Brahmanda Purana — Purva Bhaga — Chapter 9
BndP 1 9.1
सूत उवाच रुद्रं धर्मं मनश्चैव रुचिं चैवाकृतिं तथा । पञ्च कर्तॄन् हि स तदा मनसा व्यसृजत्प्रभुः
sūta uvāca rudraṃ dharmaṃ manaścaiva ruciṃ caivākṛtiṃ tathā / pañca kartṝn hi sa tadā manasā vyasṛjatprabhuḥ
Sūta said: Rudra, Dharma, Manas, Ruci and likewise Ākṛti — these five agents the Lord then emitted from his mind.
AI translation rendered from the Sanskrit, not a published edition
BndP 1 9.2
एते महाभुजाः सर्वे प्रजानां स्थितिहेतवः । औषधीः प्रतिसंधत्ते रुद्रः क्षीणः पुनः पुनः
ete mahābhujāḥ sarve prajānāṃ sthitihetavaḥ / auṣadhīḥ pratisaṃdhatte rudraḥ kṣīṇaḥ punaḥ punaḥ
All these great-armed ones are the causes of the continuance of creatures. Rudra restores the plants again and again when they are exhausted.
AI translation rendered from the Sanskrit, not a published edition
BndP 1 9.3
प्राप्तौषधिफलैर्देवः सम्यगिष्टः फलार्थिभिः । त्रिभिरेव कपालैस्तु त्र्यंबकैरोषधीक्षये
prāptauṣadhiphalairdevaḥ samyagiṣṭaḥ phalārthibhiḥ / tribhireva kapālaistu tryaṃbakairoṣadhīkṣaye
The god, when properly worshipped by those seeking fruits, with the fruits of the plants they have obtained, and with just three cups, by the Tryambaka (offerings), at the wasting away of the plants —
AI translation rendered from the Sanskrit, not a published edition — the model flagged this verse as uncertain
BndP 1 9.4
इज्यते मुनिभिर्यस्मात्तस्मात्त्त्र्यंबक उच्यते । गायत्रीं चैव त्रिष्टुप् च जगती चैव ताः स्मृताः
ijyate munibhiryasmāttasmātttryaṃbaka ucyate / gāyatrīṃ caiva triṣṭup ca jagatī caiva tāḥ smṛtāḥ
— because he is worshipped by the sages (thus), he is therefore called Tryambaka. And the Gāyatrī, the Triṣṭubh and the Jagatī: these are held to be
AI translation rendered from the Sanskrit, not a published edition
BndP 1 9.5
अंबिकानां मया प्रोक्ता योनयः स्वनस्पतेः । ताभिरेकत्वभूता भिस्त्रिविधाभिः स्ववीर्यतः
aṃbikānāṃ mayā proktā yonayaḥ svanaspateḥ / tābhirekatvabhūtā bhistrividhābhiḥ svavīryataḥ
the wombs of the Ambikās, declared by me, of the lord of plants; by these three, become one, through his own power,
AI translation rendered from the Sanskrit, not a published edition — the model flagged this verse as uncertain
BndP 1 9.6
त्रिसाधनः पुरोडाशस्त्रिकपालस्ततः स्मृतः । त्र्यंबकः स पुरोडाशस्तेनेह त्र्यंबकःस्मृतः
trisādhanaḥ puroḍāśastrikapālastataḥ smṛtaḥ / tryaṃbakaḥ sa puroḍāśasteneha tryaṃbakaḥsmṛtaḥ
the sacrificial cake has three means (of preparation) and is therefore held to be one of three cups; that cake is the Tryambaka, and thereby he is here called Tryambaka.
AI translation rendered from the Sanskrit, not a published edition
BndP 1 9.7
धत्ते धर्मः प्रजाः सर्वा मनो ज्ञानकरं स्मृतम् । आकृतिः सुरुचे रूपं रुचिः श्रद्धाकरः स्मृतः
dhatte dharmaḥ prajāḥ sarvā mano jñānakaraṃ smṛtam / ākṛtiḥ suruce rūpaṃ ruciḥ śraddhākaraḥ smṛtaḥ
Dharma upholds all creatures; Manas is held to be the maker of knowledge; Ākṛti (gives) form to Ruci; Ruci is held to be the maker of faith.
AI translation rendered from the Sanskrit, not a published edition — the model flagged this verse as uncertain
BndP 1 9.8
एवमेते प्रजापालाः प्रजानां स्थितिहेतवः । अथास्य सृजतः सर्गं प्रजानां परिवृद्धये
evamete prajāpālāḥ prajānāṃ sthitihetavaḥ / athāsya sṛjataḥ sargaṃ prajānāṃ parivṛddhaye
Thus these guardians of creatures (are) the causes of the continuance of creatures. Then, as he was emitting his creation for the increase of creatures,
AI translation rendered from the Sanskrit, not a published edition
BndP 1 9.9
न व्यवर्द्धत ताः सृष्टाः प्रजाः केनापि हेतुना । ततः स विदधे बुद्धिमर्थनिश्चयगा मिनीम्
na vyavarddhata tāḥ sṛṣṭāḥ prajāḥ kenāpi hetunā / tataḥ sa vidadhe buddhimarthaniścayagā minīm
those creatures that had been created did not increase, for whatever reason; then he applied his mind, which goes to the ascertainment of the matter.
AI translation rendered from the Sanskrit, not a published edition
BndP 1 9.10
अथात्मनि समद्राक्षीत्तमोमात्रां तु चारिणीम् । रजः सत्त्वं परित्यज्य वर्तमानां स्वकर्मतः
athātmani samadrākṣīttamomātrāṃ tu cāriṇīm / rajaḥ sattvaṃ parityajya vartamānāṃ svakarmataḥ
Then he saw within himself a portion of darkness (tamas) moving about, having abandoned rajas and sattva, operating by its own working.
AI translation rendered from the Sanskrit, not a published edition
BndP 1 9.11
ततः स तेन दुखेनशुचं चक्रे जगत्पतिः । तमश्च व्यनुदत्पश्चाद् रजसातु समावृणोत्
tataḥ sa tena dukhenaśucaṃ cakre jagatpatiḥ / tamaśca vyanudatpaścād rajasātu samāvṛṇot
Then, by reason of that pain, the lord of the world grieved; and afterwards he thrust away the darkness, but covered (it) over with rajas.
AI translation rendered from the Sanskrit, not a published edition — the model flagged this verse as uncertain
BndP 1 9.12
तत्तमः प्रतिनुत्तं वै मिथुनं संप्रसूयत । अधर्माचरणा त्तस्य हिंसा शोको व्यजायत
tattamaḥ pratinuttaṃ vai mithunaṃ saṃprasūyata / adharmācaraṇā ttasya hiṃsā śoko vyajāyata
That darkness, when thrust away, brought forth a pair; from his practice of unrighteousness there were born Violence and Grief.
AI translation rendered from the Sanskrit, not a published edition
BndP 1 9.13
ततस्तस्मिन्समुद्भूते मिथुने वरणात्मके । ततः स भगवानासीत् प्रीतश्चैतं हि शिश्रिये
tatastasminsamudbhūte mithune varaṇātmake / tataḥ sa bhagavānāsīt prītaścaitaṃ hi śiśriye
Then, when that pair of the nature of (?) choosing had arisen, the Blessed One became pleased, and indeed he took recourse to this.
AI translation rendered from the Sanskrit, not a published edition — the model flagged this verse as uncertain
BndP 1 9.14
एवं प्रीतात्मनस्तस्य स्वदेहार्द्धाद्विनिःसृता । नारी परमकल्याणी सर्वभूतमनोहरा
evaṃ prītātmanastasya svadehārddhādviniḥsṛtā / nārī paramakalyāṇī sarvabhūtamanoharā
Thus, from the half of the body of him whose self was pleased, there came forth a woman, supremely auspicious, captivating the minds of all beings.
AI translation rendered from the Sanskrit, not a published edition
BndP 1 9.15
सा हि कामात्मना सृष्टा प्रकृतेः सा सुरूपिणी । शतरूपेति सा प्रोक्ता सा प्रोक्तैव पुनः पुनः
sā hi kāmātmanā sṛṣṭā prakṛteḥ sā surūpiṇī / śatarūpeti sā proktā sā proktaiva punaḥ punaḥ
For she was created by (his) mind of desire, she of fair form, out of Nature; she is called Śatarūpā, and she is so called again and again.
AI translation rendered from the Sanskrit, not a published edition — the model flagged this verse as uncertain
BndP 1 9.16
ततः प्रजाः समुद्भूता यथा प्रोक्ता मया पुरा । प्रक्रियायां यथा तुभ्यं त्रेतामध्ये महात्मनः
tataḥ prajāḥ samudbhūtā yathā proktā mayā purā / prakriyāyāṃ yathā tubhyaṃ tretāmadhye mahātmanaḥ
Thence the creatures arose, as was formerly told by you (?) — as (I told) you in the account of the procedure, in the midst of the Tretā (age), of the great-souled one.
AI translation rendered from the Sanskrit, not a published edition — the model flagged this verse as uncertain
BndP 1 9.17
यदा प्रजास्तु ताः सृष्टा न व्यवद्धत धीमतः । ततो ऽन्यान्मानसान्पुत्रानात्मनः सदृशो ऽसृजत
yadā prajāstu tāḥ sṛṣṭā na vyavaddhata dhīmataḥ / tato 'nyānmānasānputrānātmanaḥ sadṛśo 'sṛjata
But when those created creatures did not increase for the wise one, then he created other mind-born sons, like himself.
AI translation rendered from the Sanskrit, not a published edition
BndP 1 9.18
भृग्वङ्गिरोमरीचींश्च पुलस्त्यं पुलहं क्रतुम् । दक्षमत्रिं वसिष्ठं च निर्ममे मानसान्सुतान्
bhṛgvaṅgiromarīcīṃśca pulastyaṃ pulahaṃ kratum / dakṣamatriṃ vasiṣṭhaṃ ca nirmame mānasānsutān
Bhṛgu, Aṅgiras, Marīci, Pulastya, Pulaha, Kratu, Dakṣa, Atri and Vasiṣṭha — (these) he fashioned as his mind-born sons.
AI translation rendered from the Sanskrit, not a published edition
BndP 1 9.19
नव ब्रह्माण इत्येते पुराणे निश्चयं गताः । ब्रह्मा यतात्मकानां तु सर्वेषामात्मयोनिनाम्
nava brahmāṇa ityete purāṇe niścayaṃ gatāḥ / brahmā yatātmakānāṃ tu sarveṣāmātmayoninām
These are established in the Purāṇa as the nine Brahmās; but Brahmā (is the creator) of all those self-born ones who are of controlled self.
AI translation rendered from the Sanskrit, not a published edition — the model flagged this verse as uncertain
BndP 1 9.20
ततो ऽसृजत्पुनर्ब्रह्मा धर्मं भूतसुखावहम् । प्रजापतिं रुचिं चैव पूर्वेषामेव पूर्वजौ
tato 'sṛjatpunarbrahmā dharmaṃ bhūtasukhāvaham / prajāpatiṃ ruciṃ caiva pūrveṣāmeva pūrvajau
Then Brahmā created again Dharma, who brings happiness to beings, and Prajāpati Ruci — the two who were born before those earlier ones.
AI translation rendered from the Sanskrit, not a published edition — the model flagged this verse as uncertain
BndP 1 9.21
बुद्धितः ससृजे धर्मं सर्वभूतसुखावहम् । मनसस्तु रुचिर्नाम जज्ञे जो ऽव्यक्तजन्मनः
buddhitaḥ sasṛje dharmaṃ sarvabhūtasukhāvaham / manasastu rucirnāma jajñe jo 'vyaktajanmanaḥ
From his intellect he created Dharma, the bringer of happiness to all beings; and from the mind of him whose birth is from the unmanifest was born (the one) named Ruci.
AI translation rendered from the Sanskrit, not a published edition — the model flagged this verse as uncertain
BndP 1 9.22
भृगुस्तु त्दृदयाज्जज्ञे ऋषिः साललयोनिनः । प्राणाद्दक्षं सृजन्ब्रह्मा चक्षुर्भ्यां तु मरीचिनम्
bhṛgustu tdṛdayājjajñe ṛṣiḥ sālalayoninaḥ / prāṇāddakṣaṃ sṛjanbrahmā cakṣurbhyāṃ tu marīcinam
But Bhṛgu the seer was born from the heart of him whose origin is the water (?); creating Dakṣa from his breath, Brahmā (created) Marīci from his two eyes.
AI translation rendered from the Sanskrit, not a published edition — the model flagged this verse as uncertain
BndP 1 9.23
अभिमानात्मकं रुद्रं निर्ममे नीललोहितम् । शिरस्ॐगिरसं चैव श्रोत्रादत्रिं तथैव च
abhimānātmakaṃ rudraṃ nirmame nīlalohitam / śirasoṃgirasaṃ caiva śrotrādatriṃ tathaiva ca
He fashioned Rudra, the blue-red one, whose nature is self-conceit; and Aṅgiras from his head, and likewise Atri from his ear.
AI translation rendered from the Sanskrit, not a published edition
BndP 1 9.24
पुलस्त्यं च तथोदानाद्व्यानाच्च पुलहं पुनः । समानजो वसिष्ठश्च ह्यपानान्निर्ममे क्रतुम्
pulastyaṃ ca tathodānādvyānācca pulahaṃ punaḥ / samānajo vasiṣṭhaśca hyapānānnirmame kratum
And Pulastya from the udāna breath, and again Pulaha from the vyāna; and Vasiṣṭha was born from the samāna, and he fashioned Kratu from the apāna.
AI translation rendered from the Sanskrit, not a published edition
BndP 1 9.25
इत्येते ब्रह्मणः पुत्राः प्रजादौ द्वादश स्मृताः । धर्मस्तेषां प्रथमजो देवतानां स्मृतस्तु वै
ityete brahmaṇaḥ putrāḥ prajādau dvādaśa smṛtāḥ / dharmasteṣāṃ prathamajo devatānāṃ smṛtastu vai
Thus these twelve are remembered as Brahmā's sons at the beginning of the creatures; and Dharma, the first-born among them, is remembered as belonging to the gods.
AI translation rendered from the Sanskrit, not a published edition
BndP 1 9.26
भृग्वादयस्तु ये सृष्टास्ते वै ब्रह्मर्षयः स्मृताः । गृहमेधिपुराणास्ते धर्मस्तैः प्राक् प्रवर्त्तितः
bhṛgvādayastu ye sṛṣṭāste vai brahmarṣayaḥ smṛtāḥ / gṛhamedhipurāṇāste dharmastaiḥ prāk pravarttitaḥ
But those who were created beginning with Bhṛgu, they are remembered as brahmarṣis; they are the ancient householders, and by them dharma was first set in motion.
AI translation rendered from the Sanskrit, not a published edition
BndP 1 9.27
द्वादशैते प्रसूयन्ते प्रजाः कल्पे पुनः पुनः । तेषां द्वादश ते वंशा दिव्या देवगुणान्विताः
dvādaśaite prasūyante prajāḥ kalpe punaḥ punaḥ / teṣāṃ dvādaśa te vaṃśā divyā devaguṇānvitāḥ
These twelve bring forth creatures in each kalpa, again and again; theirs are those twelve lineages, divine, endowed with the qualities of gods.
AI translation rendered from the Sanskrit, not a published edition
BndP 1 9.28
क्रियावन्तः प्रजावन्तो महर्षिभिरलङ्कृताः । यदा तैरिह सृष्टैस्तु धर्म्माद्यैश्च महर्षिभिः
kriyāvantaḥ prajāvanto maharṣibhiralaṅkṛtāḥ / yadā tairiha sṛṣṭaistu dharmmādyaiśca maharṣibhiḥ
(They were) performers of rites, possessed of offspring, adorned with great seers. But when by them, created here, and by Dharma and the rest, the great seers,
AI translation rendered from the Sanskrit, not a published edition — the model flagged this verse as uncertain
BndP 1 9.29
सृज्यमानाः प्रजाश्चैव न व्यवर्द्धन्त धीमतः । तमोमात्रावृतः सो ऽभूच्छोकप्रतिहतश्च वै
sṛjyamānāḥ prajāścaiva na vyavarddhanta dhīmataḥ / tamomātrāvṛtaḥ so 'bhūcchokapratihataśca vai
the creatures being created did not increase for the wise one, he became enveloped by the strand of darkness and struck down by grief.
AI translation rendered from the Sanskrit, not a published edition
BndP 1 9.30
यथाऽवृतः स वै ब्रह्मा तमोमात्रा तु सा पुनः । पुत्राणां च तमोमात्रा अपरा निःसृताभवत्
yathā'vṛtaḥ sa vai brahmā tamomātrā tu sā punaḥ / putrāṇāṃ ca tamomātrā aparā niḥsṛtābhavat
As that Brahmā was enveloped by the strand of darkness, so again another strand of darkness issued forth from (his) sons:
AI translation rendered from the Sanskrit, not a published edition
BndP 1 9.31
प्रतिस्रोतात्मको ऽधर्मो हिंसा चैवाशुभात्मिका । ततः प्रतिहते तस्य प्रतीते वरणात्मके
pratisrotātmako 'dharmo hiṃsā caivāśubhātmikā / tataḥ pratihate tasya pratīte varaṇātmake
unrighteousness, whose nature is the counter-current, and injury, whose nature is the inauspicious. Then, when that (creation) of his was thwarted, being known as of the nature of obstruction,
AI translation rendered from the Sanskrit, not a published edition — the model flagged this verse as uncertain
BndP 1 9.32
स्वां तनुं स तदा ब्रह्मा समपोहत भास्वराम् । द्विधा कृत्वा स्वकं देहमर्द्धेन पुरुषो ऽभवत्
svāṃ tanuṃ sa tadā brahmā samapohata bhāsvarām / dvidhā kṛtvā svakaṃ dehamarddhena puruṣo 'bhavat
then that Brahmā cast off his own shining body: having made his own body twofold, with one half he became a male,
AI translation rendered from the Sanskrit, not a published edition
BndP 1 9.33
अर्धेन नारी सा तस्य शतरूपा व्यजायत । प्रकृतिर्भूतधात्री सा कामाद्वै सृजतः प्रभोः
ardhena nārī sā tasya śatarūpā vyajāyata / prakṛtirbhūtadhātrī sā kāmādvai sṛjataḥ prabhoḥ
and with (the other) half that woman of his was born as Śatarūpā — she is Prakṛti, the sustainer of beings — from the desire of the Lord as he was creating.
AI translation rendered from the Sanskrit, not a published edition
BndP 1 9.34
सा दिवं पृथिवीं चैव महिम्ना व्याप्य सुस्थिता । ब्रह्माणः सा तनुः पूर्वा दिवमावृत्य तिष्टतः
sā divaṃ pṛthivīṃ caiva mahimnā vyāpya susthitā / brahmāṇaḥ sā tanuḥ pūrvā divamāvṛtya tiṣṭataḥ
She, pervading heaven and earth with her greatness, stood firm; she was the former body of Brahmā, covering the heaven of him who stands (there).
AI translation rendered from the Sanskrit, not a published edition — the model flagged this verse as uncertain
BndP 1 9.35
या त्वर्द्धा सृज्यते नारी शतरूपा व्यजायत । सा देवी नियुतं तप्त्वा तपः परम दुश्चरम्
yā tvarddhā sṛjyate nārī śatarūpā vyajāyata / sā devī niyutaṃ taptvā tapaḥ parama duścaram
But the half that is created as woman was born as Śatarūpā; that goddess, having practised for a myriad (years) austerity supremely hard to perform,
AI translation rendered from the Sanskrit, not a published edition — the model flagged this verse as uncertain
BndP 1 9.36
भर्त्तारं दीप्तयशसं पुरुषं प्रत्यपद्यत । स वै स्वायंभुवः पूर्वं पुरुषो मनुरुच्यते
bharttāraṃ dīptayaśasaṃ puruṣaṃ pratyapadyata / sa vai svāyaṃbhuvaḥ pūrvaṃ puruṣo manurucyate
obtained as husband the Male of blazing fame; that Male is called the first Manu, the Self-born (Svāyambhuva).
AI translation rendered from the Sanskrit, not a published edition
BndP 1 9.37
तस्यैकसप्ततियुगं मन्वन्तरमिहोच्यते । लब्ध्वा तु पुरुषः पत्नीं शतरूपामयोनिजाम्
tasyaikasaptatiyugaṃ manvantaramihocyate / labdhvā tu puruṣaḥ patnīṃ śatarūpāmayonijām
His interval of a Manu is here said to be seventy-one yugas. And the Male, having obtained as wife Śatarūpā, not born from a womb,
AI translation rendered from the Sanskrit, not a published edition
BndP 1 9.38
तया स रमते सार्द्धं तस्मात्सा रतिरुच्यते । प्रथमः संप्रयोगः स कल्पादौ समवर्त्तत
tayā sa ramate sārddhaṃ tasmātsā ratirucyate / prathamaḥ saṃprayogaḥ sa kalpādau samavarttata
he takes pleasure (rama-) together with her; therefore she is called Rati. That was the first sexual union, and it came about at the beginning of the kalpa.
AI translation rendered from the Sanskrit, not a published edition
BndP 1 9.39
विराजमसृजद्ब्रह्मा सो ऽभवत्पुरुषो विराट् । सम्राट् सशतरूपस्तु वैराजस्तु मनुः स्मृतः
virājamasṛjadbrahmā so 'bhavatpuruṣo virāṭ / samrāṭ saśatarūpastu vairājastu manuḥ smṛtaḥ
Brahmā created Virāj; he became the Male Virāṭ, the emperor, together with Śatarūpā; and (their son) Manu is known as Vairāja.
AI translation rendered from the Sanskrit, not a published edition — the model flagged this verse as uncertain
BndP 1 9.40
स वैराजः प्रजासर्गं ससर्ज पुरुषो मनुः । वैराजात्पुरुषाद्वीरौ शतरूपा व्यजायत
sa vairājaḥ prajāsargaṃ sasarja puruṣo manuḥ / vairājātpuruṣādvīrau śatarūpā vyajāyata
That Vairāja, the Male, the Manu, brought forth the creation of offspring; from the Male Vairāja, Śatarūpā bore two heroes,
AI translation rendered from the Sanskrit, not a published edition
BndP 1 9.41
प्रियव्रतोत्तानपादौ पुत्रौ पुत्रवतां वरौ । कन्ये द्वे सुमहाभागे याभ्यां जाता इमाः प्रजाः
priyavratottānapādau putrau putravatāṃ varau / kanye dve sumahābhāge yābhyāṃ jātā imāḥ prajāḥ
Priyavrata and Uttānapāda, two sons, best of those who have sons, and two daughters of very great fortune, from whom these creatures were born:
AI translation rendered from the Sanskrit, not a published edition
BndP 1 9.42
देवी नाम्ना तथाकूलिः प्रसूतिश्चैव ते शुभे । स्वायंभुवः प्रसूतिं तु दक्षाय व्यसृजत्प्रभुः
devī nāmnā tathākūliḥ prasūtiścaiva te śubhe / svāyaṃbhuvaḥ prasūtiṃ tu dakṣāya vyasṛjatprabhuḥ
the goddess named Ākūli (Ākūti) and Prasūti — these two auspicious ones. The Lord Svāyambhuva gave Prasūti away to Dakṣa,
AI translation rendered from the Sanskrit, not a published edition
BndP 1 9.43
रुचेः प्रजापतेश्चैव आकूतिं प्रत्य पादयत् । आकूत्यां मिथुनं जज्ञे मानसस्य रुचेः शुभम्
ruceḥ prajāpateścaiva ākūtiṃ pratya pādayat / ākūtyāṃ mithunaṃ jajñe mānasasya ruceḥ śubham
and he bestowed Ākūti upon Ruci, the lord of creatures. Of Ruci, the mind-born one, an auspicious pair was begotten in Ākūti:
AI translation rendered from the Sanskrit, not a published edition
BndP 1 9.44
यज्ञश्च दक्षिणा चैव यमलौ तौ बभूवतुः । यज्ञस्य दक्षिणायां च पुत्रा द्वादश जज्ञिरे
yajñaśca dakṣiṇā caiva yamalau tau babhūvatuḥ / yajñasya dakṣiṇāyāṃ ca putrā dvādaśa jajñire
Yajña and Dakṣiṇā — those two were twins; and to Yajña by Dakṣiṇā twelve sons were born,
AI translation rendered from the Sanskrit, not a published edition
BndP 1 9.45
यामा इति समाख्याता देवाः स्वायंभुवेतरे । यमस्य पुत्रा यज्ञस्य तस्माद्यामास्तु ते स्मृताः
yāmā iti samākhyātā devāḥ svāyaṃbhuvetare / yamasya putrā yajñasya tasmādyāmāstu te smṛtāḥ
gods proclaimed as the Yāmas, other than the Svāyambhuvas; they are the sons of Yama, (that is) of Yajña, and therefore they are known as Yāmas.
AI translation rendered from the Sanskrit, not a published edition
BndP 1 9.46
अजिताश्चैव शुक्राश्च द्वौ गणौ ब्रह्मणः स्मृतौ । यामाः पूर्वं परिक्रान्ता येषां संज्ञा दिवौकसः
ajitāścaiva śukrāśca dvau gaṇau brahmaṇaḥ smṛtau / yāmāḥ pūrvaṃ parikrāntā yeṣāṃ saṃjñā divaukasaḥ
The Ajitas and the Śukras are known as two hosts of Brahmā; the Yāmas went forth before them, whose designation is 'dwellers in heaven'.
AI translation rendered from the Sanskrit, not a published edition — the model flagged this verse as uncertain
BndP 1 9.47
स्वायंभूव सुतायां तु प्रसूत्यां लोकमातरः । तस्यां कन्याश्चतुर्विंशद्दक्षस्त्वजनयत्प्रभुः
svāyaṃbhūva sutāyāṃ tu prasūtyāṃ lokamātaraḥ / tasyāṃ kanyāścaturviṃśaddakṣastvajanayatprabhuḥ
But in Prasūti, the daughter of Svāyambhuva, the Lord Dakṣa begot twenty-four daughters, mothers of the world.
AI translation rendered from the Sanskrit, not a published edition
BndP 1 9.48
सर्वास्ताश्च महाभागाः सर्वाः कमललोचनाः । योगपत्न्यश्च ताः सर्वाः सर्वास्ता योगमातरः
sarvāstāśca mahābhāgāḥ sarvāḥ kamalalocanāḥ / yogapatnyaśca tāḥ sarvāḥ sarvāstā yogamātaraḥ
All of them were greatly blessed, all lotus-eyed; all of them were wives of yoga, and all of them mothers of yoga.
AI translation rendered from the Sanskrit, not a published edition
BndP 1 9.49
सर्वाश्च ब्रह्मवादिन्यः सर्वा विश्वस्य मातरः । श्रद्धा लक्ष्मीर्धृतिस्तुष्टिः पुष्टिर्मेधा तथा क्रिया
sarvāśca brahmavādinyaḥ sarvā viśvasya mātaraḥ / śraddhā lakṣmīrdhṛtistuṣṭiḥ puṣṭirmedhā tathā kriyā
All of them spoke of brahman, all were mothers of the universe: Śraddhā (Faith), Lakṣmī, Dhṛti (Firmness), Tuṣṭi (Contentment), Puṣṭi (Nourishment), Medhā (Intelligence), and Kriyā (Action),
AI translation rendered from the Sanskrit, not a published edition
BndP 1 9.50
बुद्धिर्लज्जा वसुः शान्तिः सिद्धिः कीर्त्तिस्त्रयोदश । पत्न्यर्थं प्रतिजग्राह धर्मो दाक्षायणीः प्रभुः
buddhirlajjā vasuḥ śāntiḥ siddhiḥ kīrttistrayodaśa / patnyarthaṃ pratijagrāha dharmo dākṣāyaṇīḥ prabhuḥ
Buddhi (Understanding), Lajjā (Modesty), Vasu, Śānti (Peace), Siddhi (Success), Kīrti (Fame) — thirteen. These daughters of Dakṣa the lord Dharma received as his wives.
AI translation rendered from the Sanskrit, not a published edition
BndP 1 9.51
द्वाराण्येतानि चैवास्य विहितानि स्वयंभुवा । यान्याः शिष्टा यवीयस्य एकादश सुलोचनाः
dvārāṇyetāni caivāsya vihitāni svayaṃbhuvā / yānyāḥ śiṣṭā yavīyasya ekādaśa sulocanāḥ
And these gateways of his were ordained by the Self-existent one. Those eleven fair-eyed ones of the younger (group) who remained (are):
AI translation rendered from the Sanskrit, not a published edition — the model flagged this verse as uncertain
BndP 1 9.52
सती ख्यातिश्च संभूतिः स्मृतिः प्रीतिः क्षमा तथा । सन्नतिश्चानसूया च ऊर्जा स्वाहा स्वधा तथा
satī khyātiśca saṃbhūtiḥ smṛtiḥ prītiḥ kṣamā tathā / sannatiścānasūyā ca ūrjā svāhā svadhā tathā
Satī, Khyāti, Saṃbhūti, Smṛti, Prīti, Kṣamā, and Sannati, Anasūyā, Ūrjā, Svāhā, and Svadhā.
AI translation rendered from the Sanskrit, not a published edition
BndP 1 9.53
तास्तदा प्रत्यगृह्णन्त पुनरन्ये महार्षयः । रुद्रो भृगुर्मरीचिश्च अङ्गिराः पुलहः क्रतुः
tāstadā pratyagṛhṇanta punaranye mahārṣayaḥ / rudro bhṛgurmarīciśca aṅgirāḥ pulahaḥ kratuḥ
These, then, other great sages received (as wives): Rudra, Bhṛgu, Marīci, Aṅgiras, Pulaha, Kratu,
AI translation rendered from the Sanskrit, not a published edition
BndP 1 9.54
पुलस्त्यो ऽत्रिर्वसिष्ठश्च पितरो ऽग्रिस्तथैव च । सतीं भवाय प्रायच्छत्ख्यातिं च भृगवे तथा
pulastyo 'trirvasiṣṭhaśca pitaro 'gristathaiva ca / satīṃ bhavāya prāyacchatkhyātiṃ ca bhṛgave tathā
Pulastya, Atri, and Vasiṣṭha, the Fathers, and likewise Agni. He gave Satī to Bhava and Khyāti to Bhṛgu,
AI translation rendered from the Sanskrit, not a published edition
BndP 1 9.55
मरीचये तु संभूतिं स्मृतिमङ्गिरसे ददौ । प्रीतिं चैव पुलस्त्याय क्षमां वै पुलहाय च
marīcaye tu saṃbhūtiṃ smṛtimaṅgirase dadau / prītiṃ caiva pulastyāya kṣamāṃ vai pulahāya ca
and Saṃbhūti to Marīci; he gave Smṛti to Aṅgiras, and Prīti to Pulastya, and Kṣamā to Pulaha,
AI translation rendered from the Sanskrit, not a published edition
BndP 1 9.56
क्रतवे संततिं नाम अनसूयां तथात्रये । ऊर्जां ददौ वसिष्ठाय स्वाहां चैवाग्नये ददौ
kratave saṃtatiṃ nāma anasūyāṃ tathātraye / ūrjāṃ dadau vasiṣṭhāya svāhāṃ caivāgnaye dadau
to Kratu the one named Saṃtati, and Anasūyā to Atri; he gave Ūrjā to Vasiṣṭha, and gave Svāhā to Agni,
AI translation rendered from the Sanskrit, not a published edition
BndP 1 9.57
स्वधां चैव पितृभ्यस्तु तास्वपत्यानि मे शृणु । एताः सर्वा महाभागाः प्रजास्त्वनुसृताः स्थिताः
svadhāṃ caiva pitṛbhyastu tāsvapatyāni me śṛṇu / etāḥ sarvā mahābhāgāḥ prajāstvanusṛtāḥ sthitāḥ
and Svadhā to the Fathers. Hear from me the offspring born in them. All these greatly blessed ones abide, with their progeny following on,
AI translation rendered from the Sanskrit, not a published edition
BndP 1 9.58
मन्वन्तरेषु सर्वेषु यावदाभूतसंप्लवम् । श्रद्धा कामं प्रजज्ञे ऽथ दर्पो लक्ष्मी सुतः स्मृतः
manvantareṣu sarveṣu yāvadābhūtasaṃplavam / śraddhā kāmaṃ prajajñe 'tha darpo lakṣmī sutaḥ smṛtaḥ
in all the manvantaras, up to the dissolution of beings. Now Śraddhā gave birth to Kāma; Darpa is known as Lakṣmī's son.
AI translation rendered from the Sanskrit, not a published edition
BndP 1 9.59
धृत्यास्तु नियमः पुत्रस्तुष्ट्याः संतोष उच्यते । पुष्ट्या लाभः सुतश्चापि मेधापुत्रः श्रुतस्तथा
dhṛtyāstu niyamaḥ putrastuṣṭyāḥ saṃtoṣa ucyate / puṣṭyā lābhaḥ sutaścāpi medhāputraḥ śrutastathā
Dhṛti's son is Niyama; of Tuṣṭi, Saṃtoṣa is declared (the son); Lābha is Puṣṭi's son, and Śruta is known as Medhā's son.
AI translation rendered from the Sanskrit, not a published edition
BndP 1 9.60
क्रियायास्तनयौ प्रोक्तौ दमश्च शम एव च । बुद्धेर्बोधः सुतश्चापि अप्रमादश्च तावुभौ
kriyāyāstanayau proktau damaśca śama eva ca / buddherbodhaḥ sutaścāpi apramādaśca tāvubhau
Kriyā's two sons are said to be Dama and Śama; and Buddhi's sons are Bodha and Apramāda, those two.
AI translation rendered from the Sanskrit, not a published edition
BndP 1 9.61
लज्जाया विनयः पुत्रो व्यवसायो वसोः सुतः । क्षेमः शान्तेः सुतश्चापि सुखं सिद्धेर्व्यजायत
lajjāyā vinayaḥ putro vyavasāyo vasoḥ sutaḥ / kṣemaḥ śānteḥ sutaścāpi sukhaṃ siddhervyajāyata
Lajjā's son is Vinaya; Vyavasāya is Vasu's son; Kṣema is Śānti's son, and Sukha was born of Siddhi.
AI translation rendered from the Sanskrit, not a published edition
BndP 1 9.62
यशः कीर्तेः सुतश्चापि इत्येते धर्मसूनवः । कामस्य तु सुतो हर्षो देव्यां सिद्ध्यां व्यजायत
yaśaḥ kīrteḥ sutaścāpi ityete dharmasūnavaḥ / kāmasya tu suto harṣo devyāṃ siddhyāṃ vyajāyata
And Yaśas is Kīrti's son. These are the sons of Dharma. But Harṣa, the son of Kāma, was born of the goddess Siddhi.
AI translation rendered from the Sanskrit, not a published edition
BndP 1 9.63
इत्येष वै सुखोदर्कः सर्गो धर्मस्य सात्त्विकः । जज्ञे हिंसा त्वधर्माद्वै निकृतिं चानृतं च ते
ityeṣa vai sukhodarkaḥ sargo dharmasya sāttvikaḥ / jajñe hiṃsā tvadharmādvai nikṛtiṃ cānṛtaṃ ca te
Thus this creation of Dharma is of the sattva nature, having happiness as its outcome. But from Adharma were born Hiṃsā (Violence), and from her Nikṛti (Deceit) and Anṛta (Falsehood).
AI translation rendered from the Sanskrit, not a published edition
BndP 1 9.64
निकृत्यनृतयोर्जज्ञ भयं नरक एव च । माया च वेदना चापि मिथुनद्वयमेतयोः
nikṛtyanṛtayorjajña bhayaṃ naraka eva ca / māyā ca vedanā cāpi mithunadvayametayoḥ
Of Nikṛti and Anṛta were born Bhaya (Fear) and Naraka (Hell), and also Māyā and Vedanā — two pairs from these two.
AI translation rendered from the Sanskrit, not a published edition
BndP 1 9.65
मयाज्जज्ञे ऽथ वै माया मृत्युं भूतापहारिणम् । वेदनायां ततश्चापि जेज्ञ दुःखं तु रौरवात्
mayājjajñe 'tha vai māyā mṛtyuṃ bhūtāpahāriṇam / vedanāyāṃ tataścāpi jejña duḥkhaṃ tu rauravāt
Then Māyā gave birth to Mṛtyu (Death), the carrier-off of beings; and thereafter in Vedanā, by Raurava, was born Duḥkha (Pain).
AI translation rendered from the Sanskrit, not a published edition — the model flagged this verse as uncertain
BndP 1 9.66
मृत्योर्व्याधिर्जराशोकक्रोधासूया विजज्ञिरे । दुःखोत्तराः स्मृता ह्येते सर्वे चाधर्मलक्षणाः
mṛtyorvyādhirjarāśokakrodhāsūyā vijajñire / duḥkhottarāḥ smṛtā hyete sarve cādharmalakṣaṇāḥ
From Mṛtyu were born Vyādhi (Disease), Jarā (Old age), Śoka (Grief), Krodha (Anger) and Asūyā (Envy). All these are known to have pain as their sequel and to bear the marks of adharma.
AI translation rendered from the Sanskrit, not a published edition
BndP 1 9.67
तेषां भार्यास्ति पुत्रो वा सर्वे ह्यनिधनाः स्मृताः । इत्येष तामसः सर्गो जज्ञे धर्मनिया मकः
teṣāṃ bhāryāsti putro vā sarve hyanidhanāḥ smṛtāḥ / ityeṣa tāmasaḥ sargo jajñe dharmaniyā makaḥ
None of them has a wife or a son; all are known to be without offspring. Thus this creation of the tamas nature came into being, the restrainer of dharma.
AI translation rendered from the Sanskrit, not a published edition — the model flagged this verse as uncertain
BndP 1 9.68
प्रजाः सृचेति व्यादिष्टो ब्रह्मणा नीललोहितः । सो ऽभिध्याय सतीं भार्यां निर्ममे चात्मसंभवान्
prajāḥ sṛceti vyādiṣṭo brahmaṇā nīlalohitaḥ / so 'bhidhyāya satīṃ bhāryāṃ nirmame cātmasaṃbhavān
Commanded by Brahmā, "Beget offspring," the blue-and-red one (Nīlalohita), having contemplated his chaste wife, fashioned (offspring) sprung from himself.
AI translation rendered from the Sanskrit, not a published edition
BndP 1 9.69
नाधिकान्न च हीनास्तान्मानसानात्मना समान् । सहस्रं च सहस्राणामसृजत्कृत्तिवाससः
nādhikānna ca hīnāstānmānasānātmanā samān / sahasraṃ ca sahasrāṇāmasṛjatkṛttivāsasaḥ
He of the hide-garment created a thousand thousands of them, mind-born, neither superior nor inferior, equal to himself.
AI translation rendered from the Sanskrit, not a published edition
BndP 1 9.70
तुल्यानेवात्मना सर्वान् रूपतेजोबल श्रुतैः । पिङ्गलान्सनिषङ्गांश्च कपर्दी नीललोहितान्
tulyānevātmanā sarvān rūpatejobala śrutaiḥ / piṅgalānsaniṣaṅgāṃśca kapardī nīlalohitān
All of them equal to himself in form, splendour, strength and learning; tawny, with quivers, wearing matted braids, blue-and-red;
AI translation rendered from the Sanskrit, not a published edition
BndP 1 9.71
विशिखान्हीनकेशांश्च दृष्टिघ्नास्तान्कपालिनः । महारूपान्विरूपांश्च विश्वरूपाश्च रूपिणः
viśikhānhīnakeśāṃśca dṛṣṭighnāstānkapālinaḥ / mahārūpānvirūpāṃśca viśvarūpāśca rūpiṇaḥ
Some crest-less (or bald), some hairless, some destroying sight, bearing skulls, of great form and of deformed form, of all forms and possessing forms;
AI translation rendered from the Sanskrit, not a published edition — the model flagged this verse as uncertain
BndP 1 9.72
रथिनो वर्मिणश्चैव धन्विनो ऽथ वरूथिनः । सहस्रशतबाहूंश्च दिव्यभौमान्तरिक्षगान्
rathino varmiṇaścaiva dhanvino 'tha varūthinaḥ / sahasraśatabāhūṃśca divyabhaumāntarikṣagān
Chariot-riders, armoured ones, archers, and those with shields, with a hundred thousand arms, moving in heaven, on earth, and in the middle air;
AI translation rendered from the Sanskrit, not a published edition
BndP 1 9.73
स्थूल शीर्षानष्टदंष्ट्रान् द्विजिह्वांस्तु त्रिलोचनान् । अन्नादान्पिशितादांश्च आज्यपान्सोमपोस्तथा
sthūla śīrṣānaṣṭadaṃṣṭrān dvijihvāṃstu trilocanān / annādānpiśitādāṃśca ājyapānsomapostathā
Thick-headed, with eight fangs, two-tongued, three-eyed, eaters of food and eaters of flesh, drinkers of ghee and likewise drinkers of soma;
AI translation rendered from the Sanskrit, not a published edition
BndP 1 9.74
अतिमेढ्रोग्रकायांश्च शितिकण्ठोग्रमन्युकान् । सनिषङ्गतनुत्रांश्च धन्विनो ह्यसिचर्मिणः
atimeḍhrograkāyāṃśca śitikaṇṭhogramanyukān / saniṣaṅgatanutrāṃśca dhanvino hyasicarmiṇaḥ
With huge members and fierce bodies, white-throated and of fierce wrath, with quivers and body-armour, archers indeed, bearing swords and shields;
AI translation rendered from the Sanskrit, not a published edition
BndP 1 9.75
आसीनान् धावतश्चापि जृंभतश्चाप्यधिष्ठितान् । अधीयानाश्च जपतो युञ्जतो ध्यायतस्तथा
āsīnān dhāvataścāpi jṛṃbhataścāpyadhiṣṭhitān / adhīyānāśca japato yuñjato dhyāyatastathā
Some sitting, some running, some yawning, some stationed (in place), some reciting, some muttering prayers, some practising yoga, and some meditating;
AI translation rendered from the Sanskrit, not a published edition
BndP 1 9.76
ज्वलतो वर्षतश्चैव द्योतमानान्प्रधूपितान् । बुद्धान्बुद्धतमांश्चैव ब्रह्मस्वान् ब्रह्मदर्शिनः
jvalato varṣataścaiva dyotamānānpradhūpitān / buddhānbuddhatamāṃścaiva brahmasvān brahmadarśinaḥ
Some blazing, some raining, some shining, some smoking, awakened and most awakened, having the sound of brahman, beholders of brahman;
AI translation rendered from the Sanskrit, not a published edition — the model flagged this verse as uncertain
BndP 1 9.77
नीलग्रीवान्सहस्राक्षान् सर्वांश्चैव क्षमाचरान् । अदृश्यान्सर्वभूतानां महायोगान्महौजसः
nīlagrīvānsahasrākṣān sarvāṃścaiva kṣamācarān / adṛśyānsarvabhūtānāṃ mahāyogānmahaujasaḥ
Blue-necked, thousand-eyed, and all of them roaming the earth, invisible to all beings, of great yoga-power and great might;
AI translation rendered from the Sanskrit, not a published edition
BndP 1 9.78
रुदतो द्रवतश्चैव एवं युक्तान्सहस्रशः । अयातयामान् सृजतं रुद्रमेतान्सुरोत्तमान्
rudato dravataścaiva evaṃ yuktānsahasraśaḥ / ayātayāmān sṛjataṃ rudrametānsurottamān
Some weeping, some running—thus, thousands of them, joined (with such traits): "O Rudra, you are creating these best of gods as unspent (undecaying) ones."
AI translation rendered from the Sanskrit, not a published edition — the model flagged this verse as uncertain
BndP 1 9.79
दृष्ट्वा ब्रह्माब्रवीदेनं मास्राक्षीरीदृशीः प्रजाः । न स्रष्टव्यात्मन स्तल्या प्रजा नैवाधिका तथा
dṛṣṭvā brahmābravīdenaṃ māsrākṣīrīdṛśīḥ prajāḥ / na sraṣṭavyātmana stalyā prajā naivādhikā tathā
Seeing (them), Brahmā said to him: "Do not create such offspring. Offspring equal to yourself must not be created, nor indeed superior ones.
AI translation rendered from the Sanskrit, not a published edition
BndP 1 9.80
अन्याः सृजस्व भद्रं ते प्रजास्त्वं मृत्युसंयुताः । नारभन्ते हि कर्माणि प्रजा विगतमृत्यवः
anyāḥ sṛjasva bhadraṃ te prajāstvaṃ mṛtyusaṃyutāḥ / nārabhante hi karmāṇi prajā vigatamṛtyavaḥ
Create others—may it be well with you—offspring joined with death; for offspring from whom death is absent do not undertake works."
AI translation rendered from the Sanskrit, not a published edition
BndP 1 9.81
एवसुक्तो ऽब्रवीदेनं नाहं मृत्युजरान्विताः । प्रजाः स्रक्ष्यामि भद्रं ते स्थितो ऽहं त्वं सृज प्रभो
evasukto 'bravīdenaṃ nāhaṃ mṛtyujarānvitāḥ / prajāḥ srakṣyāmi bhadraṃ te sthito 'haṃ tvaṃ sṛja prabho
Thus addressed, he said to him: "I shall not create offspring afflicted with death and old age. May it be well with you: I desist; you create, O lord.
AI translation rendered from the Sanskrit, not a published edition
BndP 1 9.82
एते ये वै मया सृष्टा विरूपा नीललोहिताः । सहस्रं हि सहस्राणामात्मनो मम निःसृताः
ete ye vai mayā sṛṣṭā virūpā nīlalohitāḥ / sahasraṃ hi sahasrāṇāmātmano mama niḥsṛtāḥ
These deformed, blue-and-red ones who were created by me—a thousand thousands—have issued forth from my own self.
AI translation rendered from the Sanskrit, not a published edition
BndP 1 9.83
एते देवा भविष्यन्ति रुद्रा नाम महाबलाः । पृथिव्यामन्तरिक्षे च रुद्राण्यस्ताः परिश्रुताः
ete devā bhaviṣyanti rudrā nāma mahābalāḥ / pṛthivyāmantarikṣe ca rudrāṇyastāḥ pariśrutāḥ
These shall become gods named Rudras, of great strength; and on earth and in the middle air these (their consorts) are known as Rudrāṇīs.
AI translation rendered from the Sanskrit, not a published edition — the model flagged this verse as uncertain
BndP 1 9.84
शतरुद्रे समाम्नाता भविष्यन्तीह यज्ञियाः । यज्ञभाजो भविष्यन्ति सर्वे देवगणैः सह
śatarudre samāmnātā bhaviṣyantīha yajñiyāḥ / yajñabhājo bhaviṣyanti sarve devagaṇaiḥ saha
Enumerated in the Śatarudra(-hymn), they shall become worthy of sacrifice here; they shall all become sharers in the sacrifice together with the hosts of gods.
AI translation rendered from the Sanskrit, not a published edition
BndP 1 9.85
मन्वन्तरेषु ये देवा भविष्यन्तीह छन्दजाः । तैः सार्द्धमिज्यमानास्ते स्थास्यन्तीहायुगक्षयात्
manvantareṣu ye devā bhaviṣyantīha chandajāḥ / taiḥ sārddhamijyamānāste sthāsyantīhāyugakṣayāt
Those gods who shall come to be here in the manvantaras, born of the Vedic metres—together with them these shall be worshipped and shall abide here until the destruction of the age."
AI translation rendered from the Sanskrit, not a published edition
BndP 1 9.86
एवमुक्तस्ततो ब्रह्मा महादेवेन स प्रभुः । प्रत्युवाच तथा भीमं त्दृष्यमाणः प्रजापतिः
evamuktastato brahmā mahādevena sa prabhuḥ / pratyuvāca tathā bhīmaṃ tdṛṣyamāṇaḥ prajāpatiḥ
Thus addressed by Mahādeva, that lord Brahmā, the Prajāpati, being looked upon (by him), replied to the terrible one accordingly:
AI translation rendered from the Sanskrit, not a published edition — the model flagged this verse as uncertain
BndP 1 9.87
एवं भवतु भद्रं ते यथा ते व्यात्दृतं प्रभो । ब्रह्मणा समनु ज्ञाते ततः सर्वमभूत्किल
evaṃ bhavatu bhadraṃ te yathā te vyātdṛtaṃ prabho / brahmaṇā samanu jñāte tataḥ sarvamabhūtkila
"So let it be—may it be well with you—as has been declared by you, O lord." Then, when Brahmā had consented, all that came to pass, so it is said.
AI translation rendered from the Sanskrit, not a published edition
BndP 1 9.88
ततः प्रभृति देवः स न प्रासूयत वै प्रजाः । ऊर्ध्वरेताः स्थितः स्थाणुर्यावदाभूतसंप्लवम्
tataḥ prabhṛti devaḥ sa na prāsūyata vai prajāḥ / ūrdhvaretāḥ sthitaḥ sthāṇuryāvadābhūtasaṃplavam
From that time on that god did not beget offspring; with his seed drawn upward he remained Sthāṇu (the motionless pillar) until the dissolution of beings.
AI translation rendered from the Sanskrit, not a published edition
BndP 1 9.89
यस्मात्प्रोक्तं स्थितो ऽस्मीति तस्मात्स्थाणुर्बुधैः स्मृतः । ज्ञानं तपश्च सत्यं च ह्यैश्वर्यं धर्म एव च
yasmātproktaṃ sthito 'smīti tasmātsthāṇurbudhaiḥ smṛtaḥ / jñānaṃ tapaśca satyaṃ ca hyaiśvaryaṃ dharma eva ca
Because he said, "I stand (still)," therefore he is called Sthāṇu by the wise. Knowledge, austerity, truth, sovereignty, and righteousness too,
AI translation rendered from the Sanskrit, not a published edition
BndP 1 9.90
वैराग्यमात्मसंबोधः कृत्स्नान्येतानि शङ्करे । सर्वान्देवानृषींश्चैव समेतानसुरैः सह
vairāgyamātmasaṃbodhaḥ kṛtsnānyetāni śaṅkare / sarvāndevānṛṣīṃścaiva sametānasuraiḥ saha
dispassion, and self-awakening — all these are in Śaṅkara. All the gods and the seers assembled together with the asuras —
AI translation rendered from the Sanskrit, not a published edition
BndP 1 9.91
अत्येति तेजसा देवो महादेवस्ततः स्मृतः । अत्येति देवा नैश्वर्याद्वलेन च महासुरान्
atyeti tejasā devo mahādevastataḥ smṛtaḥ / atyeti devā naiśvaryādvalena ca mahāsurān
the god surpasses (them) by his splendour, and therefore he is called Mahādeva. He surpasses the gods by his sovereignty and the great asuras by his strength,
AI translation rendered from the Sanskrit, not a published edition
BndP 1 9.92
ज्ञानेन च मुनीन्सर्वान्योगाद्भूतानि सर्वशः । एवमेव महादेवः सर्वदेवनमस्कृतः । प्रजामनु द्यामां सृष्ट्वा सर्गादुपरराम ह
jñānena ca munīnsarvānyogādbhūtāni sarvaśaḥ / evameva mahādevaḥ sarvadevanamaskṛtaḥ / prajāmanu dyāmāṃ sṛṣṭvā sargādupararāma ha
and all the sages by his knowledge, and beings everywhere by his yoga. Just so Mahādeva, honoured by all the gods, having created the offspring and the heaven(?), ceased from creation.
AI translation rendered from the Sanskrit, not a published edition — the model flagged this verse as uncertain