Brahmavaivarta Purana — Ganapati Khanda — Chapter 14
BvP 3 14.1
नारायण उवाच ।। देवास्तस्यां सभायां च सर्वे संहृष्टमानसाः ।। गन्धर्वा मुनयः शैलाः पश्यन्तः सुमहोत्सवम्।।
nārāyaṇa uvāca || devāstasyāṃ sabhāyāṃ ca sarve saṃhṛṣṭamānasāḥ || gandharvā munayaḥ śailāḥ paśyantaḥ sumahotsavam||
Nārāyaṇa said: And in that assembly all the gods, with delighted minds, the gandharvas, the sages, the mountains, were watching the very great festival.
AI translation rendered from the Sanskrit, not a published edition
BvP 3 14.2
एतस्मिन्नन्तरे दुर्गा स्मेराननसरोरुहा ।। उवाच विष्णुं प्रणता देवेशं तत्र संसदि
etasminnantare durgā smerānanasaroruhā || uvāca viṣṇuṃ praṇatā deveśaṃ tatra saṃsadi
In the meantime Durgā, the lotus of her face smiling, bowing, spoke to Viṣṇu, the lord of the gods, there in the assembly.
AI translation rendered from the Sanskrit, not a published edition
BvP 3 14.3
पार्वत्युवाच ।। त्वं पाता सर्वजगतां नाथ नाहं जगद्बहिः ।। कथं मत्स्वामिनो वीर्य्यममोघं रक्षितं प्रभो
pārvatyuvāca || tvaṃ pātā sarvajagatāṃ nātha nāhaṃ jagadbahiḥ || kathaṃ matsvāmino vīryyamamoghaṃ rakṣitaṃ prabho
Pārvatī said: You are the protector of all the worlds, lord; I am not outside the world. How, O master, has my husband's unfailing seed been guarded?
AI translation rendered from the Sanskrit, not a published edition
BvP 3 14.4
रतिभङ्गे कृते देवैर्ब्रह्मणा प्रेरितैस्त्वया ।। भूमौ निपतितं वीर्यं केन देवेन वै हृतम्
ratibhaṅge kṛte devairbrahmaṇā preritaistvayā || bhūmau nipatitaṃ vīryaṃ kena devena vai hṛtam
When the love-making was broken off by you, at the urging of Brahmā and the gods, the seed fell to the ground — by which god was it carried off?
AI translation rendered from the Sanskrit, not a published edition
BvP 3 14.5
सर्वे देवास्त्वत्पुरतस्तदन्विष्यन्तु सादरम् ।। अराजकं कथमिदं तिष्ठति त्वयि राजनि
sarve devāstvatpuratastadanviṣyantu sādaram || arājakaṃ kathamidaṃ tiṣṭhati tvayi rājani
Let all the gods search for it respectfully in your presence. How does this (world) remain kingless while you are its king?
AI translation rendered from the Sanskrit, not a published edition
BvP 3 14.6
पार्वतीवचनं श्रुत्वा प्रहस्य जगदीश्वरः ।। उवाच देववर्गे च मुनिवर्गे च तिष्ठति
pārvatīvacanaṃ śrutvā prahasya jagadīśvaraḥ || uvāca devavarge ca munivarge ca tiṣṭhati
Hearing Pārvatī's words, the lord of the world laughed and spoke, standing among the throng of gods and the throng of sages.
AI translation rendered from the Sanskrit, not a published edition
BvP 3 14.7
श्रीविष्णुरुवाच ।। देवाः शृणुत मद्वाक्यं पार्वतीवचनं श्रुतम् ।। शिवस्यामोघवीर्य्यं यत्तत्पुरा केन निर्हृतम्
śrīviṣṇuruvāca || devāḥ śṛṇuta madvākyaṃ pārvatīvacanaṃ śrutam || śivasyāmoghavīryyaṃ yattatpurā kena nirhṛtam
Śrī Viṣṇu said: Gods, hear my words — Pārvatī's speech has been heard. Śiva's unfailing seed, that which was formerly carried off — by whom (was it taken)?
AI translation rendered from the Sanskrit, not a published edition
BvP 3 14.8
सभामानयत क्षिप्रं न चेद्दण्डमिहार्हथ ।। स को राजा न शास्ता यः प्रजाबाध्यश्च पाक्षिकः
sabhāmānayata kṣipraṃ na ceddaṇḍamihārhatha || sa ko rājā na śāstā yaḥ prajābādhyaśca pākṣikaḥ
Bring (it) to the assembly quickly, otherwise you deserve punishment here. What sort of king is he who does not chastise, who is oppressed by his subjects and partial?
AI translation rendered from the Sanskrit, not a published edition
BvP 3 14.9
विष्णोस्तद्वचनं श्रुत्वा समालोच्य परस्परम् ।। ऊचुः सर्वे शिवावाक्यैस्त्रासिताः पुरतो हरेः
viṣṇostadvacanaṃ śrutvā samālocya parasparam || ūcuḥ sarve śivāvākyaistrāsitāḥ purato hareḥ
Hearing that speech of Viṣṇu, and consulting one another, they all, terrified by Śiva's words, spoke before Hari.
AI translation rendered from the Sanskrit, not a published edition
BvP 3 14.10
ब्रह्मोवाच ।। तद्वीर्यं निर्हृतं येन पुण्यभूमौ च भारते ।। स वञ्चितो भवत्वत्र पुण्याहे पुण्यकर्मणि
brahmovāca || tadvīryaṃ nirhṛtaṃ yena puṇyabhūmau ca bhārate || sa vañcito bhavatvatra puṇyāhe puṇyakarmaṇi
Brahmā said: Whoever carried off that semen in Bhārata, the land of merit — let him be cheated here, on a holy day, in a meritorious rite.
AI translation rendered from the Sanskrit, not a published edition
BvP 3 14.11
श्रीमहादेव उवाच ।। मद्वीर्य्यं निर्हृतं येन पुण्यभूमौ च भारते ।। स वञ्चितो भवत्वत्र सेवने पूजने तव
śrīmahādeva uvāca || madvīryyaṃ nirhṛtaṃ yena puṇyabhūmau ca bhārate || sa vañcito bhavatvatra sevane pūjane tava
Śrī Mahādeva said: Whoever carried off my semen in Bhārata, the land of merit — let him be cheated here in the serving and worshipping of you.
AI translation rendered from the Sanskrit, not a published edition
BvP 3 14.12
यम उवाच ।। स वञ्चितो भवत्वत्र शरणागतरक्षणे ।। एकादशीव्रते चैव तद्वीर्य्यं येन निर्हृतम्
yama uvāca || sa vañcito bhavatvatra śaraṇāgatarakṣaṇe || ekādaśīvrate caiva tadvīryyaṃ yena nirhṛtam
Yama said: Let him be cheated here in the protection of one who has come for refuge, and in the Ekādaśī observance — he by whom that semen was carried off.
AI translation rendered from the Sanskrit, not a published edition
BvP 3 14.13
इन्द्र उवाच ।। तद्वीर्यं निर्हृतं येन पापिनां पापमोचने ।। भवत्वत्र यशो लुप्तं तत्पुण्यं कर्म सन्ततम्
indra uvāca || tadvīryaṃ nirhṛtaṃ yena pāpināṃ pāpamocane || bhavatvatra yaśo luptaṃ tatpuṇyaṃ karma santatam
Indra said: By whom that semen was carried off — let his fame be lost here in the releasing of sinners from sin, (and) that continual meritorious act (be lost too).
AI translation rendered from the Sanskrit, not a published edition — the model flagged this verse as uncertain
BvP 3 14.14
वरुण उवाच ।। भवत्वत्र कलौ जन्म वर्षे स्याद्भारते हरे ।। शूद्रयाजकपत्न्याश्च गर्भे तद्येन निर्हृतम्
varuṇa uvāca || bhavatvatra kalau janma varṣe syādbhārate hare || śūdrayājakapatnyāśca garbhe tadyena nirhṛtam
Varuṇa said: O Hari, let there be for him birth here in the Kali age, in the year, in Bhārata, and in the womb of the wife of a śūdra sacrificer — (for him) by whom that (semen) was carried off.
AI translation rendered from the Sanskrit, not a published edition
BvP 3 14.15
कुबेर उवाच ।। न्यासहारी स भवतु विश्वासघ्नश्च मित्रहा ।। सत्यघ्नश्च कृतघ्नश्च तद्वीर्यं येन निर्हृतम्
kubera uvāca || nyāsahārī sa bhavatu viśvāsaghnaśca mitrahā || satyaghnaśca kṛtaghnaśca tadvīryaṃ yena nirhṛtam
Kubera said: Let him become a stealer of deposits, a breaker of trust, a slayer of friends, a destroyer of truth and ungrateful — he by whom that semen was carried off.
AI translation rendered from the Sanskrit, not a published edition
BvP 3 14.16
ईशान उवाच ।। परद्रव्यापहारी च स भवत्वत्र भारते ।। नरघाती गुरुद्रोही तद्वीर्यं येन निर्हृतम्
īśāna uvāca || paradravyāpahārī ca sa bhavatvatra bhārate || naraghātī gurudrohī tadvīryaṃ yena nirhṛtam
Īśāna said: And let him become here in Bhārata a taker of others' property, a killer of men, a betrayer of his teacher — he by whom that semen was carried off.
AI translation rendered from the Sanskrit, not a published edition
BvP 3 14.17
रुद्रा ऊचुः।। ते मिथ्यावादिनः सन्तु भारते पारदारिकाः ।। गुरुनिन्दारताः शश्वत्तद्वीर्य्यं यैश्च निर्हृतम्
rudrā ūcuḥ|| te mithyāvādinaḥ santu bhārate pāradārikāḥ || gurunindāratāḥ śaśvattadvīryyaṃ yaiśca nirhṛtam
The Rudras said: Let them be liars in Bhārata, adulterers, forever given to reviling their teachers — those by whom that semen was carried off.
AI translation rendered from the Sanskrit, not a published edition
BvP 3 14.18
कामदेव उवाच ।। कृत्वा प्रतिज्ञां यो मूढो न सम्पालयते भ्रमात् ।। भाजनं तस्य पापस्य स भवेद्येन तद्धृतम्
kāmadeva uvāca || kṛtvā pratijñāṃ yo mūḍho na sampālayate bhramāt || bhājanaṃ tasya pāpasya sa bhavedyena taddhṛtam
Kāmadeva said: The fool who, having made a promise, does not keep it through delusion — let him by whom that was carried off become the vessel of that sin.
AI translation rendered from the Sanskrit, not a published edition
BvP 3 14.19
स्वर्वैद्यावूचतुः ।। मातुः पितुर्गुरोश्चैव स्त्रीपुत्राणां च पोषणे ।। भवेतां वञ्चितौ तौ च याभ्यां वीर्य्यं च तद्धृतम्
svarvaidyāvūcatuḥ || mātuḥ piturguroścaiva strīputrāṇāṃ ca poṣaṇe || bhavetāṃ vañcitau tau ca yābhyāṃ vīryyaṃ ca taddhṛtam
The two heavenly physicians said: Let those two be cheated in the maintenance of mother, father, teacher, wife and sons — the two by whom that semen was carried off.
AI translation rendered from the Sanskrit, not a published edition
BvP 3 14.20
सर्वे देवा ऊचुः ।। मिथ्यासाक्ष्यप्रदातारो भवन्त्वत्र च भारते ।। अपुत्रिणो दरिद्राश्च यैश्च वीर्य्यं हि तद्धृतम्
sarve devā ūcuḥ || mithyāsākṣyapradātāro bhavantvatra ca bhārate || aputriṇo daridrāśca yaiśca vīryyaṃ hi taddhṛtam
All the gods said: Let those by whom that semen was carried off become givers of false testimony here in Bhārata, sonless and poor.
AI translation rendered from the Sanskrit, not a published edition
BvP 3 14.21
देवपत्न्य ऊचुः ।। ता निन्दंतु स्वभर्त्तारो गच्छन्तु परपूरुषम् ।। सन्तु बुद्धिविहीनाश्च याभिर्वीर्य्यं हि तद्धृतम्
devapatnya ūcuḥ || tā nindaṃtu svabharttāro gacchantu parapūruṣam || santu buddhivihīnāśca yābhirvīryyaṃ hi taddhṛtam
The wives of the gods said: Let those women by whom that semen was carried off revile their own husbands, go to other men, and be devoid of intelligence.
AI translation rendered from the Sanskrit, not a published edition
BvP 3 14.22
देवानां वचनं श्रुत्वा देवीनां च हरिस्स्वयम् ।। कर्मणां साक्षिणं धर्मं सूर्य्यं चन्द्रं हुताशनम्
devānāṃ vacanaṃ śrutvā devīnāṃ ca harissvayam || karmaṇāṃ sākṣiṇaṃ dharmaṃ sūryyaṃ candraṃ hutāśanam
Hearing the speech of the gods and of the goddesses, Hari himself (addressed) Dharma, the witness of deeds, the Sun, the Moon, Fire,
AI translation rendered from the Sanskrit, not a published edition
BvP 3 14.23
पवनं पृथिवीं तोयं सन्ध्ये रात्रिं दिवं मुने ।। उवाच जगतां कर्त्ता पाता शास्ता जगत्त्रये
pavanaṃ pṛthivīṃ toyaṃ sandhye rātriṃ divaṃ mune || uvāca jagatāṃ karttā pātā śāstā jagattraye
Wind, Earth, Water, the two twilights, Night and Day, O sage — (so) spoke the maker, preserver and ruler of the worlds in the three worlds.
AI translation rendered from the Sanskrit, not a published edition
BvP 3 14.24
श्रीविष्णुरुवाच ।। देवैर्न निर्हृतं वीर्य्यं तदेतत्केन निर्हृतम् ।। तदमोघं भगवतो महेशस्य जगद्गुरोः
śrīviṣṇuruvāca || devairna nirhṛtaṃ vīryyaṃ tadetatkena nirhṛtam || tadamoghaṃ bhagavato maheśasya jagadguroḥ
Śrī Viṣṇu said: The semen was not carried off by the gods; then by whom was this carried off? — that unfailing (semen) of the Lord Maheśa, the teacher of the world.
AI translation rendered from the Sanskrit, not a published edition
BvP 3 14.25
यूयं च साक्षिणो विश्वे सततं सर्वकर्मणाम् ।। युष्माभिर्निर्हृत किं वा किम्भूतं वक्तुमर्हथ
yūyaṃ ca sākṣiṇo viśve satataṃ sarvakarmaṇām || yuṣmābhirnirhṛta kiṃ vā kimbhūtaṃ vaktumarhatha
And you all are the witnesses of all deeds always; was it carried off by you, or (by whom)? Whatever has happened, you ought to tell it.
AI translation rendered from the Sanskrit, not a published edition — the model flagged this verse as uncertain
BvP 3 14.26
ईश्वरस्य वचः श्रुत्वा सभायां कम्पिताश्च ते ।। परस्परं समालोच्य क्रमेणोचुः पुरो हरेः
īśvarasya vacaḥ śrutvā sabhāyāṃ kampitāśca te || parasparaṃ samālocya krameṇocuḥ puro hareḥ
Hearing the Lord's words, trembling in the assembly, and consulting one another, they spoke in turn before Hari.
AI translation rendered from the Sanskrit, not a published edition
BvP 3 14.27
श्रीधर्म उवाच ।। रतेरुत्तिष्ठतो वीर्य्यं पपात वसुधातले ।। मया ज्ञातममोघं तच्छङ्करस्य प्रकोपतः
śrīdharma uvāca || rateruttiṣṭhato vīryyaṃ papāta vasudhātale || mayā jñātamamoghaṃ tacchaṅkarasya prakopataḥ
Śrī Dharma said: As (Kāma) rose up from love-making the semen fell on the surface of the earth; I knew it to be unfailing, arising from Śaṅkara's wrath.
AI translation rendered from the Sanskrit, not a published edition
BvP 3 14.28
क्षितिरुवाच ।। वीर्य्यं वोढुमशक्ताऽहं तद्वह्नौ न्यक्षिपं पुरा ।। अतीव दुर्वहं ब्रह्मन्नबलां क्षन्तुमर्हसि
kṣitiruvāca || vīryyaṃ voḍhumaśaktā'haṃ tadvahnau nyakṣipaṃ purā || atīva durvahaṃ brahmannabalāṃ kṣantumarhasi
Earth said: I was unable to bear the semen, so formerly I cast it into the fire; it was exceedingly hard to bear, O Brahman — you should forgive a weak woman.
AI translation rendered from the Sanskrit, not a published edition
BvP 3 14.29
अग्निरुवाच ।। वीर्य्यं वोढुमशक्ताऽहं न्यक्षिपं शरकानने ।। दुर्बलस्य जगन्नाथ किं यशः किं च पौरुषम्
agniruvāca || vīryyaṃ voḍhumaśaktā'haṃ nyakṣipaṃ śarakānane || durbalasya jagannātha kiṃ yaśaḥ kiṃ ca pauruṣam
Agni said: I was unable to bear the seed; I cast it into the reed-thicket. For one who is weak, Lord of the world, what fame is there, and what manliness?
AI translation rendered from the Sanskrit, not a published edition
BvP 3 14.30
वायुरुवाच ।। शरेषु पतितं वीर्य्यं सद्यो बालो बभूव ह ।। अतीव सुन्दरो विष्णो स्वर्णरेखानदीतटे
vāyuruvāca || śareṣu patitaṃ vīryyaṃ sadyo bālo babhūva ha || atīva sundaro viṣṇo svarṇarekhānadītaṭe
Vāyu said: The seed that had fallen among the reeds at once became a boy — exceedingly beautiful, O Viṣṇu, on the bank of the river Svarṇarekhā.
AI translation rendered from the Sanskrit, not a published edition
BvP 3 14.31
श्रीसूर्य्य उवाच ।। रुदन्तं बालकं दृष्ट्वाऽगममस्ताचलं प्रति ।। प्रेरितः कालचक्रेण निशि संस्थातुमक्षमः
śrīsūryya uvāca || rudantaṃ bālakaṃ dṛṣṭvā'gamamastācalaṃ prati || preritaḥ kālacakreṇa niśi saṃsthātumakṣamaḥ
The Sun said: Having seen the crying boy, I went toward the western mountain, driven by the wheel of time, unable to remain (there) at night.
AI translation rendered from the Sanskrit, not a published edition
BvP 3 14.32
चन्द्र उवाच ।। रुदन्तं बालकं प्राप्य गृहीत्वा कृत्तिकागणः ।। जगाम स्वालयं विष्णो गच्छन्बदरिकाश्रमात् ।।
candra uvāca || rudantaṃ bālakaṃ prāpya gṛhītvā kṛttikāgaṇaḥ || jagāma svālayaṃ viṣṇo gacchanbadarikāśramāt ||
The Moon said: Having found the crying boy and taken him up, the company of the Kṛttikās went to their own abode, O Viṣṇu, as they were going from the Badarikā hermitage.
AI translation rendered from the Sanskrit, not a published edition
BvP 3 14.33
जलमुवाच ।। अमुं रुदन्तमानीय स्तनं दत्त्वा स्तनार्थिने ।। वर्द्धयामासुरीशस्य तं ताः सूर्य्याधिकप्रभम्
jalamuvāca || amuṃ rudantamānīya stanaṃ dattvā stanārthine || varddhayāmāsurīśasya taṃ tāḥ sūryyādhikaprabham
Water said: Having brought him, the crying one, and given the breast to him who wanted the breast, they nourished that (son) of the Lord, whose radiance surpassed the sun's.
AI translation rendered from the Sanskrit, not a published edition
BvP 3 14.34
सन्ध्ये ऊचतुः ।। अधुना कृत्तिकानां च षण्णां तत्पोष्यपुत्रकः ।। तन्नाम चक्रुस्ताः प्रेम्णा कार्त्तिकेय इति स्वयम्
sandhye ūcatuḥ || adhunā kṛttikānāṃ ca ṣaṇṇāṃ tatpoṣyaputrakaḥ || tannāma cakrustāḥ premṇā kārttikeya iti svayam
The two Twilights said: From now on he is the foster-son of the six Kṛttikās; out of love they themselves made his name accordingly — "Kārttikeya."
AI translation rendered from the Sanskrit, not a published edition
BvP 3 14.35
रात्रिरुवाच ।। न चक्रुर्बालकं ताश्च लोचनानामगोचरम् ।। प्राणेभ्योऽपि प्रेमपात्रं यः पोष्टा तस्य पुत्रकः
rātriruvāca || na cakrurbālakaṃ tāśca locanānāmagocaram || prāṇebhyo'pi premapātraṃ yaḥ poṣṭā tasya putrakaḥ
Night said: And they did not let the boy out of the range of their eyes; he who nourishes (a child) — that child is an object of love to him, dearer even than life.
AI translation rendered from the Sanskrit, not a published edition
BvP 3 14.36
दिनमुवाच ।। यानि यानि च वस्तूनि त्रैलोक्ये दुर्लभानि च ।। प्रशंसितानि स्वादूनि भोजयामासुरेव तम्
dinamuvāca || yāni yāni ca vastūni trailokye durlabhāni ca || praśaṃsitāni svādūni bhojayāmāsureva tam
Day said: Whatever things in the three worlds are hard to obtain, praised and sweet — those they fed to him.
AI translation rendered from the Sanskrit, not a published edition
BvP 3 14.37
तेषां तद्वचनं श्रुत्वा सन्तुष्टो मधुसूदनः ।। ते सर्वे हरिमित्यूचुः सभायां हृष्टमानसाः
teṣāṃ tadvacanaṃ śrutvā santuṣṭo madhusūdanaḥ || te sarve harimityūcuḥ sabhāyāṃ hṛṣṭamānasāḥ
Hearing that speech of theirs, the slayer of Madhu was pleased; and they all, with delighted minds, said "Hari!" in the assembly.
AI translation rendered from the Sanskrit, not a published edition
BvP 3 14.38
पुत्रस्य वार्त्तां सम्प्राप्य पार्वती हृष्टमानसा ।। कोटिरत्नानि विप्रेभ्यो ददौ बहुधनानि च ।। ददौ सर्वाणि विप्रेभ्यो वासांसि विविधानि च
putrasya vārttāṃ samprāpya pārvatī hṛṣṭamānasā || koṭiratnāni viprebhyo dadau bahudhanāni ca || dadau sarvāṇi viprebhyo vāsāṃsi vividhāni ca
Having received news of her son, Pārvatī, delighted in mind, gave crores of jewels to the brahmins and much wealth; she gave to the brahmins all manner of garments too.
AI translation rendered from the Sanskrit, not a published edition
BvP 3 14.39
लक्ष्मीः सरस्वती मेना सावित्री सर्वयोषितः ।। विष्णुश्च सर्वदेवाश्च ब्राह्मणेभ्यो ददुर्धनम्
lakṣmīḥ sarasvatī menā sāvitrī sarvayoṣitaḥ || viṣṇuśca sarvadevāśca brāhmaṇebhyo dadurdhanam
Lakṣmī, Sarasvatī, Menā, Sāvitrī, all the women, and Viṣṇu and all the gods gave wealth to the brahmins.
AI translation rendered from the Sanskrit, not a published edition