Brahma Purana — Chapter 7
BrP 7.1
मनोर् वैवस्वतस्यासन् पुत्रा वै नव तत्समाः इक्ष्वाकुश् चैव नाभागो धृष्टः शर्यातिर् एव च ॥
manor vaivasvatasyāsan putrā vai nava tatsamāḥ ikṣvākuś caiva nābhāgo dhṛṣṭaḥ śaryātir eva ca //
Manu Vaivasvata had nine sons equal to himself: Ikṣvāku, Nābhāga, Dhṛṣṭa, and Śaryāti,
AI translation rendered from the Sanskrit, not a published edition
BrP 7.2
नरिष्यन्तश् च षष्ठो वै प्रांशू रिष्टश् च सप्तमः करूषश् च पृषध्रश् च नवैते मुनिसत्तमाः ॥
nariṣyantaś ca ṣaṣṭho vai prāṃśū riṣṭaś ca saptamaḥ karūṣaś ca pṛṣadhraś ca navaite munisattamāḥ //
and Nariṣyanta the sixth, Prāṃśu, and Riṣṭa the seventh, and Karūṣa and Pṛṣadhra — these nine, O best of sages.
AI translation rendered from the Sanskrit, not a published edition
BrP 7.3
अकरोत् पुत्रकामस् तु मनुर् इष्टिं प्रजापतिः मित्रावरुणयोर् विप्राः पूर्वम् एव महामतिः ॥
akarot putrakāmas tu manur iṣṭiṃ prajāpatiḥ mitrāvaruṇayor viprāḥ pūrvam eva mahāmatiḥ //
Desiring sons, Manu the Prajāpati, O brahmins, that man of great wisdom, first performed a sacrifice to Mitra and Varuṇa,
AI translation rendered from the Sanskrit, not a published edition
BrP 7.4
अनुत्पन्नेषु बहुषु पुत्रेष्व् एतेषु भो द्विजाः तस्यां च वर्तमानायाम् इष्ट्यां च द्विजसत्तमाः ॥
anutpanneṣu bahuṣu putreṣv eteṣu bho dvijāḥ tasyāṃ ca vartamānāyām iṣṭyāṃ ca dvijasattamāḥ //
while these many sons had not yet been born, O twice-born ones; and while that sacrifice was in progress, O best of the twice-born,
AI translation rendered from the Sanskrit, not a published edition
BrP 7.5
मित्रावरुणयोर् अंशे मनुर् आहुतिम् आवहत् तत्र दिव्याम्बरधरा दिव्याभरणभूषिता ॥
mitrāvaruṇayor aṃśe manur āhutim āvahat tatra divyāmbaradharā divyābharaṇabhūṣitā //
Manu offered the oblation into the portion of Mitra and Varuṇa. Thereupon, wearing divine garments, adorned with divine ornaments,
AI translation rendered from the Sanskrit, not a published edition
BrP 7.6
दिव्यसंहनना चैव इला जज्ञ इति श्रुतिः ताम् इलेत्य् एव होवाच मनुर् दण्डधरस् तदा ॥
divyasaṃhananā caiva ilā jajña iti śrutiḥ tām ilety eva hovāca manur daṇḍadharas tadā //
and of divine frame, Ilā was born — so says the sacred tradition. Then Manu, the wielder of the rod, addressed her as "Ilā":
AI translation rendered from the Sanskrit, not a published edition
BrP 7.7
अनुगच्छस्व मां भद्रे तम् इला प्रत्युवाच ह धर्मयुक्तम् इदं वाक्यं पुत्रकामं प्रजापतिम् ॥
anugacchasva māṃ bhadre tam ilā pratyuvāca ha dharmayuktam idaṃ vākyaṃ putrakāmaṃ prajāpatim //
"Follow me, good lady." Ilā replied to him, to the Prajāpati who desired sons, with this speech in accord with dharma:
AI translation rendered from the Sanskrit, not a published edition
BrP 7.8
मित्रावरुणयोर् अंशे जातास्मि वदतां वर तयोः सकाशं यास्यामि न मां धर्महतां कुरु ॥
mitrāvaruṇayor aṃśe jātāsmi vadatāṃ vara tayoḥ sakāśaṃ yāsyāmi na māṃ dharmahatāṃ kuru //
"I was born as the portion of Mitra and Varuṇa, O best of speakers; I will go into their presence. Do not make me one whose duty is destroyed."
AI translation rendered from the Sanskrit, not a published edition
BrP 7.9
सैवम् उक्त्वा मनुं देवं मित्रावरुणयोर् इला गत्वान्तिकं वरारोहा प्राञ्जलिर् वाक्यम् अब्रवीत् ॥
saivam uktvā manuṃ devaṃ mitrāvaruṇayor ilā gatvāntikaṃ varārohā prāñjalir vākyam abravīt //
Having spoken thus to the god Manu, Ilā of lovely hips went into the presence of Mitra and Varuṇa and, with folded hands, spoke these words:
AI translation rendered from the Sanskrit, not a published edition
BrP 7.10
अंशे ऽस्मि युवयोर् जाता देवौ किं करवाणि वाम् मनुना चाहम् उक्ता वाऐ अनुगच्छस्व माम् इति ॥
aṃśe 'smi yuvayor jātā devau kiṃ karavāṇi vām manunā cāham uktā vāai anugacchasva mām iti //
"I am born as the portion of you two, O gods; what shall I do for you? And I have been told by Manu, 'Follow after me.'"
AI translation rendered from the Sanskrit, not a published edition
BrP 7.11
तौ तथावादिनीं साध्वीम् इलां धर्मपरायणाम् मित्रश् च वरुणश् चोभाव् ऊचतुस् तां द्विजोत्तमाः ॥
tau tathāvādinīṃ sādhvīm ilāṃ dharmaparāyaṇām mitraś ca varuṇaś cobhāv ūcatus tāṃ dvijottamāḥ //
To her, the virtuous Ilā, devoted to dharma, who spoke thus, both Mitra and Varuṇa said, O best of the twice-born:
AI translation rendered from the Sanskrit, not a published edition
BrP 7.12
अनेन तव धर्मेण प्रश्रयेण दमेन च सत्येन चैव सुश्रोणि प्रीतौ स्वो वरवर्णिनि ॥
anena tava dharmeṇa praśrayeṇa damena ca satyena caiva suśroṇi prītau svo varavarṇini //
"By this dharma of yours, by your modesty and self-restraint, and by your truthfulness, O fair-hipped one, we two are pleased, O you of excellent complexion.
AI translation rendered from the Sanskrit, not a published edition
BrP 7.13
आवयोस् त्वं महाभागे ख्यातिं कन्येति यास्यसि ॥
āvayos tvaṃ mahābhāge khyātiṃ kanyeti yāsyasi //
"You, greatly fortunate one, will be renowned as the daughter of us two.
AI translation rendered from the Sanskrit, not a published edition
BrP 7.14
मनोर् वंशकरः पुत्रस् त्वम् एव च भविष्यसि सुद्युम्न इति विख्यातस् त्रिषु लोकेषु शोभने ॥
manor vaṃśakaraḥ putras tvam eva ca bhaviṣyasi sudyumna iti vikhyātas triṣu lokeṣu śobhane //
"And you yourself shall become the son who continues Manu's line, renowned in the three worlds as Sudyumna, O lovely one,
AI translation rendered from the Sanskrit, not a published edition
BrP 7.15
जगत्प्रियो धर्मशीलो मनोर् वंशविवर्धनः निवृत्ता सा तु तच् छ्रुत्वा गच्छन्ती पितुर् अन्तिकात् ॥
jagatpriyo dharmaśīlo manor vaṃśavivardhanaḥ nivṛttā sā tu tac chrutvā gacchantī pitur antikāt //
"dear to the world, of righteous conduct, the increaser of Manu's lineage." Hearing that, she turned back, going from her father's presence.
AI translation rendered from the Sanskrit, not a published edition
BrP 7.16
बुधेनान्तरम् आसाद्य मैथुनायोपमन्त्रिता सोमपुत्राद् बुधाद् विप्रास् तस्यां जज्ञे पुरूरवाः ॥
budhenāntaram āsādya maithunāyopamantritā somaputrād budhād viprās tasyāṃ jajñe purūravāḥ //
Budha, finding an opportunity, invited her to intercourse; from Budha, the son of Soma, O brahmins, Purūravas was born of her.
AI translation rendered from the Sanskrit, not a published edition
BrP 7.17
जनयित्वा ततः सा तम् इला सुद्युम्नतां गता सुद्युम्नस्य तु दायादास् त्रयः परमधार्मिकाः ॥
janayitvā tataḥ sā tam ilā sudyumnatāṃ gatā sudyumnasya tu dāyādās trayaḥ paramadhārmikāḥ //
Then, having given birth to him, that Ilā attained the state of Sudyumna. Sudyumna had three heirs, supremely righteous:
AI translation rendered from the Sanskrit, not a published edition
BrP 7.18
उत्कलश् च गयश् चैव विनताश्वश् च भो द्विजाः उत्कलस्योत्कला विप्रा विनताश्वस्य पश्चिमाः ॥
utkalaś ca gayaś caiva vinatāśvaś ca bho dvijāḥ utkalasyotkalā viprā vinatāśvasya paścimāḥ //
Utkala, Gaya, and Vinatāśva, O twice-born. Utkala's are the Utkalas, O brahmins; Vinatāśva's are the western (regions),
AI translation rendered from the Sanskrit, not a published edition
BrP 7.19
दिक् पूर्वा मुनिशार्दूला गयस्य तु गया स्मृता प्रविष्टे तु मनौ विप्रा दिवाकरम् अरिंदमम् ॥
dik pūrvā muniśārdūlā gayasya tu gayā smṛtā praviṣṭe tu manau viprā divākaram ariṃdamam //
the eastern quarter, O tigers among sages; and Gayā is recorded as Gaya's. But when Manu, O brahmins, had entered into the sun, the subduer of foes,
AI translation rendered from the Sanskrit, not a published edition
BrP 7.20
दशधा तत् पुनः क्षत्रम् अकरोत् पृथिवीम् इमाम् इक्ष्वाकुर् ज्येष्ठदायादो मध्यदेशम् अवाप्तवान् ॥
daśadhā tat punaḥ kṣatram akarot pṛthivīm imām ikṣvākur jyeṣṭhadāyādo madhyadeśam avāptavān //
that warrior class then made this earth tenfold; Ikṣvāku, the eldest heir, obtained the Middle Country.
AI translation rendered from the Sanskrit, not a published edition
BrP 7.21
कन्याभावात् तु सुद्युम्नो नैतद् राज्यम् अवाप्तवान् वसिष्ठवचनात् त्व् आसीत् प्रतिष्ठाने महात्मनः ॥
kanyābhāvāt tu sudyumno naitad rājyam avāptavān vasiṣṭhavacanāt tv āsīt pratiṣṭhāne mahātmanaḥ //
But Sudyumna, because of (his former) state as a girl, did not obtain this kingdom; yet by the word of Vasiṣṭha the great-souled one had (a realm) at Pratiṣṭhāna.
AI translation rendered from the Sanskrit, not a published edition
BrP 7.22
प्रतिष्ठा धर्मराजस्य सुद्युम्नस्य द्विजोत्तमाः तत् पुरूरवसे प्रादाद् राज्यं प्राप्य महायशाः ॥
pratiṣṭhā dharmarājasya sudyumnasya dvijottamāḥ tat purūravase prādād rājyaṃ prāpya mahāyaśāḥ //
Pratiṣṭhā belonged to the righteous king Sudyumna, O best of the twice-born; having obtained that kingdom, the greatly renowned one gave it to Purūravas.
AI translation rendered from the Sanskrit, not a published edition
BrP 7.23
मानवेयो मुनिश्रेष्ठाः स्त्रीपुंसोर् लक्षणैर् युतः धृतवांस् ताम् इलेत्य् एवं सुद्युम्नेति च विश्रुतः ॥
mānaveyo muniśreṣṭhāḥ strīpuṃsor lakṣaṇair yutaḥ dhṛtavāṃs tām ilety evaṃ sudyumneti ca viśrutaḥ //
The son of Manu, O best of sages, endowed with the marks of both woman and man, bore that (double nature), and so was known both as Ilā and as Sudyumna.
AI translation rendered from the Sanskrit, not a published edition
BrP 7.24
नारिष्यन्ताः शकाः पुत्रा नाभागस्य तु भो द्विजाः अम्बरीषो ऽभवत् पुत्रः पार्थिवर्षभसत्तमः ॥
nāriṣyantāḥ śakāḥ putrā nābhāgasya tu bho dvijāḥ ambarīṣo 'bhavat putraḥ pārthivarṣabhasattamaḥ //
The Śakas were the sons of Nāriṣyanta; and of Nābhāga, O twice-born, the son was Ambarīṣa, the best of bulls among kings.
AI translation rendered from the Sanskrit, not a published edition
BrP 7.25
धृष्टस्य धार्ष्टकं क्षत्रं रणदृप्तं बभूव ह करूषस्य च कारूषाः क्षत्रिया युद्धदुर्मदाः ॥
dhṛṣṭasya dhārṣṭakaṃ kṣatraṃ raṇadṛptaṃ babhūva ha karūṣasya ca kārūṣāḥ kṣatriyā yuddhadurmadāḥ //
Of Dhṛṣṭa there came to be the Dhārṣṭaka warrior clan, arrogant in battle; and of Karūṣa the Kārūṣas, kṣatriyas wild with the frenzy of war.
AI translation rendered from the Sanskrit, not a published edition
BrP 7.26
नाभागधृष्टपुत्राश् च क्षत्रिया वैश्यतां गताः प्रांशोर् एको ऽभवत् पुत्रः प्रजापतिर् इति स्मृतः ॥
nābhāgadhṛṣṭaputrāś ca kṣatriyā vaiśyatāṃ gatāḥ prāṃśor eko 'bhavat putraḥ prajāpatir iti smṛtaḥ //
And the sons of Nābhāga and Dhṛṣṭa, kṣatriyas, passed into the vaiśya state. Prāṃśu had one son, remembered by the name Prajāpati.
AI translation rendered from the Sanskrit, not a published edition
BrP 7.27
नरिष्यन्तस्य दायादो राजा दण्डधरो यमः शर्यातेर् मिथुनं त्व् आसीद् आनर्तो नाम विश्रुतः ॥
nariṣyantasya dāyādo rājā daṇḍadharo yamaḥ śaryāter mithunaṃ tv āsīd ānarto nāma viśrutaḥ //
The heir of Nariṣyanta was the king Yama, wielder of the rod. But Śaryāti had twins, (the son) famed by the name Ānarta,
AI translation rendered from the Sanskrit, not a published edition
BrP 7.28
पुत्रः कन्या सुकन्या च या पत्नी च्यवनस्य ह आनर्तस्य तु दायादो रैवो नाम महाद्युतिः ॥
putraḥ kanyā sukanyā ca yā patnī cyavanasya ha ānartasya tu dāyādo raivo nāma mahādyutiḥ //
(He had) a son and a daughter, Sukanyā, who was Cyavana's wife. And Ānarta's heir was named Raiva, of great splendour.
AI translation rendered from the Sanskrit, not a published edition
BrP 7.29
आनर्तविषयश् चैव पुरी चास्य कुशस्थली रैवस्य रैवतः पुत्रः ककुद्मी नाम धार्मिकः ॥
ānartaviṣayaś caiva purī cāsya kuśasthalī raivasya raivataḥ putraḥ kakudmī nāma dhārmikaḥ //
His was the Ānarta country, and his city was Kuśasthalī. Raiva's son was Raivata, named Kakudmī, a righteous man.
AI translation rendered from the Sanskrit, not a published edition
BrP 7.30
ज्येष्ठः पुत्रः स तस्यासीद् राज्यं प्राप्य कुशस्थलीम् स कन्यासहितः श्रुत्वा गान्धर्वं ब्रह्मणो ऽन्तिके ॥
jyeṣṭhaḥ putraḥ sa tasyāsīd rājyaṃ prāpya kuśasthalīm sa kanyāsahitaḥ śrutvā gāndharvaṃ brahmaṇo 'ntike //
He was that (king's) eldest son; having obtained the kingdom (with) Kuśasthalī, he, together with his daughter, listened to gandharva (music) in Brahmā's presence.
AI translation rendered from the Sanskrit, not a published edition
BrP 7.31
मुहूर्तभूतं देवस्य तस्थौ बहुयुगं द्विजाः आजगाम स चैवाथ स्वां पुरीं यादवैर् वृताम् ॥
muhūrtabhūtaṃ devasya tasthau bahuyugaṃ dvijāḥ ājagāma sa caivātha svāṃ purīṃ yādavair vṛtām //
What was but a moment for the god, he stayed for many yugas, O twice-born; and then he came to his own city, (now) occupied by the Yādavas,
AI translation rendered from the Sanskrit, not a published edition
BrP 7.32
कृतां द्वारवतीं नाम बहुद्वारां मनोरमाम् भोजवृष्ण्यन्धकैर् गुप्तां वसुदेवपुरोगमैः ॥
kṛtāṃ dvāravatīṃ nāma bahudvārāṃ manoramām bhojavṛṣṇyandhakair guptāṃ vasudevapurogamaiḥ //
(the city) made (anew) named Dvāravatī, with many gates, delightful, guarded by the Bhojas, Vṛṣṇis and Andhakas with Vasudeva at their head.
AI translation rendered from the Sanskrit, not a published edition
BrP 7.33
तत्रैव रैवतो ज्ञात्वा यथातत्त्वं द्विजोत्तमाः कन्यां तां बलदेवाय सुभद्रां नाम रेवतीम् ॥
tatraiva raivato jñātvā yathātattvaṃ dvijottamāḥ kanyāṃ tāṃ baladevāya subhadrāṃ nāma revatīm //
There itself Raivata, having learned how things truly stood, O best of the twice-born, (gave) that daughter of his, Revatī named Subhadrā, to Baladeva;
AI translation rendered from the Sanskrit, not a published edition
BrP 7.34
दत्त्वा जगाम शिखरं मेरोस् तपसि संस्थितः रेमे रामो ऽपि धर्मात्मा रेवत्या सहितः सुखी ॥
dattvā jagāma śikharaṃ meros tapasi saṃsthitaḥ reme rāmo 'pi dharmātmā revatyā sahitaḥ sukhī //
and having given (her), he went to the peak of Meru, established in ascetic practice. Rāma too, righteous of soul, took his pleasure happily together with Revatī.
AI translation rendered from the Sanskrit, not a published edition
BrP 7.35
कथं बहुयुगे काले समतीते महामते न जरा रेवतीं प्राप्ता रैवतं च ककुद्मिनम् ॥
kathaṃ bahuyuge kāle samatīte mahāmate na jarā revatīṃ prāptā raivataṃ ca kakudminam //
How is it, great-minded one, that when a time of many yugas had wholly passed, old age did not reach Revatī, nor Raivata Kakudmī?
AI translation rendered from the Sanskrit, not a published edition
BrP 7.36
मेरुं गतस्य वा तस्य शर्यातेः संततिः कथम् स्थिता पृथिव्याम् अद्यापि श्रोतुम् इच्छाम तत्त्वतः ॥
meruṃ gatasya vā tasya śaryāteḥ saṃtatiḥ katham sthitā pṛthivyām adyāpi śrotum icchāma tattvataḥ //
And how did the lineage of that Śaryāti, who had gone to Meru, remain on earth even today? We wish to hear it as it truly is.
AI translation rendered from the Sanskrit, not a published edition
BrP 7.37
न जरा क्षुत्पिपासा वा न मृत्युर् मुनिसत्तमाः ऋतुचक्रं प्रभवति ब्रह्मलोके सदानघाः ककुद्मिनः स्वर्लोकं तु रैवतस्य गतस्य ह ॥
na jarā kṣutpipāsā vā na mṛtyur munisattamāḥ ṛtucakraṃ prabhavati brahmaloke sadānaghāḥ kakudminaḥ svarlokaṃ tu raivatasya gatasya ha //
There is no old age, nor hunger and thirst, nor death, O best of sages; the wheel of the seasons has no power in the world of Brahmā, ever, O sinless ones. But when Kakudmī Raivata had gone to the heavenly world,
AI translation rendered from the Sanskrit, not a published edition
BrP 7.38
हृता पुण्यजनैर् विप्रा राक्षसैः सा कुशस्थली तस्य भ्रातृशतं त्व् आसीद् धार्मिकस्य महात्मनः ॥
hṛtā puṇyajanair viprā rākṣasaiḥ sā kuśasthalī tasya bhrātṛśataṃ tv āsīd dhārmikasya mahātmanaḥ //
that Kuśasthalī was carried off by the Puṇyajanas, the rākṣasas, O brahmins. And that righteous great-souled one had a hundred brothers,
AI translation rendered from the Sanskrit, not a published edition
BrP 7.39
तद् वध्यमानं रक्षोभिर् दिशः प्राक्रामद् अच्युताः विद्रुतस्य च विप्रेन्द्रास् तस्य भ्रातृशतस्य वै ॥
tad vadhyamānaṃ rakṣobhir diśaḥ prākrāmad acyutāḥ vidrutasya ca viprendrās tasya bhrātṛśatasya vai //
who, being slain by the rākṣasas, scattered to (all) the directions, O unfallen ones; and of that hundred brothers who had fled, O chief of brahmins,
AI translation rendered from the Sanskrit, not a published edition
BrP 7.40
अन्ववायस् तु सुमहांस् तत्र तत्र द्विजोत्तमाः तेषां ह्य् एते मुनिश्रेष्ठाः शर्याता इति विश्रुताः ॥
anvavāyas tu sumahāṃs tatra tatra dvijottamāḥ teṣāṃ hy ete muniśreṣṭhāḥ śaryātā iti viśrutāḥ //
there was a very great progeny here and there, O best of the twice-born; and of these, O foremost sages, are those known as the Śaryātas,
AI translation rendered from the Sanskrit, not a published edition
BrP 7.41
क्षत्रिया गुणसंपन्ना दिक्षु सर्वासु विश्रुताः शर्वशः सर्वगहनं प्रविष्टास् ते महौजसः ॥
kṣatriyā guṇasaṃpannā dikṣu sarvāsu viśrutāḥ śarvaśaḥ sarvagahanaṃ praviṣṭās te mahaujasaḥ //
kṣatriyas endowed with good qualities, renowned in all the directions; those men of great vigour entered every thicket in every way.
AI translation rendered from the Sanskrit, not a published edition
BrP 7.42
नाभागरिष्टपुत्रौ द्वौ वैश्यौ ब्राह्मणतां गतौ करूषस्य तु कारूषाः क्षत्रिया युद्धदुर्मदाः ॥
nābhāgariṣṭaputrau dvau vaiśyau brāhmaṇatāṃ gatau karūṣasya tu kārūṣāḥ kṣatriyā yuddhadurmadāḥ //
The two sons of Nābhāga and Ariṣṭa, both vaiśyas, attained brahmin status; but from Karūṣa came the Kārūṣas, kṣatriyas maddened for battle.
AI translation rendered from the Sanskrit, not a published edition
BrP 7.43
पृषध्रो हिंसयित्वा तु गुरोर् गां द्विजसत्तमाः शापाच् छूद्रत्वम् आपन्नो नवैते परिकीर्तिताः ॥
pṛṣadhro hiṃsayitvā tu guror gāṃ dvijasattamāḥ śāpāc chūdratvam āpanno navaite parikīrtitāḥ //
But Pṛṣadhra, having caused the killing of his teacher's cow, O best of the twice-born, fell to śūdra status through a curse. These nine have been recounted,
AI translation rendered from the Sanskrit, not a published edition
BrP 7.44
वैवस्वतस्य तनया मुनेर् वै मुनिसत्तमाः क्षुवतस् तु मनोर् विप्रा इक्ष्वाकुर् अभवत् सुतः ॥
vaivasvatasya tanayā muner vai munisattamāḥ kṣuvatas tu manor viprā ikṣvākur abhavat sutaḥ //
the sons of Vaivasvata the sage, O best of sages; and when Manu sneezed, O brahmins, Ikṣvāku was born as (his) son.
AI translation rendered from the Sanskrit, not a published edition — the model flagged this verse as uncertain
BrP 7.45
तस्य पुत्रशतं त्व् आसीद् इक्ष्वाकोर् भूरिदक्षिणम् तेषां विकुक्षिर् ज्येष्ठस् तु विकुक्षित्वाद् अयोधताम् ॥
tasya putraśataṃ tv āsīd ikṣvākor bhūridakṣiṇam teṣāṃ vikukṣir jyeṣṭhas tu vikukṣitvād ayodhatām //
That Ikṣvāku, giver of abundant sacrificial fees, had a hundred sons; among them Vikukṣi was the eldest, and because of being Vikukṣi he... (fought?)
AI translation rendered from the Sanskrit, not a published edition — the model flagged this verse as uncertain
BrP 7.46
प्राप्तः परमधर्मज्ञ सो ऽयोध्याधिपतिः प्रभुः शकुनिप्रमुखास् तस्य पुत्राः पञ्चशतं स्मृताः ॥
prāptaḥ paramadharmajña so 'yodhyādhipatiḥ prabhuḥ śakunipramukhās tasya putrāḥ pañcaśataṃ smṛtāḥ //
He, the lord, knower of the highest dharma, became the ruler of Ayodhyā. His sons, five hundred, headed by Śakuni, are remembered
AI translation rendered from the Sanskrit, not a published edition
BrP 7.47
उत्तरापथदेशस्य रक्षितारो महाबलाः चत्वारिंशद् दशाष्टौ च दक्षिणस्यां तथा दिशि ॥
uttarāpathadeśasya rakṣitāro mahābalāḥ catvāriṃśad daśāṣṭau ca dakṣiṇasyāṃ tathā diśi //
as the protectors of the northern region, of great strength; and likewise forty, ten and eight (of them) in the southern quarter
AI translation rendered from the Sanskrit, not a published edition
BrP 7.48
वशातिप्रमुखाश् चान्ये रक्षितारो द्विजोत्तमाः इक्ष्वाकुस् तु विकुक्षिं वाऐ अष्टकायाम् अथादिशत् ॥
vaśātipramukhāś cānye rakṣitāro dvijottamāḥ ikṣvākus tu vikukṣiṃ vāai aṣṭakāyām athādiśat //
And others, headed by the Vaśātis, best of the twice-born, were the protectors. Now Ikṣvāku gave a command to Vikukṣi at the Aṣṭakā rite:
AI translation rendered from the Sanskrit, not a published edition — the model flagged this verse as uncertain
BrP 7.49
मांसम् आनय श्राद्धार्थं मृगान् हत्वा महाबल श्राद्धकर्मणि चोद्दिष्टो अकृते श्राद्धकर्मणि ॥
māṃsam ānaya śrāddhārthaṃ mṛgān hatvā mahābala śrāddhakarmaṇi coddiṣṭo akṛte śrāddhakarmaṇi //
"Bring meat for the śrāddha, having killed deer, O mighty one!" And he was instructed regarding the śrāddha rite, while the śrāddha rite was still unperformed.
AI translation rendered from the Sanskrit, not a published edition — the model flagged this verse as uncertain
BrP 7.50
भक्षयित्वा शशं विप्राः शशादो मृगयां गतः इक्ष्वाकुणा परित्यक्तो वसिष्ठवचनात् प्रभुः ॥
bhakṣayitvā śaśaṃ viprāḥ śaśādo mṛgayāṃ gataḥ ikṣvākuṇā parityakto vasiṣṭhavacanāt prabhuḥ //
Having eaten a hare, O brahmins, Śaśāda went off to the hunt; the lord was abandoned by Ikṣvāku at Vasiṣṭha's word.
AI translation rendered from the Sanskrit, not a published edition
BrP 7.51
इक्ष्वाकौ संस्थिते विप्राः शशादस् तु नृपो ऽभवत् शशादस्य तु दायादः ककुत्स्थो नाम वीर्यवान् ॥
ikṣvākau saṃsthite viprāḥ śaśādas tu nṛpo 'bhavat śaśādasya tu dāyādaḥ kakutstho nāma vīryavān //
When Ikṣvāku had died, O brahmins, Śaśāda became king; and Śaśāda's heir was the valiant one named Kakutstha.
AI translation rendered from the Sanskrit, not a published edition
BrP 7.52
अनेनास् तु ककुत्स्थस्य पृथुश् चानेनसः स्मृतः विष्टराश्वः पृथोः पुत्रस् तस्माद् आर्द्रस् त्व् अजायत ॥
anenās tu kakutsthasya pṛthuś cānenasaḥ smṛtaḥ viṣṭarāśvaḥ pṛthoḥ putras tasmād ārdras tv ajāyata //
Kakutstha's (son) was Anenas, and Pṛthu is recorded as Anenas's (son); Viṣṭarāśva was Pṛthu's son, and from him Ārdra was born.
AI translation rendered from the Sanskrit, not a published edition
BrP 7.53
आर्द्रस् तु युवनाश्वस् तु श्रावस्तस् तत्सुतो द्विजाः जज्ञे श्रावस्तको राजा श्रावस्ती येन निर्मिता ॥
ārdras tu yuvanāśvas tu śrāvastas tatsuto dvijāḥ jajñe śrāvastako rājā śrāvastī yena nirmitā //
From Ārdra (came) Yuvanāśva, and his son was Śrāvasta, O twice-born; King Śrāvastaka was born, by whom Śrāvastī was built.
AI translation rendered from the Sanskrit, not a published edition
BrP 7.54
श्रावस्तस्य तु दायादो बृहदश्वो महीपतिः कुवलाश्वः सुतस् तस्य राजा परमधार्मिकः ॥
śrāvastasya tu dāyādo bṛhadaśvo mahīpatiḥ kuvalāśvaḥ sutas tasya rājā paramadhārmikaḥ //
Śrāvasta's heir was Bṛhadaśva, lord of the earth; his son was King Kuvalāśva, supremely righteous.
AI translation rendered from the Sanskrit, not a published edition
BrP 7.55
यः स धुन्धुवधाद् राजा धुन्धुमारत्वम् आगतः ॥
yaḥ sa dhundhuvadhād rājā dhundhumāratvam āgataḥ //
He was the king who, from the slaying of Dhundhu, attained (the name) Dhundhumāra.
AI translation rendered from the Sanskrit, not a published edition
BrP 7.56
धुन्धोर् वधं महाप्राज्ञ श्रोतुम् इच्छाम तत्त्वतः यद्वधात् कुवलाश्वो ऽसौ धुन्धुमारत्वम् आगतः ॥
dhundhor vadhaṃ mahāprājña śrotum icchāma tattvataḥ yadvadhāt kuvalāśvo 'sau dhundhumāratvam āgataḥ //
"We wish to hear, O greatly wise one, the slaying of Dhundhu as it truly was, by whose slaying that Kuvalāśva attained (the name) Dhundhumāra."
AI translation rendered from the Sanskrit, not a published edition
BrP 7.57
कुवलाश्वस्य पुत्राणां शतम् उत्तमधन्विनाम् सर्वे विद्यासु निष्णाता बलवन्तो दुरासदाः ॥
kuvalāśvasya putrāṇāṃ śatam uttamadhanvinām sarve vidyāsu niṣṇātā balavanto durāsadāḥ //
Kuvalāśva had a hundred sons, excellent archers; all were versed in the branches of knowledge, strong, hard to approach.
AI translation rendered from the Sanskrit, not a published edition
BrP 7.58
बभूवुर् धार्मिकाः सर्वे यज्वानो भूरिदक्षिणाः कुवलाश्वं पिता राज्ये बृहदश्वो न्ययोजयत् ॥
babhūvur dhārmikāḥ sarve yajvāno bhūridakṣiṇāḥ kuvalāśvaṃ pitā rājye bṛhadaśvo nyayojayat //
They were all righteous, performers of sacrifices with abundant gifts to the priests. The father, Bṛhadaśva, installed Kuvalāśva in the kingship.
AI translation rendered from the Sanskrit, not a published edition
BrP 7.59
पुत्रसंक्रामितश्रीस् तु वनं राजा विवेश ह तम् उत्तङ्को ऽथ विप्रर्षिः प्रयान्तं प्रत्यवारयत् ॥
putrasaṃkrāmitaśrīs tu vanaṃ rājā viveśa ha tam uttaṅko 'tha viprarṣiḥ prayāntaṃ pratyavārayat //
Having transferred his royal fortune to his son, the king entered the forest; but as he was setting out, the brahmin seer Uttaṅka held him back.
AI translation rendered from the Sanskrit, not a published edition
BrP 7.60
भवता रक्षणं कार्यं तच् च कर्तुं त्वम् अर्हसि निरुद्विग्नस् तपश् चर्तुं नहि शक्नोमि पार्थिव ॥
bhavatā rakṣaṇaṃ kāryaṃ tac ca kartuṃ tvam arhasi nirudvignas tapaś cartuṃ nahi śaknomi pārthiva //
"Protection must be given by you, and you are the one fit to give it; for I am unable to practise asceticism undisturbed, O prince.
AI translation rendered from the Sanskrit, not a published edition
BrP 7.61
ममाश्रमसमीपे वै समेषु मरुधन्वसु समुद्रो वालुकापूर्ण उद्दालक इति स्मृतः ॥
mamāśramasamīpe vai sameṣu marudhanvasu samudro vālukāpūrṇa uddālaka iti smṛtaḥ //
Indeed near my hermitage, on the level desert plains, there is a sea filled with sand, known as Uddālaka.
AI translation rendered from the Sanskrit, not a published edition
BrP 7.62
देवतानाम् अवध्यश् च महाकायो महाबलः अन्तर्भूमिगतस् तत्र वालुकान्तर्हितो महान् ॥
devatānām avadhyaś ca mahākāyo mahābalaḥ antarbhūmigatas tatra vālukāntarhito mahān //
And there, unslayable by the gods, huge in body, of great strength, a great (being) lies inside the earth, hidden within the sand—
AI translation rendered from the Sanskrit, not a published edition
BrP 7.63
राक्षसस्य मधोः पुत्रो धुन्धुर् नाम महासुरः शेते लोकविनाशाय तप आस्थाय दारुणम् ॥
rākṣasasya madhoḥ putro dhundhur nāma mahāsuraḥ śete lokavināśāya tapa āsthāya dāruṇam //
the son of the rākṣasa Madhu, the great asura named Dhundhu; he lies there to destroy the worlds, having undertaken terrible austerity.
AI translation rendered from the Sanskrit, not a published edition
BrP 7.64
संवत्सरस्य पर्यन्ते स निश्वासं विमुञ्चति यदा तदा मही तत्र चलति स्म नराधिप ॥
saṃvatsarasya paryante sa niśvāsaṃ vimuñcati yadā tadā mahī tatra calati sma narādhipa //
At the end of a year he releases his breath; and when he does, then the earth there shakes, O ruler of men.
AI translation rendered from the Sanskrit, not a published edition
BrP 7.65
तस्य निःश्वासवातेन रज उद्धूयते महत् आदित्यपथम् आवृत्य सप्ताहं भूमिकम्पनम् ॥
tasya niḥśvāsavātena raja uddhūyate mahat ādityapatham āvṛtya saptāhaṃ bhūmikampanam //
By the wind of his breathing a great dust is thrown up, covering the sun's path, and for seven days there is an earthquake—
AI translation rendered from the Sanskrit, not a published edition
BrP 7.66
सविस्फुलिङ्गं साङ्गारं सधूमम् अतिदारुणम् तेन तात न शक्नोमि तस्मिन् स्थातुं स्व आश्रमे ॥
savisphuliṅgaṃ sāṅgāraṃ sadhūmam atidāruṇam tena tāta na śaknomi tasmin sthātuṃ sva āśrame //
(the dust) with sparks, with embers, with smoke, exceedingly terrible. Because of that, my son, I cannot remain there in my own hermitage.
AI translation rendered from the Sanskrit, not a published edition
BrP 7.67
तं मारय महाकायं लोकानां हितकाम्यया लोकाः स्वस्था भवन्त्य् अद्य तस्मिन् विनिहते त्वया ॥
taṃ māraya mahākāyaṃ lokānāṃ hitakāmyayā lokāḥ svasthā bhavanty adya tasmin vinihate tvayā //
Kill that huge-bodied one, out of desire for the welfare of the worlds; when he has been slain by you, the worlds will at once be at ease.
AI translation rendered from the Sanskrit, not a published edition
BrP 7.68
त्वं हि तस्य वधायैकः समर्थः पृथिवीपते विष्णुना च वरो दत्तो मह्यं पूर्वयुगे नृप ॥
tvaṃ hi tasya vadhāyaikaḥ samarthaḥ pṛthivīpate viṣṇunā ca varo datto mahyaṃ pūrvayuge nṛpa //
For you alone are capable of slaying him, lord of the earth; and a boon was granted to me by Viṣṇu in a former age, O king.
AI translation rendered from the Sanskrit, not a published edition
BrP 7.69
यस् तं महासुरं रौद्रं हनिष्यति महाबलम् तस्य त्वं वरदानेन तेजश् चाख्यापयिष्यसि ॥
yas taṃ mahāsuraṃ raudraṃ haniṣyati mahābalam tasya tvaṃ varadānena tejaś cākhyāpayiṣyasi //
"Whoever shall slay that fierce, mighty great demon — his splendour you shall make known by the granting of a boon."
AI translation rendered from the Sanskrit, not a published edition
BrP 7.70
नहि धुन्धुर् महातेजास् तेजसाल्पेन शक्यते निर्दग्धुं पृथिवीपाल चिरं युगशतैर् अपि ॥
nahi dhundhur mahātejās tejasālpena śakyate nirdagdhuṃ pṛthivīpāla ciraṃ yugaśatair api //
For Dhundhu, of great fiery power, cannot be burnt up by a small power, O protector of the earth, even for long, even in hundreds of ages.
AI translation rendered from the Sanskrit, not a published edition
BrP 7.71
वीर्यं च सुमहत् तस्य देवैर् अपि दुरासदम् स एवम् उक्तो राजर्षिर् उत्तङ्केन महात्मना कुवलाश्वं सुतं प्रादात् तस्मै धुन्धुनिबर्हणे ॥
vīryaṃ ca sumahat tasya devair api durāsadam sa evam ukto rājarṣir uttaṅkena mahātmanā kuvalāśvaṃ sutaṃ prādāt tasmai dhundhunibarhaṇe //
And his valour is very great, hard to withstand even for the gods. Thus addressed by the great-souled Uttaṅka, the royal sage gave over his son Kuvalāśva to him for the destruction of Dhundhu.
AI translation rendered from the Sanskrit, not a published edition
BrP 7.72
भगवन् न्यस्तशस्त्रो ऽहम् अयं तु तनयो मम भविष्यति द्विजश्रेष्ठ धुन्धुमारो न संशयः ॥
bhagavan nyastaśastro 'ham ayaṃ tu tanayo mama bhaviṣyati dvijaśreṣṭha dhundhumāro na saṃśayaḥ //
"Reverend sir, I have laid down my weapons; but this son of mine, O best of the twice-born, shall be the slayer of Dhundhu — there is no doubt."
AI translation rendered from the Sanskrit, not a published edition
BrP 7.73
स तं व्यादिश्य तनयं राजर्षिर् धुन्धुमारणे जगाम पर्वतायैव नृपतिः संशितव्रतः ॥
sa taṃ vyādiśya tanayaṃ rājarṣir dhundhumāraṇe jagāma parvatāyaiva nṛpatiḥ saṃśitavrataḥ //
Having so appointed his son to the killing of Dhundhu, that royal sage, the king of firm vows, went to the mountain.
AI translation rendered from the Sanskrit, not a published edition
BrP 7.74
कुवलाश्वस् तु पुत्राणां शतेन सह भो द्विजाः प्रायाद् उत्तङ्कसहितो धुन्धोस् तस्य निबर्हणे ॥
kuvalāśvas tu putrāṇāṃ śatena saha bho dvijāḥ prāyād uttaṅkasahito dhundhos tasya nibarhaṇe //
But Kuvalāśva, together with his hundred sons, O twice-born ones, set out accompanied by Uttaṅka for the destruction of that Dhundhu.
AI translation rendered from the Sanskrit, not a published edition
BrP 7.75
तम् आविशत् तदा विष्णुस् तेजसा भगवान् प्रभुः उत्तङ्कस्य नियोगाद् वै लोकानां हितकाम्यया ॥
tam āviśat tadā viṣṇus tejasā bhagavān prabhuḥ uttaṅkasya niyogād vai lokānāṃ hitakāmyayā //
Then the lord Viṣṇu, the mighty one, entered into him with his fiery power, at Uttaṅka's bidding, out of desire for the welfare of the worlds.
AI translation rendered from the Sanskrit, not a published edition
BrP 7.76
तस्मिन् प्रयाते दुर्धर्षे दिवि शब्दो महान् अभूत् एष श्रीमान् अवध्यो ऽद्य धुन्धुमारो भविष्यति ॥
tasmin prayāte durdharṣe divi śabdo mahān abhūt eṣa śrīmān avadhyo 'dya dhundhumāro bhaviṣyati //
When that unassailable one had set out, a great sound arose in heaven: "This glorious one is today invincible; he shall be the slayer of Dhundhu."
AI translation rendered from the Sanskrit, not a published edition
BrP 7.77
दिव्यैर् गन्धैश् च माल्यैश् च तं देवाः समवाकिरन् देवदुन्दुभयश् चैव प्रणेदुर् द्विजसत्तमाः ॥
divyair gandhaiś ca mālyaiś ca taṃ devāḥ samavākiran devadundubhayaś caiva praṇedur dvijasattamāḥ //
The gods showered him with divine perfumes and garlands, and the drums of the gods resounded, O best of the twice-born.
AI translation rendered from the Sanskrit, not a published edition
BrP 7.78
स गत्वा जयतां श्रेष्ठस् तनयैः सह वीर्यवान् समुद्रं खानयाम् आस वालुकान्तरम् अव्ययम् ॥
sa gatvā jayatāṃ śreṣṭhas tanayaiḥ saha vīryavān samudraṃ khānayām āsa vālukāntaram avyayam //
Having gone there, that valorous best of victors, together with his sons, had the ocean dug out — the imperishable expanse within the sand.
AI translation rendered from the Sanskrit, not a published edition — the model flagged this verse as uncertain
BrP 7.79
तस्य पुत्रैः खनद्भिश् च वालुकान्तर्हितस् तदा धुन्धुर् आसादितो विप्रा दिशम् आवृत्य पश्चिमाम् ॥
tasya putraiḥ khanadbhiś ca vālukāntarhitas tadā dhundhur āsādito viprā diśam āvṛtya paścimām //
Then, as his sons were digging, Dhundhu, hidden within the sand, was come upon, O brahmins, having occupied the western quarter.
AI translation rendered from the Sanskrit, not a published edition
BrP 7.80
मुखजेनाग्निना क्रोधाल् लोकान् उद्वर्तयन्न् इव वारि सुस्राव वेगेन महोदधिर् इवोदये ॥
mukhajenāgninā krodhāl lokān udvartayann iva vāri susrāva vegena mahodadhir ivodaye //
As if consuming the worlds in anger with the fire born of his mouth, he poured forth water with force, like the great ocean at its rising.
AI translation rendered from the Sanskrit, not a published edition
BrP 7.81
सौमस्य मुनिशार्दूला वरोर्मिकलिलो महान् तस्य पुत्रशतं दग्धं त्रिभिर् ऊनं तु रक्षसा ॥
saumasya muniśārdūlā varormikalilo mahān tasya putraśataṃ dagdhaṃ tribhir ūnaṃ tu rakṣasā //
...of the moon('s effect), O tigers among sages, a great mass turbid with high waves; and his hundred sons, less three, were burnt by the demon.
AI translation rendered from the Sanskrit, not a published edition — the model flagged this verse as uncertain
BrP 7.82
ततः स राजा द्युतिमान् राक्षसं तं महाबलम् आससाद महातेजा धुन्धुं धुन्धुविनाशनः ॥
tataḥ sa rājā dyutimān rākṣasaṃ taṃ mahābalam āsasāda mahātejā dhundhuṃ dhundhuvināśanaḥ //
Then that radiant king of great fiery power, the destroyer of Dhundhu, closed upon that mighty demon Dhundhu.
AI translation rendered from the Sanskrit, not a published edition
BrP 7.83
तस्य वारिमयं वेगम् आपीय स नराधिपः योगी योगेन वह्निं च शमयाम् आस वारिणा ॥
tasya vārimayaṃ vegam āpīya sa narādhipaḥ yogī yogena vahniṃ ca śamayām āsa vāriṇā //
Having drunk up his watery torrent, that lord of men, a yogin, by yoga quenched the fire with water.
AI translation rendered from the Sanskrit, not a published edition
BrP 7.84
निहत्य तं महाकायं बलेनोदकराक्षसम् उत्तङ्कं दर्शयाम् आस कृतकर्मा नराधिपः ॥
nihatya taṃ mahākāyaṃ balenodakarākṣasam uttaṅkaṃ darśayām āsa kṛtakarmā narādhipaḥ //
Having slain by his strength that huge-bodied water-demon, the king, his task accomplished, showed himself to Uttaṅka.
AI translation rendered from the Sanskrit, not a published edition
BrP 7.85
उत्तङ्कस् तु वरं प्रादात् तस्मै राज्ञे महात्मने ददौ तस्याक्षयं वित्तं शत्रुभिश् चापराजितम् ॥
uttaṅkas tu varaṃ prādāt tasmai rājñe mahātmane dadau tasyākṣayaṃ vittaṃ śatrubhiś cāparājitam //
And Uttaṅka granted a boon to that great-souled king: he gave him imperishable wealth, unconquered by enemies,
AI translation rendered from the Sanskrit, not a published edition
BrP 7.86
धर्मे रतिं च सततं स्वर्गे वासं तथाक्षयम् पुत्राणां चाक्षयांल् लोकान् स्वर्गे ये रक्षसा हताः ॥
dharme ratiṃ ca satataṃ svarge vāsaṃ tathākṣayam putrāṇāṃ cākṣayāṃl lokān svarge ye rakṣasā hatāḥ //
and constant delight in dharma, and likewise an imperishable dwelling in heaven, and imperishable worlds in heaven for those sons who were slain by the demon.
AI translation rendered from the Sanskrit, not a published edition
BrP 7.87
तस्य पुत्रास् त्रयः शिष्टा दृढाश्वो ज्येष्ठ उच्यते चन्द्राश्वकपिलाश्वौ तु कनीयांसौ कुमारकौ ॥
tasya putrās trayaḥ śiṣṭā dṛḍhāśvo jyeṣṭha ucyate candrāśvakapilāśvau tu kanīyāṃsau kumārakau //
Three of his sons survived: Dṛḍhāśva is said to be the eldest, and Candrāśva and Kapilāśva were the two younger boys.
AI translation rendered from the Sanskrit, not a published edition
BrP 7.88
धौन्धुमारेर् दृढाश्वस्य हर्यश्वश् चात्मजः स्मृतः हर्यश्वस्य निकुम्भो ऽभूत् क्षत्रधर्मरतः सदा ॥
dhaundhumārer dṛḍhāśvasya haryaśvaś cātmajaḥ smṛtaḥ haryaśvasya nikumbho 'bhūt kṣatradharmarataḥ sadā //
Haryaśva is recorded as the son of Dṛḍhāśva, the son of Dhundhumāra; Haryaśva's son was Nikumbha, ever devoted to the duty of a warrior.
AI translation rendered from the Sanskrit, not a published edition
BrP 7.89
संहताश्वो निकुम्भस्य सुतो रणविशारदः अकृशाश्वकृशाश्वौ तु संहताश्वसुतौ द्विजाः ॥
saṃhatāśvo nikumbhasya suto raṇaviśāradaḥ akṛśāśvakṛśāśvau tu saṃhatāśvasutau dvijāḥ //
Nikumbha's son was Saṃhatāśva, skilled in battle; and Akṛśāśva and Kṛśāśva, O twice-born, were the two sons of Saṃhatāśva.
AI translation rendered from the Sanskrit, not a published edition
BrP 7.90
तस्य हैमवती कन्या सतां मता दृषद्वती विख्याता त्रिषु लोकेषु पुत्रश् चास्याः प्रसेनजित् ॥
tasya haimavatī kanyā satāṃ matā dṛṣadvatī vikhyātā triṣu lokeṣu putraś cāsyāḥ prasenajit //
His daughter was Dṛṣadvatī, born of Himavat, esteemed by the good, renowned in the three worlds; and her son was Prasenajit.
AI translation rendered from the Sanskrit, not a published edition
BrP 7.91
लेभे प्रसेनजिद् भार्यां गौरीं नाम पतिव्रताम् अभिशस्ता तु सा भर्त्रा नदी वै बाहुदाभवत् ॥
lebhe prasenajid bhāryāṃ gaurīṃ nāma pativratām abhiśastā tu sā bhartrā nadī vai bāhudābhavat //
Prasenajit obtained as wife a woman named Gaurī, devoted to her husband; but she, being cursed (accused) by her husband, became the river Bāhudā.
AI translation rendered from the Sanskrit, not a published edition
BrP 7.92
तस्य पुत्रो महान् आसीद् युवनाश्वो नराधिपः मान्धाता युवनाश्वस्य त्रिलोकविजयी सुतः ॥
tasya putro mahān āsīd yuvanāśvo narādhipaḥ māndhātā yuvanāśvasya trilokavijayī sutaḥ //
His son was the great Yuvanāśva, ruler of men; Yuvanāśva's son was Māndhātā, conqueror of the three worlds.
AI translation rendered from the Sanskrit, not a published edition
BrP 7.93
तस्य चैत्ररथी भार्या शशबिन्दोः सुताभवत् साध्वी बिन्दुमती नाम रूपेणासदृशी भुवि ॥
tasya caitrarathī bhāryā śaśabindoḥ sutābhavat sādhvī bindumatī nāma rūpeṇāsadṛśī bhuvi //
His wife was the daughter of Śaśabindu, of the Caitraratha line, a virtuous woman named Bindumatī, unmatched on earth in beauty.
AI translation rendered from the Sanskrit, not a published edition
BrP 7.94
पतिव्रता च ज्येष्ठा च भ्रातॄणाम् अयुतस्य वै तस्याम् उत्पादयाम् आस मान्धाता द्वौ सुतौ द्विजाः ॥
pativratā ca jyeṣṭhā ca bhrātṝṇām ayutasya vai tasyām utpādayām āsa māndhātā dvau sutau dvijāḥ //
And she was devoted to her husband and the eldest of ten thousand brothers; on her Māndhātā begot two sons, O twice-born.
AI translation rendered from the Sanskrit, not a published edition
BrP 7.95
पुरुकुत्सं च धर्मज्ञं मुचुकुन्दं च पार्थिवम् पुरुकुत्ससुतस् त्व् आसीत् त्रसदस्युर् महीपतिः ॥
purukutsaṃ ca dharmajñaṃ mucukundaṃ ca pārthivam purukutsasutas tv āsīt trasadasyur mahīpatiḥ //
Purukutsa, who knew dharma, and the king Mucukunda; and Purukutsa's son was the lord of the earth Trasadasyu.
AI translation rendered from the Sanskrit, not a published edition
BrP 7.96
नर्मदायाम् अथोत्पन्नः संभूतस् तस्य चात्मजः संभूतस्य तु दायादस् त्रिधन्वा रिपुमर्दनः ॥
narmadāyām athotpannaḥ saṃbhūtas tasya cātmajaḥ saṃbhūtasya tu dāyādas tridhanvā ripumardanaḥ //
Then Saṃbhūta, his son, was begotten on Narmadā; and Saṃbhūta's heir was Tridhanvā, the crusher of foes.
AI translation rendered from the Sanskrit, not a published edition
BrP 7.97
राज्ञस् त्रिधन्वनस् त्व् आसीद् विद्वांस् त्रय्यारुणः प्रभुः तस्य सत्यव्रतो नाम कुमारो ऽभून् महाबलः ॥
rājñas tridhanvanas tv āsīd vidvāṃs trayyāruṇaḥ prabhuḥ tasya satyavrato nāma kumāro 'bhūn mahābalaḥ //
Of king Tridhanvā there was the learned and mighty Trayyāruṇa; his son was a prince named Satyavrata, of great strength.
AI translation rendered from the Sanskrit, not a published edition
BrP 7.98
परिग्रहणमन्त्राणां विघ्नं चक्रे सुदुर्मतिः येन भार्या कृतोद्वाहा हृता चैव परस्य ह ॥
parigrahaṇamantrāṇāṃ vighnaṃ cakre sudurmatiḥ yena bhāryā kṛtodvāhā hṛtā caiva parasya ha //
That very evil-minded one made an obstruction of the marriage-mantras (of the rite of taking a wife), whereby another's wife, whose wedding had been performed, was carried off.
AI translation rendered from the Sanskrit, not a published edition
BrP 7.99
बाल्यात् कामाच् च मोहाच् च साहसाच् चापलेन च जहार कन्यां कामार्तः कस्यचित् पुरवासिनः ॥
bālyāt kāmāc ca mohāc ca sāhasāc cāpalena ca jahāra kanyāṃ kāmārtaḥ kasyacit puravāsinaḥ //
Out of childishness, lust, delusion, rashness and fickleness, tormented by desire, he abducted the daughter of some city-dweller.
AI translation rendered from the Sanskrit, not a published edition
BrP 7.100
अधर्मशङ्कुना तेन तं स त्रय्यारुणो ऽत्यजत् अपध्वंसेति बहुशो वदन् क्रोधसमन्वितः ॥
adharmaśaṅkunā tena taṃ sa trayyāruṇo 'tyajat apadhvaṃseti bahuśo vadan krodhasamanvitaḥ //
For that omen of unrighteousness Trayyāruṇa cast him off, saying again and again, filled with anger, "Get out!"
AI translation rendered from the Sanskrit, not a published edition
BrP 7.101
सो ऽब्रवीत् पितरं त्यक्तः क्व गच्छामीति वै मुहुः पिता च तम् अथोवाच श्वपाकैः सह वर्तय ॥
so 'bravīt pitaraṃ tyaktaḥ kva gacchāmīti vai muhuḥ pitā ca tam athovāca śvapākaiḥ saha vartaya //
Abandoned, he said to his father repeatedly, "Where am I to go?" And the father then said to him, "Live together with the dog-cookers (outcastes)."
AI translation rendered from the Sanskrit, not a published edition
BrP 7.102
नाहं पुत्रेण पुत्रार्थी त्वयाद्य कुलपांसन इत्य् उक्तः स निराक्रामन् नगराद् वचनात् पितुः ॥
nāhaṃ putreṇa putrārthī tvayādya kulapāṃsana ity uktaḥ sa nirākrāman nagarād vacanāt pituḥ //
"I do not want a son in you today as a son, O defiler of the family!" So addressed, he went out from the city at his father's word.
AI translation rendered from the Sanskrit, not a published edition
BrP 7.103
न च तं वारयाम् आस वसिष्ठो भगवान् ऋषिः स तु सत्यव्रतो विप्राः श्वपाकावसथान्तिके ॥
na ca taṃ vārayām āsa vasiṣṭho bhagavān ṛṣiḥ sa tu satyavrato viprāḥ śvapākāvasathāntike //
And Vasiṣṭha, the venerable seer, did not restrain him; and that Satyavrata, O brahmins, (dwelt) near the dwellings of the dog-cookers.
AI translation rendered from the Sanskrit, not a published edition
BrP 7.104
पित्रा त्यक्तो ऽवसद् वीरः पिताप्य् अस्य वनं ययौ ततस् तस्मिंस् तु विषये नावर्षत् पाकशासनः ॥
pitrā tyakto 'vasad vīraḥ pitāpy asya vanaṃ yayau tatas tasmiṃs tu viṣaye nāvarṣat pākaśāsanaḥ //
Abandoned by his father, the hero dwelt (there), and his father too went to the forest; thereafter the chastiser of Pāka (Indra) did not rain in that country.
AI translation rendered from the Sanskrit, not a published edition
BrP 7.105
समा द्वादश भो विप्रास् तेनाधर्मेण वै तदा दारांस् तु तस्य विषये विश्वामित्रो महातपाः ॥
samā dvādaśa bho viprās tenādharmeṇa vai tadā dārāṃs tu tasya viṣaye viśvāmitro mahātapāḥ //
For twelve years, O brahmins, because of that unrighteousness; and in his country Viśvāmitra of great austerity (left) his wife—
AI translation rendered from the Sanskrit, not a published edition
BrP 7.106
संन्यस्य सागरान्ते तु चकार विपुलं तपः तस्य पत्नी गले बद्ध्वा मध्यमं पुत्रम् औरसम् ॥
saṃnyasya sāgarānte tu cakāra vipulaṃ tapaḥ tasya patnī gale baddhvā madhyamaṃ putram aurasam //
having left (her) behind, he performed extensive austerity at the shore of the ocean; and his wife, binding at the neck her middle-born son, her own offspring,
AI translation rendered from the Sanskrit, not a published edition
BrP 7.107
शेषस्य भरणार्थाय व्यक्रीणाद् गोशतेन वै तं च बद्धं गले दृष्ट्वा विक्रयार्थं नृपात्मजः ॥
śeṣasya bharaṇārthāya vyakrīṇād gośatena vai taṃ ca baddhaṃ gale dṛṣṭvā vikrayārthaṃ nṛpātmajaḥ //
sold him for a hundred cows in order to support the rest; and seeing him bound at the neck for the purpose of sale, the king's son—
AI translation rendered from the Sanskrit, not a published edition
BrP 7.108
महर्षिपुत्रं धर्मात्मा मोक्षयाम् आस भो द्विजाः सत्यव्रतो महाबाहुर् भरणं तस्य चाकरोत् ॥
maharṣiputraṃ dharmātmā mokṣayām āsa bho dvijāḥ satyavrato mahābāhur bharaṇaṃ tasya cākarot //
O twice-born ones, the righteous, mighty-armed Satyavrata set free the great sage's son, and provided for his maintenance,
AI translation rendered from the Sanskrit, not a published edition
BrP 7.109
विश्वामित्रस्य तुष्ट्यर्थम् अनुकम्पार्थम् एव च सो ऽभवद् गालवो नाम गले बन्धान् महातपाः महर्षिः कौशिको धीमांस् तेन वीरेण मोक्षितः ॥
viśvāmitrasya tuṣṭyartham anukampārtham eva ca so 'bhavad gālavo nāma gale bandhān mahātapāḥ maharṣiḥ kauśiko dhīmāṃs tena vīreṇa mokṣitaḥ //
both to please Viśvāmitra and out of compassion. That great ascetic came to be called Gālava, from the bonds on his neck; (thus) the wise great sage of Kuśika's line was released by that hero.
AI translation rendered from the Sanskrit, not a published edition