Devi Bhagavata Purana — Skandha 1 — Chapter 7
DB 1 7.1
विष्णुप्रबोधः सूत उवाच तौ वीक्ष्य बलिनौ ब्रह्मा तदोपायानचिन्तयत् । सामदानभिदादींश्च युद्धान्तान्सर्वतन्त्रवित्
viṣṇuprabodhaḥ sūta uvāca tau vīkṣya balinau brahmā tadopāyānacintayat | sāmadānabhidādīṃśca yuddhāntānsarvatantravit
The Awakening of Viṣṇu. Sūta said: Seeing those two mighty ones, Brahmā, knower of all methods, then considered the expedients — conciliation, gift, division and the rest, ending with war.
AI translation rendered from the Sanskrit, not a published edition
DB 1 7.2
न जानेऽहं बलं नूनमेतयोर्वा यथातथम् । अज्ञाते तु बले कामं नैव युद्धं प्रशस्यते
na jāne'haṃ balaṃ nūnametayorvā yathātatham | ajñāte tu bale kāmaṃ naiva yuddhaṃ praśasyate
"Surely I do not know the strength of these two as it truly is; and when strength is unknown, war is by no means to be commended, however desirable."
AI translation rendered from the Sanskrit, not a published edition
DB 1 7.3
स्तुतिं करोमि चेदद्य दुष्टयोर्मदमत्तयोः । प्रकाशितं भवेन्नूनं निर्बलत्वं मया स्वयम्
stutiṃ karomi cedadya duṣṭayormadamattayoḥ | prakāśitaṃ bhavennūnaṃ nirbalatvaṃ mayā svayam
"If today I offer praise to these two wicked ones drunk with pride, then surely my own weakness will have been revealed by me myself."
AI translation rendered from the Sanskrit, not a published edition
DB 1 7.4
वधिष्यति तदैकोऽपि निर्बलत्वे प्रकाशिते । दानं नैवाद्य योग्यं वा भेदः कार्यो मया कथम्
vadhiṣyati tadaiko'pi nirbalatve prakāśite | dānaṃ naivādya yogyaṃ vā bhedaḥ kāryo mayā katham
"Then, once weakness is revealed, even one of them will kill (me). Giving is not fitting today either; and how am I to bring about division (between them)?"
AI translation rendered from the Sanskrit, not a published edition
DB 1 7.5
विष्णुं प्रबोधयाम्यद्य शेषे सुप्तं जनार्दनम् । चतुर्भुजं महावीर्यं दुःखहा स भविष्यति
viṣṇuṃ prabodhayāmyadya śeṣe suptaṃ janārdanam | caturbhujaṃ mahāvīryaṃ duḥkhahā sa bhaviṣyati
"Today I shall awaken Viṣṇu, Janārdana, asleep on Śeṣa, four-armed and of great valour; he will be the remover of (my) distress."
AI translation rendered from the Sanskrit, not a published edition
DB 1 7.6
इति सञ्चिन्त्य मनसा पद्मनालगतोऽब्जजः । जगाम शरणं विष्णुं मनसा दुःखनाशकम्
iti sañcintya manasā padmanālagato'bjajaḥ | jagāma śaraṇaṃ viṣṇuṃ manasā duḥkhanāśakam
Having thus reflected in his mind, the lotus-born one, seated on the lotus stalk, took refuge in his mind with Viṣṇu, the destroyer of sorrow.
AI translation rendered from the Sanskrit, not a published edition
DB 1 7.7
तुष्टाव बोधनार्थं तं शुभैः सम्बोधनैर्हरिम् । नारायणं जगन्नाथं निस्पन्दं योगनिद्रया प्रथमस्कन्धे विष्णुप्रबोधो नाम सप्तमोऽध्यायः
tuṣṭāva bodhanārthaṃ taṃ śubhaiḥ sambodhanairharim | nārāyaṇaṃ jagannāthaṃ nispandaṃ yoganidrayā prathamaskandhe viṣṇuprabodho nāma saptamo'dhyāyaḥ
For the purpose of awakening him, he praised Hari with auspicious invocations — Nārāyaṇa, the Lord of the world, motionless in yogic sleep. [Colophon: In the first book, the seventh chapter, called "The Awakening of Viṣṇu."]
AI translation rendered from the Sanskrit, not a published edition
DB 1 7.8
ब्रह्मोवाच दीननाथ हरे विष्णो वामनोत्तिष्ठ माधव । भक्तार्तिहृद्धृषीकेश सर्वावास जगत्पते
brahmovāca dīnanātha hare viṣṇo vāmanottiṣṭha mādhava | bhaktārtihṛddhṛṣīkeśa sarvāvāsa jagatpate
Brahmā said: O protector of the wretched, Hari, Viṣṇu, Vāmana, arise, Mādhava! O remover of the devotees' distress, Hṛṣīkeśa, dwelling in all, lord of the world!
AI translation rendered from the Sanskrit, not a published edition
DB 1 7.9
अन्तर्यामिन्नमेयात्मन्वासुदेव जगत्पते । दुष्टारिनाशनैकाग्रचित्त चक्रगदाधर
antaryāminnameyātmanvāsudeva jagatpate | duṣṭārināśanaikāgracitta cakragadādhara
O inner controller, O one of immeasurable self, Vāsudeva, lord of the world, O you whose mind is fixed single-pointedly on destroying wicked enemies, bearer of discus and mace!
AI translation rendered from the Sanskrit, not a published edition
DB 1 7.10
सर्वज्ञ सर्वलोकेश सर्वशक्तिसमन्वित । उत्तिष्ठोत्तिष्ठ देवेश दुःखनाशन पाहि माम्
sarvajña sarvalokeśa sarvaśaktisamanvita | uttiṣṭhottiṣṭha deveśa duḥkhanāśana pāhi mām
O all-knowing, lord of all worlds, endowed with all power — arise, arise, lord of the gods, destroyer of sorrow, protect me!
AI translation rendered from the Sanskrit, not a published edition
DB 1 7.11
विश्वम्भर विशालाक्ष पुण्यश्रवणकीर्तन । जगद्योने निराकार सर्गस्थित्यन्तकारक
viśvambhara viśālākṣa puṇyaśravaṇakīrtana | jagadyone nirākāra sargasthityantakāraka
O upholder of the universe, wide-eyed one, whose hearing and celebration are meritorious, O womb of the world, formless one, doer of creation, preservation and destruction!
AI translation rendered from the Sanskrit, not a published edition
DB 1 7.12
इमौ दैत्यौ महाराज हन्तुकामौ मदोद्धतौ । न जानास्यखिलाधार कथं मां सङ्कटे गतम्
imau daityau mahārāja hantukāmau madoddhatau | na jānāsyakhilādhāra kathaṃ māṃ saṅkaṭe gatam
O great king, these two Daityas, arrogant with pride, wish to kill (me). O support of all, do you not know how I have come into danger?
AI translation rendered from the Sanskrit, not a published edition
DB 1 7.13
उपेक्षसेऽतिदुःखार्तं यदि मां शरणं गतम् । पालकत्वं महाविष्णो निराधारं भवेत्ततः
upekṣase'tiduḥkhārtaṃ yadi māṃ śaraṇaṃ gatam | pālakatvaṃ mahāviṣṇo nirādhāraṃ bhavettataḥ
If you disregard me, exceedingly afflicted with pain, who have come to you for refuge, then, O great Viṣṇu, your being the protector would be without foundation.
AI translation rendered from the Sanskrit, not a published edition
DB 1 7.14
एवं स्तुतोऽपि भगवान् न बुबोध यदा हरिः । योगनिद्रासमाक्रान्तस्तदा ब्रह्मा ह्यचिन्तयत्
evaṃ stuto'pi bhagavān na bubodha yadā hariḥ | yoganidrāsamākrāntastadā brahmā hyacintayat
Though praised thus, when the Lord Hari did not awaken, being overcome by yogic sleep, then Brahmā reflected:
AI translation rendered from the Sanskrit, not a published edition
DB 1 7.15
नूनं शक्तिसमाक्रान्तो विष्णुर्निद्रावशं गतः । जजागार न धर्मात्मा किं करोम्यद्य दुःखितः
nūnaṃ śaktisamākrānto viṣṇurnidrāvaśaṃ gataḥ | jajāgāra na dharmātmā kiṃ karomyadya duḥkhitaḥ
"Surely Viṣṇu, overcome by the Śakti, has fallen under the sway of sleep; the righteous one has not awakened. What am I, stricken with sorrow, to do now?
AI translation rendered from the Sanskrit, not a published edition
DB 1 7.16
हन्तुकामावुभौ प्राप्तौ दानवौ मदगर्वितौ । किं करोमि क्व गच्छामि नास्ति मे शरणं क्वचित्
hantukāmāvubhau prāptau dānavau madagarvitau | kiṃ karomi kva gacchāmi nāsti me śaraṇaṃ kvacit
Both the dānavas, puffed up with intoxication, have arrived wishing to kill (me). What shall I do? Where shall I go? There is no refuge for me anywhere."
AI translation rendered from the Sanskrit, not a published edition
DB 1 7.17
इति संचिन्त्य मनसा निश्चयं प्रतिपद्य च । तुष्टाव योगनिद्रां तामेकाग्रहृदयस्थितः
iti saṃcintya manasā niścayaṃ pratipadya ca | tuṣṭāva yoganidrāṃ tāmekāgrahṛdayasthitaḥ
Having thus pondered in his mind and arrived at a decision, he praised that Yoganidrā, standing with his heart one-pointed.
AI translation rendered from the Sanskrit, not a published edition
DB 1 7.18
विचार्य मनसाप्येवं शक्तिर्मे रक्षणे क्षमा । यया ह्यचेतनो विष्णुः कृतोऽस्ति स्पन्दवर्जितः
vicārya manasāpyevaṃ śaktirme rakṣaṇe kṣamā | yayā hyacetano viṣṇuḥ kṛto'sti spandavarjitaḥ
Having considered in his mind thus: "The Śakti is able to protect me, she by whom Viṣṇu has been made unconscious and devoid of motion;
AI translation rendered from the Sanskrit, not a published edition
DB 1 7.19
व्यसुर्यथा न जानाति गुणाच्छब्दादिकानिह । तथा हरिर्न जानाति निद्रामीलितलोचनः
vyasuryathā na jānāti guṇācchabdādikāniha | tathā harirna jānāti nidrāmīlitalocanaḥ
as one bereft of life does not here perceive the qualities—sound and the rest—so Hari, his eyes closed in sleep, does not perceive (them);
AI translation rendered from the Sanskrit, not a published edition
DB 1 7.20
न जहाति यतो निद्रां बहुधा संस्तुतोऽप्यसौ । मन्ये नास्य वशे निद्रा निद्रयायं वशीकृतः
na jahāti yato nidrāṃ bahudhā saṃstuto'pyasau | manye nāsya vaśe nidrā nidrayāyaṃ vaśīkṛtaḥ
since, though praised in many ways, he does not abandon sleep, I think sleep is not in his power; rather he has been brought under the power of sleep.
AI translation rendered from the Sanskrit, not a published edition
DB 1 7.21
यो यस्य वशमापन्तः स तस्य किङ्करः किल । तस्माच्च योगनिद्रेयं स्वामिनी मापतेर्हरेः
yo yasya vaśamāpantaḥ sa tasya kiṅkaraḥ kila | tasmācca yoganidreyaṃ svāminī māpaterhareḥ
Whoever has come under another's power is surely that one's servant; therefore this Yoganidrā is the mistress of Hari, the lord of Lakṣmī.
AI translation rendered from the Sanskrit, not a published edition
DB 1 7.22
सिन्धुजाया अपि वशे यया स्वामी वशीकृतः । नूनं जगदिदं सर्वं भगवत्या वशीकृतम्
sindhujāyā api vaśe yayā svāmī vaśīkṛtaḥ | nūnaṃ jagadidaṃ sarvaṃ bhagavatyā vaśīkṛtam
She by whom the husband of the ocean-born (Lakṣmī) too has been brought under her sway—surely by that Bhagavatī this whole world has been subdued.
AI translation rendered from the Sanskrit, not a published edition
DB 1 7.23
अहं विष्णुस्तथा शम्भुः सावित्री च रमाप्युमा । सर्वे वयं वशे यस्या नात्र किञ्चिद्विचारणा
ahaṃ viṣṇustathā śambhuḥ sāvitrī ca ramāpyumā | sarve vayaṃ vaśe yasyā nātra kiñcidvicāraṇā
I, Viṣṇu, and likewise Śambhu, and Sāvitrī, Ramā and Umā—all of us are in her power; there is no doubt about this.
AI translation rendered from the Sanskrit, not a published edition
DB 1 7.24
हरिरप्यवशः शेते यथान्यः प्राकृतो जनः । ययाभिभूतः का वार्ता किलान्येषां महात्मनाम्
harirapyavaśaḥ śete yathānyaḥ prākṛto janaḥ | yayābhibhūtaḥ kā vārtā kilānyeṣāṃ mahātmanām
When even Hari, overpowered by her, lies helpless like any ordinary person, what indeed is to be said of the other great souls?
AI translation rendered from the Sanskrit, not a published edition
DB 1 7.25
स्तौम्यद्य योगनिद्रां वै यया मुक्तो जनार्दनः । घटयिष्यति युद्धे च वासुदेवः सनातनः
staumyadya yoganidrāṃ vai yayā mukto janārdanaḥ | ghaṭayiṣyati yuddhe ca vāsudevaḥ sanātanaḥ
Today I shall praise Yoganidrā, by whom Janārdana, released, the eternal Vāsudeva, will engage in the battle."
AI translation rendered from the Sanskrit, not a published edition
DB 1 7.26
इति कृत्वा मतिं ब्रह्मा पद्मनालस्थितस्तदा । तुष्टाव योगनिद्रां तां विष्णोरङ्गेषु संस्थिताम्
iti kṛtvā matiṃ brahmā padmanālasthitastadā | tuṣṭāva yoganidrāṃ tāṃ viṣṇoraṅgeṣu saṃsthitām
Having made up his mind thus, Brahmā, seated on the lotus-stalk, then praised that Yoganidrā abiding in the limbs of Viṣṇu.
AI translation rendered from the Sanskrit, not a published edition
DB 1 7.27
ब्रह्मोवाच देवि त्वमस्य जगतः किल कारणं हि ज्ञातं मया सकलवेदवचोभिरम्ब । यद्विष्णुरप्यखिललोकविवेककर्ता निद्रावशं च गमितः पुरुषोत्तमोऽद्य
brahmovāca devi tvamasya jagataḥ kila kāraṇaṃ hi jñātaṃ mayā sakalavedavacobhiramba | yadviṣṇurapyakhilalokavivekakartā nidrāvaśaṃ ca gamitaḥ puruṣottamo'dya
Brahmā said: O Goddess, you indeed are the cause of this world—this I have learned, O mother, from all the words of the Vedas—since even Viṣṇu, the maker of the distinctions of all the worlds, the Supreme Person, has today been brought under the sway of sleep.
AI translation rendered from the Sanskrit, not a published edition
DB 1 7.28
को वेद ते जननि मोहविलासलीलां मूढोऽस्म्यहं हरिरयं विवशश्च शेते । ईदृक्तया सकलभूतमनोनिवासे विद्वत्तमो विबुधकोटिषु निर्गुणायाः
ko veda te janani mohavilāsalīlāṃ mūḍho'smyahaṃ harirayaṃ vivaśaśca śete | īdṛktayā sakalabhūtamanonivāse vidvattamo vibudhakoṭiṣu nirguṇāyāḥ
Who knows, O mother, your play of the sport of delusion? I am bewildered, and this Hari lies helpless. By such being (your nature), O you who dwell in the minds of all beings, of you who are without qualities, (who is) the wisest among the crores of gods?
AI translation rendered from the Sanskrit, not a published edition — the model flagged this verse as uncertain
DB 1 7.29
सांख्या वदन्ति पुरुषं प्रकृतिं च यां तां चैतन्यभावरहितां जगतश्च कर्त्रीम् । किं तादृशासि कथमत्र जगन्निवास- श्चैतन्यताविरहितो विहितस्त्वयाद्य
sāṃkhyā vadanti puruṣaṃ prakṛtiṃ ca yāṃ tāṃ caitanyabhāvarahitāṃ jagataśca kartrīm | kiṃ tādṛśāsi kathamatra jagannivāsa- ścaitanyatāvirahito vihitastvayādya
The Sāṃkhyas speak of Puruṣa and of that Prakṛti, devoid of the state of consciousness and yet the doer of the world. Are you such a one? How is it that here the dwelling-place of the world has today been made by you bereft of consciousness?
AI translation rendered from the Sanskrit, not a published edition
DB 1 7.30
नाट्यं तनोषि सगुणा विविधप्रकारं नो वेत्ति कोऽपि तव कृत्यविधानयोगम् । ध्यायन्ति यां मुनिगणा नियतं त्रिकालं सन्ध्येति नाम परिकल्प्य गुणान् भवानि
nāṭyaṃ tanoṣi saguṇā vividhaprakāraṃ no vetti ko'pi tava kṛtyavidhānayogam | dhyāyanti yāṃ munigaṇā niyataṃ trikālaṃ sandhyeti nāma parikalpya guṇān bhavāni
Endowed with qualities, you spread out a drama of many kinds; no one knows the manner of the arrangement of your deeds—you whom the hosts of sages regularly meditate upon at the three junctures of the day, fashioning the name "Sandhyā" and the qualities, O Bhavānī.
AI translation rendered from the Sanskrit, not a published edition
DB 1 7.31
बुद्धिर्हि बोधकरणा जगतां सदा त्वं श्रीश्चासि देवि सततं सुखदा सुराणाम् । कीर्तिस्तथा मतिधृती किल कान्तिरेव श्रद्धा रतिश्च सकलेषु जनेषु मातः
buddhirhi bodhakaraṇā jagatāṃ sadā tvaṃ śrīścāsi devi satataṃ sukhadā surāṇām | kīrtistathā matidhṛtī kila kāntireva śraddhā ratiśca sakaleṣu janeṣu mātaḥ
You are indeed the intelligence that produces awareness in the worlds, always; and you, O Goddess, are Śrī, ever giving pleasure to the gods; and (you are) fame, and mind and steadfastness, and beauty itself, faith and delight, in all people, O mother.
AI translation rendered from the Sanskrit, not a published edition
DB 1 7.32
नातः परं किल वितर्कशतैः प्रमाणं प्राप्तं मया यदिह दुःखगतिं गतेन । त्वं चात्र सर्वजगतां जननीति सत्यं निद्रालुतां वितरता हरिणात्र दृष्टम्
nātaḥ paraṃ kila vitarkaśataiḥ pramāṇaṃ prāptaṃ mayā yadiha duḥkhagatiṃ gatena | tvaṃ cātra sarvajagatāṃ jananīti satyaṃ nidrālutāṃ vitaratā hariṇātra dṛṣṭam
No proof beyond this has been obtained by me, who have come here to a state of sorrow, through hundreds of reasonings; and that you here are truly the mother of all the worlds has been seen here in Hari, who is dispensing (i.e. displaying) sleepiness.
AI translation rendered from the Sanskrit, not a published edition — the model flagged this verse as uncertain
DB 1 7.33
त्वं देवि वेदविदुषामपि दुर्विभाव्या वेदोऽपि नूनमखिलार्थतया न वेद । यस्मात्त्वदुद्भवमसौ श्रुतिराप्नुवाना प्रत्यक्षमेव सकलं तव कार्यमेतत्
tvaṃ devi vedaviduṣāmapi durvibhāvyā vedo'pi nūnamakhilārthatayā na veda | yasmāttvadudbhavamasau śrutirāpnuvānā pratyakṣameva sakalaṃ tava kāryametat
You, Goddess, are hard to conceive of even for those who know the Vedas; surely even the Veda does not know (you) in your entirety — since the Veda itself arose from you, this whole activity of yours is right before its eyes.
AI translation rendered from the Sanskrit, not a published edition — the model flagged this verse as uncertain
DB 1 7.34
कस्ते चरित्रमखिलं भुवि वेद धीमा- न्नाहं हरिर्न च भवो न सुरास्तथान्ये । ज्ञातुं क्षमाश्च मुनयो न ममात्मजाश्च दुर्वाच्य एव महिमा तव सर्वलोके
kaste caritramakhilaṃ bhuvi veda dhīmā- nnāhaṃ harirna ca bhavo na surāstathānye | jñātuṃ kṣamāśca munayo na mamātmajāśca durvācya eva mahimā tava sarvaloke
What wise one on earth knows your whole career? Not I, not Hari, not Bhava, nor the other gods; the sages too are unable to know it, nor my own sons — your greatness in all the worlds is simply beyond telling.
AI translation rendered from the Sanskrit, not a published edition
DB 1 7.35
यज्ञेषु देवि यदि नाम न ते वदन्ति स्वाहेति वेदविदुषो हवने कृतेऽपि । न प्राप्नुवन्ति सततं मखभागधेयं देवास्त्वमेव विबुधेष्वपि वृत्तिदासि
yajñeṣu devi yadi nāma na te vadanti svāheti vedaviduṣo havane kṛte'pi | na prāpnuvanti satataṃ makhabhāgadheyaṃ devāstvameva vibudheṣvapi vṛttidāsi
O Goddess, if at the sacrifices those who know the Vedas do not utter your name with 'svāhā', then, even though the oblation has been made, the gods never obtain their share of the sacrifice — so it is you alone who grant a livelihood even to the gods.
AI translation rendered from the Sanskrit, not a published edition
DB 1 7.36
त्राता वयं भगवति प्रथमं त्वया वै देवारिसम्भवभयादधुना तथैव । भीतोऽस्मि देवि वरदे शरणं गतोऽस्मि घोरं निरीक्ष्य मधुना सह कैटभं च
trātā vayaṃ bhagavati prathamaṃ tvayā vai devārisambhavabhayādadhunā tathaiva | bhīto'smi devi varade śaraṇaṃ gato'smi ghoraṃ nirīkṣya madhunā saha kaiṭabhaṃ ca
O Blessed One, formerly we were saved by you from the fear arising from the enemies of the gods, and so it is now too; I am afraid, O Goddess, granter of boons, I have come for refuge, having beheld the dreadful Kaiṭabha together with Madhu.
AI translation rendered from the Sanskrit, not a published edition
DB 1 7.37
नो वेत्ति विष्णुरधुना मम दुःखमेत- ज्जाने त्वयात्मविवशीकृतदेहयष्टिः । मुञ्चादिदेवमथवा जहि दानवेन्द्रौ यद्रोचते तव कुरुष्व महानुभावे
no vetti viṣṇuradhunā mama duḥkhameta- jjāne tvayātmavivaśīkṛtadehayaṣṭiḥ | muñcādidevamathavā jahi dānavendrau yadrocate tava kuruṣva mahānubhāve
Viṣṇu does not now know this sorrow of mine; I know that his frame of a body has been made helpless by you. Either release the primal god, or slay the two lords of the Dānavas — do what pleases you, O you of great power.
AI translation rendered from the Sanskrit, not a published edition
DB 1 7.38
जानन्ति ये न तव देवि परं प्रभावं ध्यायन्ति ते हरिहरावपि मन्दचित्ताः । ज्ञातं मयाद्य जननि प्रकटं प्रमाणं यद्विष्णुरप्यतितरां विवशोऽथ शेते
jānanti ye na tava devi paraṃ prabhāvaṃ dhyāyanti te hariharāvapi mandacittāḥ | jñātaṃ mayādya janani prakaṭaṃ pramāṇaṃ yadviṣṇurapyatitarāṃ vivaśo'tha śete
Those who do not know your supreme might, O Goddess, meditate even on Hari and Hara — dull-witted are they. Today, O Mother, I have learned the manifest proof: that even Viṣṇu lies utterly helpless.
AI translation rendered from the Sanskrit, not a published edition
DB 1 7.39
सिन्धूद्भवापि न हरिं प्रतिबोधितुं वै शक्ता पतिं तव वशानुगमद्य शक्त्या । मन्ये त्वया भगवति प्रसभं रमापि प्रस्वापिता न बुबुधे विवशीकृतेव
sindhūdbhavāpi na hariṃ pratibodhituṃ vai śaktā patiṃ tava vaśānugamadya śaktyā | manye tvayā bhagavati prasabhaṃ ramāpi prasvāpitā na bubudhe vivaśīkṛteva
Even she who was born from the ocean is unable now to awaken Hari, your husband, obedient to your will through your power. I think, O Blessed One, that Ramā too was forcibly put to sleep by you and did not wake, as though made helpless.
AI translation rendered from the Sanskrit, not a published edition
DB 1 7.40
धन्यास्त एव भुवि भक्तिपरास्तवांघ्रौ त्यक्त्वान्यदेवभजनं त्वयि लीनभावाः । कुर्वन्ति देवि भजनं सकलं निकामं ज्ञात्वा समस्तजननीं किल कामधेनुम्
dhanyāsta eva bhuvi bhaktiparāstavāṃghrau tyaktvānyadevabhajanaṃ tvayi līnabhāvāḥ | kurvanti devi bhajanaṃ sakalaṃ nikāmaṃ jñātvā samastajananīṃ kila kāmadhenum
Blessed indeed are those on earth who are devoted to your feet, who, abandoning worship of other gods, have their being merged in you, and who perform, O Goddess, all worship at will, knowing (you) to be the mother of all, the wish-granting cow.
AI translation rendered from the Sanskrit, not a published edition
DB 1 7.41
धीकान्तिकीर्तिशुभवृत्तिगुणादयस्ते विष्णोर्गुणास्तु परिहृत्य गताः क्व चाद्य । बन्दीकृतो हरिरसौ ननु निद्रयात्र शक्त्या तवैव भगवत्यतिमानवत्याः
dhīkāntikīrtiśubhavṛttiguṇādayaste viṣṇorguṇāstu parihṛtya gatāḥ kva cādya | bandīkṛto harirasau nanu nidrayātra śaktyā tavaiva bhagavatyatimānavatyāḥ
Where have they gone today, those qualities of Viṣṇu — intelligence, splendour, fame, good conduct, virtue and the rest — having taken their leave? Indeed this Hari has been made a prisoner here by sleep, by your very power, O Blessed One, exceedingly proud.
AI translation rendered from the Sanskrit, not a published edition
DB 1 7.42
त्वं शक्तिरेव जगतामखिलप्रभावा त्वन्निर्मितं च सकलं खलु भावमात्रम् । त्वं क्रीडसे निजविनिर्मितमोहजाले नाट्ये यथा विहरते स्वकृते नटो वै
tvaṃ śaktireva jagatāmakhilaprabhāvā tvannirmitaṃ ca sakalaṃ khalu bhāvamātram | tvaṃ krīḍase nijavinirmitamohajāle nāṭye yathā viharate svakṛte naṭo vai
You alone are the power of the worlds, of universal might; and all that is fashioned by you is surely mere appearance. You play in the net of delusion of your own making, just as an actor sports in a drama composed by himself.
AI translation rendered from the Sanskrit, not a published edition
DB 1 7.43
विष्णुस्त्वया प्रकटितः प्रथमं युगादौ दत्ता च शक्तिरमला खलु पालनाय । त्रातं च सर्वमखिलं विवशीकृतोऽद्य यद्रोचते तव तथाम्ब करोषि नूनम्
viṣṇustvayā prakaṭitaḥ prathamaṃ yugādau dattā ca śaktiramalā khalu pālanāya | trātaṃ ca sarvamakhilaṃ vivaśīkṛto'dya yadrocate tava tathāmba karoṣi nūnam
Viṣṇu was manifested by you first at the beginning of the age, and spotless power was given (to him) for protection; and the whole of everything was preserved — (yet) today he has been made helpless. Whatever pleases you, that indeed you do, O Mother.
AI translation rendered from the Sanskrit, not a published edition
DB 1 7.44
सृष्ट्वात्र मां भगवति प्रविनाशितुं चे- न्नेच्छास्ति ते कुरु दयां परिहृत्य मौनम् । कस्मादिमौ प्रकटितौ किल कालरूपौ यद्वा भवानि हसितुं नु किमिच्छसे माम्
sṛṣṭvātra māṃ bhagavati pravināśituṃ ce- nnecchāsti te kuru dayāṃ parihṛtya maunam | kasmādimau prakaṭitau kila kālarūpau yadvā bhavāni hasituṃ nu kimicchase mām
If, having created me here, O Blessed One, you have no wish to destroy (me), show mercy, abandon your silence. Why have these two, verily forms of Time, been made manifest? Or do you wish, O Bhavānī, to make a laughing-stock of me?
AI translation rendered from the Sanskrit, not a published edition
DB 1 7.45
ज्ञातं मया तव विचेष्टितमद्भुतं वै कृत्वाखिलं जगदिदं रमसे स्वतन्त्रा । लीनं करोषि सकलं किल मां तथैव हन्तुं त्वमिच्छसि भवानि किमत्र चित्रम्
jñātaṃ mayā tava viceṣṭitamadbhutaṃ vai kṛtvākhilaṃ jagadidaṃ ramase svatantrā | līnaṃ karoṣi sakalaṃ kila māṃ tathaiva hantuṃ tvamicchasi bhavāni kimatra citram
I have understood your wondrous doing: having made this whole world, you take pleasure, independent; you cause everything to dissolve — and so too you wish to kill me, O Bhavānī. What is strange in this?
AI translation rendered from the Sanskrit, not a published edition
DB 1 7.46
कामं कुरुष्व वधमद्य ममैव मात- र्दुःखं न मे मरणजं जगदम्बिकेऽत्र । कर्ता त्वयैव विहितः प्रथमं स चायं दैत्याहतोऽथ मृत इत्ययशो गरिष्ठम्
kāmaṃ kuruṣva vadhamadya mamaiva māta- rduḥkhaṃ na me maraṇajaṃ jagadambike'tra | kartā tvayaiva vihitaḥ prathamaṃ sa cāyaṃ daityāhato'tha mṛta ityayaśo gariṣṭham
Kill me outright today, if you will, O Mother; I have no sorrow born of death, O Mother of the world. But he who was appointed creator by you at the first — that he was struck down by demons and then died — that is the gravest disgrace.
AI translation rendered from the Sanskrit, not a published edition
DB 1 7.47
उत्तिष्ठ देवि कुरु रूपमिहाद्भुतं त्वं मां वा त्विमौ जहि यथेच्छसि बाललीले । नो चेत्प्रबोधय हरिं निहनेदिमौ य- स्त्वत्साध्यमेतदखिलं किल कार्यजातम्
uttiṣṭha devi kuru rūpamihādbhutaṃ tvaṃ māṃ vā tvimau jahi yathecchasi bālalīle | no cetprabodhaya hariṃ nihanedimau ya- stvatsādhyametadakhilaṃ kila kāryajātam
Rise up, O Goddess, take on a wondrous form here; slay either me or these two, as you please, O you whose play is childlike. Otherwise, awaken Hari, who may slay these two — this whole train of deeds is to be accomplished by you.
AI translation rendered from the Sanskrit, not a published edition
DB 1 7.48
सूत उवाच एवं स्तुता तदा देवी तामसी तत्र वेधसा । निःसृत्य हरिदेहात्तु संस्थिता पार्श्वतस्तदा
sūta uvāca evaṃ stutā tadā devī tāmasī tatra vedhasā | niḥsṛtya haridehāttu saṃsthitā pārśvatastadā
Sūta said: Thus praised there by the Creator, the tamasic Goddess then came forth from Hari's body and stood at his side.
AI translation rendered from the Sanskrit, not a published edition
DB 1 7.49
त्यक्त्वाङ्गानि च सर्वाणि विष्णोरतुलतेजसः । निर्गता योगनिद्रा सा नाशाय च तयोस्तदा
tyaktvāṅgāni ca sarvāṇi viṣṇoratulatejasaḥ | nirgatā yoganidrā sā nāśāya ca tayostadā
And leaving all the limbs of Viṣṇu of incomparable splendour, that Yoganidrā went out, for the destruction of those two.
AI translation rendered from the Sanskrit, not a published edition
DB 1 7.50
विस्पन्दितशरीरोऽसौ यदा जातो जनार्दनः । धाता परमिकां प्राप्तो मुदं दृष्ट्वा हरिं ततः
vispanditaśarīro'sau yadā jāto janārdanaḥ | dhātā paramikāṃ prāpto mudaṃ dṛṣṭvā hariṃ tataḥ
When Janārdana's body began to stir, the Creator, seeing Hari, attained the highest joy.
AI translation rendered from the Sanskrit, not a published edition