Brahma Purana — Chapter 92
BrP 92.1
पापप्रणाशनं नाम तीर्थं पापभयापहम् नामधेयं प्रवक्ष्यामि शृणु नारद यत्नतः ॥
pāpapraṇāśanaṃ nāma tīrthaṃ pāpabhayāpaham nāmadheyaṃ pravakṣyāmi śṛṇu nārada yatnataḥ //
There is a ford named Pāpapraṇāśana, which removes the fear of sin; I shall declare (the origin of) its name — listen carefully, Nārada.
AI translation rendered from the Sanskrit, not a published edition
BrP 92.2
धृतव्रत इति ख्यातो ब्राह्मणो लोकविश्रुतः तस्य भार्या मही नाम तरुणी लोकसुन्दरी ॥
dhṛtavrata iti khyāto brāhmaṇo lokaviśrutaḥ tasya bhāryā mahī nāma taruṇī lokasundarī //
There was a brahmin known as Dhṛtavrata, famed in the world; his wife was named Mahī, young and the beauty of the world.
AI translation rendered from the Sanskrit, not a published edition
BrP 92.3
तस्य पुत्रः सूर्यनिभः सनाज्जात इति श्रुतः धृतव्रतं तथाकर्षन् मृत्युः कालेरितो मुने ॥
tasya putraḥ sūryanibhaḥ sanājjāta iti śrutaḥ dhṛtavrataṃ tathākarṣan mṛtyuḥ kālerito mune //
His son, resembling the sun, was known as Sanājjāta; and Death, impelled by Time, carried off Dhṛtavrata, O sage.
AI translation rendered from the Sanskrit, not a published edition
BrP 92.4
ततः सा बालविधवा बालपुत्रा सुरूपिणी त्रातारं नैव पश्यन्ती गालवाश्रमम् अभ्यगात् ॥
tataḥ sā bālavidhavā bālaputrā surūpiṇī trātāraṃ naiva paśyantī gālavāśramam abhyagāt //
Then she, a young widow with a young son, very beautiful, seeing no protector at all, went to Gālava's hermitage.
AI translation rendered from the Sanskrit, not a published edition
BrP 92.5
तस्मै पुत्रं निवेद्याथ स्वैरिणी पापमोहिता सा बभ्राम बहून् देशान् पुंस्कामा कामचारिणी ॥
tasmai putraṃ nivedyātha svairiṇī pāpamohitā sā babhrāma bahūn deśān puṃskāmā kāmacāriṇī //
Then, having entrusted her son to him, wanton and deluded by sin, she wandered through many lands, craving men, going as she pleased.
AI translation rendered from the Sanskrit, not a published edition
BrP 92.6
तत्पुत्रो गालवगृहे वेदवेदाङ्गपारगः जातो ऽपि मातृदोषेण वेश्येरितमतिस् त्व् अभूत् ॥
tatputro gālavagṛhe vedavedāṅgapāragaḥ jāto 'pi mātṛdoṣeṇa veśyeritamatis tv abhūt //
Her son, in Gālava's house, though he became one who had mastered the Vedas and the Vedāṅgas, yet through his mother's fault his mind was drawn to harlots.
AI translation rendered from the Sanskrit, not a published edition
BrP 92.7
जनस्थानम् इति ख्यातं नानाजातिसमावृतम् तत्रासौ पण्यवेषेण अध्यास्ते च मही तथा ॥
janasthānam iti khyātaṃ nānājātisamāvṛtam tatrāsau paṇyaveṣeṇa adhyāste ca mahī tathā //
There is a place known as Janasthāna, thronged with various castes; there she, Mahī, took up residence too, in the guise of one for sale.
AI translation rendered from the Sanskrit, not a published edition
BrP 92.8
तत्सुतो ऽपि बहून् देशान् परिबभ्राम कामुकः सो ऽपि कालवशात् तत्र जनस्थाने ऽवसत् तदा ॥
tatsuto 'pi bahūn deśān paribabhrāma kāmukaḥ so 'pi kālavaśāt tatra janasthāne 'vasat tadā //
Her son too, being lustful, wandered about many lands; and he too, by force of time, then dwelt there in Janasthāna.
AI translation rendered from the Sanskrit, not a published edition
BrP 92.9
स्त्रियम् आकाङ्क्षते वेश्यां धृतव्रतसुतो द्विजः मही चापि धनं दातॄन् पुरुषान् समपेक्षते ॥
striyam ākāṅkṣate veśyāṃ dhṛtavratasuto dvijaḥ mahī cāpi dhanaṃ dātṝn puruṣān samapekṣate //
The brahmin, Dhṛtavrata's son, longs for a woman, a harlot; and Mahī too looks out for money and for men who will give it.
AI translation rendered from the Sanskrit, not a published edition
BrP 92.10
मेने न पुत्रम् आत्मीयं स चापि न तु मातरम् तयोः समागमश् चासीद् विधिना मातृपुत्रयोः ॥
mene na putram ātmīyaṃ sa cāpi na tu mātaram tayoḥ samāgamaś cāsīd vidhinā mātṛputrayoḥ //
She did not recognize (him as) her own son, nor did he (recognize) his mother; and by fate there was a union of those two, of mother and son.
AI translation rendered from the Sanskrit, not a published edition
BrP 92.11
एवं बहुतिथे काले पुत्रे मातरि गच्छति तयोः परस्परं ज्ञानं नैवासीन् मातृपुत्रयोः ॥
evaṃ bahutithe kāle putre mātari gacchati tayoḥ parasparaṃ jñānaṃ naivāsīn mātṛputrayoḥ //
Thus, as the son went to the mother for a long time, there was no mutual recognition between those two, mother and son.
AI translation rendered from the Sanskrit, not a published edition
BrP 92.12
एवं प्रवर्तमानस्य पितृधर्मेण सन्मतिः आसीत् तस्याप्य् असद्वृत्तेः शृणु नारद चित्रवत् ॥
evaṃ pravartamānasya pitṛdharmeṇa sanmatiḥ āsīt tasyāpy asadvṛtteḥ śṛṇu nārada citravat //
While he lived on in this way, he had good sense in the matter of the father's duty; but hear too, Nārada, of his unrighteous conduct, which is like a marvel.
AI translation rendered from the Sanskrit, not a published edition — the model flagged this verse as uncertain
BrP 92.13
स्वैरस्थित्या वर्तमानो नेदं स परिहातवान् ब्राह्मीं संध्याम् अनुष्ठाय तद् ऊर्ध्वं तु धनार्जनम् ॥
svairasthityā vartamāno nedaṃ sa parihātavān brāhmīṃ saṃdhyām anuṣṭhāya tad ūrdhvaṃ tu dhanārjanam //
Living as he pleased, he did not, however, give up this much: having performed the brāhmī twilight worship, and after that the earning of wealth.
AI translation rendered from the Sanskrit, not a published edition
BrP 92.14
विद्याबलेन वित्तानि बहून्य् आर्ज्य ददात्य् असौ तथा स प्रातर् उत्थाय गङ्गां गत्वा यथाविधि ॥
vidyābalena vittāni bahūny ārjya dadāty asau tathā sa prātar utthāya gaṅgāṃ gatvā yathāvidhi //
By the power of his learning he earns much wealth and gives it away; and likewise he rises at dawn and goes to the Gaṅgā as prescribed,
AI translation rendered from the Sanskrit, not a published edition
BrP 92.15
शौचादि स्नानसंध्यादि सर्वं कार्यं यथाक्रमम् कृत्वा तु ब्राह्मणान् नत्वा ततो ऽभ्येति स्वकर्मसु ॥
śaucādi snānasaṃdhyādi sarvaṃ kāryaṃ yathākramam kṛtvā tu brāhmaṇān natvā tato 'bhyeti svakarmasu //
and having performed in due order all that is to be done—cleansing and the rest, bathing, the saṃdhyā rite and the rest—and having bowed to the brahmins, he then goes off to his own affairs.
AI translation rendered from the Sanskrit, not a published edition
BrP 92.16
प्रातःकाले गौतमीं तु यदा याति विरूपवान् कुष्ठसर्वाङ्गशिथिलः पूयशोणितनिःस्रवः ॥
prātaḥkāle gautamīṃ tu yadā yāti virūpavān kuṣṭhasarvāṅgaśithilaḥ pūyaśoṇitaniḥsravaḥ //
But when at morning time he goes to the Gautamī, he is deformed, all his limbs slack with leprosy, oozing pus and blood;
AI translation rendered from the Sanskrit, not a published edition
BrP 92.17
स्नात्वा तु गौतमीं गङ्गां यदा याति सुरूपधृक् शान्तः सूर्याग्निसदृशो मूर्तिमान् इव भास्करः ॥
snātvā tu gautamīṃ gaṅgāṃ yadā yāti surūpadhṛk śāntaḥ sūryāgnisadṛśo mūrtimān iva bhāskaraḥ //
but when, having bathed, he leaves the Gautamī Gaṅgā, he bears a beautiful form: serene, like the sun and fire, like the sun-god embodied.
AI translation rendered from the Sanskrit, not a published edition
BrP 92.18
एतद् रूपद्वयं स्वस्य नैव पश्यति स द्विजः गालवो यत्र भगवांस् तपोज्ञानपरायणः ॥
etad rūpadvayaṃ svasya naiva paśyati sa dvijaḥ gālavo yatra bhagavāṃs tapojñānaparāyaṇaḥ //
This twofold form of his own that twice-born does not see at all. Where the lord Gālava, given over to austerity and knowledge,
AI translation rendered from the Sanskrit, not a published edition
BrP 92.19
आश्रित्य गौतमीं देवीं आस्ते च मुनिभिर् वृतः ब्राह्मणो ऽपि च तत्रैव नित्यं तीर्थं समेत्य च ॥
āśritya gautamīṃ devīṃ āste ca munibhir vṛtaḥ brāhmaṇo 'pi ca tatraiva nityaṃ tīrthaṃ sametya ca //
having resorted to the goddess Gautamī, dwells surrounded by sages—there too the brahmin comes daily to the tīrtha,
AI translation rendered from the Sanskrit, not a published edition
BrP 92.20
गालवं च नमस्याथ ततो याति स्वमन्दिरम् गङ्गायाः सेवनात् पूर्वं सनाज्जातस्य यद् वपुः ॥
gālavaṃ ca namasyātha tato yāti svamandiram gaṅgāyāḥ sevanāt pūrvaṃ sanājjātasya yad vapuḥ //
and having saluted Gālava, he then goes to his own house. The body that Sanājjāta had before his attendance on the Gaṅgā,
AI translation rendered from the Sanskrit, not a published edition
BrP 92.21
स्नानसंध्योत्तरे काले पुनर् यद् अपि तद् द्विजे उभयं तस्य तद् रूपं गालवो नित्यम् एव च ॥
snānasaṃdhyottare kāle punar yad api tad dvije ubhayaṃ tasya tad rūpaṃ gālavo nityam eva ca //
and again the one that he had at the time after the bathing and the saṃdhyā—both those forms of his the twice-born had, and Gālava (saw them) day after day,
AI translation rendered from the Sanskrit, not a published edition — the model flagged this verse as uncertain
BrP 92.22
दृष्ट्वा सविस्मयो मेने किंचिद् अस्त्य् अत्र कारणम् एवं सविस्मयो भूत्वा गालवः प्राह तं द्विजम् ॥
dṛṣṭvā savismayo mene kiṃcid asty atra kāraṇam evaṃ savismayo bhūtvā gālavaḥ prāha taṃ dvijam //
and seeing (them), amazed, he thought: there is some reason for this. Thus becoming amazed, Gālava spoke to that twice-born:
AI translation rendered from the Sanskrit, not a published edition
BrP 92.23
गच्छन्तं तु नमस्याथ सनाज्जातं गुरुर् गृहम् आहूय यत्नतो धीमान् कृपया विस्मयेन च ॥
gacchantaṃ tu namasyātha sanājjātaṃ gurur gṛham āhūya yatnato dhīmān kṛpayā vismayena ca //
Then, when Sanājjāta had made his salutation and was leaving, the wise teacher purposely called him into the house, out of compassion and out of wonder:
AI translation rendered from the Sanskrit, not a published edition
BrP 92.24
को भवान् क्व च गन्तासि किं करोषि क्व भोक्ष्यसि किंनामा त्वं क्व शय्या ते का ते भार्या वदस्व मे ॥
ko bhavān kva ca gantāsi kiṃ karoṣi kva bhokṣyasi kiṃnāmā tvaṃ kva śayyā te kā te bhāryā vadasva me //
"Who are you? Where will you go? What do you do? Where will you eat? What is your name? Where is your bed? Who is your wife? Tell me all."
AI translation rendered from the Sanskrit, not a published edition
BrP 92.25
गालवस्य वचः श्रुत्वा ब्राह्मणो ऽप्य् आह तं मुनिम् ॥
gālavasya vacaḥ śrutvā brāhmaṇo 'py āha taṃ munim //
Having heard Gālava's words, the brahmin too said to that sage:
AI translation rendered from the Sanskrit, not a published edition
BrP 92.26
श्वः कथ्यते मया सर्वं ज्ञात्वा कार्यविनिर्णयम् ॥
śvaḥ kathyate mayā sarvaṃ jñātvā kāryavinirṇayam //
"Tomorrow all will be told by me, when I have learned the settled truth of the matter."
AI translation rendered from the Sanskrit, not a published edition
BrP 92.27
एवम् उक्त्वा गालवं तं सनाज्जातो गृहं ययौ भुक्त्वा रात्रौ तया सम्यक् शय्याम् आसाद्य बन्धकीम् उवाच चकितः स्मृत्वा गालवस्य तु यद् वचः ॥
evam uktvā gālavaṃ taṃ sanājjāto gṛhaṃ yayau bhuktvā rātrau tayā samyak śayyām āsādya bandhakīm uvāca cakitaḥ smṛtvā gālavasya tu yad vacaḥ //
Having said this to Gālava, Sanājjāta went home; and at night, after eating well with her and reaching the bed, alarmed, remembering what Gālava had said, he spoke to the loose woman:
AI translation rendered from the Sanskrit, not a published edition
BrP 92.28
त्वं तु सर्वगुणोपेता बन्धक्य् अपि पतिव्रता आवयोः सदृशी प्रीतिर् यावज्जीवं प्रवर्तताम् ॥
tvaṃ tu sarvaguṇopetā bandhaky api pativratā āvayoḥ sadṛśī prītir yāvajjīvaṃ pravartatām //
"You are endowed with every virtue, and though a wanton woman you are devoted to your husband; let a like affection continue between us two as long as we live.
AI translation rendered from the Sanskrit, not a published edition
BrP 92.29
तथापि किंचित् पृच्छामि किंनाम्नी त्वं क्व वा कुलम् किं नु स्थानं क्व वा बन्धुर् मम सर्वं निवेद्यताम् ॥
tathāpi kiṃcit pṛcchāmi kiṃnāmnī tvaṃ kva vā kulam kiṃ nu sthānaṃ kva vā bandhur mama sarvaṃ nivedyatām //
Still, I ask you something: what is your name, where is your family, what is your place, where are your kinsmen? Let all be told to me."
AI translation rendered from the Sanskrit, not a published edition
BrP 92.30
धृतव्रत इति ख्यातो ब्राह्मणो दीक्षितः शुचिः तस्य भार्या मही चाहं मत्पुत्रो गालवाश्रमे ॥
dhṛtavrata iti khyāto brāhmaṇo dīkṣitaḥ śuciḥ tasya bhāryā mahī cāhaṃ matputro gālavāśrame //
"There was a brahmin known as Dhṛtavrata, consecrated and pure; I am Mahī, his wife, and my son (was left) in Gālava's hermitage—
AI translation rendered from the Sanskrit, not a published edition
BrP 92.31
उत्सृष्टो मतिमान् बालः सनाज्जात इति श्रुतः अहं तु पूर्वदोषेण त्यक्त्वा धर्मं कुलागतम् स्वैरिणी त्व् इह वर्ते ऽहं विद्धि मां ब्राह्मणीं द्विज ॥
utsṛṣṭo matimān bālaḥ sanājjāta iti śrutaḥ ahaṃ tu pūrvadoṣeṇa tyaktvā dharmaṃ kulāgatam svairiṇī tv iha varte 'haṃ viddhi māṃ brāhmaṇīṃ dvija //
the intelligent boy was abandoned (there), and is known as Sanājjāta. But I, through a former fault, having forsaken the duty that came down in my family, live here as a wanton woman: know me, twice-born, to be a brahmin woman."
AI translation rendered from the Sanskrit, not a published edition
BrP 92.32
तस्यास् तद् वचनं श्रुत्वा मर्मविद्ध इवाभवत् पपात सहसा भूमौ वेश्या तं वाक्यम् अब्रवीत् ॥
tasyās tad vacanaṃ śrutvā marmaviddha ivābhavat papāta sahasā bhūmau veśyā taṃ vākyam abravīt //
Hearing that speech of hers, he became as if pierced to the vitals; he fell suddenly to the ground, (and) the courtesan said this word to him:
AI translation rendered from the Sanskrit, not a published edition
BrP 92.33
किं तु जातं द्विजश्रेष्ठ क्व च प्रीतिर् गता तव किं तु वाक्यं मया चोक्तं तव चित्तविरोधकृत् ॥
kiṃ tu jātaṃ dvijaśreṣṭha kva ca prītir gatā tava kiṃ tu vākyaṃ mayā coktaṃ tava cittavirodhakṛt //
"What has happened, best of twice-born, and where has your delight gone? What word have I spoken that has turned your mind against (me)?"
AI translation rendered from the Sanskrit, not a published edition
BrP 92.34
आत्मानम् आत्मनाश्वास्य ब्राह्मणो वाक्यम् अब्रवीत् ॥
ātmānam ātmanāśvāsya brāhmaṇo vākyam abravīt //
Comforting himself by himself, the brahmin spoke these words:
AI translation rendered from the Sanskrit, not a published edition
BrP 92.35
धृतव्रतः पिता विप्रस् तत्पुत्रो ऽहं सनाद्यतः माता मही मम इयं मम दैवाद् उपागता ॥
dhṛtavrataḥ pitā vipras tatputro 'haṃ sanādyataḥ mātā mahī mama iyaṃ mama daivād upāgatā //
"Dhṛtavrata was my father, a brahmin; I am his son, Sanā by name; Mahī is my mother — she has come to me by fate."
AI translation rendered from the Sanskrit, not a published edition
BrP 92.36
एतच् छ्रुत्वा तस्य वाक्यं साप्य् अभूद् अतिदुःखिता तयोस् तु शोचतोः पश्चात् प्रभाते विमले रवौ गालवं मुनिशार्दूलं गत्वा विप्रो न्यवेदयत् ॥
etac chrutvā tasya vākyaṃ sāpy abhūd atiduḥkhitā tayos tu śocatoḥ paścāt prabhāte vimale ravau gālavaṃ muniśārdūlaṃ gatvā vipro nyavedayat //
Hearing this speech of his, she too became exceedingly grieved. Then, after the two of them had lamented, at dawn when the sun was clear, the brahmin went to Gālava, the tiger among sages, and reported (it).
AI translation rendered from the Sanskrit, not a published edition
BrP 92.37
धृतव्रतसुतो ब्रह्मंस् त्वया पूर्वं तु पालितः उपनीतस् त्वया चैव मही माता मम प्रभो ॥
dhṛtavratasuto brahmaṃs tvayā pūrvaṃ tu pālitaḥ upanītas tvayā caiva mahī mātā mama prabho //
"O brahmin, I am the son of Dhṛtavrata, formerly reared by you, and initiated by you as well; and Mahī is my mother, O lord.
AI translation rendered from the Sanskrit, not a published edition
BrP 92.38
किं करोमि च किं कृत्वा निष्कृतिर् मम वै भवेत् ॥
kiṃ karomi ca kiṃ kṛtvā niṣkṛtir mama vai bhavet //
What shall I do, and by doing what will there be expiation for me?"
AI translation rendered from the Sanskrit, not a published edition
BrP 92.39
तद् विप्रवचनं श्रुत्वा गालवः प्राह मा शुचः तवेदं द्विविधं रूपं नित्यं पश्याम्य् अपूर्ववत् ॥
tad vipravacanaṃ śrutvā gālavaḥ prāha mā śucaḥ tavedaṃ dvividhaṃ rūpaṃ nityaṃ paśyāmy apūrvavat //
Hearing that speech of the brahmin, Gālava said: "Do not grieve. I see this twofold form of yours constantly, as never before.
AI translation rendered from the Sanskrit, not a published edition
BrP 92.40
ततः पृष्टो ऽसि वृत्तान्तं श्रुतं ज्ञातं मया यथा यत् कृत्यं तव तत् सर्वं गङ्गायां प्रत्यगात् क्षयम् ॥
tataḥ pṛṣṭo 'si vṛttāntaṃ śrutaṃ jñātaṃ mayā yathā yat kṛtyaṃ tava tat sarvaṃ gaṅgāyāṃ pratyagāt kṣayam //
Then you were asked about the affair; it has been heard and understood by me as it was. Whatever act (of yours needs expiating), all that has come to destruction in the Ganges.
AI translation rendered from the Sanskrit, not a published edition
BrP 92.41
अस्य तीर्थस्य माहात्म्याद् अस्या देव्याः प्रसादतः पूतो ऽसि प्रत्यहं वत्स नात्र कार्या विचारणा ॥
asya tīrthasya māhātmyād asyā devyāḥ prasādataḥ pūto 'si pratyahaṃ vatsa nātra kāryā vicāraṇā //
By the greatness of this holy place, by the grace of this goddess, you are purified every day, my child; no doubt is to be entertained here.
AI translation rendered from the Sanskrit, not a published edition
BrP 92.42
प्रभाते तव रूपाणि सपापानि त्व् अहर्निशम् पश्ये ऽहं पुनर् अप्य् एव रूपं तव गुणोत्तमम् ॥
prabhāte tava rūpāṇi sapāpāni tv aharniśam paśye 'haṃ punar apy eva rūpaṃ tava guṇottamam //
At dawn (I see) your forms as attended with sin day and night; (yet) again I see that form of yours as supreme in virtue.
AI translation rendered from the Sanskrit, not a published edition — the model flagged this verse as uncertain
BrP 92.43
आगच्छन्तं त्व् आगोयुक्तं गच्छन्तं त्वाम् अनागसम् पश्यामि नित्यं तस्मात् त्वं पूतो देव्या कृतो ऽधुना ॥
āgacchantaṃ tv āgoyuktaṃ gacchantaṃ tvām anāgasam paśyāmi nityaṃ tasmāt tvaṃ pūto devyā kṛto 'dhunā //
I constantly see you as sin-laden when you come, and sinless when you go; therefore you have now been made pure by the goddess.
AI translation rendered from the Sanskrit, not a published edition
BrP 92.44
तस्मान् न कार्यं ते किंचिद् अवशिष्टं भविष्यति इयं च माता ते विप्र ज्ञाता या चैव बन्धकी ॥
tasmān na kāryaṃ te kiṃcid avaśiṣṭaṃ bhaviṣyati iyaṃ ca mātā te vipra jñātā yā caiva bandhakī //
Therefore nothing further will remain to be done by you. And this woman, whom you knew as a harlot, is your mother, O brahmin.
AI translation rendered from the Sanskrit, not a published edition
BrP 92.45
पश्चात्तापं गतात्यन्तं निवृत्ता त्व् अथ पातकात् भूतानां विषये प्रीतिर् वत्स स्वाभाविकी यतः ॥
paścāttāpaṃ gatātyantaṃ nivṛttā tv atha pātakāt bhūtānāṃ viṣaye prītir vatsa svābhāvikī yataḥ //
She has gone to extreme remorse and has now turned back from the sin; for affection towards (one's own) offspring, my child, is natural among beings.
AI translation rendered from the Sanskrit, not a published edition
BrP 92.46
सत्सङ्गतो महापुण्यान् निवृत्तिर् दैवतो भवेत् अत्यर्थम् अनुतप्तेयं प्रागाचरितपुण्यतः ॥
satsaṅgato mahāpuṇyān nivṛttir daivato bhavet atyartham anutapteyaṃ prāgācaritapuṇyataḥ //
From association with the good, from great merit, turning away (from sin) comes about by fate; she has repented exceedingly because of merit performed formerly.
AI translation rendered from the Sanskrit, not a published edition
BrP 92.47
स्नानं कृत्वा चात्र तीर्थे ततः पूता भविष्यति तथा तौ चक्रतुर् उभौ मातापुत्रौ च नारद ॥
snānaṃ kṛtvā cātra tīrthe tataḥ pūtā bhaviṣyati tathā tau cakratur ubhau mātāputrau ca nārada //
And having bathed here in this holy place, she will thereafter be purified." And so those two, mother and son, did, O Nārada.
AI translation rendered from the Sanskrit, not a published edition
BrP 92.48
स्नानाद् बभूवतुर् उभौ गतपापाव् असंशयम् ततः प्रभृति तत् तीर्थं धौतपापं प्रचक्षते ॥
snānād babhūvatur ubhau gatapāpāv asaṃśayam tataḥ prabhṛti tat tīrthaṃ dhautapāpaṃ pracakṣate //
By the bathing both became free of sin, without doubt; from that time on they call that holy place Dhautapāpa ("Washed-away Sin").
AI translation rendered from the Sanskrit, not a published edition
BrP 92.49
पापप्रणाशनं नाम गालवं चेति विश्रुतम् महापातकम् अल्पं वा तथा यच् चोपपातकम् तत् सर्वं नाशयेद् एतद् धौतपापं सुपुण्यदम् ॥
pāpapraṇāśanaṃ nāma gālavaṃ ceti viśrutam mahāpātakam alpaṃ vā tathā yac copapātakam tat sarvaṃ nāśayed etad dhautapāpaṃ supuṇyadam //
It is also renowned by the name Pāpapraṇāśana and as Gālava. Whatever great sin, or small, and whatever minor sin there is — all that this Dhautapāpa, the giver of great merit, destroys.
AI translation rendered from the Sanskrit, not a published edition