Brahma Purana — Chapter 86
BrP 86.1
अस्ति ब्रह्मन् महातीर्थं चक्रतीर्थम् इति श्रुतम् तत्र स्नानान् नरो भक्त्या हरेर् लोकम् अवाप्नुयात् ॥
asti brahman mahātīrthaṃ cakratīrtham iti śrutam tatra snānān naro bhaktyā harer lokam avāpnuyāt //
There is, O brahman, a great sacred ford, heard of as Cakratīrtha; by bathing there with devotion a man would attain the world of Hari.
AI translation rendered from the Sanskrit, not a published edition
BrP 86.2
एकादश्यां तु शुक्लायाम् उपोष्य पृथिवीपते गणिकासंगमे स्नात्वा प्राप्नुयाद् अक्षयं पदम् ॥
ekādaśyāṃ tu śuklāyām upoṣya pṛthivīpate gaṇikāsaṃgame snātvā prāpnuyād akṣayaṃ padam //
But by fasting on the eleventh day of the bright fortnight, O lord of the earth, and bathing at the Gaṇikā confluence, one would attain the imperishable state.
AI translation rendered from the Sanskrit, not a published edition
BrP 86.3
पुरा तत्र यथा वृत्तं तन् मे निगदतः शृणु आसीद् विश्वधरो नाम वैश्यो बहुधनान्वितः ॥
purā tatra yathā vṛttaṃ tan me nigadataḥ śṛṇu āsīd viśvadharo nāma vaiśyo bahudhanānvitaḥ //
Hear from me as I tell what happened there long ago: there was a merchant named Viśvadhara, possessed of much wealth.
AI translation rendered from the Sanskrit, not a published edition
BrP 86.4
उत्तरे वयसि श्रेष्ठस् तस्य पुत्रो ऽभवद् ऋषे गुणवान् रूपसंपन्नो विलासी शुभदर्शनः ॥
uttare vayasi śreṣṭhas tasya putro 'bhavad ṛṣe guṇavān rūpasaṃpanno vilāsī śubhadarśanaḥ //
He had a son, O sage, excellent in his later youth, endowed with good qualities, handsome, sportive, and fair to look upon.
AI translation rendered from the Sanskrit, not a published edition
BrP 86.5
प्राणेभ्यो ऽपि प्रियः पुत्रः काले पञ्चत्वम् आगतः तथा दृष्ट्वा तु तं पुत्रं दंपती दुःखपीडितौ ॥
prāṇebhyo 'pi priyaḥ putraḥ kāle pañcatvam āgataḥ tathā dṛṣṭvā tu taṃ putraṃ daṃpatī duḥkhapīḍitau //
That son, dearer (to them) than life, in time came to death; and seeing their son thus, the husband and wife were stricken with grief.
AI translation rendered from the Sanskrit, not a published edition
BrP 86.6
कुर्वाते स्म तदा तेन सहैव मरणे मतिम् हा पुत्र हन्त कालेन पापेन सुदुरात्मना ॥
kurvāte sma tadā tena sahaiva maraṇe matim hā putra hanta kālena pāpena sudurātmanā //
Then the two resolved upon dying together with him: "Alas, son! Ah, by wicked, most evil-souled Time,
AI translation rendered from the Sanskrit, not a published edition
BrP 86.7
यौवने वर्तमानो ऽपि नीतो ऽसि गुणसागर आवयोश् च तथैव त्वं प्राणेभ्यो ऽपि सुदुर्लभः ॥
yauvane vartamāno 'pi nīto 'si guṇasāgara āvayoś ca tathaiva tvaṃ prāṇebhyo 'pi sudurlabhaḥ //
though you were still in your youth you have been carried off, O ocean of virtues; and for us two you were harder to obtain even than life itself."
AI translation rendered from the Sanskrit, not a published edition
BrP 86.8
इत्थं तु रुदितं श्रुत्वा दंपत्योः करुणं यमः त्यक्त्वा निजपुरं तूर्णं कृपयाविष्टमानसः ॥
itthaṃ tu ruditaṃ śrutvā daṃpatyoḥ karuṇaṃ yamaḥ tyaktvā nijapuraṃ tūrṇaṃ kṛpayāviṣṭamānasaḥ //
Hearing this piteous weeping of the couple, Yama, his mind filled with compassion, at once left his own city,
AI translation rendered from the Sanskrit, not a published edition
BrP 86.9
गोदावर्याः शुभे तीरे स्थितो ध्यायञ् जनार्दनम् अपि स्वल्पेन कालेन प्रजा वृद्धाः समन्ततः ॥
godāvaryāḥ śubhe tīre sthito dhyāyañ janārdanam api svalpena kālena prajā vṛddhāḥ samantataḥ //
and stood on the auspicious bank of the Godāvarī, meditating on Janārdana; and in a very short time creatures increased on every side.
AI translation rendered from the Sanskrit, not a published edition
BrP 86.10
इयत इति मे पृथ्वी कथ्यतां केन पूरिता न कश्चिन् म्रियते जन्तुर् भाराक्रान्ता वसुंधरा ॥
iyata iti me pṛthvī kathyatāṃ kena pūritā na kaścin mriyate jantur bhārākrāntā vasuṃdharā //
"Let it be told me: by whom has the earth been filled to this extent? No creature dies; the earth is oppressed by the burden."
AI translation rendered from the Sanskrit, not a published edition — the model flagged this verse as uncertain
BrP 86.11
ततो देवी गता तूर्णं वसुधा मुनिसत्तम यत्रास्ति सुरसंयुक्तः शक्रः परपुरंजयः दृष्ट्वा वसुंधराम् इन्द्रः प्रणिपत्येदम् अब्रवीत् ॥
tato devī gatā tūrṇaṃ vasudhā munisattama yatrāsti surasaṃyuktaḥ śakraḥ parapuraṃjayaḥ dṛṣṭvā vasuṃdharām indraḥ praṇipatyedam abravīt //
Then the goddess Earth went at once, O best of sages, to where Śakra, conqueror of enemy cities, was, together with the gods; and seeing the Earth, Indra bowed down and said this:
AI translation rendered from the Sanskrit, not a published edition
BrP 86.12
किम् आगमनकार्यं त इति मे पृथ्वि कथ्यताम् ॥
kim āgamanakāryaṃ ta iti me pṛthvi kathyatām //
"What is the purpose of your coming? Tell me that, O Earth."
AI translation rendered from the Sanskrit, not a published edition
BrP 86.13
भारेण गुरुणा शक्र पीडिताहं विना वधम् कारणं प्रष्टुम् आयाता किम् इदं कथ्यतां मम ॥
bhāreṇa guruṇā śakra pīḍitāhaṃ vinā vadham kāraṇaṃ praṣṭum āyātā kim idaṃ kathyatāṃ mama //
"O Śakra, I am oppressed by a heavy burden, since there is no dying. I have come to ask the reason — tell me, what is this?"
AI translation rendered from the Sanskrit, not a published edition
BrP 86.14
इति श्रुत्वा महीवाक्यम् इन्द्रो वचनम् अब्रवीत् ॥
iti śrutvā mahīvākyam indro vacanam abravīt //
Having heard the Earth's words, Indra spoke these words:
AI translation rendered from the Sanskrit, not a published edition
BrP 86.15
कारणं यदि नाम स्यात् तदानीं ज्ञायते मया सुराणां हि पतिर् यस्माद् अहं सर्वासु मेदिनि ॥
kāraṇaṃ yadi nāma syāt tadānīṃ jñāyate mayā surāṇāṃ hi patir yasmād ahaṃ sarvāsu medini //
"If indeed there were a cause, it would then be known by me, for I am the lord of the gods among all (beings), O Earth."
AI translation rendered from the Sanskrit, not a published edition
BrP 86.16
अथ पृथ्वी तदा वाक्यं श्रुत्वा चाह शचीपतिम् यम आदिश्यतां तर्हि यथा संहरते प्रजाः ॥
atha pṛthvī tadā vākyaṃ śrutvā cāha śacīpatim yama ādiśyatāṃ tarhi yathā saṃharate prajāḥ //
Then the Earth, having heard that speech, said to the husband of Śacī: "Then let Yama be commanded, so that he may destroy the creatures."
AI translation rendered from the Sanskrit, not a published edition
BrP 86.17
इति श्रुत्वा वचो मह्या आदिष्टाः सिद्धकिंनराः यमस्यानयने शीघ्रं महेन्द्रेण महामुने ॥
iti śrutvā vaco mahyā ādiṣṭāḥ siddhakiṃnarāḥ yamasyānayane śīghraṃ mahendreṇa mahāmune //
Having heard the Earth's words, the Siddhas and Kiṃnaras were commanded by great Indra to bring Yama quickly, O great sage.
AI translation rendered from the Sanskrit, not a published edition
BrP 86.18
ततस् ते सत्वरं याताः सर्वे वैवस्वतं पुरम् नैवापश्यन् यमं तत्र ते सिद्धाः सह किंनरैः तथागत्य पुनर् वेगाद् वार्त्ता शक्रे निवेदिता ॥
tatas te satvaraṃ yātāḥ sarve vaivasvataṃ puram naivāpaśyan yamaṃ tatra te siddhāḥ saha kiṃnaraiḥ tathāgatya punar vegād vārttā śakre niveditā //
Then they all went in haste to the city of the son of Vivasvat; those Siddhas together with the Kiṃnaras did not see Yama there. Having so returned again in haste, the news was reported to Śakra:
AI translation rendered from the Sanskrit, not a published edition
BrP 86.19
यमो यमपुरे नाथ अस्माभिर् नावलोकितः महतापि सुयत्नेन वीक्ष्यमाणः समन्ततः ॥
yamo yamapure nātha asmābhir nāvalokitaḥ mahatāpi suyatnena vīkṣyamāṇaḥ samantataḥ //
"Yama was not seen by us in Yama's city, O lord, though searched for on every side with very great effort."
AI translation rendered from the Sanskrit, not a published edition
BrP 86.20
इति श्रुत्वा वचस् तेषां पृष्टः शक्रेण वै तदा सविता स पिता तस्य यमः कुत्रास्त इत्य् अथ ॥
iti śrutvā vacas teṣāṃ pṛṣṭaḥ śakreṇa vai tadā savitā sa pitā tasya yamaḥ kutrāsta ity atha //
Having heard these words of theirs, the Sun, his father, was then asked by Śakra: "Where is Yama?"
AI translation rendered from the Sanskrit, not a published edition
BrP 86.21
शक्र गोदावरीतीरे कृतान्तो वर्तते ऽधुना चरंस् तत्र तपस् तीव्रं न जाने किं नु कारणम् ॥
śakra godāvarītīre kṛtānto vartate 'dhunā caraṃs tatra tapas tīvraṃ na jāne kiṃ nu kāraṇam //
"O Śakra, the Ender is now on the bank of the Godāvarī, practising fierce austerity there; I do not know what the reason may be."
AI translation rendered from the Sanskrit, not a published edition
BrP 86.22
इति श्रुत्वा वचो भानोः शक्रः शङ्काम् उपाविशत् ॥
iti śrutvā vaco bhānoḥ śakraḥ śaṅkām upāviśat //
Having heard these words of the Sun, Śakra fell into doubt:
AI translation rendered from the Sanskrit, not a published edition
BrP 86.23
अहो कष्टं महाकष्टं नष्टा मे सुरनाथता गोदावर्यां तपः कुर्याद् यमो वै दुष्टचेष्टितः जिघृक्षुर् मत्पदं नूनं देवा इति मतिर् मम ॥
aho kaṣṭaṃ mahākaṣṭaṃ naṣṭā me suranāthatā godāvaryāṃ tapaḥ kuryād yamo vai duṣṭaceṣṭitaḥ jighṛkṣur matpadaṃ nūnaṃ devā iti matir mama //
"Alas, trouble, great trouble! My lordship over the gods is lost. Would Yama, of wicked doings, practise austerity on the Godāvarī? Surely he wishes to seize my station, O gods — such is my thought."
AI translation rendered from the Sanskrit, not a published edition
BrP 86.24
इत्य् उक्त्वा सहसेन्द्रेण आहूतश् चाप्सरोगणः ॥
ity uktvā sahasendreṇa āhūtaś cāpsarogaṇaḥ //
Having said this, the troop of apsarases was at once summoned by Indra.
AI translation rendered from the Sanskrit, not a published edition
BrP 86.25
का भवतीषु कालस्य स्थितस्य तपसि द्विषः तपःप्रणाशने शक्ता इति मे शीघ्रम् उच्यताम् ॥
kā bhavatīṣu kālasya sthitasya tapasi dviṣaḥ tapaḥpraṇāśane śaktā iti me śīghram ucyatām //
"Which among you is able to destroy the austerity of Kāla, the enemy, who is established in austerity? Tell me that quickly."
AI translation rendered from the Sanskrit, not a published edition
BrP 86.26
इति शक्रवचः श्रुत्वा नोचे कापि महामुने अथ शक्रः प्रकोपेण प्रत्युवाचाप्सरोगणम् ॥
iti śakravacaḥ śrutvā noce kāpi mahāmune atha śakraḥ prakopeṇa pratyuvācāpsarogaṇam //
Having heard these words of Śakra, not one of them spoke, O great sage. Then Śakra in anger replied to the troop of apsarases:
AI translation rendered from the Sanskrit, not a published edition
BrP 86.27
उत्तरं नाब्रवीत् किंचिद् यामस् तर्हि वयं स्वयम् सज्जा भवन्तु विबुधाः सैन्यैर् आयान्तु मा चिरम् घातयामो वयं शत्रुं तपसा स्वर्गकामुकम् ॥
uttaraṃ nābravīt kiṃcid yāmas tarhi vayaṃ svayam sajjā bhavantu vibudhāḥ sainyair āyāntu mā ciram ghātayāmo vayaṃ śatruṃ tapasā svargakāmukam //
"She has given no answer at all — then we shall go ourselves. Let the gods be ready, let them come with their armies without delay; we shall strike down the enemy who by austerity desires heaven."
AI translation rendered from the Sanskrit, not a published edition
BrP 86.28
इत्य् उक्ते सति देवानां सेना प्रादुर्बभूव ह इतीन्द्रहृदयं ज्ञात्वा हरिणा लोकधारिणा ॥
ity ukte sati devānāṃ senā prādurbabhūva ha itīndrahṛdayaṃ jñātvā hariṇā lokadhāriṇā //
When this had been said, the army of the gods came into being. Thus knowing Indra's heart, Hari, the upholder of the worlds —
AI translation rendered from the Sanskrit, not a published edition
BrP 86.29
प्रेषितं चक्रिणा चक्रं रक्षणाय यमस्य हि चक्रं यत्राभवत् तत्र चक्रतीर्थम् अनुत्तमम् ॥
preṣitaṃ cakriṇā cakraṃ rakṣaṇāya yamasya hi cakraṃ yatrābhavat tatra cakratīrtham anuttamam //
— the bearer of the discus sent the discus for Yama's protection; where the discus came to be, there is the unsurpassed Cakratīrtha.
AI translation rendered from the Sanskrit, not a published edition
BrP 86.30
अथेन्द्रं मेनका प्राह शङ्कितेति वचस् तदा ॥
athendraṃ menakā prāha śaṅkiteti vacas tadā //
Then Menakā spoke thus to Indra, who was in doubt, these words:
AI translation rendered from the Sanskrit, not a published edition
BrP 86.31
कालावलोकने नालं काचिद् अस्ति सुरेश्वर मरणं च वरं देव भवतो न यमात् पुनः ॥
kālāvalokane nālaṃ kācid asti sureśvara maraṇaṃ ca varaṃ deva bhavato na yamāt punaḥ //
"There is none capable of even looking at Kāla, O lord of the gods; and death at your hands, O god, is better than at Yama's."
AI translation rendered from the Sanskrit, not a published edition
BrP 86.32
रूपयौवनमत्तेयं गणिकायाचनं प्रभो प्रेषणं तत् प्रयच्छैषा स्वामित्वं मन्यते त्वया ॥
rūpayauvanamatteyaṃ gaṇikāyācanaṃ prabho preṣaṇaṃ tat prayacchaiṣā svāmitvaṃ manyate tvayā //
"This (woman) is intoxicated with beauty and youth; she is a courtesan's request, lord — send her, grant that; she considers her mastery to be through you."
AI translation rendered from the Sanskrit, not a published edition — the model flagged this verse as uncertain
BrP 86.33
इति श्रुत्वा वचस् तस्याः शक्रः सुरवरेश्वरः आदिदेशाबलां क्षामां सत्कृत्य गणिकां तथा ॥
iti śrutvā vacas tasyāḥ śakraḥ suravareśvaraḥ ādideśābalāṃ kṣāmāṃ satkṛtya gaṇikāṃ tathā //
Having heard this speech of hers, Śakra, lord of the best of the gods, honoured the courtesan and thus commanded that slender, delicate woman.
AI translation rendered from the Sanskrit, not a published edition
BrP 86.34
गणिके गच्छ मे कार्यं कुरु सुन्दरि मा चिरम् कृतकृत्यागता भूयो वल्लभा मे यथा शची ॥
gaṇike gaccha me kāryaṃ kuru sundari mā ciram kṛtakṛtyāgatā bhūyo vallabhā me yathā śacī //
"Courtesan, go and do my task, O lovely one; do not delay. When you have accomplished it and returned, you will be as dear to me as Śacī."
AI translation rendered from the Sanskrit, not a published edition
BrP 86.35
इत्य् आकर्ण्य वचः शक्राद् उत्पत्य गणिका दिशः क्षणेन यमसांनिध्यम् आयाता चारुरूपिणी ॥
ity ākarṇya vacaḥ śakrād utpatya gaṇikā diśaḥ kṣaṇena yamasāṃnidhyam āyātā cārurūpiṇī //
Having heard this speech from Śakra, the courtesan of charming form flew up through the quarters and in a moment arrived in Yama's presence.
AI translation rendered from the Sanskrit, not a published edition
BrP 86.36
यमान्तिकम् अनुप्राप्ता द्योतयन्ती दिशो दश सलीलं ललितं बाला जगौ हिन्दोलकङ्कलम् ॥
yamāntikam anuprāptā dyotayantī diśo daśa salīlaṃ lalitaṃ bālā jagau hindolakaṅkalam //
Having reached Yama's side, illuminating the ten directions, the girl sang playfully and gracefully a hindolaka-kaṅkala (swing-song).
AI translation rendered from the Sanskrit, not a published edition — the model flagged this verse as uncertain
BrP 86.37
ततश् चचाल कालस्य मनो लोलं चलाचलम् अथोन्मील्य यमो नेत्रे कामपावकपूरिते ॥
tataś cacāla kālasya mano lolaṃ calācalam athonmīlya yamo netre kāmapāvakapūrite //
Then the mind of Kāla (Yama), fickle and unsteady, was shaken; and Yama opened his two eyes, filled with the fire of desire.
AI translation rendered from the Sanskrit, not a published edition
BrP 86.38
तस्यां व्यापारयाम् आस श्रेयःशत्रौ महामुने ततो विलीय सा सद्यः सरित्त्वम् अगमत् तदा ॥
tasyāṃ vyāpārayām āsa śreyaḥśatrau mahāmune tato vilīya sā sadyaḥ sarittvam agamat tadā //
He engaged (his eyes) upon her, O great sage, that enemy of (his) welfare; then she at once dissolved and became a river.
AI translation rendered from the Sanskrit, not a published edition — the model flagged this verse as uncertain
BrP 86.39
गौतम्यां तु समागम्य गणिकागणकिंकरैः गीयमाना गता स्वर्गे तस्य तीर्थप्रभावतः ॥
gautamyāṃ tu samāgamya gaṇikāgaṇakiṃkaraiḥ gīyamānā gatā svarge tasya tīrthaprabhāvataḥ //
But having joined the Gautamī, she went to heaven, praised in song by the courtesan-troupe's attendants, by the power of that sacred ford.
AI translation rendered from the Sanskrit, not a published edition — the model flagged this verse as uncertain
BrP 86.40
गच्छन्तीं गणिकां दृष्ट्वा विमानस्थां दिवं प्रति विस्मयं परमं प्राप्तः कालस् तरललोचनः अथादित्येन चागत्य एवम् उक्तो यमस् तदा ॥
gacchantīṃ gaṇikāṃ dṛṣṭvā vimānasthāṃ divaṃ prati vismayaṃ paramaṃ prāptaḥ kālas taralalocanaḥ athādityena cāgatya evam ukto yamas tadā //
Seeing the courtesan going toward heaven, seated in a celestial car, Kāla with unsteady eyes was struck with utmost amazement; then the Sun came and spoke thus to Yama.
AI translation rendered from the Sanskrit, not a published edition
BrP 86.41
कुरु पुत्र निजं कर्म प्रजानां त्वं परिक्षयम् पश्य वातं सदा वान्तं सृजन्तं वेधसं प्रजाः पर्यटन्तं त्रिलोकीं मां वहन्तीं वसुधां प्रजाः ॥
kuru putra nijaṃ karma prajānāṃ tvaṃ parikṣayam paśya vātaṃ sadā vāntaṃ sṛjantaṃ vedhasaṃ prajāḥ paryaṭantaṃ trilokīṃ māṃ vahantīṃ vasudhāṃ prajāḥ //
"Do your own work, son: the destruction of creatures. See the wind, always blowing; the Creator, producing creatures; me, roaming the three worlds; the earth, bearing creatures."
AI translation rendered from the Sanskrit, not a published edition
BrP 86.42
इति श्रुत्वा यमो वाक्यं पितुर् वचनम् अब्रवीत् ॥
iti śrutvā yamo vākyaṃ pitur vacanam abravīt //
Having heard this speech, Yama spoke (these) words to his father's utterance:
AI translation rendered from the Sanskrit, not a published edition
BrP 86.43
एतन् न गर्हितं कर्म कुर्याम् अहम् इदं ध्रुवम् कर्मण्य् अस्मिन् महाक्रूरे समादेष्टुं न वार्हसि ॥
etan na garhitaṃ karma kuryām aham idaṃ dhruvam karmaṇy asmin mahākrūre samādeṣṭuṃ na vārhasi //
"This work is not blameworthy — surely I would do it; but you ought not to command (me) to this exceedingly cruel work."
AI translation rendered from the Sanskrit, not a published edition — the model flagged this verse as uncertain
BrP 86.44
इति श्रुत्वा च तद् वाक्यं भानुर् वचनम् अब्रवीत् किं नाम गर्हितं कर्म तव कर्तुम् अलं यम ॥
iti śrutvā ca tad vākyaṃ bhānur vacanam abravīt kiṃ nāma garhitaṃ karma tava kartum alaṃ yama //
And having heard that speech, the Sun spoke (these) words: "What blameworthy work, then, are you fit to do, Yama?"
AI translation rendered from the Sanskrit, not a published edition
BrP 86.45
किं न दृष्टा त्वया यान्ती गणिका गणकिंकरैः गीयमाना दिवं सद्यो गौतमीतोयम् आप्लुता ॥
kiṃ na dṛṣṭā tvayā yāntī gaṇikā gaṇakiṃkaraiḥ gīyamānā divaṃ sadyo gautamītoyam āplutā //
"Did you not see the courtesan going, praised in song by the troupe's attendants, (going) to heaven at once, bathed in the water of the Gautamī?"
AI translation rendered from the Sanskrit, not a published edition
BrP 86.46
त्वया चात्र तपस् तीव्रं कृतं पुत्र सुदुष्करम् नैवान्तं तस्य पश्यामि तस्माद् गच्छ निजं पुरम् ॥
tvayā cātra tapas tīvraṃ kṛtaṃ putra suduṣkaram naivāntaṃ tasya paśyāmi tasmād gaccha nijaṃ puram //
"And here, son, you have performed fierce, most difficult austerity; I do not see any end of it. Therefore go to your own city."
AI translation rendered from the Sanskrit, not a published edition
BrP 86.47
इत्य् उक्त्वा भगवान् भानुस् तत्र स्नात्वा गतो दिवम् यमो ऽपि संगमे स्नात्वा ततो निजपुरं ययौ ॥
ity uktvā bhagavān bhānus tatra snātvā gato divam yamo 'pi saṃgame snātvā tato nijapuraṃ yayau //
Having said this, the lord Sun bathed there and went to heaven; Yama too, having bathed at the confluence, then went to his own city.
AI translation rendered from the Sanskrit, not a published edition
BrP 86.48
भूतहापि ततः शङ्कां तत्याज च महामुने तथा दृष्ट्वा यमं यान्तं चक्रे चक्रं प्रयाणकम् ॥
bhūtahāpi tataḥ śaṅkāṃ tatyāja ca mahāmune tathā dṛṣṭvā yamaṃ yāntaṃ cakre cakraṃ prayāṇakam //
And thereupon the destroyer of beings abandoned his hesitation, O great sage; and seeing Yama going thus, he made his circuit of departure.
AI translation rendered from the Sanskrit, not a published edition — the model flagged this verse as uncertain
BrP 86.49
भगवान् यत्र गोविन्दो वनमालाविभूषितः इति यः शृणुयान् मर्त्यः पठेद् वापि समाहितः ॥
bhagavān yatra govindo vanamālāvibhūṣitaḥ iti yaḥ śṛṇuyān martyaḥ paṭhed vāpi samāhitaḥ //
— where the lord Govinda is, adorned with a garland of forest flowers. The mortal who hears this, or recites it with concentration —
AI translation rendered from the Sanskrit, not a published edition
BrP 86.50
आपदस् तस्य नश्यन्ति दीर्घम् आयुर् अवाप्नुयात् ॥
āpadas tasya naśyanti dīrgham āyur avāpnuyāt //
his misfortunes perish, and he would obtain long life.
AI translation rendered from the Sanskrit, not a published edition