Devi Bhagavata Purana — Skandha 1 — Chapter 20
DB 1 20.1
धृतराष्ट्रादीनामुत्पत्तिवर्णनम् ऋषय ऊचुः शुकस्तु परमां सिद्धिमाप्तवान्देवसत्तमः । किं चकार ततो व्यासस्तन्नो ब्रूहि सविस्तरम्
dhṛtarāṣṭrādīnāmutpattivarṇanam ṛṣaya ūcuḥ śukastu paramāṃ siddhimāptavāndevasattamaḥ | kiṃ cakāra tato vyāsastanno brūhi savistaram
The description of the birth of Dhṛtarāṣṭra and the others. The sages said: Śuka, the most excellent of the divine ones, attained the highest perfection; what then did Vyāsa do? Tell us that in full detail.
AI translation rendered from the Sanskrit, not a published edition
DB 1 20.2
सूत उवाच शिष्या व्यासस्य येऽप्यासन्वेदाभ्यासपरायणाः । आज्ञामादाय ते सर्वे गताः पूर्वं महीतले
sūta uvāca śiṣyā vyāsasya ye'pyāsanvedābhyāsaparāyaṇāḥ | ājñāmādāya te sarve gatāḥ pūrvaṃ mahītale
Sūta said: Those who were Vyāsa's pupils, devoted to the study of the Vedas—all of them, taking his command, had gone before over the surface of the earth.
AI translation rendered from the Sanskrit, not a published edition
DB 1 20.3
असितो देवलश्चैव वैशम्पायन एव च । जैमिनिश्च सुमन्तुश्च गताः सर्वे तपोधनाः
asito devalaścaiva vaiśampāyana eva ca | jaiminiśca sumantuśca gatāḥ sarve tapodhanāḥ
Asita and Devala, and Vaiśampāyana too, and Jaimini and Sumantu—all those whose wealth is austerity had gone.
AI translation rendered from the Sanskrit, not a published edition
DB 1 20.4
तानेतान्वीक्ष्य पुत्रं च लोकान्तरितमप्युत । व्यासः शोकसमाक्रान्तो गमनायाकरोन्मतिम्
tānetānvīkṣya putraṃ ca lokāntaritamapyuta | vyāsaḥ śokasamākrānto gamanāyākaronmatim
Seeing these (gone) and his son too passed into another world, Vyāsa, overcome by grief, made up his mind to depart.
AI translation rendered from the Sanskrit, not a published edition
DB 1 20.5
सस्मार मनसा व्यासस्तां निषादसुतां शुभाम् । मातरं जाह्नवीतीरे मुक्तां शोकसमन्विताम्
sasmāra manasā vyāsastāṃ niṣādasutāṃ śubhām | mātaraṃ jāhnavītīre muktāṃ śokasamanvitām
Vyāsa remembered in his mind that auspicious daughter of the fisherman, his mother, left on the bank of the Jāhnavī, filled with grief.
AI translation rendered from the Sanskrit, not a published edition
DB 1 20.6
स्मृत्वा सत्यवतीं व्यासस्त्यक्त्वा तं पर्वतोत्तमम् । आजगाम महातेजा जन्मस्थानं स्वकं मुनिः
smṛtvā satyavatīṃ vyāsastyaktvā taṃ parvatottamam | ājagāma mahātejā janmasthānaṃ svakaṃ muniḥ
Having remembered Satyavatī, Vyāsa left that best of mountains, and the sage of great splendour came to his own birthplace.
AI translation rendered from the Sanskrit, not a published edition
DB 1 20.7
द्वीपं प्राप्याथ पप्रच्छ क्व गता सा वरानना । निषादास्तं समाचख्युर्दत्ता राज्ञे तु कन्यका
dvīpaṃ prāpyātha papraccha kva gatā sā varānanā | niṣādāstaṃ samācakhyurdattā rājñe tu kanyakā
Reaching the island, he then asked where that fair-faced woman had gone. The fishermen told him that the girl had been given to the king.
AI translation rendered from the Sanskrit, not a published edition
DB 1 20.8
दाशराजोऽपि सम्पूज्य व्यासं प्रीतिपुरःसरम् । स्वागतेनाभिसत्कृत्य प्रोवाच विहिताञ्जलिः
dāśarājo'pi sampūjya vyāsaṃ prītipuraḥsaram | svāgatenābhisatkṛtya provāca vihitāñjaliḥ
And the fisher-king, honouring Vyāsa with affection foremost, receiving him with a welcome, spoke with folded hands:
AI translation rendered from the Sanskrit, not a published edition
DB 1 20.9
दाशराज उवाच अद्य मे सफलं जन्म पावितं नः कुलं मुने । देवानामपि दुर्दर्शं यज्जातं तव दर्शनम्
dāśarāja uvāca adya me saphalaṃ janma pāvitaṃ naḥ kulaṃ mune | devānāmapi durdarśaṃ yajjātaṃ tava darśanam
The fisher-king said: Today my birth has borne fruit, our family is purified, O sage, in that the sight of you, hard to obtain even for the gods, has come about.
AI translation rendered from the Sanskrit, not a published edition
DB 1 20.10
यदर्थमागतोऽसि त्वं तद्ब्रूहि द्विजसत्तम । अपि दारा धनं पुत्रास्त्वदायत्तमिदं विभो
yadarthamāgato'si tvaṃ tadbrūhi dvijasattama | api dārā dhanaṃ putrāstvadāyattamidaṃ vibho
"Tell (me) the purpose for which you have come, O best of the twice-born; wives, wealth, sons — all this of mine is at your disposal, O lord."
AI translation rendered from the Sanskrit, not a published edition
DB 1 20.11
सरस्वत्यास्तटे रम्ये चकाराश्रममण्डलम् । व्यासस्तपःसमायुक्तस्तत्रैवास समाहितः
sarasvatyāstaṭe ramye cakārāśramamaṇḍalam | vyāsastapaḥsamāyuktastatraivāsa samāhitaḥ
On the lovely bank of the Sarasvatī he made a circle of hermitages; Vyāsa, engaged in austerity, dwelt right there, concentrated.
AI translation rendered from the Sanskrit, not a published edition
DB 1 20.12
सत्यवत्याः सुतौ जातौ शन्तनोरमितद्युतेः । मत्वा तौ भ्रातरौ व्यासः सुखमाप वने स्थितः
satyavatyāḥ sutau jātau śantanoramitadyuteḥ | matvā tau bhrātarau vyāsaḥ sukhamāpa vane sthitaḥ
Considering that two sons had been born to Satyavatī by Śantanu of measureless splendour, and that they were his brothers, Vyāsa, dwelling in the forest, found contentment.
AI translation rendered from the Sanskrit, not a published edition
DB 1 20.13
चित्राङ्गदः प्रथमजो रूपवाञ्छत्रुतापनः । बभूव नृपतेः पुत्रः सर्वलक्षणसंयुतः
citrāṅgadaḥ prathamajo rūpavāñchatrutāpanaḥ | babhūva nṛpateḥ putraḥ sarvalakṣaṇasaṃyutaḥ
Citrāṅgada, the firstborn, handsome, a scorcher of foes, became the king's son, endowed with all (auspicious) marks.
AI translation rendered from the Sanskrit, not a published edition
DB 1 20.14
विचित्रवीर्यनामासौ द्वितीयः समजायत । सोऽपि सर्वगुणोपेतः शन्तनोः सुखवर्धनः
vicitravīryanāmāsau dvitīyaḥ samajāyata | so'pi sarvaguṇopetaḥ śantanoḥ sukhavardhanaḥ
This second one was born named Vicitravīrya; he too was endowed with all virtues, increasing Śantanu's happiness.
AI translation rendered from the Sanskrit, not a published edition
DB 1 20.15
गाङ्गेयः प्रथमस्तस्य महावीरो बलाधिकः । तथैव तौ सुतौ जातौ सत्यवत्यां महाबलौ
gāṅgeyaḥ prathamastasya mahāvīro balādhikaḥ | tathaiva tau sutau jātau satyavatyāṃ mahābalau
His first (son) was Gāṅgeya, a great hero, of surpassing strength; and likewise those two mighty sons were born of Satyavatī.
AI translation rendered from the Sanskrit, not a published edition
DB 1 20.16
शन्तनुस्तान्सुतान्वीक्ष्य सर्वलक्षणसंयुतान् । अमंस्ताजय्यमात्मानं देवादीनां महामनाः
śantanustānsutānvīkṣya sarvalakṣaṇasaṃyutān | amaṃstājayyamātmānaṃ devādīnāṃ mahāmanāḥ
Śantanu, seeing those sons endowed with all (auspicious) marks, the great-minded one deemed himself unconquerable even by the gods and others.
AI translation rendered from the Sanskrit, not a published edition
DB 1 20.17
अथ कालेन कियता शन्तनुः कालपर्ययात् । तत्याज देहं धर्मात्मा देही जीर्णमिवाम्बरम्
atha kālena kiyatā śantanuḥ kālaparyayāt | tatyāja dehaṃ dharmātmā dehī jīrṇamivāmbaram
Then after some time, by the turning of time, Śantanu, whose nature was righteous, gave up his body as an embodied soul (casts off) a worn-out garment.
AI translation rendered from the Sanskrit, not a published edition
DB 1 20.18
कालधर्मगते राज्ञि भीष्मश्चक्रे विधानतः । प्रेतकार्याणि सर्वाणि दानानि विविधानि च
kāladharmagate rājñi bhīṣmaścakre vidhānataḥ | pretakāryāṇi sarvāṇi dānāni vividhāni ca
When the king had gone the way of time, Bhīṣma performed, according to rule, all the funeral rites and gifts of various kinds.
AI translation rendered from the Sanskrit, not a published edition
DB 1 20.19
चित्राङ्गदं ततो राज्ये स्थापयामास वीर्यवान् । स्वयं न कृतवान् राज्यं तस्माद्देवव्रतोऽभवत्
citrāṅgadaṃ tato rājye sthāpayāmāsa vīryavān | svayaṃ na kṛtavān rājyaṃ tasmāddevavrato'bhavat
Then the valiant one installed Citrāṅgada in the kingship; he did not himself take the kingdom, and therefore he became (known as) Devavrata.
AI translation rendered from the Sanskrit, not a published edition
DB 1 20.20
चित्राङ्गदस्तु वीर्येण प्रमत्तः परदुःखदः । बभूव बलवान्वीरः सत्यवत्यात्मजः शुचिः प्रथमस्कन्धे धृतराष्ट्रादीनामुत्पत्तिवर्णनं नाम विंशोऽध्यायः
citrāṅgadastu vīryeṇa pramattaḥ paraduḥkhadaḥ | babhūva balavānvīraḥ satyavatyātmajaḥ śuciḥ prathamaskandhe dhṛtarāṣṭrādīnāmutpattivarṇanaṃ nāma viṃśo'dhyāyaḥ
But Citrāṅgada, intoxicated with his valour, a giver of pain to others, became a strong hero, the pure son of Satyavatī. — In the first book, the twentieth chapter, called "The Description of the Birth of Dhṛtarāṣṭra and the Others."
AI translation rendered from the Sanskrit, not a published edition
DB 1 20.21
अथैकदा महाबाहुः सैन्येन महतावृतः । प्रचचार वनोद्देशात्पश्यन्वध्यान्मृगान् रुरून्
athaikadā mahābāhuḥ sainyena mahatāvṛtaḥ | pracacāra vanoddeśātpaśyanvadhyānmṛgān rurūn
Then one day the mighty-armed one, surrounded by a great army, ranged through a forest region, looking at the deer and antelopes to be slain.
AI translation rendered from the Sanskrit, not a published edition
DB 1 20.22
चित्राङ्गदस्तु गन्धर्वो दृष्ट्वा तं मार्गगं नृपम् । उत्ततारान्तिकं भूमेर्विमानवरमास्थितः
citrāṅgadastu gandharvo dṛṣṭvā taṃ mārgagaṃ nṛpam | uttatārāntikaṃ bhūmervimānavaramāsthitaḥ
But the gandharva Citrāṅgada, seeing that king travelling on the road, descended near to the earth, seated in an excellent celestial chariot.
AI translation rendered from the Sanskrit, not a published edition
DB 1 20.23
तत्राभूच्च महद्युद्धं तयोः सदृशवीर्ययोः । कुरुक्षेत्रे महास्थाने त्रीणि वर्षाणि तापसाः
tatrābhūcca mahadyuddhaṃ tayoḥ sadṛśavīryayoḥ | kurukṣetre mahāsthāne trīṇi varṣāṇi tāpasāḥ
And there a great battle took place between those two of equal valour, at the great site of Kurukṣetra, for three years, O ascetics.
AI translation rendered from the Sanskrit, not a published edition
DB 1 20.24
इन्द्रलोकमवापाशु गन्धर्वेण हतो रणे । भीष्मः श्रुत्वा चकाराशु तस्यौर्ध्वदैहिकं तदा
indralokamavāpāśu gandharveṇa hato raṇe | bhīṣmaḥ śrutvā cakārāśu tasyaurdhvadaihikaṃ tadā
Slain in battle by the gandharva, he swiftly attained Indra's world; and Bhīṣma, on hearing (of it), quickly performed then his after-death rites.
AI translation rendered from the Sanskrit, not a published edition
DB 1 20.25
गाङ्गेयः कृतशोकस्तु मन्त्रिभिः परिवारितः । विचित्रवीर्यनामानं राज्येशं च चकार ह
gāṅgeyaḥ kṛtaśokastu mantribhiḥ parivāritaḥ | vicitravīryanāmānaṃ rājyeśaṃ ca cakāra ha
Gāṅgeya, having performed the mourning, surrounded by the ministers, made the one named Vicitravīrya lord of the kingdom.
AI translation rendered from the Sanskrit, not a published edition
DB 1 20.26
मन्त्रिभिर्बोधिता पश्चाद्गुरुभिश्च महात्मभिः । स्वपुत्रं राज्यगं दृष्ट्वा पुत्रशोकहतापि च
mantribhirbodhitā paścādgurubhiśca mahātmabhiḥ | svaputraṃ rājyagaṃ dṛṣṭvā putraśokahatāpi ca
Afterwards, consoled by the ministers and by the great-souled teachers, and seeing her own son come to the kingdom, though stricken with grief for (her other) son,
AI translation rendered from the Sanskrit, not a published edition
DB 1 20.27
सत्यवत्यतिसन्तुष्टा बभूव वरवर्णिनी । व्यासोऽपि भ्रातरं श्रुत्वा राजानं मुदितोऽभवत्
satyavatyatisantuṣṭā babhūva varavarṇinī | vyāso'pi bhrātaraṃ śrutvā rājānaṃ mudito'bhavat
Satyavatī of lovely complexion became exceedingly content; and Vyāsa too, hearing that his brother was king, was delighted.
AI translation rendered from the Sanskrit, not a published edition
DB 1 20.28
यौवनं परमं प्राप्तः सत्यवत्याः सुतः शुभः । चकार चिन्तां भीष्मोऽपि विवाहार्थं कनीयसः
yauvanaṃ paramaṃ prāptaḥ satyavatyāḥ sutaḥ śubhaḥ | cakāra cintāṃ bhīṣmo'pi vivāhārthaṃ kanīyasaḥ
When the auspicious son of Satyavatī had reached full youth, Bhīṣma took thought for the marriage of his younger (brother).
AI translation rendered from the Sanskrit, not a published edition
DB 1 20.29
काशिराजसुतास्तिस्रः सर्वलक्षणसंयुताः । तेन राज्ञा विवाहार्थं स्थापिताश्च स्वयंवरे
kāśirājasutāstisraḥ sarvalakṣaṇasaṃyutāḥ | tena rājñā vivāhārthaṃ sthāpitāśca svayaṃvare
The three daughters of the king of Kāśi, endowed with all (auspicious) marks, had been set by that king in a self-choice ceremony for the sake of marriage.
AI translation rendered from the Sanskrit, not a published edition
DB 1 20.30
राजानो राजपुत्राश्च समाहूताः सहस्रशः । इच्छास्वयंवरार्थं वै पूज्यमानाः समागताः
rājāno rājaputrāśca samāhūtāḥ sahasraśaḥ | icchāsvayaṃvarārthaṃ vai pūjyamānāḥ samāgatāḥ
Kings and princes were summoned by the thousands; honored, they assembled for the sake of a self-choice according to (her) wish.
AI translation rendered from the Sanskrit, not a published edition
DB 1 20.31
तत्र भीष्मो महातेजास्ता जहार बलेन वै । निर्मथ्य राजकं सर्वं रथेनैकेन वीर्यवान्
tatra bhīṣmo mahātejāstā jahāra balena vai | nirmathya rājakaṃ sarvaṃ rathenaikena vīryavān
There Bhīṣma of great splendor carried them off by force, the valiant one, crushing the whole assembly of kings with a single chariot.
AI translation rendered from the Sanskrit, not a published edition
DB 1 20.32
स जित्वा पार्थिवान्सर्वांस्ताश्चादाय महारथः । बाहुवीर्येण तेजस्वी ह्याससाद गजाह्वयम्
sa jitvā pārthivānsarvāṃstāścādāya mahārathaḥ | bāhuvīryeṇa tejasvī hyāsasāda gajāhvayam
Having conquered all the princes and taken them (the maidens), that great charioteer, blazing with the might of his arms, reached the city named for the elephant (Hāstinapura).
AI translation rendered from the Sanskrit, not a published edition
DB 1 20.33
मातृवद्भगिनीवच्च पुत्रीवच्चिन्तयन्किल । तिस्रः समानयामास कन्यका वामलोचनाः
mātṛvadbhaginīvacca putrīvaccintayankila | tisraḥ samānayāmāsa kanyakā vāmalocanāḥ
Regarding (them) as a mother, as a sister, and as a daughter, he brought the three fair-eyed maidens (home).
AI translation rendered from the Sanskrit, not a published edition
DB 1 20.34
सत्यवत्यै निवेद्याशु द्विजानाहूय सत्वरः । दैवज्ञान्वेदविदुषः पर्यपृच्छच्छुभं दिनम्
satyavatyai nivedyāśu dvijānāhūya satvaraḥ | daivajñānvedaviduṣaḥ paryapṛcchacchubhaṃ dinam
Having quickly announced (this) to Satyavatī, promptly calling brahmins, astrologers learned in the Vedas, he inquired about an auspicious day.
AI translation rendered from the Sanskrit, not a published edition
DB 1 20.35
कृत्वा विवाहसम्भारं यदा वै भ्रातरं निजम् । विचित्रवीर्यं धर्मिष्ठं विवाहयति ता यदा
kṛtvā vivāhasambhāraṃ yadā vai bhrātaraṃ nijam | vicitravīryaṃ dharmiṣṭhaṃ vivāhayati tā yadā
Having made the marriage preparations — when (he was going to have) his own brother, the most righteous Vicitravīrya, wed them —
AI translation rendered from the Sanskrit, not a published edition
DB 1 20.36
तदा ज्येष्ठाप्युवाचेदं कन्यका जाह्नवीसुतम् । लज्जमानासितापाङ्गी तिसॄणां चारुलोचना
tadā jyeṣṭhāpyuvācedaṃ kanyakā jāhnavīsutam | lajjamānāsitāpāṅgī tisṝṇāṃ cārulocanā
then the eldest maiden of the three, the fair-eyed one with dark eye-corners, ashamed, said this to the son of the Jāhnavī (Gaṅgā):
AI translation rendered from the Sanskrit, not a published edition
DB 1 20.37
गङ्गापुत्र कुरुश्रेष्ठ धर्मज्ञ कुलदीपक । मया स्वयंवरे शाल्वो वृतोऽस्ति मनसा नृपः
gaṅgāputra kuruśreṣṭha dharmajña kuladīpaka | mayā svayaṃvare śālvo vṛto'sti manasā nṛpaḥ
"Son of Gaṅgā, best of the Kurus, knower of dharma, lamp of your lineage, at the self-choice King Śālva was chosen by me in my mind.
AI translation rendered from the Sanskrit, not a published edition
DB 1 20.38
वृताहं तेन राज्ञा वै चित्ते प्रेमसमाकुले । यथायोग्यं कुरुष्वाद्य कुलस्यास्य परन्तप
vṛtāhaṃ tena rājñā vai citte premasamākule | yathāyogyaṃ kuruṣvādya kulasyāsya parantapa
And I was chosen by that king, his heart filled with love. Do now what is fitting for this lineage, O scorcher of foes.
AI translation rendered from the Sanskrit, not a published edition
DB 1 20.39
तेनाहं वृतपूर्वाऽस्मि त्वं च धर्मभृतां वरः । बलवानसि गाङ्गेय यथेच्छसि तथा कुरु
tenāhaṃ vṛtapūrvā'smi tvaṃ ca dharmabhṛtāṃ varaḥ | balavānasi gāṅgeya yathecchasi tathā kuru
By him I have already been chosen, and you are the best of the upholders of dharma; you are strong, son of Gaṅgā — do as you wish."
AI translation rendered from the Sanskrit, not a published edition
DB 1 20.40
सूत उवाच एवमुक्तस्तया तत्र कन्यया कुरुनन्दनः । अपृच्छत् ब्राह्मणान्वृद्धान्मातरं सचिवांस्तथा
sūta uvāca evamuktastayā tatra kanyayā kurunandanaḥ | apṛcchat brāhmaṇānvṛddhānmātaraṃ sacivāṃstathā
The Sūta said: Thus addressed there by that maiden, the delight of the Kurus asked the brahmins, the elders, his mother, and the counselors.
AI translation rendered from the Sanskrit, not a published edition
DB 1 20.41
सर्वेषां मतमाज्ञाय गाङ्गेयो धर्मवित्तमः । गच्छेति कन्यकां प्राह यथारुचि वरानने
sarveṣāṃ matamājñāya gāṅgeyo dharmavittamaḥ | gaccheti kanyakāṃ prāha yathāruci varānane
Having learned the opinion of them all, the son of Gaṅgā, best of the knowers of dharma, said to the maiden, "Go as you please, fair-faced one."
AI translation rendered from the Sanskrit, not a published edition
DB 1 20.42
विसर्जिताथ सा तेन गता शाल्वनिकेतनम् । उवाच तं वरारोहा राजानं मनसेप्सितम्
visarjitātha sā tena gatā śālvaniketanam | uvāca taṃ varārohā rājānaṃ manasepsitam
Then, dismissed by him, she went to Śālva's dwelling, and the shapely one spoke to that king desired by her heart:
AI translation rendered from the Sanskrit, not a published edition
DB 1 20.43
विनिर्मुक्तास्मि भीष्मेण त्वन्मनस्केति धर्मतः । आगतास्मि महाराज गृहाणाद्य करं मम
vinirmuktāsmi bhīṣmeṇa tvanmanasketi dharmataḥ | āgatāsmi mahārāja gṛhāṇādya karaṃ mama
"I have been released by Bhīṣma, rightly, as one whose mind is set on you. I have come, great king — take my hand today.
AI translation rendered from the Sanskrit, not a published edition
DB 1 20.44
धर्मपत्नी तवात्यन्तं भवामि नृपसत्तम । चिन्तितोऽसि मया पूर्वं त्वयाहं नात्र संशयः
dharmapatnī tavātyantaṃ bhavāmi nṛpasattama | cintito'si mayā pūrvaṃ tvayāhaṃ nātra saṃśayaḥ
I shall be entirely your lawful wife, best of kings; you were thought of by me before, and I by you — of this there is no doubt."
AI translation rendered from the Sanskrit, not a published edition
DB 1 20.45
शाल्व उवाच गृहीता त्वं वरारोहे भीष्मेण पश्यतो मम । रथे संस्थापिता तेन न ग्रहीष्ये करं तव
śālva uvāca gṛhītā tvaṃ varārohe bhīṣmeṇa paśyato mama | rathe saṃsthāpitā tena na grahīṣye karaṃ tava
Śālva said: "You were seized, shapely one, by Bhīṣma before my eyes, and set upon his chariot by him; I will not take your hand.
AI translation rendered from the Sanskrit, not a published edition
DB 1 20.46
परोच्छिष्टां च कः कन्यां गृह्णाति मतिमान्नरः । अतोऽहं न ग्रहीष्यामि त्यक्तां भीष्मेण मातृवत्
parocchiṣṭāṃ ca kaḥ kanyāṃ gṛhṇāti matimānnaraḥ | ato'haṃ na grahīṣyāmi tyaktāṃ bhīṣmeṇa mātṛvat
And what sensible man takes a maiden who is another's leftover? Therefore I will not take you, whom Bhīṣma abandoned as (he would) a mother."
AI translation rendered from the Sanskrit, not a published edition
DB 1 20.47
रुदती विलपन्ती सा त्यक्ता तेन महात्मना । पुनर्भीष्मं समागत्य रुदती चेदमब्रवीत्
rudatī vilapantī sā tyaktā tena mahātmanā | punarbhīṣmaṃ samāgatya rudatī cedamabravīt
Weeping and lamenting, abandoned by that great one, she came again to Bhīṣma and, weeping, said this:
AI translation rendered from the Sanskrit, not a published edition
DB 1 20.48
शाल्वो मुक्तां त्वया वीर न गृह्णाति गृहाण माम् । धर्मज्ञोऽसि महाभाग मरिष्याम्यन्यथा ह्यहम्
śālvo muktāṃ tvayā vīra na gṛhṇāti gṛhāṇa mām | dharmajño'si mahābhāga mariṣyāmyanyathā hyaham
"Śālva does not take me, released by you, O hero; take me. You know dharma, greatly fortunate one — otherwise I shall die."
AI translation rendered from the Sanskrit, not a published edition
DB 1 20.49
भीष्म उवाच अन्यचित्तां कथं त्वां वै गृह्णामि वरवर्णिनि । पितरं स्वं वरारोहे व्रज शीघ्नं निराकुला
bhīṣma uvāca anyacittāṃ kathaṃ tvāṃ vai gṛhṇāmi varavarṇini | pitaraṃ svaṃ varārohe vraja śīghnaṃ nirākulā
Bhīṣma said: "How can I take you, whose heart is on another, O lady of fair complexion? Go quickly to your own father, shapely one, untroubled."
AI translation rendered from the Sanskrit, not a published edition
DB 1 20.50
तथोक्ता सा तु भीष्मेण जगाम वनमेव हि । तपश्चकार विजने तीर्थे परमपावने
tathoktā sā tu bhīṣmeṇa jagāma vanameva hi | tapaścakāra vijane tīrthe paramapāvane
Thus addressed by Bhīṣma, she went off to the forest, and performed austerities in a lonely, supremely purifying holy place.
AI translation rendered from the Sanskrit, not a published edition
DB 1 20.51
द्वे भार्ये चातिरूपाढ्ये तस्य राज्ञो बभूवतुः । अम्बालिका चाम्बिका च काशिराजसुते शुभे
dve bhārye cātirūpāḍhye tasya rājño babhūvatuḥ | ambālikā cāmbikā ca kāśirājasute śubhe
That king had two wives, endowed with surpassing beauty: Ambālikā and Ambikā, the auspicious daughters of the king of Kāśī.
AI translation rendered from the Sanskrit, not a published edition
DB 1 20.52
राजा विचित्रवीर्योऽसौ ताभ्यां सह महाबलः । रेमे नानाविहारैश्च गृहे चोपवने तथा
rājā vicitravīryo'sau tābhyāṃ saha mahābalaḥ | reme nānāvihāraiśca gṛhe copavane tathā
That king Vicitravīrya, of great strength, took his pleasure with those two, with various amusements, in the palace and in the pleasure-garden.
AI translation rendered from the Sanskrit, not a published edition
DB 1 20.53
वर्षाणि नव राजेन्द्रः कुर्वन् क्रीडा मनोरमाम् । प्रापासौ मरणं भूयो गृहीतो राजयक्ष्मणा
varṣāṇi nava rājendraḥ kurvan krīḍā manoramām | prāpāsau maraṇaṃ bhūyo gṛhīto rājayakṣmaṇā
For nine years that lord of kings carried on his delightful play; then he met his death, seized by consumption.
AI translation rendered from the Sanskrit, not a published edition
DB 1 20.54
मृते पुत्रेऽतिदुःखार्ता जाता सत्यवती तदा । कारयामास पुत्रस्य प्रेतकार्याणि मन्त्रिभिः
mṛte putre'tiduḥkhārtā jātā satyavatī tadā | kārayāmāsa putrasya pretakāryāṇi mantribhiḥ
When her son was dead, Satyavatī was then stricken with extreme grief; she had her son's funeral rites performed by the ministers.
AI translation rendered from the Sanskrit, not a published edition
DB 1 20.55
भीष्ममाह तदैकान्ते वचनं चातिदुःखिता । राज्यं कुरु महाभाग पितुस्ते शन्तनोः सुत
bhīṣmamāha tadaikānte vacanaṃ cātiduḥkhitā | rājyaṃ kuru mahābhāga pituste śantanoḥ suta
Then, in private, greatly grieved, she spoke this word to Bhīṣma: "Rule the kingdom, greatly fortunate one, son of your father Śantanu.
AI translation rendered from the Sanskrit, not a published edition
DB 1 20.56
भ्रातुर्भार्यां गृहाण त्वं वंशञ्च परिरक्षय । यथा न नाशमायाति ययातेर्वंश इत्युत
bhrāturbhāryāṃ gṛhāṇa tvaṃ vaṃśañca parirakṣaya | yathā na nāśamāyāti yayātervaṃśa ityuta
"Take your brother's wife and preserve the lineage, so that the line of Yayāti may not come to destruction."
AI translation rendered from the Sanskrit, not a published edition
DB 1 20.57
भीष्म उवाच प्रतिज्ञा मे श्रुता मातः पित्रर्थे या मया कृता । नाहं राज्यं करिष्यामि न चाहं दारसंग्रहम्
bhīṣma uvāca pratijñā me śrutā mātaḥ pitrarthe yā mayā kṛtā | nāhaṃ rājyaṃ kariṣyāmi na cāhaṃ dārasaṃgraham
Bhīṣma said: "Mother, you have heard the vow that I made for my father's sake: I shall not rule the kingdom, nor shall I take a wife."
AI translation rendered from the Sanskrit, not a published edition
DB 1 20.58
सूत उवाच तदा चिन्तातुरा जाता कथं वंशो भवेदिति । नालसाद्धि सुखं मह्यं समुत्पन्ने ह्यराजके
sūta uvāca tadā cintāturā jātā kathaṃ vaṃśo bhavediti | nālasāddhi sukhaṃ mahyaṃ samutpanne hyarājake
The Sūta said: Then she became troubled with worry, (thinking) "How is the lineage to continue? There is no happiness for me from idleness, when a kingless state has arisen."
AI translation rendered from the Sanskrit, not a published edition — the model flagged this verse as uncertain
DB 1 20.59
गाङ्गेयस्तामुवाचेदं मा चिन्तां कुरु भामिनि । पुत्रं विचित्रवीर्यस्य क्षेत्रजं चोपपादय
gāṅgeyastāmuvācedaṃ mā cintāṃ kuru bhāmini | putraṃ vicitravīryasya kṣetrajaṃ copapādaya
The son of Gaṅgā said this to her: "Do not worry, lady; bring about a son for Vicitravīrya, begotten on his field.
AI translation rendered from the Sanskrit, not a published edition
DB 1 20.60
कुलीनं द्विजमाहूय वध्वा सह नियोजय । नात्र दोषोऽस्ति वेदेऽपि कुलरक्षाविधौ किल
kulīnaṃ dvijamāhūya vadhvā saha niyojaya | nātra doṣo'sti vede'pi kularakṣāvidhau kila
"Summon a brahmin of good family and appoint him together with the daughter-in-law; there is no fault in this, for even in the Veda it is (allowed) in the rule for preserving a family.
AI translation rendered from the Sanskrit, not a published edition
DB 1 20.61
पौत्रं चैवं समुत्पाद्य राज्यं देहि शुचिस्मिते । अहं च पालयिष्यामि तस्य शासनमेव हि
pautraṃ caivaṃ samutpādya rājyaṃ dehi śucismite | ahaṃ ca pālayiṣyāmi tasya śāsanameva hi
"Having thus produced a grandson, give him the kingdom, bright-smiling one; and I too shall abide by his command."
AI translation rendered from the Sanskrit, not a published edition
DB 1 20.62
तच्छ्रुत्वा वचनं तस्य कानीनं स्वसुतं मुनिम् । जगाम मनसा व्यासं द्वैपायनमकल्मषम्
tacchrutvā vacanaṃ tasya kānīnaṃ svasutaṃ munim | jagāma manasā vyāsaṃ dvaipāyanamakalmaṣam
Hearing that speech of his, she went in mind to her own son born before marriage, the sage Vyāsa Dvaipāyana, the stainless one.
AI translation rendered from the Sanskrit, not a published edition
DB 1 20.63
स्मृतमात्रस्ततो व्यास आजगाम स तापसः । कृत्वा प्रणामं मात्रेऽथ संस्थितो दीप्तिमान्मुनिः
smṛtamātrastato vyāsa ājagāma sa tāpasaḥ | kṛtvā praṇāmaṃ mātre'tha saṃsthito dīptimānmuniḥ
As soon as he was thought of, Vyāsa the ascetic came; and having made obeisance to his mother, the radiant sage stood (there).
AI translation rendered from the Sanskrit, not a published edition
DB 1 20.64
भीष्मेण पूजितः कामं सत्यवत्या च मानितः । तस्थौ तत्र महातेजा विधूमोऽग्निरिवापरः
bhīṣmeṇa pūjitaḥ kāmaṃ satyavatyā ca mānitaḥ | tasthau tatra mahātejā vidhūmo'gnirivāparaḥ
Honoured amply by Bhīṣma and revered by Satyavatī, the greatly effulgent one stood there like a second smokeless fire.
AI translation rendered from the Sanskrit, not a published edition
DB 1 20.65
तमुवाच मुनिं माता पुत्रमुत्पादयाधुना । क्षेत्रे विचित्रवीर्यस्य सुन्दरं तव वीर्यजम्
tamuvāca muniṃ mātā putramutpādayādhunā | kṣetre vicitravīryasya sundaraṃ tava vīryajam
His mother said to the sage: "Now beget a son, handsome, born of your seed, on the field of Vicitravīrya."
AI translation rendered from the Sanskrit, not a published edition
DB 1 20.66
व्यासः श्रुत्वा वचो मातुराप्तवाक्यममन्यत । ओमित्युक्त्वा स्थितस्तत्र ऋतुकालमचिन्तयत्
vyāsaḥ śrutvā vaco māturāptavākyamamanyata | omityuktvā sthitastatra ṛtukālamacintayat
Vyāsa, hearing his mother's word, deemed it the word of one to be obeyed; saying "Om," he stayed there and gave thought to the time of (her) fertile season.
AI translation rendered from the Sanskrit, not a published edition
DB 1 20.67
अम्बिका च यदा स्नाता नारी ऋतुमती तदा । सङ्गं प्राप्य मुनेः पुत्रमसूतान्धं महाबलम्
ambikā ca yadā snātā nārī ṛtumatī tadā | saṅgaṃ prāpya muneḥ putramasūtāndhaṃ mahābalam
And when Ambikā, the woman, had bathed and was in her fertile period, having obtained union with the sage she bore a blind son of great strength.
AI translation rendered from the Sanskrit, not a published edition
DB 1 20.68
जन्मान्धं च सुतं वीक्ष्य दुःखिता सत्यवत्यपि । द्वितीयां च वधूमाह पुत्रमुत्पादयाशु वै
janmāndhaṃ ca sutaṃ vīkṣya duḥkhitā satyavatyapi | dvitīyāṃ ca vadhūmāha putramutpādayāśu vai
Seeing the son blind from birth, Satyavatī too was grieved, and she said to the second daughter-in-law, "Beget a son at once."
AI translation rendered from the Sanskrit, not a published edition
DB 1 20.69
ऋतुकालेऽथ सम्प्राप्ते व्यासेन सह सङ्गता । तथा चाम्बालिका रात्रौ गर्भं नारी दधार सा
ṛtukāle'tha samprāpte vyāsena saha saṅgatā | tathā cāmbālikā rātrau garbhaṃ nārī dadhāra sā
Then, when the fertile time had come, that woman Ambālikā too united with Vyāsa at night and conceived.
AI translation rendered from the Sanskrit, not a published edition
DB 1 20.70
सोऽपि पाण्डुः सुतो जातो राज्ययोग्यो न सम्मतः । पुत्रार्थे प्रेरयामास वर्षान्ते च पुनर्वधूम्
so'pi pāṇḍuḥ suto jāto rājyayogyo na sammataḥ | putrārthe prerayāmāsa varṣānte ca punarvadhūm
That son too was born as Pāṇḍu (pale), and though fit for kingship he was not deemed acceptable; so for the sake of a son (Satyavatī) urged the daughter-in-law once more at the year's end.
AI translation rendered from the Sanskrit, not a published edition — the model flagged this verse as uncertain
DB 1 20.71
आहूय च ततो व्यासं सम्प्रार्थ्य मुनिसत्तमम् । प्रेषयामास रात्रौ सा शयनागारमुत्तमम्
āhūya ca tato vyāsaṃ samprārthya munisattamam | preṣayāmāsa rātrau sā śayanāgāramuttamam
And having called Vyāsa and entreated that best of sages, she sent him at night to the finest bedchamber.
AI translation rendered from the Sanskrit, not a published edition
DB 1 20.72
न गता च वधूस्तत्र प्रेष्या सम्प्रेषिता तया । तस्यां च विदुरो जातो दास्यां धर्मांशतः शुभः
na gatā ca vadhūstatra preṣyā sampreṣitā tayā | tasyāṃ ca viduro jāto dāsyāṃ dharmāṃśataḥ śubhaḥ
But the daughter-in-law did not go there; a maidservant was sent by her (in her place); and from her, a serving-woman, was born the auspicious Vidura, from a portion of Dharma.
AI translation rendered from the Sanskrit, not a published edition
DB 1 20.73
एवं व्यासेन ते पुत्रा धृतराष्ट्रादयस्त्रयः । उत्पादिता महावीरा वंशरक्षणहेतवे
evaṃ vyāsena te putrā dhṛtarāṣṭrādayastrayaḥ | utpāditā mahāvīrā vaṃśarakṣaṇahetave
Thus by Vyāsa were these three sons, Dhṛtarāṣṭra and the rest, great heroes, begotten for the sake of preserving the lineage.
AI translation rendered from the Sanskrit, not a published edition
DB 1 20.74
एतद्वः सर्वमाख्यातं तस्य वंशसमुद्भवम् । व्यासेन रक्षितो वंशो भ्रातृधर्मविदानघाः
etadvaḥ sarvamākhyātaṃ tasya vaṃśasamudbhavam | vyāsena rakṣito vaṃśo bhrātṛdharmavidānaghāḥ
All this concerning the origin of his lineage has been told to you: the line was preserved by Vyāsa, who knew the duty of a brother, O sinless ones.
AI translation rendered from the Sanskrit, not a published edition