Brahmavaivarta Purana — Ganapati Khanda — Chapter 10
BvP 3 10.1
नारायण उवाच ।। तौ दम्पती बहिर्गत्वा पुत्रमङ्गलहेतवे।। विविधानि च रत्नानि द्विजेभ्यो ददतुर्मुदा
nārāyaṇa uvāca || tau dampatī bahirgatvā putramaṅgalahetave|| vividhāni ca ratnāni dvijebhyo dadaturmudā
Nārāyaṇa said: The two, husband and wife, went outside and joyfully gave jewels of various kinds to the twice-born, for the welfare of their son.
AI translation rendered from the Sanskrit, not a published edition
BvP 3 10.2
बन्दिभ्यो भिक्षुकेभ्यश्च दानानि विविधानि च ।। नानाविधानि वाद्यानि वादयामास शङ्करः
bandibhyo bhikṣukebhyaśca dānāni vividhāni ca || nānāvidhāni vādyāni vādayāmāsa śaṅkaraḥ
And (they gave) manifold gifts to bards and beggars; and Śaṅkara had music of many kinds played.
AI translation rendered from the Sanskrit, not a published edition
BvP 3 10.3
हिमालयश्च रत्नानां ददौ लक्षं द्विजातये ।। सहस्रं च गजेन्द्राणामश्वानां च त्रिलक्षकम्
himālayaśca ratnānāṃ dadau lakṣaṃ dvijātaye || sahasraṃ ca gajendrāṇāmaśvānāṃ ca trilakṣakam
And Himālaya gave a hundred thousand jewels to the brahmins, a thousand lordly elephants and three hundred thousand horses,
AI translation rendered from the Sanskrit, not a published edition
BvP 3 10.4
दशलक्षं गवां चैव पञ्चलक्षं सुवर्णकम् ।। मुक्तामाणिक्यरत्नानि मणिश्रेष्ठानि यानि च
daśalakṣaṃ gavāṃ caiva pañcalakṣaṃ suvarṇakam || muktāmāṇikyaratnāni maṇiśreṣṭhāni yāni ca
a million cows and five hundred thousand gold pieces, and pearls, rubies and gems, and whatever choicest jewels there were,
AI translation rendered from the Sanskrit, not a published edition
BvP 3 10.5
अन्यान्यपि च दानानि वस्त्राण्याभरणानि च ।। सर्वाण्यमूल्यरत्नानि क्षीरोदोत्पत्तिकानि च
anyānyapi ca dānāni vastrāṇyābharaṇāni ca || sarvāṇyamūlyaratnāni kṣīrodotpattikāni ca
and other gifts too, garments and ornaments, all the priceless jewels that are produced in the Ocean of Milk.
AI translation rendered from the Sanskrit, not a published edition
BvP 3 10.6
ब्राह्मणेभ्यो ददौ विष्णुः कौस्तुभं कौतुकान्वितः ।। ब्रह्मा विशिष्टदानानि विप्राणां वाञ्छितानि च ।। सुदुर्लभानि सृष्टौ च ब्राह्मणेभ्यो ददौ मुदा
brāhmaṇebhyo dadau viṣṇuḥ kaustubhaṃ kautukānvitaḥ || brahmā viśiṣṭadānāni viprāṇāṃ vāñchitāni ca || sudurlabhāni sṛṣṭau ca brāhmaṇebhyo dadau mudā
Viṣṇu, full of delight, gave the Kaustubha to the brahmins; and Brahmā joyfully gave the brahmins choice gifts, such as the brahmins desired and are very hard to get in creation.
AI translation rendered from the Sanskrit, not a published edition
BvP 3 10.7
धर्मः सूर्य्यश्च शक्रश्च देवाश्च मुनयस्तथा ।। गन्धर्वाः पर्वता देव्यो ददुर्दानं क्रमेण च
dharmaḥ sūryyaśca śakraśca devāśca munayastathā || gandharvāḥ parvatā devyo dadurdānaṃ krameṇa ca
Dharma, the Sun, Śakra, the gods and likewise the sages, the Gandharvas, the mountains and the goddesses gave gifts, each in turn.
AI translation rendered from the Sanskrit, not a published edition
BvP 3 10.8
माणिक्यानां सहस्राणि रत्नानां च शतानि च ।। शतानि कौस्तुभानां च हीरकाणां शतानि च
māṇikyānāṃ sahasrāṇi ratnānāṃ ca śatāni ca || śatāni kaustubhānāṃ ca hīrakāṇāṃ śatāni ca
Thousands of rubies and hundreds of jewels, hundreds of kaustubha gems and hundreds of diamonds,
AI translation rendered from the Sanskrit, not a published edition
BvP 3 10.10
हरिद्वर्णमणीन्द्राणां सहस्राणि मुदाऽन्विताः ।। गवां रत्नानि लक्षाणि गजरत्नसहस्रकम् ।। अमूल्यान्यन्यरत्नानि श्वेतवर्णानि कौतुकात्
haridvarṇamaṇīndrāṇāṃ sahasrāṇi mudā'nvitāḥ || gavāṃ ratnāni lakṣāṇi gajaratnasahasrakam || amūlyānyanyaratnāni śvetavarṇāni kautukāt
and, filled with joy, thousands of green gem-lords, hundreds of thousands of choice cows, a thousand choice elephants, and other priceless jewels, white in colour, out of festive delight—
AI translation rendered from the Sanskrit, not a published edition
BvP 3 10.11
शतलक्षं सुवर्णानां वह्निशुद्धांशुकानि च ।। ब्राह्मणेभ्यो ददौ ब्रह्मा तत्र क्षीरोदधिर्मुदा
śatalakṣaṃ suvarṇānāṃ vahniśuddhāṃśukāni ca || brāhmaṇebhyo dadau brahmā tatra kṣīrodadhirmudā
ten million gold pieces and cloths purified in fire—these the Ocean of Milk joyfully gave there to the brahmins (text: Brahmā gave).
AI translation rendered from the Sanskrit, not a published edition — the model flagged this verse as uncertain
BvP 3 10.12
हारं चामूल्यरत्नानां त्रिषु लोकेषु दुर्लभम् ।। अतीव निर्मलं सारं सूर्य्यभानुविनिन्दकम्
hāraṃ cāmūlyaratnānāṃ triṣu lokeṣu durlabham || atīva nirmalaṃ sāraṃ sūryyabhānuvinindakam
And the goddess Sarasvatī gave a necklace of priceless gems, hard to obtain in the three worlds, exceedingly clear, of pure substance, outshining the sun's rays, set about with rubies and resplendent with diamonds, lovely, with a kaustubha gem at its centre.
AI translation rendered from the Sanskrit, not a published edition
BvP 3 10.13
परिष्कृतं च माणिक्यैर्हीरकैश्च विराजितम् ।। रम्यं कौस्तुभमध्यस्थं ददौ देवी सरस्वती।।
pariṣkṛtaṃ ca māṇikyairhīrakaiśca virājitam || ramyaṃ kaustubhamadhyasthaṃ dadau devī sarasvatī||
Adorned with rubies and gleaming with diamonds, lovely, with the Kaustubha (gem) set at its centre — this the goddess Sarasvatī gave.
AI translation rendered from the Sanskrit, not a published edition
BvP 3 10.14
त्रैलोक्यसारं हारं च सद्रत्नगणनिर्मितम् ।। भूषणानि च सर्वाणि सा सावित्री ददौ मुदा
trailokyasāraṃ hāraṃ ca sadratnagaṇanirmitam || bhūṣaṇāni ca sarvāṇi sā sāvitrī dadau mudā
And a necklace, the best in the three worlds, made of a mass of fine gems, and all (manner of) ornaments — those Sāvitrī gave with joy.
AI translation rendered from the Sanskrit, not a published edition
BvP 3 10.15
लक्षं सुवर्णलोष्टानां धनानि विविधानि च ।। शतान्यमूल्यरत्नानां कुबेरश्च ददौ मुदा
lakṣaṃ suvarṇaloṣṭānāṃ dhanāni vividhāni ca || śatānyamūlyaratnānāṃ kuberaśca dadau mudā
A hundred thousand lumps of gold, and riches of various kinds, and hundreds of priceless gems — these Kubera gave with joy.
AI translation rendered from the Sanskrit, not a published edition
BvP 3 10.16
दानानि दत्त्वा विप्रेभ्यस्ते सर्वे ददृशुः शिशुम् ।। परमानन्दसंयुक्ताः शिवपुत्रोत्सवे मुने
dānāni dattvā viprebhyaste sarve dadṛśuḥ śiśum || paramānandasaṃyuktāḥ śivaputrotsave mune
Having given gifts to the brahmins, they all looked upon the child, filled with the highest bliss at the festival of Śiva's son, O sage.
AI translation rendered from the Sanskrit, not a published edition
BvP 3 10.17
भारं वोढुमशक्ताश्च ब्राह्मणा बन्दिनस्तथा ।। स्थायंस्थायं च गच्छन्तो धनानि पथि कातराः
bhāraṃ voḍhumaśaktāśca brāhmaṇā bandinastathā || sthāyaṃsthāyaṃ ca gacchanto dhanāni pathi kātarāḥ
And the brahmins and the bards, unable to carry the load, stopping again and again as they went, (were) distressed on the road (because of) the riches.
AI translation rendered from the Sanskrit, not a published edition
BvP 3 10.18
कथयन्ति कथाः सर्वे विश्रान्ताः पूर्वदायिनाम् ।। बुद्धाः शृण्वन्ति मुदिता युवानो भिक्षुका मुने
kathayanti kathāḥ sarve viśrāntāḥ pūrvadāyinām || buddhāḥ śṛṇvanti muditā yuvāno bhikṣukā mune
All of them, having rested, tell tales of former donors; the elders listen, delighted, (and) the young men, (and) the beggars, O sage.
AI translation rendered from the Sanskrit, not a published edition
BvP 3 10.19
विष्णुः प्रमुदितस्तत्र वादयामास दुन्दुभिम् ।। संगीतं पाययामास कारयामास नर्तनम् ।। वेदांश्च पाठयामास पुराणानि च नारद
viṣṇuḥ pramuditastatra vādayāmāsa dundubhim || saṃgītaṃ pāyayāmāsa kārayāmāsa nartanam || vedāṃśca pāṭhayāmāsa purāṇāni ca nārada
Viṣṇu, greatly delighted, had the kettledrum sounded there; he had singing performed (lit. made (them) drink song), had dancing done, and had the Vedas recited and the Purāṇas too, O Nārada.
AI translation rendered from the Sanskrit, not a published edition
BvP 3 10.20
मुनीन्द्रानानयामास पूजयामास तान्मुदा ।। आशिषं दापयामास कारयामास मङ्गलम्।। सार्द्धं देवश्चै देवीभिर्ददौ तस्मै शुभाशिषः ।।
munīndrānānayāmāsa pūjayāmāsa tānmudā || āśiṣaṃ dāpayāmāsa kārayāmāsa maṅgalam|| sārddhaṃ devaścai devībhirdadau tasmai śubhāśiṣaḥ ||
He had the chief sages brought and honoured them with joy; he had blessings pronounced and auspicious rites performed. Together with the goddesses, the gods gave him (the child) their fair blessings.
AI translation rendered from the Sanskrit, not a published edition
BvP 3 10.21
विष्णुरुवाच ।। शिवेन तुल्यं ज्ञानं ते परमायुश्च बालक ।। पराक्रमे मया तुल्यः सर्वसिद्धीश्वरो भव
viṣṇuruvāca || śivena tulyaṃ jñānaṃ te paramāyuśca bālaka || parākrame mayā tulyaḥ sarvasiddhīśvaro bhava
Viṣṇu said: May your knowledge be equal to Śiva's, and (may you have) the longest life, O boy; in valour equal to me — become the lord of all supernatural powers.
AI translation rendered from the Sanskrit, not a published edition
BvP 3 10.22
ब्रह्मोवाच ।। यशसा ते जगत्पूर्णं सर्वपूज्यो भवाचिरम् ।। सर्वेषां पुरतः पूजा भवत्वतिसुदुर्लभा
brahmovāca || yaśasā te jagatpūrṇaṃ sarvapūjyo bhavāciram || sarveṣāṃ purataḥ pūjā bhavatvatisudurlabhā
Brahmā said: May the world be filled with your fame; be worshipped by all for a long time; may the worship (of you) be before all others, exceedingly hard to obtain (for others).
AI translation rendered from the Sanskrit, not a published edition
BvP 3 10.23
धर्म्म उवाच ।। मया तुल्यः सुधर्मिष्ठो भवान्भवतु दुर्लभः ।। सर्वज्ञश्च दयायुक्तो हरिभक्तो हरेः समः
dharmma uvāca || mayā tulyaḥ sudharmiṣṭho bhavānbhavatu durlabhaḥ || sarvajñaśca dayāyukto haribhakto hareḥ samaḥ
Dharma said: May you be most righteous, equal to me, hard to attain, and all-knowing, endowed with compassion, devoted to Hari, equal to Hari.
AI translation rendered from the Sanskrit, not a published edition
BvP 3 10.24
महादेव उवाच ।। दाता भव मया तुल्यो हरिभक्तश्च बुद्धिमान्।। विद्यावान्पुण्यवाञ्छान्तो दान्तश्च प्राणवल्लभ
mahādeva uvāca || dātā bhava mayā tulyo haribhaktaśca buddhimān|| vidyāvānpuṇyavāñchānto dāntaśca prāṇavallabha
Mahādeva said: Be a giver equal to me, and devoted to Hari, and intelligent, learned, meritorious, calm and self-controlled, O dear as life.
AI translation rendered from the Sanskrit, not a published edition
BvP 3 10.25
लक्ष्मीरुवाच ।। मम स्थितिश्च गेहे ते देहे भवतु शाश्वती ।। पतिव्रता मया तुल्या शान्ता कान्ता मनोहरा
lakṣmīruvāca || mama sthitiśca gehe te dehe bhavatu śāśvatī || pativratā mayā tulyā śāntā kāntā manoharā
Lakṣmī said: And may my abiding in your house and in your body be everlasting; (and may your wife be) devoted to her husband like me, calm, lovely, charming.
AI translation rendered from the Sanskrit, not a published edition — the model flagged this verse as uncertain
BvP 3 10.26
सरस्वत्युवाच ।। मया तुल्या सुकविता धारणाशक्तिरेव च ।। स्मृतिर्विवेचनाशक्तिर्भवत्वतितरां सुत
sarasvatyuvāca || mayā tulyā sukavitā dhāraṇāśaktireva ca || smṛtirvivecanāśaktirbhavatvatitarāṃ suta
Sarasvatī said: May fine poetic skill equal to mine, and the power of retention, and memory and the power of discrimination be (yours) in the highest degree, O son.
AI translation rendered from the Sanskrit, not a published edition
BvP 3 10.27
सावित्र्युवाच ।। वत्साहं वेदजननी वेदज्ञानी भवाचिरम् ।। मन्मन्त्रजपशीलश्च प्रवरो वेदवादिनाम् ।।
sāvitryuvāca || vatsāhaṃ vedajananī vedajñānī bhavāciram || manmantrajapaśīlaśca pravaro vedavādinām ||
Sāvitrī said: Child, I am the mother of the Vedas; be a knower of the Vedas for long, and habitually reciting my mantra, and foremost among the expounders of the Veda.
AI translation rendered from the Sanskrit, not a published edition
BvP 3 10.28
हिमालय उवाच ।। श्रीकृष्णेऽतिमतिः शश्वद्भक्तिर्भवतु शाश्वती ।। श्रीकृष्णतुल्यो गुणवान्भव कृष्णपरायणः
himālaya uvāca || śrīkṛṣṇe'timatiḥ śaśvadbhaktirbhavatu śāśvatī || śrīkṛṣṇatulyo guṇavānbhava kṛṣṇaparāyaṇaḥ
Himālaya said: May (your) mind be always set on Śrī Kṛṣṇa, may (your) devotion be everlasting; be endowed with virtues equal to Śrī Kṛṣṇa's, wholly devoted to Kṛṣṇa.
AI translation rendered from the Sanskrit, not a published edition
BvP 3 10.29
मेनकोवाच ।। समुद्रतुल्यो गाम्भीर्य्ये कामतुल्यश्च रूपवान् ।। श्रीयुक्तः श्रीपतिसमो धर्म्मे धर्मसमो भव
menakovāca || samudratulyo gāmbhīryye kāmatulyaśca rūpavān || śrīyuktaḥ śrīpatisamo dharmme dharmasamo bhava
Menakā said: Be equal to the ocean in depth, and handsome like Kāma, endowed with prosperity like the husband of Śrī, and in righteousness equal to Dharma.
AI translation rendered from the Sanskrit, not a published edition
BvP 3 10.30
वसुन्धरोवाच ।। क्षमाशीलो मया तुल्यः शरण्यः सर्वरत्नवान् ।। निर्विघ्नो विघ्ननिघ्नश्च भव वत्स शुभाश्रयः
vasundharovāca || kṣamāśīlo mayā tulyaḥ śaraṇyaḥ sarvaratnavān || nirvighno vighnanighnaśca bhava vatsa śubhāśrayaḥ
Vasundharā said: Be patient by nature like me, a refuge, possessing all jewels, free of obstacles and a destroyer of obstacles, O child, a support of what is auspicious.
AI translation rendered from the Sanskrit, not a published edition
BvP 3 10.31
पार्वत्युवाच ।। ताततुल्यमहायोगी सिद्धः सिद्धिप्रदः शुभः ।। मृत्युञ्जयश्च भगवान्भवत्वतिविशारदः
pārvatyuvāca || tātatulyamahāyogī siddhaḥ siddhipradaḥ śubhaḥ || mṛtyuñjayaśca bhagavānbhavatvativiśāradaḥ
Pārvatī said: May (you) be a great yogin equal to your father, accomplished, a bestower of accomplishments, auspicious, a conqueror of death, a lord, and exceedingly skilled.
AI translation rendered from the Sanskrit, not a published edition
BvP 3 10.32
ऋषयो मुनयः सिद्धाः सर्वे युयुजुराशिषः।। ब्राह्मणा बन्दिनश्चैव युयुजुः सर्वमङ्गलम्
ṛṣayo munayaḥ siddhāḥ sarve yuyujurāśiṣaḥ|| brāhmaṇā bandinaścaiva yuyujuḥ sarvamaṅgalam
The seers, the sages, the perfected ones — all pronounced blessings; and the brahmins and the bards uttered all (words of) auspiciousness.
AI translation rendered from the Sanskrit, not a published edition
BvP 3 10.33
सर्वं ते कथितं वत्स सर्वमङ्गलमङ्गलम् ।। गणेशजन्मकथनं सर्वविघ्नविनाशनम्
sarvaṃ te kathitaṃ vatsa sarvamaṅgalamaṅgalam || gaṇeśajanmakathanaṃ sarvavighnavināśanam
All has been told to you, child — the auspiciousness of all auspicious things: the telling of Gaṇeśa's birth, which destroys every obstacle.
AI translation rendered from the Sanskrit, not a published edition
BvP 3 10.34
इमं सुमंगलाध्यक्षं यः शृणोति सुखं यतः ।। सर्वमंगलसंयुक्तः स भवेन्मंगलालयः
imaṃ sumaṃgalādhyakṣaṃ yaḥ śṛṇoti sukhaṃ yataḥ || sarvamaṃgalasaṃyuktaḥ sa bhavenmaṃgalālayaḥ
Whoever hears this (account), presided over by good fortune, from which happiness comes, he becomes joined with every auspiciousness and an abode of good fortune.
AI translation rendered from the Sanskrit, not a published edition
BvP 3 10.35
अपुत्रो लभते पुत्रमधनो लभते धनम्।। कृपणो लभते सत्त्वं शश्वत्सम्पत्प्रदायि च
aputro labhate putramadhano labhate dhanam|| kṛpaṇo labhate sattvaṃ śaśvatsampatpradāyi ca
The sonless obtains a son, the poor man obtains wealth, the miserable man obtains strength — and (this account) is a bestower of lasting prosperity.
AI translation rendered from the Sanskrit, not a published edition
BvP 3 10.36
भार्य्यार्थी लभते भार्य्यां प्रजार्थी लभते प्रजाम् ।। आरोग्यं लभते रोगी सौभाग्ये दुर्भगा लभेत्
bhāryyārthī labhate bhāryyāṃ prajārthī labhate prajām || ārogyaṃ labhate rogī saubhāgye durbhagā labhet
One who wants a wife obtains a wife, one who wants offspring obtains offspring, the sick man obtains health, and the unfortunate woman would obtain good fortune.
AI translation rendered from the Sanskrit, not a published edition
BvP 3 10.37
भ्रष्टपुत्रं नष्टधनं प्रोषितं च प्रियं लभेत् ।। शोकाविष्टः सदाऽऽनन्दं लभते नात्र संशयः
bhraṣṭaputraṃ naṣṭadhanaṃ proṣitaṃ ca priyaṃ labhet || śokāviṣṭaḥ sadā''nandaṃ labhate nātra saṃśayaḥ
One would regain a lost son, lost wealth, and a beloved gone abroad; one filled with grief obtains constant joy — there is no doubt of this.
AI translation rendered from the Sanskrit, not a published edition
BvP 3 10.38
यत्पुण्यं लभते मर्त्यो गणेशाख्यानकश्रुतौ ।। तत्फलं लभते नूनमध्यायश्रवणान्मुने
yatpuṇyaṃ labhate martyo gaṇeśākhyānakaśrutau || tatphalaṃ labhate nūnamadhyāyaśravaṇānmune
Whatever merit a mortal obtains at the hearing of the tale of Gaṇeśa, that same fruit he surely obtains from hearing this chapter, O sage.
AI translation rendered from the Sanskrit, not a published edition
BvP 3 10.39
अयं च मङ्गलाध्यायो यस्य गेहं च तिष्ठति ।। सदा मङ्गलसंयुक्तः स भवेन्नात्र संशयः
ayaṃ ca maṅgalādhyāyo yasya gehaṃ ca tiṣṭhati || sadā maṅgalasaṃyuktaḥ sa bhavennātra saṃśayaḥ
And in whose house this chapter of auspiciousness abides, he is always joined with good fortune — there is no doubt of this.
AI translation rendered from the Sanskrit, not a published edition
BvP 3 10.40
यात्राकाले च पुण्याहे यः शृणोति समाहितः ।। सर्वाभीष्टं स लभते श्रीगणेशप्रसादतः
yātrākāle ca puṇyāhe yaḥ śṛṇoti samāhitaḥ || sarvābhīṣṭaṃ sa labhate śrīgaṇeśaprasādataḥ
And whoever, with concentrated mind, hears (it) at the time of a journey or on an auspicious day, he obtains all he desires, by the grace of blessed Gaṇeśa.
AI translation rendered from the Sanskrit, not a published edition