Devi Bhagavata Purana — Skandha 1 — Chapter 19
DB 1 19.1
शुकस्य विवाहादिकार्यवर्णनम् शुक उवाच सन्देहोऽयं महाराज वर्तते हृदये मम । मायामध्ये वर्तमानः स कथं निःस्पृहो भवेत्
śukasya vivāhādikāryavarṇanam śuka uvāca sandeho'yaṃ mahārāja vartate hṛdaye mama | māyāmadhye vartamānaḥ sa kathaṃ niḥspṛho bhavet
(Description of Śuka's marriage and other affairs.) Śuka said: This doubt, great king, persists in my heart: how can one who dwells in the midst of māyā become free of longing?
AI translation rendered from the Sanskrit, not a published edition
DB 1 19.2
शास्त्रज्ञानं च सम्प्राप्य नित्यानित्यविचारणम् । त्यजते न मनो मोहं स कथं मुच्यते नरः
śāstrajñānaṃ ca samprāpya nityānityavicāraṇam | tyajate na mano mohaṃ sa kathaṃ mucyate naraḥ
And (if) a man, having fully attained knowledge of the scriptures and discrimination between the eternal and the non-eternal, does not abandon the delusion of the mind, how is he released?
AI translation rendered from the Sanskrit, not a published edition
DB 1 19.3
अन्तर्गतं तमश्छेत्तुं शास्त्राद्बोधो हि न क्षमः । यथा न नश्यति तमः कृतया दीपवार्तया
antargataṃ tamaśchettuṃ śāstrādbodho hi na kṣamaḥ | yathā na naśyati tamaḥ kṛtayā dīpavārtayā
For understanding derived from scripture is not able to cut through the darkness that lies within, just as darkness is not destroyed by mere talk of a lamp.
AI translation rendered from the Sanskrit, not a published edition
DB 1 19.4
अद्रोहः सर्वभूतेषु कर्तव्यः सर्वदा बुधैः । स कथं राजशार्दूल गृहस्थस्य भवेत्तथा
adrohaḥ sarvabhūteṣu kartavyaḥ sarvadā budhaiḥ | sa kathaṃ rājaśārdūla gṛhasthasya bhavettathā
Freedom from injury toward all beings is always to be practised by the wise: how, O tiger among kings, could that be so for a householder?
AI translation rendered from the Sanskrit, not a published edition
DB 1 19.5
वित्तैषणा न ते शान्ता तथा राज्यसुखैषणा । जयैषणा च सङ्ग्रामे जीवन्मुक्तः कथं भवेः
vittaiṣaṇā na te śāntā tathā rājyasukhaiṣaṇā | jayaiṣaṇā ca saṅgrāme jīvanmuktaḥ kathaṃ bhaveḥ
Your craving for wealth is not quieted, nor your craving for the pleasures of kingship, nor your craving for victory in battle: how could you be liberated while living?
AI translation rendered from the Sanskrit, not a published edition
DB 1 19.6
चौरेषु चौरबुद्धिस्तु साधुबुद्धिस्तु तापसे । स्वपरत्वं तवाप्यस्ति विदेहस्त्वं कथं नृप
caureṣu caurabuddhistu sādhubuddhistu tāpase | svaparatvaṃ tavāpyasti videhastvaṃ kathaṃ nṛpa
You have the notion 'thief' toward thieves and the notion 'good man' toward an ascetic; the distinction of self and other exists for you also: how then, O king, are you bodiless?
AI translation rendered from the Sanskrit, not a published edition
DB 1 19.7
कटुतीक्ष्णुकषायाम्लरसान्वेत्सि शुभाशुभान् । शुभेषु रमते चित्तं नाशुभेषु तथा नृप
kaṭutīkṣṇukaṣāyāmlarasānvetsi śubhāśubhān | śubheṣu ramate cittaṃ nāśubheṣu tathā nṛpa
You distinguish flavours—pungent, sharp, astringent, sour—as pleasant and unpleasant; and the mind delights in the pleasant ones, not in the unpleasant, O king.
AI translation rendered from the Sanskrit, not a published edition
DB 1 19.8
जाग्रत्स्वप्नसुषुप्तिश्च तव राजन् भवन्ति हि । अवस्थास्तु यथाकालं तुरीया तु कथं नृप
jāgratsvapnasuṣuptiśca tava rājan bhavanti hi | avasthāstu yathākālaṃ turīyā tu kathaṃ nṛpa
Waking, dream and deep sleep do indeed occur for you, O king—these states, each in its own time; but how (do you attain) the fourth, O king?
AI translation rendered from the Sanskrit, not a published edition
DB 1 19.9
पदात्यश्वरथेभाश्च सर्वे वै वशगा मम । स्वाम्यहं चैव सर्वेषां मन्यसे त्वं न मन्यसे
padātyaśvarathebhāśca sarve vai vaśagā mama | svāmyahaṃ caiva sarveṣāṃ manyase tvaṃ na manyase
"Foot-soldiers, horses, chariots and elephants—all are subject to me, and I am the master of them all"—do you think this, or do you not think it?
AI translation rendered from the Sanskrit, not a published edition
DB 1 19.10
मिष्टमत्सि सदा राजन्मुदितो विमनास्तथा । मालायां च तथा सर्पे समदृक् क्व नृपोत्तम
miṣṭamatsi sadā rājanmudito vimanāstathā | mālāyāṃ ca tathā sarpe samadṛk kva nṛpottama
You always eat sweet food, O king, now delighted, now dejected; where is your equal vision toward a garland and toward a snake, O best of kings?
AI translation rendered from the Sanskrit, not a published edition
DB 1 19.11
विमुक्तस्तु भवेद्राजन् समलोष्टाश्मकाञ्चनः । एकात्मबुद्धिः सर्वत्र हितकृत्सर्वजन्तुषु
vimuktastu bhavedrājan samaloṣṭāśmakāñcanaḥ | ekātmabuddhiḥ sarvatra hitakṛtsarvajantuṣu
But one would be liberated, O king, who regards a clod, a stone and gold alike, who sees one self everywhere and does good to all creatures.
AI translation rendered from the Sanskrit, not a published edition
DB 1 19.12
न मेऽद्य रमते चित्तं गृहदारादिषु क्वचित् । एकाकी निःस्पृहोऽत्यर्थं चरेयमिति मे मतिः
na me'dya ramate cittaṃ gṛhadārādiṣu kvacit | ekākī niḥspṛho'tyarthaṃ careyamiti me matiḥ
Today my mind takes no pleasure in house, wife and the rest, anywhere; alone and utterly free of longing I would wander—such is my resolve.
AI translation rendered from the Sanskrit, not a published edition
DB 1 19.13
निःसङ्गो निर्ममः शान्तः पत्रमूलफलाशनः । मृगवद्विचरिष्यामि निर्द्वन्द्वो निष्परिग्रहः
niḥsaṅgo nirmamaḥ śāntaḥ patramūlaphalāśanaḥ | mṛgavadvicariṣyāmi nirdvandvo niṣparigrahaḥ
Unattached, without any sense of 'mine', at peace, eating leaves, roots and fruits, I shall wander like a deer, beyond the pairs of opposites, owning nothing.
AI translation rendered from the Sanskrit, not a published edition
DB 1 19.14
किं मे गृहेण वित्तेन भार्यया च सुरूपया । विरागमनसः कामं गुणातीतस्य पार्थिव
kiṃ me gṛheṇa vittena bhāryayā ca surūpayā | virāgamanasaḥ kāmaṃ guṇātītasya pārthiva
What use to me is a house, or wealth, or a beautiful wife, when my mind is free of passion and I am indeed beyond the guṇas, O king?
AI translation rendered from the Sanskrit, not a published edition
DB 1 19.15
चिन्त्यसे विविधाकारं नानारागसमाकुलम् । दम्भोऽयं किल ते भाति विमुक्तोऽस्मीति भाषसे
cintyase vividhākāraṃ nānārāgasamākulam | dambho'yaṃ kila te bhāti vimukto'smīti bhāṣase
You are thought about in many forms, crowded with various passions; this seems to be mere pretence of yours, that you say 'I am liberated'.
AI translation rendered from the Sanskrit, not a published edition — the model flagged this verse as uncertain
DB 1 19.16
कदाचिच्छत्रुजा चिन्ता धनजा च कदाचन । कदाचित्सैन्यजा चिन्ता निश्चिन्तोऽसि कदा नृप
kadācicchatrujā cintā dhanajā ca kadācana | kadācitsainyajā cintā niścinto'si kadā nṛpa
Sometimes anxiety arising from enemies, sometimes from wealth, sometimes anxiety arising from the army: when are you free of anxiety, O king?
AI translation rendered from the Sanskrit, not a published edition
DB 1 19.17
वैखानसा ये मुनयो मिताहारा जितव्रताः । तेऽपि मुह्यन्ति संसारे जानन्तोऽपि ह्यसत्यताम्
vaikhānasā ye munayo mitāhārā jitavratāḥ | te'pi muhyanti saṃsāre jānanto'pi hyasatyatām
Those Vaikhānasa sages, of measured food and mastered vows—even they are deluded in the round of existence, though they know its unreality.
AI translation rendered from the Sanskrit, not a published edition
DB 1 19.18
तव वंशसमुत्थानां विदेहा इति भूपते । कुटिलं नाम जानीहि नान्यथेति कदाचन
tava vaṃśasamutthānāṃ videhā iti bhūpate | kuṭilaṃ nāma jānīhi nānyatheti kadācana
O lord of the earth, know that the name 'Videhas' for those born in your line is crooked, and never otherwise. — [colophon: the nineteenth chapter, called the description of Śuka's marriage and other affairs.]
AI translation rendered from the Sanskrit, not a published edition — the model flagged this verse as uncertain
DB 1 19.19
विद्याधरो यथा मूर्खो जन्मान्धस्तु दिवाकरः । लक्ष्मीधरो दरिद्रश्च नाम तेषां निरर्थकम् शुकस्य विवाहादिकार्यवर्णनं नामैकोनविंशोऽध्यायः
vidyādharo yathā mūrkho janmāndhastu divākaraḥ | lakṣmīdharo daridraśca nāma teṣāṃ nirarthakam śukasya vivāhādikāryavarṇanaṃ nāmaikonaviṃśo'dhyāyaḥ
Like a fool named Vidyādhara ('bearer of learning'), or one blind from birth named Divākara ('sun'), or a pauper named Lakṣmīdhara ('bearer of fortune')—their names are meaningless.
AI translation rendered from the Sanskrit, not a published edition
DB 1 19.20
तव वंशोद्भवा ये ये श्रुताः पूर्वे मया नृपाः । विदेहा इति विख्याता नामतः कर्मतो न ते
tava vaṃśodbhavā ye ye śrutāḥ pūrve mayā nṛpāḥ | videhā iti vikhyātā nāmataḥ karmato na te
Whatever kings born in your line I have heard of before, they are renowned as 'Videhas' ('bodiless') by name, not by their deeds.
AI translation rendered from the Sanskrit, not a published edition
DB 1 19.21
निमिनामाभवद्राजा पूर्वं तव कुले नृप । यज्ञार्थं स तु राजर्षिर्वसिष्ठं स्वगुरुं मुनिम्
nimināmābhavadrājā pūrvaṃ tava kule nṛpa | yajñārthaṃ sa tu rājarṣirvasiṣṭhaṃ svaguruṃ munim
Formerly in your family, O king, there was a king named Nimi; and that royal sage, for the sake of a sacrifice, (invited) Vasiṣṭha, the sage who was his own preceptor—
AI translation rendered from the Sanskrit, not a published edition
DB 1 19.22
निमन्त्रयामास तदा तमुवाच नृपं मुनिः । निमन्त्रितोऽस्मि यज्ञार्थं देवेन्द्रेणाधुना किल
nimantrayāmāsa tadā tamuvāca nṛpaṃ muniḥ | nimantrito'smi yajñārthaṃ devendreṇādhunā kila
—he invited (him) then; and the sage said to the king: "I have just now been invited by Indra, lord of the gods, for a sacrifice."
AI translation rendered from the Sanskrit, not a published edition
DB 1 19.23
कृत्वा तस्य मखं पूर्णं करिष्यामि तवापि वै । तावत्कुरुष्व राजेन्द्र सम्भारं तु शनैः शनैः
kṛtvā tasya makhaṃ pūrṇaṃ kariṣyāmi tavāpi vai | tāvatkuruṣva rājendra sambhāraṃ tu śanaiḥ śanaiḥ
"When I have completed his sacrifice I shall perform yours too; meanwhile, O lord of kings, make ready the materials little by little."
AI translation rendered from the Sanskrit, not a published edition
DB 1 19.24
इत्युक्त्या निर्ययौ सोऽथ महेन्द्रयजने मुनिः । निमिरन्यं गुरुं कृत्वा चकार मखमुत्तमम्
ityuktyā niryayau so'tha mahendrayajane muniḥ | nimiranyaṃ guruṃ kṛtvā cakāra makhamuttamam
Having said this, the sage then departed to Mahendra's sacrifice; and Nimi, making another his priest, performed an excellent sacrifice.
AI translation rendered from the Sanskrit, not a published edition
DB 1 19.25
तच्छ्रुत्वा कुपितोऽत्यर्थं वसिष्ठो नृपतिं पुनः । शशाप च पतत्वद्य देहस्ते गुरुलोपक
tacchrutvā kupito'tyarthaṃ vasiṣṭho nṛpatiṃ punaḥ | śaśāpa ca patatvadya dehaste gurulopaka
Hearing that, Vasiṣṭha, exceedingly angry, cursed the king in return: "Let your body fall this day, you violator of your preceptor!"
AI translation rendered from the Sanskrit, not a published edition
DB 1 19.26
राजापि तं शशापाथ तवापि च पतत्वयम् । अन्योन्यशापात्पतितौ तावेव च मया श्रुतम्
rājāpi taṃ śaśāpātha tavāpi ca patatvayam | anyonyaśāpātpatitau tāveva ca mayā śrutam
The king too then cursed him: "Let this fall upon you as well!" So by each other's curse both of them fell—so I have heard.
AI translation rendered from the Sanskrit, not a published edition
DB 1 19.27
विदेहेन च राजेन्द्र कथं शप्तो गुरुः स्वयम् । विनोद इव मे चित्ते विभाति नृपसत्तम
videhena ca rājendra kathaṃ śapto guruḥ svayam | vinoda iva me citte vibhāti nṛpasattama
And, O lord of kings, how was the preceptor himself cursed by Videha? It appears to my mind almost as a jest, O best of kings.
AI translation rendered from the Sanskrit, not a published edition
DB 1 19.28
जनक उवाच सत्यमुक्तं त्वया नात्र मिथ्या किञ्चिदिदं मतम् । तथापि शृणु विप्रेन्द्र गुरुर्मम सुपूजितः
janaka uvāca satyamuktaṃ tvayā nātra mithyā kiñcididaṃ matam | tathāpi śṛṇu viprendra gururmama supūjitaḥ
Janaka said: What you have said is true; nothing here is thought to be false. Even so, hear, O best of brahmins: my preceptor is greatly honoured (by me).
AI translation rendered from the Sanskrit, not a published edition
DB 1 19.29
पितुः सङ्गं परित्यज्य त्वं वनं गन्तुमिच्छसि । मृगैः सह सुसम्बन्धो भविता ते न संशयः
pituḥ saṅgaṃ parityajya tvaṃ vanaṃ gantumicchasi | mṛgaiḥ saha susambandho bhavitā te na saṃśayaḥ
Abandoning your father's company, you wish to go to the forest; you will surely form a close association with deer—there is no doubt.
AI translation rendered from the Sanskrit, not a published edition
DB 1 19.30
महाभूतानि सर्वत्र निःसङ्गः क्व भविष्यसि । आहारार्थं सदा चिन्ता निश्चिन्तः स्याः कथं मुने
mahābhūtāni sarvatra niḥsaṅgaḥ kva bhaviṣyasi | āhārārthaṃ sadā cintā niścintaḥ syāḥ kathaṃ mune
The great elements are everywhere — where will you be free of attachment? There is always the worry about food; how, sage, could you be free of care?
AI translation rendered from the Sanskrit, not a published edition
DB 1 19.31
दण्डाजिनकृता चिन्ता यथा तव वनेऽपि च । तथैव राज्यचिन्ता मे चिन्तयानस्य वा न वा
daṇḍājinakṛtā cintā yathā tava vane'pi ca | tathaiva rājyacintā me cintayānasya vā na vā
Just as you have, even in the forest, the concern created by your staff and deerskin, so too I have the concern for the kingdom — whether I think about it or not.
AI translation rendered from the Sanskrit, not a published edition
DB 1 19.32
विकल्पोपहतस्त्वं वै दूरदेशमुपागतः । न मे विकल्पसन्देहो निर्विकल्पोऽस्मि सर्वथा
vikalpopahatastvaṃ vai dūradeśamupāgataḥ | na me vikalpasandeho nirvikalpo'smi sarvathā
You indeed, struck down by doubt (or: by mental alternatives), have come to a distant land; I have no doubt of alternatives — I am wholly free of vikalpa.
AI translation rendered from the Sanskrit, not a published edition
DB 1 19.33
सुखं स्वपिमि विप्राहं सुखं भुञ्जामि सर्वथा । न बद्धोऽस्मीति बुद्ध्याहं सर्वदैव सुखी मुने
sukhaṃ svapimi viprāhaṃ sukhaṃ bhuñjāmi sarvathā | na baddho'smīti buddhyāhaṃ sarvadaiva sukhī mune
I sleep happily, brahmin, I eat happily in every way; with the conviction 'I am not bound', I am always happy, sage.
AI translation rendered from the Sanskrit, not a published edition
DB 1 19.34
त्वं तु दुःखी सदैवासि बद्धोऽहमिति शङ्कया । इति शङ्कां परित्यज्य सुखी भव समाहितः
tvaṃ tu duḥkhī sadaivāsi baddho'hamiti śaṅkayā | iti śaṅkāṃ parityajya sukhī bhava samāhitaḥ
But you are always miserable through the suspicion 'I am bound'. Abandon that suspicion and be happy, composed.
AI translation rendered from the Sanskrit, not a published edition
DB 1 19.35
देहोऽयं मम बन्धोऽयं न ममेति च मुक्तता । तथा धनं गृहं राज्यं न ममेति च निश्चयः
deho'yaṃ mama bandho'yaṃ na mameti ca muktatā | tathā dhanaṃ gṛhaṃ rājyaṃ na mameti ca niścayaḥ
'This body is mine, this is a bond' — and 'it is not mine' is liberation; so too the certainty 'wealth, house, kingdom are not mine'.
AI translation rendered from the Sanskrit, not a published edition
DB 1 19.36
सूत उवाच तच्छ्रुत्वा वचनं तस्य शुकः प्रीतमनाभवत् । आपृच्छ्य तं जगामाशु व्यासस्याश्रममुत्तमम्
sūta uvāca tacchrutvā vacanaṃ tasya śukaḥ prītamanābhavat | āpṛcchya taṃ jagāmāśu vyāsasyāśramamuttamam
Sūta said: Hearing that speech of his, Śuka became glad at heart; and having taken leave of him he went quickly to Vyāsa's excellent hermitage.
AI translation rendered from the Sanskrit, not a published edition
DB 1 19.37
आगच्छन्तं सुतं दृष्ट्वा व्यासोऽपि सुखमाप्तवान् । आलिङ्ग्याघ्राय मूर्धानं पप्रच्छ कुशलं पुनः
āgacchantaṃ sutaṃ dṛṣṭvā vyāso'pi sukhamāptavān | āliṅgyāghrāya mūrdhānaṃ papraccha kuśalaṃ punaḥ
Seeing his son coming, Vyāsa too obtained happiness; embracing him and kissing his head, he asked again about his welfare.
AI translation rendered from the Sanskrit, not a published edition
DB 1 19.38
स्थितस्तत्राश्रमे रम्ये पितुः पार्श्वे समाहितः । वेदाध्ययनसम्पन्नः सर्वशास्त्रविशारदः
sthitastatrāśrame ramye pituḥ pārśve samāhitaḥ | vedādhyayanasampannaḥ sarvaśāstraviśāradaḥ
He stayed there in the pleasant hermitage at his father's side, composed, accomplished in the study of the Vedas, skilled in all the scriptures.
AI translation rendered from the Sanskrit, not a published edition
DB 1 19.39
जनकस्य दशां दृष्ट्वा राज्यस्थस्य महात्मनः । स निर्वृतिं परां प्राप्य पितुराश्रमसंस्थितः
janakasya daśāṃ dṛṣṭvā rājyasthasya mahātmanaḥ | sa nirvṛtiṃ parāṃ prāpya piturāśramasaṃsthitaḥ
Having seen the state of the great-souled Janaka, who remained in his kingdom, he attained the highest contentment and dwelt in his father's hermitage.
AI translation rendered from the Sanskrit, not a published edition
DB 1 19.40
पितॄणां सुभगा कन्या पीवरी नाम सुन्दरी । शुकश्चकार पत्नीं तां योगमार्गस्थितोऽपि हि
pitṝṇāṃ subhagā kanyā pīvarī nāma sundarī | śukaścakāra patnīṃ tāṃ yogamārgasthito'pi hi
There was a fortunate maiden of the Fathers, beautiful, named Pīvarī; Śuka made her his wife, though he stood on the path of yoga.
AI translation rendered from the Sanskrit, not a published edition
DB 1 19.41
स तस्यां जनयामास पुत्रांश्चतुर एव हि । कृष्णं गौरप्रभं चैव भूरिं देवश्रुतं तथा
sa tasyāṃ janayāmāsa putrāṃścatura eva hi | kṛṣṇaṃ gauraprabhaṃ caiva bhūriṃ devaśrutaṃ tathā
He begot upon her four sons: Kṛṣṇa, Gauraprabha, Bhūri, and Devaśruta.
AI translation rendered from the Sanskrit, not a published edition
DB 1 19.42
कन्यां कीर्तिं समुत्पाद्य व्यासपुत्रः प्रतापवान् । ददौ विभ्राजपुत्राय त्वणुहाय महात्मने
kanyāṃ kīrtiṃ samutpādya vyāsaputraḥ pratāpavān | dadau vibhrājaputrāya tvaṇuhāya mahātmane
And having begotten a daughter, Kīrti, the mighty son of Vyāsa gave her to the great-souled Aṇuha, the son of Vibhrāja.
AI translation rendered from the Sanskrit, not a published edition
DB 1 19.43
अणुहस्य सुतः श्रीमान्ब्रह्मदत्तः प्रतापवान् । ब्रह्मज्ञः पृथिवीपालः शककन्यासमुद्भवः
aṇuhasya sutaḥ śrīmānbrahmadattaḥ pratāpavān | brahmajñaḥ pṛthivīpālaḥ śakakanyāsamudbhavaḥ
Aṇuha's son was the illustrious and mighty Brahmadatta, a knower of brahman, a protector of the earth, born of the daughter of Śuka (Kīrti).
AI translation rendered from the Sanskrit, not a published edition — the model flagged this verse as uncertain
DB 1 19.44
कालेन कियता तत्र नारदस्योपदेशतः । ज्ञानं परमकं प्राप्य योगमार्गमनुत्तमम्
kālena kiyatā tatra nāradasyopadeśataḥ | jñānaṃ paramakaṃ prāpya yogamārgamanuttamam
After some time, there, by the instruction of Nārada, having attained the supreme knowledge and the unsurpassed path of yoga,
AI translation rendered from the Sanskrit, not a published edition
DB 1 19.45
पुत्रे राज्यं निधायाथ गतो बदरिकाश्रमम् । मायाबीजोपदेशेन तस्य ज्ञानं निरर्गलम्
putre rājyaṃ nidhāyātha gato badarikāśramam | māyābījopadeśena tasya jñānaṃ nirargalam
having then placed the kingdom upon his son, he went to the Badarikā hermitage; by the teaching of the seed-mantra of Māyā his knowledge was unimpeded,
AI translation rendered from the Sanskrit, not a published edition
DB 1 19.46
नारदस्य प्रसादेन जातं सद्यो विमुक्तिदम् । कैलासशिखरे रम्ये त्यक्त्वा सङ्गं पितुः शुकः
nāradasya prasādena jātaṃ sadyo vimuktidam | kailāsaśikhare ramye tyaktvā saṅgaṃ pituḥ śukaḥ
and by Nārada's grace it arose, granting immediate liberation. On the lovely peak of Kailāsa, Śuka, having given up attachment to his father,
AI translation rendered from the Sanskrit, not a published edition
DB 1 19.47
ध्यानमास्थाय विपुलं स्थितः सङ्गपराङ्मुखः । उत्पपात गिरेः शृङ्गात्सिद्धिं च परमां गतः
dhyānamāsthāya vipulaṃ sthitaḥ saṅgaparāṅmukhaḥ | utpapāta gireḥ śṛṅgātsiddhiṃ ca paramāṃ gataḥ
taking up vast meditation, he stayed turned away from attachment; he flew up from the mountain's peak and reached the supreme attainment.
AI translation rendered from the Sanskrit, not a published edition
DB 1 19.48
आकाशगो महातेजा विरराज यथा रविः । गिरेः शृङ्गं द्विधा जातं शुकस्योत्पतने तदा
ākāśago mahātejā virarāja yathā raviḥ | gireḥ śṛṅgaṃ dvidhā jātaṃ śukasyotpatane tadā
Moving through the sky, of great splendour, he shone like the sun; at Śuka's flying up the mountain's peak then split in two.
AI translation rendered from the Sanskrit, not a published edition
DB 1 19.49
उत्पाता बहवो जाताः शुकश्चाकाशगोऽभवत् । अन्तरिक्षे यथा वायुः स्तूयमानः सुरर्षिभिः
utpātā bahavo jātāḥ śukaścākāśago'bhavat | antarikṣe yathā vāyuḥ stūyamānaḥ surarṣibhiḥ
Many portents occurred, and Śuka became a traveller of the sky, in mid-air like the wind, praised by the divine seers,
AI translation rendered from the Sanskrit, not a published edition
DB 1 19.50
तेजसातिविराजन्वै द्वितीय इव भास्करः । व्यासस्तु विरहाक्रान्तः क्रन्दन्पुत्रेति चासकृत्
tejasātivirājanvai dvitīya iva bhāskaraḥ | vyāsastu virahākrāntaḥ krandanputreti cāsakṛt
Blazing exceedingly with splendour, like a second sun; but Vyāsa, overcome by separation, cried out again and again, "O son!"
AI translation rendered from the Sanskrit, not a published edition
DB 1 19.51
गिरेः शृङ्गे गतस्तत्र शुको यत्र स्थितोऽभवत् । क्रन्दमानं तदा दीनं व्यासं मत्वा श्रमाकुलम्
gireḥ śṛṅge gatastatra śuko yatra sthito'bhavat | krandamānaṃ tadā dīnaṃ vyāsaṃ matvā śramākulam
He went to the mountain peak, where Śuka had been standing; and then, thinking of Vyāsa as wretched, weeping, worn out with exhaustion—
AI translation rendered from the Sanskrit, not a published edition
DB 1 19.52
सर्वभूतगतः साक्षी प्रतिशब्दमदात्तदा । तत्राद्यापि गिरेः शृङ्गे प्रतिशब्दः स्फुटोऽभवत्
sarvabhūtagataḥ sākṣī pratiśabdamadāttadā | tatrādyāpi gireḥ śṛṅge pratiśabdaḥ sphuṭo'bhavat
the witness who is present in all beings then gave back an echo; and there, on that mountain peak, the echo has remained distinct even today.
AI translation rendered from the Sanskrit, not a published edition
DB 1 19.53
रुदन्तं तं समालक्ष्य व्यासं शोकसमन्वितम् । पुत्र पुत्रेति भाषन्तं विरहेण परिप्लुतम्
rudantaṃ taṃ samālakṣya vyāsaṃ śokasamanvitam | putra putreti bhāṣantaṃ viraheṇa pariplutam
Observing him weeping, Vyāsa filled with grief, saying "son, son," flooded over by separation—
AI translation rendered from the Sanskrit, not a published edition
DB 1 19.54
शिवस्तत्र समागत्य पाराशर्यमबोधयत् । व्यास शोकं मा कुरु त्वं पुत्रस्ते योगवित्तमः
śivastatra samāgatya pārāśaryamabodhayat | vyāsa śokaṃ mā kuru tvaṃ putraste yogavittamaḥ
Śiva came there and instructed the son of Parāśara: "Vyāsa, do not grieve; your son is the best of the knowers of yoga.
AI translation rendered from the Sanskrit, not a published edition
DB 1 19.55
परमां गतिमापन्नो दुर्लभां चाकृतात्मभिः । तस्य शोको न कर्तव्यस्त्वयाशोकं विजानता
paramāṃ gatimāpanno durlabhāṃ cākṛtātmabhiḥ | tasya śoko na kartavyastvayāśokaṃ vijānatā
He has attained the highest goal, hard to reach for those whose selves are unperfected. You, who know what is free of sorrow, should not grieve for him.
AI translation rendered from the Sanskrit, not a published edition
DB 1 19.56
कीर्तिस्ते विपुला जाता तेन पुत्रेण चानघ । व्यास उवाच न शोको याति देवेश किं करोमि जगत्पते
kīrtiste vipulā jātā tena putreṇa cānagha | vyāsa uvāca na śoko yāti deveśa kiṃ karomi jagatpate
Through that son your fame has become vast, O sinless one." Vyāsa said: "The grief does not go, O lord of the gods; what shall I do, O lord of the world?
AI translation rendered from the Sanskrit, not a published edition
DB 1 19.57
अतृप्ते लोचने मेऽद्य पुत्रदर्शनलालसे । महादेव उवाच छायां द्रक्ष्यसि पुत्रस्य पार्श्वस्थां सुमनोहराम्
atṛpte locane me'dya putradarśanalālase | mahādeva uvāca chāyāṃ drakṣyasi putrasya pārśvasthāṃ sumanoharām
My two eyes today are unsatisfied, longing for the sight of my son." Mahādeva said: "You will see the son's shadow standing at your side, most delightful.
AI translation rendered from the Sanskrit, not a published edition
DB 1 19.58
तां वीक्ष्य मुनिशार्दूल शोकं जहि परन्तप । सूत उवाच तदा ददर्श व्यासस्तु छायां पुत्रस्य सुप्रभाम्
tāṃ vīkṣya muniśārdūla śokaṃ jahi parantapa | sūta uvāca tadā dadarśa vyāsastu chāyāṃ putrasya suprabhām
Seeing it, O tiger among sages, give up your grief, O scorcher of foes." Sūta said: Then Vyāsa saw the bright shadow of his son.
AI translation rendered from the Sanskrit, not a published edition
DB 1 19.59
दत्त्वा वरं हरस्तस्मै तत्रैवान्तरधीयत । अन्तर्हिते महादेवे व्यासः स्वाश्रममभ्यगात्
dattvā varaṃ harastasmai tatraivāntaradhīyata | antarhite mahādeve vyāsaḥ svāśramamabhyagāt
Having given him that boon, Hara vanished right there. When Mahādeva had vanished, Vyāsa went to his own hermitage,
AI translation rendered from the Sanskrit, not a published edition
DB 1 19.60
शुकस्य विरहेणापि तप्तः परमदुःखितः
śukasya viraheṇāpi taptaḥ paramaduḥkhitaḥ
burned even so by separation from Śuka, exceedingly sorrowful.
AI translation rendered from the Sanskrit, not a published edition