Brahma Purana — Chapter 91
BrP 91.1
ततो गोवर्धनं तीर्थं सर्वपापप्रणाशनम् पितॄणां पुण्यजननं स्मरणाद् अपि पापनुत् ॥
tato govardhanaṃ tīrthaṃ sarvapāpapraṇāśanam pitṝṇāṃ puṇyajananaṃ smaraṇād api pāpanut //
Next (there is) the Govardhana tīrtha, destroyer of all sins, producing merit for the ancestors, removing sin even by being remembered.
AI translation rendered from the Sanskrit, not a published edition
BrP 91.2
तस्य प्रभाव एष स्यान् मया दृष्टस् तु नारद ब्राह्मणः कर्षकः कश्चिज् जाबालिर् इति विश्रुतः ॥
tasya prabhāva eṣa syān mayā dṛṣṭas tu nārada brāhmaṇaḥ karṣakaḥ kaścij jābālir iti viśrutaḥ //
This would be its power, as seen by me, Nārada: there was a certain brahmin ploughman, known as Jābāli.
AI translation rendered from the Sanskrit, not a published edition
BrP 91.3
न विमुञ्चत्य् अनड्वाहौ मध्यं याते ऽपि भास्करे प्रतोदेन प्रतुदति पृष्ठतो ऽपि च पार्श्वयोः ॥
na vimuñcaty anaḍvāhau madhyaṃ yāte 'pi bhāskare pratodena pratudati pṛṣṭhato 'pi ca pārśvayoḥ //
He would not release his two oxen even when the sun had reached midday, and he goaded them with the goad on the back and on both flanks.
AI translation rendered from the Sanskrit, not a published edition
BrP 91.4
तौ गावाव् अश्रुपूर्णाक्षौ दृष्ट्वा गौः कामदोहिनी सुरभिर् जगतां माता नन्दिने सर्वम् अब्रवीत् ॥
tau gāvāv aśrupūrṇākṣau dṛṣṭvā gauḥ kāmadohinī surabhir jagatāṃ mātā nandine sarvam abravīt //
Seeing those two oxen with eyes full of tears, the cow Surabhi, who yields all desires, the mother of the worlds, told everything to Nandin.
AI translation rendered from the Sanskrit, not a published edition
BrP 91.5
स चापि व्यथितो भूत्वा शंभवे तन् न्यवेदयत् शंभुश् च वृषभं प्राह सर्वं सिध्यतु ते वचः ॥
sa cāpi vyathito bhūtvā śaṃbhave tan nyavedayat śaṃbhuś ca vṛṣabhaṃ prāha sarvaṃ sidhyatu te vacaḥ //
And he too, being distressed, reported it to Śambhu; and Śambhu said to the bull: "Let your every word be fulfilled."
AI translation rendered from the Sanskrit, not a published edition
BrP 91.6
शिवाज्ञासहितो नन्दी गोजातं सर्वम् आहरत् नष्टेषु गोषु सर्वेषु स्वर्गे मर्त्ये ततस् त्वरा ॥
śivājñāsahito nandī gojātaṃ sarvam āharat naṣṭeṣu goṣu sarveṣu svarge martye tatas tvarā //
Armed with Śiva's command, Nandin carried off all the cattle-kind; and when all the cows had vanished, in heaven and on earth there was then haste (alarm).
AI translation rendered from the Sanskrit, not a published edition
BrP 91.7
माम् अवोचन् सुरगणा विना गोभिर् न जीव्यते तान् अवोचं सुरान् सर्वाञ् शंकरं यात याचत ॥
mām avocan suragaṇā vinā gobhir na jīvyate tān avocaṃ surān sarvāñ śaṃkaraṃ yāta yācata //
The hosts of gods said to me: "Without cows there is no living"; I said to all those gods: "Go to Śaṃkara, entreat him."
AI translation rendered from the Sanskrit, not a published edition
BrP 91.8
तथैवेशं तु ते सर्वे स्तुत्वा कार्यं न्यवेदयन् ईशो ऽपि विबुधान् आह जानाति वृषभो मम ॥
tathaiveśaṃ tu te sarve stutvā kāryaṃ nyavedayan īśo 'pi vibudhān āha jānāti vṛṣabho mama //
Just so they all, having praised the Lord, laid the matter before him; and the Lord too said to the gods: "My bull knows (of this)."
AI translation rendered from the Sanskrit, not a published edition
BrP 91.9
ते वृषं प्रोचुर् अमरा देहि गा उपकारिणः वृषो ऽपि विबुधान् आह गोसवः क्रियतां क्रतुः ॥
te vṛṣaṃ procur amarā dehi gā upakāriṇaḥ vṛṣo 'pi vibudhān āha gosavaḥ kriyatāṃ kratuḥ //
The immortals said to the bull: "Give us the cows, you who do (us) service"; and the bull said to the gods: "Let the sacrifice called gosava be performed.
AI translation rendered from the Sanskrit, not a published edition
BrP 91.10
ततः प्राप्स्यथ गाः सर्वा या दिव्या याश् च मानुषाः ततः प्रवर्तते यज्ञो गोसवो देवनिर्मितः ॥
tataḥ prāpsyatha gāḥ sarvā yā divyā yāś ca mānuṣāḥ tataḥ pravartate yajño gosavo devanirmitaḥ //
Then you will obtain all the cows, both those that are divine and those that are of men." Then the sacrifice proceeds, the gosava fashioned by the gods.
AI translation rendered from the Sanskrit, not a published edition
BrP 91.11
गौतम्याश् च शुभे पार्श्वे गावो ववृधिरे ततः गोवर्धनं तु तत् तीर्थं देवानां प्रीतिवर्धनम् ॥
gautamyāś ca śubhe pārśve gāvo vavṛdhire tataḥ govardhanaṃ tu tat tīrthaṃ devānāṃ prītivardhanam //
And on the auspicious bank of the Gautamī the cows thereafter increased; that ford is Govardhana, which increases the joy of the gods.
AI translation rendered from the Sanskrit, not a published edition
BrP 91.12
तत्र स्नानं मुनिश्रेष्ठ गोसहस्रफलप्रदम् किंचिद् दानादिना यत् स्यात् फलं तत् तु न विद्महे ॥
tatra snānaṃ muniśreṣṭha gosahasraphalapradam kiṃcid dānādinā yat syāt phalaṃ tat tu na vidmahe //
Bathing there, O best of sages, bestows the fruit of a thousand cows; but whatever fruit there may be from any gift and the like there, that we do not know.
AI translation rendered from the Sanskrit, not a published edition