Brahma Purana — Chapter 73
BrP 73.1
कमण्डलुस्थिता देवी तव पुण्यविवर्धिनी यथा मर्त्यं गता नाथ तन् मे विस्तरतो वद ॥
kamaṇḍalusthitā devī tava puṇyavivardhinī yathā martyaṃ gatā nātha tan me vistarato vada //
O lord, tell me in detail how the goddess who dwells in your water-pot, the increaser of your merit, went to the mortal world.
AI translation rendered from the Sanskrit, not a published edition
BrP 73.2
बलिर् नाम महादैत्यो देवारिर् अपराजितः धर्मेण यशसा चैव प्रजासंरक्षणेन च ॥
balir nāma mahādaityo devārir aparājitaḥ dharmeṇa yaśasā caiva prajāsaṃrakṣaṇena ca //
There was a great demon named Bali, an enemy of the gods, unconquered, (endowed) with righteousness, with fame, and with the protection of his subjects.
AI translation rendered from the Sanskrit, not a published edition
BrP 73.3
गुरुभक्त्या च सत्येन वीर्येण च बलेन च त्यागेन क्षमया चैव त्रैलोक्ये नोपमीयते ॥
gurubhaktyā ca satyena vīryeṇa ca balena ca tyāgena kṣamayā caiva trailokye nopamīyate //
In devotion to his teacher, in truthfulness, in valour and in strength, in generosity and in patience, he had no equal in the three worlds.
AI translation rendered from the Sanskrit, not a published edition
BrP 73.4
तस्यर्द्धिम् उन्नतां दृष्ट्वा देवाश् चिन्तापरायणाः मिथः समूचुर् अमरा जेष्यामो वै कथं बलिम् ॥
tasyarddhim unnatāṃ dṛṣṭvā devāś cintāparāyaṇāḥ mithaḥ samūcur amarā jeṣyāmo vai kathaṃ balim //
Seeing his lofty prosperity, the gods became absorbed in worry, and the immortals said to one another, "How indeed shall we conquer Bali?"
AI translation rendered from the Sanskrit, not a published edition
BrP 73.5
तस्मिञ् शासति राज्यं तु त्रैलोक्यं हतकण्टकम् नारयो व्याधयो वापि नाधयो वा कथंचन ॥
tasmiñ śāsati rājyaṃ tu trailokyaṃ hatakaṇṭakam nārayo vyādhayo vāpi nādhayo vā kathaṃcana //
While he ruled the kingdom, the three worlds had their thorns destroyed: there were no enemies, nor diseases, nor mental afflictions in any way.
AI translation rendered from the Sanskrit, not a published edition
BrP 73.6
अनावृष्टिर् अधर्मो वा नास्तिशब्दो न दुर्जनः स्वप्ने ऽपि नैव दृश्येत बलौ राज्यं प्रशासति ॥
anāvṛṣṭir adharmo vā nāstiśabdo na durjanaḥ svapne 'pi naiva dṛśyeta balau rājyaṃ praśāsati //
While Bali governed the kingdom, no drought, no unrighteousness, no word "there is not," no wicked man was seen even in a dream.
AI translation rendered from the Sanskrit, not a published edition
BrP 73.7
तस्योन्नतिशरैर् भग्नाः कीर्तिखड्गद्विधाकृताः तस्याज्ञाशक्तिभिन्नाङ्गा देवाः शर्म न लेभिरे ॥
tasyonnatiśarair bhagnāḥ kīrtikhaḍgadvidhākṛtāḥ tasyājñāśaktibhinnāṅgā devāḥ śarma na lebhire //
Broken by the arrows of his eminence, cut in two by the sword of his fame, their limbs pierced by the power of his command, the gods found no refuge.
AI translation rendered from the Sanskrit, not a published edition
BrP 73.8
ततः संमन्त्रयाम् आसुः कृत्वा मात्सर्यम् अग्रतः तद्यशोग्निप्रदीप्ताङ्गा विष्णुं जग्मुः सुविह्वलाः ॥
tataḥ saṃmantrayām āsuḥ kṛtvā mātsaryam agrataḥ tadyaśognipradīptāṅgā viṣṇuṃ jagmuḥ suvihvalāḥ //
Then, putting envy foremost, they took counsel; their bodies aflame with the fire of his glory, deeply distressed, they went to Viṣṇu.
AI translation rendered from the Sanskrit, not a published edition
BrP 73.9
आर्ताः स्म गतसत्त्वाः स्म शङ्खचक्रगदाधर अस्मदर्थे भवान् नित्यम् आयुधानि बिभर्ति च ॥
ārtāḥ sma gatasattvāḥ sma śaṅkhacakragadādhara asmadarthe bhavān nityam āyudhāni bibharti ca //
"We are afflicted, we are drained of strength, O bearer of conch, discus and mace; and it is for our sake that you always carry your weapons."
AI translation rendered from the Sanskrit, not a published edition
BrP 73.10
त्वयि नाथे जगन्नाथ अस्माकं दुःखम् ईदृशम् त्वां तु प्रणमती वाणी कथं दैत्यं नमस्यति ॥
tvayi nāthe jagannātha asmākaṃ duḥkham īdṛśam tvāṃ tu praṇamatī vāṇī kathaṃ daityaṃ namasyati //
"While you are our lord, O Lord of the world, such is our misery! But how shall the speech that bows to you bow to a demon?"
AI translation rendered from the Sanskrit, not a published edition
BrP 73.11
मनसा कर्मणा वाचा त्वाम् एव शरणं गताः त्वदङ्घ्रिशरणाः सन्तः कथं दैत्यं नमेमहि ॥
manasā karmaṇā vācā tvām eva śaraṇaṃ gatāḥ tvadaṅghriśaraṇāḥ santaḥ kathaṃ daityaṃ namemahi //
"In thought, in deed, in word we have gone to you alone for refuge; having your feet as our refuge, how should we bow to a demon?"
AI translation rendered from the Sanskrit, not a published edition
BrP 73.12
यजामस् त्वां महायज्ञैर् वदामो वाग्भिर् अच्युत त्वदेकशरणाः सन्तः कथं दैत्यं नमेमहि ॥
yajāmas tvāṃ mahāyajñair vadāmo vāgbhir acyuta tvadekaśaraṇāḥ santaḥ kathaṃ daityaṃ namemahi //
"We worship you with great sacrifices, we speak of you with our words, O Acyuta; having you alone as refuge, how should we bow to a demon?"
AI translation rendered from the Sanskrit, not a published edition
BrP 73.13
त्वद्वीर्यम् आश्रिता नित्यं देवाः सेन्द्रपुरोगमाः त्वया दत्तं पदं प्राप्य कथं दैत्यं नमेमहि ॥
tvadvīryam āśritā nityaṃ devāḥ sendrapurogamāḥ tvayā dattaṃ padaṃ prāpya kathaṃ daityaṃ namemahi //
"The gods, led by Indra, always rely on your might; having obtained the station given by you, how should we bow to a demon?"
AI translation rendered from the Sanskrit, not a published edition
BrP 73.14
स्रष्टा त्वं ब्रह्ममूर्त्या तु विष्णुर् भूत्वा तु रक्षसि संहर्ता रुद्रशक्त्या त्वं कथं दैत्यं नमेमहि ॥
sraṣṭā tvaṃ brahmamūrtyā tu viṣṇur bhūtvā tu rakṣasi saṃhartā rudraśaktyā tvaṃ kathaṃ daityaṃ namemahi //
"You are the creator in the form of Brahmā, and becoming Viṣṇu you protect, and you are the destroyer through the power of Rudra; how should we bow to a demon?"
AI translation rendered from the Sanskrit, not a published edition
BrP 73.15
ऐश्वर्यं कारणं लोके विनैश्वर्यं तु किं फलम् हतैश्वर्याः सुरेशान कथं दैत्यं नमेमहि ॥
aiśvaryaṃ kāraṇaṃ loke vinaiśvaryaṃ tu kiṃ phalam hataiśvaryāḥ sureśāna kathaṃ daityaṃ namemahi //
"Sovereignty is the ground (of all) in the world; without sovereignty what is the fruit? Our sovereignty destroyed, O Lord of the gods, how should we bow to a demon?"
AI translation rendered from the Sanskrit, not a published edition
BrP 73.16
अनादिस् त्वं जगद्धातर् अनन्तस् त्वं जगद्गुरुः अन्तवन्तम् अमुं शत्रुं कथं दैत्यं नमेमहि ॥
anādis tvaṃ jagaddhātar anantas tvaṃ jagadguruḥ antavantam amuṃ śatruṃ kathaṃ daityaṃ namemahi //
You are without beginning, O upholder of the world; you are without end, O teacher of the world. How, then, shall we bow to this enemy, the daitya, who has an end?
AI translation rendered from the Sanskrit, not a published edition
BrP 73.17
तवैश्वर्येण पुष्टाङ्गा जित्वा त्रैलोक्यम् ओजसा स्थिराः स्यामः सुरेशान कथं दैत्यं नमेमहि ॥
tavaiśvaryeṇa puṣṭāṅgā jitvā trailokyam ojasā sthirāḥ syāmaḥ sureśāna kathaṃ daityaṃ namemahi //
With our limbs made strong by your lordly power, having conquered the three worlds by (our) might, we would stand firm, O lord of the gods. How shall we bow to the daitya?
AI translation rendered from the Sanskrit, not a published edition
BrP 73.18
इत्य् एतद् एव वचनं श्रुत्वा दैतेयसूदनः उवाच सर्वान् अमरान् देवानां कार्यसिद्धये ॥
ity etad eva vacanaṃ śrutvā daiteyasūdanaḥ uvāca sarvān amarān devānāṃ kāryasiddhaye //
Having heard just this speech, the slayer of the sons of Diti spoke to all the immortals, for the accomplishment of the gods' purpose:
AI translation rendered from the Sanskrit, not a published edition
BrP 73.19
मद्भक्तो ऽसौ बलिर् दैत्यो ह्य् अवध्यो ऽसौ सुरासुरैः यथा भवन्तो मत्पोष्यास् तथा पोष्यो बलिर् मम ॥
madbhakto 'sau balir daityo hy avadhyo 'sau surāsuraiḥ yathā bhavanto matpoṣyās tathā poṣyo balir mama //
"That daitya Bali is my devotee, and he cannot be slain by gods or asuras. Just as you are to be sustained by me, so too Bali is to be sustained by me.
AI translation rendered from the Sanskrit, not a published edition
BrP 73.20
विना तु संगरं देवा हत्वा राज्यं त्रिविष्टपे बलिं निबध्य मन्त्रोक्त्या राज्यं वः प्रददाम्य् अहम् ॥
vinā tu saṃgaraṃ devā hatvā rājyaṃ triviṣṭape baliṃ nibadhya mantroktyā rājyaṃ vaḥ pradadāmy aham //
But without battle, O gods, having struck down his kingship in heaven, having bound Bali by the utterance of a formula, I shall give the kingdom to you."
AI translation rendered from the Sanskrit, not a published edition
BrP 73.21
तथेत्य् उक्त्वा सुरगणाः संजग्मुर् दिवम् एव हि भगवान् अपि देवेशो ह्य् अदित्या गर्भम् आविशत् ॥
tathety uktvā suragaṇāḥ saṃjagmur divam eva hi bhagavān api deveśo hy adityā garbham āviśat //
Saying "So be it," the hosts of gods went off to heaven; and the Blessed One too, the lord of the gods, entered the womb of Aditi.
AI translation rendered from the Sanskrit, not a published edition
BrP 73.22
तस्मिन्न् उत्पद्यमाने तु उत्सवाश् च बभूविरे जातो ऽसौ वामनो ब्रह्मन् यज्ञेशो यज्ञपूरुषः ॥
tasminn utpadyamāne tu utsavāś ca babhūvire jāto 'sau vāmano brahman yajñeśo yajñapūruṣaḥ //
And as he was being born there were festivities; that Dwarf was born, O brahmin — the lord of sacrifice, the Person of sacrifice.
AI translation rendered from the Sanskrit, not a published edition
BrP 73.23
एतस्मिन्न् अन्तरे ब्रह्मन् हयमेधाय दीक्षितः बलिर् बलवतां श्रेष्ठ ऋषिमुख्यैः समाहितः ॥
etasminn antare brahman hayamedhāya dīkṣitaḥ balir balavatāṃ śreṣṭha ṛṣimukhyaiḥ samāhitaḥ //
In this interval, O brahmin, Bali, best of the strong, was consecrated for a horse-sacrifice, attended upon by the foremost of sages,
AI translation rendered from the Sanskrit, not a published edition
BrP 73.24
पुरोधसा च शुक्रेण वेदवेदाङ्गवेदिना मखे तस्मिन् वर्तमाने यजमाने बलौ तथा ॥
purodhasā ca śukreṇa vedavedāṅgavedinā makhe tasmin vartamāne yajamāne balau tathā //
and by Śukra as his chaplain, knower of the Veda and the ancillary Vedic sciences. While that sacrifice was in progress, with Bali as the sacrificer,
AI translation rendered from the Sanskrit, not a published edition
BrP 73.25
आर्त्विज्य ऋषिमुख्ये तु शुक्रे तत्र पुरोधसि हविर्भागार्थम् आसन्नदेवगन्धर्वपन्नगे ॥
ārtvijya ṛṣimukhye tu śukre tatra purodhasi havirbhāgārtham āsannadevagandharvapannage //
with the foremost of sages performing the priestly office and Śukra there as chaplain, when the gods, gandharvas and serpents had drawn near for the sake of their share of the oblation —
AI translation rendered from the Sanskrit, not a published edition
BrP 73.26
दीयतां भुज्यतां पूजा क्रियतां च पृथक् पृथक् परिपूर्णं पुनः पूर्णम् एवं वाक्ये प्रवर्तति ॥
dīyatāṃ bhujyatāṃ pūjā kriyatāṃ ca pṛthak pṛthak paripūrṇaṃ punaḥ pūrṇam evaṃ vākye pravartati //
"Let it be given!" "Let it be eaten!" "Let honour be done to each one separately!" "It is quite full!" "Full once again!" — while such talk was going on,
AI translation rendered from the Sanskrit, not a published edition
BrP 73.27
शनैस् तद्देशम् अभ्यागाद् वामनः सामगायनः यज्ञवाटम् अनुप्राप्तो वामनश् चित्रकुण्डलः ॥
śanais taddeśam abhyāgād vāmanaḥ sāmagāyanaḥ yajñavāṭam anuprāpto vāmanaś citrakuṇḍalaḥ //
the Dwarf, singing Sāman chants, slowly approached that place; the Dwarf with brightly variegated earrings reached the sacrificial enclosure.
AI translation rendered from the Sanskrit, not a published edition
BrP 73.28
प्रशंसमानस् तं यज्ञं वामनं प्रेक्ष्य भार्गवः ब्रह्मरूपधरं देवं वामनं दैत्यसूदनम् ॥
praśaṃsamānas taṃ yajñaṃ vāmanaṃ prekṣya bhārgavaḥ brahmarūpadharaṃ devaṃ vāmanaṃ daityasūdanam //
Seeing the Dwarf, who was praising that sacrifice, the descendant of Bhṛgu (recognised) the god in the form of a brahmin, the Dwarf, the slayer of daityas,
AI translation rendered from the Sanskrit, not a published edition
BrP 73.29
दातारं यज्ञतपसां फलं हन्तारं रक्षसाम् ज्ञात्वा त्वरन्न् अथोवाच राजानं भूरितेजसम् ॥
dātāraṃ yajñatapasāṃ phalaṃ hantāraṃ rakṣasām jñātvā tvarann athovāca rājānaṃ bhūritejasam //
the giver of the fruit of sacrifices and austerities, the destroyer of rākṣasas; and having recognised (him), he hurriedly spoke to the king of abundant splendour —
AI translation rendered from the Sanskrit, not a published edition
BrP 73.30
जेतारं क्षत्रधर्मेण दातारं भक्तितो धनम् बलिं बलवतां श्रेष्ठं सभार्यं दीक्षितं मखे ॥
jetāraṃ kṣatradharmeṇa dātāraṃ bhaktito dhanam baliṃ balavatāṃ śreṣṭhaṃ sabhāryaṃ dīkṣitaṃ makhe //
to Bali, the conqueror by the law of the kṣatriyas, the giver of wealth out of devotion, the best of the strong, consecrated in the sacrifice together with his wife,
AI translation rendered from the Sanskrit, not a published edition
BrP 73.31
ध्यायन्तं यज्ञपुरुषम् उत्सृजन्तं हविः पृथक् तम् आह भृगुशार्दूलः शुक्रः परमबुद्धिमान् ॥
dhyāyantaṃ yajñapuruṣam utsṛjantaṃ haviḥ pṛthak tam āha bhṛguśārdūlaḥ śukraḥ paramabuddhimān //
meditating on the Person of sacrifice, offering up the oblation portion by portion — to him spoke Śukra, the tiger among the Bhṛgus, of supreme intelligence:
AI translation rendered from the Sanskrit, not a published edition
BrP 73.32
यो ऽसौ तव मखं प्राप्तो ब्राह्मणो वामनाकृतिः नासौ विप्रो बले सत्यं यज्ञेशो यज्ञवाहनः ॥
yo 'sau tava makhaṃ prāpto brāhmaṇo vāmanākṛtiḥ nāsau vipro bale satyaṃ yajñeśo yajñavāhanaḥ //
"That brahmin of dwarfish form who has come to your sacrifice — he is no brahmin, Bali; truly he is the lord of sacrifice, the bearer of sacrifice.
AI translation rendered from the Sanskrit, not a published edition
BrP 73.33
शिशुस् त्वां याचितुं प्राप्तो नूनं देवहिताय हि मया च सह संमन्त्र्य पश्चाद् देयं त्वया प्रभो ॥
śiśus tvāṃ yācituṃ prāpto nūnaṃ devahitāya hi mayā ca saha saṃmantrya paścād deyaṃ tvayā prabho //
The child has come to beg of you, surely for the benefit of the gods. After taking counsel with me, only then should you give, O lord."
AI translation rendered from the Sanskrit, not a published edition
BrP 73.34
बलिस् तु भार्गवं प्राह पुरोधसम् अरिंदमः ॥
balis tu bhārgavaṃ prāha purodhasam ariṃdamaḥ //
But Bali, the subduer of foes, said to the descendant of Bhṛgu, his chaplain:
AI translation rendered from the Sanskrit, not a published edition
BrP 73.35
धन्यो ऽहं मम यज्ञेशो गृहम् आयाति मूर्तिमान् आगत्य याचते किंचित् किं मन्त्र्यम् अवशिष्यते ॥
dhanyo 'haṃ mama yajñeśo gṛham āyāti mūrtimān āgatya yācate kiṃcit kiṃ mantryam avaśiṣyate //
"Fortunate am I: the lord of sacrifice comes embodied to my house; having come, he asks for something. What is left to deliberate about?"
AI translation rendered from the Sanskrit, not a published edition
BrP 73.36
एवम् उक्त्वा सभार्यो ऽसौ शुक्रेण च पुरोधसा जगाम यत्र विप्रेन्द्रो वामनो ऽदितिनन्दनः ॥
evam uktvā sabhāryo 'sau śukreṇa ca purodhasā jagāma yatra viprendro vāmano 'ditinandanaḥ //
Having spoken thus, he, together with his wife and with Śukra his household priest, went to where the foremost of brahmins, the Dwarf, the son of Aditi, was.
AI translation rendered from the Sanskrit, not a published edition
BrP 73.37
कृताञ्जलिपुटो भूत्वा केनार्थित्वं तद् उच्यताम् वामनो ऽपि तदा प्राह पदत्रयमितां भुवम् ॥
kṛtāñjalipuṭo bhūtvā kenārthitvaṃ tad ucyatām vāmano 'pi tadā prāha padatrayamitāṃ bhuvam //
Making his palms folded (in salutation, he said): "Let it be told—what is (your) request?" And the Dwarf then said: "Land measured by three paces—
AI translation rendered from the Sanskrit, not a published edition
BrP 73.38
देहि राजेन्द्र नान्येन कार्यम् अस्ति धनेन किम् तथेत्य् उक्त्वा तु कलशान् नानारत्नविभूषितात् ॥
dehi rājendra nānyena kāryam asti dhanena kim tathety uktvā tu kalaśān nānāratnavibhūṣitāt //
give (that), best of kings; there is no need of anything else—what (use) is wealth?" And saying "So be it," from a pitcher adorned with various jewels—
AI translation rendered from the Sanskrit, not a published edition
BrP 73.39
वारिधारां पुरस्कृत्य वामनाय भुवं ददौ पश्यत्सु ऋषिमुख्येषु शुक्रे चैव पुरोधसि ॥
vāridhārāṃ puraskṛtya vāmanāya bhuvaṃ dadau paśyatsu ṛṣimukhyeṣu śukre caiva purodhasi //
putting forward a stream of water, he gave the land to the Dwarf, while the chief sages and Śukra the household priest looked on;
AI translation rendered from the Sanskrit, not a published edition
BrP 73.40
पश्यत्सु लोकनाथेषु वामनाय भुवं ददौ पश्यत्सु दैत्यसंघेषु जयशब्दे प्रवर्तति ॥
paśyatsu lokanātheṣu vāmanāya bhuvaṃ dadau paśyatsu daityasaṃgheṣu jayaśabde pravartati //
while the lords of the worlds looked on, he gave the land to the Dwarf; while the hosts of Daityas looked on, as a cry of "Victory!" went up.
AI translation rendered from the Sanskrit, not a published edition
BrP 73.41
शनैस् तु वामनः प्राह स्वस्ति राजन् सुखी भव देहि मे संमितां भूमिं त्रिपदाम् आशु गम्यते ॥
śanais tu vāmanaḥ prāha svasti rājan sukhī bhava dehi me saṃmitāṃ bhūmiṃ tripadām āśu gamyate //
But the Dwarf said softly: "Blessing on you, O king, be happy; give me the measured land of three paces—it is quickly traversed."
AI translation rendered from the Sanskrit, not a published edition
BrP 73.42
तथेत्य् उवाच दैत्येशो यावत् पश्यति वामनम् यज्ञेशो यज्ञपुरुषश् चन्द्रादित्यौ स्तनान्तरे ॥
tathety uvāca daityeśo yāvat paśyati vāmanam yajñeśo yajñapuruṣaś candrādityau stanāntare //
The lord of the Daityas said "So be it," and even as he looked at the Dwarf, (he became) the lord of the sacrifice, the sacrificial Person, with the moon and the sun on his breast,
AI translation rendered from the Sanskrit, not a published edition
BrP 73.43
यथा स्यातां सुरा मूर्ध्नि ववृधे विक्रमाकृतिः अनन्तश् चाच्युतो देवो विक्रान्तो विक्रमाकृतिः तं दृष्ट्वा दैत्यराट् प्राह सभार्यो विनयान्वितः ॥
yathā syātāṃ surā mūrdhni vavṛdhe vikramākṛtiḥ anantaś cācyuto devo vikrānto vikramākṛtiḥ taṃ dṛṣṭvā daityarāṭ prāha sabhāryo vinayānvitaḥ //
so that the gods were at his head; the form of the Strider grew—the endless, the unfallen god, wide-striding, of the shape of the Stride. Seeing him, the Daitya king, with his wife, filled with modesty, said:
AI translation rendered from the Sanskrit, not a published edition
BrP 73.44
क्रमस्व विष्णो लोकेश यावच्छक्त्या जगन्मय जितं मया सुरेशान सर्वभावेन विश्वकृत् ॥
kramasva viṣṇo lokeśa yāvacchaktyā jaganmaya jitaṃ mayā sureśāna sarvabhāvena viśvakṛt //
"Stride forth, Viṣṇu, lord of the worlds, as far as you have power, O you who are the universe; it is won by me, O lord of gods, with my whole being, O maker of the world."
AI translation rendered from the Sanskrit, not a published edition
BrP 73.45
तद्वाक्यसमकालं तु विष्णुः प्राह महाक्रतुः ॥
tadvākyasamakālaṃ tu viṣṇuḥ prāha mahākratuḥ //
At the very moment of that speech, Viṣṇu, the great sacrifice, said:
AI translation rendered from the Sanskrit, not a published edition
BrP 73.46
दैत्येश्वर महाबाहो क्रमिष्ये पश्य दैत्यराट् ॥
daityeśvara mahābāho kramiṣye paśya daityarāṭ //
"O lord of the Daityas, mighty-armed one, I shall stride; look, king of the Daityas!"
AI translation rendered from the Sanskrit, not a published edition
BrP 73.47
एवं वदन्तं स प्राह क्रम विष्णो पुनः पुनः ॥
evaṃ vadantaṃ sa prāha krama viṣṇo punaḥ punaḥ //
To him speaking thus he said: "Stride, Viṣṇu!" again and again.
AI translation rendered from the Sanskrit, not a published edition
BrP 73.48
कूर्मपृष्ठे पदं न्यस्य बलियज्ञे पदं न्यसत् द्वितीयं तु पदं प्राप ब्रह्मलोकं सनातनम् ॥
kūrmapṛṣṭhe padaṃ nyasya baliyajñe padaṃ nyasat dvitīyaṃ tu padaṃ prāpa brahmalokaṃ sanātanam //
Setting a foot on the tortoise's back, he set a foot in Bali's sacrifice; and with the second step he reached the eternal world of Brahmā.
AI translation rendered from the Sanskrit, not a published edition
BrP 73.49
तृतीयस्य पदस्यात्र स्थानं नास्त्य् असुरेश्वर क्व क्रमिष्ये भुवं देहि बलिं तं हरिर् अब्रवीत् विहस्य बलिर् अप्य् आह सभार्यः स कृताञ्जलिः ॥
tṛtīyasya padasyātra sthānaṃ nāsty asureśvara kva kramiṣye bhuvaṃ dehi baliṃ taṃ harir abravīt vihasya balir apy āha sabhāryaḥ sa kṛtāñjaliḥ //
"For the third step there is no place here, lord of the Asuras; where shall I stride? Give land"—so Hari said to Bali. And Bali too, laughing, with his wife, with folded palms, said:
AI translation rendered from the Sanskrit, not a published edition
BrP 73.50
त्वया सृष्टं जगत् सर्वं न स्रष्टाहं सुरेश्वर त्वद्दोषाद् अल्पम् अभवत् किं करोमि जगन्मय ॥
tvayā sṛṣṭaṃ jagat sarvaṃ na sraṣṭāhaṃ sureśvara tvaddoṣād alpam abhavat kiṃ karomi jaganmaya //
"The whole world was created by you; I am not its creator, lord of gods. By your own fault it turned out small—what am I to do, O you who are the universe?
AI translation rendered from the Sanskrit, not a published edition
BrP 73.51
तथापि नानृतपूर्वं कदाचिद् वच्मि केशव सत्यवाक्यं च मां कुर्वन् मत्पृष्ठे हि पदं न्यस ॥
tathāpi nānṛtapūrvaṃ kadācid vacmi keśava satyavākyaṃ ca māṃ kurvan matpṛṣṭhe hi padaṃ nyasa //
Even so, I never speak with falsehood before (me), Keśava; and making me one whose word is true, set your foot upon my back."
AI translation rendered from the Sanskrit, not a published edition
BrP 73.52
ततः प्रसन्नो भगवांस् त्रयीमूर्तिः सुरार्चितः ॥
tataḥ prasanno bhagavāṃs trayīmūrtiḥ surārcitaḥ //
Then the Lord, whose form is the threefold Veda, honoured by the gods, was pleased:
AI translation rendered from the Sanskrit, not a published edition
BrP 73.53
वरं वृणीष्व भद्रं ते भक्त्या प्रीतो ऽस्मि दैत्यराट् ॥
varaṃ vṛṇīṣva bhadraṃ te bhaktyā prīto 'smi daityarāṭ //
"Choose a boon, blessings on you; I am pleased by your devotion, king of the Daityas."
AI translation rendered from the Sanskrit, not a published edition
BrP 73.54
स तु प्राह जगन्नाथं न याचे त्वां त्रिविक्रमम् स तु प्रादात् स्वयं विष्णुः प्रीतः सन् मनसेप्सितम् ॥
sa tu prāha jagannāthaṃ na yāce tvāṃ trivikramam sa tu prādāt svayaṃ viṣṇuḥ prītaḥ san manasepsitam //
But he said to the Lord of the world: "I ask nothing of you, Trivikrama." Yet Viṣṇu himself, being pleased, granted what was desired in his mind:
AI translation rendered from the Sanskrit, not a published edition
BrP 73.55
रसातलपतित्वं च भावि चेन्द्रपदं पुनः आत्माधिपत्यं च हरिर् अविनाशि यशो विभुः ॥
rasātalapatitvaṃ ca bhāvi cendrapadaṃ punaḥ ātmādhipatyaṃ ca harir avināśi yaśo vibhuḥ //
lordship over Rasātala, and the future station of Indra again, and sovereignty over himself—Hari, the mighty, (gave him) imperishable fame.
AI translation rendered from the Sanskrit, not a published edition
BrP 73.56
एवं दत्त्वा बलेः सर्वं ससुतं भार्ययान्वितम् रसातले हरिः स्थाप्य बलिं त्व् अमरवैरिणम् ॥
evaṃ dattvā baleḥ sarvaṃ sasutaṃ bhāryayānvitam rasātale hariḥ sthāpya baliṃ tv amaravairiṇam //
Thus, having given away all that was Bali's, Hari settled Bali, the foe of the immortals, together with his son and accompanied by his wife, in Rasātala.
AI translation rendered from the Sanskrit, not a published edition
BrP 73.57
शतक्रतोस् तथा प्रादात् सुरराज्यं यथाभवम् एतस्मिन्न् अन्तरे तत्र पदं प्रागात् सुरार्चितम् ॥
śatakratos tathā prādāt surarājyaṃ yathābhavam etasminn antare tatra padaṃ prāgāt surārcitam //
And so he gave the kingdom of the gods to Śatakratu (Indra), as it had been. In this interval, there, the foot went forth, worshipped by the gods.
AI translation rendered from the Sanskrit, not a published edition — the model flagged this verse as uncertain
BrP 73.58
द्वितीयं तत् पदं विष्णोः पितुर् मम महामते यत् पदं समनुप्राप्तं गृहं दृष्ट्वाप्य् अचिन्तयम् ॥
dvitīyaṃ tat padaṃ viṣṇoḥ pitur mama mahāmate yat padaṃ samanuprāptaṃ gṛhaṃ dṛṣṭvāpy acintayam //
That was the second step of Viṣṇu, of my father, O great-minded one; when that foot reached (my) house, even on seeing it I reflected:
AI translation rendered from the Sanskrit, not a published edition — the model flagged this verse as uncertain
BrP 73.59
किं कृत्यं यच् छुभं मे स्यात् पदे विष्णोः समागते सर्वस्वं च समालोक्य श्रेष्ठो मे स्यात् कमण्डलुः ॥
kiṃ kṛtyaṃ yac chubhaṃ me syāt pade viṣṇoḥ samāgate sarvasvaṃ ca samālokya śreṣṭho me syāt kamaṇḍaluḥ //
"What is to be done that would be auspicious for me, now that Viṣṇu's foot has come? " And surveying all my possessions, (I thought) my water-pot would be the best of mine.
AI translation rendered from the Sanskrit, not a published edition
BrP 73.60
तद् वारि यत् पुण्यतमं दत्तं च त्रिपुरारिणा वरं वरेण्यं वरदं वरं शान्तिकरं परम् ॥
tad vāri yat puṇyatamaṃ dattaṃ ca tripurāriṇā varaṃ vareṇyaṃ varadaṃ varaṃ śāntikaraṃ param //
That water which is most holy, and given by the foe of Tripura (Śiva) — choice, to be chosen, granting boons, excellent, supremely peace-making,
AI translation rendered from the Sanskrit, not a published edition
BrP 73.61
शुभं च शुभदं नित्यं भुक्तिमुक्तिप्रदायकम् मातृस्वरूपं लोकानाम् अमृतं भेषजं शुचि ॥
śubhaṃ ca śubhadaṃ nityaṃ bhuktimuktipradāyakam mātṛsvarūpaṃ lokānām amṛtaṃ bheṣajaṃ śuci //
auspicious and ever bestowing what is auspicious, granting both enjoyment and liberation, having the nature of a mother to the worlds, nectar, medicine, pure,
AI translation rendered from the Sanskrit, not a published edition
BrP 73.62
पवित्रं पावनं पूज्यं ज्येष्ठं श्रेष्ठं गुणान्वितम् स्मरणाद् एव लोकानां पावनं किं नु दर्शनात् ॥
pavitraṃ pāvanaṃ pūjyaṃ jyeṣṭhaṃ śreṣṭhaṃ guṇānvitam smaraṇād eva lokānāṃ pāvanaṃ kiṃ nu darśanāt //
holy, purifying, worthy of worship, eldest, best, endowed with (all) virtues, purifying men by the mere remembrance of it — how much more by the sight of it!
AI translation rendered from the Sanskrit, not a published edition
BrP 73.63
तादृग् वारि शुचिर् भूत्वा कल्पये ऽर्घाय मे पितुः इति संचिन्त्य तद् वारि गृहीत्वार्घाय कल्पितम् ॥
tādṛg vāri śucir bhūtvā kalpaye 'rghāya me pituḥ iti saṃcintya tad vāri gṛhītvārghāya kalpitam //
"Having become pure, I shall prepare such water as an argha-offering for my father." So thinking, I took that water and prepared it as the argha.
AI translation rendered from the Sanskrit, not a published edition
BrP 73.64
विष्णोः पादे तु पतितम् अर्घवारि सुमन्त्रितम् तद् वारि पतितं मेरौ चतुर्धा व्यगमद् भुवम् ॥
viṣṇoḥ pāde tu patitam arghavāri sumantritam tad vāri patitaṃ merau caturdhā vyagamad bhuvam //
And the argha-water, well consecrated with mantras, fell upon Viṣṇu's foot; that water, having fallen upon Meru, went to earth in four (streams).
AI translation rendered from the Sanskrit, not a published edition
BrP 73.65
पूर्वे तु दक्षिणे चैव पश्चिमे चोत्तरे तथा दक्षिणे यत् तु पतितं जटाभिः शंकरो मुने ॥
pūrve tu dakṣiṇe caiva paścime cottare tathā dakṣiṇe yat tu patitaṃ jaṭābhiḥ śaṃkaro mune //
In the east, and in the south, in the west and likewise in the north; and that which fell in the south, Śaṃkara, O sage, with his matted locks
AI translation rendered from the Sanskrit, not a published edition
BrP 73.66
जग्राह पश्चिमे यत् तु पुनः प्रायात् कमण्डलुम् उत्तरे पतितं यत् तु विष्णुर् जग्राह तज् जलम् ॥
jagrāha paścime yat tu punaḥ prāyāt kamaṇḍalum uttare patitaṃ yat tu viṣṇur jagrāha taj jalam //
seized; and that which (fell) in the west went back again into the water-pot; and that water which fell in the north, Viṣṇu seized.
AI translation rendered from the Sanskrit, not a published edition
BrP 73.67
पूर्वस्मिन्न् ऋषयो देवा पितरो लोकपालकाः जगृहुः शुभदं वारि तस्माच् छ्रेष्ठं तद् उच्यते ॥
pūrvasminn ṛṣayo devā pitaro lokapālakāḥ jagṛhuḥ śubhadaṃ vāri tasmāc chreṣṭhaṃ tad ucyate //
In the eastern (quarter) the seers, gods, the fathers, and the guardians of the worlds took the auspicious-giving water; therefore it is called the best.
AI translation rendered from the Sanskrit, not a published edition
BrP 73.68
या दक्षिणां दिशं प्राप्ता आपो वै लोकमातरः विष्णुपादप्रसूतास् ता ब्रह्मण्या लोकमातरः ॥
yā dakṣiṇāṃ diśaṃ prāptā āpo vai lokamātaraḥ viṣṇupādaprasūtās tā brahmaṇyā lokamātaraḥ //
Those waters that reached the southern quarter are indeed the mothers of the world; sprung from Viṣṇu's foot, they are devoted to brahman, mothers of the world.
AI translation rendered from the Sanskrit, not a published edition
BrP 73.69
महेश्वरजटासंस्थाः पर्वजातशुभोदयाः तासां प्रभावस्मरणात् सर्वकामान् अवाप्नुयात् ॥
maheśvarajaṭāsaṃsthāḥ parvajātaśubhodayāḥ tāsāṃ prabhāvasmaraṇāt sarvakāmān avāpnuyāt //
Abiding in Maheśvara's matted locks, their auspicious appearance arising at the joints of time (parvans) — by remembering their power one would obtain all desires.
AI translation rendered from the Sanskrit, not a published edition — the model flagged this verse as uncertain