Brahmavaivarta Purana — Ganapati Khanda — Chapter 23
BvP 3 23.1
नारायण उवाच ।। इन्द्रश्च गुरुणा सार्द्धं सुरैस्संहृष्टमानसः ।। जगाम शीघ्रं पद्मायै तीरं क्षीरपयोनिधेः ।। कवचं च गले बद्ध्वा सद्रत्नगुटिकान्वितम् ।। मनसा स्तवनं दिव्यं स्मारं स्मरं पुनःपुनः
nārāyaṇa uvāca || indraśca guruṇā sārddhaṃ suraissaṃhṛṣṭamānasaḥ || jagāma śīghraṃ padmāyai tīraṃ kṣīrapayonidheḥ || kavacaṃ ca gale baddhvā sadratnaguṭikānvitam || manasā stavanaṃ divyaṃ smāraṃ smaraṃ punaḥpunaḥ
Nārāyaṇa said: And Indra, together with the preceptor and the gods, his mind greatly delighted, went swiftly to the shore of the milk-ocean for Padmā's sake, having bound on his neck the amulet furnished with a pellet of true jewels, recalling again and again in his mind the divine hymn of praise.
AI translation rendered from the Sanskrit, not a published edition
BvP 3 23.2
ते सर्वे भक्तियुक्ताश्च तुष्टुवुः कमलालयाम् ।। साश्रुनेत्राश्च दीनाश्च भक्तिनम्रात्मकन्धराः
te sarve bhaktiyuktāśca tuṣṭuvuḥ kamalālayām || sāśrunetrāśca dīnāśca bhaktinamrātmakandharāḥ
All of them, filled with devotion, praised her who dwells in the lotus, their eyes full of tears, humbled, their necks and selves bowed low with devotion.
AI translation rendered from the Sanskrit, not a published edition
BvP 3 23.3
सा तेषां स्तवनं श्रुत्वा सद्यः साक्षाद्बभूव ह ।। सहस्रदलपद्मस्था शतचन्द्रसमप्रभा
sā teṣāṃ stavanaṃ śrutvā sadyaḥ sākṣādbabhūva ha || sahasradalapadmasthā śatacandrasamaprabhā
Hearing their praise, she at once became visible in person, seated on a thousand-petalled lotus, with a radiance equal to a hundred moons.
AI translation rendered from the Sanskrit, not a published edition
BvP 3 23.4
जगद्व्याप्तं सुप्रभया जगन्मात्रं यया मुने ।। तानुवाच जगद्धात्री हितं सारं यथोचितम्
jagadvyāptaṃ suprabhayā jaganmātraṃ yayā mune || tānuvāca jagaddhātrī hitaṃ sāraṃ yathocitam
O sage, the world was pervaded by her fair radiance — she by whom the whole world (exists). To them the world's sustainer spoke what was beneficial and essential, as was fitting.
AI translation rendered from the Sanskrit, not a published edition — the model flagged this verse as uncertain
BvP 3 23.5
श्री महालक्ष्मीरुवाच।। वत्सा नेच्छामि वो गेहान्गन्तुं नैवं क्षमाऽधुना ।। भ्रष्टान्दृष्ट्वा ब्रह्मशापाद्बिभेमि ब्रह्मशापतः
śrī mahālakṣmīruvāca|| vatsā necchāmi vo gehāngantuṃ naivaṃ kṣamā'dhunā || bhraṣṭāndṛṣṭvā brahmaśāpādbibhemi brahmaśāpataḥ
Śrī Mahālakṣmī said: Children, I do not wish to go to your houses; nor am I now able (to do so). Seeing you fallen because of a brahmin's curse, I am afraid of the brahmin's curse.
AI translation rendered from the Sanskrit, not a published edition
BvP 3 23.6
प्राणा मे ब्राह्मणाः सर्वे शश्वत्पुत्राधिकं प्रियाः ।। विप्रदत्तं च यत्किञ्चिदुपजीव्यं सदैव च
prāṇā me brāhmaṇāḥ sarve śaśvatputrādhikaṃ priyāḥ || vipradattaṃ ca yatkiñcidupajīvyaṃ sadaiva ca
All brahmins are my very life, dearer to me always than a son; and whatever is given by a brahmin is always fit to be lived upon.
AI translation rendered from the Sanskrit, not a published edition
BvP 3 23.7
विप्रा ब्रुवन्तु मां तुष्टा यास्यामि भवदाज्ञया ।। न मे पूजां ध्रुवं कर्तुं क्षमास्ते च तपस्विनः
viprā bruvantu māṃ tuṣṭā yāsyāmi bhavadājñayā || na me pūjāṃ dhruvaṃ kartuṃ kṣamāste ca tapasvinaḥ
Let the brahmins, being satisfied, tell me (so); I shall go at your command. Surely those ascetics are not able to perform worship of me.
AI translation rendered from the Sanskrit, not a published edition
BvP 3 23.8
गुरुभिर्ब्राह्मणैर्देवैर्भिक्षुभिर्वैष्णवैस्तथा ।। यद्यभाग्यं भवेद्दैवात्ते शप्ताः सन्ति तैस्सदा
gurubhirbrāhmaṇairdevairbhikṣubhirvaiṣṇavaistathā || yadyabhāgyaṃ bhaveddaivātte śaptāḥ santi taissadā
If by fate misfortune should come about through gurus, brahmins, gods, mendicants or Vaiṣṇavas, those (people) have been cursed by them for good.
AI translation rendered from the Sanskrit, not a published edition — the model flagged this verse as uncertain
BvP 3 23.9
नारायणश्च भगवान्बिभेति ब्रह्मशापतः ।। सर्वबीजं च भगवान्सर्वेशश्च सनातनः
nārāyaṇaśca bhagavānbibheti brahmaśāpataḥ || sarvabījaṃ ca bhagavānsarveśaśca sanātanaḥ
Even the Lord Nārāyaṇa fears a brahmin's curse — he who is the seed of all, the Lord, the ruler of all, the eternal one.
AI translation rendered from the Sanskrit, not a published edition
BvP 3 23.10
एतस्मिन्नन्तरे ब्रह्मन्ब्राह्मणा हृष्टमानसाः।। आजग्मुः सस्मिताः सर्वे ज्वलन्तो ब्रह्मतेजसा
etasminnantare brahmanbrāhmaṇā hṛṣṭamānasāḥ|| ājagmuḥ sasmitāḥ sarve jvalanto brahmatejasā
At that moment, O brahmin, the brahmins, glad at heart, all came, smiling, blazing with brahminical splendour.
AI translation rendered from the Sanskrit, not a published edition
BvP 3 23.11
अंगिराश्च प्रचेताश्च क्रतुश्च भृगुरेव च ।। पुलहश्च पुलस्त्यश्च मरीचिश्चात्रिरेव च
aṃgirāśca pracetāśca kratuśca bhṛgureva ca || pulahaśca pulastyaśca marīciścātrireva ca
Aṅgiras and Pracetas and Kratu and Bhṛgu too, and Pulaha and Pulastya, and Marīci and Atri as well.
AI translation rendered from the Sanskrit, not a published edition
BvP 3 23.12
सनकश्च सनन्दश्च तृतीयश्च सनातनः ।। सनत्कुमारो भगवान्साक्षान्नारायणात्मकः
sanakaśca sanandaśca tṛtīyaśca sanātanaḥ || sanatkumāro bhagavānsākṣānnārāyaṇātmakaḥ
And Sanaka and Sananda and the third, Sanātana, and the lord Sanatkumāra, who is Nārāyaṇa himself in essence.
AI translation rendered from the Sanskrit, not a published edition
BvP 3 23.13
कपिलश्चासुरिश्चैव वोढुः पञ्चशिखस्तथा ।। दुर्वासाः कश्यपोऽगस्त्यो गौतमः कण्व एव च
kapilaścāsuriścaiva voḍhuḥ pañcaśikhastathā || durvāsāḥ kaśyapo'gastyo gautamaḥ kaṇva eva ca
And Kapila and Āsuri, Voḍhu and Pañcaśikha likewise, Durvāsas, Kaśyapa, Agastya, Gautama and Kaṇva too.
AI translation rendered from the Sanskrit, not a published edition
BvP 3 23.14
और्वः कात्यायनश्चैव कणादः पाणिनिस्तथा ।। मार्कण्डेयो लोमशश्च वसिष्ठो भगवान्स्वयम्
aurvaḥ kātyāyanaścaiva kaṇādaḥ pāṇinistathā || mārkaṇḍeyo lomaśaśca vasiṣṭho bhagavānsvayam
And Aurva and Kātyāyana, Kaṇāda and Pāṇini likewise, Mārkaṇḍeya and Lomaśa, and the venerable Vasiṣṭha himself.
AI translation rendered from the Sanskrit, not a published edition
BvP 3 23.15
ब्राह्मणा विविधैर्द्रव्यैः पूजयामासुरीश्वरीम् ।। देवाश्चारण्यनैवेद्यैरुपहारेण भक्तितः
brāhmaṇā vividhairdravyaiḥ pūjayāmāsurīśvarīm || devāścāraṇyanaivedyairupahāreṇa bhaktitaḥ
The brahmins worshipped the Goddess with various substances, and the gods, with devotion, with forest offerings of food as their oblation.
AI translation rendered from the Sanskrit, not a published edition
BvP 3 23.16
स्तुत्वा मुनीन्द्रास्तां भक्त्या चक्रुराराधनं मुदा ।। आगच्छ देवभवनं मर्त्यं च जगदम्बिके
stutvā munīndrāstāṃ bhaktyā cakrurārādhanaṃ mudā || āgaccha devabhavanaṃ martyaṃ ca jagadambike
Having praised her, the best of sages performed her worship with devotion and joy: "Come to the dwelling of the gods and to the mortal world, O mother of the world!"
AI translation rendered from the Sanskrit, not a published edition
BvP 3 23.17
तेषां तद्वचनं श्रुत्वा तानुवाच जगत्प्रसूः ।। परितुष्टा गामुकी च निर्भया ब्राह्मणाज्ञया
teṣāṃ tadvacanaṃ śrutvā tānuvāca jagatprasūḥ || parituṣṭā gāmukī ca nirbhayā brāhmaṇājñayā
Hearing that speech of theirs, the mother of the world spoke to them, well pleased and ready to go, made fearless by the brahmins' command.
AI translation rendered from the Sanskrit, not a published edition
BvP 3 23.18
श्रीमहालक्ष्मीरुवाच ।। गृहान्यास्यामि देवानां युष्माकं चाज्ञया द्विजाः ।। येषां गेहं न गच्छामि शृणुध्वं भारतेषु च
śrīmahālakṣmīruvāca || gṛhānyāsyāmi devānāṃ yuṣmākaṃ cājñayā dvijāḥ || yeṣāṃ gehaṃ na gacchāmi śṛṇudhvaṃ bhārateṣu ca
Śrī Mahālakṣmī said: I shall go to the houses of the gods, and at your command, O twice-born ones. Hear now whose house I do not go to among the people of Bhārata.
AI translation rendered from the Sanskrit, not a published edition
BvP 3 23.19
स्थिरा पुण्यवतां गेहे सुनीतिपथवेदिनाम्।। गृहस्थानां नृपाणां वा पुत्रवत्पालयामि तान्
sthirā puṇyavatāṃ gehe sunītipathavedinām|| gṛhasthānāṃ nṛpāṇāṃ vā putravatpālayāmi tān
I stay firmly in the house of the meritorious who know the path of good conduct; whether householders or kings, I protect them like sons.
AI translation rendered from the Sanskrit, not a published edition
BvP 3 23.20
यं यं रुष्टो गुरुर्देवो माता तातश्च बान्धवाः ।। अतिथिः पितृलोकश्च यामि तस्य न मन्दिरम्
yaṃ yaṃ ruṣṭo gururdevo mātā tātaśca bāndhavāḥ || atithiḥ pitṛlokaśca yāmi tasya na mandiram
Whoever it may be with whom the teacher, the deity, mother, father and kinsmen, the guest and the world of the ancestors are angry — to his house I do not go.
AI translation rendered from the Sanskrit, not a published edition
BvP 3 23.21
मिथ्यावादी च यः शश्वदनध्यायी च यः सदा ।। सत्त्वहीनश्च दुश्शीलो न गेहं तस्य याम्यहम्
mithyāvādī ca yaḥ śaśvadanadhyāyī ca yaḥ sadā || sattvahīnaśca duśśīlo na gehaṃ tasya yāmyaham
And he who constantly speaks falsehood, and he who never studies (the sacred texts), and he who lacks goodness and is of bad conduct — I do not go to his house.
AI translation rendered from the Sanskrit, not a published edition
BvP 3 23.22
सत्यहीनः स्थाप्यहारी मिथ्यासाक्ष्यप्रदायकः ।। विश्वासघ्नः कृतघ्नो यो यामि तस्य न मन्दिरम्
satyahīnaḥ sthāpyahārī mithyāsākṣyapradāyakaḥ || viśvāsaghnaḥ kṛtaghno yo yāmi tasya na mandiram
He who lacks truth, who steals what has been deposited in trust, who gives false witness, who betrays trust, who is ungrateful — I do not go to his house.
AI translation rendered from the Sanskrit, not a published edition
BvP 3 23.23
चिन्ताग्रस्तो भयग्रस्तः शत्रुग्रस्तोऽतिपातकी ।। ऋणग्रस्तोऽतिकृपणो न गेहं यामि पापिनाम्
cintāgrasto bhayagrastaḥ śatrugrasto'tipātakī || ṛṇagrasto'tikṛpaṇo na gehaṃ yāmi pāpinām
One seized by worry, seized by fear, seized by enemies, a great sinner, one seized by debt, one excessively miserly — I do not go to the house of such sinners.
AI translation rendered from the Sanskrit, not a published edition
BvP 3 23.24
दीक्षाहीनश्च शोकार्त्तो मन्दधीः स्त्रीजितः सदा ।। न याम्यपि कदा गेहं पुंश्चल्याः पतिपुत्रयोः
dīkṣāhīnaśca śokārtto mandadhīḥ strījitaḥ sadā || na yāmyapi kadā gehaṃ puṃścalyāḥ patiputrayoḥ
And one without (ritual) initiation, one afflicted by grief, one of dull wit, one always mastered by his wife — nor do I ever go to the house of an unchaste woman's husband and son.
AI translation rendered from the Sanskrit, not a published edition
BvP 3 23.25
यो दुर्वाक्कलहाविष्टः कलिः शश्वद्यदालये ।। स्त्री प्रधाना गृहे यस्य यामि तस्य न मन्दिरम्
yo durvākkalahāviṣṭaḥ kaliḥ śaśvadyadālaye || strī pradhānā gṛhe yasya yāmi tasya na mandiram
He who is possessed by foul speech and quarrelling, in whose dwelling strife is constant, in whose house the woman is the head — I do not go to his house.
AI translation rendered from the Sanskrit, not a published edition
BvP 3 23.26
यत्र नास्ति हरेः पूजा तदीयगुणकीर्त्तनम् ।। नोत्सुकस्तत्प्रशंसायां यामि तस्य न मन्दिरम्
yatra nāsti hareḥ pūjā tadīyaguṇakīrttanam || notsukastatpraśaṃsāyāṃ yāmi tasya na mandiram
Where there is no worship of Hari, no singing of his virtues, and (where a man) is not eager for his praise — I do not go to his house.
AI translation rendered from the Sanskrit, not a published edition
BvP 3 23.27
कन्यान्नवेदविक्रेता नरघाती च हिंसकः ।। नरकागारसदृशं यामि तस्य न मन्दिरम्
kanyānnavedavikretā naraghātī ca hiṃsakaḥ || narakāgārasadṛśaṃ yāmi tasya na mandiram
One who sells a daughter, food, or the Veda, a killer of men, and one who injures (living beings) — his house is like a dwelling of hell; I do not go to it.
AI translation rendered from the Sanskrit, not a published edition
BvP 3 23.28
मातरं पितरं भार्यां गुरुपत्नीं गुरुं सुतम् ।। अनाथां भगिनीं कन्यामनन्याश्रयबान्धवान्
mātaraṃ pitaraṃ bhāryāṃ gurupatnīṃ guruṃ sutam || anāthāṃ bhaginīṃ kanyāmananyāśrayabāndhavān
(One's) mother, father, wife, teacher's wife, teacher, son, a helpless sister, a maiden, and kinsmen who have no other refuge —
AI translation rendered from the Sanskrit, not a published edition
BvP 3 23.29
कार्पण्याद्यो न पुष्णाति सञ्चयं कुरुते सदा ।। तद्गेहान्नरकागारान्यामि तान्न मुनीश्वराः
kārpaṇyādyo na puṣṇāti sañcayaṃ kurute sadā || tadgehānnarakāgārānyāmi tānna munīśvarāḥ
he who out of stinginess does not support (them) but always makes a hoard — his houses are dwellings of hell; I do not go to them, O best of sages.
AI translation rendered from the Sanskrit, not a published edition
BvP 3 23.30
दशनं वसनं यस्य समलं रूक्षमस्तकम् ।। विकृतौ ग्रासहासौ च यामि तस्य न मन्दिरम्
daśanaṃ vasanaṃ yasya samalaṃ rūkṣamastakam || vikṛtau grāsahāsau ca yāmi tasya na mandiram
He whose teeth and garment are filthy, whose head is unkempt, whose eating and laughing are distorted — I do not go to his house.
AI translation rendered from the Sanskrit, not a published edition
BvP 3 23.31
मूत्रं पुरीषमुत्सृज्य यस्तत्पश्यति मन्दधीः ।। यः शेते स्निग्धपादेन यामि तस्य न मन्दिरम्
mūtraṃ purīṣamutsṛjya yastatpaśyati mandadhīḥ || yaḥ śete snigdhapādena yāmi tasya na mandiram
The dull-witted man who, after voiding urine and excrement, looks at it, and he who lies down with oiled feet — I do not go to his house.
AI translation rendered from the Sanskrit, not a published edition
BvP 3 23.32
अधौतपादशायी यो नग्नः शेतेऽतिनिद्रितः ।। सन्ध्याशायी दिवाशायी यामि तस्य न मन्दिरम्
adhautapādaśāyī yo nagnaḥ śete'tinidritaḥ || sandhyāśāyī divāśāyī yāmi tasya na mandiram
He who lies down with unwashed feet, who sleeps naked, who sleeps too much, who sleeps at twilight, who sleeps by day — I do not go to his house.
AI translation rendered from the Sanskrit, not a published edition
BvP 3 23.33
मूर्ध्नि तैलं पुरो दत्त्वा योऽन्यदङ्गमुपस्पृशेत् ।। ददाति पश्चाद्गात्रे वा यामि तस्य न मन्दिरम्
mūrdhni tailaṃ puro dattvā yo'nyadaṅgamupaspṛśet || dadāti paścādgātre vā yāmi tasya na mandiram
He who, having first applied oil to his head, then touches another limb, or applies (oil) to the body afterwards — I do not go to his house.
AI translation rendered from the Sanskrit, not a published edition
BvP 3 23.34
दत्त्वा तैलं मूर्ध्नि गात्रे विण्मूत्रं यः समुत्सृजेत् ।। प्रणमेदाहरेत्पुष्पं यामि तस्य न मन्दिरम्
dattvā tailaṃ mūrdhni gātre viṇmūtraṃ yaḥ samutsṛjet || praṇamedāharetpuṣpaṃ yāmi tasya na mandiram
He who, having applied oil to his head or body, then voids excrement and urine, or makes obeisance, or gathers flowers — I do not go to his house.
AI translation rendered from the Sanskrit, not a published edition
BvP 3 23.35
तृणं छिनत्ति नखरैर्नखरैर्विलिखेन्महीम् ।। गात्रे पादे मलं यस्य यामि तस्य न मन्दिरम्
tṛṇaṃ chinatti nakharairnakharairvilikhenmahīm || gātre pāde malaṃ yasya yāmi tasya na mandiram
(He who) cuts grass with his nails, who scratches the earth with his nails, on whose body and feet there is filth — I do not go to his house.
AI translation rendered from the Sanskrit, not a published edition
BvP 3 23.36
स्वदत्तां परदत्तां वा ब्रह्मवृत्तिं सुरस्य च ।। यो हरेज्ज्ञानशीलश्च यामि तस्य न मन्दिरम्
svadattāṃ paradattāṃ vā brahmavṛttiṃ surasya ca || yo harejjñānaśīlaśca yāmi tasya na mandiram
He who, though marked by learning, seizes the brahmin's livelihood or a god's (endowment), whether given by himself or given by another — I do not go to his house.
AI translation rendered from the Sanskrit, not a published edition
BvP 3 23.37
यत्कर्म दक्षिणाहीनं कुरुते मूढधीः शठः ।। स पापी पुण्यहीनश्च यामि तस्य न मन्दिरम्
yatkarma dakṣiṇāhīnaṃ kurute mūḍhadhīḥ śaṭhaḥ || sa pāpī puṇyahīnaśca yāmi tasya na mandiram
The foolish-minded cheat who performs a rite without the (proper) fee — he is a sinner, devoid of merit; I do not go to his house.
AI translation rendered from the Sanskrit, not a published edition
BvP 3 23.38
मन्त्रविद्योपजीवी च ग्रामयाजी चिकित्सकः ।। सूपकृद्देवलश्चैव यामि तस्य न मन्दिरम्
mantravidyopajīvī ca grāmayājī cikitsakaḥ || sūpakṛddevalaścaiva yāmi tasya na mandiram
One who lives by (selling) mantras and knowledge, one who officiates for a whole village, a physician, a cook, and a temple-priest — I do not go to his house.
AI translation rendered from the Sanskrit, not a published edition
BvP 3 23.39
विवाहं धर्मकार्यं वा यो निहन्ति च कोपतः ।। दिवामैथुनकारी यो यामि तस्य न मन्दिरम्
vivāhaṃ dharmakāryaṃ vā yo nihanti ca kopataḥ || divāmaithunakārī yo yāmi tasya na mandiram
He who in anger destroys a wedding or a religious ceremony, and he who has intercourse by day — I do not go to his house.
AI translation rendered from the Sanskrit, not a published edition
BvP 3 23.40
इत्युक्त्वा सा महालक्ष्मीरन्तर्द्धानं जगाम ह ।। ददौ दृष्टिं च देवानां गृहे मर्त्ये च नारद
ityuktvā sā mahālakṣmīrantarddhānaṃ jagāma ha || dadau dṛṣṭiṃ ca devānāṃ gṛhe martye ca nārada
Having said this, that Mahālakṣmī vanished; and she bestowed her regard on the houses of the gods and on the mortal (world), O Nārada.
AI translation rendered from the Sanskrit, not a published edition
BvP 3 23.41
तां प्रणम्य सुराः सर्वे मुनयश्च मुदाऽन्विताः ।। प्रजग्मुः स्वालयं शीघ्रं शत्रुत्यक्तं सुहृद्युतम्
tāṃ praṇamya surāḥ sarve munayaśca mudā'nvitāḥ || prajagmuḥ svālayaṃ śīghraṃ śatrutyaktaṃ suhṛdyutam
Having bowed to her, all the gods and the sages, filled with joy, went swiftly to their own dwellings, now free of enemies and joined with friends.
AI translation rendered from the Sanskrit, not a published edition
BvP 3 23.42
नेदुर्दुन्दुभयः स्वर्गे बभूवुः पुष्पवृष्टयः।। प्रापुर्देवाः स्वराज्यं च निश्चलां कमलां मुने
nedurdundubhayaḥ svarge babhūvuḥ puṣpavṛṣṭayaḥ|| prāpurdevāḥ svarājyaṃ ca niścalāṃ kamalāṃ mune
Drums sounded, and in heaven there were showers of flowers; and the gods obtained their own kingdom, and Kamalā (Lakṣmī) became steadfast (with them), O sage.
AI translation rendered from the Sanskrit, not a published edition
BvP 3 23.43
इत्येवं कथितं वत्स लक्ष्मीचरितमुत्तमम् ।। सुखदं मोक्षदं सारं किं पुनः श्रोतुमिच्छसि
ityevaṃ kathitaṃ vatsa lakṣmīcaritamuttamam || sukhadaṃ mokṣadaṃ sāraṃ kiṃ punaḥ śrotumicchasi
Thus, my child, has the excellent tale of Lakṣmī been told, which gives happiness, gives liberation, and is the essence. What further do you wish to hear?
AI translation rendered from the Sanskrit, not a published edition