Brahmanda Purana — Uttara Bhaga — Chapter 30
BndP 3 30.1
अगस्त्य उवाच अश्वानन महाप्राज्ञ श्रुतमाख्यानमुत्तमम् । विक्रमो ललितादेव्या विशिष्टो वर्णितस्त्वया
agastya uvāca aśvānana mahāprājña śrutamākhyānamuttamam / vikramo lalitādevyā viśiṣṭo varṇitastvayā
Agastya said: O Horse-faced one, greatly wise, I have heard the excellent narrative; the surpassing valour of the goddess Lalitā has been described by you.
AI translation rendered from the Sanskrit, not a published edition
BndP 3 30.2
चरितैरनघैर्देव्याः सुप्रीतो ऽस्मि हयानन । श्रुता सा महतीशक्तिर्मन्त्रिणीदण्डनाथयोः
caritairanaghairdevyāḥ suprīto 'smi hayānana / śrutā sā mahatīśaktirmantriṇīdaṇḍanāthayoḥ
I am well pleased, O Horse-faced one, with the faultless deeds of the Goddess; that great power of the Minister-goddess and of the Commander-goddess has been heard (by me).
AI translation rendered from the Sanskrit, not a published edition
BndP 3 30.3
पश्चात्किमकरोत्तत्र युद्धानन्तरमंबिका । चतुर्थदिनशर्वर्यां विभातायां हयानन
paścātkimakarottatra yuddhānantaramaṃbikā / caturthadinaśarvaryāṃ vibhātāyāṃ hayānana
What did Ambikā do there afterwards, when the battle was over, O Horse-faced one, when the night of the fourth day had turned to dawn?
AI translation rendered from the Sanskrit, not a published edition
BndP 3 30.4
हयग्रीव उवाच शृणु कुम्भज तत्प्राज्ञ यत्तया जगदंबया । पश्चादाचरितं कर्म निहते भण्डदानवे
hayagrīva uvāca śṛṇu kumbhaja tatprājña yattayā jagadaṃbayā / paścādācaritaṃ karma nihate bhaṇḍadānave
Hayagrīva said: Hear, O wise jar-born one, that deed which was performed afterwards by the Mother of the world, when the Dānava Bhaṇḍa had been slain.
AI translation rendered from the Sanskrit, not a published edition
BndP 3 30.5
शक्तीनामखिलं सैन्यं दैत्ययुधशतार्दितम् । मुहुराह्लादयामास लोचनैरमृताप्लुतैः
śaktīnāmakhilaṃ sainyaṃ daityayudhaśatārditam / muhurāhlādayāmāsa locanairamṛtāplutaiḥ
Again and again she gladdened, with her eyes bathed in nectar, the whole army of the Śaktis, which had been afflicted by hundreds of the demons' weapons.
AI translation rendered from the Sanskrit, not a published edition
BndP 3 30.6
ललितापरमेशान्याः कटाक्षामृतधारया । जहुर्युद्धपरिश्रान्तिं शक्तयः प्रीतिमानसाः
lalitāparameśānyāḥ kaṭākṣāmṛtadhārayā / jahuryuddhapariśrāntiṃ śaktayaḥ prītimānasāḥ
By the nectar-stream of the sidelong glance of Lalitā, the supreme Mistress, the Śaktis, their minds delighted, cast off the exhaustion of battle.
AI translation rendered from the Sanskrit, not a published edition
BndP 3 30.7
अस्मिन्नवसरे देवा भण्डमर्दनतोषिताः । सर्वे ऽपि सेवितुं प्राप्ता ब्रह्मविष्णुपुरोगमाः
asminnavasare devā bhaṇḍamardanatoṣitāḥ / sarve 'pi sevituṃ prāptā brahmaviṣṇupurogamāḥ
At this juncture the gods, gratified by the crushing of Bhaṇḍa, all arrived to do homage, with Brahmā and Viṣṇu at their head.
AI translation rendered from the Sanskrit, not a published edition
BndP 3 30.8
ब्रह्मा विष्णुश्च रुद्रश्च शक्राद्यास्त्रिदशास्तथा । आदित्या वसवो रुद्रा मरुतः साध्यदेवताः
brahmā viṣṇuśca rudraśca śakrādyāstridaśāstathā / ādityā vasavo rudrā marutaḥ sādhyadevatāḥ
Brahmā and Viṣṇu and Rudra, and Śakra and the other thirty (gods), the Ādityas, the Vasus, the Rudras, the Maruts, the Sādhya deities,
AI translation rendered from the Sanskrit, not a published edition
BndP 3 30.11
सिद्धाः किंपुरुषा यक्षा निरृत्याद्या निशाचराः । प्रह्लादाद्या महादैत्याः सर्वे ऽप्यण्डनिवासिनः ॥ ब्न्द्प्_३,३०।९ ॥ आगत्य तुष्टुवुः प्रीत्या सिंहासनमहेश्वरीम् ॥ ब्न्द्प्_३,३०।१० ॥ ब्रह्माद्या ऊचुः नमोनमस्ते जगदेकनाथे नमोनमः श्रीत्रिपुराभिधाने । नमोनमो भण्डमहासुरघ्ने नमो ऽस्तु कामेश्वरि वामकेशि
siddhāḥ kiṃpuruṣā yakṣā nirṛtyādyā niśācarāḥ / prahlādādyā mahādaityāḥ sarve 'pyaṇḍanivāsinaḥ // bndp_3,30.9 // āgatya tuṣṭuvuḥ prītyā siṃhāsanamaheśvarīm // bndp_3,30.10 // brahmādyā ūcuḥ namonamaste jagadekanāthe namonamaḥ śrītripurābhidhāne / namonamo bhaṇḍamahāsuraghne namo 'stu kāmeśvari vāmakeśi
the Siddhas, the Kiṃpuruṣas, the Yakṣas, the night-rangers headed by Nirṛti, the great Daityas headed by Prahlāda, and all the dwellers within the (cosmic) egg — having come, they praised with delight the great Mistress of the Lion-throne. Brahmā and the rest said: Homage, homage to you, sole Lady of the world; homage, homage, you whose name is Śrī Tripurā; homage, homage, slayer of the great Asura Bhaṇḍa; homage be to you, Kāmeśvarī, Vāmakeśī.
AI translation rendered from the Sanskrit, not a published edition
BndP 3 30.12
चिन्तामणे चिन्तितदानदक्षे ऽचिन्तये चिराकारतरङ्गमाले । चित्राम्बरे चित्रजगत्प्रसूते चित्राख्यनित्ये सुखदे नमस्ते
cintāmaṇe cintitadānadakṣe 'cintaye cirākārataraṅgamāle / citrāmbare citrajagatprasūte citrākhyanitye sukhade namaste
O wish-granting gem, skilled in giving what is wished for, O inconceivable one, garland of waves of long-enduring forms, wearing bright garments, mother of the manifold world, eternal one named Citrā, giver of happiness — homage to you.
AI translation rendered from the Sanskrit, not a published edition
BndP 3 30.13
मोक्षप्रदे मुग्धशशाङ्कचूडे मुग्धस्मिते मोहनभेददक्षे । मुद्रेश्वरीचर्चितराजतन्त्रे मुद्राप्रिये देवि नमोनमस्ते
mokṣaprade mugdhaśaśāṅkacūḍe mugdhasmite mohanabhedadakṣe / mudreśvarīcarcitarājatantre mudrāpriye devi namonamaste
O giver of release, you whose crest is the lovely young moon, of charming smile, skilled in the varieties of enchantment, you whose royal tantra is expounded by Mudreśvarī, fond of the mudrās — homage, homage to you, Goddess.
AI translation rendered from the Sanskrit, not a published edition
BndP 3 30.14
क्रूरान्तकध्वंसिनि कोमलाङ्गे कोपेषु कालीं तनुमादधाने । क्रोडानने पालितसैन्यचक्रे क्रोडीकृताशेषभये नमस्ते
krūrāntakadhvaṃsini komalāṅge kopeṣu kālīṃ tanumādadhāne / kroḍānane pālitasainyacakre kroḍīkṛtāśeṣabhaye namaste
O destroyer of the cruel Ender, of tender limbs, assuming the body of Kālī in your wraths, boar-faced one, protector of the circle of the army, you who have taken all fear into your embrace — homage to you.
AI translation rendered from the Sanskrit, not a published edition
BndP 3 30.15
षडङ्गदेवीपरिवारकृष्णे षडङ्गयुक्तश्रुतिवाक्यमृग्ये । षट्चक्रसंस्थे च षडूर्मियुक्ते षड्भावरूपे ललिते नमस्ते
ṣaḍaṅgadevīparivārakṛṣṇe ṣaḍaṅgayuktaśrutivākyamṛgye / ṣaṭcakrasaṃsthe ca ṣaḍūrmiyukte ṣaḍbhāvarūpe lalite namaste
O you dark with the retinue of the goddesses of the six limbs, sought after by the words of scripture furnished with the six auxiliaries, abiding in the six cakras, joined with the six waves, whose form is the six states — homage to you, Lalitā.
AI translation rendered from the Sanskrit, not a published edition
BndP 3 30.16
कामे शिवे मुख्यसमस्तनित्ये कान्तासनान्ते कमलायताक्षि । कामप्रदे कामिनि कामशंभोः काम्ये कलानामधिपे नमस्ते
kāme śive mukhyasamastanitye kāntāsanānte kamalāyatākṣi / kāmaprade kāmini kāmaśaṃbhoḥ kāmye kalānāmadhipe namaste
O Desire, O Śivā, O all the Nityās with the chief one foremost, seated at the end of the beloved's seat, lotus-broad-eyed, granter of desires, loving one, desired by Kāma-Śambhu, ruler of the digits — homage to you.
AI translation rendered from the Sanskrit, not a published edition — the model flagged this verse as uncertain
BndP 3 30.17
दिव्यौषधाद्ये नगरौघरूपे दिव्ये दिनाधीशसहस्रकान्ते । देदीप्यमाने दयया सनाथे देवाधिदेवप्रमदे नमस्ते
divyauṣadhādye nagaraugharūpe divye dinādhīśasahasrakānte / dedīpyamāne dayayā sanāthe devādhidevapramade namaste
O first among divine herbs, whose form is the multitude of cities, divine one, lovely as a thousand lords of day, blazing forth, endowed with compassion, delight of the god of gods — homage to you.
AI translation rendered from the Sanskrit, not a published edition — the model flagged this verse as uncertain
BndP 3 30.18
सदाणिमाद्यष्टकसेवनीये सदाशिवात्मोज्ज्वलमञ्चवासे । सभ्ये सदेकाल यपादपूज्ये सवित्रि लोकस्य नमोनमस्ते
sadāṇimādyaṣṭakasevanīye sadāśivātmojjvalamañcavāse / sabhye sadekāla yapādapūjye savitri lokasya namonamaste
O you ever to be served by the eight (powers) beginning with aṇimā, dwelling on the shining couch whose self is Sadāśiva, O courtly one, whose feet are always worshipped..., O mother of the world — homage, homage to you.
AI translation rendered from the Sanskrit, not a published edition — the model flagged this verse as uncertain
BndP 3 30.19
ब्राह्मीमुखैर्मातृगणैर्निषेव्ये ब्रह्मप्रिये ब्राह्मणबन्धमेत्रि । ब्रह्मामृतस्रोतसि राजहंसिब्रह्मेश्वरि श्रीललिते नमस्ते
brāhmīmukhairmātṛgaṇairniṣevye brahmapriye brāhmaṇabandhametri / brahmāmṛtasrotasi rājahaṃsibrahmeśvari śrīlalite namaste
O you attended by the troops of Mothers headed by Brāhmī, dear to Brahman, friend and kinsman of brahmins, royal swan on the stream of the nectar of Brahman, Mistress of Brahmā — homage to you, Śrī Lalitā.
AI translation rendered from the Sanskrit, not a published edition
BndP 3 30.20
संक्षोभिणीमुख्यसमस्तमुद्रासंसेविते संसरणप्रहन्त्रि । संसारलीलाकृतिसारसाक्षि सदा नमस्ते ललिते ऽधिनाथे । नित्ये कलाषोडशकेन नामाकर्षिण्यधीशि प्रमथेन सेव्ये
saṃkṣobhiṇīmukhyasamastamudrāsaṃsevite saṃsaraṇaprahantri / saṃsāralīlākṛtisārasākṣi sadā namaste lalite 'dhināthe / nitye kalāṣoḍaśakena nāmākarṣiṇyadhīśi pramathena sevye
O you served by all the mudrās headed by Saṃkṣobhiṇī, destroyer of transmigration, witness to the essence of the enacted play of saṃsāra — homage to you always, Lalitā, sovereign Lady. O Eternal One, (known) by name through the sixteen digits, ruler of Ākarṣiṇī and the rest, to be served by Pramatha,
AI translation rendered from the Sanskrit, not a published edition — the model flagged this verse as uncertain
BndP 3 30.21
नित्ये निरातङ्कदयाप्रपञ्चे नीलालकश्रेणि नमोनमस्ते । अनङ्गपुष्पादिभिरुन्नदाभिरनङ्गदेवीभिरजस्रसेव्ये । अभव्यहन्त्र्यक्षरराशिरूपे हतारिवर्गे ललिते नमस्ते
nitye nirātaṅkadayāprapañce nīlālakaśreṇi namonamaste / anaṅgapuṣpādibhirunnadābhiranaṅgadevībhirajasrasevye / abhavyahantryakṣararāśirūpe hatārivarge lalite namaste
O eternal one, whose compassion unfolds free of terror, you with rows of dark curls, homage upon homage to you; you who are ceaselessly served by the Anaṅga goddesses, Anaṅgapuṣpā and the rest, who cry aloud; destroyer of the inauspicious, whose form is the mass of syllables, slayer of the host of foes — homage to you, Lalitā.
AI translation rendered from the Sanskrit, not a published edition
BndP 3 30.22
संक्षोभिणीमुख्यचतुर्दशार्चिर्मालावृतोदारमहाप्रदीप्ते । आत्मानमाबिभ्रति विभ्रमाढ्ये शुभ्राश्रये शुभ्रपदे नमस्ते
saṃkṣobhiṇīmukhyacaturdaśārcirmālāvṛtodāramahāpradīpte / ātmānamābibhrati vibhramāḍhye śubhrāśraye śubhrapade namaste
You who blaze greatly and nobly, encircled by the garland of the fourteen rays headed by Saṃkṣobhiṇī; you who bear (only) yourself, rich in play, refuge of the radiant, whose station is radiant — homage to you.
AI translation rendered from the Sanskrit, not a published edition — the model flagged this verse as uncertain
BndP 3 30.23
सशर्वसिद्धादि कशक्तिवन्द्ये सर्वज्ञविज्ञातपदारविन्दे । सर्वाधिके सर्वगते समस्तसिद्धिप्रदे श्रीललिते नमस्ते
saśarvasiddhādi kaśaktivandye sarvajñavijñātapadāravinde / sarvādhike sarvagate samastasiddhiprade śrīlalite namaste
You who are honoured by Śarva, by the Siddhas and the rest, and by every śakti; whose lotus feet are known to the all-knowing ones; higher than all, present in all, granting every attainment — homage to you, Śrī Lalitā.
AI translation rendered from the Sanskrit, not a published edition — the model flagged this verse as uncertain
BndP 3 30.24
सर्वज्ञजातप्रथमाभिरन्यदेवी भिरप्याश्रितचक्रभूमे । सर्वामराकाङ्क्षितपूरयित्रि सर्वस्य लोकस्य सवित्रि पाहि
sarvajñajātaprathamābhiranyadevī bhirapyāśritacakrabhūme / sarvāmarākāṅkṣitapūrayitri sarvasya lokasya savitri pāhi
You whose cakra-ground is resorted to by the foremost goddesses born of the all-knowing ones and by the other goddesses too; fulfiller of what all the immortals desire, begetter of the whole world — protect (us).
AI translation rendered from the Sanskrit, not a published edition — the model flagged this verse as uncertain
BndP 3 30.25
वन्दे वशिन्यादिकवाग्विभूते वर्द्धिष्णुचक्र द्युतिवाहवाहे । बलाहकश्यामकचे वचो ऽब्धे वरप्रदे सुंदरि पाहि विश्वम्
vande vaśinyādikavāgvibhūte varddhiṣṇucakra dyutivāhavāhe / balāhakaśyāmakace vaco 'bdhe varaprade suṃdari pāhi viśvam
I praise you, whose glory is speech, (attended) by Vaśinī and the rest; you whose vehicle carries the radiance of the ever-increasing cakra; you with hair dark as a rain-cloud, ocean of speech, granter of boons — O beautiful one, protect the universe.
AI translation rendered from the Sanskrit, not a published edition — the model flagged this verse as uncertain
BndP 3 30.26
बाणादिदिव्यायुधसार्वभौमे भण्डासुरानीकवनान्तदावे । अत्युग्रतेजोज्ज्वलितांबुराशे प्रसेव्यमाने परितो नमस्ते
bāṇādidivyāyudhasārvabhaume bhaṇḍāsurānīkavanāntadāve / atyugratejojjvalitāṃburāśe prasevyamāne parito namaste
You who hold universal sovereignty through the divine weapons, the arrows and the rest; you who are a forest fire to the thicket of Bhaṇḍāsura's army; you whose ocean of waters is set ablaze by exceedingly fierce splendour, worshipped on every side — homage to you.
AI translation rendered from the Sanskrit, not a published edition — the model flagged this verse as uncertain
BndP 3 30.27
कामेशि वज्रेशि भगेश्यरूपे कन्ये कले कालविलोपदक्षे । कथाविशेषीकृतदैत्यसैन्ये कामेशयान्ते कमले नमस्ते
kāmeśi vajreśi bhageśyarūpe kanye kale kālavilopadakṣe / kathāviśeṣīkṛtadaityasainye kāmeśayānte kamale namaste
O Kāmeśī, Vajreśī, you in the form of Bhageśī; O maiden, O portion (of time), skilled in the effacement of Time; you who made the demon army a mere subject of stories; O you who end in Kāmeśa, O lotus one — homage to you.
AI translation rendered from the Sanskrit, not a published edition — the model flagged this verse as uncertain
BndP 3 30.28
बिन्दुस्थिते बिन्दुकलैकरूपे बिन्द्वात्मिके बृंहितचित्प्रकाशे । बृहत्कुचंभोजविलोलहारे बृहत्प्रभावे ललिते नमस्ते
bindusthite bindukalaikarūpe bindvātmike bṛṃhitacitprakāśe / bṛhatkucaṃbhojavilolahāre bṛhatprabhāve lalite namaste
You who abide in the bindu, whose single form is the portion of the bindu, whose self is the bindu, whose light of consciousness is swollen (with fullness); you whose necklace sways on the lotuses of your full breasts, of vast might — homage to you, Lalitā.
AI translation rendered from the Sanskrit, not a published edition
BndP 3 30.29
कामेश्वरोत्संगसदानिवासे कालात्मिके देवि कृतानुकंपे । कल्पावसानोत्थित कालिरूपे कामप्रदे कल्पलते नमस्ते
kāmeśvarotsaṃgasadānivāse kālātmike devi kṛtānukaṃpe / kalpāvasānotthita kālirūpe kāmaprade kalpalate namaste
You who dwell always on Kāmeśvara's lap, whose self is Time, O goddess who shows compassion; you in the form of Kālī who rises at the end of the aeon, granter of desires, O wishing-vine — homage to you.
AI translation rendered from the Sanskrit, not a published edition
BndP 3 30.30
सवारुणे सांद्रसुधांशुशीते सारङ्गशावाक्षि सरोजवक्त्रे । सारस्य सारस्य सदैकभूमे समस्तविद्येश्वरि संनतिस्ते
savāruṇe sāṃdrasudhāṃśuśīte sāraṅgaśāvākṣi sarojavaktre / sārasya sārasya sadaikabhūme samastavidyeśvari saṃnatiste
You who are reddish, cool as the dense-nectared moon, you with the eyes of a young deer, your face a lotus; you who are the sole abiding ground of the essence of the essence, mistress of all knowledge — my obeisance to you.
AI translation rendered from the Sanskrit, not a published edition — the model flagged this verse as uncertain
BndP 3 30.31
तव प्रभावेण चिदग्निजायां श्रीशंभुनाथप्रकडीकृतायाः । भण्डासुराद्याः समरे प्रचण्डा हता जगत्कण्टकतां प्रयाताः
tava prabhāveṇa cidagnijāyāṃ śrīśaṃbhunāthaprakaḍīkṛtāyāḥ / bhaṇḍāsurādyāḥ samare pracaṇḍā hatā jagatkaṇṭakatāṃ prayātāḥ
By your power — you who were made manifest by Śrī Śambhunātha in the fire of consciousness — Bhaṇḍāsura and the rest, fierce in battle, were slain and have ceased to be thorns to the world.
AI translation rendered from the Sanskrit, not a published edition
BndP 3 30.32
नव्यानि सर्वाणि वपूंषि कृत्वा हि सांद्रकारुण्यसुधाप्लवैर्न्नः । त्वया समस्तं भुवनं सहर्षं सुजीवितं सुंदरि सभ्यलभ्ये
navyāni sarvāṇi vapūṃṣi kṛtvā hi sāṃdrakāruṇyasudhāplavairnnaḥ / tvayā samastaṃ bhuvanaṃ saharṣaṃ sujīvitaṃ suṃdari sabhyalabhye
For, having made all bodies new again with floods of the nectar of your dense compassion, you have granted the whole world for us a joyous, good life — O beautiful one, attainable by the worthy.
AI translation rendered from the Sanskrit, not a published edition — the model flagged this verse as uncertain
BndP 3 30.33
श्रीशंभुनाथस्य महाशयस्य द्वितीयतेजः प्रसरात्मके यः । स्थाण्वाश्रमे कॢप्ततया विरक्तः सतीवियोगेन विरस्तभोगः
śrīśaṃbhunāthasya mahāśayasya dvitīyatejaḥ prasarātmake yaḥ / sthāṇvāśrame kḷptatayā viraktaḥ satīviyogena virastabhogaḥ
He who, in the hermitage of Sthāṇu — that which embodies the outflow of the second radiance of the great-hearted Śrī Śambhunātha — being fixed there, was detached, his enjoyment spoiled by separation from Satī:
AI translation rendered from the Sanskrit, not a published edition — the model flagged this verse as uncertain
BndP 3 30.34
तेनाद्रिवंशे धृतजन्मलाभां कन्यामुमां योजयितुं प्रवृत्ताः । एवं स्मरं प्रेरितवन्त एव तस्यान्तिकं घोर तपःस्थितस्य
tenādrivaṃśe dhṛtajanmalābhāṃ kanyāmumāṃ yojayituṃ pravṛttāḥ / evaṃ smaraṃ preritavanta eva tasyāntikaṃ ghora tapaḥsthitasya
With him, in order to unite (him with) the maiden Umā, who had taken birth in the mountain's line, (the gods) set about (their plan); thus indeed they dispatched Smara into the presence of him who stood in dreadful austerity.
AI translation rendered from the Sanskrit, not a published edition — the model flagged this verse as uncertain
BndP 3 30.35
तेनाथ वैराग्यतपोविघातक्रोधेन लालाटकृशानुदग्धः । भस्मावशेषो मदनस्ततो ऽभूत्ततो हि भण्डासुर एष जातः
tenātha vairāgyatapovighātakrodhena lālāṭakṛśānudagdhaḥ / bhasmāvaśeṣo madanastato 'bhūttato hi bhaṇḍāsura eṣa jātaḥ
Then by him, through anger at the disruption of his detachment and austerity, Madana was burnt by the fire of his forehead and became nothing but ash; and from that indeed this Bhaṇḍāsura was born.
AI translation rendered from the Sanskrit, not a published edition
BndP 3 30.36
ततो वधस्तस्य दुराशयस्य कृतो भवत्या रणदुर्मदस्य । अथास्मदर्थे त्वतनुस्सजातस्त्वं कामसंजीवनमाशुकुर्याः
tato vadhastasya durāśayasya kṛto bhavatyā raṇadurmadasya / athāsmadarthe tvatanussajātastvaṃ kāmasaṃjīvanamāśukuryāḥ
Then the slaying of that evil-minded one, drunk with battle, was accomplished by you; and now, for our sake, his body has been produced — may you quickly bring about the reviving of Kāma.
AI translation rendered from the Sanskrit, not a published edition — the model flagged this verse as uncertain
BndP 3 30.37
इयं रतिर्भर्तृवियोगखिन्ना वैधव्यमत्यन्तमभव्यमाप । पुनस्त्वदुत्पादितकामसंगाद्भविष्यति श्रीललिते सनाथा
iyaṃ ratirbhartṛviyogakhinnā vaidhavyamatyantamabhavyamāpa / punastvadutpāditakāmasaṃgādbhaviṣyati śrīlalite sanāthā
This Rati, grieved by separation from her husband, has met with utterly inauspicious widowhood; but again, by union with the Kāma brought forth by you, she will have a husband, O Śrī Lalitā.
AI translation rendered from the Sanskrit, not a published edition
BndP 3 30.38
तया तु दृष्टेन मनोभवेन संमोहितः पूर्ववदिन्दुमौलिः । चिरं कृतात्यन्तमहासपर्या तां पार्वतीं द्राक्परिणेष्यतीशः
tayā tu dṛṣṭena manobhavena saṃmohitaḥ pūrvavadindumauliḥ / ciraṃ kṛtātyantamahāsaparyā tāṃ pārvatīṃ drākpariṇeṣyatīśaḥ
And the moon-crested one, bewitched as before by the mind-born god whom she beholds, having long been shown exceedingly great worship, the Lord will quickly wed that Pārvatī.
AI translation rendered from the Sanskrit, not a published edition — the model flagged this verse as uncertain
BndP 3 30.39
तयोश्च संगाद्भविता कुमारः समस्तगीर्वाणचमूविनेता । तेनैव वीरेण रणे निरस्य स तारको नाम सुरारिराजः
tayośca saṃgādbhavitā kumāraḥ samastagīrvāṇacamūvinetā / tenaiva vīreṇa raṇe nirasya sa tārako nāma surārirājaḥ
And from their union there will be born a son, the leader of all the armies of the gods; and by that very hero the king of the gods' enemies named Tāraka will be driven off in battle.
AI translation rendered from the Sanskrit, not a published edition
BndP 3 30.40
यो भण्डदैत्यस्य दुराशयस्य मित्रं स लोकत्रयधूमकेतुः । श्रीकण्ठपुत्रैण रणे हतश्चेत्प्राणप्रतिष्ठैव तदा भवेन्नः
yo bhaṇḍadaityasya durāśayasya mitraṃ sa lokatrayadhūmaketuḥ / śrīkaṇṭhaputraiṇa raṇe hataścetprāṇapratiṣṭhaiva tadā bhavennaḥ
He who is the friend of the evil-minded demon Bhaṇḍa, that comet of the three worlds — if he is slain in battle by Śrīkaṇṭha's son, then indeed our life-breath will be restored.
AI translation rendered from the Sanskrit, not a published edition
BndP 3 30.41
तस्मात्त्वमंबत्रिपुरे जनानां मानापहं मन्मथवीरवर्यम् । उत्पाद्यरत्या विधवात्वदुःखमपाकुरु व्याकुलकुन्तलायाः
tasmāttvamaṃbatripure janānāṃ mānāpahaṃ manmathavīravaryam / utpādyaratyā vidhavātvaduḥkhamapākuru vyākulakuntalāyāḥ
Therefore, O Mother Tripurā, having brought forth Manmatha, foremost of heroes, who strips people of their pride, remove the widowhood-sorrow of Rati, whose hair is disordered.
AI translation rendered from the Sanskrit, not a published edition
BndP 3 30.42
एषा त्वनाथा भवतीं प्रपन्ना भर्तृप्रणाशेन कृशाङ्गयष्टिः । नमस्करोति त्रिपुराभिधाने तदत्र कारुण्यकलां विधेहि
eṣā tvanāthā bhavatīṃ prapannā bhartṛpraṇāśena kṛśāṅgayaṣṭiḥ / namaskaroti tripurābhidhāne tadatra kāruṇyakalāṃ vidhehi
She, protectorless, her slender frame wasted by the loss of her husband, has taken refuge in you; she bows down, O you called Tripurā — therefore show here a portion of compassion.
AI translation rendered from the Sanskrit, not a published edition
BndP 3 30.43
हयग्रीव उवाच इति स्तुत्वा महेशानी ब्रह्माद्या विबुधोत्तमाः । तां रतिं दर्शयमासुर्मलिनां शोककर्शितम्
hayagrīva uvāca iti stutvā maheśānī brahmādyā vibudhottamāḥ / tāṃ ratiṃ darśayamāsurmalināṃ śokakarśitam
Hayagrīva said: Having thus praised the great Mistress, Brahmā and the other foremost of gods showed her that Rati, soiled and emaciated with grief.
AI translation rendered from the Sanskrit, not a published edition
BndP 3 30.44
सा पर्यश्रुमुखी कीर्णकुन्तला धूलिधूसरा । ननाम जगदंबां वै वैधव्यत्यक्तभूषणा
sā paryaśrumukhī kīrṇakuntalā dhūlidhūsarā / nanāma jagadaṃbāṃ vai vaidhavyatyaktabhūṣaṇā
She, her face covered with tears, her hair scattered, grey with dust, her ornaments cast off in widowhood, bowed to the Mother of the world.
AI translation rendered from the Sanskrit, not a published edition
BndP 3 30.45
अथ तद्दर्शनोत्पन्नकारुण्या परमेश्वरी । ततः कटाक्षादुत्पन्नः स्मयमानसुखांबुजः
atha taddarśanotpannakāruṇyā parameśvarī / tataḥ kaṭākṣādutpannaḥ smayamānasukhāṃbujaḥ
Then compassion arose in the Supreme Sovereign at the sight of her, and from her sidelong glance there arose (one) whose lotus-face was smiling,
AI translation rendered from the Sanskrit, not a published edition
BndP 3 30.46
पूर्वदेहाधिकरुचिर्मन्मथो मदमेदुरः । द्विभुजः सर्वभूषाढ्यः पुष्पेषुः पुष्पकार्मुकः
pūrvadehādhikarucirmanmatho madameduraḥ / dvibhujaḥ sarvabhūṣāḍhyaḥ puṣpeṣuḥ puṣpakārmukaḥ
Manmatha, more lovely than in his former body, glistening with passion, two-armed, rich in every ornament, with flower-arrows and a flowery bow,
AI translation rendered from the Sanskrit, not a published edition
BndP 3 30.47
आनन्दयन्कटाक्षेण पूर्वजन्मप्रियां रतिम् । अथ सापि रतिर्देवी महत्यानन्दसागरे । मज्जन्ती निजभर्तारमवरोक्य मुदं गता
ānandayankaṭākṣeṇa pūrvajanmapriyāṃ ratim / atha sāpi ratirdevī mahatyānandasāgare / majjantī nijabhartāramavarokya mudaṃ gatā
gladdening with a sidelong glance Rati, his beloved of the former birth. Then that goddess Rati too, plunging into a great ocean of bliss, was filled with joy on beholding her own husband.
AI translation rendered from the Sanskrit, not a published edition
BndP 3 30.48
आनन्दयन्कटाक्षेण पूर्वजन्मप्रियां रतिम् । अथ सापि रतिर्देवी महत्यानन्दसागरे । मज्जन्ती निजभर्तारमवलोक्य मुदं गता
ānandayankaṭākṣeṇa pūrvajanmapriyāṃ ratim / atha sāpi ratirdevī mahatyānandasāgare / majjantī nijabhartāramavalokya mudaṃ gatā
gladdening with a sidelong glance Rati, his beloved of the former birth. Then that goddess Rati too, plunging into a great ocean of bliss, was filled with joy on beholding her own husband.
AI translation rendered from the Sanskrit, not a published edition
BndP 3 30.49
श्यामले स्नापयित्वैनां वस्त्रकाञ्च्यादिभूषणैः । अलङ्कृत्य यथापूर्वं शीघ्रमानीयतामिह
śyāmale snāpayitvaināṃ vastrakāñcyādibhūṣaṇaiḥ / alaṅkṛtya yathāpūrvaṃ śīghramānīyatāmiha
"O Śyāmalā, bathe her, and having adorned her with garments, a girdle and other ornaments as before, let her be brought here quickly."
AI translation rendered from the Sanskrit, not a published edition
BndP 3 30.50
तदाज्ञां शिरसा धृत्वा श्यामा सर्वं तथाकरोत । ब्रह्मर्षिभिर्वसिष्ठाद्यैर्वैवाहि कविधानतः
tadājñāṃ śirasā dhṛtvā śyāmā sarvaṃ tathākarota / brahmarṣibhirvasiṣṭhādyairvaivāhi kavidhānataḥ
Bearing that command upon her head, Śyāmā did all of it accordingly; through the brahmin sages, Vasiṣṭha and the rest, according to the marriage prescriptions,
AI translation rendered from the Sanskrit, not a published edition
BndP 3 30.51
कारयामास दंपत्योः पाणिग्रहणमङ्गलम् । अप्सरोभिश्च सर्वाभिर्नृत्यगीतादिसंयुतम्
kārayāmāsa daṃpatyoḥ pāṇigrahaṇamaṅgalam / apsarobhiśca sarvābhirnṛtyagītādisaṃyutam
she had performed for the couple the auspicious taking of the hand, accompanied by dance, song and the rest by all the apsarases.
AI translation rendered from the Sanskrit, not a published edition
BndP 3 30.52
एतद्दृष्ट्वा महेन्द्राद्या ऋषयश्च तपोधनाः । साधुसाध्विति शंसंतस्तुष्टुवुर्ललितांबिकाम्
etaddṛṣṭvā mahendrādyā ṛṣayaśca tapodhanāḥ / sādhusādhviti śaṃsaṃtastuṣṭuvurlalitāṃbikām
Seeing this, great Indra and the others, and the sages rich in austerity, exclaiming "well done, well done!", praised Mother Lalitā.
AI translation rendered from the Sanskrit, not a published edition
BndP 3 30.53
पुष्पवृष्टिं विमुञ्चन्तः सर्वे सन्तुष्टमानसाः । बभूवुस्तौ महाभक्त्या प्रणम्य ललितेश्वरीम्
puṣpavṛṣṭiṃ vimuñcantaḥ sarve santuṣṭamānasāḥ / babhūvustau mahābhaktyā praṇamya laliteśvarīm
All of them, their minds well pleased, releasing a rain of flowers, and those two, with great devotion, having bowed to Lalitā the Sovereign,
AI translation rendered from the Sanskrit, not a published edition
BndP 3 30.54
तत्पार्श्वे तु समागत्य बद्धाञ्जलिपुटौ स्थितौ । अथ कन्दर्पवीरो ऽपि नमस्कृत्य महेश्वरीम् । व्यज्ञापयदिदं वाक्यं भक्तिनिर्भरमानसः
tatpārśve tu samāgatya baddhāñjalipuṭau sthitau / atha kandarpavīro 'pi namaskṛtya maheśvarīm / vyajñāpayadidaṃ vākyaṃ bhaktinirbharamānasaḥ
coming to her side, stood with their palms joined in salutation. Then the hero Kandarpa too, having saluted the great Sovereign, his mind filled to overflowing with devotion, made known this speech:
AI translation rendered from the Sanskrit, not a published edition
BndP 3 30.55
यद्दग्धमीशनेत्रेण वपुर्मे ललितांबिके । तत्त्वदीयकटाक्षस्य प्रसादात्पुनरागतम्
yaddagdhamīśanetreṇa vapurme lalitāṃbike / tattvadīyakaṭākṣasya prasādātpunarāgatam
"That body of mine which was burned by the eye of Īśa, O Mother Lalitā, has come back through the favour of your sidelong glance.
AI translation rendered from the Sanskrit, not a published edition
BndP 3 30.56
तव पुत्रो ऽस्मि दासो ऽस्मि क्वापि कृत्ये नियुङ्क्ष्व माम् । इत्युक्ता परमेशानी तमाह मकरध्वजम्
tava putro 'smi dāso 'smi kvāpi kṛtye niyuṅkṣva mām / ityuktā parameśānī tamāha makaradhvajam
I am your son, I am your servant; employ me in any task whatever." Thus addressed, the Supreme Sovereign said to him, the Makara-bannered one:
AI translation rendered from the Sanskrit, not a published edition
BndP 3 30.57
श्रीदेव्युवाच वत्सागच्छ मनोजन्मन्न भयं तव विद्यते । मत्प्रसादाज्जगत्सर्वं मोहयाव्याहताशुग
śrīdevyuvāca vatsāgaccha manojanmanna bhayaṃ tava vidyate / matprasādājjagatsarvaṃ mohayāvyāhatāśuga
The Glorious Goddess said: Come, child, born of the mind; there is no fear for you. By my grace bewilder the whole world, O you whose arrows are unobstructed.
AI translation rendered from the Sanskrit, not a published edition
BndP 3 30.58
तद्बाणपातनाज्जातधैर्यविप्लव ईश्वरः । पर्वतस्य सुतां गौरीं परिणेष्यति सत्वरम्
tadbāṇapātanājjātadhairyaviplava īśvaraḥ / parvatasya sutāṃ gaurīṃ pariṇeṣyati satvaram
By the striking of your arrow Īśvara's composure will be shattered, and he will swiftly marry Gaurī, the daughter of the Mountain.
AI translation rendered from the Sanskrit, not a published edition
BndP 3 30.59
सहस्रकोटयः कामा मत्प्रसादात्त्वदुद्भवाः । सर्वेषां देहमाविश्य दास्यन्ति रतिमुत्तमाम्
sahasrakoṭayaḥ kāmā matprasādāttvadudbhavāḥ / sarveṣāṃ dehamāviśya dāsyanti ratimuttamām
By my grace a thousand crores of Kāmas, sprung from you, entering the bodies of all, will grant the highest pleasure.
AI translation rendered from the Sanskrit, not a published edition
BndP 3 30.60
मत्प्रसादेन वैराग्यात्संक्रुद्धो ऽपि स ईश्वरः । देहदाहं विधातुं ते न समर्थो भविष्यति
matprasādena vairāgyātsaṃkruddho 'pi sa īśvaraḥ / dehadāhaṃ vidhātuṃ te na samartho bhaviṣyati
By my grace, even that Īśvara, enraged out of his detachment, will not be able to accomplish the burning of your body.
AI translation rendered from the Sanskrit, not a published edition
BndP 3 30.61
अदृश्यमूर्तिः सर्वेषां प्राणिनां भवमोहनः । स्वभार्याविरहाशङ्की देहस्यार्धं प्रदास्यति । प्रयातो ऽसौ कातरात्मा त्वद्बाणाहतमानसः
adṛśyamūrtiḥ sarveṣāṃ prāṇināṃ bhavamohanaḥ / svabhāryāvirahāśaṅkī dehasyārdhaṃ pradāsyati / prayāto 'sau kātarātmā tvadbāṇāhatamānasaḥ
(Śiva,) whose form is unseen by all living beings, the deluder of the world — fearing separation from his own wife, he will give (her) half of his body; he has gone off, his spirit unnerved, his mind struck by your arrow.
AI translation rendered from the Sanskrit, not a published edition — the model flagged this verse as uncertain
BndP 3 30.62
अद्य प्रभृति कन्दर्प मत्प्रसादान्महीयसः । त्वन्निन्दां ये करिष्यन्ति त्वयि वा विमुखाशयाः । अवश्यं क्लीबतैव स्यात्तेषां जन्मनिजन्मनि
adya prabhṛti kandarpa matprasādānmahīyasaḥ / tvannindāṃ ye kariṣyanti tvayi vā vimukhāśayāḥ / avaśyaṃ klībataiva syātteṣāṃ janmanijanmani
From this day on, Kandarpa, by my favour you are exalted: those who revile you, or whose minds are turned away from you, shall inevitably become impotent, birth after birth.
AI translation rendered from the Sanskrit, not a published edition
BndP 3 30.63
ये पापिष्ठा दुरात्मानो मद्भक्तद्रोहिणश्च हि । तानगम्यासु नारीषु पातयित्वा विनाशय
ye pāpiṣṭhā durātmāno madbhaktadrohiṇaśca hi / tānagamyāsu nārīṣu pātayitvā vināśaya
Those who are most sinful, evil-souled, and hostile to my devotees — make them fall upon women who may not be approached, and destroy them.
AI translation rendered from the Sanskrit, not a published edition
BndP 3 30.64
येषां मदीय पूजासु मद्भक्तेष्वादृतं मनः । तेषां कामसुखं सर्वं संपादय समीप्सितम्
yeṣāṃ madīya pūjāsu madbhakteṣvādṛtaṃ manaḥ / teṣāṃ kāmasukhaṃ sarvaṃ saṃpādaya samīpsitam
But those whose minds are respectful toward worship of me and toward my devotees — for them accomplish every desired pleasure of love.
AI translation rendered from the Sanskrit, not a published edition
BndP 3 30.65
इति श्रीललितादेव्या कृताज्ञावचनं स्मरः । तथेति शिरसा बिभ्रत्सांजलिर्निर्ययौ ततः
iti śrīlalitādevyā kṛtājñāvacanaṃ smaraḥ / tatheti śirasā bibhratsāṃjalirniryayau tataḥ
Smara, bearing on his head with folded hands the command thus given by the blessed goddess Lalitā, saying "So be it," went forth from there.
AI translation rendered from the Sanskrit, not a published edition
BndP 3 30.66
तस्यानङ्गस्य सर्वेभ्यो रोमकूपेभ्य उत्थिताः । बहवः शोभनाकारा मदना विश्वमोहनाः
tasyānaṅgasya sarvebhyo romakūpebhya utthitāḥ / bahavaḥ śobhanākārā madanā viśvamohanāḥ
From all the pores of that bodiless one there arose many Madanas of lovely form, deluders of the universe.
AI translation rendered from the Sanskrit, not a published edition
BndP 3 30.67
तैर्विमोह्य समस्तं च जगच्चक्रं मनोभवः । पुनः स्थाण्वाश्रमं प्राप चन्द्रमौलेर्जिगीषया
tairvimohya samastaṃ ca jagaccakraṃ manobhavaḥ / punaḥ sthāṇvāśramaṃ prāpa candramaulerjigīṣayā
And having deluded the whole circle of the world with them, the mind-born one again reached the hermitage of Sthāṇu, wishing to conquer the moon-crested god.
AI translation rendered from the Sanskrit, not a published edition
BndP 3 30.68
वसंतेन च मित्रेण सेनान्या शीतरोचिषा । रागेण पीठमर्देन मन्दानिलरयेण च
vasaṃtena ca mitreṇa senānyā śītarociṣā / rāgeṇa pīṭhamardena mandānilarayeṇa ca
Together with his friend Spring, with the cool-rayed moon as his general, with Passion as his companion, and with the rush of the gentle breeze,
AI translation rendered from the Sanskrit, not a published edition
BndP 3 30.69
पुंस्कोकिलगलत्स्वानकाहलीभिश्च संयुतः । शृङ्गारवीरसंपन्नो रत्यालिङ्गितविग्रहः
puṃskokilagalatsvānakāhalībhiśca saṃyutaḥ / śṛṅgāravīrasaṃpanno ratyāliṅgitavigrahaḥ
and accompanied by kettledrums that were the notes issuing from the throats of male cuckoos, endowed with the erotic and heroic sentiments, his body embraced by Rati,
AI translation rendered from the Sanskrit, not a published edition
BndP 3 30.70
जैत्र शरासनं धुन्वन्प्रवीराणां पुरोगमः । मदनारेरभिमुखं प्राप्य निभय आस्थितः
jaitra śarāsanaṃ dhunvanpravīrāṇāṃ purogamaḥ / madanārerabhimukhaṃ prāpya nibhaya āsthitaḥ
shaking his victorious bow, at the head of his champions, having come face to face with the foe of Madana, he stood without fear.
AI translation rendered from the Sanskrit, not a published edition
BndP 3 30.71
तपोनिष्ठं चन्द्रचूडं ताडयामास सायकैः । अथ कन्दर्पबाणौधैस्ताडितश्चन्द्रशेखरः । दूरीचकार वैराग्यं तपस्तत्त्याज दुष्करम्
taponiṣṭhaṃ candracūḍaṃ tāḍayāmāsa sāyakaiḥ / atha kandarpabāṇaudhaistāḍitaścandraśekharaḥ / dūrīcakāra vairāgyaṃ tapastattyāja duṣkaram
He struck with his arrows the moon-crested one who was intent on austerity; then, struck by the flood of Kandarpa's arrows, the moon-diademed god put dispassion far away and abandoned that hard-won austerity.
AI translation rendered from the Sanskrit, not a published edition
BndP 3 30.72
नियमानखिलांस्त्यक्त्वा त्यक्तधैर्यः शिवः कृतः । तामेव पार्वतीं ध्यात्वा भूयोभूयः स्मरातुरः
niyamānakhilāṃstyaktvā tyaktadhairyaḥ śivaḥ kṛtaḥ / tāmeva pārvatīṃ dhyātvā bhūyobhūyaḥ smarāturaḥ
Abandoning all his observances, Śiva was made to lose his composure; meditating on that very Pārvatī again and again, he was tormented by love.
AI translation rendered from the Sanskrit, not a published edition
BndP 3 30.73
निशश्वास वहञ्शर्वः पाण्डुरं गण्डमण्डलम् । बाष्पायमाणो विरही संतप्तो धैर्यविप्लवात् । भूयोभूयो गिरिसुतां पूर्वदृष्टामनुस्मरन्
niśaśvāsa vahañśarvaḥ pāṇḍuraṃ gaṇḍamaṇḍalam / bāṣpāyamāṇo virahī saṃtapto dhairyaviplavāt / bhūyobhūyo girisutāṃ pūrvadṛṣṭāmanusmaran
Śarva sighed, wearing a pale cheek; separated and weeping, burning from the collapse of his self-control, remembering again and again the mountain's daughter whom he had seen before.
AI translation rendered from the Sanskrit, not a published edition
BndP 3 30.74
अनङ्गबाणदहनैस्तप्यमानस्य शूलिनः । न चन्द्ररेखा नो गङ्गा देहतापच्छिदे ऽभवत्
anaṅgabāṇadahanaistapyamānasya śūlinaḥ / na candrarekhā no gaṅgā dehatāpacchide 'bhavat
For the trident-bearer, scorched by the burnings of the bodiless one's arrows, neither the crescent moon nor the Gaṅgā served to cut off the body's heat.
AI translation rendered from the Sanskrit, not a published edition
BndP 3 30.75
नन्दिभृङ्गिमहाकालप्रमुखैर्गणमण्डलैः । आहृते पुष्पशयने विलुलोठ मुहुर्मुहुः
nandibhṛṅgimahākālapramukhairgaṇamaṇḍalaiḥ / āhṛte puṣpaśayane viluloṭha muhurmuhuḥ
On the flower-bed brought by the troops of gaṇas headed by Nandin, Bhṛṅgin and Mahākāla, he rolled about again and again.
AI translation rendered from the Sanskrit, not a published edition
BndP 3 30.76
नन्दिनो हस्तमालंब्य पुष्पतल्पान्तरात्पुनः । पुष्पतल्पान्तरं गत्वा व्यचेष्टत मुहुर्मुहुः
nandino hastamālaṃbya puṣpatalpāntarātpunaḥ / puṣpatalpāntaraṃ gatvā vyaceṣṭata muhurmuhuḥ
Leaning on Nandin's hand, going again from one flower-couch to another flower-couch, he tossed about again and again.
AI translation rendered from the Sanskrit, not a published edition
BndP 3 30.77
न पुष्पशयनेनेन्दुखण्डनिर्गलितामृते । न हिमानीपयसि वा निवृत्तस्तद्वपुर्ज्वरः
na puṣpaśayanenendukhaṇḍanirgalitāmṛte / na himānīpayasi vā nivṛttastadvapurjvaraḥ
Neither by the flower-bed, nor by the nectar dripping from the crescent moon, nor by the water of snow was that fever of his body driven off.
AI translation rendered from the Sanskrit, not a published edition
BndP 3 30.78
स तनेरतनुज्वालां शमयिष्यन्मुहुर्मुहुः । शिलीभूतान्हिमपयः पट्टानध्यवसच्छिवः । भूयः शैलसुतारूपं चित्रपट्टे नखैर्लिखत्
sa taneratanujvālāṃ śamayiṣyanmuhurmuhuḥ / śilībhūtānhimapayaḥ paṭṭānadhyavasacchivaḥ / bhūyaḥ śailasutārūpaṃ citrapaṭṭe nakhairlikhat
Wishing again and again to quench the flame of the bodiless one in his body, Śiva lay upon slabs of snow-water turned to stone; and again he drew with his nails the form of the mountain's daughter on a painted cloth.
AI translation rendered from the Sanskrit, not a published edition
BndP 3 30.79
तदालोकनतो ऽदूरमनङ्गार्तिमवर्धयत् । तामालिख्य ह्रिया नम्रां वीक्षमाणां कटाक्षतः
tadālokanato 'dūramanaṅgārtimavardhayat / tāmālikhya hriyā namrāṃ vīkṣamāṇāṃ kaṭākṣataḥ
By gazing at it he only increased, close at hand, the pain of love — having drawn her bent with modesty, glancing sidelong.
AI translation rendered from the Sanskrit, not a published edition — the model flagged this verse as uncertain
BndP 3 30.80
तच्चित्रपट्टमङ्गेषु रोमहर्षेषु चाक्षिपत् । चिन्तासंगेन महता महात्या रतिसंपदा । भूयसा स्मरतापेन विव्यथे विषमेक्षणः
taccitrapaṭṭamaṅgeṣu romaharṣeṣu cākṣipat / cintāsaṃgena mahatā mahātyā ratisaṃpadā / bhūyasā smaratāpena vivyathe viṣamekṣaṇaḥ
He pressed that painted cloth against his limbs, their hair bristling; with a great burden of brooding, with that great abundance of love, with a mounting fever of desire, the odd-eyed god suffered.
AI translation rendered from the Sanskrit, not a published edition
BndP 3 30.81
तामेव सर्वतः पश्यंस्तस्यामेव मनो दिशन् । तथैव संल्लपन्सार्धमुन्मादेनोपपन्नया
tāmeva sarvataḥ paśyaṃstasyāmeva mano diśan / tathaiva saṃllapansārdhamunmādenopapannayā
Seeing her everywhere, directing his mind toward her alone, and likewise conversing (with her) together with the madness that had come upon him.
AI translation rendered from the Sanskrit, not a published edition
BndP 3 30.82
तन्मात्रभूतहृदयस्तच्चित्तस्तत्परायणः । तत्कथासुधया नीतसमस्तरजनीदिनः
tanmātrabhūtahṛdayastaccittastatparāyaṇaḥ / tatkathāsudhayā nītasamastarajanīdinaḥ
His heart become nothing but her, his thought on her, devoted to her, all his nights and days passed with the nectar of talk about her.
AI translation rendered from the Sanskrit, not a published edition
BndP 3 30.83
तच्छीलवर्णन रतस्तद्रूपालोकनोत्सुकः । तच्चारुभोगसंकल्पमालाकरसुमालिकः । तन्मयत्वमनुप्राप्तस्ततापातितरां शिवः
tacchīlavarṇana ratastadrūpālokanotsukaḥ / taccārubhogasaṃkalpamālākarasumālikaḥ / tanmayatvamanuprāptastatāpātitarāṃ śivaḥ
Delighting in the praise of her character, eager to gaze on her form, weaving garlands of imagined lovely enjoyments of her—Śiva, having reached identity with her, burned all the more with that (fever).
AI translation rendered from the Sanskrit, not a published edition
BndP 3 30.84
इमां मनोभव रुजमचिकित्स्यां स धूर्जटिः । अवलोक्य विवाहाय भृशमुद्यमवानभूत्
imāṃ manobhava rujamacikitsyāṃ sa dhūrjaṭiḥ / avalokya vivāhāya bhṛśamudyamavānabhūt
Seeing this incurable sickness (caused by) Manobhava (the god of love), that Dhūrjaṭi (Śiva) became greatly intent upon marriage.
AI translation rendered from the Sanskrit, not a published edition
BndP 3 30.85
इत्थं विमोह्य तं देवं कन्दर्पो ललिताज्ञया । अथ तां पर्वतसुतामाशुगैरभ्यतापयत्
itthaṃ vimohya taṃ devaṃ kandarpo lalitājñayā / atha tāṃ parvatasutāmāśugairabhyatāpayat
Having thus bewildered that god, Kandarpa (Love), at Lalitā's command, then afflicted her, the mountain's daughter, with his swift arrows.
AI translation rendered from the Sanskrit, not a published edition
BndP 3 30.86
प्रभूतविरहज्वालामलिनैः श्वसितानलैः । शुष्यमाणाधरदलो भृशं पाण्डुकपोलभूः
prabhūtavirahajvālāmalinaiḥ śvasitānalaiḥ / śuṣyamāṇādharadalo bhṛśaṃ pāṇḍukapolabhūḥ
With the fires of her sighs darkened by the abundant flame of separation, the petal of her lower lip drying up, the ground of her cheeks utterly pale;
AI translation rendered from the Sanskrit, not a published edition
BndP 3 30.87
नाहारे वा न शयने न स्वापे धृतिमिच्छति । मखीसहस्रैः सिषिचे नित्यं शीतोपचारकैः
nāhāre vā na śayane na svāpe dhṛtimicchati / makhīsahasraiḥ siṣice nityaṃ śītopacārakaiḥ
She found no steadiness in food, nor in her bed, nor in sleep; she was constantly sprinkled by thousands of attendant women with cooling treatments.
AI translation rendered from the Sanskrit, not a published edition
BndP 3 30.88
पुनः पुनस्तप्यमाना पुनरेव च विह्वला । न जगाम रुजाशान्ति मन्मथाग्नेर्महीयसः
punaḥ punastapyamānā punareva ca vihvalā / na jagāma rujāśānti manmathāgnermahīyasaḥ
Burning again and again, and again and again distraught, she attained no calming of the sickness (caused by) the mighty fire of love.
AI translation rendered from the Sanskrit, not a published edition
BndP 3 30.89
न निद्रां पार्वती भेजे विरहेणोपतापिता । स्वतनोस्तापनेनासौ पितुः खेदमवर्धयत्
na nidrāṃ pārvatī bheje viraheṇopatāpitā / svatanostāpanenāsau pituḥ khedamavardhayat
Pārvatī did not partake of sleep, tormented by separation; by the burning of her own body she increased her father's grief.
AI translation rendered from the Sanskrit, not a published edition
BndP 3 30.90
अप्रतीकारपुरुषं विरहं तुहितुः शिवे । अवलोक्य स शैलेन्द्रो महादुःखमवाप्तवान्
apratīkārapuruṣaṃ virahaṃ tuhituḥ śive / avalokya sa śailendro mahāduḥkhamavāptavān
Seeing his daughter's separation from Śiva, for which no man was a remedy, that lord of mountains attained great sorrow.
AI translation rendered from the Sanskrit, not a published edition
BndP 3 30.91
भद्रे त्वं तपसा देवं तोषयित्वा महेश्वरम् । भार्तारं तं समृच्छेति पित्रा सम्प्रेरिताथ सा
bhadre tvaṃ tapasā devaṃ toṣayitvā maheśvaram / bhārtāraṃ taṃ samṛccheti pitrā sampreritātha sā
"Good lady, having pleased the god Maheśvara by ascetic practice, obtain him as your husband"—thus urged by her father, she then...
AI translation rendered from the Sanskrit, not a published edition
BndP 3 30.92
हिमवच्छैलशिखरे गौरीशिखरनामनि । वकार पतिलाभाय पार्वती दुष्करं तपः
himavacchailaśikhare gaurīśikharanāmani / vakāra patilābhāya pārvatī duṣkaraṃ tapaḥ
On the peak of the Himālaya mountain called Gaurīśikhara, Pārvatī performed hard austerity in order to win her husband.
AI translation rendered from the Sanskrit, not a published edition
BndP 3 30.93
शिशिरेषु जलावासा ग्रीष्मे दहनमध्यगा । अर्के निविष्टदृष्टिश्च सुघोरं तप आस्थिता
śiśireṣu jalāvāsā grīṣme dahanamadhyagā / arke niviṣṭadṛṣṭiśca sughoraṃ tapa āsthitā
In the cold seasons dwelling in water, in the hot season standing amid fire, and with her gaze fixed on the sun, she undertook most terrible austerity.
AI translation rendered from the Sanskrit, not a published edition
BndP 3 30.94
तेनैव तपसा तुष्टः सान्निध्यं दत्तवाञ्छिवः । अङ्गीचकार तां भार्यां वैवाहिकविधानतः
tenaiva tapasā tuṣṭaḥ sānnidhyaṃ dattavāñchivaḥ / aṅgīcakāra tāṃ bhāryāṃ vaivāhikavidhānataḥ
Pleased by that very austerity, Śiva granted his presence, and accepted her as his wife according to the marriage rite.
AI translation rendered from the Sanskrit, not a published edition
BndP 3 30.95
अथाद्रिपतिना दत्तां तनयां नलिनेक्षणाम् । सप्तर्षिद्वारतः पूर्वं प्रार्थितामुदवोढ सः
athādripatinā dattāṃ tanayāṃ nalinekṣaṇām / saptarṣidvārataḥ pūrvaṃ prārthitāmudavoḍha saḥ
Then he wedded the lotus-eyed daughter given by the lord of mountains, previously asked for through the mediation of the seven seers.
AI translation rendered from the Sanskrit, not a published edition
BndP 3 30.96
तया च रममाणो ऽसौ बहुकालं महेश्वरः । ओषधीप्रस्थनगरे श्वशुरस्य गृहे ऽवसत्
tayā ca ramamāṇo 'sau bahukālaṃ maheśvaraḥ / oṣadhīprasthanagare śvaśurasya gṛhe 'vasat
And Maheśvara, taking pleasure with her, dwelt for a long time in the city of Oṣadhīprastha, in his father-in-law's house.
AI translation rendered from the Sanskrit, not a published edition
BndP 3 30.97
पुनः कैलासमागत्य समस्तैः प्रमथैः सह । पार्वतीमानिनायाद्रिनाथस्य प्रीतिमावहत्
punaḥ kailāsamāgatya samastaiḥ pramathaiḥ saha / pārvatīmānināyādrināthasya prītimāvahat
Coming again to Kailāsa with all the Pramathas, he brought Pārvatī (there) and produced the delight of the mountain lord.
AI translation rendered from the Sanskrit, not a published edition
BndP 3 30.98
रममाणस्तया सार्थं कैलासे मन्दरे तथा । विन्ध्याद्रौ हेमशैले च मलये पारियात्रके
ramamāṇastayā sārthaṃ kailāse mandare tathā / vindhyādrau hemaśaile ca malaye pāriyātrake
Taking pleasure together with her on Kailāsa and on Mandara, on the Vindhya mountain, on Hemaśaila, on Malaya and on Pāriyātra,
AI translation rendered from the Sanskrit, not a published edition
BndP 3 30.99
नानाविधेषु स्थानेषु रतिं प्राप महेश्वरः । अथ तस्यां ससर्जोग्रं वीर्यं सा सोढुमक्षमा
nānāvidheṣu sthāneṣu ratiṃ prāpa maheśvaraḥ / atha tasyāṃ sasarjograṃ vīryaṃ sā soḍhumakṣamā
Maheśvara found his pleasure in places of many kinds. Then he emitted his fierce seed in her; she was unable to bear it.
AI translation rendered from the Sanskrit, not a published edition
BndP 3 30.100
भुव्यत्यजत्सापि वह्नौ कृत्तिकासु स चाक्षिपत् । ताश्च गङ्गाजले ऽमुञ्चन्सा चैव शरकानने
bhuvyatyajatsāpi vahnau kṛttikāsu sa cākṣipat / tāśca gaṅgājale 'muñcansā caiva śarakānane
She released it on the earth, and he cast it into the fire, into the Kṛttikās; and they released it into the water of the Gaṅgā, and she in turn into the reed-thicket.
AI translation rendered from the Sanskrit, not a published edition
BndP 3 30.101
तत्रोद्भूतो महावीरो महासेनः षडाननः । गङ्गायाश्चान्तिकं नीतो धूर्जटिर्वृद्धि मागमत्
tatrodbhūto mahāvīro mahāsenaḥ ṣaḍānanaḥ / gaṅgāyāścāntikaṃ nīto dhūrjaṭirvṛddhi māgamat
There arose the great hero Mahāsena, the six-faced one; and taken to the vicinity of Gaṅgā, the matted-haired one attained growth.
AI translation rendered from the Sanskrit, not a published edition — the model flagged this verse as uncertain
BndP 3 30.102
स वर्धमानो दिवसेदिवसे तीव्रविक्रमः । शिक्षितो निजतातेन सर्वा विद्या अवाप्तवान्
sa vardhamāno divasedivase tīvravikramaḥ / śikṣito nijatātena sarvā vidyā avāptavān
Growing day by day, of fierce valour, and taught by his own father, he acquired all the branches of knowledge.
AI translation rendered from the Sanskrit, not a published edition
BndP 3 30.103
अथ तातकृतानुज्ञः सुरसैन्यपतिर्भवन् । तारकं मारयामास समस्तैः सह दानवैः
atha tātakṛtānujñaḥ surasainyapatirbhavan / tārakaṃ mārayāmāsa samastaiḥ saha dānavaiḥ
Then, with his father's permission granted, becoming lord of the army of the gods, he had Tāraka slain together with all the Dānavas.
AI translation rendered from the Sanskrit, not a published edition
BndP 3 30.104
ततस्तारकदैत्येन्द्रवधसन्तोषशालिना । शक्रेण दत्तां स गुहो देवसेनामुपानयत्
tatastārakadaityendravadhasantoṣaśālinā / śakreṇa dattāṃ sa guho devasenāmupānayat
Then that Guha married Devasenā, given (to him) by Śakra, who was full of joy at the slaying of Tāraka, the lord of the demons.
AI translation rendered from the Sanskrit, not a published edition
BndP 3 30.105
सा शक्रतनया देवसेना नाम यशस्विनी । आसाद्यरमणं स्कन्दमानन्दं मृशमादधौ
sā śakratanayā devasenā nāma yaśasvinī / āsādyaramaṇaṃ skandamānandaṃ mṛśamādadhau
That illustrious daughter of Śakra, Devasenā by name, having obtained Skanda as her lover, felt exceeding delight.
AI translation rendered from the Sanskrit, not a published edition
BndP 3 30.106
इत्थं संमोहिताशेषविश्वचक्रो मनोभवः । देवकार्यं सुसम्पाद्य जगाम श्रीपुरं पुनः
itthaṃ saṃmohitāśeṣaviśvacakro manobhavaḥ / devakāryaṃ susampādya jagāma śrīpuraṃ punaḥ
Thus Manobhava (the Mind-born, Kāma), who had bewildered the entire circle of the universe, having well accomplished the business of the gods, went again to Śrīpura.
AI translation rendered from the Sanskrit, not a published edition
BndP 3 30.107
यत्र श्रीनगरे पुण्ये ललिता परमेश्वरी । वर्तते जगतामृद्ध्यै तत्र तां सेवितुं ययौ
yatra śrīnagare puṇye lalitā parameśvarī / vartate jagatāmṛddhyai tatra tāṃ sevituṃ yayau
Where in the holy city of Śrī, Lalitā the supreme sovereign lady abides for the prosperity of the worlds, there he went to serve her.
AI translation rendered from the Sanskrit, not a published edition