Brahmavaivarta Purana — Brahma Khanda — Chapter 7
BvP 1 7.1
सौतिरुवाच ।। तदा ब्रह्मा तपः कृत्वा सिद्धिं प्राप्य यथेप्सिताम् ।। ससृजे पृथिवीमादौ मधुकैटभमेदसा भूर्लोकं च भुवर्लोकं स्वर्लोकं सुमनोहरम् ।। जनोलोकं तपोलोकं सत्यलोकं च शौनक वैकुण्ठः शिवलोकश्च गोलोकश्च तयोः परः ।। नित्यो विश्वबहिर्भूतश्चात्माकाशदिशो यथा
sautiruvāca || tadā brahmā tapaḥ kṛtvā siddhiṃ prāpya yathepsitām || sasṛje pṛthivīmādau madhukaiṭabhamedasā bhūrlokaṃ ca bhuvarlokaṃ svarlokaṃ sumanoharam || janolokaṃ tapolokaṃ satyalokaṃ ca śaunaka vaikuṇṭhaḥ śivalokaśca golokaśca tayoḥ paraḥ || nityo viśvabahirbhūtaścātmākāśadiśo yathā
Sauti said: Then Brahmā, having performed austerity and obtained the attainment as he desired, created first the earth out of the marrow of Madhu and Kaiṭabha, and Bhūrloka, Bhuvarloka, the most lovely Svarloka, Janoloka, Tapoloka and Satyaloka, O Śaunaka. Vaikuṇṭha and Śivaloka, and Goloka higher than those two, (are) eternal and outside the universe, like the self, space, and the directions.
AI translation rendered from the Sanskrit, not a published edition
BvP 1 7.2
ससृजे पर्वतानष्टौ प्रधानान्सुमनोहरान् ।। क्षुद्रानसंख्यान्किं ब्रूमः प्रधानाख्यां निशामय
sasṛje parvatānaṣṭau pradhānānsumanoharān || kṣudrānasaṃkhyānkiṃ brūmaḥ pradhānākhyāṃ niśāmaya
He created eight principal, most lovely mountains, and countless small ones — what shall we say of them? Hear the names of the principal ones.
AI translation rendered from the Sanskrit, not a published edition
BvP 1 7.3
सुमेरुं चैव कैलासं मलयं च हिमालयम्।। उदयं च तथाऽस्तं च सुवेलं गन्धमादनम्
sumeruṃ caiva kailāsaṃ malayaṃ ca himālayam|| udayaṃ ca tathā'staṃ ca suvelaṃ gandhamādanam
Sumeru, Kailāsa, Malaya, Himālaya, Udaya and likewise Asta, Suvela and Gandhamādana.
AI translation rendered from the Sanskrit, not a published edition
BvP 1 7.4
समुद्रान्ससृजे सप्त नदान्कतिविधा नदीः ।। वृक्षांश्च ग्रामनगरं समुद्राख्या निशामय
samudrānsasṛje sapta nadānkatividhā nadīḥ || vṛkṣāṃśca grāmanagaraṃ samudrākhyā niśāmaya
He created seven oceans, rivers (nadas) and rivers of many kinds, and trees, and village and city. Hear the names of the oceans.
AI translation rendered from the Sanskrit, not a published edition
BvP 1 7.5
लवणेक्षुसुरासर्पिर्दधिदुग्धजलार्णवान् ।। लक्षयोजनमानेन द्विगुणांश्च परात्परान्
lavaṇekṣusurāsarpirdadhidugdhajalārṇavān || lakṣayojanamānena dviguṇāṃśca parātparān
The oceans of salt, sugarcane juice, liquor, clarified butter, curds, milk and water — by the measure of a hundred thousand yojanas, each successive one twice the size of the one before.
AI translation rendered from the Sanskrit, not a published edition
BvP 1 7.6
सप्तद्वीपांश्च तद्भूमिमण्डले कमलाकृते ।। उपद्वीपांस्तथा सप्तसीमाशैलांश्च सप्त च
saptadvīpāṃśca tadbhūmimaṇḍale kamalākṛte || upadvīpāṃstathā saptasīmāśailāṃśca sapta ca
And on that earth-circle, shaped like a lotus, (he made) the seven continents, and likewise the seven sub-continents and the seven boundary mountains.
AI translation rendered from the Sanskrit, not a published edition
BvP 1 7.7
निबोध विप्र द्वीपाख्यां पुरा या विधिना कृता ।। जम्बूशाककुशप्लक्षक्रौञ्चन्यग्रोधपौष्करान्
nibodha vipra dvīpākhyāṃ purā yā vidhinā kṛtā || jambūśākakuśaplakṣakrauñcanyagrodhapauṣkarān
Learn, O brahmin, the names of the continents, which of old were made by (Brahmā) the ordainer: Jambū, Śāka, Kuśa, Plakṣa, Krauñca, Nyagrodha and Pauṣkara.
AI translation rendered from the Sanskrit, not a published edition
BvP 1 7.8
मेरोरष्टसु शृङ्गेषु ससृजेऽष्टौ पुरी प्रभुः ।। अष्टानां लोकपालानां विहाराय मनोहराः
meroraṣṭasu śṛṅgeṣu sasṛje'ṣṭau purī prabhuḥ || aṣṭānāṃ lokapālānāṃ vihārāya manoharāḥ
On the eight peaks of Meru the Lord created eight lovely cities, for the pleasure of the eight world-guardians.
AI translation rendered from the Sanskrit, not a published edition
BvP 1 7.9
मूलेऽनन्तस्य नगरीं निर्माय जगतां पतिः ।। ऊर्ध्वे स्वर्गांश्च सप्तैव तेषामाख्या निशामय
mūle'nantasya nagarīṃ nirmāya jagatāṃ patiḥ || ūrdhve svargāṃśca saptaiva teṣāmākhyā niśāmaya
The lord of the worlds, having built a city at the base, (the city) of Ananta, (created) above the seven heavens as well; hear their names.
AI translation rendered from the Sanskrit, not a published edition
BvP 1 7.11
शृङ्गमूर्ध्नि ब्रह्मलोकं जरादिपरिवर्जितम् ।। तदूर्ध्वे ध्रुवलोकं च सर्वतः सुमनोहरम्
śṛṅgamūrdhni brahmalokaṃ jarādiparivarjitam || tadūrdhve dhruvalokaṃ ca sarvataḥ sumanoharam
On the summit of the peak (he made) Brahmaloka, free from old age and the rest, and above that Dhruvaloka, most lovely on every side.
AI translation rendered from the Sanskrit, not a published edition
BvP 1 7.12
तदधः सप्त पातालान्निर्ममे जगदीश्वरः ।। स्वर्गातिरिक्तभोगाढ्यानधोधः क्रमतो मुने
tadadhaḥ sapta pātālānnirmame jagadīśvaraḥ || svargātiriktabhogāḍhyānadhodhaḥ kramato mune
Below that the Lord of the world fashioned the seven nether regions, rich in enjoyments surpassing those of heaven, one below the other in order, O sage.
AI translation rendered from the Sanskrit, not a published edition
BvP 1 7.13
अतलं वितलं चैव सुतलं च तलातलम् ।। महातलं च पातालं रसातलमधस्ततः
atalaṃ vitalaṃ caiva sutalaṃ ca talātalam || mahātalaṃ ca pātālaṃ rasātalamadhastataḥ
Atala and Vitala, Sutala and Talātala, Mahātala and Pātāla, and Rasātala below (them).
AI translation rendered from the Sanskrit, not a published edition
BvP 1 7.14
सप्तद्वीपैः सप्तनाकैः सप्तपातालसंज्ञकैः ।। एभिर्लोकैश्च ब्रह्माण्डं ब्रह्माधिकृतमेव च
saptadvīpaiḥ saptanākaiḥ saptapātālasaṃjñakaiḥ || ebhirlokaiśca brahmāṇḍaṃ brahmādhikṛtameva ca
With these worlds — the seven continents, the seven heavens, and those called the seven nether regions — the cosmic egg (was made), and it was placed under Brahmā's authority.
AI translation rendered from the Sanskrit, not a published edition
BvP 1 7.15
एवञ्चासंख्यब्रह्माण्डं सर्वं कृत्रिममेव च ।। महाविष्णोश्च लोम्नां च विवरेषु च शौनक
evañcāsaṃkhyabrahmāṇḍaṃ sarvaṃ kṛtrimameva ca || mahāviṣṇośca lomnāṃ ca vivareṣu ca śaunaka
And thus the countless world-eggs are all merely fabricated things, (existing) in the pores of Mahāviṣṇu's body-hairs, O Śaunaka.
AI translation rendered from the Sanskrit, not a published edition
BvP 1 7.16
प्रतिविश्वेषु दिक्पाला ब्रह्मविष्णुमहेश्वराः ।। सुरा नरादयः सर्वे सन्ति कृष्णस्य मायया
prativiśveṣu dikpālā brahmaviṣṇumaheśvarāḥ || surā narādayaḥ sarve santi kṛṣṇasya māyayā
In each universe there are the guardians of the directions, Brahmā, Viṣṇu and Maheśvara, the gods, men and all the rest — they exist by the māyā of Kṛṣṇa.
AI translation rendered from the Sanskrit, not a published edition
BvP 1 7.17
ब्राह्माण्डगणनां कर्तुं न क्षमो जगतां पतिः ।। न शङ्करो न धर्मश्च न च विष्णुश्च के सुराः
brāhmāṇḍagaṇanāṃ kartuṃ na kṣamo jagatāṃ patiḥ || na śaṅkaro na dharmaśca na ca viṣṇuśca ke surāḥ
The Lord of the worlds is not able to make a count of the world-eggs; neither Śaṅkara, nor Dharma, nor Viṣṇu — what then of the (other) gods?
AI translation rendered from the Sanskrit, not a published edition
BvP 1 7.18
संख्यातुमीश्वरः शक्तो न संख्यातुं तथापि सः ।। विश्वाकाशदिशां चैव सर्वतो यद्यपि क्षमः
saṃkhyātumīśvaraḥ śakto na saṃkhyātuṃ tathāpi saḥ || viśvākāśadiśāṃ caiva sarvato yadyapi kṣamaḥ
The Lord is able to count (them), yet he does not count; although he is in every way capable (of counting) the universes, the sky and the directions.
AI translation rendered from the Sanskrit, not a published edition
BvP 1 7.19
कृत्रिमाणि च विश्वानि विश्वस्थानि च यानि च ।। अनित्यानि च विप्रेन्द्र स्वप्नवन्नश्वराणि च
kṛtrimāṇi ca viśvāni viśvasthāni ca yāni ca || anityāni ca viprendra svapnavannaśvarāṇi ca
And the universes are fabricated things, and so are whatever stands within the universes; they are impermanent, O chief of brahmins, and perishable like a dream.
AI translation rendered from the Sanskrit, not a published edition