Brahmavaivarta Purana — Ganapati Khanda — Chapter 4
BvP 3 4.1
नारायण उवाच ।। श्रुत्वा व्रतविधानं च दुर्गा संहृष्टमानसा ।। सर्वं व्रतविधानं च संप्रष्टुमुपचक्रमे
nārāyaṇa uvāca || śrutvā vratavidhānaṃ ca durgā saṃhṛṣṭamānasā || sarvaṃ vratavidhānaṃ ca saṃpraṣṭumupacakrame
Nārāyaṇa said: Having heard the procedure of the vow, Durgā, with delighted mind, began to ask about the whole procedure of the vow.
AI translation rendered from the Sanskrit, not a published edition
BvP 3 4.2
पार्वत्युवाच ।। सर्वं व्रतविधानं मां वद वेदविदां वर ।। हे नाथ करुणासिन्धो दीनबन्धो परात्पर
pārvatyuvāca || sarvaṃ vratavidhānaṃ māṃ vada vedavidāṃ vara || he nātha karuṇāsindho dīnabandho parātpara
Pārvatī said: Tell me the whole procedure of the vow, O best of the knowers of the Veda; O lord, ocean of compassion, friend of the wretched, higher than the highest,
AI translation rendered from the Sanskrit, not a published edition
BvP 3 4.3
कानि व्रतोपयुक्तानि द्रव्याणि च फलानि च ।। सनियमं सभक्ष्यं च विधानं तत्फलं प्रभो
kāni vratopayuktāni dravyāṇi ca phalāni ca || saniyamaṃ sabhakṣyaṃ ca vidhānaṃ tatphalaṃ prabho
which are the substances and fruits suitable for the vow, together with the observance and the food to be eaten, the procedure and its result, O lord?
AI translation rendered from the Sanskrit, not a published edition
BvP 3 4.4
देहि मह्यं विनीतायै नियुक्तं सत्पुरोहितम्।। पुष्पोपहारान्विप्रांश्च द्रव्याहरणकिंकरान्
dehi mahyaṃ vinītāyai niyuktaṃ satpurohitam|| puṣpopahārānviprāṃśca dravyāharaṇakiṃkarān
Give to me, who am submissive, an appointed good priest, and brahmins (to bring) flowers and offerings, and servants to fetch the materials.
AI translation rendered from the Sanskrit, not a published edition
BvP 3 4.6
पिता कौमारकाले च सदा पालनकारकः ।। भर्त्ता मध्ये सुतः शेषे त्रिधाऽवस्था सुयोषिताम्
pitā kaumārakāle ca sadā pālanakārakaḥ || bharttā madhye sutaḥ śeṣe tridhā'vasthā suyoṣitām
In girlhood the father is always the protector, in the middle the husband, at the end the son: threefold is the condition of good women.
AI translation rendered from the Sanskrit, not a published edition
BvP 3 4.7
. तातोऽशोकः प्राणतुल्यां दत्त्वा सत्त्वामिने सुताम् ।। स्वामी निर्वृतिमाप्नोति संन्यस्य स्वसुते प्रियाम्
. tāto'śokaḥ prāṇatulyāṃ dattvā sattvāmine sutām || svāmī nirvṛtimāpnoti saṃnyasya svasute priyām
Father Aśoka, having given his daughter, dear as life, to a worthy master, (is content); and the husband attains contentment by entrusting his beloved to his own son.
AI translation rendered from the Sanskrit, not a published edition — the model flagged this verse as uncertain
BvP 3 4.9
अन्यानि चोपयुक्तानि मयाऽज्ञातानि यानि च ।। सन्नियोजय तत्सर्वं स्त्रीणां स्वामी च सर्वदः बन्धुत्रययुता या स्त्री सा च भाग्यवती परा ।। किञ्चिद्विहीना मध्या च सर्वहीनाऽधमा भुवि।।।। एतेषां च समीपस्था प्रशंस्या सा जगत्त्रये।। निन्दिताऽन्येषु संन्यस्ता सर्वमेतच्छ्रुतौ श्रुतम्
anyāni copayuktāni mayā'jñātāni yāni ca || sanniyojaya tatsarvaṃ strīṇāṃ svāmī ca sarvadaḥ bandhutrayayutā yā strī sā ca bhāgyavatī parā || kiñcidvihīnā madhyā ca sarvahīnā'dhamā bhuvi|||| eteṣāṃ ca samīpasthā praśaṃsyā sā jagattraye|| ninditā'nyeṣu saṃnyastā sarvametacchrutau śrutam
And whatever other requisites there are that are unknown to me, arrange all that — for the husband of women is the giver of all. That woman who is provided with the three kinsmen (father, husband, son) is supremely fortunate; lacking one she is middling, lacking all she is lowest on earth. And she who stays near these is praiseworthy in the three worlds; she who is placed among others is blamed — all this is heard in scripture.
AI translation rendered from the Sanskrit, not a published edition
BvP 3 4.10
सर्वात्मा भगवांस्त्वं च सर्वसाक्षी च सर्ववित्।। देहि मह्यं पुत्रवरं स्वात्मनिर्वृतिहेतुकम्
sarvātmā bhagavāṃstvaṃ ca sarvasākṣī ca sarvavit|| dehi mahyaṃ putravaraṃ svātmanirvṛtihetukam
You are the Lord, the self of all, the witness of all and the knower of all; give me an excellent son, the cause of contentment for my own self.
AI translation rendered from the Sanskrit, not a published edition
BvP 3 4.11
' स्वात्मबोधानुमानेन महात्मनि निवेदितम्।। सर्वान्तराभिप्रायज्ञं बोधज्ञं बोधयामि किम्
' svātmabodhānumānena mahātmani niveditam|| sarvāntarābhiprāyajñaṃ bodhajñaṃ bodhayāmi kim
'By the inference of my own understanding it has been declared to the Great Self; what can I make known to one who knows the intentions within all, who knows (all) knowledge?'
AI translation rendered from the Sanskrit, not a published edition — the model flagged this verse as uncertain
BvP 3 4.12
इत्युक्त्वा पार्वती प्रीत्या पपात स्वामिनः पदे ।। कृपासिन्धुश्च भगवान्प्रवक्तुमुपचक्रमे
ityuktvā pārvatī prītyā papāta svāminaḥ pade || kṛpāsindhuśca bhagavānpravaktumupacakrame
Having spoken thus, Pārvatī fell affectionately at her husband's feet; and the Lord, the ocean of compassion, began to speak.
AI translation rendered from the Sanskrit, not a published edition
BvP 3 4.13
श्रीमहादेव उवाच ।। शृणु देवि प्रवक्ष्यामि विधानं नियमं फलम् ।। फलानि चैव द्रव्याणि व्रतयोग्यानि यानि च
śrīmahādeva uvāca || śṛṇu devi pravakṣyāmi vidhānaṃ niyamaṃ phalam || phalāni caiva dravyāṇi vratayogyāni yāni ca
Śrī Mahādeva said: Listen, goddess, I shall declare the procedure, the observance, the result, and the fruits and substances that are fit for the vow.
AI translation rendered from the Sanskrit, not a published edition
BvP 3 4.14
विप्राणां शतकं शुद्धं फलपुष्पोपहारकम् ।। किंकराणां च शतकं द्रव्याहरणकारकम्
viprāṇāṃ śatakaṃ śuddhaṃ phalapuṣpopahārakam || kiṃkarāṇāṃ ca śatakaṃ dravyāharaṇakārakam
A hundred pure brahmins bringing fruits, flowers and offerings, and a hundred servants who fetch the materials;
AI translation rendered from the Sanskrit, not a published edition
BvP 3 4.15
दासीनां शतकं लक्षं नियुक्तं च पुरोहितम् ।। सर्वव्रतविधानज्ञं वेदवेदान्तपारगम्
dāsīnāṃ śatakaṃ lakṣaṃ niyuktaṃ ca purohitam || sarvavratavidhānajñaṃ vedavedāntapāragam
(And) a hundred thousand maidservants, and a priest appointed (for the rite), one who knows the procedure of every vow and has gone to the far shore of the Vedas and the Vedānta —
AI translation rendered from the Sanskrit, not a published edition
BvP 3 4.16
प्रवरं हरिभक्तानां सर्वज्ञं ज्ञानिनां वरम्।। सनत्कुमारं मत्तुल्यं गृहाण व्रतहेतवे
pravaraṃ haribhaktānāṃ sarvajñaṃ jñānināṃ varam|| sanatkumāraṃ mattulyaṃ gṛhāṇa vratahetave
the foremost of Hari's devotees, all-knowing, the best of the wise — take Sanatkumāra, who is equal to me, for the sake of the vow.
AI translation rendered from the Sanskrit, not a published edition
BvP 3 4.17
देवि शुद्धे च काले च परं नियमपूर्वकम्।। माघशुक्लत्रयोदश्यां व्रतारम्भः शुभः प्रिये
devi śuddhe ca kāle ca paraṃ niyamapūrvakam|| māghaśuklatrayodaśyāṃ vratārambhaḥ śubhaḥ priye
O goddess, and at a pure time, supremely (and) preceded by (proper) restraints — on the thirteenth of the bright fortnight of Māgha the beginning of the vow is auspicious, O beloved.
AI translation rendered from the Sanskrit, not a published edition
BvP 3 4.18
गात्रं सुनिर्मलं कृत्वा शिरस्संस्कारपूर्वकम् ।। उपोष्य पूर्वदिवसे वस्त्रं संशोध्य यत्नतः
gātraṃ sunirmalaṃ kṛtvā śirassaṃskārapūrvakam || upoṣya pūrvadivase vastraṃ saṃśodhya yatnataḥ
Having made the body thoroughly clean, beginning with the dressing of the head, having fasted on the previous day, having carefully washed the garment,
AI translation rendered from the Sanskrit, not a published edition
BvP 3 4.19
अरुणोदयवेलायां तल्पादुत्थाय सुव्रती ।। मुखप्रक्षालनं कृत्वा स्नात्वा वै निर्मले जले
aruṇodayavelāyāṃ talpādutthāya suvratī || mukhaprakṣālanaṃ kṛtvā snātvā vai nirmale jale
at the hour of the rising dawn the good observer of the vow, having risen from the bed, having washed the face, and having bathed indeed in clear water,
AI translation rendered from the Sanskrit, not a published edition
BvP 3 4.20
आचम्य यत्नपूतो हि हरिस्मरणपूर्वकम् ।। दत्त्वाऽर्घ्यं हरये भक्त्या गृहमागत्य सत्वरम्
ācamya yatnapūto hi harismaraṇapūrvakam || dattvā'rghyaṃ haraye bhaktyā gṛhamāgatya satvaram
having sipped water, purified by (this) effort, with remembrance of Hari beforehand, having offered arghya-water to Hari with devotion, having come back home quickly,
AI translation rendered from the Sanskrit, not a published edition
BvP 3 4.21
धौते च वाससी धृत्वा ह्युपविश्यासने शुचौ।। आचम्य तिलकं धृत्वा समाप्य स्वाह्निकं पुनः
dhaute ca vāsasī dhṛtvā hyupaviśyāsane śucau|| ācamya tilakaṃ dhṛtvā samāpya svāhnikaṃ punaḥ
and having put on the two washed garments, having sat down on a clean seat, having sipped water, having worn the tilaka mark, having completed one's daily rites, again
AI translation rendered from the Sanskrit, not a published edition
BvP 3 4.22
घटं संस्थाप्य विधिवत्स्वस्तिवाचनपूर्वकम् ।। पुरोहितस्य वरणं पुरः कृत्वा प्रयत्नतः
ghaṭaṃ saṃsthāpya vidhivatsvastivācanapūrvakam || purohitasya varaṇaṃ puraḥ kṛtvā prayatnataḥ
having set up the pot according to rule, preceded by the recitation of benediction, having first carefully made the formal choosing of the priest,
AI translation rendered from the Sanskrit, not a published edition
BvP 3 4.23
सङ्कल्पं वेदविहितं व्रतमेतत्समाचरेत् ।। व्रते द्रव्याणि नित्यानि चोपचारास्तु षोडश
saṅkalpaṃ vedavihitaṃ vratametatsamācaret || vrate dravyāṇi nityāni copacārāstu ṣoḍaśa
one should make the resolve (saṅkalpa) as prescribed by the Veda and perform this vow. In the vow the requisites are constant, and the services (upacāra) are sixteen.
AI translation rendered from the Sanskrit, not a published edition
BvP 3 4.24
देयानि नित्यं देवेशि कृष्णाय परमात्मने ।। आसनं स्वागतं पाद्यमर्घ्यमाचमनीयकम्
deyāni nityaṃ deveśi kṛṣṇāya paramātmane || āsanaṃ svāgataṃ pādyamarghyamācamanīyakam
They must always be given, O mistress of the gods, to Kṛṣṇa the supreme Self: a seat, welcome, water for the feet, arghya-water, water for rinsing the mouth,
AI translation rendered from the Sanskrit, not a published edition
BvP 3 4.25
स्नानीयं मधुपर्कं च वस्त्राण्याभरणानि च ।। सुगन्धि पुष्पधूपं च दीपनैवेद्यचन्दनम्
snānīyaṃ madhuparkaṃ ca vastrāṇyābharaṇāni ca || sugandhi puṣpadhūpaṃ ca dīpanaivedyacandanam
water for bathing, the honey-mixture, garments and ornaments, fragrant flowers and incense, lamp, food-offering, sandal paste,
AI translation rendered from the Sanskrit, not a published edition
BvP 3 4.26
यज्ञसूत्रं च ताम्बूलं कर्पूरादिसुवासितम् ।। द्रव्याण्येतानि पूजायाश्चाङ्गरूपाणि सुन्दरि
yajñasūtraṃ ca tāmbūlaṃ karpūrādisuvāsitam || dravyāṇyetāni pūjāyāścāṅgarūpāṇi sundari
the sacrificial thread, and betel perfumed with camphor and the rest — these requisites are the limbs, as it were, of the worship, O beautiful one.
AI translation rendered from the Sanskrit, not a published edition
BvP 3 4.27
देवि किञ्चिद्विहीनेन चाङ्गहानिः प्रजायते ।। अंगहीनं च यत्कर्म्म चाङ्गहीनो यथा नरः ।। अंगहीने च कार्य्ये च फलहानिः प्रजायते
devi kiñcidvihīnena cāṅgahāniḥ prajāyate || aṃgahīnaṃ ca yatkarmma cāṅgahīno yathā naraḥ || aṃgahīne ca kāryye ca phalahāniḥ prajāyate
O goddess, by the lack of anything (of these) a defect of a limb arises; and an act lacking a limb is like a man lacking a limb; and when the act lacks a limb, a loss of fruit arises.
AI translation rendered from the Sanskrit, not a published edition
BvP 3 4.28
अष्टोत्तरशतं पुष्पं पारिजातस्य विष्णवे ।। देयं प्रतिदिनं दुर्गे स्वात्मनो रूपहेतवे
aṣṭottaraśataṃ puṣpaṃ pārijātasya viṣṇave || deyaṃ pratidinaṃ durge svātmano rūpahetave
A hundred and eight flowers of the pārijāta are to be given to Viṣṇu each day, O Durgā, for the sake of one's own beauty of form.
AI translation rendered from the Sanskrit, not a published edition
BvP 3 4.29
श्वेतचम्पकपुष्पाणां लक्षमक्षतमीप्सितम् ।। प्रदेयं हरये भक्त्या वर्णसौन्दर्य्यहेतवे
śvetacampakapuṣpāṇāṃ lakṣamakṣatamīpsitam || pradeyaṃ haraye bhaktyā varṇasaundaryyahetave
A lakh of white campaka flowers, unbroken (and) desirable, is to be offered to Hari with devotion for the sake of beauty of complexion.
AI translation rendered from the Sanskrit, not a published edition
BvP 3 4.30
सहस्रपत्रपद्मानामक्षतं लक्षकं तथा ।। भक्त्या देयं च हरये मुखसौन्दर्य्यहेतवे
sahasrapatrapadmānāmakṣataṃ lakṣakaṃ tathā || bhaktyā deyaṃ ca haraye mukhasaundaryyahetave
Likewise a lakh of thousand-petalled lotuses, unbroken, is to be given with devotion to Hari for the sake of beauty of face.
AI translation rendered from the Sanskrit, not a published edition
BvP 3 4.31
अमूल्यरत्नरचितं दर्पणानां सहस्रकम् ।। देयं नारायणायैव नेत्रयोर्दीप्तिहेतवे
amūlyaratnaracitaṃ darpaṇānāṃ sahasrakam || deyaṃ nārāyaṇāyaiva netrayordīptihetave
A thousand mirrors set with priceless jewels are to be given to Nārāyaṇa alone for the sake of brilliance in the two eyes.
AI translation rendered from the Sanskrit, not a published edition
BvP 3 4.32
नीलोत्पलानां लक्षं च देयं कृष्णाय भक्तितः ।। व्रताङ्गभूतं देवेशि चक्षुषो रूपहेतवे ।।
nīlotpalānāṃ lakṣaṃ ca deyaṃ kṛṣṇāya bhaktitaḥ || vratāṅgabhūtaṃ deveśi cakṣuṣo rūpahetave ||
And a lakh of blue water-lilies is to be given to Kṛṣṇa out of devotion, as a limb of the vow, O mistress of the gods, for the sake of the beauty of the eye.
AI translation rendered from the Sanskrit, not a published edition
BvP 3 4.33
हिमालयोद्भवं लक्षं रुचिरं श्वेतचामरम् ।। प्रदेयं केशवायैव केशसौन्दर्य्यहेतवे
himālayodbhavaṃ lakṣaṃ ruciraṃ śvetacāmaram || pradeyaṃ keśavāyaiva keśasaundaryyahetave
A lakh of lovely white yak-tail whisks produced in the Himālaya is to be offered to Keśava alone for the sake of beauty of hair.
AI translation rendered from the Sanskrit, not a published edition
BvP 3 4.34
अमूल्यरत्नरचितं पुटकानां सहस्रकम् ।। प्रदेयं गोपिकेशाय नासासौन्दर्यहेतवे
amūlyaratnaracitaṃ puṭakānāṃ sahasrakam || pradeyaṃ gopikeśāya nāsāsaundaryahetave
A thousand caskets made of priceless jewels are to be offered to the Lord of the gopīs' hair for the sake of beauty of the nose.
AI translation rendered from the Sanskrit, not a published edition
BvP 3 4.35
बन्धूकपुष्पलक्षं च देयं राधेश्वराय च ।। सौम्यौष्ठाधरयोश्चैव वर्णसौन्दर्यहेतवे
bandhūkapuṣpalakṣaṃ ca deyaṃ rādheśvarāya ca || saumyauṣṭhādharayoścaiva varṇasaundaryahetave
And a lakh of bandhūka flowers is to be given to Rādhā's lord, for the sake of the colour and beauty of his gentle upper and lower lips.
AI translation rendered from the Sanskrit, not a published edition
BvP 3 4.36
मुक्ताफलानां लक्षं च दन्तसौन्दर्यहेतवे ।। देयं गोलोकनाथाय शैलजे भक्तिपूर्वकम्
muktāphalānāṃ lakṣaṃ ca dantasaundaryahetave || deyaṃ golokanāthāya śailaje bhaktipūrvakam
And a lakh of pearls is to be given, for the sake of the beauty of his teeth, to the Lord of Goloka, O daughter of the mountain, with devotion.
AI translation rendered from the Sanskrit, not a published edition
BvP 3 4.37
रत्नगण्डूषलक्षं च गण्डसौन्दर्य्यहेतवे ।। महेश्वराय दातव्यं व्रते शैलेन्द्रकन्यके
ratnagaṇḍūṣalakṣaṃ ca gaṇḍasaundaryyahetave || maheśvarāya dātavyaṃ vrate śailendrakanyake
And a lakh of jewelled cups (for rinsing the mouth) is to be given to Maheśvara for the sake of the beauty of his cheeks, in the observance, O daughter of the lord of mountains.
AI translation rendered from the Sanskrit, not a published edition
BvP 3 4.38
रत्नपाशकलक्षं च देयं ब्रह्मेश्वराय च ।। ओष्ठाधः स्थलरूपाय व्रती प्राणेशि भक्तितः
ratnapāśakalakṣaṃ ca deyaṃ brahmeśvarāya ca || oṣṭhādhaḥ sthalarūpāya vratī prāṇeśi bhaktitaḥ
And a lakh of jewelled dice is to be given by the observer of the vow, with devotion, to Brahmā's lord, who has the form of the region below the lip (the chin), O mistress of my life.
AI translation rendered from the Sanskrit, not a published edition — the model flagged this verse as uncertain
BvP 3 4.39
कर्णभूषणलक्षं च रत्नसारविनिर्म्मितम् ।। देयं सर्वेश्वरायैव कर्णसौन्दर्य्यहेतवे
karṇabhūṣaṇalakṣaṃ ca ratnasāravinirmmitam || deyaṃ sarveśvarāyaiva karṇasaundaryyahetave
And a lakh of ear-ornaments made of the finest jewels is to be given to the Lord of all, for the sake of the beauty of his ears.
AI translation rendered from the Sanskrit, not a published edition
BvP 3 4.40
माध्वीककलशानां च लक्षं रत्नविनिर्म्मितम् ।। देयं विश्वेश्वरायैव स्वरसौन्दर्य्यहेतवे
mādhvīkakalaśānāṃ ca lakṣaṃ ratnavinirmmitam || deyaṃ viśveśvarāyaiva svarasaundaryyahetave
And a lakh of jars of mead, made of jewels, is to be given to the Lord of the universe, for the sake of the beauty of his voice.
AI translation rendered from the Sanskrit, not a published edition
BvP 3 4.41
सुधापूर्णं च कुम्भानां सहस्रं रत्ननिर्म्मितम् ।। देयं कृष्णाय देवेशि वाक्यसौन्दर्य्यहेतवे
sudhāpūrṇaṃ ca kumbhānāṃ sahasraṃ ratnanirmmitam || deyaṃ kṛṣṇāya deveśi vākyasaundaryyahetave
And a thousand jewel-made pots filled with nectar is to be given to Kṛṣṇa, O mistress of the gods, for the sake of the beauty of his speech.
AI translation rendered from the Sanskrit, not a published edition
BvP 3 4.42
रत्नप्रदीपलक्षं च गोपवेषविधायिने ।। देयं किशोरवेषाय दृष्टिसौन्दर्य्य हेतवे
ratnapradīpalakṣaṃ ca gopaveṣavidhāyine || deyaṃ kiśoraveṣāya dṛṣṭisaundaryya hetave
And a lakh of jewelled lamps is to be given to him who assumes the cowherd's garb, who wears the guise of a youth, for the sake of the beauty of his gaze.
AI translation rendered from the Sanskrit, not a published edition
BvP 3 4.43
धत्तूरकुसुमाकारं रत्नपात्रसहस्रकम् ।। देयं गोरक्षकायैव बलसौन्दर्य्यहेतवे
dhattūrakusumākāraṃ ratnapātrasahasrakam || deyaṃ gorakṣakāyaiva balasaundaryyahetave
And a thousand jewelled vessels shaped like dhattūra flowers is to be given to the protector of cows, for the sake of the beauty of his strength.
AI translation rendered from the Sanskrit, not a published edition
BvP 3 4.44
सद्रत्नसाररचितं पद्मनालसहस्रकम् ।। देयं चण्डकपालाय बाहुसौन्दर्य्यहेतवे
sadratnasāraracitaṃ padmanālasahasrakam || deyaṃ caṇḍakapālāya bāhusaundaryyahetave
And a thousand lotus stalks fashioned of fine jewel-essence is to be given to the fierce skull-bearer, for the sake of the beauty of his arms.
AI translation rendered from the Sanskrit, not a published edition
BvP 3 4.45
लक्षं च रक्तपद्मानां करसौन्दर्यहेतवे।। देयं गोपांगनेशाय नारायणि हरिव्रते
lakṣaṃ ca raktapadmānāṃ karasaundaryahetave|| deyaṃ gopāṃganeśāya nārāyaṇi harivrate
And a lakh of red lotuses is to be given, for the sake of the beauty of his hands, to the lord of the cowherd women, O Nārāyaṇī, in the vow to Hari.
AI translation rendered from the Sanskrit, not a published edition
BvP 3 4.46
अंगुलीयकलक्षं च रत्नसारविनिर्म्मितम् ।। अंगुलीनां च रूपार्थं देयं देवेश्वराय च
aṃgulīyakalakṣaṃ ca ratnasāravinirmmitam || aṃgulīnāṃ ca rūpārthaṃ deyaṃ deveśvarāya ca
And a lakh of finger-rings made of the finest jewels is to be given to the Lord of the gods, for the sake of the beauty of his fingers.
AI translation rendered from the Sanskrit, not a published edition
BvP 3 4.47
मणीन्द्रसारलक्षं च श्वेतवर्णं मनोहरम् ।। देयं मुनीन्द्रनाथाय नखसौन्दर्य्यहेतवे
maṇīndrasāralakṣaṃ ca śvetavarṇaṃ manoharam || deyaṃ munīndranāthāya nakhasaundaryyahetave
And a lakh of the finest gems, white in colour and lovely, is to be given to the lord of the chief of sages, for the sake of the beauty of his nails.
AI translation rendered from the Sanskrit, not a published edition
BvP 3 4.48
सद्रत्नसारहाराणां लक्षं चातिमनोहरम् ।। देयं मदनमोहाय वक्षःसौन्दर्य्यहेतवे
sadratnasārahārāṇāṃ lakṣaṃ cātimanoharam || deyaṃ madanamohāya vakṣaḥsaundaryyahetave
And a lakh of exceedingly lovely necklaces of fine jewel-essence is to be given to him who bewilders Madana, for the sake of the beauty of his chest.
AI translation rendered from the Sanskrit, not a published edition
BvP 3 4.49
सुपक्वश्रीफलानां च लक्षं च सुमनोहरम् ।। देयं सिद्धेन्द्रनाथाय स्तनसौन्दर्य्यहेतवे
supakvaśrīphalānāṃ ca lakṣaṃ ca sumanoharam || deyaṃ siddhendranāthāya stanasaundaryyahetave
And a lakh of well-ripened bel fruits, very lovely, is to be given to the lord of the chief of the Siddhas, for the sake of the beauty of his breast.
AI translation rendered from the Sanskrit, not a published edition
BvP 3 4.50
सद्रत्नवर्तुलाकारपत्रलशं मनोहरम् ।। देयं पद्मालयेशाय देहसौन्दर्य्यहेतवे
sadratnavartulākārapatralaśaṃ manoharam || deyaṃ padmālayeśāya dehasaundaryyahetave
And a lakh of lovely round-shaped leaves of fine jewels is to be given to the lord of her who dwells in the lotus, for the sake of the beauty of his body.
AI translation rendered from the Sanskrit, not a published edition — the model flagged this verse as uncertain
BvP 3 4.51
सद्रत्नसाररचितं नाभीनां च सहस्रकम् ।। प्रदेयं पद्मनाभाय नाभिसौन्दर्य्यहेतवे
sadratnasāraracitaṃ nābhīnāṃ ca sahasrakam || pradeyaṃ padmanābhāya nābhisaundaryyahetave
And a thousand navels fashioned of fine jewel-essence is to be given to Padmanābha, for the sake of the beauty of his navel.
AI translation rendered from the Sanskrit, not a published edition
BvP 3 4.52
सद्रत्नसाररचितं रथचक्रसहस्रकम् ।। नितम्बसौन्दर्य्यार्थं च देयं वै चक्रपाणये
sadratnasāraracitaṃ rathacakrasahasrakam || nitambasaundaryyārthaṃ ca deyaṃ vai cakrapāṇaye
And a thousand chariot-wheels fashioned of fine jewel-essence is to be given, for the sake of the beauty of his buttocks, to him who holds the discus.
AI translation rendered from the Sanskrit, not a published edition
BvP 3 4.53
सुवर्णरम्भास्तम्भानां लक्षं च सुमनोहरम् ।। प्रदेयं श्रीनिवासाय श्रोणिसौन्दर्य्यहेतवे
suvarṇarambhāstambhānāṃ lakṣaṃ ca sumanoharam || pradeyaṃ śrīnivāsāya śroṇisaundaryyahetave
And a lakh of very lovely golden plantain trunks is to be given to Śrīnivāsa, for the sake of the beauty of his hips.
AI translation rendered from the Sanskrit, not a published edition
BvP 3 4.55
सुवर्णरचितानां च खञ्जनानां सहस्रकम् ।। गतिसौन्दर्य्यहेत्वर्थं देयं लक्ष्मीश्वराय च
suvarṇaracitānāṃ ca khañjanānāṃ sahasrakam || gatisaundaryyahetvarthaṃ deyaṃ lakṣmīśvarāya ca
And a thousand wagtails made of gold is to be given to the lord of Lakṣmī, for the sake of the beauty of his gait.
AI translation rendered from the Sanskrit, not a published edition
BvP 3 4.56
राजहंससहस्रं च गजेन्द्राणां सहस्रकम् ।। सुवर्णरचितं देयं हरये गतिहेतवे ।।
rājahaṃsasahasraṃ ca gajendrāṇāṃ sahasrakam || suvarṇaracitaṃ deyaṃ haraye gatihetave ||
And a thousand royal geese and a thousand lordly elephants, fashioned of gold, are to be given to Hari for the sake of (graceful) gait.
AI translation rendered from the Sanskrit, not a published edition
BvP 3 4.57
सुवर्णच्छत्रलक्षं च देयं नारायणाय च ।। विचित्रं रत्नसारेण मूर्द्धसौन्दर्य्यहेतवे
suvarṇacchatralakṣaṃ ca deyaṃ nārāyaṇāya ca || vicitraṃ ratnasāreṇa mūrddhasaundaryyahetave
And a hundred thousand golden parasols are to be given to Nārāyaṇa, variegated with the finest gems, for the sake of beauty of the head.
AI translation rendered from the Sanskrit, not a published edition
BvP 3 4.58
मालतीनां च कुसुममक्षतं लक्षमीश्वरि ।। देयं वृन्दावनेशाय हास्यसौन्दर्य्यहेतवे
mālatīnāṃ ca kusumamakṣataṃ lakṣamīśvari || deyaṃ vṛndāvaneśāya hāsyasaundaryyahetave
And a hundred thousand mālatī blossoms, undiminished, O mistress of Lakṣmī, are to be given to the lord of Vṛndāvana for the sake of beauty of smile.
AI translation rendered from the Sanskrit, not a published edition
BvP 3 4.59
अमूल्यरत्नलक्षं च देयं नारायणाय वै ।। सुव्रते व्रतपूर्णार्थं शीलसौन्दर्य्यहेतवे
amūlyaratnalakṣaṃ ca deyaṃ nārāyaṇāya vai || suvrate vratapūrṇārthaṃ śīlasaundaryyahetave
And a hundred thousand priceless jewels are to be given to Nārāyaṇa, O you of good vows, for the completion of the vow, for the sake of beauty of character.
AI translation rendered from the Sanskrit, not a published edition
BvP 3 4.60
स्वच्छस्फटिकसङ्काशं मणीन्द्रश्रेष्ठलक्षकम् ।। देयं मुनीन्द्रनाथाय मनस्सौन्दर्य्यहेतवे
svacchasphaṭikasaṅkāśaṃ maṇīndraśreṣṭhalakṣakam || deyaṃ munīndranāthāya manassaundaryyahetave
A hundred thousand of the best of chief gems, resembling clear crystal, is to be given to the lord of the chief sages, for the sake of beauty of mind.
AI translation rendered from the Sanskrit, not a published edition
BvP 3 4.61
प्रवालसारसंकाशं मणिसारसहस्रकम् ।। देयं कृष्णाय भक्त्या च प्रियारागविवृद्धये
pravālasārasaṃkāśaṃ maṇisārasahasrakam || deyaṃ kṛṣṇāya bhaktyā ca priyārāgavivṛddhaye
A thousand choice gems, resembling the finest coral, are to be given to Kṛṣṇa with devotion, for the increase of the beloved's passion.
AI translation rendered from the Sanskrit, not a published edition
BvP 3 4.62
माणिक्यसारलक्षं च देयं कृष्णाय यत्नतः ।। जन्मनः कोटिपर्य्यन्तं स्वामिसौभाग्यहेतवे
māṇikyasāralakṣaṃ ca deyaṃ kṛṣṇāya yatnataḥ || janmanaḥ koṭiparyyantaṃ svāmisaubhāgyahetave
And a hundred thousand choice rubies are to be given to Kṛṣṇa with effort, for the good fortune of (having that) husband for ten million births.
AI translation rendered from the Sanskrit, not a published edition
BvP 3 4.63
कूष्माण्डं नारिकेलं च जम्बीरं श्रीफलं तथा ।। फलान्येतानि देयानि हरये पुत्रहेतवे
kūṣmāṇḍaṃ nārikelaṃ ca jambīraṃ śrīphalaṃ tathā || phalānyetāni deyāni haraye putrahetave
Pumpkin, coconut, citron, and likewise bael fruit — these fruits are to be given to Hari for the sake of a son.
AI translation rendered from the Sanskrit, not a published edition
BvP 3 4.64
रत्नेन्द्रसारलक्षं च देयं कृष्णाय यत्नतः ।। असंख्यजन्मपर्य्यन्तं स्वामिनो धनवृद्धये
ratnendrasāralakṣaṃ ca deyaṃ kṛṣṇāya yatnataḥ || asaṃkhyajanmaparyyantaṃ svāmino dhanavṛddhaye
And a hundred thousand choice best gems are to be given to Kṛṣṇa with effort, for the increase of the husband's wealth through countless births.
AI translation rendered from the Sanskrit, not a published edition
BvP 3 4.65
वाद्यं नानाप्रकारं च कांस्यतालादिकं परम् ।। व्रते सम्पत्तिवृद्ध्यर्थ श्रीहरिं श्रावयेद्व्रती
vādyaṃ nānāprakāraṃ ca kāṃsyatālādikaṃ param || vrate sampattivṛddhyartha śrīhariṃ śrāvayedvratī
And music of various kinds, chiefly bronze cymbals and the like — in the vow, for the increase of prosperity, the vow-keeper should let Śrī Hari hear (it).
AI translation rendered from the Sanskrit, not a published edition
BvP 3 4.66
पायसं पिष्टकं सर्पिः शर्कराक्तं मनोहरम् ।। प्रदेयं हरये भक्त्या स्वामिनो भोगवृद्धये
pāyasaṃ piṣṭakaṃ sarpiḥ śarkarāktaṃ manoharam || pradeyaṃ haraye bhaktyā svāmino bhogavṛddhaye
Milk-rice, cakes, ghee, delightful (food) mixed with sugar, are to be offered to Hari with devotion, for the increase of the husband's enjoyment.
AI translation rendered from the Sanskrit, not a published edition
BvP 3 4.67
सुगन्धिपुष्पमालानां लक्षमक्षतमीप्सितम् ।। प्रदेयं हरये भक्त्या हरिभक्तिविवृद्धये
sugandhipuṣpamālānāṃ lakṣamakṣatamīpsitam || pradeyaṃ haraye bhaktyā haribhaktivivṛddhaye
A hundred thousand desirable garlands of fragrant flowers, unbroken, are to be offered to Hari with devotion, for the increase of devotion to Hari.
AI translation rendered from the Sanskrit, not a published edition
BvP 3 4.68
नैवेद्यानि च देयानि स्वादूनि मधुराणि च ।। श्रीकृष्णप्रीतिप्राप्त्यर्थं दुर्गे नानाविधानि च
naivedyāni ca deyāni svādūni madhurāṇi ca || śrīkṛṣṇaprītiprāptyarthaṃ durge nānāvidhāni ca
And food-offerings are to be given, tasty and sweet and of many kinds, O Durgā, for the sake of obtaining Śrī Kṛṣṇa's favour.
AI translation rendered from the Sanskrit, not a published edition
BvP 3 4.69
नानाविधानि पुष्पाणि तुलसीसंयुतानि च ।। श्रीकृष्णप्रीतये भक्त्या व्रते देयानि सुव्रते
nānāvidhāni puṣpāṇi tulasīsaṃyutāni ca || śrīkṛṣṇaprītaye bhaktyā vrate deyāni suvrate
And flowers of many kinds, together with tulasī, are to be given with devotion in the vow, for Śrī Kṛṣṇa's pleasure, O you of good vows.
AI translation rendered from the Sanskrit, not a published edition
BvP 3 4.70
ब्राह्मणानां सहस्रं च प्रत्यहं भोजयेद्व्रती ।। स्वात्मनः सस्यवृद्ध्यर्थं व्रते जन्मनि जन्मनि
brāhmaṇānāṃ sahasraṃ ca pratyahaṃ bhojayedvratī || svātmanaḥ sasyavṛddhyarthaṃ vrate janmani janmani
And the vow-keeper should feed a thousand brahmins every day, for the increase of her own grain-crops in the vow, birth after birth.
AI translation rendered from the Sanskrit, not a published edition
BvP 3 4.71
पुष्पाञ्जलिशतं देयं नित्यं पूर्णं च पूजने ।। प्रणामशतकं देवि कर्तव्यं भक्तिवृद्धये
puṣpāñjaliśataṃ deyaṃ nityaṃ pūrṇaṃ ca pūjane || praṇāmaśatakaṃ devi kartavyaṃ bhaktivṛddhaye
A hundred handfuls of flowers are to be offered daily and in full in the worship; a hundred prostrations, O goddess, are to be made for the increase of devotion.
AI translation rendered from the Sanskrit, not a published edition
BvP 3 4.72
षण्मासांश्च हविष्यान्नं मासान्पञ्च फलादिकम् ।। हविः पक्षं जलं पक्षं व्रते भक्षेच्च सुव्रते
ṣaṇmāsāṃśca haviṣyānnaṃ māsānpañca phalādikam || haviḥ pakṣaṃ jalaṃ pakṣaṃ vrate bhakṣecca suvrate
And for six months (one should eat) sacrificial food, for five months fruit and the like, for a fortnight oblation-food, and for a fortnight water — thus one should eat during the vow, O you of good vows.
AI translation rendered from the Sanskrit, not a published edition
BvP 3 4.73
रत्नप्रदीपशतकं वह्निं दद्याद्दिवानिशम् ।। रात्रौ कुशासनं कृत्वा नित्यं जागरणं व्रते
ratnapradīpaśatakaṃ vahniṃ dadyāddivāniśam || rātrau kuśāsanaṃ kṛtvā nityaṃ jāgaraṇaṃ vrate
One should offer a hundred jewelled lamps (as) fire day and night; at night, making a seat of kuśa grass, (one should keep) constant vigil in the vow.
AI translation rendered from the Sanskrit, not a published edition
BvP 3 4.74
स्मरणं कीर्त्ततं केलिः प्रेक्षणं गुह्यभाषणम् ।। संकल्पोऽध्यवसायश्च क्रियानिर्वृत्तिरित्यपि
smaraṇaṃ kīrttataṃ keliḥ prekṣaṇaṃ guhyabhāṣaṇam || saṃkalpo'dhyavasāyaśca kriyānirvṛttirityapi
Remembering, speaking of (it), dalliance, gazing, secret talk, resolve, determination, and also the consummation of the act —
AI translation rendered from the Sanskrit, not a published edition
BvP 3 4.75
स्वप्नमैथुनकं त्याज्यं व्रतिना व्रतशुद्धये ।। सम्पूर्णे च व्रते देवि प्रतिष्ठा तदनन्तरम्
svapnamaithunakaṃ tyājyaṃ vratinā vrataśuddhaye || sampūrṇe ca vrate devi pratiṣṭhā tadanantaram
— and intercourse in dream: (all this) is to be abandoned by the vow-keeper for the purity of the vow. And when the vow is completed, O goddess, thereafter (comes) the installation (rite).
AI translation rendered from the Sanskrit, not a published edition
BvP 3 4.76
त्रिशतं वै षष्ट्यधिकं रल्लकं वस्त्रसंयुतम् ।। सभोज्यं सोपवीतं च सोपहारं ददात्वयम्
triśataṃ vai ṣaṣṭyadhikaṃ rallakaṃ vastrasaṃyutam || sabhojyaṃ sopavītaṃ ca sopahāraṃ dadātvayam
Three hundred and sixty woollen blankets together with garments — let him give (them) along with food, along with sacred threads, and along with offerings.
AI translation rendered from the Sanskrit, not a published edition — the model flagged this verse as uncertain
BvP 3 4.77
त्रिशतं वै षष्ट्यधिकसहस्रं विप्रभोजनम् ।। त्रिशतं वै षष्ट्यधिकं सहस्रं तिलहोमकम्
triśataṃ vai ṣaṣṭyadhikasahasraṃ viprabhojanam || triśataṃ vai ṣaṣṭyadhikaṃ sahasraṃ tilahomakam
A thousand three hundred and sixty feedings of brahmins; a thousand three hundred and sixty sesame-oblations.
AI translation rendered from the Sanskrit, not a published edition — the model flagged this verse as uncertain
BvP 3 4.78
त्रिशतं वै षष्ट्यधिकं सहस्रं स्वर्णमेव च ।।
triśataṃ vai ṣaṣṭyadhikaṃ sahasraṃ svarṇameva ca ||
And a thousand three hundred and sixty (measures) of gold indeed.
AI translation rendered from the Sanskrit, not a published edition — the model flagged this verse as uncertain
BvP 3 4.79
एतद्व्रतफलं देवि दृढा भक्तिर्हरौ भवेत्
etadvrataphalaṃ devi dṛḍhā bhaktirharau bhavet
This, O goddess, is the fruit of the vow: devotion to Hari becomes firm.
AI translation rendered from the Sanskrit, not a published edition
BvP 3 4.80
हरितुल्यो भवेत्पुत्रो विख्यातो भुवनत्रये ।। सौन्दर्यं स्वामिसौभाग्यमैश्वर्य्यं विपुलं धनम्
haritulyo bhavetputro vikhyāto bhuvanatraye || saundaryaṃ svāmisaubhāgyamaiśvaryyaṃ vipulaṃ dhanam
A son equal to Hari would be born, renowned in the three worlds; (and there would be) beauty, good fortune in a husband, lordship, abundant wealth.
AI translation rendered from the Sanskrit, not a published edition
BvP 3 4.81
सर्ववाञ्छितसिद्धीनां बीजं जन्मनि जन्मनि ।। इत्येवं कथितं देवि व्रतं कुरु महेश्वरि
sarvavāñchitasiddhīnāṃ bījaṃ janmani janmani || ityevaṃ kathitaṃ devi vrataṃ kuru maheśvari
(It is) the seed of the attainment of all things wished for, birth after birth. Thus it has been told, O goddess; perform the vow, O great queen.
AI translation rendered from the Sanskrit, not a published edition
BvP 3 4.82
पुत्रस्ते भविता साध्वीत्युक्त्वा स विरराम ह
putraste bhavitā sādhvītyuktvā sa virarāma ha
"A son will be yours, O virtuous woman" — having said this, he fell silent.
AI translation rendered from the Sanskrit, not a published edition
BvP 3 4.94
शतपत्रस्थलाब्जानां लक्षमम्लानमक्षतम् ।। प्रदेयं पद्मनेत्राय पादसौन्दर्य्यहेतवे
śatapatrasthalābjānāṃ lakṣamamlānamakṣatam || pradeyaṃ padmanetrāya pādasaundaryyahetave
A hundred thousand hundred-petalled land-lotuses, unwithered and unbroken, are to be given to the lotus-eyed one for the sake of the beauty of (his) feet.
AI translation rendered from the Sanskrit, not a published edition