Brahma Purana — Chapter 9
BrP 9.1
पिता सोमस्य भो विप्रा जज्ञे ऽत्रिर् भगवान् ऋषिः ब्रह्मणो मानसात् पूर्वं प्रजासर्गं विधित्सतः ॥
pitā somasya bho viprā jajñe 'trir bhagavān ṛṣiḥ brahmaṇo mānasāt pūrvaṃ prajāsargaṃ vidhitsataḥ //
O brahmins, the father of Soma, the venerable seer Atri, was born of old from the mind of Brahmā, who wished to bring forth creatures.
AI translation rendered from the Sanskrit, not a published edition
BrP 9.2
अनुत्तरं नाम तपो येन तप्तं हि तत् पुरा त्रीणि वर्षसहस्राणि दिव्यानीति हि नः श्रुतम् ॥
anuttaraṃ nāma tapo yena taptaṃ hi tat purā trīṇi varṣasahasrāṇi divyānīti hi naḥ śrutam //
By him was practised in ancient times that austerity called unsurpassed, for three thousand divine years — so we have heard.
AI translation rendered from the Sanskrit, not a published edition
BrP 9.3
ऊर्ध्वम् आचक्रमे तस्य रेतः सोमत्वम् ईयिवत् नेत्राभ्यां वारि सुस्राव दशधा द्योतयन् दिशः ॥
ūrdhvam ācakrame tasya retaḥ somatvam īyivat netrābhyāṃ vāri susrāva daśadhā dyotayan diśaḥ //
His seed, having attained the state of Soma, moved upward; water flowed from his two eyes in ten streams, lighting up the directions.
AI translation rendered from the Sanskrit, not a published edition
BrP 9.4
तं गर्भं विधिनादिष्टा दश देव्यो दधुस् ततः समेत्य धारयाम् आसुर् न च ताः समशक्नुवन् ॥
taṃ garbhaṃ vidhinādiṣṭā daśa devyo dadhus tataḥ sametya dhārayām āsur na ca tāḥ samaśaknuvan //
The ten goddesses, appointed by ordinance, then took up that embryo; coming together they bore it, yet they were not able (to hold it).
AI translation rendered from the Sanskrit, not a published edition
BrP 9.5
यदा न धारणे शक्तास् तस्य गर्भस्य ता दिशः ततस् ताभिः स त्यक्तस् तु निपपात वसुंधराम् ॥
yadā na dhāraṇe śaktās tasya garbhasya tā diśaḥ tatas tābhiḥ sa tyaktas tu nipapāta vasuṃdharām //
When those directions were not able to hold that embryo, then, abandoned by them, he fell down upon the earth.
AI translation rendered from the Sanskrit, not a published edition
BrP 9.6
पतितं सोमम् आलोक्य ब्रह्मा लोकपितामहः रथम् आरोपयाम् आस लोकानां हितकाम्यया ॥
patitaṃ somam ālokya brahmā lokapitāmahaḥ ratham āropayām āsa lokānāṃ hitakāmyayā //
Seeing Soma fallen, Brahmā, the grandfather of the worlds, mounted him upon a chariot, out of a desire for the welfare of the worlds.
AI translation rendered from the Sanskrit, not a published edition
BrP 9.7
तस्मिन् निपतिते देवाः पुत्रे ऽत्रेः परमात्मनि तुष्टुवुर् ब्रह्मणः पुत्रास् तथान्ये मुनिसत्तमाः ॥
tasmin nipatite devāḥ putre 'treḥ paramātmani tuṣṭuvur brahmaṇaḥ putrās tathānye munisattamāḥ //
When he, the son of Atri, had fallen, the gods, and the sons of Brahmā, and likewise other best of sages, praised (him) as the supreme self.
AI translation rendered from the Sanskrit, not a published edition
BrP 9.8
तस्य संस्तूयमानस्य तेजः सोमस्य भास्वतः आप्यायनाय लोकानां भावयाम् आस सर्वतः ॥
tasya saṃstūyamānasya tejaḥ somasya bhāsvataḥ āpyāyanāya lokānāṃ bhāvayām āsa sarvataḥ //
As that shining Soma was being praised, (Brahmā) caused his radiance to grow on all sides, for the nourishing of the worlds.
AI translation rendered from the Sanskrit, not a published edition
BrP 9.9
स तेन रथमुख्येन सागरान्तां वसुंधराम् त्रिःसप्तकृत्वो ऽतियशाश् चकाराभिप्रदक्षिणाम् ॥
sa tena rathamukhyena sāgarāntāṃ vasuṃdharām triḥsaptakṛtvo 'tiyaśāś cakārābhipradakṣiṇām //
With that foremost chariot he of surpassing fame made a rightward circuit of the earth bounded by the ocean thrice seven times.
AI translation rendered from the Sanskrit, not a published edition
BrP 9.10
तस्य यच् चरितं तेजः पृथिवीम् अन्वपद्यत ओषध्यस् ताः समुद्भूता याभिः संधार्यते जगत् ॥
tasya yac caritaṃ tejaḥ pṛthivīm anvapadyata oṣadhyas tāḥ samudbhūtā yābhiḥ saṃdhāryate jagat //
That radiance of his which passed over went into the earth; from it those herbs arose, by which the world is sustained.
AI translation rendered from the Sanskrit, not a published edition
BrP 9.11
स लब्धतेजा भगवान् संस्तवैश् च स्वकर्मभिः तपस् तेपे महाभागः पद्मानां दर्शनाय सः ॥
sa labdhatejā bhagavān saṃstavaiś ca svakarmabhiḥ tapas tepe mahābhāgaḥ padmānāṃ darśanāya saḥ //
That lord, having gained radiance by the praises and by his own acts, the greatly fortunate one, practiced austerity for the appearing of the lotuses.
AI translation rendered from the Sanskrit, not a published edition — the model flagged this verse as uncertain
BrP 9.12
ततस् तस्मै ददौ राज्यं ब्रह्मा ब्रह्मविदां वरः बीजौषधीनां विप्राणाम् अपां च मुनिसत्तमाः ॥
tatas tasmai dadau rājyaṃ brahmā brahmavidāṃ varaḥ bījauṣadhīnāṃ viprāṇām apāṃ ca munisattamāḥ //
Then Brahmā, best of the knowers of brahman, gave him the kingship over seeds and herbs, over the brahmins, and over the waters, O best of sages.
AI translation rendered from the Sanskrit, not a published edition
BrP 9.13
स तत् प्राप्य महाराज्यं सोमः सौम्यवतां वरः समाजह्रे राजसूयं सहस्रशतदक्षिणम् ॥
sa tat prāpya mahārājyaṃ somaḥ saumyavatāṃ varaḥ samājahre rājasūyaṃ sahasraśatadakṣiṇam //
Having obtained that great kingship, Soma, the best of the gentle, performed a rājasūya sacrifice with a hundred thousand as its priestly fee.
AI translation rendered from the Sanskrit, not a published edition
BrP 9.14
दक्षिणाम् अददात् सोमस् त्रींल् लोकान् इति नः श्रुतम् तेभ्यो ब्रह्मर्षिमुख्येभ्यः सदस्येभ्यश् च भो द्विजाः ॥
dakṣiṇām adadāt somas trīṃl lokān iti naḥ śrutam tebhyo brahmarṣimukhyebhyaḥ sadasyebhyaś ca bho dvijāḥ //
Soma gave the three worlds as the fee—so we have heard—to those foremost brahman-sages and to the members of the assembly, O twice-born ones.
AI translation rendered from the Sanskrit, not a published edition
BrP 9.15
हिरण्यगर्भो ब्रह्मात्रिर् भृगुश् च ऋत्विजो ऽभवत् सदस्यो ऽभूद् धरिस् तत्र मुनिभिर् बहुभिर् वृतः ॥
hiraṇyagarbho brahmātrir bhṛguś ca ṛtvijo 'bhavat sadasyo 'bhūd dharis tatra munibhir bahubhir vṛtaḥ //
Hiraṇyagarbha, Brahmā, Atri, and Bhṛgu were the officiating priests; Hari was there an assembly-member, surrounded by many sages.
AI translation rendered from the Sanskrit, not a published edition
BrP 9.16
तं सिनीश् च कुहूश् चैव द्युतिः पुष्टिः प्रभा वसुः कीर्तिर् धृतिश् च लक्ष्मीश् च नव देव्यः सिषेविरे ॥
taṃ sinīś ca kuhūś caiva dyutiḥ puṣṭiḥ prabhā vasuḥ kīrtir dhṛtiś ca lakṣmīś ca nava devyaḥ siṣevire //
Sinī and Kuhū, Dyuti, Puṣṭi, Prabhā, Vasu, Kīrti, Dhṛti and Lakṣmī—nine goddesses—attended upon him.
AI translation rendered from the Sanskrit, not a published edition
BrP 9.17
प्राप्यावभृथम् अप्य् अग्र्यं सर्वदेवर्षिपूजितः विरराजाधिराजेन्द्रो दशधा भासयन् दिशः ॥
prāpyāvabhṛtham apy agryaṃ sarvadevarṣipūjitaḥ virarājādhirājendro daśadhā bhāsayan diśaḥ //
Having attained also the foremost concluding ablution, honored by all the gods and sages, the overlord of kings shone forth, illuminating the directions in ten ways.
AI translation rendered from the Sanskrit, not a published edition
BrP 9.18
तस्य तत् प्राप्य दुष्प्राप्यम् ऐश्वर्यम् ऋषिसत्कृतम् विबभ्राम मतिस् ताताविनयाद् अनयाहृता ॥
tasya tat prāpya duṣprāpyam aiśvaryam ṛṣisatkṛtam vibabhrāma matis tātāvinayād anayāhṛtā //
Having obtained that hard-won lordship honored by the sages, his mind went astray, my dears, carried off by wrong conduct through want of discipline.
AI translation rendered from the Sanskrit, not a published edition — the model flagged this verse as uncertain
BrP 9.19
बृहस्पतेः स वै भार्याम् ऐश्वर्यमदमोहितः जहार तरसा सोमो विमत्याङ्गिरसः सुतम् ॥
bṛhaspateḥ sa vai bhāryām aiśvaryamadamohitaḥ jahāra tarasā somo vimatyāṅgirasaḥ sutam //
Deluded by the intoxication of lordship, Soma forcibly carried off the wife of Bṛhaspati, the son of Aṅgiras, out of contempt (for him).
AI translation rendered from the Sanskrit, not a published edition
BrP 9.20
स याच्यमानो देवैश् च तथा देवर्षिभिर् मुहुः नैव व्यसर्जयत् तारां तस्माय् अङ्गिरसे तदा ॥
sa yācyamāno devaiś ca tathā devarṣibhir muhuḥ naiva vyasarjayat tārāṃ tasmāy aṅgirase tadā //
Though entreated again and again by the gods and likewise by the divine sages, he did not then release Tārā to that son of Aṅgiras.
AI translation rendered from the Sanskrit, not a published edition
BrP 9.21
उशना तस्य जग्राह पार्ष्णिम् अङ्गिरसस् तदा रुद्रश् च पार्ष्णिं जग्राह गृहीत्वाजगवं धनुः ॥
uśanā tasya jagrāha pārṣṇim aṅgirasas tadā rudraś ca pārṣṇiṃ jagrāha gṛhītvājagavaṃ dhanuḥ //
Then Uśanas took the heel (i.e., guarded the rear) of that son of Aṅgiras, and Rudra too took the rear, having taken up the Ajagava bow.
AI translation rendered from the Sanskrit, not a published edition — the model flagged this verse as uncertain
BrP 9.22
तेन ब्रह्मशिरो नाम परमास्त्रं महात्मना उद्दिश्य देवान् उत्सृष्टं येनैषां नाशितं यशः ॥
tena brahmaśiro nāma paramāstraṃ mahātmanā uddiśya devān utsṛṣṭaṃ yenaiṣāṃ nāśitaṃ yaśaḥ //
By that great one the supreme weapon named Brahmaśiras was released, aimed at the gods, by which their glory was destroyed.
AI translation rendered from the Sanskrit, not a published edition
BrP 9.23
तत्र तद् युद्धम् अभवत् प्रख्यातं तारकामयम् देवानां दानवानां च लोकक्षयकरं महत् ॥
tatra tad yuddham abhavat prakhyātaṃ tārakāmayam devānāṃ dānavānāṃ ca lokakṣayakaraṃ mahat //
Then took place that renowned battle called Tārakāmaya, between the gods and the dānavas—great, and destructive of the worlds.
AI translation rendered from the Sanskrit, not a published edition
BrP 9.24
तत्र शिष्टास् तु ये देवास् तुषिताश् चैव ये द्विजाः ब्रह्माणं शरणं जग्मुर् आदिदेवं सनातनम् ॥
tatra śiṣṭās tu ye devās tuṣitāś caiva ye dvijāḥ brahmāṇaṃ śaraṇaṃ jagmur ādidevaṃ sanātanam //
Then those gods who were left, and those twice-born who were the Tuṣitas, went for refuge to Brahmā, the primal, eternal god.
AI translation rendered from the Sanskrit, not a published edition
BrP 9.25
तदा निवार्योशनसं तं वै रुद्रं च शंकरम् ददाव् अङ्गिरसे तारां स्वयम् एव पितामहः ॥
tadā nivāryośanasaṃ taṃ vai rudraṃ ca śaṃkaram dadāv aṅgirase tārāṃ svayam eva pitāmahaḥ //
Then, having restrained Uśanas and Rudra Śaṃkara, the Grandfather himself gave Tārā to Aṅgirasa (Bṛhaspati).
AI translation rendered from the Sanskrit, not a published edition
BrP 9.26
ताम् अन्तःप्रसवां दृष्ट्वा क्रुद्धः प्राह बृहस्पतिः मदीयायां न ते योनौ गर्भो धार्यः कथंचन ॥
tām antaḥprasavāṃ dṛṣṭvā kruddhaḥ prāha bṛhaspatiḥ madīyāyāṃ na te yonau garbho dhāryaḥ kathaṃcana //
Seeing her pregnant, Bṛhaspati said in anger: "The embryo is by no means to be carried by you in a womb that is mine."
AI translation rendered from the Sanskrit, not a published edition
BrP 9.27
इषीकास्तम्बम् आसाद्य गर्भं सा चोत्ससर्ज ह जातमात्रः स भगवान् देवानाम् आक्षिपद् वपुः ॥
iṣīkāstambam āsādya garbhaṃ sā cotsasarja ha jātamātraḥ sa bhagavān devānām ākṣipad vapuḥ //
And she, having gone to a clump of reeds, cast off the embryo; and that lord, the moment he was born, eclipsed the beauty of the gods.
AI translation rendered from the Sanskrit, not a published edition
BrP 9.28
ततः संशयम् आपन्नास् ताराम् ऊचुः सुरोत्तमाः सत्यं ब्रूहि सुतः कस्य सोमस्याथ बृहस्पतेः ॥
tataḥ saṃśayam āpannās tārām ūcuḥ surottamāḥ satyaṃ brūhi sutaḥ kasya somasyātha bṛhaspateḥ //
Then the best of the gods, fallen into doubt, said to Tārā: "Speak the truth: whose son is he — Soma's, or Bṛhaspati's?"
AI translation rendered from the Sanskrit, not a published edition
BrP 9.29
पृच्छ्यमाना यदा देवैर् नाह सा विबुधान् किल तदा तां शप्तुम् आरब्धः कुमारो दस्युहन्तमः ॥
pṛcchyamānā yadā devair nāha sā vibudhān kila tadā tāṃ śaptum ārabdhaḥ kumāro dasyuhantamaḥ //
When, being questioned by the gods, she did not tell the wise ones, then the boy, the greatest slayer of foes, began to curse her.
AI translation rendered from the Sanskrit, not a published edition
BrP 9.30
तं निवार्य ततो ब्रह्मा तारां पप्रच्छ संशयम् यद् अत्र तथ्यं तद् ब्रूहि तारे कस्य सुतस् त्व् अयम् ॥
taṃ nivārya tato brahmā tārāṃ papraccha saṃśayam yad atra tathyaṃ tad brūhi tāre kasya sutas tv ayam //
Then Brahmā, restraining him, asked Tārā about the doubt: "Whatever is true in this, tell it, Tārā: whose son is he?"
AI translation rendered from the Sanskrit, not a published edition
BrP 9.31
उवाच प्राञ्जलिः सा तं सोमस्येति पितामहम् तदा तं मूर्ध्नि चाघ्राय सोमो राजा सुतं प्रति ॥
uvāca prāñjaliḥ sā taṃ somasyeti pitāmaham tadā taṃ mūrdhni cāghrāya somo rājā sutaṃ prati //
With joined palms she said to him, the Grandfather, "Soma's"; then King Soma kissed the son on the head.
AI translation rendered from the Sanskrit, not a published edition
BrP 9.32
बुध इत्य् अकरोन् नाम तस्य बालस्य धीमतः प्रतिकूलं च गगने समभ्युत्तिष्ठते बुधः ॥
budha ity akaron nāma tasya bālasya dhīmataḥ pratikūlaṃ ca gagane samabhyuttiṣṭhate budhaḥ //
He made the name "Budha" for that wise boy; and Budha rises up in the sky in a contrary course.
AI translation rendered from the Sanskrit, not a published edition
BrP 9.33
उत्पादयाम् आस तदा पुत्रं वैराजपुत्रिकम् तस्यापत्यं महातेजा बभूवैलः पुरूरवाः ॥
utpādayām āsa tadā putraṃ vairājaputrikam tasyāpatyaṃ mahātejā babhūvailaḥ purūravāḥ //
Then he begot a son on the daughter of Vairāja; his offspring, of great splendour, was Purūravas, son of Ilā.
AI translation rendered from the Sanskrit, not a published edition — the model flagged this verse as uncertain
BrP 9.34
उर्वश्यां जज्ञिरे यस्य पुत्राः सप्त महात्मनः एतत् सोमस्य वो जन्म कीर्तितं कीर्तिवर्धनम् ॥
urvaśyāṃ jajñire yasya putrāḥ sapta mahātmanaḥ etat somasya vo janma kīrtitaṃ kīrtivardhanam //
Of him, the great-souled one, seven sons were born from Urvaśī. This birth of Soma, which increases fame, has been recounted to you.
AI translation rendered from the Sanskrit, not a published edition
BrP 9.35
वंशम् अस्य मुनिश्रेष्ठाः कीर्त्यमानं निबोधत धन्यम् आयुष्यम् आरोग्यं पुण्यं संकल्पसाधनम् ॥
vaṃśam asya muniśreṣṭhāḥ kīrtyamānaṃ nibodhata dhanyam āyuṣyam ārogyaṃ puṇyaṃ saṃkalpasādhanam //
Learn, O best of sages, his lineage as it is recounted — bringing wealth, long life, health, merit, and the fulfilment of wishes.
AI translation rendered from the Sanskrit, not a published edition
BrP 9.36
सोमस्य जन्म श्रुत्वैव पापेभ्यो विप्रमुच्यते ॥
somasya janma śrutvaiva pāpebhyo vipramucyate //
Merely by hearing the birth of Soma one is wholly freed from sins.
AI translation rendered from the Sanskrit, not a published edition