Devi Bhagavata Purana — Skandha 1 — Chapter 2
DB 1 2.1
ग्रन्थसंख्याविषयवर्णनम् सूत उवाच धन्योऽहमतिभाग्योऽहं पावितोऽहं महात्मभिः । यत्पृष्टं सुमहत्पुण्यं पुराणं वेदविश्रुतम्
granthasaṃkhyāviṣayavarṇanam sūta uvāca dhanyo'hamatibhāgyo'haṃ pāvito'haṃ mahātmabhiḥ | yatpṛṣṭaṃ sumahatpuṇyaṃ purāṇaṃ vedaviśrutam
(Chapter:) The Account of the Number of Verses and the Subject Matter of the Work. Sūta said: I am blessed, I am most fortunate, I have been purified by (you) great souls, since what has been asked (of me) is the greatly meritorious Purāṇa, renowned in the Vedas.
AI translation rendered from the Sanskrit, not a published edition
DB 1 2.2
तदहं सम्प्रवक्ष्यामि सर्वश्रुत्यर्थसम्मतम् । रहस्यं सर्वशास्त्राणामागमानामनुत्तमम् प्रथमस्कन्धे ग्रन्थसंख्याविषयवर्णनं नाम द्वितीयोऽध्यायः
tadahaṃ sampravakṣyāmi sarvaśrutyarthasammatam | rahasyaṃ sarvaśāstrāṇāmāgamānāmanuttamam prathamaskandhe granthasaṃkhyāviṣayavarṇanaṃ nāma dvitīyo'dhyāyaḥ
That I shall now fully declare — (a text) agreeing with the meaning of all the Vedic revelation, the secret of all the scriptures and traditions, unsurpassed. In the first Book, the second chapter, named The Account of the Number of Verses and the Subject Matter of the Work.
AI translation rendered from the Sanskrit, not a published edition
DB 1 2.3
नत्वा तत्पदपङ्कजं सुललितं मुक्तिप्रदं योगिनां ॥ ब्रह्माद्यैरपि सेवितं स्तुतिपरैर्ध्येयं मुनीन्द्रैः सदा । वक्ष्याम्यद्य सविस्तरं बहुरसं श्रीमत्पुराणोत्तमं ॥ भक्त्या सर्वरसालयं भगवतीनाम्ना प्रसिद्धं द्विजाः
natvā tatpadapaṅkajaṃ sulalitaṃ muktipradaṃ yogināṃ || brahmādyairapi sevitaṃ stutiparairdhyeyaṃ munīndraiḥ sadā | vakṣyāmyadya savistaraṃ bahurasaṃ śrīmatpurāṇottamaṃ || bhaktyā sarvarasālayaṃ bhagavatīnāmnā prasiddhaṃ dvijāḥ
Having bowed to that lotus-foot of hers, most lovely, granting release to the yogins, served even by Brahmā and the others, ever to be meditated upon by the chief sages intent on praising (her) — today I shall recite in full detail, with devotion, the glorious best of Purāṇas, rich in flavours, the abode of every flavour, famed by the name of Bhagavatī, O twice-born ones.
AI translation rendered from the Sanskrit, not a published edition
DB 1 2.4
या विद्येत्यभिधीयते श्रुतिपथे शक्तिः सदाद्या परा ॥ सर्वज्ञा भवबन्धछित्तिनिपुणा सर्वाशये संस्थिता । दुर्ज्ञेया सुदुरात्मभिश्च मुनिभिर्ध्यानास्पदं प्रापिता ॥ प्रत्यक्षा भवतीह सा भगवती सिद्धिप्रदा स्यात्सदा
yā vidyetyabhidhīyate śrutipathe śaktiḥ sadādyā parā || sarvajñā bhavabandhachittinipuṇā sarvāśaye saṃsthitā | durjñeyā sudurātmabhiśca munibhirdhyānāspadaṃ prāpitā || pratyakṣā bhavatīha sā bhagavatī siddhipradā syātsadā
She who is called Vidyā on the path of the Veda, the eternal, primordial, supreme Power, all-knowing, skilled in cutting the bond of existence, seated in every mind, hard to be known and (hard to be reached) by the very wicked, brought by the sages into the place of meditation — may that Bhagavatī become manifest here and ever grant success.
AI translation rendered from the Sanskrit, not a published edition
DB 1 2.5
सृष्ट्वाखिलं जगदिदं सदसत्स्वरूपं शक्त्या स्वया त्रिगुणया परिपाति विश्वम् । संहृत्य कल्पसमये रमते तथैका तां सर्वविश्वजननीं मनसा स्मरामि
sṛṣṭvākhilaṃ jagadidaṃ sadasatsvarūpaṃ śaktyā svayā triguṇayā paripāti viśvam | saṃhṛtya kalpasamaye ramate tathaikā tāṃ sarvaviśvajananīṃ manasā smarāmi
Having created this whole world, whose nature is being and non-being, by her own power made of the three qualities she guards the universe; and having withdrawn it at the time of the (world-)cycle she, the One, takes delight. Her, the mother of the whole universe, I call to mind.
AI translation rendered from the Sanskrit, not a published edition
DB 1 2.6
ब्रह्मा सृजत्यखिलमेतदिति प्रसिद्धं पौराणिकैश्च कथितं खलु वेदविद्भिः । विष्णोस्तु नाभिकमले किल तस्य जन्म तैरुक्तमेव सृजते न हि स स्वतन्त्रः
brahmā sṛjatyakhilametaditi prasiddhaṃ paurāṇikaiśca kathitaṃ khalu vedavidbhiḥ | viṣṇostu nābhikamale kila tasya janma tairuktameva sṛjate na hi sa svatantraḥ
"Brahmā creates all this" — so it is well known, and so indeed the Purāṇa-reciters and the knowers of the Veda have said; but his birth, they say, was in the lotus of Viṣṇu's navel — this too was stated by them; so he does not create independently.
AI translation rendered from the Sanskrit, not a published edition
DB 1 2.7
विष्णुस्तु शेषशयने स्वपितीति काले तन्नाभिपद्यमुकुले खलु तस्य जन्म । आधारतां किल गतोऽत्र सहस्रमौलिः सम्बोध्यतां स भगवान् हि कथं मुरारिः
viṣṇustu śeṣaśayane svapitīti kāle tannābhipadyamukule khalu tasya janma | ādhāratāṃ kila gato'tra sahasramauliḥ sambodhyatāṃ sa bhagavān hi kathaṃ murāriḥ
And Viṣṇu sleeps upon the couch of Śeṣa at (that) time, and (Brahmā's) birth was indeed in the bud of the lotus of his navel; and here the thousand-hooded (serpent) became the support — how then is that Lord, the foe of Mura, to be understood (as the ultimate)?
AI translation rendered from the Sanskrit, not a published edition
DB 1 2.8
एकार्णवस्य सलिलं रसरूपमेव पात्रं विना न हि रसस्थितिरस्ति कच्चित् । या सर्वभूतविषये किल शक्तिरूपा तां सर्वभूतजननीं शरणं गतोऽस्मि
ekārṇavasya salilaṃ rasarūpameva pātraṃ vinā na hi rasasthitirasti kaccit | yā sarvabhūtaviṣaye kila śaktirūpā tāṃ sarvabhūtajananīṃ śaraṇaṃ gato'smi
The water of the single ocean is itself of the nature of liquid; without a vessel there is no standing of liquid anywhere. She who, with regard to all beings, is indeed of the nature of power — to her, the mother of all beings, I have gone for refuge.
AI translation rendered from the Sanskrit, not a published edition
DB 1 2.9
योगनिद्रामीलिताक्षं विष्णुं दृष्ट्वाम्बुजे स्थितः । अजस्तुष्टाव यां देवीं तामहं शरणं गतः
yoganidrāmīlitākṣaṃ viṣṇuṃ dṛṣṭvāmbuje sthitaḥ | ajastuṣṭāva yāṃ devīṃ tāmahaṃ śaraṇaṃ gataḥ
Seated on the lotus, seeing Viṣṇu with his eyes closed in the sleep of yoga, the Unborn (Brahmā) praised that Goddess — to her I have gone for refuge.
AI translation rendered from the Sanskrit, not a published edition
DB 1 2.10
तां ध्यात्वा सगुणां मायां मुक्तिदां निर्गुणां तथा । वक्ष्ये पुराणमखिलं शृण्वन्तु मुनयस्त्विह
tāṃ dhyātvā saguṇāṃ māyāṃ muktidāṃ nirguṇāṃ tathā | vakṣye purāṇamakhilaṃ śṛṇvantu munayastviha
Having meditated on her — Māyā with qualities, and likewise the quality-less bestower of release — I shall recite the entire Purāṇa; let the sages here listen.
AI translation rendered from the Sanskrit, not a published edition
DB 1 2.11
पुराणमुत्तमं पुण्यं श्रीमद्भागवताभिधम् । अष्टादश सहस्राणि श्लोकास्तत्र तु संस्कृताः
purāṇamuttamaṃ puṇyaṃ śrīmadbhāgavatābhidham | aṣṭādaśa sahasrāṇi ślokāstatra tu saṃskṛtāḥ
The Purāṇa (is) supreme and meritorious, named the glorious Bhāgavata; the verses composed therein number eighteen thousand.
AI translation rendered from the Sanskrit, not a published edition
DB 1 2.12
स्कन्धा द्वादश चैवात्र कृष्णेन विहिताः शुभाः । त्रिशतं पूर्णमध्याया अष्टादशयुताः स्मृताः
skandhā dvādaśa caivātra kṛṣṇena vihitāḥ śubhāḥ | triśataṃ pūrṇamadhyāyā aṣṭādaśayutāḥ smṛtāḥ
And here there are twelve auspicious Books arranged by Kṛṣṇa (Dvaipāyana); the chapters are reckoned as a full three hundred together with eighteen.
AI translation rendered from the Sanskrit, not a published edition
DB 1 2.13
विंशतिः प्रथमे तत्र द्वितीये द्वादशैव तु । त्रिंशच्चैव तृतीये तु चतुर्थे पञ्चविंशतिः
viṃśatiḥ prathame tatra dvitīye dvādaśaiva tu | triṃśaccaiva tṛtīye tu caturthe pañcaviṃśatiḥ
There, twenty in the first, twelve in the second, thirty in the third, and twenty-five in the fourth;
AI translation rendered from the Sanskrit, not a published edition
DB 1 2.14
पञ्चत्रिंशत्तथाध्यायाः पञ्चमे परिकीर्तिताः । एकत्रिंशत्तथा षष्ठे चत्वारिंशच्च सप्तमे
pañcatriṃśattathādhyāyāḥ pañcame parikīrtitāḥ | ekatriṃśattathā ṣaṣṭhe catvāriṃśacca saptame
thirty-five chapters are declared in the fifth, thirty-one in the sixth, and forty in the seventh;
AI translation rendered from the Sanskrit, not a published edition
DB 1 2.15
अष्टमे तत्त्वसङ्ख्याश्च पञ्चाशन्नवमे तथा । त्रयोदश तु सम्प्रोक्ता दशमे मुनिना किल
aṣṭame tattvasaṅkhyāśca pañcāśannavame tathā | trayodaśa tu samproktā daśame muninā kila
in the eighth, (the chapters) number as the (twenty-four) principles, and fifty in the ninth; and thirteen were declared in the tenth by the sage;
AI translation rendered from the Sanskrit, not a published edition — the model flagged this verse as uncertain
DB 1 2.16
तथा चैकादशस्कन्धे चतुर्विंशतिरीरिताः । चतुर्दशैव चाध्याया द्वादशे मुनिसत्तमाः
tathā caikādaśaskandhe caturviṃśatirīritāḥ | caturdaśaiva cādhyāyā dvādaśe munisattamāḥ
and likewise in the eleventh Book twenty-four are stated, and fourteen chapters in the twelfth, O best of sages.
AI translation rendered from the Sanskrit, not a published edition
DB 1 2.17
एवं सङ्ख्या समाख्याता पुराणेऽस्मिन्महात्मना । अष्टादशसहस्रीया सङ्ख्या च परिकीर्तिता
evaṃ saṅkhyā samākhyātā purāṇe'sminmahātmanā | aṣṭādaśasahasrīyā saṅkhyā ca parikīrtitā
Thus the count has been declared in this Purāṇa by that great soul, and the number is proclaimed to be eighteen thousand (verses).
AI translation rendered from the Sanskrit, not a published edition
DB 1 2.18
सर्गश्च प्रतिसर्गश्च वंशो मन्वन्तराणि च । वंशानुचरितं चैव पुराणं पञ्चलक्षणम्
sargaśca pratisargaśca vaṃśo manvantarāṇi ca | vaṃśānucaritaṃ caiva purāṇaṃ pañcalakṣaṇam
Creation, and dissolution (re-creation), lineage, the Manu-periods, and the deeds of the lineages — the Purāṇa has five marks.
AI translation rendered from the Sanskrit, not a published edition
DB 1 2.19
निर्गुणा या सदा नित्या व्यापिका विकृता शिवा । योगगम्याखिलाधारा तुरीया या च संस्थिता
nirguṇā yā sadā nityā vyāpikā vikṛtā śivā | yogagamyākhilādhārā turīyā yā ca saṃsthitā
She who is without qualities, ever eternal, all-pervading, unaltered, benign, attainable through yoga, the support of everything, and who abides as the fourth (state) —
AI translation rendered from the Sanskrit, not a published edition
DB 1 2.20
तस्यास्तु सात्त्विकी शक्ती राजसी तामसी तथा । महालक्ष्मीः सरस्वती महाकालीति ताः स्त्रियः
tasyāstu sāttvikī śaktī rājasī tāmasī tathā | mahālakṣmīḥ sarasvatī mahākālīti tāḥ striyaḥ
Hers are the sāttvika power, the rājasa and likewise the tāmasa; those (three) women are Mahālakṣmī, Sarasvatī and Mahākālī.
AI translation rendered from the Sanskrit, not a published edition
DB 1 2.21
तासां तिसॄणां शक्तीनां देहाङ्गीकारलक्षणः । सृष्ट्यर्थं च समाख्यातः सर्गः शास्त्रविशारदैः
tāsāṃ tisṝṇāṃ śaktīnāṃ dehāṅgīkāralakṣaṇaḥ | sṛṣṭyarthaṃ ca samākhyātaḥ sargaḥ śāstraviśāradaiḥ
The assumption of bodies by those three powers, for the sake of creation, has been called "creation" (sarga) by those skilled in the scriptures.
AI translation rendered from the Sanskrit, not a published edition
DB 1 2.22
हरिद्रुहिणरुद्राणां समुत्पत्तिस्ततः स्मृता । पालनोत्पत्तिनाशार्थं प्रतिसर्गः स्मृतो हि सः
haridruhiṇarudrāṇāṃ samutpattistataḥ smṛtā | pālanotpattināśārthaṃ pratisargaḥ smṛto hi saḥ
From that, the origination of Hari, Brahmā and Rudra is recorded; that, for the purpose of preservation, origination and destruction, is held to be "pratisarga."
AI translation rendered from the Sanskrit, not a published edition
DB 1 2.23
सोमसूर्योद्भवानां च राज्ञां वंशप्रकीर्तनम् । हिरण्यकशिप्वादीनां वंशास्ते परिकीर्तिताः
somasūryodbhavānāṃ ca rājñāṃ vaṃśaprakīrtanam | hiraṇyakaśipvādīnāṃ vaṃśāste parikīrtitāḥ
And the recounting of the lineage of the kings sprung from the Moon and the Sun; the lineages of Hiraṇyakaśipu and the rest are proclaimed (there).
AI translation rendered from the Sanskrit, not a published edition
DB 1 2.24
स्वायम्भुवमुखानां च मनूनां परिवर्णनम् । कालसङ्ख्या तथा तेषां तत्तन्मन्वन्तराणि च
svāyambhuvamukhānāṃ ca manūnāṃ parivarṇanam | kālasaṅkhyā tathā teṣāṃ tattanmanvantarāṇi ca
And the description of the Manus beginning with Svāyambhuva, the reckoning of their time-spans, and their respective Manu-periods;
AI translation rendered from the Sanskrit, not a published edition
DB 1 2.25
तेषां वंशानुकथनं वंशानुचरितं स्मृतम् । पञ्चलक्षणयुक्तानि भवन्ति मुनिसत्तमाः
teṣāṃ vaṃśānukathanaṃ vaṃśānucaritaṃ smṛtam | pañcalakṣaṇayuktāni bhavanti munisattamāḥ
the narration of their lineages is known as "vaṃśānucarita." (The Purāṇas), O best of sages, are furnished with these five marks.
AI translation rendered from the Sanskrit, not a published edition
DB 1 2.26
सपादलक्षं च तथा भारतं मुनिना कृतम् । इतिहास इति प्रोक्तं पञ्चमं वेदसम्मतम्
sapādalakṣaṃ ca tathā bhārataṃ muninā kṛtam | itihāsa iti proktaṃ pañcamaṃ vedasammatam
And so too the Bhārata, of a hundred and twenty-five thousand (verses), was composed by the sage; it is called "history" (itihāsa), the fifth, esteemed as equal to the Veda.
AI translation rendered from the Sanskrit, not a published edition
DB 1 2.27
शौनक उवाच कानि तानि पुराणानि ब्रूहि सूत सविस्तरम् । कतिसङ्ख्यानि सर्वज्ञ श्रोतुकामा वयं त्विह
śaunaka uvāca kāni tāni purāṇāni brūhi sūta savistaram | katisaṅkhyāni sarvajña śrotukāmā vayaṃ tviha
Śaunaka said: Which are those Purāṇas? Tell us, O Sūta, in detail; how many are they in number, O all-knowing one? We wish to hear of this here.
AI translation rendered from the Sanskrit, not a published edition
DB 1 2.28
कलिकालविभीताः स्मो नैमिषारण्यवासिनः । ब्रह्मणात्र समादिष्टाश्चक्रं दत्त्वा मनोमयम्
kalikālavibhītāḥ smo naimiṣāraṇyavāsinaḥ | brahmaṇātra samādiṣṭāścakraṃ dattvā manomayam
We, dwellers in the Naimiṣa forest, are terrified of the Kali age; we were instructed here by Brahmā, who gave us a wheel made of mind.
AI translation rendered from the Sanskrit, not a published edition
DB 1 2.29
कथितं तेन नः सर्वान्गच्छन्त्वेतस्य पृष्ठतः । नेमिः संशीर्यते यत्र स देशः पावनः स्मृतः
kathitaṃ tena naḥ sarvāngacchantvetasya pṛṣṭhataḥ | nemiḥ saṃśīryate yatra sa deśaḥ pāvanaḥ smṛtaḥ
All this was told us by him: "Go behind this (wheel); where its rim shatters, that region is held to be purifying.
AI translation rendered from the Sanskrit, not a published edition
DB 1 2.30
कलेस्तत्र प्रवेशो न कदाचित् सम्भविष्यति । तावत्तिष्ठन्तु तत्रैव यावत्सत्ययुगं पुनः
kalestatra praveśo na kadācit sambhaviṣyati | tāvattiṣṭhantu tatraiva yāvatsatyayugaṃ punaḥ
Kali will never at any time enter there; stay there just so long, until the Satya age comes again."
AI translation rendered from the Sanskrit, not a published edition
DB 1 2.31
तच्छ्रुत्वा वचनं तस्य गृहीत्वा तत्कथानकम् । चालयन्निर्गतस्तूर्णं सर्वदेशदिदृक्षया
tacchrutvā vacanaṃ tasya gṛhītvā tatkathānakam | cālayannirgatastūrṇaṃ sarvadeśadidṛkṣayā
Having heard that speech of his and having taken in that account, (the wheel) went forth swiftly, rolling, as if wishing to see all the regions.
AI translation rendered from the Sanskrit, not a published edition — the model flagged this verse as uncertain
DB 1 2.32
प्रेत्यात्र चालयंश्चक्रं नेमिः शीर्णोऽत्र पश्यतः । तेनेदं नैमिषं प्रोक्तं क्षेत्रं परमपावनम्
pretyātra cālayaṃścakraṃ nemiḥ śīrṇo'tra paśyataḥ | tenedaṃ naimiṣaṃ proktaṃ kṣetraṃ paramapāvanam
Having come here, rolling the wheel, the rim shattered here as (we) looked on; therefore this field is called Naimiṣa, supremely purifying.
AI translation rendered from the Sanskrit, not a published edition — the model flagged this verse as uncertain
DB 1 2.33
कलिप्रवेशो नैवात्र तस्मात्स्थानं कृतं मया । मुनिभिः सिद्धसङ्घैश्च कलिभीतैर्महात्मभिः
kalipraveśo naivātra tasmātsthānaṃ kṛtaṃ mayā | munibhiḥ siddhasaṅghaiśca kalibhītairmahātmabhiḥ
There is no entry of Kali here — therefore this place was made by me (as a dwelling), together with the sages and the hosts of Siddhas, great souls afraid of Kali.
AI translation rendered from the Sanskrit, not a published edition — the model flagged this verse as uncertain
DB 1 2.34
पशुहीनाः कृता यज्ञाः पुरोडाशादिभिः किल । कालातिवाहनं कार्यं यावत्सत्ययुगागमः
paśuhīnāḥ kṛtā yajñāḥ puroḍāśādibhiḥ kila | kālātivāhanaṃ kāryaṃ yāvatsatyayugāgamaḥ
Sacrifices are performed without animals, with rice-cakes and the like, indeed; time is to be passed until the arrival of the Satya age.
AI translation rendered from the Sanskrit, not a published edition
DB 1 2.35
भाग्ययोगेन सम्प्राप्तः सूत त्वं चात्र सर्वथा । कथयाद्य पुराणं हि पावनं ब्रह्मसम्मतम्
bhāgyayogena samprāptaḥ sūta tvaṃ cātra sarvathā | kathayādya purāṇaṃ hi pāvanaṃ brahmasammatam
And by the working of good fortune you, Sūta, have arrived here in every way; so tell now the Purāṇa, purifying and approved by Brahmā.
AI translation rendered from the Sanskrit, not a published edition
DB 1 2.36
सूत शुश्रूषवः सर्वे वक्ता त्वं मतिमानथ । निर्व्यापारा वयं नूनमेकचित्तास्तथैव च
sūta śuśrūṣavaḥ sarve vaktā tvaṃ matimānatha | nirvyāpārā vayaṃ nūnamekacittāstathaiva ca
O Sūta, we are all eager to listen, and you are an intelligent speaker; we are surely free of any business and likewise of single mind.
AI translation rendered from the Sanskrit, not a published edition
DB 1 2.37
त्वं सूत भव दीर्घायुस्तापत्रयविवर्जितः । कथयाद्य पुराणं हि पुण्यं भागवतं शिवम्
tvaṃ sūta bhava dīrghāyustāpatrayavivarjitaḥ | kathayādya purāṇaṃ hi puṇyaṃ bhāgavataṃ śivam
Sūta, may you be long-lived and free of the three torments; relate now the holy, auspicious Bhāgavata Purāṇa.
AI translation rendered from the Sanskrit, not a published edition
DB 1 2.38
यत्र धर्मार्थकामानां वर्णनं विधिपूर्वकम् । विद्यां प्राप्य तया मोक्षः कथितो मुनिना किल
yatra dharmārthakāmānāṃ varṇanaṃ vidhipūrvakam | vidyāṃ prāpya tayā mokṣaḥ kathito muninā kila
—wherein there is a description, in due order, of dharma, wealth and pleasure, and wherein liberation, attained through knowledge, was declared by the sage.
AI translation rendered from the Sanskrit, not a published edition
DB 1 2.39
द्वैपायनेन मुनिना कथितं यच्च पावनम् । न तृप्यामो वयं सूत कथां श्रुत्वा मनोरमाम्
dvaipāyanena muninā kathitaṃ yacca pāvanam | na tṛpyāmo vayaṃ sūta kathāṃ śrutvā manoramām
And what was told by the sage Dvaipāyana, which purifies — we are not sated, Sūta, in hearing that delightful narrative.
AI translation rendered from the Sanskrit, not a published edition
DB 1 2.40
सकलगुणगणानामेकपात्रं पवित्र- ॥ मखिलभुवनमातुर्नाट्यवद्यद्विचित्रम् । निखिलमलगणानां नाशकृत्कामकन्दं ॥ प्रकटय भगवत्या नामयुक्तं पुराणम्
sakalaguṇagaṇānāmekapātraṃ pavitra- || makhilabhuvanamāturnāṭyavadyadvicitram | nikhilamalagaṇānāṃ nāśakṛtkāmakandaṃ || prakaṭaya bhagavatyā nāmayuktaṃ purāṇam
Make manifest that Purāṇa which bears the name of the Goddess: the sole vessel of all the hosts of virtues, purifying, wondrous like a drama of the Mother of all the worlds, destroyer of every host of impurity, the root of (fulfilled) desire.
AI translation rendered from the Sanskrit, not a published edition