Brahmanda Purana — Uttara Bhaga — Chapter 28
BndP 3 28.1
रणेभग्नं महादैत्यं भण्डदैत्यः सहोदरम् । सेनानां कदनं श्रुत्वा सन्तप्तो बहुचिन्तया
raṇebhagnaṃ mahādaityaṃ bhaṇḍadaityaḥ sahodaram / senānāṃ kadanaṃ śrutvā santapto bahucintayā
Hearing that the great daitya, his own brother, had been broken in battle, and of the slaughter of the armies, the daitya Bhaṇḍa was tormented by much anxiety.
AI translation rendered from the Sanskrit, not a published edition
BndP 3 28.2
उभावपि समेतौ तौ युक्तौ सर्वैश्चसैनिकैः । प्रेषयामास युद्धाय भण्डदैत्यः सहोदरौ
ubhāvapi sametau tau yuktau sarvaiścasainikaiḥ / preṣayāmāsa yuddhāya bhaṇḍadaityaḥ sahodarau
The daitya Bhaṇḍa sent forth to battle both his brothers, joined together and furnished with all the soldiers.
AI translation rendered from the Sanskrit, not a published edition
BndP 3 28.3
तावुभौ परमक्रुद्धौ भण्डदैत्येन देशितौ । विषङ्गश्च विशुक्रश्च महोद्यम मवापनुः
tāvubhau paramakruddhau bhaṇḍadaityena deśitau / viṣaṅgaśca viśukraśca mahodyama mavāpanuḥ
Those two, Viṣaṅga and Viśukra, exceedingly enraged, being directed by the daitya Bhaṇḍa, undertook a great effort.
AI translation rendered from the Sanskrit, not a published edition
BndP 3 28.4
कनिष्ठसहितं तत्र युवराजं महाबलम् । विशुक्रमनुवव्राज सेना त्रैलोक्यकम्पिनी
kaniṣṭhasahitaṃ tatra yuvarājaṃ mahābalam / viśukramanuvavrāja senā trailokyakampinī
There an army that made the three worlds tremble followed the mighty crown prince Viśukra, who was accompanied by his younger brother.
AI translation rendered from the Sanskrit, not a published edition
BndP 3 28.5
अक्षौहिणीचतुःशत्या सेनानामावृतश्च सः । युवराजः प्रववृधे प्रतापेन महीयसा
akṣauhiṇīcatuḥśatyā senānāmāvṛtaśca saḥ / yuvarājaḥ pravavṛdhe pratāpena mahīyasā
And surrounded by four hundred akṣauhiṇīs of troops, that crown prince swelled with a most mighty splendour.
AI translation rendered from the Sanskrit, not a published edition
BndP 3 28.6
उलूकजित्प्रभृतयो भागिनेया दशोद्धताः । भण्डस्य च भगिन्यान्तु धूमिन्यां जातयोनयः
ulūkajitprabhṛtayo bhāgineyā daśoddhatāḥ / bhaṇḍasya ca bhaginyāntu dhūminyāṃ jātayonayaḥ
Ten overbearing sisters' sons, Ulūkajit and the rest, who had been born from the womb of Dhūminī, Bhaṇḍa's sister,
AI translation rendered from the Sanskrit, not a published edition
BndP 3 28.7
कृतास्त्रशिक्षा भण्डेन मातुलेन महीयसा । विक्रमेण वलन्तस्ते सेनानाथाः प्रतस्थिरे
kṛtāstraśikṣā bhaṇḍena mātulena mahīyasā / vikrameṇa valantaste senānāthāḥ pratasthire
whose training in weapons had been given by their mighty maternal uncle Bhaṇḍa — those commanders of armies set out, strong in prowess.
AI translation rendered from the Sanskrit, not a published edition
BndP 3 28.8
प्रोद्गतैश्चापनिर्घोषैर्घोषयन्तो दिशो दश । द्वयोर्मातुलयोः प्रीतिं भागिनेया वितेनिरे
prodgataiścāpanirghoṣairghoṣayanto diśo daśa / dvayormātulayoḥ prītiṃ bhāgineyā vitenire
Making the ten directions resound with the rising twang of their bows, the sisters' sons afforded delight to their two uncles.
AI translation rendered from the Sanskrit, not a published edition
BndP 3 28.9
आरूढयानाः प्रत्येकगाढाहङ्कारशालिनः । आकृष्टगुरुधन्वानो विशुक्रमनुवव्रजुः
ārūḍhayānāḥ pratyekagāḍhāhaṅkāraśālinaḥ / ākṛṣṭagurudhanvāno viśukramanuvavrajuḥ
Mounted on their vehicles, each conspicuous with dense arrogance, their heavy bows drawn back, they marched after Viśukra.
AI translation rendered from the Sanskrit, not a published edition
BndP 3 28.10
यौवराज्यप्रभाचिह्नच्छत्रचामरशोभितः । आरूढवारणः प्राप विशुक्रो युद्धमेदिनीम्
yauvarājyaprabhācihnacchatracāmaraśobhitaḥ / ārūḍhavāraṇaḥ prāpa viśukro yuddhamedinīm
Resplendent with the parasol and yak-tail whisks that are the tokens of the majesty of a crown prince, mounted on an elephant, Viśukra reached the field of battle.
AI translation rendered from the Sanskrit, not a published edition
BndP 3 28.11
ततः कलकलारावकारिण्या सेनया वृतः । विशुक्रः पटु दध्वान सिंहनादं भयङ्करम्
tataḥ kalakalārāvakāriṇyā senayā vṛtaḥ / viśukraḥ paṭu dadhvāna siṃhanādaṃ bhayaṅkaram
Then, surrounded by the army that made a tumultuous din, Viśukra sounded loud and clear a terrifying lion's roar.
AI translation rendered from the Sanskrit, not a published edition
BndP 3 28.12
तत्क्षोभात्क्षुभितस्वान्ताः शक्तयः संभ्रमोद्धताः । अग्निप्राकारवलयान्निर्जगमुर्बद्धपङ्कयः
tatkṣobhātkṣubhitasvāntāḥ śaktayaḥ saṃbhramoddhatāḥ / agniprākāravalayānnirjagamurbaddhapaṅkayaḥ
With their hearts shaken by that shock, the Śaktis, excited by agitation, came out from the encircling rampart of fire, their ranks drawn up.
AI translation rendered from the Sanskrit, not a published edition
BndP 3 28.13
तडिन्मयमिवाकाशं कुर्वन्त्यः स्वस्वरोचिषा । रक्ताम्वुजावृतमिव व्योमचक्रं रणोन्मुखाः
taḍinmayamivākāśaṃ kurvantyaḥ svasvarociṣā / raktāmvujāvṛtamiva vyomacakraṃ raṇonmukhāḥ
Making the sky as if made of lightning by the radiance each of them had, (making) the circle of heaven as if covered with red lotuses, they faced the battle.
AI translation rendered from the Sanskrit, not a published edition
BndP 3 28.14
अथ भण्डकनीयांसावागतौ युद्धदुर्मदौ । निशम्य युगपद्योद्धं मन्त्रिणीदण्डनायके
atha bhaṇḍakanīyāṃsāvāgatau yuddhadurmadau / niśamya yugapadyoddhaṃ mantriṇīdaṇḍanāyake
Then, hearing that Bhaṇḍa's two younger brothers had arrived, mad for battle, the Minister-goddess and the Commander of the forces (set out) at once to fight,
AI translation rendered from the Sanskrit, not a published edition
BndP 3 28.15
किरिचकं ज्ञेयचक्रमारूढे रथशेखरम् । धृतातपत्रवलये चामराभ्यां च वीजिते
kiricakaṃ jñeyacakramārūḍhe rathaśekharam / dhṛtātapatravalaye cāmarābhyāṃ ca vījite
the two of them mounted on the Kiricakra and the Jñeyacakra, the foremost of chariots, with rings of parasols held (over them) and fanned with two whisks,
AI translation rendered from the Sanskrit, not a published edition
BndP 3 28.16
अप्सरोभिः प्रनृत्ताभिर्गीयमानमहोदये । निर्जगमतू रणं कर्तुमुभाभ्यां ललिताज्ञया
apsarobhiḥ pranṛttābhirgīyamānamahodaye / nirjagamatū raṇaṃ kartumubhābhyāṃ lalitājñayā
their great triumph sung while Apsarases danced (before them) — the two went forth to make war, by Lalitā's command.
AI translation rendered from the Sanskrit, not a published edition
BndP 3 28.17
श्रीचक्ररथराजस्य रक्षणार्थं निवेशिते । शताक्षौहिणिकां सेनां वर्जयित्वास्त्रभीषणम्
śrīcakraratharājasya rakṣaṇārthaṃ niveśite / śatākṣauhiṇikāṃ senāṃ varjayitvāstrabhīṣaṇam
Excepting the army of a hundred akṣauhiṇīs, terrible with weapons, which had been stationed for the protection of the Śrīcakra, king of chariots,
AI translation rendered from the Sanskrit, not a published edition
BndP 3 28.18
अन्यत्सर्वं चमुजालं निर्जगाम रणोन्मुखी । पुरतः प्राचलद्दण्डनाथा रथनिषेदुषी
anyatsarvaṃ camujālaṃ nirjagāma raṇonmukhī / purataḥ prācaladdaṇḍanāthā rathaniṣeduṣī
all the rest of the mass of troops marched out, eager for battle; in front moved Daṇḍanāthā, seated in her chariot,
AI translation rendered from the Sanskrit, not a published edition
BndP 3 28.19
एकयैव कराङ्गुल्या घूर्णयन्ती हलायुधम् । मुसलं चान्यहस्तेन भ्रामयन्ती मुहुर्मुहुः
ekayaiva karāṅgulyā ghūrṇayantī halāyudham / musalaṃ cānyahastena bhrāmayantī muhurmuhuḥ
whirling the plough-weapon with a single finger of her hand, and with her other hand brandishing the pestle again and again,
AI translation rendered from the Sanskrit, not a published edition
BndP 3 28.20
तरलेन्दुकलाचूडास्फुरत्पोत्रमुखाम्बुजा । पुरः प्रहर्त्री समरे सर्वदा विक्रमोद्धता । अस्या अनुप्रचलिता गेयचक्ररथस्थिता
taralendukalācūḍāsphuratpotramukhāmbujā / puraḥ prahartrī samare sarvadā vikramoddhatā / asyā anupracalitā geyacakrarathasthitā
her lotus face with its gleaming snout and her crest with the tremulous crescent moon — she who strikes first in battle, always exalted in valour. Behind her moved (the Minister-goddess), stationed in the Geyacakra chariot,
AI translation rendered from the Sanskrit, not a published edition
BndP 3 28.21
धनुषो ध्वनिना विश्वं पूरयन्ती महोद्धता । वेणीकृतकचन्यस्तविलसच्चन्द्रपल्लवा
dhanuṣo dhvaninā viśvaṃ pūrayantī mahoddhatā / veṇīkṛtakacanyastavilasaccandrapallavā
filling the universe with the sound of her bow, greatly exalted, with the shining crescent (ornament) set in her braided hair,
AI translation rendered from the Sanskrit, not a published edition
BndP 3 28.22
स्फुरत्त्रितयनेत्रेण सिन्दूरतिलकत्विषा । पाणिना पद्मरम्येण मणिकङ्कणचारुणा
sphurattritayanetreṇa sindūratilakatviṣā / pāṇinā padmaramyeṇa maṇikaṅkaṇacāruṇā
with her flashing triad of eyes, with the gleam of her vermilion tilaka, with her hand lovely as a lotus and charming with its jewelled bracelet,
AI translation rendered from the Sanskrit, not a published edition — the model flagged this verse as uncertain
BndP 3 28.23
तूणीरमुखतः कृष्टं भ्रामयन्ती शिलीमुखम् । जय वर्धस्ववर्धस्वेत्यतिहर्षसमाकुले
tūṇīramukhataḥ kṛṣṭaṃ bhrāmayantī śilīmukham / jaya vardhasvavardhasvetyatiharṣasamākule
whirling the arrow drawn from the mouth of her quiver, while (the hosts) were overwhelmed with great joy, crying 'Conquer! Prosper, prosper!',
AI translation rendered from the Sanskrit, not a published edition
BndP 3 28.24
नृत्यद्भिर्दिव्यमुनिभिर्वर्द्धिताशीर्वचो ऽमृतैः । गेयचक्ररथेन्द्रस्य चक्रनेमिविघट्टनैः
nṛtyadbhirdivyamunibhirvarddhitāśīrvaco 'mṛtaiḥ / geyacakrarathendrasya cakranemivighaṭṭanaiḥ
while divine sages danced and swelled the nectar of their words of blessing — with the grindings of the wheel-rims of the Geyacakra, lord of chariots,
AI translation rendered from the Sanskrit, not a published edition
BndP 3 28.25
दारयन्ती क्षितितलं दैत्यानां हृदयैः सह । लोकातिशायिता विश्वमनोमोहनकारिणा । गीतिबन्धेनामरीभिर्बह्वीभिर्गीतवैभवा
dārayantī kṣititalaṃ daityānāṃ hṛdayaiḥ saha / lokātiśāyitā viśvamanomohanakāriṇā / gītibandhenāmarībhirbahvībhirgītavaibhavā
splitting the surface of the earth along with the hearts of the Daityas; her glory sung by many goddesses in a song-composition surpassing the worlds and bewitching the minds of all,
AI translation rendered from the Sanskrit, not a published edition
BndP 3 28.26
अक्षौहिणीसहस्राणामष्टकं समरोद्धतम् । कर्षती कल्पविश्लेषनिर्मर्यादाब्धिसंनिभम्
akṣauhiṇīsahasrāṇāmaṣṭakaṃ samaroddhatam / karṣatī kalpaviśleṣanirmaryādābdhisaṃnibham
drawing after her eight thousand akṣauhiṇīs, exalted in battle, resembling the boundless ocean when it breaks its bounds at the world's dissolution.
AI translation rendered from the Sanskrit, not a published edition
BndP 3 28.27
तस्याः शक्तिचमूचक्रे काश्चित्कनकरोचिषः । काश्चिद्दाडिमसंकाशाः काश्चिज्जीमूतरोचिषः
tasyāḥ śakticamūcakre kāścitkanakarociṣaḥ / kāściddāḍimasaṃkāśāḥ kāścijjīmūtarociṣaḥ
In her circle of Śakti-armies some had the sheen of gold, some resembled the pomegranate, some had the sheen of storm-clouds,
AI translation rendered from the Sanskrit, not a published edition
BndP 3 28.28
अन्याः सिंदूररुचयः पराः पाटलपाटलाः । काचाद्रिकाम्बराः काश्चित्पराः श्यामलकोमलाः
anyāḥ siṃdūrarucayaḥ parāḥ pāṭalapāṭalāḥ / kācādrikāmbarāḥ kāścitparāḥ śyāmalakomalāḥ
others had the hue of vermilion, others were pale pink, some wore garments (of the colour) of glass-crystal, and yet others were dark and delicate,
AI translation rendered from the Sanskrit, not a published edition — the model flagged this verse as uncertain
BndP 3 28.29
अन्यास्तु हीरकप्रख्याः परा गारुत्मतोपमाः । विरुद्धैः पञ्चभिर्बाणैर्मिश्रितैः शतकोटिभिः
anyāstu hīrakaprakhyāḥ parā gārutmatopamāḥ / viruddhaiḥ pañcabhirbāṇairmiśritaiḥ śatakoṭibhiḥ
others again were like diamonds, and others resembled emeralds; with five contrary arrows, mixed, by the hundred crore,
AI translation rendered from the Sanskrit, not a published edition — the model flagged this verse as uncertain
BndP 3 28.30
व्यञ्जयन्त्यो देहरुचं कतिचिद्विविधायुधाः । असंख्याः शक्तयश्चेलुर्दण्डिन्यास्सैनिके तथा
vyañjayantyo deharucaṃ katicidvividhāyudhāḥ / asaṃkhyāḥ śaktayaścelurdaṇḍinyāssainike tathā
displaying the radiance of their bodies, some bearing various weapons — thus countless Śaktis marched in Daṇḍinī's army.
AI translation rendered from the Sanskrit, not a published edition
BndP 3 28.31
तथैव सैन्यसन्नाहो मन्त्रिण्याः कुम्भसम्भव । यथा भूषणवेषादि यथा प्रभावलक्षणम्
tathaiva sainyasannāho mantriṇyāḥ kumbhasambhava / yathā bhūṣaṇaveṣādi yathā prabhāvalakṣaṇam
Just so was the battle-array of the Minister (Mantriṇī), O pot-born one — as (were) her ornaments, dress and the rest, as (were) the marks of her majesty,
AI translation rendered from the Sanskrit, not a published edition
BndP 3 28.32
यथा सद्गुणशालित्वं यथा चाश्रितलक्षणम् । यथा दैत्यौघसंहारो यथा सर्वैश्च पूजिता
yathā sadguṇaśālitvaṃ yathā cāśritalakṣaṇam / yathā daityaughasaṃhāro yathā sarvaiśca pūjitā
as (was) her possession of excellent qualities, and as (were) the marks of those who took refuge (with her), as (was) her destruction of the hosts of Daityas, and as she was honoured by all —
AI translation rendered from the Sanskrit, not a published edition — the model flagged this verse as uncertain
BndP 3 28.33
यथा शक्तिर्महाराज्ञ्या देडिन्यश्च तथाखिलम् । विशेषस्तु परं तस्याः साचिव्ये तत्करे स्थितम् । महाराज्ञीवितीर्णं तदाज्ञामुद्राङ्गुलीयकम्
yathā śaktirmahārājñyā deḍinyaśca tathākhilam / viśeṣastu paraṃ tasyāḥ sācivye tatkare sthitam / mahārājñīvitīrṇaṃ tadājñāmudrāṅgulīyakam
as (is) the power of the Great Queen, so too entirely (is that) of the Daṇḍinī. But her supreme distinguishing mark in the office of minister rests in her hand: that signet-ring of command bestowed by the Great Queen.
AI translation rendered from the Sanskrit, not a published edition
BndP 3 28.34
इत्थं प्रचलिते सैन्ये मन्त्रिणीदण्डनाथयोः । तद्भारभङ्गुरा भूमिर्देलालीलामलंबत
itthaṃ pracalite sainye mantriṇīdaṇḍanāthayoḥ / tadbhārabhaṅgurā bhūmirdelālīlāmalaṃbata
When the army of the Minister and the Lord of the Rod had thus set out, the earth, buckling under that weight, took to swaying(?).
AI translation rendered from the Sanskrit, not a published edition — the model flagged this verse as uncertain
BndP 3 28.35
ततः प्रववृते युद्धं तुमुलं रोमहर्षणम् । उद्धूतधूलिजंबालीभूतसप्तार्णवीजलम्
tataḥ pravavṛte yuddhaṃ tumulaṃ romaharṣaṇam / uddhūtadhūlijaṃbālībhūtasaptārṇavījalam
Then a tumultuous, hair-raising battle began, in which the water of the seven oceans turned to mire from the dust that was thrown up.
AI translation rendered from the Sanskrit, not a published edition
BndP 3 28.36
हयस्थैर्हयसादिन्यो रथस्थै रथसंस्थिताः । आधोरणैर्हस्तिपकाः खड्गैः पद्गाश्च सङ्गताः
hayasthairhayasādinyo rathasthai rathasaṃsthitāḥ / ādhoraṇairhastipakāḥ khaḍgaiḥ padgāśca saṅgatāḥ
Horsewomen closed with those on horseback, chariot-riders with those in chariots, elephant-drivers with mahouts, and foot-soldiers with swords.
AI translation rendered from the Sanskrit, not a published edition
BndP 3 28.37
दण्डनाथाविषङ्गेण समयुध्यन्त सङ्गरे । विशुक्रेण समं श्यामा विकृष्टमणिकार्मुका
daṇḍanāthāviṣaṅgeṇa samayudhyanta saṅgare / viśukreṇa samaṃ śyāmā vikṛṣṭamaṇikārmukā
Daṇḍanāthā fought with Viṣaṅga in the encounter; Śyāmā, her jewelled bow drawn, (fought) against Viśukra.
AI translation rendered from the Sanskrit, not a published edition
BndP 3 28.38
अश्वरूढा चकारोच्चैः सहोलूकजिता रणम् । सम्पदीशाच जग्राह पुरुषेण युयुत्सया
aśvarūḍhā cakāroccaiḥ saholūkajitā raṇam / sampadīśāca jagrāha puruṣeṇa yuyutsayā
Mounted on a horse she made loud battle together with Olūkajit; and Sampadīśā engaged with Puruṣa, eager to fight.
AI translation rendered from the Sanskrit, not a published edition — the model flagged this verse as uncertain
BndP 3 28.39
विषेण नकुली देवी समाह्वास्त युयुत्सया । कुन्तिषेणेन समरं महामाया तदाकरोत्
viṣeṇa nakulī devī samāhvāsta yuyutsayā / kuntiṣeṇena samaraṃ mahāmāyā tadākarot
The goddess Nakulī challenged Viṣa, eager to fight; and Mahāmāyā then made battle with Kuntiṣeṇa.
AI translation rendered from the Sanskrit, not a published edition
BndP 3 28.40
मलदेन समं चक्रे युद्धमुन्मत्तभैरवी । लघुश्यामा चकारोच्चैः कुशूरेण समं रणम्
maladena samaṃ cakre yuddhamunmattabhairavī / laghuśyāmā cakāroccaiḥ kuśūreṇa samaṃ raṇam
Unmattabhairavī made battle with Malada; Laghuśyāmā made loud battle with Kuśūra.
AI translation rendered from the Sanskrit, not a published edition
BndP 3 28.41
स्वप्नेशी मङ्गलाख्येन दैत्येन्द्रेण रणंव्यधात् । वाग्वादिनी तु जघटे द्रुघणेन समं रणे
svapneśī maṅgalākhyena daityendreṇa raṇaṃvyadhāt / vāgvādinī tu jaghaṭe drughaṇena samaṃ raṇe
Svapneśī made battle with the Daitya-lord named Maṅgala; and Vāgvādinī clashed in battle with Drughaṇa.
AI translation rendered from the Sanskrit, not a published edition
BndP 3 28.42
कोलाटेन च दुष्टेन चण्डकाल्यकरोद्रणम् । अक्षौहिणीभिर्दैत्यानां शताक्षौहिणिकास्तथा । महान्तं समरे चक्रुरन्योन्यं क्रोधमूर्छिताः
kolāṭena ca duṣṭena caṇḍakālyakarodraṇam / akṣauhiṇībhirdaityānāṃ śatākṣauhiṇikāstathā / mahāntaṃ samare cakruranyonyaṃ krodhamūrchitāḥ
And Caṇḍakālī made battle with the wicked Kolāṭa; likewise the hundred-akṣauhiṇī (Śakti forces) with the akṣauhiṇīs of the Daityas made a great (battle) against one another in the encounter, swooning with rage.
AI translation rendered from the Sanskrit, not a published edition — the model flagged this verse as uncertain
BndP 3 28.43
प्रवर्तमाने समरे विशुक्रो दुष्टदानवः । वर्धमानां शक्तिचमूं हीयमानां निजां चमूम्
pravartamāne samare viśukro duṣṭadānavaḥ / vardhamānāṃ śakticamūṃ hīyamānāṃ nijāṃ camūm
As the battle went on, the wicked Dānava Viśukra (saw) the Śakti army growing and his own army dwindling;
AI translation rendered from the Sanskrit, not a published edition
BndP 3 28.44
अवलोक्य रुषाविष्टः स कृष्टगुरुकार्मुकः । शक्तिसैन्ये समस्ते ऽपि तृषास्त्रं प्रमुमोच ह
avalokya ruṣāviṣṭaḥ sa kṛṣṭagurukārmukaḥ / śaktisainye samaste 'pi tṛṣāstraṃ pramumoca ha
seeing (this), possessed by fury, he drew his heavy bow and released the thirst-weapon against the whole Śakti army.
AI translation rendered from the Sanskrit, not a published edition
BndP 3 28.45
तेन दावानलज्वालादीप्तेन मथितं बलम् । तृतीये युद्धदिवसे याममात्रं गते रवौ । विशुक्रमुक्ततर्षास्त्रव्याकुलाः शक्तयो ऽवन्
tena dāvānalajvālādīptena mathitaṃ balam / tṛtīye yuddhadivase yāmamātraṃ gate ravau / viśukramuktatarṣāstravyākulāḥ śaktayo 'van
By that (weapon), blazing with the flames of a forest fire, the force was churned up; on the third day of battle, when the sun had travelled but a single watch, the Śaktis were thrown into confusion by the thirst-weapon loosed by Viśukra.
AI translation rendered from the Sanskrit, not a published edition — the model flagged this verse as uncertain
BndP 3 28.46
क्षोभयन्निन्द्रियग्रामं तालुमूलं विशोषयन् । रूक्षयन्कर्णकुहरमङ्गदौर्वल्यमाहवन्
kṣobhayannindriyagrāmaṃ tālumūlaṃ viśoṣayan / rūkṣayankarṇakuharamaṅgadaurvalyamāhavan
Agitating the whole host of the senses, drying up the root of the palate, parching the hollow of the ear, calling up weakness in the limbs,
AI translation rendered from the Sanskrit, not a published edition
BndP 3 28.47
पातयन्पृथिवीपृष्ठे देहं विस्रंसितायुधम् । आविर्बभूव शक्तीनामतितीव्रस्तृषाज्वरः
pātayanpṛthivīpṛṣṭhe dehaṃ visraṃsitāyudham / āvirbabhūva śaktīnāmatitīvrastṛṣājvaraḥ
felling to the surface of the earth the body with its weapons dropped — the exceedingly fierce fever of thirst appeared among the Śaktis.
AI translation rendered from the Sanskrit, not a published edition
BndP 3 28.48
युद्धेष्वनुद्यमकृता सर्वोत्साहविरोधिना । तर्षेण तेन क्वथितं शक्तिसैन्यं विलोक्यसा । मन्त्रिणी सह पोत्रिण्या भृशं चिन्तामवाप ह
yuddheṣvanudyamakṛtā sarvotsāhavirodhinā / tarṣeṇa tena kvathitaṃ śaktisainyaṃ vilokyasā / mantriṇī saha potriṇyā bhṛśaṃ cintāmavāpa ha
Seeing the Śakti army seething with that thirst, which made for inactivity in the fighting and thwarted all vigour, she, the Minister, together with Potriṇī, fell into deep anxiety.
AI translation rendered from the Sanskrit, not a published edition
BndP 3 28.49
उवाच तां दण्डनाथामत्याहितविशङ्किनीम् । रथस्थिता रथगता तत्प्रती कारकर्मणे । सखि पोत्रिणि दुष्टस्य तर्षास्त्रमिदमागतम्
uvāca tāṃ daṇḍanāthāmatyāhitaviśaṅkinīm / rathasthitā rathagatā tatpratī kārakarmaṇe / sakhi potriṇi duṣṭasya tarṣāstramidamāgatam
Standing in her chariot, she spoke to that Daṇḍanāthā, who had come by chariot and was apprehensive of great calamity, for the work of countering it: "Friend Potriṇī, this thirst-weapon of the wicked one has come upon (us);
AI translation rendered from the Sanskrit, not a published edition
BndP 3 28.50
शिथिलीकुरुते सैन्यमस्माकं हा विधेः क्रमः । विशुष्कतालुमूलानां विभ्रष्टायुधतेजसाम् । शक्तीनां मण्डलेनात्र समरे समुपेक्षितम्
śithilīkurute sainyamasmākaṃ hā vidheḥ kramaḥ / viśuṣkatālumūlānāṃ vibhraṣṭāyudhatejasām / śaktīnāṃ maṇḍalenātra samare samupekṣitam
it is slackening our army — alas, the way of fate! Here in the encounter the battle has been let go by the circle of Śaktis, whose palates are parched dry and whose weapons' fire has slipped away.
AI translation rendered from the Sanskrit, not a published edition — the model flagged this verse as uncertain
BndP 3 28.51
न कापि कुरुते युद्धं न धारयति चायुधम् । विशुष्कतालुमूलत्वा द्वक्तुमप्यालि न क्षमाः
na kāpi kurute yuddhaṃ na dhārayati cāyudham / viśuṣkatālumūlatvā dvaktumapyāli na kṣamāḥ
Not one of them fights, nor does she hold a weapon; with the roots of their palates dried up, my friend, they are not even able to speak.
AI translation rendered from the Sanskrit, not a published edition
BndP 3 28.52
ईदृशीन्नो गतिं श्रुत्वा किं वक्ष्यति महेश्वरी । कृता चापकृतिर्दैत्यैरुपायः प्रविचिन्त्यताम्
īdṛśīnno gatiṃ śrutvā kiṃ vakṣyati maheśvarī / kṛtā cāpakṛtirdaityairupāyaḥ pravicintyatām
When she hears of such a plight of ours, what will the Great Goddess say? A wrong has been done by the demons — let a remedy be thought out.
AI translation rendered from the Sanskrit, not a published edition
BndP 3 28.53
सर्वत्र द्व्यष्टसाहस्राक्षौहिण्यमत्र पोत्रिणि । एकापि शक्तिर्नैवास्ति या तर्षेण न पीडिता
sarvatra dvyaṣṭasāhasrākṣauhiṇyamatra potriṇi / ekāpi śaktirnaivāsti yā tarṣeṇa na pīḍitā
Everywhere here, O boar-goddess, there are sixteen thousand akṣauhiṇīs, and there is not even one Śakti who is not afflicted by thirst.
AI translation rendered from the Sanskrit, not a published edition
BndP 3 28.54
अत्रैवावसरे दृष्ट्वा मुक्तशस्त्रां पताकिनीम् । रन्ध्रप्रहारिणो हन्त बाणैर्निघ्नन्ति दानवाः
atraivāvasare dṛṣṭvā muktaśastrāṃ patākinīm / randhraprahāriṇo hanta bāṇairnighnanti dānavāḥ
At this very moment, seeing the army with its weapons let fall, the Dānavas — alas! — striking at the weak point, slay (them) with arrows.
AI translation rendered from the Sanskrit, not a published edition
BndP 3 28.55
अत्रोपायस्त्वया कार्यो मया च समरोद्यमे । त्वदीयरथपर्वस्थो यो ऽस्ति शीतमहार्णवः
atropāyastvayā kāryo mayā ca samarodyame / tvadīyarathaparvastho yo 'sti śītamahārṇavaḥ
Here a remedy must be devised by you and by me in this undertaking of battle: that great ocean of coolness which stands on the platform of your chariot —
AI translation rendered from the Sanskrit, not a published edition — the model flagged this verse as uncertain
BndP 3 28.56
तमादिश समस्तानां शक्तीनां तर्षनुत्तये । नाल्पैः पानीयपानाद्यैरेतासां तर्षसंक्षयः
tamādiśa samastānāṃ śaktīnāṃ tarṣanuttaye / nālpaiḥ pānīyapānādyairetāsāṃ tarṣasaṃkṣayaḥ
Command that one, for the removal of the thirst of all the Śaktis; the destruction of their thirst will not come about by small (measures) such as drinking water.
AI translation rendered from the Sanskrit, not a published edition
BndP 3 28.57
स एव मदिरासिंधुः शक्त्यौघं तर्पयिष्यति । तमादिश महात्मानं समरोत्साहकारिणम् । सर्वतर्षप्रशमनं महाबलविवर्धनम्
sa eva madirāsiṃdhuḥ śaktyaughaṃ tarpayiṣyati / tamādiśa mahātmānaṃ samarotsāhakāriṇam / sarvatarṣapraśamanaṃ mahābalavivardhanam
That very ocean of liquor will satisfy the host of Śaktis. Command that great one, the producer of zeal for battle, the queller of all thirst, the increaser of great strength.
AI translation rendered from the Sanskrit, not a published edition
BndP 3 28.61
इत्युक्ते दण्डनाथा सा सदुपायेन हर्षिता । आजुहाव सुधासिंधुमाज्ञां चक्रेश्वरी रणे ॥ ब्न्द्प्_३,२८।५८ ॥ स मदालसरक्ताक्षो हेमाभः स्रग्विभूषितः ॥ ब्न्द्प्_३,२८।५९ ॥प्रणम्य दण्डनाथां तां तदाज्ञापरिपारकः ॥ ब्न्द्प्_३,२८।६० ॥ आत्मानं बहुधा कृत्वा तरुणादित्यपाटलम् । क्वचित्तापिच्छवच्छ्यामं क्वचिच्च धवलद्युतिम्
ityukte daṇḍanāthā sā sadupāyena harṣitā / ājuhāva sudhāsiṃdhumājñāṃ cakreśvarī raṇe // bndp_3,28.58 // sa madālasaraktākṣo hemābhaḥ sragvibhūṣitaḥ // bndp_3,28.59 //praṇamya daṇḍanāthāṃ tāṃ tadājñāparipārakaḥ // bndp_3,28.60 // ātmānaṃ bahudhā kṛtvā taruṇādityapāṭalam / kvacittāpicchavacchyāmaṃ kvacicca dhavaladyutim
When this was said, that Daṇḍanāthā, gladdened by the good remedy, the Mistress of the Wheel, summoned in the battle the ocean of nectar and gave the command. [58] He, with eyes red and languid with drink, golden-hued, adorned with a garland, [59] bowing to that Daṇḍanāthā, being the fulfiller of her command, [60] made himself manifold — pink as the young sun, in places dark as a peacock's tail-feather, and in places of white radiance.
AI translation rendered from the Sanskrit, not a published edition
BndP 3 28.62
कोटिशो मधुराधारा करिहस्तसमाकृतीः । ववर्ष सिंधुराजो ऽयं वायुना बहुलीकृतः
koṭiśo madhurādhārā karihastasamākṛtīḥ / vavarṣa siṃdhurājo 'yaṃ vāyunā bahulīkṛtaḥ
By the ten millions this king of oceans, made abundant by the wind, rained down streams of sweet liquor shaped like the trunks of elephants.
AI translation rendered from the Sanskrit, not a published edition
BndP 3 28.63
पुष्कलावर्तकाद्यैस्तु कलपक्षयबलाहकैः । निषिच्यमानो मध्ये ऽब्धिः शक्तिसैन्ये पपात ह
puṣkalāvartakādyaistu kalapakṣayabalāhakaiḥ / niṣicyamāno madhye 'bdhiḥ śaktisainye papāta ha
Being sprinkled forth by the Puṣkalāvartaka and other clouds of the aeon's dissolution, the ocean fell right in the midst of the army of Śaktis.
AI translation rendered from the Sanskrit, not a published edition
BndP 3 28.64
यद्गन्धाघ्राममात्रेण मृत उत्तिष्ठते स्फुटम् । दुर्बलः प्रबलश्च स्यात्तद्ववर्ष सुरांबुधिः
yadgandhāghrāmamātreṇa mṛta uttiṣṭhate sphuṭam / durbalaḥ prabalaśca syāttadvavarṣa surāṃbudhiḥ
That by the mere smelling of whose fragrance a dead man plainly rises up, and a weak one becomes strong — such (liquor) did the ocean of wine rain down.
AI translation rendered from the Sanskrit, not a published edition
BndP 3 28.65
परार्द्धसंख्यातीतास्ता मधुधारापरंपराः । प्रपिबन्त्यः पिपासार्तैर्मुखैः शक्तय उत्थिताः
parārddhasaṃkhyātītāstā madhudhārāparaṃparāḥ / prapibantyaḥ pipāsārtairmukhaiḥ śaktaya utthitāḥ
Drinking up those successions of streams of liquor, beyond counting by the parārdha, with mouths tormented by thirst, the Śaktis rose up.
AI translation rendered from the Sanskrit, not a published edition
BndP 3 28.66
यथा सा मदिरासिंधुवृष्टिर्दैत्येषु नो पतेत् । तथा सैन्यस्य परितो महाप्राकारमण्डलम्
yathā sā madirāsiṃdhuvṛṣṭirdaityeṣu no patet / tathā sainyasya parito mahāprākāramaṇḍalam
So that that downpour of the ocean of liquor should not fall upon the demons, (she made) a great circling rampart all around the army —
AI translation rendered from the Sanskrit, not a published edition
BndP 3 28.67
लघुहस्ततया मुक्तैः शरजातैः सहस्रशः । चकार विस्मयकरी कदंबवनवासिनी
laghuhastatayā muktaiḥ śarajātaiḥ sahasraśaḥ / cakāra vismayakarī kadaṃbavanavāsinī
— she who dwells in the kadamba grove, working wonder, made it with arrow-volleys released by the thousand through her deftness of hand.
AI translation rendered from the Sanskrit, not a published edition
BndP 3 28.68
कर्मणा तेन सर्वे ऽपि विस्मिता मरुतो ऽभवन् । अथ ताः शक्तयो भूरि पिबन्ति स्म रणान्तरे
karmaṇā tena sarve 'pi vismitā maruto 'bhavan / atha tāḥ śaktayo bhūri pibanti sma raṇāntare
By that deed all the Maruts too were astonished. Then those Śaktis went on drinking abundantly in the midst of the battle
AI translation rendered from the Sanskrit, not a published edition
BndP 3 28.69
विविधा मदिराधारा बलोत्साहविवर्धनीः । यस्या यस्या मनःप्रीती रुचिः स्वादो यथायथा
vividhā madirādhārā balotsāhavivardhanīḥ / yasyā yasyā manaḥprītī ruciḥ svādo yathāyathā
the manifold streams of liquor, increasers of strength and zeal — according to whatever was the delight of each one's mind, her preference, her taste.
AI translation rendered from the Sanskrit, not a published edition
BndP 3 28.70
तृतीये युद्धदिवसे प्रहरद्वितयावधि । संततं मध्यधाराभिः प्रववर्ष सुरांबुधिः
tṛtīye yuddhadivase praharadvitayāvadhi / saṃtataṃ madhyadhārābhiḥ pravavarṣa surāṃbudhiḥ
On the third day of the battle, up to two watches, the ocean of wine rained continuously with streams of honeyed liquor.
AI translation rendered from the Sanskrit, not a published edition
BndP 3 28.71
गौडी पैष्टी च माध्वी च वरा कादंबरी तथा । हैताली लाङ्गलेया च तालजातास्तथा सुराः
gauḍī paiṣṭī ca mādhvī ca varā kādaṃbarī tathā / haitālī lāṅgaleyā ca tālajātāstathā surāḥ
Liquor from molasses, from ground grain, from honey, the excellent kādambarī, that from the date-palm, the lāṅgaleya kind, and the liquors produced from the palmyra —
AI translation rendered from the Sanskrit, not a published edition
BndP 3 28.72
कल्पवृक्षोद्भवा दिव्या नानादेशसमुद्भवाः । सुस्वादुसौरभाद्याश्च शुभगन्धसुखप्रदाः
kalpavṛkṣodbhavā divyā nānādeśasamudbhavāḥ / susvādusaurabhādyāśca śubhagandhasukhapradāḥ
(liquors) divine, arisen from the wish-fulfilling tree, arisen in various lands, of fine taste and fragrance and so on, giving pleasure by their lovely scent —
AI translation rendered from the Sanskrit, not a published edition
BndP 3 28.73
बकुलप्रसवामोदा ध्वनन्त्यो बुद्बुदोज्ज्वलाः । कटुकाश्च कषायाश्च मधुरास्तिक्ततास्पृशः
bakulaprasavāmodā dhvanantyo budbudojjvalāḥ / kaṭukāśca kaṣāyāśca madhurāstiktatāspṛśaḥ
having the fragrance of bakula blossoms, murmuring, gleaming with bubbles, some pungent, some astringent, some sweet, some touched with bitterness —
AI translation rendered from the Sanskrit, not a published edition
BndP 3 28.74
बहुवर्मसमाविष्टाश्छेदिनीः पिच्छलास्तथा । ईषदम्लाश्च कट्वम्ला मधुराम्लास्तथा पराः
bahuvarmasamāviṣṭāśchedinīḥ picchalāstathā / īṣadamlāśca kaṭvamlā madhurāmlāstathā parāḥ
(Some were) thickly covered with froth, some cutting (sharp), some slimy, some slightly sour, some pungent-sour, and others sweet-sour.
AI translation rendered from the Sanskrit, not a published edition — the model flagged this verse as uncertain
BndP 3 28.75
शस्त्रक्षतरुगाहन्त्री चास्थिसंधानदायिनी । रणभ्रमहरा शीता लघ्व्यस्तद्वत्कवोष्ठकाः
śastrakṣatarugāhantrī cāsthisaṃdhānadāyinī / raṇabhramaharā śītā laghvyastadvatkavoṣṭhakāḥ
(One kind was) a destroyer of the pain of weapon-wounds and a giver of the knitting of bones, a remover of battle-giddiness, cooling; (others were) light, and likewise slightly warm.
AI translation rendered from the Sanskrit, not a published edition — the model flagged this verse as uncertain
BndP 3 28.76
संतापहारिणीश्चैव वारुणीस्ता जयप्रदाः । नानाविधाः सुराधारा ववर्ष मदिरार्णवः
saṃtāpahāriṇīścaiva vāruṇīstā jayapradāḥ / nānāvidhāḥ surādhārā vavarṣa madirārṇavaḥ
And (others were) removers of burning distress; those vāruṇī liquors were givers of victory: the ocean of wine rained down streams of liquor of many kinds.
AI translation rendered from the Sanskrit, not a published edition
BndP 3 28.77
अविच्छिन्नं याममात्रमेकैका तत्र योगिनी । ऐरावतकर प्रख्यां सुराधारां मुदा पपौ
avicchinnaṃ yāmamātramekaikā tatra yoginī / airāvatakara prakhyāṃ surādhārāṃ mudā papau
There each single yoginī joyfully drank, unbroken for a whole watch, a stream of liquor as thick as the trunk of Airāvata.
AI translation rendered from the Sanskrit, not a published edition
BndP 3 28.78
उत्तानं वदनं कृत्वा विलोलरसनाश्चलम् । शक्तयः प्रपपुः सीधु मुदा मीलितलोचनाः
uttānaṃ vadanaṃ kṛtvā vilolarasanāścalam / śaktayaḥ prapapuḥ sīdhu mudā mīlitalocanāḥ
Turning their faces upward, their tongues rolling and quivering, the śaktis drank down the sīdhu-liquor with joy, their eyes closed.
AI translation rendered from the Sanskrit, not a published edition
BndP 3 28.79
इत्थं बहुविधं माध्वीधारापातैः सुधांबुधिः । आगतस्तर्पयित्वा तु दिव्यरूपं समास्थितः
itthaṃ bahuvidhaṃ mādhvīdhārāpātaiḥ sudhāṃbudhiḥ / āgatastarpayitvā tu divyarūpaṃ samāsthitaḥ
Thus, having satisfied (them) in many ways with the downpour of streams of mead, the ocean of nectar came and took his stand in divine form.
AI translation rendered from the Sanskrit, not a published edition
BndP 3 28.80
पुनर्गत्वा दण्डनाथां प्रणम्य स सुरांबुधिः । स्निग्धगंभीरघोषेण वाक्यं चेदमुवाच ताम्
punargatvā daṇḍanāthāṃ praṇamya sa surāṃbudhiḥ / snigdhagaṃbhīraghoṣeṇa vākyaṃ cedamuvāca tām
Going again to Daṇḍanāthā and bowing to her, that ocean of liquor spoke this speech to her with a smooth, deep voice.
AI translation rendered from the Sanskrit, not a published edition
BndP 3 28.81
देवि पश्य महाराज्ञि दण्डमण्डलनायिके । मया संतर्पिता मुग्धरूपा शक्तिवरूथिनी
devi paśya mahārājñi daṇḍamaṇḍalanāyike / mayā saṃtarpitā mugdharūpā śaktivarūthinī
"Goddess, look, great queen, leader of the circle of the Rod: by me the army of śaktis, lovely of form, has been satisfied.
AI translation rendered from the Sanskrit, not a published edition
BndP 3 28.82
काश्चिन्नृत्यन्ति गायन्त्यो कलक्वणितमेखलाः । नृत्यन्तीनां पुरः काश्चित्करतालं वितन्वते
kāścinnṛtyanti gāyantyo kalakvaṇitamekhalāḥ / nṛtyantīnāṃ puraḥ kāścitkaratālaṃ vitanvate
Some dance, singing, their girdles softly jingling; some, before the dancers, keep up a clapping of hands.
AI translation rendered from the Sanskrit, not a published edition
BndP 3 28.83
काश्चिद्धसंति व्यावल्गद्वल्गुवक्षोजमण्डलाः । पतन्त्यन्योन्यमङ्गेषु काश्चिदानन्दमन्थराः
kāściddhasaṃti vyāvalgadvalguvakṣojamaṇḍalāḥ / patantyanyonyamaṅgeṣu kāścidānandamantharāḥ
Some laugh, the lovely orbs of their breasts tossing about; some, languid with bliss, fall upon one another's limbs.
AI translation rendered from the Sanskrit, not a published edition
BndP 3 28.84
काश्चिद्वल्गन्ति च श्रोणिविगलन्मेखलांबराः । काश्चिदुत्थाय संनद्धा घूर्णयन्ति निरायुधाः
kāścidvalganti ca śroṇivigalanmekhalāṃbarāḥ / kāścidutthāya saṃnaddhā ghūrṇayanti nirāyudhāḥ
And some leap about, girdle and garment slipping from their hips; some, standing up girded for fight, whirl around without weapons.
AI translation rendered from the Sanskrit, not a published edition
BndP 3 28.85
इत्थं निर्दिश्यमानास्ताः शक्ती मैरेय सिंधुनां । अवलोक्य भृशं तुष्टा दण्डिनी तमुवाच ह
itthaṃ nirdiśyamānāstāḥ śaktī maireya siṃdhunāṃ / avalokya bhṛśaṃ tuṣṭā daṇḍinī tamuvāca ha
When those śaktis had thus been pointed out by the sea of maireya-wine, Daṇḍinī, on looking at them, was greatly pleased and said to him:
AI translation rendered from the Sanskrit, not a published edition
BndP 3 28.86
परितुष्टास्मि मद्याब्धे त्वया साह्यमनुष्ठितम् । देवकार्यमिद किञ्च निर्विघ्नितमिदं कृतम्
parituṣṭāsmi madyābdhe tvayā sāhyamanuṣṭhitam / devakāryamida kiñca nirvighnitamidaṃ kṛtam
"I am well pleased, O ocean of wine; help has been rendered by you, and moreover this work of the gods has been made free of hindrance.
AI translation rendered from the Sanskrit, not a published edition
BndP 3 28.87
अतः परं मत्प्रसादाद्द्वापरे याज्ञिकैर्मखे । सोमपानवदत्यन्तमुपयोज्यो भविष्यसि
ataḥ paraṃ matprasādāddvāpare yājñikairmakhe / somapānavadatyantamupayojyo bhaviṣyasi
Henceforth, by my favour, in the Dvāpara age you shall be used exceedingly by the sacrificers at the sacrifice, like the drinking of soma.
AI translation rendered from the Sanskrit, not a published edition
BndP 3 28.88
मन्त्रेण पूतं त्वां यागे पास्यन्त्यखिलदेवताः । यागेषु मन्त्रपूतेन पीतेन भवता जनाः
mantreṇa pūtaṃ tvāṃ yāge pāsyantyakhiladevatāḥ / yāgeṣu mantrapūtena pītena bhavatā janāḥ
All the deities shall drink you at the offering when you are purified by mantra; and when you, purified by mantra, are drunk at the sacrifices, may people
AI translation rendered from the Sanskrit, not a published edition
BndP 3 28.92
सिद्धिमृद्धिं बलं स्वर्गमपवर्गं च बिभ्रतु । महेश्वरी महादेवो बलदेवश्च भार्गवः । दत्तात्रेयो विधिर्विष्णुस्त्वां पास्यन्ति महाजनाः ॥ ब्न्द्प्_३,२८।८९ ॥ यागे समर्चितस्त्वं तु सर्वसिद्धिं प्रदास्यसि ॥ ब्न्द्प्_३,२८।९० ॥इत्थं वरप्रदानेन तोषयित्वा सुरांबुधिम् ॥ ब्न्द्प्_३,२८।९१ ॥ मन्त्रिणीं त्वरयामास पुनर्युद्धाय दण्डिनी । पुनः प्रववृते युद्धं शक्तीनां दानवैः सह
siddhimṛddhiṃ balaṃ svargamapavargaṃ ca bibhratu / maheśvarī mahādevo baladevaśca bhārgavaḥ / dattātreyo vidhirviṣṇustvāṃ pāsyanti mahājanāḥ // bndp_3,28.89 // yāge samarcitastvaṃ tu sarvasiddhiṃ pradāsyasi // bndp_3,28.90 //itthaṃ varapradānena toṣayitvā surāṃbudhim // bndp_3,28.91 // mantriṇīṃ tvarayāmāsa punaryuddhāya daṇḍinī / punaḥ pravavṛte yuddhaṃ śaktīnāṃ dānavaiḥ saha
bear away success, prosperity, strength, heaven and release. Maheśvarī, Mahādeva, and Baladeva, Bhārgava, Dattātreya, Vidhi (Brahmā), Viṣṇu — these great ones shall drink you. And when worshipped at the sacrifice you shall grant every attainment. Thus, having gratified the ocean of liquor by the granting of a boon, Daṇḍinī urged on the Minister (Mantriṇī) to battle again; and again the battle of the śaktis with the dānavas began.
AI translation rendered from the Sanskrit, not a published edition
BndP 3 28.93
मुदाट्टहासनिर्भिन्नदिगष्टकधरा धरम् । प्रत्यग्रमदिरामत्ताः पाटलीकृतलोचनाः । शक्तयो दैत्यचक्रेषु न्यपतन्नेकहेलया
mudāṭṭahāsanirbhinnadigaṣṭakadharā dharam / pratyagramadirāmattāḥ pāṭalīkṛtalocanāḥ / śaktayo daityacakreṣu nyapatannekahelayā
Splitting the eight directions and the earth with their joyous loud laughter, drunk on fresh liquor, their eyes turned pink, the śaktis fell upon the daitya squadrons with a single sportive rush.
AI translation rendered from the Sanskrit, not a published edition — the model flagged this verse as uncertain
BndP 3 28.94
द्वयेन द्वयमारेजे शक्तीनां समदश्रियाम् । मदरागेण चक्षूंषि दैत्यरक्तेन शस्त्रिका
dvayena dvayamāreje śaktīnāṃ samadaśriyām / madarāgeṇa cakṣūṃṣi daityaraktena śastrikā
In the śaktis, whose splendour was that of intoxication, one pair shone by another pair: their eyes by the flush of wine, their knives by the blood of the daityas.
AI translation rendered from the Sanskrit, not a published edition
BndP 3 28.95
तथा बभूव तुमुलं युद्धं शक्तिसुरद्विषाम् । यथा मृत्युरवित्रस्तः प्रजाः संहरते स्वयम्
tathā babhūva tumulaṃ yuddhaṃ śaktisuradviṣām / yathā mṛtyuravitrastaḥ prajāḥ saṃharate svayam
The battle of the śaktis and the enemies of the gods became as tumultuous as when Death, unafraid, himself destroys creatures.
AI translation rendered from the Sanskrit, not a published edition
BndP 3 28.96
संस्खलत्पदविन्यासा मदेनारक्तदृष्टयः । स्खलदक्षरसंदर्भवीरभाषा रणोद्धताः
saṃskhalatpadavinyāsā madenāraktadṛṣṭayaḥ / skhaladakṣarasaṃdarbhavīrabhāṣā raṇoddhatāḥ
With their footsteps faltering, their glances reddened by drink, their heroic speech a string of stumbling syllables, they were furious in battle,
AI translation rendered from the Sanskrit, not a published edition
BndP 3 28.97
कदंबगोलकाकारा दृष्टसर्वाङ्गदृष्टयः । युवराजस्य सैन्यानि शक्त्यः समानाशयन्
kadaṃbagolakākārā dṛṣṭasarvāṅgadṛṣṭayaḥ / yuvarājasya sainyāni śaktyaḥ samānāśayan
Shaped like a cluster-ball of kadamba blossoms, with eyes (set) so that all their limbs seemed to be eyes, the Śaktis together destroyed the armies of the crown prince.
AI translation rendered from the Sanskrit, not a published edition — the model flagged this verse as uncertain
BndP 3 28.98
अक्षौहिणीशतं तत्र दण्डिनी सा व्यदारयत् । अक्षौहिणीसार्द्धशत नाशयामास मन्त्रिणी
akṣauhiṇīśataṃ tatra daṇḍinī sā vyadārayat / akṣauhiṇīsārddhaśata nāśayāmāsa mantriṇī
There the Daṇḍinī (the club-bearing general) tore apart a hundred akṣauhiṇīs, and the Mantriṇī (minister-goddess) destroyed a hundred and fifty akṣauhiṇīs.
AI translation rendered from the Sanskrit, not a published edition
BndP 3 28.99
अश्वारूढाप्रभृतयो मदारुणविलोचनाः । अक्षौहिणीसार्धशतं नित्युरन्तकमन्दिरम्
aśvārūḍhāprabhṛtayo madāruṇavilocanāḥ / akṣauhiṇīsārdhaśataṃ nityurantakamandiram
Aśvārūḍhā and the rest, their eyes red with intoxication, led a hundred and fifty akṣauhiṇīs to the house of Death.
AI translation rendered from the Sanskrit, not a published edition
BndP 3 28.100
अङ्कुशेनातितीक्ष्णेन तुरगा रोहिणी रणे । उलूकजितमुन्मथ्य परलोकातिथिं व्यधात्
aṅkuśenātitīkṣṇena turagā rohiṇī raṇe / ulūkajitamunmathya paralokātithiṃ vyadhāt
With an exceedingly sharp goad Turagā Rohiṇī, in the battle, crushed Ulūkajit and made him a guest of the other world.
AI translation rendered from the Sanskrit, not a published edition
BndP 3 28.101
सम्पत्करीप्रभृतयः शक्तिदण्डाधिनायिकाः । परुषेण मुखान्यन्यान्यवरुद्धाव्यदारयन्
sampatkarīprabhṛtayaḥ śaktidaṇḍādhināyikāḥ / paruṣeṇa mukhānyanyānyavaruddhāvyadārayan
Sampatkarī and the others, the commanders of the Śakti and Daṇḍa forces, with harsh (assault) blocked and tore apart the other (enemy) faces/fronts.
AI translation rendered from the Sanskrit, not a published edition — the model flagged this verse as uncertain
BndP 3 28.102
अस्तं गते सवितरि ध्वस्तसर्वबलं ततः । विशुक्रं योधयामास श्यामला कोपशालिनी
astaṃ gate savitari dhvastasarvabalaṃ tataḥ / viśukraṃ yodhayāmāsa śyāmalā kopaśālinī
Then, when the sun had set, Śyāmalā, filled with wrath, fought against Viśukra, whose whole force had been shattered.
AI translation rendered from the Sanskrit, not a published edition
BndP 3 28.103
अस्त्रप्रत्य स्त्रमोक्षेण भीषणेन दिवौकसाम् । महता रणकृत्येन योधयामास मन्त्रिणी
astrapratya stramokṣeṇa bhīṣaṇena divaukasām / mahatā raṇakṛtyena yodhayāmāsa mantriṇī
With the release of weapon against weapon, terrifying to the dwellers in heaven, with mighty battle-work the Mantriṇī fought (him).
AI translation rendered from the Sanskrit, not a published edition
BndP 3 28.104
आयुधानि सुतीक्ष्णानि विशुक्रस्य महौजसः । क्रमशः खण्डयन्ती सा केतनं रथसारथिम्
āyudhāni sutīkṣṇāni viśukrasya mahaujasaḥ / kramaśaḥ khaṇḍayantī sā ketanaṃ rathasārathim
Shattering step by step the very sharp weapons of the greatly powerful Viśukra, and his banner, his chariot and charioteer,
AI translation rendered from the Sanskrit, not a published edition
BndP 3 28.105
धनुर्गुणं धनुर्दण्डं खण्डयन्ती शिलीमुखैः । अस्त्रेण ब्रह्मशिरसा ज्वलत्पावकरोचिषा
dhanurguṇaṃ dhanurdaṇḍaṃ khaṇḍayantī śilīmukhaiḥ / astreṇa brahmaśirasā jvalatpāvakarociṣā
and cleaving the bowstring and the stave of his bow with her arrows, then with the Brahmaśiras weapon blazing with the radiance of fire
AI translation rendered from the Sanskrit, not a published edition
BndP 3 28.106
विशुक्रं मर्दयामास सो ऽपतच्छूर्णविग्रहः । विषङ्गं च महादैत्यं दण्डनाथा मदोद्धता
viśukraṃ mardayāmāsa so 'patacchūrṇavigrahaḥ / viṣaṅgaṃ ca mahādaityaṃ daṇḍanāthā madoddhatā
she crushed Viśukra; he fell, his body ground to powder. And the Daṇḍanāthā, exultant with fury, (took on) the great demon Viṣaṅga:
AI translation rendered from the Sanskrit, not a published edition
BndP 3 28.107
योधयामास चण्डन मुसलेन विनिघ्नती । सचापि दुष्टो दनुजः कालदण्डनिभां गदाम् । उद्यम्य बाहुना युद्धं चकाराशेषभीषणम्
yodhayāmāsa caṇḍana musalena vinighnatī / sacāpi duṣṭo danujaḥ kāladaṇḍanibhāṃ gadām / udyamya bāhunā yuddhaṃ cakārāśeṣabhīṣaṇam
she fought fiercely, striking with her pestle; and that wicked demon too, raising in his arm a mace resembling the rod of Death, made war utterly terrifying.
AI translation rendered from the Sanskrit, not a published edition
BndP 3 28.108
अन्योन्यमङ्गं मृद्नन्तौ गदायुद्धप्रवर्तिनौ । चण्डाट्टहासमुखरौ परिभ्रमणकारिणौ
anyonyamaṅgaṃ mṛdnantau gadāyuddhapravartinau / caṇḍāṭṭahāsamukharau paribhramaṇakāriṇau
The two of them, crushing each other's bodies, engaged in mace-combat, loud with fierce roars of laughter, circling about one another,
AI translation rendered from the Sanskrit, not a published edition
BndP 3 28.109
कुर्वाणौ विविधांश्चारान्घूर्णन्तौ तूर्मवेष्टिनौ । अन्योन्यदण्डहननैर्मोहयन्तौ मुहुर्मुहुः
kurvāṇau vividhāṃścārānghūrṇantau tūrmaveṣṭinau / anyonyadaṇḍahananairmohayantau muhurmuhuḥ
performing various maneuvers, whirling, wheeling swiftly around, again and again stunning each other with blows of their clubs,
AI translation rendered from the Sanskrit, not a published edition
BndP 3 28.110
अन्योन्यप्रहृतौ रन्ध्रमीक्षमाणौ महोद्धतौ । महामुसलदण्डाग्रघट्टनक्षोभितांबरौ । अयुध्येतां दुराधर्षौं दण्डिनीदैत्यशेखरौ
anyonyaprahṛtau randhramīkṣamāṇau mahoddhatau / mahāmusaladaṇḍāgraghaṭṭanakṣobhitāṃbarau / ayudhyetāṃ durādharṣauṃ daṇḍinīdaityaśekharau
striking each other, watching for an opening, hugely violent, with the sky shaken by the clashing of the tips of the great pestle and the mace — thus the Daṇḍinī and the crest-jewel of demons, both hard to assail, fought on.
AI translation rendered from the Sanskrit, not a published edition
BndP 3 28.111
अथार्द्धरात्रिसमयपर्यन्तं कृतसंगरा । संक्रुद्धा हन्तुमारेभे विषङ्गं दण्डनायिका
athārddharātrisamayaparyantaṃ kṛtasaṃgarā / saṃkruddhā hantumārebhe viṣaṅgaṃ daṇḍanāyikā
Then, having kept up the fight until the time of midnight, the Daṇḍanāyikā, greatly enraged, set about killing Viṣaṅga.
AI translation rendered from the Sanskrit, not a published edition
BndP 3 28.112
तं मूर्धनि निमग्नेन हलेनाकृष्य वैरिणम् । कठोरं ताडनं चक्रे मुसलेनाथ पोत्रिणी
taṃ mūrdhani nimagnena halenākṛṣya vairiṇam / kaṭhoraṃ tāḍanaṃ cakre musalenātha potriṇī
Hooking that enemy with her plough sunk into his head and dragging him, the Potriṇī then dealt him a harsh blow with her pestle.
AI translation rendered from the Sanskrit, not a published edition
BndP 3 28.113
ततो मुसलघातेन त्यक्तप्राणो महासुरः । चूर्णितेन शताङ्गेन समं भूतलमाश्रयत्
tato musalaghātena tyaktaprāṇo mahāsuraḥ / cūrṇitena śatāṅgena samaṃ bhūtalamāśrayat
Then the great demon, his life given up by that blow of the pestle, his hundred-limbed body pulverized, sank level with the surface of the earth.
AI translation rendered from the Sanskrit, not a published edition
BndP 3 28.114
इति कृत्वा महत्कर्म मन्त्रिणीदण्डनायिके । तत्रैव तं निशा शेषं निन्यतुः शिबिरं प्रति
iti kṛtvā mahatkarma mantriṇīdaṇḍanāyike / tatraiva taṃ niśā śeṣaṃ ninyatuḥ śibiraṃ prati
Having thus done a great deed, the Mantriṇī and the Daṇḍanāyikā passed the rest of that night right there, (and then went) to the camp.
AI translation rendered from the Sanskrit, not a published edition — the model flagged this verse as uncertain