Brahmavaivarta Purana — Ganapati Khanda — Chapter 22
BvP 3 22.1
नारद उवाच ।। आविर्भूय हरिस्तस्मै किं स्तोत्रं कवचं ददौ ।। महालक्ष्म्याश्च लक्ष्मीशस्तन्मे ब्रूहि तपोधन
nārada uvāca || āvirbhūya haristasmai kiṃ stotraṃ kavacaṃ dadau || mahālakṣmyāśca lakṣmīśastanme brūhi tapodhana
Nārada said: Having become manifest, what hymn and what amulet-prayer did Hari give to him? And (what) of Mahālakṣmī, the lord of Lakṣmī — tell me that, O you rich in austerity.
AI translation rendered from the Sanskrit, not a published edition
BvP 3 22.2
नारायण उवाच।। पुष्करे च तपस्तप्त्वा विरराम सुरेश्वरः ।। आविर्बभूव तत्रैव क्लिष्टं दृष्ट्वा हरिः स्वयम्
nārāyaṇa uvāca|| puṣkare ca tapastaptvā virarāma sureśvaraḥ || āvirbabhūva tatraiva kliṣṭaṃ dṛṣṭvā hariḥ svayam
Nārāyaṇa said: Having performed austerity at Puṣkara, the lord of the gods desisted; and right there Hari himself became manifest, seeing (him) distressed.
AI translation rendered from the Sanskrit, not a published edition
BvP 3 22.3
तमुवाच हृषीकेशो वरं वृणु यथेप्सितम् ।। स च वव्रे वरं लक्ष्मीमीशस्तस्मै ददौ मुदा
tamuvāca hṛṣīkeśo varaṃ vṛṇu yathepsitam || sa ca vavre varaṃ lakṣmīmīśastasmai dadau mudā
Hṛṣīkeśa said to him: Choose a boon as you desire. And he chose Lakṣmī as his boon; the Lord gave her to him gladly.
AI translation rendered from the Sanskrit, not a published edition
BvP 3 22.4
वरं दत्त्वा हृषीकेशः प्रवक्तुमुपचक्रमे ।। हितं सत्यं च सारं च परिणामसुखावहम्
varaṃ dattvā hṛṣīkeśaḥ pravaktumupacakrame || hitaṃ satyaṃ ca sāraṃ ca pariṇāmasukhāvaham
Having granted the boon, Hṛṣīkeśa began to speak (words) beneficial, true, and essential, bringing happiness in their outcome.
AI translation rendered from the Sanskrit, not a published edition
BvP 3 22.5
श्रीमधुसूदन उवाच ।। गृहाण कवचं शक्र सर्वदुःखविनाशनम् ।। परमैश्वर्य्यजनकं सर्वशत्रुविमर्दनम्
śrīmadhusūdana uvāca || gṛhāṇa kavacaṃ śakra sarvaduḥkhavināśanam || paramaiśvaryyajanakaṃ sarvaśatruvimardanam
Śrī Madhusūdana said: Receive, O Śakra, the amulet-prayer that destroys all sorrows, that generates supreme lordship and crushes all enemies,
AI translation rendered from the Sanskrit, not a published edition
BvP 3 22.6
ब्रह्मणे च पुरा दत्तं विष्टपे च जलप्लुते ।। यद्धृत्वा जगतां श्रेष्ठः सर्वैश्वर्य्ययुतो विधिः
brahmaṇe ca purā dattaṃ viṣṭape ca jalaplute || yaddhṛtvā jagatāṃ śreṣṭhaḥ sarvaiśvaryyayuto vidhiḥ
which was given long ago to Brahmā, when the world was flooded with water — holding which, Vidhi (Brahmā), the best of the worlds, became possessed of all lordship;
AI translation rendered from the Sanskrit, not a published edition
BvP 3 22.7
बभूवुर्मनवः सर्वे सर्वैश्वर्ययुता यतः ।। सर्वैश्वर्य्यप्रदस्यास्य कवचस्य ऋषिर्विधिः
babhūvurmanavaḥ sarve sarvaiśvaryayutā yataḥ || sarvaiśvaryyapradasyāsya kavacasya ṛṣirvidhiḥ
through which all the Manus became endowed with all lordship. Of this amulet, which bestows all lordship, the seer is Vidhi (Brahmā),
AI translation rendered from the Sanskrit, not a published edition
BvP 3 22.8
पङ्क्तिश्छन्दश्च सा देवी स्वयं पद्मालया वरा ।। सिद्ध्यैश्वर्य्यसुखेष्वेव विनियोगः प्रकीर्त्तितः ।। यद्धृत्वा कवचं लोकः सर्वत्र विजयी भवेत्
paṅktiśchandaśca sā devī svayaṃ padmālayā varā || siddhyaiśvaryyasukheṣveva viniyogaḥ prakīrttitaḥ || yaddhṛtvā kavacaṃ lokaḥ sarvatra vijayī bhavet
the metre is paṅkti, and the deity is that goddess herself, the excellent one who dwells in the lotus; the application is declared to be for attainments, lordship and pleasures alone. Holding this amulet, a man becomes victorious everywhere.
AI translation rendered from the Sanskrit, not a published edition
BvP 3 22.9
मस्तकं पातु मे पद्मा कण्ठं पातु हरिप्रिया ।। नासिकां पातु मे लक्ष्मीः कमला पातु लोचने
mastakaṃ pātu me padmā kaṇṭhaṃ pātu haripriyā || nāsikāṃ pātu me lakṣmīḥ kamalā pātu locane
May Padmā protect my head; may Hari's beloved protect my throat; may Lakṣmī protect my nose; may Kamalā protect my eyes.
AI translation rendered from the Sanskrit, not a published edition
BvP 3 22.10
केशान्केशवकान्ता च कपालं कमलालया ।। जगत्प्रसूर्गण्डयुग्मं स्कन्धं सम्पत्प्रदा सदा ।।
keśānkeśavakāntā ca kapālaṃ kamalālayā || jagatprasūrgaṇḍayugmaṃ skandhaṃ sampatpradā sadā ||
And may Keśava's beloved (protect) my hair, the dweller in the lotus my skull, the mother of the world my two cheeks, and the giver of prosperity my shoulder always.
AI translation rendered from the Sanskrit, not a published edition
BvP 3 22.11
ॐ श्रीं कमलवासिन्यै स्वाहा पृष्ठं सदाऽवतु ।। ॐ ह्रीं श्रीं पद्मालयायै स्वाहा वक्षः सदाऽवतु ।। पातु श्रीर्मम कङ्कालं बाहुयुग्मं च ते नमः
oṃ śrīṃ kamalavāsinyai svāhā pṛṣṭhaṃ sadā'vatu || oṃ hrīṃ śrīṃ padmālayāyai svāhā vakṣaḥ sadā'vatu || pātu śrīrmama kaṅkālaṃ bāhuyugmaṃ ca te namaḥ
Oṃ śrīṃ, to her who dwells in the lotus, svāhā — may (she) always protect my back. Oṃ hrīṃ śrīṃ, to her whose abode is the lotus, svāhā — may (she) always protect my chest. May Śrī protect my skeleton, and my two arms — homage to you.
AI translation rendered from the Sanskrit, not a published edition
BvP 3 22.12
ॐ ह्रीं श्रीं लक्ष्म्यै नमः पादौ पातु मे संततं चिरम् ।। ॐ ह्रीं श्रीं नमः पद्मायै स्वाहा पातु नितम्बकम्
oṃ hrīṃ śrīṃ lakṣmyai namaḥ pādau pātu me saṃtataṃ ciram || oṃ hrīṃ śrīṃ namaḥ padmāyai svāhā pātu nitambakam
Oṃ hrīṃ śrīṃ, homage to Lakṣmī — may (she) protect my feet continually and long. Oṃ hrīṃ śrīṃ, homage to Padmā, svāhā — may (she) protect my hips.
AI translation rendered from the Sanskrit, not a published edition
BvP 3 22.13
ॐ श्रीं महालक्ष्म्यै स्वाहा सर्वाङ्गं पातु मे सदा ।। ॐ ह्रीं श्रीं क्लीं महालक्ष्म्यै स्वाहा मां पातु सर्वतः
oṃ śrīṃ mahālakṣmyai svāhā sarvāṅgaṃ pātu me sadā || oṃ hrīṃ śrīṃ klīṃ mahālakṣmyai svāhā māṃ pātu sarvataḥ
Oṃ śrīṃ, to Mahālakṣmī, svāhā — may (she) always protect my whole body. Oṃ hrīṃ śrīṃ klīṃ, to Mahālakṣmī, svāhā — may (she) protect me on every side.
AI translation rendered from the Sanskrit, not a published edition
BvP 3 22.14
इति ते कथितं वत्स सर्वसम्पत्करं परम् ।। सर्वैश्वर्य्यप्रदं नाम कवचं परमाद्भुतम्
iti te kathitaṃ vatsa sarvasampatkaraṃ param || sarvaiśvaryyapradaṃ nāma kavacaṃ paramādbhutam
Thus, dear child, has been told to you the supreme amulet, most wonderful, which brings about all prosperity and is called the bestower of all lordship.
AI translation rendered from the Sanskrit, not a published edition
BvP 3 22.15
गुरुमभ्यर्च्य विधिवत्कवचं धारयेत्तु यः।। कण्ठे वा दक्षिणे बाहौ स सर्वविजयी भवेत्
gurumabhyarcya vidhivatkavacaṃ dhārayettu yaḥ|| kaṇṭhe vā dakṣiṇe bāhau sa sarvavijayī bhavet
Whoever, having duly worshipped the guru, wears the amulet on his neck or on his right arm, becomes victorious in everything.
AI translation rendered from the Sanskrit, not a published edition
BvP 3 22.16
महालक्ष्मीर्गृहं तस्य न जहाति कदाचन ।। तस्य च्छायेव सततं सा च जन्मनि जन्मनि
mahālakṣmīrgṛhaṃ tasya na jahāti kadācana || tasya cchāyeva satataṃ sā ca janmani janmani
Mahālakṣmī never abandons his house; she is constantly like his shadow, birth after birth.
AI translation rendered from the Sanskrit, not a published edition
BvP 3 22.17
इदं कवचमज्ञात्वा भजेल्लक्ष्मीं स मन्दधीः ।। शतलक्षप्रजापेऽपि न मन्त्रः सिद्धिदायकः
idaṃ kavacamajñātvā bhajellakṣmīṃ sa mandadhīḥ || śatalakṣaprajāpe'pi na mantraḥ siddhidāyakaḥ
He who, without knowing this amulet, would worship Lakṣmī is dull-witted: even with ten million recitations, the mantra does not grant success.
AI translation rendered from the Sanskrit, not a published edition
BvP 3 22.18
नारायण उवाच ।। दत्त्वा तस्मै च कवचं मन्त्रं वै षोडशाक्षरम् ।। सन्तुष्टश्च जगन्नाथो जगतां हितकारणम्
nārāyaṇa uvāca || dattvā tasmai ca kavacaṃ mantraṃ vai ṣoḍaśākṣaram || santuṣṭaśca jagannātho jagatāṃ hitakāraṇam
Nārāyaṇa said: And having given him the amulet and the sixteen-syllabled mantra, the Lord of the world, the cause of the welfare of the worlds, was pleased.
AI translation rendered from the Sanskrit, not a published edition
BvP 3 22.19
ॐ ह्रीं श्रीं क्लीं नमो महालक्ष्म्यै स्वाहा।। ददौ तस्मै च कृपया चेन्द्राय च महामुने
oṃ hrīṃ śrīṃ klīṃ namo mahālakṣmyai svāhā|| dadau tasmai ca kṛpayā cendrāya ca mahāmune
"Oṃ hrīṃ śrīṃ klīṃ, homage to Mahālakṣmī, svāhā" — this he gave to him, to Indra, out of compassion, O great sage.
AI translation rendered from the Sanskrit, not a published edition
BvP 3 22.20
ध्यानं च सामवेदोक्तं गोपनीयं सुदुर्लभम् ।। सिद्धैर्मुनीन्द्रैर्दुष्प्राप्यं ध्रुवं सिद्धिप्रदं शुभम्
dhyānaṃ ca sāmavedoktaṃ gopanīyaṃ sudurlabham || siddhairmunīndrairduṣprāpyaṃ dhruvaṃ siddhipradaṃ śubham
And (he gave) the meditation declared in the Sāmaveda, to be kept secret, very hard to obtain, difficult for perfected ones and chief sages to attain, certain, auspicious, granting success.
AI translation rendered from the Sanskrit, not a published edition
BvP 3 22.21
श्वेतचम्पकवर्णाभां शतचन्द्रसमप्रभाम् ।। वह्निशुद्धांशुकाधानां रत्नभूषणभूषिताम्
śvetacampakavarṇābhāṃ śatacandrasamaprabhām || vahniśuddhāṃśukādhānāṃ ratnabhūṣaṇabhūṣitām
(Meditate on her as) having the hue of a white campaka blossom, radiant as a hundred moons, clothed in a garment purified by fire, adorned with jewelled ornaments,
AI translation rendered from the Sanskrit, not a published edition
BvP 3 22.22
ईषद्धास्यप्रसन्नास्यां भक्तानुग्रहकारिकाम् ।। सहस्रदलपद्मस्थां स्वस्थां च सुमनोहराम्
īṣaddhāsyaprasannāsyāṃ bhaktānugrahakārikām || sahasradalapadmasthāṃ svasthāṃ ca sumanoharām
her face bright with a slight smile, granting favour to devotees, seated on a thousand-petalled lotus, self-possessed and most charming,
AI translation rendered from the Sanskrit, not a published edition
BvP 3 22.23
शान्तां च श्रीहरेः कान्तां तां भजेज्जगतां प्रसूम्
śāntāṃ ca śrīhareḥ kāntāṃ tāṃ bhajejjagatāṃ prasūm
and tranquil — the beloved of Śrī Hari; her one should worship, the mother of the worlds.
AI translation rendered from the Sanskrit, not a published edition
BvP 3 22.24
ध्यानेनानेन देवेन्द्रो ध्यात्वा लक्ष्मीं मनोहराम् ।। भक्त्या संपूज्य तस्यै च चोपचारांस्तु षोडश
dhyānenānena devendro dhyātvā lakṣmīṃ manoharām || bhaktyā saṃpūjya tasyai ca copacārāṃstu ṣoḍaśa
O lord of the gods, having meditated by this meditation on the charming Lakṣmī, and having worshipped her with devotion with the sixteen articles of service,
AI translation rendered from the Sanskrit, not a published edition
BvP 3 22.25
स्तुत्वाऽनेन स्तवेनैव वक्ष्यमाणेन वासव ।। नत्वा वरं गृहीत्वा च लभिष्यसि च निर्वृतिम्
stutvā'nena stavenaiva vakṣyamāṇena vāsava || natvā varaṃ gṛhītvā ca labhiṣyasi ca nirvṛtim
and having praised (her) with this very hymn that is about to be spoken, O Vāsava, and having bowed and received a boon, you will attain contentment.
AI translation rendered from the Sanskrit, not a published edition
BvP 3 22.26
स्तवनं शृणु देवेन्द्र महालक्ष्म्याः सुखप्रदम्।। कथयामि सुगोप्यं च त्रिषु लोकेषु दुर्लभम्
stavanaṃ śṛṇu devendra mahālakṣmyāḥ sukhapradam|| kathayāmi sugopyaṃ ca triṣu lokeṣu durlabham
Hear, O lord of the gods, the hymn of Mahālakṣmī that bestows happiness; I shall relate it — most secret and hard to obtain in the three worlds.
AI translation rendered from the Sanskrit, not a published edition
BvP 3 22.27
नारायण उवाच।। देवि त्वां स्तोतुमिच्छामि न क्षमाः स्तोतुमीश्वराः ।। बुद्धेरगोचरां सूक्ष्मां तेजोरूपां सनातनीम् ।। अनिवार्य्यगुणाढ्यां च को वा निर्वक्तुमीश्वरः
nārāyaṇa uvāca|| devi tvāṃ stotumicchāmi na kṣamāḥ stotumīśvarāḥ || buddheragocarāṃ sūkṣmāṃ tejorūpāṃ sanātanīm || anivāryyaguṇāḍhyāṃ ca ko vā nirvaktumīśvaraḥ
Nārāyaṇa said: O Goddess, I wish to praise you, (yet even) the lords (of the gods) are not able to praise (you). Who indeed is capable of describing (you), who are beyond the reach of the intellect, subtle, whose form is light, eternal, and rich in irresistible qualities?
AI translation rendered from the Sanskrit, not a published edition
BvP 3 22.28
स्वेच्छामयीं निराकारां भक्तानुग्रहविग्रहाम् ।। स्तौमि वाङ्मनसापारां किं वाऽहं जगदम्बिके
svecchāmayīṃ nirākārāṃ bhaktānugrahavigrahām || staumi vāṅmanasāpārāṃ kiṃ vā'haṃ jagadambike
What can I say in praise, O Mother of the world, of you who are made of your own will, formless, whose body is grace to devotees, and who are boundless to speech and mind?
AI translation rendered from the Sanskrit, not a published edition
BvP 3 22.29
परां चतुर्णां वेदानां पारबीजं भवार्णवे ।। सर्वसस्याधिदेवीं च सर्वासामपि सम्पदाम्
parāṃ caturṇāṃ vedānāṃ pārabījaṃ bhavārṇave || sarvasasyādhidevīṃ ca sarvāsāmapi sampadām
(You who are) supreme, the seed of the crossing over the four Vedas, in the ocean of existence; the presiding goddess of all crops and of all riches too —
AI translation rendered from the Sanskrit, not a published edition — the model flagged this verse as uncertain
BvP 3 22.30
योगिनां चैव योगानां ज्ञानानां ज्ञानिनां तथा ।। वेदानां वै वेदविदां जननीं वर्णयामि किम्
yogināṃ caiva yogānāṃ jñānānāṃ jñānināṃ tathā || vedānāṃ vai vedavidāṃ jananīṃ varṇayāmi kim
the mother of yogins and of yogas, of knowledges and of knowers, and of the Vedas and of those who know the Vedas — what can I describe (of her)?
AI translation rendered from the Sanskrit, not a published edition
BvP 3 22.31
यया विना जगत्सर्वमबीजं निष्फलं ध्रुवम् ।। यया स्तनंधयानां च विना मात्रा सुखं भवेत्
yayā vinā jagatsarvamabījaṃ niṣphalaṃ dhruvam || yayā stanaṃdhayānāṃ ca vinā mātrā sukhaṃ bhavet
without whom the whole world is surely seedless and fruitless; through whom (there is joy), as for sucklings there is happiness (only) with a mother.
AI translation rendered from the Sanskrit, not a published edition — the model flagged this verse as uncertain
BvP 3 22.32
प्रसीद जगतां माता रक्षास्मानतिकातरान् ।। वयं त्वच्चरणाम्भोजे प्रपन्नाः शरणं गताः
prasīda jagatāṃ mātā rakṣāsmānatikātarān || vayaṃ tvaccaraṇāmbhoje prapannāḥ śaraṇaṃ gatāḥ
Be gracious, O Mother of the worlds; protect us who are exceedingly frightened. We have taken refuge, resorting to the lotus of your feet.
AI translation rendered from the Sanskrit, not a published edition
BvP 3 22.33
नमः शक्तिस्वरूपायै जगन्मात्रे नमो नमः ।। ज्ञानदायै बुद्धिदायै सर्वदायै नमो नमः
namaḥ śaktisvarūpāyai jaganmātre namo namaḥ || jñānadāyai buddhidāyai sarvadāyai namo namaḥ
Homage to her whose very form is Śakti; homage, homage to the Mother of the world; homage, homage to the giver of knowledge, the giver of intelligence, the giver of all.
AI translation rendered from the Sanskrit, not a published edition
BvP 3 22.34
हरिभक्तिप्रदायिन्यै मुक्तिदायै नमो नमः।। सर्वज्ञायै सर्वदायै महालक्ष्म्यै नमो नमः
haribhaktipradāyinyai muktidāyai namo namaḥ|| sarvajñāyai sarvadāyai mahālakṣmyai namo namaḥ
Homage, homage to the bestower of devotion to Hari, the giver of liberation; homage, homage to Mahālakṣmī, the all-knowing, the giver of all.
AI translation rendered from the Sanskrit, not a published edition
BvP 3 22.35
कुपुत्राः कुत्रचित्सन्ति न कुत्रापि कुमातरः।। कुत्र माता पुत्रदोषं तं विहाय च गच्छति
kuputrāḥ kutracitsanti na kutrāpi kumātaraḥ|| kutra mātā putradoṣaṃ taṃ vihāya ca gacchati
Bad sons exist here and there, but nowhere are there bad mothers. Where does a mother abandon that fault of her son and go away?
AI translation rendered from the Sanskrit, not a published edition
BvP 3 22.36
स्तनन्धयेभ्य इव मे हे मातर्देहि दर्शनम् ।। कृपां कुरु कृपासिन्धो त्वमस्मान्भक्तवत्सले
stanandhayebhya iva me he mātardehi darśanam || kṛpāṃ kuru kṛpāsindho tvamasmānbhaktavatsale
O Mother, grant me sight (of you), as to sucklings; show us mercy, O ocean of mercy, O you who are tender to devotees.
AI translation rendered from the Sanskrit, not a published edition
BvP 3 22.37
इत्येवं कथितं वत्स पद्मायाश्च शुभावहम् ।। सुखदं मोक्षदं सारं शुभदं सम्पदःप्रदम्
ityevaṃ kathitaṃ vatsa padmāyāśca śubhāvaham || sukhadaṃ mokṣadaṃ sāraṃ śubhadaṃ sampadaḥpradam
Thus, my child, has the (hymn) of Padmā been told, bringing blessing, giving happiness, giving liberation, the essence, giving good fortune, bestowing wealth.
AI translation rendered from the Sanskrit, not a published edition
BvP 3 22.38
इदं स्तोत्रं महापुण्यं पूजाकाले च यः पठेत् ।। महालक्ष्मीर्गृहं तस्य न जहाति कदाचन
idaṃ stotraṃ mahāpuṇyaṃ pūjākāle ca yaḥ paṭhet || mahālakṣmīrgṛhaṃ tasya na jahāti kadācana
Whoever recites this greatly meritorious hymn at the time of worship — Mahālakṣmī never leaves his house.
AI translation rendered from the Sanskrit, not a published edition
BvP 3 22.39
इत्युक्त्वा श्रीहरिस्तं च तत्रैवान्तरधीयत ।। देवो जगाम क्षीरोदं सुरैः सार्द्धं तदाज्ञया
ityuktvā śrīharistaṃ ca tatraivāntaradhīyata || devo jagāma kṣīrodaṃ suraiḥ sārddhaṃ tadājñayā
Having said this, Śrī Hari vanished right there from him; and the god (Indra), by his command, went with the gods to the ocean of milk.
AI translation rendered from the Sanskrit, not a published edition