Brahmavaivarta Purana — Ganapati Khanda — Chapter 21
BvP 3 21.1
नारद उवाच ।। ते देवा ब्रह्मशापेन निःश्रीका केन वा प्रभो ।। बभूवुस्तद्रहस्यं च गोपनीयं सुदुर्लभम्
nārada uvāca || te devā brahmaśāpena niḥśrīkā kena vā prabho || babhūvustadrahasyaṃ ca gopanīyaṃ sudurlabham
Nārada said: By whose (act), O Lord, did those gods become bereft of prosperity through Brahmā's curse? And that secret is to be guarded, most hard to obtain.
AI translation rendered from the Sanskrit, not a published edition
BvP 3 21.2
कथं वा प्रापुरेते तां कमलां जगतां प्रसूम् ।। किं चकार महेन्द्रश्च तद्भवान्वक्तुमर्हति
kathaṃ vā prāpurete tāṃ kamalāṃ jagatāṃ prasūm || kiṃ cakāra mahendraśca tadbhavānvaktumarhati
And how did they obtain her, Kamalā, the mother of the worlds? And what did great Indra do? That you ought to tell.
AI translation rendered from the Sanskrit, not a published edition
BvP 3 21.3
नारायण उवाच ।। गजेन्द्रेण पराभूतो रम्भया च सुमन्दधीः ।। भ्रष्टश्रीर्दैन्ययुक्तश्च स जगामामरावतीम् ।।
nārāyaṇa uvāca || gajendreṇa parābhūto rambhayā ca sumandadhīḥ || bhraṣṭaśrīrdainyayuktaśca sa jagāmāmarāvatīm ||
Nārāyaṇa said: Defeated by the lord of elephants and by Rambhā, that very dull-witted one, his prosperity fallen away and filled with wretchedness, went to Amarāvatī.
AI translation rendered from the Sanskrit, not a published edition
BvP 3 21.4
तां ददर्श निरानन्दो निरानन्दां पुरीं मुने ।। दैन्यग्रस्तां बन्धुहीनां वैरिवर्गैः समाकुलाम्
tāṃ dadarśa nirānando nirānandāṃ purīṃ mune || dainyagrastāṃ bandhuhīnāṃ vairivargaiḥ samākulām
Joyless himself, he saw that city joyless, O sage — seized by misery, bereft of kinsmen, thronged about by hosts of enemies.
AI translation rendered from the Sanskrit, not a published edition
BvP 3 21.5
इति श्रुत्वा दूतमुखाज्जगाम गुरुमन्दिरम् ।। तेन देवगणैः सार्द्धं जगाम ब्रह्मणः सभाम्
iti śrutvā dūtamukhājjagāma gurumandiram || tena devagaṇaiḥ sārddhaṃ jagāma brahmaṇaḥ sabhām
Hearing this from the mouth of a messenger, he went to the house of the (preceptor) Guru; with him, together with the hosts of gods, he went to Brahmā's assembly.
AI translation rendered from the Sanskrit, not a published edition
BvP 3 21.6
गत्वा ननाम तं शक्रः सुरैः सार्द्धं तथा गुरुः ।। तुष्टाव वेदवाक्यैश्च स्तोत्रेणापि च संयतः
gatvā nanāma taṃ śakraḥ suraiḥ sārddhaṃ tathā guruḥ || tuṣṭāva vedavākyaiśca stotreṇāpi ca saṃyataḥ
Having gone there, Śakra bowed to him along with the gods, and so did the Guru; restrained (in mind), he praised (him) with Vedic utterances and with a hymn as well.
AI translation rendered from the Sanskrit, not a published edition
BvP 3 21.7
प्रवृत्तिं कथयामास वाक्पतिस्तं प्रजापतिम् ।। श्रुत्वा ब्रह्मा नम्रवक्त्रः प्रवक्तुमुपचक्रमे
pravṛttiṃ kathayāmāsa vākpatistaṃ prajāpatim || śrutvā brahmā namravaktraḥ pravaktumupacakrame
The lord of speech (Bṛhaspati) told that Prajāpati what had happened; hearing it, Brahmā, his face lowered, began to speak.
AI translation rendered from the Sanskrit, not a published edition
BvP 3 21.8
ब्रह्मोवाच ।। मत्प्रपौत्रोऽसि देवेन्द्र शश्वद्राजञ्छ्रिया ज्वलन् ।। लक्ष्मीसमशचीभर्त्ता परस्त्रीलोलुपः सदा
brahmovāca || matprapautro'si devendra śaśvadrājañchriyā jvalan || lakṣmīsamaśacībharttā parastrīlolupaḥ sadā
Brahmā said: You are my great-grandson, O Indra of the gods, ever blazing with splendour, O king; husband of Śacī who is Lakṣmī's equal, yet always lusting after others' wives.
AI translation rendered from the Sanskrit, not a published edition
BvP 3 21.9
गौतमस्याभिशापेन भगांगः सुरसंसदि ।। पुनर्लज्जाविहीनस्त्वं परस्त्रीरतिलोलुपः
gautamasyābhiśāpena bhagāṃgaḥ surasaṃsadi || punarlajjāvihīnastvaṃ parastrīratilolupaḥ
By Gautama's curse you (were made) marked with vulvas in the assembly of the gods; yet again you, devoid of shame, are greedy for pleasure with another's wife.
AI translation rendered from the Sanskrit, not a published edition
BvP 3 21.10
यः परस्त्रीषु निरतस्तस्य श्री वा कुतो यशः ।। स च निन्द्यः पापयुक्तः शश्वत्सर्वसभासु च
yaḥ parastrīṣu niratastasya śrī vā kuto yaśaḥ || sa ca nindyaḥ pāpayuktaḥ śaśvatsarvasabhāsu ca
For him who delights in others' wives, whence prosperity or whence fame? And he is blameworthy, joined to sin, always in all assemblies.
AI translation rendered from the Sanskrit, not a published edition
BvP 3 21.11
नैवेद्यं श्रीहरेरेव दत्तं दुर्वाससा च ते ।। गजमूर्ध्नि त्वया न्यस्तं रम्भयाऽऽहृतचेतसा
naivedyaṃ śrīharereva dattaṃ durvāsasā ca te || gajamūrdhni tvayā nyastaṃ rambhayā''hṛtacetasā
The offering (naivedya) of Śrī Hari himself was given to you by Durvāsas; and you, your mind carried off by Rambhā, placed it on the elephant's head.
AI translation rendered from the Sanskrit, not a published edition
BvP 3 21.12
क्व सा रम्भा सर्वभोग्या क्वाधुना त्वं श्रिया हतः ।। सर्वसौख्यप्रदात्री त्वां गता त्यक्त्वा क्षणेन सा
kva sā rambhā sarvabhogyā kvādhunā tvaṃ śriyā hataḥ || sarvasaukhyapradātrī tvāṃ gatā tyaktvā kṣaṇena sā
Where is that Rambhā, to be enjoyed by all, and where are you now, struck down by (loss of) fortune? She, the giver of every pleasure, abandoned you and went off in an instant.
AI translation rendered from the Sanskrit, not a published edition
BvP 3 21.13
वेश्या सश्रीकमिच्छन्ती निःश्रीकं न च चञ्चला ।। नवं नवं प्रार्थयन्ती परिनिन्द्य पुरातनम्
veśyā saśrīkamicchantī niḥśrīkaṃ na ca cañcalā || navaṃ navaṃ prārthayantī parinindya purātanam
A courtesan, being fickle, desires one who has wealth and not one without wealth, begging always for someone new and reviling the old one.
AI translation rendered from the Sanskrit, not a published edition
BvP 3 21.14
यद्गतं तद्गतं वत्स निष्पन्नं न निवर्त्तते ।। भज नारायणं भक्त्या पद्मायाः प्राप्तिहेतवे
yadgataṃ tadgataṃ vatsa niṣpannaṃ na nivarttate || bhaja nārāyaṇaṃ bhaktyā padmāyāḥ prāptihetave
What is gone is gone, child; what has come to pass does not turn back. Worship Nārāyaṇa with devotion, as the means to obtain Padmā.
AI translation rendered from the Sanskrit, not a published edition
BvP 3 21.15
इत्युक्त्वा तं जगत्स्रष्टुः स्तोत्रं च कवचं ददौ ।। नारायणस्य मन्त्रं च नारायणपरायणः
ityuktvā taṃ jagatsraṣṭuḥ stotraṃ ca kavacaṃ dadau || nārāyaṇasya mantraṃ ca nārāyaṇaparāyaṇaḥ
Having said this, he, devoted to Nārāyaṇa, gave him the hymn and the amulet-formula (kavaca) of the world's creator, and the mantra of Nārāyaṇa.
AI translation rendered from the Sanskrit, not a published edition
BvP 3 21.16
स तैः सार्द्धं च गुरुणा ह्यजपन्मन्त्रमीप्सितम् ।। गृहीत्वा कवचं तेन पर्यष्टौत्पुष्करे हरिम्
sa taiḥ sārddhaṃ ca guruṇā hyajapanmantramīpsitam || gṛhītvā kavacaṃ tena paryaṣṭautpuṣkare harim
Together with them and with the Guru he muttered the desired mantra; and taking up the kavaca, with it he praised Hari all round at Puṣkara.
AI translation rendered from the Sanskrit, not a published edition
BvP 3 21.17
वर्षमेकं निराहारो भारते पुण्यदे शुभे ।। सिषेवे कमलाकान्तं कमलाप्राप्तिहेतवे
varṣamekaṃ nirāhāro bhārate puṇyade śubhe || siṣeve kamalākāntaṃ kamalāprāptihetave
For one year, without food, in auspicious Bhārata that bestows merit, he served the beloved of Kamalā for the sake of obtaining Kamalā.
AI translation rendered from the Sanskrit, not a published edition
BvP 3 21.18
आगत्य तं हरिस्तस्मै वाञ्छितं च वरं ददौ ।। लक्ष्मीस्तोत्रं च कवचं मन्त्रमैश्वर्य्यवर्द्धनम्
āgatya taṃ haristasmai vāñchitaṃ ca varaṃ dadau || lakṣmīstotraṃ ca kavacaṃ mantramaiśvaryyavarddhanam
Hari came and gave him the boon he wished for, and the hymn of Lakṣmī, and the kavaca, and the mantra that increases lordly power.
AI translation rendered from the Sanskrit, not a published edition
BvP 3 21.19
दत्त्वा जगाम वैकुण्ठमिन्द्रः क्षीरोदमेव च ।। गृहीत्वा कवचं स्तुत्वा प्राप पद्मालयां मुने
dattvā jagāma vaikuṇṭhamindraḥ kṣīrodameva ca || gṛhītvā kavacaṃ stutvā prāpa padmālayāṃ mune
Having given (these) Hari went to Vaikuṇṭha, and Indra to the ocean of milk; taking up the kavaca and praising (her), he obtained her who dwells in the lotus, O sage.
AI translation rendered from the Sanskrit, not a published edition
BvP 3 21.20
सुरेश्वरोऽरिं जित्वा वै ह्यलभच्चामरावतीम् ।। प्रत्येकं च सुराः सर्वे स्वालयं प्रापुरीप्सितम्
sureśvaro'riṃ jitvā vai hyalabhaccāmarāvatīm || pratyekaṃ ca surāḥ sarve svālayaṃ prāpurīpsitam
The lord of the gods, having conquered the enemy, regained Amarāvatī; and all the gods, each one, obtained the abode they desired.
AI translation rendered from the Sanskrit, not a published edition