Brahmavaivarta Purana — Ganapati Khanda — Chapter 17
BvP 3 17.1
नारायण उवाच ।। अथ विष्णुर्जगत्कान्तो हृष्टः कृत्वा शुभक्षणम् ।। रत्नसिंहासने रम्ये वासयामास षण्मुखम्
nārāyaṇa uvāca || atha viṣṇurjagatkānto hṛṣṭaḥ kṛtvā śubhakṣaṇam || ratnasiṃhāsane ramye vāsayāmāsa ṣaṇmukham
Nārāyaṇa said: Then Viṣṇu, the beloved of the world, delighted, having fixed an auspicious moment, seated the six-faced one on the lovely jewelled lion-throne.
AI translation rendered from the Sanskrit, not a published edition
BvP 3 17.2
नानाविधानि वाद्यानि कांस्यतालादिकानि च ।। नानाविधानि यन्त्राणि वादयामास कौतुकात्
nānāvidhāni vādyāni kāṃsyatālādikāni ca || nānāvidhāni yantrāṇi vādayāmāsa kautukāt
Out of festive delight he had various instruments played — bronze cymbals and the rest — and various mechanical devices (of music).
AI translation rendered from the Sanskrit, not a published edition
BvP 3 17.3
वेदमन्त्राभिषिक्तैश्च सर्वर्तीर्थोदपूर्णकैः ।। सद्रत्नकुम्भशतकैः स्नापयामास तं मुदा
vedamantrābhiṣiktaiśca sarvartīrthodapūrṇakaiḥ || sadratnakumbhaśatakaiḥ snāpayāmāsa taṃ mudā
With hundreds of jars of fine jewels, consecrated with Vedic mantras and filled with the waters of all the sacred fords, he joyfully bathed him.
AI translation rendered from the Sanskrit, not a published edition
BvP 3 17.4
सद्रत्नसारखचितं किरीटं मङ्गलाङ्गदे ।। अमूल्यरत्नखचितं भूषणानि बहूनि च
sadratnasārakhacitaṃ kirīṭaṃ maṅgalāṅgade || amūlyaratnakhacitaṃ bhūṣaṇāni bahūni ca
(He gave) a crown studded with the finest jewels, auspicious armlets set with priceless gems, and many ornaments;
AI translation rendered from the Sanskrit, not a published edition
BvP 3 17.5
वह्निशुद्धांशुके दिव्ये क्षीरोदार्णवसम्भवम् ।। कौस्तुभं वनमालां च तस्मै चक्रं ददौ मुदा
vahniśuddhāṃśuke divye kṣīrodārṇavasambhavam || kaustubhaṃ vanamālāṃ ca tasmai cakraṃ dadau mudā
two divine garments purified by fire, the Kaustubha (jewel) born from the ocean of milk, a forest garland, and the discus — these he joyfully gave him.
AI translation rendered from the Sanskrit, not a published edition
BvP 3 17.6
ब्रह्मा ददौ यज्ञसूत्रं वेदा वै वेदमातरम् ।। सन्ध्यामन्त्रं कृष्णमन्त्रं स्तोत्रं च कवचं हरेः
brahmā dadau yajñasūtraṃ vedā vai vedamātaram || sandhyāmantraṃ kṛṣṇamantraṃ stotraṃ ca kavacaṃ hareḥ
Brahmā gave the sacrificial thread; the Vedas gave the Mother of the Vedas (Gāyatrī), the twilight mantra, the Kṛṣṇa mantra, a hymn of praise, and the protective armour of Hari,
AI translation rendered from the Sanskrit, not a published edition
BvP 3 17.7
कमण्डलुं च ब्रह्मास्त्रं विद्यां वै वैरिमर्दिनीम् ।। धर्मो धर्ममतिं दिव्यां सर्वजीवे दयां ददौ
kamaṇḍaluṃ ca brahmāstraṃ vidyāṃ vai vairimardinīm || dharmo dharmamatiṃ divyāṃ sarvajīve dayāṃ dadau
and the water-pot, and the Brahmā-weapon, and the science that crushes enemies; Dharma gave a divine mind set on dharma and compassion toward every living being,
AI translation rendered from the Sanskrit, not a published edition
BvP 3 17.8
परं मृत्युञ्जयं ज्ञानं सर्वशास्त्रावबोधनम् ।। शश्वत्सुखप्रदं तत्त्वज्ञानं च सुमनोहरम्
paraṃ mṛtyuñjayaṃ jñānaṃ sarvaśāstrāvabodhanam || śaśvatsukhapradaṃ tattvajñānaṃ ca sumanoharam
the supreme knowledge that conquers death, the understanding of all scriptures, and the most charming knowledge of truth that gives everlasting happiness,
AI translation rendered from the Sanskrit, not a published edition
BvP 3 17.9
योगतत्त्वं सिद्धितत्त्वं ब्रह्मज्ञानं सुदुर्लभम् ।। शूलं पिनाकं परशुं शक्तिं पाशुपतं धनुः ।। संहारास्त्रविनिक्षेपं तत्संहारे ददौ शिवः
yogatattvaṃ siddhitattvaṃ brahmajñānaṃ sudurlabham || śūlaṃ pinākaṃ paraśuṃ śaktiṃ pāśupataṃ dhanuḥ || saṃhārāstravinikṣepaṃ tatsaṃhāre dadau śivaḥ
the truth of yoga, the truth of the perfections, and the knowledge of Brahman, so hard to obtain; the trident, the Pināka bow, the axe, the spear, the Pāśupata bow, and the hurling of the weapon of destruction — these Śiva gave for the destroying of him (the demon).
AI translation rendered from the Sanskrit, not a published edition — the model flagged this verse as uncertain
BvP 3 17.10
श्वेतच्छत्रं रत्नमालां ददौ तस्मै जलेश्वरः ।। गजेन्द्रं च हयेन्द्रं च सुधाकुम्भं सुधानिधिः
śvetacchatraṃ ratnamālāṃ dadau tasmai jaleśvaraḥ || gajendraṃ ca hayendraṃ ca sudhākumbhaṃ sudhānidhiḥ
The lord of waters gave him a white parasol and a jewelled garland; the treasury of nectar (the Moon) gave a lordly elephant, a lordly horse, and a jar of nectar.
AI translation rendered from the Sanskrit, not a published edition
BvP 3 17.11
मनोयायिरथं सूर्य्यः सन्नाहं च मनोरमम् ।। यमदण्डं यमश्चैव महाशक्तिं हुताशनः ।। नानाशस्त्राण्युपायानि सर्वे देवा ददुर्मुदा
manoyāyirathaṃ sūryyaḥ sannāhaṃ ca manoramam || yamadaṇḍaṃ yamaścaiva mahāśaktiṃ hutāśanaḥ || nānāśastrāṇyupāyāni sarve devā dadurmudā
The Sun gave a chariot that goes at will and lovely armour; Yama gave the rod of Yama, and Fire gave the great spear; all the gods joyfully gave various weapons and expedients.
AI translation rendered from the Sanskrit, not a published edition
BvP 3 17.12
कामशास्त्रं कामदेवो ददौ तस्मै मुदाऽन्वितः ।। क्षीरोदोऽमूल्यरत्नानि विशिष्टे रत्ननूपुरे
kāmaśāstraṃ kāmadevo dadau tasmai mudā'nvitaḥ || kṣīrodo'mūlyaratnāni viśiṣṭe ratnanūpure
Kāmadeva, filled with joy, gave him the science of love; the ocean of milk gave priceless jewels and a pair of excellent jewelled anklets.
AI translation rendered from the Sanskrit, not a published edition
BvP 3 17.13
पार्वती सस्मिता हृष्टा परमानन्दमानसा ।। महाविद्यां सुशीलां च विद्यां मेधां दयां स्मृतिम्
pārvatī sasmitā hṛṣṭā paramānandamānasā || mahāvidyāṃ suśīlāṃ ca vidyāṃ medhāṃ dayāṃ smṛtim
Pārvatī, smiling and delighted, her mind in supreme bliss, (gave) the great knowledge and good conduct, learning, intelligence, compassion, memory,
AI translation rendered from the Sanskrit, not a published edition
BvP 3 17.14
बुद्धिं सुनिर्मलां शान्तिं तुष्टिं पुष्टिं क्षमां धृतिम् ।। सदृढां च हरौ भक्तिं हरिदास्यं ददौ मुदा
buddhiṃ sunirmalāṃ śāntiṃ tuṣṭiṃ puṣṭiṃ kṣamāṃ dhṛtim || sadṛḍhāṃ ca harau bhaktiṃ haridāsyaṃ dadau mudā
(She gave) intellect that is wholly pure, peace, contentment, nourishment, patience, steadfastness, and firm devotion to Hari, and servitude to Hari she gladly bestowed.
AI translation rendered from the Sanskrit, not a published edition
BvP 3 17.15
प्रजापतिर्देवसेनां रत्नभूषणभूषिताम् ।। सुविनीतां सुशीलां च सुन्दरीं सुमनोहराम्
prajāpatirdevasenāṃ ratnabhūṣaṇabhūṣitām || suvinītāṃ suśīlāṃ ca sundarīṃ sumanoharām
Prajāpati (gave) Devasenā, adorned with jewel-ornaments, well-mannered and of good character, beautiful and most charming,
AI translation rendered from the Sanskrit, not a published edition
BvP 3 17.16
ददौ तस्मै वेदमन्त्रैर्विवाहविधिना स्वयम् ।। यां वदन्ति महाषष्ठीं पण्डिताः शिशुपालिकाम्
dadau tasmai vedamantrairvivāhavidhinā svayam || yāṃ vadanti mahāṣaṣṭhīṃ paṇḍitāḥ śiśupālikām
(he) himself gave her to him with Vedic mantras according to the marriage rite — she whom the learned call Mahāṣaṣṭhī, the protectress of children.
AI translation rendered from the Sanskrit, not a published edition
BvP 3 17.17
अभिषिच्य कुमारं च सर्वे देवा ययुर्गृहम् ।। मुनयश्चैव गन्धर्वाः प्रणम्य जगदीश्वरान्
abhiṣicya kumāraṃ ca sarve devā yayurgṛham || munayaścaiva gandharvāḥ praṇamya jagadīśvarān
And having consecrated Kumāra, all the gods went home, and so too the sages and the Gandharvas, after bowing to the lords of the world.
AI translation rendered from the Sanskrit, not a published edition
BvP 3 17.18
नारायणं च ब्रह्माणं धर्मं तुष्टाव शंकरः ।। प्रणनाम हरिं तात धर्ममालिंग्य नारद
nārāyaṇaṃ ca brahmāṇaṃ dharmaṃ tuṣṭāva śaṃkaraḥ || praṇanāma hariṃ tāta dharmamāliṃgya nārada
And Śaṃkara praised Nārāyaṇa, Brahmā, and Dharma; he bowed to Hari, dear one, and embraced Dharma, O Nārada.
AI translation rendered from the Sanskrit, not a published edition
BvP 3 17.19
प्रीत्या ययौ च शैलेन्द्रः सगणः शंकरार्चितः।। ये ये तत्रागता सर्वे ययुरानन्दपूर्वकम्
prītyā yayau ca śailendraḥ sagaṇaḥ śaṃkarārcitaḥ|| ye ye tatrāgatā sarve yayurānandapūrvakam
And the lord of mountains, honoured by Śaṃkara, went off with affection together with his retinue; all those who had come there went away in joy.
AI translation rendered from the Sanskrit, not a published edition
BvP 3 17.20
परमानन्दसंयुक्तो देव्या सह महेश्वरः ।। कालान्तरे च तान्सर्वान्पुनरानीय शंकरः ।। पुष्टिं ददौ विवाहेन गणेशाय महात्मने
paramānandasaṃyukto devyā saha maheśvaraḥ || kālāntare ca tānsarvānpunarānīya śaṃkaraḥ || puṣṭiṃ dadau vivāhena gaṇeśāya mahātmane
Maheśvara, united with supreme bliss, (remained) with the Goddess; and after some time Śaṃkara brought them all back again and gave Puṣṭi in marriage to the great-souled Gaṇeśa.
AI translation rendered from the Sanskrit, not a published edition
BvP 3 17.21
सुताभ्यां सगणैः सार्द्धं पार्वती हृष्टमानसा ।। सिषेवे स्वामिनः पादपद्मं सा सर्वकामदम्
sutābhyāṃ sagaṇaiḥ sārddhaṃ pārvatī hṛṣṭamānasā || siṣeve svāminaḥ pādapadmaṃ sā sarvakāmadam
Together with her two sons and with the attendants, Pārvatī, glad at heart, served her husband's lotus feet, which grant every desire.
AI translation rendered from the Sanskrit, not a published edition
BvP 3 17.22
इत्येवं कथितं सर्वं कुमारस्याभिषेचनम् ।। विवाहः पूजनं तस्य गणेशस्य विवाहकम्
ityevaṃ kathitaṃ sarvaṃ kumārasyābhiṣecanam || vivāhaḥ pūjanaṃ tasya gaṇeśasya vivāhakam
Thus has all been told — the consecration of Kumāra, his marriage and worship, and the wedding of Gaṇeśa,
AI translation rendered from the Sanskrit, not a published edition
BvP 3 17.23
पार्वतीपुत्रलाभश्च देवानां च समागमः ।। का ते मनसि वाञ्छाऽस्ति किं भूयः श्रोतुमिच्छसि
pārvatīputralābhaśca devānāṃ ca samāgamaḥ || kā te manasi vāñchā'sti kiṃ bhūyaḥ śrotumicchasi
and Pārvatī's obtaining of sons, and the assembling of the gods. What wish is there in your mind? What further do you desire to hear?
AI translation rendered from the Sanskrit, not a published edition