Brahma Purana — Chapter 90
BrP 90.1
गारुडं नाम यत् तीर्थं सर्वविघ्नप्रशान्तिदम् तस्य प्रभावं वक्ष्यामि शृणु नारद यत्नतः ॥
gāruḍaṃ nāma yat tīrthaṃ sarvavighnapraśāntidam tasya prabhāvaṃ vakṣyāmi śṛṇu nārada yatnataḥ //
There is a sacred place called Gāruḍa, which brings the quieting of all obstacles; I shall tell of its power — listen attentively, Nārada.
AI translation rendered from the Sanskrit, not a published edition
BrP 90.2
मणिनाग इति त्व् आसीच् छेषपुत्रो महाबलः गरुडस्य भयाद् भक्त्या तोषयाम् आस शंकरम् ॥
maṇināga iti tv āsīc cheṣaputro mahābalaḥ garuḍasya bhayād bhaktyā toṣayām āsa śaṃkaram //
There was one named Maṇināga, a son of Śeṣa, of great strength; out of fear of Garuḍa he propitiated Śaṃkara with devotion.
AI translation rendered from the Sanskrit, not a published edition
BrP 90.3
ततः प्रसन्नो भगवान् परमेष्ठी महेश्वरः तम् उवाच महानागं वरं वरय पन्नग ॥
tataḥ prasanno bhagavān parameṣṭhī maheśvaraḥ tam uvāca mahānāgaṃ varaṃ varaya pannaga //
Then the Lord, the highest one, Maheśvara, being pleased, said to that great serpent: "Choose a boon, O snake."
AI translation rendered from the Sanskrit, not a published edition
BrP 90.4
नागः प्राह प्रभो मह्यं देहि मे गरुडाभयम् तथेत्य् आह च तं शंभुर् गरुडाद् अभयं भवेत् ॥
nāgaḥ prāha prabho mahyaṃ dehi me garuḍābhayam tathety āha ca taṃ śaṃbhur garuḍād abhayaṃ bhavet //
The nāga said: "Lord, grant me safety from Garuḍa." And Śambhu said to him, "So be it — let there be safety from Garuḍa."
AI translation rendered from the Sanskrit, not a published edition
BrP 90.5
निर्गतो निर्भयो नागो गरुडाद् अरुणानुजात् क्षीरोदशायी यत्रास्ते क्षीरार्णवसमीपतः ॥
nirgato nirbhayo nāgo garuḍād aruṇānujāt kṣīrodaśāyī yatrāste kṣīrārṇavasamīpataḥ //
The nāga went out fearless of Garuḍa, the younger brother of Aruṇa, to where He who sleeps on the Milk Ocean abides, near the sea of milk.
AI translation rendered from the Sanskrit, not a published edition
BrP 90.6
इतश् चेतश् च चरति नागो ऽसौ सुखशीतले गरुडो ऽपि च यत्रास्ते तं देशम् अपि यात्य् असौ ॥
itaś cetaś ca carati nāgo 'sau sukhaśītale garuḍo 'pi ca yatrāste taṃ deśam api yāty asau //
That nāga roams here and there in the pleasantly cool (region), and he goes even to that place where Garuḍa dwells.
AI translation rendered from the Sanskrit, not a published edition
BrP 90.7
गरुडः पन्नगं दृष्ट्वा चरन्तं निर्भयेन तु तं गृहीत्वा महानागं प्राक्षिपत् स्वस्य वेश्मनि ॥
garuḍaḥ pannagaṃ dṛṣṭvā carantaṃ nirbhayena tu taṃ gṛhītvā mahānāgaṃ prākṣipat svasya veśmani //
Garuḍa, seeing the serpent roaming about fearlessly, seized that great nāga and threw him into his own dwelling.
AI translation rendered from the Sanskrit, not a published edition
BrP 90.8
तं बद्ध्वा गारुडैः पाशैर् गरुडो नागसत्तमम् एतस्मिन्न् अन्तरे नन्दी प्रोवाचेशं जगत्प्रभुम् ॥
taṃ baddhvā gāruḍaiḥ pāśair garuḍo nāgasattamam etasminn antare nandī provāceśaṃ jagatprabhum //
When Garuḍa had bound that best of nāgas with Garuḍa-nooses, meanwhile Nandin spoke to Īśa, the lord of the world:
AI translation rendered from the Sanskrit, not a published edition
BrP 90.9
नूनं नागो न चायाति भक्षितो बद्ध एव वा गरुडेन सुरेशान जीवन् नागो न संव्रजेत् ॥
nūnaṃ nāgo na cāyāti bhakṣito baddha eva vā garuḍena sureśāna jīvan nāgo na saṃvrajet //
"Surely the nāga does not come; he has been eaten, or else bound by Garuḍa; O lord of the gods, a nāga would not get away alive."
AI translation rendered from the Sanskrit, not a published edition
BrP 90.10
नन्दिनो वचनं श्रुत्वा ज्ञात्वा शंभुर् अथाब्रवीत् ॥
nandino vacanaṃ śrutvā jñātvā śaṃbhur athābravīt //
Having heard Nandin's words, and having understood (the matter), Śambhu then said:
AI translation rendered from the Sanskrit, not a published edition
BrP 90.11
गरुडस्य गृहे नागो बद्धस् तिष्ठति सत्वरम् गत्वा तं जगताम् ईशं विष्णुं स्तुहि जनार्दनम् ॥
garuḍasya gṛhe nāgo baddhas tiṣṭhati satvaram gatvā taṃ jagatām īśaṃ viṣṇuṃ stuhi janārdanam //
"The nāga is being held bound in Garuḍa's house; go quickly and praise Viṣṇu Janārdana, the lord of the worlds,
AI translation rendered from the Sanskrit, not a published edition
BrP 90.12
बद्धं नागं काश्यपेन मद्वाक्याद् आनय स्वयम् तत् प्रभोर् वचनं श्रुत्वा नन्दी गत्वा श्रियः पतिम् ॥
baddhaṃ nāgaṃ kāśyapena madvākyād ānaya svayam tat prabhor vacanaṃ śrutvā nandī gatvā śriyaḥ patim //
and by my word bring back yourself the nāga bound by Kāśyapa('s son)." Having heard that word of the Lord, Nandin went to the husband of Śrī,
AI translation rendered from the Sanskrit, not a published edition
BrP 90.13
व्यज्ञापयत् स्वयं वाक्यं विष्णुं लोकपरायणम् नारायणः प्रीतमना गरुडं वाक्यम् अब्रवीत् ॥
vyajñāpayat svayaṃ vākyaṃ viṣṇuṃ lokaparāyaṇam nārāyaṇaḥ prītamanā garuḍaṃ vākyam abravīt //
and himself announced the message to Viṣṇu, the refuge of the world. Nārāyaṇa, pleased in mind, spoke a word to Garuḍa:
AI translation rendered from the Sanskrit, not a published edition
BrP 90.14
विनतात्मज मे वाक्यान् नन्दिने देहि पन्नगम् कम्पमानस् तद् आकर्ण्य नेत्य् उवाच विहंगमः विष्णुम् अप्य् अब्रवीत् कोपात् सुपर्णो नन्दिनो ऽन्तिके ॥
vinatātmaja me vākyān nandine dehi pannagam kampamānas tad ākarṇya nety uvāca vihaṃgamaḥ viṣṇum apy abravīt kopāt suparṇo nandino 'ntike //
"Son of Vinatā, at my word give the serpent to Nandin." Hearing that, the bird trembled and said "No"; and in anger Suparṇa spoke to Viṣṇu too, in Nandin's presence:
AI translation rendered from the Sanskrit, not a published edition
BrP 90.15
यद् यत् प्रियतमं किंचिद् भृत्येभ्यः प्रभविष्णवः दास्यन्त्य् अन्ये भवान् नैव मयानीतं हरिष्यति ॥
yad yat priyatamaṃ kiṃcid bhṛtyebhyaḥ prabhaviṣṇavaḥ dāsyanty anye bhavān naiva mayānītaṃ hariṣyati //
"Whatever is most dear, masters give to their servants (from what is) their own; you will not carry off what was brought by me.
AI translation rendered from the Sanskrit, not a published edition — the model flagged this verse as uncertain
BrP 90.16
पश्य देवं त्रिनयनं नागं मोक्ष्यति नन्दिना मयोपपादितं नागं त्वं तु दास्यसि नन्दिने ॥
paśya devaṃ trinayanaṃ nāgaṃ mokṣyati nandinā mayopapāditaṃ nāgaṃ tvaṃ tu dāsyasi nandine //
Look — the three-eyed god will release the nāga through Nandin; but you would give to Nandin the nāga procured by me!
AI translation rendered from the Sanskrit, not a published edition
BrP 90.17
त्वां वहामि सदा स्वामिन् मम देयं सदा त्वया मयोपपादितं नागं वक्तुं देहीति नोचितम् ॥
tvāṃ vahāmi sadā svāmin mama deyaṃ sadā tvayā mayopapāditaṃ nāgaṃ vaktuṃ dehīti nocitam //
I always carry you, Master, and you should always be giving to me; it is not fitting to say "Give me" of a nāga procured by me.
AI translation rendered from the Sanskrit, not a published edition
BrP 90.18
सतां प्रभूणां नेयं स्याद् वृत्तिः सद्वृत्तिकारिणाम् सन्तो दास्यन्ति भृत्येभ्यो मदुपात्तहरो भवान् ॥
satāṃ prabhūṇāṃ neyaṃ syād vṛttiḥ sadvṛttikāriṇām santo dāsyanti bhṛtyebhyo madupāttaharo bhavān //
This would not be the conduct of good masters who act rightly; the good give to their servants — but you are one who takes what I have got.
AI translation rendered from the Sanskrit, not a published edition
BrP 90.19
दैत्याञ् जयसि संग्रामे मद्बलेनैव केशव अहं महाबलीत्य् एवं मुधैव श्लाघते भवान् ॥
daityāñ jayasi saṃgrāme madbalenaiva keśava ahaṃ mahābalīty evaṃ mudhaiva ślāghate bhavān //
You conquer the demons in battle by my strength alone, Keśava; yet you boast in vain, "I am of great strength."
AI translation rendered from the Sanskrit, not a published edition
BrP 90.20
गरुडस्येति तद् वाक्यं श्रुत्वा चक्रगदाधरः विहस्य नन्दिनः पार्श्वे पश्यद्भिर् लोकपालकैः ॥
garuḍasyeti tad vākyaṃ śrutvā cakragadādharaḥ vihasya nandinaḥ pārśve paśyadbhir lokapālakaiḥ //
Hearing that speech of Garuḍa, the bearer of the discus and mace laughed, and at Nandin's side, while the world-guardians looked on,
AI translation rendered from the Sanskrit, not a published edition
BrP 90.21
इदम् आह महाबुद्धिर् मां समुह्य कृशो भवान् त्वद्बलाद् असुरान् सर्वाञ् जेष्ये ऽहं खगसत्तम ॥
idam āha mahābuddhir māṃ samuhya kṛśo bhavān tvadbalād asurān sarvāñ jeṣye 'haṃ khagasattama //
the greatly wise one said this: "Having carried me, you have grown lean(?); 'by your strength I shall conquer all the asuras, O best of birds.'"
AI translation rendered from the Sanskrit, not a published edition — the model flagged this verse as uncertain
BrP 90.22
इत्य् उक्त्वा श्रीपतिर् ब्रह्मञ् शान्तकोपो ऽब्रवीद् इदम् वहाङ्गुलिं करस्याशु कनिष्ठां नन्दिनो ऽन्तिके ॥
ity uktvā śrīpatir brahmañ śāntakopo 'bravīd idam vahāṅguliṃ karasyāśu kaniṣṭhāṃ nandino 'ntike //
Having said this, O Brahmin, the husband of Śrī, his anger appeased, said this: "Carry at once the little finger of (my) hand, there beside Nandin."
AI translation rendered from the Sanskrit, not a published edition — the model flagged this verse as uncertain
BrP 90.23
गरुडस्य ततो मूर्ध्नि न्यस्येदं पुनर् अब्रवीत् सत्यं मां वहसे नित्यं पश्य धर्मं विहंगम ॥
garuḍasya tato mūrdhni nyasyedaṃ punar abravīt satyaṃ māṃ vahase nityaṃ paśya dharmaṃ vihaṃgama //
Then, placing (it) on Garuḍa's head, he said this again: "Truly you carry me always—behold the right of it, O sky-goer."
AI translation rendered from the Sanskrit, not a published edition
BrP 90.24
न्यस्तायां च ततो ऽङ्गुल्यां शिरः कुक्षौ समाविशत् कुक्षिश् च चरणस्यान्तः प्राविशच् चूर्णितो ऽभवत् ततः कृताञ्जलिर् दीनो व्यथितो लज्जयान्वितः ॥
nyastāyāṃ ca tato 'ṅgulyāṃ śiraḥ kukṣau samāviśat kukṣiś ca caraṇasyāntaḥ prāviśac cūrṇito 'bhavat tataḥ kṛtāñjalir dīno vyathito lajjayānvitaḥ //
And when the finger had been placed, then his head sank into his belly, and his belly entered inside his foot, and he was crushed; then, with hands joined, miserable, pained, filled with shame,
AI translation rendered from the Sanskrit, not a published edition
BrP 90.25
त्राहि त्राहि जगन्नाथ भृत्यं माम् अपराधिनम् त्वं प्रभुः सर्वलोकानां धर्ता धार्यस् त्वम् एव च ॥
trāhi trāhi jagannātha bhṛtyaṃ mām aparādhinam tvaṃ prabhuḥ sarvalokānāṃ dhartā dhāryas tvam eva ca //
"Save me, save me, Lord of the world, me your offending servant! You are the master of all the worlds, the upholder, and you alone are (also) that which is to be upheld."
AI translation rendered from the Sanskrit, not a published edition
BrP 90.26
अपराधसहस्राणि क्षमन्ते प्रभविष्णवः कृतापराधे ऽपि जने महती यस्य वै कृपा ॥
aparādhasahasrāṇi kṣamante prabhaviṣṇavaḥ kṛtāparādhe 'pi jane mahatī yasya vai kṛpā //
"Those who are capable forgive thousands of offences—he whose compassion is great even toward a person who has committed an offence."
AI translation rendered from the Sanskrit, not a published edition
BrP 90.27
वदन्ति मुनयः सर्वे त्वाम् एव करुणाकरम् रक्षस्वार्तं जगन्मातर् माम् अम्बुजनिवासिनि कमले बालकं दीनम् आर्तं तनयवत्सले ॥
vadanti munayaḥ sarve tvām eva karuṇākaram rakṣasvārtaṃ jaganmātar mām ambujanivāsini kamale bālakaṃ dīnam ārtaṃ tanayavatsale //
"All the sages call you the very mine of compassion. Protect me, the afflicted one, O mother of the world, O you who dwell in the lotus, O Kamalā, a child, wretched and suffering, O you who are tender toward your offspring."
AI translation rendered from the Sanskrit, not a published edition
BrP 90.28
ततः कृपान्विता देवी श्रीर् अप्य् आह जनार्दनम् ॥
tataḥ kṛpānvitā devī śrīr apy āha janārdanam //
Then the goddess Śrī too, filled with compassion, spoke to Janārdana:
AI translation rendered from the Sanskrit, not a published edition
BrP 90.29
रक्ष नाथ स्वकं भृत्यं गरुडं विपदं गतम् जनार्दन उवाचेदं नन्दिनं शंभुवाहनम् ॥
rakṣa nātha svakaṃ bhṛtyaṃ garuḍaṃ vipadaṃ gatam janārdana uvācedaṃ nandinaṃ śaṃbhuvāhanam //
"Protect your own servant, Lord, Garuḍa, who has fallen into calamity." Janārdana said this to Nandin, the mount of Śambhu:
AI translation rendered from the Sanskrit, not a published edition
BrP 90.30
नय नागं सगरुडं शंभोर् अन्तिकम् एव च तत्प्रसादाच् च गरुडो महेश्वरनिरीक्षितः आत्मीयं च पुना रूपं गरुडः समवाप्स्यति ॥
naya nāgaṃ sagaruḍaṃ śaṃbhor antikam eva ca tatprasādāc ca garuḍo maheśvaranirīkṣitaḥ ātmīyaṃ ca punā rūpaṃ garuḍaḥ samavāpsyati //
"Lead the serpent together with Garuḍa into Śambhu's presence; and by his grace Garuḍa, looked upon by Maheśvara, will regain his own form again."
AI translation rendered from the Sanskrit, not a published edition
BrP 90.31
तथेत्य् उक्त्वा च वृषभो नागेन गरुडेन च शनैः स शंकरं गत्वा सर्वं तस्मै न्यवेदयत् शंकरो ऽपि गरुत्मन्तं प्रोवाच शशिशेखरः ॥
tathety uktvā ca vṛṣabho nāgena garuḍena ca śanaiḥ sa śaṃkaraṃ gatvā sarvaṃ tasmai nyavedayat śaṃkaro 'pi garutmantaṃ provāca śaśiśekharaḥ //
Saying "So be it," the bull went slowly, with the serpent and with Garuḍa, to Śaṃkara, and reported everything to him; and Śaṃkara, the moon-crested, said to Garutmat:
AI translation rendered from the Sanskrit, not a published edition
BrP 90.32
याहि गङ्गां महाबाहो गौतमीं लोकपावनीम् सर्वकामप्रदां शान्तां ताम् आप्लुत्य पुनर् वपुः ॥
yāhi gaṅgāṃ mahābāho gautamīṃ lokapāvanīm sarvakāmapradāṃ śāntāṃ tām āplutya punar vapuḥ //
"Go, O mighty-armed one, to the Gaṅgā Gautamī, purifier of the worlds, granter of all wishes, tranquil; bathing in her, (you will regain) your body again,
AI translation rendered from the Sanskrit, not a published edition
BrP 90.33
प्राप्स्यसे सर्वकामांश् च शतधाथ सहस्रधा सर्वपापोपतप्ता ये दुर्दैवोन्मूलितोद्यमाः प्राणिनो ऽभीष्टदा तेषां शरणं खग गौतमी ॥
prāpsyase sarvakāmāṃś ca śatadhātha sahasradhā sarvapāpopataptā ye durdaivonmūlitodyamāḥ prāṇino 'bhīṣṭadā teṣāṃ śaraṇaṃ khaga gautamī //
and you will obtain all your wishes, a hundredfold and a thousandfold. For those creatures who are tormented by all sins, whose efforts have been uprooted by ill fortune, the Gautamī is a refuge granting what is desired, O bird."
AI translation rendered from the Sanskrit, not a published edition
BrP 90.34
तद्वाक्यं प्रणतो भूत्वा श्रुत्वा तु गरुडो ऽभ्यगात् गङ्गाम् आप्लुत्य गरुडः शिवं विष्णुं ननाम सः ॥
tadvākyaṃ praṇato bhūtvā śrutvā tu garuḍo 'bhyagāt gaṅgām āplutya garuḍaḥ śivaṃ viṣṇuṃ nanāma saḥ //
Having bowed and heard that speech, Garuḍa went (there); and having bathed in the Gaṅgā, Garuḍa made obeisance to Śiva and to Viṣṇu.
AI translation rendered from the Sanskrit, not a published edition
BrP 90.35
ततः स्वर्णमयः पक्षी वज्रदेहो महाबलः वेगी भवन् मुनिश्रेष्ठ पुनर् विष्णुम् इयात् सुधीः ॥
tataḥ svarṇamayaḥ pakṣī vajradeho mahābalaḥ vegī bhavan muniśreṣṭha punar viṣṇum iyāt sudhīḥ //
Then, becoming a golden bird with a body of adamant, of great strength and swift, O best of sages, the wise one went again to Viṣṇu.
AI translation rendered from the Sanskrit, not a published edition
BrP 90.36
ततः प्रभृति तत् तीर्थं गारुडं सर्वकामदम् तत्र स्नानादि यत् किंचित् करोति प्रयतो नरः सर्वं तद् अक्षयं वत्स शिवविष्णुप्रियावहम् ॥
tataḥ prabhṛti tat tīrthaṃ gāruḍaṃ sarvakāmadam tatra snānādi yat kiṃcit karoti prayato naraḥ sarvaṃ tad akṣayaṃ vatsa śivaviṣṇupriyāvaham //
From then on that tīrtha (is known as) Gāruḍa, granting all desires. Whatever a man of restrained conduct does there—bathing and the rest—all of that is imperishable, my child, and brings the favour of Śiva and Viṣṇu.
AI translation rendered from the Sanskrit, not a published edition