Brahmavaivarta Purana — Krishnajanma Khanda — Chapter 88
BvP 4 88.1
श्रीकृष्णा उवाच चेतनं कुरु हे तात हे तात चेतनं कुरु । जलबुद्बुदवत्सर्वं संसारं सचराचरम्
śrīkṛṣṇā uvāca cetanaṃ kuru he tāta he tāta cetanaṃ kuru | jalabudbudavatsarvaṃ saṃsāraṃ sacarācaram
Śrī Kṛṣṇa said: Come to your senses, dear father, dear father, come to your senses! All this world, with its moving and unmoving (beings), is like a bubble on water.
AI translation rendered from the Sanskrit, not a published edition
BvP 4 88.2
त्याज मोहं महाभाग मायां स्तौहि परत्परामा । ब्रह्मस्वरूपां परमां सर्वमोहनिकृन्तनीम्
tyāja mohaṃ mahābhāga māyāṃ stauhi paratparāmā | brahmasvarūpāṃ paramāṃ sarvamohanikṛntanīm
Give up delusion, O greatly fortunate one; praise Māyā, higher than the highest, supreme, whose form is Brahman, who cuts away all delusion,
AI translation rendered from the Sanskrit, not a published edition
BvP 4 88.3
मुक्तिप्रदां महाभागां विष्णुमायां सनातनीम् । त्रिपुरस्य वधे घोरे महायुद्धे भयाकुले
muktipradāṃ mahābhāgāṃ viṣṇumāyāṃ sanātanīm | tripurasya vadhe ghore mahāyuddhe bhayākule
the giver of liberation, the greatly blessed, eternal Māyā of Viṣṇu — (her) in the terrible slaying of Tripura, in the great battle filled with fear,
AI translation rendered from the Sanskrit, not a published edition
BvP 4 88.4
येन स्तोत्रेण संभुश्च तया दैत्यं जघान सः । स्तोत्रराजं प्रदास्यामि सर्वमोहनिकृन्तनम् ।। सर्ववाञ्छाप्रदं नन्द श्रूयतामत्र संसदि
yena stotreṇa saṃbhuśca tayā daityaṃ jaghāna saḥ | stotrarājaṃ pradāsyāmi sarvamohanikṛntanam || sarvavāñchāpradaṃ nanda śrūyatāmatra saṃsadi
by which hymn Śambhu, with her (help), slew that demon — that king of hymns I shall give (you), which cuts away all delusion, which grants every wish, O Nanda; let it be heard here in this assembly.
AI translation rendered from the Sanskrit, not a published edition
BvP 4 88.5
नन्द उवाच सर्वविघ्नविनाशाय दुःखप्रशमनाय च । विभूतये च यशसे नृणां वाञ्छितसिद्धये
nanda uvāca sarvavighnavināśāya duḥkhapraśamanāya ca | vibhūtaye ca yaśase nṛṇāṃ vāñchitasiddhaye
Nanda said: For the destruction of all obstacles and for the allaying of sorrow, and for prosperity and fame, for the fulfilment of men's wishes,
AI translation rendered from the Sanskrit, not a published edition
BvP 4 88.6
स्तोत्रमेकं महादेव्या जगन्मातुर्जगत्प्रभो । परं दुर्गतिनाशिन्या गोपनीयं सुदुर्लभम्
stotramekaṃ mahādevyā jaganmāturjagatprabho | paraṃ durgatināśinyā gopanīyaṃ sudurlabham
(give me) the one hymn of the Great Goddess, the mother of the world, O Lord of the world — the supreme (hymn) of her who destroys misfortune, (a hymn) to be kept secret, very hard to obtain.
AI translation rendered from the Sanskrit, not a published edition
BvP 4 88.7
देहि मर्ह्य विनीताय भक्ताय भक्तवत्सल । वेदानां जनकस्त्वं च निर्गुणाश्च परात्परः
dehi marhya vinītāya bhaktāya bhaktavatsala | vedānāṃ janakastvaṃ ca nirguṇāśca parātparaḥ
Give (it) to me, who am humble and devoted, O you who are fond of your devotees; you are the begetter of the Vedas, and free of qualities, and higher than the highest.
AI translation rendered from the Sanskrit, not a published edition
BvP 4 88.8
श्रीभगवानुवाच श्रुणु वक्ष्यामि दैश्येन्द्र स्तोत्रं यत्परमाद्भुतम् । सर्वविघ्नविनाशार्थं मोहपाशनिकृन्तनम्
śrībhagavānuvāca śruṇu vakṣyāmi daiśyendra stotraṃ yatparamādbhutam | sarvavighnavināśārthaṃ mohapāśanikṛntanam
The Blessed Lord said: Listen, I shall tell (you), O chief of the (people), the hymn that is supremely marvellous, meant for the destruction of all obstacles, cutting the noose of delusion,
AI translation rendered from the Sanskrit, not a published edition — the model flagged this verse as uncertain
BvP 4 88.9
रणत्रस्तेन विभुना शंकरेण पुरा कृतम् । नारायणोपदेशेन प्रेरितेन च ब्रह्मणा
raṇatrastena vibhunā śaṃkareṇa purā kṛtam | nārāyaṇopadeśena preritena ca brahmaṇā
composed long ago by the lord Śaṅkara when he was terrified in battle, by the instruction of Nārāyaṇa and prompted by Brahmā.
AI translation rendered from the Sanskrit, not a published edition
BvP 4 88.10
शत्रुग्रस्तं शिवं दृष्ट्वा स ब्रह्माणमुवाच ह । उवाच शंकरं ब्रह्मा रथस्थं पतितं रणे
śatrugrastaṃ śivaṃ dṛṣṭvā sa brahmāṇamuvāca ha | uvāca śaṃkaraṃ brahmā rathasthaṃ patitaṃ raṇe
Seeing Śiva overpowered by the enemy, he spoke to Brahmā; and Brahmā spoke to Śaṅkara, who was on his chariot, fallen in the battle:
AI translation rendered from the Sanskrit, not a published edition — the model flagged this verse as uncertain
BvP 4 88.11
सुरसंकटशान्त्यर्थं दुर्गा दुर्गतिनाशिनीम् । मूलप्रकृतिमाद्यां तां स्तौ(स्तु) हि ब्रह्मस्वरूपिणीम्
surasaṃkaṭaśāntyarthaṃ durgā durgatināśinīm | mūlaprakṛtimādyāṃ tāṃ stau(stu) hi brahmasvarūpiṇīm
"For the sake of quelling the peril of the gods, praise Durgā, destroyer of misfortune, the primordial Root-Nature, whose form is Brahman."
AI translation rendered from the Sanskrit, not a published edition
BvP 4 88.12
हरिणा प्रेरितोऽहं च त्वां वदामि सुरेश्वर । विना शक्तिसहायेन को वा कं जेतुमीश्वरः
hariṇā prerito'haṃ ca tvāṃ vadāmi sureśvara | vinā śaktisahāyena ko vā kaṃ jetumīśvaraḥ
Impelled by Hari, I say this to you, O lord of the gods: without the aid of Śakti, who has the power to conquer whom?
AI translation rendered from the Sanskrit, not a published edition
BvP 4 88.13
ब्रह्मणश्च वचः श्रुत्वा दुर्गां सस्मार शंकरः । पुटाञ्जलिपरो भूत्वा भक्तिनम्रत्मकंधरः
brahmaṇaśca vacaḥ śrutvā durgāṃ sasmāra śaṃkaraḥ | puṭāñjaliparo bhūtvā bhaktinamratmakaṃdharaḥ
And having heard Brahmā's words, Śaṅkara called Durgā to mind, holding his palms joined in a cup, his neck bent low with devotion.
AI translation rendered from the Sanskrit, not a published edition
BvP 4 88.14
स्नातःपादौ च प्रक्षाल्य धृत्वा धौते वाससी । आचान्तः कुशहस्तश्च शुचिर्विष्णुं च संस्मरन्
snātaḥpādau ca prakṣālya dhṛtvā dhaute vāsasī | ācāntaḥ kuśahastaśca śucirviṣṇuṃ ca saṃsmaran
Having bathed and washed his feet, having put on two freshly washed garments, having rinsed his mouth, with kuśa grass in his hand, pure, and remembering Viṣṇu (he spoke):
AI translation rendered from the Sanskrit, not a published edition
BvP 4 88.15
महादेव उवाच रक्ष रक्ष महादेवि दुर्गे दुर्गतिनाशिनि । मां भक्तमनुरक्तं च शत्रुग्रस्ते कृपामयि
mahādeva uvāca rakṣa rakṣa mahādevi durge durgatināśini | māṃ bhaktamanuraktaṃ ca śatrugraste kṛpāmayi
Mahādeva said: Protect, protect (me), great goddess, Durgā, destroyer of misfortune — me, your devotee, devoted to you, seized by enemies, O you who are full of compassion.
AI translation rendered from the Sanskrit, not a published edition
BvP 4 88.16
विष्णुमाये महाभागे नारायणि सनातनि । ब्रह्मस्वरूपे परमे नित्यानन्दस्वरूपिणि
viṣṇumāye mahābhāge nārāyaṇi sanātani | brahmasvarūpe parame nityānandasvarūpiṇi
O Viṣṇu's Māyā, greatly blessed one, Nārāyaṇī, eternal one, you whose nature is Brahman, supreme one, you whose form is everlasting bliss.
AI translation rendered from the Sanskrit, not a published edition
BvP 4 88.17
त्वं च ब्रह्मादिदेवानामम्बिके जगदम्बिके । त्वं संहारे च गुणतो निराकारे च निर्गुणात्
tvaṃ ca brahmādidevānāmambike jagadambike | tvaṃ saṃhāre ca guṇato nirākāre ca nirguṇāt
And you, O mother, mother of the world, are the mother of Brahmā and the other gods; you are present in the dissolution by reason of the qualities, and in the formless (state) because you are without qualities.
AI translation rendered from the Sanskrit, not a published edition — the model flagged this verse as uncertain
BvP 4 88.18
मायया पुरुषस्त्वं च मायया प्रकृतिः स्वयम् । तयोः परं ब्रह्म परं त्वं बिभर्षि सनातनि
māyayā puruṣastvaṃ ca māyayā prakṛtiḥ svayam | tayoḥ paraṃ brahma paraṃ tvaṃ bibharṣi sanātani
By māyā you are the Puruṣa, and by māyā you yourself are Prakṛti; beyond those two you sustain the supreme Brahman, O eternal one.
AI translation rendered from the Sanskrit, not a published edition — the model flagged this verse as uncertain
BvP 4 88.19
वेदानां जननी त्वं च सावित्री च परात्परा । वैकुण्ठे च महालक्ष्मीः सर्वमंपत्स्वरूपिणी
vedānāṃ jananī tvaṃ ca sāvitrī ca parātparā | vaikuṇṭhe ca mahālakṣmīḥ sarvamaṃpatsvarūpiṇī
You are the mother of the Vedas, and Sāvitrī, higher than the highest; in Vaikuṇṭha you are Mahālakṣmī, whose form is all prosperity.
AI translation rendered from the Sanskrit, not a published edition
BvP 4 88.20
मर्त्यलक्ष्मीश्च क्षीरोदे कामिनी शेषशायिनः । स्वर्गेषु स्वर्गलक्ष्मीस्त्वं राजलक्ष्मीश्च भूतले
martyalakṣmīśca kṣīrode kāminī śeṣaśāyinaḥ | svargeṣu svargalakṣmīstvaṃ rājalakṣmīśca bhūtale
And you are the Lakṣmī of mortals, and in the milk-ocean the beloved of him who sleeps on Śeṣa; in the heavens you are the Lakṣmī of heaven, and on earth the Lakṣmī of kings.
AI translation rendered from the Sanskrit, not a published edition
BvP 4 88.21
नागादिलक्ष्मीः पाताले गृहेषु गृहदेवता । सर्वसस्यस्वरूपा त्वं सर्वैश्वर्यविधायिनी
nāgādilakṣmīḥ pātāle gṛheṣu gṛhadevatā | sarvasasyasvarūpā tvaṃ sarvaiśvaryavidhāyinī
In the underworld you are the Lakṣmī of the serpents and the rest, in houses the household deity; you are the form of all grain, the bestower of every kind of lordship.
AI translation rendered from the Sanskrit, not a published edition
BvP 4 88.22
रागाधिष्ठातृदेवी त्वं ब्रह्मणश्च सरस्वती । प्राणानामधिदेपी त्वं कृष्णस्य परमात्मनः
rāgādhiṣṭhātṛdevī tvaṃ brahmaṇaśca sarasvatī | prāṇānāmadhidepī tvaṃ kṛṣṇasya paramātmanaḥ
You are the goddess presiding over passion, and the Sarasvatī of Brahmā; you are the deity presiding over the life-breaths of Kṛṣṇa, the supreme Self.
AI translation rendered from the Sanskrit, not a published edition
BvP 4 88.23
गोलोके च स्वयं राधा श्रीकृष्णस्यैव वक्षसि । गोलोकाधिष्ठिता देवी दृन्दा दृन्दावने वने
goloke ca svayaṃ rādhā śrīkṛṣṇasyaiva vakṣasi | golokādhiṣṭhitā devī dṛndā dṛndāvane vane
In Goloka you are Rādhā herself, upon the very breast of Śrīkṛṣṇa; you are the goddess who presides over Goloka, and Vṛndā in the Vṛndāvana forest.
AI translation rendered from the Sanskrit, not a published edition
BvP 4 88.24
श्रीरासमण्डले रम्या वृन्दावनविनोदिनी । शतशृङ्गाधिदेवी त्वं नाम्ना चित्रावलीति च
śrīrāsamaṇḍale ramyā vṛndāvanavinodinī | śataśṛṅgādhidevī tvaṃ nāmnā citrāvalīti ca
In the circle of the holy rāsa dance you are the lovely one who takes delight in Vṛndāvana; you are the presiding deity of Śataśṛṅga, and by name Citrāvalī.
AI translation rendered from the Sanskrit, not a published edition
BvP 4 88.25
दक्षकन्या कुत्रकल्पे कुत्रकल्पे च शैलजा । देवमाताऽदितिस्त्वं च सर्वाधारा वसुंधरा
dakṣakanyā kutrakalpe kutrakalpe ca śailajā | devamātā'ditistvaṃ ca sarvādhārā vasuṃdharā
In one kalpa the daughter of Dakṣa, in another kalpa born of the mountain; you are Aditi the mother of the gods, and Vasundharā, the support of all.
AI translation rendered from the Sanskrit, not a published edition
BvP 4 88.26
त्वमेव गङ्गा तुलसी त्वं च स्वाहा सती । त्वदंशांशांशकलया सर्वदेवादियोषितः
tvameva gaṅgā tulasī tvaṃ ca svāhā satī | tvadaṃśāṃśāṃśakalayā sarvadevādiyoṣitaḥ
You alone are Gaṅgā, you are Tulasī, Svāhā and Satī; by a fraction of a portion of a portion of you (exist) all the wives of the gods and the rest.
AI translation rendered from the Sanskrit, not a published edition
BvP 4 88.27
स्त्रीरूपं चातिपुंरूपं देवि त्वं च नपुंसकम् । वृक्षाणां वृङरूपा त्वं सृष्टा चाङ्कुररूपिणी
strīrūpaṃ cātipuṃrūpaṃ devi tvaṃ ca napuṃsakam | vṛkṣāṇāṃ vṛṅarūpā tvaṃ sṛṣṭā cāṅkurarūpiṇī
The female form, and the male form, O goddess, and you are the neuter; you are the tree-form of trees, and you are created as the form of the sprout.
AI translation rendered from the Sanskrit, not a published edition — the model flagged this verse as uncertain
BvP 4 88.28
वह्नौ च दाहिका शक्तिर्जले शैत्यस्वरूपिणी । सूर्ये तेजः स्वरूपा च प्रभारूपा च संततम्
vahnau ca dāhikā śaktirjale śaityasvarūpiṇī | sūrye tejaḥ svarūpā ca prabhārūpā ca saṃtatam
In fire you are the burning power, in water you have the nature of coolness; in the sun you are the very substance of heat, and constantly the form of its light.
AI translation rendered from the Sanskrit, not a published edition
BvP 4 88.29
गन्धरूपा च भूमौ च आकाशे शब्दरूपिणी । शोभास्वरूपा चन्द्रे च पद्मसंघे च निश्चितम्
gandharūpā ca bhūmau ca ākāśe śabdarūpiṇī | śobhāsvarūpā candre ca padmasaṃghe ca niścitam
You have the form of scent in the earth, and the form of sound in space; you are the form of loveliness in the moon and assuredly in the mass of lotuses.
AI translation rendered from the Sanskrit, not a published edition
BvP 4 88.30
सृष्टौ सृष्टिस्वरूपा च पालने परिपालिका । महामारी च संहारे जले च जलरूपिणी
sṛṣṭau sṛṣṭisvarūpā ca pālane paripālikā | mahāmārī ca saṃhāre jale ca jalarūpiṇī
In creation you are creation's own form, in preservation you are the preserver; and you are the great pestilence at the dissolution, and in water the form of water.
AI translation rendered from the Sanskrit, not a published edition
BvP 4 88.31
क्षुत्तवं दया त्वं निद्रा त्वं तृष्णा त्वं बुद्धिरूपिणी । तुष्टिस्त्वं चापि पुष्टिस्त्वं श्रद्धास्त्वं च क्षमा स्वयम्
kṣuttavaṃ dayā tvaṃ nidrā tvaṃ tṛṣṇā tvaṃ buddhirūpiṇī | tuṣṭistvaṃ cāpi puṣṭistvaṃ śraddhāstvaṃ ca kṣamā svayam
You are hunger, you are compassion, you are sleep, you are thirst, you are the form of intelligence; you are satisfaction and also nourishment, you are faith, and forbearance itself.
AI translation rendered from the Sanskrit, not a published edition
BvP 4 88.32
शान्तिस्त्वं च स्वयं भ्रान्तिः कान्तिस्तवं कीर्तिरेव च । लज्जा त्वं च तथा माया भुक्ति- ।। सुक्तिस्वरूपिणी
śāntistvaṃ ca svayaṃ bhrāntiḥ kāntistavaṃ kīrtireva ca | lajjā tvaṃ ca tathā māyā bhukti- || suktisvarūpiṇī
You are peace itself, and delusion itself; you are beauty and fame as well; you are modesty, and likewise illusion, having the nature of enjoyment and of good speech.
AI translation rendered from the Sanskrit, not a published edition — the model flagged this verse as uncertain
BvP 4 88.33
सर्वशक्तिस्वरूपा त्वं सर्वसंबत्प्रदायिनी । वेदेऽनिर्वचनीया त्वं त्वां न जानाति कश्चन
sarvaśaktisvarūpā tvaṃ sarvasaṃbatpradāyinī | vede'nirvacanīyā tvaṃ tvāṃ na jānāti kaścana
You are the very form of all power, the giver of all prosperity; you are indescribable in the Veda; no one knows you.
AI translation rendered from the Sanskrit, not a published edition
BvP 4 88.34
सहस्र वक्त्रस्त्वां स्तोतुं न च शक्तः सुरेश्वरि । वेदा न शक्ताः को विद्वान्न च शक्ता सरस्वती
sahasra vaktrastvāṃ stotuṃ na ca śaktaḥ sureśvari | vedā na śaktāḥ ko vidvānna ca śaktā sarasvatī
The thousand-mouthed (Ananta) is not able to praise you, O mistress of the gods; the Vedas are not able — what learned man is? — nor is Sarasvatī able.
AI translation rendered from the Sanskrit, not a published edition
BvP 4 88.35
स्वयं विधाता शक्तो न न च विष्णुः मनातनः । किं स्तौमि पञ्चवक्त्रैस्तु रणत्रस्तो महेश्वरि
svayaṃ vidhātā śakto na na ca viṣṇuḥ manātanaḥ | kiṃ staumi pañcavaktraistu raṇatrasto maheśvari
The Creator himself is not able, nor Viṣṇu the ancient. How shall I praise (you) with my five mouths, terrified in battle, O great goddess?
AI translation rendered from the Sanskrit, not a published edition
BvP 4 88.36
कृपां कुरु महामाये मम शत्रुक्षयं कुरु । इत्युक्त्वा च सकरुणं रथस्थे पतिते रणे
kṛpāṃ kuru mahāmāye mama śatrukṣayaṃ kuru | ityuktvā ca sakaruṇaṃ rathasthe patite raṇe
Show mercy, O great Māyā; bring about the destruction of my enemy!" — thus he spoke piteously, standing in his chariot, having fallen (i.e. brought down) in the battle.
AI translation rendered from the Sanskrit, not a published edition — the model flagged this verse as uncertain
BvP 4 88.37
आविर्बभूव सा दुर्गा सूर्यकोटिसमप्रभा । नारायणेन कृपया प्रेरिता परमात्मना
āvirbabhūva sā durgā sūryakoṭisamaprabhā | nārāyaṇena kṛpayā preritā paramātmanā
That Durgā appeared, with the radiance of ten million suns, sent out of compassion by Nārāyaṇa, the supreme Self,
AI translation rendered from the Sanskrit, not a published edition
BvP 4 88.38
शिवस्य पुरतः शीघ्रं शिवाय च जयाय च । इत्युवाच महादेवी मायाशक्त्याऽसुरं जहि
śivasya purataḥ śīghraṃ śivāya ca jayāya ca | ityuvāca mahādevī māyāśaktyā'suraṃ jahi
at once before Śiva, for (his) welfare and for (his) victory; and the great goddess said this: "Slay the demon by the power of illusion."
AI translation rendered from the Sanskrit, not a published edition
BvP 4 88.39
दुर्गोवाच वरं वृणीष्व भद्रं ते यत्ते मनसि वाञ्छितम् । भवान्वरः सुराणां च जयं तुभ्यं ददाम्यहम्
durgovāca varaṃ vṛṇīṣva bhadraṃ te yatte manasi vāñchitam | bhavānvaraḥ surāṇāṃ ca jayaṃ tubhyaṃ dadāmyaham
Durgā said: Choose a boon — blessings on you — whatever is desired in your mind. You are the best of the gods, and I grant you victory.
AI translation rendered from the Sanskrit, not a published edition
BvP 4 88.40
महादेव उवाच क्षयो भवतु दैत्यस्य इति मे वरमीश्वरी । देहीति वाञ्छितं दुर्गे परमाद्ये मलातनि
mahādeva uvāca kṣayo bhavatu daityasya iti me varamīśvarī | dehīti vāñchitaṃ durge paramādye malātani
Mahādeva said: "Let there be the destruction of the demon" — that is my boon, O mistress; grant (me) that which is desired, O Durgā, supreme primal one, ...
AI translation rendered from the Sanskrit, not a published edition — the model flagged this verse as uncertain
BvP 4 88.41
भगवत्युवाच हरिं स्मर महाभागा जय दैत्यं जगद्गुरुः । स्वयं विधाता भगवांस्त्वमेव ज्योतिरीश्वरः
bhagavatyuvāca hariṃ smara mahābhāgā jaya daityaṃ jagadguruḥ | svayaṃ vidhātā bhagavāṃstvameva jyotirīśvaraḥ
The Blessed Goddess said: Remember Hari, O greatly fortunate one; conquer the demon, O teacher of the world. You yourself are the Creator, the Lord, the very Lord of light.
AI translation rendered from the Sanskrit, not a published edition
BvP 4 88.42
एतस्मिन्नन्तरे विष्णुर्वृषरूपो बभूव ह । दधार कलया मूर्ध्ना शूलपाणे रथं विभुः
etasminnantare viṣṇurvṛṣarūpo babhūva ha | dadhāra kalayā mūrdhnā śūlapāṇe rathaṃ vibhuḥ
Meanwhile Viṣṇu became bull-formed indeed; with a portion (of himself) the all-pervading one bore on his head the chariot of the trident-bearer.
AI translation rendered from the Sanskrit, not a published edition
BvP 4 88.43
ऊर्ध्वचक्रमथोग्रं च प्रकृतिं च चकार सः । शस्त्रं ददौ मन्त्रपूतमुद्दधार ततो रथम्
ūrdhvacakramathograṃ ca prakṛtiṃ ca cakāra saḥ | śastraṃ dadau mantrapūtamuddadhāra tato ratham
And he made the wheel upright and terrible, and (made) the nature (of it); he gave the weapon consecrated by mantra, and then lifted up the chariot.
AI translation rendered from the Sanskrit, not a published edition — the model flagged this verse as uncertain
BvP 4 88.44
शिवः शस्त्रं गृहीत्वा च ध्यात्वा विष्णुं महेश्वरीम् । जघान त्रिपुरं शीघ्रं स पपात महीतले
śivaḥ śastraṃ gṛhītvā ca dhyātvā viṣṇuṃ maheśvarīm | jaghāna tripuraṃ śīghraṃ sa papāta mahītale
And Śiva, taking the weapon and meditating on Viṣṇu and the great goddess, swiftly struck down Tripura, and he fell to the ground.
AI translation rendered from the Sanskrit, not a published edition
BvP 4 88.45
तुष्टुवुः शंकरं देवाश्चकुश्च पुष्पवर्षणम् । दुर्गा तस्मै ददौ शूरं पिनाकं विष्णुरेव च
tuṣṭuvuḥ śaṃkaraṃ devāścakuśca puṣpavarṣaṇam | durgā tasmai dadau śūraṃ pinākaṃ viṣṇureva ca
The gods praised Śaṃkara and made a rain of flowers; Durgā gave him a hero (?), and Viṣṇu (gave him) the Pināka bow.
AI translation rendered from the Sanskrit, not a published edition — the model flagged this verse as uncertain
BvP 4 88.46
ब्रह्मा शुभाशिषं चैव मुनयश्चापि हर्षिताः । ननृतुर्देवताः सर्वा जगुर्गन्धर्वकिन्नराः
brahmā śubhāśiṣaṃ caiva munayaścāpi harṣitāḥ | nanṛturdevatāḥ sarvā jagurgandharvakinnarāḥ
And Brahmā (gave) an auspicious benediction, and the sages too were delighted; all the deities danced, the Gandharvas and Kinnaras sang.
AI translation rendered from the Sanskrit, not a published edition
BvP 4 88.47
एतस्मिन्नन्तरे तात स्तवराजमनुत्तमम् । विघ्नविघ्नकरं शीघ्रं शत्रुसंहारकारणम्
etasminnantare tāta stavarājamanuttamam | vighnavighnakaraṃ śīghraṃ śatrusaṃhārakāraṇam
Meanwhile, my dear, (there arose) the unsurpassed king of hymns, which swiftly makes an obstacle to obstacles, which causes the destruction of enemies,
AI translation rendered from the Sanskrit, not a published edition
BvP 4 88.48
परमैश्वर्यजनकं सुखदं परमं शुभम् । निर्वाणमोक्षदं चैव हरिभक्तिप्रदं ध्रुवम्
paramaiśvaryajanakaṃ sukhadaṃ paramaṃ śubham | nirvāṇamokṣadaṃ caiva haribhaktipradaṃ dhruvam
which produces supreme sovereignty, gives happiness, is supremely auspicious, gives extinction and liberation, and surely bestows devotion to Hari,
AI translation rendered from the Sanskrit, not a published edition
BvP 4 88.49
गोलोकवासदं चैव सर्वसिद्धिप्रदं वरम् । स्तोत्रराजप्रपठनात्प्रसन्ना पार्वती सदा
golokavāsadaṃ caiva sarvasiddhipradaṃ varam | stotrarājaprapaṭhanātprasannā pārvatī sadā
and which gives dwelling in Goloka, the excellent (hymn) bestowing all attainments; by the recitation of this king of hymns Pārvatī is always pleased.
AI translation rendered from the Sanskrit, not a published edition
BvP 4 88.50
लोभमोहकामक्रोधकर्ममूलनिकृन्तनम् । बलबुद्धिकरं चैव जन्ममृत्युविनाशनम्
lobhamohakāmakrodhakarmamūlanikṛntanam | balabuddhikaraṃ caiva janmamṛtyuvināśanam
It cuts out the root of greed, delusion, desire, anger and (binding) action; it produces strength and intelligence, and destroys birth and death;
AI translation rendered from the Sanskrit, not a published edition
BvP 4 88.51
धनपुत्रप्रियाभूमिसर्वसंपत्प्रदं नृणाम् । शोकदुःखहरं चैव सर्वामिद्धिप्रदं वरम्
dhanaputrapriyābhūmisarvasaṃpatpradaṃ nṛṇām | śokaduḥkhaharaṃ caiva sarvāmiddhipradaṃ varam
it gives men wealth, sons, a beloved wife, land and all prosperity; it removes grief and pain, and is the excellent giver of all attainments.
AI translation rendered from the Sanskrit, not a published edition
BvP 4 88.52
स्तोत्रराजप्रपठनान्महावन्ध्या प्रसूयते । वन्धनान्मुच्यते दुःखी भयान्मुच्येत निश्चितम्
stotrarājaprapaṭhanānmahāvandhyā prasūyate | vandhanānmucyate duḥkhī bhayānmucyeta niścitam
By reciting this king of hymns even a greatly barren woman bears a child; the sorrowful is freed from bondage, and (one) is surely freed from fear.
AI translation rendered from the Sanskrit, not a published edition
BvP 4 88.53
रोगाद्विमुच्यते रोगी दरिद्रश्च धनी भवेन् । दावाग्निमध्ये न मृतो मग्नः पोतो महार्णवे
rogādvimucyate rogī daridraśca dhanī bhaven | dāvāgnimadhye na mṛto magnaḥ poto mahārṇave
The sick man is freed from disease, and the poor man becomes rich; (one) does not die in the midst of a forest fire, (nor when) the ship is sunk in the great ocean.
AI translation rendered from the Sanskrit, not a published edition
BvP 4 88.54
दस्युग्रस्तो निपुग्रस्तो हिंस्रजन्तुसमन्वितः । स्तोत्रेणानेन वैश्येन्द्र कल्याणं लभते नरः
dasyugrasto nipugrasto hiṃsrajantusamanvitaḥ | stotreṇānena vaiśyendra kalyāṇaṃ labhate naraḥ
Seized by robbers, seized by (enemies?), beset by predatory creatures — by this hymn, O chief of merchants, a man obtains well-being.
AI translation rendered from the Sanskrit, not a published edition — the model flagged this verse as uncertain
BvP 4 88.55
तैजसानां यथा रत्नमाश्रमाणां द्विजो यथा । नदीनां च यथा गङ्गा मन्त्राणां प्रणवो यथा
taijasānāṃ yathā ratnamāśramāṇāṃ dvijo yathā | nadīnāṃ ca yathā gaṅgā mantrāṇāṃ praṇavo yathā
As the jewel among bright things, as the twice-born among the (four) stages of life, as the Gaṅgā among rivers, as the praṇava (Om) among mantras,
AI translation rendered from the Sanskrit, not a published edition
BvP 4 88.56
तुलसी सर्वपत्राणां धराणां च वसुंधरा । पुष्पाणां पारिजातं च काष्ठानां चन्दनं यथा
tulasī sarvapatrāṇāṃ dharāṇāṃ ca vasuṃdharā | puṣpāṇāṃ pārijātaṃ ca kāṣṭhānāṃ candanaṃ yathā
as tulasī among all leaves, and the earth among supports, and the pārijāta among flowers, as sandal among woods,
AI translation rendered from the Sanskrit, not a published edition
BvP 4 88.57
विष्णुपूजा च तपसां व्रतेष्वेकादशी यथा । ज्ञानिनां च यथा शंभुः सिद्धानां च गणेश्वरः
viṣṇupūjā ca tapasāṃ vrateṣvekādaśī yathā | jñānināṃ ca yathā śaṃbhuḥ siddhānāṃ ca gaṇeśvaraḥ
and the worship of Viṣṇu among austerities, as the eleventh day among vows, and as Śambhu among the knowers, and Gaṇeśvara among the perfected,
AI translation rendered from the Sanskrit, not a published edition
BvP 4 88.58
देवानां च यथा विष्णुर्वेदाः शास्त्रेषु तन्त्रतः । देवीनां च यथा दुर्गा शान्तानां कमला यथा
devānāṃ ca yathā viṣṇurvedāḥ śāstreṣu tantrataḥ | devīnāṃ ca yathā durgā śāntānāṃ kamalā yathā
and as Viṣṇu among the gods, the Vedas among the scriptures according to the tantra, and as Durgā among the goddesses, as Kamalā among the tranquil,
AI translation rendered from the Sanskrit, not a published edition
BvP 4 88.59
सरस्वती च विदुषां राधिका सुन्दरीषु च । तथा स्तोत्रेष्विदं स्तोत्रं नातः परतरं व्रज
sarasvatī ca viduṣāṃ rādhikā sundarīṣu ca | tathā stotreṣvidaṃ stotraṃ nātaḥ parataraṃ vraja
and Sarasvatī among the learned, and Rādhikā among beautiful women — so is this hymn among hymns; there is nothing higher than this, O Vraja(-dweller).
AI translation rendered from the Sanskrit, not a published edition
BvP 4 88.60
पुरा दत्तं ब्रह्मणे च पुष्करे सूर्यपर्वणि । दैत्यग्रस्ताय भीताय सर्वदुर्गहरं परम्
purā dattaṃ brahmaṇe ca puṣkare sūryaparvaṇi | daityagrastāya bhītāya sarvadurgaharaṃ param
Formerly it was given to Brahmā at Puṣkara on a solar festival day, (to him) who was seized by a demon and afraid — (this hymn) the supreme remover of all distress.
AI translation rendered from the Sanskrit, not a published edition
BvP 4 88.61
शिवाय शत्रुग्रस्ताय ददौ ब्रह्मा मदाज्ञया । शिवश्च सनकादिभ्यः पुरा दुर्वाससे ददौ
śivāya śatrugrastāya dadau brahmā madājñayā | śivaśca sanakādibhyaḥ purā durvāsase dadau
Brahmā, by my command, gave it to Śiva when he was beset by enemies; and Śiva gave it to Sanaka and the others, and formerly to Durvāsas.
AI translation rendered from the Sanskrit, not a published edition
BvP 4 88.62
सनत्कुमारो भगवान्कृपया गौतमाय च । पुलहाय पुलस्त्याय ददौ चाङ्गिरसे मुदा
sanatkumāro bhagavānkṛpayā gautamāya ca | pulahāya pulastyāya dadau cāṅgirase mudā
And the lord Sanatkumāra out of compassion (gave it) to Gautama, and gladly gave it to Pulaha, to Pulastya, and to Aṅgiras.
AI translation rendered from the Sanskrit, not a published edition
BvP 4 88.63
तथा यन्द्राय सूर्याय सूर्यश्चापि यमाय च । यमाश्च चित्रगुप्ताय कृपया च पुरा ददौ
tathā yandrāya sūryāya sūryaścāpi yamāya ca | yamāśca citraguptāya kṛpayā ca purā dadau
Likewise (he gave it) to the Moon and to the Sun, and the Sun in turn to Yama, and Yama out of compassion formerly gave it to Citragupta.
AI translation rendered from the Sanskrit, not a published edition
BvP 4 88.64
नित्यं पठिष्यसि स्तोत्रं गोलोकगमनाय वै । साक्षात्पश्यसि भो तात तामेव पार्वतीमिह
nityaṃ paṭhiṣyasi stotraṃ golokagamanāya vai | sākṣātpaśyasi bho tāta tāmeva pārvatīmiha
You shall recite this hymn daily, for the sake of going to Goloka; and, dear one, you will see that very Pārvatī here with your own eyes.
AI translation rendered from the Sanskrit, not a published edition
BvP 4 88.65
यस्मै कस्मै न दातव्यं पापिने गोपनं कुरु । नारायणस्य भक्ताय शान्ताय विदुषे तथा
yasmai kasmai na dātavyaṃ pāpine gopanaṃ kuru | nārāyaṇasya bhaktāya śāntāya viduṣe tathā
It is not to be given to just anyone; keep it hidden from the sinner. But to a devotee of Nārāyaṇa, to one who is tranquil and learned,
AI translation rendered from the Sanskrit, not a published edition
BvP 4 88.66
सर्वज्ञाय च विप्राय दातव्यं च प्रयत्नतः । विप्राय वृषवाहाय वृषलीवतये तथा
sarvajñāya ca viprāya dātavyaṃ ca prayatnataḥ | viprāya vṛṣavāhāya vṛṣalīvataye tathā
and to an all-knowing brahmin it should be given with care — (but not) to a brahmin who rides a bull, nor to the husband of a śūdra woman,
AI translation rendered from the Sanskrit, not a published edition — the model flagged this verse as uncertain
BvP 4 88.67
शूद्राणां सूपकाराय शूद्रक्षाद्धान्नभोजिने । कन्याविक्रचिणे चैव ब्राह्मणाय विशेषतः
śūdrāṇāṃ sūpakārāya śūdrakṣāddhānnabhojine | kanyāvikraciṇe caiva brāhmaṇāya viśeṣataḥ
nor to a cook for śūdras, nor to one who eats food from a śūdra, nor to one who sells his daughter, and especially not (if he is) a brahmin.
AI translation rendered from the Sanskrit, not a published edition — the model flagged this verse as uncertain
BvP 4 88.68
सर्वसिद्धिं च लभते सिद्धस्तोत्रे भवेद्यदि । दशायुतजपेनैव सिद्धस्तोत्रो भवेन्नरः
sarvasiddhiṃ ca labhate siddhastotre bhavedyadi | daśāyutajapenaiva siddhastotro bhavennaraḥ
And he obtains every accomplishment, if the hymn becomes accomplished (for him); by the muttering of a hundred thousand (repetitions) a man becomes one for whom the hymn is accomplished.
AI translation rendered from the Sanskrit, not a published edition — the model flagged this verse as uncertain
BvP 4 88.69
अग्निस्तमभं जलस्तम्भं मृत्स्तम्भं मनसस्तथा । अश्वमेधसहस्राच्च पृथिव्याश्च प्रदक्षिणात्
agnistamabhaṃ jalastambhaṃ mṛtstambhaṃ manasastathā | aśvamedhasahasrācca pṛthivyāśca pradakṣiṇāt
The stopping of fire, the stopping of water, the stopping of death, and of the mind (are gained by it); and (more) than a thousand horse-sacrifices and than circumambulating the earth,
AI translation rendered from the Sanskrit, not a published edition — the model flagged this verse as uncertain
BvP 4 88.70
स्नानाच्च सर्वतीर्थानां स्तोत्रमेतच्च पुण्यदम् । दत्तं तुभ्यं मया तात मम प्राणसमं व्रज
snānācca sarvatīrthānāṃ stotrametacca puṇyadam | dattaṃ tubhyaṃ mayā tāta mama prāṇasamaṃ vraja
and than bathing at all the sacred fords, this hymn is the giver of merit. It has been given to you by me, dear one; it is equal to my own life, O Vraja(-dweller).
AI translation rendered from the Sanskrit, not a published edition
BvP 4 88.71
स्तवनं कुरु पार्वत्याश्चेदानीं मम संसदि । श्रीकृष्णस्य वचः श्रुत्वा नन्दस्तुष्टाव पार्वतीम्
stavanaṃ kuru pārvatyāścedānīṃ mama saṃsadi | śrīkṛṣṇasya vacaḥ śrutvā nandastuṣṭāva pārvatīm
Now make praise of Pārvatī in my assembly. Having heard Śrī Kṛṣṇa's words, Nanda praised Pārvatī.
AI translation rendered from the Sanskrit, not a published edition
BvP 4 88.72
स्तोत्रेणानेन विप्रेन्द्र सर्वसंपत्प्रदायिनीम् । वरं तस्मै ददौ दुर्गा गोलोकवासमीप्सितम्
stotreṇānena viprendra sarvasaṃpatpradāyinīm | varaṃ tasmai dadau durgā golokavāsamīpsitam
"By this hymn, best of brahmins, (he praised her who) bestows every prosperity"; and Durgā gave him the boon he desired: dwelling in Goloka,
AI translation rendered from the Sanskrit, not a published edition
BvP 4 88.73
दुर्लभं परमं ज्ञानं वेदे यन्न श्रुतं मुने । राजेन्द्रत्वं गोकुले च कृष्णभक्तिं सुदुर्लभाम्
durlabhaṃ paramaṃ jñānaṃ vede yanna śrutaṃ mune | rājendratvaṃ gokule ca kṛṣṇabhaktiṃ sudurlabhām
and the supreme knowledge, hard to obtain, which is not heard of in the Veda, O sage; and kingship over kings in Gokula, and devotion to Kṛṣṇa, very hard to win,
AI translation rendered from the Sanskrit, not a published edition
BvP 4 88.74
तद्दास्वं चावि परतो महत्त्वं सिद्धमेव च । वरं दत्त्वा ययौ दुर्गा संभाष्य शंभुना सह
taddāsvaṃ cāvi parato mahattvaṃ siddhameva ca | varaṃ dattvā yayau durgā saṃbhāṣya śaṃbhunā saha
and servitude to him, and greatness surpassing others, and perfection as well. Having given the boon, Durgā departed, after conversing, together with Śambhu.
AI translation rendered from the Sanskrit, not a published edition — the model flagged this verse as uncertain
BvP 4 88.75
जग्मुर्देवाश्च मुनयः स्तुत्वा च नन्दनन्दनम् । उवाच नन्दं श्रीकृष्णो व्रज नन्द व्रजान्वितः ।। प्रहष्टस्त्यक्तमोहश्च बोधेन दुर्लभेन च
jagmurdevāśca munayaḥ stutvā ca nandanandanam | uvāca nandaṃ śrīkṛṣṇo vraja nanda vrajānvitaḥ || prahaṣṭastyaktamohaśca bodhena durlabhena ca
And the gods and the sages went away, having praised the son of Nanda. Śrī Kṛṣṇa said to Nanda: "Go, Nanda, go with the people of Vraja" — (and Nanda went) greatly delighted, his delusion abandoned, through that rare awakening.
AI translation rendered from the Sanskrit, not a published edition — the model flagged this verse as uncertain
BvP 4 88.88
इति श्रीब्रह्मo महाo श्रीकृष्मजन्मखo उत्तo नारदनाo भगवन्नन्दसंo
iti śrībrahmao mahāo śrīkṛṣmajanmakhao uttao nāradanāo bhagavannandasaṃo
Thus (ends the section) in the Śrī Brahmavaivarta, the great (Purāṇa), in the Śrī Kṛṣṇa-birth Book, the latter (portion), in the Nārada narration, (the chapter on) the Lord's conversation with Nanda.
AI translation rendered from the Sanskrit, not a published edition — the model flagged this verse as uncertain