Brahma Purana — Chapter 75
BrP 75.1
कैलासशिखरं गत्वा गौतमो भगवान् ऋषिः किं चकार तपो वापि कां चक्रे स्तुतिम् उत्तमाम् ॥
kailāsaśikharaṃ gatvā gautamo bhagavān ṛṣiḥ kiṃ cakāra tapo vāpi kāṃ cakre stutim uttamām //
Having gone to the peak of Kailāsa, what austerity did the blessed seer Gautama perform, or what excellent hymn of praise did he utter?
AI translation rendered from the Sanskrit, not a published edition
BrP 75.2
गिरिं गत्वा ततो वत्स वाचं संयम्य गौतमः आस्तीर्य स कुशान् प्राज्ञः कैलासे पर्वतोत्तमे ॥
giriṃ gatvā tato vatsa vācaṃ saṃyamya gautamaḥ āstīrya sa kuśān prājñaḥ kailāse parvatottame //
Then, my child, having gone to the mountain and restrained his speech, the wise Gautama spread kuśa grass on Kailāsa, best of mountains,
AI translation rendered from the Sanskrit, not a published edition
BrP 75.3
उपविश्य शुचिर् भूत्वा स्तोत्रं चेदं ततो जगौ अपतत् पुष्पवृष्टिश् च स्तूयमाने महेश्वरे ॥
upaviśya śucir bhūtvā stotraṃ cedaṃ tato jagau apatat puṣpavṛṣṭiś ca stūyamāne maheśvare //
and having sat down and become pure, he then sang this hymn; and a rain of flowers fell as Maheśvara was being praised.
AI translation rendered from the Sanskrit, not a published edition
BrP 75.4
भोगार्थिनां भोगम् अभीप्सितं च दातुं महान्त्य् अष्टवपूंषि धत्ते सोमो जनानां गुणवन्ति नित्यं देवं महादेवम् इति स्तुवन्ति
bhogārthināṃ bhogam abhīpsitaṃ ca dātuṃ mahānty aṣṭavapūṃṣi dhatte somo janānāṃ guṇavanti nityaṃ devaṃ mahādevam iti stuvanti
To give those who seek enjoyment the enjoyment they desire, Soma (Śiva) assumes eight great bodies endowed with qualities for people; they ever praise that god as Mahādeva.
AI translation rendered from the Sanskrit, not a published edition
BrP 75.5
कर्तुं स्वकीयैर् विषयैः सुखानि भर्तुं समस्तं सचराचरं च संपत्तये ह्य् अस्य विवृद्धये च महीमयं रूपम् इतीश्वरस्य
kartuṃ svakīyair viṣayaiḥ sukhāni bhartuṃ samastaṃ sacarācaraṃ ca saṃpattaye hy asya vivṛddhaye ca mahīmayaṃ rūpam itīśvarasya
To produce pleasures through their proper objects, to support the whole world with its moving and unmoving beings, and for its prosperity and increase — this earth-form is the Lord's, so (they say).
AI translation rendered from the Sanskrit, not a published edition
BrP 75.6
सृष्टेः स्थितेः संहरणाय भूमेर् आधारम् आधातुम् अपां स्वरूपम् भेजे शिवः शान्ततनुर् जनानां सुखाय धर्माय जगत् प्रतिष्ठितम्
sṛṣṭeḥ sthiteḥ saṃharaṇāya bhūmer ādhāram ādhātum apāṃ svarūpam bheje śivaḥ śāntatanur janānāṃ sukhāya dharmāya jagat pratiṣṭhitam
For creation, for maintenance, for destruction, to provide a support for the earth, Śiva of tranquil body took on the form of the waters, for the happiness and the dharma of people; (thus) the world is established.
AI translation rendered from the Sanskrit, not a published edition
BrP 75.7
कालव्यवस्थाम् अमृतस्रवं च जीवस्थितिं सृष्टिम् अथो विनाशनम् मुदं प्रजानां सुखम् उन्नतिं च चक्रे ऽर्कचन्द्राग्निमयं शरीरम्
kālavyavasthām amṛtasravaṃ ca jīvasthitiṃ sṛṣṭim atho vināśanam mudaṃ prajānāṃ sukham unnatiṃ ca cakre 'rkacandrāgnimayaṃ śarīram
The regulation of time, the flowing of nectar, the abiding of living beings, creation and also destruction, the delight of creatures, their pleasure and their advancement — (for these) he made a body consisting of sun, moon and fire.
AI translation rendered from the Sanskrit, not a published edition
BrP 75.8
वृद्धिं गतिं शक्तिम् अथाक्षराणि जीवव्यवस्थां मुदम् अप्य् अनेकाम् स्रष्टुं कृतं वायुर् इतीशरूपं त्वं वेत्सि नूनं भगवन् भवन्तम्
vṛddhiṃ gatiṃ śaktim athākṣarāṇi jīvavyavasthāṃ mudam apy anekām sraṣṭuṃ kṛtaṃ vāyur itīśarūpaṃ tvaṃ vetsi nūnaṃ bhagavan bhavantam
To create growth, motion, power, and the syllables, the ordering of living beings, and manifold delight — the Lord's form was made as wind; surely you yourself know your own self, O Blessed One.
AI translation rendered from the Sanskrit, not a published edition — the model flagged this verse as uncertain
BrP 75.9
भेदैर् विना नैव कृतिर् न धर्मो नात्मीयम् अन्यन् न दिशो ऽन्तरिक्षम् द्यावापृथिव्यौ न च भुक्तिमुक्ती तस्माद् इदं व्योमवपुस् तवेश
bhedair vinā naiva kṛtir na dharmo nātmīyam anyan na diśo 'ntarikṣam dyāvāpṛthivyau na ca bhuktimuktī tasmād idaṃ vyomavapus taveśa
Without the (spatial) distinctions there would be no action, no dharma, nothing else that is one's own, no directions, no mid-space, no heaven and earth, and no enjoyment or liberation; therefore this space-body is yours, O Lord.
AI translation rendered from the Sanskrit, not a published edition
BrP 75.10
धर्मं व्यवस्थापयितुं व्यवस्य ऋक्सामशास्त्राणि यजुश् च शाखाः लोके च गाथाः स्मृतयः पुराणम् इत्यादिशब्दात्मकताम् उपैति
dharmaṃ vyavasthāpayituṃ vyavasya ṛksāmaśāstrāṇi yajuś ca śākhāḥ loke ca gāthāḥ smṛtayaḥ purāṇam ityādiśabdātmakatām upaiti
Having resolved to establish dharma, he takes on the nature of the word as the Ṛk, Sāma and Yajus treatises and their branches, and in the world the gāthās, the smṛtis, the Purāṇa, and so forth.
AI translation rendered from the Sanskrit, not a published edition
BrP 75.11
यष्टा क्रतुर् यान्य् अपि साधनानि ऋत्विक्प्रदेशं फलदेशकालाः त्वम् एव शंभो परमार्थतत्त्वं वदन्ति यज्ञाङ्गमयं वपुस् ते
yaṣṭā kratur yāny api sādhanāni ṛtvikpradeśaṃ phaladeśakālāḥ tvam eva śaṃbho paramārthatattvaṃ vadanti yajñāṅgamayaṃ vapus te
The sacrificer, the rite, and whatever the instruments are, the priests' station, the fruit, the places and the times — you alone, O Śambhu, are the truth that is the highest reality; they call your body the one made of the limbs of sacrifice.
AI translation rendered from the Sanskrit, not a published edition
BrP 75.12
कर्ता प्रदाता प्रतिभूः प्रदानं सर्वज्ञसाक्षी पुरुषः परश् च प्रत्यात्मभूतः परमार्थरूपस् त्वम् एव सर्वं किम् उ वाग्विलासैः
kartā pradātā pratibhūḥ pradānaṃ sarvajñasākṣī puruṣaḥ paraś ca pratyātmabhūtaḥ paramārtharūpas tvam eva sarvaṃ kim u vāgvilāsaiḥ
Agent, bestower, surety, the gift, the all-knowing witness, the Person and the Supreme, present as the self of each, having the form of the highest reality — you alone are everything; what need of displays of speech?
AI translation rendered from the Sanskrit, not a published edition
BrP 75.13
न वेदशास्त्रैर् गुरुभिः प्रदिष्टो न नासि बुद्ध्यादिभिर् अप्रधृष्यः अजो ऽप्रमेयः शिवशब्दवाच्यस् त्वम् अस्ति सत्यं भगवन् नमस् ते
na vedaśāstrair gurubhiḥ pradiṣṭo na nāsi buddhyādibhir apradhṛṣyaḥ ajo 'prameyaḥ śivaśabdavācyas tvam asti satyaṃ bhagavan namas te
You are not (fully) pointed out by the Vedas, the treatises, or the teachers; nor are you not unassailable by the intellect and the rest; unborn, immeasurable, denoted by the word 'Śiva' — you exist as the truth, O Blessed One; homage to you.
AI translation rendered from the Sanskrit, not a published edition — the model flagged this verse as uncertain
BrP 75.14
आत्मैकतां स्वप्रकृतिं कदाचिद् ऐक्षच् छिवः संपद् इयं ममेति पृथक् तदैवाभवद् अप्रतर्क्य अचिन्त्यप्रभावो बहुविश्वमूर्तिः
ātmaikatāṃ svaprakṛtiṃ kadācid aikṣac chivaḥ saṃpad iyaṃ mameti pṛthak tadaivābhavad apratarkya acintyaprabhāvo bahuviśvamūrtiḥ
Śiva once looked upon his own nature as one with himself, (thinking) 'this treasure is mine'; and at that very moment he became separate — one beyond reasoning, of inconceivable might, whose form is the manifold universe.
AI translation rendered from the Sanskrit, not a published edition
BrP 75.15
भावे ऽभिवृद्धा च भवे भवे च स्वकारणं कारणम् आस्थिता च नित्या शिवा सर्वसुलक्षणा वा विलक्षणा विश्वकरस्य शक्तिः
bhāve 'bhivṛddhā ca bhave bhave ca svakāraṇaṃ kāraṇam āsthitā ca nityā śivā sarvasulakṣaṇā vā vilakṣaṇā viśvakarasya śaktiḥ
Grown great in being, and in birth after birth its own cause, established as the cause, eternal, auspicious, either possessed of all good marks or beyond all marks — such is the power (śakti) of the maker of the universe.
AI translation rendered from the Sanskrit, not a published edition — the model flagged this verse as uncertain
BrP 75.16
उत्पादनं संस्थितिर् अन्नवृद्धि लयाः सतां यत्र सनातनास् ते एकैव मूर्तिर् न समस्ति किंचिद् असाध्यम् अस्या दयिता हरस्य
utpādanaṃ saṃsthitir annavṛddhi layāḥ satāṃ yatra sanātanās te ekaiva mūrtir na samasti kiṃcid asādhyam asyā dayitā harasya
Origination, maintenance, the increase of food, and the dissolutions of beings — wherein those eternal ones (abide) — she is but a single form; there is nothing at all unattainable for her, the beloved of Hara.
AI translation rendered from the Sanskrit, not a published edition — the model flagged this verse as uncertain
BrP 75.17
यदर्थम् अन्नानि धनानि जीवा यच्छन्ति कुर्वन्ति तपांसि धर्मान् सापीयम् अम्बा जगतो जनित्री प्रिया तु सोमस्य महासुकीर्तिः
yadartham annāni dhanāni jīvā yacchanti kurvanti tapāṃsi dharmān sāpīyam ambā jagato janitrī priyā tu somasya mahāsukīrtiḥ
That for the sake of which living beings offer foods and wealth, and perform austerities and dharmas — she is this very Mother, the begetter of the world, the beloved of Soma (Śiva), of great and good renown.
AI translation rendered from the Sanskrit, not a published edition
BrP 75.18
यद् ईक्षितं काङ्क्षति वासवो ऽपि यन्नामतो मङ्गलम् आप्नुयाच् च या व्याप्य विश्वं विमलीकरोति सोमा सदा सोमसमानरूपा
yad īkṣitaṃ kāṅkṣati vāsavo 'pi yannāmato maṅgalam āpnuyāc ca yā vyāpya viśvaṃ vimalīkaroti somā sadā somasamānarūpā
She whose glance even Vāsava longs for, and from whose name one may obtain good fortune, who, pervading the universe, makes it spotless — she is Somā, ever of a form equal to Soma (Śiva).
AI translation rendered from the Sanskrit, not a published edition
BrP 75.19
ब्रह्मादिजीवस्य चराचरस्य बुद्ध्यक्षिचैतन्यमनःसुखानि यस्याः प्रसादात् फलवन्ति नित्यं वागीश्वरी लोकगुरोः सुरम्या
brahmādijīvasya carācarasya buddhyakṣicaitanyamanaḥsukhāni yasyāḥ prasādāt phalavanti nityaṃ vāgīśvarī lokaguroḥ suramyā
She by whose grace the intellect, the eyes, the consciousness, the mind and the pleasures of every living being from Brahmā onward, moving and unmoving, are ever fruitful — she is Vāgīśvarī, the most lovely (consort) of the teacher of the world.
AI translation rendered from the Sanskrit, not a published edition
BrP 75.20
चतुर्मुखस्यापि मनो मलीनं किम् अन्यजन्तोर् इति चिन्त्य माता गङ्गावतारं विविधैर् उपायैः सर्वं जगत् पावयितुं चकार
caturmukhasyāpi mano malīnaṃ kim anyajantor iti cintya mātā gaṅgāvatāraṃ vividhair upāyaiḥ sarvaṃ jagat pāvayituṃ cakāra
Thinking, "Even four-faced (Brahmā's) mind is impure — what then of other creatures?", the Mother made the descent of the Gaṅgā, by various means, to purify the whole world.
AI translation rendered from the Sanskrit, not a published edition
BrP 75.21
श्रुतीः समालक्ष्य हरप्रभुत्वं विश्वस्य लोकः सकलैः प्रमाणैः कृत्वा च धर्मान् बुभुजे च भोगान् विभूतिर् एषा तु सदाशिवस्य
śrutīḥ samālakṣya haraprabhutvaṃ viśvasya lokaḥ sakalaiḥ pramāṇaiḥ kṛtvā ca dharmān bubhuje ca bhogān vibhūtir eṣā tu sadāśivasya
Having discerned from the Vedic texts, by all the means of knowledge, Hara's lordship over the universe, people performed their religious duties and enjoyed their pleasures — but this is (only) the manifest power of Sadāśiva.
AI translation rendered from the Sanskrit, not a published edition — the model flagged this verse as uncertain
BrP 75.22
कार्यक्रियाकारकसाधनानां वेदोदितानाम् अथ लौकिकानाम् यत् साध्यम् उत्कृष्टतमं प्रियं च प्रोक्ता च सा सिद्धिर् अनादिकर्तुः
kāryakriyākārakasādhanānāṃ vedoditānām atha laukikānām yat sādhyam utkṛṣṭatamaṃ priyaṃ ca proktā ca sā siddhir anādikartuḥ
Of the effects, actions, agents and instruments declared in the Veda and also the worldly ones, that which is the highest and dearest goal to be attained — that has been called the accomplishment (siddhi) of the beginningless Maker.
AI translation rendered from the Sanskrit, not a published edition — the model flagged this verse as uncertain
BrP 75.23
ध्यात्वा वरं ब्रह्म परं प्रधानं यत् सारभूतं यद् उपासितव्यम् यत् प्राप्य मुक्ता न पुनर् भवन्ति सद्योगिनो मुक्तिर् उमापतिः सः
dhyātvā varaṃ brahma paraṃ pradhānaṃ yat sārabhūtaṃ yad upāsitavyam yat prāpya muktā na punar bhavanti sadyogino muktir umāpatiḥ saḥ
Having meditated on the highest brahman, the supreme primal ground, which is the essence, which is to be worshipped, on attaining which the liberated are not born again — that liberation which true yogins (attain) is the Husband of Umā himself.
AI translation rendered from the Sanskrit, not a published edition — the model flagged this verse as uncertain
BrP 75.24
यथा यथा शंभुर् अमेयमाया रूपाणि धत्ते जगतो हिताय तद्योगयोग्यानि तथैव धत्से पतिव्रतात्वं त्वयि मातर् एवम्
yathā yathā śaṃbhur ameyamāyā rūpāṇi dhatte jagato hitāya tadyogayogyāni tathaiva dhatse pativratātvaṃ tvayi mātar evam
Just as Śaṃbhu of immeasurable māyā assumes forms for the world's welfare, so exactly do you assume (forms) suited to union with him — such is your wifely devotion, O Mother.
AI translation rendered from the Sanskrit, not a published edition
BrP 75.25
इत्य् एवं स्तुवतस् तस्य पुरस्ताद् वृषभध्वजः उमया सहितः श्रीमान् गणेशादिगणैर् वृतः ॥
ity evaṃ stuvatas tasya purastād vṛṣabhadhvajaḥ umayā sahitaḥ śrīmān gaṇeśādigaṇair vṛtaḥ //
As he was praising thus, before him (appeared) the glorious bull-bannered one, together with Umā, surrounded by his hosts headed by Gaṇeśa,
AI translation rendered from the Sanskrit, not a published edition
BrP 75.26
साक्षाद् आगत्य तं शंभुः प्रसन्नो वाक्यम् अब्रवीत् ॥
sākṣād āgatya taṃ śaṃbhuḥ prasanno vākyam abravīt //
— Śaṃbhu, having come in person, well pleased, spoke these words to him:
AI translation rendered from the Sanskrit, not a published edition
BrP 75.27
किं ते गौतम दास्यामि भक्तिस्तोत्रव्रतैः शुभैः परितुष्टो ऽस्मि याचस्व देवानाम् अपि दुष्करम् ॥
kiṃ te gautama dāsyāmi bhaktistotravrataiḥ śubhaiḥ parituṣṭo 'smi yācasva devānām api duṣkaram //
"What shall I give you, Gautama? By your devotion, hymns and auspicious observances I am fully pleased. Ask, even for what is hard for the gods (to obtain)."
AI translation rendered from the Sanskrit, not a published edition
BrP 75.28
इति श्रुत्वा जगन्मूर्तेर् वाक्यं वाक्यविशारदः हर्षबाष्पपरीताङ्गो गौतमः पर्यचिन्तयत् ॥
iti śrutvā jaganmūrter vākyaṃ vākyaviśāradaḥ harṣabāṣpaparītāṅgo gautamaḥ paryacintayat //
Having heard these words of the Form of the world, Gautama, skilled in speech, his limbs bathed in tears of joy, reflected:
AI translation rendered from the Sanskrit, not a published edition
BrP 75.29
अहो दैवम् अहो धर्मो ह्य् अहो वै विप्रपूजनम् अहो लोकगतिश् चित्रा अहो धातर् नमो ऽस्तु ते ॥
aho daivam aho dharmo hy aho vai viprapūjanam aho lokagatiś citrā aho dhātar namo 'stu te //
"Ah, destiny! Ah, dharma! And ah, the honouring of brahmins! Ah, the ways of the world are wondrous! Ah, Ordainer, homage be to you!
AI translation rendered from the Sanskrit, not a published edition
BrP 75.30
जटास्थितां शुभां गङ्गां देहि मे त्रिदशार्चित यदि तुष्टो ऽसि देवेश त्रयीधाम नमो ऽस्तु ते ॥
jaṭāsthitāṃ śubhāṃ gaṅgāṃ dehi me tridaśārcita yadi tuṣṭo 'si deveśa trayīdhāma namo 'stu te //
"Give me the auspicious Gaṅgā that rests in your matted hair, O you worshipped by the thirty (gods); if you are pleased, O Lord of gods, abode of the three Vedas, homage be to you."
AI translation rendered from the Sanskrit, not a published edition
BrP 75.31
त्रयाणाम् उपकारार्थं लोकानां याचितं त्वया आत्मनस् तूपकाराय तद् याचस्वाकुतोभयः ॥
trayāṇām upakārārthaṃ lokānāṃ yācitaṃ tvayā ātmanas tūpakārāya tad yācasvākutobhayaḥ //
"What you have asked is for the benefit of the three worlds; but ask, without any fear, for something for your own benefit as well."
AI translation rendered from the Sanskrit, not a published edition
BrP 75.32
स्तोत्रेणानेन ये भक्तास् त्वां च देवीं स्तुवन्ति वै सर्वकामसमृद्धाः स्युर् एतद् धि वरयाम्य् अहम् ॥
stotreṇānena ye bhaktās tvāṃ ca devīṃ stuvanti vai sarvakāmasamṛddhāḥ syur etad dhi varayāmy aham //
"May those devotees who praise you and the Goddess with this hymn be enriched with all their desires — this indeed is what I choose."
AI translation rendered from the Sanskrit, not a published edition
BrP 75.33
एवम् अस्त्व् इति देवेशः परितुष्टो ऽब्रवीद् वचः अन्यान् अपि वरान् मत्तो याचस्व विगतज्वरः ॥
evam astv iti deveśaḥ parituṣṭo 'bravīd vacaḥ anyān api varān matto yācasva vigatajvaraḥ //
"So be it," said the Lord of gods, well pleased, in these words: "Ask other boons of me too, free of anxiety."
AI translation rendered from the Sanskrit, not a published edition
BrP 75.34
एवम् उक्तस् तु हर्षेण गौतमः प्राह शंकरम् ॥
evam uktas tu harṣeṇa gautamaḥ prāha śaṃkaram //
Addressed thus, Gautama said to Śaṃkara with joy:
AI translation rendered from the Sanskrit, not a published edition
BrP 75.35
इमां देवीं जटासंस्थां पावनीं लोकपावनीम् तव प्रियां जगन्नाथ उत्सृज ब्रह्मणो गिरौ ॥
imāṃ devīṃ jaṭāsaṃsthāṃ pāvanīṃ lokapāvanīm tava priyāṃ jagannātha utsṛja brahmaṇo girau //
"This Goddess who abides in your matted hair, the purifier, purifier of the world, your beloved — release her, O Lord of the world, on Brahmā's mountain.
AI translation rendered from the Sanskrit, not a published edition
BrP 75.36
सर्वासां तीर्थभूता तु यावद् गच्छति सागरम् ब्रह्महत्यादिपापानि मनोवाक्कायिकानि च ॥
sarvāsāṃ tīrthabhūtā tu yāvad gacchati sāgaram brahmahatyādipāpāni manovākkāyikāni ca //
"And as she goes to the ocean, being the holy ford of all (waters), may sins such as brahmin-murder, and those of mind, speech and body,
AI translation rendered from the Sanskrit, not a published edition
BrP 75.37
स्नानमात्रेण सर्वाणि विलयं यान्तु शंकर चन्द्रसूर्योपरागे च अयने विषुवे तथा ॥
snānamātreṇa sarvāṇi vilayaṃ yāntu śaṃkara candrasūryoparāge ca ayane viṣuve tathā //
"may they all be dissolved by mere bathing (in her), O Śaṃkara. And at an eclipse of the moon or sun, at a solstice, and at an equinox,
AI translation rendered from the Sanskrit, not a published edition
BrP 75.38
संक्रान्तौ वैधृतौ पुण्यतीर्थेष्व् अन्येषु यत् फलम् अस्यास् तु स्मरणाद् एव तत् पुण्यं जायतां हर ॥
saṃkrāntau vaidhṛtau puṇyatīrtheṣv anyeṣu yat phalam asyās tu smaraṇād eva tat puṇyaṃ jāyatāṃ hara //
"at a saṃkrānti, at a vaidhṛti — whatever fruit there is at other holy fords, may that merit arise from the mere remembrance of her, O Hara.
AI translation rendered from the Sanskrit, not a published edition
BrP 75.39
श्लाघ्यं कृते तपः प्रोक्तं त्रेतायां यज्ञकर्म च द्वापरे यज्ञदाने च दानम् एव कलौ युगे ॥
ślāghyaṃ kṛte tapaḥ proktaṃ tretāyāṃ yajñakarma ca dvāpare yajñadāne ca dānam eva kalau yuge //
"In the Kṛta age austerity is declared praiseworthy, in the Tretā sacrificial rites, in the Dvāpara sacrifice and giving, and in the Kali age giving alone.
AI translation rendered from the Sanskrit, not a published edition
BrP 75.40
युगधर्माश् च ये सर्वे देशधर्मास् तथैव च देशकालादिसंयोगे यो धर्मो यत्र शस्यते ॥
yugadharmāś ca ye sarve deśadharmās tathaiva ca deśakālādisaṃyoge yo dharmo yatra śasyate //
And all those that are the duties of the (several) ages, and likewise the duties of (particular) regions — whatever duty, in the conjunction of place and time and the rest, is commended in whatever case (let all that merit arise from remembering her).
AI translation rendered from the Sanskrit, not a published edition — the model flagged this verse as uncertain
BrP 75.41
यद् अन्यत्र कृतं पुण्यं स्नानदानादिसंयमैः अस्यास् तु स्मरणाद् एव तत् पुण्यं जायतां हर ॥
yad anyatra kṛtaṃ puṇyaṃ snānadānādisaṃyamaiḥ asyās tu smaraṇād eva tat puṇyaṃ jāyatāṃ hara //
Whatever merit is gained elsewhere by bathing, giving and the like, and by acts of self-restraint — let that merit arise from the mere remembrance of this (river), O Hara.
AI translation rendered from the Sanskrit, not a published edition
BrP 75.42
यत्र यत्र त्व् इयं याति यावत् सागरगामिनी तत्र तत्र त्वया भाव्यम् एष चास्तु वरो वरः ॥
yatra yatra tv iyaṃ yāti yāvat sāgaragāminī tatra tatra tvayā bhāvyam eṣa cāstu varo varaḥ //
And wherever this (river) goes, as far as she runs to the ocean, there and there you must be present — let this be the choicest boon.
AI translation rendered from the Sanskrit, not a published edition
BrP 75.43
योजनानां तूपरि तु दश यावच् च संख्यया तदन्तरप्रविष्टानां महापातकिनाम् अपि ॥
yojanānāṃ tūpari tu daśa yāvac ca saṃkhyayā tadantarapraviṣṭānāṃ mahāpātakinām api //
But (for a distance) above (her banks) of ten yojanas in number, even of great sinners who have entered within that (space) —
AI translation rendered from the Sanskrit, not a published edition — the model flagged this verse as uncertain
BrP 75.44
तत् पितॄणां च तेषां च स्नानायागच्छतां शिव स्नाने चाप्य् अन्तरे मृत्योर् मुक्तिभाजो भवन्तु वै ॥
tat pitṝṇāṃ ca teṣāṃ ca snānāyāgacchatāṃ śiva snāne cāpy antare mṛtyor muktibhājo bhavantu vai //
— of them and of their forefathers who come to bathe, O Śiva, and also of those (overtaken) by death in the midst of bathing: let them indeed be partakers of liberation.
AI translation rendered from the Sanskrit, not a published edition — the model flagged this verse as uncertain
BrP 75.45
एकतः सर्वतीर्थानि स्वर्गमर्त्यरसातले एषा तेभ्यो विशिष्टा तु अलं शंभो नमो ऽस्तु ते ॥
ekataḥ sarvatīrthāni svargamartyarasātale eṣā tebhyo viśiṣṭā tu alaṃ śaṃbho namo 'stu te //
On the one side all the sacred fords in heaven, in the world of mortals and in the nether world; but this one is superior to them — enough, O Śambhu, homage be to you.
AI translation rendered from the Sanskrit, not a published edition
BrP 75.46
तद् गौतमवचः श्रुत्वा तथास्त्व् इत्य् अब्रवीच् छिवः अस्याः परतरं तीर्थं न भूतं न भविष्यति ॥
tad gautamavacaḥ śrutvā tathāstv ity abravīc chivaḥ asyāḥ parataraṃ tīrthaṃ na bhūtaṃ na bhaviṣyati //
Hearing that speech of Gautama, Śiva said, "So be it. There has not been, nor will there be, a sacred ford higher than this one.
AI translation rendered from the Sanskrit, not a published edition
BrP 75.47
सत्यं सत्यं पुनः सत्यं वेदे च परिनिष्ठितम् सर्वेषां गौतमी पुण्या इत्य् उक्त्वान्तरधीयत ॥
satyaṃ satyaṃ punaḥ satyaṃ vede ca pariniṣṭhitam sarveṣāṃ gautamī puṇyā ity uktvāntaradhīyata //
It is true, true, again true, and it is firmly established in the Veda: the Gautamī is the holiest of all" — having said this, he vanished.
AI translation rendered from the Sanskrit, not a published edition
BrP 75.48
ततो गते भगवति लोकपूजिते तदाज्ञया पूर्णबलः स गौतमः जटां समादाय सरिद्वरां तां सुरैर् वृतो ब्रह्मगिरिं विवेश
tato gate bhagavati lokapūjite tadājñayā pūrṇabalaḥ sa gautamaḥ jaṭāṃ samādāya saridvarāṃ tāṃ surair vṛto brahmagiriṃ viveśa
Then, when the Lord who is worshipped by the world had departed, that Gautama, full of strength by his command, taking up the matted lock (with) that best of rivers, surrounded by the gods, entered Brahmagiri.
AI translation rendered from the Sanskrit, not a published edition
BrP 75.49
ततस् तु गौतमे प्राप्ते जटाम् आदाय नारद पुष्पवृष्टिर् अभूत् तत्र समाजग्मुः सुरेश्वराः ॥
tatas tu gautame prāpte jaṭām ādāya nārada puṣpavṛṣṭir abhūt tatra samājagmuḥ sureśvarāḥ //
Then, when Gautama arrived there taking up the matted lock, O Nārada, there was a rain of flowers there, and the lords of the gods assembled.
AI translation rendered from the Sanskrit, not a published edition
BrP 75.50
ऋषयश् च महाभागा ब्राह्मणाः क्षत्रियास् तथा जयशब्देन तं विप्रं पूजयन्तो मुदान्विताः ॥
ṛṣayaś ca mahābhāgā brāhmaṇāḥ kṣatriyās tathā jayaśabdena taṃ vipraṃ pūjayanto mudānvitāḥ //
And the greatly blessed seers, and brahmins and kṣatriyas as well, filled with joy, honoured that brahmin with cries of "Victory!"
AI translation rendered from the Sanskrit, not a published edition