Brahmavaivarta Purana — Brahma Khanda — Chapter 24
BvP 1 24.1
श्रीब्रह्मोवाच ।। त्वं गच्छ तपसे वत्स किं मे संसारकर्मणि ।। अहं यास्यामि गोलोकं विज्ञातुं कृष्णमीश्वरम् सा साध्वी कुलजा या च पतिसेवासु तत्परा ।। सद्वरो दुर्विनीता च संभवेन्न कदाचन ।। आकरे पद्मरागाणां जन्म काचमणेः कुतः आदौ भवेद्गृही लोको वानप्रस्थस्ततः परम् ।। ततस्त पस्वी मोक्षाय क्रम एष श्रुतौ श्रुतः अतः प्रियतमे पुत्रे न्यसेदात्मपरं धनम् ।। इत्येवमुक्त्वा स ब्रह्मा विरराम च शौनक ।। उवाच वचनं तातं नारदो ज्ञानिनां वरः श्रीनारद उवाच ।। देहि मे कृष्णमन्त्रं च यन्मनोवाञ्छितं मम ।। तत्सम्बन्धि च यज्ज्ञानं यत्र तद्गुणवर्णनम्
śrībrahmovāca || tvaṃ gaccha tapase vatsa kiṃ me saṃsārakarmaṇi || ahaṃ yāsyāmi golokaṃ vijñātuṃ kṛṣṇamīśvaram sā sādhvī kulajā yā ca patisevāsu tatparā || sadvaro durvinītā ca saṃbhavenna kadācana || ākare padmarāgāṇāṃ janma kācamaṇeḥ kutaḥ ādau bhavedgṛhī loko vānaprasthastataḥ param || tatasta pasvī mokṣāya krama eṣa śrutau śrutaḥ ataḥ priyatame putre nyasedātmaparaṃ dhanam || ityevamuktvā sa brahmā virarāma ca śaunaka || uvāca vacanaṃ tātaṃ nārado jñānināṃ varaḥ śrīnārada uvāca || dehi me kṛṣṇamantraṃ ca yanmanovāñchitaṃ mama || tatsambandhi ca yajjñānaṃ yatra tadguṇavarṇanam
Śrī Brahmā said: Go you, my child, for austerity; what have I to do with the business of worldly life? I shall go to Goloka to know Kṛṣṇa the Lord. She is a virtuous woman who is born of a (good) family and is devoted to the service of her husband; a good husband and an ill-bred (wife) can never come together — in a mine of rubies, how should a glass bead be born? First a person should be a householder, then after that a forest-dweller; then an ascetic, for liberation — this is the sequence heard in scripture. Therefore one should place upon a most beloved son the wealth that is beyond the self. Having spoken thus, that Brahmā fell silent, O Śaunaka. Nārada, the best of the knowing, spoke a word to his father. Śrī Nārada said: Give me the Kṛṣṇa mantra, which is what my mind longs for, and the knowledge connected with it, wherein there is the description of his qualities.
AI translation rendered from the Sanskrit, not a published edition — the model flagged this verse as uncertain
BvP 1 24.2
सनकश्च सनन्दश्च तृतीयश्च सनातनः ।। सनत्कुमारो नीरागश्चतुर्थः पुत्र एव च
sanakaśca sanandaśca tṛtīyaśca sanātanaḥ || sanatkumāro nīrāgaścaturthaḥ putra eva ca
Sanaka, and Sananda, and Sanātana the third, and passionless Sanatkumāra the fourth son;
AI translation rendered from the Sanskrit, not a published edition
BvP 1 24.3
यती हंसी चारुणिश्च वोढुः पञ्चशिखस्तथा ।। पुत्रास्तपस्विनः सर्वे किं मे संसारकर्मणि
yatī haṃsī cāruṇiśca voḍhuḥ pañcaśikhastathā || putrāstapasvinaḥ sarve kiṃ me saṃsārakarmaṇi
and Yatī, Haṃsī, and Āruṇi, Voḍhu, and Pañcaśikha — all my sons are ascetics; what have I to do with the business of worldly life?
AI translation rendered from the Sanskrit, not a published edition
BvP 1 24.4
वचस्करो मरीचिर्मे अङ्गिराश्च भृगुस्तथा ।। रुचिरत्रिः कर्दमश्च प्रचेताश्च क्रतुर्मनुः
vacaskaro marīcirme aṅgirāśca bhṛgustathā || ruciratriḥ kardamaśca pracetāśca kraturmanuḥ
Vacaskara, Marīci of mine, and Aṅgiras, and Bhṛgu, Ruci, Atri, and Kardama, and Pracetas, Kratu, Manu,
AI translation rendered from the Sanskrit, not a published edition
BvP 1 24.5
वसिष्ठो वशगः शश्वत्सर्वेषु च सुतेषु च ।। अन्ये ऽविवेकिनोऽसाध्याः किं मे संसारकर्मणि
vasiṣṭho vaśagaḥ śaśvatsarveṣu ca suteṣu ca || anye 'vivekino'sādhyāḥ kiṃ me saṃsārakarmaṇi
Vasiṣṭha — (he alone is) ever obedient among all my sons; the others are undiscerning and unmanageable; what have I to do with the business of worldly life?
AI translation rendered from the Sanskrit, not a published edition — the model flagged this verse as uncertain
BvP 1 24.6
निबोध वत्स वक्ष्यामि वेदोक्तं वचनं शुभम् ।। पारम्पर्य्यक्रमपरं चतुर्वर्गफलप्रदम् ।।
nibodha vatsa vakṣyāmi vedoktaṃ vacanaṃ śubham || pāramparyyakramaparaṃ caturvargaphalapradam ||
Listen, my child: I shall tell you an auspicious utterance spoken in the Veda, which follows the order of the tradition and bestows the fruit of the four aims.
AI translation rendered from the Sanskrit, not a published edition
BvP 1 24.7
धर्मार्थकाममोक्षांश्च सर्वे वाञ्छन्ति पण्डिताः ।। वेदप्रणिहितानेतान्सभासु मुनिशंसितान्
dharmārthakāmamokṣāṃśca sarve vāñchanti paṇḍitāḥ || vedapraṇihitānetānsabhāsu muniśaṃsitān
All the learned desire dharma, wealth, pleasure, and liberation — these that are laid down by the Veda and commended by the sages in assemblies.
AI translation rendered from the Sanskrit, not a published edition
BvP 1 24.8
वेदप्रणिहितो धर्मो ह्यधर्मस्तद्विपर्य्ययः ।। आदौ विप्रो यज्ञसूत्रं परिधाय सुखं सुखी
vedapraṇihito dharmo hyadharmastadviparyyayaḥ || ādau vipro yajñasūtraṃ paridhāya sukhaṃ sukhī
Dharma is what is laid down by the Veda; adharma is the reverse of that. First the brāhmaṇa, happy, having put on the sacrificial thread with ease,
AI translation rendered from the Sanskrit, not a published edition
BvP 1 24.9
समधीत्य ततो वेदान्ददाति गुरुदक्षिणाम् ।। ततः प्रकृष्टकुलजां सुविनीतां समुद्वहेत्
samadhītya tato vedāndadāti gurudakṣiṇām || tataḥ prakṛṣṭakulajāṃ suvinītāṃ samudvahet
and having studied the Vedas thoroughly, then gives the teacher's fee; then he should marry a well-bred girl born of an eminent family.
AI translation rendered from the Sanskrit, not a published edition
BvP 1 24.11
असद्वंशप्रसूता या पित्रोर्दोषेण नारद ।। दुर्विनीता च सा दुष्टा स्वतन्त्रा सर्वकर्मसु
asadvaṃśaprasūtā yā pitrordoṣeṇa nārada || durvinītā ca sā duṣṭā svatantrā sarvakarmasu
She who is born of a bad lineage through the fault of her parents, O Nārada, is ill-bred, wicked, and self-willed in all her acts.
AI translation rendered from the Sanskrit, not a published edition
BvP 1 24.12
न वत्स दुष्टाः सर्वाश्च योषितः कमलाकलाः ।। स्वर्वेश्यांशाश्च कुलटा असद्वंश समुद्भवाः
na vatsa duṣṭāḥ sarvāśca yoṣitaḥ kamalākalāḥ || svarveśyāṃśāśca kulaṭā asadvaṃśa samudbhavāḥ
Not (all), my child — not all women are wicked; (they are) portions of Lakṣmī; but the unchaste ones, portions of the celestial courtesans, are those born of a bad lineage.
AI translation rendered from the Sanskrit, not a published edition
BvP 1 24.13
निर्गुणं स्वामिनं साध्वी सेवते च प्रशंसति ।। न सेवते च कुलटा प्रियं निन्दति सद्गुणम्
nirguṇaṃ svāminaṃ sādhvī sevate ca praśaṃsati || na sevate ca kulaṭā priyaṃ nindati sadguṇam
A virtuous wife serves and praises her husband even when he has no merits; an unchaste woman does not serve her beloved and reviles him even when he has good qualities.
AI translation rendered from the Sanskrit, not a published edition
BvP 1 24.14
साधुः सद्वंशजां कन्यां प्रयत्नेन परिग्रहेत् ।। तस्यां पुत्रान्समुत्पाद्य वृद्धस्तु तपसे व्रजेत्
sādhuḥ sadvaṃśajāṃ kanyāṃ prayatnena parigrahet || tasyāṃ putrānsamutpādya vṛddhastu tapase vrajet
A good man should with effort take a girl born of a good family; having begotten sons in her, he should, when old, go forth to austerity.
AI translation rendered from the Sanskrit, not a published edition
BvP 1 24.15
वरं हुतवहे वासः सर्पवक्त्रे च कण्टके ।। एतेभ्यो दुःखदो वासः स्त्रिया दुर्मुखया सह
varaṃ hutavahe vāsaḥ sarpavaktre ca kaṇṭake || etebhyo duḥkhado vāsaḥ striyā durmukhayā saha
Better to dwell in fire, or in a serpent's mouth, or on a thorn: dwelling together with a foul-mouthed woman gives more pain than these.
AI translation rendered from the Sanskrit, not a published edition
BvP 1 24.16
मत्तोऽधीतस्त्वया वेदो मह्यं च गुरुदक्षिणाम् ।। पुत्र देहीदमेवेह कुरु दारपरिग्रहम्
matto'dhītastvayā vedo mahyaṃ ca gurudakṣiṇām || putra dehīdameveha kuru dāraparigraham
The Veda has been studied by you from me, and (you owe) me the teacher's fee; give me just this here, my son: take a wife.
AI translation rendered from the Sanskrit, not a published edition
BvP 1 24.17
वत्स त्वं कुलजातां च पूर्वपत्नी च मालतीम् ।। विवाहं कुरु कल्याण कल्याणे च दिने ऽनघ
vatsa tvaṃ kulajātāṃ ca pūrvapatnī ca mālatīm || vivāhaṃ kuru kalyāṇa kalyāṇe ca dine 'nagha
"Dear child, marry Mālatī, born of a good family and (your) former wife — perform the marriage, O auspicious, faultless one, on an auspicious day."
AI translation rendered from the Sanskrit, not a published edition
BvP 1 24.18
मनुवंशोद्भवस्येह सृंजयस्य गृहे सती ।। त्वत्कृते जन्म लब्ध्वा च कुरुते भारते तपः
manuvaṃśodbhavasyeha sṛṃjayasya gṛhe satī || tvatkṛte janma labdhvā ca kurute bhārate tapaḥ
That virtuous woman, having obtained birth for your sake here in the house of Sṛṃjaya, sprung from the line of Manu, is performing austerity in Bhārata.
AI translation rendered from the Sanskrit, not a published edition
BvP 1 24.19
गृह्णीष्व परमां रत्नमालां च कमलाकलाम् ।। भारते न भवेद्व्यर्थं जनानां तपसः फलम्
gṛhṇīṣva paramāṃ ratnamālāṃ ca kamalākalām || bhārate na bhavedvyarthaṃ janānāṃ tapasaḥ phalam
Take (her), the supreme jewel-garland, a portion of Kamalā (Lakṣmī); in Bhārata the fruit of people's austerity does not become fruitless.
AI translation rendered from the Sanskrit, not a published edition
BvP 1 24.21
वैष्णवानां हरेरर्चा तपस्या च श्रुतौ श्रुता
vaiṣṇavānāṃ harerarcā tapasyā ca śrutau śrutā
For Vaiṣṇavas, the worship of Hari is (their) austerity — so it is heard in scripture.
AI translation rendered from the Sanskrit, not a published edition
BvP 1 24.22
वैष्णव त्वं गृहे तिष्ठ कुरु कृष्णपदार्चनम् ।। अन्तर्बाह्ये हरिर्यस्य तस्य किं तपसा सुत
vaiṣṇava tvaṃ gṛhe tiṣṭha kuru kṛṣṇapadārcanam || antarbāhye hariryasya tasya kiṃ tapasā suta
You are a Vaiṣṇava: stay in the household and perform the worship of Kṛṣṇa's feet. For him who has Hari within and without, what (need) is there of austerity, my son?
AI translation rendered from the Sanskrit, not a published edition
BvP 1 24.23
नान्तर्बाह्ये हरिर्यस्य तस्य किं तपसाऽनघ ।। तपसा हरिराराध्यो नान्यः कश्चन विद्यते
nāntarbāhye hariryasya tasya kiṃ tapasā'nagha || tapasā harirārādhyo nānyaḥ kaścana vidyate
(But) for him who does not have Hari within and without, what (use) is austerity, O faultless one? By austerity Hari is to be propitiated; no other (object of propitiation) exists at all.
AI translation rendered from the Sanskrit, not a published edition
BvP 1 24.24
यत्र तत्र कृतं कृष्णसेवनं परमं तपः ।। वत्स मद्वचनेनैव गृहे स्थित्वा हरिं भज
yatra tatra kṛtaṃ kṛṣṇasevanaṃ paramaṃ tapaḥ || vatsa madvacanenaiva gṛhe sthitvā hariṃ bhaja
The service of Kṛṣṇa, performed wherever (one may be), is the highest austerity. Dear child, by my word alone, remain in the household and worship Hari.
AI translation rendered from the Sanskrit, not a published edition
BvP 1 24.25
गृही भव मुनिश्रेष्ठ गृहिणां सर्वदा सुखम् ।। कामिन्यां सुखसम्भोगः स्वर्गभोगसमो मतः
gṛhī bhava muniśreṣṭha gṛhiṇāṃ sarvadā sukham || kāminyāṃ sukhasambhogaḥ svargabhogasamo mataḥ
Become a householder, best of sages; for householders there is happiness always. Pleasant enjoyment with a loving wife is held to be equal to the enjoyment of heaven.
AI translation rendered from the Sanskrit, not a published edition
BvP 1 24.26
तद्दर्शनमुपस्पर्शं वाञ्छन्त्येव मुमुक्षवः ।। सर्वस्पर्शसुखात्स्त्रीणामुपस्पर्शसुखं परम्
taddarśanamupasparśaṃ vāñchantyeva mumukṣavaḥ || sarvasparśasukhātstrīṇāmupasparśasukhaṃ param
Even those who seek liberation desire the sight and the touch of her. Of all the pleasures of touch, the pleasure of touching women is the highest.
AI translation rendered from the Sanskrit, not a published edition
BvP 1 24.27
ततः सुखतमं पुत्रदर्शनं स्पर्शनं मुने ।। सर्वेभ्यः प्रेयसी कान्ता प्रिया तेन प्रकीर्त्तिता ।।
tataḥ sukhatamaṃ putradarśanaṃ sparśanaṃ mune || sarvebhyaḥ preyasī kāntā priyā tena prakīrttitā ||
More pleasant than that is the sight and the touching of a son, O sage; therefore the wife, dearer than all, is declared to be beloved.
AI translation rendered from the Sanskrit, not a published edition
BvP 1 24.28
पुत्रप्रयोजना कान्ता शतकान्ताप्रियः सुतः ।। नास्ति पुत्रात्परो बन्धुर्नास्ति पुत्रात्परः प्रियः
putraprayojanā kāntā śatakāntāpriyaḥ sutaḥ || nāsti putrātparo bandhurnāsti putrātparaḥ priyaḥ
A wife has a son as her purpose; a son is dearer than a hundred wives. There is no kinsman higher than a son, there is nothing dearer than a son.
AI translation rendered from the Sanskrit, not a published edition
BvP 1 24.29
सर्वेभ्यो जयमन्विच्छेत्पुत्रादेकात्पराजयम् ।। न चात्मनि प्रियोऽर्थश्च तस्मादपि सुतः प्रियः
sarvebhyo jayamanvicchetputrādekātparājayam || na cātmani priyo'rthaśca tasmādapi sutaḥ priyaḥ
One should wish for victory over all, (but) defeat from the son alone; and wealth is not dear to oneself — dearer than that too is the son.
AI translation rendered from the Sanskrit, not a published edition — the model flagged this verse as uncertain
BvP 1 24.31
नारद उवाच ।। स्वयं विज्ञाय सर्वार्थं स्वपुत्रं वेददर्शने ।। प्रवर्त्तयत्यसन्मार्गे स दयालुः कथं पिता
nārada uvāca || svayaṃ vijñāya sarvārthaṃ svaputraṃ vedadarśane || pravarttayatyasanmārge sa dayāluḥ kathaṃ pitā
Nārada said: Knowing himself the whole truth about the Vedic view, (yet) he sets his own son upon a bad path — how is such a father compassionate?
AI translation rendered from the Sanskrit, not a published edition
BvP 1 24.32
जलबुद्बुदवत्सर्वं संसारमतिनश्वरम् ।। जलरेखा यथा मिथ्या तथा ब्रह्मञ्जगत्त्रयम्
jalabudbudavatsarvaṃ saṃsāramatinaśvaram || jalarekhā yathā mithyā tathā brahmañjagattrayam
All this round of existence is utterly perishable, like a bubble on water; as a line drawn on water is unreal, so, O brahmin, are the three worlds.
AI translation rendered from the Sanskrit, not a published edition
BvP 1 24.33
विहाय हरिदास्यं च विषये यन्मनश्चलम् ।। दुर्लभं मानवं जन्म मा भूत्तन्निष्फलं क्वचित्
vihāya haridāsyaṃ ca viṣaye yanmanaścalam || durlabhaṃ mānavaṃ janma mā bhūttanniṣphalaṃ kvacit
(Alas that,) abandoning the service of Hari, the mind wavers toward objects of sense. Human birth is hard to obtain — let it never become fruitless.
AI translation rendered from the Sanskrit, not a published edition
BvP 1 24.34
का वा कस्य प्रिया पुत्रो बन्धुः को वा भवार्णवे ।। कर्मोर्मिभिर्योजना च तदपायो वियोजना
kā vā kasya priyā putro bandhuḥ ko vā bhavārṇave || karmormibhiryojanā ca tadapāyo viyojanā
Who indeed is whose beloved, who a son, who a kinsman, in the ocean of existence? Joining together is by the waves of karma, and separation is the passing away of that.
AI translation rendered from the Sanskrit, not a published edition
BvP 1 24.35
सुकर्म कारयेद्यो हि तन्मित्रं स पिता गुरुः ।। दुर्बुद्धिं जनयेद्यो हि स रिपुः स्यात्कथं पिता
sukarma kārayedyo hi tanmitraṃ sa pitā guruḥ || durbuddhiṃ janayedyo hi sa ripuḥ syātkathaṃ pitā
He who causes (one) to do good deeds — he is a friend, he is a father, a teacher; but he who generates evil-mindedness, he is an enemy: how could he be a father?
AI translation rendered from the Sanskrit, not a published edition
BvP 1 24.36
इत्येवं कथितं तात वेदबीजं यथागमम् ।। ध्रुवं तथाऽपि कर्त्तव्यं तवाज्ञापरिपालनम्
ityevaṃ kathitaṃ tāta vedabījaṃ yathāgamam || dhruvaṃ tathā'pi karttavyaṃ tavājñāparipālanam
Thus, father, has the seed of the Veda been told (by me) according to tradition; yet certainly the obeying of your command must be carried out.
AI translation rendered from the Sanskrit, not a published edition
BvP 1 24.37
आदौ यास्यामि भगवन्नरनारायणाश्रमम् ।। नारायणकथां श्रुत्वा करिष्ये दारसंग्रहम्
ādau yāsyāmi bhagavannaranārāyaṇāśramam || nārāyaṇakathāṃ śrutvā kariṣye dārasaṃgraham
First, O lord, I shall go to the hermitage of Nara and Nārāyaṇa; having heard the story of Nārāyaṇa, I shall take a wife.
AI translation rendered from the Sanskrit, not a published edition
BvP 1 24.38
इत्येवमुक्त्वा स मुनिर्विरराम पितुः पुरः ।। पुष्पवृष्टिस्तदुपरि तत्क्षणेन बभूव ह
ityevamuktvā sa munirvirarāma pituḥ puraḥ || puṣpavṛṣṭistadupari tatkṣaṇena babhūva ha
Having spoken thus, that sage fell silent before his father; and in that very instant a rain of flowers fell upon him.
AI translation rendered from the Sanskrit, not a published edition
BvP 1 24.39
क्षणं पितुः पुरः स्थित्वा नारदो मुनिसत्तमः ।। उवाच च पुनर्वेदं वचनं मङ्गलप्रदम्
kṣaṇaṃ pituḥ puraḥ sthitvā nārado munisattamaḥ || uvāca ca punarvedaṃ vacanaṃ maṅgalapradam
Having stood a moment before his father, Nārada, best of sages, spoke again this auspicious speech:
AI translation rendered from the Sanskrit, not a published edition
BvP 1 24.41
ततः पश्चात्करिष्यामि त्वत्प्रीत्या दारसंग्रहम् ।। मानसे परिपूर्णे च कार्य्यं कर्तुं पुमान्सुखी
tataḥ paścātkariṣyāmi tvatprītyā dārasaṃgraham || mānase paripūrṇe ca kāryyaṃ kartuṃ pumānsukhī
"After that I shall, for your pleasure, take a wife; for when the mind is fully satisfied, a man is happy in doing what is to be done."
AI translation rendered from the Sanskrit, not a published edition
BvP 1 24.42
नारदस्य वचः श्रुत्वा प्रहृष्टः कमलोद्भवः ।। उवाच पुनरेवेदं पुत्रं ज्ञानविदां वरः
nāradasya vacaḥ śrutvā prahṛṣṭaḥ kamalodbhavaḥ || uvāca punarevedaṃ putraṃ jñānavidāṃ varaḥ
Hearing Nārada's words, the lotus-born one, delighted, best of the knowers of knowledge, spoke this again to his son:
AI translation rendered from the Sanskrit, not a published edition
BvP 1 24.43
ब्रह्मोवाच ।। पत्युर्मन्त्रं पितुर्मन्त्रं न गृह्णीयाद्विचक्षणः ।। विविक्ताश्रमिणां चैव न मन्त्रः सुखदायकः
brahmovāca || patyurmantraṃ piturmantraṃ na gṛhṇīyādvicakṣaṇaḥ || viviktāśramiṇāṃ caiva na mantraḥ sukhadāyakaḥ
Brahmā said: A discerning man should not receive a mantra from his husband(-figure)/master nor from his father; nor is a mantra from those who dwell in solitary hermitages a giver of happiness.
AI translation rendered from the Sanskrit, not a published edition — the model flagged this verse as uncertain
BvP 1 24.44
निषेकाल्लभ्यते मन्त्रो गुरुर्भर्त्ता च कामिनी।। विद्या सुखं भयं दुःखं पुरुषैः स्वेच्छया न च
niṣekāllabhyate mantro gururbharttā ca kāminī|| vidyā sukhaṃ bhayaṃ duḥkhaṃ puruṣaiḥ svecchayā na ca
A mantra is obtained (as if) by insemination — (so too) the teacher, the husband, and the beloved woman; learning, happiness, fear, and sorrow are not (had) by men at their own will.
AI translation rendered from the Sanskrit, not a published edition — the model flagged this verse as uncertain
BvP 1 24.45
महेश्वरस्तव गुरुः प्राक्तनो नः पुरातनः ।। गच्छ वत्स शिवं शान्तं शिवदं ज्ञानिनां गुरुम्
maheśvarastava guruḥ prāktano naḥ purātanaḥ || gaccha vatsa śivaṃ śāntaṃ śivadaṃ jñānināṃ gurum
Maheśvara is your teacher, ours from of old, the ancient one. Go, child, to Śiva, the tranquil, the giver of good, the teacher of the knowers.
AI translation rendered from the Sanskrit, not a published edition
BvP 1 24.46
तत एव भवान्मन्त्रं ज्ञानं लब्ध्वा पुरातनात् ।। नारायणकथां श्रुत्वा शीघ्रमागच्छ मद्गृहम्
tata eva bhavānmantraṃ jñānaṃ labdhvā purātanāt || nārāyaṇakathāṃ śrutvā śīghramāgaccha madgṛham
From him alone, from that ancient one, having obtained the mantra and the knowledge, and having heard the story of Nārāyaṇa, come quickly to my house.
AI translation rendered from the Sanskrit, not a published edition
BvP 1 24.47
इत्युक्त्वा जगतां धाता विरराम च शौनक ।। प्रणम्य पितरं भक्त्या शिवलोकं ययौ मुनिः
ityuktvā jagatāṃ dhātā virarāma ca śaunaka || praṇamya pitaraṃ bhaktyā śivalokaṃ yayau muniḥ
Having said this, the creator of the worlds fell silent, O Śaunaka; and the sage, bowing to his father with devotion, went to Śiva's world.
AI translation rendered from the Sanskrit, not a published edition