Brahmavaivarta Purana — Krishnajanma Khanda — Chapter 107
BvP 4 107.1
नारायण उवाच अथ कोपपीतश्च बलदेवो महाबलः । हलेन रुक्मियानं च बभञ्ज मुनिपुंगव
nārāyaṇa uvāca atha kopapītaśca baladevo mahābalaḥ | halena rukmiyānaṃ ca babhañja munipuṃgava
Nārāyaṇa said: Then Baladeva of great might, drunk with rage, shattered Rukmī's chariot with his plough, O foremost of sages.
AI translation rendered from the Sanskrit, not a published edition
BvP 4 107.2
घोटकान्सारथिं चैव निहत्य जगतीपतिः । भुमिष्ठं चापि पापिष्ठं रुक्मिं हन्तुं जगाम सः
ghoṭakānsārathiṃ caiva nihatya jagatīpatiḥ | bhumiṣṭhaṃ cāpi pāpiṣṭhaṃ rukmiṃ hantuṃ jagāma saḥ
And having slain the horses and the charioteer as well, that lord of the earth went to kill the utterly sinful Rukmī, who now stood on the ground.
AI translation rendered from the Sanskrit, not a published edition
BvP 4 107.3
रुक्मी च शरजालेन वारयामास लीलया । नागास्त्रं योजयामास बद्धुं हलिनमीश्वरम्
rukmī ca śarajālena vārayāmāsa līlayā | nāgāstraṃ yojayāmāsa baddhuṃ halinamīśvaram
And Rukmī effortlessly held (him) off with a net of arrows, and fitted the serpent-weapon in order to bind the plough-bearing lord.
AI translation rendered from the Sanskrit, not a published edition
BvP 4 107.4
नागास्त्रं गारुडेनैव संजहार हली स्वयम् । जग्राह कोपाद्रुक्मी च परं पाशुपतं मुने
nāgāstraṃ gāruḍenaiva saṃjahāra halī svayam | jagrāha kopādrukmī ca paraṃ pāśupataṃ mune
The plough-bearer himself withdrew the serpent-weapon by means of the Garuḍa-weapon; and Rukmī in anger took up the supreme Pāśupata, O sage.
AI translation rendered from the Sanskrit, not a published edition
BvP 4 107.5
अव्यर्थं वैरिमर्द च शतसूर्यसमप्रभम् । अभितो हलिना रुक्मी जृम्भणास्त्रेण जृम्भितः
avyarthaṃ vairimarda ca śatasūryasamaprabham | abhito halinā rukmī jṛmbhaṇāstreṇa jṛmbhitaḥ
— (a weapon) unfailing, crusher of enemies, with splendour equal to a hundred suns; (but) Rukmī was set gaping by the plough-bearer with the yawning-weapon, right before him.
AI translation rendered from the Sanskrit, not a published edition
BvP 4 107.6
भूमिष्ठः स्थाणुमद्रुक्मी निद्रास्त्रेणैव निद्रितः । शाल्वस्तं निद्रितं दृष्ट्वा शतबाणान्मुमोच तम्
bhūmiṣṭhaḥ sthāṇumadrukmī nidrāstreṇaiva nidritaḥ | śālvastaṃ nidritaṃ dṛṣṭvā śatabāṇānmumoca tam
Rukmī, on the ground, motionless as a post, was put to sleep by the very sleep-weapon; Śālva, seeing him asleep, loosed a hundred arrows at him.
AI translation rendered from the Sanskrit, not a published edition
BvP 4 107.7
शैलवृष्टिं शिलावृष्टिं जलवृष्टिं चकार सः । ज्वलदङ्गारवृष्टिं च शरवृष्टिं चकार ह
śailavṛṣṭiṃ śilāvṛṣṭiṃ jalavṛṣṭiṃ cakāra saḥ | jvaladaṅgāravṛṣṭiṃ ca śaravṛṣṭiṃ cakāra ha
He made a downpour of mountains, a downpour of stones, a downpour of water; and he made a downpour of blazing coals and a downpour of arrows.
AI translation rendered from the Sanskrit, not a published edition
BvP 4 107.8
बलाच्चास्त्रेण सर्वाणि वारयामास लाङ्गली । हलेन तद्रथं चूर्ण चकार रणमध्यतः
balāccāstreṇa sarvāṇi vārayāmāsa lāṅgalī | halena tadrathaṃ cūrṇa cakāra raṇamadhyataḥ
The plough-bearer warded off all of them with the force-weapon (balāstra), and with his plough he ground his chariot to powder in the midst of the battle.
AI translation rendered from the Sanskrit, not a published edition
BvP 4 107.9
घोटकान्सारथिं चैव जघान चैव लीलया । कोपाद्बलेन तं हन्तुं वाग्बभूवाशरीरिणी
ghoṭakānsārathiṃ caiva jaghāna caiva līlayā | kopādbalena taṃ hantuṃ vāgbabhūvāśarīriṇī
And he slew the horses and the charioteer with ease; and as Bala in anger (moved) to kill him, a bodiless voice arose.
AI translation rendered from the Sanskrit, not a published edition
BvP 4 107.10
त्यज शाल्वं कृष्णवध्यं तव किं पौरुषं रणे । यस्य मूर्ध्नि च ब्रह्माण्डं शूर्पे च सर्षपे यथा
tyaja śālvaṃ kṛṣṇavadhyaṃ tava kiṃ pauruṣaṃ raṇe | yasya mūrdhni ca brahmāṇḍaṃ śūrpe ca sarṣape yathā
"Let Śālva go — he is to be slain by Kṛṣṇa. What manly deed is there for you in this battle (against him), on whose head the cosmic egg (rests) as a mustard seed on a winnowing basket?"
AI translation rendered from the Sanskrit, not a published edition
BvP 4 107.11
तच्छ्रुत्वा बलदेवश्च हलेन तस्य मस्तकम् । चकार चूर्ण व्यथितः पपात रणमूर्धनि
tacchrutvā baladevaśca halena tasya mastakam | cakāra cūrṇa vyathitaḥ papāta raṇamūrdhani
Hearing that, Baladeva made his (i.e. the charioteer's/enemy's) head into powder with the plough; stricken, he fell at the head of the battle.
AI translation rendered from the Sanskrit, not a published edition
BvP 4 107.12
शाल्वस्य पतनं दृष्ट्वा शिशुपालो महाबली । चकार शरवृष्टिं च जलवृष्टिं यथा भुवि
śālvasya patanaṃ dṛṣṭvā śiśupālo mahābalī | cakāra śaravṛṣṭiṃ ca jalavṛṣṭiṃ yathā bhuvi
Seeing Śālva's fall, the mighty Śiśupāla made a rain of arrows, as a rain of water upon the earth.
AI translation rendered from the Sanskrit, not a published edition
BvP 4 107.13
हली तस्य रथं चूर्ण चकार लाङ्गलेन च । अर्धचन्द्रेण तद्वाणान्वारयामास लीलया
halī tasya rathaṃ cūrṇa cakāra lāṅgalena ca | ardhacandreṇa tadvāṇānvārayāmāsa līlayā
The plough-bearer (Balarāma) pulverized his chariot with the plough, and with a half-moon (arrow) he warded off his arrows in play.
AI translation rendered from the Sanskrit, not a published edition
BvP 4 107.14
तं हन्तुं शंकरः साक्षान्निषेधं च चकार तम् । कृष्णवध्यं त्यज बल पार्षदप्रवरं हरः
taṃ hantuṃ śaṃkaraḥ sākṣānniṣedhaṃ ca cakāra tam | kṛṣṇavadhyaṃ tyaja bala pārṣadapravaraṃ haraḥ
Śaṅkara himself forbade him from killing him: "Give up, Bala, the one who is to be slain by Kṛṣṇa," (said) Hara, the chief of the attendants.
AI translation rendered from the Sanskrit, not a published edition — the model flagged this verse as uncertain
BvP 4 107.15
दन्तवक्त्रस्य दन्तं च बभञ्ज स हलेन च । सुप्रवृत्तस्य युद्धेन ते सर्वे जहसुश्च तम्
dantavaktrasya dantaṃ ca babhañja sa halena ca | supravṛttasya yuddhena te sarve jahasuśca tam
And with his plough he broke Dantavaktra's tooth; and they all laughed at him, who had been faring so well in the fight.
AI translation rendered from the Sanskrit, not a published edition — the model flagged this verse as uncertain
BvP 4 107.16
बलस्य विक्रमं दृष्ट्वा सर्वे वीराः पलायिताः । चक्रुः प्रवेशनं सर्वे कुण्डिनं वरयात्रिकाः
balasya vikramaṃ dṛṣṭvā sarve vīrāḥ palāyitāḥ | cakruḥ praveśanaṃ sarve kuṇḍinaṃ varayātrikāḥ
Seeing Bala's valour, all the warriors fled; and all the wedding party made their entry into Kuṇḍina.
AI translation rendered from the Sanskrit, not a published edition
BvP 4 107.17
एतस्मिन्नन्तरे तत्र शतानन्दो महामुनिः । कोटिभिर्मुनिभिः सार्धमाजगाम हरेः पुरः
etasminnantare tatra śatānando mahāmuniḥ | koṭibhirmunibhiḥ sārdhamājagāma hareḥ puraḥ
Meanwhile the great sage Śatānanda came there, together with ten million sages, before Hari.
AI translation rendered from the Sanskrit, not a published edition
BvP 4 107.18
पुरं प्रवेशयामास शतद्वारं च दुर्गमम् । अगम्यं चापि शत्रूणां मित्राणा च सुखप्रदम्
puraṃ praveśayāmāsa śatadvāraṃ ca durgamam | agamyaṃ cāpi śatrūṇāṃ mitrāṇā ca sukhapradam
He had (them) enter the city with its hundred gates, hard of access, unapproachable by enemies and giving pleasure to friends.
AI translation rendered from the Sanskrit, not a published edition
BvP 4 107.19
देवकन्या नागकन्या राजकन्यास्तथैव च । मुनिकन्या वरं द्रष्टुं सस्मिताश्च समाययुः
devakanyā nāgakanyā rājakanyāstathaiva ca | munikanyā varaṃ draṣṭuṃ sasmitāśca samāyayuḥ
Daughters of gods, daughters of nāgas, and likewise daughters of kings and daughters of sages came together, smiling, to see the bridegroom.
AI translation rendered from the Sanskrit, not a published edition
BvP 4 107.20
ददृशुर्योषितः सर्वा निमेषरहितेन च । प्रसन्नं कारयामास सस्मितश्चन्द्रशेखरः
dadṛśuryoṣitaḥ sarvā nimeṣarahitena ca | prasannaṃ kārayāmāsa sasmitaścandraśekharaḥ
All the women gazed without blinking; and the smiling one whose crest is the moon made (him) gracious.
AI translation rendered from the Sanskrit, not a published edition — the model flagged this verse as uncertain
BvP 4 107.21
रत्नेन्द्रसारनिर्माणरथस्थं परमेश्वरम् । सर्वेषां परमात्मानं भक्तानुग्रहविग्रहम्
ratnendrasāranirmāṇarathasthaṃ parameśvaram | sarveṣāṃ paramātmānaṃ bhaktānugrahavigraham
(They gazed at) the Supreme Lord standing in a chariot made of the finest of jewels, the Supreme Self of all, whose very form is grace toward his devotees;
AI translation rendered from the Sanskrit, not a published edition
BvP 4 107.22
नवीनजलदश्यामं शोभितं पीतवाससा । यन्दनोक्षितसर्वाङ्गं वनमालाविभूषितम्
navīnajaladaśyāmaṃ śobhitaṃ pītavāsasā | yandanokṣitasarvāṅgaṃ vanamālāvibhūṣitam
Dark as a fresh rain-cloud, adorned with yellow garments, all his limbs sprinkled with sandal paste, decked with a garland of forest flowers;
AI translation rendered from the Sanskrit, not a published edition
BvP 4 107.23
रत्नकेयूरवलयरत्नमालाकुलोज्ज्वलम् । रत्नकुण्डलयुग्मेन गण्डस्थलविराचितम्
ratnakeyūravalayaratnamālākulojjvalam | ratnakuṇḍalayugmena gaṇḍasthalavirācitam
Blazing with a throng of jewelled armlets, bracelets and jewelled necklaces, his cheeks set off by a pair of jewelled earrings;
AI translation rendered from the Sanskrit, not a published edition
BvP 4 107.24
रत्नेन्द्रसारनिर्माणक्वणन्मञ्जीररञ्जितम् । सस्मितं मुरलीहस्तं पश्यन्तं रत्नदर्पणम्
ratnendrasāranirmāṇakvaṇanmañjīrarañjitam | sasmitaṃ muralīhastaṃ paśyantaṃ ratnadarpaṇam
Bright with tinkling anklets made of the finest of jewels, smiling, with the flute in his hand, looking into a jewelled mirror;
AI translation rendered from the Sanskrit, not a published edition
BvP 4 107.25
सप्तभिः पार्षदैर्गोपैः सेवितं श्वेतचामरैः । नवयौवनसंपन्नं शरत्कमललोचनम्
saptabhiḥ pārṣadairgopaiḥ sevitaṃ śvetacāmaraiḥ | navayauvanasaṃpannaṃ śaratkamalalocanam
Attended by seven cowherd companions with white yak-tail fans, endowed with fresh youth, his eyes like autumn lotuses;
AI translation rendered from the Sanskrit, not a published edition
BvP 4 107.26
शरत्पूर्णेन्दुतुल्यास्यं भक्तानुग्रहकारकम् । कोटिकन्दर्पसौन्दर्यं सत्यं नित्यं सनातनम्
śaratpūrṇendutulyāsyaṃ bhaktānugrahakārakam | koṭikandarpasaundaryaṃ satyaṃ nityaṃ sanātanam
His face like the full autumn moon, granting favour to his devotees, with the beauty of ten million Kāmas, real, eternal, everlasting;
AI translation rendered from the Sanskrit, not a published edition
BvP 4 107.27
तीर्थपूतं कीर्तिपूतं ब्रह्मेशशेषवन्दितम् । परम्ह्नादकं रूपं कौटिचन्द्रसमप्रभम्
tīrthapūtaṃ kīrtipūtaṃ brahmeśaśeṣavanditam | paramhnādakaṃ rūpaṃ kauṭicandrasamaprabham
Purified by holy places, purified by fame, saluted by Brahmā, Śiva and Śeṣa, his form supremely delighting, radiant as ten million moons;
AI translation rendered from the Sanskrit, not a published edition
BvP 4 107.28
ध्यानासाध्यं दुराराध्यं परमं प्रकृतेः परम् । दूर्वया पट्टसूत्रं च रत्नेन्द्रसारदर्पणम्
dhyānāsādhyaṃ durārādhyaṃ paramaṃ prakṛteḥ param | dūrvayā paṭṭasūtraṃ ca ratnendrasāradarpaṇam
Unattainable by meditation, hard to propitiate, supreme, beyond primal nature — (holding) with dūrvā grass a silken thread and a mirror of the finest of jewels,
AI translation rendered from the Sanskrit, not a published edition — the model flagged this verse as uncertain
BvP 4 107.29
दधानं कर्तृकासार्ध कदल्याः स्फुटमञ्जरीम् । चूडां त्रिविक्रमाकारां मालतीमाल्यभूषितम्
dadhānaṃ kartṛkāsārdha kadalyāḥ sphuṭamañjarīm | cūḍāṃ trivikramākārāṃ mālatīmālyabhūṣitam
Bearing, along with a knife, an opened blossom-cluster of the plantain, (and) a crest in the form of Trivikrama, adorned with a garland of mālatī flowers;
AI translation rendered from the Sanskrit, not a published edition — the model flagged this verse as uncertain
BvP 4 107.30
पुष्पं नारीप्रदत्तं च मुकुटं मस्तकोजज्ववलम् । दृष्ट्वा वरं युवत्यश्च मूर्च्छा संप्रापुरीश्वरम्
puṣpaṃ nārīpradattaṃ ca mukuṭaṃ mastakojajvavalam | dṛṣṭvā varaṃ yuvatyaśca mūrcchā saṃprāpurīśvaram
A flower given by a woman, and a diadem blazing on his head — seeing that bridegroom, the Lord, the young women swooned.
AI translation rendered from the Sanskrit, not a published edition
BvP 4 107.31
रुक्मिणीजीवनं धन्यं श्लाध्यमित्यूचुरीप्सितम् । जामातरं सा ददर्श राज्ञी भीष्मककामिनी
rukmiṇījīvanaṃ dhanyaṃ ślādhyamityūcurīpsitam | jāmātaraṃ sā dadarśa rājñī bhīṣmakakāminī
"He is Rukmiṇī's life, blessed, praiseworthy, the one desired," they said. And she, the queen, Bhīṣmaka's beloved, looked upon her son-in-law,
AI translation rendered from the Sanskrit, not a published edition
BvP 4 107.32
निमेषरहिता तुष्टा प्रसन्नवदनेक्षणा । राजा प्रसन्नवदनः सामात्यः सपुरोहितः
nimeṣarahitā tuṣṭā prasannavadanekṣaṇā | rājā prasannavadanaḥ sāmātyaḥ sapurohitaḥ
Without blinking, contented, her face and eyes bright with pleasure. The king too, with his ministers and his family priest, was bright of face.
AI translation rendered from the Sanskrit, not a published edition
BvP 4 107.33
समागत्य सुरान्विप्रान्भूपांश्च प्रणनाम सः । ददौ योग्याश्रमं तेभ्यो भक्ष्यपूर्ण सुधोपमम्
samāgatya surānviprānbhūpāṃśca praṇanāma saḥ | dadau yogyāśramaṃ tebhyo bhakṣyapūrṇa sudhopamam
Having come up, he bowed to the gods, the brahmins and the kings, and gave them fitting lodging, filled with food that was like nectar.
AI translation rendered from the Sanskrit, not a published edition
BvP 4 107.34
दिवानिशं चाप्युवाच दीयतां दीयतामिति । सुखं निनाय रजनीं देवैश्च बान्धवैः सह
divāniśaṃ cāpyuvāca dīyatāṃ dīyatāmiti | sukhaṃ nināya rajanīṃ devaiśca bāndhavaiḥ saha
And day and night he kept saying, "Let it be given, let it be given!" He passed the night pleasantly together with the gods and his kinsmen.
AI translation rendered from the Sanskrit, not a published edition
BvP 4 107.35
वसुदेवः प्रभाते च प्रातःकृत्यं चकार सः । स्नात्वा संध्यादिकं कृत्वा धृत्वा धौते च वाससी
vasudevaḥ prabhāte ca prātaḥkṛtyaṃ cakāra saḥ | snātvā saṃdhyādikaṃ kṛtvā dhṛtvā dhaute ca vāsasī
And at dawn Vasudeva performed his morning duties: having bathed, having done the twilight rite and the rest, and having put on two washed garments,
AI translation rendered from the Sanskrit, not a published edition
BvP 4 107.36
चकार वेदमन्त्रेण शुभाधिवासनं हरेः । संपूज्य मातृकाः सर्वाः साक्षाच्च सर्वदेवताः
cakāra vedamantreṇa śubhādhivāsanaṃ hareḥ | saṃpūjya mātṛkāḥ sarvāḥ sākṣācca sarvadevatāḥ
he performed, with Vedic mantras, the auspicious adhivāsana rite for Hari, having worshipped all the Mother-goddesses and all the deities in person;
AI translation rendered from the Sanskrit, not a published edition
BvP 4 107.37
प्रदाय वसुधारां च वृद्धिश्राद्धादिकं तथा । प्राह्मणान्भोजयामास देवांश्च बान्धवांस्तथा
pradāya vasudhārāṃ ca vṛddhiśrāddhādikaṃ tathā | prāhmaṇānbhojayāmāsa devāṃśca bāndhavāṃstathā
and having bestowed the vasudhārā (stream-of-wealth offering) and the vṛddhi-śrāddha and the rest, he fed the brahmins, and the gods and the kinsmen too.
AI translation rendered from the Sanskrit, not a published edition
BvP 4 107.38
वाद्यं च वादयामास कारयामास मङ्गलम् । सुवेषं कारयामास वरस्यापि प्रशंसितम्
vādyaṃ ca vādayāmāsa kārayāmāsa maṅgalam | suveṣaṃ kārayāmāsa varasyāpi praśaṃsitam
And he had music played and had the auspicious rites performed; he had fine, praiseworthy attire made ready for the bridegroom as well.
AI translation rendered from the Sanskrit, not a published edition
BvP 4 107.39
सज्जं च कारयामास नरयानं सुशोभनम् । एवं राजा भीष्मकश्च विवाहार्हं च मङ्गलम्
sajjaṃ ca kārayāmāsa narayānaṃ suśobhanam | evaṃ rājā bhīṣmakaśca vivāhārhaṃ ca maṅgalam
And he had a beautiful palanquin made ready. In the same way King Bhīṣmaka too (performed) the auspicious rites befitting a wedding.
AI translation rendered from the Sanskrit, not a published edition
BvP 4 107.40
पुरोहितैर्वेदमन्त्रैः सर्व कर्म चकार सः । मणिरत्नं धनं चापि मुक्तामाणिक्यहीरकम्
purohitairvedamantraiḥ sarva karma cakāra saḥ | maṇiratnaṃ dhanaṃ cāpi muktāmāṇikyahīrakam
With the household priests and with Vedic mantras he performed every rite; jewels and gems and wealth too, pearls, rubies and diamonds,
AI translation rendered from the Sanskrit, not a published edition
BvP 4 107.41
भक्ष्यद्रव्यं च वस्त्रं चाप्युपहारमनुत्तमम् । भट्टेम्यो ब्राह्मणेभ्योऽपि भिक्षुकेभ्यो ददौ मुदा
bhakṣyadravyaṃ ca vastraṃ cāpyupahāramanuttamam | bhaṭṭemyo brāhmaṇebhyo'pi bhikṣukebhyo dadau mudā
and food-stuffs and cloth and the most excellent gifts, he gave gladly to the bards, to the brahmins, and to the beggars.
AI translation rendered from the Sanskrit, not a published edition
BvP 4 107.42
वाद्यं च वादयामास कारयामास मङ्गलम् । सुवेषं कारयामास रुक्मिण्याश्च मनोहरम्
vādyaṃ ca vādayāmāsa kārayāmāsa maṅgalam | suveṣaṃ kārayāmāsa rukmiṇyāśca manoharam
And he had music played and had the auspicious rites performed, and he had lovely attire made ready for Rukmiṇī,
AI translation rendered from the Sanskrit, not a published edition
BvP 4 107.43
राज्ञीभिर्मुनिपत्नीभिर्विधानं च यथोचितम् । ततः शुभे क्षणे प्राप्ते माहेन्द्रे परमोदये
rājñībhirmunipatnībhirvidhānaṃ ca yathocitam | tataḥ śubhe kṣaṇe prāpte māhendre paramodaye
and the ceremony (was carried out) by the queens and the wives of the sages as was fitting. Then, when the auspicious moment had arrived, in the Māhendra (hour), at the highest ascendant,
AI translation rendered from the Sanskrit, not a published edition
BvP 4 107.44
विवाहोचितलग्ने च लग्नाधिपतिसंयुते । सद्ग्रहेक्षणशुद्धे चाप्यसतां दृष्टिवर्जिते
vivāhocitalagne ca lagnādhipatisaṃyute | sadgrahekṣaṇaśuddhe cāpyasatāṃ dṛṣṭivarjite
at an ascendant suited to marriage and joined with the lord of that ascendant, pure through the aspect of the good planets and free of the gaze of the evil ones,
AI translation rendered from the Sanskrit, not a published edition
BvP 4 107.45
शुभक्षणे सुभर्क्षे च विशुद्धे चन्द्रतारयोः । वेधदोषादिरहिते शलाकादिविवर्जिते
śubhakṣaṇe subharkṣe ca viśuddhe candratārayoḥ | vedhadoṣādirahite śalākādivivarjite
at an auspicious moment and under a good lunar mansion, with moon and star both unblemished, free of the fault of vedha and the rest, free of śalākā and the like,
AI translation rendered from the Sanskrit, not a published edition
BvP 4 107.46
दंपत्योः शर्मयोग्ये च परिणामसुखप्रदे । एवंभूते च समये भीष्मकप्राङ्गणं हरिः
daṃpatyoḥ śarmayogye ca pariṇāmasukhaprade | evaṃbhūte ca samaye bhīṣmakaprāṅgaṇaṃ hariḥ
(a moment) fit for the couple's welfare and granting happiness in its outcome — at just such a time Hari (came to) Bhīṣmaka's courtyard,
AI translation rendered from the Sanskrit, not a published edition
BvP 4 107.47
आजगाम सुरैः सार्ध सुनिविप्रपुरोहितैः । ज्ञातिभिर्बान्धवैः सार्धं पित्रा मात्रानृपैस्तथा
ājagāma suraiḥ sārdha suniviprapurohitaiḥ | jñātibhirbāndhavaiḥ sārdhaṃ pitrā mātrānṛpaistathā
he came, together with the gods, with good brahmins and household priests, together with his relatives and kinsmen, with his father, his mother, and the kings,
AI translation rendered from the Sanskrit, not a published edition
BvP 4 107.48
गोपालकैः पार्षदैश्च वयस्यैश्च मनोहरैः । भट्टैश्च गणकैर्ज्योतिः शास्त्रज्ञानविशारदैः
gopālakaiḥ pārṣadaiśca vayasyaiśca manoharaiḥ | bhaṭṭaiśca gaṇakairjyotiḥ śāstrajñānaviśāradaiḥ
with the cowherds and his attendants and his charming companions, and with bards and reckoners skilled in the knowledge of the science of the stars,
AI translation rendered from the Sanskrit, not a published edition
BvP 4 107.49
वाद्यैर्नानाविधैश्चैव नर्तकैर्गायनैस्तथा । नानाशिल्पकरैश्चैव मालाकारैस्तथाऽपरैः
vādyairnānāvidhaiścaiva nartakairgāyanaistathā | nānāśilpakaraiścaiva mālākāraistathā'paraiḥ
and with musicians of many kinds, and with dancers and singers, and with makers of various crafts, and with garland-makers, and with others too,
AI translation rendered from the Sanskrit, not a published edition
BvP 4 107.50
विद्याधर्यप्सरोभिश्च किन्नरीभिश्च सत्वरम् । स्थलं च ददुशुर्देवा मुनयश्च नृपेश्वराः
vidyādharyapsarobhiśca kinnarībhiśca satvaram | sthalaṃ ca daduśurdevā munayaśca nṛpeśvarāḥ
and with Vidyādhara women, Apsarases and Kinnara women — swiftly. And the gods, the sages and the lords of kings gave place (i.e. took their positions);
AI translation rendered from the Sanskrit, not a published edition — the model flagged this verse as uncertain
BvP 4 107.51
सर्वे समागता ये च विवाहदर्शनोत्सुकाः । रम्भास्तम्भसहस्रैश्च पट्टसूत्रपरिष्कृतैः
sarve samāgatā ye ca vivāhadarśanotsukāḥ | rambhāstambhasahasraiśca paṭṭasūtrapariṣkṛtaiḥ
and all those who had assembled, eager to see the wedding — (the courtyard) with thousands of plantain-pillars adorned with silk cords,
AI translation rendered from the Sanskrit, not a published edition
BvP 4 107.52
चम्बकानां चन्दनानां रसालानां च पल्लवैः । माल्यैर्नानाविधैश्चैव पीतरक्तसितान्वितैः
cambakānāṃ candanānāṃ rasālānāṃ ca pallavaiḥ | mālyairnānāvidhaiścaiva pītaraktasitānvitaiḥ
with sprouts of campaka trees, of sandal trees and of mango trees, and with garlands of many kinds, yellow, red and white,
AI translation rendered from the Sanskrit, not a published edition
BvP 4 107.53
परितो मङ्गलघटैः फलपल्लवसंयुतैः । कस्तूरीचन्दनाक्तैश्च कुङ्कुमेन विराजितैः
parito maṅgalaghaṭaiḥ phalapallavasaṃyutaiḥ | kastūrīcandanāktaiśca kuṅkumena virājitaiḥ
all around with auspicious jars set with fruits and sprouts, smeared with musk and sandal and gleaming with saffron,
AI translation rendered from the Sanskrit, not a published edition
BvP 4 107.54
पर्णैर्लाजैः फलैः पुष्पैर्दूर्वाभिरुपशोभितैः । मुनिभिर्ब्राह्मणैश्चैव राजेन्द्रैरपि वेष्टितम्
parṇairlājaiḥ phalaiḥ puṣpairdūrvābhirupaśobhitaiḥ | munibhirbrāhmaṇaiścaiva rājendrairapi veṣṭitam
(surrounded) by leaves, parched grain, fruits, flowers, and adorned with dūrvā grass; and encircled too by sages, by brahmins, and by chief kings.
AI translation rendered from the Sanskrit, not a published edition
BvP 4 107.55
रत्नेन्द्रसारनिर्माणवेदीयुक्तं मनोहरम् । चर्चितं चन्दनस्निग्धैः कस्तूरीकुङ्कुमान्वितैः
ratnendrasāranirmāṇavedīyuktaṃ manoharam | carcitaṃ candanasnigdhaiḥ kastūrīkuṅkumānvitaiḥ
(It was) charming, furnished with an altar built of the finest of jewels, smeared with sandal-paste unguents mixed with musk and saffron.
AI translation rendered from the Sanskrit, not a published edition
BvP 4 107.56
सुगन्धिशीतमन्दैश्च पवनैः सुरभीकृतम् । रत्नानां च सहस्रैश्च ज्वलितं ज्वलदीप्तकैः
sugandhiśītamandaiśca pavanaiḥ surabhīkṛtam | ratnānāṃ ca sahasraiśca jvalitaṃ jvaladīptakaiḥ
Made fragrant by breezes sweet-scented, cool and gentle, and ablaze with thousands of jewels that shone with blazing light.
AI translation rendered from the Sanskrit, not a published edition
BvP 4 107.57
नानाप्रकारधूपैश्च गन्धद्रव्यैः सुवासतम् । चित्रैर्विचित्रैर्विविधैः शिल्पिनांपुण्यकारिणाम्
nānāprakāradhūpaiśca gandhadravyaiḥ suvāsatam | citrairvicitrairvividhaiḥ śilpināṃpuṇyakāriṇām
Well-perfumed with incense of many kinds and with aromatic substances; with pictures, variegated and manifold, of artisans who do meritorious work—
AI translation rendered from the Sanskrit, not a published edition — the model flagged this verse as uncertain
BvP 4 107.58
परितः परितश्चैव शोभनार्हैः सुशोभनैः । गन्धर्वाणां च संगीतैमधुरंर्मधुरीकृतम्
paritaḥ paritaścaiva śobhanārhaiḥ suśobhanaiḥ | gandharvāṇāṃ ca saṃgītaimadhuraṃrmadhurīkṛtam
all around, indeed on every side, with beautiful things fit for adornment; and made sweet, sweetly, by the concerted singing of the gandharvas.
AI translation rendered from the Sanskrit, not a published edition — the model flagged this verse as uncertain
BvP 4 107.59
विद्याधरीणांनृत्यैश्च नर्तकीनां च शिल्पिनाम् । तत्र निश्चेष्टचित्रैश्च जनराजिविराजितम्
vidyādharīṇāṃnṛtyaiśca nartakīnāṃ ca śilpinām | tatra niśceṣṭacitraiśca janarājivirājitam
And with the dances of the vidyādharīs and of the dancing-women and the skilled performers; and there it was resplendent with rows of people, motionless like painted figures.
AI translation rendered from the Sanskrit, not a published edition — the model flagged this verse as uncertain
BvP 4 107.60
गुप्तद्वारैर्गवाक्षैश्च युवतीभिश्च वीक्षितम् । मङ्गलेन घटेनैव विधुषा च पुरोधसा
guptadvārairgavākṣaiśca yuvatībhiśca vīkṣitam | maṅgalena ghaṭenaiva vidhuṣā ca purodhasā
(It was) looked upon by young women through the hidden doors and the lattice-windows; with an auspicious water-jar, with a learned house-priest,
AI translation rendered from the Sanskrit, not a published edition
BvP 4 107.61
कुशहस्तेन भूपेन दानेन दानवस्तुना । दृष्ट्वा च प्राङ्गणं राज्ञो देवा ब्रह्मादयस्तथा
kuśahastena bhūpena dānena dānavastunā | dṛṣṭvā ca prāṅgaṇaṃ rājño devā brahmādayastathā
with the king, kuśa grass in hand, with the gift and with the substance of the gift. And having seen the courtyard of the king, the gods with Brahmā at their head,
AI translation rendered from the Sanskrit, not a published edition
BvP 4 107.62
अवरुह्य रथात्तूणं तिष्टन्ति प्राङ्गणे मुदा । राजेन्द्रा दानवेन्द्राश्च सुनयः सनकादयः
avaruhya rathāttūṇaṃ tiṣṭanti prāṅgaṇe mudā | rājendrā dānavendrāśca sunayaḥ sanakādayaḥ
having quickly descended from their chariots, stand in the courtyard with joy—the chief kings and the chief dānavas, the good sages, Sanaka and the rest,
AI translation rendered from the Sanskrit, not a published edition
BvP 4 107.63
श्रीकृष्णश्चापि भगवान्पार्षदप्रवरैः सह । तान्दृष्ट्वा सहसोत्थाय जवेन भीष्मकस्तथा
śrīkṛṣṇaścāpi bhagavānpārṣadapravaraiḥ saha | tāndṛṣṭvā sahasotthāya javena bhīṣmakastathā
and the Lord Śrī Kṛṣṇa too, together with the foremost of his attendants. Seeing them, Bhīṣmaka rose at once, swiftly,
AI translation rendered from the Sanskrit, not a published edition
BvP 4 107.64
मूर्घ्ना ववन्दे देवाश्च मुनोन्द्रांश्च नृपांस्तथा । रत्नसिहासनेष्वेव सुरम्येषु पृथवपृथक्
mūrghnā vavande devāśca munondrāṃśca nṛpāṃstathā | ratnasihāsaneṣveva suramyeṣu pṛthavapṛthak
and saluted with his head the gods, and the great sages, and the kings likewise; and on jewelled thrones, most delightful, each one separately,
AI translation rendered from the Sanskrit, not a published edition
BvP 4 107.65
क्रमतो वासयामास संपूज्य सादरेण च । राजा तुष्टाव भक्त्या च तान्सर्वान्भक्तिपूर्वकम् वसुदेवं वासुदेवं साश्रुनेत्रः पुटाञ्जलिः
kramato vāsayāmāsa saṃpūjya sādareṇa ca | rājā tuṣṭāva bhaktyā ca tānsarvānbhaktipūrvakam vasudevaṃ vāsudevaṃ sāśrunetraḥ puṭāñjaliḥ
he seated (them) in due order, honouring (them) with reverence. And the king, with devotion, praised them all devoutly—Vasudeva and Vāsudeva—with tears in his eyes and hands folded in a cup.
AI translation rendered from the Sanskrit, not a published edition
BvP 4 107.66
भीष्मक उवाच अद्य मे सफलं जन्म जीवितं च सुजीवितम् । बभूव जन्मकोटीनां कर्ममूलनिकृन्तनम्
bhīṣmaka uvāca adya me saphalaṃ janma jīvitaṃ ca sujīvitam | babhūva janmakoṭīnāṃ karmamūlanikṛntanam
Bhīṣmaka said: Today my birth has borne fruit and my life is well lived; there has come about the cutting away of the root of the karma of tens of millions of births.
AI translation rendered from the Sanskrit, not a published edition
BvP 4 107.67
स्वयं विधाता जगतां प्रदाता सर्वसंपदाम् । स्वप्रे यत्पादपद्मं च द्रष्टुं नैव क्षमः प्रभो
svayaṃ vidhātā jagatāṃ pradātā sarvasaṃpadām | svapre yatpādapadmaṃ ca draṣṭuṃ naiva kṣamaḥ prabho
He himself, the ordainer of the worlds, the bestower of all riches, whose lotus-feet one is not able to see even in a dream—O Lord!
AI translation rendered from the Sanskrit, not a published edition
BvP 4 107.68
तपसां फरदाता च संस्रष्टा प्राङ्गणे मम । स्वात्मारामेषु पूर्णेषु शुभप्रश्नमनीप्सितम्
tapasāṃ pharadātā ca saṃsraṣṭā prāṅgaṇe mama | svātmārāmeṣu pūrṇeṣu śubhapraśnamanīpsitam
and the giver of the fruit of austerities, the creator, (is) in my courtyard; among those complete ones who delight in their own self, an auspicious inquiry is not desired.
AI translation rendered from the Sanskrit, not a published edition — the model flagged this verse as uncertain
BvP 4 107.69
योगीन्द्रैरपि सिद्धेन्द्रैः सुरेन्द्रैश्च मुनीन्द्रकैः । ध्यानादृष्टश्च यो देवः स शिवः प्राङ्गणे मम
yogīndrairapi siddhendraiḥ surendraiśca munīndrakaiḥ | dhyānādṛṣṭaśca yo devaḥ sa śivaḥ prāṅgaṇe mama
That god who is not seen in meditation even by the chief yogins, the chief siddhas, the chief gods and the great sages—that Śiva is in my courtyard.
AI translation rendered from the Sanskrit, not a published edition
BvP 4 107.70
कालस्य कालो भगवान्मृत्योर्मृत्युश्च यः प्रभुः । मृत्युंजयश्च सर्वेशोनराणां दृष्टिगोचरः
kālasya kālo bhagavānmṛtyormṛtyuśca yaḥ prabhuḥ | mṛtyuṃjayaśca sarveśonarāṇāṃ dṛṣṭigocaraḥ
The Lord who is the Time of Time and the Death of Death, the master, the conqueror of death, the lord of all—(he) has come within the range of men's sight.
AI translation rendered from the Sanskrit, not a published edition
BvP 4 107.71
यस्यमूर्ध्नां सहस्रेषु मूर्ध्नि विश्वं चराचरम् । नास्त्यन्तः सर्ववेदेषु सोऽयं च मम प्राङ्गणे
yasyamūrdhnāṃ sahasreṣu mūrdhni viśvaṃ carācaram | nāstyantaḥ sarvavedeṣu so'yaṃ ca mama prāṅgaṇe
He on one head among whose thousands of heads the universe with all that moves and does not move (rests), whose end is not (found) in all the Vedas—he, this one, is in my courtyard.
AI translation rendered from the Sanskrit, not a published edition
BvP 4 107.72
सर्वकामप्रणेयो हि सर्वाग्रे यस्य पूजनम् । श्रेष्ठो देवगणानां च स गणेशो ममाङ्गणे
sarvakāmapraṇeyo hi sarvāgre yasya pūjanam | śreṣṭho devagaṇānāṃ ca sa gaṇeśo mamāṅgaṇe
He by whom all desires are led (to fulfilment), whose worship comes before all, the best of the hosts of gods—that Gaṇeśa is in my courtyard.
AI translation rendered from the Sanskrit, not a published edition — the model flagged this verse as uncertain
BvP 4 107.73
मुनीनां वैष्णवानां च प्रवनो ज्ञानिनां गुरुः । सनत्कुमारो भगवान्प्रत्यक्षः प्राङ्गणे मम
munīnāṃ vaiṣṇavānāṃ ca pravano jñānināṃ guruḥ | sanatkumāro bhagavānpratyakṣaḥ prāṅgaṇe mama
The foremost of sages and of Vaiṣṇavas, the teacher of the knowers—the Lord Sanatkumāra is visibly present in my courtyard.
AI translation rendered from the Sanskrit, not a published edition
BvP 4 107.74
ब्रह्मपुत्राश्च पौत्राश्च प्रपौत्राश्चापि वंशजाः । ते सर्वे मदगृहेऽद्यैव ज्वलन्तो ब्रह्मतेजसा
brahmaputrāśca pautrāśca prapautrāścāpi vaṃśajāḥ | te sarve madagṛhe'dyaiva jvalanto brahmatejasā
"And Brahmā's sons, and grandsons, and great-grandsons too, born of his line — all of them are this very day in my house, blazing with brahminical splendour.
AI translation rendered from the Sanskrit, not a published edition
BvP 4 107.75
अहो कल्पान्तपर्यन्तं तीर्थीभूतो ममाऽऽश्रमः । येषां पादोदकैस्तीर्थ विशुद्धं तद्गृहे मम
aho kalpāntaparyantaṃ tīrthībhūto mamā''śramaḥ | yeṣāṃ pādodakaistīrtha viśuddhaṃ tadgṛhe mama
"Ah, my hermitage has become a place of pilgrimage lasting until the end of the kalpa — those by whose foot-water the sacred place, my house, has been purified.
AI translation rendered from the Sanskrit, not a published edition
BvP 4 107.76
पृथिव्यां यानि तीर्थानि तानि तीर्थानि सागरे । सागरे यानि तीर्थानि विप्रपादेषु तानि च
pṛthivyāṃ yāni tīrthāni tāni tīrthāni sāgare | sāgare yāni tīrthāni viprapādeṣu tāni ca
"Whatever holy places (there are) on earth, those holy places (are) in the ocean; and whatever holy places (are) in the ocean, those (are) in the feet of brahmins.
AI translation rendered from the Sanskrit, not a published edition
BvP 4 107.77
विप्रपादोदकक्लिन्ना यावत्तिष्ठति मेदिनी । तावत्पुष्करपत्रेषु पिबन्ति पितरो जलम्
viprapādodakaklinnā yāvattiṣṭhati medinī | tāvatpuṣkarapatreṣu pibanti pitaro jalam
"For as long as the earth remains moist with the water from a brahmin's feet, so long do the ancestors drink water from lotus-leaves.
AI translation rendered from the Sanskrit, not a published edition
BvP 4 107.78
विप्रपादोदकं भुक्त्वा दत्त्वा विप्राय दक्षिणाम् । स्रानानां सर्वतीर्थानां फलमाप्नोति निश्चितम्
viprapādodakaṃ bhuktvā dattvā viprāya dakṣiṇām | srānānāṃ sarvatīrthānāṃ phalamāpnoti niścitam
"Having consumed the water from a brahmin's feet and having given the brahmin a gift, one certainly obtains the fruit of bathing in all the holy places.
AI translation rendered from the Sanskrit, not a published edition
BvP 4 107.79
निकृन्तनं च विपदां व्याधिनिर्मुलकारणम् । सुखदं शुभदं सारं विप्रपादोदकं नृणाम्
nikṛntanaṃ ca vipadāṃ vyādhinirmulakāraṇam | sukhadaṃ śubhadaṃ sāraṃ viprapādodakaṃ nṛṇām
"The water from a brahmin's feet cuts away calamities, is the cause of the uprooting of disease, gives happiness, gives auspiciousness, (and is) the essence (of all things) for men.
AI translation rendered from the Sanskrit, not a published edition
BvP 4 107.80
न गङ्गासदृशं तीर्थ न देवो माधवात्परः । सनत्कुमारा द्भक्तो न न हि कल्पतरोस्तरुः
na gaṅgāsadṛśaṃ tīrtha na devo mādhavātparaḥ | sanatkumārā dbhakto na na hi kalpatarostaruḥ
"There is no holy place like the Gaṅgā, no god higher than Mādhava, no devotee (greater) than Sanatkumāra, indeed no tree (greater) than the wish-granting tree;
AI translation rendered from the Sanskrit, not a published edition
BvP 4 107.81
न पुष्पं पारिजाताच्च न व्रतं हरिवासरात् । पूजने न हि पूज्यं च न पत्रं तुलसीपरम्
na puṣpaṃ pārijātācca na vrataṃ harivāsarāt | pūjane na hi pūjyaṃ ca na patraṃ tulasīparam
"no flower (greater) than the pārijāta, no observance (greater) than Hari's day, nothing worthy of worship (greater) in worship, and no leaf (greater) than the tulasī;
AI translation rendered from the Sanskrit, not a published edition
BvP 4 107.82
न देवी प्रकृतेश्चापि नाऽऽधारः पवनात्परः । न हि स्थूलो महाविष्णोर्न सूक्ष्मं परमाणुतः
na devī prakṛteścāpi nā''dhāraḥ pavanātparaḥ | na hi sthūlo mahāviṣṇorna sūkṣmaṃ paramāṇutaḥ
"no goddess (greater) than Prakṛti, no support (greater) than the wind, nothing gross (greater) than Mahāviṣṇu, nothing subtle (finer) than the atom;
AI translation rendered from the Sanskrit, not a published edition
BvP 4 107.83
न ब्राह्मणात्परः पूतो नाऽऽश्रमश्च न तीर्यकम् । न देवो न परः कोऽपि चेत्याह कमलोद्भवः
na brāhmaṇātparaḥ pūto nā''śramaśca na tīryakam | na devo na paraḥ ko'pi cetyāha kamalodbhavaḥ
"nothing pure (higher) than a brahmin, and no stage of life (higher), nothing crooked (?), no god and no one at all higher" — thus said the lotus-born (Brahmā).
AI translation rendered from the Sanskrit, not a published edition — the model flagged this verse as uncertain
BvP 4 107.84
ब्रह्मविष्णुशिवादीनां प्रकृतेश्च परः प्रभुः । ध्यानासाध्यो दुराराध्यो योगिनामपि निश्चितम्
brahmaviṣṇuśivādīnāṃ prakṛteśca paraḥ prabhuḥ | dhyānāsādhyo durārādhyo yogināmapi niścitam
He is the Lord higher than Brahmā, Viṣṇu, Śiva and the rest, and than Prakṛti; unattainable by meditation, hard to propitiate even for yogins, assuredly.
AI translation rendered from the Sanskrit, not a published edition
BvP 4 107.85
निर्गुणश्च निराकारो भक्तानुग्रहविग्रहः । स एव चक्षुषो नॄणां साक्षाद्देवश्च मद्गृहे
nirguṇaśca nirākāro bhaktānugrahavigrahaḥ | sa eva cakṣuṣo nṝṇāṃ sākṣāddevaśca madgṛhe
He is without qualities and without form, (yet takes) a body out of favour to his devotees; that very god is (now) before the eyes of men, visibly present in my house.
AI translation rendered from the Sanskrit, not a published edition
BvP 4 107.86
देवैर्ब्रह्मेशशेषैश्च ध्यातं यत्पादपङ्कजम् । धनेशेन गणेशेन दिनेशेनापि दुर्लभम्
devairbrahmeśaśeṣaiśca dhyātaṃ yatpādapaṅkajam | dhaneśena gaṇeśena dineśenāpi durlabham
He whose lotus-feet are meditated upon by the gods, by Brahmā, Śiva and Śeṣa, and are hard to attain even for the lord of wealth (Kubera), for Gaṇeśa, and for the lord of day (Sūrya).
AI translation rendered from the Sanskrit, not a published edition
BvP 4 107.87
इत्युक्त्वा भीष्मकः कृष्णं समानीय स्वयं पुरः । तुष्टाव सामवेदोक्तस्तोत्रेण परमेश्वरम्
ityuktvā bhīṣmakaḥ kṛṣṇaṃ samānīya svayaṃ puraḥ | tuṣṭāva sāmavedoktastotreṇa parameśvaram
Having spoken thus, Bhīṣmaka himself brought Kṛṣṇa before (him) and praised the supreme Lord with a hymn declared in the Sāma Veda.
AI translation rendered from the Sanskrit, not a published edition
BvP 4 107.88
भीष्मक उवाच सर्वान्तरात्मा सर्वेषां साक्षी निर्लिप्त एव च । कर्मिणां कर्मणामेव कारणानां च कारणम्
bhīṣmaka uvāca sarvāntarātmā sarveṣāṃ sākṣī nirlipta eva ca | karmiṇāṃ karmaṇāmeva kāraṇānāṃ ca kāraṇam
Bhīṣmaka said: (You are) the inner self of all, the witness of all, and yet unattached; (you are) of agents and of acts themselves, and of causes, the cause.
AI translation rendered from the Sanskrit, not a published edition
BvP 4 107.89
केचिद्वदन्ति त्वामेकं ज्योतीरूपं सनातनम् । केचिच्च परमात्मानं जीवो यत्प्रतिबिम्बकः
kecidvadanti tvāmekaṃ jyotīrūpaṃ sanātanam | kecicca paramātmānaṃ jīvo yatpratibimbakaḥ
Some call you the One, of the nature of light, everlasting; and some (call you) the Supreme Self, of whom the individual soul is a reflection.
AI translation rendered from the Sanskrit, not a published edition
BvP 4 107.90
केचित्प्राकृतिकं जीवं सगृणं भ्रान्तबुद्धयः । केचिन्नित्यशरीरं च बुद्धा (धा) श्च सूक्ष्मबुद्धयः
kecitprākṛtikaṃ jīvaṃ sagṛṇaṃ bhrāntabuddhayaḥ | kecinnityaśarīraṃ ca buddhā (dhā) śca sūkṣmabuddhayaḥ
Some of deluded understanding (call you) a soul belonging to Prakṛti, possessed of qualities; and some of subtle understanding have understood (you as) having an eternal body.
AI translation rendered from the Sanskrit, not a published edition
BvP 4 107.91
ज्योतिरभ्यन्तरे नित्यं देहरूपं सनातनम् । कस्मात्तेजः प्रभवति साकारमीश्वरं विना
jyotirabhyantare nityaṃ deharūpaṃ sanātanam | kasmāttejaḥ prabhavati sākāramīśvaraṃ vinā
Within the light there is eternally an everlasting form of a body; from what would radiance arise without a Lord possessing form?
AI translation rendered from the Sanskrit, not a published edition
BvP 4 107.92
एवं स्तुत्वा स चाऽऽचान्तः स्मरन्विष्णुं च नारद । पाद्यं पद्मार्चिते पादपद्मे चायं ददौ मुदा
evaṃ stutvā sa cā''cāntaḥ smaranviṣṇuṃ ca nārada | pādyaṃ padmārcite pādapadme cāyaṃ dadau mudā
Having praised (him) thus, and having rinsed his mouth, remembering Viṣṇu, O Nārada, he gladly offered foot-water to the lotus-feet worshipped by Padmā (Lakṣmī).
AI translation rendered from the Sanskrit, not a published edition
BvP 4 107.93
अर्ध्यं च प्रददौ तत्र दूर्वापुष्पजलान्वितम् । मधुपर्कं च सुरभिं सर्वाङ्गे गन्धयन्दनम्
ardhyaṃ ca pradadau tatra dūrvāpuṣpajalānvitam | madhuparkaṃ ca surabhiṃ sarvāṅge gandhayandanam
And there he presented the guest-offering, together with dūrvā grass, flowers and water, and honey-mixture, and fragrant sandal paste on all (his) limbs.
AI translation rendered from the Sanskrit, not a published edition
BvP 4 107.94
यत्प्रदत्तं महेन्द्रेण शुभकर्मणि यौतुकम् । पारिजातस्य माल्यं च जामातुश्च गले ददौ
yatpradattaṃ mahendreṇa śubhakarmaṇi yautukam | pārijātasya mālyaṃ ca jāmātuśca gale dadau
The dowry gift that had been presented by great Indra at the auspicious rite, and the garland of pārijāta flowers — (these) he placed on his son-in-law's neck.
AI translation rendered from the Sanskrit, not a published edition
BvP 4 107.95
कुबेरेण च यदत्तममूल्यरत्नभूषणम् । चकार वरणं तस्य स राजा भक्तिपूर्वकम्
kubereṇa ca yadattamamūlyaratnabhūṣaṇam | cakāra varaṇaṃ tasya sa rājā bhaktipūrvakam
And with the priceless jewelled ornament that had been given by Kubera, that king performed his formal choosing (of the groom), with devotion.
AI translation rendered from the Sanskrit, not a published edition
BvP 4 107.96
कह्निशुद्धांशुकयुगं यद्दत्तं वाह्निना पुरा । ददौ तदेव कृष्णाय परिपूर्णतमाय च
kahniśuddhāṃśukayugaṃ yaddattaṃ vāhninā purā | dadau tadeva kṛṣṇāya paripūrṇatamāya ca
The pair of fire-pure garments that had formerly been given by Agni — that very pair he gave to Kṛṣṇa, the wholly complete one.
AI translation rendered from the Sanskrit, not a published edition
BvP 4 107.97
ज्वलितं रत्नमुकुटं यद्दत्तं विश्वकर्मणा । ददौ तन्मस्तके राजा कृष्णस्य परमात्मनः
jvalitaṃ ratnamukuṭaṃ yaddattaṃ viśvakarmaṇā | dadau tanmastake rājā kṛṣṇasya paramātmanaḥ
The blazing jewelled crown that had been given by Viśvakarman — that the king placed on the head of Kṛṣṇa, the Supreme Self.
AI translation rendered from the Sanskrit, not a published edition
BvP 4 107.98
धूपं रत्नप्रदीपं च नैवेद्यं सुमनोहरम् । नानाप्रकारपुष्पं च रत्नसिहासनं ददौ
dhūpaṃ ratnapradīpaṃ ca naivedyaṃ sumanoharam | nānāprakārapuṣpaṃ ca ratnasihāsanaṃ dadau
He gave incense, a jewelled lamp, most delightful food-offering, flowers of many kinds, and a jewelled lion-throne.
AI translation rendered from the Sanskrit, not a published edition
BvP 4 107.99
सप्ततीर्थोदकं चैव पुनराचमनीयकम् । ताम्बूलं च वरं रम्यं कर्पूरादिसुवासितम्
saptatīrthodakaṃ caiva punarācamanīyakam | tāmbūlaṃ ca varaṃ ramyaṃ karpūrādisuvāsitam
And water from seven sacred fords, and again water for rinsing the mouth, and excellent, pleasing betel well perfumed with camphor and the rest.
AI translation rendered from the Sanskrit, not a published edition
BvP 4 107.100
शय्यां रतिकरी रम्यां पानार्थं वासितं जलम् । कृत्वा च वरणं राजा परिहारं चकारतम्
śayyāṃ ratikarī ramyāṃ pānārthaṃ vāsitaṃ jalam | kṛtvā ca varaṇaṃ rājā parihāraṃ cakāratam
(He gave) a lovely bed conducive to love-making, and scented water for drinking; and having performed the choosing (of the groom), the king made the ceremonial gifts.
AI translation rendered from the Sanskrit, not a published edition — the model flagged this verse as uncertain
BvP 4 107.101
कृताञ्जलिपुटो राजा तस्मै पुष्पाञ्जलीं ददौ
kṛtāñjalipuṭo rājā tasmai puṣpāñjalīṃ dadau
With his palms joined in reverence, the king offered him a handful of flowers.
AI translation rendered from the Sanskrit, not a published edition
BvP 4 107.107
इति श्रीब्रह्मo महाo श्रीकृष्णजन्मखo उत्तo नारदनाo रुक्मिण्युद्वाहे
iti śrībrahmao mahāo śrīkṛṣṇajanmakhao uttao nāradanāo rukmiṇyudvāhe
Thus (ends the section) in the glorious Brahma(vaivarta) Mahā(purāṇa), in the Śrīkṛṣṇa-birth section, in the latter (part), in the Nārada(-Nārāyaṇa dialogue), on the marriage of Rukmiṇī.
AI translation rendered from the Sanskrit, not a published edition