Brahmanda Purana — Madhya Bhaga — Chapter 65
BndP 2 65.1
तस्मिन्संतिष्ठते वंशो चनकानां महात्मनाम् । इत्येते मैथिलाः प्रोक्ताः सोमस्यापि निबोधत ॥ ब्न्द्प्_२,६४।२४ ॥ एति श्रीब्रह्माण्डे महापुराणे वायुप्रोक्ते मध्यमभागे तृतीये उपोद्धातपादे निमिवंशानुकीर्तनं नाम चतुःषष्टितमो ऽध्यायः ॥ ६४॥ सूत उवाच पिता सोमस्य वै विप्रा जज्ञे ऽत्रिर्भगवानृषिः । तत्रात्रिः सर्वलोकानां तस्थौ स्वेनौजसा वृतः
tasminsaṃtiṣṭhate vaṃśo canakānāṃ mahātmanām / ityete maithilāḥ proktāḥ somasyāpi nibodhata // bndp_2,64.24 // eti śrībrahmāṇḍe mahāpurāṇe vāyuprokte madhyamabhāge tṛtīye upoddhātapāde nimivaṃśānukīrtanaṃ nāma catuḥṣaṣṭitamo 'dhyāyaḥ // 64// sūta uvāca pitā somasya vai viprā jajñe 'trirbhagavānṛṣiḥ / tatrātriḥ sarvalokānāṃ tasthau svenaujasā vṛtaḥ
With him ends the lineage of the great-souled Canakas (Janakas). Thus these Maithilas have been declared; now learn of Soma too. [end of chapter 64: "The Recital of Nimi's Lineage", the sixty-fourth chapter in the third Upoddhāta section of the middle part of the glorious Brahmāṇḍa Mahāpurāṇa spoken by Vāyu] The Sūta said: The father of Soma, O brahmins, was the venerable seer Atri; there Atri stood, encompassed by his own splendour, (as father) of all the worlds.
AI translation rendered from the Sanskrit, not a published edition — the model flagged this verse as uncertain
BndP 2 65.2
कर्मणा मनसा वाचा शुभान्येव समाचरन् । काष्ठकुड्यशिलाभूत ऊर्द्ध्वबाहुर्महाद्युतिः
karmaṇā manasā vācā śubhānyeva samācaran / kāṣṭhakuḍyaśilābhūta ūrddhvabāhurmahādyutiḥ
By act, by mind, by speech performing only auspicious things, become (motionless) as wood, wall, or stone, with arms raised aloft, of great radiance—
AI translation rendered from the Sanskrit, not a published edition
BndP 2 65.3
सुदुश्चरं नाम तपो येन तप्तं महात्पुरा । त्रीणि वर्षसहस्राणि दिव्यानीति हि नः श्रुतम्
suduścaraṃ nāma tapo yena taptaṃ mahātpurā / trīṇi varṣasahasrāṇi divyānīti hi naḥ śrutam
Very hard indeed was the great austerity practised by him long ago—three thousand celestial years, so we have heard.
AI translation rendered from the Sanskrit, not a published edition
BndP 2 65.4
तस्योर्द्ध्वरेतसस्तत्र स्थितस्यानिमिषस्य ह । सोमत्वं तनुरापेदे महाबुद्धिः स वै द्विजः
tasyorddhvaretasastatra sthitasyānimiṣasya ha / somatvaṃ tanurāpede mahābuddhiḥ sa vai dvijaḥ
As he stood there with seed drawn upward and unblinking, his body attained the state of Soma (the moon); that twice-born one was indeed of great understanding.
AI translation rendered from the Sanskrit, not a published edition
BndP 2 65.5
ऊर्द्ध्वमाचक्रमे तस्य सोमत्वं भावितात्मनः । नेत्राभ्या मस्रवत्सोमो दशधा द्योतयन् दिशः
ūrddhvamācakrame tasya somatvaṃ bhāvitātmanaḥ / netrābhyā masravatsomo daśadhā dyotayan diśaḥ
The somahood of him whose self was (thus) perfected rose upward; Soma flowed forth from his two eyes, illuminating the quarters tenfold.
AI translation rendered from the Sanskrit, not a published edition
BndP 2 65.6
तं गर्भं विधिना हृष्टा दश देव्यो दधुस्तदा । समेत्य धारयामासुर्न च ताः समशक्नुवन्
taṃ garbhaṃ vidhinā hṛṣṭā daśa devyo dadhustadā / sametya dhārayāmāsurna ca tāḥ samaśaknuvan
Then the ten goddesses, delighted, received that embryo in the prescribed manner; coming together they tried to hold it, but they were not able (to do so).
AI translation rendered from the Sanskrit, not a published edition
BndP 2 65.7
स ताभ्यः सहसैवाथ दिग्भ्यो गर्भः प्रसाधितः । पपात भासयंल्लोकाञ्छीतांशुः सर्वभावनः
sa tābhyaḥ sahasaivātha digbhyo garbhaḥ prasādhitaḥ / papāta bhāsayaṃllokāñchītāṃśuḥ sarvabhāvanaḥ
Then that embryo, discharged all at once by them from the quarters (of the sky), fell, lighting up the worlds — the cool-rayed one, the nourisher of all.
AI translation rendered from the Sanskrit, not a published edition
BndP 2 65.8
यदा न धारणे शक्तास्तस्य गर्भस्य ताः स्त्रियः । ततः सहाभिः शीतांशुर्निपपात वसुंधराम्
yadā na dhāraṇe śaktāstasya garbhasya tāḥ striyaḥ / tataḥ sahābhiḥ śītāṃśurnipapāta vasuṃdharām
When those women were not able to hold that embryo, then, together with them, the cool-rayed one fell down upon the earth.
AI translation rendered from the Sanskrit, not a published edition
BndP 2 65.9
पतन्तं सोममालोक्य ब्रह्मा लोकपितामहः । रथमारोपयामास लोकानां हितकाम्यया
patantaṃ somamālokya brahmā lokapitāmahaḥ / rathamāropayāmāsa lokānāṃ hitakāmyayā
Seeing the Moon falling, Brahmā, the grandfather of the worlds, made him mount a chariot, out of a wish for the welfare of the worlds.
AI translation rendered from the Sanskrit, not a published edition
BndP 2 65.10
स हि वेदमयो विप्रा धर्मात्मा सत्यसंगरः । युक्ते वाजिसहस्रेण रथे ऽध्यास्तेति नःश्रुतम्
sa hi vedamayo viprā dharmātmā satyasaṃgaraḥ / yukte vājisahasreṇa rathe 'dhyāsteti naḥśrutam
For he, O brahmins, is made of the Veda, of righteous nature, true to his engagements; he sits upon a chariot yoked with a thousand steeds — so we have heard.
AI translation rendered from the Sanskrit, not a published edition
BndP 2 65.11
तस्मिन्निपतिते देवाः पुत्रे ऽत्रेः परमात्मनः । तुष्टुवुर्ब्रह्मणः पुत्रा मानसाः सप्त विश्रुताः
tasminnipatite devāḥ putre 'treḥ paramātmanaḥ / tuṣṭuvurbrahmaṇaḥ putrā mānasāḥ sapta viśrutāḥ
When he, the son of Atri of supreme soul, had fallen, the gods praised him, and the seven renowned mind-born sons of Brahmā (as well).
AI translation rendered from the Sanskrit, not a published edition
BndP 2 65.12
तत्रैवाङ्गिरसास्तस्य भृगोश्चैवात्मजास्तथा । ऋग्भिर्यजुर्भिर्बहुभिरथर्वाङ्गिरसैरपि
tatraivāṅgirasāstasya bhṛgoścaivātmajāstathā / ṛgbhiryajurbhirbahubhiratharvāṅgirasairapi
There too the Āṅgirasas and likewise the sons of Bhṛgu (praised him) with Ṛg verses, with Yajus verses, with many, and also with the Atharva-Āṅgirasa (hymns).
AI translation rendered from the Sanskrit, not a published edition
BndP 2 65.13
ततः संस्तूयमानस्य तेजः सोमस्य भास्वतः । आप्यायमानं लोकांस्त्रीन्भावयामास सर्वशः
tataḥ saṃstūyamānasya tejaḥ somasya bhāsvataḥ / āpyāyamānaṃ lokāṃstrīnbhāvayāmāsa sarvaśaḥ
Then the radiance of the shining Moon, as he was being praised, growing full, nourished the three worlds in every way.
AI translation rendered from the Sanskrit, not a published edition
BndP 2 65.14
स तेन रथमुख्येन सागरान्तां वसुंधराम् । त्रिःसप्तकृत्वो ऽतियशाश्चकाराभिप्रदक्षिणम्
sa tena rathamukhyena sāgarāntāṃ vasuṃdharām / triḥsaptakṛtvo 'tiyaśāścakārābhipradakṣiṇam
With that foremost chariot he of surpassing fame went thrice seven times in circumambulation around the earth bounded by the ocean.
AI translation rendered from the Sanskrit, not a published edition
BndP 2 65.15
तस्य यद्वर्द्धितं तेजः पृथिवीमन्वपद्यत । ओषध्यस्ताः समुद्भूतास्तेजसा खं ज्वलत्युत
tasya yadvarddhitaṃ tejaḥ pṛthivīmanvapadyata / oṣadhyastāḥ samudbhūtāstejasā khaṃ jvalatyuta
That radiance of his which had been increased entered the earth; from it the herbs sprang up, and by his radiance the sky indeed blazes.
AI translation rendered from the Sanskrit, not a published edition — the model flagged this verse as uncertain
BndP 2 65.16
ताभिः पुण्यात्ययं लोकान्प्रजाश्चापि चतुर्विधाः । पोष्टा हि भगवान्सोमो जगतो हि द्विजोत्तमाः
tābhiḥ puṇyātyayaṃ lokānprajāścāpi caturvidhāḥ / poṣṭā hi bhagavānsomo jagato hi dvijottamāḥ
By them (the herbs he sustains) the worlds and the four kinds of creatures; for the lord Soma, O best of brahmins, is the nourisher of the world.
AI translation rendered from the Sanskrit, not a published edition — the model flagged this verse as uncertain
BndP 2 65.17
स लब्धतेजास्तपसा संस्तवैस्तैः स्वकर्मभिः । तवस्तेपे महाभागः समानां नवतीर्दश
sa labdhatejāstapasā saṃstavaistaiḥ svakarmabhiḥ / tavastepe mahābhāgaḥ samānāṃ navatīrdaśa
He, having obtained radiance by austerity, by those praises and by his own deeds, the greatly fortunate one, practised austerity for ninety times ten years.
AI translation rendered from the Sanskrit, not a published edition
BndP 2 65.18
इरण्यवर्णा या देव्यो धारयन्त्यात्मना जगत् । विभुस्तासां मुदा सोमः प्रख्यातःस्वेन कर्मणा
iraṇyavarṇā yā devyo dhārayantyātmanā jagat / vibhustāsāṃ mudā somaḥ prakhyātaḥsvena karmaṇā
The gold-coloured goddesses who uphold the world by themselves — Soma became their lord with joy, renowned by his own deed.
AI translation rendered from the Sanskrit, not a published edition — the model flagged this verse as uncertain
BndP 2 65.19
ततस्तस्मै ददौ राज्यं ब्रह्मा ब्रह्मविदां वरः । बीजौषधीनां विप्राणामपां च द्विजसत्तमाः
tatastasmai dadau rājyaṃ brahmā brahmavidāṃ varaḥ / bījauṣadhīnāṃ viprāṇāmapāṃ ca dvijasattamāḥ
Then Brahmā, the best of the knowers of brahman, gave him the sovereignty over seeds, herbs, brahmins and waters, O best of the twice-born.
AI translation rendered from the Sanskrit, not a published edition
BndP 2 65.20
सो ऽभिषिक्तो महातेजा महाराज्येन राजराट् । लोकान्वै भावयामास तेजस्वी तपतां वरः
so 'bhiṣikto mahātejā mahārājyena rājarāṭ / lokānvai bhāvayāmāsa tejasvī tapatāṃ varaḥ
He of great radiance, consecrated with the great kingship, the king of kings, nourished the worlds, brilliant, the foremost of those that give heat.
AI translation rendered from the Sanskrit, not a published edition
BndP 2 65.21
सप्तविंशतिरिन्दोस्तु दाक्षायण्यो महाव्रताः । ददौ प्राचेतसो दक्षो नक्षत्राणीति या विदुः
saptaviṃśatirindostu dākṣāyaṇyo mahāvratāḥ / dadau prācetaso dakṣo nakṣatrāṇīti yā viduḥ
Dakṣa Prācetasa gave to the Moon twenty-seven daughters of Dakṣa, of great vows, whom people know as the lunar mansions.
AI translation rendered from the Sanskrit, not a published edition
BndP 2 65.22
स तत्प्राप्य महाद्राज्यं सोमः सोमवतां प्रभुः । समारेभे राजसूयं सहस्रशतदक्षिणम्
sa tatprāpya mahādrājyaṃ somaḥ somavatāṃ prabhuḥ / samārebhe rājasūyaṃ sahasraśatadakṣiṇam
Having obtained that great kingship, Soma, the lord of those possessing soma, began a Rājasūya sacrifice with a hundred thousand as its priestly fee.
AI translation rendered from the Sanskrit, not a published edition
BndP 2 65.25
हिरण्यगर्भश्चोद्गाता ब्रह्मा ब्रह्मत्वमीयिवान् । सदस्यस्तत्र भगवान्हरिर्नारायणः प्रभुः ॥ ब्न्द्प्_२,६५।२३ ॥ सनत्कुमारप्रमुखैराद्यैर्ब्रह्मर्षिभिर्वृतः ॥ ब्न्द्प्_२,६५।२४ ॥ दक्षिणामददात्सोमस्त्रींल्लोकानिति नः श्रुतम् । तेभ्यो ब्रह्मर्षिमुख्येभ्यः सदस्येभ्यश्च वै द्विजाः
hiraṇyagarbhaścodgātā brahmā brahmatvamīyivān / sadasyastatra bhagavānharirnārāyaṇaḥ prabhuḥ // bndp_2,65.23 // sanatkumārapramukhairādyairbrahmarṣibhirvṛtaḥ // bndp_2,65.24 // dakṣiṇāmadadātsomastrīṃllokāniti naḥ śrutam / tebhyo brahmarṣimukhyebhyaḥ sadasyebhyaśca vai dvijāḥ
And Hiraṇyagarbha was the Udgātṛ, (while) Brahmā took on the office of Brahman priest; there the lord, the blessed Hari Nārāyaṇa, was an assembly-member, (23) surrounded by the primeval brahmin-sages headed by Sanatkumāra. (24) Soma gave as sacrificial fee the three worlds — so we have heard — to those chief brahmin-sages and to the assembly-members, O twice-born ones.
AI translation rendered from the Sanskrit, not a published edition
BndP 2 65.26
तं सिनी च कुहूश्चैव वपुः पुष्टिः प्रभा वसुः । कीर्त्तिर्धृतिश्च लक्ष्मीश्च नव देव्यः सिषेविरे
taṃ sinī ca kuhūścaiva vapuḥ puṣṭiḥ prabhā vasuḥ / kīrttirdhṛtiśca lakṣmīśca nava devyaḥ siṣevire
Nine goddesses attended upon him: Sinī and Kuhū, Vapus, Puṣṭi, Prabhā, Vasu, Kīrti, Dhṛti and Lakṣmī.
AI translation rendered from the Sanskrit, not a published edition
BndP 2 65.27
प्राप्यावभृथमव्यग्रः सर्वदेवर्षिपूजितः । अतिरेजे हि राजेन्द्रो दशधा भासयन्दिशः
prāpyāvabhṛthamavyagraḥ sarvadevarṣipūjitaḥ / atireje hi rājendro daśadhā bhāsayandiśaḥ
Having completed the final ablution (of the sacrifice), untroubled and honoured by all the gods and seers, that lord of kings shone forth exceedingly, illumining the quarters tenfold.
AI translation rendered from the Sanskrit, not a published edition
BndP 2 65.28
तस्य तत्प्राप्य दुष्प्रापमैश्वर्यमृषिसंस्तुतम् । विबभ्राम मतिर्विप्रा विनयादनयावृता
tasya tatprāpya duṣprāpamaiśvaryamṛṣisaṃstutam / vibabhrāma matirviprā vinayādanayāvṛtā
But when he had obtained that hard-to-win sovereignty, praised by the seers, his mind wandered astray, O brahmins, veiled by misconduct rather than by good conduct.
AI translation rendered from the Sanskrit, not a published edition — the model flagged this verse as uncertain
BndP 2 65.29
बृहस्पतेः सवै भार्यां तारां नाम यशस्विनीम् । जहार सहसा सर्वानवमत्याङ्गिरःसुतान्
bṛhaspateḥ savai bhāryāṃ tārāṃ nāma yaśasvinīm / jahāra sahasā sarvānavamatyāṅgiraḥsutān
He violently carried off the illustrious wife of Bṛhaspati, Tārā by name, slighting all the sons of Aṅgiras.
AI translation rendered from the Sanskrit, not a published edition
BndP 2 65.30
स याच्यमानो देवैश्च तथा देवर्षिभिश्च ह । नैव व्यसर्जयत्तारां तस्मा अङ्गिरसे तदा
sa yācyamāno devaiśca tathā devarṣibhiśca ha / naiva vyasarjayattārāṃ tasmā aṅgirase tadā
Though entreated by the gods and likewise by the divine seers, he would not release Tārā then to that (son of) Aṅgiras.
AI translation rendered from the Sanskrit, not a published edition
BndP 2 65.31
उशनास्तस्य जग्राह पार्ष्णिमङ्गिरसो भवः । स हि शिष्यो महातेजाः पितुः पूर्वं बृहस्पतेः
uśanāstasya jagrāha pārṣṇimaṅgiraso bhavaḥ / sa hi śiṣyo mahātejāḥ pituḥ pūrvaṃ bṛhaspateḥ
Uśanas took up his (Soma's) side against Aṅgiras—as did Bhava; for that one of great splendour had earlier been a pupil of Bṛhaspati's father.
AI translation rendered from the Sanskrit, not a published edition — the model flagged this verse as uncertain
BndP 2 65.32
तेन स्नेहेन भगवान्रुद्रस्तस्य बृहस्पतेः । पार्ष्मिग्राहो ऽभवद्देवः प्रगृह्याजगवं धनुः
tena snehena bhagavānrudrastasya bṛhaspateḥ / pārṣmigrāho 'bhavaddevaḥ pragṛhyājagavaṃ dhanuḥ
Out of that affection the lord Rudra, the god, became the rear-attacker of that Bṛhaspati, taking up the bow Ājagava.
AI translation rendered from the Sanskrit, not a published edition — the model flagged this verse as uncertain
BndP 2 65.33
तेन ब्रह्मशिरो नाम परमास्त्रं महात्मना । उद्दिश्य देवानुत्सृष्टं येनैषां नाशितं यशः
tena brahmaśiro nāma paramāstraṃ mahātmanā / uddiśya devānutsṛṣṭaṃ yenaiṣāṃ nāśitaṃ yaśaḥ
By that great-souled one the supreme weapon named Brahmaśiras was discharged, aimed at the gods, by which their glory was destroyed.
AI translation rendered from the Sanskrit, not a published edition
BndP 2 65.34
तत्र तद्युद्धमभवत्प्रख्यातं तारकामयम् । देवानां दानवानां च लोकक्षयकरं महत्
tatra tadyuddhamabhavatprakhyātaṃ tārakāmayam / devānāṃ dānavānāṃ ca lokakṣayakaraṃ mahat
Then there took place that famous battle called Tārakāmaya, between the gods and the Dānavas, great and destructive of the worlds.
AI translation rendered from the Sanskrit, not a published edition
BndP 2 65.35
तत्र शिष्टास्तु ये देवास्तुषिताश्चैव ते स्मृताः । ब्रह्माणं शरणं जग्मुरादिदेवं पितामहम्
tatra śiṣṭāstu ye devāstuṣitāścaiva te smṛtāḥ / brahmāṇaṃ śaraṇaṃ jagmurādidevaṃ pitāmaham
Those gods who survived there are remembered as the Tuṣitas; they went for refuge to Brahmā, the primal god, the grandfather.
AI translation rendered from the Sanskrit, not a published edition
BndP 2 65.36
ततो निवार्योशनसं रुद्रं ज्येष्ठं च शङ्करम् । ददावाङ्गिरसे तारां स्वयमेत्य पितामहः
tato nivāryośanasaṃ rudraṃ jyeṣṭhaṃ ca śaṅkaram / dadāvāṅgirase tārāṃ svayametya pitāmahaḥ
Then, having restrained Uśanas and Rudra and the eldest, Śaṅkara, the grandfather came in person and gave Tārā to (the son of) Aṅgiras.
AI translation rendered from the Sanskrit, not a published edition
BndP 2 65.37
अन्तर्वत्नीं च तां दृष्ट्वा तारां ताराधिपाननाम् । गर्भमुत्सृज सद्यस्त्वं विप्रः प्राह बृहस्पतिः
antarvatnīṃ ca tāṃ dṛṣṭvā tārāṃ tārādhipānanām / garbhamutsṛja sadyastvaṃ vipraḥ prāha bṛhaspatiḥ
And seeing that Tārā, whose face was like the lord of stars, to be pregnant, the brahmin Bṛhaspati said: "Cast out the embryo at once!"
AI translation rendered from the Sanskrit, not a published edition
BndP 2 65.38
मदीयायां न ते योनौ गर्भो धार्यः कथञ्चन । अथो तारासृजद्गर्भं ज्वलन्तमिव पावकम्
madīyāyāṃ na te yonau garbho dhāryaḥ kathañcana / atho tārāsṛjadgarbhaṃ jvalantamiva pāvakam
"In my womb—in yours—this embryo must by no means be carried." Thereupon Tārā released the embryo, blazing like fire.
AI translation rendered from the Sanskrit, not a published edition — the model flagged this verse as uncertain
BndP 2 65.39
जातमात्रो ऽथ भगवान्देवानामाक्षिपद्वपुः । ततः संशयमापन्नस्तारामकथयन्सुराः
jātamātro 'tha bhagavāndevānāmākṣipadvapuḥ / tataḥ saṃśayamāpannastārāmakathayansurāḥ
Then the lord, as soon as he was born, outshone the bodily form of the gods; thereupon the gods, fallen into doubt, spoke to Tārā:
AI translation rendered from the Sanskrit, not a published edition
BndP 2 65.40
सत्यं ब्रूहि सुतः कस्य सोमस्याथ बृहस्पतेः । ह्रीयमाणा यदा देवान्नाह सा साध्वसाधु वा
satyaṃ brūhi sutaḥ kasya somasyātha bṛhaspateḥ / hrīyamāṇā yadā devānnāha sā sādhvasādhu vā
"Tell the truth: whose son is he—Soma's, or Bṛhaspati's?" When, put to shame, she said nothing to the gods, either good or bad—
AI translation rendered from the Sanskrit, not a published edition
BndP 2 65.41
तदा तां शप्तुमारब्धः कुमारो दस्युहन्तमः । तं निवार्य तदाब्रह्मा तारां पप्रच्छ संशयम्
tadā tāṃ śaptumārabdhaḥ kumāro dasyuhantamaḥ / taṃ nivārya tadābrahmā tārāṃ papraccha saṃśayam
then the boy, the utmost slayer of foes, set about cursing her; Brahmā, restraining him, then asked Tārā about the doubt:
AI translation rendered from the Sanskrit, not a published edition
BndP 2 65.42
यदत्र तथ्यं तद्ब्रूहि तारे कस्य सुतस्त्वयम् । सा प्राञ्जलिरुवाचेदं ब्रह्माणं वरदं प्रभुम्
yadatra tathyaṃ tadbrūhi tāre kasya sutastvayam / sā prāñjaliruvācedaṃ brahmāṇaṃ varadaṃ prabhum
"Tell what is true in this matter, Tārā: whose son is this of yours?" She, with joined palms, said this to Brahmā, the boon-giving lord:
AI translation rendered from the Sanskrit, not a published edition
BndP 2 65.43
सोमस्यति महात्मानं कुमारं दस्युहन्तमम् । ततः सुतमुपाघ्राय सोमो राजा प्रजापतिः
somasyati mahātmānaṃ kumāraṃ dasyuhantamam / tataḥ sutamupāghrāya somo rājā prajāpatiḥ
"He is Soma's"—(so she said of) the great-souled boy, the utmost slayer of foes. Then Soma, the king, the lord of creatures, kissed his son on the head,
AI translation rendered from the Sanskrit, not a published edition
BndP 2 65.44
बुध इत्यकरोन्नाम तस्य पुत्रस्य धीमतः । प्रतिघस्रं च गगने समभ्युत्तिष्ठते बुधः
budha ityakaronnāma tasya putrasya dhīmataḥ / pratighasraṃ ca gagane samabhyuttiṣṭhate budhaḥ
and made the name "Budha" for that wise son; and day after day Budha rises up in the sky.
AI translation rendered from the Sanskrit, not a published edition
BndP 2 65.45
उत्पादयामास तदा पुत्रं वे राजपुत्रिका । तस्य पुत्रो महातेजा बभूवैलः पुरूरवाः
utpādayāmāsa tadā putraṃ ve rājaputrikā / tasya putro mahātejā babhūvailaḥ purūravāḥ
Then the king's daughter bore him a son; his son was Aila Purūravas, of great splendour.
AI translation rendered from the Sanskrit, not a published edition — the model flagged this verse as uncertain
BndP 2 65.46
उर्वश्यां जज्ञिरे तस्य पत्राः षट् सुमहौजसः । प्रसह्य धर्षितस्तत्र विवशो राजयक्ष्मणा
urvaśyāṃ jajñire tasya patrāḥ ṣaṭ sumahaujasaḥ / prasahya dharṣitastatra vivaśo rājayakṣmaṇā
To him were born of Urvaśī six sons of very great might. There, forcibly overpowered, he was made helpless by the royal consumption.
AI translation rendered from the Sanskrit, not a published edition — the model flagged this verse as uncertain
BndP 2 65.47
ततो यक्ष्माभिभूतस्तु सोमः प्रक्षिणमण्डलः । जगाम शरणायाथ पितरं सो ऽत्रिमेव तु
tato yakṣmābhibhūtastu somaḥ prakṣiṇamaṇḍalaḥ / jagāma śaraṇāyātha pitaraṃ so 'trimeva tu
Then Soma, overcome by the wasting disease, his disk dwindled away, went for refuge to his father, to Atri himself.
AI translation rendered from the Sanskrit, not a published edition
BndP 2 65.48
तस्य तत्पापशमनं चकारात्रिर्महायशाः । स राजयक्ष्मणा मुक्तः श्रीया जजवाल सर्वशः
tasya tatpāpaśamanaṃ cakārātrirmahāyaśāḥ / sa rājayakṣmaṇā muktaḥ śrīyā jajavāla sarvaśaḥ
Atri of great renown made the quelling of that sin of his; released from the royal consumption, he blazed with splendour in every direction.
AI translation rendered from the Sanskrit, not a published edition
BndP 2 65.49
एतत्सोमस्य वै जन्म कीर्त्तितं द्विजसत्तमाः । वंशं तस्य द्विजश्रेष्ठा कीर्त्यमानं निबोधत
etatsomasya vai janma kīrttitaṃ dvijasattamāḥ / vaṃśaṃ tasya dvijaśreṣṭhā kīrtyamānaṃ nibodhata
This, indeed, is the birth of Soma that has been recounted, O best of the twice-born; now learn his lineage, O foremost of the twice-born, as it is being recounted.
AI translation rendered from the Sanskrit, not a published edition