Brahmavaivarta Purana — Krishnajanma Khanda — Chapter 14
BvP 4 14.1
।। श्रीनारायण उवाच ।। एकदा नन्दपत्नी च स्नानार्थं यमुनां ययौ ।। गव्यपूर्णं गृहं दृष्ट्वा जहास मधुसूदनः
|| śrīnārāyaṇa uvāca || ekadā nandapatnī ca snānārthaṃ yamunāṃ yayau || gavyapūrṇaṃ gṛhaṃ dṛṣṭvā jahāsa madhusūdanaḥ
Śrī Nārāyaṇa said: Once Nanda's wife went to the Yamunā to bathe; seeing the house full of milk-products, Madhusūdana laughed.
AI translation rendered from the Sanskrit, not a published edition
BvP 4 14.2
दधिदुग्धाज्यतक्रं च नवनीतं मनोरमम् ।। गृहस्थितं च यत्किंचिच्चखाद मधुसूदनः
dadhidugdhājyatakraṃ ca navanītaṃ manoramam || gṛhasthitaṃ ca yatkiṃciccakhāda madhusūdanaḥ
Curd, milk, ghee and buttermilk, and delightful fresh butter — whatever was in the house, Madhusūdana ate it.
AI translation rendered from the Sanskrit, not a published edition
BvP 4 14.3
मधु हैयङ्गवीनं यत्स्वस्तिकं शकटस्थितम् ।। भुक्त्वा पीत्वांऽशुकैर्वक्त्रसंस्कारं कर्तुमुद्यतम्
madhu haiyaṅgavīnaṃ yatsvastikaṃ śakaṭasthitam || bhuktvā pītvāṃ'śukairvaktrasaṃskāraṃ kartumudyatam
Having eaten and drunk the honey, the fresh butter, the sweet cake that was standing in the cart, (he) set about wiping his mouth with his garments.
AI translation rendered from the Sanskrit, not a published edition — the model flagged this verse as uncertain
BvP 4 14.4
ददर्श बालकं गोपी स्नात्वाऽऽगत्य स्वमन्दिरम् ।। गव्यशून्यं भग्नभाण्डं मध्वादिरिक्तभाजनम् विश्रान्तां मातरं दृष्ट्वा कृपालुः पुरुषोत्तमः ।। संतस्थौ पुरतो मातुः सस्मितो जगदीश्वरः ।। पुत्रं बद्ध्वा गव्यहेतोर्वृक्षमूले च निष्ठुरे।। गृहकर्मणि व्यग्रायां दैवाद्वृक्षः पपात ह निर्जने सरसस्तीरे पुष्पोद्याने मनोहरे ।। वटवृक्षसमीपे च सौरभे पुष्पवायुना वृक्षत्वं याहि पापिष्ठेत्युवाच मुनिपुंगवः।। शशाप रम्भां कामार्तां मानुषी त्वं भवेति च तया निवार्यमाणश्च रेमे तत्र तया सह ।। मूर्च्छामवाप शक्रश्च बुबुधे न दिवानिशम्
dadarśa bālakaṃ gopī snātvā''gatya svamandiram || gavyaśūnyaṃ bhagnabhāṇḍaṃ madhvādiriktabhājanam viśrāntāṃ mātaraṃ dṛṣṭvā kṛpāluḥ puruṣottamaḥ || saṃtasthau purato mātuḥ sasmito jagadīśvaraḥ || putraṃ baddhvā gavyahetorvṛkṣamūle ca niṣṭhure|| gṛhakarmaṇi vyagrāyāṃ daivādvṛkṣaḥ papāta ha nirjane sarasastīre puṣpodyāne manohare || vaṭavṛkṣasamīpe ca saurabhe puṣpavāyunā vṛkṣatvaṃ yāhi pāpiṣṭhetyuvāca munipuṃgavaḥ|| śaśāpa rambhāṃ kāmārtāṃ mānuṣī tvaṃ bhaveti ca tayā nivāryamāṇaśca reme tatra tayā saha || mūrcchāmavāpa śakraśca bubudhe na divāniśam
The cowherd woman, having bathed and come to her own house, saw the boy, and the house empty of dairy things, the pots broken, the vessels of honey and the rest emptied. Seeing his mother worn out, the compassionate Supreme Person, the Lord of the world, stood smiling before his mother. Having bound her son to the root of a tree on account of the dairy things, harshly — while she was busy with household work, by fate the tree fell. In a deserted spot, on the bank of a lake, in a lovely flower-garden, near a banyan tree, fragrant with the flower-laden breeze — 'Go to the state of a tree, most wicked one!' said the best of sages; and he cursed Rambhā, tormented by desire, 'Become a human woman.' And though restrained by her, he took pleasure there with her; and Śakra fell into a swoon and did not know day from night.
AI translation rendered from the Sanskrit, not a published edition — the model flagged this verse as uncertain
BvP 4 14.5
दृष्ट्वा पप्रच्छ बालांश्च अहो कर्मेदमद्भुतम्।। यूयं वदत सत्यं च कृतं केन सुदारुणम्
dṛṣṭvā papraccha bālāṃśca aho karmedamadbhutam|| yūyaṃ vadata satyaṃ ca kṛtaṃ kena sudāruṇam
Seeing (this), she asked the boys: "Oh, this deed is astonishing! Speak the truth: by whom was this very cruel thing done?"
AI translation rendered from the Sanskrit, not a published edition
BvP 4 14.6
यशोदावचनं श्रुत्वा सर्वमूचुश्च बालकाः ।। चखाद सत्यं बालस्ते नास्मभ्यं दत्तमेव च
yaśodāvacanaṃ śrutvā sarvamūcuśca bālakāḥ || cakhāda satyaṃ bālaste nāsmabhyaṃ dattameva ca
Hearing Yaśodā's words, all the boys said: "Truly your boy ate it, and he gave us none of it."
AI translation rendered from the Sanskrit, not a published edition
BvP 4 14.7
बालानां वचनं श्रुत्वा चुकोप नन्दगेहिनी ।। वेत्रं गृहीत्वा दुद्राव रक्तपङ्कजलोचना
bālānāṃ vacanaṃ śrutvā cukopa nandagehinī || vetraṃ gṛhītvā dudrāva raktapaṅkajalocanā
Hearing the boys' words, Nanda's wife grew angry; taking a cane she ran, her eyes red as lotuses.
AI translation rendered from the Sanskrit, not a published edition
BvP 4 14.8
पलायमानं गोविन्दं ग्रहीतुं न शशाक ह ।। ध्यानासाध्यं शिवादीनां दुरापमपि योगिनाम्
palāyamānaṃ govindaṃ grahītuṃ na śaśāka ha || dhyānāsādhyaṃ śivādīnāṃ durāpamapi yoginām
She could not catch Govinda as he fled — him whom Śiva and the others cannot attain by meditation, hard to reach even for yogins.
AI translation rendered from the Sanskrit, not a published edition
BvP 4 14.9
यशोदा भ्रमणं कृत्वा विश्रान्ता घर्मसंयुता ।। तस्थौ कोपपरी तात्मा शुष्ककण्ठौष्ठतालुका
yaśodā bhramaṇaṃ kṛtvā viśrāntā gharmasaṃyutā || tasthau kopaparī tātmā śuṣkakaṇṭhauṣṭhatālukā
Yaśodā, having run about, stopped, exhausted and covered in sweat, her mind full of anger, her throat, lips and palate dry.
AI translation rendered from the Sanskrit, not a published edition
BvP 4 14.11
करे धृत्वा च तं देवी समानीय स्वमालयम्।। बद्ध्वा वस्त्रेण वृक्षे च तताड मधुसूदनम्
kare dhṛtvā ca taṃ devī samānīya svamālayam|| baddhvā vastreṇa vṛkṣe ca tatāḍa madhusūdanam
And the lady, taking him by the hand and bringing him to her own house, bound Madhusūdana to a tree with a cloth and struck him.
AI translation rendered from the Sanskrit, not a published edition
BvP 4 14.12
बद्ध्वा कृष्णं यशोदा सा जगाम स्वालयं प्रति ।। हरिस्तस्थौ वृक्षमूले जगतां पतिरीश्वरः
baddhvā kṛṣṇaṃ yaśodā sā jagāma svālayaṃ prati || haristasthau vṛkṣamūle jagatāṃ patirīśvaraḥ
Having bound Kṛṣṇa, Yaśodā went off toward her house; Hari, the Lord and master of the worlds, remained at the foot of the tree.
AI translation rendered from the Sanskrit, not a published edition
BvP 4 14.13
श्रीकृष्णस्पर्शमात्रेण सहसा तत्र नारद ।। पपात वृक्षः शैलाभः शब्दं कृत्वा भयानकम्
śrīkṛṣṇasparśamātreṇa sahasā tatra nārada || papāta vṛkṣaḥ śailābhaḥ śabdaṃ kṛtvā bhayānakam
By the mere touch of Śrī Kṛṣṇa, all at once, O Nārada, the tree, huge as a mountain, fell, making a terrifying sound.
AI translation rendered from the Sanskrit, not a published edition
BvP 4 14.14
सुवेषः पुरुषो दिव्यो वृक्षादाविर्बभूव ह ।। दिव्यस्यन्दनमारुह्य जगाम स्वालयं पुरः
suveṣaḥ puruṣo divyo vṛkṣādāvirbabhūva ha || divyasyandanamāruhya jagāma svālayaṃ puraḥ
A splendid divine man, finely dressed, appeared out of the tree; mounting a divine chariot, he went first to his own abode.
AI translation rendered from the Sanskrit, not a published edition
BvP 4 14.15
प्रणम्य जगतीनाथं शातकौम्भपरिच्छदम् ।। किशोरः सस्मितो गौरो रत्नालङ्कारभूषितः
praṇamya jagatīnāthaṃ śātakaumbhaparicchadam || kiśoraḥ sasmito gauro ratnālaṅkārabhūṣitaḥ
Having bowed to the Lord of the world—(he was) a youth, smiling, fair, adorned with jewelled ornaments, with garments of gold.
AI translation rendered from the Sanskrit, not a published edition — the model flagged this verse as uncertain
BvP 4 14.16
सा वृक्षपतनं दृष्ट्वा भिया त्रस्ता व्रजेश्वरी ।। क्रोडे चकार बालं तं रुदन्तं श्यामसुन्दरम्
sā vṛkṣapatanaṃ dṛṣṭvā bhiyā trastā vrajeśvarī || kroḍe cakāra bālaṃ taṃ rudantaṃ śyāmasundaram
She, the mistress of Vraja, seeing the tree fall, terrified with fear, took onto her lap that crying child, the dark and beautiful one.
AI translation rendered from the Sanskrit, not a published edition
BvP 4 14.17
आजग्मुर्गोकुलस्थाश्च गोपा गोप्यश्च तद्गृहम् ।। यशोदां भर्त्सयामासुः शान्तिं चक्रुः शिशोर्मुदा
ājagmurgokulasthāśca gopā gopyaśca tadgṛham || yaśodāṃ bhartsayāmāsuḥ śāntiṃ cakruḥ śiśormudā
And the cowherds and cowherd women dwelling in Gokula came to that house; they scolded Yaśodā, and joyfully performed a rite of appeasement for the child.
AI translation rendered from the Sanskrit, not a published edition
BvP 4 14.18
अत्यन्तस्थविरे काले तनयोऽयं बभूव ह ।। धनं धान्यं च रत्नं वा तत्सर्वं पुत्रहेतुकम्
atyantasthavire kāle tanayo'yaṃ babhūva ha || dhanaṃ dhānyaṃ ca ratnaṃ vā tatsarvaṃ putrahetukam
"This son was born (to you) at an extremely advanced age; wealth, grain, and jewels—all that is for the sake of a son."
AI translation rendered from the Sanskrit, not a published edition
BvP 4 14.19
सुमतिर्नास्ति ते सत्यं ज्ञातं नन्दव्रजेश्वरि ।। न भक्षितं यत्पुत्रेण तत्सर्वं निष्फलं भुवि
sumatirnāsti te satyaṃ jñātaṃ nandavrajeśvari || na bhakṣitaṃ yatputreṇa tatsarvaṃ niṣphalaṃ bhuvi
"Truly you have no good sense—(this) is known, O Nanda's wife, mistress of Vraja; whatever is not enjoyed by one's son, all that is fruitless on earth."
AI translation rendered from the Sanskrit, not a published edition
BvP 4 14.21
वृक्षस्य पतनाद्गोपी भाग्याद्बालोऽपि जीवितः ।। प्रनष्टे बालके मूढे वस्तूनां किं प्रयोजनम्
vṛkṣasya patanādgopī bhāgyādbālo'pi jīvitaḥ || pranaṣṭe bālake mūḍhe vastūnāṃ kiṃ prayojanam
"O cowherdess, even though the tree fell, by good fortune the boy lived; if the boy had perished, O foolish woman, what use would there be for possessions?"
AI translation rendered from the Sanskrit, not a published edition
BvP 4 14.22
आशिषं युयुजुर्विप्रा बन्दिनश्च शुभावहाम् ।। द्विजेन कारयामासुर्नामसंकीर्तनं हरेः
āśiṣaṃ yuyujurviprā bandinaśca śubhāvahām || dvijena kārayāmāsurnāmasaṃkīrtanaṃ hareḥ
The brahmins and the bards pronounced an auspicious blessing; through a brahmin they had the chanting of Hari's name performed.
AI translation rendered from the Sanskrit, not a published edition
BvP 4 14.23
एवं कृत्वा जनाः सर्वे प्रययुर्निजमन्दिरम् ।। उवाच पत्नीं नन्दश्च रक्तपङ्कजलोचनः
evaṃ kṛtvā janāḥ sarve prayayurnijamandiram || uvāca patnīṃ nandaśca raktapaṅkajalocanaḥ
Having done so, all the people went away to their own homes; and Nanda, his eyes (red) like a red lotus, spoke to his wife.
AI translation rendered from the Sanskrit, not a published edition
BvP 4 14.24
नन्द उवाच ।। यास्यामि तीर्थमद्यैव कण्ठे कृत्वा तु बालकम् ।। अथवा त्वं गृहाद्गच्छ त्वया मे किं प्रयोजनम्
nanda uvāca || yāsyāmi tīrthamadyaiva kaṇṭhe kṛtvā tu bālakam || athavā tvaṃ gṛhādgaccha tvayā me kiṃ prayojanam
Nanda said: This very day I shall go to a holy place, taking the boy on my neck; or else you leave the house—what use have I for you?
AI translation rendered from the Sanskrit, not a published edition
BvP 4 14.25
शतकूपाधिका वापी शतवापीसमं सरः ।। सरःशताधिको यज्ञः पुत्रो यज्ञशताधिकः
śatakūpādhikā vāpī śatavāpīsamaṃ saraḥ || saraḥśatādhiko yajñaḥ putro yajñaśatādhikaḥ
A tank is greater than a hundred wells; a lake equals a hundred tanks; a sacrifice is greater than a hundred lakes; a son is greater than a hundred sacrifices.
AI translation rendered from the Sanskrit, not a published edition
BvP 4 14.26
तपोदानोद्भवं पुण्यं जन्मान्तरसुखप्रदम् ।। सुखप्रदोऽपि सत्पुत्र इहैव च परत्र च
tapodānodbhavaṃ puṇyaṃ janmāntarasukhapradam || sukhaprado'pi satputra ihaiva ca paratra ca
The merit arising from austerity and giving bestows happiness in another birth; but a good son bestows happiness both here and in the world beyond.
AI translation rendered from the Sanskrit, not a published edition
BvP 4 14.27
पुत्रादपि परो बन्धुर्न भूतो न भविष्यति ।। एवमुक्त्वा स्वभार्यां च तस्थौ नन्दः स्वमन्दिरे।। यशोदा रोहिणी चैव नियुक्ता गृहकर्मणि
putrādapi paro bandhurna bhūto na bhaviṣyati || evamuktvā svabhāryāṃ ca tasthau nandaḥ svamandire|| yaśodā rohiṇī caiva niyuktā gṛhakarmaṇi
There has never been, nor will there be, a kinsman greater than a son. Having spoken thus to his wife, Nanda remained in his own house; and Yaśodā and Rohiṇī were engaged in the household work.
AI translation rendered from the Sanskrit, not a published edition
BvP 4 14.28
नारद उवाच ।। सुवेषः पुरुषः को वा वृक्षरूपी च गोकुले ।। भगवन्हेतुना केन वृक्षत्वं समवाप ह
nārada uvāca || suveṣaḥ puruṣaḥ ko vā vṛkṣarūpī ca gokule || bhagavanhetunā kena vṛkṣatvaṃ samavāpa ha
Nārada said: Who was that finely dressed man who had the form of a tree in Gokula? Lord, for what reason did he attain the state of a tree?
AI translation rendered from the Sanskrit, not a published edition
BvP 4 14.29
।। नारायण उवाच ।। कुबेरतनयः श्रीमान्नाम्ना यो नलकूबरः ।। जगाम नन्दनवनं क्रीडार्थं सह रम्भया
|| nārāyaṇa uvāca || kuberatanayaḥ śrīmānnāmnā yo nalakūbaraḥ || jagāma nandanavanaṃ krīḍārthaṃ saha rambhayā
Nārāyaṇa said: Kubera's son, the illustrious one named Nalakūbara, went to the Nandana grove with Rambhā for the sake of pleasure.
AI translation rendered from the Sanskrit, not a published edition
BvP 4 14.31
विधाय पुष्पशयने रत्नदीपैश्च दीपितम् ।। चन्दनागुरुकस्तूरीकुङ्कुमद्रवसंयुतम्
vidhāya puṣpaśayane ratnadīpaiśca dīpitam || candanāgurukastūrīkuṅkumadravasaṃyutam
Having prepared a flower-bed, lit up with jewel-lamps, furnished with liquid sandal, aloe, musk, and saffron,
AI translation rendered from the Sanskrit, not a published edition
BvP 4 14.32
परितः पुष्पमाल्यैश्च क्षौमवस्त्रैश्च वेष्टितम्।। तत्र रम्भां समानीय विजहार यथेच्छया
paritaḥ puṣpamālyaiśca kṣaumavastraiśca veṣṭitam|| tatra rambhāṃ samānīya vijahāra yathecchayā
and wrapped all around with flower-garlands and linen cloths—bringing Rambhā there, he enjoyed himself at will.
AI translation rendered from the Sanskrit, not a published edition
BvP 4 14.33
शृङ्गाराष्टप्रकारं च विपरीतादिकं सुखम् ।। चुम्बनं षट्प्रकारं च यथास्थाने निरूपितम्
śṛṅgārāṣṭaprakāraṃ ca viparītādikaṃ sukham || cumbanaṃ ṣaṭprakāraṃ ca yathāsthāne nirūpitam
The eightfold amorous play, and the pleasure of the inverted posture and the rest, and the six kinds of kissing, each set out in its proper place—
AI translation rendered from the Sanskrit, not a published edition
BvP 4 14.34
अङ्ग प्रत्यङ्गसंयोगत्रिविधाश्लेषणं मुदा।। नखदन्तकरक्रीडां चकार रसिकेश्वरः
aṅga pratyaṅgasaṃyogatrividhāśleṣaṇaṃ mudā|| nakhadantakarakrīḍāṃ cakāra rasikeśvaraḥ
the lord of connoisseurs joyfully performed the threefold embrace with the joining of limb to limb, and the play of nails, teeth, and hands.
AI translation rendered from the Sanskrit, not a published edition
BvP 4 14.35
जलात्स्थले स्थलात्तोये कामशास्त्रविशारदः ।। रतिभोगप्रकुर्वन्तं ददर्श देवलो मुनिः
jalātsthale sthalāttoye kāmaśāstraviśāradaḥ || ratibhogaprakurvantaṃ dadarśa devalo muniḥ
(Going) from water to land and from land to water, skilled in the science of love—the sage Devala saw him engaged in the enjoyment of love.
AI translation rendered from the Sanskrit, not a published edition
BvP 4 14.36
नग्नां रम्भां मुक्तकेशीं पीनश्रोणिपयोधराम्।। नखदन्तक्षताङ्गीं च पुलकाञ्चितविग्रहाम्
nagnāṃ rambhāṃ muktakeśīṃ pīnaśroṇipayodharām|| nakhadantakṣatāṅgīṃ ca pulakāñcitavigrahām
(He saw) Rambhā naked, her hair loosened, with full hips and breasts, her limbs marked by nails and teeth, her body bristling with gooseflesh,
AI translation rendered from the Sanskrit, not a published edition
BvP 4 14.37
पश्यन्तीं प्राणनाथं च पश्यन्तं सस्मितं मुदा।। वक्रभ्रूभङ्गसंयुक्तां कामुकीं च ददर्श ताम्
paśyantīṃ prāṇanāthaṃ ca paśyantaṃ sasmitaṃ mudā|| vakrabhrūbhaṅgasaṃyuktāṃ kāmukīṃ ca dadarśa tām
gazing at the lord of her life, and (him) gazing (at her) smilingly with delight; joined with the arching of her curved brows — thus lustful he saw her.
AI translation rendered from the Sanskrit, not a published edition
BvP 4 14.38
रत्नकुण्डलयुग्मेन गण्डस्थलविराजिताम्।। विचित्ररत्नमाल्यैश्च पुष्पमाल्यैश्च भूषिताम्
ratnakuṇḍalayugmena gaṇḍasthalavirājitām|| vicitraratnamālyaiśca puṣpamālyaiśca bhūṣitām
(He saw her) with her cheeks made resplendent by a pair of jewelled earrings, adorned with garlands of various gems and with garlands of flowers,
AI translation rendered from the Sanskrit, not a published edition
BvP 4 14.39
किङ्किणीजालसंयुक्तां सिन्दूर बिन्दुसंयुताम् ।। तया युक्तं पुलकितं नोत्तिष्ठन्तं स्मरान्वितम्
kiṅkiṇījālasaṃyuktāṃ sindūra bindusaṃyutām || tayā yuktaṃ pulakitaṃ nottiṣṭhantaṃ smarānvitam
fitted with a net of little bells, marked with a dot of vermilion; and (he saw) him joined with her, bristling (with rapture), not rising up, possessed by desire.
AI translation rendered from the Sanskrit, not a published edition
BvP 4 14.41
जन्मेजयस्य सुभगा भविता कामिनीति च।। त्वमेव गोकुलं गच्छ वृक्षरूपी भवेति च
janmejayasya subhagā bhavitā kāminīti ca|| tvameva gokulaṃ gaccha vṛkṣarūpī bhaveti ca
"She shall become the fair beloved of Janmejaya"; and "You yourself go to Gokula and become one having the form of a tree."
AI translation rendered from the Sanskrit, not a published edition
BvP 4 14.42
श्रीकृष्ण स्पर्शमात्रेण पुनरायास्यसि गृहम् ।। रम्भे त्वमिन्द्रसंयोगात्पुनरायास्यसि ध्रुवम्
śrīkṛṣṇa sparśamātreṇa punarāyāsyasi gṛham || rambhe tvamindrasaṃyogātpunarāyāsyasi dhruvam
"By the mere touch of Śrī Kṛṣṇa you will come back home again. And you, Rambhā, through union with Indra will certainly come back again."
AI translation rendered from the Sanskrit, not a published edition
BvP 4 14.43
इत्येवमुक्त्वा स मुनिर्जगाम निजमन्दिरम्। कुबेरतनयः श्रीमान्स जगाम निजालयम्
ityevamuktvā sa munirjagāma nijamandiram| kuberatanayaḥ śrīmānsa jagāma nijālayam
Having spoken thus, that sage went to his own dwelling; and that glorious son of Kubera went to his own abode.
AI translation rendered from the Sanskrit, not a published edition
BvP 4 14.44
इत्येवं कथितं विप्र रम्भाख्यानं वदामि ते ।। सुचन्द्रस्य गृहे रम्भा ललाभ जन्म भारते
ityevaṃ kathitaṃ vipra rambhākhyānaṃ vadāmi te || sucandrasya gṛhe rambhā lalābha janma bhārate
Thus it has been told, O brahmin; I recount to you the tale of Rambhā: Rambhā obtained birth in Bhārata in the house of Sucandra.
AI translation rendered from the Sanskrit, not a published edition
BvP 4 14.45
कन्या लक्ष्मीस्वरूपा च बभूव सुन्दरी वरा ।। तां च सालंकृतां कृत्वा सुचन्द्रो नृपतीश्वरः
kanyā lakṣmīsvarūpā ca babhūva sundarī varā || tāṃ ca sālaṃkṛtāṃ kṛtvā sucandro nṛpatīśvaraḥ
And the girl became a lovely, excellent maiden, of the very form of Lakṣmī; and having had her adorned, Sucandra, lord of kings,
AI translation rendered from the Sanskrit, not a published edition
BvP 4 14.46
नानाकौतुकसंयुक्तां ददौ जन्मेजयाय च।। जन्मेजयस्य सुभगा बभूव महिषी वरा
nānākautukasaṃyuktāṃ dadau janmejayāya ca|| janmejayasya subhagā babhūva mahiṣī varā
gave her, together with many festive gifts, to Janmejaya; and she became the fair chief queen of Janmejaya.
AI translation rendered from the Sanskrit, not a published edition
BvP 4 14.47
स्थानेस्थाने निर्जने च राजा रेमे तया सह ।। एकदा नृपतिश्रेष्ठश्चाश्वमेधेन दीक्षितः
sthānesthāne nirjane ca rājā reme tayā saha || ekadā nṛpatiśreṣṭhaścāśvamedhena dīkṣitaḥ
In place after place, in solitude, the king took pleasure with her. Once that best of kings was consecrated for a horse sacrifice.
AI translation rendered from the Sanskrit, not a published edition
BvP 4 14.48
अश्वसंगोपनं कृत्वा तस्थौ शक्रश्च मन्दिरे।। यज्ञाश्वं रुचिरं मत्वा कौतुकेन च सुन्दरी
aśvasaṃgopanaṃ kṛtvā tasthau śakraśca mandire|| yajñāśvaṃ ruciraṃ matvā kautukena ca sundarī
Having hidden the horse away, Śakra stayed in the palace; and the beautiful woman, thinking the sacrificial horse lovely, out of curiosity
AI translation rendered from the Sanskrit, not a published edition
BvP 4 14.49
द्रष्टुं जगाम सा साध्वी चाश्वमेकाकिनी मुदा ।। शक्रोऽश्वनिकटे भूत्वा धर्षयामास तां सतीम्
draṣṭuṃ jagāma sā sādhvī cāśvamekākinī mudā || śakro'śvanikaṭe bhūtvā dharṣayāmāsa tāṃ satīm
that virtuous woman went alone and gladly to see the horse; and Śakra, coming to be near the horse, violated that chaste woman.
AI translation rendered from the Sanskrit, not a published edition
BvP 4 14.51
सा च संभोगमात्रेण देहं तत्याज योगतः ।। नृपस्य लज्जया भीत्या शक्रः स्वर्गे जगाम ह
sā ca saṃbhogamātreṇa dehaṃ tatyāja yogataḥ || nṛpasya lajjayā bhītyā śakraḥ svarge jagāma ha
And she, by the mere act of intercourse, abandoned her body by yoga; and Śakra, from shame and fear of the king, went indeed to heaven.
AI translation rendered from the Sanskrit, not a published edition
BvP 4 14.52
राजा श्रुत्वा मृतां दृष्ट्वा विललाप भृशं मुहुः।। यज्ञं समाप्य विप्रेभ्यो ददौ पूर्णां च दक्षिणाम्।।
rājā śrutvā mṛtāṃ dṛṣṭvā vilalāpa bhṛśaṃ muhuḥ|| yajñaṃ samāpya viprebhyo dadau pūrṇāṃ ca dakṣiṇām||
The king, having heard and having seen her dead, lamented greatly again and again; and having completed the sacrifice he gave a full priestly fee to the brahmins.
AI translation rendered from the Sanskrit, not a published edition
BvP 4 14.53
रम्भा च मानवं देहं त्यक्त्वा स्वर्गं जगाम ह ।। इत्येवं कथितं सर्वं वृक्षार्जुनविभञ्जनम्
rambhā ca mānavaṃ dehaṃ tyaktvā svargaṃ jagāma ha || ityevaṃ kathitaṃ sarvaṃ vṛkṣārjunavibhañjanam
And Rambhā, abandoning her human body, went indeed to heaven. Thus all has been told — the breaking of the arjuna trees,
AI translation rendered from the Sanskrit, not a published edition
BvP 4 14.94
नलकूबरमोक्षश्च रम्भायाश्च महामुने ।। पुण्यदं कृष्णचरितं जन्ममृत्युजरापहम् ।। इत्येवं कथितं सर्वमपरं कथयामि ते
nalakūbaramokṣaśca rambhāyāśca mahāmune || puṇyadaṃ kṛṣṇacaritaṃ janmamṛtyujarāpaham || ityevaṃ kathitaṃ sarvamaparaṃ kathayāmi te
and the release of Nalakūbara and of Rambhā, O great sage. The deed of Kṛṣṇa is bestower of merit and remover of birth, death and old age. Thus all has been told; I shall tell you something further.
AI translation rendered from the Sanskrit, not a published edition