Brahma Purana — Chapter 98
BrP 98.1
अग्नितीर्थम् इति ख्यातं सर्वक्रतुफलप्रदम् सर्वविघ्नोपशमनं तत्तीर्थस्य फलं शृणु ॥
agnitīrtham iti khyātaṃ sarvakratuphalapradam sarvavighnopaśamanaṃ tattīrthasya phalaṃ śṛṇu //
There is (a ford) known as Agnitīrtha, which grants the fruit of all sacrifices and quells all obstacles. Hear the fruit of that ford.
AI translation rendered from the Sanskrit, not a published edition
BrP 98.2
जातवेदा इति ख्यातो अग्नेर् भ्राता स हव्यवाट् हव्यं वहन्तं देवानां गौतम्यास् तीर एव तु ॥
jātavedā iti khyāto agner bhrātā sa havyavāṭ havyaṃ vahantaṃ devānāṃ gautamyās tīra eva tu //
He who is known as Jātavedas, the brother of Agni, the bearer of oblations — as he was carrying the oblation of the gods, right on the bank of the Gautamī,
AI translation rendered from the Sanskrit, not a published edition
BrP 98.3
ऋषीणां सत्त्रसदने अग्नेर् भ्रातरम् उत्तमम् भ्रातुः प्रियं तथा दक्षं मधुर् दितिसुतो बली ॥
ṛṣīṇāṃ sattrasadane agner bhrātaram uttamam bhrātuḥ priyaṃ tathā dakṣaṃ madhur ditisuto balī //
in the sacrificial hall of the sages, (that) excellent brother of Agni, dear to his brother and capable — him Madhu, the mighty son of Diti,
AI translation rendered from the Sanskrit, not a published edition
BrP 98.4
जघान ऋषिमुख्येषु पश्यत्सु च सुरेष्व् अपि हव्यं देवा नैव चापुर् मृते वै जातवेदसि ॥
jaghāna ṛṣimukhyeṣu paśyatsu ca sureṣv api havyaṃ devā naiva cāpur mṛte vai jātavedasi //
slew, while the chief sages and even the gods looked on; and the gods did not receive the oblation at all, once Jātavedas was dead.
AI translation rendered from the Sanskrit, not a published edition
BrP 98.5
मृते भ्रातरि स त्व् अग्निः प्रिये वै जातवेदसि कोपेन महताविष्टो गाङ्गम् अम्भः समाविशत् ॥
mṛte bhrātari sa tv agniḥ priye vai jātavedasi kopena mahatāviṣṭo gāṅgam ambhaḥ samāviśat //
When his dear brother Jātavedas was dead, that Agni, possessed by great wrath, entered the water of the Gaṅgā.
AI translation rendered from the Sanskrit, not a published edition
BrP 98.6
गङ्गाम्भसि समाविष्टे ह्य् अग्नौ देवाश् च मानुषाः जीवम् उत्सर्जयाम् आसुर् अग्निजीवा यतो मताः ॥
gaṅgāmbhasi samāviṣṭe hy agnau devāś ca mānuṣāḥ jīvam utsarjayām āsur agnijīvā yato matāḥ //
When Agni had entered the water of the Gaṅgā, the gods and men gave up their life-breath, since they are held to live by Agni.
AI translation rendered from the Sanskrit, not a published edition
BrP 98.7
यत्राग्निर् जलम् आविष्टस् तं देशं सर्व एव ते आजग्मुर् विबुधाः सर्व ऋषयः पितरस् तथा ॥
yatrāgnir jalam āviṣṭas taṃ deśaṃ sarva eva te ājagmur vibudhāḥ sarva ṛṣayaḥ pitaras tathā //
To that place where Agni had entered the water, all of them came — all the gods, the sages, and the ancestors too.
AI translation rendered from the Sanskrit, not a published edition
BrP 98.8
विनाग्निना न जीवामः स्तुवन्तो ऽग्निं विशेषतः अग्निं जलगतं दृष्ट्वा प्रियं चोचुर् दिवौकसः ॥
vināgninā na jīvāmaḥ stuvanto 'gniṃ viśeṣataḥ agniṃ jalagataṃ dṛṣṭvā priyaṃ cocur divaukasaḥ //
"Without Agni we do not live" — thus praising Agni especially, and seeing dear Agni gone into the water, the dwellers in heaven said:
AI translation rendered from the Sanskrit, not a published edition
BrP 98.9
देवाञ् जीवय हव्येन कव्येन च पितॄंस् तथा मानुषान् अन्नपाकेन बीजानां क्लेदनेन च ॥
devāñ jīvaya havyena kavyena ca pitṝṃs tathā mānuṣān annapākena bījānāṃ kledanena ca //
"Give life to the gods with the havya offering, and to the ancestors with the kavya offering, and to men by the cooking of food and by the moistening of seeds."
AI translation rendered from the Sanskrit, not a published edition
BrP 98.10
अग्निर् अप्य् आह तान् देवाञ् शक्तो यो मे गतो ऽनुजः क्रियमाणे भवत्कार्ये या गतिर् जातवेदसः ॥
agnir apy āha tān devāñ śakto yo me gato 'nujaḥ kriyamāṇe bhavatkārye yā gatir jātavedasaḥ //
Agni too said to those gods: "My capable younger brother is gone. Whatever the fate of Jātavedas while your work was being done,
AI translation rendered from the Sanskrit, not a published edition
BrP 98.11
सा वापि स्यान् मम सुरा नोत्सहे कार्यसाधने कार्यं तु सर्वतस् तस्य भवतां जातवेदसः ॥
sā vāpi syān mama surā notsahe kāryasādhane kāryaṃ tu sarvatas tasya bhavatāṃ jātavedasaḥ //
that too may be mine, O gods; I have no zeal for accomplishing the task. But the task was entirely yours, and (so was) that of Jātavedas.
AI translation rendered from the Sanskrit, not a published edition — the model flagged this verse as uncertain
BrP 98.12
इमां स्थितिम् अनुप्राप्तो न जाने मे कथं भवेत् इह चामुत्र च व्याप्तौ शक्तिर् अप्य् अत्र नो भवेत् ॥
imāṃ sthitim anuprāpto na jāne me kathaṃ bhavet iha cāmutra ca vyāptau śaktir apy atra no bhavet //
Having come to this condition, I do not know what will become of me; and here I would have no power to pervade either this world or the next.
AI translation rendered from the Sanskrit, not a published edition — the model flagged this verse as uncertain
BrP 98.13
अथापि क्रियमाणे वै कार्ये सैव गतिर् मम देवास् तम् ऊचुर् भावेन सर्वेण ऋषयस् तथा ॥
athāpi kriyamāṇe vai kārye saiva gatir mama devās tam ūcur bhāvena sarveṇa ṛṣayas tathā //
And even so, when the rite is being performed, that same fate would be mine." The gods, and likewise the sages, said to him with their whole heart:
AI translation rendered from the Sanskrit, not a published edition
BrP 98.14
आयुः कर्मणि च प्रीतिर् व्याप्तौ शक्तिश् च दीयते प्रयाजान् अनुयाजांश् च दास्यामो हव्यवाहन ॥
āyuḥ karmaṇi ca prītir vyāptau śaktiś ca dīyate prayājān anuyājāṃś ca dāsyāmo havyavāhana //
"Long life, and delight in ritual work, and power of extension are (thereby) granted; we shall give you the fore-offerings and the after-offerings, O Bearer of Oblations."
AI translation rendered from the Sanskrit, not a published edition — the model flagged this verse as uncertain
BrP 98.15
देवानां त्वं मुखं श्रेष्ठम् आहुत्यः प्रथमास् तव त्वया दत्तं तु यद् द्रव्यं भोक्ष्यामः सुरसत्तम ॥
devānāṃ tvaṃ mukhaṃ śreṣṭham āhutyaḥ prathamās tava tvayā dattaṃ tu yad dravyaṃ bhokṣyāmaḥ surasattama //
"You are the mouth of the gods, the best; the first oblations are yours; whatever substance is given by you, that we shall eat, O most excellent of gods."
AI translation rendered from the Sanskrit, not a published edition
BrP 98.16
ततस् तुष्टो ऽभवद् वह्निर् देववाक्याद् यथाक्रमम् इह चामुत्र च व्याप्तौ हव्ये वा लौकिके तथा ॥
tatas tuṣṭo 'bhavad vahnir devavākyād yathākramam iha cāmutra ca vyāptau havye vā laukike tathā //
Then Fire was satisfied by the gods' words, (obtaining) in due order extension both here and in the beyond, in the oblation and likewise in worldly (fire).
AI translation rendered from the Sanskrit, not a published edition — the model flagged this verse as uncertain
BrP 98.17
सर्वत्र वह्निर् अभयः समर्थो ऽभूत् सुराज्ञया जातवेदा बृहद्भानुः सप्तार्चिर् नीललोहितः ॥
sarvatra vahnir abhayaḥ samartho 'bhūt surājñayā jātavedā bṛhadbhānuḥ saptārcir nīlalohitaḥ //
By the gods' permission Fire became everywhere free of fear and capable: Jātavedas, Bṛhadbhānu, Seven-flamed, Dark-red.
AI translation rendered from the Sanskrit, not a published edition
BrP 98.18
जलगर्भः शमीगर्भो यज्ञगर्भः स उच्यते जलाद् आकृष्य विबुधा अभिषिच्य विभावसुम् ॥
jalagarbhaḥ śamīgarbho yajñagarbhaḥ sa ucyate jalād ākṛṣya vibudhā abhiṣicya vibhāvasum //
He is called water-wombed, śamī-wood-wombed, sacrifice-wombed. The gods, having drawn Vibhāvasu (the Fire) out of the water and consecrated him—
AI translation rendered from the Sanskrit, not a published edition
BrP 98.19
उभयत्र पदे वासः सर्वगो ऽग्निस् ततो ऽभवत् यथागतं सुरा जग्मुर् वह्नितीर्थं तद् उच्यते ॥
ubhayatra pade vāsaḥ sarvago 'gnis tato 'bhavat yathāgataṃ surā jagmur vahnitīrthaṃ tad ucyate //
—(gave him) a dwelling in both stations; thence Agni became all-pervading. The gods went as they had come; that (place) is called Vahnitīrtha, the Fire's ford.
AI translation rendered from the Sanskrit, not a published edition
BrP 98.20
तत्र सप्त शतान्य् आसंस् तीर्थानि गुणवन्ति च तेषु स्नानं च दानं च यः करोति जितात्मवान् ॥
tatra sapta śatāny āsaṃs tīrthāni guṇavanti ca teṣu snānaṃ ca dānaṃ ca yaḥ karoti jitātmavān //
There were seven hundred fords there, and endowed with virtues. Whoever, having subdued himself, performs bathing and giving in them,
AI translation rendered from the Sanskrit, not a published edition
BrP 98.21
अश्वमेधफलं साग्रं प्राप्नोत्य् अविकलं शुभम् देवतीर्थं च तत्रैव आग्नेयं जातवेदसम् ॥
aśvamedhaphalaṃ sāgraṃ prāpnoty avikalaṃ śubham devatīrthaṃ ca tatraiva āgneyaṃ jātavedasam //
he obtains the full fruit of a horse sacrifice, undiminished and auspicious. And in that very place is the Devatīrtha, belonging to Agni, to Jātavedas.
AI translation rendered from the Sanskrit, not a published edition
BrP 98.22
अग्निप्रतिष्ठितं लिङ्गं तत्रास्ते ऽनेकवर्णवत् तद्देवदर्शनाद् एव सर्वक्रतुफलं लभेत् ॥
agnipratiṣṭhitaṃ liṅgaṃ tatrāste 'nekavarṇavat taddevadarśanād eva sarvakratuphalaṃ labhet //
A liṅga established by Agni stands there, of many colours; merely from seeing that god one would obtain the fruit of all sacrifices.
AI translation rendered from the Sanskrit, not a published edition