Devi Bhagavata Purana — Skandha 1 — Chapter 5
DB 1 5.1
हयग्रीवावतारकथनम् ऋषय ऊचुः सूतास्माकं मनः कामं मग्नं संशयसागरे । यथोक्तं महदाश्चर्यं जगद्विस्मयकारकम्
hayagrīvāvatārakathanam ṛṣaya ūcuḥ sūtāsmākaṃ manaḥ kāmaṃ magnaṃ saṃśayasāgare | yathoktaṃ mahadāścaryaṃ jagadvismayakārakam
The Telling of the Hayagrīva Incarnation. The seers said: Sūta, our mind is quite sunk in an ocean of doubt at what you have said — a great marvel, causing astonishment to the world:
AI translation rendered from the Sanskrit, not a published edition
DB 1 5.2
यन्मूर्धा माधवस्यापि गतो देहात्पुनः परम् । हयग्रीवस्ततो जातः सर्वकर्ता जनार्दनः
yanmūrdhā mādhavasyāpi gato dehātpunaḥ param | hayagrīvastato jātaḥ sarvakartā janārdanaḥ
that the head of Mādhava too went from his body away, and from that Janārdana, the doer of all, was born as Hayagrīva (Horse-necked).
AI translation rendered from the Sanskrit, not a published edition
DB 1 5.3
वेदोऽपि स्तौति यं देवं देवाः सर्वे यदाश्रयाः । आदिदेवो जगन्नाथः सर्वकारणकारणः
vedo'pi stauti yaṃ devaṃ devāḥ sarve yadāśrayāḥ | ādidevo jagannāthaḥ sarvakāraṇakāraṇaḥ
He whom even the Veda praises, the god on whom all the gods depend, the primal god, lord of the world, the cause of all causes —
AI translation rendered from the Sanskrit, not a published edition
DB 1 5.4
तस्यापि वदनं छिन्नं दैवयोगात्कथं तदा । तत्सर्वं कथयाशु त्वं विस्तरेण महामते
tasyāpi vadanaṃ chinnaṃ daivayogātkathaṃ tadā | tatsarvaṃ kathayāśu tvaṃ vistareṇa mahāmate
how then was even his face severed by the working of fate? Tell all that quickly and in detail, O greatly wise one.
AI translation rendered from the Sanskrit, not a published edition
DB 1 5.5
सूत उवाच शृण्वन्तु मुनयः सर्वे सावधानाः समन्ततः । चरितं देवदेवस्य विष्णोः परमतेजसः प्रथमस्कन्धे हयग्रीवावतारकथनं नाम पञ्चमोऽध्यायः
sūta uvāca śṛṇvantu munayaḥ sarve sāvadhānāḥ samantataḥ | caritaṃ devadevasya viṣṇoḥ paramatejasaḥ prathamaskandhe hayagrīvāvatārakathanaṃ nāma pañcamo'dhyāyaḥ
Sūta said: Let all the sages listen, attentive on every side, to the deed of the god of gods, Viṣṇu of supreme splendour. [End of] the fifth chapter, named 'The Telling of the Hayagrīva Incarnation', in the first Book.
AI translation rendered from the Sanskrit, not a published edition
DB 1 5.6
कदाचिद्दारुणं युद्धं कृत्वा देवः सनातनः । दशवर्षसहस्राणि परिश्रान्तो जनार्दनः
kadāciddāruṇaṃ yuddhaṃ kṛtvā devaḥ sanātanaḥ | daśavarṣasahasrāṇi pariśrānto janārdanaḥ
Once, having waged a terrible battle for ten thousand years, the eternal god Janārdana was exhausted.
AI translation rendered from the Sanskrit, not a published edition
DB 1 5.7
समे देशे शुभे स्थाने कृत्वा पद्मासनं विभुः । अवलम्ब्य धनुः सज्यं कण्ठदेशे धरास्थितम्
same deśe śubhe sthāne kṛtvā padmāsanaṃ vibhuḥ | avalambya dhanuḥ sajyaṃ kaṇṭhadeśe dharāsthitam
On level ground, in an auspicious place, the mighty one made a lotus-posture, and leaned upon his strung bow, resting on the ground, at the region of his throat;
AI translation rendered from the Sanskrit, not a published edition
DB 1 5.8
दत्त्वा भारं धनुष्कोट्यां निद्रामाप रमापतिः । श्रान्तत्वाद्दैवयोगाच्च जातस्तत्रातिनिद्रितः
dattvā bhāraṃ dhanuṣkoṭyāṃ nidrāmāpa ramāpatiḥ | śrāntatvāddaivayogācca jātastatrātinidritaḥ
having placed his weight on the tip of the bow, the lord of Ramā fell asleep; from weariness and by the working of fate, he became deeply asleep there.
AI translation rendered from the Sanskrit, not a published edition
DB 1 5.9
तदा कालेन कियता देवाः सर्वे सवासवाः । ब्रह्मेशसहिताः सर्वे यज्ञं कर्तुं समुद्यताः
tadā kālena kiyatā devāḥ sarve savāsavāḥ | brahmeśasahitāḥ sarve yajñaṃ kartuṃ samudyatāḥ
Then, after some time, all the gods together with Vāsava (Indra), all of them accompanied by Brahmā and Śiva, made ready to perform a sacrifice.
AI translation rendered from the Sanskrit, not a published edition
DB 1 5.10
गताः सर्वेऽथ वैकुण्ठं द्रष्टुं देवं जनार्दनम् । देवकार्यार्थसिद्ध्यर्थं मखानामधिपं प्रभुम्
gatāḥ sarve'tha vaikuṇṭhaṃ draṣṭuṃ devaṃ janārdanam | devakāryārthasiddhyarthaṃ makhānāmadhipaṃ prabhum
Then they all went to Vaikuṇṭha to see the god Janārdana, the lord and master of sacrifices, in order to accomplish the purpose of the gods' undertaking.
AI translation rendered from the Sanskrit, not a published edition
DB 1 5.11
अदृष्ट्वा तं तदा तत्र ज्ञानदृष्ट्या विलोक्य ते । यत्रास्ते भगवान् विष्णुर्जग्मुस्तत्र तदा सुराः
adṛṣṭvā taṃ tadā tatra jñānadṛṣṭyā vilokya te | yatrāste bhagavān viṣṇurjagmustatra tadā surāḥ
Not seeing him there at that time, they looked with the eye of knowledge, and then the gods went to where the Lord Viṣṇu was staying.
AI translation rendered from the Sanskrit, not a published edition
DB 1 5.12
ददृशुस्ते तदेशानं योगनिद्रावशं गतम् । विचेतनं विभुं विष्णुं तत्रासांचक्रिरे सुराः
dadṛśuste tadeśānaṃ yoganidrāvaśaṃ gatam | vicetanaṃ vibhuṃ viṣṇuṃ tatrāsāṃcakrire surāḥ
Then they saw that lord fallen under the sway of yoga-slumber; the gods sat down there beside the unconscious, mighty Viṣṇu.
AI translation rendered from the Sanskrit, not a published edition
DB 1 5.13
स्थितेषु सर्वदेवेषु निद्रासुप्ते जगत्पतौ । चिन्तामापुः सुराः सर्वे ब्रह्मरुद्रपुरोगमाः
sthiteṣu sarvadeveṣu nidrāsupte jagatpatau | cintāmāpuḥ surāḥ sarve brahmarudrapurogamāḥ
While all the gods stood there and the lord of the world lay asleep in slumber, all the gods, with Brahmā and Rudra at their head, fell into anxiety.
AI translation rendered from the Sanskrit, not a published edition
DB 1 5.14
तानुवाच ततः शक्रः किं कर्तव्यं सुरोत्तमाः । निद्राभङ्गः कथं कार्यश्चिन्तयन्तु सुरोत्तमाः
tānuvāca tataḥ śakraḥ kiṃ kartavyaṃ surottamāḥ | nidrābhaṅgaḥ kathaṃ kāryaścintayantu surottamāḥ
Then Śakra said to them: "What is to be done, O best of gods? How is the breaking of (his) sleep to be brought about? Let the best of the gods consider."
AI translation rendered from the Sanskrit, not a published edition
DB 1 5.15
तमुवाच तदा शम्भुर्निद्राभङ्गेऽस्ति दूषणम् । कार्यं चैव प्रकर्तव्यं यज्ञस्य सुरसत्तमाः
tamuvāca tadā śambhurnidrābhaṅge'sti dūṣaṇam | kāryaṃ caiva prakartavyaṃ yajñasya surasattamāḥ
Then Śambhu said to him: "In breaking (his) sleep there is fault; and yet the business of the sacrifice must be carried out, O most excellent gods."
AI translation rendered from the Sanskrit, not a published edition
DB 1 5.16
उत्पादिता तदा वम्री ब्रह्मणा परमेष्ठिना । तया भक्षयितुं तत्र धनुषोऽग्रं धरास्थितम्
utpāditā tadā vamrī brahmaṇā parameṣṭhinā | tayā bhakṣayituṃ tatra dhanuṣo'graṃ dharāsthitam
Then an ant was produced by Brahmā, the highest lord, so that by her the tip of the bow, which rested on the ground, might be gnawed there.
AI translation rendered from the Sanskrit, not a published edition
DB 1 5.17
भक्षितेऽग्रे तदा निम्नं गमिष्यति शरासनम् । तदा निद्राविमुक्तोऽसौ देवदेवो भविष्यति
bhakṣite'gre tadā nimnaṃ gamiṣyati śarāsanam | tadā nidrāvimukto'sau devadevo bhaviṣyati
"When the tip is gnawed, the bow will spring downward; then that god of gods will be released from sleep.
AI translation rendered from the Sanskrit, not a published edition
DB 1 5.18
देवकार्यं तदा सर्वं भविष्यति न संशयः । स वम्रीं संदिदेशाथ देवदेवः सनातनः
devakāryaṃ tadā sarvaṃ bhaviṣyati na saṃśayaḥ | sa vamrīṃ saṃdideśātha devadevaḥ sanātanaḥ
"Then all the business of the gods will be accomplished, without doubt." So the eternal god of gods instructed the ant.
AI translation rendered from the Sanskrit, not a published edition
DB 1 5.19
तमुवाच तदा वम्री देवदेवस्य मापतेः । निद्राभङ्गः कथं कार्यो देवस्य जगतां गुरोः
tamuvāca tadā vamrī devadevasya māpateḥ | nidrābhaṅgaḥ kathaṃ kāryo devasya jagatāṃ guroḥ
Then the ant said to him: "How is the sleep of the god of gods, the husband of Mā (Lakṣmī), the teacher of the worlds, to be broken?
AI translation rendered from the Sanskrit, not a published edition
DB 1 5.20
निद्राभङ्गः कथाच्छेदो दम्पत्योः प्रीतिभेदनम् । शिशुमातृविभेदश्च ब्रह्महत्यासमं स्मृतम्
nidrābhaṅgaḥ kathācchedo dampatyoḥ prītibhedanam | śiśumātṛvibhedaśca brahmahatyāsamaṃ smṛtam
"Breaking sleep, cutting off a conversation, sundering the affection of a married couple, and separating a child from its mother — (each) is held to be equal to the killing of a brahmin.
AI translation rendered from the Sanskrit, not a published edition
DB 1 5.21
तत्कथं देवदेवस्य करोमि सुखनाशनम् । किं फलं भक्षणाद्देव येन पापं करोम्यहम्
tatkathaṃ devadevasya karomi sukhanāśanam | kiṃ phalaṃ bhakṣaṇāddeva yena pāpaṃ karomyaham
"So how shall I destroy the comfort of the god of gods? What reward is there for me from the gnawing, O god, for which I should commit this sin?
AI translation rendered from the Sanskrit, not a published edition
DB 1 5.22
सर्वः स्वार्थवशो लोकः कुरुते पातकं किल । तस्मादहं करिष्यामि स्वार्थमेव प्रभक्षणम्
sarvaḥ svārthavaśo lokaḥ kurute pātakaṃ kila | tasmādahaṃ kariṣyāmi svārthameva prabhakṣaṇam
"Indeed, every creature in the world commits sin under the sway of its own interest; therefore I too will do the gnawing only for my own interest."
AI translation rendered from the Sanskrit, not a published edition
DB 1 5.23
ब्रह्मोवाच तव भागं करिष्यामो मखमध्ये यथा शृणु । तेन त्वं कुरु कार्यं नो विष्णुं बोधय माचिरम्
brahmovāca tava bhāgaṃ kariṣyāmo makhamadhye yathā śṛṇu | tena tvaṃ kuru kāryaṃ no viṣṇuṃ bodhaya māciram
Brahmā said: Hear how we shall make a share for you in the midst of the sacrifice; for that, do our work — awaken Viṣṇu without delay.
AI translation rendered from the Sanskrit, not a published edition
DB 1 5.24
होमकर्मणि पार्श्वे च हविर्दानात्पतिष्यति । तत्ते भागं विजानीहि कुरु कार्यं त्वरान्विता
homakarmaṇi pārśve ca havirdānātpatiṣyati | tatte bhāgaṃ vijānīhi kuru kāryaṃ tvarānvitā
In the act of oblation, (some) will fall aside from the offering of the oblation; know that to be your share. Do the work in haste.
AI translation rendered from the Sanskrit, not a published edition
DB 1 5.25
सूत उवाच इत्युक्ता ब्रह्मणा वम्री धनुषोऽग्रं त्वरान्विता । चखाद संस्थितं भूमौ विमुक्ता ज्या तदाभवत्
sūta uvāca ityuktā brahmaṇā vamrī dhanuṣo'graṃ tvarānvitā | cakhāda saṃsthitaṃ bhūmau vimuktā jyā tadābhavat
Sūta said: Thus addressed by Brahmā, the ant in haste gnawed the tip of the bow that rested on the ground, and then the bowstring was released.
AI translation rendered from the Sanskrit, not a published edition
DB 1 5.26
प्रत्यञ्जायां विमुक्तायां मुक्ता कोटिस्तथोत्तरा । शब्दः समभवद्घोरस्तेन त्रस्ताः सुरास्तदा
pratyañjāyāṃ vimuktāyāṃ muktā koṭistathottarā | śabdaḥ samabhavadghorastena trastāḥ surāstadā
When the string was loosed at the near end, the other tip too was released; a terrible sound arose, by which the gods were then terrified.
AI translation rendered from the Sanskrit, not a published edition
DB 1 5.27
ब्रह्माण्डं क्षुभितं सर्वं वसुधा कम्पिता तदा । समुद्राश्च समुद्विग्नास्त्रेसुश्च जलजन्तवः
brahmāṇḍaṃ kṣubhitaṃ sarvaṃ vasudhā kampitā tadā | samudrāśca samudvignāstresuśca jalajantavaḥ
The whole egg of Brahmā was shaken, and the earth then trembled; the oceans were agitated and the water-creatures were frightened.
AI translation rendered from the Sanskrit, not a published edition
DB 1 5.28
ववुर्वातास्तथा चोग्राः पर्वताश्च चकम्पिरे । उल्कापाता महोत्पाता बभूवुर्दुःखशंसिनः
vavurvātāstathā cogrāḥ parvatāśca cakampire | ulkāpātā mahotpātā babhūvurduḥkhaśaṃsinaḥ
Fierce winds blew and the mountains quaked; there were meteor-falls and great portents foretelling sorrow.
AI translation rendered from the Sanskrit, not a published edition
DB 1 5.29
दिशो घोरतराश्चासन्सूर्योऽप्यस्तंगतोऽभवत् । चिन्तामापुः सुराः सर्वे किं भविष्यति दुर्दिने
diśo ghoratarāścāsansūryo'pyastaṃgato'bhavat | cintāmāpuḥ surāḥ sarve kiṃ bhaviṣyati durdine
The directions became more terrible, and the sun too went to its setting. All the gods fell into anxious thought: "What will happen on this evil day?"
AI translation rendered from the Sanskrit, not a published edition
DB 1 5.30
एवं चिन्तयतां तेषां मूर्धा विष्णोः सकुण्डलः । गतः समुकुटः क्वापि देवदेवस्य तापसाः
evaṃ cintayatāṃ teṣāṃ mūrdhā viṣṇoḥ sakuṇḍalaḥ | gataḥ samukuṭaḥ kvāpi devadevasya tāpasāḥ
While they were thinking thus, the head of Viṣṇu, with its earrings and its crown, went somewhere — the head of the God of gods, O ascetics.
AI translation rendered from the Sanskrit, not a published edition
DB 1 5.31
अन्धकारे तदा घोरे शान्ते ब्रह्महरौ तदा । शिरोहीनं शरीरं तु ददृशाते विलक्षणम्
andhakāre tadā ghore śānte brahmaharau tadā | śirohīnaṃ śarīraṃ tu dadṛśāte vilakṣaṇam
Then, in the dreadful darkness, when it had subsided, Brahmā and Hara beheld the strange headless body.
AI translation rendered from the Sanskrit, not a published edition
DB 1 5.32
दृष्ट्वा कबन्धं विष्णोस्ते विस्मिताः सुरसत्तमाः । चिन्तासागरमग्नाश्च रुरुदुः शोककर्शिताः
dṛṣṭvā kabandhaṃ viṣṇoste vismitāḥ surasattamāḥ | cintāsāgaramagnāśca ruruduḥ śokakarśitāḥ
Seeing the trunk of Viṣṇu, those best of gods were astonished, and sunk in an ocean of anxiety they wept, wasted with grief.
AI translation rendered from the Sanskrit, not a published edition
DB 1 5.33
हा नाथ किं प्रभो जातमत्यद्भुतममानुषम् । वैशसं सर्वदेवानां देवदेव सनातन
hā nātha kiṃ prabho jātamatyadbhutamamānuṣam | vaiśasaṃ sarvadevānāṃ devadeva sanātana
"Alas, lord! What has happened, O master — most wondrous, not of human doing, a slaughter of all the gods, O eternal God of gods!"
AI translation rendered from the Sanskrit, not a published edition
DB 1 5.34
मायेयं कस्य देवस्य यया तेऽद्य शिरो हृतम् । अच्छेद्यस्त्वमभेद्योऽसि अप्रदाह्योऽसि सर्वदा
māyeyaṃ kasya devasya yayā te'dya śiro hṛtam | acchedyastvamabhedyo'si apradāhyo'si sarvadā
"Whose god's magic is this, by which your head has today been carried off? You are uncuttable, unbreakable, never to be burned."
AI translation rendered from the Sanskrit, not a published edition
DB 1 5.35
एवं गते त्वयि विभो मरिष्यन्ति च देवताः । कीदृशस्त्वयि नः स्नेहः स्वार्थेनैव रुदामहे
evaṃ gate tvayi vibho mariṣyanti ca devatāḥ | kīdṛśastvayi naḥ snehaḥ svārthenaiva rudāmahe
"You being gone thus, O pervading one, the gods too will die. What sort of affection for you is ours? It is out of self-interest that we weep."
AI translation rendered from the Sanskrit, not a published edition
DB 1 5.36
नायं विघ्नः कृतो दैत्यैर्न यक्षैर्न च राक्षसैः । देवैरेव कृतः कस्य दूषणं च रमापते
nāyaṃ vighnaḥ kṛto daityairna yakṣairna ca rākṣasaiḥ | devaireva kṛtaḥ kasya dūṣaṇaṃ ca ramāpate
"This obstruction was not made by the daityas, nor by the yakṣas, nor by the rākṣasas; it was made by the gods themselves. Whose is the fault, O lord of Ramā?"
AI translation rendered from the Sanskrit, not a published edition
DB 1 5.37
पराधीनाः सुराः सर्वे किं कुर्मः क्व व्रजाम च । शरणं नैव देवेश सुराणां मूढचेतसाम्
parādhīnāḥ surāḥ sarve kiṃ kurmaḥ kva vrajāma ca | śaraṇaṃ naiva deveśa surāṇāṃ mūḍhacetasām
"All the gods are dependent on another; what shall we do, and where shall we go? There is no refuge, O lord of gods, for the gods whose minds are bewildered."
AI translation rendered from the Sanskrit, not a published edition
DB 1 5.38
न चैषा सात्त्विकी माया राजसी न च तामसी । यया छिन्नं शिरस्तेऽद्य मायेशस्य जगद्गुरोः
na caiṣā sāttvikī māyā rājasī na ca tāmasī | yayā chinnaṃ śiraste'dya māyeśasya jagadguroḥ
"And this māyā is not sāttvika, nor rājasa, nor tāmasa, by which your head has today been severed — yours, the lord of māyā, the teacher of the world."
AI translation rendered from the Sanskrit, not a published edition
DB 1 5.39
क्रन्दमानांस्तदा दृष्ट्वा देवाञ्छिवपुरोगमान् । बृहस्पतिस्तदोवाच शमयन्वेदवित्तमः
krandamānāṃstadā dṛṣṭvā devāñchivapurogamān | bṛhaspatistadovāca śamayanvedavittamaḥ
Then, seeing the gods, with Śiva at their head, lamenting, Bṛhaspati, the best of the knowers of the Veda, spoke, calming them:
AI translation rendered from the Sanskrit, not a published edition
DB 1 5.40
रुदितेन महाभागाः क्रन्दितेन तथापि किम् । उपायश्चात्र कर्तव्यः सर्वथा बुद्धिगोचरः
ruditena mahābhāgāḥ kranditena tathāpi kim | upāyaścātra kartavyaḥ sarvathā buddhigocaraḥ
"O greatly fortunate ones, what is the use of weeping and wailing? Here a remedy must be applied, one in every way within the reach of intelligence."
AI translation rendered from the Sanskrit, not a published edition
DB 1 5.41
दैवं पुरुषकारश्च देवेश सदृशावुभौ । उपायश्च विधातव्यो दैवात्फलति सर्वथा
daivaṃ puruṣakāraśca deveśa sadṛśāvubhau | upāyaśca vidhātavyo daivātphalati sarvathā
"Fate and human effort, O lord of gods, are both alike; and a remedy must be devised — through fate it altogether bears fruit."
AI translation rendered from the Sanskrit, not a published edition
DB 1 5.42
इन्द्र उवाच दैवमेव परं मन्ये धिक्पौरुषमनर्थकम् । विष्णोरपि शिरश्छिन्नं सुराणां चैव पश्यताम्
indra uvāca daivameva paraṃ manye dhikpauruṣamanarthakam | viṣṇorapi śiraśchinnaṃ surāṇāṃ caiva paśyatām
Indra said: I hold fate alone to be supreme; a curse on manly effort, which is useless. Even Viṣṇu's head has been cut off, and that while the gods looked on.
AI translation rendered from the Sanskrit, not a published edition
DB 1 5.43
ब्रह्मोवाच अवश्यमेव भोक्तव्यं कालेनापादितं च यत् । शुभं वाप्यशुभं वापि दैवं कोऽतिक्रमेत्पुनः
brahmovāca avaśyameva bhoktavyaṃ kālenāpāditaṃ ca yat | śubhaṃ vāpyaśubhaṃ vāpi daivaṃ ko'tikrametpunaḥ
Brahmā said: What has been brought about by Time must inevitably be experienced, whether good or bad; who, again, can transgress fate?
AI translation rendered from the Sanskrit, not a published edition
DB 1 5.44
देहवान्सुखदुःखानां भोक्ता नैवात्र संशयः । यथा कालवशात्कृत्तं शिरो मे शम्भुना पुरा
dehavānsukhaduḥkhānāṃ bhoktā naivātra saṃśayaḥ | yathā kālavaśātkṛttaṃ śiro me śambhunā purā
He who has a body is the experiencer of pleasures and pains — there is no doubt of it here — as my head was formerly cut off by Śambhu through the power of Time,
AI translation rendered from the Sanskrit, not a published edition
DB 1 5.45
तथैव लिङ्गपातश्च महादेवस्य शापतः । तथैवाद्य हरेर्मूर्धा पतितो लवणाम्भसि
tathaiva liṅgapātaśca mahādevasya śāpataḥ | tathaivādya harermūrdhā patito lavaṇāmbhasi
and just so the falling of Mahādeva's liṅga through a curse, and just so today Hari's head has fallen into the salt sea,
AI translation rendered from the Sanskrit, not a published edition
DB 1 5.46
सहस्रभगसंप्राप्तिर्दुःखं चैव शचीपतेः । स्वर्गाद्भ्रंशस्तथा वासः कमले मानसे सरे
sahasrabhagasaṃprāptirduḥkhaṃ caiva śacīpateḥ | svargādbhraṃśastathā vāsaḥ kamale mānase sare
and the obtaining of a thousand vulvas and the suffering of Śacī's lord, and his fall from heaven, and his dwelling in a lotus in Lake Mānasa.
AI translation rendered from the Sanskrit, not a published edition
DB 1 5.47
एते दुःखस्य भोक्तारः केन दुःखं न भुज्यते । संसारेऽस्मिन्महाभागास्तस्माच्छोकं त्यजन्तु वै
ete duḥkhasya bhoktāraḥ kena duḥkhaṃ na bhujyate | saṃsāre'sminmahābhāgāstasmācchokaṃ tyajantu vai
These are experiencers of suffering; by whom is suffering not experienced in this world of transmigration, O greatly fortunate ones? Therefore let (you) abandon grief.
AI translation rendered from the Sanskrit, not a published edition
DB 1 5.48
चिन्तयन्तु महामायां विद्यादेवीं सनातनीम् । सा विधास्यति नः कार्यं निर्गुणा प्रकृतिः परा
cintayantu mahāmāyāṃ vidyādevīṃ sanātanīm | sā vidhāsyati naḥ kāryaṃ nirguṇā prakṛtiḥ parā
Let (them) meditate on Mahāmāyā, the eternal goddess of knowledge. She will accomplish our task — she, the qualityless, the supreme Prakṛti.
AI translation rendered from the Sanskrit, not a published edition
DB 1 5.49
ब्रह्मविद्यां जगद्धात्रीं सर्वेषां जननीं तथा । यया सर्वमिदं व्याप्तं त्रैलोक्यं सचराचरम्
brahmavidyāṃ jagaddhātrīṃ sarveṣāṃ jananīṃ tathā | yayā sarvamidaṃ vyāptaṃ trailokyaṃ sacarācaram
(Let them think upon) the knowledge of Brahman, the upholder of the world, the mother of all, by whom all this three-fold world with its moving and unmoving beings is pervaded.
AI translation rendered from the Sanskrit, not a published edition
DB 1 5.50
सूत उवाच इत्युक्त्वा वै सुरान्वेधा निगमानादिदेश ह । देहयुक्तान्स्थितानग्रे सुरकार्यार्थसिद्धये
sūta uvāca ityuktvā vai surānvedhā nigamānādideśa ha | dehayuktānsthitānagre surakāryārthasiddhaye
Sūta said: Having spoken thus to the gods, the Creator instructed the Vedas, who stood before (him) endowed with bodies, for the accomplishment of the purpose of the gods' business.
AI translation rendered from the Sanskrit, not a published edition
DB 1 5.51
ब्रह्मोवाच स्तुवन्तु परमां देवीं ब्रह्मविद्यां सनातनीम् । गूढाङ्गीं च महामायां सर्वकार्यार्थसाधनीम्
brahmovāca stuvantu paramāṃ devīṃ brahmavidyāṃ sanātanīm | gūḍhāṅgīṃ ca mahāmāyāṃ sarvakāryārthasādhanīm
Brahmā said: Praise the supreme Goddess, the eternal knowledge of Brahman, the Great Illusion whose form is hidden, who brings about the purpose of every undertaking.
AI translation rendered from the Sanskrit, not a published edition
DB 1 5.52
तच्छ्रुत्वा वचनं तस्य वेदाः सर्वाङ्गसुन्दराः । तुष्टुवुर्ज्ञानगम्यां तां महामायां जगत्स्थिताम्
tacchrutvā vacanaṃ tasya vedāḥ sarvāṅgasundarāḥ | tuṣṭuvurjñānagamyāṃ tāṃ mahāmāyāṃ jagatsthitām
Hearing that speech of his, the Vedas, beautiful in every limb, praised her, the Great Illusion, who is reached by knowledge and who abides in (as) the world.
AI translation rendered from the Sanskrit, not a published edition
DB 1 5.53
वेदा ऊचुः नमो देवि महामाये विश्वोत्पत्तिकरे शिवे । निर्गुणे सर्वभूतेशि मातः शङ्करकामदे
vedā ūcuḥ namo devi mahāmāye viśvotpattikare śive | nirguṇe sarvabhūteśi mātaḥ śaṅkarakāmade
The Vedas said: Homage to you, O Goddess, Great Illusion, maker of the universe's origin, auspicious one, free of qualities, ruler of all beings, Mother, granter of Śaṅkara's desire.
AI translation rendered from the Sanskrit, not a published edition
DB 1 5.54
त्वं भूमिः सर्वभूतानां प्राणाः प्राणवतां तथा । धीः श्रीः कान्तिः क्षमा शान्तिः श्रद्धा मेधा धृतिः स्मृतिः
tvaṃ bhūmiḥ sarvabhūtānāṃ prāṇāḥ prāṇavatāṃ tathā | dhīḥ śrīḥ kāntiḥ kṣamā śāntiḥ śraddhā medhā dhṛtiḥ smṛtiḥ
You are the earth of all beings, and the life-breaths of those that breathe; (you are) intelligence, prosperity, beauty, patience, peace, faith, wisdom, steadfastness, memory.
AI translation rendered from the Sanskrit, not a published edition
DB 1 5.55
त्वमुद्गीथेऽर्धमात्रासि गायत्री व्याहृतिस्तथा । जया च विजया धात्री लज्जा कीर्तिः स्पृहा दया
tvamudgīthe'rdhamātrāsi gāyatrī vyāhṛtistathā | jayā ca vijayā dhātrī lajjā kīrtiḥ spṛhā dayā
You are the half-measure in the udgītha, and the Gāyatrī and the utterance (vyāhṛti); (you are) Jayā and Vijayā, the supporter, modesty, fame, longing, compassion.
AI translation rendered from the Sanskrit, not a published edition
DB 1 5.56
त्वां संस्तुमोऽम्ब भुवनत्रयसंविधान- दक्षां दयारसयुतां जननीं जनानाम् । विद्यां शिवां सकललोकहितां वरेण्यां वाग्बीजवासनिपुणां भवनाशकर्त्रीम्
tvāṃ saṃstumo'mba bhuvanatrayasaṃvidhāna- dakṣāṃ dayārasayutāṃ jananīṃ janānām | vidyāṃ śivāṃ sakalalokahitāṃ vareṇyāṃ vāgbījavāsanipuṇāṃ bhavanāśakartrīm
We praise you, Mother, skilled in the arrangement of the three worlds, filled with the essence of compassion, the mother of people, knowledge itself, auspicious, the good of all the worlds, most excellent, expert in the seat of the seed-syllable of speech, destroyer of (worldly) existence.
AI translation rendered from the Sanskrit, not a published edition — the model flagged this verse as uncertain
DB 1 5.57
ब्रह्मा हरः शौरिसहस्रनेत्र- वाग्वह्निसूर्या भुवनाधिनाथाः । ते त्वत्कृताः सन्ति ततो न मुख्या माता यतस्त्वं स्थिरजङ्गमानाम्
brahmā haraḥ śaurisahasranetra- vāgvahnisūryā bhuvanādhināthāḥ | te tvatkṛtāḥ santi tato na mukhyā mātā yatastvaṃ sthirajaṅgamānām
Brahmā, Hara, Viṣṇu, the thousand-eyed (Indra), Speech, Fire, the Sun—the overlords of the world—they exist as made by you; therefore they are not the primary ones, since you are the mother of the unmoving and the moving.
AI translation rendered from the Sanskrit, not a published edition
DB 1 5.58
सकलभुवनमेतत्कर्तुकामा यदा त्वं सृजसि जननि देवान्विष्णुरुद्राजमुख्यान् । स्थितिलयजननं तैः कारयस्येकरूपा न खलु तव कथंचिद्देवि संसारलेशः
sakalabhuvanametatkartukāmā yadā tvaṃ sṛjasi janani devānviṣṇurudrājamukhyān | sthitilayajananaṃ taiḥ kārayasyekarūpā na khalu tava kathaṃciddevi saṃsāraleśaḥ
When, wishing to make this whole world, you create, O Mother, the gods with Viṣṇu, Rudra and the Unborn (Brahmā) at their head, you cause them to perform the maintenance, dissolution and generation (of it), while you remain of one single form; surely, O Goddess, there is not the least trace of transmigration in you.
AI translation rendered from the Sanskrit, not a published edition
DB 1 5.59
न ते रूपं वेत्तुं सकलभुवने कोऽपि निपुणो न नाम्नां संख्यां ते कथितुमिह योग्योऽस्ति पुरुषः । यदल्पं कीलालं कलयितुमशक्तः स तु नरः कथं पारावाराकलनचतुरः स्यादृतमतिः
na te rūpaṃ vettuṃ sakalabhuvane ko'pi nipuṇo na nāmnāṃ saṃkhyāṃ te kathitumiha yogyo'sti puruṣaḥ | yadalpaṃ kīlālaṃ kalayitumaśaktaḥ sa tu naraḥ kathaṃ pārāvārākalanacaturaḥ syādṛtamatiḥ
No one in the whole world is competent to know your form, nor is there any man here fit to tell the number of your names; for a man who is unable to measure a little water—how could he, being of true understanding, be skilled at gauging the further shore of the ocean?
AI translation rendered from the Sanskrit, not a published edition
DB 1 5.60
न देवानां मध्ये भगवति तवानन्तविभवं विजानात्येकोऽपि त्वमिह भुवनैकासि जननी । कथं मिथ्या विश्वं सकलमपि चैका रचयसि प्रमाणं त्वेतस्मिन्निगमवचनं देवि विहितम्
na devānāṃ madhye bhagavati tavānantavibhavaṃ vijānātyeko'pi tvamiha bhuvanaikāsi jananī | kathaṃ mithyā viśvaṃ sakalamapi caikā racayasi pramāṇaṃ tvetasminnigamavacanaṃ devi vihitam
O Blessed One, not one even among the gods knows your endless might; here you alone are the mother of the world. How is it that you, being one, fashion this whole universe though it is unreal? Yet in this matter, O Goddess, the word of scripture is laid down as the authority.
AI translation rendered from the Sanskrit, not a published edition
DB 1 5.61
निरीहैवासि त्वं निखिलजगतां कारणमहो चरित्रं ते चित्रं भगवति मनो नो व्यथयति । कथंकारं वाच्यः सकलनिगमागोचरगुण- प्रभावः स्वं यस्मात्स्वयमपि न जानासि परमम्
nirīhaivāsi tvaṃ nikhilajagatāṃ kāraṇamaho caritraṃ te citraṃ bhagavati mano no vyathayati | kathaṃkāraṃ vācyaḥ sakalanigamāgocaraguṇa- prabhāvaḥ svaṃ yasmātsvayamapi na jānāsi paramam
You are indeed without effort, and yet the cause of all the worlds—ah, your conduct is astonishing, O Blessed One; it troubles our mind. In what manner is one to speak of it, whose greatness of quality lies beyond the range of all scripture—since you yourself do not know your own supreme (nature)?
AI translation rendered from the Sanskrit, not a published edition
DB 1 5.62
न किं जानासि त्वं जननि मधुजिन्मौलिपतनं ॥ शिवे किं वा ज्ञात्वा विविदिषसि शक्तिं मधुजितः । हरेः किं वा मातर्दुरितततिरेषा बलवती ॥ भवत्याः पादाब्जे भजननिपुणे क्वास्ति दुरितम्
na kiṃ jānāsi tvaṃ janani madhujinmaulipatanaṃ || śive kiṃ vā jñātvā vividiṣasi śaktiṃ madhujitaḥ | hareḥ kiṃ vā mātarduritatatireṣā balavatī || bhavatyāḥ pādābje bhajananipuṇe kvāsti duritam
Do you not know, O Mother, the falling of the head of the slayer of Madhu? Or, O Auspicious One, having known it, do you wish to test the power of the slayer of Madhu? Or, O Mother, is this heap of evil deeds of Hari's so strong? (But) for one skilled in worshipping at your lotus-foot, where is evil?
AI translation rendered from the Sanskrit, not a published edition — the model flagged this verse as uncertain
DB 1 5.63
उपेक्षा किं चेयं तव सुरसमूहेऽतिविषमा ॥ हरेर्मूर्ध्नो नाशो मतमिह महाश्चर्यजनकम् । महद्दुःखं मातस्त्वमसि जननच्छेदकुशला ॥ न जानीमो मौलेर्विघटनविलम्बः कथमभूत्
upekṣā kiṃ ceyaṃ tava surasamūhe'tiviṣamā || harermūrdhno nāśo matamiha mahāścaryajanakam | mahadduḥkhaṃ mātastvamasi jananacchedakuśalā || na jānīmo maulervighaṭanavilambaḥ kathamabhūt
And what is this exceedingly cruel indifference of yours toward the host of the gods? The view here that Hari's head was destroyed is a cause of great wonder—and of great grief, O Mother. You are skilled at cutting off (further) birth; we do not understand how there came to be this delay in the crown's coming apart.
AI translation rendered from the Sanskrit, not a published edition — the model flagged this verse as uncertain
DB 1 5.64
ज्ञात्वा दोषं सकलसुरतापादितं देवि चित्ते किं वा विष्णावमरजनितं दुष्कृतं पातितं ते । विष्णोर्वा किं समरजनितः कोऽपि गर्वोऽतिवेगा- च्छेत्तुं मातस्तव विलसितं नैव विद्मोऽत्र भावम्
jñātvā doṣaṃ sakalasuratāpāditaṃ devi citte kiṃ vā viṣṇāvamarajanitaṃ duṣkṛtaṃ pātitaṃ te | viṣṇorvā kiṃ samarajanitaḥ ko'pi garvo'tivegā- cchettuṃ mātastava vilasitaṃ naiva vidmo'tra bhāvam
O Goddess, was it that, having recognized in your mind a fault brought about by all the gods' austerity, you cast down upon Viṣṇu an evil deed produced by the immortals? Or was some pride born of battle in Viṣṇu, (which you sought) to cut off with great swiftness? O Mother, we do not at all know the intent of your play here.
AI translation rendered from the Sanskrit, not a published edition — the model flagged this verse as uncertain
DB 1 5.65
किं वा दैत्यैः समरविजितैस्तीर्थदेशे सुरम्ये घोरं तप्त्वा भगवति वरं लब्धवद्भिर्भवत्याः । अन्तर्धानं गमितमधुना विष्णुशीर्षं भवानि द्रष्टुं किं वा विगतशिरसं वासुदेवं विनोदः
kiṃ vā daityaiḥ samaravijitaistīrthadeśe suramye ghoraṃ taptvā bhagavati varaṃ labdhavadbhirbhavatyāḥ | antardhānaṃ gamitamadhunā viṣṇuśīrṣaṃ bhavāni draṣṭuṃ kiṃ vā vigataśirasaṃ vāsudevaṃ vinodaḥ
Or was it that by the demons, conquered in battle, who had performed terrible austerity in a very lovely holy place and obtained a boon from you, O Blessed One, Viṣṇu's head has now been made to vanish? Or, Bhavānī, is it an amusement (for you) to see Vāsudeva without his head?
AI translation rendered from the Sanskrit, not a published edition
DB 1 5.66
सिन्धोः पुत्र्यां रोषिता किं त्वमाद्ये कस्मादेनां प्रेक्षसे नाथहीनाम् । क्षन्तव्यस्ते स्वांशजातापराधो व्युत्थाप्यैनं मोदिता मां कुरुष्व
sindhoḥ putryāṃ roṣitā kiṃ tvamādye kasmādenāṃ prekṣase nāthahīnām | kṣantavyaste svāṃśajātāparādho vyutthāpyainaṃ moditā māṃ kuruṣva
Are you angered at the daughter of the ocean, O Primal One? Why do you look upon her as husbandless? The offence, arisen from your own portion, is to be forgiven by you; raising him up, make me glad.
AI translation rendered from the Sanskrit, not a published edition
DB 1 5.67
एते सुरास्त्वां सततं नमन्ति कार्येषु मुख्याः प्रथितप्रभावाः । शोकार्णवात्तारय देवि देवा- नुत्थाप्य देवं सकलाधिनाथम्
ete surāstvāṃ satataṃ namanti kāryeṣu mukhyāḥ prathitaprabhāvāḥ | śokārṇavāttāraya devi devā- nutthāpya devaṃ sakalādhinātham
These gods bow to you constantly, foremost in (their) offices, of widely known power. Deliver the gods, O Goddess, from the sea of sorrow, by raising up the god who is lord of all.
AI translation rendered from the Sanskrit, not a published edition
DB 1 5.68
मूर्धा गतः क्वाम्ब हरेर्न विद्मो नान्योऽस्त्युपायः खलु जीवनेऽद्य । यथा सुधा जीवनकर्मदक्षा तथा जगज्जीवितदासि देवि
mūrdhā gataḥ kvāmba harerna vidmo nānyo'styupāyaḥ khalu jīvane'dya | yathā sudhā jīvanakarmadakṣā tathā jagajjīvitadāsi devi
Where has Hari's head gone, Mother? We do not know. There is indeed no other means for (his) life today. Just as nectar is skilled in the work of giving life, so are you, O Goddess, the giver of life to the world.
AI translation rendered from the Sanskrit, not a published edition
DB 1 5.69
सूत उवाच एवं स्तुता तदा देवी गुणातीता महेश्वरी । प्रसन्ना परमा माया वेदैः साङ्गैश्च सामगैः
sūta uvāca evaṃ stutā tadā devī guṇātītā maheśvarī | prasannā paramā māyā vedaiḥ sāṅgaiśca sāmagaiḥ
Sūta said: Thus praised then by the Vedas together with their limbs and by the Sāma-singers, the Goddess, the great Mistress who is beyond the qualities, the supreme Māyā, was pleased.
AI translation rendered from the Sanskrit, not a published edition
DB 1 5.70
तानुवाच तदा वाणी चाकाशस्थाशरीरिणी । देवान्प्रति सुखैः शब्दैर्जनानन्दकरी शुभा
tānuvāca tadā vāṇī cākāśasthāśarīriṇī | devānprati sukhaiḥ śabdairjanānandakarī śubhā
Then a voice spoke to them, standing in the sky and bodiless, (addressed) to the gods in pleasant words, auspicious and causing delight to people.
AI translation rendered from the Sanskrit, not a published edition
DB 1 5.71
मा कुरुध्वं सुराश्चिन्तां स्वस्थास्तिष्ठन्तु चामराः । स्तुताहं निगमैः कामं सन्तुष्टास्मि न संशयः
mā kurudhvaṃ surāścintāṃ svasthāstiṣṭhantu cāmarāḥ | stutāhaṃ nigamaiḥ kāmaṃ santuṣṭāsmi na saṃśayaḥ
"Do not be anxious, gods; let the immortals remain at ease. I have been praised abundantly by the scriptures; I am satisfied, there is no doubt.
AI translation rendered from the Sanskrit, not a published edition
DB 1 5.72
यः पुमान्मानुषे लोके स्तौत्येतां मामकीं स्तुतिम् । पतिष्यति सदा भक्त्या सर्वान्कामानवाप्नुयात्
yaḥ pumānmānuṣe loke stautyetāṃ māmakīṃ stutim | patiṣyati sadā bhaktyā sarvānkāmānavāpnuyāt
Whatever man in the world of men praises (me with) this hymn of mine, reciting it always with devotion, he will obtain all his desires.
AI translation rendered from the Sanskrit, not a published edition — the model flagged this verse as uncertain
DB 1 5.73
शृणोति वा स्तोत्रमिदं मदीयं भक्त्या त्रिकालं सततं नरो यः । विमुक्तदुःखः स भवेत्सुखी च वेदोक्तमेतन्ननु वेदतुल्यम्
śṛṇoti vā stotramidaṃ madīyaṃ bhaktyā trikālaṃ satataṃ naro yaḥ | vimuktaduḥkhaḥ sa bhavetsukhī ca vedoktametannanu vedatulyam
Or the man who constantly listens to this hymn of mine with devotion at the three times (of day), he becomes freed from sorrow and happy; this is declared in the Veda — indeed it is equal to the Veda.
AI translation rendered from the Sanskrit, not a published edition
DB 1 5.74
शृण्वन्तु कारणं चाद्य यद्गतं वदनं हरेः । अकारणं कथं कार्यं संसारेऽत्र भविष्यति
śṛṇvantu kāraṇaṃ cādya yadgataṃ vadanaṃ hareḥ | akāraṇaṃ kathaṃ kāryaṃ saṃsāre'tra bhaviṣyati
And now hear the reason why Hari's head went (off); for how in this world will an effect come about without a cause?
AI translation rendered from the Sanskrit, not a published edition
DB 1 5.75
उदधेस्तनयां विष्णुः संस्थितामन्तिके प्रियाम् । जहास वदनं वीक्ष्य तस्यास्तत्र मनोरमम्
udadhestanayāṃ viṣṇuḥ saṃsthitāmantike priyām | jahāsa vadanaṃ vīkṣya tasyāstatra manoramam
Viṣṇu, seeing there the charming face of his beloved, the daughter of the ocean, who was seated near him, laughed.
AI translation rendered from the Sanskrit, not a published edition
DB 1 5.76
तया ज्ञातं हरिर्नूनं कथं मां हसति प्रभुः । विरूपं हरिणा दृष्टं मुखं मे केन हेतुना
tayā jñātaṃ harirnūnaṃ kathaṃ māṃ hasati prabhuḥ | virūpaṃ hariṇā dṛṣṭaṃ mukhaṃ me kena hetunā
She thought: "Surely, why does the Lord Hari laugh at me? For what reason has my face been seen as ugly by Hari?
AI translation rendered from the Sanskrit, not a published edition
DB 1 5.77
विनापि कारणेनाद्य कथं हास्यस्य सम्भवः । सपत्नीव कृता तेन मन्येऽन्या वरवर्णिनी
vināpi kāraṇenādya kathaṃ hāsyasya sambhavaḥ | sapatnīva kṛtā tena manye'nyā varavarṇinī
How can there be laughter today even without a cause? I think another fair-complexioned woman has been made a co-wife by him."
AI translation rendered from the Sanskrit, not a published edition
DB 1 5.78
ततः कोपयुता जाता महालक्ष्मी तमोगुणा । तामसी तु तदा शक्तिस्तस्या देहे समाविशत्
tataḥ kopayutā jātā mahālakṣmī tamoguṇā | tāmasī tu tadā śaktistasyā dehe samāviśat
Then Mahālakṣmī became filled with anger, (turned) to the quality of darkness; and then the tāmasī power entered into her body.
AI translation rendered from the Sanskrit, not a published edition
DB 1 5.79
केनचित्कालयोगेन देवकार्यार्थसिद्धये । प्रविष्टा तामसी शक्तिस्तस्या देहेऽतिदारुणा
kenacitkālayogena devakāryārthasiddhaye | praviṣṭā tāmasī śaktistasyā dehe'tidāruṇā
By some conjunction of time, for the accomplishment of the purpose of the gods' business, the exceedingly terrible tāmasī power entered her body.
AI translation rendered from the Sanskrit, not a published edition
DB 1 5.80
तामस्याविष्टदेहा सा चुकोपातिशयं तदा । शनकैः समुवाचेदमिदं पततु ते शिरः
tāmasyāviṣṭadehā sā cukopātiśayaṃ tadā | śanakaiḥ samuvācedamidaṃ patatu te śiraḥ
Her body possessed by the tāmasī (power), she then grew exceedingly angry, and softly said this: "Let that head of yours fall!"
AI translation rendered from the Sanskrit, not a published edition
DB 1 5.81
स्त्रीस्वभावाच्च भावित्वात्कालयोगाद्विनिर्गतः । अविचार्य तदा दत्तः शापः स्वसुखनाशनः
strīsvabhāvācca bhāvitvātkālayogādvinirgataḥ | avicārya tadā dattaḥ śāpaḥ svasukhanāśanaḥ
Out of a woman's nature, and because it was destined, and by the conjunction of time, it came forth: the curse, destructive of her own happiness, was uttered then without reflection.
AI translation rendered from the Sanskrit, not a published edition
DB 1 5.82
सपत्नीसम्भवं दुःखं वैधव्यादधिकं त्विति । विचिन्त्य मनसेत्युक्तं तामसीशक्तियोगतः
sapatnīsambhavaṃ duḥkhaṃ vaidhavyādadhikaṃ tviti | vicintya manasetyuktaṃ tāmasīśaktiyogataḥ
"The sorrow arising from a co-wife is greater than widowhood" — thinking thus in her mind, so she spoke, through the operation of the tāmasī power.
AI translation rendered from the Sanskrit, not a published edition
DB 1 5.83
अनृतं साहसं माया मूर्खत्वमतिलोभता । अशौचं निर्दयत्वं च स्त्रीणां दोषाः स्वभावजाः
anṛtaṃ sāhasaṃ māyā mūrkhatvamatilobhatā | aśaucaṃ nirdayatvaṃ ca strīṇāṃ doṣāḥ svabhāvajāḥ
Untruth, rashness, deceit, foolishness, excessive greed, impurity and pitilessness — these are women's faults, born of their nature.
AI translation rendered from the Sanskrit, not a published edition
DB 1 5.84
सशीर्षं वासुदेवं तं करोम्यद्य यथा पुरा । शिरोऽस्य शापयोगेन निमग्नं लवणाम्बुधौ
saśīrṣaṃ vāsudevaṃ taṃ karomyadya yathā purā | śiro'sya śāpayogena nimagnaṃ lavaṇāmbudhau
"I shall today make that Vāsudeva possessed of a head, as before; by the working of the curse his head sank into the salt ocean.
AI translation rendered from the Sanskrit, not a published edition
DB 1 5.85
अन्यच्च कारणं किञ्चिद्वर्तते सुरसत्तमाः । भवतां च महत्कार्यं भविष्यति न संशयः
anyacca kāraṇaṃ kiñcidvartate surasattamāḥ | bhavatāṃ ca mahatkāryaṃ bhaviṣyati na saṃśayaḥ
And there is also some other reason (for it), O best of gods; and a great task of yours will be accomplished, there is no doubt.
AI translation rendered from the Sanskrit, not a published edition
DB 1 5.86
पुरा दैत्यो महाबाहुर्हयग्रीवोऽतिविश्रुतः । तपश्चक्रे सरस्वत्यास्तीरे परमदारुणम्
purā daityo mahābāhurhayagrīvo'tiviśrutaḥ | tapaścakre sarasvatyāstīre paramadāruṇam
Formerly there was a demon of mighty arms, the very renowned Hayagrīva; he performed extremely terrible austerity on the bank of the Sarasvatī,
AI translation rendered from the Sanskrit, not a published edition
DB 1 5.87
जपन्नेकाक्षरं मन्त्रं मायाबीजात्मकं मम । निराहारो जितात्मा च सर्वभोगविवर्जितः
japannekākṣaraṃ mantraṃ māyābījātmakaṃ mama | nirāhāro jitātmā ca sarvabhogavivarjitaḥ
muttering my one-syllabled mantra, which consists of the seed-syllable of Māyā, without food, self-controlled, and abstaining from all enjoyments,
AI translation rendered from the Sanskrit, not a published edition
DB 1 5.88
ध्यायन्मां तामसीं शक्तिं सर्वभूषणभूषिताम् । एवं वर्षसहस्रं च तपश्चक्रेऽतिदारुणम्
dhyāyanmāṃ tāmasīṃ śaktiṃ sarvabhūṣaṇabhūṣitām | evaṃ varṣasahasraṃ ca tapaścakre'tidāruṇam
meditating on me, the tāmasī power, adorned with all ornaments. Thus for a thousand years he performed exceedingly terrible austerity.
AI translation rendered from the Sanskrit, not a published edition
DB 1 5.89
तदाहं तामसं रूपं कृत्वा तत्र समागता । दर्शने पुरतस्तस्य ध्यातं तत्तेन यादृशम्
tadāhaṃ tāmasaṃ rūpaṃ kṛtvā tatra samāgatā | darśane puratastasya dhyātaṃ tattena yādṛśam
Then I, having taken on a form made of darkness (tāmasa), came there and appeared before him just as he had meditated upon it.
AI translation rendered from the Sanskrit, not a published edition
DB 1 5.90
सिंहोपरि स्थिता तत्र तमवोचं दयान्विता । वरं ब्रूहि महाभाग ददामि तव सुव्रत
siṃhopari sthitā tatra tamavocaṃ dayānvitā | varaṃ brūhi mahābhāga dadāmi tava suvrata
Seated there upon a lion, filled with compassion I said to him: "Ask for a boon, greatly fortunate one; I grant it to you, O you of good vows."
AI translation rendered from the Sanskrit, not a published edition
DB 1 5.91
इति श्रुत्वा वचो देव्या दानवः प्रेमपूरितः । प्रदक्षिणां प्रणामं च चकार त्वरितस्तदा
iti śrutvā vaco devyā dānavaḥ premapūritaḥ | pradakṣiṇāṃ praṇāmaṃ ca cakāra tvaritastadā
Hearing this speech of the Goddess, the Dānava, filled with love, quickly then made a circumambulation and a prostration.
AI translation rendered from the Sanskrit, not a published edition
DB 1 5.92
दृष्ट्वा रूपं मदीयं स प्रेमोस्फुल्लविलोचनः । हर्षाश्रुपूर्णनयनस्तुष्टाव स च मां तदा
dṛṣṭvā rūpaṃ madīyaṃ sa premosphullavilocanaḥ | harṣāśrupūrṇanayanastuṣṭāva sa ca māṃ tadā
Seeing my form, his eyes wide open with love, his eyes full of tears of joy, he then praised me.
AI translation rendered from the Sanskrit, not a published edition
DB 1 5.93
हयग्रीव उवाच नमो देव्यै महामाये सृष्टिस्थित्यन्तकारिणि । भक्तानुग्रहचतुरे कामदे मोक्षदे शिवे
hayagrīva uvāca namo devyai mahāmāye sṛṣṭisthityantakāriṇi | bhaktānugrahacature kāmade mokṣade śive
Hayagrīva said: Homage to the Goddess, the great Māyā, who brings about creation, preservation and the end; skilled in favouring devotees, granter of desires, granter of liberation, auspicious one.
AI translation rendered from the Sanskrit, not a published edition
DB 1 5.94
धराम्बुतेजःपवनखपञ्चानां च कारणम् । त्वं गन्धरसरूपाणां कारणं स्पर्शशब्दयोः
dharāmbutejaḥpavanakhapañcānāṃ ca kāraṇam | tvaṃ gandharasarūpāṇāṃ kāraṇaṃ sparśaśabdayoḥ
You are the cause of the five—earth, water, fire, wind and space; (you are) the cause of smell, taste and form, and of touch and sound.
AI translation rendered from the Sanskrit, not a published edition
DB 1 5.95
घ्राणं च रसना चक्षुस्त्वक्श्रोत्रमिन्द्रियाणि च । कर्मेन्द्रियाणि चान्यानि त्वत्तः सर्वं महेश्वरि
ghrāṇaṃ ca rasanā cakṣustvakśrotramindriyāṇi ca | karmendriyāṇi cānyāni tvattaḥ sarvaṃ maheśvari
Smell, taste, sight, touch and hearing—the (five) senses—and the other organs of action: everything is from you, O great Mistress.
AI translation rendered from the Sanskrit, not a published edition
DB 1 5.96
देव्युवाच किं तेऽभीष्टं वरं ब्रूहि वाञ्छितं यद्ददामि तत् । परितुष्टास्मि भक्त्या ते तपसा चाद्भुतेन च
devyuvāca kiṃ te'bhīṣṭaṃ varaṃ brūhi vāñchitaṃ yaddadāmi tat | parituṣṭāsmi bhaktyā te tapasā cādbhutena ca
The Goddess said: What is desired by you? Tell (me) the boon you wish, and I will give it. I am well pleased by your devotion and by your marvellous austerity.
AI translation rendered from the Sanskrit, not a published edition
DB 1 5.97
हयग्रीव उवाच यथा मे मरणं मातर्न भवेत्तत्तथा कुरु । भवेयममरो योगी तथाजेयः सुरासुरैः
hayagrīva uvāca yathā me maraṇaṃ mātarna bhavettattathā kuru | bhaveyamamaro yogī tathājeyaḥ surāsuraiḥ
Hayagrīva said: Act so that there may be no death for me, mother; may I become immortal, a yogī, and likewise unconquerable by gods and demons.
AI translation rendered from the Sanskrit, not a published edition
DB 1 5.98
देव्युवाच जातस्य हि ध्रुवं मृत्युर्ध्रुवं जन्म मृतस्य च । मर्यादा चेदृशी लोके भवेच्च कथमन्यथा
devyuvāca jātasya hi dhruvaṃ mṛtyurdhruvaṃ janma mṛtasya ca | maryādā cedṛśī loke bhavecca kathamanyathā
The Goddess said: For one who is born, death is certain; and for one who has died, birth is certain. Such is the boundary in the world—how could it be otherwise?
AI translation rendered from the Sanskrit, not a published edition
DB 1 5.99
एवं त्वं निश्चयं कृत्वा मरणे राक्षसोत्तम । वरं वरय चेष्टं ते विचार्य मनसा किल
evaṃ tvaṃ niścayaṃ kṛtvā maraṇe rākṣasottama | varaṃ varaya ceṣṭaṃ te vicārya manasā kila
So, best of Rākṣasas, having made up your mind about death, choose the boon you desire, after considering it in your mind.
AI translation rendered from the Sanskrit, not a published edition
DB 1 5.100
हयग्रीव उवाच हयग्रीवाच्च मे मृत्युर्नान्यस्माज्जगदम्बिके । इति मे वाञ्छितं कामं पूरयस्व मनोगतम्
hayagrīva uvāca hayagrīvācca me mṛtyurnānyasmājjagadambike | iti me vāñchitaṃ kāmaṃ pūrayasva manogatam
Hayagrīva said: Let my death be from a horse-necked one and from no other, O Mother of the world. Fulfil this wish and desire of mine that is in my mind.
AI translation rendered from the Sanskrit, not a published edition
DB 1 5.101
देव्युवाच गृहं गच्छ महाभाग कुरु राज्यं यथासुखम् । हयग्रीवादृते मृत्युर्न ते नूनं भविष्यति
devyuvāca gṛhaṃ gaccha mahābhāga kuru rājyaṃ yathāsukham | hayagrīvādṛte mṛtyurna te nūnaṃ bhaviṣyati
The Goddess said: Go home, greatly fortunate one, and rule your kingdom at your ease. Surely there will be no death for you except from a horse-necked one.
AI translation rendered from the Sanskrit, not a published edition
DB 1 5.102
इति दत्त्वा वरं तस्मा अन्तर्धानं गता तथा । मुदं परमिकां प्राप्य सोऽपि स्वभवनं गतः
iti dattvā varaṃ tasmā antardhānaṃ gatā tathā | mudaṃ paramikāṃ prāpya so'pi svabhavanaṃ gataḥ
Having thus given him the boon, she vanished likewise; and he too, having attained the highest joy, went to his own dwelling.
AI translation rendered from the Sanskrit, not a published edition
DB 1 5.103
स पीडयति दुष्टात्मा मुनीन् वेदांश्च सर्वशः । न कोऽपि विद्यते तस्य हन्ताद्य भुवनत्रये
sa pīḍayati duṣṭātmā munīn vedāṃśca sarvaśaḥ | na ko'pi vidyate tasya hantādya bhuvanatraye
That evil-souled one torments the sages and the Vedas in every way; and today no slayer of his exists in the three worlds.
AI translation rendered from the Sanskrit, not a published edition
DB 1 5.104
तस्माच्छीर्षं हयस्यास्य समुद्धृत्य मनोहरम् । देहेऽत्र विशिरोविष्णोस्त्वष्टा संयोजयिष्यति
tasmācchīrṣaṃ hayasyāsya samuddhṛtya manoharam | dehe'tra viśiroviṣṇostvaṣṭā saṃyojayiṣyati
Therefore, having lifted off the lovely head of a horse, Tvaṣṭṛ will join it here to the headless body of Viṣṇu.
AI translation rendered from the Sanskrit, not a published edition
DB 1 5.105
हयग्रीवोऽथ भगवान्हनिष्यति तमासुरम् । पापिष्ठं दानवं क्रूरं देवानां हितकाम्यया
hayagrīvo'tha bhagavānhaniṣyati tamāsuram | pāpiṣṭhaṃ dānavaṃ krūraṃ devānāṃ hitakāmyayā
Then the Lord, horse-necked, will slay that demon—the most sinful, cruel Dānava—out of desire for the welfare of the gods.
AI translation rendered from the Sanskrit, not a published edition
DB 1 5.106
सूत उवाच एवं सुरांस्तदाभाष्य शर्वाणी विरराम ह । देवास्तदातिसन्तुष्टास्तमूचुर्देवशिल्पिनम्
sūta uvāca evaṃ surāṃstadābhāṣya śarvāṇī virarāma ha | devāstadātisantuṣṭāstamūcurdevaśilpinam
Sūta said: Having thus spoken to the gods, Śarvāṇī fell silent. The gods, then greatly pleased, said to the artisan of the gods:
AI translation rendered from the Sanskrit, not a published edition
DB 1 5.107
देवा ऊचुः कुरु कार्यं सुराणां वै विष्णोः शीर्षाभियोजनम् । दानवप्रवरं दैत्यं हयग्रीवो हनिष्यति
devā ūcuḥ kuru kāryaṃ surāṇāṃ vai viṣṇoḥ śīrṣābhiyojanam | dānavapravaraṃ daityaṃ hayagrīvo haniṣyati
The gods said: Do the work of the gods—the joining of a head to Viṣṇu. Horse-necked, he will slay the Daitya, the foremost of Dānavas.
AI translation rendered from the Sanskrit, not a published edition
DB 1 5.108
सूत उवाच इति श्रुत्वा वचस्तेषां त्वष्टा चातित्वरान्वितः । वाजिशीर्षं चकर्ताशु खड्गेन सुरसन्निधौ
sūta uvāca iti śrutvā vacasteṣāṃ tvaṣṭā cātitvarānvitaḥ | vājiśīrṣaṃ cakartāśu khaḍgena surasannidhau
Sūta said: Hearing this speech of theirs, Tvaṣṭṛ, in great haste, at once cut off a horse's head with a sword in the presence of the gods.
AI translation rendered from the Sanskrit, not a published edition
DB 1 5.109
विष्णोः शरीरे तेनाशु योजितं वाजिमस्तकम् । हयग्रीवो हरिर्जातो महामायाप्रसादतः
viṣṇoḥ śarīre tenāśu yojitaṃ vājimastakam | hayagrīvo harirjāto mahāmāyāprasādataḥ
By him the horse's head was quickly joined to Viṣṇu's body; by the grace of Mahāmāyā, Hari became Hayagrīva (horse-necked).
AI translation rendered from the Sanskrit, not a published edition
DB 1 5.110
कियता तेन कालेन दानवो मददर्पितः । निहतस्तरसा संख्ये देवानां रिपुरोजसा
kiyatā tena kālena dānavo madadarpitaḥ | nihatastarasā saṃkhye devānāṃ ripurojasā
In a short time that demon, arrogant with intoxication, the foe of the gods, was swiftly slain in battle by (Hari's) might.
AI translation rendered from the Sanskrit, not a published edition
DB 1 5.111
य इदं शुभमाख्यानं शृण्वन्ति भुवि मानवाः । सर्वदुःखविनिर्मुक्तास्ते भवन्ति न संशयः
ya idaṃ śubhamākhyānaṃ śṛṇvanti bhuvi mānavāḥ | sarvaduḥkhavinirmuktāste bhavanti na saṃśayaḥ
Those men on earth who hear this auspicious narrative become free from all sorrow — there is no doubt of it.
AI translation rendered from the Sanskrit, not a published edition
DB 1 5.112
महामायाचरित्रञ्च पवित्रं पापनाशनम् । पठतां शृण्वतां चैव सर्वसम्पत्तिकारकम्
mahāmāyācaritrañca pavitraṃ pāpanāśanam | paṭhatāṃ śṛṇvatāṃ caiva sarvasampattikārakam
And the story of Mahāmāyā is purifying, destructive of sin, and bestows every prosperity on those who recite and on those who hear it.
AI translation rendered from the Sanskrit, not a published edition