Brahma Purana — Chapter 89
BrP 89.1
अरुणा वरुणा चैव नद्यौ पुण्यतरे शुभे तयोश् च संगमः पुण्यो गङ्गायां मुनिसत्तम ॥
aruṇā varuṇā caiva nadyau puṇyatare śubhe tayoś ca saṃgamaḥ puṇyo gaṅgāyāṃ munisattama //
Aruṇā and Varuṇā are two rivers, most holy and auspicious; and the confluence of those two with the Gaṅgā is holy, O best of sages.
AI translation rendered from the Sanskrit, not a published edition
BrP 89.2
तदुत्पत्तिं शृणुष्वेह सर्वपापविनाशिनीम् कश्यपस्य सुतो ज्येष्ठ आदित्यो लोकविश्रुतः ॥
tadutpattiṃ śṛṇuṣveha sarvapāpavināśinīm kaśyapasya suto jyeṣṭha ādityo lokaviśrutaḥ //
Hear here of their origin, which destroys all sins. The eldest son of Kaśyapa was Āditya (the Sun), renowned in the world,
AI translation rendered from the Sanskrit, not a published edition
BrP 89.3
त्रैलोक्यचक्षुस् तीक्ष्णांशुः सप्ताश्वो लोकपूजितः तस्य पत्नी उषा ख्याता त्वाष्ट्री त्रैलोक्यसुन्दरी ॥
trailokyacakṣus tīkṣṇāṃśuḥ saptāśvo lokapūjitaḥ tasya patnī uṣā khyātā tvāṣṭrī trailokyasundarī //
the eye of the three worlds, of sharp rays, seven-horsed, worshipped by the world. His wife was known as Uṣā, the daughter of Tvaṣṭṛ, the beauty of the three worlds.
AI translation rendered from the Sanskrit, not a published edition
BrP 89.4
भर्तुः प्रतापतीव्रत्वम् असहन्ती सुमध्यमा चिन्तयाम् आस किं कृत्यं मम स्याद् इति भामिनी ॥
bhartuḥ pratāpatīvratvam asahantī sumadhyamā cintayām āsa kiṃ kṛtyaṃ mama syād iti bhāminī //
Unable to bear her husband's excessive fierce heat, the fair-waisted, radiant woman thought: "What should I do?"
AI translation rendered from the Sanskrit, not a published edition
BrP 89.5
तस्याः पुत्रौ महाराज्ञौ मनुर् वैवस्वतो यमः यमुना च नदी पुण्या शृणु विस्मयकारणम् ॥
tasyāḥ putrau mahārājñau manur vaivasvato yamaḥ yamunā ca nadī puṇyā śṛṇu vismayakāraṇam //
Her sons were the two great kings, Manu Vaivasvata and Yama, and the holy river Yamunā. Hear the cause of wonder.
AI translation rendered from the Sanskrit, not a published edition
BrP 89.6
साकरोद् आत्मनश् छायाम् आत्मरूपेण यत्नतः ताम् अब्रवीत् ततश् चोषा त्वं च मत्सदृशी भव ॥
sākarod ātmanaś chāyām ātmarūpeṇa yatnataḥ tām abravīt tataś coṣā tvaṃ ca matsadṛśī bhava //
She carefully made a shadow (double) of herself in her own form, and then Uṣā said to her: "You too, be like me.
AI translation rendered from the Sanskrit, not a published edition
BrP 89.7
भर्तारं त्वम् अपत्यानि पालयस्व ममाज्ञया यावद् आगमनं मे स्यात् पत्युस् तावत् प्रिया भव ॥
bhartāraṃ tvam apatyāni pālayasva mamājñayā yāvad āgamanaṃ me syāt patyus tāvat priyā bhava //
"Protect (my) husband and (my) children by my command; until my return, be dear to (my) husband for that long."
AI translation rendered from the Sanskrit, not a published edition
BrP 89.8
नाख्यातव्यं त्वया क्वापि अपत्यानां तथा प्रिये तथेत्य् आह च सा छाया निर्जगाम गृहाद् उषा ॥
nākhyātavyaṃ tvayā kvāpi apatyānāṃ tathā priye tathety āha ca sā chāyā nirjagāma gṛhād uṣā //
"And you must never anywhere disclose (this), nor to the children, dear one." "So be it," said that Shadow; and Uṣā went out from the house.
AI translation rendered from the Sanskrit, not a published edition
BrP 89.9
इत्य् उक्त्वा सा जगामाशु शान्तं रूपम् अभीप्सती सा गत्वोषा गृहं त्वष्टुः पित्रे सर्वं न्यवेदयत् त्वष्टापि चकितः प्राह तां सुतां सुतवत्सलः ॥
ity uktvā sā jagāmāśu śāntaṃ rūpam abhīpsatī sā gatvoṣā gṛhaṃ tvaṣṭuḥ pitre sarvaṃ nyavedayat tvaṣṭāpi cakitaḥ prāha tāṃ sutāṃ sutavatsalaḥ //
Having said this, she went off quickly, desiring a calm form. Uṣā, having gone to Tvaṣṭṛ's house, reported everything to (her) father; and Tvaṣṭṛ too, alarmed, being fond of his child, said to that daughter:
AI translation rendered from the Sanskrit, not a published edition
BrP 89.10
नैतद् युक्तं भर्तृमत्या यत् स्वैरेण प्रवर्तनम् अपत्यानां कथं वृत्तिर् भर्तुर् वा सवितुस् तव बिभेमि भद्रे शिष्टो ऽहं भर्तुर् गेहं पुनर् व्रज ॥
naitad yuktaṃ bhartṛmatyā yat svaireṇa pravartanam apatyānāṃ kathaṃ vṛttir bhartur vā savitus tava bibhemi bhadre śiṣṭo 'haṃ bhartur gehaṃ punar vraja //
"This is not proper for a woman who has a husband, that she should act as she pleases. How is there any livelihood for the children, or for (your) husband the Sun? I am afraid, good lady; I have been instructed (i.e. I know the rule) — go back to your husband's house."
AI translation rendered from the Sanskrit, not a published edition — the model flagged this verse as uncertain
BrP 89.11
एवम् उक्ता तु पित्रा सा नेत्य् उक्त्वा वै पुनः पुनः उत्तरं च कुरोर् देशं जगाम तपसे त्वरा ॥
evam uktā tu pitrā sā nety uktvā vai punaḥ punaḥ uttaraṃ ca kuror deśaṃ jagāma tapase tvarā //
But she, thus addressed by (her) father, saying "no" again and again, went in haste to the Northern Kuru country for austerity.
AI translation rendered from the Sanskrit, not a published edition
BrP 89.12
तत्र तेपे तपस् तीव्रं वडवारूपधारिणी दुष्प्रेक्षं तं स्वकं कान्तं ध्यायन्ती निश्चला उषा ॥
tatra tepe tapas tīvraṃ vaḍavārūpadhāriṇī duṣprekṣaṃ taṃ svakaṃ kāntaṃ dhyāyantī niścalā uṣā //
There, taking the form of a mare, Uṣā practised fierce austerity, motionless, meditating on that husband of hers who was hard to look upon.
AI translation rendered from the Sanskrit, not a published edition
BrP 89.13
एतस्मिन्न् अन्तरे तात छाया चोषास्वरूपिणी पत्यौ सा वर्तयाम् आस अपत्यान्य् अथ जज्ञिरे ॥
etasminn antare tāta chāyā coṣāsvarūpiṇī patyau sā vartayām āsa apatyāny atha jajñire //
In the meantime, my son, the Shadow, having the form of Uṣā, carried on with (her) husband, and then children were born.
AI translation rendered from the Sanskrit, not a published edition
BrP 89.14
सावर्णिश् च शनिश् चैव विष्टिर् या दुष्टकन्यका सा छाया वर्तयाम् आस वैषम्येणैव नित्यशः ॥
sāvarṇiś ca śaniś caiva viṣṭir yā duṣṭakanyakā sā chāyā vartayām āsa vaiṣamyeṇaiva nityaśaḥ //
Sāvarṇi and Śani, and Viṣṭi, who was a wicked girl — that Shadow conducted herself always with partiality (toward them).
AI translation rendered from the Sanskrit, not a published edition
BrP 89.15
स्वेष्व् अपत्येषु चोषाया यमस् तत्र चुकोप ह वैषम्येणाथ वर्तन्तीं छायां तां मातरं तदा ॥
sveṣv apatyeṣu coṣāyā yamas tatra cukopa ha vaiṣamyeṇātha vartantīṃ chāyāṃ tāṃ mātaraṃ tadā //
And Yama then grew angry at the Shadow, that mother, who behaved with partiality toward Uṣā's own children.
AI translation rendered from the Sanskrit, not a published edition
BrP 89.16
ताडयाम् आस पादेन दक्षिणाशापतिर् यमः पुत्रदौर्जन्यसंक्षोभाच् छाया वैवस्वतं यमम् ॥
tāḍayām āsa pādena dakṣiṇāśāpatir yamaḥ putradaurjanyasaṃkṣobhāc chāyā vaivasvataṃ yamam //
Yama, the lord of the southern quarter, struck (her) with his foot; and the Shadow, out of agitation at the son's bad conduct, (cursed) Yama the son of Vivasvat:
AI translation rendered from the Sanskrit, not a published edition
BrP 89.17
शशाप पाप ते पादो विशीर्यतु ममाज्ञया विशीर्णचरणो दुःखाद् रुदन् पितरम् अभ्यगात् सवित्रे तं तु वृत्तान्तं न्यवेदयद् अशेषतः ॥
śaśāpa pāpa te pādo viśīryatu mamājñayā viśīrṇacaraṇo duḥkhād rudan pitaram abhyagāt savitre taṃ tu vṛttāntaṃ nyavedayad aśeṣataḥ //
She cursed (him): "Wicked one, let your foot fall apart by my command!" With his foot shattered, weeping from pain, he went to his father, and reported that whole affair to the Sun without omission.
AI translation rendered from the Sanskrit, not a published edition
BrP 89.18
नेयं माता सुरश्रेष्ठ यया शप्तो ऽहम् ईदृशः अपत्येषु विरुद्धेषु जननी नैव कुप्यते ॥
neyaṃ mātā suraśreṣṭha yayā śapto 'ham īdṛśaḥ apatyeṣu viruddheṣu jananī naiva kupyate //
"She by whom I have been cursed like this is not (my) mother, best of gods; a mother is never angry when her children are contrary."
AI translation rendered from the Sanskrit, not a published edition
BrP 89.19
यद् बाल्याद् अब्रवं किंचिद् अथवा दुष्कृतं कृतम् नैव कुप्यति सा माता तस्मान् नेयं ममाम्बिका ॥
yad bālyād abravaṃ kiṃcid athavā duṣkṛtaṃ kṛtam naiva kupyati sā mātā tasmān neyaṃ mamāmbikā //
"Whatever I said out of childishness, or whatever misdeed was done — a mother does not get angry at that; therefore this one is not my mother."
AI translation rendered from the Sanskrit, not a published edition
BrP 89.20
यद् अपत्यकृतं किंचित् साध्व् असाधु यथा तथा मात्य् अस्यां सर्वम् अप्य् एतत् तस्मान् मातेति गीयते ॥
yad apatyakṛtaṃ kiṃcit sādhv asādhu yathā tathā māty asyāṃ sarvam apy etat tasmān māteti gīyate //
"Whatever is done by children, good or bad, however it be, all this is contained (māti) in her; therefore she is called 'mother' (mātā)."
AI translation rendered from the Sanskrit, not a published edition
BrP 89.21
प्रधक्ष्यन्तीव मां तात नित्यं पश्यति चक्षुषा वक्त्य् अग्निकालसदृशा वाचा नेयं मदम्बिका ॥
pradhakṣyantīva māṃ tāta nityaṃ paśyati cakṣuṣā vakty agnikālasadṛśā vācā neyaṃ madambikā //
"Father, she always looks at me with her eye as if about to burn me up, and she speaks with words like the fire of doomsday; she is not my mother."
AI translation rendered from the Sanskrit, not a published edition
BrP 89.22
तत् पुत्रवचनं श्रुत्वा सविताचिन्तयत् ततः इयं छाया नास्य माता उषा माता तु सान्यतः ॥
tat putravacanaṃ śrutvā savitācintayat tataḥ iyaṃ chāyā nāsya mātā uṣā mātā tu sānyataḥ //
Having heard that speech of his son, the Sun then reflected: "This one is a shadow, not his mother; Uṣā is (his) mother, but she is elsewhere."
AI translation rendered from the Sanskrit, not a published edition
BrP 89.23
मम शान्तिम् अभीप्सन्ती देशे ऽन्यस्मिंस् तपोरता उत्तरे च कुरौ त्वाष्ट्री वडवारूपधारिणी ॥
mama śāntim abhīpsantī deśe 'nyasmiṃs taporatā uttare ca kurau tvāṣṭrī vaḍavārūpadhāriṇī //
"Desiring peace from me, she is devoted to austerity in another region, in the Northern Kuru (land), Tvaṣṭṛ's daughter, bearing the form of a mare."
AI translation rendered from the Sanskrit, not a published edition
BrP 89.24
तत्रास्ते सा इति ज्ञात्वा जगामेशो दिवाकरः यत्र सा वर्तते कान्ता अश्वरूपः स्वयं तदा ॥
tatrāste sā iti jñātvā jagāmeśo divākaraḥ yatra sā vartate kāntā aśvarūpaḥ svayaṃ tadā //
Knowing "she is there," the lord, the day-maker, himself then went in the form of a horse to where that beloved was.
AI translation rendered from the Sanskrit, not a published edition
BrP 89.25
तां दृष्ट्वा वडवारूपां पर्यधावद् धयाकृतिः कामातुरं हयं दृष्ट्वा श्रुत्वा वै हेषितस्वनम् ॥
tāṃ dṛṣṭvā vaḍavārūpāṃ paryadhāvad dhayākṛtiḥ kāmāturaṃ hayaṃ dṛṣṭvā śrutvā vai heṣitasvanam //
Seeing her in the form of a mare, he, with the shape of a horse, ran around (her). Seeing the horse tormented by desire, and hearing the sound of his neighing,
AI translation rendered from the Sanskrit, not a published edition
BrP 89.26
उषा पतिव्रतोपेता पतिध्यानपरायणा हयधर्षणसंभीता को न्व् अयं चेत्य् अजानती ॥
uṣā pativratopetā patidhyānaparāyaṇā hayadharṣaṇasaṃbhītā ko nv ayaṃ cety ajānatī //
Uṣā, endowed with devotion to her husband, intent on meditating on her husband, was terrified of the horse's assault, and not knowing "who indeed is this?"
AI translation rendered from the Sanskrit, not a published edition
BrP 89.27
अपलायत् पतौ प्राप्ते दक्षिणाभिमुखी त्वरा को नु मे रक्षको ऽत्र स्याद् ऋषयो वाथवा सुराः ॥
apalāyat patau prāpte dakṣiṇābhimukhī tvarā ko nu me rakṣako 'tra syād ṛṣayo vāthavā surāḥ //
When (her) husband drew near she fled swiftly, facing south: "Who indeed could be my protector here—the sages, or else the gods?"
AI translation rendered from the Sanskrit, not a published edition
BrP 89.28
धावन्तीं तां प्रियाम् अश्वाम् अश्वरूपधरः स्वयम् पर्यधावद् यतो याति उषा भानुस् ततस् ततः ॥
dhāvantīṃ tāṃ priyām aśvām aśvarūpadharaḥ svayam paryadhāvad yato yāti uṣā bhānus tatas tataḥ //
Himself taking on the form of a horse, he ran after that beloved mare as she ran; wherever Uṣā went, there and there went Bhānu.
AI translation rendered from the Sanskrit, not a published edition
BrP 89.29
स्मरग्रहवशे जातः को दुश्चेष्टं न चेष्टते भागीरथीं नदीश् चान्या वनान्य् उपवनानि च ॥
smaragrahavaśe jātaḥ ko duśceṣṭaṃ na ceṣṭate bhāgīrathīṃ nadīś cānyā vanāny upavanāni ca //
Who, fallen under the seizure of desire, does not do what is ill done? (They passed) the Bhāgīrathī and other rivers, and forests and groves.
AI translation rendered from the Sanskrit, not a published edition
BrP 89.30
नर्मदां चाथ विन्ध्यं च दक्षिणाभिमुखाव् उभौ अतिक्रम्य भयोद्विग्ना त्वाष्ट्र्य् अभ्यगाच् च गौतमीम् ॥
narmadāṃ cātha vindhyaṃ ca dakṣiṇābhimukhāv ubhau atikramya bhayodvignā tvāṣṭry abhyagāc ca gautamīm //
Then, having crossed the Narmadā and the Vindhya, both of them facing south, Tvaṣṭṛ's daughter, agitated with fear, came to the Gautamī.
AI translation rendered from the Sanskrit, not a published edition
BrP 89.31
त्रातारः सन्ति मुनयो जनस्थान इति श्रुतम् ऋषीणाम् आश्रमं साश्वा प्रविष्टा गौतमीं तथा ॥
trātāraḥ santi munayo janasthāna iti śrutam ṛṣīṇām āśramaṃ sāśvā praviṣṭā gautamīṃ tathā //
"There are sages who are protectors at Janasthāna"—so it was heard; and the mare thus entered the hermitage of the sages, and the Gautamī.
AI translation rendered from the Sanskrit, not a published edition
BrP 89.32
अनुप्राप्तस् तथा चाश्वो भानुस् तद्रूपवांस् ततः अश्वं निवारयाम् आसुर् जनस्था मुनिदारकाः ततः कोपाद् ऋषींस् तांश् च शशापोषापतिः प्रभुः ॥
anuprāptas tathā cāśvo bhānus tadrūpavāṃs tataḥ aśvaṃ nivārayām āsur janasthā munidārakāḥ tataḥ kopād ṛṣīṃs tāṃś ca śaśāpoṣāpatiḥ prabhuḥ //
Then the horse Bhānu, bearing that form, arrived too; the sages' children who lived at Janasthāna held the horse back; then out of anger the lord, Uṣā's husband, cursed those sages.
AI translation rendered from the Sanskrit, not a published edition
BrP 89.33
निवारयथ मां यस्माद् वटा यूयं भविष्यथ ॥
nivārayatha māṃ yasmād vaṭā yūyaṃ bhaviṣyatha //
"Because you hold me back, you shall become banyan trees."
AI translation rendered from the Sanskrit, not a published edition
BrP 89.34
ज्ञानदृष्ट्या तु मुनयो मेनिरे ऽश्वम् उषापतिम् स्तुवन्तो देवदेवेशं भानुं तं मुनयो मुदा ॥
jñānadṛṣṭyā tu munayo menire 'śvam uṣāpatim stuvanto devadeveśaṃ bhānuṃ taṃ munayo mudā //
But by the eye of knowledge the sages recognized the horse as Uṣā's husband, and the sages joyfully praised him, Bhānu, the lord of the gods of gods.
AI translation rendered from the Sanskrit, not a published edition
BrP 89.35
स्तूयमानो मुनिगणैर् अश्वां भानुर् अथागमत् वडवाया मुखे लग्नं मुखं चाश्वस्वरूपिणम् ॥
stūyamāno munigaṇair aśvāṃ bhānur athāgamat vaḍavāyā mukhe lagnaṃ mukhaṃ cāśvasvarūpiṇam //
Being praised by the hosts of sages, Bhānu then approached the mare, and the mouth of him who had the form of a horse was joined to the mouth of the mare.
AI translation rendered from the Sanskrit, not a published edition
BrP 89.36
ज्ञात्वा त्वाष्ट्री च भर्तारं मुखाद् वीर्यं प्रसुस्रुवे तयोर् वीर्येण गङ्गायाम् अश्विनौ समजायताम् ॥
jñātvā tvāṣṭrī ca bhartāraṃ mukhād vīryaṃ prasusruve tayor vīryeṇa gaṅgāyām aśvinau samajāyatām //
And Tvaṣṭṛ's daughter, recognizing (him as) her husband, let flow the seed from (her) mouth; by the seed of those two the two Aśvins were born in the Gaṅgā.
AI translation rendered from the Sanskrit, not a published edition
BrP 89.37
तत्रागच्छन् सुरगणाः सिद्धाश् च मुनयस् तथा नद्यो गावस् तथौषध्यो देवा ज्योतिर्गणास् तथा ॥
tatrāgacchan suragaṇāḥ siddhāś ca munayas tathā nadyo gāvas tathauṣadhyo devā jyotirgaṇās tathā //
There came the hosts of gods, and the Siddhas and the sages, the rivers, the cows, the healing herbs, the gods, and the hosts of luminaries,
AI translation rendered from the Sanskrit, not a published edition
BrP 89.38
सप्ताश्वश् च रथः पुण्यो ह्य् अरुणो भानुसारथिः यमो मनुश् च वरुणः शनिर् वैवस्वतस् तथा ॥
saptāśvaś ca rathaḥ puṇyo hy aruṇo bhānusārathiḥ yamo manuś ca varuṇaḥ śanir vaivasvatas tathā //
and the holy chariot with its seven horses, and Aruṇa, Bhānu's charioteer, and Yama and Manu and Varuṇa and Śani, son of Vivasvat,
AI translation rendered from the Sanskrit, not a published edition
BrP 89.39
यमुना च नदी पुण्या तापी चैव महानदी तत्तद्रूपं समास्थाय नद्यस् ता विस्मयान् मुने ॥
yamunā ca nadī puṇyā tāpī caiva mahānadī tattadrūpaṃ samāsthāya nadyas tā vismayān mune //
and the holy river Yamunā, and Tāpī the great river—those rivers, O sage, each assuming its particular form, out of wonder,
AI translation rendered from the Sanskrit, not a published edition
BrP 89.40
द्रष्टुं ते विस्मयाविष्टा आजग्मुः श्वशुरस् तथा अभिप्रायं विदित्वा तु श्वशुरं भानुर् अब्रवीत् ॥
draṣṭuṃ te vismayāviṣṭā ājagmuḥ śvaśuras tathā abhiprāyaṃ viditvā tu śvaśuraṃ bhānur abravīt //
filled with amazement, came to see; and so did (his) father-in-law. Knowing (his) intention, Bhānu spoke to (his) father-in-law:
AI translation rendered from the Sanskrit, not a published edition
BrP 89.41
उषायाः प्रीतये त्वष्टः कुर्वत्यास् तप उत्तमम् यन्त्रारूढं च मां कृत्वा छिन्धि तेजांस्य् अनेकशः यावत् सौख्यं भवेद् अस्यास् तावच् छिन्धि प्रजापते ॥
uṣāyāḥ prītaye tvaṣṭaḥ kurvatyās tapa uttamam yantrārūḍhaṃ ca māṃ kṛtvā chindhi tejāṃsy anekaśaḥ yāvat saukhyaṃ bhaved asyās tāvac chindhi prajāpate //
"For the pleasure of Uṣā, O Tvaṣṭṛ, who performs the highest austerity, mount me on the machine and cut away my rays many times over; cut, O Prajāpati, as much as will bring her comfort."
AI translation rendered from the Sanskrit, not a published edition
BrP 89.42
तथेत्य् उक्त्वा ततस् त्वष्टा सोमनाथस्य संनिधौ तेजसां छेदनं चक्रे प्रभासं तु ततो विदुः ॥
tathety uktvā tatas tvaṣṭā somanāthasya saṃnidhau tejasāṃ chedanaṃ cakre prabhāsaṃ tu tato viduḥ //
Saying "so be it," Tvaṣṭṛ then, in the presence of Somanātha, performed the cutting of the rays; and from that they know (the place as) Prabhāsa.
AI translation rendered from the Sanskrit, not a published edition
BrP 89.43
भर्त्रा च संगता यत्र गौतम्याम् अश्वरूपिणी अश्विनोर् यत्र चोत्पत्तिर् अश्वतीर्थं तद् उच्यते ॥
bhartrā ca saṃgatā yatra gautamyām aśvarūpiṇī aśvinor yatra cotpattir aśvatīrthaṃ tad ucyate //
Where, in the form of a mare, she was united with her husband on the Gautamī, and where the birth of the two Aśvins took place, that is called Aśvatīrtha.
AI translation rendered from the Sanskrit, not a published edition
BrP 89.44
भानुतीर्थं तद् आख्यातं तथा पञ्चवटाश्रमः तापी च यमुना चैव पितरं द्रष्टुम् आगते ॥
bhānutīrthaṃ tad ākhyātaṃ tathā pañcavaṭāśramaḥ tāpī ca yamunā caiva pitaraṃ draṣṭum āgate //
That is declared to be Bhānutīrtha, and likewise the Pañcavaṭa hermitage; and Tāpī and Yamunā both came to see their father.
AI translation rendered from the Sanskrit, not a published edition
BrP 89.45
अरुणावरुणानद्योर् गङ्गायां संगमः शुभः देवानां तत्र तीर्थानाम् आगतानां पृथक् पृथक् ॥
aruṇāvaruṇānadyor gaṅgāyāṃ saṃgamaḥ śubhaḥ devānāṃ tatra tīrthānām āgatānāṃ pṛthak pṛthak //
The confluence of the rivers Aruṇā and Varuṇā with the Gaṅgā is auspicious; there, of the gods and of the sacred fords that had come, each separately,
AI translation rendered from the Sanskrit, not a published edition
BrP 89.46
नव त्रीणि सहस्राणि तीर्थानि गुणवन्ति च तत्र स्नानं च दानं च सर्वम् अक्षयपुण्यदम् ॥
nava trīṇi sahasrāṇi tīrthāni guṇavanti ca tatra snānaṃ ca dānaṃ ca sarvam akṣayapuṇyadam //
there are three thousand and nine sacred fords, endowed with merits; there bathing and giving—everything—confers imperishable merit.
AI translation rendered from the Sanskrit, not a published edition
BrP 89.47
स्मरणात् पठनाद् वापि श्रवणाद् अपि नारद सर्वपापविनिर्मुक्तो धर्मवान् स सुखी भवेत् ॥
smaraṇāt paṭhanād vāpi śravaṇād api nārada sarvapāpavinirmukto dharmavān sa sukhī bhavet //
By remembering, or by reciting, or even by hearing (of them), Nārada, one is freed from all sins, becomes righteous and happy.
AI translation rendered from the Sanskrit, not a published edition