Brahmavaivarta Purana — Brahma Khanda — Chapter 21
BvP 1 21.1
सौतिरुवाच ।। बभूव काले बालश्च क्रमेण पञ्चहायनः ।। जातिस्मरो ज्ञानयुक्तः पूर्वमन्त्रस्मृतः सदा शौनक उवाच ।। शिशुनाम च विज्ञातं व्युत्पत्त्या च यथोचितम् ।। मुनीन्द्रस्य कथं नाम नारदश्चेति मंगलम् चतुर्थको मुनिस्तस्मै कृष्णमन्त्रं ददौ मुदा ।। तेषां बभूव दासः स द्विजस्य मातुराज्ञया ॐ श्रीं नमो भगवते रास मण्डलेश्वराय ।। श्रीकृष्णाय स्वाहेति च मन्त्रोऽयं कल्पपादपः मणिना कौस्तुभेन्द्रेण वक्षस्थलसमुज्ज्वलम् ।। वीक्षितं गोपिकाभिश्च शश्वद्व्रीडितलोचनैः विरराम च शोकार्तो यदा तद्द्रष्टुमक्षमः ।। रुरोदाश्वत्थमूले च न दृष्ट्वा बालकं शिशुः
sautiruvāca || babhūva kāle bālaśca krameṇa pañcahāyanaḥ || jātismaro jñānayuktaḥ pūrvamantrasmṛtaḥ sadā śaunaka uvāca || śiśunāma ca vijñātaṃ vyutpattyā ca yathocitam || munīndrasya kathaṃ nāma nāradaśceti maṃgalam caturthako munistasmai kṛṣṇamantraṃ dadau mudā || teṣāṃ babhūva dāsaḥ sa dvijasya māturājñayā oṃ śrīṃ namo bhagavate rāsa maṇḍaleśvarāya || śrīkṛṣṇāya svāheti ca mantro'yaṃ kalpapādapaḥ maṇinā kaustubhendreṇa vakṣasthalasamujjvalam || vīkṣitaṃ gopikābhiśca śaśvadvrīḍitalocanaiḥ virarāma ca śokārto yadā taddraṣṭumakṣamaḥ || rurodāśvatthamūle ca na dṛṣṭvā bālakaṃ śiśuḥ
Sauti said: In time the boy gradually became five years old, remembering his (former) birth, possessed of knowledge, always mindful of his former mantra. Śaunaka said: The child's name too has been learned, and its derivation, as is fitting; (but) how (came) the name of the lord of sages, the auspicious 'Nārada'? The fourth sage gladly gave him the Kṛṣṇa mantra; by the order of his mother he became the servant of those, of the brahmin. "Oṃ śrīṃ, homage to the Blessed One, lord of the circle of the rāsa dance, to Śrī Kṛṣṇa, svāhā" — this mantra is a wish-granting tree. (Kṛṣṇa's) chest, brilliant with the jewel, the chief Kaustubha, was gazed at by the gopīs with ever bashful eyes. And when, stricken with grief, he was unable to see that, he ceased; and the child wept at the foot of the aśvattha tree, not seeing the boy (Kṛṣṇa).
AI translation rendered from the Sanskrit, not a published edition — the model flagged this verse as uncertain
BvP 1 21.2
गीयते सततं कृष्णयशोनामगुणादिकम् ।। क्षणं रोदिति नृत्येन पुलकाञ्चितविग्रहः
gīyate satataṃ kṛṣṇayaśonāmaguṇādikam || kṣaṇaṃ roditi nṛtyena pulakāñcitavigrahaḥ
Constantly the fame, names, qualities and the rest of Kṛṣṇa are sung (by him); for a moment he weeps, with dancing, his body bristling with thrills of joy.
AI translation rendered from the Sanskrit, not a published edition
BvP 1 21.3
कृष्णसम्बन्धिनीं गाथां शृणोति यत्र तत्र वै ।। तत्सम्बन्धि पुराणं च तत्र तिष्ठति बालकः
kṛṣṇasambandhinīṃ gāthāṃ śṛṇoti yatra tatra vai || tatsambandhi purāṇaṃ ca tatra tiṣṭhati bālakaḥ
Wherever he hears a song relating to Kṛṣṇa, or a Purāṇa concerning him, there the boy stays.
AI translation rendered from the Sanskrit, not a published edition
BvP 1 21.4
धूलिधूसरसर्वाङ्गो धूलिनैवेद्यमीप्सितम् ।। धूलिषु प्रतिमां कृत्वा धूलिना पूजयेद्धरिम्
dhūlidhūsarasarvāṅgo dhūlinaivedyamīpsitam || dhūliṣu pratimāṃ kṛtvā dhūlinā pūjayeddharim
With all his limbs grey with dust, the offering he desires is of dust; making an image out of dust, he would worship Hari with dust.
AI translation rendered from the Sanskrit, not a published edition
BvP 1 21.5
पुत्रमाह्वयते माता प्रातराशाय चेन्मुने ।। हरिं संपूजयामीति मातरं संवदेत्पुनः
putramāhvayate mātā prātarāśāya cenmune || hariṃ saṃpūjayāmīti mātaraṃ saṃvadetpunaḥ
If the mother calls her son for the morning meal, O sage, he answers his mother again, "I am worshipping Hari."
AI translation rendered from the Sanskrit, not a published edition
BvP 1 21.6
शौनक उवाच ।। किं नाम बालकस्यास्य जन्मन्यत्र बभूव ह ।। व्युत्पत्त्या संज्ञया वाऽपि तद्भवान्वक्तुमर्हति
śaunaka uvāca || kiṃ nāma bālakasyāsya janmanyatra babhūva ha || vyutpattyā saṃjñayā vā'pi tadbhavānvaktumarhati
Śaunaka said: What indeed was this boy's name in that birth? You should tell that, whether by its derivation or as a mere designation.
AI translation rendered from the Sanskrit, not a published edition
BvP 1 21.7
सौतिरुवाच ।। अनावृष्ट्यवशेषे च काले बालो बभूव ह ।। नारं ददौ जन्मकाले तेनायं नारदाभिधः
sautiruvāca || anāvṛṣṭyavaśeṣe ca kāle bālo babhūva ha || nāraṃ dadau janmakāle tenāyaṃ nāradābhidhaḥ
Sauti said: The boy was born at a time when only a remnant of the drought was left; at the time of birth he gave water — therefore he is called Nārada.
AI translation rendered from the Sanskrit, not a published edition
BvP 1 21.8
ददाति नारं ज्ञानं च बालकेभ्यश्च बालकः ।। जातिस्मरो महाज्ञानी तेनायं नारदाभिधः
dadāti nāraṃ jñānaṃ ca bālakebhyaśca bālakaḥ || jātismaro mahājñānī tenāyaṃ nāradābhidhaḥ
And the boy gives water and knowledge to (other) boys; remembering his birth, of great wisdom — therefore he is called Nārada.
AI translation rendered from the Sanskrit, not a published edition
BvP 1 21.9
वीर्येण नारदस्यैव बभूव बालको मुने ।। मुनीन्द्रस्य वरेणैव तेनायं नारदाभिधः
vīryeṇa nāradasyaiva babhūva bālako mune || munīndrasya vareṇaiva tenāyaṃ nāradābhidhaḥ
The boy came to be by the seed of Nārada himself, O sage, and by the very boon of that lord of sages — therefore he is called Nārada.
AI translation rendered from the Sanskrit, not a published edition
BvP 1 21.11
सौतिरुवाच ।। अपुत्रकाय विप्राय धर्मपुत्रो नरो मुनिः ।। ददौ पुत्र कश्यपाय तेनायं नारदाभिधः
sautiruvāca || aputrakāya viprāya dharmaputro naro muniḥ || dadau putra kaśyapāya tenāyaṃ nāradābhidhaḥ
Sauti said: To the sonless brahmin the sage Nara, son of Dharma, gave a son, to Kaśyapa — therefore he is called Nārada.
AI translation rendered from the Sanskrit, not a published edition — the model flagged this verse as uncertain
BvP 1 21.12
शौनक उवाच ।। अधुना नामव्युत्पत्तिः श्रुता सौते शिशोरपि ।। शूद्रयोनौ ब्रह्मपुत्रः कथं स नारदाभिधः
śaunaka uvāca || adhunā nāmavyutpattiḥ śrutā saute śiśorapi || śūdrayonau brahmaputraḥ kathaṃ sa nāradābhidhaḥ
Śaunaka said: Now, O Sauti, the derivation of the child's name has been heard; (but) how is he, born in a śūdra womb, a son of Brahmā and called Nārada?
AI translation rendered from the Sanskrit, not a published edition
BvP 1 21.13
सौतिरुवाच ।। कल्पान्तरे ब्रह्मकण्ठाद्बभूवुर्बहवो नराः ।। नरान्ददौ तत्कण्ठं च तेन तन्नारदं स्मृतम्
sautiruvāca || kalpāntare brahmakaṇṭhādbabhūvurbahavo narāḥ || narāndadau tatkaṇṭhaṃ ca tena tannāradaṃ smṛtam
Sauti said: In another kalpa, many men (nara) arose from Brahmā's throat; that throat gave men — therefore it is remembered as nārada.
AI translation rendered from the Sanskrit, not a published edition
BvP 1 21.14
ततो बभूव बालश्च नारदात्कण्ठदेशतः ।। अतो ब्रह्मा नाम चक्रे नारदश्चेति मङ्गलम्
tato babhūva bālaśca nāradātkaṇṭhadeśataḥ || ato brahmā nāma cakre nāradaśceti maṅgalam
Then the boy was born from that 'nārada', from the region of the throat; therefore Brahmā made his name the auspicious 'Nārada'.
AI translation rendered from the Sanskrit, not a published edition
BvP 1 21.15
साम्प्रतं शिशुवृत्तान्तं सावधानं निशामय ।। उपालम्भरहस्येन विशिष्टं किं प्रयोजनम्
sāmprataṃ śiśuvṛttāntaṃ sāvadhānaṃ niśāmaya || upālambharahasyena viśiṣṭaṃ kiṃ prayojanam
Now listen attentively to the account of the child. What special purpose (is served) by a secret of reproach?
AI translation rendered from the Sanskrit, not a published edition — the model flagged this verse as uncertain
BvP 1 21.16
ववृधे गोपिकाबालो विप्रगेहे दिनेदिने ।। सपुत्रां पालितां चक्रे ब्राह्मणः स्वसुतां यथा
vavṛdhe gopikābālo vipragehe dinedine || saputrāṃ pālitāṃ cakre brāhmaṇaḥ svasutāṃ yathā
The gopī's boy grew day by day in the brahmin's house; the brahmin cared for her along with her son as (for) his own daughter.
AI translation rendered from the Sanskrit, not a published edition
BvP 1 21.17
एतस्मिन्नन्तरे विप्रा आययुर्विप्रमन्दिरम् ।। शिशवः पञ्चवर्षीया महातेजस्विनो यथा
etasminnantare viprā āyayurvipramandiram || śiśavaḥ pañcavarṣīyā mahātejasvino yathā
In the meantime brahmins came to the brahmin's house — children of five years, as it were, of great splendour.
AI translation rendered from the Sanskrit, not a published edition
BvP 1 21.18
प्रच्छन्नं हृतवन्तश्च ग्रीष्ममध्याह्नभास्करम् ।। मधुपर्कादिकं दत्त्वा तान्ननाम गृही द्विज
pracchannaṃ hṛtavantaśca grīṣmamadhyāhnabhāskaram || madhuparkādikaṃ dattvā tānnanāma gṛhī dvija
And they covered over the midday sun of the hot season (i.e. took away its glare); and the householder brahmin, having offered them the honey-mixture and the rest, bowed to them.
AI translation rendered from the Sanskrit, not a published edition — the model flagged this verse as uncertain
BvP 1 21.19
फलमूलादिकं काले चत्वारो मुनिपुङ्गवाः ।। विप्रदत्तं बुभुजिरे तच्छेशं बुभुजे शिशुः
phalamūlādikaṃ kāle catvāro munipuṅgavāḥ || vipradattaṃ bubhujire taccheśaṃ bubhuje śiśuḥ
In due time the four best of sages ate the fruits, roots and the rest given by the brahmin; the child ate what was left of it.
AI translation rendered from the Sanskrit, not a published edition
BvP 1 21.21
एकदा शिशुमाता च गच्छन्ती निशि वर्त्मनि ।। ममार सर्पदष्टा च तत्क्षणं स्मरती हरिम्
ekadā śiśumātā ca gacchantī niśi vartmani || mamāra sarpadaṣṭā ca tatkṣaṇaṃ smaratī harim
Once the child's mother, going along a road at night, was bitten by a snake and died, remembering Hari in that very moment.
AI translation rendered from the Sanskrit, not a published edition
BvP 1 21.22
सद्यो जगाम वैकुण्ठं विष्णुयानेन सा सती ।। विष्णुपार्षदसंयुक्ता सद्रत्ननिर्मितेन च
sadyo jagāma vaikuṇṭhaṃ viṣṇuyānena sā satī || viṣṇupārṣadasaṃyuktā sadratnanirmitena ca
At once that chaste woman went to Vaikuṇṭha by Viṣṇu's vehicle, made of good jewels, accompanied by Viṣṇu's attendants.
AI translation rendered from the Sanskrit, not a published edition
BvP 1 21.23
प्रातर्बालो द्विजैः सार्धं प्रययौ विप्रमन्दिरात् ।। तत्त्वज्ञानं ददुस्तस्मै ब्राह्मणाश्च कृपालवः
prātarbālo dvijaiḥ sārdhaṃ prayayau vipramandirāt || tattvajñānaṃ dadustasmai brāhmaṇāśca kṛpālavaḥ
In the morning the boy went out from the brahmin's house together with the twice-born ones; and the compassionate brahmins gave him knowledge of the truth.
AI translation rendered from the Sanskrit, not a published edition
BvP 1 21.24
ब्रह्मपुत्राः शिशुं त्यक्त्वा स्वस्थानं प्रययुः किल ।। महाज्ञानी शिशुस्तस्थौ गङ्गातीरे मनोहरे
brahmaputrāḥ śiśuṃ tyaktvā svasthānaṃ prayayuḥ kila || mahājñānī śiśustasthau gaṅgātīre manohare
The sons of Brahmā, leaving the child, went indeed to their own abode; the child, now of great knowledge, remained on the lovely bank of the Gaṅgā.
AI translation rendered from the Sanskrit, not a published edition
BvP 1 21.25
तत्र स्नात्वा विप्रदत्तं विष्णुमन्त्रं जजाप सः ।। क्षुत्पिपासारोगशोकहरं वेदेषु दुर्लभम्
tatra snātvā vipradattaṃ viṣṇumantraṃ jajāpa saḥ || kṣutpipāsārogaśokaharaṃ vedeṣu durlabham
Having bathed there, he recited the Viṣṇu-mantra given by the brahmins, which removes hunger, thirst, disease and sorrow, and is hard to find in the Vedas.
AI translation rendered from the Sanskrit, not a published edition
BvP 1 21.26
महारण्ये च घोरे च अश्वत्थमूलसन्निधौ ।। कृत्वा योगासनं तस्थौ सुचिरं तत्र बालकः
mahāraṇye ca ghore ca aśvatthamūlasannidhau || kṛtvā yogāsanaṃ tasthau suciraṃ tatra bālakaḥ
And in a great and terrible forest, near the root of an aśvattha tree, the boy assumed the yoga posture and remained there a very long time.
AI translation rendered from the Sanskrit, not a published edition
BvP 1 21.27
शौनक उवाच ।। कं मन्त्रं बालकः प्राप कुमारेण च धीमता ।। दत्तं परं श्रींहरेश्च तद्भवान्वक्तु मर्हति
śaunaka uvāca || kaṃ mantraṃ bālakaḥ prāpa kumāreṇa ca dhīmatā || dattaṃ paraṃ śrīṃhareśca tadbhavānvaktu marhati
Śaunaka said: Which mantra did the boy obtain, the supreme one given by the wise Kumāra, (the mantra) of Hari? That you ought to tell.
AI translation rendered from the Sanskrit, not a published edition
BvP 1 21.28
सौतिरुवाच ।। कृष्णेन दत्तो गोलोके कृपया ब्रह्मणे पुरा ।। द्वाविंशत्यक्षरो मन्त्रो वेदेषु च सुदुर्लभः
sautiruvāca || kṛṣṇena datto goloke kṛpayā brahmaṇe purā || dvāviṃśatyakṣaro mantro vedeṣu ca sudurlabhaḥ
The Sūta said: Long ago in Goloka a mantra of twenty-two syllables, very hard to find in the Vedas, was given by Kṛṣṇa out of grace to Brahmā.
AI translation rendered from the Sanskrit, not a published edition
BvP 1 21.29
तं च ब्रह्मा ददौ भक्त्या कुमाराय च धीमते ।। कुमारेण स दत्तश्च मन्त्रश्च शिशवे द्विज
taṃ ca brahmā dadau bhaktyā kumārāya ca dhīmate || kumāreṇa sa dattaśca mantraśca śiśave dvija
And Brahmā gave it with devotion to the wise Kumāra; and by the Kumāra that mantra was given to the child, O twice-born one.
AI translation rendered from the Sanskrit, not a published edition
BvP 1 21.31
महापुरुषस्तोत्रं च पूर्वोक्तं कवचं च यत् ।। अस्यौपयौगिकं ध्यानं सामवेदोक्तमेव च
mahāpuruṣastotraṃ ca pūrvoktaṃ kavacaṃ ca yat || asyaupayaugikaṃ dhyānaṃ sāmavedoktameva ca
And the Mahāpuruṣa hymn, and the armour (kavaca) spoken of earlier, and the meditation appropriate to it, which is stated in the Sāmaveda —
AI translation rendered from the Sanskrit, not a published edition
BvP 1 21.32
तेजोमण्डलरूपे च सूर्य्यकोटिसमप्रभे ।। योगिभिर्वाञ्छितं ध्याने योगैः सिद्धगणैः सुरैः
tejomaṇḍalarūpe ca sūryyakoṭisamaprabhe || yogibhirvāñchitaṃ dhyāne yogaiḥ siddhagaṇaiḥ suraiḥ
In (that) form which is a disc of light, with radiance equal to ten million suns — desired in meditation by yogins, by yogas, by hosts of siddhas and by the gods —
AI translation rendered from the Sanskrit, not a published edition
BvP 1 21.33
ध्यायन्ते वैष्णवा रूपं तदभ्यन्तरसन्निधौ ।। अतीव कमनीयानिर्वचनीयं मनोहरम्
dhyāyante vaiṣṇavā rūpaṃ tadabhyantarasannidhau || atīva kamanīyānirvacanīyaṃ manoharam
the Vaiṣṇavas meditate on the form present within that: exceedingly lovely, indescribable, charming;
AI translation rendered from the Sanskrit, not a published edition
BvP 1 21.34
नवीनजलदश्यामं शरत्पङ्कजलोचनम् ।। शरत्पार्वणचन्द्रास्यं पक्वबिम्बाधिकाधरम्
navīnajaladaśyāmaṃ śaratpaṅkajalocanam || śaratpārvaṇacandrāsyaṃ pakvabimbādhikādharam
dark as a fresh raincloud, with eyes like autumn lotuses, face like the full-moon of autumn, lips surpassing a ripe bimba fruit;
AI translation rendered from the Sanskrit, not a published edition
BvP 1 21.35
मुक्तापङ्क्तिविनिन्दैकदन्तपंक्तिमनोहरम् ।। सस्मितं मुरलीन्यस्तहस्तावलम्बनेन च
muktāpaṅktivinindaikadantapaṃktimanoharam || sasmitaṃ muralīnyastahastāvalambanena ca
charming with a row of teeth that puts to shame a row of pearls, smiling, with the support of the hand placed on the flute;
AI translation rendered from the Sanskrit, not a published edition
BvP 1 21.36
कोटिकन्दर्पलावण्यं लीलाधाम मनोहरम् ।। चन्द्रलक्षप्रभाजुष्टं पुष्टश्रीयुक्तविग्रहम्
koṭikandarpalāvaṇyaṃ līlādhāma manoharam || candralakṣaprabhājuṣṭaṃ puṣṭaśrīyuktavigraham
with the beauty of ten million Kandarpas, a charming abode of play, endowed with the radiance of a hundred thousand moons, his body full of abundant splendour;
AI translation rendered from the Sanskrit, not a published edition
BvP 1 21.37
त्रिभङ्गसङ्गि वा युक्तं द्विभुजं पीतवाससम् ।। रत्नकेयूरवलयरत्ननूपुरभूषि तम्
tribhaṅgasaṅgi vā yuktaṃ dvibhujaṃ pītavāsasam || ratnakeyūravalayaratnanūpurabhūṣi tam
bent in the triple curve, or joined (with it), two-armed, clad in yellow, adorned with jewelled armlets and bracelets and jewelled anklets;
AI translation rendered from the Sanskrit, not a published edition
BvP 1 21.38
रत्नकुण्डलयुग्मेन गण्डस्थलविराजितम् ।। मयूरपुच्छचूडं च रत्नमालाविभूषितम्
ratnakuṇḍalayugmena gaṇḍasthalavirājitam || mayūrapucchacūḍaṃ ca ratnamālāvibhūṣitam
resplendent on the cheeks with a pair of jewelled earrings, with a peacock-feather crest, adorned with a garland of jewels;
AI translation rendered from the Sanskrit, not a published edition
BvP 1 21.39
शोभितं जानुपर्य्यन्तं मालतीवनमालया ।। चन्दनोक्षितसर्वाङ्गं भक्तानुग्रहकारकम्
śobhitaṃ jānuparyyantaṃ mālatīvanamālayā || candanokṣitasarvāṅgaṃ bhaktānugrahakārakam
(Him) adorned down to the knees with a forest-garland of mālatī, all his limbs sprinkled with sandal, the bestower of grace upon devotees,
AI translation rendered from the Sanskrit, not a published edition
BvP 1 21.41
स्थिरयौवनयुक्ताभिर्वेष्टिताभिश्च सन्ततम् ।। भूषणैर्भूषिताभिश्च राधावक्षःस्थलस्थितम् ।।
sthirayauvanayuktābhirveṣṭitābhiśca santatam || bhūṣaṇairbhūṣitābhiśca rādhāvakṣaḥsthalasthitam ||
and constantly encircled by (women) possessed of unfading youth and decked with ornaments, (him) resting on Rādhā's bosom,
AI translation rendered from the Sanskrit, not a published edition
BvP 1 21.42
ब्रह्मविष्णुशिवाद्यैश्च पूजितं वन्दितं स्तुतम् ।। किशोरं राधिकाकान्तं शान्तरूपं परात्परम्
brahmaviṣṇuśivādyaiśca pūjitaṃ vanditaṃ stutam || kiśoraṃ rādhikākāntaṃ śāntarūpaṃ parātparam
worshipped, saluted and praised by Brahmā, Viṣṇu, Śiva and the rest, a youth, the beloved of Rādhikā, of tranquil form, higher than the high,
AI translation rendered from the Sanskrit, not a published edition
BvP 1 21.43
निर्लिप्तं साक्षिरूपं च निर्गुणं प्रकृतेः परम् ।। ध्यायेत्सर्वेश्वरं तं च परमात्मानमीश्वरम्
nirliptaṃ sākṣirūpaṃ ca nirguṇaṃ prakṛteḥ param || dhyāyetsarveśvaraṃ taṃ ca paramātmānamīśvaram
unattached, of the nature of a witness, free of the qualities, beyond primal nature — him one should meditate on, the Lord of all, the supreme Self, the Ruler.
AI translation rendered from the Sanskrit, not a published edition
BvP 1 21.44
इदं ते कथितं ध्यानं स्तोत्रं च कवचं मुने ।। मन्त्रोपयौगिकं सत्यं मन्त्रश्च कल्पपादपः
idaṃ te kathitaṃ dhyānaṃ stotraṃ ca kavacaṃ mune || mantropayaugikaṃ satyaṃ mantraśca kalpapādapaḥ
This meditation has been told to you, and the hymn and the armour (kavaca), O sage — truly what is auxiliary to the mantra; and the mantra is a wish-granting tree.
AI translation rendered from the Sanskrit, not a published edition
BvP 1 21.45
साम्प्रतं बालकस्तस्थौ ध्यानस्थस्तत्र शौनक ।। दिव्यं वर्षसहस्रं च निराहारः कृशोदरः।।
sāmprataṃ bālakastasthau dhyānasthastatra śaunaka || divyaṃ varṣasahasraṃ ca nirāhāraḥ kṛśodaraḥ||
Meanwhile the boy stood there fixed in meditation, O Śaunaka, for a thousand divine years, without food, his belly wasted.
AI translation rendered from the Sanskrit, not a published edition
BvP 1 21.46
शक्तिमान्परिपुष्टश्च सिद्धमन्त्रप्रभावत।। ददर्श बालको ध्याने दिव्यं लोकं च बालकम्
śaktimānparipuṣṭaśca siddhamantraprabhāvata|| dadarśa bālako dhyāne divyaṃ lokaṃ ca bālakam
Powerful and well-nourished by the potency of the perfected mantra, the boy saw in his meditation a divine world, and a boy:
AI translation rendered from the Sanskrit, not a published edition
BvP 1 21.47
रत्नसिंहासनस्थं च रत्नभूषणभूषितम् ।। किशोरवयसं श्यामं गोपवेषं च सस्मितम्
ratnasiṃhāsanasthaṃ ca ratnabhūṣaṇabhūṣitam || kiśoravayasaṃ śyāmaṃ gopaveṣaṃ ca sasmitam
seated on a jewelled lion-throne, adorned with jewelled ornaments, of youthful age, dark-hued, in cowherd dress, and smiling,
AI translation rendered from the Sanskrit, not a published edition
BvP 1 21.48
गोपैर्गोपाङ्गनाभिश्च वेष्टितं पीतवाससम् ।। द्विभुजं मुरलीहस्तं चन्दनेन विचर्चितम्
gopairgopāṅganābhiśca veṣṭitaṃ pītavāsasam || dvibhujaṃ muralīhastaṃ candanena vicarcitam
encircled by cowherds and cowherd women, clad in yellow, two-armed, with a flute in his hand, smeared with sandal,
AI translation rendered from the Sanskrit, not a published edition
BvP 1 21.49
ब्रह्मविष्णुशिवाद्यैश्च स्तूयमानं परात्परम् ।। दृष्ट्वा च सुचिरं शान्तं शान्तश्च गोपिकासुतः
brahmaviṣṇuśivādyaiśca stūyamānaṃ parātparam || dṛṣṭvā ca suciraṃ śāntaṃ śāntaśca gopikāsutaḥ
being hymned by Brahmā, Viṣṇu, Śiva and the rest, higher than the high — and having gazed a long while on (that) tranquil (form), the son of the cowherd-woman too grew tranquil.
AI translation rendered from the Sanskrit, not a published edition
BvP 1 21.51
बभूवाकाशवाणीति रुदन्तं बालकं प्रति ।। सत्यं प्रबोधयुक्तं च हितमेव मिताक्षरम्
babhūvākāśavāṇīti rudantaṃ bālakaṃ prati || satyaṃ prabodhayuktaṃ ca hitameva mitākṣaram
Then there came a voice from the sky, thus, addressed to the weeping boy — true, full of awakening, beneficial indeed, in measured words:
AI translation rendered from the Sanskrit, not a published edition
BvP 1 21.52
सकृद्यद्दर्शितं रूपं तदेव नाधुना पुनः ।। अपि पक्वकषायाणां दुर्दर्शं च कुयोगिनाम्
sakṛdyaddarśitaṃ rūpaṃ tadeva nādhunā punaḥ || api pakvakaṣāyāṇāṃ durdarśaṃ ca kuyoginām
"The form that was shown once — that same is not (shown) again now; it is hard to see even for those whose passions are ripened away, and for faulty yogins."
AI translation rendered from the Sanskrit, not a published edition — the model flagged this verse as uncertain
BvP 1 21.53
एतस्मिन्विग्रहेऽतीते संप्राप्ते दिव्यविग्रहे ।। पुनर्द्रक्ष्यसि गोविन्दं जन्ममृत्युहरं हरिम्
etasminvigrahe'tīte saṃprāpte divyavigrahe || punardrakṣyasi govindaṃ janmamṛtyuharaṃ harim
"When this body has passed away and a divine body has been attained, you will again see Govinda, Hari, who removes birth and death."
AI translation rendered from the Sanskrit, not a published edition
BvP 1 21.54
इति श्रुत्वा बालकश्च विरराम मुदाऽन्वितः ।। काले तत्याज तीर्थे च तनुं कृष्णं हृदि स्मरन्
iti śrutvā bālakaśca virarāma mudā'nvitaḥ || kāle tatyāja tīrthe ca tanuṃ kṛṣṇaṃ hṛdi smaran
Having heard this the boy fell silent, filled with joy; and in due time he gave up his body at the holy place, remembering Kṛṣṇa in his heart.
AI translation rendered from the Sanskrit, not a published edition
BvP 1 21.55
नेदुर्दुन्दुभयः स्वर्गे पुष्पवृष्टिर्बभूव ह ।। बभूव शापमुक्तश्च नारदश्च महामुनिः
nedurdundubhayaḥ svarge puṣpavṛṣṭirbabhūva ha || babhūva śāpamuktaśca nāradaśca mahāmuniḥ
Drums sounded in heaven, and a rain of flowers fell indeed; and Nārada, the great sage, became released from the curse.
AI translation rendered from the Sanskrit, not a published edition
BvP 1 21.56
तनुं त्वक्वा स जीवश्च विलीनो ब्रह्मविग्रहे ।। बभूव प्राक्तनान्नित्यः कालभेदे तिरोहितः
tanuṃ tvakvā sa jīvaśca vilīno brahmavigrahe || babhūva prāktanānnityaḥ kālabhede tirohitaḥ
Having abandoned the body, that living being dissolved into the form of Brahman; he became eternal as he was before, having been hidden (only) through the difference of time.
AI translation rendered from the Sanskrit, not a published edition
BvP 1 21.57
आविर्भावस्तिरोभावः स्वेच्छया नित्यदेहिनाम् ।। जन्ममृत्युजराव्याधिर्भक्तानां नास्ति शौनक
āvirbhāvastirobhāvaḥ svecchayā nityadehinām || janmamṛtyujarāvyādhirbhaktānāṃ nāsti śaunaka
For those with eternal bodies, appearing and vanishing happen by their own will; for devotees there is no birth, death, old age or disease, O Śaunaka.
AI translation rendered from the Sanskrit, not a published edition