Brahma Purana — Chapter 79
BrP 79.1
न मनस् तृप्तिम् आधत्ते कथाः शृण्वत् त्वयेरिताः पृथक् तीर्थफलं श्रोतुं प्रवृत्तं मम मानसम् ॥
na manas tṛptim ādhatte kathāḥ śṛṇvat tvayeritāḥ pṛthak tīrthaphalaṃ śrotuṃ pravṛttaṃ mama mānasam //
My mind finds no satisfaction as it hears the tales told by you; my mind has become eager to hear the fruit of each holy place separately.
AI translation rendered from the Sanskrit, not a published edition
BrP 79.2
क्रमशो ब्राह्मणानीतां गङ्गां मे प्रथमं वद पृथक् तीर्थफलं पुण्यं सेतिहासं यथाक्रमम् ॥
kramaśo brāhmaṇānītāṃ gaṅgāṃ me prathamaṃ vada pṛthak tīrthaphalaṃ puṇyaṃ setihāsaṃ yathākramam //
Tell me first, in order, of the Gaṅgā that was brought by the brahmin; and the holy fruit of each holy place separately, with its story, in due order.
AI translation rendered from the Sanskrit, not a published edition
BrP 79.3
तीर्थानां च पृथग् भावं फलं माहात्म्यम् एव च सर्वं वक्तुं न शक्नोमि न च त्वं श्रवणे क्षमः ॥
tīrthānāṃ ca pṛthag bhāvaṃ phalaṃ māhātmyam eva ca sarvaṃ vaktuṃ na śaknomi na ca tvaṃ śravaṇe kṣamaḥ //
The separate character of the holy places, their fruit, and their greatness too — all this I am unable to tell, nor are you able to hear it.
AI translation rendered from the Sanskrit, not a published edition
BrP 79.4
तथापि किंचिद् वक्ष्यामि शृणु नारद यत्नतः यान्य् उक्तानि च तीर्थानि श्रुतिवाक्यानि यानि च ॥
tathāpi kiṃcid vakṣyāmi śṛṇu nārada yatnataḥ yāny uktāni ca tīrthāni śrutivākyāni yāni ca //
Even so I shall tell something; listen carefully, Nārada. Those holy places that have been spoken of, and those sayings of scripture —
AI translation rendered from the Sanskrit, not a published edition
BrP 79.5
तानि वक्ष्यामि संक्षेपान् नमस्कृत्वा त्रिलोचनम् यत्रासौ भगवान् आसीत् प्रत्यक्षस् त्र्यम्बको मुने ॥
tāni vakṣyāmi saṃkṣepān namaskṛtvā trilocanam yatrāsau bhagavān āsīt pratyakṣas tryambako mune //
— those I shall tell in brief, after making obeisance to the Three-Eyed One, where that lord Tryambaka was present in visible form, O sage.
AI translation rendered from the Sanskrit, not a published edition
BrP 79.6
त्र्यम्बकं नाम तत् तीर्थं भुक्तिमुक्तिप्रदायकम् वाराहम् अपरं तीर्थं त्रिषु लोकेषु विश्रुतम् ॥
tryambakaṃ nāma tat tīrthaṃ bhuktimuktipradāyakam vārāham aparaṃ tīrthaṃ triṣu lokeṣu viśrutam //
That holy place named Tryambaka bestows enjoyment and liberation. Another holy place is Vārāha, renowned in the three worlds.
AI translation rendered from the Sanskrit, not a published edition
BrP 79.7
तस्य रूपं प्रवक्ष्यामि नाम विष्णोर् यथाभवत् पुरा देवान् पराभूय यज्ञम् आदाय राक्षसः ॥
tasya rūpaṃ pravakṣyāmi nāma viṣṇor yathābhavat purā devān parābhūya yajñam ādāya rākṣasaḥ //
I shall tell its form, and how that name of Viṣṇu came to be. Formerly a rākṣasa, having overcome the gods and seized the sacrifice,
AI translation rendered from the Sanskrit, not a published edition
BrP 79.8
रसातलम् अनुप्राप्तः सिन्धुसेन इति श्रुतः यज्ञे तलम् अनुप्राप्ते निर्यज्ञा ह्य् अभवन् मही ॥
rasātalam anuprāptaḥ sindhusena iti śrutaḥ yajñe talam anuprāpte niryajñā hy abhavan mahī //
reached Rasātala; he was known as Sindhusena. When the sacrifice had reached the netherworld, the earth indeed became without sacrifice.
AI translation rendered from the Sanskrit, not a published edition
BrP 79.9
नायं लोको ऽस्ति न परो यज्ञे नष्ट इतीत्वराः सुरास् तम् एव विविशू रसातलम् अनुद्विषम् ॥
nāyaṃ loko 'sti na paro yajñe naṣṭa itītvarāḥ surās tam eva viviśū rasātalam anudviṣam //
"With the sacrifice lost, neither this world nor the next exists" — so the gods, hurrying, entered that very Rasātala without hostility.
AI translation rendered from the Sanskrit, not a published edition — the model flagged this verse as uncertain
BrP 79.10
नाशक्नुवंस् तु तं जेतुं देवा इन्द्रपुरोगमाः विष्णुं पुराणपुरुषं गत्वा तस्मै न्यवेदयन् ॥
nāśaknuvaṃs tu taṃ jetuṃ devā indrapurogamāḥ viṣṇuṃ purāṇapuruṣaṃ gatvā tasmai nyavedayan //
But the gods, led by Indra, were not able to conquer him; going to Viṣṇu, the primeval Person, they reported to him
AI translation rendered from the Sanskrit, not a published edition
BrP 79.11
राक्षसस्य तु तत् कर्म यज्ञभ्रंशम् अशेषतः ततः प्रोवाच भगवान् वाराहं वपुर् आस्थितः ॥
rākṣasasya tu tat karma yajñabhraṃśam aśeṣataḥ tataḥ provāca bhagavān vārāhaṃ vapur āsthitaḥ //
that deed of the rākṣasa, the ruin of the sacrifice, in full. Then the Lord, having assumed a boar's body, said:
AI translation rendered from the Sanskrit, not a published edition
BrP 79.12
शङ्खचक्रगदापाणिर् गत्वा चैव रसातलम् आनयिष्ये मखं पुण्यं हत्वा राक्षसपुंगवान् ॥
śaṅkhacakragadāpāṇir gatvā caiva rasātalam ānayiṣye makhaṃ puṇyaṃ hatvā rākṣasapuṃgavān //
"With conch, discus, and mace in hand I shall go to Rasātala and, having slain the foremost of the rākṣasas, bring back the holy sacrifice.
AI translation rendered from the Sanskrit, not a published edition
BrP 79.13
स्वः प्रयान्तु सुराः सर्वे व्येतु वो मानसो ज्वरः येन गङ्गा तलं प्राप्ता पथा तेनैव चक्रधृक् ॥
svaḥ prayāntu surāḥ sarve vyetu vo mānaso jvaraḥ yena gaṅgā talaṃ prāptā pathā tenaiva cakradhṛk //
Let all the gods go to heaven; let your mental fever depart." By that very path by which Gaṅgā had reached the netherworld, the bearer of the discus
AI translation rendered from the Sanskrit, not a published edition
BrP 79.14
जगाम तरसा पुत्र भुवं भित्त्वा रसातलम् स वराहवपुः श्रीमान् रसातलनिवासिनः ॥
jagāma tarasā putra bhuvaṃ bhittvā rasātalam sa varāhavapuḥ śrīmān rasātalanivāsinaḥ //
went swiftly, my son, splitting the earth, to Rasātala — he, the glorious one with the boar's body; and the dwellers of Rasātala,
AI translation rendered from the Sanskrit, not a published edition
BrP 79.15
राक्षसान् दानवान् हत्वा मुखे धृत्वा महाध्वरम् वाराहरूपी भगवान् मखम् आदाय यज्ञभुक् ॥
rākṣasān dānavān hatvā mukhe dhṛtvā mahādhvaram vārāharūpī bhagavān makham ādāya yajñabhuk //
the rākṣasas and dānavas, he slew, and holding the great sacrifice in his mouth, the Lord in boar form, the eater of sacrifice, took the offering;
AI translation rendered from the Sanskrit, not a published edition
BrP 79.16
येन प्राप तलं विष्णुः पथा तेनैव शत्रुजित् मुखे न्यस्य महायज्ञं निश्चक्राम रसातलात् ॥
yena prāpa talaṃ viṣṇuḥ pathā tenaiva śatrujit mukhe nyasya mahāyajñaṃ niścakrāma rasātalāt //
and by that very path by which Viṣṇu had reached the netherworld, the conqueror of foes, placing the great sacrifice in his mouth, came out of Rasātala.
AI translation rendered from the Sanskrit, not a published edition
BrP 79.17
तत्र ब्रह्मगिरौ देवाः प्रतीक्षां चक्रिरे हरेः पथस् तस्माद् विनिःसृत्य गङ्गास्रवणम् अभ्यगात् ॥
tatra brahmagirau devāḥ pratīkṣāṃ cakrire hareḥ pathas tasmād viniḥsṛtya gaṅgāsravaṇam abhyagāt //
There on the Brahmā hill the gods waited for Hari; and coming out from that path (he) went to the Gaṅgā's stream.
AI translation rendered from the Sanskrit, not a published edition
BrP 79.18
प्राक्षालयच् च स्वाङ्गानि असृग्लिप्तानि नारद गङ्गाम्भसा तत्र कुण्डं वाराहम् अभवत् ततः ॥
prākṣālayac ca svāṅgāni asṛgliptāni nārada gaṅgāmbhasā tatra kuṇḍaṃ vārāham abhavat tataḥ //
And he washed his own limbs, which were smeared with blood, O Nārada, with the water of the Gaṅgā; there a Vārāha pool came into being thereafter.
AI translation rendered from the Sanskrit, not a published edition
BrP 79.19
मुखे न्यस्तं महायज्ञं देवानां पुरतो हरिः दत्तवांस् त्रिदशश्रेष्ठो मुखाद् यज्ञो ऽभ्यजायत ॥
mukhe nyastaṃ mahāyajñaṃ devānāṃ purato hariḥ dattavāṃs tridaśaśreṣṭho mukhād yajño 'bhyajāyata //
Hari, best of the thirty (gods), gave the great sacrifice that had been placed in his mouth, before the gods; and from his mouth the sacrifice was born.
AI translation rendered from the Sanskrit, not a published edition
BrP 79.20
ततः प्रभृति यज्ञाङ्गं प्रधानं स्रुव उच्यते वाराहरूपम् अभवद् एवं वै कारणान्तरात् ॥
tataḥ prabhṛti yajñāṅgaṃ pradhānaṃ sruva ucyate vārāharūpam abhavad evaṃ vai kāraṇāntarāt //
From then on the chief implement of the sacrifice is called the sruva (ladle); and thus, from another cause, it came to have the form of a boar.
AI translation rendered from the Sanskrit, not a published edition
BrP 79.21
तस्मात् पुण्यतमं तीर्थं वाराहं सर्वकामदम् तत्र स्नानं च दानं च सर्वक्रतुफलप्रदम् ॥
tasmāt puṇyatamaṃ tīrthaṃ vārāhaṃ sarvakāmadam tatra snānaṃ ca dānaṃ ca sarvakratuphalapradam //
Therefore the Vārāha tīrtha is most holy and grants all wishes; bathing there and giving (there) bestow the fruit of all sacrifices.
AI translation rendered from the Sanskrit, not a published edition
BrP 79.22
तत्र स्थितो ऽपि यः कश्चित् पितॄन् स्मरति पुण्यकृत् विमुक्ताः सर्वपापेभ्यः पितरः स्वर्गम् आप्नुयुः ॥
tatra sthito 'pi yaḥ kaścit pitṝn smarati puṇyakṛt vimuktāḥ sarvapāpebhyaḥ pitaraḥ svargam āpnuyuḥ //
Even merely staying there, whoever, doing meritorious acts, remembers his forefathers — his forefathers, freed from all sins, would attain heaven.
AI translation rendered from the Sanskrit, not a published edition