Brahmanda Purana — Purva Bhaga — Chapter 20
BndP 1 20.1
सूत उवाच अधःप्रमाणमूर्द्ध्व च वक्ष्यमाणं निबोधत । पृथिवी वायुराकाशमापो ज्योतिश्च पञ्चमम्
sūta uvāca adhaḥpramāṇamūrddhva ca vakṣyamāṇaṃ nibodhata / pṛthivī vāyurākāśamāpo jyotiśca pañcamam
Sūta said: Learn now the measure below and above, which is to be declared: earth, wind, space, water, and light as the fifth.
AI translation rendered from the Sanskrit, not a published edition
BndP 1 20.2
अनन्ता धातवो ह्येतं व्यापकास्तु प्रकीर्त्तिताः । जननी सर्वभूतानां सर्वसत्त्वधरा धरा
anantā dhātavo hyetaṃ vyāpakāstu prakīrttitāḥ / jananī sarvabhūtānāṃ sarvasattvadharā dharā
For the elements (dhātus) are declared to be endless and all-pervading; the earth is the mother of all beings, the bearer of all creatures.
AI translation rendered from the Sanskrit, not a published edition
BndP 1 20.3
नानाजनपदाकीर्णा नानाधिष्ठानपत्तना । नानानदनदीशैला नैकजातिसमाकुला
nānājanapadākīrṇā nānādhiṣṭhānapattanā / nānānadanadīśailā naikajātisamākulā
(She is) strewn with many countries, with many seats of rule and towns, with many streams, rivers and mountains, crowded with more than one species.
AI translation rendered from the Sanskrit, not a published edition
BndP 1 20.4
अनन्ता गीयते देवी पृथिवी बहुविस्तरा । नदीनदससुद्रस्थास्तन्था क्षुद्राश्रयस्थिताः
anantā gīyate devī pṛthivī bahuvistarā / nadīnadasasudrasthāstanthā kṣudrāśrayasthitāḥ
The goddess Earth is sung of as endless, of vast extent; (the waters) that stand in rivers, streams and oceans, and those that rest in small reservoirs,
AI translation rendered from the Sanskrit, not a published edition — the model flagged this verse as uncertain
BndP 1 20.5
पर्वताकाशसंस्थाश्च अन्तर्भूमिगाताश्च याः । आपो ऽनन्ता हि विज्ञेयास्तथाग्निः सर्वलोकगः
parvatākāśasaṃsthāśca antarbhūmigātāśca yāḥ / āpo 'nantā hi vijñeyāstathāgniḥ sarvalokagaḥ
and those situated on mountains and in the sky, and those that go within the earth — the waters are to be known as endless; and so too fire, which goes to all worlds
AI translation rendered from the Sanskrit, not a published edition
BndP 1 20.6
अनन्तः पठ्यते चैव व्यापकः सर्वसंभवः । तथाकाशमनालेख्यं रम्यं नानाश्रयं स्मृतम्
anantaḥ paṭhyate caiva vyāpakaḥ sarvasaṃbhavaḥ / tathākāśamanālekhyaṃ ramyaṃ nānāśrayaṃ smṛtam
is recited as endless, pervading, the source of all; likewise space (ākāśa) is held to be undepictable, delightful, the support of many things.
AI translation rendered from the Sanskrit, not a published edition
BndP 1 20.7
अनन्तं पठ्यते चैव वायुश्चाकाशसम्भवः । आपः पृथिव्यामुदके पृथिव्युपरि संस्थिताः
anantaṃ paṭhyate caiva vāyuścākāśasambhavaḥ / āpaḥ pṛthivyāmudake pṛthivyupari saṃsthitāḥ
And it is recited as endless; and the wind arises from space. The waters (rest) on the earth, and on the water the earth is established.
AI translation rendered from the Sanskrit, not a published edition
BndP 1 20.8
आकाशश्चापरमथ पुनर्भूमिः पुनर्जलम् । एवं मतमनन्तस्य भौतिकस्य न विद्यते
ākāśaścāparamatha punarbhūmiḥ punarjalam / evaṃ matamanantasya bhautikasya na vidyate
And beyond that again space, then again earth, then again water; thus is the doctrine — of the endless material (world) there is no (end).
AI translation rendered from the Sanskrit, not a published edition — the model flagged this verse as uncertain
BndP 1 20.9
परस्परैः सोपचिता भूमिश्चैव निबोधत । भूमिर्जलमथा काशमिति या या परंपरा
parasparaiḥ sopacitā bhūmiścaiva nibodhata / bhūmirjalamathā kāśamiti yā yā paraṃparā
Learn how earth too is heaped up by these one upon another: earth, water, then space — whichever succession there is,
AI translation rendered from the Sanskrit, not a published edition — the model flagged this verse as uncertain
BndP 1 20.10
स्थितिरेषा तु विख्याता सप्तमे ऽस्मिन्नसातले । दशयोजनसाहस्रमेकं भौमं रसातलम्
sthitireṣā tu vikhyātā saptame 'sminnasātale / daśayojanasāhasramekaṃ bhaumaṃ rasātalam
this arrangement is well known in this seventh, the netherworld (rasātala); one earthly nether region is ten thousand yojanas.
AI translation rendered from the Sanskrit, not a published edition — the model flagged this verse as uncertain
BndP 1 20.11
साधुभिः परिसंख्यातमेकैकेनैव विस्तरम् । प्रथमं तत्वलं नाम सुतलं तु ततः परम्
sādhubhiḥ parisaṃkhyātamekaikenaiva vistaram / prathamaṃ tatvalaṃ nāma sutalaṃ tu tataḥ param
The extent has been reckoned by the good, one by one: the first is named Tatvala (Atala), and beyond it Sutala,
AI translation rendered from the Sanskrit, not a published edition — the model flagged this verse as uncertain
BndP 1 20.12
ततस्तलातलं विद्यादतलं बहुविस्तरम् । ततोर्ऽवाक्च तलं नाम परतश्च रसातलम्
tatastalātalaṃ vidyādatalaṃ bahuvistaram / tator'vākca talaṃ nāma parataśca rasātalam
then one should know Talātala, and Atala of great extent; nearer than that (is) the one named Vitala, and beyond (is) Rasātala.
AI translation rendered from the Sanskrit, not a published edition — the model flagged this verse as uncertain
BndP 1 20.13
एतेषामप्यधोभागे पातालं सप्तमं स्मृतम् । कृष्णभौमश्च प्रथमो भूमिभागः प्रकीर्त्तितः
eteṣāmapyadhobhāge pātālaṃ saptamaṃ smṛtam / kṛṣṇabhaumaśca prathamo bhūmibhāgaḥ prakīrttitaḥ
Below even these the seventh is declared to be Pātāla. And the first portion of the earth is proclaimed to be of black soil,
AI translation rendered from the Sanskrit, not a published edition
BndP 1 20.14
पाण्डुभूमिर्द्वितीयस्तु तृतीयो नीलमृत्तिकः । पीतभौमश्चतुर्थस्तु पञ्चमः शर्करामयः
pāṇḍubhūmirdvitīyastu tṛtīyo nīlamṛttikaḥ / pītabhaumaścaturthastu pañcamaḥ śarkarāmayaḥ
the second of pale earth, the third of blue clay, the fourth of yellow soil, the fifth made of gravel,
AI translation rendered from the Sanskrit, not a published edition
BndP 1 20.15
षष्ठः शिलामयो ज्ञेयः सौवर्णः सप्तमः स्मृतः । प्रथमे ऽस्मिंस्तले ख्यातमसुरेद्रस्य मन्दिरम्
ṣaṣṭhaḥ śilāmayo jñeyaḥ sauvarṇaḥ saptamaḥ smṛtaḥ / prathame 'smiṃstale khyātamasuredrasya mandiram
the sixth is to be known as made of rock, the seventh is held to be golden. In this first level the mansion of the lord of the asuras is famed,
AI translation rendered from the Sanskrit, not a published edition
BndP 1 20.16
नमुचेरिन्द्रशत्रोश्च महानादस्य चालयम् । पुरं च शङ्कुकर्णस्य कबन्धस्य च मन्दिरम्
namucerindraśatrośca mahānādasya cālayam / puraṃ ca śaṅkukarṇasya kabandhasya ca mandiram
and the dwelling of Namuci the enemy of Indra, and of Mahānāda, and the city of Śaṅkukarṇa, and the mansion of Kabandha,
AI translation rendered from the Sanskrit, not a published edition
BndP 1 20.17
निष्कुलादस्य च पुरं प्रहृष्टजनसंकुलम् । राक्षसस्य च भीमस्य शूलदन्तस्य चालयम्
niṣkulādasya ca puraṃ prahṛṣṭajanasaṃkulam / rākṣasasya ca bhīmasya śūladantasya cālayam
and the city of Niṣkulāda, thronged with delighted folk, and the dwelling of the rākṣasa Bhīma and of Śūladanta,
AI translation rendered from the Sanskrit, not a published edition
BndP 1 20.18
लोहिताक्षकलिङ्गानां नगरं श्वापदस्य च । धनञ्जयस्य च पुरं नागेन्द्रस्य महात्मनः
lohitākṣakaliṅgānāṃ nagaraṃ śvāpadasya ca / dhanañjayasya ca puraṃ nāgendrasya mahātmanaḥ
the city of the Lohitākṣas and Kaliṅgas, and of Śvāpada, and the city of Dhanañjaya, the great-souled lord of nāgas,
AI translation rendered from the Sanskrit, not a published edition
BndP 1 20.19
कालियस्य च नागस्य नगरं कौशिकस्य च । एवं पुरसहस्राणि नागदानवरक्षसाम्
kāliyasya ca nāgasya nagaraṃ kauśikasya ca / evaṃ purasahasrāṇi nāgadānavarakṣasām
and the city of the nāga Kāliya, and of Kauśika — thus thousands of cities of the nāgas, dānavas and rākṣasas
AI translation rendered from the Sanskrit, not a published edition
BndP 1 20.20
तले ज्ञेयानि प्रथमे कृष्णभौमे न संशयः । द्वितीये सुतले विप्रा दैत्येन्द्रस्य च रक्षसः
tale jñeyāni prathame kṛṣṇabhaume na saṃśayaḥ / dvitīye sutale viprā daityendrasya ca rakṣasaḥ
are to be known in the first level, the black-soiled one: there is no doubt. In the second, Sutala, O brahmins, (are the cities) of the lord of daityas and of the rākṣasa,
AI translation rendered from the Sanskrit, not a published edition
BndP 1 20.21
महाजंभस्य तु तथा नगरं प्रथमस्य तु । इयग्रीवस्य कृष्णस्य निकुम्भस्य च मन्दिरम्
mahājaṃbhasya tu tathā nagaraṃ prathamasya tu / iyagrīvasya kṛṣṇasya nikumbhasya ca mandiram
and likewise the city of Mahājambha the foremost, and the mansion of Hayagrīva, of Kṛṣṇa, and of Nikumbha,
AI translation rendered from the Sanskrit, not a published edition
BndP 1 20.22
शङ्खख्यस्य च दैत्यस्य नगरं गोमुखस्य च । राक्षसस्य च नीलस्य मेघस्य कथनस्य च
śaṅkhakhyasya ca daityasya nagaraṃ gomukhasya ca / rākṣasasya ca nīlasya meghasya kathanasya ca
And the city of the Daitya named Śaṅkha, and of Gomukha; and of the Rākṣasa Nīla, and of Megha, and of Kathana.
AI translation rendered from the Sanskrit, not a published edition
BndP 1 20.23
आलयं कुकुपादस्य महोष्णीषस्य चालयम् । कंबलस्य च नागस्य पुरमश्वतरस्य च
ālayaṃ kukupādasya mahoṣṇīṣasya cālayam / kaṃbalasya ca nāgasya puramaśvatarasya ca
The dwelling of Kukupāda, and the dwelling of Mahoṣṇīṣa; and of the Nāga Kambala, and the city of Aśvatara.
AI translation rendered from the Sanskrit, not a published edition
BndP 1 20.24
कद्रूपुत्रस्य च पुरं तक्षकस्य महात्मनः । एवं पुरसहस्राणि नागदानवरक्षसाम्
kadrūputrasya ca puraṃ takṣakasya mahātmanaḥ / evaṃ purasahasrāṇi nāgadānavarakṣasām
And the city of Kadrū's son, the great-souled Takṣaka; thus (there are) thousands of cities of Nāgas, Dānavas and Rākṣasas.
AI translation rendered from the Sanskrit, not a published edition
BndP 1 20.25
द्वितीये ऽस्मिन् तले विप्राः पाण्डुभौमे न संशयः । तृतीये तु तले ख्यातं प्रह्लादस्य महात्मनः
dvitīye 'smin tale viprāḥ pāṇḍubhaume na saṃśayaḥ / tṛtīye tu tale khyātaṃ prahlādasya mahātmanaḥ
On this second level, O brāhmaṇas, of pale-yellow soil — there is no doubt of it. But on the third level (is) the renowned (city) of the great-souled Prahlāda,
AI translation rendered from the Sanskrit, not a published edition
BndP 1 20.26
अनुद्रादस्य च पुरं पुरमग्निमुखस्य च । तारकाश्यस्य च पुरं पुरं त्रिशिरसस्तथा
anudrādasya ca puraṃ puramagnimukhasya ca / tārakāśyasya ca puraṃ puraṃ triśirasastathā
and the city of Anudrāda, and the city of Agnimukha, and the city of Tārakākṣa, and likewise the city of Triśiras,
AI translation rendered from the Sanskrit, not a published edition
BndP 1 20.27
शिशुमारस्य च पुरं त्रिपुरस्य तथा पुरम् । पुरञ्जनस्य दैत्यस्य हृष्टपुष्टजनाकुलम्
śiśumārasya ca puraṃ tripurasya tathā puram / purañjanasya daityasya hṛṣṭapuṣṭajanākulam
and the city of Śiśumāra, and likewise the city of Tripura, (and the city) of the Daitya Purañjana, thronged with glad and well-fed people.
AI translation rendered from the Sanskrit, not a published edition
BndP 1 20.28
च्यवनस्य तु विज्ञेयं राक्षसस्य च मन्दिरम् । राक्षसेंद्रस्य च पुरं कुम्भिलस्य खरस्य च
cyavanasya tu vijñeyaṃ rākṣasasya ca mandiram / rākṣaseṃdrasya ca puraṃ kumbhilasya kharasya ca
And the dwelling of the Rākṣasa Cyavana is to be known (there), and the city of the lord of Rākṣasas, and of Kumbhila and of Khara,
AI translation rendered from the Sanskrit, not a published edition
BndP 1 20.29
विराधस्य च क्रूरस्य पुरमुल्कासुखस्य च । हेमकस्य च नागस्य तथा पाण्डुरकस्य च
virādhasya ca krūrasya puramulkāsukhasya ca / hemakasya ca nāgasya tathā pāṇḍurakasya ca
and the city of the cruel Virādha, and of Ulkāsukha, and of the Nāga Hemaka, and likewise of Pāṇḍuraka,
AI translation rendered from the Sanskrit, not a published edition
BndP 1 20.30
मणिनागस्य च पुरं कपिलस्य च मन्दिरम् । नेदकस्योरगपतोर्विशालाक्षस्य मन्दिरम्
maṇināgasya ca puraṃ kapilasya ca mandiram / nedakasyoragapatorviśālākṣasya mandiram
and the city of Maṇināga, and the dwelling of Kapila; the dwelling of Nedaka, lord of serpents, (and) of Viśālākṣa.
AI translation rendered from the Sanskrit, not a published edition — the model flagged this verse as uncertain
BndP 1 20.31
एवं पुरसहस्राणि नागदानवरक्षसाम् । तृतीये ऽस्मिंस्तले विप्रा नीलभौमे न संशयः
evaṃ purasahasrāṇi nāgadānavarakṣasām / tṛtīye 'smiṃstale viprā nīlabhaume na saṃśayaḥ
Thus (there are) thousands of cities of Nāgas, Dānavas and Rākṣasas on this third level, O brāhmaṇas, of dark-blue soil — there is no doubt.
AI translation rendered from the Sanskrit, not a published edition
BndP 1 20.32
चतुर्थे दैत्यसिंहस्य कालनेमेर्महात्मनः । गजकर्णस्य च पुरं नगरं कुञ्जरस्य च
caturthe daityasiṃhasya kālanemermahātmanaḥ / gajakarṇasya ca puraṃ nagaraṃ kuñjarasya ca
On the fourth (level is the city) of the lion among Daityas, the great-souled Kālanemi, and the city of Gajakarṇa, and the city of Kuñjara,
AI translation rendered from the Sanskrit, not a published edition
BndP 1 20.33
राक्षसेंद्रस्य च पुरं सुमालेर्बहुविस्तरम् । मुञ्जस्य लोकनाथस्य वृकवक्त्रस्य चालयम्
rākṣaseṃdrasya ca puraṃ sumālerbahuvistaram / muñjasya lokanāthasya vṛkavaktrasya cālayam
and the very extensive city of the lord of Rākṣasas, Sumālin; and the dwelling of Muñja, lord of the world, and of Vṛkavaktra;
AI translation rendered from the Sanskrit, not a published edition
BndP 1 20.34
बहुयोजनविस्तीर्णं बहुपक्षिसमाकुलम् । नगलं वैनतेयस्य चतुर्थे ऽस्मिन्नसातले
bahuyojanavistīrṇaṃ bahupakṣisamākulam / nagalaṃ vainateyasya caturthe 'sminnasātale
(and) the city of Vinatā's son, extending many yojanas, crowded with many birds, on this fourth level, Asātala.
AI translation rendered from the Sanskrit, not a published edition
BndP 1 20.35
पञ्चमे शर्कराभौमे बहुयोजनविस्तरम् । विरोजनस्य नगरं दैत्यसिंहस्य धीमतः
pañcame śarkarābhaume bahuyojanavistaram / virojanasya nagaraṃ daityasiṃhasya dhīmataḥ
On the fifth, whose soil is gravel, (is) the city of Virojana, the wise lion among Daityas, extending many yojanas,
AI translation rendered from the Sanskrit, not a published edition
BndP 1 20.36
वैद्युतस्याग्निजि ह्वस्य हिरण्याक्षस्य चालयम् । पुरं च विद्युज्जिह्वस्य राक्षसेन्द्रस्य धीमतः
vaidyutasyāgniji hvasya hiraṇyākṣasya cālayam / puraṃ ca vidyujjihvasya rākṣasendrasya dhīmataḥ
the dwelling of Vaidyuta, of Agnijihva, and of Hiraṇyākṣa; and the city of the wise Vidyujjihva, lord of Rākṣasas,
AI translation rendered from the Sanskrit, not a published edition
BndP 1 20.37
सहामेघस्य च पुरं राक्षसेंद्रस्य मालिनः । किर्मीरस्य च नागस्य स्वस्तिकस्य जयस्य च
sahāmeghasya ca puraṃ rākṣaseṃdrasya mālinaḥ / kirmīrasya ca nāgasya svastikasya jayasya ca
and the city of Sahāmegha, and of Mālin the lord of Rākṣasas, and of the Nāga Kirmīra, and of Svastika and of Jaya.
AI translation rendered from the Sanskrit, not a published edition
BndP 1 20.38
एवं पुरसहस्राणि नागदानवरक्षसाम् । पञ्चमे ऽस्मिंस्तले ज्ञेयं शर्करानिचये सदा
evaṃ purasahasrāṇi nāgadānavarakṣasām / pañcame 'smiṃstale jñeyaṃ śarkarānicaye sadā
Thus thousands of cities of Nāgas, Dānavas and Rākṣasas are to be known on this fifth level, ever a mass of gravel.
AI translation rendered from the Sanskrit, not a published edition
BndP 1 20.39
षष्ठे तले दैत्यपतेः केसरे नगरोत्तमम् । सुपर्वणः पुलोम्नश्च नगरं महिषस्य च
ṣaṣṭhe tale daityapateḥ kesare nagarottamam / suparvaṇaḥ pulomnaśca nagaraṃ mahiṣasya ca
On the sixth level, Kesara, (is) the excellent city of the lord of Daityas, and the city of Suparvan and of Puloman and of Mahiṣa,
AI translation rendered from the Sanskrit, not a published edition
BndP 1 20.40
राक्षसेंद्रस्य च पुरं सुरोषस्य महात्मनः । तत्रास्ते सुरमापुत्रः शतशीर्षो मुदा युतः
rākṣaseṃdrasya ca puraṃ suroṣasya mahātmanaḥ / tatrāste suramāputraḥ śataśīrṣo mudā yutaḥ
and the city of the great-souled Suroṣa, lord of Rākṣasas. There dwells, filled with joy, the hundred-headed son of Suramā,
AI translation rendered from the Sanskrit, not a published edition
BndP 1 20.41
महेन्द्रस्य सखा श्रीमान्वासुकिनाम नागराट् । एवं पुरसहस्राणि नागदानवरक्षसाम्
mahendrasya sakhā śrīmānvāsukināma nāgarāṭ / evaṃ purasahasrāṇi nāgadānavarakṣasām
the illustrious friend of Mahendra, the Nāga king named Vāsuki. Thus (there are) thousands of cities of Nāgas, Dānavas and Rākṣasas
AI translation rendered from the Sanskrit, not a published edition
BndP 1 20.42
षष्ठे तले ऽस्मिन्विख्याते शिलाभौमे रसातले । सप्तमे तु तले ज्ञेयं पाताले सर्वपश्चिमे
ṣaṣṭhe tale 'sminvikhyāte śilābhaume rasātale / saptame tu tale jñeyaṃ pātāle sarvapaścime
(This is) on this sixth level, the well-known Rasātala whose floor is of rock; but on the seventh level, Pātāla, the westernmost of all, is to be known
AI translation rendered from the Sanskrit, not a published edition — the model flagged this verse as uncertain
BndP 1 20.43
पुरं बलेः प्रमुदितं नरना रीगणाकुलम् । असुराशीविषैः पूर्णं सुखितैर्देवशत्रुभिः
puraṃ baleḥ pramuditaṃ naranā rīgaṇākulam / asurāśīviṣaiḥ pūrṇaṃ sukhitairdevaśatrubhiḥ
Bali's city, full of joy, crowded with throngs of men and women, filled with venomous-snake-like asuras, the foes of the gods, living happily.
AI translation rendered from the Sanskrit, not a published edition
BndP 1 20.44
मुचुकुन्दस्य देत्यस्य तत्रैव नगरं महात् । अनेकैर्दितिपुत्राणां समुदीर्णैर्महापुरैः
mucukundasya detyasya tatraiva nagaraṃ mahāt / anekairditiputrāṇāṃ samudīrṇairmahāpuraiḥ
There too is the great city of the daitya Mucukunda, together with many lofty great cities of the sons of Diti,
AI translation rendered from the Sanskrit, not a published edition
BndP 1 20.45
तथैव नागनगरैर्द्युतिमद्भिः सहस्रशः । दैत्यानां दानवानां च समुदीर्णैर्महापुरैः
tathaiva nāganagarairdyutimadbhiḥ sahasraśaḥ / daityānāṃ dānavānāṃ ca samudīrṇairmahāpuraiḥ
and likewise with thousands of shining serpent-cities, and with the lofty great cities of the daityas and the dānavas,
AI translation rendered from the Sanskrit, not a published edition
BndP 1 20.46
उदीर्णै राक्षसावासैरनेकैश्च समाकुलम् । पातालान्ते च विप्रेन्द्रा विस्तीण बहुयोजने
udīrṇai rākṣasāvāsairanekaiśca samākulam / pātālānte ca viprendrā vistīṇa bahuyojane
and thronged with many towering dwellings of rākṣasas. And at the far end of Pātāla, O foremost of brahmins, spread over many yojanas,
AI translation rendered from the Sanskrit, not a published edition
BndP 1 20.47
आस्ते रक्तारविन्दाक्षो महात्मा ह्यजरामरः । धौतशङ्खोदरवपुर्नील वासा महाबलः
āste raktāravindākṣo mahātmā hyajarāmaraḥ / dhautaśaṅkhodaravapurnīla vāsā mahābalaḥ
there dwells one with eyes like red lotuses, great of soul, free from aging and death, his body (white) as the inside of a polished conch, dark-robed, of great strength,
AI translation rendered from the Sanskrit, not a published edition
BndP 1 20.48
विशालभोगो द्युतिमांश्चित्रमाल्यधरो बली । रुक्मशृङ्गावदातेन दीप्तास्येन विराजता
viśālabhogo dyutimāṃścitramālyadharo balī / rukmaśṛṅgāvadātena dīptāsyena virājatā
with broad coils, radiant, wearing many-coloured garlands, powerful, gleaming with a blazing face bright as a peak of gold,
AI translation rendered from the Sanskrit, not a published edition — the model flagged this verse as uncertain
BndP 1 20.49
प्रभुर्मुख सहस्रेण शोभते चैककुण्डली । स जिह्वामालया दीप्तो लोलज्ज्वालानलार्चिषा
prabhurmukha sahasreṇa śobhate caikakuṇḍalī / sa jihvāmālayā dīpto lolajjvālānalārciṣā
the lord shines with a thousand mouths and with a single earring; he blazes with a garland of tongues, with the flame of a fire of flickering blaze,
AI translation rendered from the Sanskrit, not a published edition
BndP 1 20.50
ज्वालामालापरिक्षिप्तः कैलास इव लक्ष्य ते । स तु नेत्रसहस्रेण द्विगुणेन विराजता
jvālāmālāparikṣiptaḥ kailāsa iva lakṣya te / sa tu netrasahasreṇa dviguṇena virājatā
encircled by a garland of flames, he is seen like Kailāsa; and he, with a thousand eyes doubled, shining,
AI translation rendered from the Sanskrit, not a published edition — the model flagged this verse as uncertain
BndP 1 20.51
बालसूर्याभिताम्रेण शरीरस्निग्धपाण्डुना । तस्य कुन्देन्दुवर्णस्य नेत्रमाला विराजते
bālasūryābhitāmreṇa śarīrasnigdhapāṇḍunā / tasya kundenduvarṇasya netramālā virājate
coppery-red like the newly risen sun, with his body glossy and pale — the garland of eyes of him who is the colour of jasmine and the moon shines
AI translation rendered from the Sanskrit, not a published edition — the model flagged this verse as uncertain
BndP 1 20.52
तरुणादित्यमालेव श्वेतपर्वतमूर्द्धनि । विकरालोच्छ्रिततनुर्लक्ष्यते शयनासने
taruṇādityamāleva śvetaparvatamūrddhani / vikarālocchritatanurlakṣyate śayanāsane
like a garland of young suns on the summit of a white mountain; with his body raised up and terrible he is seen upon his couch-seat,
AI translation rendered from the Sanskrit, not a published edition
BndP 1 20.53
विस्तीर्ण इव मेदिन्यां सहस्रशिखरो गिरिः । महानागैर्महाभोगैर्महाविज्ञैर्महात्मभिः
vistīrṇa iva medinyāṃ sahasraśikharo giriḥ / mahānāgairmahābhogairmahāvijñairmahātmabhiḥ
like a mountain with a thousand peaks spread out over the earth. By great serpents of great coils, greatly learned and great of soul
AI translation rendered from the Sanskrit, not a published edition
BndP 1 20.54
उपास्यते महातेजा महानागपतिः स्वयम् । स राजा सर्वनागानां शेषो ऽनन्तो महाद्युतिः
upāsyate mahātejā mahānāgapatiḥ svayam / sa rājā sarvanāgānāṃ śeṣo 'nanto mahādyutiḥ
he is attended, he of great fiery energy, himself the lord of the great serpents; he is the king of all serpents, Śeṣa Ananta, of great brilliance.
AI translation rendered from the Sanskrit, not a published edition
BndP 1 20.55
सा वैष्णवी व्यवहृतिर्मर्यादा या व्यवस्थिता । सप्तैवमेते कथिता व्यवहार्या रसातलाः
sā vaiṣṇavī vyavahṛtirmaryādā yā vyavasthitā / saptaivamete kathitā vyavahāryā rasātalāḥ
That is the Vaiṣṇava order, the boundary that is fixed. Thus these seven rasātalas, which can be dealt with (in speech), have been described,
AI translation rendered from the Sanskrit, not a published edition — the model flagged this verse as uncertain
BndP 1 20.56
देवासुरम हानागराक्षसाध्युषिताः सदा । अतः परमनालोकमगम्यं सिद्धसाधुभिः
devāsurama hānāgarākṣasādhyuṣitāḥ sadā / ataḥ paramanālokamagamyaṃ siddhasādhubhiḥ
always inhabited by gods, asuras, great serpents and rākṣasas. Beyond this is the lightless (region), unapproachable by siddhas and holy men,
AI translation rendered from the Sanskrit, not a published edition
BndP 1 20.57
देवानामप्यविदितं व्यवहारविवक्षया । पृथ्व्यंबुव ङ्निवायूनां नभसश्च द्विजोत्तमाः
devānāmapyaviditaṃ vyavahāravivakṣayā / pṛthvyaṃbuva ṅnivāyūnāṃ nabhasaśca dvijottamāḥ
unknown even to the gods. With the wish to speak of (their) working, O best of the twice-born, of earth, water, fire, wind and space
AI translation rendered from the Sanskrit, not a published edition — the model flagged this verse as uncertain
BndP 1 20.58
महत्त्वमृषिभिश्चैवं वर्ण्यते नात्र संशयः । अत ऊर्द्ध्वं प्रवक्ष्यामि सूर्याचन्द्रमसोर्गतिम्
mahattvamṛṣibhiścaivaṃ varṇyate nātra saṃśayaḥ / ata ūrddhvaṃ pravakṣyāmi sūryācandramasorgatim
the greatness is thus described by the seers — there is no doubt of it. Above this I shall declare the course of the sun and the moon.
AI translation rendered from the Sanskrit, not a published edition