Brahmavaivarta Purana — Ganapati Khanda — Chapter 13
BvP 3 13.1
नारायण उवाच ।। अथ विष्णुः शुभे काले देवैश्च मुनिभिः सह ।। पूजयामास तं बालमुपहारैरनुत्तमैः
nārāyaṇa uvāca || atha viṣṇuḥ śubhe kāle devaiśca munibhiḥ saha || pūjayāmāsa taṃ bālamupahārairanuttamaiḥ
Nārāyaṇa said: Then Viṣṇu, at an auspicious time, together with the gods and the sages, worshipped that child with the most excellent offerings.
AI translation rendered from the Sanskrit, not a published edition
BvP 3 13.2
सर्वाग्रे तव पूजा च मया दत्ता सुरोत्तम ।। सर्वपूज्यश्च योगीन्द्रो भव वत्सेत्युवाच तम्
sarvāgre tava pūjā ca mayā dattā surottama || sarvapūjyaśca yogīndro bhava vatsetyuvāca tam
"Before all others your worship has been granted by me, O best of gods; be, my child, honoured by all and the lord of yogins" — thus he said to him.
AI translation rendered from the Sanskrit, not a published edition
BvP 3 13.3
वनमालां ददौ तस्मै ब्रह्मज्ञानं च मुक्तिदम् ।। सर्वसिद्धिं प्रदायैव चकारात्मसमं हरिः
vanamālāṃ dadau tasmai brahmajñānaṃ ca muktidam || sarvasiddhiṃ pradāyaiva cakārātmasamaṃ hariḥ
He gave him a forest garland and the knowledge of Brahman that bestows liberation; and having bestowed every attainment, Hari made (him) equal to himself.
AI translation rendered from the Sanskrit, not a published edition
BvP 3 13.4
ददौ द्रव्याणि चारूणि चोपचारांश्च षोडश ।। नामभिः स्तवनं चक्रे मुनिभिश्च समं सुरैः
dadau dravyāṇi cārūṇi copacārāṃśca ṣoḍaśa || nāmabhiḥ stavanaṃ cakre munibhiśca samaṃ suraiḥ
He gave beautiful substances and the sixteen services (of worship), and along with the sages and the gods he made praise with (his) names.
AI translation rendered from the Sanskrit, not a published edition
BvP 3 13.5
विघ्नेशश्च गणेशश्च हेरम्बश्च गजाननः ।। लम्बोदरश्चैकदन्तः शूर्पकर्णो विनायकः
vighneśaśca gaṇeśaśca herambaśca gajānanaḥ || lambodaraścaikadantaḥ śūrpakarṇo vināyakaḥ
Vighneśa, and Gaṇeśa, and Heramba, and Gajānana, Lambodara, and Ekadanta, Śūrpakarṇa, Vināyaka —
AI translation rendered from the Sanskrit, not a published edition
BvP 3 13.6
एतान्यष्टौ च नामानि सर्वसिद्धिप्रदानि च ।। आशिषं दापयामास चानयामास तान्मुनीन्
etānyaṣṭau ca nāmāni sarvasiddhipradāni ca || āśiṣaṃ dāpayāmāsa cānayāmāsa tānmunīn
these eight names, which bestow all attainments; he had a blessing given (to him), and he brought those sages (there).
AI translation rendered from the Sanskrit, not a published edition
BvP 3 13.7
सिद्धासनं ददौ धर्मस्तस्मै ब्रह्मा कमण्डलुम् ।। शङ्करो योगपट्टं च तत्त्वज्ञानं सुदुर्लभम्
siddhāsanaṃ dadau dharmastasmai brahmā kamaṇḍalum || śaṅkaro yogapaṭṭaṃ ca tattvajñānaṃ sudurlabham
Dharma gave him a siddha-seat, Brahmā a water pot, Śaṅkara a yoga-band and the very hard-won knowledge of the truth.
AI translation rendered from the Sanskrit, not a published edition
BvP 3 13.8
रत्नसिंहासनं शक्रः सूर्य्यश्च मणिकुण्डले ।। माणिक्यमालां चन्द्रश्च कुबेरश्च किरीटकम्
ratnasiṃhāsanaṃ śakraḥ sūryyaśca maṇikuṇḍale || māṇikyamālāṃ candraśca kuberaśca kirīṭakam
Śakra a jewelled lion-throne, and the Sun a pair of jewelled earrings, the Moon a ruby necklace, and Kubera a diadem.
AI translation rendered from the Sanskrit, not a published edition
BvP 3 13.9
वह्निशुद्धं च वसनं ददौ तस्मै हुताशनः ।। रत्नच्छत्रं च वरुणो वायू रत्नांगुलीयकम्
vahniśuddhaṃ ca vasanaṃ dadau tasmai hutāśanaḥ || ratnacchatraṃ ca varuṇo vāyū ratnāṃgulīyakam
The fire-god gave him a garment purified by fire, and Varuṇa a jewelled parasol, Vāyu a jewelled ring.
AI translation rendered from the Sanskrit, not a published edition
BvP 3 13.10
क्षीरोदोद्भवसद्रत्नरचितं वलयं वरम् ।। मञ्जीरं चापि केयूरं ददौ पद्मालया मुने
kṣīrododbhavasadratnaracitaṃ valayaṃ varam || mañjīraṃ cāpi keyūraṃ dadau padmālayā mune
Padmālayā (Lakṣmī) gave an excellent bracelet fashioned of the fine jewels arisen from the Milk Ocean, and also an anklet and an armlet, O sage.
AI translation rendered from the Sanskrit, not a published edition
BvP 3 13.11
कण्ठभूषां च सावित्री भारती हारमुज्ज्वलम् ।। क्रमेण सर्वदेवाश्च देव्यश्च यौतकं ददुः
kaṇṭhabhūṣāṃ ca sāvitrī bhāratī hāramujjvalam || krameṇa sarvadevāśca devyaśca yautakaṃ daduḥ
And Sāvitrī a neck ornament, Bhāratī a gleaming necklace; and in turn all the gods and goddesses gave gifts.
AI translation rendered from the Sanskrit, not a published edition
BvP 3 13.12
मुनयः पर्वताश्चैव रत्नानि विविधानि च ।। वसुन्धरा ददौ तस्मै वाहनाय च मूषकम्
munayaḥ parvatāścaiva ratnāni vividhāni ca || vasundharā dadau tasmai vāhanāya ca mūṣakam
The sages and the mountains too (gave) jewels of various kinds; and Vasundharā gave him a mouse for a mount.
AI translation rendered from the Sanskrit, not a published edition
BvP 3 13.13
क्रमेण देवा देव्यश्च मुनयः पर्वतादयः।। गन्धर्वाः किन्नरा यक्षा मनवो मानवास्तथा
krameṇa devā devyaśca munayaḥ parvatādayaḥ|| gandharvāḥ kinnarā yakṣā manavo mānavāstathā
In turn the gods and goddesses, the sages, the mountains and the rest, the Gandharvas, Kinnaras, Yakṣas, the Manus and likewise men —
AI translation rendered from the Sanskrit, not a published edition
BvP 3 13.14
नानाविधानि द्रव्याणि स्वादूनि मधुराणि च ।। पूजां चक्रुश्च ते सर्वे क्रमाद्वै भक्तिपूर्वकम्
nānāvidhāni dravyāṇi svādūni madhurāṇi ca || pūjāṃ cakruśca te sarve kramādvai bhaktipūrvakam
(gave) substances of many kinds, tasty and sweet; and all of them performed worship in order, with devotion.
AI translation rendered from the Sanskrit, not a published edition
BvP 3 13.16
सर्वतीर्थोदकै रत्नकलशावर्जितैः स्तुतैः ।। स्नापयामास वेदोक्तमन्त्रेण मुनिभिस्तदा ।। अग्निशुद्धे च वसने ददौ तस्मै सती मुदा
sarvatīrthodakai ratnakalaśāvarjitaiḥ stutaiḥ || snāpayāmāsa vedoktamantreṇa munibhistadā || agniśuddhe ca vasane dadau tasmai satī mudā
With the waters of all the sacred fords, poured from jewelled pots amid hymns, he then had (him) bathed by the sages with the mantra declared in the Veda; and Satī gladly gave him a garment purified by fire.
AI translation rendered from the Sanskrit, not a published edition
BvP 3 13.17
गोदावर्युदकैः पाद्यमर्घ्यं गंगोदकेन च ।। दूर्वाभिरक्षतापुष्पैश्चन्दनेन समन्वितम्
godāvaryudakaiḥ pādyamarghyaṃ gaṃgodakena ca || dūrvābhirakṣatāpuṣpaiścandanena samanvitam
With the waters of the Godāvarī (she gave) water for the feet, and with Ganges water the guest-offering, together with dūrvā grass, unbroken rice, flowers and sandal paste.
AI translation rendered from the Sanskrit, not a published edition
BvP 3 13.18
पुष्करोदकमानीय पुनराचमनीयकम् ।। मधुपर्कं रत्नपात्रैरासवं शर्करान्वितम्
puṣkarodakamānīya punarācamanīyakam || madhuparkaṃ ratnapātrairāsavaṃ śarkarānvitam
Bringing water from Puṣkara, (she gave) again water for rinsing the mouth, the honey-mixture, and in jewelled vessels liquor mixed with sugar.
AI translation rendered from the Sanskrit, not a published edition
BvP 3 13.19
पार्वती जगतां माता स्मेराननसरोरुहा ।। रत्नसिंहासने पुत्रं वासयामास नारद स्नानीयं विष्णुतैलं च स्वर्वैद्याभ्यां विनिर्मितम् ।। अमूल्यरत्नरचितं चारुभूषाकदम्बकम्
pārvatī jagatāṃ mātā smerānanasaroruhā || ratnasiṃhāsane putraṃ vāsayāmāsa nārada snānīyaṃ viṣṇutailaṃ ca svarvaidyābhyāṃ vinirmitam || amūlyaratnaracitaṃ cārubhūṣākadambakam
Pārvatī, mother of the worlds, her lotus face smiling, seated her son on the jewelled lion-throne, O Nārada, (and gave) as bath-oil the Viṣṇu-oil prepared by the two physicians of heaven, and a mass of lovely ornaments fashioned of priceless jewels.
AI translation rendered from the Sanskrit, not a published edition
BvP 3 13.20
पारिजातप्रसूनानामन्येषां शतकानि च ।। मालतीचम्पकादीनां पुष्पाणि विविधानि च ।। पूजार्हाणि च पत्राणि तुलसीसहितानि च
pārijātaprasūnānāmanyeṣāṃ śatakāni ca || mālatīcampakādīnāṃ puṣpāṇi vividhāni ca || pūjārhāṇi ca patrāṇi tulasīsahitāni ca
And hundreds of pārijāta blossoms and of others, and various flowers of mālatī, campaka and the rest, and leaves fit for worship, together with tulasī.
AI translation rendered from the Sanskrit, not a published edition
BvP 3 13.21
चन्दनागुरुकस्तूरी कुंकुमानि च सादरम् ।। रत्नप्रदीपनिकरं धूपं च परितो ददौ
candanāgurukastūrī kuṃkumāni ca sādaram || ratnapradīpanikaraṃ dhūpaṃ ca parito dadau
Sandal, aloe-wood, musk and saffron she gave reverently, and a mass of jewelled lamps and incense all around.
AI translation rendered from the Sanskrit, not a published edition
BvP 3 13.22
नैवेद्यं तत्प्रियं चैव तिललड्डुकपर्वतान् ।। यवगोधूमचूर्णानां लड्डुकानां च पर्वतान्
naivedyaṃ tatpriyaṃ caiva tilalaḍḍukaparvatān || yavagodhūmacūrṇānāṃ laḍḍukānāṃ ca parvatān
(She gave) his favorite food-offering, and mountains of sesame laddus, and mountains of laddus made of barley and wheat flour.
AI translation rendered from the Sanskrit, not a published edition
BvP 3 13.23
पक्वान्नानां पर्वताश्च सुस्वादुसुमनोहरान् ।। पर्वतान्स्वस्तिकानां च सुस्वादुशर्करान्वितान्
pakvānnānāṃ parvatāśca susvādusumanoharān || parvatānsvastikānāṃ ca susvāduśarkarānvitān
And mountains of cooked foods, very tasty and delightful, and mountains of svastika-cakes, very tasty and mixed with sugar.
AI translation rendered from the Sanskrit, not a published edition
BvP 3 13.24
गुडाक्तानां च लाजानां पृथुकानां च पर्वतान् ।। शाल्यन्नानां पिष्टकानां पर्वतान्व्यञ्जनैः सह ।। पयोभृत्कलशानां च लक्षाणि प्रददौ मुदा
guḍāktānāṃ ca lājānāṃ pṛthukānāṃ ca parvatān || śālyannānāṃ piṣṭakānāṃ parvatānvyañjanaiḥ saha || payobhṛtkalaśānāṃ ca lakṣāṇi pradadau mudā
And mountains of parched grain smeared with molasses, and of flattened rice, mountains of rice dishes and of cakes, together with condiments, and hundreds of thousands of pots filled with milk she joyfully gave.
AI translation rendered from the Sanskrit, not a published edition
BvP 3 13.25
लक्षाणि दधिपूर्णानां कलशानां च पूजने ।। मधुभृत्कलशानां च त्रिलक्षाणि च सुन्दरी
lakṣāṇi dadhipūrṇānāṃ kalaśānāṃ ca pūjane || madhubhṛtkalaśānāṃ ca trilakṣāṇi ca sundarī
And hundreds of thousands of pots full of curd for the worship, and three hundred thousand pots filled with honey (did) the beautiful woman (give).
AI translation rendered from the Sanskrit, not a published edition
BvP 3 13.26
सर्पिस्सुवर्णकुम्भानां पंचलक्षाणि सादरम् ।। दाडिमानां श्रीफलानामसंख्यानि फलानि च
sarpissuvarṇakumbhānāṃ paṃcalakṣāṇi sādaram || dāḍimānāṃ śrīphalānāmasaṃkhyāni phalāni ca
Five hundred thousand golden jars of ghee, respectfully, and countless fruits of pomegranate and bilva,
AI translation rendered from the Sanskrit, not a published edition
BvP 3 13.27
खर्जूराणां कपित्थानां जम्बूनां विविधानि च ।।। आम्राणां पनसानां च कदलीनां च नारद ।। फलानि नारिकेलानामसंख्यानि ददौ मुदा
kharjūrāṇāṃ kapitthānāṃ jambūnāṃ vividhāni ca ||| āmrāṇāṃ panasānāṃ ca kadalīnāṃ ca nārada || phalāni nārikelānāmasaṃkhyāni dadau mudā
And various kinds of dates, wood-apples, and rose-apples; and countless fruits of mangoes, jackfruits, plantains, and coconuts, O Nārada, she joyfully gave.
AI translation rendered from the Sanskrit, not a published edition
BvP 3 13.28
अन्यानि परिपक्वानि कालदेशोद्भवानि च ।। ददौ तानि महाभाग स्वादूनि मधुराणि च
anyāni paripakvāni kāladeśodbhavāni ca || dadau tāni mahābhāga svādūni madhurāṇi ca
And other fully ripened (fruits), produced in that season and region — those she gave, O greatly fortunate one, tasty and sweet.
AI translation rendered from the Sanskrit, not a published edition
BvP 3 13.29
स्वच्छं सुनिर्मलं चैव कर्पूरादिसुवासितम् ।। गङ्गाजलं च पानार्थं पुनराचमनीयकम्
svacchaṃ sunirmalaṃ caiva karpūrādisuvāsitam || gaṅgājalaṃ ca pānārthaṃ punarācamanīyakam
And clear, very pure Ganges water, well perfumed with camphor and the rest, for drinking, and again water for rinsing the mouth;
AI translation rendered from the Sanskrit, not a published edition
BvP 3 13.30
ताम्बूलं च वरं रम्यं कर्पूरादिसुवासितम् ।। सुवर्णपात्रशतकं भक्ष्यपूर्णं च नारद
tāmbūlaṃ ca varaṃ ramyaṃ karpūrādisuvāsitam || suvarṇapātraśatakaṃ bhakṣyapūrṇaṃ ca nārada
And excellent, pleasing betel, well perfumed with camphor and the rest, and a hundred golden dishes filled with eatables, O Nārada.
AI translation rendered from the Sanskrit, not a published edition
BvP 3 13.31
शैलराजप्रिया मात्याः पुपूजुः शैलजात्मजम्
śailarājapriyā mātyāḥ pupūjuḥ śailajātmajam
The wives of the king of mountains and the mothers worshipped the son of the mountain's daughter.
AI translation rendered from the Sanskrit, not a published edition — the model flagged this verse as uncertain
BvP 3 13.32
ॐ श्रीं ह्रीं क्लीं गणेश्वराय ब्रह्मरूपाय चारवे ।। सर्वसिद्धिप्रदेशाय विघ्नेशाय नमो नमः
oṃ śrīṃ hrīṃ klīṃ gaṇeśvarāya brahmarūpāya cārave || sarvasiddhipradeśāya vighneśāya namo namaḥ
"Oṃ śrīṃ hrīṃ klīṃ, to Gaṇeśvara, whose form is brahman, to the lovely one, to the bestower of all attainments, to Vighneśa, homage, homage!"
AI translation rendered from the Sanskrit, not a published edition
BvP 3 13.33
इत्यनेनैव मन्त्रेण दत्त्वा द्रव्याणि भक्तितः।। सर्वे प्रमुदितास्तत्र ब्रह्मविष्णुशिवादयः
ityanenaiva mantreṇa dattvā dravyāṇi bhaktitaḥ|| sarve pramuditāstatra brahmaviṣṇuśivādayaḥ
Having given the offerings with devotion with this very mantra, all those there — Brahmā, Viṣṇu, Śiva and the rest — were greatly delighted.
AI translation rendered from the Sanskrit, not a published edition
BvP 3 13.34
द्वात्रिंशदक्षरो मालामन्त्रोऽयं सर्वकामद।। धर्मार्थकाममोक्षाणां फलदः सर्वसिद्धिदः
dvātriṃśadakṣaro mālāmantro'yaṃ sarvakāmada|| dharmārthakāmamokṣāṇāṃ phaladaḥ sarvasiddhidaḥ
This garland-mantra of thirty-two syllables grants every desire; it yields the fruits of dharma, wealth, pleasure, and liberation, and grants all attainments.
AI translation rendered from the Sanskrit, not a published edition
BvP 3 13.35
पञ्चलक्षजपेनैव मन्त्रसिद्धिस्तु मन्त्रिणः।। मन्त्रसिद्धिर्भवेद्यस्य स च विष्णुश्च भारते
pañcalakṣajapenaiva mantrasiddhistu mantriṇaḥ|| mantrasiddhirbhavedyasya sa ca viṣṇuśca bhārate
By five hundred thousand repetitions alone comes the mantra-adept's mastery of the mantra; and he for whom mastery of the mantra occurs, he too is Viṣṇu in Bhārata.
AI translation rendered from the Sanskrit, not a published edition
BvP 3 13.36
विघ्नानि च पलायन्ते तन्नामस्मरणेन च ।। महावाग्ग्मी महासिद्धिः सर्वसिद्धिसमन्वितः
vighnāni ca palāyante tannāmasmaraṇena ca || mahāvāggmī mahāsiddhiḥ sarvasiddhisamanvitaḥ
And obstacles flee at the remembrance of his name; (he becomes) greatly eloquent, of great attainment, endowed with all powers.
AI translation rendered from the Sanskrit, not a published edition
BvP 3 13.37
वाक्पतिर्गुरुतां याति तस्य साक्षात्सुनिश्चितम् ।। महाकवीन्द्रो गुणवान्विदुषां च गुरोर्गुरुः
vākpatirgurutāṃ yāti tasya sākṣātsuniścitam || mahākavīndro guṇavānviduṣāṃ ca gurorguruḥ
The lord of speech (Bṛhaspati) becomes his teacher, manifestly and quite certainly; (he becomes) a great chief of poets, full of virtues, and the teacher of the teacher of the learned.
AI translation rendered from the Sanskrit, not a published edition
BvP 3 13.38
संपूज्यानेन मन्त्रेण देवा आनन्दसंप्लुताः ।। नानाविधानि वाद्यानि वादयामासुरुत्सवे
saṃpūjyānena mantreṇa devā ānandasaṃplutāḥ || nānāvidhāni vādyāni vādayāmāsurutsave
Having worshipped with this mantra, the gods, flooded with joy, had various instruments played at the festival.
AI translation rendered from the Sanskrit, not a published edition
BvP 3 13.39
ब्राह्मणान्भोजयामासुः कारयामासुरुत्सवम् ।। ददुर्दानानि तेभ्यश्च बन्दिभ्यश्च विशेषतः
brāhmaṇānbhojayāmāsuḥ kārayāmāsurutsavam || dadurdānāni tebhyaśca bandibhyaśca viśeṣataḥ
They fed brāhmaṇas, they had a festival held, and they gave gifts to them, and especially to the bards.
AI translation rendered from the Sanskrit, not a published edition
BvP 3 13.40
नारायण उवाच ।। अथ विष्णुः सभामध्ये तं सम्पूज्य गणेश्वरम् ।। तुष्टाव परया भक्त्या सर्वविघ्नविनाशकम्
nārāyaṇa uvāca || atha viṣṇuḥ sabhāmadhye taṃ sampūjya gaṇeśvaram || tuṣṭāva parayā bhaktyā sarvavighnavināśakam
Nārāyaṇa said: Then Viṣṇu, in the midst of the assembly, having worshipped that Gaṇeśvara, praised with supreme devotion the destroyer of all obstacles:
AI translation rendered from the Sanskrit, not a published edition
BvP 3 13.41
ईश त्वां स्तोतुमिच्छामि ब्रह्मज्योतिः सनातनम् ।। नैव वर्णयितुं शक्तोऽस्त्यनुरूपमनीहकम्
īśa tvāṃ stotumicchāmi brahmajyotiḥ sanātanam || naiva varṇayituṃ śakto'styanurūpamanīhakam
"O Lord, I wish to praise you, the eternal light of brahman; yet no one is able to describe you fittingly, you who are free of striving.
AI translation rendered from the Sanskrit, not a published edition
BvP 3 13.42
प्रवरं सर्वदेवानां सिद्धानां योगिनां गुरुम् ।। सर्वस्वरूपं सर्वेशं ज्ञानराशिस्वरूपिणम्
pravaraṃ sarvadevānāṃ siddhānāṃ yogināṃ gurum || sarvasvarūpaṃ sarveśaṃ jñānarāśisvarūpiṇam
(You are) the foremost of all the gods, the teacher of the perfected ones and the yogins; the form of all, the lord of all, whose form is a mass of knowledge.
AI translation rendered from the Sanskrit, not a published edition
BvP 3 13.43
अव्यक्तमक्षरं नित्यं सत्यमात्मस्वरूपिणम् ।। वायुतुल्यं च निर्लिप्तं चाक्षतं सर्वसाक्षिणम्
avyaktamakṣaraṃ nityaṃ satyamātmasvarūpiṇam || vāyutulyaṃ ca nirliptaṃ cākṣataṃ sarvasākṣiṇam
Unmanifest, imperishable, eternal, real, whose form is the Self; like the wind, unattached, unwounded, the witness of all.
AI translation rendered from the Sanskrit, not a published edition
BvP 3 13.44
संसारार्णवपारे च मायापोते सुदुर्लभे ।। कर्णधारस्वरूपं च भक्तानुग्रहकारकम्
saṃsārārṇavapāre ca māyāpote sudurlabhe || karṇadhārasvarūpaṃ ca bhaktānugrahakārakam
And on the far shore of the ocean of transmigration, in the very hard-to-obtain boat of māyā, (you are) the very form of the helmsman, who bestows grace upon the devotees.
AI translation rendered from the Sanskrit, not a published edition
BvP 3 13.46
ध्यानातिरिक्तं ध्येयं च ध्यानासाध्यं च धार्मिकम् ।। धर्मस्वरूपं धर्मज्ञं धर्माधर्मफलप्रदम्
dhyānātiriktaṃ dhyeyaṃ ca dhyānāsādhyaṃ ca dhārmikam || dharmasvarūpaṃ dharmajñaṃ dharmādharmaphalapradam
Beyond meditation, yet the object of meditation; not attainable by meditation; righteous; the very form of dharma, knower of dharma, giver of the fruits of dharma and non-dharma.
AI translation rendered from the Sanskrit, not a published edition
BvP 3 13.47
बीजं संसारवृक्षाणामंकुरं च तदाश्रयम् ।। स्त्रीपुंनपुंसकानां च रूपमेतदतीन्द्रियम्
bījaṃ saṃsāravṛkṣāṇāmaṃkuraṃ ca tadāśrayam || strīpuṃnapuṃsakānāṃ ca rūpametadatīndriyam
(You are) the seed of the trees of transmigration and the sprout and their support; and this form, beyond the senses, of women, men and neuters.
AI translation rendered from the Sanskrit, not a published edition — the model flagged this verse as uncertain
BvP 3 13.48
सर्वाद्यमग्रपूज्यं च सर्वपूज्यं गुणार्णवम् ।। स्वेच्छया सगुणं ब्रह्म निर्गुणं स्वेच्छया पुनः
sarvādyamagrapūjyaṃ ca sarvapūjyaṃ guṇārṇavam || svecchayā saguṇaṃ brahma nirguṇaṃ svecchayā punaḥ
First of all, to be worshipped before (all others), worshipped by all, an ocean of qualities; by your own will brahman with qualities, and again by your own will without qualities.
AI translation rendered from the Sanskrit, not a published edition
BvP 3 13.49
वरं वरेण्यं वरदं वरदानामपीश्वरम् ।। सिद्धं सिद्धिस्वरूपं च सिद्धिदं सिद्धिसाधनम स्वयं प्रकृतिरूपं च प्राकृतं प्रकृतेः परम् ।। त्वां स्तोतुमक्षमोऽनन्तः सहस्रवदनैरपि
varaṃ vareṇyaṃ varadaṃ varadānāmapīśvaram || siddhaṃ siddhisvarūpaṃ ca siddhidaṃ siddhisādhanama svayaṃ prakṛtirūpaṃ ca prākṛtaṃ prakṛteḥ param || tvāṃ stotumakṣamo'nantaḥ sahasravadanairapi
Excellent, to be chosen, granter of boons, lord even of the givers of boons; perfected, the very form of perfection, giver of perfection, and the means to perfection; yourself the form of primal nature, and (yet) of nature, and beyond nature — even Ananta with his thousand mouths is unable to praise you.
AI translation rendered from the Sanskrit, not a published edition
BvP 3 13.50
न क्षमः पञ्चवक्त्रश्च न क्षमश्चतुराननः ।। सरस्वती न शक्ता च न शक्तोऽहं तव स्तुतौ ।। न शक्ताश्च चतुर्वेदाः के वा ते वेदवादिनः
na kṣamaḥ pañcavaktraśca na kṣamaścaturānanaḥ || sarasvatī na śaktā ca na śakto'haṃ tava stutau || na śaktāśca caturvedāḥ ke vā te vedavādinaḥ
The five-faced one (Śiva) is not able, nor is the four-faced one (Brahmā) able; Sarasvatī is not capable, nor am I capable, of praising you; nor are the four Vedas capable — who, then, are those who expound the Vedas?
AI translation rendered from the Sanskrit, not a published edition
BvP 3 13.51
इत्येवं स्तवनं कृत्वा मुनीशसुरसंसदि ।। सुरेशश्च सुरैः सार्द्धं विरराम रमापतिः
ityevaṃ stavanaṃ kṛtvā munīśasurasaṃsadi || sureśaśca suraiḥ sārddhaṃ virarāma ramāpatiḥ
Having made this praise in the assembly of the lords of sages and the gods, the lord of the gods, the husband of Ramā, together with the gods, fell silent.
AI translation rendered from the Sanskrit, not a published edition
BvP 3 13.52
इदं विष्णुकृतं स्तोत्रं गणेशस्य च यः पठेत् ।। सायं प्रातश्च मध्याह्ने भक्तियुक्तः समाहितः
idaṃ viṣṇukṛtaṃ stotraṃ gaṇeśasya ca yaḥ paṭhet || sāyaṃ prātaśca madhyāhne bhaktiyuktaḥ samāhitaḥ
And whoever should recite this hymn to Gaṇeśa, made by Viṣṇu, at evening, at dawn and at midday, filled with devotion and concentrated —
AI translation rendered from the Sanskrit, not a published edition
BvP 3 13.53
तद्विघ्ननाशं कुरुते विघ्नेशः सततं मुने ।। वर्द्धते सर्वकल्याणं कल्याणजनकः सदा
tadvighnanāśaṃ kurute vighneśaḥ satataṃ mune || varddhate sarvakalyāṇaṃ kalyāṇajanakaḥ sadā
for him the lord of obstacles constantly destroys obstacles, O sage; all his welfare increases, (for Gaṇeśa) is ever the producer of welfare.
AI translation rendered from the Sanskrit, not a published edition
BvP 3 13.54
यात्राकाले पठित्वा यो याति तद्भक्तिपूर्वकम् ।। तस्य सर्वाभीष्टसिद्धिर्भवत्येव न संशयः
yātrākāle paṭhitvā yo yāti tadbhaktipūrvakam || tasya sarvābhīṣṭasiddhirbhavatyeva na saṃśayaḥ
Whoever, having recited (it) at the time of setting out, goes forth with devotion to him — for him the attainment of everything desired comes about indeed; there is no doubt.
AI translation rendered from the Sanskrit, not a published edition
BvP 3 13.55
तेन दृष्टं च दुस्स्वप्नं सुस्वप्नमुपजायते ।। कदाऽपि न भवेत्तस्य ग्रहपीडा च दारुणा
tena dṛṣṭaṃ ca dussvapnaṃ susvapnamupajāyate || kadā'pi na bhavettasya grahapīḍā ca dāruṇā
And a bad dream seen by him turns into a good dream; never will he have the terrible affliction of the planets.
AI translation rendered from the Sanskrit, not a published edition
BvP 3 13.56
भवेद्विनाशः शत्रूणां बन्धूनां चापि वर्द्धनम् ।। शश्वद्विघ्नविनाशश्च शश्वत्सम्यग्विवर्द्धनम्
bhavedvināśaḥ śatrūṇāṃ bandhūnāṃ cāpi varddhanam || śaśvadvighnavināśaśca śaśvatsamyagvivarddhanam
There will be destruction of enemies and also increase of kinsmen; a perpetual destruction of obstacles and a perpetual, proper prospering.
AI translation rendered from the Sanskrit, not a published edition
BvP 3 13.57
स्थिरा भवेद्गृहे लक्ष्मीः पुत्रपौत्रविवर्द्धनम् ।। सर्वैश्वर्य्यमिह प्राप्य ह्यन्ते विष्णुपदं लभेत्
sthirā bhavedgṛhe lakṣmīḥ putrapautravivarddhanam || sarvaiśvaryyamiha prāpya hyante viṣṇupadaṃ labhet
Lakṣmī will be steady in his house, and (there will be) increase of sons and grandsons; having gained all lordship here, at the end he attains the station of Viṣṇu.
AI translation rendered from the Sanskrit, not a published edition
BvP 3 13.58
फलं चापि च तीर्थानां यज्ञानां यद्भवेद्ध्रुवम् ।। महतां सर्वदानानां तद्गणेशप्रसादत
phalaṃ cāpi ca tīrthānāṃ yajñānāṃ yadbhaveddhruvam || mahatāṃ sarvadānānāṃ tadgaṇeśaprasādata
And whatever fruit there surely is of sacred fords, of sacrifices, and of all the great gifts — that (comes) through the favour of Gaṇeśa.
AI translation rendered from the Sanskrit, not a published edition
BvP 3 13.59
नारद उवाच ।। श्रुतं स्तोत्रं गणेशस्य पूजनं च मनोहरम् ।। कवचं श्रोतुमिच्छामि साम्प्रतं भवतारणम्
nārada uvāca || śrutaṃ stotraṃ gaṇeśasya pūjanaṃ ca manoharam || kavacaṃ śrotumicchāmi sāmprataṃ bhavatāraṇam
Nārada said: I have heard the hymn to Gaṇeśa and the delightful worship; now I wish to hear the protective armour (kavaca) that carries one across existence.
AI translation rendered from the Sanskrit, not a published edition
BvP 3 13.60
नारायण उवाच ।। पूजायां सुनिवृत्तायां सभामध्ये शनैश्चरः ।। उवाच विष्णुं सर्वेषां तारकं जगतां गुरुम्
nārāyaṇa uvāca || pūjāyāṃ sunivṛttāyāṃ sabhāmadhye śanaiścaraḥ || uvāca viṣṇuṃ sarveṣāṃ tārakaṃ jagatāṃ gurum
Nārāyaṇa said: When the worship was well completed, in the midst of the assembly Śanaiścara spoke to Viṣṇu, the deliverer of all, the teacher of the worlds.
AI translation rendered from the Sanskrit, not a published edition
BvP 3 13.61
शनैश्चर उवाच ।। सर्वदुःखविनाशाय पापप्रशमनाय च ।। कवचं विघ्ननिघ्नस्य वद वेदविदांवर
śanaiścara uvāca || sarvaduḥkhavināśāya pāpapraśamanāya ca || kavacaṃ vighnanighnasya vada vedavidāṃvara
Śanaiścara said: For the destruction of all suffering and for the quelling of sin, speak the kavaca of him who slays obstacles, O best of the knowers of the Veda.
AI translation rendered from the Sanskrit, not a published edition
BvP 3 13.62
बभूव नो विवादश्च शक्त्या वै मायया सह ।। तद्विघ्नप्रशमार्थं च कवचं धारयाम्यहम्
babhūva no vivādaśca śaktyā vai māyayā saha || tadvighnapraśamārthaṃ ca kavacaṃ dhārayāmyaham
A quarrel arose for us with Śakti and with Māyā; and to quell that obstacle I shall wear the kavaca.
AI translation rendered from the Sanskrit, not a published edition
BvP 3 13.63
श्रीविष्णुरुवाच ।। विनायकस्य कवचं त्रिषु लोकेषु दुर्लभम् ।। सुगोप्यं च पुराणेषु दुर्लभं चागमेषु च
śrīviṣṇuruvāca || vināyakasya kavacaṃ triṣu lokeṣu durlabham || sugopyaṃ ca purāṇeṣu durlabhaṃ cāgameṣu ca
Śrī Viṣṇu said: The armour (kavaca) of Vināyaka is hard to obtain in the three worlds; it is well kept secret, and hard to find in the Purāṇas and in the Āgamas.
AI translation rendered from the Sanskrit, not a published edition
BvP 3 13.64
उक्तं कौथुमशाखायां सामवेदे मनोहरम् ।। कवचं विघ्ननाथस्य सर्वविघ्नहरं परम्
uktaṃ kauthumaśākhāyāṃ sāmavede manoharam || kavacaṃ vighnanāthasya sarvavighnaharaṃ param
It is stated in the Kauthuma branch of the Sāmaveda, delightful — the armour of the Lord of Obstacles, supreme, removing all obstacles.
AI translation rendered from the Sanskrit, not a published edition
BvP 3 13.65
राज्यं देयं शिरो देयं प्राणा देयाश्च सूर्य्यज ।। एवम्भूतं च कवचं न देयं प्राणसङ्कटे
rājyaṃ deyaṃ śiro deyaṃ prāṇā deyāśca sūryyaja || evambhūtaṃ ca kavacaṃ na deyaṃ prāṇasaṅkaṭe
A kingdom may be given, the head may be given, and the life-breaths may be given, O son of the Sun; but such an armour as this is not to be given, (even) at the peril of one's life.
AI translation rendered from the Sanskrit, not a published edition
BvP 3 13.66
आविर्भावस्तिरोभावः स्वेच्छया यस्य मायया ।। नित्योऽयमेकदन्तश्च कवचं चास्य वत्सक
āvirbhāvastirobhāvaḥ svecchayā yasya māyayā || nityo'yamekadantaśca kavacaṃ cāsya vatsaka
He whose manifestation and disappearance are by his own will, through his māyā — this One-Tusked One is eternal, and so is his armour, dear child.
AI translation rendered from the Sanskrit, not a published edition
BvP 3 13.67
पूजाऽस्य नित्या स्तोत्रं च कल्पे कल्पेऽस्ति सन्ततम्।। अस्य वै जन्मनः पूर्वं मुनयश्च सिषेविरे
pūjā'sya nityā stotraṃ ca kalpe kalpe'sti santatam|| asya vai janmanaḥ pūrvaṃ munayaśca siṣevire
His worship is eternal, and his hymn of praise is continuous in every kalpa; indeed, before his birth the sages served him.
AI translation rendered from the Sanskrit, not a published edition
BvP 3 13.68
यथा मदवतारेषु जन्मविग्रहधारणम् ।। तथा गणेश्वरस्यापि जन्म शैलसुतोदरे
yathā madavatāreṣu janmavigrahadhāraṇam || tathā gaṇeśvarasyāpi janma śailasutodare
Just as in my incarnations there is a birth and the taking on of a body, so too for the Lord of the Gaṇas there was a birth in the womb of the mountain's daughter.
AI translation rendered from the Sanskrit, not a published edition
BvP 3 13.69
यद्धृत्वा मुनयः सर्वे जीवन्मुक्ताश्च भारते ।। निश्शङ्काश्च सुराः सर्वे शत्रुपक्षविमर्दकाः
yaddhṛtvā munayaḥ sarve jīvanmuktāśca bhārate || niśśaṅkāśca surāḥ sarve śatrupakṣavimardakāḥ
Having worn which, all the sages became liberated while living in Bhārata, and all the gods became free of fear, crushers of the enemy's side.
AI translation rendered from the Sanskrit, not a published edition
BvP 3 13.70
कवचं बिभ्रतां मृत्युर्न भिया याति सन्निधिम् ।। नायुर्व्ययो नाशुभं च ब्रह्माण्डे न पराजयः
kavacaṃ bibhratāṃ mṛtyurna bhiyā yāti sannidhim || nāyurvyayo nāśubhaṃ ca brahmāṇḍe na parājayaḥ
For those who wear the armour, Death does not come near out of fear; there is no loss of life-span, nothing inauspicious, and no defeat in the whole universe.
AI translation rendered from the Sanskrit, not a published edition
BvP 3 13.71
दश लक्षजपेनैव सिद्धं तु कवचं भवेत् ।। यो भवेत्सिद्धकवचो मृत्युं जेतुं स च क्षमः
daśa lakṣajapenaiva siddhaṃ tu kavacaṃ bhavet || yo bhavetsiddhakavaco mṛtyuṃ jetuṃ sa ca kṣamaḥ
By a mere ten hundred thousand recitations the armour becomes perfected; and he who has the armour perfected is able to conquer death.
AI translation rendered from the Sanskrit, not a published edition
BvP 3 13.72
सुसिद्धकवचो वाग्मी चिरंजीवी महीतले ।। सर्वत्र विजयी पूज्यो भवेद्ग्रहणमात्रतः
susiddhakavaco vāgmī ciraṃjīvī mahītale || sarvatra vijayī pūjyo bhavedgrahaṇamātrataḥ
He whose armour is well perfected becomes eloquent, long-lived on the earth, victorious everywhere, and worthy of worship, merely from receiving it.
AI translation rendered from the Sanskrit, not a published edition
BvP 3 13.73
मालामन्त्रमिमं पुण्यं कवचं मङ्गलं शुभम् ।। बिभ्रतां सर्वपापानि प्रणश्यन्ति सुनिश्चितम्
mālāmantramimaṃ puṇyaṃ kavacaṃ maṅgalaṃ śubham || bibhratāṃ sarvapāpāni praṇaśyanti suniścitam
This meritorious garland-mantra, this auspicious, blessed armour — for those who wear it all sins perish, most certainly.
AI translation rendered from the Sanskrit, not a published edition
BvP 3 13.74
भूतप्रेतपिशाचाश्च कूष्माण्डा ब्रह्मराक्षसाः ।। डाकिनीयोगिनीयक्षवेताला भैरवादयः
bhūtapretapiśācāśca kūṣmāṇḍā brahmarākṣasāḥ || ḍākinīyoginīyakṣavetālā bhairavādayaḥ
Bhūtas, pretas and piśācas, kūṣmāṇḍas, brahma-rākṣasas, ḍākinīs, yoginīs, yakṣas, vetālas, bhairavas and the rest —
AI translation rendered from the Sanskrit, not a published edition
BvP 3 13.75
बालग्रहा ग्रहाश्चैव क्षेत्रपालादयस्तथा ।। वर्मणः शब्दमात्रेण पलायन्ते च भीरवः
bālagrahā grahāścaiva kṣetrapālādayastathā || varmaṇaḥ śabdamātreṇa palāyante ca bhīravaḥ
child-seizing spirits and (planetary) seizers, and likewise the kṣetrapālas and the others — at the mere sound of the armour they flee in terror.
AI translation rendered from the Sanskrit, not a published edition
BvP 3 13.76
आधयो व्याधयश्चैव शोकाश्चैव भयावहाः ।। न यान्ति सन्निधिं तेषां गरुडस्य यथोरगाः
ādhayo vyādhayaścaiva śokāścaiva bhayāvahāḥ || na yānti sannidhiṃ teṣāṃ garuḍasya yathoragāḥ
Mental afflictions and bodily diseases, and terrifying griefs, do not come near them, as snakes do not near Garuḍa.
AI translation rendered from the Sanskrit, not a published edition
BvP 3 13.77
ऋजवे गुरुभक्ताय स्वशिष्याय प्रकाशयेत् ।। खलाय परशिष्याय दत्त्वा मृत्युमवाप्नुयात्
ṛjave gurubhaktāya svaśiṣyāya prakāśayet || khalāya paraśiṣyāya dattvā mṛtyumavāpnuyāt
One should reveal it to an upright man, devoted to the guru, to one's own pupil; but by giving it to a rogue or to another's pupil one would meet death.
AI translation rendered from the Sanskrit, not a published edition
BvP 3 13.78
संसारमोहकस्यास्य कवचस्य प्रजापतिः ।। ऋषिश्छन्दश्च बृहती देवो लम्बोदरः स्वयम्।। धर्मार्थकाममोक्षेषु विनियोगः प्रकीर्त्तितः
saṃsāramohakasyāsya kavacasya prajāpatiḥ || ṛṣiśchandaśca bṛhatī devo lambodaraḥ svayam|| dharmārthakāmamokṣeṣu viniyogaḥ prakīrttitaḥ
Of this armour, which bewilders the round of rebirth, Prajāpati is the seer, the metre is bṛhatī, and the deity is Lambodara himself; its application is declared to be for dharma, wealth, pleasure, and liberation.
AI translation rendered from the Sanskrit, not a published edition
BvP 3 13.79
सर्वेषां कवचानां च सारभूतमिदं मुने ।। ॐ गं हुं श्रीगणेशाय स्वाहा मे पातु मस्तकम् ।। द्वात्रिंशदक्षरो मन्त्रो ललाटं मे सदाऽवतु
sarveṣāṃ kavacānāṃ ca sārabhūtamidaṃ mune || oṃ gaṃ huṃ śrīgaṇeśāya svāhā me pātu mastakam || dvātriṃśadakṣaro mantro lalāṭaṃ me sadā'vatu
And this is the essence of all armours, O sage. Oṃ gaṃ huṃ śrīgaṇeśāya svāhā — may it protect my head; may the thirty-two-syllable mantra always guard my forehead.
AI translation rendered from the Sanskrit, not a published edition
BvP 3 13.80
ॐ ह्रीं क्लीं श्रीं गमिति वै सततं पातु लोचनम् ।। तालुके पातु विघ्नेशः सततं धरणीतले
oṃ hrīṃ klīṃ śrīṃ gamiti vai satataṃ pātu locanam || tāluke pātu vighneśaḥ satataṃ dharaṇītale
Oṃ hrīṃ klīṃ śrīṃ gaṃ — may this ever protect the eye; may the Lord of Obstacles ever protect the palate on the surface of the earth.
AI translation rendered from the Sanskrit, not a published edition
BvP 3 13.81
ॐ ह्रीं श्रीं क्लीमिति परं सन्ततं पातु नासिकाम् ।। ॐ गौं गं शूर्पकर्णाय स्वाहा पात्वधरं मम ।। दन्तांश्च तालुकां जिह्वां पातु मे षोडशाक्षरः
oṃ hrīṃ śrīṃ klīmiti paraṃ santataṃ pātu nāsikām || oṃ gauṃ gaṃ śūrpakarṇāya svāhā pātvadharaṃ mama || dantāṃśca tālukāṃ jihvāṃ pātu me ṣoḍaśākṣaraḥ
Oṃ hrīṃ śrīṃ klīṃ — may this supreme (formula) constantly protect the nose; oṃ gauṃ gaṃ śūrpakarṇāya svāhā — may it protect my lower lip; and may the sixteen-syllable (mantra) protect my teeth, palate, and tongue.
AI translation rendered from the Sanskrit, not a published edition
BvP 3 13.82
ॐ लं श्रीं लम्बोदरायेति स्वाहा गण्डं सदा ऽवतु ।। ॐ क्लीं ह्रीं विघ्ननाशाय स्वाहा कर्णं सदाऽवतु
oṃ laṃ śrīṃ lambodarāyeti svāhā gaṇḍaṃ sadā 'vatu || oṃ klīṃ hrīṃ vighnanāśāya svāhā karṇaṃ sadā'vatu
Oṃ laṃ śrīṃ lambodarāya svāhā — may it always guard the cheek; oṃ klīṃ hrīṃ vighnanāśāya svāhā — may it always guard the ear.
AI translation rendered from the Sanskrit, not a published edition
BvP 3 13.83
ॐ श्रीं गं गजाननायेति स्वाहा स्कन्धं सदाऽवतु।। ॐ ह्रीं विनायकायेति स्वाहा पृष्ठं सदाऽवतु
oṃ śrīṃ gaṃ gajānanāyeti svāhā skandhaṃ sadā'vatu|| oṃ hrīṃ vināyakāyeti svāhā pṛṣṭhaṃ sadā'vatu
Oṃ śrīṃ gaṃ, to Gajānana, svāhā — may (this) always protect the shoulder. Oṃ hrīṃ, to Vināyaka, svāhā — may (this) always protect the back.
AI translation rendered from the Sanskrit, not a published edition
BvP 3 13.84
ॐ क्लीं ह्रीमिति कङ्कालं पातु वक्षःस्थलं परम् ।। करौ पादौ सदा पातु सर्वांगं विघ्ननाशकृत्
oṃ klīṃ hrīmiti kaṅkālaṃ pātu vakṣaḥsthalaṃ param || karau pādau sadā pātu sarvāṃgaṃ vighnanāśakṛt
Oṃ klīṃ hrīṃ — may (this) protect the skeleton and the upper chest; may the destroyer of obstacles always protect the two hands, the two feet, and the whole body.
AI translation rendered from the Sanskrit, not a published edition
BvP 3 13.85
प्राच्यां लम्बोदरः पातु चाग्नेय्यां विघ्ननायकः ।। दक्षिणे पातु विश्वेशो नैर्ऋत्यां तु गजाननः
prācyāṃ lambodaraḥ pātu cāgneyyāṃ vighnanāyakaḥ || dakṣiṇe pātu viśveśo nairṛtyāṃ tu gajānanaḥ
In the east may Lambodara protect (me), and in the southeast Vighnanāyaka; in the south may Viśveśa protect, and in the southwest Gajānana.
AI translation rendered from the Sanskrit, not a published edition
BvP 3 13.86
पश्चिमे पार्वतीपुत्रो वायव्यां शंकरात्मजः ।। कृष्णस्यांशश्चोत्तरे च परिपूर्णतमस्य च
paścime pārvatīputro vāyavyāṃ śaṃkarātmajaḥ || kṛṣṇasyāṃśaścottare ca paripūrṇatamasya ca
In the west, the son of Pārvatī; in the northwest, the child of Śaṃkara; and in the north, the portion of Kṛṣṇa, of him who is the utterly complete one.
AI translation rendered from the Sanskrit, not a published edition
BvP 3 13.87
ऐशान्यामेकदन्तश्च हेरम्बः पातु चोर्ध्वतः ।। अधो गणाधिपः पातु सर्वपूज्यश्च सर्वतः ।। स्वप्ने जागरणे चैव पातु मां योगिनां गुरुः
aiśānyāmekadantaśca herambaḥ pātu cordhvataḥ || adho gaṇādhipaḥ pātu sarvapūjyaśca sarvataḥ || svapne jāgaraṇe caiva pātu māṃ yogināṃ guruḥ
In the northeast, Ekadanta; and above, may Heramba protect (me); below may the lord of the hosts protect, and on all sides he who is worshipped by all; and in sleep and in waking may the guru of the yogins protect me.
AI translation rendered from the Sanskrit, not a published edition
BvP 3 13.88
इति ते कथितं वत्स सर्वमन्त्रौघविग्रहम् ।। संसारमोहनं नाम कवचं परमाद्भुतम्
iti te kathitaṃ vatsa sarvamantraughavigraham || saṃsāramohanaṃ nāma kavacaṃ paramādbhutam
Thus, child, has been told to you the armour named "Bewilderer of the world," the embodiment of the whole flood of mantras, supremely marvellous.
AI translation rendered from the Sanskrit, not a published edition
BvP 3 13.89
श्रीकृष्णेन पुरा दत्तं गोलोके रासमण्डले ।। वृन्दावने विनीताय मह्यं दिनकरात्मज
śrīkṛṣṇena purā dattaṃ goloke rāsamaṇḍale || vṛndāvane vinītāya mahyaṃ dinakarātmaja
It was given long ago by Śrī Kṛṣṇa in Goloka, in the circle of the rāsa dance, in Vṛndāvana, to me who was submissive, O son of the maker of day.
AI translation rendered from the Sanskrit, not a published edition
BvP 3 13.90
मया दत्तं च तुभ्यं च यस्मै कस्मै न दास्यसि ।। परं वरं सर्वपूज्यं सर्वसंकटतारणम्
mayā dattaṃ ca tubhyaṃ ca yasmai kasmai na dāsyasi || paraṃ varaṃ sarvapūjyaṃ sarvasaṃkaṭatāraṇam
And it has been given by me to you; you must not give it to just anyone — it is supreme, the best, worshipped by all, the deliverer from every peril.
AI translation rendered from the Sanskrit, not a published edition
BvP 3 13.91
गुरुमभ्यर्च्य विधिवत्कवचं धारयेत्तु यः ।। कण्ठे वा दक्षिणे बाहौ सोऽपि विष्णुर्न संशयः
gurumabhyarcya vidhivatkavacaṃ dhārayettu yaḥ || kaṇṭhe vā dakṣiṇe bāhau so'pi viṣṇurna saṃśayaḥ
He who, having duly worshipped his guru, wears the armour on his neck or on his right arm — he too is Viṣṇu, there is no doubt.
AI translation rendered from the Sanskrit, not a published edition
BvP 3 13.92
अश्वमेधसहस्राणि वाजपेयशतानि च ।। ग्रहेन्द्र कवचस्यास्य कलां नार्हन्ति षोडशीम्
aśvamedhasahasrāṇi vājapeyaśatāni ca || grahendra kavacasyāsya kalāṃ nārhanti ṣoḍaśīm
Thousands of horse-sacrifices and hundreds of vājapeya rites, O lord of the planets, do not equal a sixteenth part of this armour.
AI translation rendered from the Sanskrit, not a published edition
BvP 3 13.93
इदं कवचमज्ञात्वा यो भजेच्छंकरात्मजम् ।। शतलक्षप्रजप्तोऽपि न मन्त्रः सिद्धिदायकः
idaṃ kavacamajñātvā yo bhajecchaṃkarātmajam || śatalakṣaprajapto'pi na mantraḥ siddhidāyakaḥ
He who, not knowing this armour, worships the son of Śaṃkara — his mantra, though muttered a hundred lakh times, does not grant success.
AI translation rendered from the Sanskrit, not a published edition
BvP 3 13.94
इति संसारमोहनं नाम कवचम् ।। दत्त्वेदं सूर्य्यपुत्राय विरराम सुरेश्वरः ।। परमानन्दसंयुक्ता देवास्तस्थुः समीपतः
iti saṃsāramohanaṃ nāma kavacam || dattvedaṃ sūryyaputrāya virarāma sureśvaraḥ || paramānandasaṃyuktā devāstasthuḥ samīpataḥ
Thus (ends) the armour named "Bewilderer of the world." Having given this to the son of the Sun, the lord of the gods fell silent; and the gods, filled with the highest bliss, stood nearby.
AI translation rendered from the Sanskrit, not a published edition