edition
DB 10 12.74
दिशो दशाभजच्छीघ्रं हाहाभूतमचेतनम् । तद्वृत्तान्तं समाश्रुत्य स शुम्भो दैत्यराड् विभुः
diśo daśābhajacchīghraṃ hāhābhūtamacetanam | tadvṛttāntaṃ samāśrutya sa śumbho daityarāḍ vibhuḥ
and it swiftly scattered in the ten directions, crying out in dismay and senseless. Hearing that account, Śumbha, the mighty king of the Daityas,
AI translation rendered from the Sanskrit, not a published edition
DB 10 12.75
चुकोप च महाकोपाद् भ्रुकुटीकुटिलाननः । ततः कोपपरीतात्मा दैत्यराजः प्रतापवान्
cukopa ca mahākopād bhrukuṭīkuṭilānanaḥ | tataḥ kopaparītātmā daityarājaḥ pratāpavān
grew angry, and from his great rage his face was crooked with a frown. Then the mighty king of the Daityas, his mind seized by anger,
AI translation rendered from the Sanskrit, not a published edition
DB 10 12.76
चण्डं मुण्डं रक्तबीजं क्रमतः प्रैषयद्विभुः । ते च गत्वा त्रयो दैत्या विक्रान्ता बहुविक्रमाः
caṇḍaṃ muṇḍaṃ raktabījaṃ kramataḥ praiṣayadvibhuḥ | te ca gatvā trayo daityā vikrāntā bahuvikramāḥ
the lord sent forth Caṇḍa, Muṇḍa and Raktabīja in turn. And those three Daityas, bold and of great prowess, having gone,
AI translation rendered from the Sanskrit, not a published edition
DB 10 12.77
देवीं ग्रहीतुमारब्धयत्नास्ते ह्यभवन्बलात् । तानापतत एवासौ जगद्धात्री मदोत्कटा
devīṃ grahītumārabdhayatnāste hyabhavanbalāt | tānāpatata evāsau jagaddhātrī madotkaṭā
began their efforts to seize the Goddess by force. As they came rushing at her, she, the sustainer of the world, wild with intoxication,
AI translation rendered from the Sanskrit, not a published edition
DB 10 12.78
शूलं गहीत्वा वेगेन पातयामास भूतले । ससैन्यान्निहताञ्छ्रुत्वा दैत्यांस्त्रीन्दानवेश्वरौ
śūlaṃ gahītvā vegena pātayāmāsa bhūtale | sasainyānnihatāñchrutvā daityāṃstrīndānaveśvarau
took up her spear and swiftly flung (them) down to the ground. Hearing that the three Daityas had been slain along with their armies, the two lords of the Dānavas,
AI translation rendered from the Sanskrit, not a published edition
DB 10 12.79
शुम्भश्चैव निशुम्भश्च समाजग्मतुरोजसा । निशुम्भश्चैव शुम्भश्च कृत्वा युद्धं महोत्कटम्
śumbhaścaiva niśumbhaśca samājagmaturojasā | niśumbhaścaiva śumbhaśca kṛtvā yuddhaṃ mahotkaṭam
Śumbha and Niśumbha, came with force. And Niśumbha and Śumbha, having waged a tremendously fierce battle,
AI translation rendered from the Sanskrit, not a published edition
DB 10 12.80
देव्याश्च वशगौ जातौ निहतौ च तयासुरौ । इति दैत्यवरं शुम्भं घातयित्वा जगन्मयी
devyāśca vaśagau jātau nihatau ca tayāsurau | iti daityavaraṃ śumbhaṃ ghātayitvā jaganmayī
came under the Goddess's power, and the two Asuras were slain by her. Thus, having killed Śumbha, the foremost of Daityas, she who is the world itself
AI translation rendered from the Sanskrit, not a published edition
DB 10 12.81
विबुधैः संस्तुता तद्वत्साक्षाद्वागीश्वरी परा । एवं ते वर्णितो राजन् प्रादुर्भावोऽतिरम्यकः
vibudhaiḥ saṃstutā tadvatsākṣādvāgīśvarī parā | evaṃ te varṇito rājan prādurbhāvo'tiramyakaḥ
was praised by the gods, likewise as the supreme Vāgīśvarī in visible form. Thus, O king, has the most delightful manifestation been described to you —
AI translation rendered from the Sanskrit, not a published edition
DB 10 12.82
काल्याश्चैव महालक्ष्याः सरस्वत्याः क्रमेण च । परा परेश्वरी देवी जगत्सर्गं करोति च
kālyāścaiva mahālakṣyāḥ sarasvatyāḥ krameṇa ca | parā pareśvarī devī jagatsargaṃ karoti ca
of Kālī, of Mahālakṣmī, and of Sarasvatī, in order. The supreme Goddess, ruler of the supreme, performs the creation of the world,
AI translation rendered from the Sanskrit, not a published edition
DB 10 12.83
पालनं चैव संहारं सैव देवी दधाति हि । तां समाश्रय देवेशीं जगन्मोहनिवारिणीम्
pālanaṃ caiva saṃhāraṃ saiva devī dadhāti hi | tāṃ samāśraya deveśīṃ jaganmohanivāriṇīm
and that same Goddess undertakes its preservation and its destruction. Take refuge in her, the mistress of the gods, who removes the world's delusion,
AI translation rendered from the Sanskrit, not a published edition
DB 10 12.84
महामायां पूज्यतमां सा कार्यं ते विधास्यति । श्रीनारायण उवाच इति राजा वचः श्रुत्वा मुनेः परमशोभनम्
mahāmāyāṃ pūjyatamāṃ sā kāryaṃ te vidhāsyati | śrīnārāyaṇa uvāca iti rājā vacaḥ śrutvā muneḥ paramaśobhanam
Mahāmāyā, most worthy of worship; she will accomplish your task. Śrī Nārāyaṇa said: Having heard this most excellent speech of the sage, the king
AI translation rendered from the Sanskrit, not a published edition
DB 10 12.85
देवीं जगाम शरणं सर्वकामफलप्रदाम् । निराहारो यतात्मा च तन्मनाश्च समाहितः
devīṃ jagāma śaraṇaṃ sarvakāmaphalapradām | nirāhāro yatātmā ca tanmanāśca samāhitaḥ
went for refuge to the Goddess, who grants the fruit of every desire; fasting, self-controlled, his mind fixed on her, and concentrated,
AI translation rendered from the Sanskrit, not a published edition
DB 10 12.86
देवीमूर्तिं मृण्मयीं च पूजयामास भक्तितः । पूजनान्ते बलिं तस्यै निजगात्रासृजं ददत्
devīmūrtiṃ mṛṇmayīṃ ca pūjayāmāsa bhaktitaḥ | pūjanānte baliṃ tasyai nijagātrāsṛjaṃ dadat
he worshipped an image of the Goddess made of clay with devotion; and at the end of the worship he gave her an offering of blood from his own body.
AI translation rendered from the Sanskrit, not a published edition
DB 10 12.87
तदा प्रसन्ना देवेशी जगद्योनिः कृपावती । प्रादुर्बभूव पुरतो वरं ब्रूहीति भाषिणी
tadā prasannā deveśī jagadyoniḥ kṛpāvatī | prādurbabhūva purato varaṃ brūhīti bhāṣiṇī
Then the mistress of the gods, the womb of the world, gracious and pleased, appeared before him, saying, "Ask a boon."
AI translation rendered from the Sanskrit, not a published edition
DB 10 12.88
स राजा निजमोहस्य नाशनं ज्ञानमुत्तमम् । राज्यं निष्कण्टकं चैव याचति स्म महेश्वरीम्
sa rājā nijamohasya nāśanaṃ jñānamuttamam | rājyaṃ niṣkaṇṭakaṃ caiva yācati sma maheśvarīm
That king asked of the Great Goddess the highest knowledge, the destroyer of his own delusion, and a kingdom free of thorns.
AI translation rendered from the Sanskrit, not a published edition
DB 10 12.89
देव्युवाच राजन्निष्कण्टकं राज्यं ज्ञानं वै मोहनाशनम् । भविष्यति मया दत्तमस्मिन्नेव भवे तव
devyuvāca rājanniṣkaṇṭakaṃ rājyaṃ jñānaṃ vai mohanāśanam | bhaviṣyati mayā dattamasminneva bhave tava
The Goddess said: O king, a thornless kingdom and the knowledge that destroys delusion — granted by me, these shall be yours in this very birth.
AI translation rendered from the Sanskrit, not a published edition
DB 10 12.90
अन्यच्च शृणु भूपाल जन्मान्तरविचेष्टितम् । भानोर्जन्म समासाद्य सावर्णिर्भविता भवान्
anyacca śṛṇu bhūpāla janmāntaraviceṣṭitam | bhānorjanma samāsādya sāvarṇirbhavitā bhavān
And hear another thing, O ruler of the earth, concerning (your) doings in another birth: obtaining birth from the Sun, you shall become Sāvarṇi.
AI translation rendered from the Sanskrit, not a published edition
DB 10 12.91
तत्र मन्वन्तरस्यापि पतित्वं बहुविक्रमम् । सन्ततिं बहुलां चापि प्राप्स्यते मद्वराद्भवान्
tatra manvantarasyāpi patitvaṃ bahuvikramam | santatiṃ bahulāṃ cāpi prāpsyate madvarādbhavān
There too, by my boon, you shall obtain lordship over a Manu-period, great valour, and abundant offspring.
AI translation rendered from the Sanskrit, not a published edition
DB 10 12.92
एवं दत्त्वा वरं देवी जगामादर्शनं तदा । सोऽपि देव्याः प्रसादेन जातो मन्वन्तराधिपः
evaṃ dattvā varaṃ devī jagāmādarśanaṃ tadā | so'pi devyāḥ prasādena jāto manvantarādhipaḥ
Having thus granted the boon, the Goddess then passed from sight; and he too, by the Goddess's grace, became lord of a Manu-period.
AI translation rendered from the Sanskrit, not a published edition
DB 10 12.93
एवं ते वर्णितं साधो सावर्णेर्जन्म कर्म च । एतत्पठंस्तथा शृण्वन्देव्यनुग्रहमाप्नुयात्
evaṃ te varṇitaṃ sādho sāvarṇerjanma karma ca | etatpaṭhaṃstathā śṛṇvandevyanugrahamāpnuyāt
Thus, O good man, the birth and deeds of Sāvarṇi have been described to you; one who recites this, and one who hears it, would obtain the Goddess's favour.
AI translation rendered from the Sanskrit, not a published edition