Brahma Purana — Chapter 93
BrP 93.1
यत्र दाशरथी रामः सीतया सहितो द्विज पितॄन् संतर्पयाम् आस पितृतीर्थं ततो विदुः ॥
yatra dāśarathī rāmaḥ sītayā sahito dvija pitṝn saṃtarpayām āsa pitṛtīrthaṃ tato viduḥ //
Where Rāma, the son of Daśaratha, together with Sītā, O twice-born, satisfied the ancestors — from that they know it as Pitṛtīrtha.
AI translation rendered from the Sanskrit, not a published edition
BrP 93.2
तत्र स्नानं च दानं च पितॄणां तर्पणं तथा सर्वम् अक्षयताम् एति नात्र कार्या विचारणा ॥
tatra snānaṃ ca dānaṃ ca pitṝṇāṃ tarpaṇaṃ tathā sarvam akṣayatām eti nātra kāryā vicāraṇā //
There bathing, and giving, and likewise the offering of libations to the ancestors — all becomes imperishable; no doubt is to be entertained here.
AI translation rendered from the Sanskrit, not a published edition
BrP 93.3
यत्र दाशरथी रामो विश्वामित्रं महामुनिम् पूजयाम् आस राजेन्द्रो मुनिभिस् तत्त्वदर्शिभिः ॥
yatra dāśarathī rāmo viśvāmitraṃ mahāmunim pūjayām āsa rājendro munibhis tattvadarśibhiḥ //
(There it was) that Rāma, son of Daśaratha, that lord of kings, honoured the great sage Viśvāmitra, together with sages who see the truth.
AI translation rendered from the Sanskrit, not a published edition
BrP 93.4
विश्वामित्रं तु तत् तीर्थम् ऋषिजुष्टं सुपुण्यदम् तत्स्वरूपं च वक्ष्यामि पठितं वेदवादिभिः ॥
viśvāmitraṃ tu tat tīrtham ṛṣijuṣṭaṃ supuṇyadam tatsvarūpaṃ ca vakṣyāmi paṭhitaṃ vedavādibhiḥ //
That sacred ford is Viśvāmitra('s), frequented by seers and granting great merit; I shall also tell its nature, as recited by the expounders of the Veda.
AI translation rendered from the Sanskrit, not a published edition
BrP 93.5
अनावृष्टिर् अभूत् पूर्वं प्रजानाम् अतिभीषणा विश्वामित्रो महाप्राज्ञः सशिष्यो गौतमीम् अगात् ॥
anāvṛṣṭir abhūt pūrvaṃ prajānām atibhīṣaṇā viśvāmitro mahāprājñaḥ saśiṣyo gautamīm agāt //
Formerly there was a drought, most terrifying for living beings; Viśvāmitra, of great wisdom, went with his pupils to the Gautamī (river).
AI translation rendered from the Sanskrit, not a published edition
BrP 93.6
शिष्यान् पुत्रांश् च जायां च कृशान् दृष्ट्वा क्षुधातुरान् व्यथितः कौशिकः श्रीमाञ् शिष्यान् इदम् उवाच ह ॥
śiṣyān putrāṃś ca jāyāṃ ca kṛśān dṛṣṭvā kṣudhāturān vyathitaḥ kauśikaḥ śrīmāñ śiṣyān idam uvāca ha //
Seeing his pupils, sons and wife emaciated and afflicted with hunger, the illustrious Kauśika, distressed, said this to his pupils:
AI translation rendered from the Sanskrit, not a published edition
BrP 93.7
यथा कथंचिद् यत् किंचिद् यत्र क्वापि यथा तथा आनीयतां किंतु भक्ष्यं भोज्यं वा मा विलम्ब्यताम् इदानीम् एव गन्तव्यम् आनेतव्यं क्षणेन तु ॥
yathā kathaṃcid yat kiṃcid yatra kvāpi yathā tathā ānīyatāṃ kiṃtu bhakṣyaṃ bhojyaṃ vā mā vilambyatām idānīm eva gantavyam ānetavyaṃ kṣaṇena tu //
"Somehow or other, whatever it may be, from wherever, by whatever means — let something be brought, whether food to chew or food to eat; let there be no delay. You must go this very moment and bring it in an instant."
AI translation rendered from the Sanskrit, not a published edition
BrP 93.8
ऋषेस् तद् वचनाच् छिष्याः क्षुधितास् त्वरया ययुः अटमाना इतश् चेतो मृतं ददृशिरे शुनम् ॥
ṛṣes tad vacanāc chiṣyāḥ kṣudhitās tvarayā yayuḥ aṭamānā itaś ceto mṛtaṃ dadṛśire śunam //
At that word of the seer the pupils, themselves hungry, went in haste; roaming here and there, they saw a dead dog.
AI translation rendered from the Sanskrit, not a published edition
BrP 93.9
तम् आदाय त्वरायुक्ता आचार्याय न्यवेदयन् सो ऽपि तं भद्रम् इत्य् उक्त्वा प्रतिजग्राह पाणिना ॥
tam ādāya tvarāyuktā ācāryāya nyavedayan so 'pi taṃ bhadram ity uktvā pratijagrāha pāṇinā //
Taking it up, in haste they presented it to their teacher; and he too, saying "Good," received it with his hand.
AI translation rendered from the Sanskrit, not a published edition
BrP 93.10
विशसध्वं श्वमांसं च क्षालयध्वं च वारिणा पचध्वं मन्त्रवच् चापि हुत्वाग्नौ तु यथाविधि ॥
viśasadhvaṃ śvamāṃsaṃ ca kṣālayadhvaṃ ca vāriṇā pacadhvaṃ mantravac cāpi hutvāgnau tu yathāvidhi //
"Cut up the dog's flesh, wash it with water, and cook it with the recitation of mantras, and offer it into the fire according to the rule."
AI translation rendered from the Sanskrit, not a published edition
BrP 93.11
देवान् ऋषीन् पितॄन् अन्यांस् तर्पयित्वातिथीन् गुरून् सर्वे भोक्ष्यामहे शेषम् इत्य् उवाच स कौशिकः ॥
devān ṛṣīn pitṝn anyāṃs tarpayitvātithīn gurūn sarve bhokṣyāmahe śeṣam ity uvāca sa kauśikaḥ //
"Having satisfied the gods, the seers, the fathers and others, the guests and the elders, we shall all eat the remainder," so said that Kauśika.
AI translation rendered from the Sanskrit, not a published edition
BrP 93.12
विश्वामित्रवचः श्रुत्वा शिष्याश् चक्रुस् तथैव तत् पच्यमाने श्वमांसे तु देवदूतो ऽग्निर् अभ्यगात् देवानां सदने सर्वं देवेभ्यस् तन् न्यवेदयत् ॥
viśvāmitravacaḥ śrutvā śiṣyāś cakrus tathaiva tat pacyamāne śvamāṃse tu devadūto 'gnir abhyagāt devānāṃ sadane sarvaṃ devebhyas tan nyavedayat //
Hearing Viśvāmitra's words, the pupils did just that; but while the dog's flesh was cooking, Agni, the messenger of the gods, went to the dwelling of the gods and reported it all to them.
AI translation rendered from the Sanskrit, not a published edition
BrP 93.13
देवैः श्वमांसं भोक्तव्यम् आपन्नम् ऋषिकल्पितम् ॥
devaiḥ śvamāṃsaṃ bhoktavyam āpannam ṛṣikalpitam //
"Dog's flesh, obtained in distress and prepared by a seer, is to be eaten by the gods!"
AI translation rendered from the Sanskrit, not a published edition — the model flagged this verse as uncertain
BrP 93.14
अग्नेस् तद्वचनाद् इन्द्रः श्येनो भूत्वा विहायसि स्थालीम् अथाहरत् पूर्णां मांसेन पिहितां तदा ॥
agnes tadvacanād indraḥ śyeno bhūtvā vihāyasi sthālīm athāharat pūrṇāṃ māṃsena pihitāṃ tadā //
At that word of Agni, Indra became a hawk in the sky and then carried off the pot, full of meat and covered over.
AI translation rendered from the Sanskrit, not a published edition
BrP 93.15
तत् कर्म दृष्ट्वा शिष्यास् ते ऋषेः श्येनं न्यवेदयन् हृता स्थाली मुनिश्रेष्ठ श्येनेनाकृतबुद्धिना ॥
tat karma dṛṣṭvā śiṣyās te ṛṣeḥ śyenaṃ nyavedayan hṛtā sthālī muniśreṣṭha śyenenākṛtabuddhinā //
Seeing that deed, those pupils reported the hawk to the seer: "The pot has been carried off, best of sages, by a hawk of unformed mind (thoughtless)."
AI translation rendered from the Sanskrit, not a published edition
BrP 93.16
ततश् चुकोप भगवाञ् शप्तुकामस् तदा हरिम् ततो ज्ञात्वा सुरपतिः स्थालीं चक्रे मधुप्लुताम् ॥
tataś cukopa bhagavāñ śaptukāmas tadā harim tato jñātvā surapatiḥ sthālīṃ cakre madhuplutām //
Then the blessed one grew angry and wished to curse Hari (Indra); but the lord of the gods, knowing this, made the pot flooded with honey.
AI translation rendered from the Sanskrit, not a published edition
BrP 93.17
पुनर् निवेशयाम् आस उल्कास्व् एव खगो हरिः मधुना तु समायुक्तां विश्वामित्रश् चुकोप ह स्थालीं वीक्ष्य ततः कोपाद् इदम् आह स कौशिकः ॥
punar niveśayām āsa ulkāsv eva khago hariḥ madhunā tu samāyuktāṃ viśvāmitraś cukopa ha sthālīṃ vīkṣya tataḥ kopād idam āha sa kauśikaḥ //
The bird Hari set it down again upon the very firebrands; and Viśvāmitra grew angry indeed, seeing the pot filled with honey — then in anger that Kauśika said this:
AI translation rendered from the Sanskrit, not a published edition — the model flagged this verse as uncertain
BrP 93.18
श्वमांसम् एव नो देहि त्वं हरामृतम् उत्तमम् नो चेत् त्वां भस्मसात् कुर्याम् इन्द्रो भीतस् तदाब्रवीत् ॥
śvamāṃsam eva no dehi tvaṃ harāmṛtam uttamam no cet tvāṃ bhasmasāt kuryām indro bhītas tadābravīt //
"Give us just the dog's flesh; take away this excellent nectar. If not, I shall reduce you to ashes." Then Indra, afraid, said:
AI translation rendered from the Sanskrit, not a published edition
BrP 93.19
मधु हुत्वा यथान्यायं पिब पुत्रैः समन्वितः किम् अनेन श्वमांसेन अमेध्येन महामुने ॥
madhu hutvā yathānyāyaṃ piba putraiḥ samanvitaḥ kim anena śvamāṃsena amedhyena mahāmune //
"Having offered the honey in the proper manner, drink it together with your sons. What use is this dog's flesh, which is unfit for sacrifice, great sage?"
AI translation rendered from the Sanskrit, not a published edition
BrP 93.20
विश्वामित्रो ऽपि नेत्य् आह भुक्तेनैकेन किं फलम् प्रजाः सर्वाश् च सीदन्ति किं तेन मधुना हरे ॥
viśvāmitro 'pi nety āha bhuktenaikena kiṃ phalam prajāḥ sarvāś ca sīdanti kiṃ tena madhunā hare //
But Viśvāmitra said "No. What is the fruit of one man's eating? All the people are perishing; what good is that honey, Hari?"
AI translation rendered from the Sanskrit, not a published edition
BrP 93.21
सर्वेषाम् अमृतं चेत् स्याद् भोक्ष्ये ऽहम् अमृतं शुचि अथवा देवपितरो भोक्ष्यन्तीदं श्वमांसकम् ॥
sarveṣām amṛtaṃ cet syād bhokṣye 'ham amṛtaṃ śuci athavā devapitaro bhokṣyantīdaṃ śvamāṃsakam //
"If there were nectar for everyone, then I would eat the pure nectar; or else the gods and the fathers shall eat this dog's flesh,"
AI translation rendered from the Sanskrit, not a published edition
BrP 93.22
पश्चाद् अहं तच् च मांसं भोक्ष्ये नानृतम् अस्ति मे ततो भीतः सहस्राक्षो मेघान् आहूय तत्क्षणात् ॥
paścād ahaṃ tac ca māṃsaṃ bhokṣye nānṛtam asti me tato bhītaḥ sahasrākṣo meghān āhūya tatkṣaṇāt //
"and afterwards I too shall eat that flesh; there is no falsehood in me." Then the thousand-eyed one, afraid, summoned the clouds that very instant,
AI translation rendered from the Sanskrit, not a published edition
BrP 93.23
ववर्ष चामृतं वारि ह्य् अमृतेनार्पिताः प्रजाः पश्चात् तद् अमृतं पुण्यं हरिदत्तं यथाविधि ॥
vavarṣa cāmṛtaṃ vāri hy amṛtenārpitāḥ prajāḥ paścāt tad amṛtaṃ puṇyaṃ haridattaṃ yathāvidhi //
And (Indra) rained down nectar-water, and the creatures were supplied with nectar; then that holy nectar, given by Hari, (was used) according to rule.
AI translation rendered from the Sanskrit, not a published edition — the model flagged this verse as uncertain
BrP 93.24
तर्पयित्वा सुरान् आदौ तर्पयित्वा जगत्त्रयम् विप्रः संभुक्तवाञ् शिष्यैर् विश्वामित्रः स्वभार्यया ॥
tarpayitvā surān ādau tarpayitvā jagattrayam vipraḥ saṃbhuktavāñ śiṣyair viśvāmitraḥ svabhāryayā //
Having first satisfied the gods, having satisfied the three worlds, the brahmin Viśvāmitra ate together with his pupils and with his own wife.
AI translation rendered from the Sanskrit, not a published edition
BrP 93.25
ततः प्रभृति तत् तीर्थम् आख्यातं चातिपुण्यदम् यत्रागतः सुरपतिर् लोकानाम् अमृतार्पणम् ॥
tataḥ prabhṛti tat tīrtham ākhyātaṃ cātipuṇyadam yatrāgataḥ surapatir lokānām amṛtārpaṇam //
From that time on that ford has been declared as bestowing the highest merit — where the lord of the gods came for the bestowing of nectar upon the worlds.
AI translation rendered from the Sanskrit, not a published edition
BrP 93.26
संजातं मांसवर्जं तु तत् तीर्थं पुण्यदं नृणाम् तत्र स्नानं च दानं च सर्वक्रतुफलप्रदम् ॥
saṃjātaṃ māṃsavarjaṃ tu tat tīrthaṃ puṇyadaṃ nṛṇām tatra snānaṃ ca dānaṃ ca sarvakratuphalapradam //
And that ford, arisen without (the eating of) flesh, bestows merit on men; bathing there and giving there yields the fruit of all sacrifices.
AI translation rendered from the Sanskrit, not a published edition
BrP 93.27
ततः प्रभृति तत् तीर्थं विश्वामित्रम् इति स्मृतम् मधुतीर्थम् अथैन्द्रं च श्येनं पर्जन्यम् एव च ॥
tataḥ prabhṛti tat tīrthaṃ viśvāmitram iti smṛtam madhutīrtham athaindraṃ ca śyenaṃ parjanyam eva ca //
From that time on that ford is remembered as Viśvāmitra, and also Madhutīrtha, and Aindra, and Śyena, and Parjanya as well.
AI translation rendered from the Sanskrit, not a published edition